رواية طبيب الروح دكتور عزام الفصل الثاني والعشرون 22 - بقلم الحساب مغلق

الكاتبة ام النون
عزام : رجعنة من كربلاء . و مراسبوع عادي خليتهة براحتهة تنام بغرفة محمود علاقتنة مثل المخطوبين جديد ههههههه عادي امشيهة اهم شي راحتهة خلي السنة تمر مال محمود و التصرف غير شكل يصير و ما دام عندي سفرة ملتهي بيهة
شدن : مر اسبوع على روحتنة الكربلاء و عزام خالني براحتي ميسوي شي غصب عني يجي بالليل نسولف شوية و نلعب وية موسى و يضحك علية دائما يكولي ايام الخطوبة طولت هههههه
كلش افرح من اشوفة شلون فرحان بدوامة بالعيادة وية دكتور بشير
همسة : اتفقت وية سرمد نتشاوف بالكلية يوم الثلاثاء و اجة الثلاثاء و التقينة بوحدنة رونق مكدرت تجي
رحت من الصبح قابلت رئيس القسم و كالي،اداومين اتسوين مباشرة من بداية حزيران كلش فرحت طلعت من القسم لكيت سرمد داك 30مرة علية
طلعت من القسم شفتة يلوب و كامش الموبايل
سرمد : اتخبلت ادك عليهة ماكو ما ادري وصلت لو لا ؟
همسة : رحت عليه مبتسمة و هو مطيني ظهرة صباح الخير
سرمد : سمعت صوتهة انتهيت صدك اني و همسة بوحدنة
موتيني ليش،متردين شنو عزام جان يمج؟
همسة : لا جنت يم رئيس القسم ...راح اباشر بداية السادس
سرمد : صدك .....الف الف مبروووك و الله تستاهلين كل خير
همسة : مو اكولك ...شفت كل رزق يجي،بوقتة
سرمد : و اني ما اريد شي من رزقج ...بس اريدج انتي يمي ..احبج همسة
همسة بخجل : اي و لي يحب غير يتوكل اشو الموافقة و محصلهة ..
سرمد : بس اصبري عليه اني مجمع فلوس و اهلي هم ساعدوني راح اشتري مشتمل يم بيتنة
و فلوس النيشان مالتج وحد
همسة : الله كريم ..
سرمد :.يا رب اهلج ميعارضون
همسة : لا ميعارضون ....لان يحبوك و يعتبروك مثل اخوهم
ظلينة نتمشة بالجامعة ولد كلش،محترم و مؤدب كلش فرحت بأسلوبة و اخلاقة و كلامة راقي محسيت بالوقت ويا .فجأة دك عزام
همسة : هذا عزام ....
الووو هلووو
عزام : هلو ...ها كملتي شغلتج بشري شصار ؟
همسة : قابلت رئيس القسم ...و سويت المباشرة 1/حزيران
عزام : و اني سفرتي 3بشهر ههههه
همسة : الحمد لله ...
عزام : كملتي اجيج ؟
همسة : اي براحتك
عزام : اوكي ربع ساعة يمج
سرمد :راح يجيج لعد خلي اطفر قبل ميوصل
همسة : ههههههه ..اي اطفر لان اذا نلكف ننكتل بنص الكلية راس براس
سرمد غمزت :و الله يا ريت
همسة خجلت :حسيت بروحي جفصت بالحجي المفروض ما احجي هيجي
سرمد : يلة باي ...خابريني من توصلين
همسة : تدلل
سرمد :طلعت من الكلية ...ركبت سيارتي و رجعت للبيت

عزام : صرت قريب دكيت عليهة حتى تطلع من الكلية درت وجهي لمحت سيارة سرمد
..هذا سرمد صارلي من خطوبة مصطفى مشايفة بلكت امرلة اليوم ما عندي روحة للعيادة
همسة : هلو طبيب الروح اني واكفة يم ابو الجبس
عزام : الله عليج اشترينة اني احبة هذا الجبس
همسة : اشتريت لتوصي حريص اليوم حتى موسى اوكلة
عزام :ديلة هياتني كدامج وصلت
صعدنة بسيارة متونسين ضحك كلش فرحت لهمسة اتعينت بالجامعة لان مجتمع الجامعة كلش حلو

همسة : اي و اخيرا وصلت اريد ادخل للحمام
عزام : ولج بابا كم مرة اكلج لتسوين هيجي بروحج ليصير بيج التهاب مجاري بولية ..يصير بيج رمل ميصير هيجي
همسة : انت شايف البنات شكد قذرات
عزام : صح حقج و الله ...ادخلي و ارجعي سبحي شسوين ... من اداومين حمامات الاساتذة غير شكل
همسة : اي اكيد ..
عزام:.مو هم هيجي،اتسوين بنفسج
همسة : فدوة لدكتوري الي يخاف عليه

