الفصل 22 | من 55 فصل

رواية طفولتي المشتتة الفصل الثاني والعشرون 22 - بقلم ضاقت أنفاسي

المشاهدات
16
كلمة
31,611
وقت القراءة
159 د
التقدم في الرواية 40%
حجم الخط: 18


بعدت عن بيت عمي وقفت بحيره وين اروح بعد ما طردني خالد ؟؟؟؟؟؟
صح غلطت بحقه بس المفروض ما يطردني
مو بالاسلوب هذا
وكاني شي مقزز
اسلوبه جرحني
كان بعيني قدوة افتخر فيه وبأخلاقه الجميله
ليه يعمل كذا ليه
غمضت عيوني بألم وكبريائي مجروح
ما في غيره جدي يوقف
معي
ويخلي خالد ييجي يرجعني بنفسه
ويرد لي كرامتي للي اهانها قدام الجميع
شديت على قبضه يدي بقهر بقله حيله ما ادري
كيف اوصف لكم مشاعري
توجهت لبيت جدي
دخلت البيت وكانت جدتي واقفه باستقبالي
اكيد صار واصلها الخبر
كانت تردح وتتكلم
بس ما فهمت شي من للي قالته ولا استوعبت
شي ما لي خلقها
طنشتها وتوجهت للغرفه وقفلت الباب بالمفتاح
رميت العباية والشيله على الارض بعنف
وتوجهت لباب البلكونة وقفلته حتى ما يدخل منه
صقر
ابغى اجلس مع نفسي
رميت نفسي على السرير استذكر الاحداث
ودموعي نازله على خدودي

*
*
*
*
*
*
فيصل : خالد انزل جيب ريم وبلا فضايح
خالد ببرود : رجاء يبه هذا القرار راجع لي
بعد ما تولد ارسل لها ورقه الطلاق
فيصل بقهر : انت انجنيت ؟؟؟
تطلق بنت عمك ؟!!
خالد ببرود : لا اول واحد ولا اخر واحد يطلق بنت
عمه
وبقهر
خلاص لكل شي حد وانا لهنا كافي ما اقدر اتحمل اكثر
رجاء يبه لا تفتح معي السيره
والا قسم اهج من المنطقه
ام خالد : خلاص لا تهج حنا طالعين ارتاح شوي
وفكر زين
لا تنسى اذا ظلمتها بالطلاق اخواتك باكر
يصيبهن نفس الشي ويرجعنوا مطلقات
قاطعهاخالد وهو يكتم عصبيته : اذا عملوا مثل ريم
انا اول مشجع انهنم يطلقون
قاطعه فيصل : خلاص سكروا الموضوع وان شاء الله
يصير خير
*
*
*
*
الجده : مو راضية تفتح ولا ترد علينا
ام خالد : الله يهديها ملسونه خربت بيتها
بسبب لسانها الطويل
هيفاء بشماته : خلها تستاهل بنت ساره
متى ييجي اليوم للي اكحل فيه عيوني وانا اناظر ورقه الطلاق
قاطعها دخول ريم بثقه : قريب ان شاء الله
تكحلي عيونك فيها
كملي خيرك واعطيه وحده من بناتك تعرفين
صعب يلاقي الحين
لانه ارمل ومطلق وعنده عيال
وبنبره استهزاء : تكسبين فيه اجر
هيفاء بعصبية: حطي لسانك بحلقك ما نلوم
خالد يوم قرر يطلق
ناظرتها ريم بلامبالاه : يوم المنى طلاقي
وحطي براسك اني انا اختلقت هذي المشكله
علشان اضغط عليه ويطلقني
ام خالد تضايقت من كلام ريم : الف وحده تتمنى
خالد اما انت يا حسره مين رح يقبل
فيك مطلقه مرتين وعندها
عيال الله لا يبلانا
الجده بعصبية وهي تطالع ريم : غيرك يتمنى خالد وانت اجت لعندك هذي النعمه ورفستيها
ريم بدون اهتمام : اقول يا ام سلوم ترى ما لي خلقك
يستر عليك غيري الموضوع
الجده تضرب كفوف يدها ببعضها : انت ما منك
فايده
وناظرتها بجديه : جدك اتصل عليك ؟؟
ريم طنشت وقعدت تطقطق بالجوال ولا هامها
شي
هيفاء وهي تفتح عيونها بعصبيه : امي تكلمك
يا قليله الحيا
ريم تطقطق ومطنشه
ام خالد وقفت : ارجع عالبيت احسن من مقابله
هالملسونه
طلعت ام خالد بهدوء
الجده بقهر : جدك راجع باكر علشان يحل المشكلة
ما ادري متى تعقلين ؟؟؟؟
ريم بلامبالاه : رح اعقل لما تبطلين تلونين وجهك
بألوان الطيف
الجده بعصبية : ريم
وقفت ريم بضجر : افففففف ما تخلون الواحد
يرتاح بالجلسه
وطلعت من المكان
الجده بقهر : شفتي شفتي بنت اخوك !!!
هيفاء وبدت تشتغل شغلها : ما ادري ليه تستقبلينها
كان طردتيها عند اهل امها هم ادبر بها
الجده طالعت هيفاء ولوت بوزها : ودك توقعيني بالمشاكل ؟؟!!
خلها منطقه فوق هي الخسرانه
هيفاء باستغراب : شفتي يمه ولا مهتمه
مين يصدق انها نفسها للي طردها زوجها قبل
ساعات
مو مهتمه ولا على بالها
لو انا احبس نفسي اسبوع ما اكلم احد
مثل ذي البنت ما شفت بقوه عين طالعه وترادد
زفرت بضيق الجده : الله يهديها
*
*
*
*
*
*
سلطان بهدوء : كلمتيها ؟؟؟
ام بدر : كلمتها وقالت لي السالفه
وقلت لها انها غلطانه المفروض ما قالت عن عياله كذا
قهرتني تقول عادي مو مهتمه بالموضوع ابد
طيب انت كلمت خالد
سلطان زفر بضيق : كلمت خالد المشكله انه رفض يفتح الموضوع
يقول اذا ودك تفتح الموضوع انا قايم
معند عالاخير ومصمم انه توصلها ورقه الطلاق
بعد الولاده
ام بدر بضيق : طيب ما قلت له عن ابنه يعيش
مشرد ؟؟؟
سلطان : مو مهتم لريم ابد يقول يعيش مثل اخوانه بدون ام ما رح ينقصه شي
تصدقين احس كره ريم باين من عيونه مو طايقها
ولا طايق سيرتها
ام بدر : لا حول ولا قوة إلا بالله
طيب ممكن حد عامل لهم سحر او عين او شي
يفرق بينهم
سلطان ناظرها بجديه : والله ما فرق بينهم غير
لسانها الطويل
الزوج له احترام ما ينفع معه طول اللسان والمرادده
يمكن يسكت مره ومرتين وثلاثة
بعدين يقرفها ويقرف سيرتها كل شي له حدود
ما انكر انه ريم اعتبرها مثل عيالي بس
بصراحه هي الغلطانه والغلط راكبها من راسها
لساسها
هزت ام بدر راسها بقله حيله

