البارت اهدا لمحبتي @Yox21xyoo@
البارت الخامس والاربعون
*
*
*
*
*
#1
#1
#1
نايف ترك سلمى
واقترب من ريم مسك يدها ووقفها وتوجه
لجهة الشباك بعيد عن صقر وسلمى
واقترب من اذنها وهمس : نزلتي تحت ؟؟
طالعته ريم وهزت راسها بالنفي
نايف تنهد وكمل بنفس الهمس : احسن
ارجعي لغرفتك ولا تنزلين لتحت
حركت ريم شفتاها ترد
قاطعها بهمس حازم : اذا سمعت انك نازله
عند الحريم ما تلومين الا نفسك
ما ابغى تخرب..
التفت لصوت صقر المنزعج للي قاطعه : يالله يا نايف ما في
وقت تعال
نايف هز راسه والتفت لريم وأعطاها نظره تهديد
وتوجه لصقر
كانت تطالعهم وهم يطلعون من الغرفه مع سلمى
بلعت غصتها وهي تحس خلاص مو قادره تجامل
اكثر مو قادره تتحمل اكثر
حتى بحفله اختها مصمم يفرق بينهم
ليه لينا حضرت ونزلت وما منعها
لذي الدرجه يفكر انها تخرب على اختها !!
زفرت بضيق مهما حاولت تتقرب منهم رح تبقى
غريبه
مسحت دمعه نزلت من خدها
تحركت خارج غرفة سلمى باتجاه غرفتها
متجاهله اصوات الحفله
قفلت باب غرفتها بالمفتاح
استندت على الباب ورفعت نظرها للسقف
وهي تفكر
يمكن يظنون اني احسد سلمى لانها خطبت قبلي
وش يقصد اني اخرب ؟؟؟
نزلت دموعها على خدودها تحس بالحزن
يقطع قلبها
غمضت عيونها وعضت على شفتها
ليه ما خبرها قبل ما تتجهز انها ما تحضر الحفله ؟؟؟
اخذت نفس وهي تردد
اللهم اني اعوذ بك من الهم والحزن ...
تقدمت خطوات نحو السرير وجلست عليه ونزلت راسها وهي تناظر للارض وشعرها منسدل
من بين اكتافها
ما رح تهتم خلاص سدت نفسها عن الحفله
وما لها مزاج تحضر
**
**
**
الجده همست لساميا : وينها بنت ساره ما اشوفها
ساميا طالعت المكان باستغراب : كانت فوق بغرفه سلمى
غريبه ما نزلت
هيفاء : يمكن غيرانه من سلمى انها خطبت قبلها
انتبهي من هالريم لتصيب سلمى بالعين او تحسدها
ساميا : ليه تصيبها بالعين وهي اجمل من سلمى
بكثير
هيفاء تبث سمها : هذا انت قلتيها اجمل منها
لا تستبعدين تأخذ بدر بجمالها
انا بس ابغى انبهك
ساميا حست بخوف بس ما اظهرت وطردت هذي
الافكار من راسها : ما اتوقع ريم تعمل كذا
الجده : مو وقت هذا الكلام الناس تناظرنا
وتركتهم وراحت
ساميا استأذنت من هيفاء وتركتها
**
**
**
ام خالد : لا بنت نايف الوسطى للي ملكتها اليوم
الحرمه : بنت ساميا الكبيره
ام خالد : ايه بنت ساميا من زمان محيره له
الحرمه : وليه ما خطب الكبيره ؟؟؟
ام خالد : النصيب وتركتهم وراحت
الحرمه تكلم الحرمه للي جنبها : بنت نايف الكبيره
تكون امها من عائله ابو سعد
ردت الحرمه : ابو سعد ؟؟
الحرمه : ما عرفتيه ؟؟!!
رجل اعمال مات قبل شهرين
هزت الحرمه راسها : ايه سمعت فيه
يقولون واحد من احفاده دس له السم
علشان يموت ويأخذون الورث
ردت : الله لا يبلانا
اكيد بنت نايف الكبيره نفس اطباعهم الشينه
تدرين انها عاشت عندهم سنوات
ما رجعت عند ابوها الا قبل كم سنه
ردت الحرمه : الله يعين
**
**
**
فتحت عيونها بتعب نهضت نفسها وهي
تفرك رقبتها اوجعتها
يمكن نومتها مو مريحه
ناظرت الغرفه معتمه والهدوء يعم المكان
اكيد انتهت الحفله
مسكت الجوال وطالعت الساعه
كان الوقت متأخر من الليل
خلصت الحفله واكيد الكل نايم
عدلت المخده ورجعت حطت راسها ونامت
**
**
**
الجده بانتقاد : ما كلفت نفسها تحضر حفله اختها بالامس
قلت لكم من قبل هذي البنت حقوده
الله يستر سلمى لا تصيبها عين
نايف وقف ينهي النقاش : انا منعتها تحضر الحفله ارتحتي الحين
الجد عقد حواجبه : وليه منعتها ؟؟ مو من حقك تمنع البنت
تحضر حفله اختها
نايف طالع ابوه : وش يضمن لي انها
سكت ما كمل
الجد : كمل ليه سكتت ؟؟
نايف : ولا شيء
خلاص ما له داعي تحضر الحفله وانتهينا
الجد بقهر : ترى عقلك ضارب مو طبيعي
مانعها تزورنا
قاطعه نايف باستنكار: انا مانعها تزوركم ؟؟
الجد بحده : ايه مانعها والا تسمي زياراتها زياره
تيجي يا دوب خمس دقائق وانت معها وترجعها للبيت
من لما رجعت ما دخلت بيت واحد من اعمامها
ولا جلست مع بنات عمها ولا اختلطت فيهم
حتى بالاجازه بين الفصلين
لما رحنا للمزرعه منعتها تروح معنا
وطلعت حجج واهيه
كل اسبوع لما نجتمع بالمجلس تمنعها تحضر
وتخليها بالبيت
حتى على السوق ما تطلعلها
لمتى هذا الحال ؟؟؟!!
نايف تكتف : من زود المحبه يعني كلامك ؟؟
يعني ما حد يطيقها ولا يحبها بالعائله ما في داعي
تجتمع معكم
وانا مو مقصر كل فتره اجيبها تسلم عليك وعلى
امي وانتهينا
الجد طالعه : ليه ما تخليها مثل اخواتها لما تيجي
قاطعه نايف : ما له داعي يبه
الله يسعدك خلي كل شيء مثل ما هو
واقترب من ابوه وباس على راسه وطلع
**
**
**
جلس بالصاله بهدوء بعد ما شرب كأس المويه
كم مره خبر ابوه ما يتدخل بهذا الموضوع
وكل فتره لازم يفتح الموضوع
رفع نظره شاف سلمى طالعه من المطبخ
ابتسم لها : هلا والله بالعروس
سلمى حمروا خدودها باحراج وعيونها بالارض
نايف : تعالي يا بابا اجلسي هنا
طالعته سلمى بحياء واقتربت وجلست جنبه
مسح على شعرها بحنيه : مرتاحه يا بابا
سلمى طالعته ونزلت راسها للارض باحراج
باسها على راسها : ربي يسعدها هالخجلانه
كانت نازله من الدرج بهدوء وسامعه كلام نايف
لسلمى
اخذت نفس عميق استعداد لتعليقاته عليها
ونغزاته
كملت نزول الدرج وتوجهت للمطبخ بخطوات
هاديه
تنفست براحه انه ما كلمها ولا غثها بكلامه
حطت يدها على صدرها تحس بالجرح يزداد
مهما تظاهرت بالبرود بس بالداخل جرحها
ينزف وتزيد جراحاته
**
**
**
كان يناظرها باستغراب لما دخلت المطبخ هاديه بشكل غير طبيعي
يستفزها كثير لكن نادرا تطلع من برودها
وفوق هذا مطيعه بشكل كبير
على الرغم من ضغطه عليها
يستغرب من حالها !!
يتمنى يدخل راسها ويعرف وش تفكر ؟؟
ما توقع تسمع كلامه وما تحضر الحفله !!
تفاجئ لما خبرته ساميا انها ما حضرت الحفله
ناظرها وهي طالعه من المطبخ بنفس الهدوء
ناداها : ريم
طالعته وبصوت ناعم منخفض : نعم
طالعها ما يدري وش يبغى منها بس كذا ناداها
ما كان قدامه الا يتحجج : جيبي كأس مويه بارد
حسيت نظرها وقع على كأس المويه قدامي
وبعدها رجعت للمطبخ
سلمى باستغراب : علامه كأس المويه هذا ؟؟
نايف بترقيع : ابغى كأس ثاني
هزت سلمى راسها وسكتت
توجهت له بكأس المويه وناولته بهدوء : تفضل
نايف تناوله وشرب منه
ما تركت فرصه توجهت لغرفتها بهدوء
حط الكأس على الطاوله وتنهد
ما ينكر انه نفسه يزوج ريم ويرتاح من همها
بس وين يزوجها ؟؟
ما احد خطبها حتى يزوجها
مسح على وجهه بتعب وبعدها طلع لجناحه
**
**
**
ام خالد : تخيل حفله اختها ما حضرتها
هذي حقوده
خالد : يمكن البنت مريضه
سديم لوت بوزها : شفناها ما فيها شيء
رولا : يمكن غيرانه لانه اختها خطبت وهي ما خطبت
خالد بضجر : افففففف افكاركم يالحريم
روان : بس لما كنا عند سلمى نبارك لها كانت موجوده
ام خالد : هذي البنت ما ابغاكم تختلطون فيها
ابد لا خير ولا شر
خالد عقد حواجبه باستنكار : بس هذي بنت عمنا ليه تمنعي اخواتي عنها ؟؟
ام خالد : سوالف حريم ما تتدخل فيها
سامر ابتسم: لو انا لي ابن عم
مستحيل ارد عليك واقاطعه
ام خالد بنهر : سامر
نواف وقف بهدوء : سوالف حريم وش دخلكم
فيها
ام خالد : يا عيني عليك درر تتكلم
علم اخوانك ما يتدخلون بشيء ما يعنيهم
نواف ابتسم بغرور : ان شاء الله يمه
وبسرعه شرد لما شاف خالد ضرب عليه علبه الفاين
**
**
**
سندس وهي تهز ببنتها وتتكلم بالجوال : يا حليلها سلمى خجوله
كثير
رولا : ايه خجوله
بس تدرين انبسطت انه ريم ما حضرت الحفله
سندس : ليه ؟؟
رولا : اكيد لو حضرت كان غطت علينا
سندس بغيره : ليه تغطي علينا
حنا احلى منها
رولا : اسكتي وبدون كذب
سندس : انت ما شفتيها الا مره بحياتك
يمكن تغيرت
رولا : وش للي يغيرها ؟؟
بس تدرين كلام سديم ورغد صحيح انها مغروره
طول هالفتره ولا شفناها
سندس : صح غريب ما التقينا فيها ابد
ولا احسها تطلع من البيت
رولا : غريب حتى حفله اختها ما حضرت
الله اعلم وش فيه،!!!!
سندس : يا خبر اليوم بمصاري بكره ببلاش
**
**
**
بعد المغرب طلعت من غرفتها وهي تفرك عيونها من بعد صلاه العصر لبعد المغرب وهي
نفس الجلسه على اللاب
نزلت بهدوء وشافت اخوانها جالسين بالصاله
وساميا تتكلم بالجوال
اقتربت منهم وجلست على كنبه منفرده
ساميا تتكلم بالجوال : مستحيه تكلمك .......هههههه
........ اصبر ثواني
قامت وحطت الجوال على اذن سلمى
للي قلب وجهها طماطم
وبصوت هامس ردت
كانت ريم تناظر سلمى كيف مستحيه تكلم
بدر
سألت نفسها لو كانت مكان سلمى وخاطبه
يا ترى رح تستحي تكلم
خطيبها مثل سلمى ؟!!!
ناظرت ساميا وهي تكلم سلمى بعد
ما قفلت الجوال : وبعدين معك يا سلمى
هذا باعتبار زوجك
من البارحه يتصل فيك وما تردين !!
سلمى باحراج وهي تفرك يدينها ببعض : والله استحي
ساميا : باكر تتعودين اطلعي جهزي نفسك
بدر رح ييجي بعد شوي
سلمى بفزع: وين ييجي ؟؟
ساميا ابتسمت : هنا
يالله بسرعه روحي تجهزي
سلمى باحراج وتوتر توجهت لغرفتها
دخل نايف الصاله بهدوء ورد السلام
بعد ما جلس
لينا : وين رح يجلس بدر ؟؟
ساميا : بالمجلس
بس خلي الشغاله تنزل عبايتك يمكن يجلس هنا
ما ادري
نايف : بدر جاي ؟؟؟
هزت ساميا راسها بنعم
نايف ابتسم:هالنسيب من ثاني يوم استلمنا
الظاهر انه لزقه
ساميا ما عجبها كلامه : ما فيها شيء ييجي
يجلس معها ويتعرف عليها ويعرفون طباع بعض
نايف : انا اقول بالبدايه يجلسون معنا هنا
حتى تتأقلم عليه سلمى
ساميا : ما عندي مانع
وقفت ريم بهدوء
طالعها نايف وهو رافع حاجب : وين ؟؟
ريم بهدوء : على الغرفه
نايف بأمر : ادخلي مع ساميا وجهزوا العشاء
خلي بدر يتعشى معنا
بدون ما تناظره ردت بهمس : ان شاء الله
وتوجهت للمطبخ
ساميا وقفت : لينا الحقينا على المطبخ
نايف : خليها لينا وش تبغين فيها
ساميا تضايقت ما تحب ريم تشتغل وبناتها جالسات مع انه ريم نادرا تدخل المطبخ وما تعرف تطبخ شيء بس تجهز : يعني تبغى تريح لينا وتتعبني ؟؟
نايف : اجلسي ارتاحي
ساميا بقهر : والعشاء ؟؟!!
نايف ببرود : هذي ريم تجهزه
طالعته ساميا بقهر وتوجهت للمطبخ
ابتسم نايف : روحي جهزي مع امك الظاهر انها
زعلت
لينا تأففت : افففف اكره المطبخ
ليه الشغالات موجودات ؟؟/
نايف بروقان : علشان تجهزي معهم
روحي عند امك بسرعة
مدت لينا بوزها وتوجهت للمطبخ
#2
#2
#2
#2
جلس بدر باحراج على طاوله السفره
بعد ما جهزت السفره لفت وجهها ريم تطلع من صاله الاكل بس وقفها صوت نايف : ريم
طالعته ريم
نايف وهو قاصد يضايقها وهي لابسه
النقاب وما رح تأخذ حريتها : تعالي اجلسي تعشي
ريم بهدوء : بالعافيه
نايف بأمر : تعالي اجلسي
وبعدين بدر منا وفينا صار فرد من افراد العائلة
صح يا سلمى
نزلت سلمى رأسها باحراج
بدر بدأ يأخذ على الجو : احرجتها يا عمي
طالعت ريم نايف ولا مره اصر عليها بالاكل
والحين يصر عليها عارفه انه كل قصده
يضيق عليها
نايف بحزم : انا وش قلت يا ريم ؟!!
طالعته ريم
ورجعت جلست
بدر : اذا وجودي مضايقكم انا استأذن
ما طالعته ريم وبنفسها يا اخي انقلع وريحنا
ساميا : بالعكس البيت نور بوجودك
بدر : تسلمين يا خاله
طالعت ريم صحنها ما لها نفس بالاكل
حتى كيف رح تتعشى والنقاب
كله هالاكل غلبه
بدر يبتسم : نسيت اسلم على ريم
اخبارك يا بنت العم ؟؟
سمعته ريم بس طنشته ما تطيقه لا هو ولا شله
المهابيل تكرهم
نايف بصوت عالي صارم : ريم ما سمعتي بدر وش قال ؟؟
طالعته ريم بهدوء وهي تحرك الملعقه بالشوربه : وش قال ؟؟!!
بدر حاس بالفشيله بس يحاول يغطي : اخبارك يا بنت العم ؟؟
بدون ما تناظره ردت ببرود : بخير
نايف ما عجبه اسلوبها بس طنش : باكر لا تنسون على الساعه 8.30 تكونوا جاهزين
ساميا : كل شيء جاهز
بدر : سيارتك تكفي يا عم ؟؟
نايف بهدوء : ايه تكفي وزياده
اذا تحب ترافقنا
بدر : انا اقول يمكن ما تكفي ترى سيارتي موجوده
نايف ابتسم وغمز له : قول انك تبغى تركب بعض ناس معك
بدر ابتسم : والله ودي
قاطعه نايف بابتسامة : خلها باحلامك متى ما تزوجت يتغير الوضع اما الحين نو
احمد ربك اني سامح لك تجلس معها وتكلمها
بالجوال
بدر : والله غريبه يا عمي انك ما تعارض
مع انه الشباب قالوا لي
انك ما رح تسمح
قاطعه نايف : دامه حلال انا ما اعارض
ساميا : الكل رح ينطلق على الساعه 8.30
نايف : ايه الكل يطلع مع بعض بحيث نوصل كلنا مع بعض
سيف ابتسم : متى يخلص الليل وييجي باكر
نايف : متحمس من الحين اشوفك
**
**
**
توجهت لغرفتها ونزعت النقاب واخذت نفس
عميق
باكر رح يطلع الكل للمزرعه واكيد رح تبقى هنا
لوحدها بين الخدم
ما تنكر خوفها منهم لو يقطعونها ما حد رح
يدري عنها
مع انها احيانا تتمنى الموت بس ما تبغى تموت
بذي الطريقه
ما تدري كم رح يجلسون بالمزرعه
تحس بمرار التفرقه وش تفرق عن اخوانها ؟؟!!
تسمع اخوانها ينادون ابوها بابا وهي محرومه منها
عمرها 18 سنه ولا مره بحياتها نادت بابا
تحس هالكلمه ثقيله عليها ما تقدر تنطقها
لسانها يعجز عن نطقها
احيانا حياء
تستحي تقول يبه تحس ما لها حق تنطق هذي الكلمه
**
**
**
عمر : يا عيني عند بنت العم من الحين سحبتك
وصرت خروف
بدر ضحك وجلس : هههههه لازم اتعرف عليها
ونجلس مع بعض ونتفاهم
قاطعه سامر : يا عيني على التفاهم
عمر : وجلست معها ؟؟
بدر مو عاجبه ؛ جلست معهم بالصاله والكل موجود
سامر باستغراب: وبنات عمي جلسوا معك ؟؟!!
