رواية طفوله ملوثه بالواقع الفصل السابع 7 - بقلم d3do3a

أنــآ تلك الطفلــه اللتي لم أنــطق كلمــه " أمي " او " ابــي "
كنت اسقط كثيــرا ولم اجد كبـآقي الاطفــآل
شخــص يخــآف من ان يكون أصابني اي مكــروه
اقف مره اخــرى انفض الغبـآر وامسح دمائي بملابســي الممزقــه
احـآول أن احتـوي الكل وان اكون لهم الشخــص اللذي لم اجده في حيـآتي
ادافع عنــهم امام الاغراب وعندما نكون تحت سقف وآحد لاأتحدث معهم
احببت وجود اخواتي الاتي يتغيرن كل فتــره ...
احضنــهم عندما يحتآجو للحضن الدافي
امســح دمعتـهم
أطيب جراحهم
نعــم انا تلك الطفله المغفلــه اللتي احاول ان اجبر قلوب الكل وانام دون ان اخبــر احد كم اتألم ...

في الأســـواق الشعبيــه ...واقفه بنص المحل لكن عقلها في مكــآن تاني
تشوف كيف الزحمه في المحل ...كيف حتقوله دحين ابا امشي !
حتنــطرد اكيـد !
امس خرجت من نص الدوام واليوم كمان ..!
صرخه فوقتها : ولييييد
روان اتوجهت لصاحب المحـل: ايوا
: اشتغل
روان تطالع فيـه وبتردد قالت: انا خارج
ماستوعب الرجال : فين يخرج انتا شوف كيف زحمه
روان : معليش بس لازم اروح
الرجال بعصبيـه ولهجتو مكسـره : لو يروح لايجي تاني
دا اللي اتوقعــته والشي الطبيعي اللي حيسـير ..
ماتقدر تسحب على هــدى
الـعمل حتلقى غيـره بس اهلها اهــم
اصلا شغل انها تاخد شي نهايه الشهر ماينفع معاها
تبــآ شي باليومــي عشان تبدأ ترتاح نفسيــآ
حترجع تشتغل في البيــوت
لؤي مو لازم يــدري
حتى هديـل حتجس نبضها لو عارضتها ماحتقـولها ..
خــرجت من الاسواق الشعبيـه ...ومابتفكر في اي شــي
تمشــي وبــس
وقفتـلها تـآكسي واتوجهت لبيــت سوزي ..
طلــعت العمــآره مدت يدها لجرس البيـت وضغطت مــرتين
شالت الكـاب من على راسـها وربطت شعرها على فوق
رجعت دقت تاني الجــرس
انفتح البــآب وطالع فيها من فوق لتحت ..
انفجعت قالت بتردد : هــد .اقصد سوزي فيـه ؟!
وجهه مايطمــن
عيونه محمره
فتح الباب : ادخلي
مو قادره تدخــل ..قلبها يدق بســـرعه
تحس انها حتدخل الجحيــم بنفسـها
" ايش بك ياروان !"
مو قادره تفكــر عارفه انو غلــط ومليون غلــط
عارفه انو ممكن تسـرلها مصيبـه
لكن اذا دا الحل الوحيد ايش تسوي !
لساتها واقفــه
وهوا حك رقبتـه بتملل :حتدخلي ولا كيـف
دخلـــت للعــآلم الجديد اللي اول مرا حتشوفـه
الدنيــآ لساتها فوضى فيه سوزي وفيـه صحبتها ودا الرجـآل بينهم ..
جالسين على الكنــب اللي رايح لونــه
سوزي من غير ماتتحرك من مكانها : اتوقعتك ماتجي
روان في يدها الكاب وعاصرته من كتر مو خايفـه ماتبى تتكلم كتير معاها : ايش تبيني اسوي
سوزي طالعت حولينها : اتوقع شايفه بعينك
ططالعت روان مو عارفه من فين تبدأ تحس فجأه مخها اتوقف مو قادره تفكــر
سوزي باأمر : يلااا
روان شالت اول شي كان جمب رجلـها كاسات بلاستيــك
تنظـــف وهيا خايفه من الرجال
لكن اللي شايفته انو مدلـــع
حركات يده
نبرة صوتــه
يحط رجل على رجــل
يصرخ بحمـاس
وفجأه اخد مناكير ويسوي لسوزي

روان تنظف وكل شويا تطالع فيهم مو قادره ماترفع عينها من عليهم
عندها فضووول تشوف حياه هدى كيــف
خلصت الصــآله نظفـت وكنسـت ومسحت الطاوله
وهيا تسمع تعليقاتهم وفجأه اختفو ماعدا الولد ...
دق جــرس البيـت وروان في المطبــخ
سمعت اصوووات وكل مالها تزيــد الاصوات مع كل دقــة جرس
اصوات حريــم اصوات رجــآل
خايفه تخرج من المطبــخ ..واقفه عند المغسله وهيا تدلك كميــه الصحون
وقلبها يدق بسـرعه
فجأه انفتحت اغاني تخلي اللي مايحب يرقــص يرقــص
دخلــت سوزي المطبـخ بس دي المرا بشكــل يفجع
لابسه شورت
وبادي شفـــآف مبين كل شي تحتـو ...
فاكـه شعرها مسويــا مكيـآج اوفـر
كآن شكلها مغري
سوزي رفعت صباعها وهيا تدي تعليماتها : شوفي في عصيرات في التلاجه اباكي تحطيها على الطاوله اللي برا
وبرضو في كرتون مويـآ بالفريزر خرجيه وحطيه على الطاوله
روان بخوف : سوزي انتي قلتيلي انظف وامشي
سوزي ميلت راسها : مني فاهمه !
روان : يعني ابا امشي لما اخلص المطبـخ
سوزي حركت يدها وبعدم اهتمام : وليش تستني تخلصي امشي دحين
روان طالعت فيها بتتنيح رمشت كدا مرا : احنا بيننا اتفاق
سوزي : وانتي من اول يوم قاعده تتفلسفي على راسي
روان بضعف : انا مو متعوده على دي الاجواء الله يخليكي افهميني
سوزي ضمت يدها تحت صدرها : اللي يبا الدح مايقول اح
وخرجت من المطبـــخ بكل برود
روان حاسه انها بتنذل ومو قادره تتكلــم
مو كدا هيــآ
ماتخلي احد يدعسلها على طــرف
دموعها اتجمعت في عينها
" حسوي كل دا عشان اهل مايبوني !"
" يمكن يبوني ومايعرفو فيني !"
ماتدري تضحك على نفسها ولا ايش تفكيرها سار زي هديــل
اللي بتدي نفسها امل في اهلها والكل عارف انهم رموها
فتحت التلاجه وحتسوي اوامر ســوزي
اخدت تبــسي وبتحط القوارير اللي بتلاجــه
ماكانت عصيـرات
اغلبـها فودكـآ
ومشروبات غريبه
رفعت جسمها من الارض وهيا تشيل اول دفعه من العصيــرات
وخرجت ووقفت مكــآنها

تشوف البنات والشباب اللي يرقصو
ويلعبو ويستهبلو
عدســه عينها تتحرك من اليمين لليســآر بكل صدمـه
الاضائـه مرا خافتــه
رجلها تحس مو قادره تشيـلها
اصوات الاغاني مرا عـــآلي
طالعت في الطاوله وتبا تروحلها كــآنت في النص بين جلستهم
يالله قد ايش تتمنى الارض تنشق وتبلعها
تمشي وهيا عينها بس على الطاوله وقلبها بيخرج من كتر مايدق
حطت التبسي على الطاوله وترص العصيـرات
وفجأه واحد مسكــها :مين الحلللوه
صرخت بكل صوتها... صوتها طغى على صوت الاغاني
دفتو بكل قوتها
وسوزي وقفت على طول : هيييي ايش تبـآ
الولد انفجع : ايش بكم
سوزي بتهديد: دي تشتغل هنــآ انتبه على نفسك _ جلست واشرت لروان_ روحي جيبي الباقي
الكــل يطالع فيها
ماتدري تبــكي على الموقف اللي سار
ولا على معامله هدى
ولا على المكان الوسخ اللي واقفــه فيه
سحبت نفسـها ونزلت دموعها على طول
دخلت المطبــخ وبكـت بصوتها
جلست عشـره دقايق واقفه وتحاول تمسح دموعها وتقول حتحاول تاني
بس ترجــع تبكي
مو قادره تصدق انـو لساتها واقفه بدا المكـآن
اخدت تبـسي تاني فكت التلاجه وجلست على ركبـها كانت بتاخد عصيـر الا نزلت دمعتها
ومسحتها تـآني
اخدت كل اللي في التلاجه وعبتو في التبسي حتشيلو وتحطو ويبقالها المويـآ
وتشــرد
خـرجت تاني بعد ماأخدت نفسها
الكل طالـع فيـها بس محد اتعرضلها
لكن تكفي النظرات ..
رصتهم بسـرعه وشالت التبسين ودخلت المطبـخ
خرجت كرتون المويــآ
ونفــس الشي
خرجت تــآني وقاعده تــرص
راح صوت الاغاني
ووحده واقفه وتهرج بكل مجـآغه : ايش تبــو تسمعو
صوت واحد من الشباب جا من ورا روان : ياريتني قاروره مويـآ
سوزي طالعت فيه وضحكت : سااالم ايش تبا
سـآلم ضحك : اقصد ابا اسمــع شي حلو على زوقك
روان وقفـت وبتحاول تتغاضى عن التعليق السخيف اللي سمعو طالعت في هدى : انا حمشــي طيب
سوزي : طيب
سالم :ليش بدري
سوزي بحزم : ساااالم
سالم : ههههههههههه مني فاااهم انتي ليش بتدافعي
_ طالع في روان وروان اصلا مديتو ظهرها _ اسمعي حديكي اكتر من سوزي ماتدي بس اقعدي
سوزي رفعت حاجبها وطالعت في روان
روان كأنها ماسمعت شي عادت سؤالها : خلاص امشي ولا تبي شي تــآني
سوزي : امششي
سالـــم بقهر: اووووه
دق جــرس البـآب واللي واقفــه راحت جري تفتح: اهلييييييييين جلاللل
: هلا هلا
روان كانت حتعدي من جمبــو بس وقفت مفجوعه ...نسخـــة جاسم
طالعت في هدى اللي وقفت باارتبــآك واتوجهت وهيا تسلم عليـه..
جلال : هلا بالحب حقتي
دخل جلال وهدى وراه بتدخل الا روان مسكت يدها وهمستلها: دا اخو عموجاسم صح!
سوزي باأمر وبنفس همس روان : خلاص امشي
روان ضغطت على يدها : اخوه صح !
سوزي اشرت براسها : ايوا
روان :انا حقعد
سوزي وسعت عينها : ايش تبي
روان سكتت وهيا تطالع في جلال : مني خارجه ابا اي شي منو
سوزي : امشي بالطيب لاتخليني ابطل قلتلك انا حدبرلك كل شي
روان ولا كأنها سامعه سوزي عينها على جلال اللي مانزل عينو من جواله: ابا جووواله
سوزي تطالع في اصحابها بتوتر وبعدين في روان :بقولك امممشي
روان ضغطت على اسنانها : مني ماششيه
جلال اتوسط الكنبـه وهوا يستني المزه حقتو :سووزي تعالي
سوزي باارتباك : سميه لاتفضحيني وامشي
روان باأمر ودموعها بعينها:روحيلو وانا حدبر نفسي ماحفضحك انا اللي
حفضحه لو لقيت شي بجواله
سوزي سحبت يدها من رواان
وقالت وهيا تحاول ترسم على وجهها ابتسامه : طيب خدي الجوال واخرجي
مشيــت وهيا تتوجه لجلال وقلبها يدق بسـرعه
جلست جمبو وهوا حوط يدو عليـها ...جلال اكبــر واحد في التلاته الرجال الموجوديــن
امـآ روان دخلت المطبـخ وتروح وتجي مو عارفه كيـف تجيب الجوال
اخيــرا هدى وقــفت بصفــها
ولا دقـآيق الا هدى فتحت باب المطبـخ وقفتلو : ايش حتسوي انتي مجنونه
روان:عادي انا اشتغل هنـآ واول مرا تجيبيني وقوليلو سرقت حتى اغراضك
هدى : لا انتي ماتعرفيه والله مجنون
روان : هدى _ كانت حتتكلم الا روان قاطعتها _ اسمك هدى وماحناديكي الا بدا الاسم بيني وبينك
اذا تحسبي انتي الوحيده اللي بديتي تعرفي شي عن اهل عموجاسم فاإنتي غلطانه
..تدري انو عنده بنت وولد !تدري انو ولده شرطــي!
هدى بصدمه: لا ماعنده بزوره !
روان : وربي عنده
هدى سكتت وبعدها قالت : جلال لما سحبت منو وحكاني عن اخوه جاسم قلي ماعندو
روان : حتصدقيني ولا تصدقيه !
هدى واضح التشتت فيها رفعت شعرها على ورا
روان مسكت يدها : والله ماحتندمي انتي حتبردي قلبك حديكي رقم ولده حقولك فين عايش
سوي اللي تبيه وبنفس الوقت انا احاول اوصل لمعلومات تخصني ماحتقدري تحرقي قلب جاسم باأخوه
هدى سحبت يدها ورجف صوتها : ليش حتساعديني ؟
روان انفجعت : هدى انتي اختي
هدى بضعف : لا انا ماعندي اخوات
روان : دي الحيـآه اللي عايشتها غلـط وربي غلط دا عموجاسم اللي يباه تعالي عيشي معايا انا وهديـل والله
هدى قاطعتها وقفلت الموضوع : ححاول انا اجبلك جوال جلال .. وحتقوليلي كل شي عن ولده او بنته
روان نفسها تحضنها وتقنعها تجي تعيش معاهم تـآني بس قالت : طيب
هدى خرجت من المطبــخ للعالم اللي اتعودت تعيــش فيه تحس مستحيل تقدر تخرج من دا المكــآن
جلســت جمب جلال وشايفته متوتر وكل شويــآ يكتب بالجوال وشويا يرجع يلمسها ويضحك معاها
وهيا بوجهها المصطنع تضحك ... ومن جوتــها وحده تتألم وبــس
يمرر يده عليها وهيا تحسها كأنها جمــره تتحرك عليــها
تاخد نفسها كــل شويــآ
ادتــه يشــرب ..كاسه ورا التــآنيه ونسي نفسه ونسـي اخوه اللي في مصيبـــه
سحبت جوالـه وسالم مسكـها يتكلم معاها مو قادره تشــرد
روان شافت الوقت مرا متأخر لازم تـرجع جوالها بس يدق لؤي ومو قادره تـرد بدي الاجواء
خرجت للـصـآله وشافت سوزي
سوزي حطت الجوال ورا ظهرها وروان تطــآلع
مشيت وهيا تلم الوسخ االلي في الارض منــآديل وقوارير فاضيــه
وصلت لعند سوزي وسوت انها بتاخد مناديل برضو واخدت الجوال
الكل مشغول
الاضائــه خافتــه ورجعت تدخل المطبــخ بســرعه رمت اللي بيدها وحطت الجوال في جيبــها
اتوجهت لبـآب الشقـه ومن غير ماتخلي احد يركز فيها خـــرجت ...
ونزلت الدرج بكــل ســرعتها خايفه احد انتبهلها ...
واول ماخرجت من العماره الجوال دق اترعبـت
خرجتو وهيا تطالع حولينها ...
مشيت ومشيت ..واول مالقت تاكســي ركبت
قفلت الباب وهنا حست انها باأمان ..
دق الجوال تــآني
بتردد تشوف الاسم ونفسها تفهم ايش مكتوب
اصلا الجوال على قلتو معاها لازم تقــآبل هديـل عشان تعرف ايش فيه ..
مازال الجوال يدق رفعت وحطتو على اذنـــها
وحطت يدها على قلبها لما سمعت جاسم
بصــوت نفسه المتقطع : جلللاااال الحقــني ....جلالل !....الووو !
وبعدها قفـــل
من زمــآن ماتسمع صوته جسمها كلو اتقشعر ...
رجع دق مرا تانيــه وماردت ...
ماحترد دحيــن
اتصـلت على هديـل تبا تقولها معايا مصيبـــه ممكن نوصـل لشي منها

لكـــن هديــل في مصيبــه تـــآنيـــه ....