*
*
*
*
*
ثاني يوم رجع الجد واول ما وصل توجه
لغرفه ريم
دخل الغرفه بعد ما طرق الباب
وقفت ريم وطالعته بسعاده الحين رح تخبره
بكل شي
وتخليه يوقف معها وييجي خالد ويرجعها غصب عنه
ويرجع لها كرامتها
حتى ما حد يتشمت فيها
بس انصدمت بالكف للي حصلته
ناظرت جدها مو مستوعبه وهي حاطه يدها
على خدها بذهول
الجد بعصبيه : كذا تفضحينا عند ابن عمك
ريم بقهر بدون ما يسمع منها وقف بصف خالد : طيب بالاو
قاطعها الجد بحزم : ولا كلمه فاهمه
ريم بقهر : على الاقل اسمع مني على طول وقفت مع
خالد بدون ما تسمع مني !!
الجد بقهر : لاني اعرف خالد ما يغلط على احد
لو كان واحد ثاني من احفادي كان سمعت منك
اما خالد ما اسمح لك تتعدين حدودك معه
لاني عارفك ملسونه
وطالعها بجديه : وقسم بالله لولا انه رافض ارجعك
كان من شعرك سحبتك ورجعتك له
بس اكيد انه قرفانك رافض رفض قطعي انك ترجعين له
لولا انه فاض المر على المرار كان ما رفض
على كل حال انا رح احاول اقنعه يجلس معك
ويتفاهم
ويا ويلك اذ تقللينن ادبك
وبعدها طلع الجد وضرب الباب بقوه
جلست ريم مكانها على الارض بذهول
كلهم واقفين معه
شدت على شفتها بقهر
غريبه غريبه وطول عمري رح ابقى غريبه
عندهم
واخر اهتماماتهم
حتى ام بدر معهم
اكرههم كلهم اكرههم ما رح اسكت لهم
يحلمون انهم يكسروني او يذلوني
يسحبني من شعري ويرجعني له وكأني
خروف يجرونه
والله ما ارجع له ونشوف مين للي تمشي كلمته
وقسم بالله لاراقصهم مراقصه
واوقف لهم مثل الشوكه بحلقهم
والله لاخليهم يندمون وقولوا ريم ما قالت
وقفت ريم ومسحت دموعها وتوجهت للحمام
وهي ناويه ترجع ريم للي كانت بالابتدائي
لا تحترم لا كبير ولا صغير

*
*
*
*
*
الجد زفر بضيق وهو يفكر يمهد لموضوع ثاني : رافض يرجعها ومصمم على
الطلاق حاولت فيه وعجزت
الجده : انا اقول اتركوا الموضوع لفتره
وان شاء الله يطيح الحطب
الجد بهدوء : ان شاء الله
وناظر الجده بجديه : تراها هالريم تحمل من صفات
عماد كثير
الجده تذكرت عماد زفرت بضيق : آآآآآه يا عماد
نفسي اشوفه واحضنه
ونزلت دموعها
الجد بهدوء : ان شاء الله قريب تشوفينه
الجده ناظرته بعدم استيعاب : وش تقول ؟؟؟
والله حاسه ولدي عايش ما مات
بعد ما شفت اوراقه بالصدفه وانك ما قطعت له شهاده وفاه
الجد باستغراب عقد حواحبه : وش عرفك اني ما قطعت له شهاده
وفاه ؟؟؟!!
الجده ودموعها تنزل : بالصدفه من قبل اربع
سنين
بس ليه اخفيت علي ليه ليه
تنهد الجد : ما كنت ابغى اعطيك امل وبعدها
ينكسر قلبك
اكثر من 16 سنه وانا ادور عليه وما لقيت له
اثر
16 سنه وقلبي يحترق لشوفته
كنت اناظر ريم وكأني اشوف عماد
تعلقت فيها لاني كنت اشوفها بعيني عماد
مسح دمعه من عيونه
باكر ان شاء الله رح يوصل ومعه ابو سليمان
دخلت الجده بنوبه بكاء مو قادرة شوقها
ذبحها
لشوفه ابنها سنين انحرمت منه ما يلوموها
اذا كرهت عيله سالم لانه بسببها فقدت
ابنها
وقف الجد وصوته مهزوز : امسحي دمعك
وباكر ان شاء الله تكحلين عيونك بشوفته
الجده وصوتها مبحوح من البكاء : اعطيني اكلمه
ابرد شوي من شوقي له
الجد بهدوء : باكر ان شاء الله تشوفينه اطلعي لغرفتك ونامي وريحي نفسك
هزت راسها وطلعت ودموعها على خدودها
*
*
*
ثاني يوم
كان تجهيزات لوصول عماد والكل ملتهف
على رجعته
وريم ما نزلت من غرفتها مقهوره من جدها
وما معها خبر رجوع عماد

*
*
*

بعد المغرب
جالسه على السرير لابسه بيجاما بولو لونها
فوشي
وسرحانه بحياتها بعد ما زانت خربت
بلمح البصر
قطع افكارها دخول خالد الغرفه
رفعت ريم وناظرته واستغربت وجوده
بس طنشت ولا كأنه موجود
وقف قريب ناظر الغرفه وعفس ملامحه مو عاجبه الكركبه
بعدها ناظرها وبهدوء : عندي سؤال ابغى اسألك
إياه حتى ما اظلمك
طالعته ريم وكانت تشوف الكره بعيونه
وباين انه مو طايقها
كمل خالد : مين للي لعب بعقلك وطلب منك
تطلبين بيت مستقل ؟؟؟
قاطعته ريم بحده وبقهر كلهم ضدها : مو بزر حتى احد يلعب
بعقلي
اذا طالبت بحق من حقوقي معناه احد لعب بعقلي
خالد بحده : ودك تقنعيني انه هذا كلامك
ريم بقهر : ايوه هذا كلامي
خالد بهدوء : في سؤال حاب اسألك إياه
تقبلين انه عمي نايف ينبذك وما يهتم فيك
ويطلعك من بيته علشان زوجته تقبلين بهذا الوضع ؟؟؟!!
ناظرته ريم وابتسمت بألم
ونزلت راسها
كمل خالد : اكيد ما تقبلين على نفسك كذا
ليه تقبلينها لعيالي ليش؟؟
دخل الجد وكان يتكلم هو وخالد
بس ريم كانت سرحانه وتفكر ولا سمعت كلامهم
هي كانت منبوذه مو بس عند ابوها
عند كل العيله
كلهم نبذوها وكأنها شي مقرف
ما عاشت جو اسري مع ابوها
بالعكس كان يصبحها ويمسيها بطراق
كانت تنزل على المدرسه وتشوفهم مجتمعين
على سفره الفطور
وهي غريبه ما لها حق تجلس معهم
انحرمت من كل شي
ومع ذلك كملت حياتها وهي تضحك
ابوها حرمها من كل شي
وقبلت بالوضع غصب عنها
رفعت راسها على كلام خالد وهو يقول : عيالي
قاطعته ريم بقهر : عيالك عيالك وش يفرقون
عن الناس
وش يفرقون عن باقي العيال
تعاملهم وكأنهم ملوك
ممنوع حد يكلمهم ممنوع حد يضربهم
ممنوع حد يجرحهم بكلمه
كل اوامرهم منفذه
ليه وش يفرقون عن باقي العيال
كل هذا لانه ما عندهم ام
قاطعها خالد بحده : عيالي ما لك شغل فيهم
ريم بعصبية تقدمت من خالد : عساك تفقد
كانت ريم ودها تقول عساك تفقدني بس
قاطعها خالد وفكرها ودها تدعي على عياله وقبل ما تكمل باقي الكلمه مسك فكها بعصبيه : لا تكملي لا تكملي
وقسم بالله لو يصيب شي لعيالي ما تلومين الا نفسك
تفهمين
واعطاها نظرات ناريه وتركها
طالعته ريم بعصبية : اكرهك انت وعيالك اكرهكم لو تموت ما ارجع لك يا زفته
قاطعها كف على وجهها من جدها
طالعت ريم جدها بحقد
بسرعه تقرب خالد من الجد وابعده عن ريم : جدي
رجاء لا تمد يدك عليها
ريم وهي تردح : لا يا حنون
تقتل القتيل وتمشي بجنازته
علشان تظهر نفسك مسكين وطيب
وانت اخبث خلق الله
الجد وهو يحاول يفلت خالد عنه ويضرب ريم
خالد وهو مثبت جده : وقسم بالله اذا سمعت انك ضاربها يا جدي اني ازعل عليك
اتركها هذي لسانها متبري منها
وبعدها ناظر ريم : لا تفكرين جيت هنا ارجعك
وقسم بالله علشان جدي جيت اتفاهم معك
قلت يمكن حد لعب براسها
بس دامه تفكيرك نفس ما هو
ما تغير خليك هنا وبعد الولادة ارسل لك ورقه الطلاق
دخلنا بالمعروف نطلع بالمعروف
وناظر جده بحزم : اذا لي خاطر عندك لا تفتح لها
السيره خلاص موضوع انتهى ما له داعي نعيد
ونزيد فيه
الحين انا طالع مع الشباب نستقبل عمي عماد
ناظرت ريم باستغرااب وهمست : عماد
طلع خالد بهدوء
الجد طالع ريم : جهزي نفسك بعد العشاء
تنزلين تسلمين على عمك عماد
وبعدها طلع
جلست ريم مكانها وهي تردد بهمس : عماد عماد عماد هو سبب عذابي وتشتتي
كلهم كرهوني ونبذوني علشان عماد
اكرههههههههههه

