رواية طبيب الروح دكتور عزام الفصل الرابع 4 - بقلم الحساب مغلق

الكاتبة #ام_النون
شدن :خلصت اجازت الزواج  ورجعت اداوم و بدت   اعراض الحمل اتبين علية
اريج : لج شبيج هيجي وجهج اصفر و تعبانة خاف حامل
شدن : ما ادري حتى اكل بالكوة اكل مدأتحمل الم معدتي و الدوخة
اريج :امشي خلي نروح للمستوصف نسوي تحليل
طلعنة من الدائرة و على الطريق شفنة مختبر مفتوح
اكلج اريج هذا مختبر على شنو نروح للمستوصف بعيد
اريج : ديلة انزلي .
شدن : نزلنا و سوينة التحليل و طلع ايجابي كلش فرحنة جانت لحظة و احساس رهيب من تحس اكو روح  بأحشائك كمشت تلفوني اريد اخابر محمود
اريج : شدسوين ولج فاهية اليوم بوحدكم بالليل كوليلة سويلة اجواء رومانسية اعلمج
شدن : هههههه شكد خبيثة بس،و الله اريد افرحة هو من جنة بشمال يكولي شوكت اتصيرين حامل
اريج : مو هو بلوتوث رأسا وحدة تعرف روحة صارت حامل شلون جمعت ثنين حمادة المستعجل و شدن الفطيرة .
لج سولفيلي شلونكم خوما عصبي وياج؟
شدن :لا و الله وردة بس كلش يغار اتخيلي استاذ فراس قبل منسافر للشمال اتصل بية طلع السيمكارت من الجهاز و ضمهم
اريج :ميخالف اتحملي اخبالاتة هو لان يحبج هيجي يتصرف
شدن :بس ميصير هيجي اني موظفة و عدنة شغل كومة و عادي اتصير اتصالات بيناتنة الموظفين
اريج : فهمي،طبيعة شغلنة
شدن :كلما احاول افهمة يعصب و ميسمعني و يكولي اكو  وقت للشغل  و اكو وقت للبيت و انتي بالبيت الي محد يشاركني بيج و ما اكدر بعد احجي ويا
رجعت من الدائرة كلت لاهلي،و اهلة و والدتة هلهلت
عزام و مصطفى نزلوا شكو منو اتزوج
ام اسماعيل :حيجينة حفيد
هموسة فرحتة متنوصف :الله حمادة حيصير اب حبيبي
شدن : ممكن اطلب،منكم طلب لحد يكولة اني اسويهة مفاجئة الة بالليل
عزام : ليش شنو مراح يجي على الغدة ؟
شدن :لا عدهم صيانة بالوزارة و لازم يكون وياهم ورة الستة يرجع
تغدينة و رحت نمت فزيت على صوت تلفوني
شدن : الو هلو احمد
احمد : هلو عيني اكلج التقرير الشهري مال شهر الرابع وين خازني ؟
شدن :احمد خازنتة ...
دخل محمود و يخنزر علية :كملي
باوع التقارير الشهرية بf مخزونة مثلا شهر نيسان من 2005 ل2009
احمد : شكرا و اسف على الأزعاج
محمود ظل يركع بالغراض و اني خايفة من عندة
شدن : اي ليش،هيجي تصرف دنسوي،التقارير الشهرية و مخبوصين و الولد اتصل بية
محمود بصوت عالي :وقت الدوام وقت ،وقت البيت وقت و انتي،مرية اكو رجال مسؤل عليج يخابرج بستة شنو وين كاعدين  ؟ ميفكر انتي عندج بيت بعدج عروسة رجلج الطرطور كاعد يمج
شدن ابجي من صوتة العالي  : حشاك لتحجي هيجي
عزام : دأصعد لغرفتي سمعت عياط محمود و بجي شدن
يا ربي هذولة شبيهم و ليش،هيجي تبجي،ليتأذة الطفل
رحت دكيت الباب،
محمود :روحي بعيد و حطي شي على راسج فضيييييني
عزام :شنو هذا العياط .