بدر : ايه
عمر : غريبه احس عمي نايف معقد وما يسمح بذي الامور
بدر : كنت افكر انه كذا بس استغربت
وحتى على العشاء اصر على ريم تتعشى معنا
سامر : وكمان ريم جلست ؟؟
بدر ،: ايه جلست
ليه مستغرب هالكثر؟؟
عمر : تكلمت مع ريم ؟؟
بدر بدون نفس : يا اخي شايفه نفسها شيء
كثير
يا ارض اشتدي ما عليك حد قدي
تخيل سألتها عن حالها
طنشت وما ردت
سامر : يمكن ما سمعتك
بدر بقهر : الا سمعت انا متأكد بس طنشت
وما ردت حتى قال لها عمي نايف
وحتى ما كلفت نفسها تطالعني ردت وعيونها بالصحن وبدون نفس ردت
سامر ضحك : هههههه وش عليك منها اهم
شيء خطيبتك
بدر : ايه والله صادق
**
**
**
في صباح اليوم الثاني
الكل متجمع عند بيت الجد جاهزين للطلعه
الجد بعصبية : اقول لك رح نجلس مده طويله
بالمزرعه روح جيب البنت
نايف يحاول يكون هادي: يبه اقول لك عندي
دوام ورح كل يوم امر عليها
الجد بعصبية : المره الماضيه جلسنا يومين
سكتت
بس هذي المره رح نطول روح جيبها
ترى بدأ الضغط عندي يرتفع
فيصل بحده : خلاص يا نايف روح جيبها
نايف بقهر رجع للبيت يجيب ريم
خالد باستغراب : غريب ليه ما يبغى يجيبها
وعازلها عن الناس ؟؟
ابو سليمان : الله يصلحه نايف اذا حقد
مستحيل ينسى
الجد : تراه زادها عن الحد وانا ساكت له
بس لهنا ويكفي
سليمان بهمس: ما ادري وش يبغى جدي فيها ؟؟
نواف : زياده غثاء
ريان ،: والله انك صادق
الجده بصوت منخفض حتى ما يسمعها الجد : اففففف انا ناقصها يجيبها معنا
ام خالد : يعين الله
الجده بقهر : هالشايب رح تجيني جلطه بسببه
هيفاء : بعيد الشر عنك يمه
**
**
**
جلست مفزوعه من النوم من الاعصار للي
فوق راسها
ناظرته باستغراب وقلبها يدق بقوه
تكلم وكأنه بركان ثائر،: خمس دقائق تكونين جاهزه
ومجهزه اغراضك للمزرعه
طالعته ترد
قاطعها بكف قوي : ولا كلمه جهزي اغراضك
وانتهينا
تركها وطلع
نزلت راسها وغمضت عيونها وتفكر بذنب واحد
علشان يضربها
ما عملت شيء ولا آذت احد
نايمه بسلام وآمان
بلعت غصتها وقامت توجهت تجهز نفسها
ما تبغى بالبيت لوحدها لانهم رح يتأخرون بالمزرعه وتخاف من الخدم وبنفس الوقت ما تبغى تروح
المزرعه وتقابل احد من اهل ابوها
**
**
كانت تمشي خلفه وراسها مرفوع وعيونها بالارض وقف نايف وبصوت مقهور : يالله جاهزين ؟؟
طالعت ريم جدها وتقدمت وسلمت بهدوء
الجد بهدوء : خلاص الكل يتوجه لسيارته
تأخرنا
قامت الجده وجلست بالسياره قبل ما تسلم عليها ريم
نايف طالع ريم بعصبية : انقلعي شرفي تأخرنا
بسببك
الجد بحزم : نايف
نايف اخذ نفس و
توجه لسيارته وخلفه ريم
**
**
**
سكر نايف الباب بعصبية وشغل السياره
وحرك
كعادتها تحب تطالع من الشباك بهدوء
تعودت على اسلوبه الجارح معها بس
المفروض يحترمها قدام بنات عمها وحريم اعمامها
وحتى قدام الشباب
ما يصير يعاملها بالطريقه هذي
بس ما يطلع بيدها شيء الا تطنش
نايف طالع ساميا : حطي لي قهوه
راسي صدع
ساميا بهدوء ناولته الفنجان
نايف شرب الفنجان وطالع المرايه وبحده : يا ربي
بليتني فيها خذها وريحني منها
ساميا تضايقت بكلامه : نايف وش هذا الكلام ؟؟
نايف بعصبية : انا كم مره قلت لك لا تتدخلين
بيني وبينها
كم مره ؟؟؟
ليه تلوموني فيهايا عالم ؟؟ اكرها وما اطيق اشوفها
طالعته ريم من المرايه ببرود ظاهري ومن داخلها
تحس بالغصه ورجعت تناظر من الشباك
جن جنون نايف من برودها وسحب بريك ووقف فجأة وبعصبيه : وقسم بالله يا ريم اذا نزلت من السياره
ما تلومين الا نفسك
طالعته ريم باستغراب ما قالت شيء ولا فتحت فمها ؟؟!!!
نايف بعصبيه : لا تناظريني كذا
قاطعهم صقر دق على القزاز
نزل نايف القزاز : وش فيه ؟؟؟
صقر باستغراب : انت علامك وقفت فجأة ؟؟
نايف والعصبيه واضحه عليه : كذا مزاج
صقر طالعه وعقد حواجبه : ليه تكلمني كذا ؟؟؟
وناظر للخلف الوضع هادي وريم تناظر من الشباك بهدوء
ما يدري ليه حس بالشفقه عليها وانه نايف ما
يستحقها مع انه اختلط فيها كثير
بس يحسها انسانه هاديه راقيه اخلاق ذوق
نايف بدون نفس : يالله لا تأخرنا وحنا واقفين
صقر هز راسه : انتبه على الطريق
وبعدها استأذن ورجع على سيارته
وحرك نايف السياره
**
**
**
ساميا طالعته باستغراب بعد ما تجاوز البقاله : ليه ما وقفت عند البقاله معهم ؟؟؟
نايف بدون نفس : كذا مزاج
ساميا انقهرت منه ولفت وجهها زعلانه
طالعها نايف واخذ نفس بعد ما وقف السياره : تبغون شيء من البقاله ؟؟
ساميا بدون نفس : ما نبغى شيء
نايف لف ورجع للبقاله بهدوء
لينا تهمس لسلمى : رجع لعصبيته الله يستر
سلمى ردت بنفس الهمس : اسكتي
وقف السياره قريب من البقاله وطالع ساميا : يالله انزلوا
ساميا بزعل : خلاص ما في داعي
نايف بصراخ : ترى واصله معي لهنا
واشر على انفه
طالعته ساميا وقلبها يتراقص من الخوف
من عصبيته ونزلت بهدوء ومعها فارس
لف للخلف : يالله يا سلمى ولينا انزلوا اشوف
لا تتركون امكم وانتبهوا
نزلت سلمى ولينا من السياره وتوجهوا خلف
ساميا
زفر بضيق واسند راسه على الكرسي وغمض عيونه
حل الصمت بالمكان وريم تناظر من الشباك بهدوء
**
**
**
عند البقاله
سلمى بحياء : بخير
بدر مسك يدها : تعالي نشتري مع بعض
ساميا : خليكم قريبين
بدر : ان شاء الله خالتي
ساميا طالعت لينا : خليك معي ولا تبعدي
لينا : خليني اروح مع مي
ساميا بحزم : ابوك معصب لا تبعدين
مو ناقصني مشاكل اشتري للي تبغينه بسرعه
**
**
فيصل واقف برا عند البقاله : وين نايف ما اشوفه ؟؟
خالد : ما نزل من السياره
سلطان : الظاهر انه اليوم مقفله معاه
فيصل : هذا الظاهر
عمر تقدم منهم : يالله جدي يقول الكل يرجع للسيارات
بدأ الكل يرجع للسيارات
صقر شاف سلمى مع بدر : سلمى وين اخواتك ؟؟
سلمى : لينا مع ماما
صقر : وريم معهم ؟؟
سلمى : لا ما نزلت
خالد بلقافه: وليه ما نزلت ؟؟
سلمى : ما ادري
صقر : اكيد نايف منعها
تراه ابوك معقد يحتاج لطب نفسي
سلمى : ترى ما اسمح لك تتكلم على بابا
خالد بسخريه : متزوجه وبعدك تقولين بابا
بدر مسك يدها : وانتم وش عليكم منها
وبعدين انت يا خالد ما اسمح لك تكلم خطيبتي
تراني اغار
خالد : والله كيفي تراني متعود اكلم بنات عمي عادي
ولا حد اعترض تيجي انت وتعترض
اقول بس طير من هنا
صقر : يالله يا سلمى ارجعي على السياره بسرعه
بدر مسك يد سلمى وتوجه لسياره نايف
خالد : تراه عمي نايف حرام عليه
يفرق بين عياله
صقر : تراه مثل الحيط لا يستقبل ولا يرسل
كلمته كثير بس ما يرد
يعني ليه ما نزلها مثل اخواتها تشتري ؟؟
خلاها بالسياره والله انها هالبنت كاسره خاطري
خالد : بعين الله
**
**
كانت تناظر من الشباك البنات وهم راجعين للسيارات
تقنع نفسها انه عادي وهذي الامور ما تهمها
مو ضروري تنزل للبقاله
شافت سلمى ومعها بدر
وخلفهم ساميا ولينا وفارس
نايف نزل من السياره وطالع سلمى : كملتم ؟؟
سلمى سحبت يدها من بدر : ايه
نايف : يالله ادخلي
هزت راسها ودخلت السياره
اقترب نايف من ساميا واخذ منها الاغراض
وساعدها
وبعدها حرك السياره بهدوء
**
**
**
واخيرا وصل نايف المزرعه
كانت تناظر ريم المزرعه بانبهار ما توقعتها
كذا كبيره وجميله
بعد ما وقف نزل الجميع من السياره
مسكت ريم يد فارس
فارس يسحب ريم لقدام بفرح: ليم
ريم بابتسامة خلال هالفتره تعلقت بفارس
وحتى فارس متعلق بريم كثير : انتظر شوي
سمعت نايف ينادي بعصبيه : يا زفته
طنشت وهي متأكده انه يقصدها
اقترب منها : ما سمعتي وانا أناديك
ريم بهدوء : لا انت ناديت زفته وانا اسمي ريم
فارس يسحب يد ريم : يلاااااا
نايف بحده : اتكلمي عدل
التفت للخلف لما سمع فيصل ينادي عليه
حرك راسه وش تبغى ؟؟
فيصل اشر له : تعال
اعطاها نظره وعيد وراح
طنشته ريم وجلست على مستوى فارس ومسحت
على راسه : وين تبغى تروح ؟؟
فارس : العب
باسته على خده : اموت عليه يا ناس
سلطان : نيالك يا فارس
رفعت ريم راسها وطالعت سلطان ووقفت : هلا والله
واقتربت منه وسلمت عليه : اخبارك يا عم ؟؟
سلطان : بخير
وينك ما تسألين عن عمك ؟؟
قبل ما ترد ريم
جاوب خالد كان واقف قريب منهم : قطوعه
نزلت ريم نظرها للارض وما ردت
سلطان : بحياتي ما شفت انسان ملقوف مثلك يا خالد
وش دخلك انت ؟؟
خالد : هههههههه ترى امزح اخبارك يا ريم ؟؟
كانت ريم تحس قلبها يدق بقوه
ما تدري وش السبب هذا خالد للي رسمت قصه
احلام وكان هو البطل
شتمت نفسها الف مره على افكارها المراهقه
لو يدرون عن قصتها
يا فضيحتها
تحس بالاحراج مو قادره تنطق حرف واحد
بوجود خالد
وقلبها للي مو راضي يهدى ويدق بقوه
سلطان : وش فيك يا ريم ؟؟
ريم حمدت ربها انها لابسه نقاب ومغطيه وجهها
والا كان شافوا وجهها للي ولع احمر
تحس مو قادره تأخذ النفس وكل الناس
تسمع دقات قلبها
رفعت راسها بهدوء وبصوت اقرب للهمس : ما في شيء
ونزلت نظرها لفارس : تعال
خالد بابتسامة : الظاهر بنت العم ما تسمع
بدون قصد وقع نظرها على خالد
حست عقلها مو قادر يستوعب الصوره
يختلف 180 درجه عن الشكل للي تصورته بالقصه
صقر : انت وش دخلك ببنات عمك اي وحده تكلمها
خالد : عادي انا الحفيد الكبير ومثل اخوهم
يلا طير من هنا
وبعدين انا وش قلت بس سلمت عليها
حست ريم بدقات قلبها تخف وكأنها ارتاحت
مو نفس الشخصيه للي رسمتها في بالها
خالد طوله متوسط اسمراني
مو مثل ما تصورته طويل وابيض
ابتسمت على مراهقتها
وتركتهم وتوجهت للداخل
**
**
رولا بقهر :،شفتي واقف معها ويكلمها
سديم : ما فيها شيء
لا تنسين تراه زوجك مطيح الميانه مع بنات عمه
كلهم
ولا حد من اعمامي اعترض
رولا بغيره : يوقف ويكلم كل البنات الا هالريم
روان بملل من غيره رولا : لا تقولين انها حلوه وتلعب بعقله
رولا : ايه حلوه والرجال ما لهم امان
سديم : اتركي عنك الوسواس
وامشي للداخل تراه عمي سلطان واقف معهم
ما فيها شيء
شوفيها تركتهم ودخلت
هزت راسها رولا ومشت قبلهم
سديم تهمس لروان : الله يعين خالد اليوم على
التحقيق
**
**
**
جلست على السرير وناظرت سلمى : نازلين تحت ؟؟؟
سلمى : لا انا ابغى اصلي الظهر وانام
مو قادره افتح
لينا : والغداء ؟؟
سلمى وهي تتثاوب : ما ابغى
رن جوالها طالعت الاسم وصار وجهها احمر
ابتسمت ريم على رد فعل سلمى
وحطت راسها على المخده وغمضت عيونها
لينا : وانت كمان ما تبغين غداء
ريم وهي مغمضه : لا ما ابغى
**
**
**
بعد العصر كان الاغلب برا
الحريم جالسات على العشب مع بعض
ام بدر : والله ما ادري بس سلطان يقول بعد ما نرجع
من المزرعة يمكن يملكون
الجده : خير البر عاجله وريان ما بقى عليه شيء
ويتخرج
ام بدر : سنه ويتخرج
ام خالد : والعروس بتكون متخرجه
ام سليمان : الله يوفقهم
ليلى : اعطونا خبر علشان نجهز للملكه
رولا : اكيد فرحانه يا سندس انه اختك رح
تيجي هنا قريب عندك
سندس : للي يسمعك يقول من بعد المسافه
ام بدر طالعت ام سليمان: سمعت انكم ناويين تخطبون لعمر
ام سليمان : ان شاء الله قريب
والعروس جاهزه
ليلى : غريبه والا قريبه ؟؟
ام سليمان ابتسمت: لوقتها فرج
ام خالد : وحنا قررنا نخطب لسامر
الجده : ونواف ؟؟
سديم : امي عجزت فيه رافض الموضوع
يبغى يطلع ويدخل على كيفه ما تربطه
التزامات
ام خالد : الحين نخطب لسامر ومتى ما بغى
نواف حنا جاهزين
ساميا : الله يوفق الجميع
طالعت ساميا لينا : وين سلمى ؟؟
لينا : بالغرفه فوق تكلم بالجوال
روان : اكيد بدر
الجده : الله يوفقهم
وبنت ساره وين ؟؟؟
لينا : نايمه
الجده لوت بوزها : حشى كل هذا نوم
الوقت بعد العصر
ليلى : جيل اليوم كله نوم
طالعتها الجده بنص عين : كأنك تتكلمين عن
نفسك
ليلى باستنكار :، انا
الجده : خيالك
ولفت على ام خالد تسولف معها
**
**
بهدوء : ريم ريم
فتحت ريم عيونها بصعوبه : هممممم
سلمى بنعومه : قريب العشاء وانت بعدك نايمه
نهضت ريم بفجعه : قريب العشاء ؟!!
سلمى ابتسمت : حشى للي يشوفك يقول صار لك
اشهر ما نمتي
ريم ابتسمت واثار النوم واضحه على ملامحها :
ما ادري صاير انام بعمق من لما بدأت العطله
سلمى : تعالي ننزل تحت
ريم : انتظريني شوي
هزت سلمى راسها ورجعت مسكت الجوال
تراسل بدر
**
**
**
عمر : وبعدين معك ماسك هالجوال اربع وعشرين
ساعه
بدر وهو يناظر الجوال ويبتسم : وش دخلك ؟؟؟
سامر : روح اجلس معها احسن لك
مو جالس هنا وعقلك عندها
نواف ابتسم : اتركوه على راحته
ريان : الله يعين عمي نايف عليك لزقه
بدر : الله يعين ابو مشعل عليك
اذا انا ازورهم انت رح تنام عندهم
صقر بابتسامة : ما اتوقع ريان يعملها
احسه هادي
بس انت يا بدر اتوقع لو نايف يفتح لك المجال
الا تنام عندهم
بدر بغرور : اصلا عمي نايف قال انه انا فرد من
عائلتهم
صقر : متى هذا الكلام ؟؟ وش مناسبته ؟
بدر : البارحه على العشاء
خالد : واو صرت متعشي عندهم ؟!!
