رواية طفوله ملوثه بالواقع الفصل الثامن 8 - بقلم d3do3a

الفصـــل الحـآدي عشــــر ...

احيـآنـآ نحكم على الآخريــن دون ان نعـلم لمـآذا تحولو بهذا الشكــل ...
فلســت هنـآ اتحدث فقـط عن فتيــآت عـآنو من طفولــه ماأسـآويــه
فطفلــي اللذي اصبـح اليـوم شـآب الوآقــع لوث طفولتــه ايضــآ

عمره 15 سنــه مسكته من يده وهيا خـآيفه : لو عمك سئلك شي انتا ماشوفت احد طيب
حرك راسـه وهوا منزل نظراته للأرض بدون تعليق
كان بيمشي الا مسكتو تاني وهيا بتموت من الخوف وتلكلك بكلامها: ولا اقووول لو لو سئلك قوله انه صاحبك
طالع فيها مفجوع : مابى اكدب
شدت على يده واظافيرها غرست : والله لو ماقلت نفس كلامي ياويلك وربي لأخليك في الشارع تنام اليوم
عقد حوآجبه وهوا حاسس باألم : اخاف يعرف اني كذاب طيب
:ماحيعرف شــي
سحب يدو منها بشويش: طيب
استسلم على طــول .. عمه اخر الليل دايما يكون في الدوآم مايباها ترميـه في الشارع
عارف انها لو هددت حتسوي اللي تقولــه
امس نومتـه في السطوح.. وقبل امس منعته من الأكل
وقبــله خلتو ينظف البيــت.. غير الاهـآنات والسب ...
راح لغرفه الضيــوف اللي ينـآم فيها كل مرا يجيـهم . . .
فتح دفتره وقعد يشخمط يرسم دائره وسط دائره وسط دائره لين ماسارت الورقه كلها سودآ
مافي احد يتكلم معاه
انطــوائي لأبعـد درجه ..
فجأه صووت جرس البـآب معلق وباين انو الشخص مرا معصـــب
قفل الدفتــر بخــوف ..
يقول الصـراحه .!
تعب من الكذب !
ليش يستر على مرت عمـــه وهوا عارف ايش حتسـوي
تخون عمـه وهوا يتفرج عليها كــل مرا
وهوا يستــر عليها ويراقب لا يجي عمـه صدفــه
بدأ يكبـر ويفهم ... مايقدر يسكت اكتر من كدا
" حيطلقها عمي اكيــد وخلاص "
دا اللي جا في بـآله واللي سار يسمعو
وحده طلبت الطلاق عشـآن زوجها خـآنها
على بـآله العكس كمــآن ممكن يسيـــر ...
ولا دقـآيق دخلت مرت عمه وهيا تأأشر على بشــآر : رووح اسئله
دآخل ويبــآ اجوبــه للأسئله اللي براسـه
مرت عمـه تفرك يدها في بعض من كتر الخـــوف ...
قلبها حيوقف اول مرا تحس بدا الرعــب
وعمه جــآبر وجهه يفجــع من العصبيـه : مييين الرجال اللي دخل بيتي
بشار وقــف ... قلبه يدق بجنون
يطالع في عمه وفـ مرتــه
يكذب ولا يقــول الحقيقه ..
عمـه صرخ مرا تانــيه : بقوووولك ميــن
صوتـه هز جسم بشار مع الفجعه بلع ريقــه : عمه غاليه
في لحظه حست انها حطيــح من طولـها
طول عمره يستر عليها بشـآر اتوقعت كمان دحين حيسوي نفس الشي
جابر طالع فيـها مصدووووم مو مصدددق

البواب قلو في واحد يجيكم يوميــآ
ماقدر يشك فيـها حب حيــآته دي
بس لما كلمها ارتباكها خوفــه
في ثــآنيــه سارت دموعها بعينها
رفعت صباعها وهيا تحرك بالنفي : لا لا _ اشرت على بشـآر _ والله ماعرف اسئل بشااار انا انا ماليا صلاح
خوفـــهاا واضح انه هيــآ
يقرب بخطوات تقيــله وهوا لسى مو قادر يستوعــب وينطق كلمه كلمه بكل تقــل: ايش يجي يسوي الرجال في بيتي
ترجع بخطوات وهيا تتلكلك والكلام يادوب يطلع دموعها نزلت مع الخوف : والله ياجابر مدري
صرخ بكل صوته وفي ثانيــه سار ماسكها من شعرها : الرججججال بيدخل بيتي الناااس كلها بتلاحظ وانا مددري
بشــآر مرا انفجع وهوا يشوفها تتجر من شعــرها قرب منـهم : عمي سيبها الله يخليك
طالع في بشار ومرتــه تصررخ وتبــكي
ماسك شعرها : ايششش كان يسوي الرجال في بيتي هااا
بشاار رفع كتفـه وبخوف جاوب : مدري
جــآبر صوته يهزز البيت :لاتخليني اقتتتلك واقتلها هنا اليوم
بشار مرا خــآف طالع في مرت عمــه وهيا بكيت بهستيريا
مسكت يده تبا تبوسها وهوا استوعب خـــلأاص
ضربــها على وجهها مرا مرتين تلاته واترمت بالارض كان حتى وجهها يدعس عليــه برجلو
مرتـــه تخونــه
البوآب سار مستغرب مين الرجال اللي يدخل بيتـه وهوا مايدري
مرتــه اللي ماتجبلو عيـآل وصابر لأنو يحبـها تخونــه
مرتـه اللي كان يعشقها من همـآ اطفــآل تستغفلو
صــريخه مدموج ببكــآها
ضــرب بكل وحشيـــه
جا فوقها وهوا يخنقــها
تضــرب بيدها وبرجلها لمــآ بدأ ينقطع نفســها
عيونها بدأت تجحظ
دارت راسـها وتمد يدها لبشــآر
وعينها كل مالها تجحظ
ووجهها يــزرق
وصوت شهقــآت وحده مو قادره تاخد نفســها

يطــآلع مفجوع
مو قادر يتحــرك
صوت تنفســه مرا ســآر عــآلي دموعه متحجره بعينـــه
دارت عليــه براسها ونظراتها تبــآه يســآعدها
اتحرك بالقوه بااتجاه عمــو ودفه من فوقها
اخدت تنفسها بكككل صوتها
قلبت على بطنــها وهيا تكـــح وتمسك حلقهــآ
في لحظــه حست انها حتمـــوت
: عمي اللله يخليك سيبــها الله يخلييييك طلقها بس طلقها
دا اللي كآن يسمعو ودا اللي كان يحسبو انو حيسير انو حيطلق وخلاص
عمو
ملامح وجهه حركاته كلها تدل على انو مو بعقله
حتى الكلام ساير ضاع منــو
صدره يطلع وينزل : انا تسوي فيا كدا انا ياااابنت الـ"""" تخووونيني في بيتتتتي
يطالع يمين ويســآر وفجأه خرج من الغرفه
بشــآر نزل بمستوى مرت عمــه طول عمرها وســخه معاه بس مايتمنى اكيـد انــو يسرلها شي ..
يبعد شعرها اللي لاصق بوجهها وجلست بالقوه : انـآ آسف
جسمها يتنــآفض حطت يدها ورا ظهر بشار وشاده على بلوزته وقالت بصوت يادوب يطلع منها: خرجني خرجني من هنـآ
بشـآر يطالع فيها ويحس انو السبب وقبــل لايتكلم دخــل عمــه وهوا شايــل سكين : والله لأقتلك ياااابنت الكلــ
والله لاأقتتتتتلك
مسكت في بشــآر تبا توقف الا سحبها جابر من رجلللها : جاااااااابر الله يخللليك لا الله يخليييييك
تصـــرخ لين ماتحس صوتها حيروووح ماسكه يد بشــار وشايفتو الامل الوحيـــد
فجأه السكين انغرست مرا مرتـــين تـــلأاته ومايتذكر بشــآر كم مرا بعدها دخلت السكيــن في جسمها
بس الدم سار بكـــل مكــــآن ويدو يحسها تعصرها من كتر الالم
يحاول يسحب نفسسسه وهيا تشده وتصـــرخ
وهوا يبـــكي بكل صوتـــه ويغمض عينــه
مايبى يشووفها مايبى
يطالع فيها وفي عمـــه الللي يصــرخ ويطعنها
كل شي في لحظه اندمـــج بكــآها وخوفــها يقتــل
بصووت عمه اللي يصــرخ بطريقه تفجع
بشهقــآت بشـآر المصدوم الخــآيف
وفجأه اترمى على ورا لما يدها طاحت في الارض وســآبتــو

لحظـه صمت مفجــعه ...

فتح عينه وهوا يطالــع فيـها وهيا تلفظ انفاسها الاخيره والدم يخرج من فمها بدفعــآت
ليـن ماحس كأنها بتنخنق بدمها وجسمها اتوقف عن الحركــه
عينها متســمره على بشــآر وكأنه لأخر لحظه تباه ينقذها
جابـــر لما شافها ماتتحرك بــكي بصوتـــه ووجهه كلو مغطى بالدم /: آآآآآآه
صرخخخآت تطلع منـــو تهز البيت كللللو
صــرخــآت واحد مكســـور معمي مو شــآيف اللي سواه غلـــط
صرخــآت واحد قاعد يبــرد حرقــة قلبــه قدآم طفــل مالو ذنــب

بشــآر وقف بكــآ
دموعه تنزل بصمــت وبـآين انه مفجووع
مرت عمه غارقه بدمها بسبـبه
مرت عمــه ميته بسببـه
وقــف زي المجنون وخرج من الغرفه
وهوا يمسك في الجدارن عشان يتوازن وبالقوه ياخد خطواته
فتح بــآب الشقه وشهقاته بتزيـــد وحده ورا التــآنيه
وتنفسو بيــزيد وكأنو مافي هوا حولينو دوبــه بيخرج من العمــآره
الا واحد من الجيــران ووقف مفجووع لما شاف ملابسه فيها بقع دم : بشااااااار
الرجال حسب انو سرلو شي : ايش بك فيككك شي
حاول يتكلــم
ماقدر
فتــح فمــه بس ماطلع صوتــه
مسك بلوزتــه من فوق ويبـكي ويشهق
تنفســه بيــزيـد بشكل مجنــون
لين مــآسار مو قادر يـآخد اي نفــس ....

ودي قصــة طفـــل روايتــي بشــآر فمعــآنـآتـه لم تقــف هنـآ
والأيام كفيـــله باأن توضــح لكم البـآقي ...

مــو عارف لفيـن يتوجه كـآن بيبعد عن بيــت ابـوه لكـن رجـع تـآني ووقف السياره
رفع جواله ويتصل على ابوه مافي اي رد
رمى الجوال بعصبيــه للمقعد اللي جمبــو
بدأ يتنفــس بصوت مســوع
رفع يدو وهوا يمررها على صــدره
وكل اللي يدور في راســه
" يتـآجر بالاطفـآل "
"مجــرم"
"ممكن يعدموه "
" ولا حينسجن طول عمره "
مشـــوش مو عارف ايش يســوي
حاسس انو ضــعيف بشكل مو طبيعي
نفسـه يحضن ابوه ويبكــي ويقوله بطــل وسيب كل شي
فتح الدرج اللي بالسيـآره واخد بخــآخ الربــو
اخد مرا ومرتين وتلاته لين ماحس انو بدأ يرتــآح
سند جسمو على الكنبــه دق جواله مد جسمو بسـرعه للكنبه التانيه واخدو
" الحب ع " عرف انها عنــود لكن مالو خــلق يرد
اتوقع ابـوه اتصــل
رجع سند جسمو تاني وغمض عينه دي المرا بكل ارهــآق
حتكملو 30 سـآعه صاحي ..

تمــشي في الشـوارع موعارفه فيـن تروح مستحيل ترجع البيت لروان ..
دايما لما يتضاربو وحده تسيب المكـآن كأنهم متزوجين
كل واحد يبعد عشان يرتاح ويرجعو يتكلمو كأنو ماسار شــي ..
جلست على احد الكــراسي المخصصه للارتيـآح ..
تفكــر وتفــكر
تحاول تعذر روآن تحاول تطلعلها الف عذر
لساتها مصدومــه
مع انو دا طبـعها لكن تبا تسامحها فاتديها مبرر
مرت لحظــآت من التفكـر
دق جوالها حطت الشنطه بحضنها وفكتها وخرجت الجوال
اول ماشافت مين اللي متصل ردت وابتسامه على وجهها ...
: هلا عـلا
عــلا : اهلين ياقلبي معليش اتصلت مرا بدري
هديل : صاحيه انا مو مشكله
علا: طيب اسمعي فاضيه اليوم ؟
هديــل : ايوا
علا : والله المفروض اكلمك قبلها بيـوم بس اندوشت وكدا
هديل : عادي انا فاضيه اصلا
علا: خلاص حبيتي لو تقدري تعاليلي العصـر او المغرب انا في الصالون
هديـل : ان شاءلله
قفــلت علا منها وهديـل وقفت مبسووووطه
قالت بصوتها : الحمدالله الحمدالله
تحــس الفتره الاخيـره بتسوي حـآجآت تبسطها
مبسوطه اكتر من قعدتها عند جـآسم
صح اول ماخرجو تعبو لكن حاليا عرفت كيف تمشي حيـآتها ...
طالعت في الساعه مرا بدري وقفــت تـآكسي واتوجهت لبيـت جاسم ...
تبا تشوف ايش الجديد
موجود ولا لا
ابتسمت وهيا تتذكر صوت جـآسم كيف كآن خايف
دي المرا حتحاول تعرف بيت جلال من جـآسم
ماتبى تحتك في هدى ماتدري ليش ماسارت طايقتها ..
وصــلت ونزلت بعد ماحاسبت الرجـآل
جلست في مكـآنها المعتاد الشارع المقابل للعماره شويا بعيـد وتجلس في مكـآن مزوي
مالقت سياره جاسم فاحتستناه يرجع ..
مرت دقيقتين
تلاته
لعبت باظافيرها
عدلت شعرها
رفعت عينها ورجعت نزلتها وهيا تحرك رجلهاعلى الرصيف وبالها في مكان تاني
عقدت حوآجبها لما استوعبت السياره اللي شافتها دوبها
رفعت عدسه عينــها وبدأت تمشي باإتجاهها
وقلبها دق بجنون لما وقفت عند الطـآقه في الناحيه اللي قباله وشايفته مغمض عينــه
مو عارفه ايش بيسوي هنـآ
طالعت يمين ويسار مدت يدها بتردد ودقت على القزاز بخفيف
وهوا رفع جسمو مرفووع من على الكنبه وكأنو صرخت
حتى هديل انفجعت
طالع فيها ومو مستوعب انو كآن نايم
عقد حوآجبه وفرك عينه وضغطت على زر السياره وانفتح القفل
فتحت الباب بتردد : معليش مدري انك نايم
عينه محمره
كل شي فيه يقول انا تعبـآن
: عادي ايش تسوي هنا
هديل اشرت بعشوائيه : دوبي خارجه من بيتي ...انتا ايش بك كدا نايم
بشار : كنت بستنى ابويا _ كشر _ اطلعي
مافيه حيل يكلمها وهيا كدا واقفه في الشارع
هديل دخلت بتردد وقفلت الباب : طيب اتصل عليه بدال نومتك هنا
بشار : مابيرد
هديل نزلت عينها وهيا تلعب باظافيرها وطالعت فيه
كان ماسك جواله ويحرك صباعه بعشوائيه على الشاشه مو عارف ايش يبى
قالت بتردد : ايش بك كدا شكلك مرا تعبان
عينه على جواله : مانومت من امس
هديل : ليش !
: ولاشي مشاكل في العمل
هديل كآنت تبا تقوله مو انتا اخد اجازه بس سكتت عرفت انو كذاب
: والله خوفت اني اكون سويت مشكله بينك وبين ابوك انا اسفه لأني دخلت نفسي
بشار : لا عادي طلع الموضوع تافه
هديل لو ماسمعته امس كان صدقتــه :طلعت شقه صاحبه ؟
بشار : لا شقته بس دوبه مستاجرها للعمل
هديل : اها
فترة صمت وبعدها قالتلو : طيب ارجع البيت نام
بشار : ماليا خلق ارجع بحاول ادورلي شقه لوحدي
هديل :وي ليش :
بشار : كدا دي الفتره بمر بمشاكل كتير ومابى اخسر اصحابي
هديل : بالعكس توقفو مع بعض لما تكون لوحدك حتنخنق زياده
بشار : دا لما يكون تقدري تتكلمي مع احد عن مشاكلك
دي الجمله الوحيـده اللي صدقتها منــو ..
كارهه نفسها كل ماتجي عينه بوجهه
فتحت باب السياره وهوا طالع عليها على طول :فين رايحه
هديل : قلتلك بمشي انتا استنى ابوك

