رواية طبيب الروح دكتور عزام الفصل السادس عشر 16 - بقلم الحساب مغلق

الكاتبة #ام_النون
عزام :راح تقبلين بالحضنة لو لا ؟ حتى ادير وجهي
شدن : هو اني مجنت مزوجتك و كل ما انقهر تحضني و تواسيني هسة راح احرمك
عزام : اي هم نعمة فضيلة
شدن : تعرف ما افتهمك مرات ؟
عزام : اي،مو حشاج مخبل فشخصيتي غريبة عجيبة
شدن : هههههه حشاك لا و الله بالعكس،انت كلش،طيب و قلبك ابيض و تتحمل كلشي،
عزام : لان انسان ...و لازم اداري الانسان الي احبة و اتحملة
شدن : من حجة هيجي خجلت و وجهي صار احمر
عزام : انت حلوة و تحلوين من تخجلين
شدن : شكرا ....
يصير اسألك كم سؤال ؟
عزام : جواب ...
شدن :و لو تدخل مني ..مريت بقصة حب ؟
عزام : و ليش تسأليين ...مو اكلج انتي فضولية
شدن : يلة بكيفك ...اني بسببي عفتهة
عزام : ههههه لا سالفة قديمة و اصلا مجنتي بحياتنة بأيام الجامعة....بس مصارت القسمة و السبب زوجة اسماعيل ههههههههه
شدن : لهذا اتضوج منهة ؟ لان فرقتك عن حبيبتك
عزام : يعني ...بس بنفس الوقت ...صارت شغلة كلت الحمد لله سوت الهوسة و مزوجتهة لان من ازوجت اخذت زوجهة و سافرت
شدن : تشتاقلهة ...تحن الهة
عزام : لا و الله. الله يسعدهة شعلية بيهة لان لو جانت صدك اتريدني و تحبني جان صبرت  شوية ...بس،اظاهر جان عدهة احلام و لكت الشخص الي يحققة الهة بالعافية عليهة
ولج و انتي مريتي بقصة حب بالمراهقة بالكلية ؟
شدن : بصراحة لا و الله بحيث جانوا يكولون انتي ما عندج مشاعر
و ترة سؤالك لو غير وحدة عدهة علاقات قبل مراح اجاوبك ....او اجاوب مثل جوابي
عزام : مو اني زمااال ما اعرف الي عدهة شي و الي ما عدهة
شدن : حشاك مكلت زمال بس،البنية مستحيل تحجي ماضيهة
عزام اتقربت منهة : يعني قصدج من اريد ازوج و غمزت الثانية ما اسألهة
شدن : انت ليش،هيجي،اتسوي؟ خبلتني
ردت اكوم سحبني
عزام : ارجعي نامي خليني هاي الكم يوم مرتاح مراح اسوي شي هاي يومية القوانة اعيدهة
شدن : انت اليوم متغير شبيك ؟
عزام : تعبت بالعملية ...جانت كلش،مخيفة الحالة
شدن : الله يسهلك ... هذا شبي يبجي
عزام : كومي جيبي نيمي يمنة
شدن : مسوي الجبيرة ههههه . ولج ليش،هيجي اليوم. هلكد مشربتي حليبة اووي فدوة تعال انظفك
بدلتلة و حطيتة بيناتنةو شاف عزوو و بدة يلعب
عزام :ها ولك شتريد شلتة و نيمتة على صدري و بدة يلعب بلحيتي و يكمش بوجهي
اووف يا ابني يتموك الي،ميخافون الله
شدن : انت ابو و عمة الله يخليك تاج فوك راسنة
عزام : ان شاء الله ما اقصر وياكم .....انتوا مسؤليتي بعد
ظلوا يلعبون اخر شي ثنينهم ناموا .
شدن : اخذت موسى من عزام و وديتة لفراشة  و اني هم نمت
عزام : كعدت الصبح..و الخاتونة حاطة راسهة برقبتي
اي يوم بصدري يوم برقبتي انتي مرتاحة و اني مشتعل
😈هي نومتهة ثكيلة خلي انتهز الفرصة بستهة على كيف من شفايفهة بدت اتحرك بوجهة بس لا حست انوبة اذا تنفتح متنسد
بستهة من رقبتهة بقوة متقصد
شدن : فزيت بعصبية شدسوي
عزام: انتي الي جنتي،حاطة راسج برقبتي
شدن : اوووف منك نومتي ثكيلة ...اذا تعرف نفسك مو كد الصبر ليش ازوجتني ؟
عزام : لان محد مراح يتحملج و يحتويج غيري .. كومي سويلي زقنبوت حتى اروح للدوام الي و الج حتى ناكل سوة
شدن : حاضر ..حتى ارضع موسى هم
عزام : دارت وجهة و اضحك شكد  تعبانة بحيث بستهة و محست ربي لين قلبهة علية
نزلنا سوة سوينة الريوك و اكلنة و اتفقت وياهم ب 2نكون كلنة بالبيت نتحضر بالاربعة يمهم
الحمد لله كان يوم مريح طلعت من وقت اتغدينة و رحنة لبيت مروة
مصطفى هم كان كلش،فرحان
ابو اسماعيل: نتشرف نطلب ايد بنتكم مروة لابنة مصطفى
طبعا اكيد تعرف همة زملاء بالعمل و مصطفى معجب بأخلاق بنتكم و يريد يكمل دينة بألارتباط بيهة
ابو مروة : ان شاء الله خير نسأل البنية و نردلكم الجواب
هااا مروة اتريدي لمصطفى ؟
مروة : اي بابا موافقة على مصطفى
ابو مروة : هسة اكوللهم وونتفق نسوي كعدة نساوين
عزام غمزت : اشو ابوهة هاديء ... جنت خايف ليطردنة ..بحيث محضرلة مقالة
مصطفى : اني هم جنت خايف و الله بس اظاهر البارحة كابة هوسة و هي مقهورة و وافق

ورة حجي الوالد صارت الموافقة
و اتفقوا كعدت النسوان اتكون يوم الجمعة بعد يومين
شدن : ،طلعوا الرياجيل وبدة التحقيق مال ست ام جمال
ام جمال : شنو امين يعرفهة ؟
شدن : ويا بالشغل ...من جان محمود عايش،جان رايدهة بس من اتوفى محمود اتأجلت
ام جمال : خطية ...يلة الله يسهل امرهم .. هي اتبين من كعدة النسوان
شدن : ان شاء الله خير ....اليوم انسة عصبيتي من عزام و احجيلة هاي شحجت ؟
عزام :رجعنا و صعدنة بالغرف
شدن : ها شلونهم الناس ؟
عزام : كلش حبابين ..و ابوهة اتفهم و سألهة
شدن : بديت احجيلة على الي حجتة ام جمال ؟
عزام : كلشي و لا يستلمون السلطة نسوان الله اليستر
شدن : شنو يعني؟
عزام : مو هي زوجة الكبير فهي و امي و اريج راح يستلمون الحديث.
شدن : خير ان شاء الله ..
مرت اليوم الثاني مجان بي احداث ملتهين بتحضيرات المشية لمصطفى
و اجة يوم مشية النسوان
اتفقوا على المقدم و المؤخر و كلنة نتفاهم وية الرياجيل بهاي السالفة
و اتصلنة على الاب و مصطفى كال،اوكي عندي الحمد لله
اخر شي سألت على شعر البنية و امور غريبة عجيبة  و الحمد للة عدت على خير
و ترست الهلاهل منطقة بيت مروة
و بيت عبد اللطيف بهدوء لان مترهم ممرت سنة على وفاة محمود