رواية طبيب الروح دكتور عزام الفصل السابع 7 - بقلم الحساب مغلق

رحت لغرفة شدن دكيت الباب :منو
عزام : اني عزام
شدن : لبست حجابي و امي فتحت الباب
ام شدن :تفضل امي
عزام : اسف خالة على تصرفي بس و الله من شفتهة متخربطة ما اعرف شصار بية
نهى : اصلا عاشت ايدك خلصتنة من حجية ام رزاق يابة شكد لزكة
عزام :
لا اراديا كلنة ضحكنة حتى شدن
باوعلت عليهة ضحكتهة حلوة و ملامحهة نازكة
بقلبي احجي هاي شبية معقولة اثر حجي والدي بية لك هاي جانت زوجة محمود
شدن : هو انتي من البداية تريدين تخلصين منهة و عزام خلصج
شكرا عزام كلش تعبتك وياية
عزام : تعبج راحة شدن صيري قوية لخاطر موسى
شدن : شفتوا بالسونار ولد
عزام :اي و كلش وكح .
نهى : اوي حبيبي عليمن يطلع غير على خالتة
عزام : راح تسويلي فتحة بالقلب هو الولد عليمن يطلع على الخال لو الخالة
نهى : الخال غير . شبيك غمزتلة نغير جو
شدن : اريد اشوفة
عزام : طلعت الصورة من جيب الصدرية شوفي
هياتة شوفي
شدن : ماما ...نهى ...تعالوا شوفوا اوي فدوة
عزام ...عزام شوكت نرجع للبيت ؟

عزام : بعد يومين اريدج ترتاحين و توعديني اتصيرين قوية
شدن :ما اوعدك بس ان شاء الله
ام شدن : شنو مراح ترجعين ويانة هاهية
شدن :لا ماما خليني يم خالة و همسة راحتي بغرفتي مشتاقة لريحة محمود
عزام :دمعت عين ام شدن خنزرت عليهة هدأت
شدن اذا اتظلين هيجي ما ارجعج للبيت
شدن : الله يخليك رجعني لتسوي هيجي بية و بديت ابجي،
كمشوني امي و نهى حضنوني هدأت
عزام : اني اليوم خفارتي حظل يمهة اذا تريدون روحوا و اكو ولد معاون طبي اسمة محمد و بنية اسمهة هدى اوصيهم عليهة خاف اتصير عملية عندي فتشي،
ام شدن : لا يمة بنتي،ما اعوفهة هسة اخابر الولد ياخذون نهى
نهى : اليوم عدهم خفارة ...
ماما يصير اخابر على امير يجيني
ام شدن : اي ماما شكو بيهة هو خطيبج خابري
نهى :الو ... هلو حبيبي
امير : هلا بنظر عيني
نهى : فدوة لعينك ....حبيبي اني بمستشفى الكاظمية
امير : اسم الله شبيج مريضة بيج شي هي،هاي ام رزاق كل مشوفج تتمرضين
نهى : ههههههه هيجي تخاف عليه
امير : لج اشو تتمضحكين
نهى :شدن متخربطة و عزام اخذهة للمستشفى
امير :عدهة العافية .شكد خوش ولد عزام شلون مخبوص بيهة
نهى : ابنهم ابطنهة قابل يتركوهة
امير : لا طبعا ميتركوهة
نهى : و عمرهم كلة ميتركوهة ما دام اكو طفل
امير :شنو قصدج ؟
نهى : عوفنة من شدن . اريد ارجع للبيت اخواني ماكو انت تعالي
امير : اي هسة ما اطول
نهى : حبيبي لسوق سريع اخاف عليك
امير :امرلج يا اميرتي

نص ساعة و وصل فات للمستشفى سلم على امي و شدن و عزام و طلعنة
امير : حبيبي جوعان لو لا
نهى : شتتوقع ؟
امير :اكيد ميتة جوع