نفسـه احد يكون معــآه عينه لسى عليها قال : ماتقدري تقعدي معايا ؟
لساتها ماسكه الباب وعينها عليــه
بدأت تتعاطف مرا معـآه
ودا الشي خايفه منــو
مو قادره تقول لا
حاولت بس نظرة عينــه مخليتها ماترفض
خايفه بنفس الوقت جاسم يشوفها معاه : مابى اقعد هنا بنص الحاره
بشار : فين تبي تروحي
هديل ابتسمت وقفلت الباب : البحر
بشار : عشان تنصرعي من الشمس
هديل : ههههههههه
بشار شغل السياره : اختاري يلا
هديل : انتا اكلت ؟
بشار مايتذكر متى اخر مرا اكل طبعا لازم يتمسكن : والله ليا يومين بس اشرب قهوه
هديل : خلاص نروح نفطر في اي مكـآن
حرك السياره وبعدها اتذكر لما عصب عليها امس : معليش على امـس وربي مضغوط دي الفتره وانتي اسلوبك مستفز
هديل : اهم شي ماتكررها ولا صدقني مو ملزومه اجلس معاك تاني
بشار طالع فيها وهوا رافع حواجبه ونقل عدسه عينه على الطريق
ردودها مستفزه كالعاده ...ندم انو بيعتذر بس قالت شي طفى قهره منها
: عندي شخصواحد يعصب عليا ويرفع صوتــه مو ناقصه اتنين
عدســه عينه متسمره على الطريــق
جملتها نغزتـه في قلبـه
بلع ريقـه وبصوت هادي قال : ليش خارجه بدا الوقت
هديـل كالعاده الكذب اساس علاقتها معـآه مو ندمانه على دا الشي طبــعا
بس تنقهر لما تحس انها بتظلمـو : شارده من اجواء البيت _ سكتت واتذكرت روان وقالت _ بعض الاحيـآن تحتاج تقعد لوحدك ولا مع شخص ماتعرفه عشان مايحتاج تبرر لأحد تصرفاتك ..
كلامـها مع صوتــها الرايـق يحسـ كأنه موجه له دايــمآ
مايدري هيا نسخته لدي الدرجه ولا ايش بـزبط ...
بس بدأ يحزن عليها
يبـآ يتكلم معاها عشان لايغفى وينام على نفســه : انتي ايش تسوي طول يومك ؟
هديل : اصحى اقعد مع اهلي واروح العمل وارجع بيتي ولا عند صحبتي دي الفتره بس سرت اخرج معاك
طالع فيها وبشك وكأنه يكدبها: يعني بتفهميني انك ماتعرفي احد غيري
هديل بجفاصه: مابيني وبينك شي عشان اضطر اكذب عليك
بشار ابتسم وبعدها قال : يعني انا شايفك انسانه اخده حريتك فايمكن ماتبي تتكلمي عن حياتك الخاصه
هديل : لا عادي انا حياتي كتاب مفتوح مافيه شي حخبيه
بشار : يولد انتا
هديل ابتسمت وهيا تحسس انها قاعده تتفلسف من صباح ربنــآ ...
بشار : بجد بجد
هديل مافهمت: ايش
بشار : بلله ماتعرفي احد غيري
هديل حلفت لأنه من جد ماتعرف نسيت فجأه لؤي : وربي ماعرف شوف انا الشي اللي خلاني اعرفك الحادث اللي سار وضميري الغبي
بشار: ههههههههه اجل كويس عندك ضميــر _ مو قادر يقتنع انو فيه بنت اخده حريتها وماعندها علاقاات _ طيب سؤال يعني _ بتردد _ انتي ماشاءلله عليكي جميله يعني على قولنا صاروخ ومزه بتفهميني انو ماجا احد يحاول معاكي
هديل بثقه : انا قلتلك ماعندي علاقات بس الشباب طبيعي سواء كنت جميله ولا بشعه انتو تلحقو ورا الاخضر و اليابس والبلهه اللي تصدق
بشار :ههههههههههههههه طيب ليش مو قادر اقتنع والله فيه سبب يخلي الواحد _ فجاه سكت وبعدها قال _ لايكون انتو من الناس اللي تنحجز لولد العم و
هديل قاطعته قبل لايتكلم : تفكيرك وربي غبي ... عمرك ماشوفت وحده في حالها !
بشار : مؤخرا لا ...البنات سارو يشبهه بعض
هديل : والله الطيور على اشكالها تقع
بشار : ههههههههههههههههههههههه انتي تخصص تلقيح كلام ولا ايش !
هديل : ادري عنك ...انا صحبتي محترمه مدري عن الفئه دي اللي بتهرج عنها اكيد انتا منها عشان كدا دا تفكيرك
بشار طالع فيها وهوا مبتسم: انا حاجه كيوت تمشي على الارض
هديل لاشعوريا ابتسمت قالها بااسلوب يجنن : هههههه طيب طيب
بشار : طيب انتي ياأم كتاب مفتوح قوليلي انتي ضد العلاقات ولا ايش
هديل : اكيد ضدها يعني انا حاليا قاعده معاك وفيه شي وسط راسي يقولي ايش تبي ياهـ _كانت حتقول هديل واستوعبت _ ياعهود ايش تبي منو ياعهود وفي صوت تاني يتكلم وسط راسي ويقول حرام مسكين اعتبريه واحد من الشارع وبترأفي فيه
بشار طالع فيها مفجوع : انا واحد من الشارع !
هديل تبا تضحك تتكلم بحزن: والله يوم الحادث صعبت عليا مرا عشان كدا لدحين لما اشوفك احزن عليك
بشار : انتي ليش تختاري كلمات كدا مستفزه ترا تقدري توصلي كلامك من غير ماتستفزي الواحد
هديل ببرائه : مو قصدي استفزك انا بقولك اللي بنفسي
بشار :اهـآآ المهم نرجع لموضوعنا وخلينا نتناقش عشان لاأنام
هديل : مدري ليش معذب نفسك ارجع البيت وارتـآح
بشـآر : ماحنام حفكر لين راسي ماينفجر خليني معاكي اشغل مخي بشي تاني وخلاص
هديل حست انو دا أقل شي تسويلو هوا بعد ماشافته كدا مرهــق : طيب
بشـآر : انتي ضد الصداقه مو الحب يعني
هديل : لاا انا ممكن اغير رايي في الصداقه واهو قاعده حاليا معاك ولسبب معين لكن الحب ماأفكر بدي الحاجات ولا الزواج
بشار : يختي الحب احلى شي خليكي اوبن مايند وعيشي
حتى وهوا في مصـآيبه وسـخ ويحاول يسحبها..
هديل مافهمت ايش يعني اوبن مايند بس استوعبت ايش يقصد
كتمتو بكلامها وهيا تهرج بهدوء : مدري احس بعد اللي شوفتو من بابا ماعاد ابا رجال بحياتي ابا اكون انا وبس
_ تتكلم وهيا من جد تقصد كلامها _ مابى في يوم احد يهينني واضطر اسكت عشاني مرته او عشان لاقدر الله عندي اطفال منه
_ طالعت فيه _ مدري يمكن حتشوفني غبيه وتقولي مو كلهم زي بعض بس انا تعبت
ومابى اتعرف واحد يعاملني بااسلوب يحرقلي قلبي
صمـــت جا من ناحيــته قبل لايهـرج
لسى كان بيفكر فيها تفكيـر مو طيــب
يباها زي اللي يعرفهم يشبع رغبــآته وخلاص
يلهيها بالكلام لين ماتتعود تهرج معاه
ويسير شي يومـي في حياتها ويوصل للي يبـآه
بس طلعت زيــو
لاطفولتها حقــيره ليش كمان هوا يكون حقيــر معاها !
قال بتردد : اجل انتبهي على نفسك
مافهمت ايش يقصد بعد الصمت الطويل اللي جا منـه : ان شاءلله !

نــزلت علا من درج بيتــهم وهيا تدخل عفشها بشنطتـها ..وصلت لأخر درجه ولقت عزآم : هيي فين عدي
عزآم : مدري من امس مارجع البيت
علا فتحت عينها مفجوعه : تمززح
عزام : وربي قلت لأمي انو عند اصحابه عشان لاتسوي منـآحه
علا بخوف : عززام لاتستهبل انتا كمان فين حيكون
عزآم : شويا حروح ادور عليه في الاستراحه
علا بدات تقلق : وربي كنت مبسوطه نكدت عليا خلاص قولي لو لقيتو
عزآم غمزلها : ايش الشياكه دي كلها
علا سوت نفسها مستحيـهه : مزه صح
عزام : هههههههه قولي ايش عندك
علا : اليوم حسوي بث وحمست كل البنـآت فازبطت نفسي على الاخر
عزام وملامحه كدا كساها الملل : حتمكيجي وحده .؟
علا : ايوا _ كانت حتمشي وبعدين اتذكرت _ ايييوا ماقلتلك مين هيا
عزآم بتريقه : ههههههههههههههههههههههه يااللله الموضوع مرا يهمني
علا : ههههههههههههه وربي حتتفاجأ
عزام لساته مو مهتم بس مايحب يكسر بنفسها : مين
علا : هديــل _ مالقت اي ردة فعل بعدها كملت وهيا تبا تذكرو _ اللي كانت تشتغل عندنا
عزام بيحاول مايبين على ملامح وجهه
قلبه دق بســرعه : ايش جابها !
علا : انا قلتلها زمان ابا امكيجك واتصلت عليا قبل كم يوم وبس فاليوم في العصر او المغرب حتجيني انشاءالله شوف شوف البث
خليها مززه
نفســه يقولها هيا مزه من غيــر شي
عزآم : خاله ماحتزعل انك جبتيها
علا : ايش دخلها فيا ! وبعدين كريم طلع كذاب مراد فضحه هما جابو البنت الغرفه
يرمـش بعيــنه كدا مرا
متى سار دا الكلام ولا يدرو عنــه
علا : اوووف انتا ممل لما احكيك لو عدي كآن ردات فعلو تحممس
مشيـت من جمبـه وهوا لسآته واقــف
مو عارف ظلمـها ولا ايــش
دا وهوا كان يبـآ ياخد رقمها من جوال امـه ويتصل يقول اللي بنفسه من كتر مانقهر
يحمــد ربه حاليا ماتهور ... مايدري يسيبها في حـآلها
ولا يحاول يوصلـها !

سبحان الله وبحمده سبحان الله العظيم

ويجــب ان اعترف بأنني وصــلت لمرحله لااعرف من انـآ ..
وماللذي اعيـش من اجله لااستطيع ان اعلم ماهو الحلم وماللذي اقاتل من اجله ..
انني اعيش كل يوم اليوم نفسه احاول ان اتغير لكن كلما احاول احاط بخيبات امل قاتــله
تدمــرني وترهــق قلبــي اكــثر ..

وقـف سيارتــه ودخل العمـآره دوبـه وقف عند باب شقتـها ومد يدو بيدق الباب
وصــله صوت بكـآهآ
طالع يمينه مفجوع يبا يستوعب الصوت من فين قرب اكتر والصوت من عندها
نزل يده بتردد ... شكلها يحزنه لما تبــكي مايبى يشوفها
وبنفس الوقـت ماقدر يمشي
صراع في ثواني مابين يدق ومابين يسيبها
ورفع يده ودق

