رواية طفوله ملوثه بالواقع الفصل الثالث 3 - بقلم d3do3a

الفصــل الثـــآلــــث ...

الكـــل بيطــآلع فيـــها مفجوعيــــن .... منزلــه رآسها وماتبى تطالع فيـــهم من كتــر الخـوف
عدي يخبط عـــزام بكتفو بدون محد ينتـــبه ... يمكن اكتر اتنين مبسوطيـــن عدي وعزآم
امــآ عــلآ زي رده فعل امها مفجووعه وبـس
الشــآهي قدامهم وكلهم نسيــو انهم طالبين شاهـــي
الآب بهدوء وابتسامه على وجهه : كيفك يابنتي
هديل بدون ماترفع راسـها : الحمدالله
عدي وعزام كآنو حينجلطو من الحماس لما هرجت عربــي ومافيه اي تكسيـــر
الاب وقــف وطالع في مرتــه : ناديها
حس الوضــع ماينفع يتكلم معاها قدام الكـــل
الام وقفت وهيا لســى مفجوعه : تعالي
هديــل بكل طـآعه مشيت ورآهم وهيا مو عارفه ايش الموضـــوع
الام جمب زوجها وتتكلم بهمس : كيف اصرفها دي
الاب : ليش تصرفيها
الام فتحت عينها مفجوعه وهمست بقهر : عشان اولادك كيف اقعدها
الاب : اهاا طيب
فتح باب الغرفـــه ودخل هوا ومرتــو عدو على الكنبــه واشرلها تقــعد قدآمهم ..
الام موو عارفه كيف تصرفـــها
الاب : قالتلنا نانا انك تبي تشتغلي ..
هديـل : ايوا _ بكدب _ انا دورت كدا مكان اشتغل فيه ومالقيت احد يفتحلي بابه
الاب : فين اهلك !
هديـل تلعب بطرف البلوزه الطويلـــه بتوتر
حست الشعور دا زي يوم ماجابها جاسم تتعرف على البنــآت
بلعت ريقـها : ماعندي
الام بتردد : وفين كنتي عايشه قبل لاتجي هنا
هديــل : كنت _ سكتت مو متعوده تقول لاأحد حكايتها حاولت تقوي نفسها وتتكلم _ كنت عايشه مع بنات من وانا صغيره ونبيع في السوق مويا وحاجات تانيه
الام : وفينهم دحين
هديل رفعت كتفها وعينها مليانه دموع : مدري _ ماكانت تبا تجيب سيره الشرطه _ انا وصحبتي شردنا وهيا راحت تدور على شغل في مكان تاني
الام طالعت في الاب ماتنكر انها حزنــآنه بس برضــو اولادها شباب : يعني انا كان نفسي اساعدك بس انا عندي اولاد
هديل قاطعتها بترجي : والله ماأخرج وهما فيــه حنظف البيت واقعد مع نانا واسوي اللي هيا تباه وبــس ايش تبيه مني انا حاضر
الام انقهرت مرا مو قادره تقولها لا ولا قادره تقولها ايوا : يابنتي والله اسفــه كآن نفسي اسآعدك
هديل ماتبى ترجع الشــآرع : والله العظيم ماحتحسي بوجودي
الام طالعت بزوجها تباه ينقذهــآ
: يابنتي روحي نامي دحين ولما تصحي نتكلم
هديــل حستهم محترمين مايبو يخرجوها في الشارع بدا الوقت المتأخر ودامهم بيتكلمو يعني متمسكين برايهم: طيب
خـــرجت هديـــل وعدت من قدام عدي وعلا وعزام وهيا راخيه راســها
عزام حط يدو على قلبو وهوا يستهبل: ايش بها كدا زعلانه
عدي طالع فيه : لاتقول امي وابويا خرجوها
علا :اكييد حيخرجوها منتو شايفين كيف عينكم حتطلع على البنت
عدي : احنا مبسوطين انو في وحده حتساعد نانا بس عشان كدا مافي سبب تاني
علا : هههههههههههه اسري بلله
دخلت الام والتلاته طالعو فيــها
علا : ايش ســـآر
الام قعدت على الكنبه واتنهدت بضيــق : حزنتني والله بس صعبه اجلسها قلنالها مانقدر قعدت تترجى ماعرفت ارد قلها ابوكي بكرا نتكلم
عزام يسوي بريئ: وليش صعبه تجلسيها
الام طالعت في اولادها الاتنين اللي باين انهم مقهورين : ولاشــي كدا مزاج ماباها
عدي : سايره قاسيه الفتره الاخيره
الام : هههههه اقولك روح نــآم وراك جامعه
عدي :بكرا ماحروح
الام : لك تلاته اسابيـــع مابتروح اهجد ياعدي
عدي مسك بلوزته بقرف : اكررره الدراسه مابى اكمل
الام وقفت : قوم ناام مافيا حيل اتناحل معاك ... بروح لاأبوكـــم ...

هديـــل دخلت الغرفـــه حق نانا .. ونانا كآنت مستنيتها ومتفائله مرا وصدمتها هديـــل
نانا : ليش !
هديل مالها نفس تتكلم رفعت كتفها : مدري بس حنام هنا وبكرا امشي
نانا اشرتلها على الفرشه اللي بالارض : حطيت هادا لليانه
هديل ابتسمتلها : شكرا
ونانا انسدحت على سريرهـــآ ...
هديل خرجت جوآلها وترســل كول مي لروان ... مو عارفه هيــآ فيـــن ولا ايش ســآر معاها
بالها بدأ ينشغل عليـــها ...

طفوله ملوثه بالواقع ...

في شوارع عشـــوائيــه تفتقر للتنظيم ..
طاحت عـــلى الارض بسبب صخـــره
ماحست باألم ماحست بالجرح اللي برجلها
كل اللي كــآنت خايفه منـــو انهم يمسكــوهآ وبــس . تطالع فيهم وهمــآ يجرو وملامحهم كلــها شــر
رعـــب فضيـــع لأول مرا تحس بكل دا الخــوف
رفعت نفســها من الارض ورجعت تجـــري بدون هــدف
تجــري لأبعد مكــآن ممكن تــروحـــو
وتسئــلها هديــل ليش مانشــرد من عند جاســـم
اتذكرت لما كآنت صغيره وضاعت في الشــآرع وجـآ وآحد يحاول ياخدها
اتذكرت لما ضربــها واحد بسبب انها تطلب منو فلوس طفشتو
اتذكرت لما سحبــو منها اولاد كل الفلوس اللي كآنت تحطهم في الحفــره
ورموها في الركنيــه وضربوها كلهم
تتذكــر مواقف ماتحب تحكيها لأحد لكـــن اللي بيسرلها دحين دا جوابها على هديــل
ببساطـــه لأنهم بنــآت حيتهانو وماحيقدرو يسو شــي ...

بدأت تشـــوف الشــآرع العآآم وتشووف سيــآرات واضائــه عاليـــه
شايفتو بعينها بس من الرعب تحسو لســـى بعيـــد ...
وصـــلت للرصيـــف وقطعت السكـــه بدون ماتطالع في السيـــآرات
فجأه المكـــآن ينقلب كلللو اصوات بواااري وازعــآج
طالعت وراها ماشافتهم شــآفت حديقـــه فيها العاب مرجيحه وزحليقـــه
وكلهم عوائـــل راحت على طـــول لأكتر مكان فيه ضجه عشـــآن ترمي نفســـها بينهم
عشــآن تحس بالأمان
برضو قعدت تتاكد بخوف ومالقتهم
جلست على العشب الاخضــر في نص الحديقـــه
ازعاج
اصوات رجال
ممزوجه بضحكات وبكــآ اطفال
خد ... اشتري دا. .. انتبه لاتطيـــح ... يابنت تعااالي ...
صوت تنفـسها لسى عالي
نبضات قلبها ماهديـــت
تسمع الاصوات وتبـــكي
ياألله قد ايــش تتمنى تكون واحد من دول الاطفال
تبا الأمان اللي عندهم
تبا احد يخاف عليها لاتطيح ولا لاتبــعد
غطت يدها بوجهها وتبــكي وكأنه مافــي احد
فجأه نسيــت الكـــل
مخنووووقه اكتتر مكــآن يكســرها جلست فيــه
انها تشوف عيله مهتمه باأطفالها
دا بنسبــه لها شي يقتــــلها
حست بشي على كتفها وقفت مفجووعه
حرمه كبيره في السن : فيكي شي يابنتي
روان رجعت على ورا واشرت براسها بالنفي : لا
مشيــت وسابت الحرمه لوحدها ماتبا احد يكلمــها ماتبا احد يسوي نفســه مهتم فيــها
خرجت الكاب من جيبها ولبستو ودخلت شعــٍرها
تمشي وهيا تطالع حولينها خايفـــه
ركبت تــآكسي وقالتلو يوديــها للمكــآن اللي فيــه هديـــل ...
خرجت جوالها لقتــو صامت وفيــه رسايل من هديــل اتصلت عليها على طول بعد ماحاولت تعدل صوتها
: الو
هديل مفجوعه : فييينك انتي
: روان دحين جيتك
هديــل : ايش سار معاكي
روان :لقيت مكـآن اشتغل فيــه ..
هديــل : حللو .. انا شكلي حخرج من هنـآ
روان: ليشش
هديـل : مدري الام خايفه على اولادها وتقولي مايسير بس حيخلوني انام اليوم
روان :طيب اسمعي ولا اقول دحين لما اوصل اخرجيلي
هديــل مو عارفه كيف حتخرج بس طبــعا لازم تشـــوف روان ..: طيب

قفـلت من هديــل وهيا حاســه انها مسئوله عنــها
طول عمرها هيا تهتم بنفسها وبهديــل ...

امــآ هديــل مستنيــه البيــت يهدى فجأه ســآر صمت
نانا نامـــت وبتشخر بكل صوتــهابالغرفه
فتحت البــآب بتردد خرجت راســها ..صمت مو طبيعي
واللمبـــآت مقفـــله غرفتها تحت جمب المستودع مالهم علاقه بقســم البيت مــرا
بس لازم تطــلع عشــآن تخرج لروآن
طلعت الدرج وخرجت للممر الطويـــل وقفت شويــآ وهيا تتاكد فيــه احد ولا لا وبعدها فتحت باب الحوش
وخـــرجت
اول ماوصلت رنــه لجوالــها فتحت باب الشارع وروان دخلت الحوش ...
هديــل على طول حضنتها :وحشتيني
روان نفسها تبـــكي بس ماسكــه نفسـها كل وحده حتسوي قويــه عشان تسند التانيـــه ...
روان :وانتي كمان
هديـل بعدت عنها وانفجعت من شعرها مسكتو : ايش سويتي وايش دا اللبس
روان حكتــها فين بتشتغل وايش الكذبــه اللي الفتــها
هديل : مو منجدك
روان : مشي حالك اهم شي اننا نشتغـــل بس كنت بقولك انو حاولي تماطلي معاهم
هديل : ايش اسوي
روان :قوليلهم بس يومين اشتغل عندكم على بال اختي تدور مكـآن نقعد فيــه
هديـل : ولو مارضيو
روان : انتي حاولي وانا اول ماخلص بكرا من شغلي حروح ادور احد ممكن يشغلنا الاتنين
هديــل : طيب تعالي ننام
روان : ماحقدر ادخل
هديل مسكت يدها : حنام تحت محد ينزل مرا
روان : بلاشي تخليهم يعصبو من اول يوم
هديل ولساتها مصممه : ماحنام بدونك ولا حخرج معاكي دحين
روان : هديل اهجدي
هديل وتسحب يدها : محد حيدري والبيت كبير ضايعين فيه
روان باستسلام دخلت وراها وهيا تهمس : حتودينا بدهيه
هديل ابتستملها ودخلــو البيـــت وهما يمشو بشويــش
نزلو على طول وقبل لاتدخل غرفه نانا : ترا في وحده معايا هنــآ
دخلو وانسدحو وهديل تغطي وجه روان وتضحك بشويش : لاتباني ياعبيطه
روان تخرج خشمها وهيا فاتحه عينها بقوه : تبي تموتيني ياغبيه
هديل بس تضحك مرا وحشتها روان غطتها تاني بللحاف: افرضي صحيت وشافتك
روان تشيل اللحاف من وجهها : اجل تصحى تشوفني ميته عادي
هديل :ههههههه يلا يلا حكيني ايش سويتي
روان : ولاشي بس لقيت دا المكان اللي اشتغل فيه وبــس خلصت وجيت
هديل اتنهدت : ادعيلي يخلوني هنا
روان : انتي اتمسكني ولا تبيني اعلمك زي زمان
هديــل فجاه ضحكت : فاكره ديك المسكينه اللي تجينا كل يوم تدينا فلوس عشان تحسبك عميه وانا اقعد ماسكتك وابكي
رواان فلتت ضحكه منها وحطت يدها على فمها مفجوعه: ههههههه ياحيووانه لاتضحكيني ماقدر امسك ضحكتي
هديل تتذكر وتكمل : مانسى وجهها لما شافتك تلعبي وقلتيلها انا بس في الظلام اشوف
روان حاطه يدها على فمها وهوا احمر مستحيل تنسى داك اليوم :ههههههه مصاصه دماء
هديل غطت وجهها ووجه روان تحت اللحاف ويتاهمسو ويضحكو

في البلكونـــه واقف وهوآ مو مستوعـــب مين دخلت بيتهم ...!!
رجع لغرفـــته وقعد متنــح شويــآ وبعدها نزل يشوف ايش الهرجه ومين دي اللي جايتهم اخر الليل
بــس مالقى احــد وقف عند الدرج اللي ينزل لغرفه نانا ومتردد ينزل ولا لا
طالع حولينه ونزل بهدووء وصل لغرفه نانا وحط اذنو على الباب
سمــع ضحكــآت خفيفـــه !
وفجأه صمت وفجأه ضحكك
رجع لغرفتـــه وهوا مو عــآرف ايش الهـرجه بس حيصحى بدري يشوف مين دي اللي جــآت كمان ...

