رواية طبيب الروح دكتور عزام الفصل العشرون 20 - بقلم الحساب مغلق

الكاتبة ام النون
عزام : و اجة يوم الرحيل  ....اي اتمنيت اخوية يبقة  محتاجة كلش هو  كبير البيت بعد سفرة صار محمود الكبير و يطبطب علينة  و من استشهد محمود  اتحملت  مسؤلية كبيرة  شدن و ابنهة و همسة و مصطفى صح امي و ابوية موجودين  بس،دائما  الاخ الكبير يكون الة دور و مسؤلية بالبيت  صار ضغط علية كبير وطبيعتي،ما اكدر اعوفهم مقسم وقتي بين وقت قرايتي لان الطبيب لازم يقرة 24ساعة و وقتي وية ااخوتي و شدن و موسى  و الي اموتني بس يطلعون من باب البيت راح تلم غراضهة شدن و ترجع لغرفة محمود
اسماعيل : يلة عزام حبيبي ربي يوفقك و يسعدك و انشوف ولد ولدك
عزام : تسلم يا طيب الله يسمع منك
اسماعيل : ابو الصوف يا ورد ربي يسعدك و يتمملك على خير...و على عرسك ان شاء الله اجي ...حضنتة حبيبي فدوة كبرت
مصطفى : حبيبي اخوية و تاج راسي ربي يرجعك يمنة انت و زوجتك و اطفالك
اسماعيل : هموسة ....يا فصعونة كمشتهة من خدودهة يا رب تتعينين و تزوجين من احسن رجال بالدنيا ....بيوم الي يريدون يخطبوج اظل شهر يمج
همسة : حبيبي سمعو ...ربي يلم شملنة من جديد
اسماعيل:اوووف يمة اوووف و الله مشبعت من ريحتج اريد ابقي راسي بحضنتج وترجعين تقريلي قصص
ام اسماعيل : فدوة لقلبك يمة ....ارجع يمة و استقر هنا ....افتح مكتب و اندورلك دوام حكومي
اسماعيل : دمعت عيني الله كريم يا امي الله كريم
اسماعيل : ظليت اباوع بعيون ابوية و اعرف العتب بيهة
ابوس ايدك انسة و سامحني ...اعرف شكد انت قاسي بس شايل حنية وخوف  علينة
ماكو اب شايلهة
ابو اسماعيل : زين تعرف لان اخاف عليكم اقسي  لمصلحتكم يا ابني
اسماعيل : نزلت بست ايدة
ابو اسماعيل : كافي ابني كوم مسامحك ....الله ليشوفك مذلة ...انت شمعة بيتي
هذا بيتك و جهالك احفادي شوكت متريد باب البيت مفتوح
اسماعيل :الله يخليك خيمة فوك راسنة  الله يسهل
شدن : اتباوسنة اني،و ام جمال و وصتني على عزام شكد ضجت منهة بالبداية بس،فعلا قلبهة طيب و الي بقلبهة على لسانهة
عزام : شلنة الغراض،و وديناهة  للسيارة و قلبي راح يوكف احسة مو من فراك اخوية ...من فراك شدن ما اريدهة تطلع من الغرفة اريد احتويهة اريد اعلقهة بية بس بسبب رغبتي الهة خسرت ثقتهة بية .
بس الشي الي مقويني اعرف هي،هم تبادلني نفس المشاعر ..بس روح محمود محاوطتهة بكل مكان و لازم اصبر وياهة ليحد متطلع من هاي الازمة

اسماعيل : يلة في امان الله ....بروني الذمة احنة بطريق
ابو اسماعيل : مبري الذمة ابني الله يوفقك .