نهى :حتى اذا مجوعانة اكول جوعانة حتى ابقى اكثر وقت وياك
امير :مخبلة و خبلني حبج كمشت ايدهة بستهة  اعشقج
ذابت عيونهة من بست ايدها ضحكت
نهى :ليش تضحك؟
امير : و الله لو هسة احنة بالبيت جان شخلصج مني هو بست ايدج هيجي صار بيج
من ابوسج منا و لزمت شفتهة نصت صوتي شحسوين
نهى : ابتسمت و نزلت راسي حتموت من تريد تحصل بوسة لو تموت
امير : ها لتتحديني خلي نعقد و شيخلصج مني
نهى : بوكتها اصير الك و شتريد سوي
امير : رجعت بست ايدهة اكثر من مرة و هي منتهية غمزتلها اموت على المطيعة
وصلنة للمطعم اكلنة و نضحك و يراقب الموجودين خاف احد يباوع
نهى : شبيهة عيونك تفتر ؟ خاف شفتلك شوفة
امير : عيوني تفتر حتى ما اخلي واحد يباوع على حبيبتي
نهى : و خلي يباوعون شراح يحصلون اذا عيوني بس اتشوف واحد
احبك امييير شوكت نصير بيت واحد
امير : شسوي غير ابوج موتني خلي تتخرج و خلي تتخرج
تدرين البارحة شردت اكولة بس جيبهة يمي هي ينفتح مخهة و تتخرج
نهى : هي سنة وحدة رسبت راح اتذلوني
امير :ههههههه بس لو تشدين حيلج جان هسة انتي بحظني
نهى : هااا . خلي،نحجي وية بابا و انقنعة
امير :ترة عيب من شدن
نهى : ترة هي تريدنة نزوج . هي تعبانة و منتهية و ادكولي خوما باسج امير
امير : ههههه شادة وياية . الله كريم يلة حبي خلي ندفع الحساب و اوصلج اتأخرنة
نهى : اني كايلتلهم رحنة مطعم لتخاف
وصلني للبيت دخلت دأسد الباب نزل من السيارة
اشو نزلت ؟
امير : اريد اسلم على عمي و اشرب مي
نهى :ادخل
امير : سحبتهة لصدري و حضنتهة احبج يا بت عمتي لج و القران خبلتيني بستهة من كصتهة و خدهة و نزلت على حنجهة
نهى :كافي عيب خلي،ندخل مصدكت
امير : سلمت على عمي و شربت مي،و طلعت
عزام : ظليت وية شدن الليل كلة اني،و امهة
شدن : فزيت اريد اروح للحمام و مشكلين المغذي،و عزام نايم مثل الطفل
عزام ...عزام
عزام : هااا
شدن :فدوة بس وخرلي المغذي اريد اروح للحمام
عزام : وخرتلهة المغذي .. حتى اشوفلج ضغطج
شدن : ماشي بس،عفية اني،كلش،جوعانة
عزام :جبتلج اكل بس،اقيس ضغطج و كلنة نتعشة
شدن : تسلم
قاس الضغط جان طبيعي كعدنة امي،و اتعشينة
عزام : خلص اليومين و وضعهة صار احسن و رجعنة للبيت

الكاتبة #ام_النون
عزام : بعد متحسنت حالة شدن رجعتهة للبيت  حسيت نفسيتهة احسن  من شافت صورة السونار
شدن اسمعيني زين اريدج اتصيرين قوية ترة نفسيتج تأثر على النونو و الحمد لله صحتة زينة
شدن :ان شاء الله . بس اريد تطيني صورة النونو
وصلنا للبيت صعدت للغرفة و عمتي و عزام و همسة وراية فتحت الباب و الاضوية اباوع على الفراش اتذكر من يحجي و يتناكر وياية و يشاقة
اذكرت من كتلة على حملي و شلون يبوس ابطني و يرزل بأبنة حتى ميأذيني،و من كل عقلة هو ديسمعة و يفهمة  بديت ابجي،و كمشت بطني،