طفوله ملوثه بالواقع ....

في آخـــر الليل يدور بسيــآرتــه في الشوارع بدون هـــدف
مـــلل
طفـــش وقف كدآ مرا لأي مجموعه بنات او بنت واقفه لوحدها ويوصلها
يسلــوه ويخلو الوقت يمـــر ...
جا النــوم ورجع لبيـــته دخل الشقــه ولقى ابــوه قاعد على الاخبــآر: هلا
: اخيرا جيت
جلس على الكنبه اللي جمب ابوه:ماتوقعتك صـآحي
: انسدحت ماجاني النوم قلت استناك _ رفع الريموت وهوا يوطي الصوت _ كنت بكلمك ف موضوع
طالع فيه وهوا مستني يتكلم
: قررت اتزوج
لؤي مفجوع وقال باانكسار واضح بعينه: امي لها شهرين متوفيه !
: الحزن بالقلب ياولدي ربي عالم قد ايش مشتقلها بس ايش اسوي
لؤي لسى ماستوعــب ضحك : بجدك !
: لسى حدور وحده على قد حالها وترضى بيا
لؤي سكت شويــآ وبعدها وقف : دام انتا متخذ قرارك خلاص الله يوفقك
الاب متمسك بكلامه عارف انو ولدو حيزعل يومين ويرضى : والله فكرت بالموضوع كتير واستخرت والحمدالله
لؤي : طيب انا حنام تعبان
الاب : تصبح على خيــر _ ورفع الريموت وزاد الصوت _
لؤي دخل غرفته والشي الوحيد اللي يحط حرته فيه قفلتو لباب الغرفه جلس على طرف السرير وهوا
متنرفز
معصـــب
متضـــآيـق
لســى مافاق من فقدو لأمو وابــوه حيتزوج
لسى مخنوق سار يكره انو يرجع البيـــت
كل شي مالو طــعم
فطورهم غداهم وعشاهم
جلستهم في الصــآله ســآر مالها معنــى مافي حديث يتكلموه غير شي يخنق زياده
اتنهد بكل صوتـــه وكل اللي يتمناه بدي اللحظـــه انو يضمهــآ
ويقعد معاها ...
دق جوآله خرجو من جيبو رقــم غريـــب
دي تالت مرا يتصل عليــه دا الرقـــم ..
خليه يرد ويخلـــص ... : الو
: لؤي ؟
: ايوا هلا مين معايا
: انا وليد
لؤي : وليد مين
: وليد ال""""
لؤي استوعب : معليش بس صوتك متغير بالجوال
وليد استغرب بس كمل كلامه : والله كنت احاول اوصلك طول اليوم وماقدرت انا اسف لاني جيت سجلت اسمي ومشيت اتصلو عليا الاهل سارت ظروف كآن نفسي اشوفك واعتذرلك بس مالقيتك
لؤي تنح : متى انتا مشيت !
وليــد : الساعه 9 الصباح
لؤي وهوا يتكلم وفبالو يفكر بـــشي تــآني : اهااا يعني ماقدرت تحضر اليوم
وليد وهوا يعيد : ايوا معليش ولاحقدر اجي دي الفتره انا اسف بجد وعارف انك اعتمدت عليـآ
لؤي : طيب انتا مارسلت احد بدالك !
وليد بااحراج : لا والله معليش مافكرت ت
لؤي :مومشكله حصل خيــر اهم شي انتا كويس وكآن نفسي اشوفك امي حكتنا عنك كتير
وليد : الله يرحمها ويكثر من امثالها كآنت انسانه طيبه ووقفت كتير معانا
لؤي : امين يارب لو احتجت شي اتصل عليــآ
وليد : مشكور ماتقصـــر
قفـــل وهوا على وجهه مية علامه استفـــهام
طيب مين اللي في المستودع ....!
قام غيــر ملابســـه وهوا باله بس في الموضوع دآ
مو قادر ينـــآم يبا يجي الصبــآح عشان يعرف ايش الهـــرجه ...

قـــآعد على ســريـــره يتــآبع عــلا لها يومين ولا جابت سيــره صحبتـــها
انقهـــر ..
ومالحـــق يفكــر اكتـــر الا ويسمــع صوت صراخ اختـــو دف اللحاف
ونط من فوق سريره ....

في المطبــــخ وماســـكه شعـــر بنتها قدام القدر اللي على الفـــرن وبيغلي الاكل : كم مرررا اقولك لاتكثري الملح ماتفهمي ماااتفهمي
لمــى تحس البخــآر الحــآر بوجههها : ممامااا انا اسفه الله يخليكي
امها وصلت لمرحله ماتقدر تتحكم بنفســها وموهمه نفسها بدا الشي لأنو دي التصرفات بس مع شخص واحد بتسويــها :ماتفهمي الا لما
اديكي درس وقتها تستوعبي
قربت وجهها اكتــر وسارت لمى تصررخ بكل صوتـــها : ماااامااا اااه ماااماا الله يخليكي الله يخليكي
جا تـميم زي المجنووون سحب اختـــو :من جدككك ياماما !!!!!!!!!!!
مسكت في اخـــوها وجسمها كلو يتنافض وتبكي بكل صوتها
الام بعصبيــه : ذووق الاكل ماينطعم الله يقرفها طبعا مو فاضيــه يادوب تتجهز لخرجتها الجيـــه
تميم اشر لأختو : روحي غرفتك
لمــى على طـــول شـــردت ...
تميم سار مايرتاح يسيب لمى مع امو لازم ياهوا ياتــآمر في البيـــت ...
وبنفس الوقت عارفين انه امهم اللي فيها مرض نفـــسي ...
كـآن نفسو يقولها كلام كتيـــر بس عارف طبع امو انها حتعصب لو دافع عن لمى وحتتجنن زياده وتضربها اول ماتجيها فرصه
مسك امــو وحضنها : لاتعصبي نفسك لمى صغيره ماتفهم انتي المفروض تعلميها
امو تهرج برضو معصبه وهيا في حضنو : هيا بقرره كم مرا اعلمها ماتفهم
تميم يهرج معاها وكأنها طفله: ايوا بقره كلنا عارفينها ماعندها ربع ذكائك لازم تستحمليها ولا ليش تتعبي نفسك انا اجبلك اللز اكل من برا
امو بعدت عن حضنو ورفعت يدها : لاا سدت نفسي الله يسد نفسها ويسد طريق توفيقها ان شاءالله
مرا انقهر من الدعــــوه ..بس ايــش يقول يسكـــت ويدعي انو الله يسعد اختــو ويوفقهـآ ...

قفـــلت باب غرفتها وقعدت ورا الباب تبـــكي بكــل صوتـــها
تمرر يدها على وجهها اللي تحســـو حــآر
مو عــآرفه ليــن متى حتعيش دي الحيــآه
لين متى حتكون مضطهده ف دآ البيت اليوم امها
وبكرا ليث جاي على الغدى فاأكيد في مصيبه تـآنيــه

قامت من مكــآنها وهيــآ تبــآ تــروح الحمام مسحت دموعها
خرجت من غرفتها واتوجهت للحمام اللي بين غرفتها وغرفه امــها بس فيــه احد

اتوجهت لقسم الضيـــوف شويـآ بعيد عن غرفـهم
دخلت المجــلس حق الرجال وفيه جوتـــه الحمام الخــآص ... دخلت وقفلت الباب على نفسها
بعد ماخلصت غسلت وجهها تبا تتجهز لخرجتها
ماحتحرق قلبــها بقعدتها بالبيت
دوبها بتفتح الباب الا كل شي في جسمها جبــس لما سمعتو يتكلم ..: هلا تــرف
حست عينها حتخرج من مكانها من كتر الصدمه حطت اذنها على الباب
تبا تتأكد دقات قلبها كل مالها تـــزيد
حطت يدها على فمها وهيا تحاول تضبط انفاســـها

في مكـآن تــآني فجعتها لاتقل عنـــها
فجعتها اضعاف اضعاف اللي تحس فيـــه لمـــى
مو قادره تتحرك من على سريرها
صوتها رجف لاشعوريـــآ تحاول تمسك نفسها بس ماقدرت : ايوا تـآمر
خلود تطالع فيها صح بعض الاحيـــآن يتضاربـــو ويتمشكلو كتيــر
بس تعرف قد ايش بتعاني تــرف وقد ايش انظلمت
ماقدرت تشوفها وهيا كدا ضعيفه
خرجت من الغرفه وسابتها
تـآمر قعد على اقرب كنبه بعد ماسمع صوتــها : كيفك
ترف: كويسـآ
كلمات بالقوه تـــخرج من كل وآحد
تـآمر سكت شويـآ وبتردد قال : كيف ولدك
ترف نزلت دموعها ومسحتها بكبرياء وكأنه شايفها : تمـآم
تـآمر : كم عمرو دحين
ترف تجاوبو مو قادره تقولو ليش اتصلت مبسوطه لأنو بيكلمها : 11 سنه
تامر ابتسم وبنفس الهدوء لساتو يتكلم : ماشاءالله
لحظه صمــت تــآنيه
تامر : كنت متصل اسئلك انتي تخرجي برا البيت كتير
ترف مافهمت ايش غرضو من السؤال بس جاوبت : بس اروح لدوامي وارجع ليش ؟
تـآمر : عملك فين
تررف مرا خافت بس ماتحس تامر ممكن يضرها قالت : اشتغل في محل """"
تامر باستغراب : محل """"" يعني في مول تشتغلي؟
ترف : ايوا
تامر هنا حس المفروض يقولها : اسمعي انا اتصلت لسبب واحد بس
ترف ساكته وتباه يكمل
تـآمر : ليث كآن مسافر ورجع وبيدور عليكي
ترف مرا خافت بس كان عندها امل انهم عرفو الحقيقه انها مظلومه : ايش يبا
تامر مو عارف ايش يقولها : بس كنت بقولك انتبهي على نفسك وكنت ابا ارسلك صورته لو شفتيه في اي مكـآن _ سكت وبعدها قال _ انتبهي على نفسك
ترف لاشعوريا بكيت بصوتها بعد ماكانت تبكي بصمت : ايش يبا مني انا وولدي في حالنا مانبا شي منكم
تامر : انا ماليا صلاح ولا ابا شي منك وبنفس الوقت حبيت اديكي خبر بس
ترف خلاص تبا تقفل : طيب
تـآمر بتردد : انا اسف لو
ترف قاطعته : مالك صلاح شكرا لانك اتصلت ..فيه شي تـآني ؟
تامر فهم انها تبا تقفل : لا
ترف : طيب مع سلامه
قفلت بدون ماتسمع رد منـــو ... رمت الجوال بعصبيه على اللحاف
وانسدحت على مخدتها وبكيت بكل صوتتتها
حتى لما سارت حـــره يبو يقيدوها
يبوها تمشي في الشوارع خايفـــه تشوف احد فيـــهم ..
خلود على طوول دخلت الغرفه لما سمعتها وجات جلست عالسرير وحطت يدها على ظهر ترف : ايش سار
ترف تتكلم بكل صوتها وهيا معصبه وتبكي : ليث يدور عليا مو مرتاح اني عايشه ومبسوطه يبا ياخد روحي الله ياخد رووحه
خلود تمرر يدها على ظهر ترف : ماحيقدر يسويلك شي لاتخافي
ترف تهرج بين شهقاتها : حسبيه الله ونعم الوكيـــل حسبيه الله فيهم
خلود : حبيبي انتي اخصريكي منهم لو احد قرب منك اشتكي عليــه وبس

