رواية طبيب الروح دكتور عزام الفصل الثاني 2 - بقلم الحساب مغلق

عزام : مرت 5-ايام  ورجعوا العرسان  جانوا فرحانين كلش   محمود ابتسامتة متفارك وجهة و عيونة تلمع بس يشوفهة  لشدن  و طاير بيهة   . محمود عبارة عن بشر صعب وصفة صح مرات يصير عصبي بس عبالك ملاك و يمشي على الكاع . اذا دخل للبيت اكو فد ريحة طيبة اتصير بالبيت غريبة هو عبارة عن  انسان كلشي بي غريب بحيث من نحجي ويا شنو هاي الريحة الي بيك يضحك و يكول و الله عطري مثل عطركم .
من اتخرج و اتعين يطلع نسبة من راتبة و يطيها لدار ايتام و اذا عرف اكو ناس محتاجة لازم يندل بيتهم و يطيهم فلوس او يشتريلهم مواد غذائية شوف همة شنو الي محتاجي
بحيث اني اتعلمت من عندة هاي الفقرة لازم اساعد اي محتاج  .
محمود صح اكبر مني بسنتين بس هو تؤام روحي بكلشي نتشابه الفرق الي بيناتنة محمود ما عندة قابلية يسمع واحد يشكيله همة و ينصحهة   واذا ينصح كلمات بسيطة تطلع منة بس هاي الاحرف الي تطلع منة ترفع معنويات الواحد بأبتسامتة الملائكية عكسي اظل احجي،وية الشخص المقهور حتى لو ساعة بحيث محمود يكولي المفروض اتصير قاضي مثل ابواسماعيل و يضحك.
شدن : مرت يومين قبل السفرة للشمال محمود مقابلني و كاعد و نطلع برة الغرفة على كد الاكل و نرجع    حنيتة اجنن  احس روحي اعرفة صارلي سنين  قبل السفرة بيوم دك تلفوني
محمود: شدن وينج تلفونج يدك ؟
شدن : هذا استاذ فراس شعندة ؟ معقولة ديباركلي
بوكتهة حسيت محمود اتحول من الانسان الملائكي لوحش من العصبية
محمود : و شعندة هذا يخابر عليج و ليش،مطيتة تلفونج ؟
شدن : شبيك محمود هذا مديري رجال كبير بكد بابا و احتمال رايدين شي مني
محمود : المفروض اريج اتخابرج مو هو
سحب التلفون مني و طلع السيمكارت
شدن :،شدسوي؟
محمود : تخلص اجازتج و ارجعة الج و اهلج من تلفوني تتصلين بيهم انتي ملكي هاي الايام ما اريد احد يشاركني بيج احبج شدن و اغار عليج مو بيدي
شدن ابتسمت  : اوكي حبيبي براحتك . شتطلب مني اسوي الك يا تاج راسي
محمود : يسلملي راسج
باسني من راسي و كصتي و رجع وجهة الملائكي هو يتغزل و اني اضحكلة
عزام :دانزل من الدرج  بيوم سفرتهم سمعت محمود يصيحني
محمود : عزو حبيبي تعال
عزام : ها حمادة
محمود:حبيبي اكولك هاي وزعونة مكافأة بالوزارة  و احنة الولد طلعنة نسبة منهة و صارت خوش مبلغ شتكول نطيهة لبيت ابو ليلى ما دام عندة  بنات صغار و محتاجين
عزام : اي و الله خطية و اني هم اليوم استلم راتب احطهة بظرف و أوديهة الهم
خطية بنتة الصغيرة صحتهة ابد مو زينة اتفقت ويا اليوم ناخذهة للمستشفى و نسويلهة فحوصات
محمود : اي خطية لتقصر وياهم اوصيك بيهم عزو ترة حالهم يبجي الصخر
عزام : لتوصي حريص اخوية يا ابو قلب الطيب
محمود : ادعينة
عزام : الله يحفظك يا خوية
شدن : سافرنة للشمال جانت احلى ايام قضيتهة وية محمود منظر الجبال و الشلالات يجنن هو يروح يذب روحة بشلال و اني اخذلة صور و اذا عيني راحت بعيد عنة يذب مي على وجهي
محمود : وين الحلو صافن . اريد عيون هذا الحلو بس عليه
شدن : شوف هذا الطفل ابو حاطة جوة الشلال ميخاف عليه
محمود: خطية ديطلعلة سنون و ديبردة
شدن : احنة هم من يصير عدنة اطفال نجيبهم هنا
محمود : تحبين الاطفال .
