رواية طبيب الروح دكتور عزام الفصل الثالث والعشرون 23 - بقلم الحساب مغلق

الكاتبة ام النون
عزام :خلصت حفلة  هموسة و اجتي علية بضحكتهة و اني  مطنكر عليهة  ركضت عليه و حضنتني
شتريدين ؟
همسة : اريد تحضني و تباركلي بخطوبتي تعرفني شكد احبك انت طبيب الروح و اموت اذا تزعل مني
شمرت نفسي علية و حضنتة و بستة من ركبتة حبيبي اخوية انت تاج راسي و احلى شي صارلي بالدنيا انت اخوية
عزام :حبيبتي ....انتي مو بس اختي انتي بنتي اني من ازعل لان اريد مصلحتج . و سرمد خوش ولد و الله اليوم فرحتلكم من كل قلبي،
همسة : بس ليش هيجي،امفلشة هههههههه
عزام : حتى يعرف شنو انتي،بالنسبة الي،
همسة : احبك يا احلى اخ بالدنيا و حضنتة
شدن : من شفتة شلون يحاجيهة دمعت عيني يصير اشاركم بهاي الحضنة
عزام : تعالي حبيبتي ....الله يحميكم .
شدن : و يحميك و يبقيك خيمة فوك راسنة ...
همسة : اني راح اعوفكم ..اخابر سرمد اشوفهم وصلوا للبيت ؟
شدن : بقة كم يوم لسفرتك ؟
عزام :يوم الخميس 3بشهر
شدن : شهرين ؟ شدعوة مو هواية  راح يظل موسى يدور عليك
عزام بمكر : هو طفل يومين يتعود اني،ماكو ....بس الجبير مراح ينقهر على فراكي
لو تريدين تخلصين مني ؟
شدن : لا ليش تحجي هيجي ... اكو وحدة تريد تخلص من زوجهة
عزام : اتقربت منهة ...اذا تريدين ترضين زوجج تعالي انام بنفس،الغرفة و لتخافين ما اسوي شي غصب عنج
شدن :اووكي جاية ...خلي اجيب غراض،موسى و كم غرض الي و باجر اكمل الباقي
عزام : اوكي ...امشي اشيل غراض موسى ..دخلنة للغرفة بدينة نلم بالغراض
شوشو ؟
شدن :نعم
عزام: يوم الاثنين عندج شي ؟
شدن: لا..
عزام : الاطباء مسوين كعدة ...و حبيت تجين وياية منطول ساعتين و نرجع علمود موسى ..
شدن : اوكي ...و انت تختارلي شلبس
عزام : هههه طبعا ..خوما اتضوجين
شدن : لا بالعكس،اني اريد  ...يعجبني انت تختار الملابس الي البسهة من اطلع وياك 
ذوقك حلو
عزام : احب اطلع وياج و اتباهة بيج كدام الكل
شدن : ليش لهاي الدرجة اتحبني ؟و اني ظالمتك بكلشي
عزام :كمشت ايدهة بستهة و حضنتهة اش،لتحجين هيجي فترة و اتعدي اني اسف اذا مرات اضغط عليج
شدن :احبك عزام ....
عزام :شكلتي ؟
شدن:نزلت الدمعة من عيني اي احبك و كلش،دأتعب
عزام : امشي خلي نطلع منا و انتي ترتاحين ...اخذتهة للغرفة بدلي و من تكملين صيحيني
شدن : ماشي ...فتت بدلت و لبست كيمونة و برمودة فوك الركبة و حطيت ريحة و فليت شعري ...موتني بحجية يومية يحجي كلمة يخليني اتعلق و احبة اكثر يا ربي سهل امرنة تعبت و الله
عزام ...عزام كملت تعال
عزام : دخلت شفتهة طالعة تخبل ..الريحة بلغرفة اجنن بلعت ريكي و دفعتهة على الحايط  ليش شتريدين؟
شدن : غرفتي و اريد اخذ راحتي بيهة
عزام : نزلت اشم بركبتهة و هاي الريحة علمود راحتج بالغرفة لو السبب راحتج تريدين تريحي و بستهة من ركبتهة
وجهة احمر من الخجل و ذبلت عيونهة اول مرة اشوفهة هيجي ...يصير ابوس هاي الشفايف
شدن : نزلت راسي رفعة و باسني بهدوء،
عزام : شوكت تجاوبين وياية ؟ بس من تطفة الكهرباء
شدن : لا ..بس استحيت
عزام ضجت : خير ان شاء،الله خلي ابدل حتى نتمدت
نزعت لبست الشورت و هي تباوع علية صافنة دألبس التيشرت
شدن : انزعة ...مو حارة الدنيا لتلبسة
عزام : ماشي ..