صوت نغمه الجوال رفعت جسمها ترف من ع سرير على طول ومسكت الجوال
كانت بتفتحه الا فيه رمز سري ادته لخلود ووجها احمر من البكى : افتحيه دا تــآمر
خلود بكل طاعه فكت من غير ماتسئل
فتحت الواتس وشافت الصوره رسمت ابتسامه قهر على وجهها ودموعها تنزل : شوففيه دا ليث
تحط الجوال قدام خلود : دا اخويــآ
رجعت تطالع بصورته وتبــكي بدون ماتتكلم
مرت دقايق وهيا تطالع فيـــه
طالعت في خلود وملامحها كلها قهر : يشبه سـآمي
خلود اخدت الجوال منها : طلعيهم من راسك انا لو ادري تامر حيقولك دا الكلام ماكان خليتك تردي
ترف تاشر على نفسها : عادي انا زيك بلهه اتوقعت انو يبا يشوفني واشتقلي
قامت من على السرير وهيا مو عارفه ايش تبا بس تحس نفسها مخنوقه
تمشي بالغرفـــه وهيا تحرك يدها على صدرها وكأنه الغرفـــه مافيها هوى
: الله ياخدو
وقفت قدام التسريحه وشالت المزهريه وكسرتها في الارض وكآنت بتشيل العطور
خلود قامت مفجوعه من السرير ومسكتها : تتتترف اهجدي ساامي لايصحى
دفتها وهيا تمسك بلوزتها : ايش يبووو مننني ايش يبووو رامينني لوحدي وبرضو مو هاين عليهم اعيش
خلود تحضنها وتحاول تتكلم : خلاص اهدي الله يخليكي
ترف لسى تحس في كلام جوتها كان نفسها تقولو لتامر : مالو حق يتصل يقولي دا الكلام مالو حق يحرمني اني اعيش براحتي
خلود :مالهم حق انا عارفه انا غلطانه لاني رديت عليــه _ بعدت عن ترف وطالعت بوجهها _ خلاص انتي اقوى من كدا لاتخليه ياأثر عليكي
تــرف تمسح دموعها وقالت بقهر : حرقلي قلبي بكلامه

واقفه ورا البــآب رجولها مو شايلتها مع الفجعـــه
لا لا يمزززح تـــآمر
تتمنى يطلع يمـــزح
دحيــن عــرفت مين خـــرجها
كمــآن يتواصل معــآهآ
حســـت بكره فضيع لتامر
مو عارفه كيف حتطالع في عينــــه
بعد مامشي قعدت شويـــآ وبعدها راحت لغرفتها وانفجرت بكـــى
لين مادق الباب وبعدها فتحـــه
دخل بس راســـه وهوا مبتسم عارف انها تبكي يحسب عشان امها ضربتها : يامزتي ماتبي تلبسي ولا ماحتروحي
رفعت راسها وهيا تطالع فيــه : قايمه
تميم : والله لو أمي دخلت وجهك بالقدر كآن برضو روحتي يلا يلا استناكي
قفل الباب
وهيا ضحكت مع انو الموضوع جارحها بس اتخيلت شكلها وهيا محروقه ورايحه ...
اتجهزت لبست عبايتها وحطت شنطتها على كتفـــها وخرجت
سلمت على امها وكأنو ماسار شي ولقت تميم واقف بالشورت الاسود وبلوزته السودا المخططه من الجنب بفصفوري عند الباب
: يلا يلا _ يطالع في سـآعته _ اتاخرنا
: طيب
ركبــت معاه السيـــآره وهيا موضوع تــآمر وتــرف مو راضي يخرج من راســـها ....
تميم كل شويـآ يطالع فيــها : غريبه ماتبي الجوال
لمــى : اوه نسيتو _ فكت الدرج وخــرجتو شغلتو _
تميم : كيف اتعلمتي مكياج .؟
لمى وعينها على الجوال: ايوا مع اني بس ليا اربعه ايام لكن استفدت مرا
تميم : كوويس
لمـى على طول فكت السنـآب وتتفرج على عـلا
ليــن ماوصلت تتفرج وهيا بالها مو فــ السنابات مـــرا بالها كيف توصل لتــرف ولا كيف تبرد قلبــها .
: مع ســـلامــه
امـآ تميم مالقى موقــف قدام القـآعه فاضطر يمشي
وهيا مشيت باإتجاه الباب مسكت الشنطه بتدخل الجوآل واللي واقف عند الباب يدير ويمشي
سد الطريـــق وهوا واقف ويطالــع فيها بااستغراب
لمحت احد رفعت راسها عن الشنطه وانفجعت مو عارفه ليش وااقف كدا
ابتسم واشر عليها بعفويـــه : انتي معايا بالجامعه صح
مسكت حبل الشنطه وحست قلبها حيخرج من مكــآنه : معليش متاخره
بعد عن الباب باستغراب وسابها تدخل

رجع لسيــآرته واتصـــل : ايوا .. علا حطيتلك الاشياء عند الباب .. اخر مرا اتعامل كأني سواق عندك
علا : هههههههههههه حبيبي عُدي والله معليش ... مرا مرا شكرا

لمـــى دخلت .. وقلبها يدق بسسسرعه
اييوا موقف زي كدآ يخليها يمكن مفجوعه طول يـــومهـآ
موقف زي كدا لو ســـآر وامــها فيـــه كآن فضحتها
كآن طلعتها هيا الغلطانه مع انو مالها صلاح ...
نفضت كل الافكــآر من رآســــها ...

وركزت بالشي المهم " علا " وبــــس ...مر الوقــت بســرعه صح لاشعوريــآ تسرح وتتذكر تــرف
بــس كل ماتتذكر انها شي مو مهم عشــآن تفكر فيها بمكـــآن زي كـــدآ
لأول مرا تبا تقدم نفسها على الكـــل ...

بـــرا
برضـــو اليـــوم مر وماجـــآت اللي مستنيـــها مرا بدأ يتضايق من الموضوع
خرج السماعات من اذنــو وهوا في نص اللممشــى ويفكر يسوي دي الحركــه ولا لا ...
ليش مايسويـــها يبا يطمن دا رابع يوم يجي وماتـــجي بعد الطيحــه
رجع حط السماعات وكمــل يجــري شال الفكره من رآســـو
دق جواله ورد : ايوا لمــى
: طيب السياره بعيده انا حجيكي لما اتصل اخرجي _ قفل _
وراح لأختو دوبو وقف عند القــآعه الا شــاف سيــآرتها
ابتســآمه اترسممت على وجههه مو طبيعيه
ماتصـــل على لمــى
مايباها تخـــرج
اما صحبـــه علا فكت بــآب السيـآره وخــرجت
بتمشي كويسس يعني مافيها شي
بسسرعه قدم يبا يوصل قبلها لعند البــآب
يمشي بخطوات سريـــعه ووصل وهيا تمشي وتتلكع
مسوي انو مشغول بجوآلـــه
واول ماوصلت طالع فيها وانو اتفاجئ : اهللن
مرا اتفاجئت لما شافتــه واتفاجئت اكتــر انو كلمها : اهلين !
وقفت في مكـآنها ولا اتحركت
: كيف رجلك
طالعت في رجلها ببلاهه وبعدها قالت : كويسا !
طالعت في الباب وهيا تبا تدخل وهوا عارف انها منحرجه كدا وقفها بسؤال تاني : انا اسف على داك اليوم
تهرج بهدوء وهيا من جوتها بتموت من كتر مو مستحيه : لا انا اللي ماشوفتك انا اللي اسفه
تميم برضو هرج بسرعه قبل لاتمشي : كل يوم اجي مع اختي على اساس اشوفك واعتذرلك والله
ابتسمت ووجهها حمـــر : الله يديك العافيه مايحتاج انا اللي منحرجه منك
تميم ابتسملها وهيا هنــآ راحت فيها لاشعورياا ابتسمت تـآني بتنــآحه وبعدها اشرت على الباب : صحبتي مستنيتني
تميم : اوك معلليش
وهيا اول مادتو ظهرها فرصعت عينها مفجوعــــه
ودخلت تدور زي المجنونه على علا وخدودها محمره بشكل فضيــــع ...

في القــآعه لمـى واقفه ومستنيه اتصـــآل تميم
جـآت جمبها وقالت وهيا تتذكر : امم لمى صح
لمـى وابتسامه على وجهها :اييوا
علا ابتسمتلها : ماشاءالله عليكي ابهرتيني والله اليوم
لمى متفاجئـــه ماتوقعت تجي تكلمها وتمدحها كمان : بجد !
ماعندها ثقه بنفســـها
حست اللي سوتـــه مو داك الشي وكلهم كآنو احسن منها
علا وباين انها اعجبت مرا بعملها : ايوا حبيبتي والله ابدعتي وحابه بجد اكلمك بموضوع يخص دا الشي _ مدتلها بطاقتها _ خدي دا رقمي اتصلي عليا
لمى مدت يدها مو صدقــــه : ان شاءالله
علا : مع سلامـــه
لمــى ولسى الابتسامه على وجهها ونفسها تنطنط كمان : مع سلامه
تطالع في الكرت مو مستوعبــــه
فوقها صوت جوآلها اللي يدق من غيـــر ماترد خرجت على طول

اما عـــلا شافت صحبتها ...
: رشااااا
رشـــآ نفس الصوت اللي مبسوطه وتبا تبكي بنفس الوقت : علاا
علا وقفت : ايش بك كمان !
رشا حاطه يدها على خدودها اللي تحسهم زي النـــآر : تعالي نروح ناكل حلا يفوقني من الصدمه
علا : هههههههههههه لاتقولي شوفتيه تاني
رشــآ : ايييييوا الكلب يجننن نفسي احضنوو وهوا يكلمني
علا : هههههههههههههه ايش جابو
رشا تحرك نفسها بدلع : كآن بيطمن عليا
علا : المفروض انتي الللي تطمني عليه
رشا عرفت ايش قصدها ضربتها على كتفها : والله العظيم ماعورته انا اللي اتعورت
علا: بجد جا عشان يطمن عليكي ؟
رشا : لا قلي هوا يجي مع اختو هيا هنا بس مدري بتاخد دوره ولا تشتغل المهم انو كان بيطمن عليا
علا : ياعيني ياعيني يعني انا السبب في التعارف دآ
رشــآ مدت يدها : حضن حضن ياصحبتي
علا حضنتها وهيا تضحك : هههههههه حشوفك شكلي كل يوم
رشا بعدت وتطاالع فيها : كم يوم باقي على الدوره وتخلص
علا : يومين
رشا حطت يدها على قلبــها : تتوقعي حيقدر يشبكني في يومين
علا : ههههههههههه لا الا لو كنتي خفيفه
رشا بمزح رفعت عدسه عينها على فوق وهيا تفكر وبعدها طالعت في علا : بجد ماحفوتو لازم اكون خفيفه

خرجت من القــآعه والارض مو شايلتها من الفـــرحـــه
شافت تميم ومسكـــت يدو وشدت عليها : علا علا تباني اكلمها
ماشين بطريقهم للسيــآره
تميم بااستغراب : في ايـــش ..
لمى : مدري بس عجبها المكيــآج اللي سويتـــه وقالتلي تبا تتكلم معايا كانت مستعجله ومع الصدمه ماسئلتها ف ايش المهم اني ابا الجوال عشان اتصل عليها
تميم : هاتي جوالك لما نوصل وحخليه معايا متى ماتبي تتصلي تعالي غرفتي وكلميــها
لمى نطت وهيا تمشي : ااااه مرا مبسوطه
تميم : هههههههههههههه
صحــيت هديــل قبل روان من كتر مو خايفـــه نانا تصــحى
حركت روان :روان روان
روان بصوت عالي وهيا تتحرك على الفرشــه : امممم
هدييل حطت يدها على فمها وهيا تكتمها : اوصصص
روان تحسب احد هجم عليها دفتها على طووول وجلست مفجوعه
هديل : ايش بك
روان حطت يدها على قلبها :فجعتيني بلهه انتي
هديــل وقفت تأشرلها على براا : قومي نانا حتصحى
روان بعدت اللحاف وخــرجو بســرعه من الغرفـــه ولساتهم واقفين بالدرج ...
روان بقهر : مرا مريح المكان ابا انااام
هديل اتبسمت : يلا لاتسويلنا دحين مصيبه خليني اطلع اشوفلك طريــق
روان قعدت على الدرج وهيا سانده خدها على يدها وتحس انها حتنـــآم تــآني
سمعت صوت هديــل طلعت وخرجتها الحـــوش ودعــو بعض ومشيت روآن
امــآ هديــل دوبها بتديـــر الا لقــتو واقف قدامها : بسسم الله
: مين اللي خــرج
هديــل قلبها يدق بسرعه :محد
: شوفتك تفكي الباب
هديل بكذب : طاحت اسورتي وبدور عليـها
: الساعه سبعه الصباح !
هديل بكذب زياده وهيا تتمسكن : ايوا الاسوره دي من ماما الله يرحمها
سابـــتو ودخـــلت بدون ماتسمع ردو ...
اما هوآ حــس انو صدقــها مع انو لمح احــد معاها دوبــو ...
رجع دخـــل وقبل لاتنـــزل ناداها تــآني : بنت
طالعت فيــه : جيبيلي كآسه مويــآ
هديل خافت الام تنزل وهيا تتكلم مع واحد من اولادها: انا ماشتغل عندكم
ونـــزلت للمستـــودع
اما عزآم رجع لغرفتـــه شكلها لزيز وهيا صاحيه من النوم وخارجه من غير ماتحط شي على راسها
لو امه شافتها كدا حتقتلها ...

