رواية طبيب الروح دكتور عزام الفصل السادس 6 - بقلم الحساب مغلق

#ام_النون
شدن : جابو جثة محمود  ظليت ابوس و اشم بي من رقبتة المذبوحة احجي بأذنة اريدة يجاوبني ماكو رد
اكمش بأيدة اريد يحطهة على بطني بلكت يحس بأبنة و يكوم وكعت ايدة هاي الإيد الي جانت مثل الجبل توكع مثل ورقة الشجر هاهية عرفت عافني اني و ابنة راح لدار حقة اخذوا حتى يدفنوا بالمقبرة راح و روحي راحت ويا
ظليت ابجي و الطم على راسي عزام يظل يعيط علية و كل ميعلة صوتة ابجي و الطم اكثر اخر شي لزمني
عزام : بروح محمود اتماسكي لخاطر ابنج هو هذا الشي الوحيد البقة من محمود
طلعوا للنجف و اني بس ابجي اجتي اريج وحدة تواسي،الثانية اخر شي،انتهيت صار عندي انهيار عصبي
اريج :من اتخربطت منعرف شنسوي اني و همسة و اهلهة خابرت على عزام
الوووو عزام وين وصلتوا ؟ شدن اتخربطت
عزام : احنة هستونة طلعنة من المنطقة
نزلوني شدن اتخربطت
بوقتهة صدك حسيت الحمل ثكيل . اخوية الي روحي بالدنيا راح و اريد ادفنة بيدي بكفة و شدن الي ابن اخوية بأحشائهة منهارة بكفة و هذا اصعب وقت الحمل . و لازم نحافظ على هذا الطفل بأي وسيلة
عزام : وصلت شفت منظر البجي و اللطم عيطت عليهم البنية منهارة و هذا اللطم كدامها شلتها فوك لغرفتها و قست الضغط لكيتة مرتفع اتخبلت عسريع خليتهم يسولهة عصير ليمون و برتقال بالكوة شربناهة و بس ترجف
و ظلت صافنة بدت تضحك
شدن : خلي اكوم اكمل الغدة هسة راح يرجع
عزام : نزلت دمعتي  اش كافي اصحي
شدن  محمود توفة شدي حيلج علمود ابنج  فدوة اروحلج
شدن : تعبانة اريد انام .إطلع و سد الباب هسة يجي محمود ميقبل ما بية حيل عياطة
هو الصبح كال مشتاقلي ما اريدة يزعل .هسة اصير زينة بس يرجع
عزام : ظليت صافن بيهة البنية فقدت . كمشتهة حضنتهة انتهت بيدي من البجي شدن : اريدة عزام ليش عافني . اريدة فدوة اروحلك رجعة و الله اموت بدونة و تضرب بية و اني حاضنهة
عزام :اش كافي هذا امر الله كافي  قدرالله و ما شاء فعل
ام شدن : ها دكتور شلونهة
عزام : شلونهة شتتوقعين خالة رجلهة يغازلهة الصبح . الظهر يرجعلهة جثة
انعل هيجي دين الي يفتي بقتل البشر هسة الموظف شنو ذنبة  هم هاي طوائف و ديقتلوهم اشو السني و الشيعي،و المسيحي هناك اداوم لكم وصلت الدنائة تستهدفونة و تقتلونة جماعي   يا الهي شديصير بهذا البلد رحمتك ربي اني احجي و البنات يبجون
نهى : دك تلفوني امير يتصل
الووووو
امير :هلو حياتي شلونكم
نهى ابجي و احجي:شدن منتهية عزام دخل عليهة مرتفع ضغطتهة لحكناهة بعصاير
امير : شنو هذا الاجرام انتي لو شايفة المنظر شي مرعب الجسر واكع و الوزارة متفلشة شهداء كومة حسبي الله عليهم
نهى : كلهة تصفية حساب بين السياسين و الشعب واكع بيها الله ينتقم منهم
امير : ديربالج على نفسج حبيبي
نهى ابجي على حال اختي و احجي  : اميير احبك لتعوفني مثل محمود
امير : ما دام عايشين بالعراق واحد ميعرف شوكت يومة. و الاعمار بيد الله
نهى :الله يحفظك الي بجاه محمد و ال محمد
امير : حبيبتي روحي يم شدن محتاجتج صيري قوية يلة باي
نهى : باي حبي
عزام : مرت 3-ايام الفاتحة و شدن صافنة بس دموع و تتخربط و اطلع من الفاتحة علمودهة
خلصت الفاتحة اهلها كالو لازم ناخذهة بعد مالهة كعدة هنا
و لازم تكمش العدة  اتخبلت اذا امهة و اختهة هذا لطمهم و بجيهم شلون راح ادكوم على حيلهة
