رواية طبيب الروح دكتور عزام الفصل الخامس عشر 15 - بقلم الحساب مغلق

#طبيب_الروح_دكتور_عزام
الجزء السادس عشر
الكاتبة ام النون
عزام :كعدت الصبح لكيتهة حاطة راسهة على صدري .... اووف ربي قربهة مني يموتني ادري كل رياجيل الدنيا  صعبة عليهم يحبون ارملة اخوانهم ليش حبيتج   شنو السر الي بيج  .لان تسمعين الكلمة حبيت عنادج  و خجلت من اتقرب منج
اي اني صمام الامان مالتج لتخافين اباوع على شفايفهة اتخبل اووف شوكت  راح تخليني اتقربلج . يجي يوم اتصيرين مرتي و انصير زوج و زوجتة مثل العالم و الناس و يصير عدنة اطفال و نربيهم
• لزمتهة من شعرهة و هي محاسة و احجي بقلبي بكلشي جنة نشارك اني و محمود بس متوقعت يستشهد و يتركني و يحملني مسؤلياتكم . احبكم انتوا احلى شي صار بحياتي بعصبيتج برفضج بعفويتج حبيتج انتي و ابنج
• شدن ...شدن اكعدي
• شدن : لكيت روحي حاطة راسي على صدر عزام كلش استحيت اسفة محاسة بروحي
• عزام : هسة منو ديتحارش ديلة حكوم اسبح سويلي الريوك البسي حجابج
• شدن : ليش شوكت نازلة بدون حجاب بس من مصطفى ماكو
• عزام : يعني خاف تنسين ....اذكرت من كسرت الباب عليهة و جانت بدون حجاب و جنت ميت خوف عليهة لتأذي روحهة
• رحت غسلت و لبست العباية الاسلامية و طلعت حضرتلة الريوك
عزام :وكفت اباوع عليهة ...اذا متحبني و ممعتبرتني زوجهة بس وسيلة حتى تحافظ على ابنهة ليش هلكد اداريني
شدن :عجبني اسويلة بيض،و طماطة هو كلش يحبهة و البارحة كال عندة عملية فجأة حسيت ايد حاوطت خصري درت وجهي عليه جان صافن بية بهدوئة القاتل بلعت ريكي لان كلش تعبني،اريد احجي بكل هدوء حجة
عزام بمكر : خلص ريوكي لازم اروح للمستشفى
شدن : وخر ايدك حتى احطة على الميز
ليش هيجي اتسوي
عزام :اشششش اجتي مرة اسماعيل
شدن : اتفاجئت باسني،من خدي،وقت دخلتهة
ام جمال : العفو ما ادري،انتوا هنا و طلعت
شدن : عيب ليش هيجي،سويت
عزام : حتى تتعلم  ادك الباب بأي مكان
شدن :ليش احسك اتضوج منهة ؟
عزام : لان هي هم الهة ايد بلي صار و لتكولين شلون عرفت لان اني كلشي اعرف
شدن : عوفك منهة اتريك و روح للمستشفى عندك عملية لتشغل بالك
عزام : ما اشغل تفكيري لان اني بس ابدي بالعمليات انسى حتى اسمي و اركز على الانسان الي بين ايدي
شدن : الله يوفقك و يسهلك امرك و يحققلك الي ابالك
عزام : ظليت اباوع عليهة ....ان شاء الله و غمضت عيني و طلعت
شدن : ظل يباوع بحنية ...دمرتني نظرتة احس روحي ظالمتة و المشكلة احنة الثنين انظلمنة
مكملت الريوك ؟
