رواية طبيب الروح دكتور عزام الفصل الثامن 8 - بقلم الحساب مغلق

عزام : ان شاء الله
ظلينة نتمشة اني،و زميلي لفت انتباهي وضع طفل مو تمام
سجاد باوع على هذا الطفل اتوقع بي توحد ظلينة انباوع علية و نأشرلة مينتبه
اني راح اروح عليه
عزام : السلام عليكم اختي ممكن اشوف ابنج شوية
ظلينة نلعب نتحارش بي ماكو فايدة
عزام : اختي راجعتي حالتة
الام : ليش،شبي
عزام : هذا الطفل مديحس بالعالم الي داير مدايرة عايش حياتة بوحدة هذا يسمو توحد
تعالي اختي انوديج على دكتورة سلمى
عزام : مرحبا دكتورة ما دام ماكو مراجعين عليج جبنالج مراجع
سلمى : وينة ؟اوي فدوة شنو هذا الطفل
فحصت الطفل و فعلا تشخيصنة للحالة كان صحيح
الي انصدمت بي دكتورة سلمى سألتهة ظروف حملج شلون كانت ؟
جاوبتهة والدهة اتوفة و جانت بس،تبجي و متاكل هواية اخر شي مي الراس قل و سولهة عملية و الطفل جان تعبان و هذا الشي،مجان امبين بالسونار
عزام : صار فكري كلة يم شدن و حملهة ليصير بيهة مثل ام الطفل و الطفل يصير بي شي دخيلك ربي
شدن : همسة كومي خلي نروح نشرب مي
همسة : يلة تعالي
نزلنا و شفنة عمو ابو اسماعيل
ابو اسماعيل : هلو باباتي شلونج النونو شلونة
شدن : الحمد لله عمي عايشين بخيركم  ان شاء الله
ابو اسماعيل : ابتسمت اشو كلش كبرانة بطنج اكيد واحد بيج ؟
شدن : اي عمو واحد حتى اخذولي سونار اصعد اشوفك الصورة
ابو اسماعيل: لا باباتي الصبح عود اشوفهة
عزام : جان يوم كلش متعب كضيتهة بالمستشفى و بتت بالمستشفى لان سويت عمليتين و رجعت الصبح ساعة عشرة
شدن : كعدت الصبح اتريكت وية هموسة
ام اسماعيل : حبيبتي راح نروح نسوك و نرجع ماشي امي،ما اوصيج ديربالج على نفسج منتأخر
شدن : اوكي عمة لتخافين . صعدت لغرفتي خابرت على امي كتلهة محتاجة غراض نسائية لان بطني كبرت و سمنانة و بديت اعزل بالغراض مال غرفة لكيت صور الفندق اني ويا و شلون كامش شعري و صورة حاضني و حاط ايدة على راسي بديت ابجي انهاريت
عزام : دخلت للبيت ماكو احد صعد سمعت بجيهة اتخبلت دكيت الباب مجاوبني و تبجي متحملت كسرت الباب لكيتهة بدون حجاب و كامشة المقص اتريد تكص شعرهة و صورهة هي،و محمود على الجرباية
جريت المقص من ايدية و حضنتهة
شدن : بعد ما بية اريدة عزام ليش شفتة و حبيتة و اتزوجنة كل الي اتقدمولي مصارت ليش هو صارت حتى 4اشهر و يعوفني اني و ابنة
عزام :اششش لتحجين هيجي قدر الله وما شاء فعل اهم شي هسة صحتج و ابنج ليش هيجي اتسوين بروحج بالاخير يطلع ابنج  مريض هذا كلة احتمال يأثر على قلبة على دماغة
شدن : ان شاء الله  اصير قوية بس اريد اغسل وجهي
غسلت وجهي و اتمدت بالفراش
عزام : اني راح انزل و من تريدين شي صيحيني
شدن : ان شاء الله
عزام نزلت و اجوي اهلي : يعني من اكوللكم لتركوهة احجي هندي شبيكم انتوا ؟
ام اسماعيل : يا امي غير جنة نسوك
عزام : وقت زقنبوت خابروني اني اسوك
همسة : شبيهة هم انهارت
عزام : اي و هدأت هسة
شدن :بديت اقوي نفس علمود ابني مرت 3اشهر حملي شالوني بالصلوات صديقي الصدوق صار عزام و صديقتي هموسة و اهلي يجوني دائما