نزلت وهيا تكلم نفسها : خايفه على اولادها وانا المفروض اللي اخاف منهم ..

طفوله ملوثه بالواقع

رآحت روآن لعملـــها وهيــآ تعبـــآنه نوم اخدت سندوشت في طريقــها
حست باألم في رجلها رفعت البنطلون لقت دم نــآشف وزراق فضيع حول الجرح
عقدت حوآجبها وهيا تمرر يدها عليــه اتذكرت طيحه امس ولا حست فيــه من كتر الخــوف ..
نزلت البنطــلون ولبست الكــآب ونزلت لما وصـــلت دخلت وسلمت على رايـــد وكملــت شغل لين ماجا الظهــر
هنــآ جآ اللي راعبــها : السلام عليـــكم
رايد وروان : وعليـكم السلام
روان على طول تكمل الشغل وهيا دايره ظهرها ماتبا تتواجه فيــه
اما لؤي يتكلم مع رايــد وعيــنو عليـــها
مو عارف يمسكو ولا يمشي معاه في الكذبـــه
وف دقايق قرر انو يمشي معاه يبا يشوف ايش نهايـــته ...
حاسس انو متوتر ودوبـــه فهم ليـــش ...
رفع جواله لؤي لما دق : ايوا هلا عدي
: لا في المستودع .... ياشيخ اهجد وروح الجامعه .... خلص محاضراتك ونخرج.. نادي عزام .. ليش ايش عندو ... ههههههههههههههه يااخي اخوك دا مدري لمتى حيشتغل .... يلا سلام

روان "اااه ياقلبي حيشلوني "
رايد : ولليد تعال ودي دي الكراتين
الكراتين كانت جمب لؤي
راحت بخطوات سريعه وهيا بسرعه بتشيلها وتمشي من قدامه
: ولييد
روان دوبها بتشيل الكرتون الا وقفت : هلا
لؤي اشر براسه عليها : ايش بها يدك
روان طالعت في يدها ولقتها مجرحه طالعت فيه : طحت امس
لؤي : وانتا تشتغل ؟
روان : لا لا في الشارع
لؤي : اها سلامتك
روان نزلت تشيل الكراتين وقالت : الله يسلمك
ومشيـــت على طووول بدأ يحس بشي مو طبيعي
ملامحه مرا ماتدل انو ولــد بس بنفس الوقت ماجا ببالو انو بنت !
رايــد بدأ يلاحظ بس نظراتو على روان واول مامشيت وبعدت قال وهوا يدافع : تراه لسى مايفهم استنى عليه شويا يتعلم
لؤي سحب كرســي وقعد : اتوقعته فاهم في شغله
رايد : لا اول مرا اتوقع يشتغل انا علمتو
لؤي رفع حوآجبه وطبــعا يعرف انو وليدد دا اختصاصه .. : اها يلا مو مشكله
جــآت روان ولــؤي وجهلها كلامــــه : اسمع انا مــآشي دحين انتا اليوم حتقعد صح ؟
روان : ايوا
: خلاص انا حجي على 8
روان اشرت براســها من غيــر ماتتكلـم
خرج وهيا تطالع فيــه لبــس نظارتو الشمسيــــه ومشــي ...
مرتـــب مرتـــب وهيا جمبو تفجع من كتر مو مبهدلـــه ..

طفوله ملوثه بالواقع

وآقفــه قدام المرآيـــه لفت شعــرها وخلتو على فوق ... لبست تيشيرت ابيض وبنطلون جنـــز
وجهها فـآضحها من كتـــر مابكيت مع انو لها ســآعه هاديـــه لكن بــرضو عيونها منفوخــه من البكى
وخشمها محمـــر
خرجت من غرفتها طلت على ســآمي لقتــه نايــم
لما يزعـــل يقعد على سريره طول وقتــه وبس ينــآم ..
اخدت شنطتها وخــرجت
وصـــلت للمــول وهيا لأول مرآ تطــآلع بكل النــآس
حاولت ماتخآف وتطنــش لكن مو بيدهــآ الموضــوع ..
وصــلت للمحل ولقت ميــرنآ
ميرنا اتفاجئت من وجهها بس ماحبت تعلق : كيفك
تـرف : كويسا وانتي كيفك بعد التعب
ميرنـآ : الحمدالله اليوم مرا احسن
ترف ابتسمتلها وشمت ريحــه الدخـآن عرفت انو براء جوآ كالعاده
اول ماسمع صوتها خلــص سجارتــه وخــرج مايدري ليـــش بس نفسو يطالع فيــها
نفســو يعرف ايش هرجتـــها وقصة السجن اللي سمعها ..
بس اول ماشاف وجهها ماحب يحتك كتيــر معاها باين انو ســآير معاها شــي بس سلم من بعيد وهيا ابتسمت
وهنا ميــرنا انفجعت من الوضــع اخر مرا كآنو حيقتلو بعـــض
تــرف جلست في مكــآنها المعتــآد يدخلو النــآس ولاتتحرك
ف عــآلم تــآني
واي رجــآل يدخل تطالع فيــه وكأنه خايفه يكون ليث
قامت من مكــآنها وراحت للطاوله اللي قاعد وراها براء
شافت الولاعـــه واتذكـــرت الحشيش اللي بشنطتــها ..
طالعت فيه براء : ممكن ؟
براء طالع في ولاعته وبااستغراب : اوك!
اخدت الولاعه واخدت شنطتــها وطلت في ميرنا : شويــه جــآيــه
تبا تبعد عن انظــآر كل النــــآس مو عـــآرفه فيــن تـــروح
مو عارفه فين تقعد بس مو قادره تتحمـــل
مخنـــوقه
نزلت لمواقف السيـــآرات تطالع يمين ويســآر
هدوووء والاضائــه خفيفه ...
السيــآرات مصفوفه في كل الموآقف جلست على دكـــه وكآنت خلف السيــآرات
ولعت سجـــآرتها ونفخت بكل رآحه في الهوآ
شعـــورها حــآليا لايوووصـــف
حطت السجاره تاني على فمها وهيا تنفخخ
مر الوقــت وهيا لســآتها مستمتعه بكل لحظه
حست بااسترخــآء فضيــع
وكل عضلات جسمها اترخت دا الشي اللي يروقها
دا الشي اللي يهديــها من الضغوطات اللي حوليـها
رمت سجــآرتها فكت شنطتها واتعطرت
مسحت يدها بمناديل معطــره
ورجعـــت دخلت وهيا مبتسمـــه
تحس انها راقت ارتاحت ... مع انو نفسها حاليا تترمي في اي مكــآن وتنــآم
وبراء يطالع فيها مفجوع قربت منو وادتو الولآعه
ورجعت قعدت ف مكــآنها بكل صمـــت
ولاعتــه حولينها زي القمــآش قربها من خشمــو ورجع شمها تــآني
متــآكذ من الريحــه مو دخــآن
تحشش !
ميرنـآ : تبوني اجبلكم اكــل معايا
تـرف على طول : ايوا بلله مرا جيعانه
براء : لا شكرا
ترف قالت لميــرنا اللي تبــآه وخرجت
براء قاعد يحوووس في المحل مو عارف يتكلم معاها ايش يقول
بعد الموقف دا وكلام امــو سـآر مو عارف ايش يقوولــها
سكت بصمت وبعدها قال : انتي فين كنتي تشتغلي قبل لاتجي هنـآ
تـرف طالعت فيــه وهيا مرا هاديــه : امم كنت مع صحبتـي شغله نسائيـه
براء : قد ايش قعدتي تشتغلي فيها
ترف : سنـه ونص تقريبا
براء : وقبلها فين كنتي تشتغلي
تـرف ملامحها اتغيرت وكأنه قلها كلمه جرحتها : ماكنت اشتغل
براء ببلاهه : اها يعني دي تاني وظيفه لكي
ترف وهيا تلعب بتوتر بجيب الجنز : ايوا
براء : كآن زوجك هوا اللي يصرف يعني عليكم
تـرف سكتت وبعدها قالت : انا مآخلي رجال يصرف عليـآ
براء ابتسم : زوجك ياهو حتى زوجك وسخ زي بقيه الرجال
ترف وقفت بهجوميــه : ايش تبا ؟
براء عارف انها حتعصب : ايش بك بنتناقش عادي
تــرف : خليك في حـآلك
براء لعب بالورق اللي بيدو على الطاوله وقال بااستفزاز : يعني طالبه ولاعتي ورايحه تحششي وبعدين تقوليلي خليك في حالك
ترف جات لعندو واللي فاصل بينهم بس الطاوله : انتا ايش لك
براء رفعلها حاجبو : انتي بتحششي في نص دوآم كيف ماتبيني اعلق
تــرف حطت صباعها على راسـها وتهرج بكل استفزاز : انا حـــره ومالك حكم عليـآ خليك في نفسك وف مرتك اللي ساحبه عليك
براء : ههههههههه والله مو حزنان الا عشان عندك ولــد _ رمالها الولاعه _ روحي حششي زي ماتبي ابويـآ استخف لما وظفك
ترف بحلق ت بعينها مصدومه من ردو قالت بشويش : ايش قلت !
: لو سمحتتتي في مقاس ميديم
تــرف لساتها تطالع في براااء وهوا مو مبتسم بس نظرتو حقيره وكأنه يقولها انتي وسخه
: لووو سمحتي
ترف دارت على البنت وهيا تحاول تهدى تحاول بس مو قادره تتعامل معاها وتبا تخلص
والبنت رايقه وتشتري
دق جوآل بــراء وهيا تسمعو يتكلم ويضـــحك
بالها مو مع البنت بالها معاااه نفسها تخنقـــه
خــرج من المحل وهوآ يتكلم مع صاحبـــه : ايوا تعال انا قبال المحل
وجـآت ميرنا تديها الاكل وبكل نرفزه ردت : انسدت نفسي
ميرنا انفجعت : ححطلك هوا في المخزن
ترف ولاردت عليها مستنيـــه براء يجي ...

طفوله ملوثه بالواقع
عـــلى طـــآوله العشـــآ متجمعين بس مافي حيــآه بينهم
كلهم جالسين عشان فيه شي جامعهم وهيا امـــهم ...
يحاولو يجــآملو ويتكلمو مع بعــض عشانها لاأكتــر
قاعده ف مقدمــه الطاوله
وبيمينها ليث وبيسارها تــآمر
وجمب تـآمر لمى وقبالها تميم
الام : ليث ترا حزعل لوماجبت بزورتك بكرا
ليث : ياامي ايش اسوي هيا كل يومين ناطتلي عند اهلها واخده البزوره
تـآمر :الادميه طفشت من كتر قعدتك مع اصحابك
ليث طالع فيه : ايش حشرك انتا
الام اتكلمت قبل لايعلق تامر : المهم المرا الجايه جيبهم معاك ولا ماحتدخل
ليث : ان شاءالله
سااد الصمت مرا تــآنيه واصوات الملاعق هيا اللي طاغيه بالغرفــه
ليث : في خبــر - ساب ملعقته في الصحن وطالع في لمى _
لمى كآنت عينها على صحنها حست بنظرتو وانفجعت رفعت راسها بشويش والكل يطالع فيـها : ايش في
ليــث : في عريس متقدملك.._ بفخر _ صاحبي تركي
تميم برده فعل سريعه: العصبي اللي يصرخ على الرايح والجـآي
ليـث : تحمد ربها جاها واحد
تامر :ليش ايش بها وحتى لوماجاها قاعده معززه مكرمه معانا
لمى مفجووعه اخر شي ممكن توافق عليه واحد جاي من طرف ليــث
ماتكذب وتقول ماتبى تتزوج
بالعكس تبا تشرد من امها بس مو مع اصحاب ليـــث ..
لمى نزلت عينها وهيا تلعب بالأكل اللي باقي بصحنها : مابى اتزوج
ليــث : وليش ماتبي تتزوجي
لمى بكذب : بخلص دراسه
ليث بااستهزاء : بس يللي الدراسه اكله مخك ايش حتسيري يعني بعد دراستك مصيرك تتزوجي وتقعدي في بيت زوجك
تميم : ياأخي خلاص سيبها البنت ماتبى
تامر : اهجد ياليث
ليث يطالع فيهم الاتنين : انتو محامين الدفاع ولا كيف انا بهرج معاها بتفاهم مع اختي
الام : بس انتا وهوا .. ليث اذا الرجال كويــس ليش نقول لا
الكل طالع مفجوع وكأنها حسمت الموضوع
لمى وقفت مفجوعه : قلت مابى اتزوووج
ليــث : ايش عندك عشان ماتتزوجي بقولك الرجال كووويس
لمى طنشتو ورااحت لغرفتها وهيا تبـــا تبـــكي
ليث على طوول وقف وتميم وقف معاه ومسكو من يدو : سيبها انا اتفاهم مع امي خلااص
ليث سحب يدو ويهرج وهوا مفجوع : ترا ماحاكلها ابا اتكلم معاهاا
ولحق ورا لمــى وودخل غرفتها وقفل الباب
اما هيا قاعده على سريرها وحاضنها رجولها اول مرا تتكلم وتعلق على شي ماتباه
بس مستحيل تخرج من الجحيم دا لجحيم تـآآني
ماتوقعتـــه يجي وراها
واقف عند الباب ويتكلم : اديني سبب مقنع عشان ماتتزوجي
لمى : بكمل دراسه
ليـث : بلا بلاهه جاكي واحد قبلو واستخرتي ولما شوفتيه وطلع مو كويس كنسلتي ايش معنى دحين ماتبي من غير ماتفكري حتى
لمى عارفه تفكيرو طالعت فيه وهيا تبا تبكي : والله ماعندي شي ممكن يزعلك
ليث : طيب اجل حتشوفي الرجال انا قلتلك طيب واخلاق خليه يجلس معاكي ونشوف وقتها
لمى نزلت رجلها من على السرير : الله يخليك ياليث مابى اقعد مع احد
ليــث : بلاهه الشغله ماتبي وخلاص لاتستفزيني يالمى وادي كلمه للرجال
لمى لساتها مصممه : والله واحلفلك على المصحف انو مافي سبب يزعلك
ليث يطالع فيها وبعدها قال : حتكلم معاه وبعد ماتقعدي معاه ماتوقع حتقولي لا
لمى خايفه انو يدخل بيتهم وامها تورطها فيــه ماتبى تسيب مجال انو يدخل اصلا
قامت وجات لعندو : الله يحفظلك بزوتك ياليث لاتفتح الموضوع وتكلمو
ليث : الزواج سنه الحياه وكبرتي خلاص لين متى حتقعدي كدا
ليت كآن بيخرج الا مسكت يدو وبكل ضعف اتكلمت: ابوس يدك ياليث لاتكلمو
ليث :" انتي مجنوونه ترا تخليني اشك فيكي زياده بطلي دي الحركات
لمى لساتها ماسكه يدو : طيب اسمع حقولك شي بيني وبينك بس بشرطط دا الرجال مايدخل بيتنا
ليث طالع فيها وهوا مو عارف ايش الشي اللي حيخليه ممكن يكنسل دا الموضوع : ايش !
لمى تضغط على يدو : بيني وبينك حتى اخواني مايدرو طيب
ليث بيشوف نهايتها : اهرجي
لمى سابت يدو وبتردد قالت : انا اعرف فين تــرف