غمضت عيوني وانا اتذكر كلام ام بدر

كان عماد مره طالع للسوق وللصدفه شاف
غاده
وتعلق فيها او بالاصح انبهر بجمالها
تابعها حتى عرف بنت مين
وتوصل لرقمها وصار يتواصل معها
وكانت غاده تظهر له انها مغرمه فيه
وطالت فتره العلاقه بينهم
وعشقها عماد لحد الجنون وقرر يخطبها
للي ما حسب حسابه عماد انه في عداوه
بين عيلته وعيله سالم من ايام جدودهم
رفض الجد يروح يخطبها له
بس عماد ما تخيل فكره انه تطير منه
قرر يروح بنفسه يخطبها
بعد ما راح يخطبها وكانت غاده قايله له
انه كل اهلها موافقين وينتظرون
حضوره لكنه
انصعق لما راح يخطبها وما استقبلوه اهل سالم
وخلوه مسخره بمجلسهم
انقهر وتضايق وطلع اتصل بغاده
وانصعق لما سمع منها انها كانت تتسلى معه
وهي اصلا مخطوبه
وعملت كذا علشان تتنتقم لجدودها منهم
بعدها انهار عماد وقرر يترك البلد
ويطلع وما يخلي حد يدري عنه الا صديقه محمد
وبعد كم يوم نقل محمد خبر وفاه عماد بمنطقه
بعيده
حتى اهله ما شافوه ولا استلموا جنازته
ووقتها تحجج محمد انه جسمه مشوه واضطروا يدفنوه

بس بالحقيقة
الشي للي كان ما حد يعرفه الا الجد وابو سليمان
للي خبرهم فيه محمد صديق عماد
بعد ما قرر يترك المكان طلب من محمد يتصل بأهله ويخبرهم بوفاته وهدد محمد اذا ما عمل كذا
رح يقتل نفسه
اضطر محمد يقول كذا بس عماد غافله
وسافر وهرب باسم مزيف
خبر محمد الجد وابو سليمان بالحقيقه ومن ذاك الوقت والجد وابو سليمان وابو زياد يبحثون عنه
واخفى الخبر عن باقي عياله
حتى ما يعطيهم امل
لكن بعد زواج ابو زياد من جوليا ومع الايام
كلمته عن شخص كان يعيش معهم بالريف
اول ما جاء صار له حادث وفقد الذاكره وكان اسمه جون
وعاش هناك بالمنطقه وكان يساعد الناس
ربط ابو زياد الاحداث ببعض وصار عنده امل
واتصل بالجد واخبره
وبعدها سافروا للمنطقه
ولما سألوا عنه قالوا له انه من شهرين
وقع عن ظهر تله ودخل المستشفى
اخذوا عنوان المستشفى ولما راحوا
تعرف عليه الجد وكان نفسه عماد
بس المشكلة انه من شهرين بغيبوبه
واضطر الجد وابو سليمان يبقون عنده
وخالد جلس عنده شهرين حتى يريح جده
بعدها بفتره صحي من الغيبوبه
ورجعت له الذاكره من اثر الضربه
والحين راجع بعد ما تشافى وصار وضعه الصحي ممتاز

*
*
*
كانت جالسه بالمجلس وتنتظر دخول عماد
نفسها تشوف الشخص للي دمر حياتها
كانت تحس بنظرات الحريم شماته فيها
وخاصه البنات بس طنشت وهي جالسة جنب
ام بدر للي ماسكه يدها تحسسها بالامان
بعد لحظات دخل الجد بابتسامة عريضة ومعه
فيصل المبسوط على الاخير
وخلفهم عماد وماسك بيده نايف
وخلفه حرمه ومعاها ولد تقريبا عمره 10سنوات
وخلفهم العيال

ناظرت ريم نايف والفرح باين بعيونه وهو يطالع عماد
تقدمت الجده بلهفه وسلمت على عماد وهي تحضنه ودموعها على خدودها
وتتحسس ملامح وجهه وكأنها تبغى تتأكد انه حقيقه
مو حلم للي قدامها وبعد فليم الاكشن للي عملته الجده سلم عماد على هيفاء للي
عملت فليم ثاني له
المهم سلم على حريم اخوانه من بعيد
واقتربوا البنات يسلمون عليه
ويعرفون بنفسهم
وعماد يناظرهم ومبسوط عليهم
كانت ريم جالسه وتناظر ولا كأنه شي يخصها
همست لها ام بدر : قومي سلمي على عمك
ريم بتأفف : ضروري !!
ام بدر بحنان : يا بانتي ما يصير الكل ينتظر لك الزله
قومي سلمي
كانت ريم ودها تسلم
بس لفت نظرها ابوها وجدها وفيصل يناظرونها
وعيونهم تبغى تاكلها لانها ما سلمت على عماد
ريم شافت البنات كملوا سلام وقفت ببطئ
وتوجهت لجهة عماد واستغربت
نظرات عماد لها يناظرها باشمئزاز
اقتربت منه وقبل ما تمد يدها سألها بقرف ؛ انت ريم ؟!!
انقهرت ريم منه وناظرته بتعالي ومدت يدها وسلمت برؤوس اصابعها
وبعدها سحبت يدها ومسحت يدها بمنديل
وكأنها قرفانه
ورجعت مكانها ولا كأنها عملت شي
انقهر عماد من تصرفها
ورجع وهو مقهور منها
ناظرها بحقد وللي قهره ماسكه الجوال وتطقطق فيه ولا كأنه احد موجود ما تحترم الموجودين
سكت وما قال شي
وصاروا يتكلمون والجده جالسه جنب عماد
وماسكه بيده خايفه يكون حلم وتسأل عماد عن حاله واحواله
والكل فرحانين بوجوده
الا ريم مو مهتمه ابد
بس كانت تسترق النظر لخالد وهو معطيها
طاف ولا كأنها موجوده
صقر ابتسم وناظر الشباب : اقول وش رايكم تطلعون خلي عمي يشوف البنات
سليمان : بعدين يشوفهم
فيصل : يالله يا شباب فارقوا المكان
نواف ابتسم : يالله يا شباب نطلع بكرامتنا احسن
ما يطردونا
ريم او لما سمعت كلمته رفعت راسها وناظرت نواف
وحست انه يقصدها انها مطروده
مع انه نواف قال الكلمه بدون
قصد
بس ريم صارت تحسس من هذي الكلمه
طلعوا الشباب وريم عيونها بالجوال
بعد ما طلعوا الشباب
فكوا البنات نقابهم واقتربوا من عمهم عماد
كانت ريم تناظرهم بملل
بس عقدت حواجبها لما سمعت عماد
يقول وهو يناظر نايف : ما لقيت تتزوج الا من ذي
العيله الفاسده
واشر على ريم
نايف طالع عماد : كل شي نصيب
انقهرت ريم من رده ليه ما يدافع عنها
ويقول هذي بنت البكر ما اسمح لك
ريم خط احمر ما اسمح لاحد يتجاوزه
ليه ما يعاملها مثل ما خالد يعامل عياله
اخذت نفس ما رح تنتظر حد يدافع عنها
هي رح تاخذ حقها بيدها وما رح تسمح لاحد
يكسرها طالعت عماد بحده : دامها هالعيله فاسده
ليه ذبحت نفسك علشان تتزوج بلنتهم
بس تدري والله انك خش رجال
يهج ويقطع اهله علشان بنت
وبسخريه
ما توقعتك كذا يالعاشق الولهان
الجد بعصبية : ريم
ام بدر همست لها : خلاص يا ريم اسكتي
نايف بحده : حطي لسانك بحلقك احسن لك
اصلا حنا ما يشرفنا انه يتزوج من اهل امك
لانهم حثاله
ناظرته ريم وهي رافعه حاجب : دامهم حثاله
ليه تتزوج ساره ودك تقول انتقام
ليه جبتوني على هذي الدنيا والا ذا من باب الانتقام ؟؟
عماد بحده : تراك ملسونه ما ادري كيف زوجتوها
لخالد والا المفروض ترموها على اهل امها خلهم يبلشون فيها
الظاهر انها ماخذه اخلاق خالاتها الله لا يبلانا ويستر علينا
ريم ببرود ظاهري : قول كذا لانهم رفضوك
وحركت حواجبها
وقف نايف بحده : قومي انقلعي من هنا
والله ما تجلسين هنا انقلعي على غرفتك
وحسابك بعدين على طول لسانك وعلى سالفه خالد
يصير خير
الجد : خلاص يا نايف وانت يا ريم خلاص اسكتي
واحترمي للي اكبر منك
وقفت ريم بغرور ورفعت حاجب وهي تناظر عماد : تراها غاده تزوجت زمان وعندها عيال
اذا تبغى تخطب بنتها علشان تتذكر حبك الاولي
بس اكيد رح يرفضوك لانك مو من مقام
اهل امي وما ينزلون مستواهم لواحد مراهق
قاطعها صراخ صقر : ريم بعدين معك ؟؟؟
طالعت ريم صقر باستهزاء : انتبه لا يطق لك
عرق وانت شاد على نفسك
هدي اعصابك
وسحبت نفسها وطلعت بهدوء

