رواية طبيب الروح دكتور عزام الفصل السابع عشر 17 - بقلم الحساب مغلق

الكاتبة #ام _النون
عزام : حبيبي مصطفى الف مبروك شايف كل الخير
مصطفى : حضنتة و شاورتة ربي يسهل امركم انت و شدن و نشوف جهالكم و جهال جهالكم .شدن خوش مرة متتعوض
عزام : هو هذا الي مصبرني لان ام ابن اخوية و صدك بنت ناس و متتعوض كافي وفاءهة للمرحوم ينحط تاج فوك الراس
مصطفى : اي و الله
اسماعيل : ها ولك صرت عريس،و راح تفتح بيت
مصطفى :شفت بلة فجأة كبرت و اريد ازوج
اسماعيل :ههههههه ربي يوفقك حبيبي
وين هموسة ؟
مصطفى : دتحجي بتلفون
همسة : هلو سرمد شتريد
سرمد : هو واحد من يخابر على واحد يكلولة شيريد ...
و الله ادري امج و جناينكم ماكو و اخوانج ملتهين بمصطفى كلت اخابر
شلونج ؟بعدج زعلانة ترة السالفة صارلهة كومة يابة اسف شوية حني علينة
همسة : اي هاهية مقبول اعتذارك بس بعد لتخابر لتحرجني كدام اهلي و انت توكع بمشكلة من وراية تخسر اصدقاءك
سرمد : ليش شنو خايفة عليه ؟
همسة : شلون ؟ لا بس ما اريد ينفهم الموضوع غلط
سرمد : شنو الغلط ؟
همسة : ما ادري
اسماعيل : همسة ....همسة وينج ؟
سرمد : يلة ما احرجج وية اهلج روحي بالليل اخابرج
همسة : مع السلامة ...هذا شبي يا ربي و الله حتى مدأعرف شلون اصرف ويا
اسماعيل : شبيج ...مو صارلي ساعة اصيحج
همسة : اسفة و الله ...جنت احجي وية صديقتي علمود تعينات بتربية فاتحين
اسماعيل : كومي سوينة شاي فدوة راسي راح ينفجر و سولفينة
همسة : حاضر هسة نازلة ...