قبـــل ســآعات من موضوع روآن ... وقبـل هديـل مآتوصـل لبيت جاســم
واقفه خالتها عنـد بـآب الشقـه وهيا مصدومـه من ردو ...
: كيف ماتعرف هديل وانا اديتك هيا بيدي
جـآسم حاتط يدو على الباب : شوفي انا مني فايق لدا الكلام تبي شي تاني !
خالة هديـل : قولي فينها انتا تعرف وكآن شرطنا انو ماأجي اسئل عنها لكن مضطره اخدها دحين
جاسـم: وانا قلتلك ماأعرف شي عنها يلا امشــي _ كان بيقفل الباب الا هيا مسكتو _
اتكلمت بكل تــرجي : الله يخليك قولي فين البنت
جاسم بدأ يعصب : اقولك خلي النفس عليكي طيبه وامشي
: الله يحفظلك اولادك ويرزقك اللي تتمناه قولي بس فين البنت
جاسـم : انتي ماتفهمي
لساتها ماسكه الباب وبكل ترجي تتكلم : اسمع امها تبآها مرا مريضه اخاف تموت
وماشافت بنتها الله يستر عليك ويستر على اهلك
جاسم صمت مر عليه وبعدين قال ببرود : خلصتي !
خالتها عندها امل يتكلم
جاسم : يلا امشي
مسكت الباب بكل قوتها لما حستو بيقفلو للمرا التانيه وقالت بتهديد وهيا مقهوره : والله لاأشتكي عليك
جاسم ضحك : روحي اشتكي ايش حتقوليلهم اخدت فلوس عشان ابيع بنت اختي
خالتها : يعني متذكرنني والله ماحتخسر شي لو قلتلي فينها حالتنا مايعلم فيها الا الله الله يستر عليك قولي
جاسم دفها بيدو وقفل البــآب بكل قوتــه
دا النــآقص يجوه يهددو ... عارف دي الشكليات مستحيل يشتكو عليــه ..
مو عارف الا متـأكد
وقبل لايدخل للصاله رجعت تدق الباب وتصــرخ
تصرخ بكل صوتها : الله يححححرق قلبـــك االلله يحررق قلبــك يااارب ماتلقى اي رااحه في حيــآاتك
حتفضحو عند الجيــران
واقف وهوا شادد على يدوو بيحاول مايخرجلها
دقت ودقت وهوا يسمع بس دي الدعوه متعود يسمعها
بس دي الفتــره بدأ يخاف منــها...
اختفــى صوتها فجأه ...
رجع اتصل على جلال ونصحه يخـرج كل الاوراق المهمه من البيــت
ماسارو ضامنين بشــآر ..
فتح شنطتـه وسار يدخل اوراق العمـــل ..قفــل الشنطه وبعد ربع سـآعه لما اتأكد انها مشيت
اتوجه لسيـآرته ودخل الشنطه
اتذكــر اوراق البنــآت ... نزل بســرعه وهوا مومستوعب كيف حينسى شي مهم زي كدا
دخل شقتـه وماقفــل الباب
اتوجه لغرفــه نومـه فتح الخزنـه وخرج الاوراق والبطــآيق
خرج للصـآله وحطهم على الطــآوله ورجع دخل غرفتــو خرج الفلوس اللي بجيبـو وحطها في الخزنـه ...

وقــف سيارته طالع في العمــآير نفس الوصــف
دخـل على العمـآره اللي بابها حديد اسود وفيه مواقف للسيارات عكس العماير الباقيه
البــآب كان مفتــوح عقـد حوآجبه ودخــل وهوا يطالع يميـــن ويســآر
شاف كميـه الاوراق اللي على الطاوله اخدها
بطـآيق اوراق جوازات
هديــل
هدى
فاتن
صابرين
فاطمـه
احمد
فارس
طارق
حاتم
فهد
شهد
كوثر
ايش كميـــه الأطفــآل دول
الجوازت مو مجدده من سنيــن ..
خرج من غرفتــو وقلبه طــآح لأول مرا ينفجع بدا الشكــل : بشااار
بشار رفع راسـه وكأنه احد ضاربــه من كتر مو مفجوع
قال ويده تتنافض وهوا يحرك اللي بيده : ايش دا
ابـوه ضــآيع الكلام منـو اتوجه لبشـآر ووجهه مصفــر :دا .. دا اشياء عمك جلال
ماعرف يقول اكتـر من كدا ...

امـآ بــرا دوبـها وصــلت شافت سياره بشـآر وابتسمت راحت جري للعماره واقفـه عند درج باب العماره
وزادت ابتسامتها وهيا حاطه يدها على قلبــها اللي يدق بســرعه
انتصــــــــــــــــــآر
سامعه اصواتهم
ماتدري هيا شريره حاليا ولا لا
بس مو قادره ماتبتسم وتحس بسعاده

بشـآر صوتـه ســآير ضعيف من كتر الصدمه كان دايما يحس انو ابوه وراه مصيبـه لكن اللشي اللي شافو دحين
له ميـة مبرر وكلـها اوسخ من الافكار اللي كانت تجي براســه زمــآن
جاسم اخد الاشياء اللي بيد بشـآر وبشار اصلا ماتمسك فيـها : قولي ايش دا
ابوه يدخل الارواق في الكيس وهوا خـآيف مايطالع في ولده : قلتلك اشياء عمك
بشـآر من ارتباك ابوه عارف انو كذاب : ابـويا دول الصغار مين !!!
ابوه رفع عينه عليه وبيحاول مايهدم نفسـه اليوم : انا ايش عرفني
كآن حيمشي الا بشار رجع وقف قدآمــه وبصرامه :ماحتروح مكاان دا بيتك ودي اوراقك لاتكذب عليا
ابوه يباه يشتتو عن موضوع الاوراق : ايوا دا بيتي عندك مشكـــله انتا اصلآ ايش جابك هنـآ بتراقبني ولا كيف
هديل لما حست نفسها مو سـآمعه دخلت العمـآره وعدت بسرعه من قدام الشقه وجلست في الدرج
مستحيل يشوفوها وبنفس الوقـت بتحاول تسمع اصواتهم البعيـده...
بشـآر : ايوا براقبـك _ اشرلو على الاوراق _ الاشياء دي اللي بيدك حتوديك في ستين دهيه وانتا عارف
ابوه متمسك برايه :لما تكون اوراقي وقتها قول دا الكلام
بشار بعصبيـــه : ابوووويا لاتستهبل عليا لاتلوي ذراعي بحركااتك دي اهجد اهجد عشان امي وحور
ابوه: ليش بتتكلم معايا وكأنك ماسكني في مصيبه
بشـآر لأول مرا يبا ابوه يسمعلو : ترا عمي جلال بدأو الناس يركزو فيـه انا عارف انو مروج مخدرات
وربي لو مسكت دليل بسيط لأحبسو طول عمره بس اللي خايف منو انو تاني يوم القاهم جارينك معاه السجن
_ بترجي _ الله يخليك لاتخليني اشوفك في يوم بدا المنظر
طالع في ولده وقلبــه يدق بســرعه
جلال مرتـــآح وعلى باله محد مركـز فيـه
شغله نظيــف دايما ... كيف قدر يشك بدا الموضوع
" الله يخليك لاتخليني اشوفك في يوم بدا المنظر "
كلامــه رعبــه
لأنه الفتره الاخيره يحس انو دا اللي حيسيـــر ...
جاسم : عمك مالو صلاح فـ
بشـآر رفع صباعو : لاتدااافع انتا اكتر واحد عارف وسااخته
جـآسم اشرلو وهوا خلاص حاسس انومخنوق ونبضاته مو منتظمه : انا ابا امشي
مشي من جمب بشـآر
وبشار خلاه يوقف مفجوع: انا حبلغ عن عمي حقولهم كل اللي شاكك فيـه وبمجرد ماتديه دي الاوراق حعرف ايش موضوعها
اتجنــــن
واقف وشادد على الكيــس اللي بيده
موسـع عينــه
ويحس انو بيعــرق مع انو الجو بـآرد
طالع في ولده وقال بحروف تقيلـه : تبا تبلغ على عمك !؟ إنتا تستهبل
يتنفس بصوت مسموع وصدره يطلــع وينــزل خااايف ...
بشـآر كل شويا يتأكد انو ابوه في كل شي مع عمو ويمكن ابوه كمان متورط اكتـر :هوا اللي جابو لنفسـه
خرج جواله من جيبـو واتصـل على صاحبـه
جاسم مو مستوعب : بتكلم مين
بشـآر وعينه بعين ابــوه : حبلغ
جاســم اتجنننن سحب الجوال منو ورمــآه وبكل صوتــه : انتتتتتا اهبببببل
مسك بشارمن ذراعه وهوا يشد عليـه : والله لو بلغت عليـه ي
بشار قاطعه :ليش خايف ؟!
جاسم بين اسنانه : دا اخويــا
بشار : لا انتا خايف عشان حتتورط معاه ..انتا بتاجر معاه في المخدرات ؟! وصورة البنت اللي في سيارتك ودي الاوراق برضو انتو بتسو شي تـآني ...
ولاتقولي سميه بنت صاحبك ليش مصورها صوره عشوائيه في الشارع _ بعين قوويه وهوا يطالع في ابوه _ لاتستهبل عليا ..صدقني لو مسكت
دليل عليك انتا وعمي لاأرميك في السجن واخلي امي ترتاح منك
دفــو ابـوه :روح بلــغ احرق قلب اختـك خليها تموت على يـدك ولاماسار عندك ضميـر من دي الناحيه
بشـآر فاهم ايش يقصد ابــوه ..ماعـــلق ماتكلــم
ابـوه خـرج وسبلـو البيت بـكبره ... اول ماركب سيارته اتصـل على اخوووه
: جلاااال الحقنـــي
استنى رد بعد الجوال ورجع قال : جلاللل ....الووو

بشــآر جلس على الكنبــه مسك راســه ويحس انو حينفجــر
الاوراق المعلومات اللي قرأها راسخه في راســه
قلبه يدق بسرعه كل مايجي في بالو انهم مخطوفيــن
لومخطوفين ماحتكون عندهم اثباتات
يتاجر فيهم عمي !
قال الكلمـه ويحس قلبه حيخرررج من كتر مايدق
مايقــدر يسجنهم مهما كآن ابوه وبنفس الوقت خايف في يوم ينسجنو قدام عينه وهوا يتفرج ومايقدر يسـوي شي
اخد جواله وقفل باب الشقه باأقوى ماعنده واتوجه لسيارته

امــآ هديل لساتها مكانها ومصدومــه بشار قال سميـــه ...فيه اوراق مع جاسم !!
موحزنـآنه انو قاعده تستخدمــه عشان توصـل للي تبـآه
بالعكس اليوم عرفت معلومــه مرا قويـه
حتقدر تستخدمها معـآه
وقفـت وموعارفه تروح تقول لروان ولا تســـكت ...
خــرجت من العماره ودوبها تنزل التلاته الدرجات الا شافت بشـآر في السياره
قلبها كان حيوقف
تطالع يمين ويسـآر مو عارفه كيف تمشي خايفه ينتبهلها
نزلت جسمها وجلست في درج باب العمـآره الخارجي ...
لو شافها حتقولو بستنى صحبتي ولا اي شي
جاها شد عضلي بفخذها من التوتر تمرر يدها عليها
وهيا تطالع في بشـآر اللي ساند جسمو بدون اي حــركه
والسياره حتى ماشغلها ..
بدأت تخف حركات يدها على فخذها لما شافتو رفع يده على جبينه ورجع نزلها
اتذكرت صوتــه وهوا يتكلم شويــآ معصـب شويا خــآيف شويــآ بيترجآه
ايش ذنبـه تجلس كدا تسـوي فيه
بدأ ضميـرها يشتغل تـآني
ليش تخلي احد يعاني تـآني اذا جاسم ماعنده قلــب يمكن ولده طيـب
ماشافت شي وسـخ منو
من يوم ماتعرفت عليـه وهيا مخليتو يتعذب من مستشفى لمضاربته بالجوال مع ابوه في الكـآفي
ودحين في بيتــه
"وصــلت لمرحله اني احرق قلب انســآن مالو صلاح عشان اوصل للي أباه .."
عينها مانزلت من عليـه ..بعد دقايق شغل السياره وحرك وهنــآ تحس قلبها بدأ يدق بخوف
وقفت وقفتلها تـآكسي وكلام بشار مع ابــوه في راسـها..
حاولت تخرجه من راسها وتفكر بس في الكلام
" فين يكون راح جاسم !"
ولا خرجت جوالها الصامت من شنطتها ...عندها كلام كتيــر تقوله لروان
طالعت في السـآعه وانفجعت من الوقت سارت 11 ..
وصـلت لعمارتهم نزلت بسـرعه بعد مادت الرجال الفلوس ...
فتحت باب الشقــه وروان على طول خرجت من الغرفه :اخخخيرا جيتي
هديل ابتسمت من قلببها: تعاااالي حضن حضننن
روان : ايش بككك
هديل قفلت الباب وحضنتها :عندي اخباااار
روان بحماس اكبــر: وانا عندي جوال اخو جاسم
هديل بعدت عنها وقالت بصدمه:ايش !
روان ضحكت ومدت يدها : شووفيه حتى جاسم اتصـل ورديت عليه بس ماتكلمت
هديل اخدت الجوال : كيف جبتيه !!!!
روان حركت حواجبها : سر المهنه ادخخخلي خليناا نفتش انا مو فاهمه شي وجاسم بس يتصل
هديل رمت شنطتها في الارض ودخلو جلسو وفتحت الجوال
ويحمدو ربهم مافي رقم ســري ...
لكــن في الواتس مافي غير ادعيــه ونكت ولا صور +18
هديل تفتح الصور وتصرخ وترمي الجوال لروان وروان ترمي الجوال لها: قفللللي ايش دااا
هديل : هههههههههههههههه مممدري
تحاول تضغط اي شي لين ماراحت الصور : اوووف بلااا
روان: ههههههههه حقييير دوري شي تاني
هديـل تحاول تفتش وروان حاشره وجهها في الجوال
هديل دفت راسها : ايش شغل البزوره دا ابا اشوف
روان رجعت على ورا وقالت بحقد: طيب بشوف انا كمان
هديل وعينها على الجوال :اقعدي جمبي مو قدامي وتدخلي راسك
روان جلست على طول جمبها حاسه باإنجاز مو طبيعي بللي سوتـه
هديل تقلب في الصور شاحنـآت وبضـآيع .. صورغريبه بنبسه لهم مالها معنى
هديل : اسمو جلال دا ؟
روان : اييوا جاسم نادى جلال
هديل :تدري انو يشتغل في المخدرات وجاسم معاه
روان شهقت :كذاااابه
هديل : خليني اخلص بس واقولك ايش عندي هرج
روان :طيب اديني جوالك على بال
هديل : في الشنطه
روان راحت اخدتو وفتحت الاسامي ..: دا رقم بشار صح ؟
هديل استغربت :ايش تبيبو
روان : دا ولا لا
هديل :ايوا
روان :برسلو لهدى
هديل انفجعت :لللليش _ سحبت جوالها_
روان:ايش بك
هديل : ليش حترسليلها
روان: هيا تباه
هديل : تروح تدبرو ايش لنا فيها
روان : مو انا خليتها تجبلي جوال جلال وقلتلها حديكي رقم ولدو
هديل :ايش البلاهه دي ياروان ليش تدخليها بدي المواضيع احنا حتى مانثق فيها
روان: ايت مواضيع ! هيا تبا توصل لشي في راسها ايش دخلنا فيها
هديل : بكيفها تروح تدبرو بنفسها
روان : هديل انا اديتها كلمه
هديل : ماليا انا
روان طالعت فيها مفجوعه : ايش بك !
هديل : خلاص ايش دخلو هوا في ابوه اللي سويتو فيه كفاايه
روان : وانتي ليش همك مشاعره دحين
هديل اتنرفزت : المسأله مو مسأله مشاعر بس انا قاعده اسوي شي معاه ايش لزمه كمان هدى تدخل نفسها
روان: لأنو البنت قاعده تعاني ياهديل ! تبا تطفي حرقة قلبها
هديل : تروح لجاسم ايش دخل بشار
روان مفجوعه منها: هديل ! لاتكوني
هديل انفجعت وقاطعتها قبل لاتكمل :لا واللللله بس بجد طول الطريق بفكر احس اني ظلمتـه
روان : ولو ظلمتيه ماحتكوني سويتي ربع الاشياء اللي ابوه سواه فينا كم مرا اقولك لاتكوني عاطفيه
هديل : مني عاطفيه بس بجد الادمي ساير مشتت بسببي
روان: مو دا اللي احنا نباه !؟
هديل : لا _ سكتت _ قصدي ايوا مدري مدري
روان: هديل اصحك تفكري بشي ناحية دا ...دا وسخ زيو زي ابوه
هديل ادتها جوالها وهيا مقهوره انو روان تحسبها تحبو: خدي خلاص بكيفها _ قالت وهيا تبا تقنع روان_ انا ماأفكر بعاطفيه بس ماأبى اظلم احد مالو ذنب
روان : مابنظلمه هوا قاعد يعرف حقيقه ابوه لو ماعرفها مننا حيعرفها في يوم من الايام احنا ماتبلينا على احد ..دا لو بجد هوا بريئ اصلا
هديل سابت جوال جلال : ترا مرا مايدري عن حـآجه
روان: ايش ضمنك
هديل : انا قلتلو فين بيت ابوه وراح اتضارب معاه سمعت كل كلمه قالوها حتى جابو سيرتك
روان انفجعت : في ايش جابوها
هديل بتوتر : قلو انو سميه مو بنت صاحبك ولا ماكان صورتها صور عشوائيه في الشارع مافهمت ايش يقصد لكن يعرفك بشاردام قال اسمك فاهوا يعرفك
روان انكتـــمت ماقالت ولاشي
هديل تبا تريحها : اهو ياروان بنحاول نعرف حاجات واللي عرفتو دحين انو معاه اوراق تخص اطفال او شي زي كدا يبا يوديها لجلال
روان حاولت تتكلم :هدى ممكن تساعدنا حديها رقم بشار دحين وحتعرف انو احنا بصف واحد
هديل نزلت عينها وقلبها قبضها مرا مضايقه من هرجه هدى وبشـآر
روان ارسلت لهدى الرقــم وهديل بتفتش في جوال جلال
وفجأه تجي رساله من جاسم " انتــآ فينك بتصل ماترد "
هديل باارتباك :روووان جااسم بيهرج
روان نطت جمبها ودخلت وجهها بالجوال : ايش ايش يقول
هديل دفتها : بقررره انتي
روان حست بنفسها وضحكت بتوتر: انفجعت
هديل :هههههههههههه ماتبطلي ردات فعلك الغبيه
روان تأشرلها وهيا تضحك: كلميــه
هديل : لا ياشيخه
روان ضربتها : ههههههههههه خلاص ياهديل احنا في موقف انساني بطلي
هديل : هههههههههه مو كنت خايفه بس بسببك نسيت الهرجه _ نزلت عينها على الجوال وهيا تفكككر وتقرا كلامــه _
روان تطالع فيها : اكتبيلو _ صرخت بكل صوتها وهيا تدخل وجهها تاني بالجوال _ ياحييييييييييييييييييييييوووووان
هديل ماتت ضحكك مو قادره تستوعب انهم في موقف زي كدا
وقاعدين يضحكككو الاتنين ...فصلو خــلاص
مع الخوف اللي فيهم سارو يضحكو وبــس
هديل : ههههههههههههههههههههه روان مو وقتك
روان : ههههههههههههههههههههههه مني مصدقه انو بنكلمو والله ومو قادرين نسبو مستوعبه انتي
هديل :هههههههههههههه مو ابا افكر في شي مايودينا في دهيه
هدى اتصــلت
روان رفعت جوالها : هدىى تتتصل
ردت عليها على طول وفتحت اسبكر: ايوا هدى
هدى : خرج جلال
روان : ايش سوا
هدى : شككتو في نفسو ال """"" وقلتلو انتا اصلا ماجبت جوالك نزل يدور عليه وشكلو مشي خلاص مرا اتأخر
روان: متأكده ماحيستوعب
هدى : لا زبطت وضعه حيصحى بكرا ماحيدري ايش سوا طول اليوم
روان : طيب تمااام وصلك الرقم؟
هديل تسمع صوت هدى وهيا مفجوعه من اسلوب كلامها
هدى : ايوا حتصل عليـه لما افضى وحبدأ احتك فيه
روان : اسمعي فيه شغله تـآنيه بس مدري انتي تبي تساعدينا ولاخلاص
هدى بتردد : ايش هيا
روان : لو تبينا نساعد بعــض حتقوليلنا كل شي تعرفيه واحنا نفس الشي
هديل فرصعتلها عينها وتقولها لاااا
هدى : انا ابــآ ولد جاسم حاليا لو ماقدرت اوصلو من الجوال حقولك
روان : طيب فكري بكلامي برضو _ قفلت الاسبكر ووقفت روان خرجت من الغرفه _ واتفاقنا برضو على اهلي لسى صح ؟
هدى : ايوا بعد برضو ماأحاول مع ولد جاسم ليا كلام معاكي
روان: طيب
قفـلت روان ورجعت الغرفـه ...وهديل تطالع في كلام جـآسم
روان جلست جمبها : ايش بك
هديل كتبت لجاسم "ماقدر ارد دحين انا مع رجال ايش ساير .؟"
روان : ايش كتبتيلو
هديل قالتلها وطالعت في روان : ليش تبي تدخلي هدى في كلامنا دحين
روان: عشان نستفيد
هديل : ماتفهمي ياروان دي سارت انسانه تانيه لانثق فيها
روان: هديل دي اختنا مو عشان قاعده تمر في حياه صعبه اسحب عليها انا عارفه انو اللي تبا توصله نفس اللي احنا نبـآه بدال ماكل وحده تشتغل لوحدها نقدر احنا التلاته نوصل لحاجه مهمه
هديل كان نفسها تقولها ايش دخــل بشار دحين بس مافكت فمها
حبست الكلام جوتها وسكتت
جاسم كتب " انا جيك دحين "
هديل كتبت " ايش ساير "
جاسم " بشار عرف بيتي ووحده جاتني المهم افهمك لما نتقابل "
هديل طالعت في روان : لو وصل لجلال حيعرف انو مو جلال اللي يكلمو ايش حسوي
روان :ماستفدنا يعني شي من الجوال
هديل : اقدر ارجع اهددد واخليه في حاله نفسيه
روان : طيب هددي
هديل نزلت عينها على الجوال على طول " انا مو جلال "
جاسم قراالكلام ومارد
هديل رجعت كتبت وتتكلم بصوت عالي وهيا تكتـب" انا حدفنك انتا واخوك واخد حقي منكم "
روان : ههههههههههههههههههههه ايش الفلم المرعب دا
هديل مبتسمه وترجع تكتب" مو صعب عليـآ الموضوع انتا عارف ايش سويت بولدك مو بعيد اسويه فيك "
على طول اتصــل جاسم وهديل قلبها تحسو وقــف : من فين من فين اطفي الجوال
روان خايفه اتربشت: اكسررريه
هديل : كيف اكسرووو انتي عبيطه
تضغط من كل الجوانب لين مالقت زر صغير ضغطتووطفــى: اااه ياااقلبي
روان :متخيله وجه جاسم دحيـن
هديـل : احسن الله يحرقه خلينا كدا نطقطق عليه نخلي حياتو جحيم بس بدي الحركات البلهه
روان : طيب حسيت ولا بالحركه القويه اللي سويتــها طلعت بدون فايده والله
هديل : بلهه انتي .. والله دحين حيقعد اسبوعين ماينام عدل لاتستوهني باأي شي فيه تهديد