والدي جان كلش هاديء كال براحتكم بس اني اجي اشوفهة و اذا اتخربطت عزام يجي وياية
راحت شدن  و اني رجعت اداوم بالمستشفى  عادي اشوف المرضى و اعالجهم انسى كلشي،وية مهنتي  شفت ابو ليلى  اتسالمنة و جانت الضحكة بوجهة
عزام : اليوم الوجه يضحك
ابو ليلى : راح يجوني ولد 2-ربك يعوض
عزام : الف مبروووك شفت اجوي و رزقهم وياهم
ابو ليلى باس،ايدة وجه و كفة : الف الحمد لله و الشكر الله ميكطع
عزام : شراح اتسميهم ؟
ابو ليلى دمعت عينة : محمود و عزام
عزام : شكد حاولت اتظاهر بقوتي و ما احسس احد بألمي بهاي اللحظة وكف بية الزمن بطفولتي وية تؤام روحي و بديت ابجي
حضني ابو ليلى : كافي لا تبجي اخوك بالجنة يا خوية اني جنت بضيم محد يدري بي بس ربك و مدري شلون طلعلي اخوك و رفعني من الكاع للسما و انت حيتني و تريدني ما اسمي ولدي بأسماءكم
عزام : الحمد لله
و بيوم من الايام رجعت للبيت  والدي صاير نار  و يرجف
ابو اسماعيل :عزااام ... عزاااااام
عزام : شكو ؟
الوالد : شدن متخربطة امشي
رحنة عسريع دخلت قست ضغطتهة هم مرتفع 
و لازم اشكللها مغذي شلتهة بدون وعي
يابا امشي اوديهة للمستشفى يحتاجلهة مغذي
كمت اعيط لموا غراضهة اتظل يمنة انتوا دمرتوهة
وحدة كاعدة مدري امين : يااا و العدة شلون ؟
عزام باوعتلهة بأستهزاء : بحالهة وقت اسلاميات اتثقفوا
وصلنة للمستشفى شديتلهة المغذي و استقرت حالتهة اباوع عليهة بطنهة كبرانة و فحصنة الطفل حالتة تمام
شدن : وين اني يمة ابني صار بي شي
عزام : لا ما بي وكيح يخبل بس هم اتخربطتي لازم تتغدين زين
باجر تطلعين من المستشفى تجين يمنة حتى نكون قريبين عليج
شدن : اي اريد ارجع لغرفتي . شوية و نامت
ابو اسماعيل: هي،بيا شهر هسة
عزام : بنهاية الخامس بعد كم يوم اتفوت السادس
ابو اسماعيل : و تخلص العدة
عزام : و شبيك وية العدة ؟
ابو اسماعيل : كلشي بوقتة
عزام : ابو اسماعيل احجي سامعك
ابو اسماعيل : تخلص العدة و يجي الولد تعقد على شدن حفيدي ميتربى بغير بيت ابو
عزام : انت شتحجي ؟
ابو اسماعيل : هذا الي عندي لتناقشني
و رجع ابو اسماعيل لجبروتة

الكاتبة#ام_النون
عزام : شنو ما اناقش  لخاطر الله شنو هي جارية نتحكم بيهة
ابو اسماعيل : و انت ليش،مخبوص بيهة لهاي الدرجة جاوبني  شكد مجنت اني خايف عليهة انت خوفك اضعاف محسيت بروحك شلون شايلهة و تركض بيها مبقيت احد معيطت عليه و انت بحياتك مجنت هجومي بتصرفاتك
عزام خجلت و صفنت على حجي والدي : طبعا هذي زوجة الغالي و ابن محمود ابطنهة تريدنة نخسره لا يجي و احنة نربي
ابو اسماعيل : الله حلو الحجي احنة نربي .
شدن حلوة و العيون عليهة و المرة من تصير ارملة اول فترة تنكسر و متكدر تفكر بغير زوجهة .ورة مدة تبدي تحتاج لرجال يسندها و يساعدهة بتربية ابنهة 
الانثى من  تلكي الحنية و الاهتمام من الرجال يدك قلبهة و تحن الة 
و انت طبيب قلب مراح تكدر ترد الروح الهة و ترجع قلبهة ينبض
عزام : يابة هذا الحجي بعد وقت عليه
ابو اسماعيل : لا لا عندك 3اشهر قربهة منك و حتى لو متتقبلك و تعتبرك اخ انتظر سنة تاليهة تستسلم الك المرأة كتلة مشاعربالحنية و الحب نهيجهة
عزام : شلون و روح محمود بعدهة بالبيت و هيج تفكر حط ايدة على كتفي
ابو اسماعيل : الحي أولة من الميت ابني .