بدر : عمي الزم علي على العشاء والله رفضت بس
اصر علي تعرفوني ثقيل
بدر وقف : اروح عند خطيبتي احسن لي
من مقابلتك
3#
3#
قبل ما يطلعون دخل نايف الغرفه
طالع سلمى وهو يحك ذقنه : روحي امك تسأل عنك
تحت
سلمى : ابغى انزل مع ريم
نايف بهدوء،: انت انزلي وما عليك من ريم
طالعت سلمى ريم باستسلام وبعدها
طلعت من الغرفه
نايف طالع ريم وهي لابسه العبايه
جلس على السرير : اشوفك لابسه وين ؟؟
ريم وهي ماسكه الشيله بيدها : مع سلمى تحت نايف لوى شفتيه مو عاجبه : ومين سمح لك
تنزلين ؟؟
ريم وهي تحاول تتحكم بأعصابها : ليه هذي بعد
تحتاج إذن
نايف وهو يتكتف :،ايه تحتاج اذن
ريم بهدوء : حسب علمي سلمى ولينا ما استأذنوا
نايف : سلمى ولينا انا معطيهم اذن يروحون وين ما بغوا
عادي بس انت لا
ريم عقدت حواجبها : وليه انا لا ؟؟؟
نايف بطريقه تنرفز :،كذا مزاج
طالعته ريم وهي رافعه حواجبها وما ردت
نايف : امممم عموما انا جيت اخبرك
لا تطلعين من الغرفه هذي
الا وقت الاكل تنزلين وبعدها تطلعين
ريم : وش رايك تقفل الباب بالمفتاح
احسن
نايف بروقان : مو غلط
وابتسم بسخريه : اشوف خدك احمر
ريم بابتسامة ما توقعها نايف : بركاتك يا شيخ
نايف : اذا تبغين على الخد الثاني ما عندي مانع
ريم بهدوء : ممكن تجاوبني على سؤالي
نايف وقف : وش سؤالك ؟؟؟
ريم باسلوب فيه حده : انت وش تبغى مني ؟؟
نايف اقترب كم خطوه منها : تراك بنتي
قاطعته ريم بسخريه : بنتك ؟؟؟
اشك بالموضوع
شهقت وحطت يدها خدها
وطالعته بذهول
نايف بعصبية : وش قصدك يا حيوانه ؟؟؟
طالعته ريم باستغراب الظاهر فهم الموضوع
غلط بس خلاص فاض المر على المرار : لو بنتك
كان ما عاملتني كذا !!!
تعاملني وكأني قاتل لك حد !!
مسكها من شعرها وعيونها يطلع منها الشرار :
ولا كلمه فاهمه
انت وامك واهل امك اكبر قتله
قتلتم اخوي
ريم وهي تحاول تبعد عنه : اتركني
نايف بعصبيه : قتلتوه وهو بعز شبابه
ريم وهي عافسه ملامحها بألم : انا وش دخلني فيه ؟؟!
رفع راسها وهو شاد شعرها واعطاها كف : ذنبك
انك منهم
واكيد تحملين دمهم الخبيث
ريم بصوت متألم ودموعها على وشك النزول :
اتركني
نايف وفقد اعصابه وهو يتذكر اخوه عماد : ما رح
اتركك
ونزل فيها ضرب
ريم وفقدت اعصابها وهي تحاول تبعده عنها : اكرهك
نايف مسكها من شعرها وهو شاد على اسنانه : اكرهك اكثر مما تتصورين
ورماها على الارض بقسوه
صرخت صوت من الم الضربه
وعضت على شفايفها بألم
نهضت نفسها بتعب لمتى هذا الحال
من لما رجعت وهي سمعا وطاعه
ما ترادد ما عملت مشاكل
وفوق هذا ما خلصت منه
مسحت دموعها بهدوء
طالعها نايف وطلع من الغرفه وهو مخنوق
**
**
**
جلس بالخيمه جنب سلطان وهو مقهور
فيصل استغرب حاله : وش فيك يا نايف ؟؟
نايف بدون نفس : ولا شيء
نزل نظره للارض وصوره ريم وهي تبكي بهدوء
بين عيونه
شد على قبضه يده بقهر وندم لانه ضربها
بدون ذنب
تمنى لو انها ترادد مثل صغرها حتى يكون فيه
سبب لضربها
ما يذبحه الا سكوتها
غصب عنه شيء بداخله يخليه يقهرها وينرفزها
يحس مشاعر الكره نحو ريم مترسخه بداخله
وكل يوم تزيد
**
**
**
في اليوم الثاني
جالسه على السرير وبحضنها اللاب
ومطنشه نظرات سلمى ولينا
المستغربه من العلامات للي مرسومه على وجهها
سلمى بهدوء :،ما تبغين تنزلين للغداء
ريم طالعتها وردت بهدوء عكس النار للي بداخلها : لا
سلمى عرفت ليه ريم ما تبغى تنزل هزت راسها : براحتك
بعد ما طلعت سلمى ولينا
تنهدت ومسحت دمعه نزلت على خدها
تشكي حالها
مسحتها وهي تحس وجهها منفوخ
بعد وقت رفعت عيونها وشافت سلمى
معها اكل
حطت الاكل سلمى وناظرت ريم : هذا الغداء
وقبل ما ترد ريم تركتها سلمى وطلعت
**
**
**
ساميا بهمس : ارسلتي لريم الاكل
سلمى بنفس الهمس : ايه
ساميا : ما ادري ابوك متى يترك هالبنت بحالها
سلمى بحزن : كسرت خاطري
ليه بابا يعاملها كذا ؟؟
ساميا : حنا ما علينا تعرفين ابوك ما يسمح لنا نتدخل بموضوعها
**
**
**
بعد العشاء
الجد طالع نايف : وين ريم ما شفتها من لما وصلنا المزرعه
نايف بهدوء : داخل
الجد : اتصل فيها خلها تيجي اسلم علي
ناظر نايف الموجودين كل العيال جالسين عقد حواجبه : الحين ؟؟
الجد بنرفزه : ايه الحين ما في احد غريب
نايف بقهر : ان شاء الله
طلع واتصل بساميا وخبرها
رجع جلس وبداخله نار
بعد دقائق رن جواله ورد : الو ..........ليه ........
ان شاء الله مع السلامه
نايف طالع ابوه بعد ما قفل : ما تبغى تيجي
الجد عقد حواجبه : وليه ان شاء الله ؟؟
اكيد انت قلت لها ترفض
نايف بصدق : والله يحرم علي ما قلت لها شيء
الجد حس بصدقه : طيب وليه ما تبغى تيجي ؟؟
نايف طالع الشباب : ام سيف تقول
ما تبغى تيجي علشان الشباب
الجد طالع الشباب وقبل ما يتكلم
خالد بحزم : والله يا جدي حنا جالسين
مو حلوه بحقنا نطلع علشان
بنت العم تيجي تسلم
اذا تبغى تيجي تسلم بوجودنا حياها الله
اما نطلع
اسمحوا لي مو طالع شبر واحد من هنا
الجد حس كلام خالد منطقي : خلاص قول للحريم
يسهرون هنا وخلها تيجي تجلس معهم
نايف بدون نفس : ان شاء الله
اتصل على ساميا وخبرها
فيصل : قول يبه ما تقدر تقعد بدون امي
وتتحجج
الجد ضحك : هههههه
نايف يطالع ابوه ونفسه يعرف وش يفكر
وش يبغى بريم ؟؟!!
سليمان بهمس : هذا الناقص ننطرد علشان
بلقيس تيجي هنا
نواف رد بنفس الهمس : لو يموتون ما رح اطلع
الحين عامله نفسها تستحي وهي رايحه تتزوج
بدون علم ابوها
سليمان اشر بعيونه : شوف الحريم اول الداخلين
جدتي ما تطيق تبعد عن جدي
نواف : وش رايك نطلع نتمشى
سليمان : لا خليك بعد شوي
نواف : ليه ؟؟؟
سليمان : بس كذا
كانت اخر الداخلين تقدمت بهدوء نحو الجد
وسلمت عليه
الجد وهو ماسك يدها : اخبارك يا ريم ؟؟
ريم طالعته نفسها تعرف وش يبغى
منها متأكده انه يكرهها مثل الباقي
بس ليه يمثل الطيبه وش هدفه ما تدري : بخير
اخبارك ؟؟
الجد ابتسم : بخير
وينك ما نشوفك ولا تطلعين ؟!!
طالعته وما ردت
الجد : اطلعي مع البنات وتعرفي على المزرعه
احسن من الجلسه بالغرفه فوق
هزت راسها وسلمت على اعمامها وتوجهت جهة الحريم
وجلست جنب سندس
نواف بغيره : اموت واعرف سر اهتمام جدي
فيها
احسه يميزها عنا
ريان : يمكن من باب الشفقه
سليمان : ما اتوقع
ريان : شوفوا عمي نايف من لما دخلت وما نزل عينه عنها
سليمان : شوفها مو مهتمه لاحد ماسكه هالجوال
عمر : يمكن داخله على الانستقرام
نواف طالعه : لها حساب ؟؟
عمر : اتوقع انه لها
انتظر افتح
فتح الجوال ودخل وبحث عن الاسم
ومد الجوال لنواف : شوف اتوقع هذا هو
ريان يطالع مع نواف : يا غبي هذي اسمها ريم
بنت سالم
عمر : بس شوف الصور كثير منها لفارس ابن عمي
نايف
نواف : لحظه شوي البلوتوث
سليمان : اي بلوتوث ؟؟!!
نواف : تذكر لما عمي نايف عمل حادث وطلع عند
بدر نفس الاسم
سليمان وهو يحاول يتذكر : كأني تذكرت
نواف ضربه على راسه بخفه : مالت عليك
انت وذاكرتك
انا اتوقع انها نفسها ريم
ريان : ما تستحي على نفسها تنسب نفسها لعدونا
نواف : وانا اقول كذا
ارجع جوال عمر وفتح جواله
وفتح حساب ريم وعمل لها متابعه
بعدها التفت لسليمان
كل اصدقائها من عائله سالم
سليمان : وش رح تعمل ؟؟
نواف : انتظر شوي
سليمان يطالعه باندماج
فجأة نواف طالع سليمان بقهر: عملت لي حظر
سليمان : مو قليله
شوفها ولا رفعت عينها عن الجوال
عمر : وش تبغون فيها اتركوها بحالها
لو يدري عمي نايف رح يزعل منا
قفل نواف جواله بقهر
ورجع يتكلم مع الشباب
**
**
الجد باهتمام : عسى عجبتك المزرعه يا ريم ؟؟
رفعت ريم نظرها عن الجوال وبهدوء : ما شاء الله جميله حيل
سليمان بغيره يهمس لنواف : عمره ما سألنا عن رأينا بالمزرعه
الجد بابتسامة : الحمد لله انها عجبتك
تعال هنا اجلسي
واشر على جنبه
نواف كتم قهره وهو يهمس لسليمان: ابغى انفجر
خالد بابتسامة : ليه ريم للي سألتها عن المزرعه ؟؟
طالع الجد خالد يتكلم وما يهمه احد : لانها اول مره تدخلها
خالد : وحنا لما جينا اول مره ما سألتنا ولا اهتميت لنا
وطالع جده بشك
الجد بصوت هادي وهو يناظر ريم : تعالي يا ريم
ما عليك من العذال
نايف بحده : ريم تعالي ابغاك شوي
الجد طالعه : وش تبغى فيها ؟؟؟
نايف طالع ابوه : بعدين اقول لك
وطالع ريم : تعالي
ريم وقفت ولحقت نايف ببرود
ابتعدوا عنهم ووقف وطالعها وبعدها جلس
على المقعد
تنهد وناظرها وهي واقفه : اكيد كبر راسك
باهتمام ابوي فيك ؟؟
ريم طالعته ببرود وما ردت
نايف : لا تغتري اكيد في شيء لاهتمامه
لانه ابوي واعرفه ما حد هنا يحبك
ريم ببرود : ما طلبت حبكم
نايف بجديه : شوفي ترى امي زعلانه علي
ريم ببرود : وانا وش دخلني ؟؟!!
نايف : انت السبب ما تبغى تشوفك ولا طايقه شوفتك
ريم : بكيفها
قاطعها نايف ومسك معصمها وشد عليه : احترمي نفسك فاهمه
ونفض يدها بقسوه
طالعته ومن داخلها مشاعر الكره تزيد : ما قلت
شيء
نايف : اصصصصص
ولا كلمه
اسمعي باكر عندي دوام رح ترجعين معي
واذا حد سألك ليه قولي مو مرتاحه هنا
وباستهزاء
اكيد ما حد رح يسأل عنك الا ابوي
ما تدري وش سر هالاهتمام
ريم بهدوء : خلاص اجلس بالغرفه وما رح اطلع
وما رح اغثها بشوفتي
طالعها نايف بعصبيه : يا زفته بيت عمي عبد الرحمن
باكر رح ييجون هنا
ريم باستغراب : وين المشكله ؟؟
مسكها من كتفها وغرز اظافره : مشعل باكر جاي
هنا ومعه زوجته
طالعته باستغراب والدموع تلمع بعيونها : مين مشعل ؟؟
نايف شد بقوه : مشعل للي ضرب سيف الزفت بالمول هو نفسه للي ساعدك
ريم وهي تحاول تخفف من قبضته وهي مو هامها مشعل لانها ما تعرفه : وش عرفه فيني
ما رح يعرفني
شد نايف على فكها : شافك بالمستشفى ذيك
المره وحافظ شكلك
الله ياخذك ويريحني منك
ريم ودموعها تنزل مسكت يده تبعدها
عن فكها
نايف وهو شاد : حتى زوجته تعرف شكلك
كانت بالمول معه
باكر ترجعين معي على البيت فاهمه
مو ناقصنا فضايح
ترك فكها وجلست على الارض بهدوء
خلاص مو قادره تستحمل اكثر
سكتت كثير وصار يتمادى اكثر مسحت دموعها
من تحت النقاب ووقفت بثقه والدموع تتساقط
ترفض التوقف حركت فكها وهي لازالت
تحس بمكان يديه على فكها : انا ما عملت غلط
واذا على سيف ما يهمني احد
كل للي صار بسببك لو ما عملت بماما كذا
كان ما صار للي صار
وكان الحين انا مو موجوده
بس هذا زرعك وهذا حصادك
احصد اغلاطك وانتقامك انا لا تدخلني
وما يهمني لا مشعل ولا غيره
وللي يبغى يتكلم علي يتكلم
لا يهم السحاب نبح الكلاب
ورجوع للبيت مو راجعه
ومشيت خطوتين راجعه بس وقفتها يد نايف : مو على كيفك رح ترجعين غصب عنك
ريم بعناد : مو راجعه
نايف ما يستبعد تخبر ابوه استسلم بقهر : اوكي
ما رح ارجعك لكن وقسم بالله لو عرفك مشعل
او زوجته ما تلومين الا نفسك
مفهوم
يلا قدامي اشوف
بهدوء رجعت معه وبداخلها الافكار متضاربه
**
جلست بهدوء ونايف رجع مكانه
والجد يناظرهم يحس في سر بينهم
مو قادر يعرفه
نايف
جلست واحس النار بداخلي طالعتها جالسه
بجهة الحريم وعيونها بالارض
كيف اروح على الدوام وباكر مشعل رح ييجي
اخاف زوجته تتعرف عليها وخاصه انه خبرني
انها زوجته شافتها داخل المول
احيانا ارتاح انه مر تقريبا سنه ونص على الموضوع اكيد مو متذكرين شكلها
وخاصه بذي الفتره تغير ريم شكلها شوي
بس مع ذلك مو مطمئن للموضوع
اقدر اجبرها ترجع بس ما اضمن لسانها تروح تخبر
ابوي وانا مو ناقصني فضايح
بالرغم انها هاديه بس احس لسانها الطويل ما زال
موجود بس تحاول تتحكم فيه
قهرني برودها انا بداخلي نار وهي الموضوع
مو هامها
لو كنا بالبيت كان دفنتها بمكانها على عنادها
هذا
لكن يصير خير
**
**
ريم
احس بالقهر بصدري قهرني انا وش دخلني بمشعل
وخليه يعرفني خير يا طير
ما عملت غلط علشان اخاف انا واثقه من نفسي
زفرت بضيق
يقهرني باسلوبه المتسلط
كرهت المزرعه وللي فيها احس فكي تحطم
مكان يده
كل يوم يزيد كرهي له مو بيدي غصب عني
احس نفسي غريبه هنا
ما لي ام اجلس بعين قويه
ولا اب يحسسني اني منهم وفيهم
بالعكس دائما يحسسني اني منبوذه وما حد طايقني
لا حول ولا قوة إلا بالله
يا رب الفرج من عندك
نزلت دمعه غصب عني مو بيدي
رن جوالي ابتسمت غصب عني لما شفت رقم
الجوري
وقفت وانسحبت من المكان بهدوء
فتحت الجوال الو
الجوري : ارسلك واسطه علشان تردين
ريم من بين دموعها : ارسلي واسطه
الجوري : ريم تبكين ؟؟؟
ريم وهي تمسح دموعها : اغسل عيوني ههه
الجوري : يا سخافتك
ريم : وش فيك داقه ؟؟
الجوري : اخطبك
ريم بابتسامة وهي تمسح عيونها : مين عريس الغفلة
؟؟؟
الجوري : عبدالله السكير خطيبك سابقا هههههههه
ريم بصوت مبحوح : يا سخفك
الجوري : اليوم شفته بالسوق وتذكرتك هههههه
ريم زفرت بضيق : ليه عبدالله السكير احسن
من الجلسه عند نايفووووووووو
الجوري : الظاهر انه نايفووووو مزعلك
ريم : اخخخخخ اسلوبه يقهر طريقته
تنرفزني
اعطيني حل لاني ما اقدر امثل دور المطيعه المؤدبه
اكثر من كذا
خلاص كبدي طق
الجوري : وضعك خطير
حتى تصل فيك تطلبي مني الحل
ريم : تعرفين المثل
خذي الحكمه من افواه المجانين
الجوري شهقت : انا مجنونه ؟!!