صمــت طووويل مر عليــهم
بدأت تختفي ابتسامتهم تدريجيـآ...
بدأت قلوبهم توجعهم كل مايتذكرو اللي سـآر
روان هـرجت بعد صــراع طويل بينها وبين نفسـها
: ايش قالو كمان عني
هديل رفعت راسها بعد ماكانت تلعب بالبساط اللي في الارض وهيا مسرحه: بس دا
روان : ايش تتوقعي طيب
هديل : مدري بس بحاول اعرف من بشـآر يعني احس موضوعك بدأ يسهل _ ابتسمتلها_ ان شاءالله قريب نعرف كل شي
روان : وهدى
هديل : ايش بها !
روان : الفلوس اللي طلبتها مني ...بدأت اشك في دا جلال لأنو كذب عليها وقلها جاسم ماعنده اولاد يعني ماحتاخد منو لا حق ولا باطل
هديل : شوفي اصبري يومين لو ماوصلت لحاجه قوليلها بس اباكي تعرفي فين بيت جلال ونديها نص المبلغ لو مارضيت حنجيبو احنا ..
روان : مرا خايفه احس اني ابا اعرف نهايه اللي قاعده اسويه بس خايفه لو عرفتو اندم
هديل بحرمان : تخافي من ايش حتى لو كآنو سيئين يكفي انك تشوفيهم
روان : والله احس اني بحلم كل ماأقول انو عندي اهل كدا نفسي اضحك على نفسي
هديل ابتسمت ومدت يدها: تعالي احضنك
روان بكسل : مافيا
هديل نزلت يدها مصدومه : هههههههههههههه حقيره

بدأو يتعودو على المشاعر اللي جوتــهم سـآرو يضحكو عشـآن لايبكـو
يسبــو ويتريقــو عشـآن لايعبرو طول الوقت عن اللي يحســوه
كل وحده شايله هم في قلبـها اكبــر منها.
كل وحده نفسها تبـكي بس عارفه انو ماحيفيد البكـى

آمـآ بشـآر فتح باب الشقه ودخل وفجاه بعد ماكانو يضحكو وصوتهم واصل لتحت سكـتو ..
نفس الثوب اللي لبسـو امس وهوا خارج من عندهم ... شكله مصدوم ومبــهدل
التلاته يطالعو فيه مفجوع ..قفل الباب من غير مايتكلم وكان متوجه لغرفته
الا تركي ناداه : بشااار
فتح باب غرفته ودخل بدون مايــرد
تركي وقـف : ايش بو
: يكون اخته سرلها شي !
كلــهم عارفيـن بقصـه اختــه ومـرضها دا الشي الوحيد اللي جا في بالهم
اتوجه تـركي للغرفه فتح البـآب ولقاه قاعد على السرير ومابيسوي شي
طالع في تركي
تركي : فيك شي ؟
بشار : لا
تـركي : اهلك كويسين
بشار : ايوا
ردود هـآديـه ..تركي مو عارف يخرج ولا يدخل ولا ايش بــزبط : طيب تبا شي
بشار مارد عليه وهنا تركي خرج وهوا مو عارف ايش يســوي
في الغرفــه فتح جوآله وهوا يشوف صورة سميـه
مرت ســآعه ...ساعتين وجالس على نفس الوضعيـه يفكر وبــس
بيحاول يستوعب كل شــي بيسويـه عمه وابــوه
دخل تـركي وانسدح على سريره وهنا بشـآر قام سواله قهوه ورجــع يبحث في جواله
ويتواصل مع وآحد في مركز الشرطه سئلو عن اسم من الاسامي اللي شافــها ..
قفل منـو
اخد الملف اللي في الدرج فتحو وعارف انه دي الاوراق حتودي عمو في دهيه
يتفحص ورقه ورقه وكأنـه اول مرا يشوفها ..
مــو قادر يبلـغ عنـه عشـآن كدا وقـح معاهم

بسم الله ، الحمد لله ، سبحان الذي سخر لنا هذا وماكنا له مقرنين
وإنا إلى ربنا لمنقلبون، الحمد لله ، الحمد لله ، الحمد لله ، الله اكبر ،
الله أكبر ، الله أكبر ، سبحانك اللهم إني ظلمت نفسي فاغفر لي ، فإنه لايغفر الذنوب إلا أنت.

أتــعـثر ثــم استقيــم لطريــقي
أنكــســر وأجبـر لوحدي
أحــآرب تشــتت أفكــآري لأتــزن
أنــعزل لإرجـآع قوتـــي
قــول لي بــربك من أنت لتهـز ثبـآتي ..؟

واقفـه قبـآل الفـرن وبتسـوي صوص جبنـه عشان تستلز في الشبــس
ماتدري ليش نفسيتـها دي اليوميـن مرا مفتوحـه : ساااااااااااااام
يصرخ بنفس النبـره وهوا في الصاله : هاااااا
تـرف برضو بتصـرخ : انزل اشتريلي كيـس ثلج
سامي اختفى صوته وفجأه جاها وهوا مفجوع : مامما انتي ايش تسوي في الثلج
ترف تقلب الجبنـه : ايش اسوي يعني ..اكلو
سامي : ترا فاهمه الموضوع غلط والله الناس يحطوه مع مشروبهم مو ف صحن ويقعدو ياكلو
ترف طالعت فيه : انتا ايش لك ؟ انا اللي باكل ولا إنتا !؟
سامي رفع كتفـه : مدري احس اسناني توجعني لما تاكليه جمبي
ترف : حآكل بغرفتي هيا اقلب وجهك وروح جبلي تلج
سامي : البقاله قفلت
ترف : بلا كدب باقي نص ساعه روح بســرعه
سامي : اووووووف وربي تعبااان يعني كان اشتريتي وانتي جايه من المحل
ترف طالعت فيه بعصبيه : ساااامي وبعدين معاك
سامي : خلاص طيب نازل _ مشي بتملل وهوا مالو نفس يخرج من البيت _
ولا تلاته دقايق من خروج سـآمي الا جوالها يدق ..مسحت يدها بالمريله اللي حاطتها على وسطها : مايبطل بلاهه
اتوقعتــه سـآمي..طفت النار على القدر وخرجت للصـآله اخدت جوالها وحست بتوتر فضيـع
بـراء يتــصل
مالها سـآعه راجعه البيت ردت ومو عارفه ليش متوتره بدا الشكل : الو
: السلام عليكم
: وعليكم السلام
: كيفك
: كويسا الحمدالله
: معليش لاني بتصل بدا الوقت
: لا عادي فيه شي ؟
: قلقتيني مالك حس
الكلمــه قاعده تتردد كدا مرا في راسها ..
رجعت شعرها ورا اذنها وماستوعبت كلامـه قالت بكل تنآحه : ليش !
براء : مو قلتلك لو وصلتي اكتبيلي
ترف : ايوا كتبتلك
براء بااستغراب :ماوصلني شي منك
ترف بعدت جوالها واستووعبت لما شافت مافي نت : ماشغلت الواي فااي
براء بجديـه : ترا ليا ساعه ابا اتصل وماسك نفسي ومنحرج
ترف جلست على اقرب كنبـه وهيا تحس رجولها مو شايلتها : هههه ايش بك
براء : بعد كلامك والله سرت احس اني مسئول عنك واخاف يسرلك شي
ترف تحرك يدها على الكنبه وهيا حاسه باأحاسيس غريبـه
وجهها بدي يحمر
كلمــآته ماتدري عفويـه ولا ايش بــزبط
مســئول عنــك
اخاف يسـرلك شي
قلقتيــني
اهتمــآم وأمــآن دا اللي واصلها ..
بـراء : الوو!
تـرف حست انها سكتت فتره طويله : ايوا معاك
براء : ايش بك
ترف وقفت وتلعب بخصلات شعرها بدون ماتحس ووجهها محمر : ولاشي
براء ابتسم : تدري انو بكرا حيكون دوام كآمل
ترف مافهمت : كيف يعني
براء : يعني من الصباح ل 10 الليل
ترف : ليش كدا
براء : عشان جايبين في العصـر وحده مشهوره مدري مين تطلع
ترف : مين جايبها
براء : اداره المول
ترف : اهاا كويس قلتلي عشان انام بدري
براء ابتسم جلس على كرسيـه اللي بالغرفه ورفع رجلو على سريره :كيف ظهرك
ترف تلف صباعها حولين خصلات شعرها : احسن
براء :يلا بطلي بلاهه وركزي
ترف : هههههههههههه برضو انا اللي ابطل بلاهه ..ترا بجد اليوم ماكنت انتا طبيعي في المحــل
براء:ههههههههههه مبسووط انتي ايش لك فيا
ترف : مبسوط وتحرجني انا ليش ...حتى ميرنا مفجوعه منك
براء : ههههههههههههه انتي غريبه والله
ترف وقفت قدام المرايه واستوعبت انها بتلف صباعها حولين شعرها نفس حركات خلود
لما كانت تكلم نزلت يدها وردت عليه : ليش
براء : يعني بعض الاحيان اشوفك جديه مرا ولما تكوني مع سامي تكوني انتي وهوا بنفس العمر وبس تمزحي وتضحكي
ترف ابتسمت : قلتها مع سـآمي
براء يقصد فيها نفسه: طيب خفي على ميرنا مسكينه
ترف فهمته من نبرة صوته ضحكت : ايش بك انتا
براء خاف يتهور في الكلام فقال يقفل احسن مايبى يخسرها وهيا دوبها بدأت تديه مجال في الكلام : هههههه ولاشي خلاص بلاشي اطول عليكي
ترف تلعب بالورد اللي بالفآزا : طيب
براء بنبره هاديه وهوا نفسه مايقفل : تصبحي على خيـر
لانت ملامحها ولأول مرا تحس صوتـه جذبها : وانتا من اهله
قفلــو وهما الاتنين ماسكين الجوالات ومبتسمــين
وقـف وخرج من غرفتـه وهيا استوعبت انو سـآمي اتأخر واتصـلت عليه اداها مشغول
دخلت المطبـخ شالت المريله حطت صوص الجبنه في صحن اخدت الشبس والبيبسي
وخرجت من المطبـخ ..
تسوي كل شي وهيـآ مسـرحه
ماتفــكر في الحب .. أصلا عمرها ماحست بدا الاحسـآس الا لسـآمي
" هوا طيب وبيسـآعدني مو كل الرجال زي بعض "
" عادي ايش فيها غير نظرتي "
" مين هوا عشان يغير تفكيري ونظرتي ؟! "
" وقف قدام ليـث وبيطمن عليا كل شـويا كيف نظرتي ماحتتغير "
تسئل وتناقض نفسها تبا جواب وبنفس الوقت تبا تقنع نفسـها
اللي يسمع اللي يدور في راسها ماحيفهم ايش تبــآ بزبــط
لأنه هيا بنفسها مو عارفه ايش اللي بيســير