رفعت جسمها من على الليانه ..مسحت دموعها اتوجهت للباب عارفه انها مو هديل
هديل عندها مفتاح
: ممين؟
: لؤؤي
فتحت عينها مفجوعه حاست موعارفه ايش تسوي تروح يمين وشويا يسار : دقيققه دقيقه
جريت للحمام وغسلت وجهها ولمت شعرها عدلت بلوزتها
وراحت تفك البـآب
وجهها محمــر وخربشــه على خدها : ايش بكك
روان عارفه انو وجهها محمر من البكى بس : كنت اصلي
كذآآآآآآآآآآبه
يطالع فيها
احتراااف الكذب عندها
: ايش الخربشه دي اللي بوجهك
رفعت يدها وهيا تمرر على المكان : اما باينه
تتكلــم وكأنه ماكان دوبو صوت بكاها واصـله
لؤي : امشي امشي قدامي
روان : ايش فيه
لؤي باأمر : امشي قدامي ابا اتفاهم معاكي
روان مفجوعه : ايش سويتلك
لؤي : تعالي السياره حنقعد واقفين هنـآ
روان :مابى اخرج
لؤي : طيب نمشي ؟
روان ضمت يدها تحت صدرها : دقيقه اجيب المفتاح
دخلت اخدت المفتاح كانت حتاخد جوالها وسابته لما جات في بالها هديـل حقدت عليها ...
خرجت وقفلت باب الشقه بقووه ولؤي طالع فيها : ايش العنف دا
روان طالعت فيه بنص عين : خير ! بابي انا حره حتى باب شقتي ممنوع ارزعو
لؤي ضحك : لا انتي فيوزك اليوم ضاربه
روان : انتا اصلا ايش جابك
لؤي حط يدو على ظهرها ومشاها قدامه: بجبلك اول شي عصير ليمون واقرا عليكي عشان شياطينك تسيبك في حالك
روان ضحكت غصبا عنها وماشيه قدامه وتتكلم : صدقني ماحتخرجهم انا ماعيش بدونهم
لؤي : اعووذ بلله منك يااشيخه
روان : ههههههههههههههه
مشيو في الحاره وهوا طالع فيها : ليش كنتي تبكي
روان : ماكنت ابكي
لؤي : كنت سامعك عند الباب
روان انفجعت : يتهيألك
لؤي: برضو تطلعيني مجنون ....وكنتي تصلي ماتبطلي تكذبي عليا يعني
روان ابتسمت لما حست انو حشرها بكلامه
لؤي : قوليلي ايش بك
روان كانت بتحكي : بنت الكلب
لري : هيي هيييي
روان طالعت فيه : هاا
لؤي : ايش السب دا
روان : تستاهل
لؤي : قولي الكلمه دي مرا تانيه وشوفي ايش حيسير فيكي
روان ببرود : بنت كلب
لؤي طالع فيها ووقف مشي : يابنت انتي ماتخـآفي مني !
روان وقفت : هههههههههههههههه اذا تاله ماتخاف منك اخاف انا ليش
لؤي ماقدر مايضحك : هههههههههههههههه طيب ياروان هيا كل سبه تقوليها حرمان من كنتاكي
روان : اممما لااا نفسي والله في الموتا زيجر
لؤي اتمحت الابتسامه من وجهه : ايش دا
روان : اللي طلبتلي هوا ديك المرا
لؤي مات ضحككك : هههههههههههههههههههههههههه وربي يقفلو كل فروعهم لو سمعو الاسم اللي نطقتيه
روان بعدم اهتمام : مع نفسهم مومقتنعه اصلا انو في سندوتشات لها اسامي
لؤي بجد لما فكر فيها حس الموضوع سخيــف : هههههههههههههه
روان مبتسمه لضحكتــه مهما تكون مضـآيقه كدا تبتسم معاه حتى لو ماضحكت
لؤي : فين موديتني
روان تمشي ولؤي معاها : مدري
لؤي : يابنتي دحين الشمس حتقتلنا خلينا نروح نروق
روان : فين طيب
لؤي يبى مكـآن هادي عشان يقدر يتكلم معايا .. : تشربي قهوه ؟
روان : لامابى
لؤي اتذكر : في محل اسكريم لزيز
روان : طيب
لؤي : تعالي نرجع السياره
روان وقفت على الرصيف ومدت يدها : لا خلاص ناخد تاكسي
لؤي : ايش البلاهه دي
روان : ايش فيه ...فلوس وعندك فين البلاهه بالموضوع
لؤي : ههههههههههههههه الله واكبر على عينك
روان :ههههههههههههههههه
تحب لما تقوله دا الكلام مرا ينفجع...
لؤي : يعني عندي سياره اخد تاكسي ليش
روان: عادي تعرف هرجه فين اذنك ياجحا ؟
لؤي : هههههههههههههههه ايوا
روان : خلاص احنا اليوم حنسوي زيو
وقـف تاكسي ركبـ هوا قدام وهيا ورا ... طول الوقت ساكتيــن لين ماوصلو للمحل اللي فيه
جلسـآت خاصه وكالعاده دا الوقت مرا فاضــي ...

دخلـت واول مرا حتاكل ايس كريم من دي الامـآكن جالس يقولها ايش دا وايش دي النكهه
اخد الموضوع عشــره دقايق وهيا تستهبل وتخلي الرجال يذوقها من كل شي
ولؤي يضحك : طلعتي عين الادمي
روان وتأشر على النكهه الاخيـره :طيب اذوق دا _ طالعت في لؤي _ مرررا لزيز ابا اخد المحل البيت معايا
لؤي : هههههههههههههه خلاص ولا يهمك اجيبك كل يوم
روان سوت انها استحت: ياخي انتا مافي منك عينه صغيره كدا احطك في جيبي واخدك معايا بكل مكـآن ..
لؤي : هههههههه لا ياتاخديني بكبري يامافي لؤي
روان طالعت فيه ومدت يدها مسكت خدو : يناااسو عليك اخدك بكبرك طبعا
سابتو لما الرجال طالع فيهم ومدلها الملعقه وهوا مبتسم
اما لؤي طبعا تنــح كالعاده مع حركاتها
روان وهيا تكلم الرجال : دا لزيز ابا من دا
كل وآحد اخد النكهه اللي يبـآهآ ..
روان تحط الملعقه الصغيره بفمها وهيا تتلزز بصوت: آآه وربي مومصدقه اني باكل ايسكريم بالموز وكدا لزيز
لؤي : اصلا مشهور بفواكه خلاص متى ماتشتهيه كلميني وانا اجيبك
روان جالسه في الكرسي اللي قدامه وبينهم الطاوله الدائريـه الصغيــره ...
خلصت ايسكريمها وهوا لسـى بياكل ..
لؤي فتح معاها الموضوع بعد ماطالع في الخربشه اللي بخدها : هديل كلمتني _ بكذب _ انا اتصلت عليها بسئل عنك وقالتلي ايش سار
روان سندت جسمها على الكرسي بدون تعليــق كانت مبتسمه اتمحت الابتسـآمه ...
لؤي : ماتبي تتكلمي
روان : بعد ماسمعت منها شايفني كمان غلطانه ؟
لؤي حط الملعقه في الصحن اللصغير الدائري وقرب للطاوله بااهتمــآم
لؤي : طبعا غلطـآنه اوك الحرمه ماتستحي وانتي ماقدرتي تمسكي نفسك فاهم دا الشي وعذرتك لهنـآ لكن لدحين تبي تتمشكلي معاها
روان وضعك مايسمح انك تدخلي نفسك بدي المواضيع
روان بهجوميه تتكلم وبقهر : اييوا احنا حقنا ضايع والمفروض ناكل زفت
لؤي : ماقلت كدا .. تقدري تتحاشي الادميـه وتسوي نفسك مو سامعتها
روان قربت للطاوله : ليش؟ ليش اضطراسمع كلام يحرق قلبي واسكت
لؤي : 100 سبب فيه اول شي لأنك مضطره ,لأنكم بنات عايشين لوحدكم ولو اعددلك ماحسكت انا مابقول دا الكلام عشان اقهرك انا بقولك الكلام اللي هديل تبا توصلك هوا وانتي مو مستوعبتو
روان مرا انقهرت : بلله قولي ايش كمـآن المفروض اتحمل في حياتي عشان غلطة اهلي ! اهلي رموني وانا اضطر اعيش متهانه طول عمري ولا ادافع عن نفسي عشان الست هديل وانتا تبوني امشي راخيه راسي
لؤي : انا بقولك في حلول تانيه تبيني اتكلم مع زوجها من عيوني حجي واحط النقاط على الحروف تبيني اشتكي لصاحب العماره حسوي اللي تبيه ابا الشي يجي مني انا مو منكم انتو
روان وعينها بعينو وتتكلم بااستهزاء : ولو جات بعدها تسبني المفروض برضو اسكت
لؤي اتنرفز لأنو من اول بتتكلم بدا الاسلوب : انتي ليش كدا بتتكلمي
روان : مدري عنك انتا بتقول كلام مايدخل العقل
لؤي : ليش فجأه سار مايدخل العقل مو كنتي تبي تحرقي بيت خالتي يوم مشكله هديل ليش ماروحتي حرقتيه ليش ماخدتي حق هديل زي ماكنتي تقولي عرفتي وقتها انو حتروحي بدهيه وغلط اللي بتسويه !؟
روان : انتا ايش قعدت تهرج مع هديل!
لؤي : ماتكلمنا في دا الموضوع قالتلي بس المشكله
روان : طيب
لؤي : انتي ماتبي تسمعي الا اللي في راسك !
روان : ايوا لا إنتا ولا هديــل لكم صلاح بدا الموضوع انا حره
لؤي اتنرفززز
من اول اسلوبها مستفزز وبيعدي
مو متعود يخلي احد يتكلم كدا معاه وكأنه قاعد يشتغل عندها ...
بتحذير : رووان اهرجي عدل معايا عشان لاأمشي واسيبك
روان نفسها تبــكي مقهوره ...مقهووووره .: شووف انا ماحضطر اتحمل اي اهانات تانيه في حياتي اللي شوفته يكفيني دي الفتره لحد يضغط عليا ويخليني اتحمل حاجه تانيه انتا شايف انو الحرمه بس سبتني بس انا خلاص شي بسيط ممكن ينكشني ويخليني اخرج عن طوري
حزن
بدأ يـــحزن
من صوته واضح انو هدي : طيب مو عشان كدا بقولك انا احطلهم حدود انتي لاتدخلي نفسك
روان بحقد : مااابى انا اللي ححطلها حدود
ولا ثواني الا رجــع اتنرفز تاني: لاحول ولاقوه الا بلله ياروان
روان : مالك صلاح قلتلك لاتحشر نفســـك انتا ايش لك اصلا
تتكلم معاه وكأنه هديــل
مابتجمل كلامــها
تحس انو المفروض يستحملها وخــلاص ...
لحظه صمت فجأه سحب جواله من على الطاوله : اعرفي تتكلمي عدل وبعدين تعاليلي ...
خــرج وهوا حزنــآن عليها بس مو قادر يتحمل تعاملها معــآه سايره تغلط كتيـر عليه
وهوا مو متعود يسيب لأحد مجال يعاملو وكأنه شغال عندو
عرف بس انها زعلانه وجاها على طــول وهيا مو شايفه حتى دا الموضوع وبتقل ادبــها
سبلها المحل ومشــي
لساتها جالسه تحرك رجلها بتوتــر
دمــوعها اتجمعت في عينها وكأنه سبها ماقلها اتكلمي عدل
دفت الكرسي وووقفت بعصبيــه
تتنفـس بســرعه
الرجال اللي في المحل طالع فيها مفجوع
وهيا خــرجت شافتـو يمــشي جات لعندو ومسكتو بعفاااشه : انا ايش سويتلك دحين !
طالع فيـها وكأنها جايه تضــربه
واسلوبــها تبا تتمشكــل
ماتعرف تصالح
ماتعرف
ومو قادره تخليه يسيبها ويروح
تباه يقعد معـآها ويتحملها
هديل وهوا يزعلو الاتنين حاسه بضعــف مرا
ماعجبتو حركــتها وبدأ يحس انو خفيف من ناحيتها جاي يراضيها ويدورلها حلول
وهيا تعصب ودحين بتكلم نفس الموضوع : روان انا طيب صح لاكني مو اهبل عشان اخلي وحده تعاملني بدي المعامله
روان بنفس الهجوميـه : انتا اللي خليتني اتكلم معاك كدا
لؤي حك رقبته بعد ماضحك مو راضيه تقتنع : اول مرا اعرف انو انتي ماتنطاقي لما تعصبي وانا اكره البنت اللي ماعندها كنترول على نفسها
روان : يعني انا معصبه وانتا بتزيدني
لؤي يعددلها : لا انتي معصبه وانتي بتغلطي عليا وانتي بتعامليني بااسلوب مستفز وانا مستحمل وسـآكت علاقتي معاكي بانيها مزح وضحك بس مو معنـآته اسير ملطشه عندك كل ماعصبتي ..والمفروض استحمل عشان انتي_ بااستهزاء _ والله عندك طقوس لما تعصبي ولازم الكل يستحملك
ايش يــسوي دينه ودين البنت العصبيـــه
اول مرا تشـوفه كدا وشـآيفته انـآني
لو بيدها تصرخ كل اللي في الشارع ومستحيل تخرج ولو نــص الانهيـآر اللي جوتـها سايـر
كل شي بتمــر فيه اكبـر منها كيف ماتنعمــي .. : عارف لو يوم شوفتك معصــب وانا عارفه انك مضغوط في حيـآتك وربي لأستحمل كل شي يجي منــك لأني اعتبرك زي اخويـآ وماأتمنــآك ماتلقى احد تخرج عصبيتك معاه
: انا ماقلتلك لاتعصبي قلتلك احترميني انا لوماأعزك ماكنت جيتك بدا الوقت عشان مارديتي وابا اطمن عليكي

طالعت فيه وبعدها مشيـــت وسـآبته وهوا واقــف
غمض عينــه وفتحها مو راضيه لســى تفهم...
مستعد يستحمل عصبيـتها بس ماتقل ادبها عليه ..!
مو صعــب اللي بيطلبــو !
متعاطف معاها
تبا تصرخ تصــرخ تبا تهزأ وتحكي حيسمعلها لبــكرا بس مايتعامل كدا
شافها ركبــت السياره بس مالحقـها
حس انو ماحيوصــل لشي وهيا معصبــه ...
كلامــه وآضــح وهيا محورت الموضوع وطلعت المظلومه في النهـآيه
طيــب وكل شي لكن شخصيـته تطيح من عينه لو بنت تعامله كدا ويســكت
في دي النقــطه هوآ قاســـي ...في دي النقطه حيحط حدود للعلاقه
وقفــلو تــآكسي ومافيه حيل يشرح اشرلو يلحق السياره اللي قدآمه
رايح ياخد سيــآرته ام المرمطه اللي حيمـر فيها دحيـن ...
,
.
,
وصــلو الحاره مع بعـــض ... موقف بزبط سيــآرته قدام العمـآره دخلت العماره
وهوا يطالع فيـها وفجأه قفلت الباب باأقوى ماعندها
وقف عند سيــآرته مابين انو يستمر ولا يرجع يتكمل معاها ...
بعد دقيقه بس وماأخد الموضوع كتيـر منو فك بــآب السيـآره ومشــي ...
يباها تفكر بينها وبين نفسـها تتذكر قد ايش وقــف معاها ومستعد يوقــف كل مره لكن لما تتتعرف تتعامل معاه ...

الرد باقتباس اقتباس متعدد لهذه المشاركة الرد السريع على هذه المشاركة
{[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 615 إضافة تقييم لـ d3do3aa التبليغ عن المشاركة
قديم(ـة) 22-06-2017, 02:11 AM
d3do3aa d3do3aa متصل الآن
©؛°¨غرامي فعال ¨°؛©

شعار التوحيد

تاريخ التسجيل: Mar 2011

رقم العضوية : 703342

المشاركات : 625

تقييم العضوية : 7056
d3do3aa has a reputation beyond repute d3do3aa has a reputation beyond repute d3do3aa has a reputation beyond repute d3do3aa has a reputation beyond repute d3do3aa has a reputation beyond repute d3do3aa has a reputation beyond repute d3do3aa has a reputation beyond repute d3do3aa has a reputation beyond repute d3do3aa has a reputation beyond repute d3do3aa has a reputation beyond repute d3do3aa has a reputation beyond repute
الدولة: المملكة العربية السعودية
الافتراضي رد: روايتي الثالثه : طفولة ملوثة بالواقع

إبتســآمتك اللتي تأخد حيزآ صغيرا من وجهـك ...
تأخذ حيـــزآ كبيـــرا من قلبــي ...

ضآمه يدها ومسـويه انها زعـلآنــه منو ماتبـى تتكلم معــآه قهرها مرا وهوا يتغزل فيـها
مو متعوده تسمع دي الكلمات الا من اللي يمشو في الشارع ويرمو كلام ولاتعرفهم حتــى ..