دخلت للبيت رحت للحمام
عزام : السلام عليكم
شدن : و عليكم السلام ...الله يساعدك اليوم من وقت
عزام :ما عندي شي و اطيتهم المستمسكات الي يريدوهة مني و رحت اخذتهة
شمسويتنة غدة ترة ميت من الجوع ؟
شدن : صارلي هواية ممسويتلك برياني ..سويتلك اليوم
عزام : عاشت ايدج ...هذا تلفون منو ديدك انسطر راسي
شدن : يمكن تلفون همسة ..
عزام : جانت خالته هو و جنطتهة على الميز قريت الاسم
😈😈😈سرمد يتصل بك
انتي متأكدة هذا تلفون همسة
شدن : اي مدشوفة يم الجنطة ....سرمد شنو
همسة : طلعت من الحمام و اباوع على عزام عيونهة تجدح نار
عزام :تعااااالي ....منو هذا ؟
همسة : بديت ارجف و ابجي
عزام : جريتهة من ايدهة ...افتحي الجهاز فضيني اريد اشوف الرقم
همسة : فتحتلة التلفون ...و ارجف
عزام : لج حقيرة سرمد صديقنة ...
همسة : 😢😢😢😢و الله ما عندي شي مو زين وياااا
عزام كمشتهة من شعرهة  : من شوكت علاقتج بي احجي ؟
همسة :صارلي شهر و الله يريد يحجي وياكم و يجي يخطبني
شدن :على كيفك عليهة بتفاهم نفتهم كلشي
عزام : انتتتتتي اسكتي ....و القران اذا ادري انتي تعرفين بعلاقتهم و محاجيتلي احركج انتي وياهة
شدن : لا و الله ما اعرف ...و اني شعلية
عزام :فتحت الرسائل ...و قريت حبيبتي اني اتخبلت 😈اني اعلمك الحبيبتي شنو
همسة : عفية الله يخليك لتتعاركون ...و الله ممسوين شي غلط
عزام : انجبي ادبسيز ...بعدين حسابي،وياج اخذت جهازهة و ركبت السيارة و رحت لبيتة

شدن :بشرفج سرمد ؟هسة هو رايدج اكتبة اسم بنية ...رونق 2
كاتبة سرمد شنو ؟تدرين هسة شراح يصير بيناتهم يجيني رجلي مزورك و سرمد هم عزام يطفيلة عين خوش خطوبة يجي يخطبج
همسة :عفية خابري كوليلة خلي يرجع

سرمد : ظل بالي مردت على التلفون ..فجأة دك الجرس اكثر من مرة
يا ستار هاي شكو ...
رونق : يا ستار اكو واحد هيجي يهجم الجرس
ام سرمد : هذولة الولد اكيد
سرمد :فتحت الباب محسيت الا عزام يدفعني و يسد الباب اخذني جوة بالحديقة
عزام : تعال خلي ندخل يا حقير بديت اضرب بي نهيتة لك اضرب اذا رجال لك هذولة البنات كدامك تصادق اختي حقير لك اعتبرناك اخونة و دخلناك لبيتنة و هيييبجي تغدر بينة حقيييير
رونق : ماما هذا دكتور عزام ديضرب بسرمد  شكو يا ربي
عزام : دخلوا اخوتة  مثلة طول بضخامة رادوا يضربوني
سرمد : عوفوا ادخلوا جوة .....كملت ضرب لو بعدك ممرتاح يا طبيب الروح
اولا : اني ما عندي شي مو زين وية اختك احبهة و رايدهة بالحلال ..و انت تعرف مترهم اكعدهة وية اخوتي أريد اشتريلهة مشتمل
عزام : ليش مأجيت حجيت وياية ..ليش،الكي احسن منك لاختي بس مو مال تحاجيهة بتلفون و تلتقون بجامعة
سرمد : و الله بس اليوم شفتهة ...اووو ابن ال
شسويت بية
عزام : تعال اداويك ...أذيتك هواية
سرمد :تعال ادخل داويني
عزام : دخلت و اخوتة يباعون علية
سرمد : اتركوا كتلكم اني غلطت و اجة ضربني رووحوا
الاخوة :مسوي وجهك خريطة و تريدنة نسكت
سرمد : ادخلوا مالكم علاقة بي متسمعوني
عزام : عالجتة ..و كملت شوكت تجي تخطبهة ؟
سرمد :العصر اذا تريد
عزام : ههههههه لا شوية خلي يهدأ وجهك الخميس تعال و انطيني،ورقة اكتبلك عصارة حتى يلتأم الجرح بسرعة
سرمد :اي و الله ...انوبة عبد اللطيف يكمشني 4 ارهاب
عزام : هههههه.يلة صحة و عافية ...همست بأذنة اذا اتصير حلالك و اتضوجهة شفت شيصير بيك
سرمد : بس،وافقوا و احطهة فوك راسي،