امـآ سـآمي في الدور اللي تحــت ...
وشـآيف روان حاطه قاروره مويـآ عند باب العمـآره ومسكت ظهرها مافيـها حيـل تسحب تعبت ..
سـآمي :هاتي انا اشيلها
روان طالعت فيـه : لا عـ
سامي قاطعها بعد ماحط كيس الثلج عند باب العماره : فين شقتك
روان ابتسمتلو وخلتو يشيل القاروره ..اشرتلو : دي اللي قدامك
فتحتلو باب الشقـه واتوجه للمطبــخ حطها وخـرج
روان قفلت الباب بعد ماشكرته قالت لهديل : مريت من عند 10 رجال محد اتلحلح وشال القاروره والصغير محترم اكتر منهم

اتــوجه للبيــت واول مافتح الباب ترف صـرخت:بددددري
سـآمي مرا بااارد لو ارسلتو مكان يقعد سنــه مشيته بطيئـه حركاته بطيئـه عكسـها
قفل الباب راح حط التلج بالفريزر وجاها: انا داخل انام عشان لاتطلبي شي تاني
ترف : هههههههه ليش كدا تعاملني
سامي :دحين انا الشرير
ترف تشرب البيبسي وبعدها ترد : ايوا عشان اتاخرت وانسدت نفسي عن الثلج
سامي : تبي تستفزيني صح !
تــرف : هههههههههههههه تعال اتفرج معايا
سامي جا لعندها وطالع في الاب توب : ايش دا
ترف : مسلسل تركي ميرنا قالتلي مرا حلو مرا حيعجبك
سامي : فيا نوم
ترف وقفت المسلسل : ايوا بكرا ترا دوامي من الصباح لليل ..12 ساعه
سامي بتفاجئ : اووه مرا كتير
ترف : ايوا اشغل نفسك لين ماأجي
سامي : حروح لمحمود
ترف : كويس
سامي خرج جواله من جيبو : حديه خبـر وحنـآم
ترف شغلت مســلسل " في الداخل " واندمجـــت
سـآعه
ساعتيــن
تلاتــه
اربــعه
اذن الفجـر قامت صلت ورجعت بسـرعه تتفرج وهيا تتثاوب وتبا تنـآم على نفسها
عشان كدا ماتحب تتفرج مسلسلات مايوقفها الا اخر حلقــه..
لكن ماحست بنفسـها ونامت على الكنبه والمسلسل يشتغل

صحـي سامي على دوامـه وهوا عـآرف انها حتنام في الصـآله
كل ماتتفرج مسلسل نفس الحاله
قفـل الاب توب غطاها باللحاف وطفى اللمبـآت وراح للمدرسـه ...

السـآعه 9 ونـص الصبـآح ...
صحــي رايــق ...فايــــق ...سـآر الدوام شي ممتع مو ممتع وبـــس هوا احلى شي يعتبره في يومـه
لبـس جينز وبلوزه رسميـه بيضـآ عدل اليـآقه
ومرر يدو على ازارير البلوزه بااقتنـآع
زبـط شعره ..اخد عطره المفضــل
رشتيــن وخــرج من الغرفـه ...
الابتســآمه شاقه وجهه... نزل واول ماشاف امه سلم عليها : ياااصباح الخيـر
امه تطالع فيه مفجوعه تعرف موده لما يصحى لازم يكون مكشـر لين مايعدل مزاجه بسجــآره
برا البيت ..
: صباح النوور ! .. ايشبك
براء : ولاشي رايح الدوام تبي شي ؟
امه : صح دوامك 12 سـآعه ؟
براء : ايوا ابويا قلك
امه : لا محمود ...سامي حيجي اليوم لين امه ماتخرج
براء : اهاا _ يلعب بسويتش السياره _ طيـب انـ
امه تهرج وعينها في المجله اللي بيدها وتتصفحها بملل قاطعته: ابوك اليوم حيروح قطر
براء : اووه
امـه قفلت المجله وبااهتمام قالت : تصدق شكلي حتصل على ام سـآمي واعزمـها
براء اتفاجئ : فين تعزميها!
امه: هنـآ ولدها حيكون فيه حقولها تجي بعد الدوام اعزمها على العشا يعني
براء يبا يبتسم بس ماسك نفسه لا مو يبا يبتسم ابتسامه طبيعيه ابتسامه واحد عجبتو الفكره
وبقووووه
بنبرة صوت واحد مو مهتم : طيب كويس
امـه : ولا مالها داعي ! والله ابا اعرف شكل الحرمه كيف ... والله ولدها احبو من قلبي
براء لما يسمعها تقول ام سامي ..وحرمــه يحس تهرج عن وحده كبيـره في السن
: ناديها منتي خسرانه شي
امـه : متى اتصل عليـها
براء يحس قلبـه يدق بسـرعه بعد الجمله دي : بعد ساعتين كدا
امه :مو بدري ؟
براء :حتكون في الدوام عادي .. واحسن تديها خبـر من بدري
امـه :تمام
براء : يلا ياقلبي انا لازم امشي تبي حاجه؟
امه : سلامتك

خـرج برااء ونسي السجاره اللي يعدل فيها مزآجه وكل شي
في شيطان صغير كدا جوتـه قاعد يضحك ومبسوط

بعــد سـآعه براء في المحل ويطالع كل شويـآ في ساعتـه .. بدأ المود يقفـل دخل المخزن وولع اول سجاره
يرجع يطالع في السـآعه ..
خرج جواله من جيبو " عادي اتصـل " " ايوا اليوم ضغط وعندي عذر اني اتصل واسئلها فينك "
يدي لنفسـه مبرر عشـآن يتصــل وكأنه في احد حيحاسبه ...
اتصــل عليها
تحب تنــآم على الكنبه المريحــه وسـآمي وفرلها كل الاجواء يعني نسـت نفسـها
سمعت صوت جوالها رفعت نفـسها وهيا موعارفه الساعه كم
تدور على الجوال بصربـعه ولقتو جمبها اول ماشافت براء طلت على الساعه على طول
انفجعت ردت وهيا ترفع شعرها عن وجهها : الووو
صووتهـآ نوم
تعبــآنه
وترتــه قال وهوا ذايب خلاص : نايمه؟
ترف وقفت بصربعه : ايوا معللليش راحت عليا نومه _ مشيت بسرعه وانصعقت بالطاوله اللي قدامها _ ااه ايووا خلاص جاايـه
براء ضحك مو عارف ايش بيسير معاها بس يباها تهدى : خلاص خدي راحتك
ترف :طيب
قفــل منها وهنـآ رجع انبســطط
وهيا مافكرت بااتصاله كتيـر من كتر مهي مفجوعه من الوقت
دخلت الحمام ورجعت على غرفها لبست جينزها الكحلي المرمي على السرير
وفتحت دولاب الملابس اخدت تيشيرت ابيض ساده وعليه جاكيــت زيتي
زبطت شعرها ولفتو على فوق .. حطت كريم على وجهها ورسمت حواجبها وروج
وخرجت لبست جزمتها اخدت شنطتها وجوالها وبسـرعه اتوجهت للمــول ......
ودوبـها تمشي في المول دق جوآلها ...رقم غريب
ردت : الو
: السلام عليكم
:وعليكم السلام
: ام سامي ؟
مرا انفجعت : ايوا ؟
: انا ام براء
هنا مو بس انفجعت الا قلبها كآن حيوقف : هلاا
ماعرفت تقول غير دي الكلمه
عزمتـها على العشـآ وترف قفلت مفجوعه
ماتتذكر انو في احد قد عزمها ولازم تتشيــك ..مرا خلود نادت بنات في بيتهم وكأنت اول واخر مرا
دخلت المحل سلمت على ميرنا واتوجهت لبراء اللي منزل عينه على الجوال وحاتط السماعات
وقبل لاتوصل هوا رفع على طول راسه
ترف انفجعت: هههههههههه بسم الله
براء شال السماعات وابتسم : ايش بك
ترف : كنت بفجعك
براء : ريحة عطرك تسبقك المهم مو على اساس حتنامي بدري
ترف ابتسمت واشرت على ميرنا : ميرنا ادتني مسلسل وسهرت عليه لين الصباح
براء : حتقدري تواصلي 12 ساعه
ترف : ان شاءلله _ كانت داخله المخزن الا رجعت وقفت وقالت بااستغراب _ دوبها امك كلمتني
براء : عزمتك على العشا
ترف : ايوا ايش الهرجه
براء : ولاشي تبا تتعرف عليكي مرا حابه سامي
ترف : بس ؟
براء بااستغراب : ايوا
ترف مسكت حبل شنطتها بتوتر : اوك
دخلت المخزن حطت شنطتها وارسلت لسامي على الواتس اب
" كيفك ياولدي اللزيز نفسي اقرمط وجهك "
ضحكت زي الجنيه لوحدها ومتخيله وجه سامي لو شاف الرساله ..
دوبها بتحط الجوال الا رد ورجعت فكت تـآني
" ماما ايش البلاهه دي "
ترف ضحكت بصوتها ورجعت كتبت
" ايش بك دا جزاتي لأني بدلعك "
سـآمي
" ايش الدلع دا قرفتيني والله "
ترف رجعت تضحك بصووتها ماتحس بشيطنه الا لما تأذي سامي عمرها ماحست انها تبا تسوي كدا مع اي احد غيره
حتى خلود ماتتذكر انو كآن بينهم مزح كتيــر
" هيا اسرري ومحروم من المصروف تلاته ايام "
سامي كتب بسرعه
" وااااو قرمطيني ياماما امزززح معاكي اصلا انتي دلعك اجمل شي في الحياه قرمطي كل شي فيا لو تبي بس قوليلي اول ايش يعني قرمط اصلا "
ترف بس تضحكك
" مدري كنت اسمعها دايما اتوقع يعني اعضك بس بااسلوب شراني "
سامي
" يعني كان قلتيلي اعضك والله العظيم ماكان سار دا كلو "
ترف
" مدري من زمان نفسي اقولها لأحد "
سامي
" طيب ياماما الشرانيه انا وسط الحصه "
ترف
" ايش يعني "
سامي
" يعني لاتتكلمي حتهزأ خلاص حقفل باي "
ترف
" سامي رد عليا ولا والله لاأزعل منك "
سامي
" ماما !!!!!"
ترف
" ححرمك من المصروف لمده اسبوع لو ماكلمتني "
سامي
" ماما حتهزأ !!!!"
ترف ميتــه ضحك
وبراء برا يطالــع فيها مفجووع شايف بس ظهرها
ترف
" ايش يعني تغضب امك ولا مدرسك انتا انتا اختار "
سامي
" ماما والله خايف ماحب اتهزا خلاص باي "
ترف ولاكأنه بس تضحك
" لااااا تعاااااااااااااال "
سامي
" ركزي في دوامك"
ترف
" مابى ابا اتكلم معاك "
سامي
" والله قلبي يدق بسرعه ويدي تتنافض "
ترف رجعت تضحككك مو قادره تكتب من كتر الضحك كأنه مو ولدها شر مو طبيعي
"حبيبي حزنتني بس برضو ماحسيبك "
سامي
" طيب ياماما "
مافهمت تــرف
" ايش انتا بتهددني ولا كيــف "
مارد عليها
" ساااااااااااااااامي طيب طنشتني ولا سحب المدرس منك الجوال ههههه "
" تستاهل كم مرا اقولك لاتاخد جوالك "
" ساااامي ياغبي رد عليا "
وفجأه براء مد يدو وسحب الجوال منها دارت مفجوعه : ايش بك
براااء : سيبي الولد في حاله
ترف ترمش كدا مرا مو مصدقه انو اشتكى لبراء : مو منجدو!
_ مدت يدها بتسحب الجوال _ وربي لاأهزاه
براء رفع جوالها لفوق : الولد في الحصه سيبيه في حالو
ترف انحرجت ماتحب احد يحسها كدا بلهه دي الحركات بس مع ولدها وجهها مرا حمر : طيب كنت بس بقوله انتبه على نفسك
براء :ههههههههههههه كذابه كمان
ترف وجهها كل مالو يحممر تسب سامي جوتها ضمت يدها تحت صدرها : رايحه افطر
تصـــــــــريفه غبيـــــه
براء مد يدو واداها الجوال وكانت بتاخدو الا بعد يدو بتحذير : لاتكلمي سـآمي
ترف بنرفزه :ولدي انا حره فيه
براء دخل جوالها في جيبو : هيا مافي جوالك
ترف بكل ضعف قالت اسمو وهيا تممط الاسم : برااااء
اول مرا تقول اسمــه وبدا الشكل كمــآن
من نظرتـه وابتسامته البسيطه اللي ترسمت بوجهه باين انو متجنن عليها
بكل طآعه خرج جوالها واداها وقال وهوا يطلب منها: لاتكلميه حرام
ترف مرا اتوترت من نظراته
ماتدري بيتهيألها ولا لا بس شايفـه نظره غريبه حابتها وبنفس الوقت مخوفتـها
وبكل طــآعه هيا كمـآن قالت : طيب
خرجو الاتنين من المخزن بنفــس الوقت وميرنا تطالع فيهم بنـص عين
براء : اجي معاكي ولا عادي تروحي لوحدك
ترف : لا عادي حروح لوحدي
براء جلس على طاولته مايتوقع يجي ليث في نص المول ويقدر يسـويلها شــي
وبالفعل راحت اخدت كرواسـون وقهوه ورجعت اكلــت وبدأ المول بعد الظهر مرا يزدحم ...
الكل مستني الشخصيـه اللي يعشقها الكل في سنـآب شات
ترف واقفه مع ميرنـآ : شوفت 7 حلقات والله عيني وجعتني
ميرنـآ وصوتها واصل لبراء : شوووفتي كيف مززز
ترف : اغلب الاتراك اصلا حلوين
ميرنـآ اشرت على براء : براء يرجع تركي
ترف طالعت فيه اتفاجئت مو عارفه ليش بيدخل في كل هرجه
براء رفعلها حوآجبها الاتنين : انا عارف اني عاجبك من يوم ماجيتي المحل
ترف مرا استحت تبا لسانها داك اللي يسكت الكـل بس في دي المواقف طلعت بلهه وماتعرف ترد
قال وهيا تصرف بس الهرجه : ايوا مرااا
براء: هههههههههههه
طالعت في ميرنا ونفسها تقتلها يعني بيتكلمو على المسلسل ايش دخل براء
واخدهم هــرج عن المسلسل وبراء شويا يكون معاهم بس يبا يسمع صوتـها
حتى لو الهرج سخيـف ..
ولا سـآعه الا ترف خلاص ميته نوم ولا اثرت فيها القهوه ...
عيونها محمره وبس تتثاوب وبراء طبعا القلب الطيب : خلاص ارجعي
ترف : لا شويا حفوق
براء : يااشيخه روحي خلاص لسى وراكي سهره اخر الليل
ترف خلاص مرا تعبانه : طيب
دوبها بتخرج من المحل انفجعت بكميــه الناس رجعت على طول
وهيا حاطه يدها على قلبـها
ميرنا : ايش بك
ترف : مرا زحمه
ميرنا : طيب مو مشكله حاولي تخرجي ترا بس عند البوابه
ترف اشرت براسها : لا لا ماحب
ميرنا عقدت حوأجبها : ايش اللي ماتحبيه !
ترف بقرف وبخوف : ماحب التجمعات كدا
ميرنا : ههههه منجدك
ترف : ايوا والله احس اني حنكتم
برااء سامعها ونفسو يشيلها ويخرجها بنفســو بس ماتكلم عشان الكلام مو موجه له ...
اشرت على المخزن: حدخل اريح شويا على بال تخف الزحمـه
ميرنا : طيب
دخلت تــرف وهيا خلاص تبا تنام على نفسها
فسخت الجاكيـت وحطتو على الكرتون وحطت راسها عليه
غمضت عينها تبا تغفى خمسـه دقايق بس
ماحســت بنفسـهاونـآمت بضميـر
اما براء مبسوط انو من مكانه شايفها
بس حزنان بنفس الوقت انها نايمه وهيا جالسـه
دخل المخزن وطفى اللمبه وخرج
ميرنا : وي كيف حشوووف لو ابا مقاسات
براء : قوليلي ايش تبي وانا حدخل اجيب
ميــرنا ماقدرت تعـلق ... بدأت تستوعب انه مرا ميت عليـها ..
بس لدحين ترف مافي اي شي منها واضح لكنها سارت كيوت ..
جات وحده تبـآ مقـآس وبراء اخد جواله ودخل
فتح الكشاف وبيدور بشــويش وماقدر مايطالع فيها
نفسو بس يعدلها
اخد القيــآس وخرج
ادى لميرنا ...
ولا عشــره دقـآيق طلبت مقاس تـآني ودخل وبيدور ويدور الا انتبه للكرتون جمب تــرف جلس جمبها
بيحاول يسحب الكرتون ويفكه ..
بس اتحركت ووقف حركه
طالع فيها وهيا قريبــه منه
نايمه بسكووون
قلبــه يدق بسـرعه
نفسـه يقعد طول اليوم بس كدا يطالع فيها
ماحب يزعجها .. مو لازم تشتري الادميـه
خرج من المخزن وقال لميرنا: مافي مقاس
ميرنا بااستغراب وهيا متأكده : الا فيـه
براء : قلت ماافي
ميرنا طبعا ماتعارض قالت طيب ومو فاهمه ليش بيكذب ..
بعد نــص ساعه دق جوال ترف وقامت مفجوعه
وبراء طالع على طول وحقد مرا على اللي اتصــل
ردت وهيا تفرك عينها وتتثاوب : ايوا سامي ... لا في المحل ..._ ضحكت وصوتها كلو نوم_ لاتسئلني والله مدري ...بعدين خلاص يلا ياي
اتربعت واتمطعت ..فكت شعرها ورجعت ربطتو تـآني ...وقامت وهيا رايقــه
خرجتلهم وابتسمت وصوتها مخرفن براء مرا : المفروض كنت انام بس خمسه دقايق
ميرنا : هههههههه لاحظتي يعني كم الساعه
ترف : كلو بسببك
ميرنا : مدري انك مهوسه والله
ترف : لاتديني مسلسلات تاني
ميرنا دخلت المخزن فكت اللمبه وانتبهت لجاكيت ترف فين وكرتون اللي طلبتو من براء جمبـه
كانت تبا تضحك وماسكه نفسها ...
براء خرج يجبلو غدى ..
وترف جلست على الطاوله حقتــها ... ميرنا دخلت المخزن تاني وجات ادتها الجاكيت وبتردد قالت : ايش حكايتك انتي وبراء
قلبها كان حيوقف مع السؤال مع انو مافهمت بس برضو انفجعت : ايش ؟!
ميرنا ضحكت : يعني واضح
ترف : ايش اللي واضح
ميرنا : حركاته !
ترف قلبها يدق وتحسو حيوووقف في اي لحظه : ايت حركات
ميرنا :اهتمامه فيكي
ترف مو عارفه كيف لاحظت : في ايش !
ميرنا : وانتي نايمه طفى عليكي اللمبه وصرف وحده تبا تشتري عشان مايبى ياخد مقاس ويصحيكي
ترف ببلاهه قالت : اما !
ميرنا : هههههههههه والله حركاته كيوت _ استوعبت _ معليش يعني ماأقصد انو
ترف :لا لااا لايجي في بالك شي والله مافي مجرد _ مو عارفه ايش تقول اصحاب لا مو اصحاب ماتدري ايش علاقتهم بزبط _ يعني مدري كيف افهمك
ميرنا تطالع فيها ولسى تستنى اجابه تقنعها
تـرف مو عارفه اصلا ايش تقول رفعت كتفها : مدري
ميرنا : ههههههههههههههه خلاص براحتك لاتستوعبي
براء دخــل ووقف قبالهم ومد يدو لترف : تبي مويا ؟
ترف طالعت في القاروره وبعدها في ميرنا وبعدها في برااء
وميرنا مبتسمه وكأنها تقولها شوفتي
ترف اخدت القاروره ويادوب صوتها طلـع : شكرا !
وهوا اتوجه لطاولته ...
ميرنا همستلها: سبحان الله انا جدار في المحل المفروض ماأشرب
ترف لاشعوريا ضحكت باين انها حاقده من طناش براء وكأنه مو شايفها
وبراء مو قصده على نياته ترف اكله مخه مرااا ومو مركز بنفسـه
بدأت تتوتر ترف هيا لاحظت لكن كانت تحسب شي غبـــي
جـآ رجال دخل المحل وميرنا بالعنيـه ارسلتو لتـرف ..
وبراء على طول طالع فيـها ..
الرجال باين انو بيتشري لحبيبته ومو متاكد من مقاسها وكل شويا يرفع ويتاأمل البلوزه وينادي ترف
" ياحلوه "
: ها ياحلوه ايت تتوقعي يعجبها
ترف متنرفزه ايش دخلها في زوقها : مدري براحتك
الرجال رفع البلوزه وحطها قبال ترف ويرجع يحط البلوزه الا ترف بعدت يدو: لو سمحت تبا تستهبل اطلع براا
الرجال مايستهبل بجد الموضوع مرا جدي وتايه : مو عارف والله
دوبه بيرفع البلوزه تاني الا براء نزلو يدوو : روح اشتري لمزتك عطر وماحتوه
ترف ضحكت
الرجال رفع البلوزتين وبكل بلاهه يرجع يسئل : لا ابا اخد وحده من دي البلوزتين بس مو عارف هيا تقريبا جسمها _ اشر على ترف ويتكلم على نياته _ زي الحلوه اللي جمب
وماكمل كلمتـه الا براء ماسكه من ياقة بلوزته وملصقه في وجهه : انتا ماتحترم نفسك
ترف شهقت وحطت يدها على فمها فجعها مررا
وميرنا حاطه يدها على صدرها متعوده عاد ميرنا على اساليب الرجال دول ..
الرجال ضعيف مو حق مشــآكل وحلوه دي يستخدمها مع الكل : انا اسف انا اسف
تـرف تطالع في براء مفجوعه : سيبوو خلاص
براء دفو على ورا : يلااا امشي
الرجال رجع خطوات لورا وهوا شايل البلوزتين ويديير يمين ويسار موعارف فين يحطها
وبعدين استــوعب وحطهم على الطاوله وخـــرج...
عدل بلوزته براء وهوا مرا متنرفز
ترف مفجوعه : ايش بك
معصب معصب ونفسه يخرج العصبيه في احد
مسكت معاه ليش يقولها ياحلووه
برااء مارد عليــها ورجع على طاولته ... مايبى يتنرفز عليها كمـآن
مايحب يتكلم مع احد لما يعصب ... ولا دقيقه الا سحب نفسه ودخل المخزن يدخن
ميرنا جات بااتجاه ترف المفجوعه : شوووفتي ولا تبي كمان موقف تاني عشان تستوعبي
ترف ترمش بعينها وتبلع ريقها : وربي قلبي حيوقف
ميرنا : ههههههههههههههه ليش ماتحبيه ؟
ترف وسعت عينها : بلا بلاهه ..يمكن حيسوي دي الحركه مع اي وحده يعني حتى انتي
ميرنا : ههههههههههههه طيب برري مصيرك حتستوعبي
ترف : دحين ليش معصب !
ميرنا ضربت على جبينها : ياألله مو منجدك انتي مو فاهمه
ترف مو قادره تستوعب ماتعرف تفكيـر الرجال : لا !
ميرنا : روحي قوليلو ايش بك
ترف : لا مابـى
ميرنا : لو انتي عادي بتعتبريه زي ماقلتي روحي اسئليه
ترف متمسكه برايها: لا لا مابى
ميرنـآ : بكيفك