امــآ هوا عـآشق زعلها كل شي فيـها حابو نفسو يراضيــها بس مو عارف كيـف
يحس نفسه يعاملها كأنها طفله ويبوسها بخدها .. بس لساته متمسك بموقفــه وحيستفزهــآ
وطبــعا فيه كآئن ثالث معاهم بالمحل مالو دآعي بس مستمتعه وهيا تتفرج
تحس سار الدوام ممتع اكتــر نفسها تجيب فشار وتتفرج عليهم طول اليوم ..
ترف واقفه تبا تعلق الجـآكيت في العلاقات المرتفــعه بالجدآر نطت مرا .. مرتيــن
وبعدها حست بطوله جمبها ويبا يضحك : اديني ياقصيره
ترف متنرفزه : مالك صلاح
براء حط يدو على قلبو : والله قلبي يوجعني لما تكلميني كدا
ترف : احسن انا اباه يوجعك
براء انفجع :اعوذ بلله منك
ترف كانت تبا تضحك بس شمقت بوجهه
براء اشرلها : يلا يلا نطي كأنك سنجاب وربي
ترف وسعت عينها وضربتو بالعلاقه اللي الجاكيت معلق فيها : برااااء
ميل جسمو وهوا يضحك :بشووويش
ترف تحس انها ضربتــه بقوه بس مو ندمــآنه قهرها التشبيه :والله ماتستحي
براء : هههههههههههه اسمعي ايش خسرانه لو حكيتيني
ترف قربت منو : انتا مجنون ؟!
براء بجديه وهوا من جوته يبا يموت ضحك على تعابير وجهها المصدومه : لا ابا اعرف
ترف لساتها تهرج بهداوه وتبا جواب : ايش لككك ليش حجي احكيك يعني !
براء : مو انا المزز حقتك !
ترف انجلطت من الكلمه صرخت بكل صوتها بالمحل: برااااااء انتا بعقلك انتا انتا اليوم فيك شي !
براء ماضحك ولا اي تعبير بوجهه : لا قلتلك ابا اعرف ايش بك
ترف باانفعال : ولللليش حقوولك
براء متجنن على انفعالها شكلها كدا كائن صغير ومعصبه مرا عاجبــو
بنفس الجمود وملامحه اللي مالها اي معنى : انا حر انا ابـآ اعرف
ترف طالعت في ميرنا : بلله شيلي دا الادمي عني
ميرنا : هههههههههههههههههههههههه
براء ولأول مرا يمزح مع ميرنا : لاتحاولي صدقيني ماحتزحزح من مكـآني
ترف رفعت يدها وهيا لسى مستصيبه من اصراره عبيط عبيط بجد غلبها : انتا مجنون سؤال مجنون ولا ايش وضعك
براء : لا ياقلبي مو مجنـ
ترف عصبت بجد رفعت يدها وضربتو بقوه على كتفووو ووجهها حمر : لاتتتتقولي قلللبي ماتفهم ماتفهم
ميرنــآ : هههههههههههههههههههههههه
براء ولا ضحك بجد كأنو الموضوع جدي بالنسبه له اتكلم بهداوه : شوفي ياترف حكيني وانا حسيبك كدا يخلص الموضوع
ترف : وربي حتى لو كنت افكر احكيك اول ماححكيك دحين _ حطت صباعها على راسها وهيا مرا تنرفزه تتكلم زي الصغار _ كدا مزاااج مزااااااج
براء حرك راسه باأسف ومشي وهوا يقول : شغل اطفـــآل
اتــوجه للطاوله وتـرف تطالع فيه مصدومه وترمش بعينها
اشرت على نفسها : انا برضو اللي شغل اطفال اجل انتا ايش اللي بتسويه دا
براء فك بكت الدخان: ولاشي قلتلك ابا اعرف الموضوع
ترف تطالع يمين ويسـآر ورجعت تطالع فيه مو عارفه باايش تضربــه : يااااربي يااربي انتا ليش كدا بتتكلم وكأنه حق من حقوقك وانا مابديك هوا
براء في يده الدخـآن ولسى ماولعه : سؤااال فين سار الموضوع _ طالع في ميرنا _ بلاشي نتكلم خلاص
ترف طالعت فيه مفجوعه وبعدها بميرنا اللي فهمت شي تآني : اخصريكي منو كنت عند امه امس
براء اشر على نفسه : يعني في بيتي
ترف وجهها كلو زي النار سااير : يعني
براء بااستفززززاز : اي شي يسير في بيتي ليا حق اعرفه _ طالع في ميرنا _ صح ياميرنا
ميرنا ببلاهه : ايوا
رفع كتفه وهوا كدا حسم الامر : خلاص
ترف طالعت فيها : اقول انتي التانيه ايش بك
ميرنا : ههههههههههههه مدري ايش هرجتكم خرجوني من الموضوع
ترف حطت الجاكيت في العلاقات اللي تحت وجات لعند طاولته وقالت : والله وااللي خلقني يابراء اني ماحتكلملك في الموضوع
براء خلاص لهنا وماقدر ضحك من قلبــه وكأنه في كباريه : ههههههههههههههههههههههههههه خلاص سامحتك
ترف : على ايش سامحتني ! اهبل انتا !
براء رجع يضحك تاني شكلها يضحك مرا لما تكون متنرفزه مو صعب احد يستفزها : ههههههههههههههه والله سامحتك
ترف تطالع فيه وبعدها بميرنا : دا بيكلم مين !
براء : انتي ياعمري
ترف طالعت فيه مفجوعه وشالت القاروره اللي بيدها كانت بتقوله والله برميها الا بجد اترمت بوجهه بالغلط
شهقو التلاته مع بعــض
براء مســك خشمــو ...ووقف على طول
وترف حاطه يدها على فمها وتتكلم: انا اسفه انا اسفه والله مو قصدي

اتوجه للمخــزن وهيا لحقــت وراه وتناديــه : برااااء
كانت بتقرب منـه الا رفع يده من بعيد عشان لاتقــرب
ترف وقفت بطاعه في مكانها وهيا تسئلو : عورتك _ استوعبت الرميـه _ انا اسفه والله ماكان قصدي
براء ولساته مغطي خشمو : جيبلي منـآديل
ترف شهقت : لاتقول فيه دم _ استوعبت انها تبا جواب خرجت بسرعه وجابت كرتون المناديل وميرنا واقفه عند الباب _
ترف سارت قباله وبيدها الكرتون سحب كدا منديل وحط على خشمو بسرعه
نزل جسمو وجلس في الارض وهيا نزلت جسمها وراه بدون ماتحس جالسه على ركبــها وتطالع فيــه
وتهرج بهدوء : يوجعك
: شكلك كسرتيلي خشمي
ترف رفعت يدها اللي تتنافض عند فمها: معليش والله _ صوتها سار يبا يبكي _ طيب تعال نروح المستشفى
براء رفع عدسه عينه على عينها وهوا شايف الخوف : لا مابى
تـرف بااسلوب ترجي : الله يخليك تعال عشان اطمن
براء قلبــه سار يدق بسـٍرعه مرا وترته وهيا تتكلم
نزل يده من على خشمــه
وبكل ضعف قال: مو هاين عليا استهبل عليكي اكتــر
خشمــه محمر بس مافي دم ولا حــآجه
رمشت بعينها مو عارفه تتنح عشان الجملـه اللي قالها ونظرتــه
ولا تهزأه من كتر ماخافت عليـه

امــآ ميرنا بس شافت النظره ونبرة الصوت سحبت نفسها من المكــآن على طول
ترف مو مستوعبه : من جدك انتا
براء رفع حوآجبه الاتنين وملامحه كدا هاديـه : والله ماقدرت اكون شرير نظرتك حزنتني
ترف وقفت وقلبها يدق بسـرعه
مو عارفه ايش تقول
تاخد موقف وتهززأ
ولا تستحي وتخرج
ولاتبكي وخلاص
كدا ميــة شعور جـآهآ
حاولت ترتب جمله
طيب كلمه مو شرط جمــله بس مافــي ..
رجعت خصلة شعرها ورا ادنها بيدها اللي تتنافض وقالت بدون ماتحس : حرام عليك
على طول وقــف وكأنها هزأته : والله ماتوقعتك تخافي
تـرف ايوا جاها السبب لين عندها هيا تبا تبــكي لأنها منحرجه
حاسه بشعور غريب اتجاهه
ماكانت خايفه لأنه هيا عورته خايفه لأنه اتعور وبيتألم
اتجمعت دموعها حولين عينها : لاعاد تسوي دي الحركات
براء قلبه وجعه من ملامح وجهها صدقها طبعا : امــآنه لاتبكي ترا وربي حكره نفسي
ترف ضمت يدها بتوتر : ماحبكي انفجعت بس
براء عدسـه عينه مانزلت من على عينها : والله اسف
ترف تبا تخرج وتشرد من نظراتــه : خلاص طيب _ اشرت على برا _ بروح لميـرنا
كدا تصــريفه وبــس شردت وهوا زفر بصوت مسموع
" حتوقف قلبي بنظرتها بــس "
دا اللي حســو وهيا قريبه وتتكلم معـآه ..
خرجو الاتنين من المحل بــس فيه توتر كبيــر
ترف مو عارفه ايش تسوي
كل شويا تعدل شعرها تعدل بلوزتها تمسك اي شي باارتبــآك ...
وهوا بيحاول مايطالع فيــها لأنه اي احد يدخل ساار يطالع فيهم الاتنين وشكلهم مفضوح..
نزل عينه على الورقه اللي قدامه ومسك القلــم
ومرت اكتــر من ربــع سـآعه وبعدين استوعب انو كتب بالورقه كلــو تــرف
وفجأه سار يشخمط بســرعه قبل لاأحد يجــي ...
رفع شعره باارتبــآك على ورا وخـرج من المحل
لما يوصل لدي المرحله لازم يروح لمكان هيا مو فيــه عشان يريح دقات قلبـــه المجنونـــه ...

امــآ هيا اول ماخرجت خرجت الهوى اللي حابسته من اول بصوت عــآلي
مرتبــكه بشكل مو طبيعي
ماصدقت خــرج ...
جوالها دق واتوجهت للطاوله اللي براء كان واقف عندها اخدت جوالها وردت على سامي : ايوا سامي
عينها على الورقــه االلي كلها مشخمطــه عقدت حوآجبها مو عارفه ايش الشخاميط دي
سامي : انا راجع البيت اجيب غدى معايا ؟
ترف : لا حبيبي انا حجبلك من هنـآ
سامي : طيب لاتتاخري مرا جيعان
ترف : طيب خلاص ربع ساعه ويخلص الدوام
سامي : طيب ...
قفلت ورفعت الورقه وهيا مو مستوعبه ايش دا وفجأه شافت الورقه اللي تحتها محفور اسمها بكل الورقه
كان يكتب ترف بكل قوتـه ومو حـآسس وبيطبع بالاوراق اللي تحتها
رمت الورقه بكل ارتبــآك
رجعت كل شي مكــآنه وراحت تجلس على طاولتــها
وهيا تحس قلبها يدق بجنون
ويدها تتنــآفض
ليش ليش رفعت الورقه
ماتدري ندمــت ولا ايــش بزبــط
بس مو عارفه ايش بيسير فيها
هيـآ خايفه من ايــش بزبط
منــه ولا من نفسـها !
رفعت عينها وتحس لما شافتو داخل المحل معدتها وجعتها بدون سببب
كدا شعور اول مرا تحــس فيه
نزلت عينها من عليــه ووقفت باارتبــآك دحين دورها تشـرد وجهت كلامها لميـرنا : بروح اشتري غدى وراجعه
شــردت بســرعه ...وهيا مو قادره تخفف النفضه اللي فيها
قاعد يفكــر فيها ..!
قد اتعرضولها شباب كتير بس ماقد شافت دي النظره اللي بعينه
اشترت اول شي مويــه تبرد قلبــها شويــآ
وطلبـت بعدها اكل لها ولسـآمي
جلست على اقرب كرســي وبيدها الورقـه حق الانتظـآر
دخلت باقي الفلوس بجيبـها
مرت عليها الدقـآيــق ....
وهيا مومستوعبه ايش يسير معاها
دوبها بدأت تهدى الا حست قلبها طاح لما شافتو جاي بااتجاهها
نفسها تشرد
مراماتبى تشوفــه
" كأنو ماسار شي كأنو ماسار شي "
بتحاول ماتبين انها ماشاف شي بس خدودها حمرت اول شي ماقدرت تتحكم فيـه

وبدأت تحرك اصابيع يدها على جيب الجينز بتوتر لين ماوصل عندها: اتأخرتي
ترف : مستنيه اخد الاكل
براء : لسى ماخلص ؟
ترف استوعبت ووقفت : الا ..
براء مد يدو: هاتي اجبلك الطلب
ترف ماعارضت مدت يدها وعيها على الورقه وعلى يدو اللي اخد الورقه ومشي من قدامها ..
تطالع فيه وهوا يبعد بدون ماتحس ابتسمت كدا هيبــه تحسـو
فجأه شافتـو اجمل واحد قاعد يمشـي بالمكـآن
رخت عينها وعقدت حوآجبها " ايش البلاهه دي "
ضمت يدها تحت صدرها ومستنيتو يجي ولا دقيقه الا جـآهآ
وكل واحد قاعد يكــآبر
قاعــد يحبس الاحسايس الغريبه اللي جوتو
الكلام سطحي بينهم خدي
شكرا
عفوا
يلا نمشي
باخد شنطتي
طيب
مشيــو الاتنين جمب بعض بعد مااخدت شنطتها ضاغطه على حبل الشنطه بكل قوتــها
عشان تخفف ارتباكها تحاول تشتت تفكيرها عشان ماتتوتر
وهوا نفـس الشي وقفـلها تاكسي اداها كيس اللاكل ركبـت والكلمه اللي تخليها تروح في خبـر كآن : طمنيني عليكي لما توصلي
ماينسى يقولها دي الكلمه في الصباح والمسـآء
حتى وهوا زعلان اخر مرا قلها
انقفل الباب وهيا سندت جسمها وابتسسسمت بااحراج

امــآ هوا اتـوجه لسيـآرته ...
خلاص اقتنــع انو يحبــها ...
يكذب على نفسه لو فيه تفسير تاني
اوممكن تكون زي اي وحده ...
رفع جوآلــه وحيبدأ ينهي وضــعه مع ميـسآ : الو .. كيفك ... ممكن نتقابل اليوم .. لا اباكي ضروري ... طيب سلام .
صـح ماعنده جرأه يعترف حاليـآ لترف بس بيعيش اللحظه اللي حاسسها ..
ونفسـه يعرف ايش حكـآيتها _ زفر بضيق لما اتذكر مشاكلها _
خايف من قصتها مرا ...

وســلآما على من وجـد الكلام لايغيــر في الواقع شيئـآ " فصمت "
فطرو بعـدها رآحو ستـآرباكــس ..