شدن : اتمددنة ...بقيت صافنة بي مجاوبتني ذيجي المرة انت تلعب حديد؟
عزام : فترة لعبت و عفتهة لان ما عندي مجال
شدن : يصير تحضني ؟
عزام : تعالي ...حبيبتي انتي،
شدن : بستة من صدرة .
عزام :ها لج شسويتي ؟
شدن : اريد ابوس هذا القلب الي متحمل خبالي
عزووو اريد اطلع من الي،اني بي .اريد اكون عائلة وياك تعبت من الشي الي يدور بمخي
عزام : مو كلتي ارتاحيتي من رجعتي،من المقبرة ليش،هيجي دسوين بروحج لازم اتحاولين اطلعين من الي انتي بي اقري قران و كتب و قصص ورة متكملين شغل لازم تخلين الحياة تمشي
شدن : احبك عزام ....
عزام : اني هم اموت بيج ...بستهة من كصتهة و خدهة
حطيت راسهة على صدري و نمنة باجر سويلي ملفوف باذنجان كلش،مشتهي
شدن :تدلل حبيبي ...

عزام :اتخبل من ادكول حبيبي احس براحة مو طبيعية سحبتهة و بستهة
شدن : باسني ارتاحيت بالبداية ويا بس،وراهة حسيتة راح يفقد ...
عزام كافي ...شبيك
عزام : كتلج مراح اسوي شي غصب عنج ...نامي درت وجهي عليهة سحبتني
شدن :اريد احط راسي على صدرك ...
عزام :متخافين لا افقد ؟
شدن :لا ....و حطيت راسي و حضنتة ...عادي بالليل هرجني موسى يالبجي مالتة و عزام حاضني و اريد اطلع ما اكدر
عزام ...عزام  بس شوية ايدك حتى ارضع موسى
عزام :شتريدين ..يلة روحي
اتفرج عليهة ...اي افندي شكو عليك كلشي الك و اني لازم اصبر افندي،موسى خلي انام
شدن : ههههههه تغار من ابنك عابتلك
عزام :بس هو مو ابني،
شدن :لا ابنك انت راح تكبرة و تربي احسن تربية و حنجيبلة اخوان و خوات
عزام : ابتسمت ان شاء الله ....صدكيني هاي الشهرين احسن فرصة النة
شدن :ان شاء الله ..خلص خلي اغسل و اجي
عزام : جيبي يمي ...تعال حبيبي
الطفل :ابا..ابا ..اغ
عزام : اوي فدوة حبيبي اي اني ال بابا و لعمو ...الله يقدرني و اخليك احسن واحد بالدنيا
اوووي فدوة لهاي الضحكة
شدن : اووف يا محمود حرموك من ابنك ...لو انت عايش جان لعبت هيجي،ويااا ....تدري عبالك جان يسمعك ميتعبني ابد و من يشوف ابو عزام يتخبل و يخبلة وياااا
اني اسفة محمود ادري انت ابو ابني و جنت حبيبي بس هسة عزام ابو ابنك صار و زوجي و حبيبي

عزام : لج هذا يكول ابااا
شدن : ابتسمت اي ...رحت حضنتهم ثنينهم اخذت موسى للفراش اجرأت اول مرة بحياتي و بستة ....الله يخليك و يحفظك الي
عزام :جنت هاديء،وياهة خليتهة براحتهة
يلة نامي حتى تكومين اسويلي اومليت من ايدج الطيبة
شدن :تدلل
عزام :كعدت الصبح ...حضرتلي الريوك اتريكنة سوة و رحت للمستشفى و مثل كل يوم
شدن :طلع عزام و سويتلة الملفوف و تمن اصفر ابو الشعرية
عزام : رجعت ريحة الاكل اتموت ...السلام عليكم ريحة الاكل واصلة لراس الشارع
ام اسماعيل : غير هاي،مرتك لعد احنة شنكول
شدن بخجل : الله يساعدك ...ان شاء الله طعمة هم يعجبك
عزام : كلشي منج طيب
التمينة كلنة العائلة و اتغدينة
ابو اسماعيل : شوكت السفر ؟
عزام الخميس ساعة 11الصبح حطلع من 3الفجر
ابو اسماعيل :تروح و توصل بسلامة
عزام :هموسة شوكت اداومين ؟
همسة :الثلاثاء 1بشهر
عزام :منو يوصلج؟
همسة :براحتكم ....بس سرمد كال اذا تريدين اني اوصلج
عزام :شلون دروب ديلة عيني اخذوا راحتكم
شدن :هههههه .الله يسعدكم
عزام :يلة نصعد فوك شدن
شدن : اي
صعدنة فوك اليوم خابرتني اريج
عزام : شلونهة صايرة بذاتة متخابر على اخوهة
شدن : اي اريج حامل ...