مــرت ســآعه وبراء ماخــرج وميرنا بس تطالع في ترف وتأشرلها بحواجبها على الباب
وترف مو راضيه تتزحزح ..بعد نص ساعه لما برضو شمت ريحة الدخان وميرنا خرجت
اتوجهت للمخزن بتردد شافتــه جالس على جواله وبيدخن : حتجلس هنـآ ؟
طالع فيها وهيا واقفه عند الباب : ايوا
استغربت من ردو : ايش بك دحين
براء : ولاشي
ترف قالت ببلاهه : ليش عصبت على الرجال
براء طالع فيها مفجوع: ايش تبيني اسيبو يعني وهوا يستهبل ويقولك ياحلوه عادي عندك ؟!
ترف : انتا ايش لك انا اعرف اتصرف
برااء يطالع فيـها من غير اي تعليـــق
مو قادر يرد ايش يقولها .. حسيت بغيره وماأستحمل احد يطالع فيكي ولا يوقف جمبك
شال عينه وقال : خلاص المرا التـآنيه ماحتدخل طيب
ترف ضمت يدها تحت صدرها: طيب !
ولا طالع فيها عينو بجواله وعلى وسجارته الرابعه في الساعه ونص بيده ...
خرجت متنرفزه
مرا بدأت تتنرفز
ليش يتكلم معاها بدا الاسلوب مو محتاجه هيا رجال يدافع عنهــآ
الا
الا تحتـآجه مــن ليــث
تطالع في السـآعه بعد ساعتين تبا تمشي بدري عشان تتجهز يادوب وتروح لأمه
مــر الوقت وبراء ولا خــرج يسمع اغانــي وعلى المقاطع حقتــه وبس
ماتدري انوموده يسير زي الزفـــت وماحيخرج عشان لايتضارب مع اي رجال يدخل دحين ...
المشكله هما الاتنين نفــس الطبــع لما يقفــله...

اضطرت ترف تدخل المخزن وتبــآ تمشي اخدت شنطتها ودوبها بتخرج عند الباب الا وقفها صوته : فين رايحه
طالعت فيه : البيت
طالع في الساعه بس ماسئلها ليش خارجه بدري وقــف وبس
فاجئـــها بوقفته جا لعندها : يلا
ماتوقعت يجــي ..
: مو مشكله خليك
براء : بطلي بلاهه ...
حطت بتوتر شنطتها على كتفها وهيا شاده على الحبــل وخرجت من المحل وحاسه بخطواتـه وراها
قلبها يدق بجنــوون
ماتدري ليش حاسه بصعوبه بتنفس وهوا قريب
تحس انفاسها صوتها مسموعه وبتحاول تكتمها وبـــس ..
وقفلــها تـآكسي .. وبنبرة صوتـ واحد مرا مقفــل : طمنيني لو وصلتــي
قالت وهيا مفجوعه : طيب !
قفل الباب واتحركت السياره حطت يدها على قلبها " ايش بك يابلهه "
ابتسمت لما كأنت تمشي وتشوف انعكاسه في مرايات المحلات
مرا كآن معصب وبرضو جا معاها
ماتدري ليش شايفتها مرا كبيـــره ..

رجعت البيــت استحمـت واستشورت شعرها ...جلست على السرير وبتسوي منـآكير
مبسوطه اول مرا تخرج كدا منـآسبه .. فتحت الدولاب وهيا تختار
اتذكرت للبس سامي جبلها هوا السنه اللي فاتت
لبس صيفي مريـح عباره عن فستان قصيــر ابيض مخطط بالرمـآدي نازل
من عند الكتوف عاكس بيـآض بشرتها لبست معاه شوز لونـه جمـلي وشنطه طويله بنفس اللون ..
وقامت تتمكيـج صح مو بروفيشنال بالمكيـآج لكن تعرف مرا لنفسها
وطالعت في نفسها بااقتنــآع مو بااقتناع لا اعجبت بنفسها
من زمان ماتشوف نفسها بدي الشياكه ..
سـآمي كلمها كان المفروض يجييها لكن ام براء قالتلو خلاص ارسلها السواق ياخدها ...
فكت شعــرها لبست ملابـسهــآ وهنـآ زادت ابتسامتها
اتصـل عليها سامي وقلها السواق تحت وهوا ومحمود راحو يشترو حاجات وراجعيــن شويـآ ...
نزلت ركبــت السيـآره ومشيـت حست باإحساس جميــل ..
بعد 15 دقيقه وقــفت السياره قدآم الفلـه نزلت وهيا متوتره وتطالع في المكــآن
اول ماجا في بالها " براء هنا عايــش "
وقفـت قبال الباب ودقـت الجــرس ردت بالانترفون : ميين
بتردد : ترف
انفتــح البـآب ...

دخلت وهيا تشووف حديقـه كبيــره وفي اليميـــن المسبـح وقدامو كراسي
انفجعت لما شافت براء اللي يطالع في المسبح ومو داري عن الدنيــآ
دوبو واصل من الدوام وقاعد يفكر يبا يحط حد لمشــآعره
زي كل يـــوم
مشيت بخطوات تقيله مو عارفه فين تروح متوجهه لعنده عشـآن تسئلو
حس باأحد يمشي حسبو محمود دار يطالع ووقــف مفجووع وهوا يطــآلع فيــها
فتنــــــــــــــــــه
شايفــها فتنــه تمشي على الارض
يبا يحط حدود لمشــآعره اتجاهها وجات دحين قلبــت كل كيـآنه
لبسـها محلي جسمــها
لون بشـرتها
ملامحها
شعرها
كل شي اســره
لحظــه صمت حاسه بنظراته
اول مرا تشوف احد يطالع فيها كدا وتعجبه النظرات
دايما تنقهر
دحين لا مومقهوره مبسوطه انو بيطالع فيها وحاسس بجمالها ..
مهمــآ تمر من ظروف في النهايه " بنـــت " وحيعجبها دا الشعور ..
رفعت اكتافها لما جا هوى : فين اروح
استوووعب
نزل عينه ورجع تاني طالع وجا لناحيتها : تعاالي
تمشي جمبــه وهيا في بيتــه
شعوور مرا حلو
فك باب البيــت ودخلت للمكــآن الفخــم
: امممي !
امــه خرجت وطالعت في براء مفجوعه وفي البنت اللي جمبـــو !!!!!!!!
ماستوعبت انها تــرف طبعا
شايفه بنت بقمــة جمالها
لابســه فستان قصيــر وواقفه جمـب ولدها ..
براء شويا ويموت ضحكك باين انها مو مستوعبه
قبل لاتهرج الام براء قالت : ترف ام سامي
ترف ابتسمتلها ابتسامه خفيفه وبرزت غمازاتها
والام هنــآ صدمتها زادت كأنو احد اداها كفيـــن
مشيت وهيا مفجوعه بااتجاهها بتحاول ماتبين ملامح الصدمه لكن مو قادره : اهليييين
براء دخل يدو بجيبو وبعد وسلمو على بعــض
: اتفضلي اتفضــلي
اشرت لترف وبراء يطالع فيــها وهيا تمشي
اول مادوه ظهرهم حط يدو على قلبــه وهوا مبتسم
نسي انو عصـــب
وانو يومو كلوكان نرفزه
شكلها يجننن وبـــس دا اللي عرفو
وانها في بيته كمـــآن
دخل وراهم وعارف انو حينطرد بس يبا يستغل ولو دقيقه يشوفهــآ ..
اول مادخل المجلس امه طالعت فيه مفجوعه
وترف قاعده على الكنبــه ونزلت فستانها على ركبـها
: ترا مخصوم عليكي الراتب اليوم
ترف بلعت ريقها ومو عارفه تــرد
امـه : وي يابرااء ايش بك
براء : بسببك خرجتيها من الدوام بدري
تــرف برضو ماعندها رد قدام امه نفسها تسبــه يحرجها يحرررجها
امه طالعت في ترف : اخصريكي منو والله مايقدر يسوي شي
امه تباه يخــرج الا سامــي ومحمود جو : هلااا
محمود اول مرا يشوف تـرف فتح فموو وهوا واقف جمب براء
وسامي دخل يسلم على يدها وراسهــآ
كلهم يطالعو متنحين سامي جلس جمبـها
ومحمود يهمس لبراء : دي المزه امه ؟
براء طالع بنظره تفجعه ودخل يسلم على طول ...براء سحــب نفســه وخرج من الغرفه
ام براء :والله سامي الله يحفظه قمة بالاخلاق بجد اتمنى الحمار اللي عندي يسير نصه بس
محمود وسامي ضحكو
محمود : ههههههههههه الله يسعدك
ترف ماتت ضحك على تعليق محمود دايما سامي يقولها انو فرفووش وبان من ردو على طول
اخدهم الكــــــلام ماحست ام بـراء بغرابه معاها بالعكس حستها طيبـه زي ولدها ...
مو عارفه ايش موضوع السجن تموت وتعرف ايش موضوعهــآ
صح حبتــها لكن لو تعرف انو ولدها متجنن عليــها دا كلام تــآني ..
براء اختفــى طول اليـوم ...اتوقعت ترف حتشوفه
جا وقــت العشـآ واتلمو على طاوله الطعـآم وهنا الام طالعت في محمود : نادي برااء _ ططالعت في ترف _ لو ماتحبي اخلي محمود يطلعلو الاكل
ترف : لا عادي هنا والمحل كلو واحد مافرقـت
الام ابتسمت : طيب محمود روح ناديــه
محمود على طول بعد الكرسي
والام بوعيد : اجلسسسس بلله _ طالعت في سامي _ روح ناديه دحين محمود يطلع يوقف قلبه بفجعه جديده روح الله يسعدك ياولدي
محمود جلس بملل : والله كنا حنضحك انتو الخسرانين
ترف:هههههههههههههههه سامي يحكيني ايش بتسوي فيه
محمود : هههههههههه كيف مو متعه
ترف :اهنيك صراحه على افكارك
محمود : اخيــرا احد يشجعني
سامي طلع نادى برااء اللي كآن لابــس شورت اسود وبلوزه بيضــآ .. نزل واول ماطاحت عينه عليها ..
وعلى حظه الكرسي اللي قبالها كان فاضي
اول مرا تشوفه كدا دايما جينزات وبلايز رسميــه ...
محمود : ماما عشان لاتقولي سامي احسن مني اليوم اتهزأ وانسحب جواله عشان بس يتكلم بالواتس
ترف كانت بتاكل حطت يدها على فمها تبا تضحك
ام براء : وي ياسامي وقت الحصه تتكلم
سامي طالع فيها بحقد : والله ياخاله دي ماما قروشتني
ترف نزلت يدها وقرصتو بفخذه
سامي : اااه والله منك ...لاتقرصيني
ترف وجهها محمــر
براء : ههههههههههه مفتريه تعذب المسكين في كل مكان
ام براء مو فاهمه شي : مني فاهمه
سامي متعود عليهم وترف منحرجه تبا تغطي وجهها مو عارفه فين تختفي : ماما تقولي كلمني بالواتس ولا حقطع عنك المصروف
براااء ومحمود ماتو ضحككك
وترف مفجوعه ماتوقعت سامي مداخل معاهم لدرجه يحكيهم بلاهاتها قالت وهيا تبا تبرر : كنت بمزح
ام براء : هههههههههه
سامي : لا ماكنتي تمزحي انتي حلفتي
ترف خلاص سارت تضحك من كتر الاحراج نفسها تفسخ الجزمه اللي برجلها وتضرب سامي من كتر مالكل يضحك عليـها
اما بــراء في عالم تـآني حاسس بااحراجها بس عاجبــو
براء : انا حسبت اني انقذتك
سامي: انقذتني بس ساعه ورجعت تكلمني
ترف خلاص بس تضحكك من الفشيله
براء طالع فيها : انا غلطان رجعتلك الجوال
ام براااء هنــآ وبس : ايش فيــه
مو عارفه ايش دخل بـراء
حكو بالتفصيـــل وترف بس تضحك مافي اي ردة فعــل تانيه ...
ام برااء انصدمت من تداخل براء فيهم اول مرا تعــرف ...
اتغيــر الموضوع ..وبراء قاعد يهرج مع امــه ومسك يدها وباسها .. وسار يسئلها عن بكرا ايش يبا غدى ويحجز من دحين
انخنقــت ...
اتذكـرت نفسـها وهيا صغيــره كدا كآنت قبل لاتنـآم تجي تقول ايش نفسها لما تجي من المدرســه
اختفت ابتسامتها ...
ماتعرف تتصنع الابتسامــه ماتعرف تجامل ..
براء خلص كلامـه وجات عينه عليها واستغرب
تحاول تعلق تعليقات بسيطه
حتى سـآمي حاسس انو مودها انقــلب
مو صعب احد يفهمها وجهها يفضحها على طول
والاتنين فسـرو انو انحرجت وزعلت !
وقفت وسئلت عن الحمامات واتوجهت فين ماأشرولها...
سامي يطالع فيـها ومو قادر يقووم بسبب هرج محمووود

