رواية طبيب الروح دكتور عزام الفصل الثالث 3 - بقلم الحساب مغلق

الكاتبة #ام_النون
عزام :مر اسبوع على مناقشتي اجاني دكتور بشير اشهر جراحيبن العراق بألامراض القلبية
الدكتور : ابني راح اخليك من ضمن الاطباء الي يدامون بالاستشارية لان انت من ضمن الاطباء الكفوئين عندي ما شاء الله بالعمليات معتمد عليك رغم صغر سنك بس اثبتت جدارتك
عزام : شكرا دكتور ان شاء الله اكون على كد الثقة الي حملتني ياهة
الدكتور : انت بالعمليات ابدعت مراح تبدع بفحص المريض .
دكتور عزام راح يكون يوم الاربعاء يومك بالاستشارية
عزام : بصراحة دكتور الاربعاء ما اكدر لان تعرف بعدني مخبوص بكتابنا و كتابكم بالجامعة و شغلي وياهم الاربعاء
الدكتور : لعد يوم الاثنين ماشي
عزام : اي،دكتور ماشي ان شاء الله اكون عند حسن ظنك
طلعت من الغرفة كلش فرحان بالثقة الي انطانياهة دكتور بشير و اشكر رب العالمين نزلت راسي شفت ابو ليلى و عائلتة
عزام : ها ابو ليلى خيرك اشو بالمستشفى
ابوليلى :و الله المرة تعبانة و اجينة نسوي فحوصات و الحمد لله خبر حلو
عزام : شكو زوجتك حامل ؟
ابو ليلى : الحمد لله و الشكر بس ادعينة يطلع ولد يحمي و يسند هذولة البنات من الوحوش الموجودة بهاي الدنيا
عزام : ان شاء الله ابو ليلى الله يستر عليهم و يحميهم و يبعد عنهم ولد الحرام
فجأة سمعت صوت بنية اتصيح عمو عزام عمو عزام لكيتهة ليلى ذبت روحهة علية و حضنتني
المشكلة ليلى صح عمرهة 9 سنوات بس خشنة و جسمهة انثوي  كلش خجلت من تصرفهة الطفولي و كل الاطباء يضحكون و يباعون علية
ام ليلى : ليلى شدسوين مو كلنة عيب بعد تحضنين  احد انتي بعد كبرتي
ليلى : ماما اريد اشكر عمو عزام لان رجع اختي للحياة
عزام : بابا حبيبتي،هذا واجبي والله ليشوفلج مرض بس  من تتمرضين هم اني راح اعالجج
ليلى :اني احبك عمو انت صدك طبيب الروح لان رجعتلي اختي و لعابتي سكينة
سكينة :ثكرا عمو
عزام : هههههه فدوة لالله لج طلع لسانج هسة شلونج تتنفسين زين ؟
سكينة : اي ومن اتعب ماما اتحطلي اللعبة مال غواص و التاح (ارتاح)
عزام : اي هي لعبة الغواص راح اطيبج
و حضنتهة و ابوس بيها على براءتهة و شلون فرحانة بالجهاز الي هو عبارة عن مجموعة ادوية مندري لشوكت راح تستمر عليه احتمال حياتهة كلهة او احتمال بس اتغير البيئة الي عايشة بيهة صحتهة تتحسن
ابو ليلى طلعتوا من بيتكم رحتوا للمشتمل ؟
ابو ليلى : اي دكتور  الحمد لله  حتى مرتاحين بي
عزام :زين سكينة شلون تحس تنفسها مثل قبل لو احسن ؟
ابو ليلى : تجيهة الحالة تختنك بس مو مثل قبل مرات احسهة تحتاج الجهاز مرات بس تاخذ الانتيبايتك ترتاح
عزام : لتخليهة تتعود على الجهاز بس اذا وصلت لمرحلة الاختناق ما دام الادوية دترتاح عليهة و اي شي تحتاجون اني،موجود
ابو ليلى : الله يخليك دكتور متقصر
تعال اريدك ابو ليلى
ابو ليلى : اتفضل دكتور
عزام : انت شمخلص؟
ابو ليلى :ثالث متوسط و اشتغل بمحل الحدادة و اللحام و شيجيني نعمة من الله
عزام : باوع بالمستشفى رايدين حرفين و طابعيين و اداريين خريجين ابئدائية و متوسطة على البريد
اسمعني لتحجي انت ما دام عندك مهنة اللحام  قدم عليهة بلكت يقبلون بيك على الاقل فوق راتبك يطوك مال السلامة المهنية (الخطورة)بلكت الله يفتحهة بوجهك