ام جمال : صارت الموافقة ...و طبعي لازم اتأكد من اخلاق البنات الي ياخذوهم اخوان زوجي صح اني عندي اطباع اتضوج بس،كلش احب الولد كلش ارتاحيت لشدن صح اضوجهة بس كلش خوش بنية و فعلا يستاهل عزام هيجي مرة صح جانت زوجت اخو بس امبينين متفاهمين.
من صارت الموافقة و بوسنة مروة حسيتهة انخبصت بتلفون و وجهة صار احمر ظليت اراقبهة و الله اذا طلعت ناصبة على مصطفى اذبحهة حالهة حال ذيجي الي جان رايدهة عزام
راحت بعيد للمطبخ مشيت وراهة بحجت اشرب مي ...
حطيت اذني ...سمعتهة تحجي وية مصطفى كلش ارتاحيت
رجع دك التلفون وحدة اسمهة سندس مدري شنو
العجبني بيهة تحجي بخجل وية مصطفى و امبينة مترباية درت وجهي ..هسة ارتاحيت ربي يوفقهم
شدن رحت ادور عليهة : ها ام جمال وينج راح يجي عزام ياخذنة ...
ام جمال : هههه هياتني ... غير اتأكد من البنية الي راح ياخذهة اخوية مصطفى
شدن : يااا و شلون تتأكدين ؟
ام جمال : بعدين اعلمج خاف ارجع لبيروت ...و اخوتج يزوجون ..هموسة تزوج انتي تاخذين مكاني لان اريج فاهية . صح انتي،هم  شكلج فاهية بس لازم اتخلين ابالج اخوتج من يجيبون بنات لبيتكم لازم مثل تربيتكم لان من يصير اختلاف بالتقاليد تبدي المشاكل و يحترك البيت
شدن : اي عفية علميني ....
ام جمال : تدللين ..
ام اسماعيل :حبيبتي اتشرفنة بيكم ..ان شاء الله نتشاوف و نتفق نشتري المهر
ام مروة : اي ان شاء الله ...نتخابر و نشوف شلون نتفق
شدن : عمة ..اريج عزام دك علية معناهة واكف بالباب
ام اسماعيل :يلة عيني احنة نترخص ...عزام اجة
ام مروة : الله وياكم محروسين
عزام :طلعوا و شدن بيناتهم فدوة شكد حلوة و نازكة و ضحتهة و ابتسامتهة تخبل
شدن : خالة اكعدي يم عزام ...حتى ترتاحين بالكعدة
ام اسماعيل : لا يمة اكعدي يم رجلج
شدن : و انتي امة و تاج فوك راسنة ...يلة اكعدي ساعدتهة و كعدت
عزام : ابتسمت بوجهة و هي هم ابتسمت
يلة اتحرك
اي سولفوا شلون العروسة ؟
ام جمال :عاشت ايدة على هذا الذوق و الاختيار.. صدك وردة مال الله و بنت ناس،و مثل اخلاقكم ان شاء الله ترتاحون وياهة و مصطفى هم اهم شي
عزام :ان شاء الله يا ربي
بقلبي معقولة ام جمال عرفت بذيجي عدهة علاقة بهذا الدكتور و فركشت الموضوع بالهوسة الي سوتهة ..
لو بس اعرف شنو الي ضامتة ارتاح بس،الحمد لله ربي خلصني منهة
عزام : اي،اكيد تحتاجون ملابس للحفلة  و اباوع على شدن
شدن :اي اني احتاج لان سمنانة من الولادة خاصة من جوة
عزام : هههههه اوكي باجر ماخذ اجازة لان كلش تعبان نطلع سوة
شدن : اي
اريج : اي عيني بعتي صديقتج كمتي اطلعين وية عزووو
ام جمال :-خليهم هسة بشنو نابصة بنصهم
اريج : هههه لا و الله دأشاقة
شدن : اي وين نروح ؟
عزام : بكيفج حتى لو افرريج بغداد كلهة ادري،بيج ضايجة و تريدين تغيرين جو
شدن : اي و الله كلش
وصلنة للبيت نزلت ركض
عزام : شبيج ليش،مستعجلة ؟
شدن : امشي خلي نصعد لموسى اكيد اشتاقنة
هااا هموسة شلونة موسى ؟
همسة :بدلتلة و شرب حليبة شوية مقبل ...احلى شي يضرب على صدري هههه
اريج : يلة شوشة رضعي حتى العب شوية ويااا لج من ورا اريد اجيب طفل ثالث
شدن : اي شكو بيهة بعدكم صغار ...و حتى تاخذين امومة ترتاحين من مشاكل الوزارة و الشركات
اريج :صدك محتاجة ارتاح
شدن : سوي طفل شبيج
اريج : ديلة خلي ثنينة نسوي طفل سوة
شدن كلش خجلت و صارت الحجاية وية دخلت عزام : الله كريم ...خلي يكبر موسى و اسوي طفل ...ما اريد احرمة من الرضاعة
ام جمال : من خجلهة و ارتباكهة حسيت اكو شي ... و حسيت زواجهم شي،شكلي متت من القهر و بنفس الوقت كبرت بعيني لان صح عاشت فترة قصيرة بس محترمة ذكرا و بعدهة السنة مطالعة
بس،هو هم خطية شلون متحمل هذا الجمال و ميصير شي بيناتهم
اووف يا عزام شكد مسكين انتة و شايل طيبة و ضحكة ترد الروح بالواحد حقهة همسة من اصيحلك طبيب الروح
بدت اترضع الطفل ... ماكو هيجي،طفل ملعون خبل امة يرضع و يلعب و يتفرج
شدن :اليوم ملختة الصدري،ولك اثبت شبيك ماما
ام جمال : خلي نطلع من تكملين نرجع
شدن : لا حبيبتي ديشوف ابووو و يريد يلعب ويااا
عزام : ها يعني اني اطلع
ام جمال : شكد عجبتني من كالت على عزام ابووو...و فعلا هو معتبرة ابنة و الله لو يصير عندة ضنة مراح يداري مثل مداراتة لموسى ...ربي يحميك يا ابن زهرة
شدن : ،خلصت متريد بعدة
دار وجهة على عزام و فتح ايدة
ام جمال شكد عمرة ؟
شدن : 3اشهر و كم يوم
ام جمال : ربي يحفظة ...و يرزقكم بالذرية الصالحة انتي ووعزام
عزام : الله يسمع منج
ام جمال : خلي يكبر الطفل و سووا اطفال بعدكم صغار...خلي يشبع من صدر امه
شدن : همسة شمسوية عشة ترة اني،ميتة جوع
همسة : سويتلكم همبركر و قليت من الكبة
شدن : اي عفية
صح بالبداية ضجت من ام جمال بس،وراهة حسيتهة وردة مال الله بس،مشكلتهة تغار عادي هي اصلا مباقية ويانة
عزام : اريج اريد احجي وياج
اريج : تفضل