عزام : صدك ...اوي حبيبتي خطية كتلت روحهة على الثاني

شدن :اني هم فرحتلهة
عزام :و بعد شعندج اخبار
شدن :ونهى هم حامل و امتحاناتهة قربت و تعبانة و امير معصب عليهة
عزام : عجيب ...هو ابو البلاوي و يعصب عليهة
شدن : هههه هي لاحة عليه هاي اختي متكعد راحة
عزام عضيت شفتي و سحبتهة للفراش و.حاوطت ايدي جسمهة و انتي شوكت تلحين علية مثل اختج شسوي برجلهة
شدن :ما ادري
عزام : من تخلص مهلتج بعد ما ارحمج ....احبج
شدن :ماشي ...انطيني مجال اريد اكوم
عزام : يلة كومي...
شدن : من كمت دخت و وكعت بحضنة
عزام : شبيج اسم الله
شدن : ما ادري دخت
عزام : خاف صاير عندج ضعف ؟
شدن :لا ما بية شي ...بس انت دوختني بحجيك
عزام : هههههه ديلة ارتاحي،كومي و الله مخبلة و خبلتني وياهة
شدن : صار المغرب رتبت الملابس النظيفة و دأضمهة بالكنتور دك تلفون عزام
د. هبة تتصل بك
عزام ...عزام
عزام : شكو ..شبيج
تقى : تلفونك دكتورة هبة
عزام : حسيت بيهة ضاجت ..حبيت اضوجهة
الووو هلو هبة شلونج و طولت وياهة بالحجي جنة نتفق على الروحة مال نقابة الاطباء
شدن : اي شلون يتمسكن من يحاجيهة ...هي،منو هاي صديقتة لو خاف خالهة اذا تخلص،المهلة يخطبهة و ليش،طول بالمكالمة وياهة
طفت الكهرباء اي انوبة الكهرباء
اي حقة صارلة 4اشهر ممفتهم شي،من حياتة و هو رجال و حلو و طبيب ماكو وحدة متتمنا
عزام : دخلت من دتكول 4اشهر ابتسمت مطفية الكهرباء و محاسة بية جريتهة لحضني و نزلت على شفايفهة بستهة طولت وياهة و هي جانت مثل اللعابة بيدي اجة الضوة و ظلت بين ايدي عفتهة بهدوء
شدن : مراح تفكر بوحدة غيري راح تحبني بس اني مو
عزام : اي ...بس انتي يا اغلى ناسي احبج
شدن : اني هم اموت عليك ...
عزام : تعالي خلي نختار لبس لباجر ...اختارينة الملابس،و اجة يوم الاثنين ورحنة للنقابة جانت احلى وحدة طالعة بترتيبهة و اناقتهة اتعرفت على زملائي و زميلاتي كلش اتونست و حسيتهة غيرت جو
شدن : كلش حبيت جماعتة حبابين و.مثقفين و دوخوني بس يتناقشون بالانكليزي بس وحدة ضجت منهة نظراتهة مدري شلونهة لعزام رجعنة للبيت عزووو هاي البنية السمرة الحلوة شسمهة الي جانت كاعدة يم دكتورة شمس
عزام : ما اعرفهة يمكن اسمهة دعاء طبيبة سونار اتوقع...ليش ؟ احجي احس اكو غيرة بعيونج
شدن : ردت اكوم اذبحهة صافنة بيك مشايفة رياجيل
عزام:ههههه شعليج بيهة كمشت ايدهة خليتهة على صدري بس وحدة هنا افتهمتي،
شدن : اي ...حبيبي

مرت الايام جانت احلى ايام همسة باشرت بالجامعة و فرحانة بسرمد يوصلهة و يرجعهة لان نفس الطريق و حبهم يزيد و كلشي بالحلال يكون الة طعم احلى
شدن :و صار يوم الاربعاء و الدمعة بعيوني ما اريدة يروح بديت اتعود قربة مني بس ميخالف يجوز الله خلة هاي السفرة اتصير بلكت الاشتياق راح يلعب دورة و نكدر نكون مثل اي زوجين
عزام : شلون راح اتظلين تلطمين و الله مرايح لجبهة و العباس اروح للبنان يم الحلوات
شدن : ضربتة على صدرة اموتك اذا سويت مكسورة هناك
عزام : و انتي امين راح تعرفين ...شسوي بكيفي اني الرجال
شدن : لا مو بكيفك و اصلا حرام هذا الشي
عزام : نزوج متعة ..حتى اتصير حلال
شدن : عزام لتسوي هيجي ..