اووووف يا ابني اتيتمت قبل متشوف ابوووك راح اجيبك للدنيا و اربيك على كل صفة حلوة شفتهة بأبوك على حنيتة و طيبتة و ايمانة
كمشت القميص مالتة و اشم بي
عزام : كافي شدن شحجينة احنة
ام اسماعيل : عوفهة يمة مو بيدهة خليها تبجي و ترتاح 
شدن : اريد انام تعبانة
عزام : همسة فوتي يمهة
همسة : اي هسة داخلة
شدن : اي عفية همسة تعالي وياية لان اريد افوت اسبح و اريدج اتساعديني
دخلت سبحت و هموسة ساعدتني نشفت شعري
هموسة : شعرج كلش حلو هو هيجي اسود
شدن : اي هو هيجي لونة . هسة يجي موسى و ابدي ارضعة و يروح شعري
همسة : لا ان شاء الله ميصير بي شي
شدن: هو الي جان روحة بهاي الشعرات راح المن باقي
همسة : اش كافي حبيبتي متعرفين الله شكاتب لسوين هيجي بروحج قوي نفسج لخاطر موسى حبيبتي انتي
عزام :كاعد بغرفتي و افكر بحجي والدي صارلي 3ايام راح اموووت  شلون راح اتقبل اني هذا الشي و حتى لو اتقبلت الموضوع هي حتكدر تنسى محمود
و اني اذا مقبلت بحجي،والدي معناهة شدن لازم ترجع لبيتهم زين ابنهة شلون اعرف والدي مخبل يسويهة و ياخذ الطفل بس يكبر شوية
اوووف يا محمود رحت عفتلي مرة و طفل ربي ساعدني اكون كد هاي المسؤلية
فجأة دك التلفون
عزام : الو دكتور شلونك
الدكتور : الو مرحبا دكتور عزام حبيبي،نريدك بالمستشفى حالة مستعصية و دكتور بشيرعندة عملية كبرى و بس انت و هو يدبرون هاي الحالة
عزام : اي اوكي جاي بس شنو الحالة
شرحلي الحالة الطبيب  اني مسوي هيجي عملية قبل وية دكتور بشير
رحت دخلت للمستشفى سويت فحوصات طبعا  المريض جان عمرة 55 سنة بالبداية عبالهم اني الطبيب المقيم الي اسوي الفحوصات
لبست ملابس العمليات و صحناهم ابنة من شافني اتخبل و بدة يصيح
الشاب : شنو السالفة هو هذا حيسوي العملية لا عيني منريد
زميل عزام  : شنو انت ويامن تحجي هيجي مو شفتة  صغير عبالك ميعرف عزام  من الدكاترة المعروفين بهاي المستشفى
عزام : لحظة على كيفك عليه  اول شي اهلا و خلي احجي وياك شوية لان وقت ما عندي
اني عزام  عبد اللطيف  الطبيب المساعد وية دكتور بشير كل الي يسوون عمليات بالقلب يعرفوني فأنت براحتك تريدني اني لو غير طبيب اخر شي حالة والدك تسوء
الولد : والدي امانة عندك الله يخليك
عزام : لتخاف ترة عمليتة سهلة
دخلت للعملية نسيت كلشي نسيت حجي والدي و نسيت وفاة اخوية و شدن و ابنهة احس روحي اروح لغير عالم من اشوف ميكانيكية هذا الجسم الي خلقة رب العالمين
طولت العملية 3 ساعات و طلعت
عزام : الحمد لله على سلامتة
الولد :شلونة دكتور ؟
عزام : الحمد لله عملية ناجحة مية بالمية .3اشهر و يجيكم يريد مرة ثانية
ام الولذ:ضحكت يابة شيريد بس يظل خيمة فوك راسنة