*
*
*
*
*
*
عماد بقهر : عاجبك كلام بانتك يا نايف ؟؟
نايف باحراج من اخوه : امسحها بوجهي
الجده مسكت يد عماد بمحبه : لا تهتم لها
هذي من صغرها ملسونه وما تحترم الاكبر
منها
بس كيف عرفتها ؟؟
زفر بضيق عماد : ابوي اعطاني كل اخباركم
ولما شفتها توقعت انها ريم تشبه
خالاتها
الجد بابتسامة : بالعكس احس انها تشبهك انت
يمكن لون عيونها مثل اهل امها
نايف : صحيح احسها يا عماد احيانا تشبهك كثير
وخاصه لما تغمض عيونها
فيصل : علشان كذا طالعه مزيونة مثلك يا عماد
عفس عماد ملامحه باشمئزاز : انا هذي تشبهني
حرام عليكم
والله ابغى اروح اعمل عمليات تجميل اغير شكلي
الجده بابتسامة : لا تحكم على البنت من الظاهر
تراها حبوبه وانا احب اجلس معها والله
انها تونس الواحد بسوالفها
بس مشكلتها ظروفها خلتها كذا
وحنا السبب
قاطعها نايف : خلاص يمه حنا مبسوطين برجوع
عماد
مو وقت تحليل شخصيات
عماد بكره : يبه الله يخليك ما ابغى اشوفها
بالبيت هالريم
الجد بتردد ما يبغى يخسر ابنه : بس انت تعرف
انه خالد وده يطلقها
عماد : ليه ما تسكن عند ابوها ؟؟
رجاء يبه مكان فيه ريم انا ما ابغى اسكنه
اختار انا او هي
صقر باعتراض : بس يا عماد ريم ما عملت لك
شي حتى تقول كذا
تراني ما ارضى عليها
الجد بهدوء : خلاص يا صقر
وبعدها طالع الجد نايف : خذ ابنتك عندك
من اليوم
صقر بقهر : بس يبه
قاطعه الجد : وحطبه
لا تتدخل فاهم
وناظر عماد : كذا ارتحت ؟؟
عماد ابتسم وهز راسه
كانت ريم واقفه خلف باب المجلس
كتمت عبرتها وطلعت من المكان
تحس الدنيا ضايقه فيها وين تروح
نفسها تختفي عن وجه الارض
وين تروح
مسحت دمعه نزلت غصب عنها
توجهت لغرفتها
وقررت تطلع بكرامتها
بس ما تدري وين تروح
تروح عند بيت ابوها
عضت على شفتها بعجز
يمكن بعد كم يوم يعترض عماد على وجودها
ويطردها ابوها
فكرت تطلع بكرامتها رح تترك المكان
وتروح لمكان ما حد يطردها منه
بس وين ؟؟؟؟؟

*
*
*
*
*
*
رجعوا الشباب وجلسوا بالمجلس
وكان يعم المكان الفرح والسرور
بعد مرور ساعات
وقف نايف : انا طالع انادي ريم علشان
تيجي معي
وتحاشى انه يناظر خالد
للي اغلب المجلس ناظر خالد
بس خالد طنش النظرات
طلع نايف من المجلس
سلطان بمحاوله اخيره : يا خالد انت الكبير وهي الصغيره
بعدها جاهله تحملها وعلمها الصح من الغلط
عماد بكره : والله حرام عليكم تظلمونه فيها
ليه خلصوا البنات حتى يتزوج ريم
طالع خالد نصيحه لا ترجعها هذي البنت نفس
اخوالها وانا اعرفهم اكثر شي
ناس خبيثين والحقد بقلبهم
طلقها وانت الربحان
صقر بقهر : عماد بدل ما تصلح بينهم !!
خالد ببرود : يا جماعه لا تتناقرون على موضوع بالنسبه لي منتهي
خلاص قفلوا السيره وبعد الولاده ارسل لها ورقه الطلاق
وانتهينا
سلطان بعصبية : يا برودك يا شيخ وانتهينا !!
بذي السهوله حرام عليك بنت بعدها صغيره
تصير مطلقه ومعها بزر
دمرتها ودمرت حياتها بعدها صغيره جاهل
وبهذا العمر
يطلق عليها مطلقه ومن وين من ابن عمها
حتى لو غلطت بحقك
ما توصل للطلاق عاقبها بس مو بالطريقه
ذي
زفر بضيق ومسح دمعه نزلت من عينه غصب
عنه وبصوت مخنوق : يالله يا ام بدر

عم الصمت المكان خلال دقايق
قطع الصمت دخول نايف للي ملامحه مخطوفه
الجد باستغراب طالع نايف: وش فيك ؟؟
نايف بشحوب : يبه ممكن شوي تيجي معي
الجد بخوف : وش فيه ؟؟ ريم صار لها شي ؟؟!!
نايف وملامحه باهته : تعال يبه انت وابو سليمان
وصقر وسلطان
قاطعه فيصل : وش فيه ؟؟؟
طلع نايف بدون ما يرد
طلع خلفه الجد وفيصل وابو سليمان وسلطان وصقر
دخلوا المكتب خلف نايف
الجد والخوف بقلبه : وش فيه تراك خرعتني ؟؟؟
نايف بهدوء : ريم مو موجوده
عم الصمت بالمكان لدقايق
ابو سليمان : تمزح معنا ؟؟ !!
نايف : وقت المزح الحين دورتها بكل البيت هنا وسألت الخدامه قالت انها
شافت ريم وهي طالعه
سلطان زفر بضيق : كله منكم ظلمتم هالبنت وضيقتوا الدنيا عليها
صقر بقهر : كله علشان ترضون عمادوووووو
وين نلقاها الحين وين ؟؟؟
نايف بقهر : صقر لا تلقي فوق راسي محاضرات ترى راسي مصدع
فيصل بضيق: الحين خلينا ندورها يمكن في بيتك
يا نايف او في بيتي ما تضمن
صقر : يمكن راحت عند امها
الجد : كل شي جايز الحين ندورها
وبعدين نشوف وش للي رح يصير