شدن اطلعي،من الغرفة و محمود يخنزر عليهة اول مرة اشوفة هيجي،قاسي
عزام : اختي اطلعي شبيج
محمود : اطلعي شدن ..
عزام : على كيفك عليهة شبيك انت مخبل
محمود :انت شعليك رجال و مرتةولو حتى بهاي راح تنبص و تحط نفسك بالنص
عزام استغربت هيجي يحاجيني : ها هيجي صار الحجي بيناتنة كلش،زين ابن امي،و ابوية دأطلع جرني
محمود :تعال اسف  صرت عصبي على شدن و طلعت بيك
عزام : سولفلي و ظليت صافن عليه
انت صدك تحجي ترة الموضوع ميسوة
محمود : من تزوج تفتهمني
عزام : اسمع شدن حامل و اليوم جانت محضرتلك مفاجئة و حضرتك نازل عليهة عياط على كيفك
محمود : انت شتحجي صدك و ليش اني اخر واحد يعرف
عزام : لك .زمال ...اكولك مسويتلك مفاجأة
محمود : الف الحمد لله و الشكر راح اصير اب
عزام: اتحاضنة و باركتلة شراح اتسمي اذا ولد
محمود : راح اسمي موسى لان طلبتة من موسى ابن جعفر عليه السلام
و اذا بنية اسميهة بنين
عزام : الله يسعدك و يشوفك ولد ولدك .
طلعت من الغرفة لكيتة تبجي
لظلين تبجين النونو يتأذة
شدن :و الله ممسوية شي غلط بس الوزارة محتركة و شغل كومة و الولد خفارات حتى يكملون الشغل
عزام : مو بيدة هو لان يحبج و يغار عليج هيجي يتصرف
دكومي روحيلة اتصالحوا و كوليلة علة حملج لو نسيتي،
شدن : لا منسيت . اكو واحد ينسة روحة
عزام : ههههههه الله يحفظكم
شدن : دخلت علية نازع تيشرتة و متمدد ابو كروش نمت بصفة انطاني ظهرة مشيت ايدي،على ظهرة
محمود :شتريدين اريد انام تعبان
شدن امشي اصابيعي على ظهري :اريدك 
ظل مدايرلي بال كمشتة من كرشة اعرفة يغار و راح يضحك
محمود : لج لتلحيين و يضحك
شدن : بعد كم شهر اني هم يصير عندي مثل كروشك لتزعلني و اتعيط علية بعد
محمود : اي خاتونة عزام كلي الكل كايلتلهم و اني اخر الناس اعرف
شدن : اوف منك عزام مو كلتلة ليحجي
محمود : من شافني عصبي عليج خاف عليج مني اريد اشوف ابني
شدن : شلون ؟
محمود : ارفعي تيشرت البجامة موتيني
شدن : رفع التيشيرت و بدة يبوس ابطني و يوصي ابنة ميأذيني،
محمود : مو تخليهة تلعب نفسهة و تتأذة اموتك كتل بس تجي اذا هيجي سويت بيها افتهمت يا ....