حط راسـه على الطاوله وهوا يطالع فيها وهيا جالسه بالكرسي اللي على يميـنه
قريبه مو بعيــده .. اجواء رايــقه ... مو مرا زحمـه
عينه تبا تغمــض
هديـل ضحكت : ايش السدحه دي
بشـآر حاتط يدو وراسه فوق يده ويطالع فيها : ههههه خلاص تعبت بعد الاكل
هديل : المفروض تتنشط بعد الفطور
بشار : دا لما تكون دوبك صاحي
هديل مسكت جوالها: طيب خلاص خلينا نمشي وروح نام
بشار غمض عينه وفتحها : مافيا حيل اسوق
هديل : ههههههههه وبعدين يعني
بشار : دحين تجي القهوه حفوق طلبت قهوه تضرب في الدماغ لو ميته نوم تنصرعي وتقعدي 5 ايام صاحيه
هديل : ولللليش التعذيب دا
بشار : عشان عندي اشغال بعد الظهر
هديل : مو على اساس اخد اجـآزه !
بشار : لا مع اهلي
هديل : اها
بشار غمض عينه : اتكلمي عشان لاأنام
هديل سندت يدها على الطاوله :اممم طيب انا حسئلك وانتا جاوب
بشار فتح عين ومغمض التانيه : ايش اللعبه السخيفه دي
هديل : هههههههههه قووم والله حلوه
بشار رفع جسمو بالقوه : طيب
هديل: عشان اتعرف عليك اكتر امم تحب القراه ؟
بشار : لا
هديل : ممل
بشار : بالعكس القرائه ممله اي شي ابا اعرف عنو افتح اليوتيوب واسمع
هديل : طيب ايش الاشياء اللي تشدك
بشار : احب اسمع كل شي لكن حاليا قاعد اتفرج سلسله القادمون عن الماسونيـه
هديل عقدت حوآجبها : ايش يعني ماسونيـه
بشار جلــس يحكيها وهيا مفجوعــه وتسمعـلو ..جات القهوه شربو ورجعو كمــلو كلام
خرج جواله وفتحلها اليوتيـوب ويوريها مقطع مقــطع ومرا مندمجــه
تقرب كل شويـه ... وبينهم الجوال ويرجع يرفع راسو ويطالع فيها ويشرحلها
مرت نــص ساعه بدون مايحسو وهمآ يتنقلو من مقطع لمقطــع ...
هديل : والله مو قادره اصدق انو في شي زي كدا
بشار : تعالي تعالي _ يدور في اليوتيوب
هديل ضحكت وقربت : هههههههههه ايش كمان
بشار : دحين اوريكي شي اسمو الرماديون دول مخلوقات عايشه في جوف الارض
هديل شافت شكلهم وانفجعت : بس ياااشيخ مستحيل في شي زي كدا
بشار : شووفي لما تجلسي تبحثي تحسي انو ممكن بجد فيه شي زي كدا يعني انتي ماتؤمني انو ممكن في مخلوقات فضائيه عايشه
هديل : لا طبــعا
بشار : يابنت انتي مرا مو حماسيه
هديل : هههههههههههههههههه وانتا بتقول كلام مايدخل العقل
بشار : ليش مايدخل العقل دقيقه يامستفزه
فتحلها جوالــه وقعد يوريها المقـآطع ورجع يحكيــها ..
ويقولها ايش وكاله نـآسا وايش دورها من ناحيه المخلوقات الفضائيــه وهيا متنحه بمعنــى متنحه اسلوبه وكلامه يشد ماتباه يسكت
بعد ماخلص كلامه قالت بهدوء: انتا مجنون
بشار : ليش
هديل : حسيت اني مو عايشه بعد ماشوفت دا كلو
بشار: هههههههه انا احب اسمع دي المواضيع وبدأتها وانا صغيـر تقريبا كان عمري 17 سنـه كنت سايكو شويا هههه
هديل : ايش يعني سايكو
بشار : يعني بس منفسن ولوحدي المهم حاولت اتعلم الاسقاط النجمي وكيف الواحد يقدر يخرج من جسمه
هديل : من جدك
بشار : والله
هديل بفجعه : انا انا مو فاهمه اصلا كيف الواحد يخرج من جسمه
بشار : وقت النوم لما الواحد يدخل في حاله الاسترخاء ويكون عنده قدره كبيره على التركيز يقدر يفصل جسمه عن روحه ويبدأ يشوف كل شي حوليه ويروح لأي مكان
هديل : انتا تستهبل ولا من جدك
بشار : وربي بجد فيه تجارب لناس كتير انها زبطت معاهم وقامت عليها دراسات وبحوث والكل اثبت بوجود دا الشي وفيه ناس كتير يعتبروه زي الجاثوم دول طبعا اللي مو قادرين يقتنعو لكن لما تقراي عن الموضوع يعتبر الاسقاط النجمي كان منتشر من الشعوب القديمه زي الهنود والمصرين واتلانتا وعلى فكره في طقوس خاصه عشان تقدري تسويه
هديل : ايش هيا ؟
بشـآر : اول شي له وقت معين قبل الفجر ولا بعده عشان يكون العقل نشط والجسم لساته تعبان تبعدي عن الازعاج وتنسدحي في مكان مريح بعدها تبدأي تخرجي كل الافكار من راسك وتركزي بس بجسمك

وكمللللها كل الخطــوات وهيا تحس اول مرا تعرف عندي الحاجات ومو قادره تستوعبــها ...

هديل فجأه مسكت قهوتها ولقتها فاضيه : خلصت مع الحمـآس
بشار : ههههه اعتبريني كتـآبك من بعد اليوم انا يسموني اصحابي الموسوعه اي شي تبيـه عندي
هديل : هههههههه ماشاءالله عليك _ تبا تقهره _ بس بعض الاحيان ابا اروق وماأسمع اززعاج فاهم
بشار : صوتي مزعج !
تحب تحب نظرته لما تحشـه تبا تضحك
باين واحد ماتعود غير على المدح ...
هديل : لا اقصد _ ماحبت توضح عشان يتنرفز _ خلاص خلاص المهم ليش كنت منفسن وانتا صغير
بشـآر :والله دوبني بديت احبك
هديل: هههههههههه ايش بك
بشار : مستفزه
هديل : ههههههههههههه معليش انتا فهمتني غلط المهم جاوبني
بشار مو عارف ايش يقول اتذكر هرجه الطلاق وقلها بتصريـف : عشان امي وابويا ومشاكلهم
هديل : اهاا مو قلتلي انو وانتا صغير كانت هرجه الطلاق ....لما كبرت سار ابوك مو في البيت
بشار مستمر على كذبـته : ايوا ديك الفتره برضو رجعت مشاكلهم
هديل : اهـآآ
بشار ابتسملها : والله انتي غريبه عمري ماشوفت بنت حاليا مو مهوسه بجوالها
هديل: ماتهمني دي الحاجات جوالي اهم شي يتصـل وخلاص
بشار: كويس لسى العالم بخير
هديل ابتسمتلو وبعدها قالت : والله ماشاءالله عليك فوقت ..
بشار طالع في كوبـه الفاضي : ماسبت ولا قطره
هديل : ترا لدحين المواضيع المجنونه اللي قلتلي عليها في راسي
بشار ابتسملها : انتي اقراي عنها وحتسيري مهوسه زيي
هديل : انتا ابحث وحكيني
بشار: ههههههههه كسل ياساتر
هديل : لما قلتلي شرطي حسيتك واحد كدا المفروض يكون قاسي وسطحي و
بشار قاطعها : ايش الفكره دي اللي اخدتها عننا
هديل : مدري دايما اشوفهم يصرخو واخلاقهم في خشمهم
بشار: من اللي نشوفه انا احب اقرا دي المواضيع بسبب الاشياء المجنونه اللي اشوفها كل يوم فاخلاص لما ارجع البيت ابا اسمع شي مافيه خطف وقتل ومشاكل اعيش حاله سلام مع نفسي
اخدهــم الكلام سـآعه تـآنيه وهديل انتبهت للوقــت
: يلا انا لازم اروح الدوام
بشار : طيب _ استوعب _ انتي كملتي جامعه !
هديل : لا
بشار: ليش مادرستي يعني مع وضع اهلك كان شديتي حيلك بالدراسه عشان تضمني مستقبلك
هديل : لا انا بابا تعب من وانا ادرس واضطريت اسيب كل شي واشتغل
بشار : من متى سبتي الدراسه !
هديل بكذب : متوسط
بشار بتفاجئ : اووف مرا بدري
هديل : ايوا
بشار : ايش اشتغلتي وانتي بداك العمر
هديل اتذكرت ام دلال اللي كانت بحارتهم القديمه : ماما خياطه وانا اساعدها _ ماكانت شايفه انو الموضوع فيه شي وكملت _ وبعض الاحيان لو لقت مكان تنظف وتشتغل عند احد تاخدني معاها
بشار بيحاول مايبين انو مصدوم
بيحاول مايكون حقيــر مع دي البـنت
صح اتعرف على بنـآت بيعانو بحيـآتهم بس اختارو طريـق وسخ يمشو فيـه عشان يكملو حياتهم
دي لا في حـآلها : وكيف حال امك دحين
هديل : خلاص كبـرت ماسارت تقدر تشتغل على مكينتها ولا تروح لأحد وانا بصرف عليهم
بشـآر : الله يهدي ابوكي اجل بتسوي شي مية رجال مايسويه حاليا
هديل ابتسمتلو وساد الصمت بينهم
فامسك جوالـه : تعالي اوصلك
هديل : لا مو مشكله بروح بتـآكسي
بشــآر اصـر عليها وهيـآ قامت راحت للصـآلون من بدري عشان تنظف وتلحق تروح لعــلا ..

عايــش باأكتر لحظه كان مستنيــها له فتــره طويلــه ..
متوتــر
خـآيــف ..
مد يدو على الطاوله اللي قدآمــه واخد الملآحه
زي امو لما يتوتــر يبا يمسك اي شي
يحركها باازعـآج على الطاولــه لين مادق جواله وشاف الاسم رد على طول
قـلو فيــن قـآعد واول ماشاف واحد ماسك جواله وبيتكلم وقـــف وقلبه يدق بســرعه
اتفقــو يتلمــو عند اقـرب مطعـم من بيت سـآمي
مطــعم بسيــط يبيع اكــلأات شعبيــه ...

تــآمر دخل جوالــه لما عرف انو دا هوآ
مرا انصدم اتوقع حيلقــآه طفــل بالشكــل
لكن اخد طولهم وحتــى يشبهــم
طويل بنسبه لواحد بعمـره طبعا
وصــل لعنده وللحظه ماعرف كيف يســلم عليـه
لكن ســآمي ماسبلو مجـآل لما حضنــه على طوول

سـآمي ابتساامه على وجهه مو قادر يخفيـها
وعينه مليــآنه دموع
شعور ملخبــط
بين انك تبا تضحك
وتبا تبـــكي
جسم يتنــآفض
دقـآت قلب ســـريعه
بعد عن خاله وكل شي باين في وجهه : اخيرا شوفتك
تــآمر ابتســآمه مالها اي معنى بوجهه
ولد اختــه
بزورة ليــث كلهم يشبهه امهم محد طالع عليــهم
دا اي احد حيوشوفو حيقول دا ولدهم
قال بصدمه : ماتوقعتك كدا
سامي ضحك ومسح دموعه بسـرعه
تـآمر مو قادر يستوعب مشاعره
دا وهوا مايعرفهم
وكدا باين الحب بعينــه
جلسو على الطــآوله وفجأه الكلام كلــو ضـآع
تامر زادت ابتســآمته : والله كان المفروض ارسلتلي صورتك عشان لاأنصدم
سامي ضحك
وتـآمر كمــل: ماشاءالله عليك رجـآل ساير
سامي بتوتر يتكلم: والله انو ليا فتره طويلــه احلم بدا اليـوم
تامر قرب للطاوله : انا اتخيلت دااليوم لكن مع واحد شكلو صغيــر وقصير زي ترف
سامي : ههههه انا وهيا حاليا بنفس الطول
تامر : ههههههههه ماشاءلله اصبر سنه ان شاءلله وتتعداها
سـآمي : ان شاءالله باقي بس اشوف خالي ليث وخاله لمى وجدتي
تامر اختفت الابتسامه من وجهه : ليش انتا شوفت تميم !
سامي : ماجلست معاه لأنو ماما ماتبى
تامر بصدمه زياده : ترف شافت تميم !
سامي باهتمام قرب وماحيقدر بعد الانتظار دا كلو يتكلم معاه بسطحيه
اتكلم بااسلوب واحد اكبــر من عمره ... عارف ايش بيقول : شوف ياخالي انا حاولت بكل الطرق اني ارجع اشوف اهل ماما وماكنت ادري انو عندها اخوان على بالي بس امها وابوها الفتره الاخيره عرفت وهيا كذبت عليا لأنها مجروحه منكم وماتباكم في حيـآتها عشان كذا انا عرفت عياده خالي تميم واخدتها هنـآك لكن ماسار شي كنت اتمنـآه عصبت ومشيت وانتهى كل تخططيطي قبل لايبدأ اصلا فقلت ححاول اقابلك اتعرف عليكم وبنسبه لها مسأله وقت ان شاءالله
تـآمر يطـآلع فيـه وهوا يتكــلم مصدوم
عمره 11 سنــه زي بنت ليــث
متأكد انهم حملو مع بعــض
بنت ليــث صغيره
كلامها على قدها
دا لا !
سامي شايفه ساكت : ايش بك
تامر رجع على الكرسي وضحك بتشتت : لساتي وربي مصدوم حسيت انو مر على الموضوع 30 سنه مو 12 سنه المهم انا مو عارف ايش اقولك والله ماتوقعت لو جيت اقابلك نفتح دي المواضيع
سامي : انا مبسوط لأني شوفتك بس ابا اتكلم عن اللي جوتي عشان اعرف ياش وجهة نظركم بالموضوع ماما مو راضيه تتكلم عنكم وماتباكم بحاول فيها انها تجي وتعتذر بس مو راضيه انا _ بااسلوب واضح فيه الترجي _ انا اباكم تسامحوها حكلمكم كلكم واسوي اللي تبوه بس تسامحوها
تـآمر حاسس انو صغيــر جمب كلامــه مايبى يجرحه
مايبى يقهره ..ومنصدم انو عارف انها سوت شي كبيــر
يعني حكتــه ..!
تامر : والله مو عارف ايش ارد بس لو عليا انا مسامحها بس البقيه لسى حتسير مشاكل كتيـر
سامي : مو مشكله انا حتحمل كل شي لو جدتي زعلانه لدحين حجي ابوس يدها وراسها عشان ترضى
تامر بينكســر مع كلامــه
الخطوه اللي يبا يسويها مجنونه مجنونه
مايعرف ايش عواقبها
يقول طيب ولا يرفــض
تامر : معليش ياسامي بس انا جيت وحسبت حنتكلم عن دراستك وحيـآتك الكلام اللي بتقوله صعب انو يسير حاليا
سامـي : ليش خلاص سبتوها فتره طويله من حيـآتها لين متى
تامر :قرب تاني للطاوله وهوا مقهور : والله ياسامي لو عليا اخدها بيدي وادخلها البيت بس امي مريضــه وليـث لو شافها _ سكت وبعدها قلو الصراحه عشان لايتهور _ ممكن يقتلها
سامي مرت لحظت صمت عليــه قال بهدوء: يقتلها ليش !
تامر مكسوف انو بيتكلم مع صغيــر بدي المواضيع
بس كلامـه مايدل على صغر سنــه
مو عارف ايش يســوي
حس للحظه انو ندم عشان جــآه ..
لما تامر ماهرج سـآمي اتكلم : عشان غلطت مع ابويا صح !
تامر انفجع وهنا السؤال اللي خرج من تامر بدون مايحس : انتا تعرف مين ابوك ..
سامي : لا انتا تعرفه !
تامر : لا طبعا
لحظه صمــت تانيــه وبعدها قال
سامي : انا ماما حكتني كل شي ماخبت عني وعلى كلامها انها كانت صغيـره وماتعرف شي
تامر مصدوووووووووووووووم لأنه حكتــه عن شي ززي كدا
كيف كيف قدرت تقول لولدها الكلام دا
كيف قالتلو ماتعرف
يعني ماشافتو !
ولا ايش بزبط
مو قادر يستوعب تامر لدحين انها ماتعرفه
والشي اللي قاهره انو هيا متستره عليــه لسبب
واللي مستوعبينه كلهم انها تحبــه
عشان كدا سكتت
ماينسى مرا لما كآن حيزورها في الاصلآحيــه
بدون محد يدري
وعرف انو فيه اتنين زاروها ..
متأكد انو مو اخوآنها ..
فيه احد بيجي يزورها كل بعد فتره كآن
واحد
متأكد انو هوا ابــو سـآمي ... ووقتها مشي ومادخل يشوفــها ...
تامر حاول يتكلم بعد صدمــه مرت عليـه : ايوا عشان غلطتها
سامي : انا عارف انها غلطانه وبعض الاحيـآن اشوف اني بنظلم بللي سار انا محتاجكم وبنفس الوقت محتاجهها ماقدر اعيش بدونها
يمكن لو انا كلمت خالي ليث يعرف انو ماما اتغيرت وداك شي سار في حياتها زمان غصبا عنها
تامر : سامي والله ماأنصحك تكلمو انا اخوه وبقول عنو مجنون أهو انا عندي قابليه اسمع لكن ليث مايسمع
سامي : طيب جدتي ممكن تسمعلي
تامر اشر براسه بنفي وهوا مستصعب الموضوع : والله صعب
سامي : الله يخليك اديني فرصه لو ماتبا تسمعني حخرج من البيت وكأنه ماسار شي
تامر يطالع فيه ومو عارف يــرد
سامي رجع يترجى : والله ياخالي ماحتسمعو سيرتي لو جده رفضت الموضوع مرا وحده بس اكلمها بس مرا
تـآمر بلع ريقه : طيب بس افكر اول بالموضوع
سامي : طيب مو مشكله فكر وانا حستنى ردك _ سكت وبعدها قال _ طيب دام انتا مسامح ماما ليش مقاطعها ولا هيا مقاطعتكم دا الشي انا اللي مو عارفه
تـآمر دا السؤال ماعنده رد عليــه.. غير الموضوع : قفل دي السيره كلمني عنك ابا اعرف ولد اختي ايش مسوي بحياته حكيني عن ترف كيف شغلها
سامي قفل الموضوع زي ماطلب واخده الكــلأام معــآه
فيه رجـآل يتكلم معــآه
ضحكــه مع بعــض
اتكلـــمو ..اتغدو وخــرجو يمـشو وعرف انو سـآمي مجنون كوره زي ليــث وهوا صغيــر
عرف انــو سـآمي مجنون احمــد مكي والمسلسلات المصـريه اللي تضحك زي تميــم
عرف انو زوقـه بالأكلات اغلبــها زيــو
نسخـــة مصغــره من عيلتهم كلهم
اخد من كل شي لدرجه يتأمل عينه يتذكر ابــوه
رسمــه حوآجبه زي امــه
كثرة رموشــه زي لمــى
ماتوقـــع تامر انو حيحس بدي المشــآعر ناحيتــه
بس حبــه من قلبــه
خلصــت جلستهم بسـرعه
من كترمانبسطو حسوها جلسه سريـعه كانه مامرت 3ساعات
اتفقــو يتقابلو تـآني في نـآدي ريـآضـي