طفوله ملوثه بالواقع

الســـآعه تمنيـــه ... خلصت شغـــلها وقعدت واول مادخــل عليها ووقفت باارتباك
لؤي : سلآم
روان : وعليكم السلام ...
لؤي : مخلص شغلك
روان اخدت الملف اللي جمبها وتديه هوا : ايوا خد
لؤي فتحه ويتفحص ورقـــه ورقـــه وراح بعدها يشوف البضـــآعه وترتيبها ...
قفلو ورجع طالع فيه : انتا مين ؟
روان مرا انفجعت كآنت تتوقعه حيسئلها على شي في الملف : ايش ؟
لؤي : انتا مين ؟
روان بتردد :وليد
لؤي : تستهبل انتا بزره شكلك ماخلصت حتى الثنوي
روان قلبها يدق بســرعه موعارفه ايش تـــرد
لؤي : وليد اتصل عليــآ امس يعتذر ومو انتا اصلا اللي عينتك
روان تحاول تألف كذبــه : ايوا مو انتا
لؤي : كيف وانتا بتقول اسمك وليد
روان تأشر على نفسها : ايوا اسمي وليد
لؤي : وليد *** ***** ؟
روان : لا
لؤي : وكيف مسجل اسمك بدا الاسم
روان متماشيه مع الكذبــه وتحاول ماتفضح نفسها : مو انا اللي كتبته قلت لواحد اسمي وهوا سجلو
لؤي بدأ يشك في اللي حوليــه : طيب يعني انتا المفروض تكون عامل تنزل البضاعه وبس مو امين مستودع
روان : مدري انا قالولي دي شغلتي واشتغلت ولا جيت في البدايه اششيل بس البضاعه
لؤي رجع اياديه لورا وهوا شايل الملف ويطالع فيها : ليش احسك كذاب
روان حست انها الكذبــه محترفــه عشان كدا بدات تثق في كلامها : كيف تبــآني اثبتلك
لؤي : وريني بطاقتك اول
روان بكذب : ماجبتها
لؤي : طيب ايش المفروض اسوي معاك دي وظيفه رسميه يعني حتى راتبك كان حيتحول لحساب وليد ومو انتا اللي تاخدو
روان تبا تتمسكن بس مو عارفه كيـــف
المفروض انها ولد بتفكر ايش الشي الي المفروض يقولو الرجال عشان يحزنو على بعــض ..
روان : والله اسمع انا امي مرا مريضـــه ولما جيت هنــآ حسبت جاني رزق من السمـآ دي الوظيفه ومستني اول راتب عشان اوديها المستشفى
جاتـــو على الوتـــر الحـــســـآس ...
لانت ملامحــهه اللي كانت مرا جديـــه : اها
روان : لو ماتباني اشتغل عادي امشي
لؤي رجع يطالع في الملف وبعدها قال : لا خلاص كمـــل
روان مرا جيعاانه مو قادره اصلا تســـوي شي : طيب ابا اروح اشتريلي اكل _ حطت يدها على بطنــها _ مرا جيعان
وليــد : طيب روح لاتتاخر
روووان خـــرجت على طول وهيا مبتسمه وشويا وتبوس نفسها من كتر مو مفتخره بالكذبــــه ...
مشيت مشيـــت وهيا تدور اقرب مكــآن فيـــه اكــل وقبل لاتدخل لمجموعه الاسواق الشعبيـــه وقفت وهيا
تطالع في الاطفـــآل اللي يبيعو ابتسمت وهيا تشوفهم نفسها تحضنهم كلهم
نفســها تعوضهم كلهم عن الايام اللي حيمرو فيـــها ..
جات وحده تمد يدها لروان : الله يخليكي ابا فلوس
روان ابتسمتلها وخرجتلها وحطتها في يدها وقالتلها بهمس : اسمعي روحي اشتري اللي تبيه ولاتديه للرجال اللي معاكي طيب
البنت فكت يدها ولما شافت الفلوس نطت : شكرررا شككككرا
وراحت تجري
اما روان شالت الكــآب من على شعــرها وفكتو من الحـــر
اشترتلها سندوتـــش ودوبــها بتمشي الا سمعت احد بشك يقول : سميــــه
الصووت هوآ
نبره الصــــوت اللي كآنت تصحى عليها مفجوعه
مادارت ولا تبا تتأكد
بس طاح كيس الاكل من يدها
زاد تنفســـها
حست بخطواته وهوا يعيد بشـــك : سميـــه !
جريـــت وهوا هنــآ صــــرخ : سممممميـــــه
يجري وراهاا وهوا مو عارف ليش بتشـــرد منـــو اخر وحده يتوقعها تشــرد سميــه
تدف اي احد يجي قدامها ماحتخليــه يمسكــها
عشان يسلمها زي باقي البنـآت
مع انو نفسها توآجهه نفسها تضربو وتصـــرخ عليــه
بس ماحست بنفسها الا وهيـــآ تشـــرد
تبــآ تبعد لكن قاعده تمشي لأكتر مكــآن ممكن تحســـو امــآن المستودع
لفت يمين ويســآر يمين ويميـــن وهوا بدأ يبـــعد شافت المستودع
ملاذها ومنقذها الوحيــــد دخللت وركعت وهيا تحاول تاخدخ انفاســـها
قاعد على الكرسي ويتفرج بجوالـــه وفجاه رفع راسه لما سمع صوت تنفسها
رفعت نفسها وشعرها مشعتر على وجهها : الله يخليـــك لاتقول لاأحد اني هنـــآ
يطـــآلع فيـها مو مصدق نفس اللبس نفس الوجـــه
بس الصوت اتغيـــر والشعر غيرها مرا
" بنـــت "
سمعت صرخه : سمممميه
ودخخخلت جوآ تستخبــى
وهوا لسى مصدوم وقاعد على كرســـيه وفجاه يجي واحد يسئل وتنفسو زيها بالقوه ياخدو : شوفت وحده هنـآ
لؤي وملامح الصدمه بوجهه : لا !
جــآسم : فينك يابنت """"
لؤي !!!!!!!!!!!!
جاسم خـــرج وهوا يدور
اما لؤي خــرج وراه وشافـــه راح بعيـــد
دخـــل وهوا مصدوم يبا يتــأكد
شــآفها قاعده بين كرتونين تطالع فيــه وباين الخوف ف عينــها : راح !
يطالع بيدها المجرحه وجنزها المشقوق من عند الركبــه قال بتناحه : ايوا
سندت نفسها على الكرتون ووقفت وجسمها كلو يتنافـــض
اشـــر على كرسي :تعالي اقعدي
قعدت وهوا واقف يطالع فيها
لؤي بتشتت : انا مو عارف اسئلك على ايش اول !
روان وهيا تمرر يدها على الاجراح اللي باصابعها : انا اسفه بس كنت مضطره اكدب عشان اشتغل
لؤي : عشان برضو امك المريضـه ؟!
روان سكتت وبعدها طالعت فيه : لا
لؤي : طيب مين دا
روان : عمو جاسم
لؤي : وليش تشردي من عمك !
روان :هوا مو عمي هوا رباني بس يبا يسلمني للشرطه
لؤي : ليش
روان مو عارفه ليش قاعده تبررلو وقفت وبتردد قالت : ولاشي انا ماشيــه
لؤي : يمكن لسى برا
روان دوبها بتمشي وقفت
لؤي : خليكي لنهايه الدوام وبعدين اخرجي
روان : طيب
واقفين الاتنين وفجأه صمت وتوتر
لؤي رجع يسئل :ليش كنتي تبي تتوظفي
روان مقهوره ماتبى تتكلم دام في النهايه حيطردها : مالقيت وظايف شوف انا عارفه اني كذبت عليك بس انا كنت محتاجه الشغل ولدحين محتاجته
لؤي ببلاهه قال وهوا حزنان : طيب لو تبي تكملي كملي
روان : بجدددد !
لؤي : ايوا محد داري انك بنت
روان ابتسمت : طيب شكرا
ضمت يدها تحت صدرها وهيا مبتسمه وهوا يطــآلع فيــها ولسى نفسو يعرف : ايش هرجه الرجال
روآن : ولاشي كنت اشغل عندو وشردت
لؤي : ايش تشتغلي !
روان : انظف البيوت وبس بعدها شردت لما كان يبا يسلمني
لؤي : ليش فين اهلك ؟
روان : ماعندي
لؤي يطالع فيــها مصدوم وفجأه سمعو صوت شــآحنه يعني البضــآعه وصــلت
روان لبــست الكــآب : شوفلي بس اذا هوآ برا ولا لا
لؤي خرج ومالقى احــد
وهيا خرجــت تنزل الكراتين
قبل لايعرف انها بنــت كآن حيخليه ينزل لوحده امــآ دحين ماقــدر راح ينــزل ويســآعد معــآهآ
لين ماخلصـــو ودخلو المستودع بين الكراتيــــن ..
روان حطت يدها في وسطــها وهيا تنفخ براحه : باقي الشغل الممتع
شالت الكــآب تاني من على راسها ..ورفعت شعرها بالمطاط اللي على يدها
وهوا اخدلو كرســـي وقعد شويا يطالع بجواله شويا يطالع فيــها
رفع راسو وقلها بعد مافكر كتيــر : سؤال انتي كيف عشتي عند دا الرجال
روان فجاه طالعت فيه وهيا مو عارفه ايش السؤال اللي جا بعد صمت طويل : هههههههه ايش الدخله
لؤي غير جلسته بااهتمام : معليش بس بجد فيه مية سؤال براسي ابا اعرف ليش عشتي عندو !
روان وهيا عينها على شغلها وتتكلم : هوا ياخد البنات اللي ماعندهم اهل ويهتم فينا ويخلينا نشتغل وآخر الاسبوع يجي يلم الفلوس مننا
لؤي مفجوع: يتاجر فيكم يعني
روان كشرت : مدري ايش تسموها
لؤي مو قادر يسكت : طيب ايش الأجراح دي اللي بيدك ورجلك
روان تبا تشتغل وهوا بس يسئل تطالع بالاشياء االي قدامها وتتكلم بهدوء عادي : امس رجالين كآنو يلحقو ورايا بعد ماخلصت الدوام وانا بشرد منهم طحت واتعورت
لؤي مانزل عينو من عليها مفجوع مفجوع مفجوع :تمزحي !!
روان طلت فيه ولما شافت وجهه وهوا مصدوم ضحكت : ههههههههههه ليش بكدب
لؤي على نفس ملامح الصدمه :ايش كانو يبو
روان بنفس تناحتو ترد : ايش يبو يعني!!!
لؤي فهمها وسكت ربع ساعه وبعدين سئلها : طيب انتي فيين تنامي ؟
روان ماقدرت تمسك نفسها : هههههههههههههه ايش فيه !
لؤي ابتسم لما ضحكت وعارف انو مزودها : والله مصدوم مو قادر استوعب حيـآتك
روان : واضح من وجهك
لؤي لساته مبتسم : بجد فين تنامي
روان : اول ماشردت نومت في عمـآره بتنبني وامس نومت عند صحبتي تشتغل عند ناس ودخلتني بهدوء بيتهم ونومت
تتكلم وتشتغل وكأنها تحكي قصه طريفه ظريفـــه
وهوا مبلم
ومستنيها تضحك وتقول امزززح
لؤي ضحك وهوا مفجوع : من جدك انتي
روان رفعت راسها ووجها كلو جديه : انتآ شايفني بضحك ؟
لؤي اتمحت الضحكه من وجهه : طيب
روآن ضحكت اول ماشافته كدا مبلم طالعت فيه من فوق لتحت : طبعا انتا ولدت في فمك ملعقه من ذهب ماتعرف الناس ايش تعاني
لؤي : معليش انا سمعت حكاوي ياكترها بس انتي حاله شاذه انا اول مرا في حيـآتي اسمع شي زي كدا
روان سوت بوجهها انها حزينه : احنا نحزن صح
لؤي ضحك لاشعوريا : مدري احزن عليكي ولا لا بس بتذكر قبل شويا وانتي تحلفيلي وامك مريضه والله حزنتيني يعني احسك ممكن تكذبي كمان دحين
روان مسكت ظهرها : ااه ياظهري _ مسكت الورق وهيا تلصقو في الكرتون وتتكلم _ والله شوفت بعينك عم جاسم يعني خلاص ماقدر اكذب اكترمن كدا
لؤي بدأ يرتاح بالكلام : سؤال تاني دحين انتي من صغرك كنتي تنظفي ولا لما كبرتي خلاكي تشتغلي
روان :وانا صغيره كنت ابيع مويا اول شي في السوق وبعض الاحيــآن اجلس اطلب فلوس من النـآس
لؤي بتردد : تشحتي !
روان اشرتلو :ايييوا انتو ياللي فلوسكم تارسه الدنيا كدا تسموها
لؤي : هههههههههههههه ليش انتو ايش تسموها
روان بلطافه تتكلم : اطلب فلوس انتو عندكم فلوس زايده فاأنا اطلبها منكم
لؤي عجبو الوصف : هههههههههههه ايش الكيـــآته دي ترا مو كل اللي تشوفيهم مرتاحين ماديا
روان : دام يرجع بيتو وعندو فرشه ينام عليها مريحـــه ومتى ماجاع اكل دا فلوسو زايده
لؤي : على كيفك انتي مفسره الموضوع
روان وقفت : ايوا انا نظرتي غير عنكم
لؤي : اهااا
كملـــت شغلها ولؤي كل شويــآ يسئلها نساها موضوع جــآسم
المفروض كآن يجي شويــآ ويمشي وقعد معاها ليـــن نهايه دوآمــها ...
قفلو المستودع لؤي يمشي معاها لين يوصل سيارتو : طيب الوقت اتأخر تعالي اوصلك
روان ماترفض طبعا تبا توفر فلوس ركبت معاه وهيا تطــألع في السياره بااعجاب من جوا
شغل السياره وحــرك
: مرا حلوا السياره
لؤي ابتسم
وهيا تمرريدها على الازارير وضغطت زر شغلت الاغاني على اعلى صوت
حطت اياديها على اذنها وهوا قفلو على طول
روان حطت يدها على قلبها : وي حسبت السياره انفجرت
لؤي ضحك من قلبــه :ههههههههههههههههههههههههههههه
روان : اسمع
لؤي طالع فيها وهوا لساتو يضحك : هاا
روان : قبل لاتوصلني وقف عند اي مكان جيعانه
لؤي : مدري ايش حيكون فاتح
روان : اي كافتريا
لؤي وقف بعد مالقى اللي طلبتو وكان حينزل الا هيا نزلت قبلو ورزعت الباب بقوووه
حس القفله في قلبه اما هيا دارت ماتوقعت ينقفل كدا وتطالع فيه من ورا القزاز وتاشر انو معللليش
ابتسملها وراحت اشترت 4 ساندوشتات ورجعت السياره من غير ماتطالع فيه رمتلو واحد : كول
كان عينو في الطريق ودوبو محرك طالع في السندوشت اللي على رجلو وبعدها فيها : خير !
روان وفمها كلو اكل : كول كول انتا ماأكلت شي
اخد السندوتش وحطو على جمب : شكرا !
قعدت توصفلو الطريـــق ...لين ماوقفتو عند باب خالتو ...
لؤي : دحين صحبتك تشتغل هنــآ
روان : ايوا ليش
لؤي : هيا شردت معاكي !
روان : ايوا
لؤي استوعب انو صحبتها هيا المزه اللي يقول عنها عدي: اهاااا ... دا بيت خالتي