&
&
&
الجده باستغراب : وش فيهم تأخروا وما رجعوا ؟؟
هيفاء وهي تعلك : الله اعلم هالريم وش عامله
مشكله وقاعدين يحلونها
الجده لوت بوزها : خفي عالبنت يا هيفاء
خلاص كنت حاقده عليها علشان اخوك
وهذا اخوك رجع
وش تبغين بالبنت اتركيها بحالها
هيفاء مو عاجبها كلام امها : ناسيه انها بنت ساره
للي راقصتكم مراقصه
الجده : قلتيها بعظمه لسانك ساره وريم ما لها دخل
عماد : لا والله يمه نسيتي كادت المراه ان تلد
اباها او اخاها
اكيد طالعه لاهل سالم
ريان بغرور : بالعكس احسها نفس اخلاقك يا عمه
وخاصه لسانها
بس الفرق بينكم الشكل
هيفاء بعصبية : انت ما تحترم الاكبر منك
ما ادري على وش شايف نفسك !!
دايما تدافع عن هالملسونه هذا هي رح تتطلق
بعد الطلاق روح اخطبها
ريان بغرور : لي الشرف اناسب حفيده سالم
الجده بعصبية : انتم ما تستحون البنت على ذمه هذا
الرجال وتقولون هذا الكلام
وناظرت الجده خالد بعصبية : عاجبك هذا الكلام ؟؟؟؟
كان خالد علامات الضيق واضحه على ملامحه
وقبل ما يرد
قاطعهم دخول الجد والاعمام
وملامحهم ما تبشر بخير
الجده وقلبها قارصها : وش فيه ؟؟
جلس الجد ومسح وجه بعب والقى القنبله : ريم الجده بخوف : وش فيها ؟؟
صقر بعصبية : علشان يرضى عمادووووو
تركت البيت وهجت من المكان كله
عماد باستغراب : هجت وين ؟؟؟
سلطان بقهر : ما ندري
نواف : طيب يمكن رجعت لبيت عمي نايف
فيصل بضيق : دورنا بكل مكان هنا ما لها اثر
حتى الشغاله شافتها طالعه
نايف بقهر : الله ياخذها ويريحني منها
من لما شفتها وما جاتني غير المشاكل
وش هالفضيحه هذي
وشد على قبضه يده بقهر
عماد : والحل الحين ؟؟
وقف ريان ببرود : ضيعتوها والحين جايين تدورون عليها
انا لو مكانها زمان هجيت من عندكم
وبعدها طلع
الجده : ابنك هذا يا سلطان لسانه طويل
سلطان بدون نفس : الحين خلينا بريم واتركي
ريان على جنب
هيفاء : شوفوها عند امها ؟؟
فيصل بقهر : ودك نتصل فيهم ونسألهم ريم عندكم
ناقصنا فضايح
بدر : طيب اتصلتم على جوالها ؟؟
صقر بضجر : مقفل
هيفاء : والحل ؟؟ الوقت الحين متأخر وين انقلعت
؟؟؟
سامر : يا جماعه الخير اكيد عند اهل امها راحت
سامي : بلغوا الشرطه
فيصل بعصبية : اسكت ناقصنا فضايح
الجد بحزم يناظر الشباب : اطلعوا دوروا عليها
يمكن تلاقوها
وبعصبيه يالله وش تتنتظرون
طلعوا الشباب بهدوء
صقر بعصبية يناظر خالد : تراها على ذمتك بعدها
قوم شوف وين انقلعت
خالد بحده : تعال اعطيني كم طراق
ناظره صقر بقهر وطلع

*
*
*

ب

عد ما رجعوا الحريم على البيت
كان الاعمام مجتمعين على اعصابهم بالمجلس
مو عارفين وين يدورون
سليمان بتفكير ناظر اعمامه : طيب ممكن راحت عند زياد
صقر كش ملامحه : كيف تروح وهي ما تعرف بيتهم ؟؟
نواف : يمكن اتصلت عليه وجاء اخذها
خالد بحده : ممكن تفكرون بعقل وبدون غباء ناسي انت وهو
انه مسافر شهر عسل
نواف ضرب جبهته : نسيت والله
فجأة رن جوال نايف
رفعه بدون نفس : نعم .......وش تقولين ؟؟؟ ......متأكده .......طيب انا الحين جاي .....سلام
الجد بترقب : وش فيه ؟؟؟
نايف براحه : ام سيف تقول لما رجعت
قالت لها الشغاله انه ريم بالبيت بغرفتها القديمه
صقر بقهر وقف : مو قلت انك دورت عليها بكل البيت وما لقيتها
نايف ناظر صقر لثواني وحك راسه وهو مغمض عين وابتسم شبح ابتسامه : بس هذي الغرفه ما دخلتها واستبعدت
الفكره لانها فاضيه وما فيها اثاث اصلا
سلطان بقهر : طيب ليه ما سألت الخدم ؟؟
نايف وحاس حاله بتحقيق: ما فكرت اسأل الخدم دامني بحثت بالبيت
كله حسيت ما له داعي اسأل واعمل فضايح
فيصل بقهر : كله بسببك حرقت اعصابنا
وبتفكير
بس غريب ليه راحت بيتك ؟؟
صقر بقهر : اكيد سمعت كلام ابوي وعماد
لما قرروا يطردوها من هالبيت
الجد بحزم : لا تحرف الكلام انا ما طردت احد
عماد باستغراب : طيب هي دام انه خالد طردها ليه
ما راحت على بيتك يا نايف ليه جاءت هنا !!
وقف نايف ينهي النقاش : يالله انا استأذن
بعدها طلع وتفرق الجميع
وبعض الاسئله تدور بعقول بعضهم ......

&
&
&
&
&
دخل الغرفه بهدوء وناظرها منزويه بالزاويه
ومتكوره على نفسها
منظرها يكسر الخاطر
اقترب منها وجلس ركبه ونص وهزها على الخفيف
: ريم ريم
رفعت راسها بشويش والنوم مسيطر عليها
رجعت وغمضت عيونها
هزها من جديد : ريم ريم
رفعت راسها وعفست ملامحها وبعدها ناظرت المكان
وناظرت نايف وعقدت حواجبها
نايف بألم لما شافها كذا بس غروره ما يسمح له : ليه نايمه هنا ؟؟
ريم بصوت ناعس : ابغى انام
وقفها نايف وسحبها معه للحمام
غسل وجهها حتى تصحصح
وبعدها طلع من الحمام : تعالي على غرفتك
ريم سحبت يدها منه بكره : ما رح اطلع من هذي الغرفه
نايف عقد حواجبها : الغرفه فاضيه وين تنامين ؟؟
ريم بعناد : مو طالعه من هذي الغرفه حط فيها سرير مثل زمان وانتهينا
طالعها وحس بنغزه بقلبه كيف طاوع قلبه
وحطها بذي الغرفه ايام طفولتها : ريم
قاطعته ريم برجاء : اتركني براحتي
وناظرته برجاء
ناظرها نايف لثواني : براحتك انتظري شوي
اخليهم يجهزونها لك
وبعدها طلع
توجهت ريم للشباك وهي تتذكر طفولتها هنا
ارخت راسها على قزاز الشباك
وهي متأكده من قرارها
هذي الغرفه للي احتوتها لما تخلى عنها الجميع بطفولتها
ما لها الا هذي الغرفه تحس انها ملك لها وما حد
يقدر يطردها منها

زفرت بضيق وهي تحس بداخلها ضياع
لكن خلاص قررت تقضي باقي حياتها بذي الغرفه
وتربي ابنها بعيد عن هذا العالم الحقود

*
*
*
*
بالصاله واقفه وتناظره : ليه ترد عليها ؟؟؟
نايف رفع نظره للسقف وبعدها ناظرها وهو يزفر بضيق : تعرفين عنادها وانا ما حبيت اعاندها
لاني اخاف اتهور وافقد اعصابي واعطيها كم طراق ولا تنسين البنت حامل
وبعدين هي بكيفها خلها تنطق بالغرفه
وناظرها بحزم لا تنسين انا قلت لك من قبل ما لك
شغل فيها وناظرها بحزم
ساميا بضجر من كلامه : لا تخاف ما نسيت
وسحبت نفسها وتوجهت لجناحها
جلس نايف وزفر بضيق ويحس الالم ذبحه
وهو يشوف ريم
صغيره على هذا الحمل وفوق هذا رح تكون مطلقه وهي بعدها بعمر صغير
غمض عيونه وطلع يشوف تجهيزات غرفه ريم