اللهم انك عفو تحب العفو فاعفو عنا

في العيــآده فسخ الاب كوت وحطو على الكرسي قال للسيستر حياخد بريــك اكل ...
حط سمـآعاته في اذنـه واتصـل عليها : هلاا بقلبــي انا
فتح بـآب الغرفــه وخرج والكراسي كلها اللي برا كانو قاعدين فيها انتــظار حريم ورجــآل
الكل طـآلع فيــه بس مو قادر يخفي ابتسامته لما يسمع صوتــها
مشي بخطوات ســريعه واتوجه للمصــعد
رشـآ : تممميم ترا والله استحي
تميــم بصوت واطيوهوا يقرب السماعات جمب فمو: فديت اللي تستحي
رشـآ : هههههههههههههه تمممميم
تميم: ههههههههه طيب خلاص اخلاقي كانت مقفله
رشا : ليش
تميم: جاتني بنت كل ماجي ادخل يدي بفمها تمسك يدي وتستهبل
رشـآ رفعت حاجبها : خير ايش بها !
تميم مايقدر يخبي عليها وبنفس الوقت يحب اسلوبها لما تغــآر قال وكأنو متعاطف مع البنت : مسكينه تخاف
رشا : كم عمرها دي
تميم : ممكن 23
رشـآ جلست على اقرب كــرسي مقهوووره : مياعه دي كان طردتها وخلاص
تميم وهوا يدافع : ترا فيه ناس كتير يخافو يعني دي مو اول وحده
رشا : لا بللله
تميم يبعد السلك عن فمو عشان يضحك واتــوجه لخـآرج العيـآده وبزبط لسيارته :بس قلتلك انا حنون طمنتها وخلتني اسويلها
رشــآ شويه وتبـكي اصلا شغلتو بكبرها مو عاجبته انو يقرب مرا من البنــآت
دا شي لوحده يقهرها : كيف طمنتها
تميم : يعني لما تمسك يدي وتقولي والله خايفه انا عشاني محترم اسحب يدي واقولها لاتخافي ماحعورك ماحتحسي بشي اوعدك _ ساكتته رشا مالها حس بعدين قال _ ابوسها على خدها وبعدين هيا تهد
رشـآ بكل انفعااال : تمممميم تتتتستهببببل انتا
تميم ضحك من قلبــه : يابنتي وربي بنات العالم كلهم مايسو ظفرك انتي مو بس تارسه عيني انتي اخده عقلي وكل شي فيا
رشـآ وجهها حمر بس لساتها زعلانه : برضو ايش بلله تمسك يدك والله قهرتني
تميم: ههههههههه حبيبي اسمعي وربي اني جفص والله لو تشوفي وجهي وكيف اسحب يدي لو كنتي مكان البنت حتكرهيني
رشا نفسها تتقولو لو سويت معصب لبكرا برضك حلو مايفرق : برضو ماباهم يمسكو يدك
تميم يحرجها : عشان انتي تبي تمسكيها صح
رشـآ : ههههههههههه ماحرد عليك
تميم: اسمعي متى ابـوكي ان شاءلله راجع من السفر
رشـآ مرا انحرجت عارفه ايش يبا : لسى حيتاخر شويآ
تميم بملل: لا حول ولاقوه الا بلله طيب اديني رقم اخوكي عمك اي احد حقعد استنا ابوكي لين متى
رشا : ههههههههههههههههه ماينفع
تميم : طيب خلاص نتصل على امك على بال
رشا : حتقول لمامتك لما يجي ابوها من السفر اكلمو ونشوف
تميم بقلة صبــر : طيب انا راضي ابا شوية امل اديني رقم امك
رشـآ : ههههههههههه ماحيفرق يعني الموضوع
تميم: انا ابا احس انك حقتي خلاص
رشا ضحكت بااحراج : ههههههه طيب حرسلك ...كيف حال لمى
تميم : والله مدري في حالها وبغرفتها حتى معايا احس ماسار تبا تقعد
رشا :ليش ؟
تميم : تحسيها مكتئبه حتى قلتلها تعالي اخرجك ...ابا امشيها يمكن تتغير نفسيتها مارضيت
رشا : حبيبتي مسكينه والله لازم تعدلو نفسيتها اللي شافتو من اخوك مو قليل
تميم : ايش اسويلها المشكله حاولت ماقدرت _ بتردد _ دا عدي انتي تعرفيه صح
رشـآ : من كلام اخته بس
تميم : كيف الولد
رشـآ : والله محترم ... عامتآ اخوانها ماقد سمعت شي عنهم مو كويس
تميم ماعلق
رشا نفسها تسئل ايش رد لمى بس مو قادره تدخل نفسها بدي المواضيع
تميم : حبي
رشا على طول ابتسمت : هلا
تميم : من زمان ماتقوليلي ريري
رشا : هههههههههههههه ها ياريري
تميم اتنهد بكل صوته : الله يحرق كل واحد اسمه ريري غيري عشان مايسمع اسمه من فمك
رشا : هههههههههههههههههههههههههه على اساس دحين انتا اسمك ريري
تميم : وربي لو مو الحيـآ كان روحت غيرتو
رشا: ههههههههههههههه حمدالله انك تستحي

استغفرالله استغفرالله استغفرالله

قـآعده في الغرفه معصبـــه ...كل شويـآ تمسك جوالها
تبا هديل تتصل ولا لؤي
لؤي مرا مصدومه منـــو
لأخر لحظه كانت تحسب حيدق باب البيت ومايمشي .. لما مرت ربع سـآعه ومادق بكيت
كدا سايره حسـآسه وغريبــه
هيا مو عارفه نفســها ...
انسدحت ونــآمت من كتـر التفكير صحيت لقت بس اتصال من هديل : دوبها اتذكرت
لو ماتصلت كان زعلت ولمــآ اتصلــت برضو زعلــت ..
دخلت الحمام ..عدلت نفسـها لبست الكــآب وخرجت من البيت
ماحتقعد وتستنى احــد يحن عليــهآ
مشيت ومشيــت لين رجلها ماوجعتها ..
وقفتلها تـآكسي وقالتلو يروح مكـآن المستودعــآت ..
يمكن تلقى في الامـآكن دي شغل باليوميه زي يوم مانزلت اللي بالشاحنــآت
بس مالقت شــي ...زفرت بضيــق كانت دوبها بتمشي الا نادآها : وليـــد
دارت وشافت رايـد ابتسمت وجاتــه : هلا
رايد: فين اختفيت فجأه
روان وقفت قبـآله : سسارلي مشاكل هنـآ وبدورلي شغل تاني
رايد بتردد حك رقبـته : ابا اقول شي بس اخاف تزعل
روان عقدت حوآجبها : ايش فيه
رايـد من وجهه باين الاحراج : سمعت انتا ولؤي تتكلمو يعني بيكلمك على اساس انك بنت
روان وجهها حمــر وبصوتها قالت بدون ماتخشنه: طيب ليش ماقلتلي بدال مايطلع منظري غبي
رايد : هههههههه والله انحرجت ومنحرج دحين مرا منك بس لما شوفتك تمشي ماقدرت مااجي
روان ابتسمتلو : معليش والله بس ظروفي شويا كانت صعبه وبدورلي شغل
رايـد : طيب لقيتي ولا لســى
روان : لا لسى
رايد بتردد : طيب اديني رقمك وحشوف لو اختي محتاجه احد يساعدها حديكي خبـر
روان ابتسمتلو : طيب _ اتذكرت _ بس لازم هويتي ولا
رايد : لا لا مايحتاج
روان: ايش الشغل
رايد : بلاشي احمسك على الفاضي خليني اتأكد وحتصل عليكي
روان : هههههههههه انا كدا اتحمست
رايد ضحــك وهرجو شـويا ومشيــت ...

امـآ هديـل خلصت من عملـها واتصلت على لؤي ..اداها مشغول ورجع اتصــل ...
هديل : السلام عليكم
لؤي : وعليكم السلام
هديل : لؤي روان معاك لدحين !
لؤي : لا
هديل استغربت من نبرة صوته :ايش بك
لؤي : اتضاربت مع روان ومشيت
هديل : مشيت ! ليش انتا روحتلها !
لؤي : ايوا
هديل عارفه روان نظراتها لوحدها لما تعصب تحسيها سبـــه
ومستفزززه : معلليش والله معليش اكيد استهبلت عليك
لؤي : بكيفها والله حاولت اساعدها بس اسلوبها ماقدرت اتحملو
هديل : عشان كدا قلتلك اتصـل بس
لؤي : على العموم براحتها انا ماتحمل دا الاسلوب وربي عالم انها في بالي من يوم مارجعت وكآن نفسي اسويلها شي لكن مو على حساب نفسي
هديل مرا منحرجه منو : انا اسفه والله على اسلوبها كان المفروض ماتصل اصلا عليك
لؤي : لا عادي لو ماسار دا الموقف اليوم كان سار في اي يوم تـآني
هديل : خلاص ماقصرت
لؤي بتردد : ليش بتسئلي عنها
هديل : مابترد عليا
لؤي : يمكن معصبه
هديل : انا عارفه اصلا انها معصبه وماحترد قلت اتصل اطمن عليها لو هيا معاك
لؤي : طيب طمنيني عليها لو كلمتيها
هديل ابتسمت : طيب يلا مع سلامه
قفــلت منــو ... وركبت تـآكســي متوجهه لصــآلون عــلا ..

سبحان الله وبحمده سبحان الله العظيم

مســدوح على فــخذ امـه ومادد جسمه على الكنبه الطويلــه
وهيا بتمرر يدها على شعـره ويطـآلع في اختـه اللي متربعه على الكنبه اللي قباله وبس على جوالها ومبتسمـه
: بتكلمي مين
حــور رفعت عينها :صحبتي
بشـآر : تعالي وريني
حور ضحكت : بترسلي صورها مع نفسك
بشار بحماس اكتر وهوا يستهبل: طيب برضو تعالي وريني
امـه ضربته على راسه : بطل دي الحركات
بشار ضحك وغمض عيــنه

امـآ حور على جــوالها وتقوله ايت بلوزه عليـه احلى
في محــل رجـآالي وبيشتري ملابس على زوقــها ..
كتبتلو " لا حبيبي داك اللون احلى عليك "

بشـآر فتح عينه ورجع يطـآلع فيـها : ايش اسمها صحبتك
حور عقدت حـآجبها : انتا ايش لك خليك في نفسك
بشار جلس وحورانفجعت ..حاولت ماتبيـــن بصباعها سارت تضغط بشـويش وعينها عليـه : روحي جيبلي مويـآ
حور كان قلبها حيخرج : طيب
وقفــت وخرجت بسـرعه من الغرفه اللي قاعدين فيـها بمجلس اهل امها ...
جبتلو مويــآ مدت يدها وهوا سحب جوالها من الجينز ووقفــ
حور انفجعت حطت المويا على الطاوله وتمشيوراه : بشاااار بلا بلاهه هاااات
بشــآر رفع يدو على فوق : انا جاي اقعد معاكي وانتي على جوالك وربي لاأمشي
حور : طيب خلاص والله حقعد معــآك
بشار مد يدو وهوا يديها الجوال وقال بشك : مو عاجبني وضعك ترا
حور سحبت الجوال وقالت بهمس : عشان تفكيرك كدا تحسبني حسوي زيك ترا نص البنات اللي تخرج معاهم من جامعتي _ تقلد البنات _ اخوكي مرا مزز ..اووه مرا يجنن
رجعت جلــست على كنبـتها وهوا طالع فيها ورجع جلس عند امو اللي ضربتو على كتفو بخفيف : سيب اختك في حالها
حور حطت جوالها جمبـها عشان لايفصل عليها ... : والله بابا وحشني له كم يوم مالو حس
بشار سند جسمو على الكنبـه ويحرك رجلــه ..بس السيره وترته ..
امها : مشغول تلقيه
حور : حبيبي الله يعينه _ طالعت في بشار _ فيه ناس مايحسو
بشار بنظرته اللي تفجع طالع فيــها وهيا قامت تبرر على طول: كنت بس بقولك يعني انو هوا بيتعب
بشـآر : احد طلب رايك !
امها : بنت خلاص اسكتي
حور : طيب
حست انها اتنرفزت على بشـآر عشان بس مسك جوالها
قامت من مكانها وجلست جمبها وابتسمت : لاتعصب عليا انا طيبه
بشار: اسري
حور بدلعها مسكت يدو : معليش والله بس بابا وحشني كدا مضايقه شويا وانتا كمان ماسرت اشوفك يعني غصبا عني
بشار حوط يدو حولينها وقربها منو بس يهرج بجفاصه : اتكلمي معايا مرا تانيه بداك الاسلوب وشوفي ايش حيسرلك
امهم تطالــع فيهم ومبســوطه
اما حور همستلو وهيا رافعه عدسه عينها عليه : ايش وصل سيرتك لجامعتي
بشار : ترا ماعرف احد من جامعتك
حور: اجل كيف وصلني الموضوع
بشار رفع كتفه : مدري
حور: ترا البنات كلهم يعرفو بعــض انتبه على نفسك بس
بشار دفها : يلا قومي بنسدح
حور وقفت بقهر : بشووويش طيب ظهري
بشار ابتسم ورجع انسدح على فخــذ مامتـه تــآني
يســمع كلامهم ونقاشات حور البلهه
واحلامها للمستقبل الغريبــه
نــآم بدون مايحــس وهوا يسمعلهم بدون مايفكر في اي شي تــآني ...