شدن : ههههههه ليش تغلط على ابني
محمود : حتى ميأذيج هههههه
شدن : احبك محمود بدة يتقرب على كيفك محمود ترة هستوني حامل لتأذيني
محمود : لج مراح اسوي شي بس اريد ابوسج وجع
عزام :نزلوا الصبح ضحكهم و شقاهم وامي تبوس بشدن و هو يباوع عليهة
رحت للمستشفى و لكيت منزلين اسماء المتعينين و طلع اسم ابو ليلى وية الحرفيين
خابرت عليه
عزام : الو ابو ليلى شلونك صحتك حبيبي مشتاقين
ابو ليلى : مرحبا دكتور الله يحفظك و الله ملتهي بالشغل
عزام :  الي يكولك على  بشارة هسة شتطي؟
ابو ليلى : بشرني دكتور شكو طلعت اسماء التعينات
عزام : اي طلعت و اسمك طلع هسة اترك كلشي و شوف شيريدون منك
ابو ليلى : الله يسعدك و يرزقك بزوجة الصالحة
عزام : الله يسمع منك حبيبي يلة مع السلامة
ابو ليلى : مع السلامة .اني جاي بالطريق

عزام : وصل ابو ليلى و مرينة على شعبة التوظيف و سوة الاجراءات المطلوبة منهم ظلينة نسولف و نحجي صارت هوسة بالمستشفى و صوت اسعافات
خير يا رب شكو
الجرحى عدد مو طبيعي و يتراكضون الاسعاف و الاطباء
عزام : دكتور بشير دكتور حيدر متفهمونة شكو ؟
انفجار صاير بالحرية و العالم متذبحة
حسبي،الله و نعم الوكيل رحت اخذت الصدرية و ركض وية الدكاترة الكبار للطواريء الي كدرنة ننقذ حياتة كدرنة و الي اتوفى اتوفى
مشيت شوية شفت دكتور يعيط على نسوان 2 اظاهر ام و بنتهة البنية بيضة عيونهة زرك مثل البحر و كلهة دموع و تتوسل
والطبيب يعيط يعني،وين الكيهم يابة روحي دوري بثلاجة شعلية اني
اخر شي الام كعدت بالكاع و تلطم على راسهة و تنوح و تبجي
عزام : شكو يمة شبيج كومي اكعدي على الكراسي
الام :وليدي راح من ايدي يمة ابوس ايدك دكتور امبين عليك طيب ابن اوادم لكيليا
كمشت ايدي اتريد اتبوسة
عزام : استغفر الله خالة . شدتحجين انتي هسة اندورة
الام : يمة فدوة لطولك ما عندي غيرة هو و هاي البنية 3 راحو مني هم هذا يروح و تلطم على راسهة ربي احرسة بجاه امامك
عزام : خالة راح اخذ البنية وياية انتي ارتاحي
البنية : يمة اكعدي انتي و اني اروح وية الدكتور اندور بالغرف و كمشتهة العبرة و اذا ملكينا ندور بالثلاجة
عزام : اخذت البنية و رحنة ندور غرفة غرفة و ادكول ماكو اخر غرفة سمعنة واحد صاح هيام
البنية : اخوية علي راحت تركض علية و تبوس بي من خدودة و ركبتة و ايدة الله ليحرمني منك
علي : لج زين الحمد لله وين امي ؟
البنية : جوة
عزام ابقوا هنا هسة اني اجيبهة
رحت عسريع جبتهة شافت ابنهة تحضن و تبوس بي و كلنة نبجي
اصعب موقف من الام  تفقد ابنائها واحد ورة الثاني
وراهة عرفت ابوهم متوفي و بأحداث 2006ولدهة مستشهدين (قتلوهم غدر)وبقالهة بالدنيا علي و هيام
و علي متكفل بيهم عندة بسطية عايش عليهة و راحت اليوم البسطية وية الانفجار
و الام تخبز للعالم و البنية تخيط للناس
بقيت صافن من الوضع كلة هسة هذولة قابل حكومة حتى يقتلوهم
ناس بالكوة اتحصل لكمة حتى تكدر تعيش ويجي واحد يفجر روحة بحجة يتغدة وية الرسول هذا بيا دين بيا مذهب هذولة ما عدهم عقل 
نزلت شفت الطبيب الي جان يعيط على الام و البنية باوعتلهة من فوك ليجوة
الدكتور : انت شبيك هيج تباوع
عزام : مستحيت على روحك وحدة تلطم على ابنهة و انت تعيط عليهم و الله حرام بيك الشهادة اذا انسانية ما عندك بس،واحد شيكول حسبي الله و نعم الوكيل منك و من امثالك
الطبيب بصوت عالي : احترم نفسك و لتجاوز مو هستوك ماخذ الشهادة بديت تتعيقل براسنة
عزام : احترم نفسك و لتجاوز لا و الله العلي العظيم هسة اسويك فرجة لليسوة و الميسوة جر عدل احسلك افتهمت
بدينة نضارب اجوا الاطباء فاكيكونة وراهة قدمت شكوى عليه
و نزل بي المدير عقوبة