عزام : اتقربت كلش،من شدن هاي الفترة فعلا بنت محترمة و مؤدبة بالرغم من اللالم الي نحسة بفقدان محمود بس صرنة السند الي تسند روحهة بي شدن
و اعترف بأني حبيتها لشدن بشكل جنوني من اوصل للبيت بس اريد اشوفهة صحتهة هي و الطفل كأن الطفل ابني مو ابن اخوية حسيتهة ملكي الي لوحدي من اباوع عليهة ادوخ بعيونهة الكحيلة
أيا كحيلةَ العينينِ عليَّ صبراً
وكيفَ لا أغرقُ وأرى العِشقَ في عينيكِ بحراً
سهِرتُ يا زينَة الأيام دهراً
فما كانت حياتي قبلكِ سِوى قهراً
قد آن الأوان لأصدحَ مِلئ صوتي جهراً
أهواكِ يا ساحِرةَ الهوى برمشِ عينٍ
وكيف لا أهوى مَن قتلتني ابتسامتها سِحراً
محمد  صابونجي
                                                                                      
و اجة يوم ولادة شدن
شدن : لج همسة كومي راح اموت من الالم حسيت بروحي اتبللت عرفت نزل مي الراس
همسة :رحت عسريع كعدت عزام و مصطفى ولكم كوموا شدن دجيب
عزام : شنو ... اي هسة كعدت بدلنة و رحنة للمستشفى و اجة موسى للدنيا
خلصت العدة

عزام :سمعت هموسة اتعيط  بأسمي  لج شكو ؟
همسة : كوم فضني شدن دجيب يلة عسريع
عزام : ديلة بدلوا و حضري جنطة الطفل
مصطفى : ديلة اني هم جاي وياكم
عزام : لتصفنين كومي كعدي امي و خابري على اهلهة
همسة : اي صدك ... هسة
كمشت التلفون
نهى : اني نايمة و دك التلفون همسة
الووو شكو همسة خير
همسة :هلو حبي اكعدوا شدن دجيب
نهى : صدك ..ديلة هسة اكعد ماما و جايين وين بالتعليمي لو الخاص ؟
همسة : لحظة ...عزام وين يجونة
عزام : بمستشفى الكاظمية الاهلي الي يم معرض السجاد
نهى : اي حبي نعرفهة منطقتنة هذي . اني نازلة اكعد ماما و بابا و طه
شدن : لج راح اموت همسة مدأتحمل شراح ينزلني الدرج
عزام : ها تكدرين بوحدج اساعدج
ابو اسماعيل : عزام اصعد ساعدهة همسة متكدر
عزام : حاضر يابة
صعدت شلتهة و نزلتهة و هي تبجي من الالم
اش اش هسة يطلع للدنيا و اتصيرين زينة اتحملي انتي كدهة
يلة اقري ايات قرانية انتي مؤمنة حتى الله يسهلج الولادة
شدن : كلشي مدأذكر من الالم مدأتحمل عزام
عزام : لدكولين هيجي هسة يخف اني اقرة و انت اقري وراية .
بقيت اقرة سورة الشرح  الم نشرح لك صدرك و اوصل ان مع العسر يسرا ابقة اكررهة  و  هي تردد الكلام وراية و تبجي من الالم من نزلنة و الطريق كلة  نقرة سور قصيرة و ابوية صافن علية شلون خايف عليهة و يبتسم
نزلنة للمستشفى و سوينة الفحوصات و دخلت يم الطبيبة
و اني و امهة نمشي بالممر مال مستشفى
عزام : ادري هو طفل ديطلع شدعوة هلكد طولوا
ابو اسماعيل بأبتسامتة الشيطانية : ترة نص ساعة مرت اهدأ
الطبيبة طلعت : ها هلو دكتور
عزام : شكو ليش طلعتي
الطبيبة : هسة ارجع و الله ترة ولادة طبيعية اطول شبيك
عزام : يعني هي زينة
الدكتورة : اي الحمد لله .شبيك مرعوب كلنا مرينة بهاي الفترة . هسة يجي للدنيا اتشوفة كلشي تنسون
عزام : ان شاء الله ادكوم بسلامة
ابو اسماعيل : ترة فضحتنة
عزام : و انت ترة ما عندك احساس
ابو اسماعيل : و الله بأسماعيل هم جنت مثل حالك بس من اجيتوا كمت ما ادير بال
من يجي الثاني يخف هذا الرعب الي بداخلك
عزام : لا و الله يزيد لان راح يكون ابني
ابو اسماعيل بمكر : يعني اقتنعت بحجي