عزام :.لعد خلينة مثل اي زوجين هسة بين ميصير وقتي
شدن : هاااا..
عزام : بديت وياهة على كيفي بستهة و هي مجاوبة وياية...... دك التلفون اني مسطور وية شدن
هذا دكتور ابراهيم
الو ها ابراهيم
ابراهيم :اطلع من وقت لان بس الدخلة يرادلها كومة تفتيش،و مدري شنو
عزام : يعني هسة اطلع
ابراهيم : اي كل ما اوقت احسن
عزام : ماشي ....اني راح ابدل و اروح
شدن : طلعت سوار رجالي مكتوب بي الله محمد علي فاطمة الحسن الحسين عليهم السلام
البسهة حتى يحرسوك ال البيت
لبستة السوار و بسته ربي يحميك و يرجعك بسلامة
عزام :نزلت الجنطة و سلمت على اهلي و رحت للمطار وهمزين طلعنة من وقت معاناة المطار هو بوحدة سفرة هههههه وركبنة الطيارة و وصلنة لبيروت عاصمة لبنان
مرت الايام و اني من المتميزين بالدورة الحمد لله ..اخر ايام بديت اروح لبيت اسماعيل لان قل وقت الدورة و عندي مجال صار
نكعد اني و اسماعيل نسولف و يجون الجهال يلعبون وياية و نضحك كلش،اتونس وية البنات كلش دلوعات و جمال ملتهي يلعب بالحاسبة و البلي
دخلت ام جمال سلمت علينة و بدينة نسولف اخر شي طلع اسماعيل ظلينة بوحدنة
ام جمال : شلونك و شدن شلونهة ؟
عزام : زينين الحمد لله ملتهية بهذا الصغيروني صاير يخبل بس اريد ارجع لان بادي يزحف
ام جمال : يوم الي  يصير عندك اطفال و تفرح بيهم مثل فرحتك هسة بموسى
اسمعيني عزام ما دام سمعو ماكو اني ادري زواجكم على الورق بس  اسمعني مظل شي و تخلص  السنة مال محمود حاول تكسبهة لشدن ترة البنية خوش بنية و متأذية  كلش  و مشاعرهة متخربطة
عزام:👿👿صرت اعصاب من عرفت هي كلشي تعرف ولازم بكلشي ادخل نفسهة
و انتي شلون عرفتي بهذا الموضوع ؟ جنت اتمنى ادكولي اريج او همسة بس مدكول اسم شدن لان اذا شدن و الله العلي العظيم ما ارحمهة
ام جمال : من حجت اريج حسيت اكو شي مو طبيعي و سولفنة اني و شدن .