مشيــت في الممرالطويل الموجه للحمـآمـآت والمغاسـل ..
وكل الممر اطارات صوربطريقه عشوائيــه لبراء ومحمود وهمـآ صغار وقفت وبتطالع في الصــور
كلها في دول اوربيــه بس صور عائليــه
قد ايــش تتمنى انها تكون عندها صوره وحده ..
صورها وهيا لابسـه افخم الفساتين لما كانت صغيــره بين اخوانها التلاته
كانو مبسوطين فيها لدرجه انهم يصوروها في كل مكــآن
جات بعد تلاته اولاد كيف ماتدلــع
نزلــت دموعهـآ غصبـآ عنها

اما بـٍراء وقف اول ماشاف امــه راحــت للمطبـخ : الحمدالله ..
اتــوجه للمغـآسل وشافها رافعه يدها باإتجاه عينها و تمسـح دموعها
قلبــه ضعيف اتجاهها ..
جاها وهيا باارتباك فكت المويـآ وسوت انها بتغسل يدها
براء : زعلتك؟
ترف : لا
براء : ايش بك تبكي
ترف : مابكيت
براء : كذابه
ترف قفلت المويـآ اخدت مناديل ونشفت يدها : مافي شي
رمت المناديل في السله وكانت بتمشي الا مسك يدها مو قادر مو قادر يسيبها تروح كدا : انا اسف لو احرجتك
ترف مرا ارتبكت يتكلم ويضغط على يدها رفعت عينها عليـه : والله مالك صلاح
كانت بتسحب يدها من يده الا هوا ضغط عليها تاني : ايش زعلك
قلبها حيوووقف
يده حاره جمب يدها البــآرده
مرتبكه متوتره خايفــه
مو متعوده تحكي احد قالت بترجي وصوتها انخنق : الله يخليك سيبني
نظرة الانكسـآر دي تقتله منــها على طول سـآبها وهيا سحبت نفسها ومشيت
جلســت حق نص سـآعه وبعدين قالت لسـآمي يلا واتحججت بدوام بكـرا ..
براااء ايش ينومـه دحين وهوا مو عـآرف ايش بها..
امـآ سـآمي اول ماخرجه السواق كان مستنيهم ركبو ...وعلى طول سئلها : ايش بك
ترف : ولاشي
سامي : زعلتك ياماما
ترف طالعت فيه كانت تبا تسبو وتضربو اصلا بس خلاص مالها نفس تعلق : لا حبيبي
سامي :امانه ايش فيكي
ترف نفسها تتكلم دحين حتى خلود ماسارت فيـه تحكيها..
قالت وبتحاول ماتبكي : حلو انو يكون عندك أم
سـآمي مرا انصدم اول مرا تجبلو دي السيره
نفسه يقولها طيب انتي عندك ام
روحيلـــها
اعتذريلها
بس مايبى يفتح السيره معاها
مسك يدها وباسها : انا ماأكفيكي ؟
ترف طالعت فيه وابتسمت دموعها بعينها اتأملته وبعدها قالت : انتا دنيتي كلها

في صبــآح يوم جديد ...

تطــآلع فيه ومومســتوعبه ايش بيقـول ... صمــت مفجع نظراتها مازالت متعلقه عليه
ومستنيته يضحك ولا يمزح معـآهآ
ناداها وهوا ساير خايف عليها ومنــهآ سايره غريبه مرا الفتره الاخيره : لمـى!
: نعم !
تميم جلس بااهتمام قبالها وبشك قال : انتي سامعتني
ميلت راسها على اليمين ودموعها في ثانيه اتجمعت بعينها : ماكنت تمزح !
تميم على طول انهى الموضوع : خلاص ماتبي محد حيشوفك احناحنستقبلهم ونردهم باأدب
لمى مو مصدقه انو جاي يقولها تستقبل احد : انتا شايف وجهي _ نزلت دموعها _ هوا انتو شايفيني ولا بس اانا اللي شايفه نفسسي
تميم حس انو غبي فجأه بجد شكلها مايأهل انو احد يشوفها : معليش انا بس قلت اديكي خبـر من حقك تعرفي
لمى عارفه انوغير الموضوع كان كلامه واضح في البدايه انو جايه امه تشوفها ..
تميم : خلاص اقعدي في الغرفه احنا حنستقبلهم بس عشان امي ادتهم كلمـه
لمى ماتثق في امها : ولو ماما نادتها عندي الغرفه ولا خلتني اخرج بالقوه
تميم : انا حكلمها
لمى لسى عند كلامها :ولو قالتلك طيب وخلت الحرمه تشوفني ؟
تميم : ادخلي غرفتي وقفلي على نفسك بالمفتـآح ماحتقدر تسوي شي ولاتفكي لأحد لين ماأدق انا
لمى تعبت من الحلول دي اللي يطبطبو فيها على امهم ..
انهت الكلام : طيب
تميم : لمى اسمعيني والله ليث ماحيقرب منك ودا اللي جاي يخطب لو ماتبي تفكري حتى بالموضوع اعتبري كأنهم ماجو ولا أتصلو
لمـى ماعلقت على كلامه : متى حيجو
تميم : بعد العشـآ
اشرت براسها تميم كآن بيتكلم الا قالتلو : ابا انـآم
مرر يدو على كتفها وقـآم ماعندو كلام يقولو خــلأاص
هوا خــرج وهيا انسدحت دموعها تنزل بصــمت
جاي يخطب ..!
مستنيــه كآنت اي واحد عشـآن تشرد من دي الحيـآه
بس دا !
دا اللي بسببه كل يوم قاعده تبــكي وجسمها كلو مورم

خرج تميــم وراح يقــول لأمـه انو لمى ماحتخرج
بدأ صوتهم يعلــى
غمضتت عينها وتبا تخرج اصواتهم من راســـها
نقــآش حــآد ولا دقايق الا تـآمر دخل معاهم
عارفه انو اخوانها بصفها بس ماتبى تسمع صوت احد
رفعت اياديها وسدت اذنها وهيا تبـــكي
تزيــد اصواتهم وهيا تزيــد بكـى بصوتها
تعبت من الجدالات والمشاكل العائليه اللي بتسير كلها بسببها..
تعبـت من حيـآتها ماتبى تعيش حرة نفسها بس تبا تعيش بدون محد يهزأها
بدون ماتنضــرب
بدون ماتحس انو في عيون مراقبتها طول الوقت ...
اخد نقاشهم حق سـآعه ولمى استسلمت للنــوم ..
مالها وقت معيـن تنـآم فيه تبـكي تنـآم تصحي تبــكي وعلى دا الحـآل ...

مـــرت السـآعـآت تصحى وهـيا تسمع صوت المكنسـه
تنام وتصحى تسمع صوت شي يدف
وبعدها تسمع امها تصرخ وتنادي تميم وشويــآ تامر ...
لين ماشمت ريحـة البخــور ..جلست وطالعت في السـآعه
قامت من سريرها ومشيت بخطوات تقيله ناحيـة الباب
فتحتـو وخرجت راسها عدسـة عينها تنتقل يمين ويسـآر
واول ماشافت تميم نادته
جاها وهوا لابــس ثوبـه ومتشيك
اجواء البيت مخوفتــها : ابا اروح غرفتك
مسك يدها : تعالي
مشيت معاه وفجأه شافت تـآمر نفس الشي بثوبه ويبا يحرجها غمزلها على طول وارسلها بوسه بالجو : يولد اللي سار كبيـر
طالعت فيه مفجوعه ومشيت بخطوات سريعه لغرفه تميـم
اما تميم ولا علق مو شايفها متقبله الموضوع عشان كدا ســآكت
دخلت غرفت تميم ..
تميم اداها جواله: خليه معاكي
مالها نفس تمسك اي جوال : مابى
تميم : طيب شوفي لاب توبي الباسورد 2231 سلي نفسك على بال
اشرت براسها خرج وهيا قفـلت على نفسها البــآب
جلست على سـريره ومو حـآسه باأي شي اتجــآه الموضــوع

امــآ في الطريــق لابـس ثوب وشمـآغه وامـه وابـوه معاه في السياره
كان يباهم يروحو بسياره وهوا بسيارته لكن اصر ابوه انو يكونو مع بعـض
يبا يستوعب انو رايـح يخطب
عزآم ماسكه محــش طول اليوم
وعلا تطالع فيه وتقوله مو مصدقه والله ..
وهوا له كم يوم مولع بس لما صحي اليوم حاسس بتبلــد فضيع
كدا مو هامو وخــلاص ..
ابـوه متفائل
امـه من قبل لاتشوف الام وهيا مو حــآبتها..
وقفـو عند باب العمـآره
حيهم راقــي وهــآدي حتى العمــآره مرتبـه وتصميمها جديد ...
: قالتلي الدور التاني
فجأه الام استوعبت : انتا كيف عرفت العنوان !
عدي دوبه انتبه انو ماطلب الوصف من امو قال يستهبل : انتي قلتيلي !
ابوه فك البــآب وعارف هرجة البيت : خلاص مو وقته دا الكلام
الام بشياكتها اللي تنـآسب عمرها قبل لاتنزل من السياره اتعطرت عدلت شعرها ونـزلت ...
عدي نزل واخد نفسـه بصوت مسموع دوبـه حس بالارتبــآك قفل باب السياره
ومشيو التلاته
عدي : يارب مايسير نصيب
ابوه طالع فيه وهوا رفع كتفه بتبرير وهوا يكذب : استخرت ومارتحت ايش اسوي
ابوه : خليك ساكت مابى اسمع صوتك
عدي : قال عريس قال
: عددددي
عدي : طيب خلاص
طلعــو للدور اللي حددوه وللشقـه بزبــط دقت الجـرس الام ..
وعدي وابـوه بعدو عن البـآب

تدخل هيا قبــلهم..
فتحت نص الباب ام لمى : اتفضلي
سلمت عليـها والاولاد استقبلو الاب وعدي ...
بيحــآولو ماياخدو ويدو مع عــدي محترميـنه عشانه في بيتــهم وعشان ابــوه لاأكتــر

في المجلس التــآني ابتسمت ام عــدي ...الام شكلها مريــح
متزبــطه ومتشيكـه من زمان ماتكون بدا المنظــر ...
:الله يحيكي اتفضلي _ قدمتلها العصيــر _
: مشكوره
قعدت ام لمـى ماعجبها انه امهم مو لابسه عبـآيه او متحجبـه ودي اول نقـطه
اخدهم الكــلام وهما يتعرفو على بعض ومن بيت ميــن وكلام الحريــم دا
ودخلت في الموضوع ام عدي ..
: فينها بنتك
ام لمى بكذب : في المستشفى تعبانه اخوها كان هنـآ واخدها
: سلامتتها ايش بها
ام لمى : مدري والله لسى مستنيتو يكلمني
ماتبـى تبين انو ولدها الثالث ماجا حتى لو مسـآفر بنسبه لها دا مو عذر وزعلانه منــه لأنو ماتصـل
امـآ ليش ماجا البيت لأنه تميم مهدده لو قرب حيبلغ عنــه واخد تقرير من المستشفى على ضربه للمى ..
مابيدهم غير انه يكذبو عليه وخلاص
ام عدي : حبيبتي ان شاءلله الحق اشوفها قبل لاأمشي
ام لمى ابتسمتلها : ان شاءالله
ام عدي : والله شوفي خليني ادخل بالموضوع على طول عدي ولدي عمره 23 لساته يدرس لكن حيشتغل مع ابـوه لو ربي تممله على خير وبنفس الوقت يكمل دراسه شاف بنتك في الجامعه والكل يتكلم عن اخلاقها وكيف محترمه ودا الشي عجبـو وجننا فيها وأهو جيت عشان اشوفها واتعرف عليكم والله
ام لمى : الله يخليلك هوآ
ام عدي : لو ماقدرت اشوفها مو مشكله في النهايه دا اختياره اذا حابين تسئلو البنت وتاخدو رايـها فارقمي عندك استنى اتصـآلك وان شاءلله ربي يرزقها ويرزقه بالطيــب