*
*
*
*
*
صحيت الصبح وهي عافسه ملامحها وتناظر
المكان
بعدها استوعبت المكان
وتذكرت صلاه الفجر وبسرعه قامت توجهت
للحمام علشان تلحق الصلاه
بعد ما صلت وجلست تستغفر بعد الصلاه
وتناظر الغرفه عاشت فيها خمس سنين
تحسها من املاكها
خلاص تبغى تبعد عن الناس ما تبغى تختلط
باحد ولا تشوف احد
ترجع لايام الطفوله وتكمل حياتها وحيده
تكره اهل ابوها كلهم تكرههم
وقفوا ضدها ولا احد وقف معها
مستحيل تدخل بيت جدها بعد ما طردها منه
مستحيل
ما توقعت جدها خبيث لذي الدرجه
تركها بالوقت للي احتاجته
طلعت منها شهقه غصب عنها
ما لقت احد يوقف بصفها
الكل يناظرها بشماته
عضت على شفتها بألم
مجروحه من هذا العالم
كل ما تقول رح تنسى احزانها
يطلع لها جرح جديد
رفعت يدها وهي تدعي ربها انه يكون هذا
اخر احزانها
مر على جلوسها اكثر من ساعه والافكار متلاطمه
في عقلها
قاطعها دخول الشغالة بعد ما طرقت الباب : بابا يبغى انت انزل فطور
لفت ريم وجهها ورجعت تناظر من الشباك
وبصوت مخنوق : الحين انزل
ما رح تتهتم لوجودهم رح تتخيل نفسها بمطعم تنزل تاكل وترجع لغرفتها
وكأنها بفندق
هذي حياتها الجديده رح تكون

*
*
*
*
كانت تغصب نفسها على الاكل علشان للي في
بطنها
والا كان ما ذاقت الاكل بس مضطره
ما انتبهت لاهتمام نايف بعياله لانه ما عاد
يهمها خلاص كبرت عن هذي السخافات
هذي السخافات للي كانت امنيه من امنياتها
انه حد يهتم فيها
لكن الحين خلاص صارت بنظرها سخافات
تحس كل الدنيا سخيفه
ما تستحق تتضايق علشانها
كل الحين يهمها سلامه الجنين
كملت فطور وطلعت بهدوء لغرفتها مثل ما دخلت
*
*
*
*
نايف
استغربت لما شفتها نازله على على الفطور
توقعت انها تعاند
كانت لابسه بلوزه كحلي باكمام طويله
وبنطلون جزره
مو باين عليها الحمل ابد ابد
ومجمعه شعرها بالكماشه ونازله كم خصله من
شعرها
زايده جمالها
احسها كبرت عن قبل
جلست على السفره حتى السلام ما ردت علينا
ولا تكلمت
كملت فطور وطلعت بهدوء
سكتت وما حبيت اتكلم يمكن متضايقة
ما ابغى اضغط عليها
ناظرت ساميا بهدوء : ترى الغداء اليوم في بيت ابوي للجميع
ابتسمت سلمى ولينا لانهم رح يجتمعون مع بنات
عمهم
*
*
*
*
*
*
بعد الظهر

دخل نايف غرفتها بعد ما طرق الباب
وناظرها جالسه على الكرسي عند الشباك وتناظر
خارج الشباك
نايف بهدوء : يالله جهزي نفسك الغداء في بيت ابوي
ناظرته وبصوت هامس : ما ابغى اروح
نايف بحده : وليه ان شاء الله ؟؟
ريم بنفس الهمس : بيت انطردت منه مستحيل
ادخله
ولفت وجهها لجهة الشباك
طالعها نايف بقهر : بقلعتك
يا ام الكرامه عمرك ما رحتي ان شاء الله
وطلع وصفق الباب بقوه
زفرت ريم بقهر ورجعت تناظر خارج الشباك
بهدوء

*
*
*

بعد الغداء
الجده بتذكر : وين ريم ليه ما اجت معكم ؟؟
ساميا : ما رضيت تيجي
الجده عقدت حواجبها : ليه ان شاء الله؟؟
ساميا بهدوء : ما ادري
هيفاء : احسن ارتحنا من خشتها
ام سليمان : اقول يا ام خالد مو ناوي خالد يرجعها
سديم بفرح : والله يا خالتي فرصه جاءت لعنده
يتخلص منها
لو تشوفينه ما يطيق سيرتها
ام خالد بحده : سديم
بعدها طالعت ام سليمان : لا تردين على سديم
تراها تبالغ
تعرفين كل ازواج يصير بدايه زواجهم مشاكل
هيفاء ترفع حاجب : على حساب مو عاجبيتك ريم
وكنت تبغين تزوجين خالد
قاطعتها ام خالد بحزن : ما رح تفهمين قصدي
الجده : خلاص غيروا السيره ما نبغى مشاكل
وبلا فضايح قدام هذي الحرمه واشرت على زوجه
عماد
ام سليمان : هذي ما تفهم عربي ابد
ما ادري كيف تفهمون عليها
ام خالد بفخر : قولي وش ودك تقولين لها وانا
اكلمها ودقت بيدها على صدرها
خبره بلغه الاجانب
ام سليمان بلقافه : إسأليها كم كان عمرها لما تزوجت عماد ؟؟
الجده : وش تبغين بعمرها ؟؟
ام سليمان ضحكت : ههههه لقافه
ام خالد : الله يعيني على لقافتك
وناظرت زوجه عماد للي كانت تناظرهم باستغراب
مو فاهمه شي ابد
وقعدوا الحريم وفتحوا معها تحقيق والمشكله انه
ام خالد بعض المصطلحات العاميه ما لقت
كلمات بالاجنبي تسعفها
استخدموا الاشارات
كانت اشكالهم مضحكه وهم فاتحين تحقيق معها

*
*
*
*
*
الجد يهمس لنايف بزعل : ليه ما جبت ريم معك ؟؟
نايف بنفس الهمس : رفضت تيجي
تقول بيت انطردت منه ما رح تدخله
الجد هز راسه بتفهم : اكيد سمعت كلامنا
مشكلتها عنيده هالبنت
هز نايف راسه مؤيد لكلام ابوه
مر الوقت وجميعهم مبسوطين وفرحانين
بعد ما التم شملهم تقريبا
ما ينقصهم الا الهنوف