عزام ،:طلعنة بالسيارة
ام جمال : عزام قبل ما انزل ديربالك على شدن ترة تحبك و ربي يوفقكم
تعرف اتمنالك الخير ...و فعلا شدن خير الك
عزام : دمعت عيني....ادعينة ام جمال ....ادعينة
نزلوا فاتوا للمطار ....و اني رحت للمستشفى
شدن : طلعوا و رحت للغرفة ظليت واكفة ما اعرف شسوي مرة اصفط ملابسي و اريد اوديهة لغرفتي و وراهة ارجع لغرفة عزام
اخر شي حضنت مخدة عزام و بديت ابجي كمت احس اذا يظل هيجي،طيب وياية الله راح ياخذة مني لان عزام و محمود مو بشر ملائكة نازلين من السما
و الله العظيم احبك و اريدك ....بس و الله مو بيدي قويت نفسي و لميت غراضي و رجعت لغرفة محمود
همسة : هاي شنو ليش شنو متعاركين ؟
شدن : لا لازم ارجع لغرفتي و نرجع على اتفاقنة ...اريدة يصبر شوية وياية
همسة : بدة يرغبلج مو و يريدج ؟
شدن : ولج اشو صايرة ام لسان ...بعدج زعطوطة
همسة : شنو الصغير هي اختج ازوجت و احنة نفس العمر سولفي ولج ترة احنة صغار البيت مصيبة
شدن : ههههه . اي يريدني مديتحمل ....و بنفس الوقت ميريد يصير شي غصب عني
طيبة اخوتج اتموت ... ما اريد عزام هم  اخسرة
همسة : ليش هيجي تحجين ربي يطي طولت العمر و يشوف  جهال جهالة
شدن : ان شاء الله.....
همسة :اطلعي من هاي المأساة الي انتي،عايشة بيهة ...الحمد لله انتي احسن من غيرج و ربج صح اخذ منج محمود بس عوضج بأنسان بمعنى الكلمة و لتقللين ثقتج برب العالمين لان احنة كل ظرف نمر بي وراهة حكمة و موعظة لازم نستفاد منهة
عزام يعرف انتي راح اتركين الغرفة ؟
شدن:اي اتفقنة ...
همسة : ميخالف ادري صعبة عليج
شدن :تدرين بعد كم يوم سنة على زواجي اني،و محمود الله يرحمة
همسة : اي حبي اعرف ...و لتنسين هسة انتي زوجة عزام
شدن : المن احجيهة بأقل من سنة ازوجت و اترملت و اتزوجت ....ترة عبد اللطيف فتشي
همسة :و الله كلشي يسوي لمصلحتنة و لتتوقعين يخلي احد يتأذة شفتي اخوية سمعو لان عاندة راد يضيع و يضيعنة
و هم هو وكفة على حيلة بس طردة من البيت
شدن : الحمد لله رجعوا اصالحوا

عزام :جنت دأمشى بالمستشفى ..شفت صيدلانية ملبسة ابنهة ملابس كلش،حلوة بس امبينة خياط
هلو ام حسوني شلونج ؟شنو هاي الملابس الحلوة
ام حسن : هاي خياطت بيت جيران المضمد محمد خياطة و حالتهم على كد العيشة و متقبل الا من شغلهة تاخذ فلوس .عجبني هذا القماش،و اطيتة الهة خيطت لحسوني و حتى البنطرون و شلون فيكة اتسوي لاستيك و هو صغير بعدهة مو مال ابقي بشي غالي يدمرة بس من نطلع البسة شي حلو و غالي
عزام ابتسمت :البنية اسمهة هيام هاي الحلوة
ام حسن : اييي كلش،حلوة و حبابة
عزام : همزين زوجتي،و امي،و اختي يريدون يكصرون غراض الهم حتى اوديهم عليهة
ام حسوني :اي خطية خياطهة يجنن
عزام : يلة عيني اترخص دكتور بشير يدك علية اكيد محتاج شي
رحت لدكتور بشير
عزام : السلام عليكم دكتور
بشير :تعال ابني اليوم اريدك اتركز وياية عدنة حالة شوية صعبة ضابط داخلة رصاصة قريب من قلبة و لازم انطلعهة و المستشفى محتركة علمودة
عزام : اوكي دكتور نتوكل على الله ...خلي يجي دكتور حارث هم
بشير : اي دزيت علية ...انت حضر نفسك
عزام :قبل ما ادخل دزيت مسج لشدن ادعيلي داخل عملية صعبة لرجال ضابط
شدن دأرتب بغراضي،و اجاني مسج من عزام قريتة وظليت ادعيلة
عزام : عملية جانت صعبة كلش نسبة نجاحهة عشرة بالمية اتوكلنة على الله  و فعلا بمهارة دكتور بشير كدرنة نطلع الرجال من الموت
.ها دكتور اوكي الوضع
بشير :اي الحمد لله ...هسة عرفتوا شسون حفظتوا خطوات العملية
عزام و حارث :اي،دكتور الحمد لله
عزام ،خلصت العملية ب 3و طلعت حتى مخابرت احد شنو النتيجة
شدن : ظل بالي كلش عليه و هو كال يدك و كلش اتأخر
بس لا الضابط مات و سجنوهم اووف شنو هاي الافكار وين كاعدين ربي احمي الي و لموسى ما عدنة غيرة بعدك الهي
عزام : دخلت للبيت ميت من التعب و الجوع
شدن : هلووو و رحت حضنتة لا اراديا هلكد مخايفة عليه ليش،مخابرت ظل بالي عليك
عزام : فرحت من تصرفهة ....هالدرجة خفتي علية بحيث اجيتي حضنتيني
شدن : اي متت خوف هسة شصار
عزام : لا الحمد لله بعد دكتور بشير نجحت بس حالتة صعبة ...ربي يطي لعمر لخاطر جهالة
شدن : ان شاء الله ....