وقــف التــآكسي عند الصــآلون النسـآئي الفخــم .. دخلت وحســت بتوتر
اول مرا تدخل دي الامـآكن اتصلت على علا ..ونزلتلها علا من الدور الثـآني
بكعبــها العـآلي وشياكتها المعتـآده .. استقبلتها بكــلاحترام وطلعتها للغرفــه اللي فوق

الغرفــه رايــقه بمعنـى الكلمـه طاوله مرتفـعه كبيـره عليها انواع المكيـآج
وجمبـها الكرسي المرتفع الاسود وفي ركنيـه الغرفــه جلسـه رايقـه كنبتين وطاوله صغيـره

علا اشرتلها على الكــرسي : اجلسي ...ايش تشربي عصير طبيعي
هديل : لا ياقلبي شكرا
علا : يلا عشان ننعنش مع بعض
هديل ابتسمتلها : برتقـآل
علا خرجت ورجعتلها على طول : والله مو عارفه ايش اقولك بس انا حخلي صحبتي اليوم تصـور لكن افضل انو يكون في بيتي كاميرتي والاضائات كلها هنـآك واخاف اجيبها ومرمطه وبعدين حيكون فيه ازعاج من برا
هديل : يعني تبيني المرا الجـآيه اجيكي البيت
علا : اذا ماكان فيه احراج لكي انا اتمنى اكيد انو يكون في غرفتــي تعرفي روقان اكتر
هديل مو عارفه ايش تـرد : حشوف واردلك
علا ابتسمتلها : طيب .. نبدأ ؟
هديـل : طيب
جات صحبت علا ومسكت جوالــها وتصــور

وهديــل حاسه بكميـه توتر مو طبيعيه
علا تصــور خطوه خطـوه اخد الموضوع ســآعتين منــهم ..وهيا بتوري اي روج او قلم او اساس تستخدمه ورقمــه
وليش حتسوي دي الرسمه لعين هديل
وكيف سوت الكنتور
هديل اول مرا تسمع دي الحـآجات طبــعا كانت مستسلمه وراخيـه نفسها مرا

تفتح عينها لما تطلب منها
تقفل عينها لما تقولــها
وفجعتها لما جات تركب رموش
علا بس تضحك وهديل خايفـــه : لا كيف تحطي غرا في جفني ماحيعور
علا : ههههههههههه والله مايعور

خلصــت علا وخلص التصويــر وكلهم يطالعو في هديـل
صحبة علا : مرا تجنني ماشاءالله
علا ادتها المرايـه بااقتنــآع ..هيا اصلا كانت عاجبتها هديل من غير شي : خدي شوفي
ادتها المرايه وهديل كأنها اول مرا تشوف نفسـها
انبهرت بمعنى انبهرت
علا ضحكت : ايش رايك
هديل ضحكت ببلاهه : مدري كأني شايفه وحده تانيه
تبوز فمها وهيا تحرك صباعها على فمها وبعدها طالعت في علا : اول مرا اسوي روج عودي
علا : ملامحك الصلاه ع نبي يناسبها كل شي والله انبسطت وانا اسويلك
هديل مانزلت عينها من المرايه ضحكت وبعدها قالت : ياااربي حتى لما اضحك احس نفسي غير _ شالت المرايه من على وجهها وهيا تضحك _ والله مو عارفه نفسي
جلســت تتكلم شويــآ مع علا ..وبعدها كآنت حتمشي الا قالتلها شيليلي الرموش ..
وبتمسح المكيـآج
مرا انصدمت علا اغلبهم يسو عندها ويخرجو بالمكيـآج مبسوطين ودي تبـآ تمسح
بس زي ماطلبــت مسحتلــها المكيـآج وخلتلها بس رسمة حوآجبها ..
هديل ماتقدر تروح الحــآره بدا الروج حيكون شكلهــآ اوفــر
وقبل لاتمشي علا شافت التعليقات وضحكت
الكل يمدح هديــل قبل لايمدحو مكيــآج علا
"المووودل مززززه "
" ماشاااااااااااااءالله جميــــــــــــــــــــله "
" جممممال "
" ايش اسمهاااا "
" ابا سنــآبها "
وقرات وقرات
وهنــآك واحد قاعد يتابــعها ...ولما شافها في النهايه اتجنن
شكلها اتغيـــر مرا وسارت امزز ... قفل مقاطع اختــه بعد ماعادها تلات مرات
عشان في سنـآبه تبتسم هديل فيـها

وخطواتــك اللي بالخلاخيــل لها في الصدر والقلب جره

قبــل سـآاعات من روحــة سـآمي لـتـآمر
جالس في الصآله مبتسم وترف تتجهز للدوام لبسـت بلوزه حمــرا حرير
وجينز كحلي خرجت من غرفتها وبتبلبس خرصها وتطالع في سامي : ايش بك يامجنون
سامي حس بنفسه وضحك : ههههههههه _ قال بتصريف _ اتذكرتك لما كنتي تسحبي اللحاف وطحتي
ترف ماضحك
مابتسمت حتى
شمقت بوجهه ودخلت غرفتها وهوا زادت ضحكته
عارفها اتنرفزت جلست على سريرها وهيا تحط خلخالها برجلها اليســآر
ولبست جزمـتها وخرجت
سـآمي وقف: حتوحشي
وماكمل كلمته الا هيا قالت بنرفزه : اقلب وجهك
سامي لحقــها : ههههههههه ليش ياقلبي
جاه وراها وباسها برقبتها وهيا اتقشعر جسمها ودفتو : كم مرا اقولك بطل دي البوسه
سامي : احبك طيب
ترف :لاتستفزني يااسمي
سامي : هههههه طيب خلاص انا اسف _ باس راسها _ ها دي بوسه ترضيكي
ترف رفعت يدها : بوس هنا
سامي طالع بوجهها وهيا رافعه عدسه عينها وكأنه خدام عندها : والله عشانك ماما بس _ مسك يدها وباسها _
رفعت رجلها : كمان هنا
سامي : هههههههههههههههههه بلله من جدك
ترف ابتسمت وملامحها طاغي عليها الجديه
سامي : مامااا !
ترف :بوسه مو الجنه تحت اقدام الامهات
سامي : طيب عادي ابوسك بس مو انتي كدا مسويتلي
ترف رافعه رجلها وشويا توصل لوجهه
سامي : انتي كيف كدا رافعه رجلك
ترف : جسمي طري زي قلبي
سامي عقد حوآجبه : ماما روحي لدوامك خلاص
ترف : بووسه ابا بوسه
سامي قرب وباسها في خدها وهيا نزلت رجلها : لا بلله
سامي : حبوسك بس مو دحين
ترف : والله لو مو مستعجله كان ماسبتك
سامي مسكها من ظهرها وهوا يمشيها : ايوا ياماما الحقي دوامك انا مو عارف اصلا كيف لدحين ماطردوكي
ترف : هههههههههههه انا انطرد انا اطرد مو انطرد
سامي :ههههههههههههههه _ فتح باب الشقه _ الله يخليكي يافله روحي لدوامك متاخره لكي ساعتين
ترف ضحكت: طيب ..انتبه على نفسك
سامي : وانتي كمان

خــرجت من الدوآم وهيا اصلا ماكانت تبـآ تروح ..
اتأخرت لأنها بتشــرد من اللي حستــو في الصبــآح ..
شعور يخووف مرا ..عندها امل دحين ماتحــس فيه تـآني
ماتدري انـو في كل مرا حتسمع حتى لو سيــرته كل شي حينقلب فيها تاني ..

وصــلت للمول ولأول مرا تحس انو الطريـق مرا قريب بسبب انها ماتبى توصــل ..
واول مادخلت هيا وبــراء طالعو في بعض وملامحهم كلها اتغيرت ..
سلمت على ميـرنا وكالعاده تبا تدخل المخزن جات لعند طاولتــه :كيفك
براء : تمام انتي كيفك
ترف : كويسسا
سحبت نفسها ودخلت المخزن واتنفست بصوت مسموع
توتــتر يخوف حطت شنطـتها ..ونفسها ماتخرج

بــراء واقف مكــآنه والبلوزه الحمــرا لوحدها ودتو في ستين دهيه
يعشق اللون دا
دايما ملابســها تتعبو نفسيـآ
خرجت تاني وريحة عطرها في المكـآن كلو
دوبــه بدأ يومـه لما شافها ...

اجواااء تجيب التوتر ..ميرنا اتوترت معاهم وهيا مالها صلاح
تشوف براء يطالع وينزل عينه بجواله
هيا تقوم تجي عينها عليه وتكمل

جلسو على دا الوضــع نص ســآعه لين ماجـآت صحبـة ميـرنا ..
حضنتها : اخخخخيرا
: لسى قالولي بعد اسبوع استلم الوظيفـه
ميرنا : مو مشكله اهم شي جمبي
شموخ : ايوا كل شويـآ حنطلك لين ماتطفشي
ميــرنا :هههههههه والله وحشتيني
شموخ : وانتي كمان ياقلبي _ طالعت في براء _ ايش الوضع
ميرنا ضربتها على كتفها : ايش تبي انتي
شموخ ببرائه رفعت كتفها : بس بسئل
ميرنا : دحين اوريكي _ تهمسلها _ شايفه البنت دي اسمها ترف
شموخ طالعت فيــها : لزيزه
ميرنا : ايوا تخيلي براء دا متجنن عليها وبلهه مو مستوعبه لدحين
شموخ اتحمست: اماا
ميرنا :والله بلهه ياشيخه كل شي واضح
شموخ : احب اللحظات دي
ميرنا : بس اقعدي ربع ســآعه وشوفي كيف الوضع
شموخ طبــعا سمعا وطــآعه ...
جلســت حق تــلت سـآعه وهيا شايفه الوضــع
دخلو بنـآت ويتكلمو مع ترف وهيا تتكلم معاهم وتوريهم كل شي وبراء يرفع عينه
حتى لما يكون منزل عينه وضحكت ابتسم

شمـــوخ مسكت يد ميرنا : دي غبيه الادمي واااضح عليه
ميرنا : شايفتها اليوم متوتره شكلها بدات تستوعب ومكسوفه
شموخ رفعت حوآجبها بشـر : خليني بس انقل واجي كل يوم عندو واخليها تغار لين ماتسبني
ميرنا ضحكت من قلبها : مني فاهمه ايش حيكون وضعك بزبط
شموخ : ههههههههههه فاعله خيــر حخليها تعرف احاسيسها ومره وحده نفسي اتكلم معاه
ميرنا : حقيره والله
شموخ اتحمست : دقيقه شوفي ايش حسوي
ميرنا شخصيتها مو قويـه او تتجرأ تسوي شي : يابلهه
شموخ مشيت ولا كأنها سامعتها اتوجهت لطاوله وحطت يدها عليــها اتكلمــت مع بـراء
وانها مشبهتـو بوآحد تعرفـه وكلام ماألفتو براسها لين ماسار ياخد ويدي معــآهآ
شموخ تتكلم وتضحك كل شويـآ بدون سبب واضح : والله حمستني على الدوام
براء مو عارف ايش تبــى : انبسطي بالاسبوع قبل لاتنضغطي
شموخ : ههههههههههههه
براء !!!!!!!!!!!!!!!!
مابيقول شي يضحك سار يحس نفسه تـآفه وهيا تضحك على كلام عادي
شموخ :والله مو عارفه اصلا ايش اسوي ابا استغل يوم يووم
براء من قلبـه : نااااامي مافي شي احلى من النوم
شموخ : ههههههههههههههههههه
براء يدي بالوجه على طول: هوا انتي حتضحكي على كل حاجه اقولها
شموخ رجعت تضحك
براء هنا ضحك مو عارف ايش تبــى مو عارف اصلا ليش بيضحك

امــآ تــرف مو شايفتهم مديتهم ظهرها وبدأت تحرك رجلها سامعته يتكلـم بس مو مركزه بالكلام
كلمالها تزيد حركه رجلها لما تسمع صوتــه
وقامت من مكــآنها وخرجت من المحل لما سمعتـه يضحكك ...

تمشي ومو عارفه ليش خرجت
" ليش انا معصبه "
" هوا حـــر يسوي اللي يباه اصلا دا متزوج "
" ايوا متزوج ووسخ "
" ماباه يتكلم معاها "
" ليش ماباه يتكلم معاها ؟ "
حريـــقه حريقــه جوتــها ... اصلا هيا عندها طبــع التملك بس مافي شي بينها وبينه عشان تحس بدا
الاحساس دا اللي مو قادره تستوعبه
راحت تجبلـها موكـآ تبرد على قلبــها ..