*
*
*
بعد العشاء واقفين قريب من الباب
ناظر نايف : هذي غرفتها ليه منعزله عن باقي الغرف
نايف : اففف يا اخي انت ودك تفتح تحقيق ؟؟؟ عجزت
فيها هالبنت عنيده وما تبغى الا ذي الغرفه
وطالعه بنغزه
زي بعض ناس بالعناد
ضرب على كتفه : حسابك بعدين يالله فارق
نايف باستغراب : نفسي اعرف وش للي في راسك ؟؟؟
رد بابتسامة : روح من هنا ولا تضيع وقتي معك
ابتسم نايف وترك المكان
ناظر باب الغرفه واخذ نفس وطرق الباب
بهدوء
ما سمع جواب
طرق مره ثانيه وما سمع جواب
فكر انها نايمه
انتظر دقايق وبعدها طرق الباب وما في جواب
قرر يفتح الباب ويدخل
دخل الغرفه وطالع الغرفه وهو معقد حواجبه
غرفه صغيره حيل
فيها سرير خشبي وكبت
طالع عند الشباك شافها
جالسه عند الشباك وتناظر للخارج
استغرب تصرفها
يعني سمعت طرق الباب وما كلفت نفسها
ترد عليه
اقترب منها بهدوء
وجلس ركبه ونص ومسك يدها
ما كلفت نفسها تناظره
كان نظرها مثبت لجهة الشباك وتناظر للبعيد
رفع يده وحرك وجهها لجهته وبهدوء : طالعيني
رمقته بنظرة كره وحقد
ابتسم على نظراتها : لا لا ما توقعت تستقبليني كذا بذي النظرات
ناظرته باشمئزاز ورجعت تطالع من الشباك
ضحك : اموت على الثقيل يا ناس
وباسها على خدها
رفعت يدها ومسحت خدها بقرف
ابتسم على حركتها
شد على يدها وبهدوء : وش فيك زعلانه
حتى الغداء ما حضرتيه
ما ردت عليه
ابتسم : ما اصدق انت نفسك للي البارحه
كان لسانك وش طوله وتراددين
لا لا ما اصدق اكيد بدلوك
وبمرح وهو ماسك يدها : ليه يدك صغيره
كذا ؟؟؟
وطالع يدها وهو يحرك اصابعها
كان يتكلم وكأنه يكلم جدار
تنرفز من تطنيشها : ريم وبعدين ؟؟؟
ردي علي
وبمرح خذي هذا المنديل مسحي يدينك
لاني مسكت يدك
حرك وجهها لجهته وناظرها : زعلانه لاني قلت لابوي
يطلعك من البيت ؟؟؟
ما ردت عليه
رد بندم : لا تلوميني انا طبعي كذا انفعل ببدايه الامر اول ما شفتك تذكرت غاده الزفته
عشان كذا انفعلت
هذي مشكلتي اذا انفعلت
اتخذ قرارات واجراءات غلط ومتهوره
وبعد وقت قصير اندم وارجع لصوابي
ما دمر حياتي الا تهوري واندفاعي
ولما رجعت لصوابي فات الوقت وضيعت مستقبلي
وبرجاء
لا تزعلين علي
انت ما تعرفيني اسألي امي وابوي واخواني
معروف طبعي هذا
دايما متهور واعصب بدايه الامر وبعدها ارجع
واتندم
صدقيني ما كان قصدي تنطردين
لا تزعلين على ابوي لانه وافق انك تروحين عند
نايف لانه يعرف طبعي
بعد يوم رح اطلب منك ترجعين
هذا طبعي ما تاخذين بخاطرك علي
طالعته ريم ببرود ولا كأنه حد يكلمها
ورجعت تناظر من الشباك
شد على يدها رح ترضين غصب عنك
ما اطيق اشوف احد زعلان مني
وش رايك نطلع الحين نغير جو
وبعدها ضحك : هههههه قولي انك زعلانه لانه
حبيب القلب خالد زعلان عليك
طنشته ريم وما ردت عليه
عماد بنبره صادقه : اذا تبغين اخليه ييجي
ويتأسف لك قدام الكل
ما ردت عليه
تنهد وناظرها الحين انا طالع وما
رح اتركك حتى ينزل الحطب للي في راسك
باسها على راسها وطلع
*
*
يوم السبت
نزلت الصبح بهدوء وتوجهت لصاله الطعام
وجلست بهدوء
بدون سلام ولا كلام
ناظرها نايف مو عاجبه طريقتها بس سكت
تناولت فطورها بهدوء وكأنها بعالمها الخاص
كملت فطور وبهمس : مين يرسلني للمدرسه ؟؟؟
نايف ناظرها ورجع يفطر : انتظري ارسلك مع اخواتك
طلعت تنتظره بالصاله الخارجيه بهدوء
اكمل فطور وبعدها التفت لسلمى وابتسم : كملتي يا بابا ؟؟
وقفت سلمى بابتسامة ناعمه : كملت
وقفت لينا بمرح : وانا كمان
سيف مد بوزه : انتظروا شوي
ضحك نايف عليه وطالعه : انا بالصاله انتظرك يا بطل
طلع نايف للصاله وشافها جالسه على الكنبه
وحاطه يدها تحت خدها وسرحانه
ناداها بهدوء : ريم
رفعت له راسها بهدوء
نايف بهدوء : اخذتي مصروفك ؟؟
ناظرته نظرات ما فهمها وبصوت هامس يا
دوب قدر يسمعه : ما ابغى
اقترب نايف منها بهدوء : كم تبغين ؟؟
ناظرته بقهر مو محتاجه فلوسه ما تبغى فلوس
حرمها من كل شي والحين جاي
يتكرم عليها بالفلوس وبهمس : ما ابغى قلت لك
انقهر نايف منها وناظرها بعصبيه : شرفي قدامي على السياره
وقفت ريم بهدوء وطلعت وهي تحس
انها عايشه جسد بدون روح
تحس روحها ماتت
طرد جدها لها جرحها جرح كبيييييير
كانت تحسه سندها وفجأة يتحول ضدها
وبعدها يطردها
كانت صعبه عليها كثير ما قدرت تتحمل الصدمه

*
*
*

* جالسه مع البنات وتسمع سوالفهم
ميرا بحماس : مو مصدقه متى ييجي المغرب واطلع معه
ناظرتها ليان باستغراب : ما تخافين اهلك يكشفونك ؟؟
ميرا : هذي امنيتي يكشوفوني حتى احط راسهم بالتراب
طول وقتهم منشغلين عني خلهم يعرفون انه لنا حق عليهم
ليان : حتى لو صدقيني للي تعمليه غلط
ميرا بدون اهتمام : خلي حفلاتهم وشركاتهم
تنفعهم
كانت ريم تفكر بكلامها هذا الطريق للي تنتقم
من نايف وجدها وفيصل وعماد وخالد وكلهم
تحط راسهم بالارض
تخلي عيونهم بالارض ما يقدرون يطالعون الناس
بعد الفضيحه
وما يهمها وش يعملون فيها
حتى لو قتلوها ترتاح من هالدنيا
بس لاخر لحظه طردت كل الافكار من راسها
وهي تتذكر عذاب الله
مو مستعده حتى تنتقم منهم تخسر دينها
بالرغم انها مو ملتزمه وعاشت في بيت اهل امها
وعندهم كل شي فري
بس ما فكرت تمشي بهذا الطريق تحس نفسها
غاليه مو رخيصه تبيعها لاي شخص من الشارع
هي ارفع من كذا بكثير
وقفت وتركت البنات وهي ناويه تنفذ للي في بالها تترك المدرسه

&
&
&
&
&
مر شهر على وجودها في بيت ابوها
خلال هذا الشهر قدمت للاداره انها تدرس منازل
ما تبغى تروح المدرسه ما تبغى تشوف
احد
صارت بارده بشكل كبير من اثر الصدمه ما تتكلم مع احد
وقت الغداء تنزل تتغدى وبعدها تطلع على غرفتها
وما تطلع منها
كل يوم عماد عندها ويسولف لها وهي ساكته
ما تتكلم
ويحاول يرجعها لطبيعتها مثل ما سمع عن مرحها
بس ما في فايده
رجعت لسجن الطفوله
السجن للي احتواها بكل احزانها وآلامها
زارتها ام بدر و جدتها وام خالد بس رفضت ريم
تطلع لهم
وصل لها خالد عن طريق امه علشان تروح لموعد الدكتوره
بس ريم خبرت ساميا برفضها
نايف مو عاجبه حياتها بس ساكت علشان الحمل
ساميا ما تتدخل فيها
ولا اخواتها يختلطون فيها ولا حتى سيف

كانت على جلستها عند الشباك كالعاده
دخل نايف وهز راسه مو عاجبه وضعها : ريم
ناظرته بهدوء
نايف زفر بضيق : اسمعي بعد ساعه كوني جاهزه
طالعين على المزرعة
وقبل ما ترفضين رح تروحين غصب عنك لانه ما في
احد بالبيت وما رح اتركك لوحدك
فرجاء تجنبي عصبيتي وكوني جاهزه
جهزي اغراض ليومين تقريبا
وبعدها طلع قبل ما يسمع ردها
رجعت تطالع من الشباك ببرود