عزام : الحمد لله شبعت كملي انتي وراج لازم ترضعين موسى . ادعيلي شدن
شدن : دائما ادعيلك ...يا طبيب الروح
عزام : فدوة لقلبج ...تسلميلي
اسماعيل : ها شبيج تهزين بأيدج
ام جمال :و الله يا الله مشايفة هيجي شي
اسماعيل: شبيج احجي؟
ام جمال :كلة 8اشهر من متوفي زوجهة و هيجي حب بيناتهم كامشهة بالمطبخ يبوس بيهة شنو ممكفي الليل
اسماعيل :نهال انتي مالج علاقة و بطلي تدخللين و تحجين و حتى لو اتشوفين شي متحجين ليسمعون الجهال .
و اني مية مرة كايلج ادكين الباب من تدخلين بالهول و المطبخ
ام جمال : و ليش اتذب اللوم بيه ميعرفون احنة موجودين . و على كيفة ترة مو بوحدهم بالبيت
اسماعيل :هسة انتي شبيج كاتلتج الغيرة .تعالي انتي هم تريدين بوسة ليش،اني مقصر وياج
ام جمال : لا محجيت هيجي اني . انت الخير و البركة بس اضوج تلومني
اسماعيل :سحبتهة حضنتهة و بديت ابوس بية ذابت بيدي مو بيدي حتى من اطول لسانهة احبهة ام ابني و بناتي .هااا ام دودة هسة ارتاحيتي
ام جمال : هههههه احبك ابو جمال ...الله يحميك و يبقيك خيمة فوك راسي
اسماعيل : فدوة لقلبج يا غيورة هههههههههه
يمكن صعدوا ..خلي اطلع اسلم عليهم
ام جمال : اي عفية حتى انسوي الريوك النة اني ميتة جوع
اسماعيل : صباح الخير بالعرسان
عزام : صباح النور حبيبي ها شلونكم البارحة
اسماعيل : الحمد لله زينين . بس البنات موتونة لحد مناموا
عزام : خطية اكيد متعودين على فراشهم
ام جمال رافعة حاجبهة : صباح الخير شلونكم
شدن بخجل : صباح النور ام جمال شلونج ان شاء الله بخير
ام جمال :بخييير اذا انتوا بخير
شدن ضجت من طريقة سلامهة احسهة عبالك كمشتنة بالجرم المشهود لو بيدي اكطعهة :عيني اني اترخص موسى بدة يبجي
عزام : اني هم اروح ابدل عندي عملية اليوم اريد اوصل من وقت
اسماعيل ونهال: اخذوا راحتكم
عزام دخلنا للغرفة و شدن معصبة كلش : شبيج ليش ضايجة ؟
شدن :شفتهة شلون اتسلم و رافعة حاجبهة هسة هاي هم مسويتلهة شي
عزام : هههه لا لان كلنة نحبج و مخبوصين بيج هيجي ضايجة منج هي طبيعتهة تغار عبالي بالخمس سنوات اتغيرت بس سبحان الله ابو طبع ميغير طبعة
شدن : احس هواية اكو حجي بقلبك ضامة
عزام : الايام طويلة و كلشي راح تعرفين لصيرين فضولية
نزعت ملابسي و بديت ابدل هي كلش خجلت بس حبيت ارفع التكلفة بيناتنة شيكون الاتفاق بس هي مرتي
شدن : كلش استحيت من نزع ملابسة و ظل بالداخلية عبالي حيلبس بنطرونة بالحمام بس بدل عبالك ماكو احد
اي بس صدك ماكو احد هو اني و زوجتة اخذت موسى و بديت ارضعة . و هو يباوع علية و مبتسم