عزام : اتغدينة و كملنة ...لميتي غراضج ؟
شدن : اي
عزام : هيجي ضايجة مني ..
شدن : انت طبيب و تعرف وضعي،مو سهلة الي مريت بي
عزام :اي صحيح ....و متحمل لان متفهم وضعج
اكلج مو ردتي ملابس اتقصريهة و شغلات اتخيطيهة
شدن : اي صدك ....اني و خالة و همسة
عزام : اكو بنية جيران مضمد ويانة شغلهة كلش حلو ليش ما اخذكم عليهة
شدن ضجت مدري ليش :و انت تندل بيتهم ؟
عزام : اي خطية مرة اامهة كلش اتخربطت و من اتحسنت جان اخوهة مموجود فأني،و محمد وصلناهم
شدن : هااااا و هي ممزوجة ؟
عزام : لا ...حسيت بيهة ضاجت ..حبيت اضوجهة .صدك حلوة هسة من اتشوفهة تتخبلين علية عيونهة زركة و وجهة دائري بيضة ربي يحفظهة
شدن : اتخبلت من يوصفهة و وجهة صار احمر امبين خجل لعد شكد حلوة
اي شكد عمرهة ؟
عزام : ما اعرف بس عشرينية
شدن رفعت حاجبي : هسة اكوللهم و اكولك شوكت نروح
عزام : الخميس اوديكم
شدن :ماشي
رحت كلت لخالة و لهمسة و لمينة الشغلات الي يحتاجلهة تكصير و جان عاجبني،اخيط شغلات لموسى كتلة اخذة ويانة
مرت الايام و اني غيرتي موتتني كل ما اذكر شلون يحجي بيهة صار عندي فضول اشوفهة
و هو رجع مثل قبل هاديء وياية بس من يبجي بالليل موسى يجي يلعبة و اجة يوم الخميس و اخذنة لبيت هيام ام عيون الزرك

عزام : يلة اتفقت وياهم راح نجيهم حضرتوا كلشي
شدن : اي حضرت و عندي قماشات لموسى هم مو كلت تخيط بناطير حلو
عزام : اي على الاقل بالبيت ...ليش،ادمريهم الجدد
و هو بعدة صغير و ديكبر
وصلنا لبيتهم دك الباب طلعت امهة ظليت صافنة هي امهة اجنن بس حالتهم كلش،تعبانة الله يساعدهم
ام هيام : هلو خالة ..شلونك ابني ان شاء الله بخير
عزام :هلو خالة ...الحمد لله .. زينين اذا انتوا بخير ..بشريني صحتج شلونهة
ام هيام : الف الحمد لله ...
اتفضلوا يمة ..جاين على هيام اكيد
شدن : اي خالة ...ادخلوا يمة
عزام : راح انتظركم بسيارة
ام هيام : اتفضل يمة علاوي جوة ديتغدة هستوة رجع من كربلا
عزام : دخلنة ظليت يم علي و هي و همسة راحوا لهيام
شدن و همسة : اول مدخلنة انصدمنة بجمالهة ...