ريم : واحلى مجنونه
الجوري : سخيفة تراني اعقل منك صح اني
غبيه بالمدرسه كنت
بس بالواقع العملي ذكيه واقدر اتعامل مع الناس
طنشي و اضحكي وعيشي حياتك
ريم تنهدت : صعبه احصل كم طراق واضحك
الجوري : اموت على الحساسه
ريم بدون نفس : اسكتي يا جوري
كيف حملك ؟؟
الجوري : الله يسعده حبيب امه متعبني
ريم : ان شاء الله تقومين بالسلامه
الجوري : امين
يلا اكلمك بعدين زوجي وصل
ريم بهدوء : مع السلامه
**
**
**
نزلت الصبح ومعها اغراضها مستعجله
وقفها سليمان وهو يناظرها باستغراب : وين رايحه ؟؟
ما كلفت نفسها ريم ترد عليه وتابعت مسيرها
نحو سياره نايف
انقهر سليمان من حركتها
نايف طالع ريم واشر لها تجلس من قدام
جلست بهدوء
ما لها نفس تجلس هنا خلاص كرهت المكان
والموجودين
قررت ترجع على البيت وتريح راسها
طالعت الجد ونايف يتكلمون والنقاش بينهم حاد
لفت وجهها بعدم اهتمام بالطقاق
سمعت صوت عمها ابو سليمان التفتت للخلف
بس تفاجأت انه رجال ثاني
استغربت يشبه صوت عمها ابو سليمان
خلال ثواني حست كل جسمها وقف لما سمعت سليمان يكلمه
ويقول له مشعل
هذا مشعل للي انقذني
عرفت السبب لما حست انه صوته مألوف لسمعها لما كلمها
يشبه صوت عمها ابو سليمان كثير
حست الموضوع كبر اكثر
واعمامه تجمعوا وفي رجال ما تعرفهم
واقفين
واصواتهم عاليه
استغربت وش السبب ؟؟!!
بعدها اقترب الجد من السياره ومعه نايف
والعصبيه واضحه عليهم رددت بنفسها الله يستر
فتح الجد الباب وبحده : انزلي من السياره
طالعت ريم الجد باستغراب
نايف بقهر : يبه هي تبغى ترجع وش للي مضايقك ؟؟
الجد : لا تفكرني اعمى ما اشوف
البارحه لما اخذتها وحنا جالسين رجعت البنت تبكي
اكيد انت قلت لها ترجع معك
نايف : اسألها هي تبغى ترجع اذا مو مصدقني
الجد بحده : اكيد رح تقول انها موافقه ترجع بعد الطراق
للي حصلته منك
لا تنكر البارحه انا طلعت للغرفة وشفتها وهي نايمه
وبركات يدك واضحه عين الشمس
ومن الحين اقول لك ما رح ترجع معك ريم
رح تعيش عندي
نايف بقهر : يبه
الجد بعصبية : حطبه
تضرب البنت لانها رفضت ترجع للبيت
نايف : هي قالت لك
ريم طالعتهم بقهر يقررون عنها
مو على كيفهم ردت بهدوء : انا طلبت منه ارجع للبيت
مو مرتاحه هنا
الجد بحده : كذاااااااااابه
فيصل اقترب منهم : علامك يبه البنت تقول لك هي ما تبغى
تجلس هنا بقلعتها
الجد كذا رح يخرب مخططه : ارجعي يا ريم للغرفه
مشاري : يا جماعه الخير ما يصير صوتكم
طالع كذا
كل شيء بنحل بالتفاهم
وطالع نايف : مو حلوه تجلس البنت لوحدها
بالبيت واذا تبغى ترجع مو على كيفها
مصلحتها اهم
خالد : كلام مشاري صحيح
مو على كيفها تجلس عند الخدم لوحدها
ابو عبدالرحمن : هذا اخر الزمن حفيده ابو سعد
تتحكم فيكم
طالعت ريم ابو عبدالرحمن بحده
الجد بعصبية : انتم صدقتم انها هي تبغى
ترجع
غصب عنها نايف يبغى يرجعها
نايف بعصبية : هذي بنتي وانا حر فيها
تقدم الجد من نايف وهمس بإذنه
والكل يناظرهم بصمت
ابتعد الجد كم خطوه ونايف يناظر ابوه
بتفكير
بعدها طالع ريم وزفر بضيق : خلاص انزلي
انقهرت ريم قاعدين يلعبون فيها كره
يتحكمون فيها
نزلت بهدوء وتوجهت للجد ومسكت يده وسحبته
بعيد شوي تحت انظار الموجودين
ريم اخذت نفس : طلبتك قول تم
الجد طالعها وهو عارف طلبها : ريم بدون طلبات
ارجعي على غرفتك
ريم : تكفى قول تم
الجد بتردد : حسب الطلب اذا اعجبني اقول لك تم
ريم : ابغى ارجع للبيت
الجد بنرفزه : اعطيني سبب واحد
ريم بغصه : مو مرتاحه هنا تكفى خلني ارجع للبيت
تراه المكان خنقني
الجد حسها متضايقة من المكان وجاءت فكره بعقله : خلاص براحتك بس بشرط اذا طلبت من نايف ترجعين مره ثانيه
ما ترفضين
ورح ارسل معك الشغاله حقتنا لاني ما اثق الا فيها ريم : ان شاء الله
الجد : انتظري دقائق بالسيارة ارسل لك الشغاله
ريم بهمس : مشكور
وتقدمت منه وباسته على راسه
وتوجهت للسياره وركبت بهدوء
نايف طالع ابوه باستغراب
الجد : خذها يا نايف للبيت بس انتظر ثواني
حتى تيجي الشغاله
ابو عبدالرحمن مو عاجبه الوضع: لعبت بعقلك حفيده ابو سعد
اكيد طالعه لابو سعد مكاره
ابو سليمان : يا عمي الرجال مات
نايف الفضول يذبحه يبغى يعرف كيف اقنعت
ابوه انها ترجع للبيت
استأذن وتوجه للسياره بعد ما شاف الشغاله
**
**
**
ريان بقهر كان واقف يطالع الموقف
كيف مشت للي براسها ورجعت للبيت
بدر : قلت لكم مغروره ما تبغى تجلس او تختلط
مع احد من اهل ابوها
سليمان : نفسي اكسر راسها من لما كانت صغيره
وانا نفسي اكسره
عبود بدفاع : ترى ما اسمح لكم تتكلمون عنها
كذا
ناظره نواف بشماته : مين يتكلم مو كأنها رفضتك
من قبل
عبود : عادي لانها تعتبرني مثل اخوها
ريان طالع عبود بفوقيه : وترك المكان
**
**
مشعل : ما شاء الله نايف عنده بنت كبيره
كذا ؟؟
خالد : تراها بس طويله والا عمرها يا دوب 18
وليد : عيونها تسح
وسكت بعد ما اعطاه مشاري نظره قويه
خالد حس فيه اعطاه نظره وتركهم
مشعل ضربه على راسه : وش هالكلام هذا ؟؟
وليد : والله طلعت عفويه
مشاري : ناسي انك خطبت بنت ابو سليمان
وليد : تعرف اني مو شغل بنات بس والله طلعت عفويه
مشعل: احمد ربك ما في احد الا خالد
والا لو كان سليمان واقف كان صارت علوم
خاطب بنتهم وتتكلم
قاطعه وليد : اففففف عملتم لي محضر ترى
طلعت عفويه
وطالع مشاري : ليه ما تخطبها
طويله وبيضاء
مشاري بشك : وش عرفك انها بيضاء ؟؟
وليد : ما شفت يدها
قاطعه مشاري : اسكت اعوذ بالله منك
قزيت البنت قز
مشعل : الله يهديك يا وليد
**
**
**
مرت ايام المزرعه بسرعه
ريم ما رجعت للمزرعه وحتى نايف ما شافته بعد
ما وصلها
جالسه بالغرفه تكلم امها : مستحيل ....... انا ما افكر بالزواج ......... حتى لو وافقت اهل ابوي
رح يرفضون .......كيف مالهم دخل ؟؟؟
صعب يا ماما ..........مستحيل اهرب واتزوج .......انا مو جاهله حتى اعمل كذا ........اسفه والله
ما قصدتك ..... والله ما قصدتك ........وش يضمن لي انه يسفرني
واكمل الطب برا ..........متأكده هو قال لك ..............اها هو يدرس الحين برا ........اذا تقدم لي
ما يجيب سيره دراستي .........مو مفكره بالزواج
......... يمكن ما ينتبهوا للاسم .......ان شاء الله خير .......... طيب اكيد رح استخير
مع السلامه
تنهدت محتاره كلام امها اقنعها مع انها مو مفكره بالزواج
بس اذا تزوجته رح تسافر عند امها وتدرس طب
هناك
وما رح حد يقدر يوقف بوجه دراستها
بس المشكلة نايف اكيد رح يرفض
**
**
**
نايف بعصبية : هالزفته موافقه عليه
الجد : مستحيل انسى الموضوع الحين يمكن يبغون يتزوجها ويصير عندها عيال وبعدها يرمونها
علينا
فيصل : اكيد رح يعملون هالشيء
خلاص يا نايف سكر على الموضوع
نايف : قهرتني تقول لي ما لك حق ترفض
اذا هي موافقه
سلطان باستغراب : هي تعرفه ؟؟
نايف طالعه :سألتها و قالت لي ما تعرفه ولا تدري كيف شكله
بس الحيوانه تعرف كيف تخطط العريس
عايش برا قريب من امها تبغى تسافر
تروح عند امها بس حامض على بوزها
صقر بحزن : يا حرام
ضحت تتزوج شخص ما تعرفه علشان تروح عند امها
نايف ليه ما تخليها تروح تزور امها بالعطله ؟؟!!،
نايف بكره : لو تموت ما تروح
الجد : خلاص طنشها مو على كيفها الزواج
طالع سلطان
لا تنسى ترتيبات ملكه ريان باكر
سلطان : كل شيء جاهز ان شاء الله
الجد : على بركه الله
**
**
**
ريم بقهر ليه يرفض مو على كيفه
هذي حياتها وهي حره فيها
جلست على السرير وتهز رجلها مقهوره
طالعت الباب لما شافته داخل
اقترب منها وتكلم بحده : اشوفك ماده البوز
ريم ما ردت
نايف بحده : خذيها مني من الاخر
لو تطقين راسك بالحيط ما وافقت
هذا الناقص ازوج بنتي من هذي العائله
ريم وهي تحاول تتحكم بأعصابها : وش فيها عائلته ؟؟
نايف وهو يقرص عيونه : تراني مو مغفل امه تكون بنت ابو سعد
انسي الموضوع وبسخريه
خلينا بالعريس الجديد
ريم باستغراب : اي عريس ؟؟
وكملت قبل ما يكمل كلامه
مو موافقه
نايف بسخريه :،ومين اخذ رايك انا جيت
احط عندك خبر يا حلوه
ريم بعناد : مستحيل اوافق انا ما ابغى اتزوج
نايف صفر : ومين للي قالب البيت اسبوع
علشان رفضت عريسك
ريم بهدوء تكتفت : غيرت رأيي
ما ابغى زواج
نايف طالعها باستغراب : طول عمري اعرف انه البنت
تستحي من طاري الزواج بس مثلك ما شفت
ريم : ومين قال لك اني ابغى اتزوج ؟؟
نايف رفع حاجب : والعريس للي كنت موافقه عليه ؟؟
ريم بهدوء : مجرد ما اسافر من هنا اتطلق من هنا
نايف : ما شاء الله وتهيتي على كيفك لا سائل ولا مسؤول
ريم : عند ماما
نايف باحتقار : هالماما بالاول تربي نفسها
بعدين تربي عيالها
ريم احتقن وجهها : ماما لا تغلط عليها
وزواج مو موافقه وانتهينا
نايف : الظاهر جلدك يرعاك تبغين كم طراق يسنعك
وبجديه اكثر
زواج غصب عنك مو بكيفك ونشوف مين للي تمشي كلمته
ريم بعدم مبالاه : نشوف
اقترب نايف منها ومسكها من فكها بدون ما يشد : وقسم بالله للي رفع السموات رح تتزوجيه غصب
عنك
وشغل العناد هذا اتركيه فاهمه
اعطاها نظره حاده وتركها
وناظرها باستصغار واحتقار قبل ما يطلع
كانت تناظره وهو طالع بدون ما ترمش
وتحس انه مصمم وما رح يغير رأيه
بس ما رح تسكت له ولا رح تقبل احد يحدد
مصيرها ومستقبلها
هذي حياتها وهي حره في اتخاذ القرارات
فكت شعرها الطويل
ولفته بشويش
ورفعته وثبتته بالكماشه
نزلت خصله من غرتها على انفها نفخت
عليها
وكأنها تنفخ لعلها تطلع القهر للي بداخلها
رفعت يدها بهدوء وارجعت الخصله خلف
اذنها وهي تفكر كيف تلغي الزواج
**
**
**
نايف
قهرتني بعنادها ما تبغى تتزوج وهي من الاسبوع
للي طاف وهي تفتح معي موضوع عريس للي من
طرف امها وتجادلني بقوه عين
انا بصراحه عجزت اوصفها انا اعرف انه البنات يستحون
من طاري الزواج اذكر سلمى لما فاتحتها بموضوع خطبتها
ولع وجهها من الاحراج وكلما تشوفني تنزل راسها
من الحياء
بس مثل ريم ما شفت تتكلم بجراءه وقوه
انا متأكد تبغى تتزوج هذا الشخص وتسافر عند
امها بس حامض على بوزها
تحلم تشوف امها طول ما هي عندي
متى ما تزوجت بلقعتها اما الحين مستحيل
لا انكر تعجبني شخصيتها هاديه وقويه بنفس الوقت
ما تشبه شخصية امها الضعيفة والمغفلة
حتى ما تشبه امها بالشكل
ريم اجمل بكثير سبحان للي خلقها
ما كان اختيار ابوي لها عبث عارف انه اهل العريس
يبغونها جميله وهي اجمل وحده بعائلتنا
بس المشكلة بعنادها
اخاف تعاند وافقد اعصابي و استخدم معها اسلوب
الضرب
التفت على ساميا وعقدت حواجبي بنرفزه : وش فيه ؟؟ علامك تصرخين ؟؟
ساميا رفعت حاجب ولوت شفايفها : سلامات
لي ساعه اكلمك وانت مو معي !!
وش شاغل تفكيرك ؟؟!!
زفرت بضيق وطالعتها :،افكر بخطوبه ريم
ساميا سألتني : انت كلمتها بالعريس ؟؟
رديت بهدوء : كلمتها ورافضه
تكلمت ساميا بنفس الهدوء : طيب خلاص الغي الموضوع
دامها مو موافقه هذا زواج وهي لازم توافق
من خاطرها مو غصب عنها
طالعتها وتنرفزت من كلام ساميا
احس ريم رفضت عناد وانا عناد فيها رح
اغصبها وبحده : غصب عنها رح تتزوج مو على كيفها
ساميا ما عجبني كلامه بنظري الزواج مو بالغصب
ما رديت عليه لأني اعرف نايف اذا الامر يتعلق
بريم لا يرسل ولا يستقبل فقررت اسكت وما اتدخل
دامه حطها براسه ما رح يتركها بحالها
يمكن اذا تزوجت ترتاح وتحس بالاستقلاليه
ويكون عندها بيت مو تحس نفسها مشتته
هنا وهناك
وربنا يعوضها بزوج حنون يعوضها عن كره نايف لها
طالعها : علامك سكتي والا كلامي مو عاجبك ؟؟
وقفت ساميا بهدوء : بنتك انا وش دخلني ؟!!
ابتسم على جنب : ايوه كذا ابغاك لا تتدخلين
وتناول جواله وفتحه
كانت ساميا تناظره وهو يطالع الجوال
هزت راسها بأسف وتركته وطلعت من الصاله
**
**
**
ريم
اليوم على العشاء عندنا السيد بدر يا كرهي له
احسه انسان سخيف ما اطيقه
كرهته من طفولتي
لا والمشكلة بوجود بدر يصمم السيد بابا على تواجدي يمكن يبغى يبين للي حولنا
انه الاوضاع تمام ما في اي مشكلة
نزلت عن الدرج بخطوات بطيئة
ما رح اتكلم عن عريس الغفلة لأنه كل شيء
بوقته حلو
مع اني ما عرفته لما شرفني السيد بابا بغرفتي اليوم ما خبرني
مين يكون وأنا ما سألت
أكيد عندكم فضول تعرفونه مثلي صحيح
إني مو مهتمه للعريس لكن فضولي
يدفعني حتى اعرفه
رفعت نظري باستغراب ما ادري وش يبغى
مني وليه قاعد لي على الزله طالعته وهو يكلمني : لا تخافين البيض للي تحت رجليك ما رح يتكسر
كرد للفعل ناظرت تحت رجلي بعدها
طالعته وابتسمت : انكسرت بيضه لأني بآخر درجه
استعجلت شوي
رد بفوقيه : صحيح إنك سخيفه !!
هذا هو نايف ما ينفع معه شيء مستحيل
ييجي يوم وينسى حقده
لو كانت سلمى او لينا كان الحين طق الميانه
معهم مزح وضحك
بس انا غير عنهم حتى لو ابتسمت له ما يكلف نفسه
يبتسم بوجهي بالعكس يطالعني باحتقار وتصغير
كثير اسكت واطنش لما اتذكر انه ابوي
جلست جنب لينا بهدوء بعد ما ابتسمت بوجهها
ردت لي الابتسامه بهدوء
حطيت يدي تحت خدي وانا ارتكي على يد الكنبه
اسمع كلامهم
ساميا طالعت نايف : اي ساعه ؟؟
نايف وعينه على ساميا : ما حدد لي وقت
ساميا : خلاص رح اتصل بأخوي يرجعنا من الصالون
لينا : يمكن خالي مو فاضي ؟؟
ساميا طالعتها : قبل ما انام اتصل عليه و أتأكد منه
نايف : أي ساعه بدر جاي ؟؟
لينا : سلمى تقول بعد صلاه العشاء
نايف وهو يعدل جلسته : خلاص تجلس سلمى وبدر بالمجلس
ويتعشون مع بعض
لينا براحه : احسن علشان آخذ راحتي بالعشاء
نايف ابتسم لها : علشانك بس يا لينا والا بعض ناس
ما تستاهل
شفتم يقصدني بكلامه وش تفرق لينا عني ؟!!