عزام : ديلة عيني اني اترخص ...ان شاء الله الخميس انشوفكم
ام سرمد : هو شكو ؟
عزام : هو يحجيلكم يلة في امان الله
ام سرمد : لك سرمود شمسوي مصيبة ؟
سرمد : ممسوي شي ..بس رايد اختة و حاجي وياهة بتلفون و اجة ضربني
رونق : يااا حقير يا سرمود اخذت تلفونهة من جهازي و الله تستاهل نحر
سرمد : يا ادبسيز ...تعالي اكتلج
رونق : يعني صديقتي حتجي يمي
سرمد : اي متشوفيني اريد اشتري هذا المشتمل اليمنة
رونق : فدوة لقلبك ...حبيبي و الله هموسة وردة مال الله
الولد :هذا راح ...لك ليش مخليتنة انملخة
سرمد : زمايل انتوا ...هاي اختة راح اتصير مرتي الخميس انروحلهم
الولد : هاي ردت تخطبهة هيجي سوة بيك لو معتدي عليهة جان حركك بتيزاب
سرمد : هههههههه طيح الله حظكم شلون ثنين
عزام : رجعت بوجه عصبي ....يلة صبوا الزقنبوت ؟
شدن : تدلل...صبيت الي و اله ....ايدك متأذية خلي اعقمهة الك
عزام : اني اغسلهة و اعقمهة
شدن : اتضاربتوا ؟و شكلك يريدهة لو لان شافهة فقيرة يريد يقشمر عليهة
عزام : لا رايدهة و كاتل روحة عليهة يكولي اجيكم العصر بس خطية فلشتلة وجهة اطيتة عصارة كتلة للخميس،اتصير احسن
شدن : جيب اشدهة الك متسيطر بوحدك لفيتهة الة و ظل مبتسم يباوع علية
عزام : خفتي علية ؟
شدن : اي و الله ..اكثر شي عجبني بيهة شكد فطيرة خازنة الرقم بأسمة
عزام :لوما اخوتة يدخلون يمكن جان ملخته
شدن : كلتلهة هسة رجلي يجي مزورك
عزام : هههههه شحدة الي يمد ايدة علية اكسرهة
شدن : يلة تغدة حتى ترتاح شوية و   العصر نحجي وية عمو و خالة و مصطفى
عزام :امرج و غمزت يا خطيبتي،
شدن : شكد خبيث و نزلت راسي
عزام : كملنة اكل و صعدنة فوك نلعب وية موسى
شدن : سمعت صوت عمو و خالة ..عزام ..عزام كعدوا تعال نحجي وياهم
عزام :هاي وين ؟
شدن : بغرفتهة اصيحهة ..
عزام : خلي تولي ...هسة نحجي وياهم و اصعدي كوليلهة
شدن : لتصير هيجي خطية واحد رايد الثاني
عزام : الي يشوف رومانسيتج من يخطبون اخوتي يحسدني على مرتي
شدن : انقهرت من حجايتة ...انت تعرف ظرفي يختلف
عزام : من توفى اخوية ليحد هسة لكيتي احد حنين عليج مثلي
شدن : لا ...و هذا الي اموتني
عزام : هو اني الي متت مو انتي
شدن : اسم الله و رسوله لتحجي هيجي
عزام : امشي خلي نحجي وياهم حتى نكطعلهم مهر قبل السفرة مالتي
عزام : نزلت حجيت وياهم والدي و امي كلش فرحوا لان يحبوا لسرمد
ابو اسماعيل :هي وينهة خلي ناخذ رأيهة
عزام : شدن كومي صيحيهة
شدن : صعدت دكيت الباب ...لج افتحي
همسة : شكو ؟
شدن : عمو و خالة يريدوج ياخذون رأيج بسرمود..شبيج صافنة خطبج من عزام بس انكتل كتلة
همسة : هسة نازلة ....
ماما و بابا حجوا وياية و كلتلهم موافقة لان صديق اخوتي اكيد مثل اخلاقهم
عزام ،:شدن ....حبيبتي اتعلمي من صغار القوم دشوفين
شدن : هسة شبيك شديت وياهم
اجة يوم الخميس و صارت الموافقة على الخطوبة و حددوا حفلة المهر السبت
صارت الحفلة سكيتي بس سيد و لبسوا الذهب مقبلت همسة اتسوي حفلة و اغاني لان السنة مال محمود مطالعة
سرمد : شفتهة بدون حجاب اميرة كلش حلوة طالعة حبيبتي
همسة : حبيبي انت هم طالع حلو ..بس اثار الضرب دماااار
سرمد : شسوي غير حبيبتي ذكية كاتبة اسمي و رحت بيهة
همسة : هههههه شمدريني اني
شدن : خلي ناخذلكم صوووور يلة
سرمد :بالمناسبة اخوج لو شايفتة بالضرب جان غيريتي لقبة من طبيب الروح لقابض الروح
همسة : عابتلك ههههههههههه
باجر يسافر طبيب الروح للبنان يم الحلوات خخخخخ