عزام شدن تحبك ...بس خايفة
عزام : بديت ما اركز بشي الي كاعد تحجي لو بيدي هسة شدن املخهة لان اضوج هاي تدخل بحياتي
اني اروح ارجع للفندق بعد كم يوم امتحاني و ارجع لبغداد
ام جمال بقلبي : اوو هذا بس لا ضاج ...عزة بعيني هسة اني شعلية ليش ادخل بس لا يأذي البنية
عزام : رجعت للفندق صرت نار ما اعرف شسوي .ليش حجتلهة اني شتفقت وياهة كل هاي التمثيلية و بالاخير تحجي كلشي
مرت الايام و اجة يوم الامتحان امتحنت و طلعت الاول على كروبي،و رجعت لبغداد
شدن :صار يوم 4بشهر و جان موعد رجوع عزام لبست زي مغربي و فليت شعري و حطيت مكياج و لبست جوة المغربي سيت نوم حتى من ندخل للغرفة انزع المغربي
همسة :شدن...شدن رجع عزو
عزام : دخلت الكل سلموا علية و هي،ماكو ...فجأة نزلت من الدرج جانت طالعة اية من الجمال ظليت صافن بيهة بلعت بريكي
درت وجهي
شدن : الحمد لله على سلامتك ..و باستني،من خدي
عزام : جاوبتهة بثكل الله يسلمج
شدن : اصب،الغدة ؟
عزام :لا ...اريد اسبح تعالي شدن وياية
شدن : حاضر ..تدلل
عزام : الجنطة الزركة بيهة الهداية ماشي،
ام اسماعيل و همسة : اوكي
همسة : اشو مو على بعضة
ام اسماعيل : اي الله اليستر ...حتى نظرتة لشدن بعصبية بس هي فرحانة برجعتة
عزام : رحت للغرفة و هي تمشي وراية ريحتهة و جمالهة سطرني،اخاف ادخل و افقد يمهة ...ادري بنفسي احبهة بس،من توصل تكسر حجايتي التصرف يصير غير شكل
دخلنة جريتهة ضربتهة راجتي
شدن : دخلت سحبني و ضربني و عيونهة تجدح نار من العصبية دمعت عيوني ليش،شمسوية؟
عزام : لج قصرت بشي وياج صرتلج الاخ و الصديق و الزوج اتحملت كلشي بس المهم تطلعين من الي انتي بي مطلبت شي،منج غير الي بيناتنة متعرف بي ام جمال شصخم وجهج و حجيتي بس اريد افتهم لعد هاي التمثيلية الي سويناهة ليش
شدن بديت ابجي : و الله العظيم محجيت شي ...اريج من دعتنة هي افتهمت و حجت وياية
عزام : كذبي كوليلهة ماكو هيجي،شي احنة متفاهمين ليش،تكسريني كدامهة ؟
شدن : و الله مو قصدي بلعكس البنية تتمنالك كل خير
عزام : جريتهة من شعرهة مو حضرتج اتحددين منو يتمنالي الخير و منو لا ..اسمعي لج خلقتج ما اريد اشوفهة و خلي اتفيدج ام جمال الي كسرتي رجلج كدامهة اروح ازقنب و تلمين هدومج ورجعي عيشي بغرفة محمود و ارجعي على خبالج
شدن : مو بكيفك ...ما اطلع منا هاي غرفتي و انت زوجي
عزام : عصرت زندهة بكل قوتي ...اطلعين لا و الله هسة ابتلي بيج ...فتحت الكنتور ذبيت ملابسهة بالكاع ....لميهة و اطلعي
بعد ما اريدج تعبتيني
همسة :صعدت اني و امي و سمعنة الحجي ظلينة وحدة تباوع على الثانية طلع عزام فتت لكيتهة كاعدة بالكاع و تبجي،
كومي خلي نلم الملابس،و تعالي لغرفتي هو يحبج فترة و يهدأ ميكدر على فراكج
ام اسماعيل : كومي ماما ...روحي لغرفة همسة كومي ..شبي تخبل .يا امي احنة مو فهمناج لتحجين شي كدامهة .المشكلة حتى من قصدهة اتسوي خير اتسويلهة مصيبة ...عزام شكد طيب بس،كلشي و لا ينكسر كدام احد هاي اول مشكلة بينكم ميخالف فترة و يصالحج هو يحبج بس لازم تعرفين تتعاملين ويا
شدن :ماشي ...
عزام : صعدت لكيتهة لامة كل غراضهة .
اباوع على الفراش شلون مرتب اذكرت اخر يوم صارت مثل اللعابة بيدي بس لازم اعاقبهة
همسة : لمينة الغراض و رتبناهة
انتي اكيد جوعانة اجيبلج اكل ...بعد شوية يكعد موسى لازم ترضعي
شدن : اي ..و جيبي ماعون التمر وياج اهم شي ابني ما اريد شي بالدنيا
همسة : طلعت و شفت عزام
عزام : طول ما اني موجود متطلع من الغرفة خلقتهة ما اشوفهة
شدن : اسمع و ابجي خالة خليني اروح لاهلي عفية كوليلة
ام اسماعيل : طلعت و رحتلة مكافي شبيك جاي مناك مفور
عزام : محد يدخل بيناتنة ..