نفسي افهم وش يبغى مني
لمتى اطنش؟؟!!
طالعني : ريم
رديت عليه بهدوء ولا كأنه صار شيء : نعم
طالعني وابتسم بسخريه : حبيت اسمع صوتك
يا عروس
ابتسمت غصب عني ما ادري وش السبب ورديت: من جمال صوتي تحب تسمعه
ضحك وعم صوت قهقهته بأرجاء الصاله
الكل يناظره باستغراب ما في سبب لضحكته
بعدها طالعني وآثار الضحك على ملامحه : تراك ماخذه بنفسك مقلب
طنشته وصرت ألعب بشعر فارس وهو جالس
على الارض قدامي يلعب بألعابه
شعره فارس اسود مثل سواد الليل وناعم حيل
ويوصل لتحت إذنه احب ألعب فيه وأغار من شعره
اتمنى احيانا شعري اسود مثله وافكر احيانا
اصبغه بس متردده
سمعت لينا نادت علي
بدون ما اطالعها رديت وانا ألعب بشعر فارس : همممم
قبل ما تسألني لينا
تدخل محامي الدفاع : ليه لينا مو قد المقام ترفعين راسك
وتكلمينها عدل
طالعته بدهشه وقبل ما أرد
بصوت عالي : اصصصصصص ولا كلمه
طالعته ببرود وما تكلمت
والحمد لله أذن العشاء طلع بعد ما اعطاني
نظره قوية
زفرت براحه بعد ما طلع اشعر احيانا بالندم
لما أطلع أجلس معهم
لو أجلس بغرفتي اريح لي
**
**
**
مشاري بابتسامة هاديه : الله يبارك فيك
ليلى : ما حددتم الملكه ؟؟؟
مشاري طالعها : للحين لا بس قريب
ام مشاري : الله يهنيك يا يمه واشوف عيالك
قدامي
وليد : اشوف ساحبين علي
وانا متى ملكتي ؟؟
ام مشاري : بالاول يملك مشاري وبعدها
يكون دورك
مشاري وقف : على خير ان شاء الله
بعدها طلع من الصاله
ليلى باستغراب : احسه مو مبسوط !!
ام مشاري بتحليل للموقف : يمكن خايف ما تعجبه
وما يقدر يرفض وقتها
ليلى : كل شيء نصيب
وليد طالعها وتكلم بلهجه استهزاء يقلد صوتها : كل شيء نصيب
وبسرعه ابعد راسه لما ضربته ليلى بالخداديه : سخيف
**
**
**
في صباح اليوم الثاني
ناظرتها وانا احاول اتحكم بأعصابي بعد ما رفضت
عنادها هذا يخليني أفقد اعصابي
تناظرني والعناد واضح على ملامحها
بجامتها الفوشيه عاكسه على خدودها
واعطتهم لون جذاب مع بياض بشرتها الناعمه
شكلها الهادي يخفي شخصيتها القوية
والمعانده
بس اذا كانت هي عنيده فأنا أعند منها تكلمت
من بين أسناني : قومي إلبسي بسرعة ما عندي وقت
كانت نظراتها مسلطه علي والقهر واضح : قلت لك
مو موافقه على الموضوع كيف تبغاني أروح أعمل فحص الزواج
مسكتها من معصمها وبحده : معك خمس دقائق تكونين جاهزه
وترحمي على نفسك اذا تأخرتي فاهمه
رميت يدها بقوه وطلعت من الغرفه وانا ناوي
اليوم ادفنها بمكانها اذا ما جهزت نفسها
اففففففف
تقهرني هالبنت
كم تمنيت إنه ربي ما رزقني فيها
بس كل شيء نصيب بالدنيا
**
**
**
تأففت بصوت عالي بعد ما طلع
وش هذي الحياه كل شيء بالغصب
انا حره ما أبغى اتزوج على كيفه وما له حق
يغصبني على الزواج
لا ويبغاني اليوم اروح اعمل الفحوصات
هذا الناقص
البارحه ماما اتصلت وزعلت مني لأنه ما صار نصيب
مع العريس للي من طرفها
يعني وش تبغاني أعمل رفض قطعيا
تدرون اقترحت علي اتواصل مع خالي محمد
وهو يزوجني بدون علم أهلي وبعدها اسافر مع العريس
يعني بالمختصر تبغاني اكرر غلطتها
ما ادري هل هي قاصده تنتقم من نايف عن طريقي
وترد له الحركه القديمه وتخليه يذوق القهر
لما يشوفني تزوجت بدون علمه
لا تقولون سيئه الظن بس أنا ما أثق بأي شخص
صحيح اخر الفتره كانت علاقتي مع ماما قوية
بس أنا طبعي كذا ما أثق بأحد
يمكن يكون ظني ما له وجود بس لازم
الانسان ما يكون مغفل ويفكر بعقله
على سيره العقل اقوم اتجهز قبل ما يدفني
لأني ما استبعدها عنه
**
**
**
صقر وقف عند مكتب سليمان ومعاه كوب النسكافيه : اخباركم شباب ؟؟
سليمان ابتسم : هلا هلا
هلا بالحامل والمحمول
صقر ابتسم وهو يتكي على اطار الباب : انقلع
سليمان : والله ابغى شيء اصحصح شوي
صقر اشر على الباب : هذا الباب مفتوح مين منعك
روح اشتري لك وروق
سليمان عض على شفته : اخخخخخ يالنذاله
انا دوم احسب حسابك انت وهذا الجوكر
طالعه نواف بطرف عينه وهو عافس ملامحه
صقر مشى خطوتين داخل المكتب بعد ما ارتشف
من الكوب : علامه نواف للي يشوفه يقول دافن
زوجته الحين
وبمزح
يا ابن الحلال كلنا على ذا الطريق ادعي لها
بالرحمه
طالعه نواف بطرف عينه وهو حاط يده تحت خده
ومتكي على طرف طاوله المكتب وما رد
صقر بجديه جلس على الكنبه : وش فيه ؟؟
ورفع نظره على سليمان باستغراب : علامه كذا ؟؟
سليمان ابتسم : يقول ضايق خلقه شوي
صقر ابتسم ابتسامه عريضه : ومين للي ضيق خلقك
يا بعد كبدي ؟؟!!
سليمان : البارحه بالاستراحه خسر بالمباراه وبعدها
وهو على هذا الحال !!
مو متعود ينغلب وخاصه بندر هو للي خسره
ومسكها عليه مغلوب مغلوب
صقر ضربه على كتفه بمزح مال راسه عن يده للي
مرتكي عليها : هونها وتهون وانا على بالي
زوجتك ماتت وضحك بصوت عالي
ناظره نواف بدون نفس ورجع يده تحت خده
يرتكي عليها وما رد عليه
وقف صقر بابتسامة : جلستكم تجيب الاكتئاب
اروح على مكتبي احسن لي
وتركهم وطلع والصمت سيد المكان
**
**
طول الطريق كان الهدوء سيد الموقف بين الطرفين
ريم ساكته تفكر بحياتها ونايف يفكر معقول سكوتها
يعني موافقتها على الزواج
توقع انها تعاند وما تروح معه للمستشفى
بس صار العكس جالسه على السرير ومتجهزه
نفسه يدخل عقلها ويعرف وش تفكر فيه
زفر بضيق متشوق لليوم للي يزوجها ويرتاح
من همها
لأنه بنظره ريم اشين شيء أصابه بحياته
وينتظر الفرصه للي يتخلص منها
يا ترى رح يتخلص منها والا رح تبقى جالسه
على كبده
أسئله كثيره كانت تدور بعقله حول ريم
نفضها مره وحده بعد ما وصل المستشفى
بعد ما وقف السياره تكلم بفوقيه : انزلي
**
**
**
**
ريم
يتكلم معي بفوقيه حسسني إني شغاله
اشتغل عنده
طنشته خليه يعمل للي يبغى ونشوف آخرتها معه
يمشي قدامي وهو نافش ريشه يا لطيف
على وش شايف نفسه كل الناس خلق الله
ما حد احسن من احد
ناظرته وهو ماشي قدامي مشيه سريعه افكر اسحب عليه وارجع للسياره
حتى مو مكلف نفسه يمشي معي يمكن
اجيب له العار ؟!!!
وقف مع شاب ويتكلم معه بس كان الشاب
مبتسم
اتوقع انه من عيال اعمامي بس اي واحد ما ادري
بس شكله شفته من قبل بالمزرعه
أشر لي السيد بابا ألحقه
تبعته بهدوء والشاب يمشي معه
ويتكلمون صوت الشاب فيه غلظه شوي
بس عفست ملامحي بقرف لما سمعت
نايف يقول له سليمان
مالت هذا سليمان يا كرهي له
نفسي اكسره تكسير وانتقم من ايام الطفوله
بس هين الطيور على شكلها تقع
مثل زوجته يا كرهي لها اففففف
الظاهر اني اكره كل العائله باستثناء
ام بدر وعمي سلطان
الله يسعدهم ويوفقهم
**
**
**
**
نايف بجمود ناظر ريم : انتظري هنا ما رح أتأخر
طالعته ريم الله يستر المره الماضيه قال لي انتظر هنا وبعدها رجع لي مثل البركان
الله يستر المره هذي وش رح يطلع لي بسالفه
بس رح اشوف نهايه هالمهزله رديت بهدوء: ان شاء الله
طالعتها وأنا نفسي اعرف وش تفكر
باكر يذوب الثلج ويبان للي تحتيه
تركها نايف وتوجه يقضي بعض الامور
كانت واقفه بتملل تكره الانتظار
قررت تستغل الوقت بالاستغفار
لحين رجوع نايف
بعد وقت قصير قاطع استغفارها صوت رجال
رفعت نظرها له ببرود
د.علي : ريم ؟؟
طالعته ريم ولوت بوزها وبنفسها ياليل النشبه
وش يبغى مني : نعم
د.علي ابتسم : الله ينعم عليك
اشوفك عندنا بالمستشفى ؟؟
خير إن شاء الله
نزلت ريم نظرها للارض وبنفسها يخرب بيت
ام اللقافه رفعت نظرها وشافت نايف من بعيد
واقف مع شخص ومعطيها ظهره
حاولت تبتعد عنه قبل ما يشوفها نايف ويعمل لها مشكله
ردت بإنهاء للكلام : مع ابوي
لفظتها بصعوبه
واشرت على نايف للي يكلم الرجال باندماج
تركت د.علي وابتعدت عنه
تاركه د.علي مندهش انها بنت د.نايف
اخذت نفس بعد ما بعدت عنه
بس وقفها صوت ثاني
تأففت بداخلها مين مسلطهم اليوم عليها
كان الشخص واقف بجانبها
رفعت راسها وعقدت حواجبها باستغراب
عشتو هذا من عيال اعمامي
نواف كلمها بحده : وش علاقتك بالدكتور علي ؟؟؟
ريم اعطته نظره استحقار وتركته وتوجهت قريب من
نايف
هذا للي ناقص
حضرته يتدخل بحياتي
اكره ما علي احد يتدخل بحياتي
يمكن لأني تعودت في بيت جدي ما أحد يتدخل فيني
ولا أحد يسألني من وين رايحه ومن وين جايه
عايشه على كيفي
حتى ماما بالفتره الاخيره كانت تتدخل شوي بحياتي
كانت تحاول تبعدني عن بنات خالي لما يطلعون
للاسواق
وما كنت اعترض على تدخلاتها يمكن لأني كنت
ابغى تكون لي أم تهتم بأمري تنصحني
مثل ما كنت اسمع من صديقاتي
زفرت ريم لتذكر امها مشتاقه لها كثير
مر وقت طويل ما شافتها
رفعت نظرها لنايف للي اشر لها تلحقه
هزت راسها وتوجهت خلفه
بس لفت نظرها ابن عمها يطالعها بنظرات ناريه
طنشته وكملت طريقها وهي تمشي
بخطوات واثقه
بس ما انتبهت لوجود العريس ولا شافته
او مثل ما تقول ما يهمها
يا ترى لآخر المطاف ما رح يهمها امر العريس ؟؟!!
**
**
**
ساميا
اليوم من لما رجع نايف من المستشفى وهو هادي وساكت
وريم توجهت لغرفتها وما طلعت منها
ووقت الغداء نزلت وتغدت وبعدها
رجعت على غرفتها بهدوء وما تكلمت بكلمه
وحتى نايف ما كلمها بشيء
استغربت لما قالت لي سلمى انها ما تبغى تروح
لحفله خطوبة ريان
اكيد ام بدر رح تزعل
حاولت فيها بس رفضت وتحججت إنها نعسانه
وتبغى تنام
اتصلت بأخوي وبعدها توجهت للحفله
بتأثر تكلمت ومسحت دمعه نزلت على خدها : توكلي على الله
وان شاء الله تقومين بالسلامه ............عليك
بالدعاء ...........خلاص دامها الدكتوره طمنتك على وضع الجنين ........رح ادعيلك بإذن الله
..........مع السلامه
قفلت الجوال وتنهدت بحزن
تحس بالحزن على الجوري احتمال كبير تسقط
كل ما تحمل بعدها بعده اشهر يسقط الجنين
ونفسيتها متحطمه جدا
رمت نفسها على السرير وهي تناظر سقف
الغرفه ودموعها على خدودها
بنظرها ما حد مرتاح بذي الدنيا
غمضت عيونها وهي تدعي من اعماق قلبها
انه يحفظ جنين الجوري
وبعدها غطت بنوم عميق
**
**
في اليوم التالي
جالسه على الكنبه بالصاله وبيدها الجوال
تطقطق عليه وهي عاقده حواجبها
جلست سلمى مقابل لها وبهدوء : ليه ما رحتي البارحه على خطوبه ريان ؟؟
خالتي ام بدر زعلت عليك
رفعت نظرها عن الجوال ببرود ردت : ما لي مزاج
نزل نايف عن الدرج وطالعها : المفروض تلبين الدعوه ناس عزمتك من الذوق انك تروحين
طالعته ريم باستنكار سمعتم يتكلم عن الذوق
اخخخ اشق الثوب واطلع منه
للي يسمعه يصدق : حسب علمي اصدرت قرار
ممنوع اطلع من البيت
والا تبغاني مثل حفله سلمى ألبس واتجهز
وبعدها تمنعني احضر
وطالعته ريم وهي رافعه حاجب تنتظر تبرير
جلس وابتسم باستهزاء : بس اختلف الوضع الحين
انت الحين مخطوبه ولازم تشاركين الناس
جلست ساميا جنب سلمى وخزت نايف
بعيونها
وهي للي أخذت موقف من ريم لانها ما حضرت
طلع هو مانعها
ليه يمنعها ؟؟
ما له حق يمنعها !!
بس ما تقدر تحكي لانه رح يقول لها لا تتدخلين بيني وبين بنتي
نايف بابتسامة : اليوم الكل لازم يكون في بيت ابوي بالمجلس
وطالع ريم انت معهم جهزي نفسك
وقفت ريم : مو فاضيه
قاطعها بعصبيه ما لها داعي : وقسم بالله كلمه زياده
ما يحصل خير اليوم اشوفك مغروزه بالمجلس
الحين طالع ويا ويلك اذا ما شفتك موجوده
طلع من البيت بعد ما ضرب الباب خلفه بقوه
غمضت ريم عيونها لثواني من قوة صوت الباب
ساميا هزت راسها وطالعت ريم بنبره رجاء : اخزي الشيطان
وتعالي معنا ما نبغى مشاكل
جلست ريم على الكنبه وببرود : ان شاء الله
**
**
**
**
كالعاده تطقطق على الجوال رفعت نظرها بتلقائيه
استغربت نظراته الحاده عليها لفت وجهها
وناظرت ساميا وسألت بهمس : وين خالتي ام بدر ؟
ساميا بنفس الهمس : الحين تيجي بإذن الله
قفلت الجوال ريم ورفعت نظرها لما شافت
ام بدر داخله
وقفت واقتربت منها وسلمت بابتسامة : اخبارك يا خالتي ؟؟
ام بدر تمثل الزعل همست : وينك ما جيتي البارحه ؟؟
ريم ردت بنفس الهمس : اذا حفلة سلمى ما رضي احضرها اكيد حفلة ريان ما رح يرضى
ام بدر بابتسامة : معذوره يا بنتي
مع اني تمنيتك موجوده بس يالله نصيب
تنحنح من خلف ام بدر : طريق
ام بدر ناظرت عبود : كل هذي المسافه مو عاجبك ؟؟
عبود بلقافه : اخبارك يا ريم ؟؟
وينك ما تنشافي ولا تسلمين على ابن عمك !!!
ريم بنفسها هذا عبود ما تغير طبع اللقافه
ما زال فيه ردت بهدوء : الحمد لله بخير
عبود طيح الميانه : اقول ريم
مسح على راسه مكان الضربه وعقد حواجبه باستغراب : ليه ضربتني ؟؟؟
سلطان يمثل الحزم : اقول اترك بنت عمك بحالها
انت كبير مو صغير تكلمها كذا
عبود لوى بوزه مو عاجبه
ودخل جلس عند الشباب سلمت ريم على سلطان بابتسامة
ناظرها بابتسامة محبة كم تمناها تكون من نصيب واحد من عياله
رجعت جلست ريم بمكانها بهدوء
الجده بدون نفس : اشوفك مطيحه الميانه مع ولد
عمك ؟؟
ريم بنغزه : عادي مثله مثل غيره
مطيح الميانه مع بنات عمه
الجده بقهر وهي عارفه قصدها : من تقصدين ؟؟؟
ريم بلامبالاه : كل واحد يعرف نفسه
**
**
خالد
هالبنت تقهرني لما دخلت سلمت عليها
طنشت وكأنها مو سامعه مع إني متأكد
انها سمعتني
ولما نبهتها ام سيف ردت بدون نفس
يا لطيف شو مغروره
وللي يقهر لما دخل عبود ردت عليه لما
سألها عن اخبارها
ليه عبود عادي ؟؟؟
وللي قهرني زياده اخر كلامها مثله مثل غيره
قاصديتني بالكلام
انا لما اكلم بنات عمي احسهم مثل اخواتي
لاني اكبر الاحفاد وعيالي ما شاء الله طولي
البكر عندي اعمارهم 9 سنوات
انا عمري 28 سنه تزوجت و عمري 18
علشان كذا احسهم اخواتي الصغار
بس هذي الريم احسها مو قليله
والظاهر انها متعمده ما ترد علي
لكن هين يصير خير
**
**
نواف يطالع عبود : وانت وش تبغى بالبنت
تكلمها كذا وكأنك على معرفه سابقه !!