قبـــل 12 ســـآعه وف الـــظهر مستنيـــه القرار اللي حيــآخدوه فيـــها
دخلت على الام وهيا مستنيتها في غرفتها ...
: مساء النور هديل
هديل : مساء الخيـــر
: اتوقعتك مشيتي نانا قالتلي انك هنــآ
هديــل : كنت بس بكلمك على موضوع
الام : خير يابنتي ؟
هديــل : انا بس اباكي تديني يومين هنــآ وصدقيني حمشي ولاارجع صحبتي بس بتدورلنا شغل لأنو ماعندي مكان انام فيه
الام سكتت
وهديل حست انها بتضعف : اديني الفلوس اللي تبيها ماحتشرط بس خليني هنا يومين حشتغل واسوي كل شي
الام وحاسه انها هم عليها : طيب بس اهم شي تخلصي شغلك تنزلي تقعدي تحت
هديل ابتسمت : مرررا شكرااا طيب
خـــرجت من الغرفــــه ونظفت البيـت وعقمتـــه ...
ودخلت غرفـــه عدي ونظفتها وبعدو علا وجــآ دور عزآم
دخلت ودوبها بترتيب السرير الا فتحت باب الحمــآم وخــرج بالبوكســر وشايل منشفه بيدو
وهوا يغني : شففتت وصلننني هوآآك
هديل شهقت مع الفجعه وهوا انفجع اكتتر منها رمي المنشـــفه عليها وطاحت في الارض
مشيت بسسسرعه تبا تمسك الباب وتخرج الا انصقعت في الباب ورجعت خرجت وهيا ماسكه جبينها : آآآ
يطــآلع مفجوووع مو عارف من فين طلعتلو
نزلت جري من الدرج وراحت المطبــخ شافت نانا
نانا : ايش يقول مدام
هديل ووقلبها يدق بسرعه قالت : بس اقعد يومين
نانا : قود قود
هديــل : ايش حتطبخي

ســآعه ودخــل المطبــخ وهيا قاعده تساعد نـآنآ
اتربشت اول ماشافتو وهوا داخل عشان يتفرج طبعا عليـــها : هيي بنت
هديل مرا اتنرفزت دي تاني مرا يناديها بنت : نعم
: سويلي قهوه تركي وطلعيلي هيا فوق
هديل : ماعرف اســوي
قال باأمر نانا علميها وخــرج من المطبــخ وهوا بيضحك على نظرتها لما قالها بنــت باين انها انقهرت
نانا علمتها وادتها تطلعــو ...هديــل وقفت عند الباب ودقتو برجلها
: ادخلي
هديــل دخلت وحطتــو على المكتــب وهوا بين اوراقـــه جايــه تخرج : بنننت
هديل غمضت عينها ورفجعت تاني قدامو : ايوا
: فين كآسه المويــآ

هديــل نزلت جابتلو المويــآ حطتها بكل قوتها على الطاوله وخرجت وهوا يضحك
ماتبى تقعد في الغرفه ماعندها شغــل قالت لنانا رايحه اغسل الحوش ..
نانا محد قدها كأنها عروســـه دي اليومين ...الابتسامه طول وقتها على وجهها
وطول وقتها مرتاحه بس عليها الطبيخ
رفعت شويا بنطلوونها وقاعده ومعاها للي المويا وترش في كل مكــآن
على دخله عدي اول ماشافها ابتسامه اترسمت على وجهه : يامساااء الفللل يامســآء الجمآآآل يامسااء
هديل مرا اتنرفزت رفعت اللي وكشت المويا على الجنز من تحت عشان يسكت : اوووه معليش بالغللط
عدي بعد الابتساممه والفرحه وقف مصدوم يطالع بنفســه ويطالع فيــها
مرا ماتوقع تسوي كدا حسبها حتضحك ضحكه منحرفه ويسيرو اصحــآب
كدآ كآن في مخو من امـــس ...
هديــل : ممكن تدخل عشان اكمل
عدي يطالع فيها بحقد: نكدتي علياااا _ دخخل وهوا مبلبل قلبــه ابيض _
طلــع على فووق ولقى باب غرفه عزآم مفتووح جا لعند الباب : غريبه انتا في البيت
عزام بالكرسي الدوار دار على عدي وقبل لايعلق شاف ملابســه مبلبله : ايش بكك
عدي غمزلو : انا والمزه كنا نلعب
عزآم : من جدك !!
عدي : هههههههه كنا بنلعب بس دمها تقيل كشتني بالمويــآ
عزآم : تستاهل
عدي يطالع وراه وبعدين قال : ياخي فتنه فتنه البنت
عزآم : اهجد امي وابويا لايشوفوك ...
عدي :طيب طيب حقوم اغير ورايا كلاس شويــآ
عزام : قفل الباب معاك _ رجع دار كرسيه على المكتب ويكمل _
عدي دخل غرفته رمى ملابســو في الارض وغير وشال الاوراق اللي يباها ورجع نـــزل ...
لقى معاها الممسحه وتمسح الارض حطت يدها على وسطها وهيا مستنيتو يمشي
عدي واقف عند باب الفله لسى مانزل درج الحوش : ماقلتيلي امي خلتك تقعدي
هديــل تطالع فيه ومستنيتو ويمشي ولاعلقت على كلامه
عدي ابتسم : شكلو حنتعود عليكي وتسيري زي نانا
هديــل بكل صوتـــها : يامداااااام
عدي نط من التلات الدرجااات وخرج بسسسرعه من الحووش
اما هيــآ قعدت تضحــك حالتهم صعبـــه
تخلص من الاول يجيـــها التـــآني
خلصـــت شغـــلها ... وبعد سـآعتين اتجعمو على الغدى وهيا اتغدت في المطبـــخ مع نــآنآآ
طعم الاكل يجنن تــآكل ونفسها روآن تذووق الاكـل
مارضيت تخلص صحنها
عشـآن روان لما تجي ....
مـــر اليـــوم وهيا تحــآول تتحاشى بس عزآم وعـــدي ...
ليــن اخــر الليل ... كآنت في المطـبخ الاضـآئه خافتــه
تعصر برتقــآل لعُلا ...خلصت وبتصب العصير في الكــآسه
ودخــل عزآم .. سند جسمو على الدولاب
هديــل حاسـه بنظراتـــه
حاسه انو واحد وراهااا صح يبعد عنها خمســه متــر لكن متـأكده انو بيتفرج عليها بووقاحــه
استنو يتحرررك ولا كأنه بنفس المكــآن
دارت بكل عصبيه وهيا تقول : ايشش تبي
كآن بيدو اوراقــه ويقرأ وف عــآلم تـــآني مرآآ
مو منتبه انها موجوده اصلا
مع صرختها انفجع وطاحت كل الاوراق في الارض
طالع فيها مفجوع : مجنونننه انتي
هديـــل حطت يدها على فمها استوعبت انو مو داري عنها اصلا : انا اسففففه
نزل الارض يلم الاورآق وهوا معصـــب
جات لعندو ونزلت للارض وهيا برضو تلم معاه وتتاسف : انا اسفه والله حسبتك تلحق ورايا عدي طفشني
ادتـــو الاوراق ووقفو مع بعض وهيا تطالع فيه وتتاسف تاني : معليش والله
عزام يرتب الاوراق : مو مشكله
شافت ورقه بعيــده راحت تجيبـــها ولفتها الكلام اللي في البدايه لاشعوريا قراتــه
ماذا يفعل المرء عندما ينطفئ شيئ ما داخله ..؟
حيث لاتعود القصائد والأغاني تعني له شيئ
حين يستيقظ ضاربآ بيديه على صدره
ربآه ! هنا شيئ ينبض لكنـه مؤلم
طلت فيــه وباين في ملامحها الاعجــآب : مرا حلو الكلام من اي كتــآب
استغرب انها تقرأ وكمان تسئل عن الكتــآب اخد الورقه منها : لسى قاعد اكتبــه
اتفاجئت ونست نفســها : انتا تكتب !
عزآم : لسى اول محاوله
هديل بعفويــه : مرا انا احب الكتب بس مو دايما اقدر اشتري
عزام : فكريني اديكي
هديل ابتسمت : عندك !
عزآم : ايوا شويا اخلص واجبلك كم كتـآب
هديل وابتسامتها كل مالها تزيـــد : طيب استنـآك
مشي من قدآمها وهيــآ راحت لعُلا
دقت البــآب زي نانا ماعلمتها ودخلـــت ..
وكآنت علا على سريرها متربــعه وبتوريهم درجات الارواج الجديده اللي اخدتها من " عودميلانو "
وقفت تصوير اول مادخلت هديــل وابتسمتلها
هديل حطتلها الكـآسه على الكومدينـــه : شكرا الله يديكي العافيه
هديـل وتطالع في علا وتتمنى تكون قاعدهه مكــآنها وعندها كل دي الرفاهيـــه : عفوا
كآنت بتخــرج الا علا نادتها : هدييل
هديل دارت عليها : ايوا ؟
علا : تقدري تمسكيلي الجوال عشان اصــور
هديــل ابتســمت : اييوا
علا مدتلها الجوال لما اقولك صوري ابدأي اوك
هديل تطالع في الجوال ماتعرف تستخدمه : ماعرف استخدمــه
علا ماجا ببالها انو ممكن ماتعرف : اها معلليش تعالي شوفي
هديل قربت منها بس ماقعدت على السرير ...
وعلا توريها كيف تصـــور بالسنــآب
وبدات هديــل تصورها وعلا توري بقيه المنتجــآت
اول ماخلصــت علا طلت فيــها وهيا تتامل ملامحها نفســها تمكيـجها ..
وبتردد قالت: ابا اطلب منك طلب
هديل وهيا مبسوطه معاها : ايش في
علا : نفسي اسويلك مكيــآج عادي تكوني عندي مودل
هديل مافهمتها : كيف يعني
علا : يعني اسويلك مكيــآج وانا اصور والنــآس يشوفو
هديــل ابتسمت وهيا مو عارفه ايش الوضع بالزبط بس حست انو شي حلـــو : طيب بس متى
علا : بكرا ماحفضى بعدو
هديــل : انا حمشي ماحكون فيــه
علا : مو مشكله تعاليلي وانا اسويلك سواء هنا ولا في الصالون حقتـــي
هديــل اتحمست : خلاص ان شاءالله
وخرجــت وهيا تبا تنطنط مرا مبسوووطــه
دوبها بتنزل الدرج الا سمعت بهمس : بنت
رجعت طلعت الدرجتين اللي نزلتــها
ولما شافتو طالعت حولينها بخـــوف وجات لعندو : نعم
واقفيــن عند باب غرفتـــه
مد يدو : دي الكتــآبين حتعجبك
هديل ابتسمت واخدتها : مرا شكـــرا
: قوليلي رايك بعدين فيهم
عــلا فتحت بابا وهيا تهرج بالجوال
هديـــل بســرعه دخلت غرفــه عزآم مع الفجعه وجات ورا الباب
امــآ عزآم مع التنــآحه ولا اتحرك لســآته واقف عند الباب ومصنــم
عُلا مندمجه مع المكــألمه انتبهت لعزآم طالعت فيه وهيا مكشره مو عارفه
ليش واقف كدا في اخر الليل عند الباب !
اشرتلو بيدها وهيا بس تحرك شفايفها " ايش بك! "
عزام بتصريـف غبي : كنت نازل اجبلي مويـآ وبطلت
علا حركت راسها ورجعت للمكالمه : طيب انا قلتلك دا الاسبوع لاتستقبلي في مواعيدي عرايس
امــآ عزآم دخل غرفتــه وقفل الباب وهيا تحس مع قفله الباب قلبها يدق بجنون
ضامه الكتــب لصدرها قعد على كرسيــه وهوا يطالع فيــها : المهم اللي معاكي كتابين " عينا اللوز " و " كافكا على الشاطئ " كل واحد يختلف عن التاني الاول رومنسي والثاني حبيت كيف الوصــف دقيق ويعيشك كل شي
تطالع في الكــتب ببلاهه وهيا لسى سامعه صوت عــلا وشكلها بتتضارب : اهاا
عزآم يطالع في مـلامحهـآ حـآبب بساطتها
طالعت فيه وهوا نزل عينــو وقال بتوتر : انتي ماشيه بكــرا ؟
هديـل اشرت براسـها : ايوا بكرا اخر يوم انام فيه هنا وبعدها حصحى وامشي _ حسبت بيسال عشان الكتـب _ ححاول اخلص قرائه قبل لاأروح
عزام طالع فيـها : مو مشكله خدي الكتب انا خلصتها
هديل ابتسمت : شكرا
عزآم اخد الكوره الصغيره اللي كانت على المكتب ويلعب فيها ويكلمها يبا يخرج التوتر اللي جوته في اي حاجه : فين حتروحي تشتغلي
هديل : في بيت اي احد
عزآم : اها
دقت بــآب الغرفـه : عزاام
عزام وقف على طوول وهيا ضمت الكتب تاني وطالعت فيه بخــوف جا لعندها وهيا لصقت ف الجدآر وفتح الباب
مافك الباب كلـو حاتط يدو عشان لاتدخل عُلا ..