امـآ براء طالع فيها اول ماخرجت .. مشيتها غريبــه !
اما شموخ انهت الكلام معاه وراحت لميرنا تضحك : ههههههههههه وربي حسيت نفسي تافهه
ميرنا : ياحقيره البنت ولعت
شموخ : والله لأطلع عينها اصبري بس خليني اتوظف
ميرنا ضربتها بمزح: ياحيوانه انا قلتلك عشان نتفرج عليهم
شموخ : خلاص انا بحركاتي حخليها تعصب وحتفهم انها تحبــه اسلوب البنت الثقيله ماحبه
ميرنا : ههههههههههه طيب ياخفيفه انتي اهم شي انا ماليا صلاح لاتسويلي مشاكل
شموخ : لا لا ماعليكي بس شخصيتي طاحت من عيني وانا اضحك على كل شي زي البقره
ميرنا : ههههههههههههههه
شموخ : خلاص انا ماشيــه
ميرنا : طيب
سلمت عليـها وخمســه دقايق ترف رجعت وجلست في مكـآنها وتحط المصـآص بفمها وتشـرب
" تكون اخدت رقمه ؟ "
"اكيد ماحيضيع عليـه "
"في حريقه بكيفهم "
وفجأه وقف فوقها وهنـآ طاح قلبها طالعت فيه وبدات تلعب بيدها بالمصاص وتقلبه بين التلج
براء : ايش بك زعلانه
ترف بهجوميه : مين قال اني زعلانه
براء استغرب : وجهك !
ترف : طفشانه
براء : قاعده لوحدك اكيد حتطفشي
ترف اتذكرت الورقه اللي فيها اسمها ولساتها عينها عليــه
ليش يكتب اسمي يعني كلام ميــرنا صح
" لا ماحديه مجــآل "
: آبى اقعد لوحدي
براء سابها على راحتــها ..ورجع وهيا انقهرت انها عاملتــه كدا
بس ماتبى ماتبى خايفــه من دا الاحســآس
وصلت لمرحله انها تتنرفز لما يكلم وحده
خايفــه من دا الشعور خايفه تتعلق فيه
ولدها الوحيد اللي يستاهل دي المشاعر
ولدها الوحيد اللي حيقعد طول العمر جمبها وماحيجرحها
البقيه كلهم سابوها
امها وابوها
اخوانــها
خلود
ليش تفتح لنفسها مجـآل انها تعــآني
حتطنشــو وبــس

ومــر الدوآم رســمي بشكل مو طبيعي ...حتى ميــرنا مستغربــه
بس براء ماغير شي دا من مشاعره
لأنه كل اللي يهمه انو يشــوفها
مبسوط وهيا قدآمــه وبس ...ويطمن عليها لما يركبها التـآكسي

مـــر اسبـــــــــــــوع ..

في آخر الليـــل خرجت من غرفتها وشافت تميم جالس في الصاله وياكل فوآكــه ...
جلست عنده وهيا منحرجــه تلعب بااصابيعها بتوتر
تميم طالع فيها : ايش بك
تميم كل يومكان يجيها يسئل ها ايش قررتي وماتديه رد
لمــى : حاسه اني مرتاحه
تميم تنح وماستوعب :في ايش مرتاحه
لمى وجهها حمــر : خلاص ولاشي
تميم سكت للحظات وبعدين ساب صحن الفواكه والشوكه جوتــه : اهااا فهمتك قصدك على عدي
لمى وقفــت وتبا تشـرد : خلاص انتا قلتلي تعاليلي لما تبي تجاوبي
تميم ضحك لاشعوريا بعدين وقف بنص الضحكه لما مشيت وهيا مستحيه ومعصبه من اسلوبه : هييي لمى والله معليش ..لمممى لممممى
ينادي من مكــآنه وهيا ماتــرد دخلت غرفتها وقفـلت البـآب مرا عصبــها
"طبعا باله مع الاخت رشــآ مستتتتفز "
جلست على السرير وهيامو عارفه قرار حيكون صح ولا لا
ماتكذب سبب موافقتها عشان تشرد من البيت وبــس خلاص مو قادره تتحمل اكتـــر
مع انو في حالها دي الفتره
بس كدا طول يومها تحس نفسها مخنوقه
اخوانها في اعمالهم وهيا حابسه نفسها
في بيتها بس مو حاسه انها في بيتها
شي يخنق لما تعيشي في بيتك بس يكون اكتر مكــآن يخنق

امــآ تميم بس يتذكر يضــحك مدري ايش بو فصــل
بس مضحكه الموضوع ..

طفوله ملوثه بالوالقع

دخلت تــرف وهيا مخنــوقه سار الدوآم ماتدري شي يعجبها ولا لا
لها اسبوع وهيا تتحـآشى براء وكل اللي بيــنهم كلام عن العمل وبـس
تشوف نظراته
تشــوف غيرته
كل شي واضــح بس خـآيفه
وسارالموضوع يبكيها
لما تحسي انك تبا دا الشي بس خــآيفه تتعلقي فيــه وتندمي
بس قلبك مصـــر والا يبـآه
تحاول تكــآبري بس محد يقدر يتحكم بدقات قلبـــه
محد يقدر يتحكم بمشــآعره
حاولت وحــآولت بس تكذب على نفسها سار الموضوع ينقلب عليـها هيــآ
شافت نور غرفـه ســآمي مفتوح دخلت :انتا لسىى _ بااستغراب _ ايش بك بتلبس
سامي يلبس جزمـته ويتكلم بصربــعه : ابو محمود في المستشفى
تـرف قلبـها طــآح: ايش بــو
سامي وهوا يشيل مفتاح البيت وفلوس بصربعه ويدخلها بجيبه :مدري محمود اتصل عليا يبـكي ابا اروحلو
ترف تحس قلبها حيخرج من الفجعه : طيب _ طالعت في الساعه _ الساعه 1 حجي معاك
سامي طالع فيـها : لا مالو داعي
ترف : ماحتخرج دا الوقت لوحدك
سامي خرج من الغرفــه وهيا اخدت شنطتها الا دوبها حاطتها على الكنبـه ومشيت وراه ...
مو قادره تخــلي سامي يخرج باأخر الليل لوحده
وبنفس الوقــت مو قادره ماتطمـــن ماتدري هوا على ابوهم ولا على براااء ...

لقــو تــآكسي وركبــو والاتنين سـآكتين سـآمي مرا يحب محمود ويحب ابوهم
مايبى يسيــر شــي ...

امـآ ترف كل تفكيرها براء وبــس تطالع في الطاقه وهيا تبــآ تبــكي
ماتبـآه يضـآيق

نزلو من السياره لما وصــلو المستشفــى وسامي اتصـل عىل محمود قلو في اي دور ..
وقفو المصــعد وكل ماتمشي خطوه تحس باالم بمعدتها
وصلــو للدور ...مشي يميــن زي ماقال وبعدها يميــن وقبل لاتتدخل تــرف للمر الطويــل وقفــت
لما شافت نهايــته
بــراء جالس على الكرسي الرمادي بنفس ملابس العمل ومنزل راسـه باين انو في عالــم تـآني
قلبــها سار يدق بســرعه
دموعها اتجمعت بعينها
ماقدرت تروحلــه
ســآمي وصــل لعندهم ومحمود اول ماشافو حضنــه وبــكي ..
براء رفع عينه وشــآف سـآمي
مايدري ليش دور عليها ودار راســه
شافها وقـآم بشويش لاشعوريــآ
ميســآ جات بااتجاهه وهيا جايبتلو قاروره مويـه : برااء
مشــي بدون مايحــس
وميســآ تنــآدي : براااء

تــرف ضغطت على شنطتــها وهيا شايفته جاي بااتجاهها وصدرها يطلع وينــزل
شكله يحــزن
بــراء كل اللي يعرفه انو يبــآهآ ... يــمشي باتجاهها ومو حاسس انو فيه وحده وراه بتناديـــه
ممر طويــل شايف نهايته انســآنه يعشقــها وبــس
انســآنه محتـآجها جمبــو وخـــلاص ...
امــه بعالــم تـآني
عمو مســآفرمو موجود
ورشــآ وميســآ عينهم على بــراء والبنت اللي في نهايه الممر..

طفوله ملوثه بالواقع

هديـــل مر اسبــوع وكـل يــوم تــروح تقــآبــل بشــآر
جلستهم بس كلام في اشيــآء عــآمه لو روان تدري انو ماسارت تسحب كلام مــنه حتقتلها ..
بس شايفته مضغوط ماتبى تــزيد عليـه
كل يوم يجيها بحاله غريبـه

امـآ روآن ساحبـه على لؤي ومو عارفه كيــف تعتذرلو ...

دخلــت هديـل البيـت وهيا تسمع روان تتكلم بالجوال
عقدت حوآجبها وهيا تأشر براســها مين
روان : هدىى تخيلي بشار عندها
هديل مرا انصدمت : فين عندها
روان : في بيتها
هديل مرا انصدمت
روان تكلم هدى :خلاص قوليلي ايش يسيرمعاكي
هديل جلست على الليانه قبال روان
روان :معسلامه
هديل : ايش سااار كيف جاها
روان : حيوووانه وربي وهوا وسخ زيها دا وامس اداها وجه واليوم في بيتها
هديل : ايش تبا تسـوي
روان : الغبي صاحبها لسى مــآجا تبا تحط مخدرات في سيارته وتبلغ عليه هههههه
هديل انفجعت : مايضحك ياروان
روان : اتخيلي جاسم لما يدري ولدو الشرطي حينسجن
هديل : روووان انتي تبي تهدمي مستقبل واحد عشان ابوه مجنونه انتي وهدى
روان : انتي ايش بك
هديل وقفت معصبـه : روووان بلا بلاهه ابوه وسخ مو معناته نظلمو
روان : وأهو هوا وســخ رايح للبنت
هديل :دي حياته الخاصه مالك صلاح فيها
روان عصبت : انتي ايش حكايتك مع دا يومك كلو مختفيه ودحين خايفه على مستقبله
هديل : وربي ياروان مو قاهرني الا تفكيرك اللي بيتغير بدي اليومين بسبب هدى
روان : دا كان حتى تفكيرك مو قلتي بتتعرفي عليه عشان تحرقي قلب جاسم
هديل : ايوا بس مو معناته احرم ولده من الحياه عشان والله ابوه حقيــر
روان اشرتلها : انتي ماتبي تقوليلي ايش بيسير معاكي كل ماتخرجي معاه لكن بكيفك يستاهل اللي يجيــه بعد ماعرفت ايش جاسم سوا فيــآ مبسوطه بللي حسويــه
هديل : روان الله يخليكي اتصلي على هدى وقوليلها تبــطل نشوف اي طريقــه بس مانهدم كل شي قاعد يبنيه والله هوا مالو صلاح وحتى عايش لوحده
روان: انا مابســوي دا الشي عشـآنه انا ابا احرق قلب جاسم وعلى قولك ولد حبيبته فايستاهل
هديل جات جلست عند روان : طيب حندور طريقه والله حندور طريقه تانيه بس سيبي بشار
روان تطالع فيها مفجوعه : هديل انســي
هديل عاطفيـــه مو قادره تتخيل انو حينسجن بسببها
في كل مرا تطالع بعينه تشــوف قد ايش ضايــع اتجمعت دموعها بعينها :روان امااانه اتصلي على هدى
روان وقفت مفجوعه :هديل ايش بككك
هديل وقفت معاها وبترجي تتكلم : اتصلي اتصلي على هدى قوليلها تبطل
روان: يامجننننونه دا ولد جااسم انتي تحبيه !
هديل : لا لا والله ماحبو والله حزنانه ماقدر اتحمل انو يسرلو شي تاني بسببي
روان مو قادره تستوعب كلامها اللي مو منطقي بنسبه لها خوفها دا مو طبيعي !
ماله معنــى !
هديل : اتخيليه انو لؤي مو تخافي عليه يعني انتي تحبيه لا بس انسان طيب !
روان بقهر :لو لؤي ولد جاسم ماحتردد دقيقه اني اسوي دي الحركه
هديل حست الكلام ضــآيــع عصبـــت وخرجت من البيت
روان جلست ومسكت راسها : دي البنت مجنننننونه !!!!!!!!!!!
امـــآ هديــل خرجت ومو عارفه ايش تســوي رفعت جوالها واتصلت عليـه
اول مرا مارد ,,تاني مرا باين انو بعد عن سوزي ورد : ايوا عهود
يهرج بصوت واطي
اما هيــآ وصلته شهقاتها ..انفجع
: عهود ايش بــك !
ماعرفت ايش تقول مستحيل تفضح نفســها
تقول اسمو وصتها يرجف وتبكي: بشااار
مرا مفجوع : ايش بك خوفتيني
هديل بكذب : بابا ضربني وسبت البيت انا مرا خايفـــه
بشــآر جواله باأدنه وعينه على سوزي اللي بكــآمل جمالها جالسه ومستنيتو
بلع ريقــه ...بنسبه له هوا في قرار مرا مرا صعـــب قرار مصيـــري
سوووزي ...وهديل تبــكي
:: انتي فين !
هديل ابتسمت بين دموعها قالتله مكــآنها : الله يخليك لاتتاخر في شباب بيلحقو ورايا
دخل على سوزي وهوا حاتط الجوال في اذنه وبكل صربــعه قال : خلاص جيك جيك دحين
قفل وسوزي وقفت : فين رااايح
بشــآر : بعدين بعدين اشوفك
اخد اغراضه وهيا تلحق وراه وتحاول فيه بس مـشي ونزل جــري الدرج ...
سوزي قفلت الباب بعصبيـــه : الحقييييير _ اخدت جوالها واتصلت على صاحبها وتصرخ عليه
_ انتااا فينك ...خلاص مشي

طفوله ملوثه بالواقع

يمشي وهوا يدف العربيه في السوبر مــآركت... وبالصدفـــه شــآف ســآلم : هلاا والله
ســلم عليــه
سالم : فينك اتصلت عليــك كدامرا ولا بترد
جلال : متى
سالم : بعد السهره
جلال :ياشيخ جواله ضاع بس طلعت دوبي الرقم
سالم:اما متى
جلال : يوم السهره شكلي قبل لااجي طاح عليا في مكـآن
سالم سكت وبعدها قال وهوا متاكد : لا كان معاك يومتــها ..
جلال : لا سوزي متأكده قالتلي مومعاك
سالم ضحك : شكلها سرقتو اجل انا متأكد حتى يومتها عجبني جوالك وقلتلك كيف استخدامه
جلال مو متذكر : وربي مو متذكر متأكد !
سالم : ايوا طبعا
جلال : بنت ال"""" ليش بتكذب
سالـــم : عجبها اكيـد ههههههه
جلال مو مصدوم لأنها اخدته مصدوم لأنه هيا يعني اللي بتهدد جـآسم ...
قفل الموضوع مع ســآلم ومشـــي واتصل على جاسم على طـــول ...

طفوله ملوثه بالواقع

في اخــر الليل الشفت حقــه متأخر قاعد بملل ولؤي دخل عليــه طلب الاوراق وكان بيخرج الا رايد كلمو
: لؤي
لؤي دار عليه :هلا
رايد بااحراج : تقدري تديني رقم روان
لؤي عقد حوآجبه : روان !
رايد : ايوا وليد _ بحرك راسه عشان يستوعب _ روان
لؤي : ايش عرفك فيها
رايد : قبل اسبوع شوفتها وادتني رقمها بس شكلو غلـط ولقيتلها وظيفه عند اختــي
لؤي : اهاا
رايد : قلت يمكن عندك رقمها
لؤي خرج جوالـه وهوا متنرفز
مقهور من تطنيشــها بس ماحيتنازل
آداه الرقــم وسار يتكلم مع رايد بااسلوب جــآمد وخــرج بعدها ....

نهآيه الفصل ....

احدآث ســـريعه ..ان شاءالله تعجببـــكم
ونتقــآبلفي العيد ان شاءلله