عبود وهو ينفش ريشه : هذي صديقة ايام الطفولة
سليمان : قلتها ايام الطفولة والحين كل شيء انتهى
عبود بغباء : ومين قال لك كل شيء
انتهى ؟؟؟
نواف فتح عيونه : وش تقصد ؟؟؟
عبود : ما يخصكم
عمر : مالت عليك يالمعفن
نسيت انها رفضتك من قبل
طنشهم عبود وفتح جواله
نواف طالع عبود وهو فاتح جواله
وبعدها ناظر ريم ماسكه الجوال وتطقطق
فيه
وقع الشك بقلبه هز راسه ما يبغى
يظلم احد يمكن من باب الصدفه
بس للي يحيره كلام عبود معناه انه علاقتهم ما انتهت
بس لو ريم تفكر فيه كان ما رفضته
اسئلة كثيرة دارت في عقله بس ما لقى لها جواب
**
بعد ما رجعوا من بيت الجد اول ما دخلوا البيت
تكلم سلطان بحده : عبود
طالع عبود ابوه : نعم يبه،
سلطان بحزم : كلام زايد مع ريم ما ابغى اسمع
احمد ربك انه نايف وابوي واعمامك مو موجودين
وانت تعرف عمك نايف ما يطيق فابعد عن هذي الحركات
عبود باعتراض : وش فيها اذا سلمت على بنت
عمي ؟
سلطان : عبود انا اعرفك اكثر واحد
السالفه مو على السلام
انت ملسون وانا اعرف بك
فاترك هذي الحركات يكون افضل
عبود بدون نفس : ان شاء الله
**
**
**
مر اسبوع على التحليل واليوم ملكه ريم
رح تملك وباكر رح تكون الحفله
اما الزواج ابو عناد قال لي الزواج على مهل
أكد لي نايف انه كل الاوضاع تمام وريم ساكته
كنت متفق مع ابو عناد بدايه العطله ييجون للمزرعه ونملك
هناك بس وقتها اضطر يسافر وما قدر ييجي
للمزرعه وتأجل موضوع الخطوبه للحين
نايف طلب مني الملكه تكون في بيته
علشان كذا رح تكون الملكه هناك
طالعت فيصل : علامك ساكت ؟؟؟
فيصل هز كتوفه : ما في شيء اتكلم فيه يبه
طالعته باستغراب : ما ادري احس وراك كلام !!
فيصل بهدوء : ما في شيء
يمكن تتوهم
رديت وانا متأكد في شيء مخبيه
بس الحين مو فاضي للتحقيق : يمكن اتوهم
**
**
**
**
نواف بعد ما سلم عليهم العريس : شوف
هالبزر يبغون يزوجونه
سليمان باستهزاء : اكيد من فلوس ابوه يبغى يتزوج
والا هذا تلاقيه يأخذ مصروفه من ابوه
نواف ،: لا الحين يطلب مصروف له وللعروس
سليمان ابتسم : صادق
سمع كلامهم وشد على قبضه يده بقهر
واضطر يدخل المجلس
وهو مو مرتاح لهذا النسب كله عض على شفته
كله بسبب
اقترب من الحاضرين وسلم عليهم بهدوء
وبعدها جلسوا بانتظار الشيخ
**
**
**
جالسه بالغرفه بهدوء وتناظر للبعيد
اليوم ملكتها امها من بعد ما سمعت زعلت منها
وما ترد على مكالماتها
طالعت نايف للي دخل بهدوء : شرفي
ابتسمت على جنب حتى يوم ملكتها مستخسر يعاملها مثل باقي البنات
بس مو ريم للي تهزها هذي الامور
وقفت بهدوء وتوجهت نحوه بصمت
دخلت الغرفه للي جانب المجلس
وقف نايف وطالعها : كوني قريبه من الباب
ولما يسألك الشيخ علشان تردين عليه
وبعدها اجيب لك الدفتر توقعين
طالعته بصمت وقلبها مثل الطبول يدق
متوتره جدا
اخذت نفس عميق حتى تخفف من التوتر
رجعت اخذت نفس ثاني وثالث
بعدها اقتربت من الباب
**
**
**
**
ام خالد براحه : الحمد لله انها رح تخطب ورح
ارتاح منها
كنت حاطه يدي على قلبي خايفه يدبسوها بواحد من عيالي
ام سليمان،: وانا مثلك يا خيتي حاط يدي على قلبي
الجده : ربنا ريحنا منها ورح تتزوج برا العائلة
وما احد من احفادي يظلمونه ويتزوجها
رولا : مو قد فرحتي كنت خايفه تسرق
مني خالد
وهي لابسه هالنقاب عيونها تسحر
سديم وهي تعلك : وش تبغى بزوجك
عجوز وعنده درزن عيال
رولا،: عجوز بعينك
سندس : انا واثقه من زوجي ما رح يشوف
احد غيري وما يملي عينه غيري
روان تنقهر من غرورها بنفسها : لو شاف
ريم اكيد رح يطلقك ويتزوجها ما في
مقارنه بينكم
وخاصة بعد ولادتك صاير لك كرش
سندس صار وجهها بالالوان وبقهر : هذا الكرش من الولاده بعد فتره يروح
روان رفعت حواجبها : نشوف
**
**
**
الشيخ بصوت مسموع : هل تقبلين ب عناد .....
زوجا لك على سنه الله ورسوله
ريم اخذت نفس تقوي نفسها الحين اللحظه الحاسمه
للي تقرر مستقبلها رجعت اخذت نفس اعمق وبصوت حاولت
قد ما تقدر يكون واثق : مو موافقه يا شيخ
صمت حل بالمكان للحظات
والخبر نزل كالصاعقه على الموجودين
طالع الشيخ الجد باستغراب وكأنه ينتظر يبرر الموقف
جايبينه وبالاخير البنت رافضه
طالع الجد الشيخ وملامحه باهته لونه شحب
اي موقف حطتهم فيه ريم
ابو عناد ووجهه احمر من الفشيله
طالع الجد بقهر وينتظر الاجابه
ناظره الجد بنظرات ما عنده تفسير للموقف
الاعمام وجههم اسود من الموقف وبهتت ملامحهم
نايف للي احمر وجهه من الفشيله وقف
قاطعه ابو عناد والقهر باين بوجهه: اجلس يا ابو سيف
طالع نايف ابو عناد ويحس بركان بداخله انفجر
ابو عناد يتكلم بعد ما جلس نايف : اذا حنا مو قد المقام يا بنت نايف رح ننسحب
قاطعته ريم بصوت واثق من خلف الباب: لك القدر
والحشيمه يا عمي انا رافضه الزواج كله
الحين
انا ادرس طب سنه ثانيه وما ابغى انشغل عن دراستي
سكووووووووووووووو ت
عم المكان بعد ما القت ريم الصاعقه
الجد ووجهه مخطوف مو قادر يتكلم بحرف
فشلتهم قدام الناس والحين تقول تدرس
طب !!!
هذي كذبه من كذباتها والا وش؟؟؟
هي المفروض طالعه على ثالث ثانوي
كيف تكذب وتقول انها تدرس طب
كان عقل الجد مشوش ما قدر يرد بكلمه
وحده
**
**
**
نايف
غمضت عيوني وانا احاول استوعب الموقف
لا لا مستحيل انا بحلم
يا ليت حد يقرصني واستيقظ منه
عضيت على شفتي بقهر
فشلتنا هالزفته قدام المعازيم
وش سالفه الطب ؟؟!!
احس نفسي بدوامه مو فاهم شيء
رفعت نظري للشيخ للي تكلم : اذا البنت مو موافقه
انا انسحب يا جماعه الخير
ابو عناد بلع قهره وطالع الجد : حنا مستعدين بدراستها تكملها وش قلتم ؟؟
الجد زفر بضيق : البنت بنتكم وانتم فصلوا وحنا نلبس
طالع ابو عناد بنظرات واضح كثير انها بنتنا : ابغى اسمع رأي البنت لانه الشيخ مستعجل
الجد بفشيله وقف واستأذن وتوجه للداخل
كانت جالسه بالغرفه جنب الباب وسمعت كلام
ابو عناد وتفكر فيه
رح يخلونها تكمل دراسه
بس هي كذا ربحانه لانها ضربت عصفورين بحجر مثل ما خططت
العريس يطير وتكمل دراسه بعلم نايف
لما ينتشر امر دراستها بين الناس
ما رح يقدر نايف يفصلها من الجامعه لانها الناس رح
تتطعن وتقول وش السبب للي خلاه يفصلها من الجامعه
وكذا حصلت للي في بالها فما له داعي عريس
الغفله
رفعت نظرها لما شافت الجد دخل ووجهه اسود
تكلم وباين انه مو طايق ريم ونظراته وعيد لها : سمعتي وش قال ابو عناد ؟؟
ريم بهدوء :سمعت وقول لهم مو موافقه
الجد وهو يحاول يتحكم بأعصابه : ريم لا تفشلينا قدام الناس
يكفي احراج
ريم بثقه : انا قلت لكم من قبل اني رافضه
الجد وهو ماسك اعصابه : والحل ؟؟؟
ردت بعدم مبالاه : ما في نصيب وتركته
بس وقفها لما مسكها الجد من يدها بقوة
وشد على اسنانه : وين ؟؟؟
ريم طالعته ببرود : على غرفتي
الجد تنهد الحين الضرب ما يفيد لانها رح تعاند
اكثر والحين هم في موقف ما يحسدون عليه
لازم يستخدم السياسية
بعدها يطلع حرته فيها ما رح يسامحها على
فعلتها هذي : اسمعي يا ريم ترى ابو عناد
يكون ابن خالتي
وخالتي قبل ما تموت وصت انه عناد يتزوج
قاطعته ريم بشراسه : وانا وش دخلني ؟؟
يتزوج ما حد ماسكه
الجد اخذ نفس يكتم غيضه لاخر لحظات : تبغين ارمي وصية خالتي بعرض الحائط ؟؟؟؟
خالتي ماتت ولازم ننفذ وصيتها وتتزوجين عناد
وهو متكفل بدراستك وش قلتي ؟؟
ريم رفعت حاجب : يعني انت تستشيرني والا تخبرني ؟؟
الجد طالعها الله يجيبك يا طول الروح : اعتبريني
استشيرك
ريم بعناد : مو موافقه
وفكت يده عنها وطلعت بسرعه
الجد مشى خطوتين يلحقها بس ما قدر يمسكها
كانت اسرع
عض على شفته بقهر وضرب جبهته بقوة
مسح على وجهه بتعب وفشيله وش يقول للجماعه
اخذ نفس ودخل المجلس
**
**
**
نايف
طالعت ابوي واقف عند باب المجلس
وملامحه باهته والهم والفشيله باينه على ملامحه
ثبتت نفسي ما اقوم وادفنها واطلع كل قهري
وكرهي لها طول السنوات
فشلتنا الحيوانه
مقهور واحس بالقهر وانا اشوف ابوي بهذا الموقف
المحرج خلاص اليوم دافنها دافنها
وشد على قبضة يده بقوه
**
**
**
الجد
وقفت عند الباب وانا احس اصابني الخرسان
مو قادر انطق حرف واحد
ما لي عين اناظر ابو عناد بعد ما فشلناهم
طالعت العريس جالس وساكت
يمكن مبسوط ما يبغى هذا الزواج
كيف اقول لهم ما لكم عندنا نصيب
كيف ؟؟؟؟؟
حسبي الله عليك يا ريم مثل ما فشلتينا
قدام الجماعه
الكل يناظرني وينتظر الرد
فتحت فمي اتكلم ما ادري وش اقول الكلمات
طارت مو قادر اجمع حرف واحد
احس اني مخنوق والنفس مو قادر اتنفسه
بس لازم اتمالك نفسي
مو وقت انهار الحين
احس نفسي ضعف والدنيا بدت تسود بوجهي
جمعت قوتي المنهاره وبصعوبه لفظت : ال ال
بس حسيت بصوت من خلفي رد لي الحياه : موافقه يا شيخ
بس عندي شروط
كنت مو مصدق هذي ريم والا انا احلم
كيف ؟؟؟؟ وهي طلعت لغرفتها !!!!
اخذت نفس استوعب الموقف وطالعت الشيخ
اسمعه يقول : على بركه الله
موافقين على شروطها وطالع ابو عناد ؟؟؟
**
**
**
عضيت على شفتي بقهر وتتشرط بعد
وقسم بالله لتندم انا تحطني بهذا الموقف
فوق الفشيله للي حطتنا فيها تتشرط
ناظرت ابو عناد للي تكلم والقهر باين بوجهه : قولي
شروطك ونشوف واذا نقدر ما رح نقصر
سمعتها تتكلم بصوت واثق قوي انا نفسي اعرف
من وين تجيب هذي القوه عكس اخواتها
حتى امها مو مثلها قوية : شرطي الاول اكمل دراسة الطب
رد ابو عناد : موافقين على هذا الشرط
غيره ؟؟؟
عضيت على شفتي بقهر حسيت نفسي مغفل
لدرجه كبيره وش سالفه الطب ؟؟؟
تكمل دراسه ؟؟؟
بس كيف ؟؟؟/
اخخخخ انا اليوم دافنها بس خلي تنتهي الامور على خير
وقتها ما حد يفكها مني
رجعت تتكلم وانا النار للي بداخلي تزيد : شرطي الثاني
بعد الزواج ازور امي بفرنسا
طالعت ابو عناد عقد حواجبه باستغراب من
هذا الشرط وقبل ما يرد
رد عناد بهدوء وكأنه يبغى يخلص من هذا الموضوع : موافقين على هذا الشرط
طالع ابو عناد ابنه وبعدها طالع الجد : موافقين غيره
ردت : والشرط الثالث
مهر
انا خلاص قفلت معي الظاهر تبغى تحدد مهرها
زادتها تكلمت بسرعه وقاطعتها : مهرها مثل اختها
ابو عناد طالعني : خلاص اتفقنا
في باقي شروط ؟؟؟
تكلمت بحزم حتى اقطع عليها الطريق : باقي شرط لي انا
**
**
**
خالد
ناظرت جدي وجهه اسود وهو يسمع ريم تتشرط
ما توقعتها شخصيتها قويه كذا !!!
وفوق سواد وجهها تتشرط
ما خلصنا من شروطها طلع لنا عمي نايف
عنده كمان شروط
لو انا بمكان ابو عناد كان وقفت وقلت خلي
بنتكم عندكم
وخللوها احسن لكم !!
فشيله قدام الجماعه جايبين الشيخ علشان يملكون
تنط العروس وتقول مو موافقه!!
وش هذي المسخره ؟؟!!
بعد ما وافقت تتشرط !!!
ناظرت عمي نايف اسمع شرطه يمكن بعد ما
يقول شرطه
ينط جدي ويقول عندي شرط وبعدها ابوي
قسم بالله انها مسخره طالعت عمي نايف وانا
مو عاجبني الوضع ابد
تكلم عمي نايف بهدوء: شرطي ما ابغى حفله خطوبه
خلاص نملك الحين والبيت مفتوح حياكم الله
بأي وقت اذا تبغون تشوفونها
طالعت ابو عناد للي الظاهر عليه انفجر : مثل ما تبغون
خلاص كذا اتفقنا يا جماعه الخير
طالعت جدي للي عدل جلسته وتكلم : عندي شرط يا ابو عناد
لا بالله مسخوها وش سالفه الشروط هذي
ما ادري كيف ابو عناد متحملهم
وساكت لهم
لو انا مكانه اخليهم يتشرطون وبعد ما يكملون شروطهم اوقف واقول ما لكم نصيب عندنا
علشان يتشرطون مره ثانيه
ابتسمت على تفكيري
وحددت نظري على جدي اسمع شرطه
تكلم جدي وهو يناظر الموجودين وبالاخص ابو
عناد : شرطي ما تطلعون من هنا الا بعد ما تتعشون
طالعت ابو عناد للي ارتخت ملامحه اشوى المسكين
ارتاح شوي من شروطهم : ليتك سالم يا ابو سلمان
ما تقصر بس ما بقى وقت على موعد سفري
والجايات اكثر إن شاء الله
وجماعتي عندنا عقد قران واحد من جماعتنا بعد العشاء
رد جدي : اذا كذا مسموحين
ضحكت بداخلي على شكل الشيخ المتنرفز : يا اخوان تراكم اخرتوني خلونا نبدأ بإجراءات الزواج
تكلم جدي : على بركه الله
3*3*
3*3*
رديت بهدوء : موافقه يا شيخ
دخل نايف ومعه الدفتر اوقع عليه
اقترب مني وبهمس : والله لتندمين بس اصبري
متى ما طلعوا الجماعه من هنا اذا ما دفنتك هنا
بس صبرك علي
ابتسمت على جنب ببرود وانا قلبي يطبل طبول من الخوف لانه مو ناوي على خير الشرار يطلع من عيونه
مسكت الدفتر والقلم وناظرت اسم العريس
عجبني اسمه عناد
ناظرت توقيعه بس نقزت على قرصة بكتفي
طالعت نايف وانا افرك مكان القرصه وعافسه
ملامحي : ليه قرصتني ؟؟
طالعني بوعيد : هذا ولا شيء بس اصبري
والحين وقعي وش تتاملين ؟؟؟
ابتسمت : اتأمل توقيعه
اعطاني نظره قويه تخوف : والله لتندمي يا قليله
الحياء
وقعي الحين اشوف
مسكت القلم ووقعت على حياه جديده
بالنسبه لي نكره ما ادري وش تحمل لي
انقهرت من حركته لما سحب مني الدفتر تكلمت
بعفويه : شوي شوي لا تتمزق ورقة العقد
رمقني وهو يقرص عيونه : رح تندمين
وبعدها طلع
اخذت نفس عميق
وافقت على العريس بعد ما اعلنت رفضي
حتى اثبت لهم انه كل شيء بمزاجي
مع اني كنت مصممه على الرفض
بس فكرت فيها
لو رفضت وش يخلصني من نايف ؟؟
واحتمال كبير يرفض يخليني ادرس وما تنفع
كل افكاري
اما كذا اتزوج واتخلص من نايف واكمل دراسه
وازور امي
لاني طول ما انا عنده ما رح يخليني ازورها
واخاف يزوجوني واحد من عيال عمي
ورح يكون نفس العقل ويمنعني عن امي
من حظي اتزوج غريبه حتى استقر بحياتي
وارتاح من اهل ابوي
بس الحين بقى اخر حيله وانقذ نفسي من البركان
للي ينتظرني بالخارج
الله يستر
**
**
**
طلع الشيخ بعد ما ملك لهم
ابو عناد ناظر الجد : اذا ما عليك كلافه ابغى اشوف
زوجة ولدي قبل ما اسافر
الجد : حياكم الله تفضل
ابو عناد : باكر ان شاء الله يزورونكم الاهل ومعهم
عناد بس انا الحين ابغى اسلم عليها قبل ما اسافر
نايف بهدوء : تفضل يا عم من هنا
فتح الباب نايف ودخل واستغرب تواجدها بالغرفه
توقع انها تهرب وتقفل باب غرفتها بالمفتاح
بس جالسه وكأنها تنتظر شيء نقزت اول ما شافت نايف
ووقفت تناظر الرجال للي دخل بعد نايف
نايف باحترام : تفضل
ريم طالعته بذهول مو مصدقه معقول هذا العريس ؟؟؟
هذا كبير بالسن !!!