عزام : محتاجة شي
شدن : محتاجة شغلات و اريد اطلع للسوك بس ما اكدر اعوف موسى
عزام : كولي لهمسة و امي على الضروريات و فد يوم نطلع اني و وياج سوة للباقي
شدن ابتسمت : اي عفية فد يوم خلي نطلع كلش ضايجة من البيت
عزام : كلش فرحت من كالت نطلع اني و وياهة . اي شكو بيهة زين هذا الملعون عادي اشربي حليب عادي
شدن : اي عادي ...بس ما اكثر حتى ليتعود على السهولة
عزام : خوش خلي يرجعون بيت اسماعيل و نطلع حتى مجلب مرتة تريد تطلع
شدن : هههههههه اوكي
عزام : غيري على الجهة الثانية و بعدين رجعي اذا مشبع
يلة اني رايح مع السلامة
شدن : الله وياك ... محروس

مصطفى:دك تلفوني من الصبح مروة
الووو هلو شلونج؟
مروة : هلو مصطفى شلونك ؟
مصطفى : شبيج ...اشو عبالك عصبية
مروة : وين انت اشو ليحد الان ماكو ؟
مصطفى :هسة طلعت قريب البنك على بيتي ليش اطلع من وقت ؟
مروة : لتدخل للبنك ...اني راح انتظرك يم مطعم .....
مصطفى :ظل بالي شكو ...هسة راح اوصل ثواني
فتت للمطعم لكيتهة كاعدة و عيونهة مورمة
شكو شبيج شصاير منو مضوجج
مروة : البارحة صديق بابا طلب ايدي لابنة
مصطفى : شنو ؟ لتقبلين مروة تعرفيني احبج و الله اموت اذا اتصيرين لغيري
مروة : اي ما اقبل ...بس الله عليك تعال على الاقل بس نلبس حلقات
مصطفى : كمشت ايدهة ..اي اليوم احجي وية اهلي .و اسماعيل اخوية الجبير هم موجود
مروة : اي ان شاء الله خير
مصطفى : اليوم احجي وياهم و باجر احنة يم اهلج
مروة :يا رب اتعدي على خير
مصطفى :اتعدي اجيب عزام حتى اليهودي يقنعة
مروة : ههههه عابتلك مجوز من سوالفك
مصطفى :اضحكي فدوة لضحكتج جايتني عيونج مورمة تعرفين اموت على هاي الدكم الحلوات
مروة :مو بيدي و الله احبك مصطفى و ما اريد اخسرك
مصطفى : امشي خلي نروح للمصرف لنترزل من المدير
اول مدخلت خابرت على عزام
عزام : هلوو ابو الصوف ها حبيبي شعجب مخابر ؟
مصطفى : زين تعرف رايدك بمصلحة هههههه اي و الله محتاجك
عزام :سولف شكو ؟
مصطفى :هاي مروة يريد ابوهة يزوجهة ابن صديقة راح اتخبل
عزام : شنو بكيفة ؟باجر نروح و نحجي وية والدهة ميخوصك انت .مروة خوش بنية حرامات اتضيعهة
مصطفى :اي و الله هاهية اتفقنة
عزام :اتفقنة ...هسة اخابر على شدن اسولفلهة

شدن :دألعب وية الملعون و خابرني عزام
الوووو هلو عزام ها بعدك مداخل للعملية ؟
عزام :هلوو لا بالعشرة تبدي،اكولج خلي افرغ مخي و احجي لامي
شدن : شكو خييير ؟
عزام : لا ..لا خير مصطفى يريد بنية ويا بالمصرف و هذا ابوهة رايد يزوجهة ابن صديقة و متخبلين
شدن : خطية ...و شراح نسوي ؟
عزام : كتلة نروح نحجي،وية ابوهة انزلي سولفي لامي
شدن :اي روحوا خطية ليش ينحرمون واحد من الثاني اذا يحبون بعضهم
عزام : ديلة شوشو روحي بأسلوبج احجي،وية امي
شدن : اي تدلل
اخذت موسى و نزلت لخالة ....
شدن : هلو خالة ..ممكن ادخل ؟
ام اسماعيل :تعالي بنتي اتفضلي
ام جمال : هلو ام موسى ...ها شلونة النونو ان شاء الله زين
شدن : اي الحمد لله

ام اسماعيل :جيبي حبيبي
البنات الصغار :هذا ابن عمو عزام ...عمو الحلو
ام اسماعيل :دمعت عيني ...اشرت ام جمال كولوا اي
ام اسماعيل و شدن :اي حبيباتي ..
البنات :اي حلو مثل عمو
شدن :حبيباتي انتوا هم حلوات فدوة لالله
خالة ما دام كلنة ملتمين البنات اريد افاتحكم بموضوع يخص مصطفى
ام اسماعيل : شنو شبي مصطفى ؟
شدن:لا خالة خييير ...مصطفى يريد يخطب بنية وياااا بالمصرف خوش بنية و بنت ناس
ام اسماعيل : شكو بيهة ماماتي اليوم  نحجي وية ابو اسماعيل
شدن : اي لازم باجر نرووح ..لان ابوهة يريد يزوجهة ابن صديقة و مصطفى متخبل
ام اسماعيل :لا يمة ليش ابني ينقهر حتى لو العصر نروح ميخالف
شدن : ههههههه لا خالة ميصير لازم عمو و اسماعيل و عزام يروحون بعدين احنة نروح
ام اسماعيل : اي ان شاء الله
ام جمال : خوش اذا هيجي اكولة لاسماعيل انكمل الخطوبة و نروح خطية ليش نكسر بخاطرة ؟
شدن : اي و الله شكو بيهة خطية و هو هم خلي يفرح ما دام يحبهة و رايدهة