عزام : اني موافق بس هي شلون راح تتقبل الموضوع
ابو اسماعيل : تتقبل بس يحتاج صبر  و انت كدهة
عزام : ان شاء الله
مرت ساعة و نص و اجة موسى للدنيا امي شالتة و كامت تبجي و كالت هذا من ريحة الغالي و امها و والدي شالة جنت متوقع هو راح يكبر بأذنة و يقرة  الشهادة
ابو اسماعيل : عزام شيل الولد كبر بأذنة و كول الشهادتين
عزام : اني اي انطونيا
لزمت موسى جان احساس غريب و هو بس يبجي كبرت بأذنة و قريت الشهادتين سكت و عبالك ابتسم
شوفوا ابتسم هذا يخبل جنة لعابة
شدن : هههههههه بعدة صغيروني
نهى : جنت متوقعة جدة راح يكبر بأذنة انصدمت خلة عزام لان من التقاليد و العادات اذا اب الطفل متوفي لازم الجد هو الي يكبر بأذن الطفل من صارت هاي الحركة عرفت توقعاتي كلهة صحيحة عبد اللطيف سواهة لعبة حتى شدن متطلع من بيتهم و عزام راح يزوجهة و هو يربي الطفل صرت اعصاب لان اني اصلا ما احب عبد اللطيف و لا هو يحبني
امير خلي نطلع اختنكت عفية
امير : شكو شبيج متفهميني ؟
نهى : كل الي جنت متوقعتة صح و لدكولي حجي مسلسلات
امير : شكو على كيفج
نهى ابجي و احجي : سوة كل هذا الفلم حتى بس تخلص العدة عزام ياخذ شدن
امير : ياخذهة وين ؟ يزوجهة قصدج؟و شلون عرفتي
نهى : اذا ابو الطفل متوفي مو المفروض الجد هو الي يكبر بأذن الطفل
امير: اي صحيح و هو خلة عزام
نهى : معناهة عزام راح يكون اب للطفل
امير : غير عمة و هو لازم يتكفلة همة اليتيم الي بشارع يطوهم رواتب . ابن اخو مراح يتكفل بي
نهى : هو راح يتكفل بشدن و بموسى حبيبي لان بس تخلص العدة راح يخليوهم يعقدون محكمة و سيد حتى يضمن شدن متطلع من عدهم افتهمتني اتعلمني بعبد اللطيف 
امير : و بصراحة لو تفترون الدنيا كلهة مراح تلكون مثل عزام صدك رجال
نهى : انت ليش دائما ضدي
امير حضنتهة : اني،مو ضدج بس لازم اعلمج الصح من الغلط
ترة شدن حلوة و اذا عافت بيت ابو اسماعيل سنة و تزوج و هالمرة مراح احد يكدر يتشرط لان اختج ارملة و ابو اسماعيل مستحيل يخلي حفيدة بعيد عنة
فأذا تفكير عبد اللطيف هيجي هذا احسن حل يسوي على الاقل حتكون بنص اهل ابو موسى
راح يشلوهة بالصوات و عزام راح يداريهة و يحبهة لان جانت مرة الغالي
نهى : تتوقع هذا الشي خير الهة
امير : ان شاء الله
شدن : انطوني موسى و بدوا يعلموني شلون اكمشة من ارضعة نسيت الدنيا كلهة من شفت ابني ظلينة ليلة بالمستشفى
شدن : عزام لازم اروح وية اهلي على الاقل ماما اداريني تعرف خالة عدهة دوام
عزام ضجت من كالت حتروح لبيت اهله:اي عشر ايام و ترجعين
شدن حسيت بي عصب و حجة بصيغة الامر ضجت من اسلوبة
شبيك عزام خلوني براحتي و من اريد ارجع ارجعلكم
عزام : ماكو داعي اتظلين امي و احنة موجودين . امي بالوحدة بالبيت و اني بس يوم واحدوعندي خفارة
شدن : انتوا متريدوني اطلع من بيتكم عبالك راح ابوك موسى و اطلع
عزام : اني محجيت هيحي لتفسرين بكيفج الحجي
شدن : ترة مستحيل اسوي شي يأذيكم طول حملي شايليني بالصلوات و مستحيل الكي احد حنين على موسى مثلكم لان انتوا اهلة
عزام : الله يسلمج .يلة حضري نفسج حتى اوديج لبيت اهلج و بعد عشر ايام اجي اخذج بدون نقاش