امــآ في مجــلس الرجـآل طبعا عــدي زي الابجـوره
من الملل بيتثاوب ويستوعب ويمسك نفسـه
امـآ ابوه داخل في الهرج معــآهم
يسئلهم عن اعمالهم ونقــآشات متتاليــه
حابب احترامهم واسلوبهم في الكلام
لو واحد هرج مايقاطع التـآني
لو تــآمر عارض تميم في حـآجه تميم يسـكت ويسمعلو
مايشوفو عزام وعدي لما يتناقشو وكل واحد يبا يثبت كلام التـآني غلط ..
تامر ماتحرك من مكـآنه وتميم هوا اللي يقدم ويسوي كل شي
مع انو الفرق اللي بينهم مو كتيــر كلها سنتين تقريبا لكن في النهايه اخوه الكبيــر
ابو عـــدي عشقهم ..ماتمنى انو يخلص الكلام معــآهم ..
من زمـآن مايجلس مع شبــآب محترميــن بدا الشكل
على انو عــدي وسخ وغلط على اختهم ...وواضح منهم انو ماتكلمو مع عدي
لكن استقبلوهم وشالو ابو عدي فوق راسهم ومحترمينــو بقووه ...
مرت ســآعه ونص بنسبه لأبو عدي كأنها نص ساعه
وبنسبه لأمهم سـآعه ونص بزبــط
وبسبه لعدي كأنه قرن مر عليه وهوا قاعــد
خــرجو من البيت واول ماوصل عدي السياره ركب: آآآآآآآآآآه اخيييرا
ابوه ركب قدام والام ورى
الاب : كمان انتا اللي متضـآيق
عدي يشغل السياره : ماشوفتهم كيف خاصريني
الاب طالع فيه مفجوع : وربي انك وســخ الناس قدروووك وانتا عندهم ضايفووك احمد ربك
عدي بتملل : طيب جابولي النوم
الاب طالع في مرتـه ومو طايق يتكلم مع عدي : ايش سار معاكي
الام : ماشوفت البنت
الكــل اتفاجئ
الاب : ليشش !
الام : في المستشفى تعبانه
عدي : ايش بهاا
الام : مدري مارضيت تتكلم
عدي : هيييي لايدوني الادميـه مكسـره واتورط فيها
الاب رفع صوته : عدي مابى اسمع صوتتك
عدي خلى عينه في الطريــق يحس مالو رايي بجد يعني البنت في المستشفى ليــش !
مو شايف انو غلطــآن
الاب : اييوا ؟كلمتيها طيب
الام : ايوا
الاب : كيف الام
الام : مدري عاديه ماحبيتها ولا وترتني زي المكالمه .. وانتو
الاب : والله اخوانها ناس محترمه بشكل مكسوف اني دخلتلهم وانا اخد ولدك الوسخ
عدي طالع فيه : ماحرد والله ماحرد
الام :ههههههههه احسن خليك سـآكت
الاب كمل كلامه وهوا بس يمــدح فيـهم ... ويحكيها كل واحد ايش وظيفتـه .. وكيف اعتمدو على نفسهم وابوهم متوفي من زمـآن
عدي مصــدع نفـس الكلام اللي سار قاعد يسمعو مرآ تـآنيه
وفجأه سـرح تـآني لما استوعب انها بالمستشفى
" يكون انضربت تـآني؟ "
" اخوها داك الحقير ماشفتــو ..موو باين على دول انهم همــج "
وصــلو البيت واول مافتحو الباب فجأه اغنيـه بصووت عــآلي
عزوبيــه عزوبيـــه ودآعآ للعزوبيه
ودآعا للسهر والطيــش لقيت اللي تحس بيا
بنام الحين من بدري عشان اصحى على فجــري
حياتي كلها دغري بعقل ميه بالميـه
عدي مرا اتنررفز فتح اللمبــآت وطفى السمــآعات وبعصبيه قال : تستهبلوووو
علا رفعت يدها وتزغرط : للللووولوووووللوووولي
عزام:ها غصبوكي ياحلوه على الزواج
عدي مرا مرا معصــــــب خرج من البيـــت وعلا وعزآم ماتو ضحــك
الام : عدددددي
مالحقته رجعت تطالع فيهم معصبــه : تستهبببلووو
علا : هههههههههههههههههه والله عزام الحقير اللي جاب الاغنيه
الاب ضحك وطالع لغرفته : يستاااهل
الام : محسسيني دحين انهم وافقو ..بطلو دي البلاهات خلاص فيه اللي مكفيه انتو تزيدوه كمـآن
علا : امااا حسبتهم خلاص ادوكم كلمـه
الام طالعت بنص عين وطلعت ورى زوجــها وهيا متنرفزه من علا وعزآم

امــآ في بيــت تـآمر طفو لمبـآت المجالس وجلسو يسـآعدو امهم ويتكلمو ..
تامر :والله الاب محترم مرا
مايبو يتكلمو في عـدي قدام امهم في شي غلـط عشان لاتقول لليـث
تميم : ايوا
الام : انا مو حابه للبس الام
تميم: ايش دخل ؟
الام : لا عبايه ولا طرحه ايش قلة الحيـآ دي انا بنتي ماتتزوج واحد اهلو كدا
تامر : ياقلبي دا شي هيا تتفاهم معاه او احنا من البدايه نفهمو انو هيا انسانه ماتبى تفسخ حجابها
تميــم سابهم يتنـآقشو وهوا راح لغرفتـه دق الباب : افتحي انا تميم ..
فتحتلو البـآب وكآنت بتخرج الا مسكها: فين راايحه تعالي
لمى : بروح غرفتي
تميم دخلها : بتكلم معـآكي
لمى دخلت بكل طاعه
تميم : اجلسي
لمى جلست على الكرسي وهوا وقف قبالها : اسمعي وفكري وبعدين رديلي _ كمل كلامه _ الناس شكلهم محترمين والولد واضح انو محترم للأمانه انا روحت سئلت عنه قبل لاأدخلهم بيتنا وقلت اديكي كل شي وانتي تقرري الادمي مصلي والكل مدحلي هوا وعلى كلام ابوه انو يبا وحده تدرس معاه ويحب البنت متعلمه يعني التفكير المتعقد دا ماحتلقيه فيـه عندك اسبوع اسبوعين استخيري فكــري وتعالي قوليلي وخرجي موضوع الصور من راسك ابوه مسكني وهوا خارج وقعد يعتذرلي مرا تانيـه والولد يشهد على اخلاقك في الجامعه
حاسه بتوتر واخوها يتكلم عن وآحد ماعلقت ماتكلمت
ابتسملها : الله يوفقك وانا والله بدعيلك واستخرت انا وتـآمر قبل لايدخلو بيتنا ماحنرميكي لأي واحد ولو سار نصيب والله لأطلع عينه لو فكر بس يجرحك بكلمه
ماتدري تبتسم ولا تبــكي ولا ايش تســوي
تحب اخوانــها
صح تنظلــم كتيـر
بس تـآمر وتميم بدونهم ماتدري ايش تسـوي
تثق في رايهم
كم واحد اتقدملها وعمره ماسارت اي شوفــه بسبب انهم مايرضو يخلوها ويروحو يسئلو ويحسو بمسئوليــه
مهمـآ كآن شي يخوف انهم يدو اختهم لوآحد وممكن يطلع اسوء من ليـث
يطالعو دايما في مرت اخوهم كيـف انخدعت بشـكل ليـث المرتب والمحترم وملامحه الهاديــه
وفي النهــآيه عايشه معاه اسوء حيــآه ...

خرجت من غرفـه تميم ودخلت غرفتها بسرعه بدون محد يشوفها ..
جلست على سريرها ماتوقعت تميم يمدحـــو
مرا معروف في الجـآمعه ..
صح ماسمعت شي وسـخ عنــه بس انو اجتماعي بدا الشكل عكسها تمـآمآ دا شي يوتــر
انونشـر صورها وجاي يخطب دحين دا شي يفجع
ماتدري لو شافتو قدامها ايش حتسوي ...
حتستخيـر دام اخوانها مرتـآحين فاأكيد انو طيــب
" يمكن اعيش احسن من دي الحيــآه !؟ "
ماتبا تفكـر بااستعجال وترفض عشان الصوره

امــآ تـآمر مرتـــآح كان شايل هم اليوم وعدى على خيـر رفع جواله وكتب
" سامي كيفك "
جالو رد بعد دقيقتين
" طيب وانتا كيفك ياخالي "
حب كلمـه خالـي سامي وبس يكتبها
" تمام الحمدالله ... انا بكرا فاضي ايش عندك "
سامي كان جالس نط بحممماس له يومين مستنيــه يفضى
" ولاشي فاضي متى ماتبى كلمني "
تـآمر
" انا حخرج من دوامي بدري على بعد العصر كدا "
سـآمي
" خلاص طيــب "
خلصـت المحادثـه وسامي مرا مبسوووط ...بكككرا مستنيـــه على احر من الجمـــر ...

كدا أنتهى يوم لمــى وعــدي

ما يقال عند سماع الأذان:
عن عبد الله بن عمرو بن العاص رضي الله عنهما، أنه سمع النبي صلى الله عليه وسلم يقول‏:‏ ‏"‏إذا سمعتم المؤذن فقولوا مثل ما يقول، ثم صلوا علي، فإنه من صلى علي صلاة صلى الله عليه بها عشرا، ثم سلوا الله لي الوسيلة، فإنها منزلة في الجنة لا تنبغي إلا لعبد من عباد الله وأرجو أن أكون أنا هو، فمن سأل لي الوسيلة حلت له الشفاعة‏"‏ رواه مسلم في صحيحه‏.‏

نــرجع للســآعات لورآ ... وبـزبط لشقتهم الصغيــره هديل صحيت قبل روان كالعاده
وترتب فرشتــتها ... تنـآدي : روووان قومي ...ٍروان
روان دارت للناحيه التانيه ومازالت نايمه
هديــل برضها تنادي بس ورا بعض وباازعاااج تعرف روان تكره دي الحركه : روان روان روان روان رووان رووان روووان رواااان
روان جلست وطالعت فيها بعصبيه : نعععععععععععععععععم يآمستتتفزه
هديل : هههههههههههههه صباح الخير قومي
روان رجعت انسدحت وهيا تتكلم: والله لو صحيتيني حقتلك
هديل جلست : ناسيه يعني ايش سسار امس
روان كانت مغمضه عينها وفتحتها ...حاولت تغمضها تـآني بس تكذب على نفسها فجاه طار النوم
جلست ونظراتها كلها حقد لهديل : ايش تبي؟
هديل : اجلسي معايا
روان : انا مانومت بدري
هديل : برضو قومي دوري على شغل
روان شالت اللحاف من عليها: استغفرررالله منك
هديل :خلينا نخرج مع بعــض من زمان ماخرج معاكي
روان : نتمشى يعني ولا ايش تبي
هديل : لا قصدي ندور على شغل ومرا وحده نمشي ونفكر
روان :طيب بس افوق شويـآ ونخرج
هديل ابتسمت : طيب

امـآ روان قـآمت وراحت تستحمــى اكتر مكان تحب تفكـر فيه تحت المويـآ
لين ماجات هديـل تدق : يااابنتي خيير سنـه حتقعدي
روان قفلت المويـآ : يااااربي ياااربي في كل مكان طالعتلي
هديل مشيت وهيا تضحك بس كدا حتقروشها عشان يشغلو يومهم بالبلاهه
اتجهــزو وخرجو ودوبـهم عند باب العماره
الا هديـل : جووووالي نسيتو
روان: بسـرعه بسرعه ياشيخه انا اصلا مو طايقتك اليوم لاتزوديها
هديل دخلت وهيا تضحك اخدت جوالها وقبل لاتخرج قالت يمكن بشـآر اتصل
بس ماتصــل ...

روآن واقفــه تستنى سندت جسمها على باب العماره انفتح باب الشقـه اللي جمب شقتهم ..
خرج جارهم بالترنــك ..متين وابيضــآني ووجهه مافيه اي شعـره وأقرع ..
اول ماشاف روان ابتسم وقفل باب الشقه وراه
راح بااتجاههـآ ...: يااصبااح الخيـر
روان طالعت فيه لاشعوريا ضحكت لما شافت بلوزه الترنك محزقه على كرشتــو لدجة سرتو بازه
ماقدرت تمسك ضحكتها دارت وجهها للناحيه التانيه وكأنه مو موجود بس مازالت الابتسامه على وجهها
: ليش تطنشيني احنا جيرااان الجار للجار
روان تبا تموت ضحك على كلامه
كميه تفاهه بااسلوبو مو طبيعي
دار راسـها وهيا مبتسمــه واللي يشوفها كأنها كانت بتاخد وتدي معاه سانده جسمها وتطالع فيــه : خير !
دوبها نطقت الكلمــه وجات مرتــو تصـرخ وهديل بنفس الوقت خارجــه وقفلت الباب حتى ماسحبت المفتاح لسى
: هيييي ايش قله الاااادب دي
زوجها انفجع
روان ماستوعبت بعد جسمها عن الباب وطالعت في الحرمه تبا تشوف مين بيتكلم دي
الا شايفتها جايه باتجاهها ومسكتتتها : عيني عيننننك كدا قدام الكككل
روان دفت يدها ومصدومــه ايش شافت عليها عشان تتهجم : ايش بببك انتي
هديل جات جري بااتجاها : اااايش فيييه
طالعت في زوجها وهيا تشــردح بكل صوتها مشكلجيـه ولسانها متبري منها : انتتااا ماتستسحي اذا هيا بنت كلببب انتا تسيرر زيها
زوجها : انتي فاهمـ
وماقدر يكمل لأنو روان مسكت الحرمه :انا بنت كللللب يااااوسخه
هديل تحاول تمسك روااان : روان اهججددي
روان تدف هديل : من زززين زوجك عشان اطالع فيـــه
وهديل تحشــر نفسها في النــص وبتنضرب شويا من روان وشويا من الحرمــه
صووت روان اندمج مع صوووت الحرمـــه وكل وحده تشــردح
روان محروق قلبها على كلمه بنت الكلـــب
بالقوه زوج الحرمه بعــد مرتــه رفعت صباعها بتهديد : والله لو ماخرجتكم ماكوون حياااة ماعندكم غير ال"""" على الرجججال تووف عليكم وعلى اهاليكم اللي ماربــوكم
روان زي المجنونه ودموعها بعينها جات ناحيتها تاني
ماهمها تضرب زوجها ولا تضــربها الاتنين في عينها يستاهلو ...
تــرف كآنت نازله للدوآم وانفجعت من اللي بيســيــر
هديل تحاول تبعد روووان ومو قادره اول ماشافت ترف طالعت فيها بتــرجي وهيا تبــآها تمسـكها
ضــربت الحرمه وشدت شعرها ...تضــرب بيدها وبرجلها ماهمها
ترف شكلها كيــوت يمكن حاليا لكن عاشت كل انواع المضــآربات دي في الاصلاحيــه
هديل تسحب روووان : خلللاااااص ياااروان _ طالعت في ترف _ الله يخليكي تعااالي
ترف جات عندهآ
وروان دفت هديــل
والحرمه ديك مو راضيه تهجد وتســـــب انواع السبات
هديل طالعت في ترف واشرتلها على الباب : بلله افتحي باب الشقــه
ترف اتوجهت وشافت المفتاح لساتو معلق فكت الباب
هديل سحبت روووان بالقوه ودخلتها وتــرف واقفــه شافت الحرمه جايه بناحيتهم : تعااااالي ياااوسخه
ترف انفجعت دخلت معاهم وقفلت الباب
شكل الحرمه مرا يفجع مو عارفه روان كيف جايبه القوه تضــآرب وحده ضعفها باأربع مـــرات ...
سارت تخبــط على الباب وزوجها : ياحياااة حتفضحينـــآ ياااحياة انا اسسسف
ولا كأنه يكلمــها
هديل دفت رووان وبعصبيه قاااالت : خلااااص ماتفهمي انتي
روان وجهها محمممر مخربشــه بكل مكـآن من الحرمه شعرها مشعتر بس وجهها فيه كميــه قهر مو طبيعيه
: مالك صلاااح فيا لاتدخلي
هديل : مجنوونه انتي بتقول حتخرجنا لاتسوي مشاكل
روان صرخت عليها : انا اللي بسوي مشاااكل قالتلي اهلي ماربووني وقالتلي بنت كللب وتبيني اسكت
هديل جات ناحيتها وتبا تحضنها الا روان دفتها : سيبيني وربي ماحسيبها بحـآلها والله ماحسيبها
هددت هددت وجلست على الارض وبكيــت تبــكي وتهدد : انا اوريها اللي ماعندها اهل ايش تســوي
هديل جلست بناحيتها : روان الله يخليكي خلاص مانبى مشاااكل افرضي اشتكت علينا _ مسكت يد روان وباستها_ الله يخليكي عشاني