شدن : شكد حلوة بس،متعوبة من جهة انقهرت و من جهة غرت منهة اذكرت عزام شلون يحجي بيهة
بقيت اسولف وياهة على الملابس ( التقصير و الخياط لموسى ) اطيتهة نماذج و شافت موسى و ظلت تشاقة ويا و بقينة نحجي على وضعهم .
استدرجتهة بالحجي هي اريد اعرف هي مخطوبة لو لا
هيام : من سمعت سؤالهة ضحكت لان عرفتهة غارت مني خافت الدكتور اكون عاجبتة
لا ممخطوبة بس احب جيرانة و هو يحبني و بس،يكمل بناء بيتهم يجي يخطبني هو يشتغل وية الدكتور اسمة محمد
شدن : بعمري محسيت بهيجي فرحة من وفاة محمود ...راح اموت من باب محمود و وفاتة و من باب تعلقي بعزام ....و ليش اسمي تعلق هو حب لان هو زوجي و صابر علية وين الكي هيجي انسان
ربي يوفقكم و يسهل امركم ....هو هذا الولد الاسمراني مو
هيام : اي ....
شدن ضحكت : و الله طلع مو هين يعرف شلون يختار ....

هيام :ههههه بس خلي الله يسهلهة
بعد اسبوع تعالوا اخذوا ملابس الطفل . و التقصير باجر اخذوا و اذا ممستعجلين خلوهة كلهة وية ملابس موسى
شدن و همسة : لا ممستعجلين ...
صعدنة بسيارة و الضحكة بوجهي
عزام :صارلج 3ايام ضايجة اشو هسة الضحكة بوجهج ؟هههههه
شدن : جنت تعبانة و غيرت جوووو
عزام : اهاااا خلي نصعد فوك و نسولف مو كدام الطفلة
همسة : هههه منو الطفلة يمة ....عيني سولفوا و اسد تك اذن
عزام و شدن : هههههههه عابتلج مجوزين من سوالفج
شدن : من حجينة نفس الشي خجلت ونزلت راسي
عزام :حتى حجينة صار نفس الشي
شدن بخجل : اي
همسة : ربي يسعدكم ....اموت عليكم
رجعنة للبيت جان الوقت متأخر و الدنيا ظلمة فتحنة الاضوية مال طرمة و صعدنة فوك
شدن : بدلت لموسى و اتنحس يريد يرضع رضعتة و نام
و دخل عزام 😈😈😈😈😈
عزام : اي يا غيارة سولفي ...3ايام ردتي اتموتين من عرفتي بهيام عاشرتي ام جمال 3اسابيع صرتي مثلهة
شدن : اني مغرت بس انت بكيفك تحجي
عزام : ها يعني متغارين ....ديلة ما دام هيجي انتي و امي دورولي على مرة ..اني هم رجال و اريد حقوقي و كمشتهة من حنجهة
شدن :ها هيجي صار الحجي ...خاف شايفلك شوفة ؟
عزام و ليش عصبتي مو انتي متغاريين
شدن : ليش تحب اتضوجني ؟
عزام : و انتي ليش،متعترفين بمشاعرج احنة ازواج مو علاقة عابرة و مدنسوي شي غلط
فجأة صارت طبة قوية و انطفت الكهرباء محسيت الا راسهة بصدري،
شدن : شنو هاي لتعوفني
عزام : اش ماكو شي طكت المحولة شبيج
خلي اشوف شكو
شدن : لتروح و تتركني و حضنتة قوي
عزام : موتتني بحضنتهة اش لتخافين ما اتركج رفعت راسهة ها مخايفة
شدن : لا ما دام انت يمي
عزام : نزلت على كيفي بستة من خدهة . ها شبيك ضجتي ؟
شدن : لا ....لتعوفني
عزام : بستهة من كصتهة و نزلت على شفتهة  جانت هادئة و اجاوبت وياية
عفتهة ....لو ادري هيجي من البداية اعرفج على هيام
اجتي الكهرباء ....ابتسمت و نزلت راسهة
شدن : موسى ديبجي ...
عزام : اطينيا خلي العبة
شدن : اني نازلة اشوي العشة
عزام : اي اهربي .....ههههههههه احبج
شدن : ابتسمت و رحت حضرت العشة