شدن : اي كلش.
محمود : شوكت اتصيرين حامل ؟
شدن ضحكت بخجل و نزلت راسي : صارلنة اسبوع من مزوجين مراح يبين شي هسة
حضني كدام العالم و باسني من كصتي و شاورني اريد منج 5 اطفال
شدن : ليش الا خمسة ؟
محمود : احب هذا الرقم
شدن : الله شكاتب يصير
محمود : و نعم بالله
  شدن : عيب محمود من العالم عوفني احنة مو بالغرفة
محمود : هههههه شكد معقدة لج اني رجلج قابل شيمسوي
مرأة كبيرة بسن كاعدة : انتوا عرسان جدد؟-
محمود : اي خالة
الحجية : ربي يحميكم و يحفظكم من كل شر
محمود : الله يسلمج و يحفظج خالة

عزام : اول مطاني المبلغ محمود اخذتة و استلمت راتبي حطيتهة وية فلوس الي نطانياهة محمود و رحت لبيت ابو ليلى
دكيت الباب
سمعت صوت بنية منو؟
عزام : اني دكتور عزام وين ابو ليلى ؟
ليلى : اي عمو اجيت هسة افتحلك الباب
عزام : هلو عمو شلونج شبيج تبجين ؟
ليلى : سكينة ابد مو زينة عمو و ماما و بابا مقابليهة يبجون
عزام : سويلي طريق بس اجيب العدة مالتي،من السيارة
ليلى : اي عمو فدوة اريدهة تعيش انت مو عمة همسة اتسميك طبيب الروح راح تعيشهة مو
عزام دمعت عيني : اي عمو حبيبتي هسة تعيش لتخافين
جبت العدة و دخلت عبارة عن بيت بائس كلة رطوبة بس،كلش،نظيف . فحصت الطفلة صاير عدهة ضيق بالتنفس و تحسس ربوي قوي
ابو ليلى : شكو دكتور شبيهة و الله جانت الصبح زينة مثل الورد
عزام : صاير عدهة التهاب ربوي محتاجة اوكسجين شلتهة
ابو ليلى : اشو شلتهة ؟
عزام : لازم اوديهة للمستشفى حضرولهة ملابس و احتياجاتهة الضرورية عسريع
ليلى و الباقيات وين راح يظلون ؟
ام ليلى : يم بيت ام وردة كلهن نسوان امان ماكو رجال بنصهن و يخافون الله
ابو ليلى : وديهم و قفلي الباب
عزام : رحت للمستشفى دخلتهة للطواريء و حطيتلهة اوكسجين عشر دقايق و اتحول وجهة الازرق لوردي
الف الحمد لله و الشكر لحكنة على الطفلة
ابو ليلى و ام ليلى : الله يخليك دكتور شنسويلك قليل بحقك
عزام : هذا واجبي شدتحجون انتوا . ابو ليلى تعال اريدك بموضوع
ابو ليلى : اتفضل دكتور شتأمرني ؟
عزام : هذا مبلغ مالي بسيط من عندي،و اخوية و اصدقائة اتمنى تتقبلوا من عدنة
ابو ليلى : و الله ما اعرف شكولك
عزام : ما اريد شي بس دعاءكم النة و هذا واجبنة الحمد لله الله مكنة لازم نساعدكم
ابو ليلى : الله يخليك و يحفظك انت و اخوك من كل شر
عزام : باجر راح اجيبلك جهاز لسكينة من يصير عدهة هيجي،حالة اتشكلوا الهة يساعدهة على التنفس
وترة وضع بيتكم هم يأثر عليهة .عادي اذا تطلع من منطقتك لو الا بيها ؟
اسمعني اكو مشتمل يمكم رايدين يأجروا راح اسأل عليه و اشوفة مستعد ادفعلك ايجارة و صلح بيتك
ابو ليلى : هذا مو بيتي اصلا اني مأجرة
عزام : اطلع منة اذا مو بيت هذا سم معيش بي جهالك اني راح اسأل و اردلك الجواب
ابو ليلى : تسلم دكتور شحجي قليل بحقكم
عزام : بعد كم يوم مناقشتي ادعيلي
ابو ليلى : الله يوفقك .