ام اسماعيل :تريد تروح لاهلهة
عزام :اتخبلت مصدكت رجعت تريد تروح كافي اشم ريحتهة و اسمع صوتهة
اكسر رجلهة اذا تطلع من البيت
ام اسماعيل :لان تحبهة و متكدر على فراقهة متريد تطلع من البيت لعد ليش ضربتهة حتى ايدهة توجعهة
عزام :مرتي و بكيفي شسوي بيهة اسوي روحة لاهلهة ماكو
يمة من يكعد موسى جيبوا الي
ام اسماعيل : ماشي يمة
عزام : مرت الايام و اني مطنكر على الكل حتى ابوية احجي ويا من ورة خشمي و هو مبتسم
و مصطفى حاير بخطيبتة مروة و يضحك علية
مصطفى : كافي يمعود صارلك اسبوع و مشايف مرتك بلة متستحي
عزام : مالك علاقة انت ....مو تريد تطلع وية ابوية اتزور روح و لتدخل باجر عندي عملية صعبة ادعيلي
مصطفى : بجاه هذا الشهر (شهررمضان)تنجح عمليتك
غمزتلة بس،ترة دعاء الزوجة يستجاب اكثر
عزام : ولي من خلفتي
مصطفى : يلة في امان الله احنة رايحين
شدن:سمعت البيت هدوء كلت اكيد فات لغرفتة خلي انزل اشرب مي
عزام : حسيت بيهة نزلت ..و فاتت للمطبخ بعد ما اتحمل مشتاقلهة فتت سديت الباب
شدن :فزيت وكع الكلاص من ايدي
عزام : شبيج شفتي شبح كدامج ...و ليش لابسة هيجي و طالعة من الغرفة
شدن : ماكو احد بالبيت  ...بس اني و انت لان رايحين لبيت خالة نضال و كمت دأطلع من المطبخ سحبني و بدة يعصر بيدي و يشم بركبتي
عزام : سحبتهة و بديت اشم بركبتهة مشتاقلهة ليش مشربتي مي مو جنتي تريدين تشربين مي و بعد لتنزلين من اني موجود
شدن :شربت مي ...شراح تسحر
عزام : مالج علاقة اني ادبر نفسي ...
شدن :19السنة مال محمود راح تاخذوني لو اظل محبوسة بالبيت ؟
عزام :الله يرحمة ....لا نروح كلنة ..
صعدت و عيوني و قلبي و جسمي كلة يريدهة المشكلة من ابتعد احبهة اكثر
شدن : صعدت فوك نزعت التيشيرت اباوع على زراك ايدي ديزيد والم قوي و ما اريد اكولة
هو يحبني و يريدني مجان اتقرب مني ...بلكت يحن قلبة و نصالح
عزام : مرت الايام بديت افطر و اروح لقاعة لصديقي مال بناء اجسام نلعب بيهة
شدن :همسة عزام وين ديروح لهاي الايام ورة الفطور

همسة : ديروح لقاعة مال صديقهم يلعبون رياضة و حديد لج جسمة صاير معضل يخبل
شدن : من حجت بجسمة ذابت عيوني اذكرت شلون احط راسي عليه و انام ..هو اصلا جسمة حلو
همسة : مشتاقتلة ؟
شدن : كلش ....همسة اني كلش احب عزام ..و الاشتياق تعبني بعد ما بية  يلة جاية السنة مال محمود و اشبع شوف بي
همسة : فوتي انتي صالحي الرجال مثل الطفل  بدلال الزايد يرضة
شدن :عزام غير شكل ...احنة علاقتنة معقدة ما اكدر ادخلج بتفاصيل
همسة : براحتج ...