عزام اخذتهة على صفحة :ليش،خجلتيهة البنية بمسألة الطفل ..انتي تعرفين زواجنة شكلي ما اريد اضغط عليهة ترة مصارلنة 3اسابيع من مزوجين خلينة براحتنة
اريج : قصدك خليهة هي براحتهة ...لان انت ميت بيهة عيونك فاضحتك بس هي تعبانة متعرف شتريد
ديلة الله يسهل امركم ... امشي،خلي نتعشة
شدن : عزام...اريج تعالوا
عزام : اتعشينة ...و كملنة و صعدنة فوك 
فتت نزعت التيشيرت ادري لخاطر الله شهر الرابع هيجي،حر
شدن : خجلت من نزع التيشيرت و اتمدد راح اتنام هيجي،
عزام :اكو مشكلة ..
شدن : لا بس خلي تيشيرت يمك خاف تبرد
عزام : حاضر ماما شدن هههه
شراح تلبسين باجر،من نطلع
شدن : ما ادري ...بس يمكن هذا
عزام : لا ...تعالي،اني اختار
شدن :اختارلي قميص بنفسجي  وية كيلوت بيجي عندي
بس الكيلوت اكدرة خاف صغران علية
رحت لبستة طلع كلش،حلو
عزام : كلش،حلووو بس،ديري خاف شي يبين
شدن : لا البس كورسي عيب و قميصي،طويل
عزام : عفية هيجي اريدج
شدن : كلش حلو اتنسق بالملابس،تدري،البس جوزي ويا
عزام : بالعكس البيجي و البنفسجي،كلش،حلو
ديلة حطيهن على صفحة وتعالي نامي قبل ميكعد يريد يلعب

همسة :دأتفرج فلم و دك سرمد عليه
هلو سرمد ...
سرمد : شنو الاخبار ... صارت الموافقة
همسة : اي الحمد لله ..و كلش فرحانين خطية
سرمد : ربي يسعدكم و ميشوفكم حزن
همسة : انت الي،جنت وية محمود بالغرفة من توفى
سرمد : اي بقينة نسولف على طيبتة و اخلاقة النبيلة و بدت تبجي،
يا عيني ليش البجي... اخوج راح شهيد
همسة :و الله مو بيدي ..متتوقع شكد جان حنين و يحبني
سرمد :هو طيب وية كل العالم ..يلة حروح ما دام كمتي،تبجين
همسة : نمت و ابجي،و اذكر طيبة محمود وياية

عزام : كعدت بثمانية و هي نايمة المسكينة من التعب و هذا كاعد يلعب و يعضعض
شدن ...شدن اكعدي،هذا يمكن جوعان
اي كعدت خلي ارضعة
رضعتة و نزلت سويت الاكل اتريكنة و بدلنة و طلعنة للسوك
انونست كلش وياااا  ذوقة بالملابس،اجنن اختاري سترة و تنورة علمود المهر لان ميقبل اطلع بدون حجاب كدام مصطفى
و اختارلي فستان كلش حلو بنفسجي ..هذا اللون يجنن عليج و فصالة يجنن لبستة كال هذا البسي بالمهر طلعتي،اتخبلين و نسقنة الشالات و الاحذية و وراهة اشتريت شغلات خاصة الي يتفرج و يضحك
بعدين رحنة للمطعم اتغدينة و ظلينة نسولف شاف صديقة و محسسني اني شي انجبر بي بالعكس ضحكتة تارسة وجهة و يكول زوجتي

رجعنة للبيت لبستلهم الملابس و عمتي كالت البسي الفستان لان كلش،حلو
و من نقرة الفاتحة البسي،السترة و التنورة
الشي الحلو بهاي العائلة رغم خسارتهم لابنهم بس حايرين شلون يطلعوني،من المحنة الي،اني بيهة و طبعا الي يقودهم عزام الي هو صمام الامان بنسبة الي و طبيب روحي ...