لو تزوجت عبود احسن لي من هذا الشايب
الجد وقف جنب ابو عناد وتكلم : ريم تعالي سلمي على عمك ابو عناد يبغى يسلم عليك قبل ما يسافر
ارتخت ملامح ريم براحه
وبعدها ابتسمت للخطه للي في بالها
تقدمت من ابو عناد وسلمت عليه وهي تحس بالاحراج
ابو عناد يناظرها بتأمل : اخبارك يا ريم ؟؟
ريم وخدودها حمروا : الحمد لله بخير
اخذت نفس وهي مصممه على مخططها
طالعت ابو عناد : طلبتك يا عمي قول تم
ابو عناد باستغراب وكان احساسه انها تبغى الطلاق بس اضطر يتمم لها : تم
ريم : انا بجيرتك يا عم
عقد حواجبه باستغراب وبعدها ارتخت وكأنه فهم الموضوع
اقترب نايف من ريم والعصبيه واضحه عليه : تراك زودتيها
مد ابو عناد يده حاجز بين ريم ونايف : ريم بجيرتي
وحمايتي
لا تمد يدك عليها واذا على رفضها للزواج
انا مو زعلان وهذا حقها وكل بنت بهذا العمر تتردد
واذا لي عندكم خاطر لا تزعلونها تراها زوجة ولدي
وما لكم عليها كلمه
وطالع الجد : قبل ما اطلع تراها بجيرتي يا ابو سلمان
الجد بلع قهره : توكل على الله ما رح حد يزعلها
ابو عناد : يلا انا الحين استأذن
طلع الجد وابو سليمان مع ابو عناد
وحل الصمت بالغرفه
جلس نايف على الكرسي وهو يحاول يكتم
غيضه وعصبيته
**
**
نايف
مو قادر اتحكم بأعصابي والزفته لعبتها صح
اليوم بموت اذا ما طلعت حرتي فيها
ناظرت ابوي للي دخل واخواني ساكتين
تكلم ابوي بقهر : ليه يا ريم تعملين كذا
وتفشلينا قدام الجماعه ليه ؟؟؟
ردت ببرود : انا قلت لكم اني رافضه بس انتم اصريتم
على الملكه وحبيتوا تسمعوا الرفض
صرخت عليها شين وقوي عين : ريم اتكلمي عدل احسن
ما ادفنك بمكانك
سألها ابوي بحزم : وش سالفه الطب هذي ؟؟
هذا السؤال للي ابغى اعرف له جواب
وش سالفه الطب
طالعتها وانا ابغى اسمع الجواب ردت ببرود : انا ادرس
طب سنه ثانيه
قاطعتها كذابه انت الحين المفروض ثالث ثانوي
طالعت سلطان للي تكلم : اتوقع كلامها صحيح
لانه ريم لما كانت صغيره المدرسه قدموها
قاطعته : والحين جاي تقول ؟/؟
انا على بالي بعدها بالمدرسه
انا تستغفليني وتروحين على الجامعه بدون علمي قهرتني ترد علي : انا ما استغفلتك انا دخلت الطب
وانا في بيت جدي سالم
وانت ما عمرك سألتني عن دراستي حتى اجاوبك
كلمها فيصل بحده : مع مين كنت تروحين للجامعه ؟؟
ردت على فيصل بهدوء : ماما استأجرت لي سواق قاطعتها بصراخ : تروحين مع السواق لوحدك
يا قليله الحياء ؟!!
ناظرتني : زوجته معه ما كنت اطلع لوحدي
وبعدين ما يطلع لكم تحققون معي وكأنه هامكم
امري
لو يهمكم امري كان ما تركتوني في بيت جدي
8 سنوات ما حد كلف نفسه مجرد
اتصال يتصل
لو هامكم امري كان عرفتم اني كملت الثانويه
كان جيتوا لعندي وقلتم ما تتدخلين طب
تركتوني اعيش على كيفي وما وجهتوني
فما لكم حق الحين تلوموني على اهمالكم
اعطتنا نظره كره وحقد وطلعت من المكان
*
*
*
بعد ما طلعت ريم
صقر ناظر ابوه واخوانه: صادقه ريم
وينك عنها كملت الثانويه ودخلت الجامعه وانت
ما تدري عنها
وهي في بيتك تدرس بالجامعه وانت ما معك خبر
اهملتها كثير والحين جاي تحاسبها
الجد بحزم : اسكت يا صقر ترى راسي صدع
مو ناقص محاضراتك
نايف بعصبية : نفسي اطلع اكسر راسها تكسير
وابرد حرتي فيها
الجد جلس بقهر : ااجلس يا نايف ترى انا مقهور اكثر منك
بس حنا اعطينا ابو بندر كلمه وما نقدر
نتراجع فيها
يصير خير
فيصل طالعهم مو عاجبه الموقف كله لو انها عنده كان دفنها بمكانها
على الفشيله للي حطتهم فيه
استأذن وطلع
**
**
**
ابو بندر
حركت السياره وانا للحين تحت الصدمه
للحين احس بالفشيله قدام جماعتي
والله لولا انها وصيه امي اخطب لعناد من حفيدات
ابو سلمان والا لو يموتون ما اخذت من بناتهم
بعد هالفشيله
بس اضطريت اوافق على الشروط بس تنفيذ
للوصيه
ضرب على الدريكسون بقوه انا تجلس تتشرط
علينا بزر بعد ما فشلتنا قدام جماعتي
بس للي محيرني ليه ابو سلمان اختار بنت
نايف الكبيره ؟؟!
ما انكر كنت بالمجلس مو طايقها لو بيدي كان قمت ودفنتها بمكانها
على قوتها وتتشرط ما شفت بنت مثلها
بس تفاجأت بعد ما شفتها
ما ادري نزلت محبه هالبنت بقلبي
وحسيت قلبي تقطع عليها لما طلبت جيرتي
بعد ما شفت نظرات جدها واعمامها وابوها
مو ناويين على خير
لاخر لحظه كنت ابغى اخذها معي بس تراجعت
ما يصير وما رح يقبلون اهلها
بس للي يزيد حيرتي كيف عيال عمها فرطوا
فيها
مزيونه حيييييل
معقول فيها شيء وخبوه عنا ؟؟!!
هز راسه بالرفض
بس شيء ما يدخل العقل
امي وصت عناد يتزوج من حفيدات ابو سلمان
وما حددت وحده معينه
ليه اختاروا بنت نايف الكبيره ؟!!
قلبي قارصني اخاف فيها بلاء ويبغون
يرمون بلاها علينا
والا للي مثل ريم عيال عمها يتذابحون علشان يخطبونها
تنهد
يالله باكر يذوب الثلج ويبان للي تحته
**
**
**
بالحديقه
سليمان بقهر: تخيل فوق سواد وجهها
ولا احد تكلم معها اخخخخ يالقهر نفسي
اصفقها كم كف اطلع حرتي فيها
بدر رفع حاجب : وانت وش دخلك تضربها كم
كف !!
اخوها والا زوجها والا خالها والا عمها ؟؟
سليمان بحده : ابن عمها واكسر راسها
عاجبك سواد وجهها ؟؟
عمر : بصراحه موقفها مفشل جدا ترفض
والجماعه جالسين
والشيخ موجود قسم بالله يفشل
عبود : بالعكس موقفها يشرف
ويدل على قوه شخصيتها يعني مثل ما سمعت
قالت لعمي نايف انها رافضه ومع ذلك اجبرها
وطنش رأيها يتحمل النتائج
نايف رفع حاجب بشماته : اشوف تدافع عنها
مو كأنها رفضتك
عبود والوضع ريلاكس عنده : حتى لو رفضتني تبقى
صديقة الطفوله
قاطعه نواف : اسكت لا يسمعك عنادووووو
وضحك باستهزاء
يمكن الحين يغار عليها
عبود يتكلم بصراحه : يا اخي انت وش حارق بصلتك ؟؟
الغيره والقهر واضحه بعيونك
نواف فتح عيونه باستنكار : انا
وميل شفته بغرور : على وش اغار ؟؟
بزران اثنين ملكوا
بدر : خلاص اسكت انت واياه هذا عمي صقر متوجه
لعندنا لا يسمعكم
سكتوا الشباب ونواف يعطي لعبود نظرات ناريه
*
*
*
الجده
مقهوره من لما سمعت انها رفضت ريم العريس وفشلتهم
على وش شايفه نفسها تحمد ربها لقت واحد
يطالع وجهها هالخايسه
بس اشوفها لامسح فيها الارض ما ادري
كيف نايف ثبت نفسه وما دفنها بمكانها
طالعت الجد بقهر : وسكتم لها ؟؟
الجد مسح على راسه وزفر بضيق : اسكتي يا مزنه تراني للحين بركان بداخلي مولع
وبقهر طالع الجده : انا تفشلني انا تخليني قد حبه
البزر ما اقدر اطالع الرجال
صغرتني
وعض على شفته من القهر
الجده : انا اتصلت بنايف وخبرته يمكن اهل امها
طلبوا منها تعمل كذا انا ما استبعد عنهم شيء علشان ينتقمون منا
طالعها الجد وهز راسه : وانا ما استبعد عنهم شيء
الجده : باكر رح ييجون ؟؟؟
طالعها الجد بطرف عينه ؛ رح ييجي عناد وامه واخواته
قاطعته الجده : اخاف تفشلنا قدامهم
قاطعها الجد بعصبية : خلها تعملها وقسم بالله ما حد يفكها مني هالزفته
*
*
*
*
ريم
لا تسألوني عن شيء ما ادري احس كنت بحلم
كل شيء مر بلمح البصر
ما ادري من وين جت لي القوه ارفض واقعد
اتشرط
بس احس بالسعاده والانتصار وإني مبسوطه على الاخير
يمكن لاني ارتحت من هاجس الطب
خلاص ما عاد في شيء اخفيه واخاف يكتشفونه
رح اكمل دراسه غصب عنهم وقدام عيونهم
ارتحت كثير لابو عناد وحسيته انسان حبوب
ما ادري شيء عن عريس الغفلة
الا اسمه الحلو
ما ادري هل هو اكبر واحد بإخوانه ؟؟ كم عمره ؟؟
وش يشتغل ؟؟
أسئله كثير تحوس بعقلي مو لاقي لها جواب
سبحان الله كنت ناوي ومصممه ابقى عزباء طول
حياتي
لكن النصيب
طالعت جهة الباب ويا ليتني ما طالعت
انا وش للي مسهرني وقاعده افكر بعريس الغفله
لو نمت ابرك لي كيف اواجه هذا البركان للي داخل علي ؟؟؟
غبيه لو قفلت الباب بالمفتاح
بلعت ريقي وناظرته ولا كأني عامله شيء
اقترب نحوي وانا اردد بداخلي اللهم سكنهم مساكنهم
وقف فوق راسي
وانا جالسه على السرير رفعت نظري له
وناظرته بملامح بارده ظاهريا
وقلبي يرقع طبول
يمه يمه نظراته تخوف الله يستر
اعطاني نظره قوية وبعدها طالع جنبي
استغربت وش يطالع
ما امداني اناظر الا كان ساحب الجوال
طالعته وبتلقائيه : لاااااا
فتحه بعنف وطلع الشريحه
وابتسم بخبث وهو ماسك الشريحه بأصابعه
الابهام والسبابه : عسى خبرتي الماما انك ملكتي ؟؟
طالعته بقهر وحاولت امسك اعصابي : اعطيني
الشريحه
طالعني بفوقيه : واثقه من نفسك
وبلمح البصر كسر الشريحه
شهقت بقهر وعيوني مفتوحه عالاخير وانا اطالعه
كل الارقام عليها
وما اكتفى مسك الجوال وكان يشتغل عليه
وقفت بقهر وحاولت اسحبه منه
مسك يدي بقوه وبحده ابعدني عنه : قربي وشوفي وش
رح يحصل لك
بعد دقائق مد الجوال لي وهو يبتسم : خذي
سحبت الجوال وفتحته وقلبته وانقهرت
عمل ضبط مصنع كل الارقام راحت ما بقى
شيء كيف اتواصل مع امي ؟؟
والجوري ؟؟؟
وبنات خالي ؟؟؟
عضيت شفتي بقهر وما طالعته لاني غبيه
لو حاط رقم سري كان ما قدر يعمل كذا
تكلم بتهديد : وقسم بالله لو اسمع انك متواصله مع احد من اهل امك الا ادفنك بمكانك
وخاصه الماما تبعتك
سمعت خطواته وهو طالع
وانا اناظر الارض وشاد على قبضه يدي بقهر
مو من حقه يمنعني من اهلي
لكن هين اذا ما طلعت الشوك بحلوقكم ما اكون
ريم
**
**
**
اول ما دخلوا صوتهم طالع
بندر بعصبية : كيف قبلتم بعد سواد وجههم ؟؟؟
انا جلست احترام لك يبه بس علشانك
والا لازم قمنا وخليناهم يتشرطون على كيفهم
ابو بندر بهدوء : خلاص يا بندر انا لولا الوصيه
كان ما تممت الموضوع خلاص الموضوع تم
وما في داعي لهذا الكلام
مهند بعصبية: الا له داعي
صغرونا قدام الخلق لا والمشكله تتشرط
ام بندر بذهول مو فاهمه الموضوع : وش فيه
علامكم صوتكم طالع كذا ؟؟؟
ياسر بقهر وهو يتكتف : ابد بس صنوايت رفضت عناد
ام بندر شهقت : رفضته ؟؟؟!!
وبقهر والله ابني الف وحده تتمناه ومن باكر
اخطب له
ابو بندر جلس على الكنبه واخذ نفس بهدوء : ما له
داعي تخطبي له وهو اليوم ملك
ام بندر باستغراب : ملك ؟!
وطالعت ياسر : كيف تقول انها رفضت ؟؟؟
صالح ابتسم بروقان وبلقافه : هو سألها الشيخ موافقه
قالت له لا مو موافقه
بعدها قال لها ابوي اذا حنا مو قد المقام
ننسحب
قالت له انتم لكم القدر والحشيمه
بس هي تتدرس طب وما تبغى تتزوج
ام بندر باستنكار : تتدرس طب ؟؟
كيف قالوا انها بالثانوي ؟؟
صالح ابتسم : خليني اكمل لك
قال لها ابوي انه حنا مستعدين تكمل دراسه
وبعدها دخل جدها وبعد وقت طلع
وسمعنا صنوايت تقول موافقه بس عندها شروط
ام بندر بقهر : وبعد تتشرط
ابو بندر طالع صالح بنهر : بعدين معك انت اذاعه
حشى وش ذا اللسان للي عليك ؟؟؟
وطالع ام بندر : يا بنت الحلال الظاهر انه البنت
حد لعب بعقلها وقال لها يمكن ما نخليها
تكمل دراسه علشان كذا رفضت
بالبدايه بعدها وافقت بشرط تكمل دراستها
لا تردين على عيالك
تنهد ابو بندر ما يبغى يعمل مشاكل من اولها بين
حرمته وبين ريم لانه يعرف ام بندر كثير
تتناقر مع حريم عيالها
ام بندر طالعت ابو بندر : متى حددتم الزواج ؟؟
ابو بندر تنرفز من كثر الاسئله : ما حددنا
بس يمكن قبل نهايه العطلة الصيفية
ام بندر باعتراض: لا اجلها للسنه الجايه يكون عناد
قطع شوط بالدراسه
بعده صغير يتحمل مسؤولية دراسه وزواج
قاطعها عناد للي كان واقف يناظرهم وبعصبيه : ما تشوفون انكم تماديتم كثير بالكلام وتقررون عني
وبعدين شايفيتني بزر ؟؟؟
وطالع ابوه بجديه : الزواج بالعطله الصيفيه هذي
قبل الدوام
ورح استأجر شقه لوحدي
قاطعته ام بندر : وصارت من الحين تبغى تبعدك
عنا ؟؟
ابو بندر : يا بنت الحلال هو ما شافها ولا جلس معها
حتى تقولين هذا الكلام
عناد ببرود : ما علينا رح استأجر شقه لوحدي
واشتغل وما ابغى مساعده من احد
ابو بندر مو عاجبه كلام عناد : وانت تقدر على مصاريف الزواج
حتى تفتح بيت وتصرف عليه !!