مرت الايام و اجة يوم 19 بشهر حضرنة نفسنة و طلعنة جان لابس تيشيرت اسود و طالع يخبل
عزام : نزلت من الدرج لابسة الاسود بس الهة هي صافنة علية و اني صافن بيهة
يلة فضيهة شبيج صفنتي
شدن : اي نازلة ...جنت شايلة موسى ردت اعثر تلكانة عزام
عزام : اسم الله .ليش شايلة كلة مرة وحدة ...اخذ الطفل و سدينة البوب ورحنة كلنة للنجف
زرنة و رحنة للمقبرة و بقيت ابجي و احجي وية محمود على ابنة شلون بدة يزحف و شكيتلة على عزام
عزام : واكف اني بالنص ساعة و هي تبجي،و تحجي رحت قريب عليهة سمعتهة تحجي علية
شدن : ابجي و احجي اخوك تعبني اني كلش،احبة و عبالي راح يتغير كلشي ورة سفرتة بس هو صار عصبي علية بسبب غلطة بدرت مني بدون قصد و الله و ما اعرف شلون ارضي ؟
عزام : من سمعتهة تشكيني عند محمود دمعت عيني ...كومي مراح يسمعج و لا حيكدر يساعدج لان محمود جوة التراب
سحبتهة من ايدهة
شدن : اوو على كيفك توجعني
عزام : شبيهة ايدج متفهميني ؟
شدن : من يوم الي اتعاركت وياية و ضغطت قوي عليهة زركة و بالكوة اشيل موسى
عزام : ليش محجيتي ؟الله يكسر ايدي اذا صار بيج شي،
شدن : اسم الله لتحجي هيجي ...اكو ناس بحاجة هاي الايد
عزام : ديلة امشي خلي نروح ...اليوم ماكو كربلا تعرفين رمضان و حارة و تعب
شدن : مظل شي و يجي العيد
عزام : ان شاء الله هذا العيد خير علينة
خلي نوصل حتى اشوفلج ايدج
رجعنة صعدنة السيارة شدن كعدت يمي و نامت بطريق و راسهة على جتفي
شدن ...شدن اكعدي مبقة شي،و نوصل شبيج عبالك صارلج قرن منايمة
شدن : اي منايمة لان راحتي بعيد عني و عصبي علية شلون يجيني،نوم ...احبك عزام كافي الله عليك
عزام : اش احنة بسيارة عيب ...
وصلنة للبيت
عزام : تعالي نصعد بالغرفة ...اشوفلج ايدج
صعدنة نزعت الجبة جانت لابسة كيمونة لونهة بيجي قصيرة امبين جسمهة ظليت صافن بيهة
شدن : هياتهة ....شبيك حتظل صافن
عزام :اطيني اشوف ...شفت منظر ايدهة صايرة بنفسجية ..صاير عندج تمزق ليش،محجيتي لازم انسويلج اشعة ...هاي عصرت ايد هيجي سوت بيج شنو خركة
شدن : محسيت بروحك شلون عصرتهة
اني رايحة ارتاح تعبانة
عزام : تعالي اريد اريح نفسي،شوية و ولي
شدن :عوفنييي ...تريح نفسك مو دتحجي وية بنت ليل ...خلي اوليييي احسن من هاي المهزلة
عزام : لترفعين صوتج علية ..افتهمتي سحبتهة قوي و بستهة ضربتني على صدري دفعت ايدهة و هدأت ....العام حضنتج جنتي تبجين على محمود ...بس هسة انتي الي شلون ما اعاملج تسكتين انتي،زوجتي
شدن : خلي اطلع دمرتني بعصبيتك ...اعتذر منك و متقبل شتريد بعد
عزام : باجر كعديني من الصبح عندي عملية و شغل
شدن : ميخالف ...تدلل
عزام : طلعنة الصبح سوينة العملية ....و طلعنة حملة توعية لاهل التاجي المنطقة زراعية و كلش حلوة و هواهة نقي منظر البساتين بس يعجبك تتفرج عليه فجأة حسيت شي كرصني من ركبتي انتهيت لك ابراهيم الحكني انكرصت
ابراهيم : على كيفك عصرت المكان و طلعت السم ... ههههه
عزام : شبيك تضحك ؟
ابراهيم : صارت زركة اليوم المرة اطردك من البيت
عزام 😈😈😈😈:اني اريدهة تغار بقلبي
كملنة شغل و رجعنة للبيت دخلت سبحت
شدن : دخلت لغرفتة اخذت الملابس،الوسخة هو طلع من الحمام
ملابس التيشرت ظلت صافنة علية كلش حلو طالع
عزام :انشف بشعري و احاجيهة ليش،داخلة و هي صافنة بجسمي ...شبيج صافنة بية اظاهر عجبتج
شدن : هااا ..اي ...ما ادري
عزام ابتسمت بخبث : انزلي افطري ويانة اليوم
شدن: اوكي ..