و راح يجي يوم اتبوس ايدي و تشكرني
عزام : انت قاسي و قلبك حجر
ابو اسماعيل : مقبولة منك بس راح تجيني و ادكولي انت احن اب بالدنيا . يجي الطفل ننتظر شهرين و تعقد عليهة
طلع من الغرفة و دار وجهة  شكد قسيت  وياكم بس قساوتي  وصلتكم  للسما و محد يكدر يندك بيكم فلتتوقع فد يوم راح اضرك انت عزام كل ولدي بكفة و انت بكفة
عزام : رحت ركضت عليه بسته من راسة و ايدة الله يخليك خيمة فوك راسنة اضربني اذا أذيتك بحجايتي
ابو اسماعيل : الله يكسر ايدي اذا مديتهة عليك يا طبيب الروح
يلة روح شوف شدن امهة و اختهة يمهة اني باجر عندي محكمة و تعبان اريد ارتاح
عزام : و الله اذا لكيتهم ينوحون اطردهم
ابو اسماعيل : هههههه على كيفك هاي ام بس هاي الحلوة نهى طردهة
عزام : الله يساعد امير عليهة
ابو اسماعيل : الله يسعدهم .مع السلامة ابني
عزام : الله وياك يابة

رحت لغرفة شدن دكيت الباب :منو
عزام : اني عزام
شدن : لبست حجابي و امي فتحت الباب
ام شدن :تفضل امي
عزام : اسف خالة على تصرفي بس و الله من شفتهة متخربطة ما اعرف شصار بية
نهى : اصلا عاشت ايدك خلصتنة من حجية ام رزاق يابة شكد لزكة
عزام :
لا اراديا كلنة ضحكنة حتى شدن
باوعلت عليهة ضحكتهة حلوة و ملامحهة نازكة
بقلبي احجي هاي شبية معقولة اثر حجي والدي بية لك هاي جانت زوجة محمود
شدن : هو انتي من البداية تريدين تخلصين منهة و عزام خلصج
شكرا عزام كلش تعبتك وياية
عزام : تعبج راحة شدن صيري قوية لخاطر موسى
شدن : شفتوا بالسونار ولد
عزام :اي و كلش وكح .
نهى : اوي حبيبي عليمن يطلع غير على خالتة
عزام : راح تسويلي فتحة بالقلب هو الولد عليمن يطلع على الخال لو الخالة
نهى : الخال غير . شبيك غمزتلة نغير جو
شدن : اريد اشوفة
عزام : طلعت الصورة من جيب الصدرية شوفي
هياتة شوفي
شدن : ماما ...نهى ...تعالوا شوفوا اوي فدوة
عزام ...عزام شوكت نرجع للبيت ؟

عزام : بعد يومين اريدج ترتاحين و توعديني اتصيرين قوية
شدن :ما اوعدك بس ان شاء الله
ام شدن : شنو مراح ترجعين ويانة هاهية
شدن :لا ماما خليني يم خالة و همسة راحتي بغرفتي مشتاقة لريحة محمود
عزام :دمعت عين ام شدن خنزرت عليهة هدأت
شدن اذا اتظلين هيجي ما ارجعج للبيت
شدن : الله يخليك رجعني لتسوي هيجي بية و بديت ابجي،
كمشوني امي و نهى حضنوني هدأت
عزام : اني اليوم خفارتي حظل يمهة اذا تريدون روحوا و اكو ولد معاون طبي اسمة محمد و بنية اسمهة هدى اوصيهم عليهة خاف اتصير عملية عندي فتشي،
ام شدن : لا يمة بنتي،ما اعوفهة هسة اخابر الولد ياخذون نهى
نهى : اليوم عدهم خفارة ...
ماما يصير اخابر على امير يجيني
ام شدن : اي ماما شكو بيهة هو خطيبج خابري
نهى :الو ... هلو حبيبي
امير : هلا بنظر عيني
نهى : فدوة لعينك ....حبيبي اني بمستشفى الكاظمية
امير : اسم الله شبيج مريضة بيج شي هي،هاي ام رزاق كل مشوفج تتمرضين
نهى : ههههههه هيجي تخاف عليه
امير : لج اشو تتمضحكين
نهى :شدن متخربطة و عزام اخذهة للمستشفى
امير :عدهة العافية .شكد خوش ولد عزام شلون مخبوص بيهة
نهى : ابنهم ابطنهة قابل يتركوهة
امير : لا طبعا ميتركوهة
نهى : و عمرهم كلة ميتركوهة ما دام اكو طفل
امير :شنو قصدج ؟
نهى : عوفنة من شدن . اريد ارجع للبيت اخواني ماكو انت تعالي
امير : اي هسة ما اطول
نهى : حبيبي لسوق سريع اخاف عليك
امير :امرلج يا اميرتي