عزام :دخلت للعملية جانت اول عملية صعبة و معقدة بحيث مبقيت اية بالقران مقريتهة و كل ما الكي صعوبة اتصير بعيوني شدن و اكول وينج اليوم شنو مكاعد تدعيلي انخبصتي بسالفة مصطفى و نسيتيني
شدن : كملت من سالفة مصطفى و ظلينة نسولف انتبهت على الساعة عبر وقت العملية
اني اترخص اريد اروح اقرة قران و اخابر اريج اسولفلهة
همسة :ههههه اني رويتر لتخافين خابرت سولفتلهة
شدن : هههههه انتي كارثة ديلة اني صاعدة
ظليت اقرة قران و اسبح و و بديت ادعي   يا ربي احفظ عزام الي ما اريد اخسرة مثل محمود
خلي اخابر صارت ب12و نص
عزام : هستوني طلعت هلكان من صعوبة العملية دكت شدن علية
شدن : الووو ها عزام بشر ظل بالي طولت ؟
عزام : الحمد لله بس حالتة تعبانة .و العملية كلش صعب انتهينة 3 اطباء احنة بس تعرفين دكتور بشير معتمد علية بشغلات الدقيقة
شدن : الله يحميك ديربالك على نفسك
عزام : اليوم محتركة المستشفى شنو السالفة
شدن : صاير انفجار يم سيطرة عبد المحسن الكاظمي
عزام : الله اليستر ....يلة حبي اني اروح يريدوني الاطباء
شدن : من سمعت كال حبي انصدمت ...ها اي اوكي اخذ راحتك ..سديت التلفون و قلبي راد يوكف
نزلنة التهيت بالغدة اني،و هموسة لان عيب انخلي ام جمال ادكوم ...وراهة سوتنة مقبلات لبنانية نفسهة طيبة بالاكل ...بس،مشكلتهة تغار هههههههه عادي متعودة
اجوي من الدوام
دخل عزام و قلبي يدك من شفتة
عزام : السلام عليكم ....شلونكم؟
شدن بخجل : الحمد لله
عزام : شدن ...بس اخذي هذا  الملابس مالتي اغسليهة
شدن : هاي مال عمليات
عزام : اي دأتعبج وياية
شدن : تعبك راحة ....غمضت عيني و فتحتهة هذا واجبي
صعدت نكعتهة و نزلنة اتغدينة ....
ام جمال : شنو البرياني متحطين بي مكسرات ؟
شدن : لا حبي ميحبوا هيجي ..نحب انحط جزر و فطر اطيب
ام جمال : زين اشو مو اصفر اسود شنو تحطين هواية بهارات برياني
شدن بقلبي استغفر الله العلي العظيم هاي شجابهة علية: لا حياتي احط برياني و نومي بصرة هسة ذوقي يا عمري و الله سويتة لخاطرج و باجر اسويلج ملفوف
عزام : المشكلة اني و اسماعيل اختنكنة من الضحك و منكدر نضحك لان وحدة واكفة لثانية بأقل كلمة
اسماعيل : عبالك ضراير ...بس و الله زوجتك وردة بس اني اعرف مرتي من تشوف واحد احسن منهة بشغلة غيرتهة علني
عزام : اتعلمني بيهة بس هي هم مثل اختي
اسماعيل :بعد ابو طبع ميغير طبعة
عزام : هههههههه . الله يساعدك و ربي يحميكم
اسماعيل :الله يخليك ...و يسعدك انت و ام موسى ترة وردة مال الله
عزام : ان شاء الله

عزام : رجع مصطفى و سولفنة وية ابو سمعو و كال ما دام يريدهة منتأخر و اتفقنة نروح نطلب ايدهة
صار الليل و رحنة لغرفنة
عزام :شكرا لان تدعيلي بكل عملية ادخلهة
شدن بخجل : ممسوية شي و انت زوجي شلون ما ادعيلك
عزام : من كالت زوجي قلبي مدري شصار بي ...
شلون شكلتي ،؟
شدن : اي زوجي لعد شنو
عزام : سحبتهة و صارت قريبة علية ...يعني تقبلين يصير بيناتنة مثل اي زوجين ؟
شدن :هاااا
عزام:شنو هاااا؟
شدن : لا ...خليني براحتي
عزام : لعد كولي لان انت كافلني ...و كافل ابني لتكولين زوجي
شدن : هاا بدينة نتنحس ...شبيك عزام لان مصطفى راح يتزوح راح تنسى كل الي اتفقنة عليه
عزام : اسكتي اريد اناااام ....لا و الله اروح ابات بالمستشفى و تعالي نامي
شدن :نمت يمة و اتقربت عليه لتزعل بس و الله مو بيدي مو سهلة علية عزام
عزام : اي هاهية ... اني اسف نامي بستهة من راسهة و حضنتهة و نمنة