اما هديــل الباب قبال وجهها تحاول تضبط انفاسها ومــآتخــآف

عـلا : سامعتك تتكلم لساتك صاحي
عزآم : ايوا كنت بكلم لؤي
علا ابتسمت اول ماسمعت الاسم : كيفو
عزآم : كويسس
علا : ليش ماتخلوه يجي هنـآ
عزآم : مدري عنو يبا يقعد دي الفتره لوحده فاسايبينو على راحتو
علا حزنــآنه عليــه : اهاا ..
عزآم يباها تمشي : متى حتنــآمي
علا : والله مدري نازله اسويلي اي شي جيعــآنه
عزآم : بالعافيه
علا : لو ماحتنام انزل نقعد
عزآم : حشوف بس بسوي شغله للؤي وبعدين انزلك
علا تطالع في يدو اللي على الباب كآنت حتعلق بس عارفه اكيد مسوي مصيبه
لكن مو متخيله انو فيه احد بالغرفـــه : طيب

نزلت عــلا وهوا قفل الباب وسار قبالها بينهم خطوات بسيطـــه
اتنفست براحـــه وهيا تبا تبكي : والله قلبي كـآن حيوقف
اما هوا ابتسم وهوا شايفها مرا من قريـــب : كيف حتخرجي دحين
هديل : مو نزلت تطبخ
عزام سكت وبعدها قال : اخرجي معايا ولو نزلنا واشرتلك روحي على طول لغرفتــك
هديــل بنظرات خوف : يالله ايش الرعب دا
عزآم : ماحيسير شي تعالي
هديل اشرت براسها : طيب
وتحس انها حتعصر الكتــب من التـــوتر
فتح باب غرفــته وخرجو وهيا وراه نزل الدرج وهيا تنزل وراه بشويــش
تهمــس :قلبي حيوقــف
اما هوآ مبســوط وابتسامه مرســومه على وجهه ..
وفجأه صوت عٌلا يقــرب وهيا تدندن
هديــل بسرعه طلــعت ودخللت غرفـــه عزآم
وهوا بـــرضو واقف في مكــآنه
علا في اول درجه بتطلع : كنت نازل
عزام سند يدو على الدربزان ببلاهه : ايوا
علا في يدها صحن فشـآر وبيبسي : خلاص مافيا حيل اسوي شي
عزآم : يلا كويس انا اصلا فيا نوم بس حزنت عليكي وقلت اقعد معاكي
علا طالعت في شك : حاسه وراك مصيبه
عزآم : ههههههههه ماتنعطي وجه انا الغلطان نازلك
علا شكت في نفسها وطلعت وهيا تكلمو : معليشش ياسيدي
عزآم : تصبحي على خيــر
علا : وانتا من اهله
وطلعـــو الاتنين وكل واحد دخل غرفتــه
وشاف هديل ف مكــآنها وتبا تبــكي هرجت بهمــس : انا مين قلللي اجي اخد الكتــب
عزآم ضحك : عادي حنزلك لاتخــآفي
هديل حاستو رايق وهااادي ولا عليـــه : لاتتكلم كدا ببرود ترا بجد خايفه
عزآم :طيب وانا بقولك لاتخافي محد حيدري انك هنــآ
هديــل تطالع فيــه وهيا تحاول تطمن نفسهـآ شويــآ لو كآن عدي كآن انجلطــت
لابــس شورت البيت الابيض لحد الركبــه وبلووزه سودآ
وهيا بلبســها حق نــآنــآ وكل شويا تعدل اللي على راســها مغطيه بس شعرها ,,ورقبتها واذنها واضحـــه
فتح البــآب وراح لغرفــه علا سمع صــوت فلم جا اشر لهديــل تنزل
ومع الخــوف تنزل بخطــوآت ســـريعه مرا وصلت للصاله وهوآ فوق يطالع فيــها وقبل لاتمشي نادها : بننننت
طالعت فيــه
وهوا ابتسملها : تصبحي على خيــر
لاشعــوريا ابتسمت وتنحت وبعدها قالت : وانتا من اهـــله
رجــع لغرفــته وهيا نزلت على طول ورمت نفسها على الليانه
تحس قلبها يدق مرا بســـرعه ماتدري من الخــوف ولا من عــزام ولا من ايش بـــزبط
جلست مفجوعه لما اتذكـــرت روان اخدت جوالها وادتها كول مي واتصلت
: ياحيوووووانه يااازفته ياوووسخه
هديل قاطعتها : انا اسففه والله اسفه
روان : فينننك
هديـل : كنت محبوسه والله وجوالي تحتت
روان : انا برااا من اول
هديــل : دحين اجييكي
خرجت هديــل بســرعه تفك لروآن وقعدو في الدرج اللي جمب المستودع بعد ماقفلت الباب اللي ينزل على عندهم
عشان ياخدو راحتــهم ..
روان : وحشتيني والله
هديــل : حتى انتي والله اكلت اليوم اكل لزيز _ وقفت _ دحين اجبلك
روان مسكت يدها : اقعدي اقعدي _ رفعت الكيس بيدها التانيه _ جبتلك اكل
هديل ابتسمت وقعدت : لاتجيبي بكــرا انا حسويلك واحطو في الثلاجه لين ماتجي
روان : الله يسعدك يامرتي
هديل ضربتها : حيواننه _ تطالع في يد روان _ ايش دددا
روان تطالع في يدها : دوبك تشوفي
هديل : اييوا
روان : طحت امس قبل لااجيكي
هديل تطالع فيها بحزن : ااحح مرا شكلو يوجع
روان غيرت الموضوع وحكتــها على لؤي وهديــل حكتــها على عزآم وعــلا
روان : انتبهي ياهديــل منهم ترا دول ناس ماتضمنيهم
هديـل : ايوا عارفــه حتى لؤي لايستهبل ويسوي صاحبك
روان : هههههههه خليه يسوي صاحبي دام في النهايه بيخليني اشتغل كم مرا اعلمك كيف تستغلي النــآس
هديـل : طيب ياذكيـه انتي
روان شهقت : تخخخخيلي
هديل : ايش فيه
روان : شوفت عمو جــآسم اليوم
هديل ملامحها راحت فيـها : تمزحي َ!
روان : وربي
هديل بخووف: كلمك !
روان : اقولك شردت مو لؤي كيف عرف عشان شردت وجيت لعندو وشاف عم جاسم كمان
هديـل : يعني مايعرف فينك
روان : مدري مو دا اللي شاايله همو
هديل مرا خايفـه : روان بطلي الشغل دا
روان : انتي مجنونه مستوعبه كم الراتب ولا لا
هديــل : عارفه لو مسكك حتروحي فيها ولا حشوفك
روان : مو مشكله انا حشوف الوضع بكــرا وحغير ملابسي
هديــل مرا بدات تتوتر قالت وهيا مو مرتاحه : طيب ...... _ بعد صمت _ انا ايش حسوي فين حنام لو خرجنا من هنـآ
روان اتنهدت بضيييق : والله مدري حشوف بكرا حخلص الدوام بدري وحروح ادور لاتشيلي هم إنتي
هديـل وقفت : تعالي ننـآم

طفوله ملوثه بالواقع

قـــآعده في المحــل والشياطيــن تنطنط قدآمها من كتــر العصبيــــه ...
تتحاول تطفي عصبيتها لما تتعامل مع الزبــآين لكن مو قــآدره
دق جوآلها بنغمه الرسايل وخــرجتو من جيب الجنز المخصــر على جسمها ..
فتحت الواتــس ولقت الرساله من " حبيبي "
"ماما قدمو الرحلــه وحيروحو بكــرا , انا ف حيـآتي ماسويت شي اباه
كل شي بسويه عشـآنك , لأول مرا احسك انانيه ومابتفكري فيا
انتي عارفه قد ايش حلمي دا الشي بس اخترتي راحت بالك كالعاده "
تقرأ الرساله مرا ومرتيـــن وكأنه اليــوم دا مخصص عشــآن يحرقو قلبــها وخلاص
الا ســآمي
دايما هوآ الشي اللي يهديــها واليوم هوآ الشي اللي زادها
حســت دا عمــآهآ كتبتلو وهيا تبــآ تبــكي " روح جهز شنطتك وروح , كنت حقولك لما ارجع اني اباك تروح واني انانيه واخاف عليك اكتر من نفسي لكن سبقتني وكتبتلي الكلام دا سوي اللي تباه "