انت شكد عمرك ؟
ابو ليلى : انت دائما دتخجلني .35سنة
عزام :زين بعدك شباب . ان شاء الله اندبرهة الك سهلة بس،ادعي الله يسهلهة انت رجل مؤمن على الاقل وارد ثابت يجيك للبيت و انت اكيد صار عندك معاميل و يعرفون شغلك نظيف استغل الجمعة و السبت وقت فراغك اشتغل للبيوت و اني هم اساعدك شكو ناس عدهم بناء جديد شي يلحموا يصلحوا اني ادليهم عليك بعد شتريد
ابو ليلى : انطيني ابوس ايدك
عزام : ممقبولة منك ابو ليلى اني ممسوي شي  امشي وياية نروح على مدير شعبة التوظيف بالمستشفى نفتهم منة
راجعنة شعبة التوظيف كان كلامهم يبشر بخير و رجع لاهلة جانوا كاعدين بالاستراحة
سكينة :بابا ليش اتأخرت ؟ نعثت اليد انام (نعست اريد انام )
عزام : تعالي لج انطيني بوستي و روحي فدوة لالله
سكينة : بوستني بباي طبيب اللوح (بيباي طبيب الروح )
عزام بقلبي: خرب ناموسج همسة مبقيتي احد ميعرف لقبج الي مطلعتة علية حتى الجهال. و رحت راجعت المرضى وية دكتور بشير

شدن : حبيبي محمود خلي اروح اليوم لبيت اهلي لان خالو ابو امير جايين و الله مشتاقتلهم
محمود : اي شبيج تتوسللين اني هم حطلع بشغلة قريب من بيت اهلج اكملهة و اجيج
شدن : مو ترجعني تكعد ويانة ؟
محمود : اي طبعا اتعشة يمكم و بالليل نرجع
شدن : حروح ابدل و اخذ ملابس،مال بيت وياية حتى اساعدهم
محمود : براحتج حياتي
نهى : ماما امير و خالو وخالة وصلوا
ام شدن : لج ام لسان غير ادكولين خالو بالبداية حتموت ممصدكة امير يجي
نهى بخجل  :اي ماما صارلنة هواية ممتشاوفين
الخال :السلام عليكم شلونكم
الاب : اهلا بأبو امير زارتنة البركة شنو هاي الغيبة و الله مشتاقيلكم
امير : مرحبا عمي و بستة من راسة و ايدة
هلو عمتي حبيبتي مشتاقلج موت
ام شدن : هلو امي فدوة لطولك
امير : عمة راح ادخل للمطبخ اشرب مي ترة ميت عطش
ام شدن : ادخل يمة البيت بيتك
نهى : اووو هسة وقتهة تطفة الكهرباء وية جيتهم
محسيت بروحي انجريت و بحضن امير
و حضني
امير : لج مشتاقلج بكد رحمة الله شهر ما اشوفج و الله احس روحي ردت اموت
نهى : حبيبي اني هم مشتاقتلك الله ليفرقنة
امير : وخرتهة بعديد عني اريد اشوفهة
لج انتي كل ما اعوفج فترة تحلوين لج شنو هذا الجمال
نهى : كلة الك حبيبي
امير حضنتهة و بستهة من كصتهة و نزلت على خدهة و هي،مستسلمة الي ردت ابوسهة من شفتهة
نهى : لا امير ميصير عيب
شدن : وصلت سلمت على خالو و زوجتة و دخلت اشوف امير و نهى لكيتهم واحد حاضن الثاني و بعد شوية يبوسهة اتخبلت
امييييير نهى شدسوون امشي امير اكعد يمهم و انتي اعرف شلون اصرف وياج
شدن : هاي شنو الي شفتة جنت اتكذبين علية من ادكولين ميصير بينكم شي
نهى : لا و الله ميصير هاي اول مرة هيجي يصير عفية لدكولين لماما و لبابا و الله ميخلونة بعد نتشاوف
شدن :راح اقنع بابا تكطعون مهر انتوا مستوين على الاخر و الله حقة محمود من يكول عليه فاهية
نهى : هههههه
شدن : ادبسيز ام البوس لتضحكين اخذتهة حضنتهة اشو اليوم طالعة حلوة كلة علمود امير
نهى بخجل :ما اعرف بس الي اعرفة فرحانة
لج اني بعدني ممسلمة عليهم اوف منك اميير
رحنة سلمنة و حضرنة الاكل و اجة محمود و اكلنة و رجعنة للبيت