نزلت دخلت انتبهت بركبتة اكو طكعة زركة 👿👿
اخذت اكلي و صعدت فوك
عزام: هاي شبيهة المخبلة ...مو كلتلهة تاكل ويانة
همسة : صاعدة اشوف شبيهة
صعدت شبيج طنكرتي ؟
شدن : الافندي كعديني عندي عملية و شغل ...خوش شغل و ركبتة زرقة
همسة : ههههههههههههههه اضحك بعد لو لا
شدن: و ليش تضحكين ؟
همسة : اليوم جان بتاجي،و كارصتة زنبورة ترة اتبين بس ركزي شوية و ثاني شي احنة برمضان و بعد كم يوم العيد فضوهة و انصالحوا كافي...
اسمعي اني و ماما حنطلع و مصطفى حيطلع وية خطيبتة و بابا راح يجي،علي صديقة حتظلون بوحدكم

شدن : ماشي ...طولوا
همسة : هههههه موفقة حبي رحت لبست كيمونة و برمودة و طلع الكل
عزام : صعدت بغرفتي ...وصلت يم الباب شميت عطرهة فتحت الباب، اتنهدت شعندج هنا؟
شدن :اتقربت من عندة ....كمشت ركبتة شكلك كلش متونس انتبهت عليهة صدك كرصة و متأذي بس حبيت امثل ممفتهمة الموضوع
اتونست وياهة ؟
عزام : كلش ...على الاقل مطيتني حقي
سحبتهة لصدري تريدين تعرفين شسوينة حجي لو تطبيق ؟
بديت معركتي وياهة و طلعت اشتياقي بيها بستهة من راسهة و خدودهة و شفايفهة و هي منسجمة وياية و ممرتبكة مثل كل مرة سحبتهة للفراش كالت احبك عزام ...بس،ممكن اطلب منك طلبين
عزام شنو
اول طلب اريد نطلع بغير بيت الله يخليك
ثاني طلب خلينة نروح للشمال و طه و احمد يرتبونة البيت
حضنتة : انت كذاب
عزام : رجعنة على طولت اللسان
شدن : حطيت ايدي على الكرصة ...اذتك هاي الزنبورة
عزام : ههههههه بس خلتني افرح بغيرتج علية
شدن : احبك يا اغلى شي بحياتي
عزام : لكينة مشتمل قريب من اهلي لان ما اكدر اتركهم و طه و احمد رتبوا اخوة شدن
و صار العيد و سافرنا لاربيل
عزام : هذي الغرفة النة اروح اشتري الاكل و ارجع
شدن : اوكي حبيبي ....اول مطلع غسلت و رتبت شعري و لبست سيت نوم ابيض  قصير اليوم اخبلك عزوووو اعيشك احلى عيد
نيمت موسى
عزام :دخلت صارت كدامي اتخبل طالعة
وكعت العلاكة من ايدي،
شدن : ههههههه شبيك ....شلت الاكل و حطيتة على الميز
عزام : شلتهة و اخذتهة للغرفة بستهة و هي ذايبة عيونهة و ضحكتهة و ابتسامتهة اجنن
....      .............. خلص صرتي مرتي من صدك
شدن : احبك عزام ....انت احلى شي صار بحياتي
عزام : اسف اذا قهرتج بس لان احبج اعاتبج
و احنة منسجمين و موسى يعيط
ابا ابا
شدن : بس تعرف ابا و ماما سين ترك
عزام : يلة حتى يجينة ولد
شدن : و اذا اجتي بنية
عزام : بست ايدهة كلشي الله يكتبة نعمة يا احلى نعمة
اتونسنة بسفرة كضيناهة حب و غزل ...رجعنة لبغداد لبيتنة الجديد الحمد لله حياتنة متفاهمين بيهة صرت حامل و جبت ولد سمينا زين العابدين و وراهة صار عدنة بنوتة سميناهة ريتاج و اخر العنقود ولد سمينا محمود
مصطفى و مروة ازوجوا و ظلوا كاعدين يم ابوية و امي و اجروا بيتهم صار عدهم ولد و بنية
همسة و سرمد ازوجوا صار عدهم ولد و خلصت ماجستير و حامل بثاني
و خلصت قصتنة .....

اتمنى عجبتكم القصة تحياتي
ناقله لقصه
ميمي السامرائي