عناد : متى ما جيت وقلت لك اعطيني فلوس وقتها
قول هذا الكلام
هذا اخر ما عندي وناظر اخوانه ما لكم دخل
بحياتي اتوقع انها رفضتني انا مو انتم
فما له داعي تعملون هذي الموشحات
وطالعهم بغرور وتوجه للباب
ابو عناد مو عاجبه كل حياه عناد : وين يا عناد ؟؟؟
عناد التفت لابوه : مواعد الشباب
وبعدها طلع
ام بندر : عاجبك ؟؟
ابو بندر بملل : ما كأنك تعرفين ولدك
وباستهزاء
قال يبغى يفتح بيت لوحده
ياسر ميل فمه بسخريه : مالت عليه وانا متضايق عليه وهو يرادد بقوه عين ويدافع عنها
صالح باستهزاء : عملتم فلم اكشن وبالاخير
فشلكم عناد وضحك بشماته
بندر بعصبية : اخرس ولا كلمه
هذا الناقص البزران يتكلمون
صالح بخوف من اخوه الكبير : ترى عمري صار
18 سنه
مهند بقرف : خلاص اسكت ما ابغى اسمع صوتك
ياسر بعصبيه طالع الدرج : نعم خير واقفات تناظرن
زافين عريس ؟؟؟
كانوا البنات والاحفاد والحريم واقفات ويناظرن
اسيل بدلع : لا عروس
ياسر بعصبية : اسيل
اسيل من الخوف ما تشوفين الا غبارها
بندر يكمل عن ياسر بحزم : يالله كل وحده على جناحه
تحلطموا الحريم وطلعوا وهم يتهامسن
ابو بندر وقف وهو يناظر ساعته وبعدها طالع ام بندر : لا تنسين باكر تروحين انت والبنات
وعناد وتروحين على ريم
ام بندر باستسلام : ان شاء الله
**
**
**
في اليوم الثاني
دخل عناد البيت وهو يدندن ومروق
شاف اخواته وحريم اخوانه جالسات بالصاله طالعهن بفوقيه : سلام
اسيل بابتسامه عريضة : هلا وغلا اشوف العريس
مبسوط قاعد تدندن ؟؟
طالعها ورفع حاجب : ما يخصك
زوجة ياسر : سمعنا انها سندريلا رفضتك
جلس على كنبه منفرده وطالعها بنغزه : والله تكون
رافضيتني
ولا اكون انا رافضها
زوجه ياسر احمر وجهها بقهر
رهف حطت رجل على رجل وبدفاع
: بس الحين ياسر
يموت على الارض للي تمشي عليها زوجته
عناد بغرور : وهي رح تصير تموت على الارض للي
امشي عليها
دانا : يا شين الغرور
على وش شايف نفسك
طالعها بفوقيه وما رد عليها
زوجه بندر : ترى غرورك هذا ما يجوز
تطالعنا وكأننا حشرات
زوجه مهند وبحضنها بنتها : خليه خلينا نشوف
وش رح يتزوج
ان شاء الله تطلع غجريه قرويه جوكر
طالعها عناد : راضي فيها بس اهم شيء ما تطلع
جوكر مثل بنتك
زوجه مهند : جوكر بعينك وش زينها بنتي
وباستها على خدها
رنا : اصلا كلنا خلقة ربنا ما يصير كلامكم هذا
عناد وقف بدون نفس : تكلمت حكيمه المجانين
دخلت ام بندر وطالعت عناد : وين ؟؟
عناد : طالع على غرفتي
ام بندر : لا تنسى اليوم بعد العصر علشان نروح
لخطيبتك
لا تنسى تجيب الشبك..
قاطعها عناد : خلاص العصر انتظرك
ام بندر : وش تنتظرني ؟؟
لا تنسى اخواتك رح يروحون وحريم اخوانك
عناد باعتراض : نعم ؟؟
ليه انا رايح على حرب علشان اخذ معي جيش ؟؟؟
هذا للي ناقص
خلهم يجلسون بالبيت ابرك لهم مو ناقصنا فضايح
ام بندر : الحين وجودنا يفشل يا عناد ؟؟؟
طنشها عناد وطالع امه : بعد العصر انتظرك وحدك
وطلع من الصاله متوجه لغرفته
**
**
**
زوجه بندر بزعل : الحين حنا نفشل يا خالتي ؟؟؟
ام بندر جلست : مو على كيفه
رح تروحون
اسيل بقهر : مالت عليه
يعني المفروض انا اروح معك انا اكبر وحده بأخواتي
ام بندر وهي تشرب قهوه : قلت لكم رح تروحون
خلاص انتهينا
رنا لوت بوزها : ما كأنك تعرفين ولدك عنيد
واذا عصب ما حد يقرب منه
زوجة مهند : مو على كيفه رح نروح غصب عنه
زوجة ياسر : وش رح تلبسين ؟؟
زوجة مهند بحيره : ما ادري للحين
فرح تدخل : ماما متى نزور خطيبه عناد ؟؟
اسيل : العصر كوني جاهزه
فرح : ما كلمتك انا سألت امي
اسيل لوت بوزها : الحق علي
هاجر وقفت : ترى ما بقى وقت اروح اجهز نفسي
دانا : خايفه ما تلحقين
هاجر : انت ما يخصك فاهمه
دانا : لا والله تعالي اضربيني
هاجر : واكسر راسك بعد
دانا تقربت منها : نعم وش قلتي ؟؟؟
دخل ياسر وطالعهم وهو رافع حاجب : نعم خير
ان شاء الله ؟؟
صوتكم طالع !!
دانا ابتسمت : ها ولا شيء
بس نتناقش
ياسر جلس جنب امه : متى نويتم تروحون
على بيت ابو سيف؟؟
ام بندر : طلبتك يا ياسر
انا ابغى اخذ البنات وحريم اخوانك معي
ومو صلحه ادخل لوحدي
ياسر ارجع ظهره للخلف : خذيهم وين المشكله ؟؟
رنا بقهر : عنادوووووو رافض يقول بس امي تروح
زوجه ياسر بقهر : قال حنا نفشل ما يبغى يأخذنا ياسر طالعها : والله ما حد يفشل غيره
وهو للي خاطبها
لسانها مترين
وجكر فيه رح تروحون
رنا تقفز وهي ودانا : هي عاش عاش عاش
ياسر عاش
ياسر ابتسم : خلاص فضحتونا انت وهي
دخل صالح وطالعهم : وش فيه ؟؟
حد نجح بالانتخابات ؟؟
هاجر : لا بس ياسر رح يأخذنا نروح نشوف خطيبه
عناد
نفسي اشوفها
صالح : حسستوني رايحين تشوفون صنوايت
وش رح تكون مثلها مثل للي قبلها
زوجه بندر بحده : وش قصدك ؟؟
صالح بصراحه : ما اقصد شيء بس اقول
اكيد رح تكون لئيمه
قاطعه ياسر بحده : صالح
زوجة مهند ؛ قصدك انه حنا لئيمات
صالح سكت خوف من ياسر : انا ما قلت شيء
انت فسرتي الكلام على مزاجك
وبسرعه توجه لغرفته
22
22
22
عناد نزل ومعه امه طالع خلفه باستنكار
لما شاف سيارتين خلفه
عقد حواجبه : ما شاء الله
وطالع امه : انا وش قلت ؟؟؟
ام بندر تحاول تلينه : يا عناد وش فيك ؟؟؟
كيف تبغاني ادخل وحدي
عناد ببرود : خلاص مثل ما تبغين خلهم ينزلون
وركب سيارته وحرك بسرعه وغادر المكان
ام بندر بفجعه وهي تناظر عناد غادر المكان
زوجه بندر اقتربت : علامه راح ؟؟
ام بندر بنرفزه : هالولد رح يجلطني بعناده
اتصلت فيه ام بندر وكان جواله مغلق
عضت على شفتها بقهر
ورجعت مع بناتها وحريم عيالها
**
**
**
نايف جلس بالصاله بعد ما قفل الجوال
وطالع ساميا : ترى الجماعه اعتذروا صار عندهم ظرف
ساميا : عذرهم معهم
وحياهم الله بأي وقت
نايف وقفت اروح اتشمت بريم شوي
واطلع حرتي فيها بالكلام توجهت لغرفتها
ودخلت
كانت جالسه على اللاب ومندمجه عليه
قاطعتها بصوتي العالي : الجماعه على وصول وانت
بعدك ما لبستي ؟؟
طالعتني بملامح هاديه : نسيت
طالعتها باستخفاف : يعني تمثلين دور الثقيله العاقله
ترى مو لايق عليك الدور
ناظرتني بملامح جامده وما ردت
كملت كلامي : مو قلت لك الصبح بعد العصر تكونين جاهزه ؟؟؟
تكلمت بهدوء : خمس دقائق واكون جاهزه
رديت وانا اتكتف : احلفي يا شيخة
عموما تكنسلت وما رح ييجون
سألتني بعفويه : ليه ؟؟؟
ناظرت بأرجاء الغرفه وبعدها طالعتها : تواصلتي مع امك ؟؟؟
ردت : لا
اقتربت منها وسحبت اللاب
وناظرت الصفحه للي فاتحه عليها
واحس البركان للي بداخلي رجع من جديد
رميت اللاب من يدي
وضربتها كف بكل قوتي : يا حيوانه
ريم سالم هاه ؟؟؟
ليه ؟؟؟
ردت بقوه عين : كيفي اكتب للي ابغى
طالعتها يا سلام مستقوية
سحبتها من يدها ولفيتها ورى ظهرها
صرخت من الالم : اترك يدي
تكلمت وانا شاد على اسناني : خلي سالم ينفعك
متبريه منا ؟؟!!!
شديت اقوى
بس
حامض على بوزك رح يبقى اسمك مسجل جنب اسمي غصب عنك
كانت مغمضه عيونها وعافسه ملامحها بألم
شديت على يدها بعصبيه : فاهمه
الحين تغيرينه ويا ويلك اذا ما غيرتيه
دفيتها بقوه عني وطالعتها بتهديد
طالعتني بعناد : ما رح اغيره
ناظرتها بتحذير : ترى مو من صالحك تعانديني
ترى للحين قلبي مليان عليك
فاختصريني وكوني مطيعة
اعطيتها نظره احتقار وطلعت
**
**
**
ريم
جلست على الارض وانا امسح على يدي
واتحسس مكان الوجع
حسيت لاخر لحظه خلاص رح تنكسر
زفرت بضيق من الحياه
جالس لي على الزله ويحاسب بي
متى ارتاح ؟؟؟
وقسم بالله ما رح اغير الاسم
ورح يبقى ريم سالم
لا وعريس الغفله ما حضر
يقول انام واحلم فيه
بقلعته ستين داهيه وراه
افففففف
خليني اشوف اللاب اتوقع انه انكسر :(
**
**
**
وليد : من جدك تتكلم ؟؟/
مشاري تنهد : لا من خالي
ايه من جدي اتكلم لولا اني خاطب بنت عمها
والا كان تعرضت لها وخطبتها
وليد : وتفكر جدي يوافق يزوجك
اصحى يا حلو
ترى ابوي كان ناوي يخطبها لك بس
جدي عصب وقال مستحيل يخطب لاحفاده
حفيده ابو سعد
فلا تحط الموضوع براسك
وخلاص انت خطبت ما بقى وقت على ملكتك
مشاري بحيره : يا اخي ما ادري
هالبنت دخلت مخي
وعجبتني قوة شخصيتها وكيف فرضت رأيها على
عمي ابو سلمان
للي كل يحط له حساب
وليد : بالعكس موقفها ما عجبني ابد
وين عايشين حنا
توقف بوجه الرجال وتفرض رأيها
وقف مشاري : تبغاها سلبيه ما لها رأي
بالعكس احب البنت تكون شخصيتها قويه
وباستسلام للامر الواقع
الله يوفقها وييسر لها الخير
**
**
**
ام بندر دخلت معصبه : وش هذا الموقف
السخيف للي حاطيتنا فيه ؟؟؟
عناد : والله مو رايح على حرب علشان اخذ معي كتيبه
صالح مؤيد له : معاه حق ليه كلكم رايحين ؟؟؟
بندر يحل الموضوع : خلاص تروح امي واسيل وزوجتي وبس
رهف باعتراض : لا والله
ما لي دخل رجلي على رجلها
زوجه مهند تطالع ام بندر : اذا راحت وحده الكل بروح
ما احد احسن من احد
وطالعت زوجه بندر وهي تقصدها
ياسر : يا ابن الحلال خلهم يروحون
خايف يأكلونها ؟؟؟
عناد مصمم على رأيه : والله كيفي امي لوحدها تيجي وبس
اما الكتيبه يجلسون هنا
مهند : خلاص روح لوحدك زورها
وامي والكتيبه يروحون في يوم ثاني
بندر : وانا اقول كذا روح لوحدك علشان تجلس معها براحتك
ام بندر : خلاص روح اليوم زورها
وحنا باكر نزورها
اسيل برجاء : تكفى يا عناد بس هذي المره خلينا نروح معك
اخواته بصوت واحد : تكفى يا عناد
عناد بملل : خلاص اسمح لكم بس هذي المره
تروحون معي بس بدون عيال
ام بندر ابتسمت : مثل ما ودك بدون عيال
**
**
**
ساميا : هلا هلا نور البيت
ام بندر بابتسامه واحراج : منور بأهله
الجده : اخبارك يا ام بندر ؟؟
واخبار بناتك وحريم عيالك ؟؟
ام بندر : بخير
ام خالد : ما شاء الله ذول بناتك ؟؟
ام بندر بابتسامه : هذي اسيل ورهف وهاجر ودانا ورنا بناتي
وهذي زوجة بندر ابني الكبير
وهذي زوجة مهند
وهذي زوجة ياسر
وعناد خاطب بنتكم وصالح بعده بالثانوية
الجده : الله يحفظهم
ام سليمان : عناد جاء معكم ؟؟
ام بندر بفرح : ايه جاء معنا بالمجلس
الا وينها العروس ؟؟
ساميا بابتسامة : دقائق وتنزل
وبدت سوالف الحريم للي ما تخلص
**
**
**
سلمى : من جدك يا ريم تتكلمين ؟؟
ريم بعناد : ايه جد اتكلم وش فيه لبسي
سلمى : مو مناسب
يعني انت مخطوبه ولازم تلبسين فستان
ريم بكسل : ما لي نفس ألبس
متعاجزه
لينا : خلاص انا البسك
ريم ضحكت : بايخه انقلعي
سلمى بقهر : مجنونه حد يلبس عبايه ويدخل عند الحريم ؟!!
ريم وقفت وهي لابسه العبايه : وش زينها العبايه تجنن
لينا فتحت عيونها باستنكار : ريم كيف تنزلين بالعبايه ؟؟؟
ريم توجهت للباب وببرود : مو عاجبهم يطلقون
وتركتهم وطلعت
سلمى بقهر : غبيه الحين اكيد رح يقولون فيها
تشوه علشان كذا ما لبست فستان
**
**
**
بعد ما سلمت على الموجودين والانظار
مسلطه عليها
جلست جانب ساميا بثقه
ام بندر وهي مبلمه بريم : اخبارك يا ريم ؟؟؟
ريم وهي تلعب بطرف خصله من شعرها : بخير
اخباركم ؟؟ واخبار عمي ابو عناد ؟؟
ام بندر بابتسامة : كلنا بخير
زوجه بندر بلقافه : تراه عمي يقولون له ابو بندر مو ابو
عناد
ساميا : وش يعرفها ريم تراها ما تعرفكم
زوجة مهند : وحنا ما نعرفها اول مره نشوفها
رهف بلقافه : انت اي صف ؟؟
ريم بنفسها كأنها ما تعرف اني بالجامعة يا شين اللقافه : سنه ثانيه بالجامعه
اسيل بدلع : وانا بالجامعه بس ما عمري شفتك
ريم بهدوء : ولا انا شفتك من قبل
ام بندر : ترى عناد معنا ويبغى يشوف ريم
الجده : خلاص خله ييجي هنا
وطالعت ام خالد وام سليمان علشان يطلعون
وقفت ساميا : خلاص الحين اخبر ابو سيف
علشان ييجي عناد هنا
طلعت ام خالد وام سليمان مادات البوز
ريم تحس بالاحراج كيف يشوفها وهي لابسه
كذا
وقفت ووجهها احمر وقلبها يدق بقوه
ام بندر : وين يا ريم ؟؟
ريم ناظرتها وقبل ما تتكلم
الجده بحده : اجلسي الحين الرجال بالطريق
ريم جكر بجدتها : الحين ارجع عن اذنكم
وطلعت واخذت نفس براحه
وتوجهت للمطبخ جلست على الكرسي
وتناولت كأس المويه وجلست تشرب
بعدها طالعت عباتها على الطاوله
ناظرت فستانها لونه فضي لنصف الساق
واكمامه لنصف الساعد مخرم
رفعت نظرها للعبايه ومسكتها
بس قاطعها دخول ساميا : يالله يا ريم
الحين خطيبك يدخل
وسحبت ساميا من يدها العبايه ولبستها
ريم باستنكار : هذي عبايتي
ساميا تمثل البراءه : عباتي فوق
لو شافني نايف لابس كذا رح يعصب
ريم وقفت : طيب الحين اطلع اجيب لك عبايه
لاني ابغى عبايتي
ساميا ابتسمت وهي متأكده ما تطلع ريم الا نايف بوجهها : اوكي اطلعي
*
*
*
طلعت ريم وصادفت نايف بطريقها
كلمها بحزم : انت وين رايحه ؟؟؟
ريم بقهر مو وقته وقبل ما تتكلم
اشر لها نايف تعالي الرجال ينتظرك
ريم تبغى تعترض مسك يدها وسحبها خلفه
نايف بحزم : ادخلي الحين ييجي عناد
ريم هزت راسها ودخلت المجلس بهدوء
بعد ما ردت السلام
وجلست وهي توزع نظرها بين الموجودات
اول ما انفتح الباب
ناظرت ريم جهة الباب ثواني ونزلت راسها
وبنفسها حشى احسه طول الباب ما شفت وجهه
سمعت ام بندر ترحب بابنها : هلا وغلا
سلم على زوجتك يمه
*
*
*
*
ء
انتهى البارت
انتظروني دمتم بخير
تعليق
رايكم
تصويت للبارت
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!