شدن : رجعنة من السفر متونسين
حبيبي محمود شوكت ترجعلي السيم كارت ترة بعد كم يوم دوامي
محمود : هسة شتريدين من التلفون خلي يولي ؟
شدن : حبيبي لسوي هيجي اتحسسني مسوية جريمة
محمود : هههههههه
فتح المجر و طلع الجهاز و السيم كارت و حطة بجهاز و خليتة على الشحن 
شدن : خابرت نهى و ظلينة نسولف و نضحك و هي تشاقة وياية سوالف البنات و اني اضحك لج صايرة ام لسان و ادبسيز امطلع عينج امير
نهى : هههههه اي و الله هو شوية صاير لسانة طويل يمكن اتعلمت من عندة
شدن : شوكت يخطبج ؟
نهى : يمعودة اجة حجة وية بابا يكولة هي ظلت سنة اصبر و هذا راح يموت
شدن : لتخلي يتقرب منج صح ابن خالنة بس حرام
نهى: ترة امير وردة و خوش ولد و مستحيل يسوي شي يغضب الله
شدن : الله يسهل امركم. يلة حبيبتي اجة محمود اني اروح
نهى :اي عيني اجة الحب . ادكوليلي بوستة حلوة ؟
شدن : لج ادبسيز ام اللسان ولي
نهى : ههههه حبيبتي الله يسعدج
عزام :صار يوم المناقشة مالتي و اجوي اهلي و عزمنة اقاربنة و بيت شدن بعد صاروا من اهلنة كان يوم متعب و حلو بمعنى الكلمة اجتي اختهة نهى دخلت و سوت ضجة بين الاطباء
عزام : شدن اتوقع اختج اليوم راح تطلع مخطوبة سوت هوسة
شدن :هههههه . شنسوي مخطوبة لامير بعد
نهى : السلام عليكم مبروك دكتور ان شاء الله تاخذ البورد الانكليزي مدري البرطاني مدري المملكة المدري شنو
عزام : ههههههههه لج اسكتي،موتيني ضحك
نهى : شمدريني اكولك همة شبيهم هيجي
عزام : انتي دخلتي خاتونة و كلهم كاموا يبسبسوون
نهى بخجل : ليش،و الله حتى لابسة حشمة
عزام :يلة روحوا اجوي الدكاترة ادعولي
شدن : يلة محمود و مصطفى هم اجة
اكول نهى ليش مكلتي لأمير ؟
نهى :كتلة و مقبل يجي موتني
عزام : ناقشت و استمرت مناقشتي 4ساعات و بتقدير جيد جدا
ابو اسماعيل : حبيبي رفعت راسي الف مبروووك
عزام : الله يخليك بابا كلة بفضلك وصلت لهذا الي اني بي
و باركولي اخوتي و اصدقائي
اخر شي اجتي شدن و نهى باركولي
نهى : اهم شي البورد الانكليزي المدري شسمة
عزام : ههههههه لج المملكة البرطانية المتحدة شنو الصعب بيهة و الله اذا ياخذج طبيب و هيجي تحجين ويا ثاني يوم يطلكج
نهى : ديلة عيني ميتة عليكم اني خطيبي مكمل هندسة طبية و مندوب مبيعات
عزام : الله يسهل امركم
نهى : شكرا الله يخليك