في واحده وراهم لاصقه بالجدار وجمب الباب بزبــط مو قادره تتحرك مفجوعه
تطالع فيــهم ومو عارفه هما شايفينها ولا كيــف
طلعت صوت وهديـل طالعت فيـها بس روان قاعده تبــكي
سـآمعه صوت الحرمه بـرا مو عارفه تفتح الباب خايفه تدخل وتسوي مشاكل مرا تانيه
هديل : معللليش والله
ترف : عادي
روان دوبها تستوعب انو في احد وقفت ودخلت المطبـخ ترف مرا انحرجت
هديـل تبرر لروان : معصبه شويـآ
ترف : ترا حتى لو بلغت انا حوقف معاكم لو تبي... حياة وزوجها معروفين وسخين والكل يتحاشاهم
هديل : احنا مانبا مشاكل وتوصل إنو احد يبلغ اصلا
ترف : اهاا انتي وهيا بس ساكنين لوحدكم
هديل : ايوا عشان كدا مانبا مشاكل بذات مع رجال
ترف : الله يعينكم اخصروها كم يوم وهيا حتسكت
هديل اشرت على المطبخ: ايش يفهم دي اللي ججوا
ترف : خليها تهدى وبعدين كلميها برواق اكيد مقهوره من السب اللي سمعتو
هديل زفرت بضــيق
ترف تطالع فيهم وتتخيل اول ماخرجت هيا وخلود كيف كانت حياتهم ...
عاشت اسوء حيـآتها بسبب الرجــآل وكل وحده تخاف على زوجها منها
سمعت صووت الحرمـه يختفي : خليني اروح لدوامي
هديل ابتسمتلها : طيب شككرا
ترف : عفوا _ كانت بتخرج وبعدين وقفت وطالعت في هديل _ لو لساتها معصبه للليل تعالو اطلعولي انا فوقكم
هديل ابتسمتلها : ان شاءالله
ترف : حتى لو مو معصبه اطلعوعادي
هديل : ههههه ان شاءالله
ترف ابتسمتلها وخرجــت
اما هديـل راحت لروان اللي ضامه يدها تحت صدرهــآ ومعصبـه
هديل تطالع في يدها : عورتيني في مكـآن الحرق
روان بحقد : تستاهلي محد قلك احشري نفسك
هديل : روووان ايش بك ماحسيبك تتضاربي
روان : تساعديني مو تدفيني وتخليها تسب فيا
هديل بدأت مرا تتنرفز : انتي ايش بكك دي لو اشتكت علينا حنروح بدهيــه
روان بتأفف : اووووه انتي كمممان والله ماحسيبها تسبني واسكت عشان لاتشتكي
هديل اشرت على نفسها : روان انا سكت لما ولد الزفته حبسني بغرفته عشان لاتسير مشاكل
روان : انا مو انتي كم مرا اقووولك والله لأخد حقي منهــآ
روان عينها كلها شــر ... تعصب ماتحااسب على كلامها
من زمان مايتمشكلو لما كانو عند جاسم كل بعد كم يوم يصرخو ويتضاربو بدا الشكــل
هديـل : لما تهجدي وقتها حتكلم معاكي
خرجت هديــل من المطبــخ ومن البيت بكبــره قفلت البـآب بكل قوتــها
" انا مو انتي "
قهــرتها الكلمــه
ايش يعني مو قادره تتحمل سب جاها
وهديــل اتحملت واحد كان يحاول يتحرش فيها
اخدتها بقلبـــها وسكتت

امــآ في البيــت خرجت من المطبـخ وجلست
في الصــآله عادي دا اسلوبها لما تتضارب
ماتفكر في كلامها تقول وبـــس
نظرة حقــد
نظره كـــره
نظره تشتت
نظرة قـــهر
كل شي تحس فيه احاسيس متلخبطه مو عارفه تبـــكي ولا ايش تسسسوي
تنتف الشعيرات اللي طالعه من البســآط وبدأت دموعها تنــزل

في مكــآن نفــس الاحـآسيس بتمر عليــه ..
كملتله 24 سـآعه صاحـي ...جالس على الكنبـه وساند جسمو ويطالع في السـقف ..
راسو حينفجر من كتــر الافكـآر اللي تجي فيـه
رفع جواله وشاف السـآعه واتصـل على واحد يعرفـه : السلام عليـكم
وعليكم السلام
بشـآر : كيفك
: الحمدالله انتا كيفك
بشار: تمام الحمدالله عزيز الله يسعدك اباك تشوفلي شقه كدا غرفتين
: بكم حدودك
بشـآر : انتا شوفلي شي مرتب باأثاثه
: طيب
بشـآر : الله يخليك مابى شي يسد النفس
: افا عليــك ماأعرفك يعني بكرا ارد عليك
بشآر : طيب
قفــل منـه .. مو قادر يعيش مع اصحـآبه بذات وهوا بدي المشاكل حاليا
كل يوم حيسمع واحد يسئلو ايش بــك
ومايقدر يمسك نفسـه يبدأ يتنرفز بسـرعه
ولو اتضارب معاهم حيخسرهم كلهم وحيمشي
وسخ لما يعصب عشان كدا حيسحب نفسه من بدري
دوبــه بيفكر في موضوع الشقه الا تركي خرج من الغرفه واتفاجا لما شافه صاحي : يوااد انتا مانومت !
بشـآر مايبى اخد وعطى: الا قبل شويا صحيت
تركي يطالع في وجهه ومرا مو باين انو دا الشخص قد نـآم
متأخر مرا عن الدوام : لما ارجع اتفاهم معاك
دخل الحمام يستحمى بســرعه ...وبشار اخد جواله ومفاتيــحه وخرج
دحين كلهم حيحصو على دواماتهم ...مالو خلــق اسئلــه
ركـب سيــآرته ومشــي بدون اتجـآه ..وبعد ربــع سـآعه قرر يروح لشقه ابوه موعارف ايش يبا بــس حيروح

ابــوه قاعد قدآم جـــلال اللي جـآلس على الكنبـه وحاسس بصداع فضيــع
كل شـويه يمسك راسه من الالم ...
جـآسم بنرفزه : انتا متى حتفوق
جلال : معاك ايش فيه
جاسم : تستهبل انتتا فين جوالك فين اخر مرا سبتو اتذكر ايش شي
جلال : ياخي مو متذكر حكذب عليك يعني قلتلك روحت سهره بس يمكن من قبل ضيعتو
جـآسم : قولي فين روحت من بدايه اليوم
جلال : اتوقع بس العمل ورجعت البيت وروحت السهره دي مومتأكد
جآسم : فين كانت السهره
جلال : في بيت وحده اعرفهآ
جاسم : واثق في دي
جلال بثقه : ايييوا
جاسم : اباك تروح تسئلها واباك تشوف كل مكان روحتــه
جلال : اوووف يااجاسم
جاسم رفع صوووته : تستهببل انا مو قادر اناااام وانتا تتأفف سمعتني لما اقولك انو بشار عارف كل شي ولا لا سمعتني وانـآ اقولك احد اخد جوالك وقاعد يهددنا ولا لا
جلال : عارف عارف وربي راسي مصدع اصلا وبكلامك تعبتني زياده بس اصبر ارتاح سـآعه وحفكر معاك
رعب ..خوف ...دا اللي طاغي على جــآسم
حتى لما يغمض عينه يبا ينــآم كوااابيس دا اللي يشوفه

وصــل بشــآر وقـف سيـآرته ونزل ....انتبه لوحده جالسه على درج العمـآره الخارجي
مر من جمبـها ودخل يدق الجــرس يبا يتكلم مع ابــوه
اول ماشافتو يدق الجرس قامت بســرعه واتوجهت لعند بشـآر : تعرف صاحب الشقه
بشار بااستغراب : ايوا
: طيب تقدر تديني رقم جواله والله من الساعه 6 الصباح مستنيتو وجالسه هنـآ
بشـآر : مو مشكله قوليلي ايش تبي وانا اساعدك
ماتبى تتكلم : لا ابا جاسم
بشآر: انا ولده
بان التفاجئ بعينها قالت بشك : ولد جاسم !؟
بشار : ايوا ! ايش تبي منو
ارتبكت : ولاشي بس بسئلو عن حـآجه تقدر تديني رقمو ولا
بشـآر :معليش دي الفتره هوا مشغول وانا ماسك شغله _ شد على كلامه _ اي شي تبيه منو انا حقدر اساعدك فيـه
تطالع بعين حائره مشتته
تثق ولا لا
اختها تعبــآنه
اذا دا املها ليش ماتقول
قالت بتردد وهيا تحاول تخلي الموضوع عادي : ابا بنت اختي هوا يعرف مكـآنها
:سميـه !
بااستغراب : لا هديــل
بس اتغير الاسم حس انو كأنو انضرب كف على وجهه
حاول يكون طبيعي : هديل ايـش
قالت اسمها بالكــآمل
امس قرأ كدا اســم مايتذكر مزبـوط لكن اللقب تقريبا قرأه
واسم هديل قرأه برضــو
بشـآر بيحاول يسحب كلام منها : طيب اديني رقمك وكم يوم ان شاءلله واردلك
انفجعت قالت والفرحه طفت عليـها : بجد تهرج
بشار : ايوا
ادتــو رقمها وهنـآ بشار يبا يسئلها الشي اللي حيخليه يعرف راسه من رجله
بيتكلم بثقه وعينه على جواله ويسجل اسمها : طيب لو مارضيت تجي ؟
خالة هديـل ماجا في بالها شي زي كدا : بس قولي مكانها وانا اروحلها
بشار طالع فيـها : لا معليش ماقدر انا اديها خبـر وهيا باإرادتها تجي ولا لا
خاله هديــل ولا شكت انو نصـآب وبيكذب : الله يخليك امها تعبانه مرا انتا قولها انها تبا تشوفها بس
بشـآر موعارف يتعاطف ولا كيف وبرضو مستمر يسئل
موعارف البنت شــردت عند ابوه ولا بياخدهم غصبا عنهم
عشان كدا سئل : وليش سابتها دام عندها ضمير وتبا تشوفها ؟
خاله هديل : والله الحاجه ابوك الله يستر عليه قال حيهتم فيها وماقصر اداني الفلوس اللي اباها واعرف انو ماليا حق اجي اسئل لكن امها حالتها صعبــه دحين
صدمــه ورا صدمـــه
وضحتلو كــل شي
مو قادر ياخد نفســه حتــى
دخل جواله بجيبـه ويده تتنـآفض ..مو قادر يكون طبيعي : مومشكله انا انـآ ماشي ولو سار شي حكلمك
كـآنت بتتكلم بس ماسبلها مجــآل
شــرد من المكــآن وبــس
اسلوبـها وهيا تحكــي كأنه شي عـآدي وبتدي مبرر لها ولأبوه
لكــن دا مالو اي مبرر ابوه يشتري الاطفـآل !
ابوه يتاجر بالاطفـآل
مو جلال ابــوووه ..
ركبت سيــآرته واول ماشغل السياره بكــي
مايدري متى اخر مرا بــكي
للكن ابوه مجـــرم ابووه المفروض ينسجن طول عمــره
ابــوه زي المجرميـن اللي كـآن يمسكهم ويرميهم في السجن
اللي كان يطالع فيهم بنظرات استحقــآر ويتمنى انو يتنفو من البلــد
يبا يبعــد مو عــآرف فين يروح
مخنوووق
يبا يصــرخ من القهــر
كلامــها كســر ظهرو خــلاص

هديــل اشتــرت بطـآقه وجلست على اقرب كرســي
حتى لما جرحتها روان خايفـه عليها وتفكر لاتسوي شي
ماتبى تشوفها حاليـآ بس تعرف دايما مين يعدل الوضـع
بعد ماشحنت جوالها اتصـلت على لؤي اللي كان في عــآلم تــآني...

جالس في غرفتــه ويتكلم بالجوال : ها يااعدي تبا تجنني انتا
عدي : استخرت وقعدت ادعي انها ماتوافق
لؤي : عشان ماعندك ضمير
عدي : والله يالؤي اني مخنوق من يوم مادخلت بيتهم
لؤي : عشان حاتط في راسك.. خرج فكرة انك ماحتكون مبسوط
عدي : اكذب على نفسي يعني
لؤي : ييااخي عمرك ماكنت سلبي
عدي : ههههههههههه انتا حمار بقولك احتمال اتزوج وتقولي ليش سلبي
لؤي : ايوا اضحك خلي الموضوع يمشي واستخير وخلاص
عدي : ايوا كأني والله الحرمه وهيا الرجال
لؤي : دا جزات افعالك
عدي : اقلللب وجهك يااشيخ وربي كل مرا اكلمك اقول اخر مرا اتصل عليك
لؤي : ههههههههههه اسسسمع انتا تعرف طول عمرو احساسي مايخونني
عدي : ايوا ؟
لؤي : احس البنت حتكون زوجتك
عدي :خلاص يعني اروح اجهز الشقه ولا كيف
لؤي : هههههههههههههههه صدقني ابدأ اقطع علاقاتك غير الشرعيه كلها واتجهز لحياه نظيفه
عدي اتكلم وكأنه بجد حيتزوجها : مع نفسها قال اقطعهم
لؤي : اخص يالخاين
عدي : الله يصيبك وربي اقتنعت فجأه انها مرتي خلاص
لؤي : هههههههههه _ جالو اتصـآل _ يلا ياعريسنا سلاام
عدي : مع سلامه
لؤي رد على هديــل ...قالتلو اللي ســآر واتصل على روان ماردت
راح لسيـآرته
هديل قالتلو بس يتصــل عليها لكن لما ماردت
حيروحلها بنفســه ...

لاحول ولا قوة إلا بالله " كنز من كنوز الجنه "

تــرف نزلت من سيـآره التـآكسي ودوبـها بتدخل البوابـه
لقت براء واقــف اول ماشافها جا باإتجاهها..
ترف : ايش بك واقف هنـآ
براء : مستنيكي
ترف رفعت حبل شنطتها على كتفها لازم تمسك شي وقت ماتنحرج : كان قعدت في المحل عادي
براء كأنو لمح ليــث مايدري يتهيألو ولا من جد عشان كدا نزل يستناها ...
كل اللي عرفو انو خــآف عليها له ساعتين على نفس الوقفه يستنى : امس انبسطت لأنك جيتي عند امي
ترف كانت مبتسمه اختفت ابتسامتها : انا مانبسطت
براء : ههههه ليش
ترف: ترا بجد بجد حاقده عليك انتا وسامي
براء : ههههههههههههههههههه في حياتي ماشوفتك مكسوفه زي امس
ترف : حتى انا عمري ماشوفت نفسي مكسوفه والله _ قالت بجديه _ انا ماأحب احد يشوفني كدا بلهه
براء : هههههههههه عادي كل واحد عندو روح الدعابه
ترف : ايوا روح الدعابه دي تطلع مع ولدي بس ....كل ماتذكر وانتو تحكو ووجه مامتك كيف مصدوم انكسف من نفسي تاني
براء : انا كنت مبسوط _ سكت وبعدها قال _ حبيت وجهك وانتي مكسوفه وماعندك رد
ترف وجهها حمر طالعت في الناس وبتصريفه غبيـه : يلا نطلع
براء كان يبا يضحك ومسك نفســو
: ماقلتيلي امس ليش خرجتي وانتي مضايقه
مشيــو الاتنين وهمـآ يتكلمو
ترف : ولاشي
براء :شوفي لو ماتكلمتي والله العظيم ححرجك في المحل زي ديك المرا
ترف طالعت فيه مفجوعه : بلا بلاهه ايش الحركات دي انا حره مابى احكيك
براء : خلاص طيب لاتحكيني
ترف طالعت فيه بنص عين : كم مرا اقولك ماأمشي انا بالتهديد
براء : ههههههههههههههههههه قولي والله ماتمشي بتهديد
ترف ماعرفت ايش قصدو : ايش بك
براء : تتحديني اخليكي تهرجي
ترف ابتسمت لاشعوريا وهيا مركزه بملامحه وبعدين طالعت قدامها حبت ملامحه وكأنها اول مرا تشوفه : تراني عبيطه
براء : ووانا اعبـط
تر ف: ماحتوصل لشي ريح راسك
براء : وربي لاأخليكي تهرجي
ترف : هههههههههههههههههه براااااء
برااء يعشق اسمممو لما تقوله : عيون براء
ترف فتحت عينها مفجوعه وهوا رفع حوآجبه : بكيفي انا حر اتعامل معاكي زي ماأبى
ترف مفجوعه : خييير ! اهجد ماحب دا الكلام ترا
براء : من عيوني ياقلبي كم عندي ترف انا
ترف مفجوووعه رفعت صووتها وهيا تضحك وتهــرج : براااااااءءءء بلا بلاههه والله اتنرفز
براء : هههههههههه مو انتي ماتبي تحكيني
ترف : ايش دخل دا في دا
براء : حتعامل معاكي بدا الاسلوب لين ماتستسلمي وتهرجي
ترف ضحكت من قلبــها رفعت صباعها بتهديد وهيا تضحك وتهرج : ترا والله ماحب احد يتكلم معايا كدا
براء رفع كتفه : بكيفي اسلوبي انا حر
ترف : طيب وريني مين اللي حيتكلم اصلا معــآك ..
براء سكت وبعدها قال عشان يخليها تهرج : من يوم ماقلتي انو شكلي عاجبك وانا اصلا
مالحق يكمل الكلمه عشان صرخت ووقفت قدااامه و مفجوعه
وقف مشي ...اشرت على نفسها : ايششش انا ايـش قلت
براء:مو قلتي الاتراك حلوين
ترف وجهها محمر وتتكلم : ايوا الاتراك الممثلين
براء رفع يده وحطها قدام وجهها وهوا يسكتها : لاترقعي خلاص
ترف بااستفزاز دفت يدو من قدام وجهها : مع نفسسك والله
مشيــت قدامه وخطواتها متنرفزه وهوا يطالع فيــها ويضــحك
من زمــآن مايضحك كدا
حتى فكو يحسو يوجعه من كتر مايكون مبتسم وهيا فيــه
نــآوي اليوم ماتمشي الا وهيــآ محكيته
عبيــط ولما يبا يعرف شي يجيبو يعني يجيبــو
حيقــدريخليــها تهــرج ..؟

كدا خلصنـــآ العشره الفصول الاولى ... العشرهالفصول الجـآيه حتكون فيها قصص البنات
والاسرار اللي مو عارفينــها .