في البيـــت قرا كلامها وانقهـــر مايدري انعمى لما شاف اصحابه مبسوطين وبيتجهزو وهوآ لســى ماوقعتلو امو على الورقه
وكتب الكلام بدون مايحاسب انها امــو
رفع جواله ولسى محادثه امو مفتوحه كتب " انا اسف على كلامي "
رجعت كتبتلو " طيب "
كتبلها " احبك لاتزعلي مني "
قرأت كلامـــو ولاردت

حطت جوالها في جيبــها ولسى كلامــو في قلبــها
تتذكر كلام برااء وكلام تــآمر وكلام سامي
ليــش تسكــت
ليش كل وآحد يجي يحــرق قلبــها ويمشــي
طالعت في ميــرنا وهيا واضح العصبيــه بوجهها : تعرفي فين براء
ميرنا المسكينه الضعيفه وطاحت على اتنين مجانين : يا في المطاعم او ف ستاربكس مع صاحبو
خرجت تدور عليــه بدون ماتفكر بعواقـــب اللي حتســويه
تطــألع يمين ويســآر وزي المجنونـــه تحاول تلقــآه
مشكلـــجيـــه ماهمها ايش يسير اهم شي هيا ترتـآح
طــول عمرها يندعــس على راحتها وكأنها مو انســـآنه
كأنها حـآجه مهمشه مالها حــق تعيـــش بحريــه
غلطــه دمرت كل حــيآتهها بسبب وآحد مافكــر حتى فيـها
مالقتــه في المطــآعم
راحت لستــآربكــس فتحت الباب والهوا البارد خــرج وريحــه انــوآع القهوه طاغيه على المكــآن
هدووء كــآن ... اصوات وهمســآت بسيطــه من اللي قاعدين على طاولاتهم ..
شافـتــه قاعد ومعــآه واحد وقدامو كوب القهوه وقاروره مويــآ وصاحبه نفــس الشي ..
ماهتمت للنـآس الموجوده ...
يبو يطالعو فيــها خليهم يطالعو طول عمرها كآنت فرجــه وتتعاقب قدام الكل لما تغلط
كل اللي شايفتــو حاليــآ براء وبــــس
جات لعند الطـــأوله مو عارفه ايش تسوي فجأه وصلت لعنده وحست مو عارفه ايش تقــول
شي كتتتير جوتها بس مو عارفه ايش هووا ولا كيف تبــرد قلبـــها
طالع فيــها وهوا مفجوع فجأه جات فوق راســو ... وصاحبــو نفس الشي تنــح فيـها
اخدت قاروره المويــآ فكتها وكشتها كلها بوجهه وحطت يدها على الطاوله وهيا تحسم الموضوع : دحين لك الحق تروح تسئل ابوك ليش استخف ووظفني
قـآم زي المجنـــون والكرسي اللي كان عليه انقلللب مع الدفــه مسكها من يدها وهوا بقمه غضبـــه : انتي مجنوونه
قربهااا منو وخبطت فييه ورجعت لورا وهوا ضاغط برضو على يدها : محد قد هجدكك انتتي
الكـــل يطــألع مفجووع وكلهم تحليلهم اكيد انو براااء الوســـخ
صاحبو قام وهوا ماسك يد صاحبو ويحاول يبعد تــرف : براااء اهجد النــآس تطالع
تــرف مرا خافت بس تحاول تكون قويــه ايش حيسوي حيقتلها زي ليث يعني : سيبني بقولك مرا ثانيه ثمن كلامك قبل لاتقولو
بــراء لسى ماسكها بكل قوتـــه ووقال الكلام اللي جابتو لنفسها بحركتها : لما تكوني بنت نااس وقتها اثمن كلامي مو خريجه سجون
كل عضــله في جسمــها ترخت
كل ملامحها لانـــت
عمرو ماحد عايرها بدا الشــي
لأول مرا تسمعها
دايما ترددها جوتها بس اول مرا تسمعها من احـــد
وماقــدرت في لحظــه تقول اي كلمـــه ....

طفوله ملوثه بالواقع

جــرس البــآب لســآتو يــدق وهوا جوت البيت يطالع من العين ومرعـــوب
ايش يفتح يقووول ... ضــآعت ... شردت وهوا المفروض شغلته الشاغل ينتبه عليــها ...
اللي بالطـــرف الـــتآني مستمر وهوا يـــدق ...
لين حــس انو مافي احد ومشي بعد مارفع جواله واتصـــل على اللي ارســـله ...

امــآ جــآسم دخل غرفتــه واخد جوآله واتصـــل : اسسمع اباكم اليــوم من مكـآن السوق لين ماقلتلك تدورو انا شويــآ وجــي ..

طفوله ملوثه بالواقع

صحيــت من الصبـــآح طبــعا بسبب هديــل وهيا مسويتلها سندوتش بيـــض .. وجايبتلها بلوزه وكاب من اشياء عدي او عزام ماتدري
روآن خــرجت قعدت على اول رصيــف لقيتــو وقعدت تــآكل
الســآعه 7 الصبـــآح ايش حتســـوي جسمها كلـــو مكســر ....نفســها تنــآم
وقفت ولقت حديقــه انسدحت على الكــرسي ونــآمت من غيــر ماتحس بنفســها تعبـــآنه..
وصحيت بسبب اشعه الشممس واصوات السيــآرات خرجت جوالها وانفجعت لما لقت السـآعه 10
خرحت بسرعه على الشارع وراحت توقف سيـآره واتوجهت على العمـــل
لبست الكــآب ومالحقت تروح تشتري شي وعلى حظها ماشافت جـــآسم ..
دخلت على طول المستودع ورايــد ولؤي طالعو فيــها قال وصوتها كلو نوم : السلام عليكم
رايد : وعليكم السلام
لؤي طالع فيها من غير مايرد مستغرب من لبسها كمـــآن متاكد انها ملابس عزام !
روان وهيا تبرر : معليش راحت عليا نومــه
رايد ابتسملها ودخــل على جوا
لؤي طالع في رايد وبعدين فيها : ايش اللي بوجهك
روان مررت يدها على وجهها : ايش !
لؤي يااشر على خده : هناا
روان حسست : ااه من الكرسي شكلو طبع _ وضحكت وحطت يدها على فمها لما خافت رايد يسمعها _
لؤي : ايت كرسي
روان : كنت نايمه في الحديقه اللي جمب بيت خالتك
وكان بيتكلم الا رايــد جا وعلق على وجهها ...
راح قــعد على الكـــرسي وهوا يشــوف كيف رايد يتعامل معــآها
يتكلمو ويضحكو وفجاه رايد حــوط يدو حولين رقبتها
وعاادي عندها ماسوت شي
وقف : يلا انا ماشي حجي على الساعه اربعه
روان طالعت فيه وهيا مبتسمه سارت مرتاحه وماتتوتر من لؤي :طيب
رايد : ان شاءالله
خرج وهوا بــرضو يسمع تعليقاتهم ومــزحهم مايدري ليــش اتنرفز

خــرج وعلى نهايه دوام روآن كانت الســآعه 7 ....
ودخل سلم عليهم ولقاهم هاجديين وكل واحد في حــآله باين انهم طفشانين
لؤي شيك على كــل شــي مايدري اصلا ليش جي
رايــد :طيب قبل لاتمشو الاتنين انا حروح اجبلي اكــل
روان : طيــب
خــرج وهنـآ لؤي على طول كلمها : ليش نومتي في الححديقه
روان ضحكت : ترا تفجعني بتعليقاتك اللي تجي فجأه
لؤي : من اول ابا اسئلك وماقدرت
روان : عشان لازم اخرج بدري قبل لاتصحى الشغاله حقتهم وتشوفني
لؤي : طيب ليش ماتشتغلي مع صحبتك
روان : اصلا صحبتي حتخرج بكرا خالتك ماتباها
لؤي بتفاجئ : فين حتروحو !
روان وباين انها مرا مضايقه : مدري
لؤي : طيب ليش ماتستأجرو شقه
روان ضحكت : من فين لأمي شقه وايجار شقه
لؤي : عادي في شقق رخيصه وانتي وصحبتك حتشتغلو اكيــد
روان سكتت وهيا مو عارفه الا شي زمان قالوه البنات : مو اول ششي لازم نديهم مبلغ عشان ناخد الشقه
لؤي سكت وبعدها قال بتردد : انا اديكي واخصمها من راتبك
روان طالعت مفجوعه : من جدك تهرج !
لؤي بيحاول يقنع نفسو انو بيسوي دا الموضوع صدقه لاأكتر وضعهم يحزن وماحيخلي بنات في الشارع : ايوا انا عندي مبلغ اقدر اساعدكم فيــه
روان حست انه دا ممكن يساعدها في يوم لكن مو لدي الدرجه مرا مصدومه : من جدك لاتخليني افرح على الفاضي
لؤي ضحك : والله حشوفلك حتى لو ملحق ولا اي شي ممكن تقعدو فيـه
روان مافهمت ايش ملحق بس اهم شي سقف تقعد تحتو هيا وهديــل: حتاخدها على اساس انها لك يعني
لؤي : اللي تبيه
روان بتردد : احنا ماعندنا بطايق ترا
لؤي سكت وبعدها قال انا لو لقيت شي حديكي خبـر _ اتذكر عدي _ اصبري بس شويا
بعد عنها واتصل على عدي ...
: هلا عدي كيفك
: تمام يااوسخ امس سحبت عليا
لؤي : هههههههه اعوضك اليوم
: طيب نشـــوف
لؤي : اسمع فاكر ديك البنت اللي ساكنه في شقه وقلتلي صحبتها مزه وعندها ولد دي القصه القديمه
عدي : اهاا خلوود
لؤي : ايوا اتوقع هيا المهم مو انتا وصلتها لعمارتهم
عدي بتريقه : العماره الغير قانونيه
لؤي : ايييوا
عدي : طيب !
لؤي : تقدر تكلمها تشوف لو فيه شقه في عمارتهم ولا قريبه منهم
عدي : ليش تبي تشردي ياحلوه
لؤي ضحك : هههههههههههههه اسري ياحيوان فيه ناس هنا محتاجين وابا اجبلهم
عدي : طيب مو مشكله حكلمها دحين واردلك ..

ولا خمســه دقـــايق الا اتصل عليــه عدي : اسمع تقول في شقتين فاضيــه خليهم يروحو يشوفوها
لؤي : مررا حلو اديني العنوان
واخــد العنوان وراح لروان وقلها : يلا نروح نشوف الشقق
روان فتحت عينها على وسعها تحس انو بيمزح معاها رفعت صباعها وهيا تحذره : ترا دي المواضيع ماحب امزح فيها
ابتسملها : والله ماأمزح قال فيه شقتين بس لسى ماعرف كيف سعرها
روان ضمت اياديها لبعض الاتنين : ترا والله لو زبط الموضوع بجد مدري مدري ايش حسويلك
لؤي : هههههههه ادعيلي
ودخــل رايد وهوا شايفهم مبسوطيــن وساد الصمــت على طول
لؤي : يلا انا مــآشي
وروان تطالع في ساعتها الجلد السودا اللي باين انه اتلبست قبل لاتكون في يدها واتهرت : وانا خلص دوامي
وخــرجو مع بـــعض بس كل وآحد له منظــر مختــلف
روان بلبسها المبهـــدل
ولؤي بلبســو الانبيـق من الجزمــه للجينز والبلوزه وســآعته وشعره الاسود الكثيــف ولحيتــه المرتبه بطريقه تعكس فيه ملامحه الرجوليـــه
روان جريت لين ماوصلت عندو وهيا تضحك : يلا يلا نروح دحين
لؤي : والله المفروض اروح مع ولد خالتي بس حوديكي ونشــوف
روان مستحيـــل تستغنى دحين عنو دام يقدر يســآعدها فاحتستغلـــو لأخر لحظه ف حيــآتها ...
وصلو للسيــآره ... وضغط على السويتش وشغلها دوبو بيروح جهتته
الا روان تشوف واحد من رجــآل جــآسم
حافظتهم زي اسمـــها ...
: لللؤي
طالع فيــها وهيا قربت منــو وتحاول تغطي نفســها فيــه
انفــجع
منزله راســها وهيا شويا وتدخل في حضنو وتحاول ماتتحرك قلبها يدق بجنوون بسس بسبب الخوف : لاتتحرك
لؤي مغطيــها بجســمو العريــض : ايش فييه
روان وتتكلم بصوت واطي : دا واحد من رجال عمو جــآسم
لؤي طالع فيــه ورجع نزل راسه وهوا يطالع فيها ماسكه بلوزته وكأنها طفله صغيره
تتنافـــض .. اللي يشــوف جرأتها وكيف اشتغلت بين رجــآل مايتوقــع انو في شي يهــزها ..
بدأ يحس انفاسه مو منضبطــه بدأت تزيــد دقــآت قلبــه

نهايه الفصل الثالث