*
*
*
*
*
بعد ساعه
ركبت بالسياره جنب اخواتها من جهة الشباك
خلف ابوها
وهي مغطيه وجهها ما تبغى تشوف احد
حرك نايف السياره
وكانت السياره تضج بضحكات سلمى وسيف
ولينا ونايف
وريم بعالمها الخاص حاطه راسها على قزاز الشباك
ومغمضه عيونها
وقف نايف عند البقاله ونزل
راسه مصدع من طلبات عياله
بعدها رجع وهو يمشي مع عماد و صقر وخالد
ويضحكون
فتح باب السياره وحط الاغراض : خذوا الاغراض
وقسموهم بينكم
وسكر الباب ورجع يكلم صقر وخالد وعماد
فتحوا الاكياس وقسموا الاغراض بينهم
ساميا ناظرت الاغراض وبعدها التفتت على عيالها: اعطوا ريم
سيف : ذول حقتي ما لي دخل
لينا : ولا انا ذول لي
سلمى بتردد : خذي يا ريم ومدت لريم تاخذ من الاشياء للي معها
بس ريم ما ردت عليها
ولا كأنها اختهم قسموا الاغراض على بعضهم
وهي غريبه عنهم
يتصدقون عليها
ناظرت عماد بكره هو سبب عذابها ومعاناتها
ساميا بهدوء : ريم خذي من سلمى
طنشتها ريم وما ردت
فتح صقر الباب وابتسم : اخباركم يا عيال اخوي ؟؟
لينا : بخير
صقر ناظر سلمى : اخبارك يا نعومه ؟؟؟
سلمى بصوت ناعم : الحمد لله بخير
اخبارك انت ؟؟
صقر ابتسم بخير
سيف مد بوزه : ليه ما سألتني ؟؟
ضحك صقر : اخبارك يا سيف ؟؟
ابتسم سيف : بخير
صقر ناظر ريم : اخبارك يا مطوعه اشوفك حاطه العمامه اليوم ومتغطيه !!
وش صاير بالدنيا ؟؟
طنشته ريم وهي نفس الوضعيه حاطه راسها على قزاز الشباك
صقر بابتسامة : يا حلو اعطينا وجه !!
وبعدها ناظر سلمى ولينا : وش فيها ريم ؟؟
لينا باندفاع : هذي من يوم ما جاءت عندنا
ما تتكلم وساكته
سيف ببراءه : يمكن تكون خرساء
صقر : اسكت بلا خرساء
وقف عماد وابتسم : وش فيه ؟؟؟
وبعدها طالع جهة ريم : اخبارك يا حلوه ؟؟؟
ما ردت عليه
عماد ناظر صقر وابتسم : يعني علشان
الاستاذ خالد ما تكلمينا
وناظر خالد للي واقف قريب مع نايف : تعال كلمها
خلها تنفك عقدتها
وناظر ريم وغمز لها : الحين اخليه ييجي
وتتكلمين غصب عنك
ونادى بصوت عالي : خالد خالد تعال
ناظره خالد وطنشه ورجع لسيارته
عماد فتح عيونه : وقسم بالله ما تستحون على
حالكم الاثنين
اما عمكم ومطنشيني
صقر دفعه : روح روح تأخرت على زوجتك للي
ما ادري وش اسمها
والا ابنك المتخلف روح الله لا يبلانا
ضربه عماد على راسه : من حرتك
وقف نايف عند صقر وش فيه ؟؟
صقر ابتسم : ولا شي
وبعدها توجه صقر وعماد لسياراتهم
ركب نايف السياره ناظر عياله : تبغون شي قبل ما احرك ؟؟
سيف بحماس : لا ما نبغى شي يالله بابا
اسبقهم
ضحك نايف على حماس سيف وبعدها
حرك بهدوء

*
*
*
*
*
*
وصل نايف للمزرعه وقف السياره
ونزل سيف بحماس
وبعده سلمى ولينا وساميا ومعها محمد
اخذت ريم نفس
ونزلت بهدوء ووقفت ما تدري وين تروح اول مره
تييجي هنا
مشت خلف ساميا وعيونها بالارض ما تبغى تشوف
احد مو طايقه احد
دخلوا تحت انظار صقر وخالد للي واقفين
جنب بعض
صقر ناظر ريم وبعدها ناظر خالد : خالد
لا تلومها على غلطها انت ما تعرف
قاطعه خالد باشمئزاز : ولا ابغى اعرف
وتركه وراح لسيارته
ياخذ اغراضه
دخلت ساميا وناظرت ريم وحست فيها
مسكت يدها تعالي ادلك على الغرفه
اخذتها على غرفه
دخلت ريم معها
ساميا بهدوء : هذا سرير سلمى وهذا للينا
وهذا لك
خذي راحتك ما حد يدخل من العيال بهذا المكان
وبعدها طلعت ساميا
جلست ريم على السرير بتعب
من المشوار وتحس مع الايام يزيد تعبها

بعد ما ارتاحت توجهت للحمام اخذت دش
ولبست تايد اسود وبلوزه طويله ماسكه من الصدر وبعدها وسيعه لنص الفخذ
لونها وردي ماسكه على جسمها باكمام طويله
وعملت شعرها جدوله
وصلت الظهر وبعدها
رمت نفسها على السرير ترتاح من المشوار
دخلت سلمى ولينا
لينا اول ما شافت ريم لوت بوزها
طنشتها ريم وغمضت عيونها تبغى تنام
ما لها خلق احد
*
*
*
*
صحيت ريم على صوت ام بدر
فتحت عيونها بهدوء
ام بدر بحنيه : قومي يا امي تغدي
ريم بصوت ناعس : كم الساعه ؟؟
ام بدر بابتسامة كلها حنان : قريب العصر
جلست ريم ببرود
ام بدر : لا تلبسين عبايه هنا القسم هذا للحريم
ما حد يدخله من العيال
هزت ريم راسها وطلعت مع ام بدر بهدوء

*
*
*
*
جلست ريم بهدوء وما ردت السلام
الجده رفعت حاجب : حسب علمي حنا مسلمات
ليه ما تردين السلام
رفعت ريم نظرها لجدتها وما ردت
وبدت تاكل بهدوء
ام خالد ناظرتها مو عاجبها تصرف ريم
كانوا البنات يتهامسون على الاكل
قدرت ريم تسمع ضحكاتهم الشامته
بس ريم ما اهتمت لهم لانه ما عادت تفرق
معها
لانها جسد بدون روح ما حد يهمها بالحياة
حتى الابتسامه ما عادت تعرف طريقها
ام خالد باهتمام : ليه يا ريم ما تروحين على موعد
الدكتوره ؟؟
ريم وقفت وبهمس : ما يخصك
وطلعت بهدوء
هيفاء فتحت عيونها باستنكار : شفتوا قليله الحيا ؟!!!!
ام خالد بقهر تحس بالفشيله : اذا ما علمت خالد
عنها هالملسونه
هيفاء مسكت الجوال انا اقول له
ام بدر باستنكار : بدل ما تصلحون بينهم
تخربون بينهم
ام خالد طالعت هيفاء : لا تتصلين ما تهون علي ريم
هيفاء طنشت كلامهم واتصلت بخالد وخبرته
وبهرت الموقف بزياده من عندها
سديم بشماته : تستاهل
الجده تضايقت من هيفاء : وش تبغين من البنت ؟؟
وطلعت زعلانه من هيفاء
وتوجهت لغرفه ريم
دخلت بهدوء
ناظرت ريم جالسه على السرير ومتكوره على نفسها
اقتربت الجده منها : وش فيك يا امي ؟؟
ناظرتها ريم بضياع وما ردت
الجده بحنيه : تعبانه ؟؟؟
ريم ما ردت ساكته
الجده : لمتى تبقين كذا ؟؟ ردي علي
انت بخير ؟؟!!
انت مو ريم للي اعرفها كنت اقوى من كذا !!
لا تضعفين يا ابنتي بعدك بزهره شبابك
لا تطفي البسمه من ثغرك
دايما اشوفك تبتسمين وتضحكين ما يهمك شي
وين ابتسامتك الحلوه ؟؟
ريم بهمس :
طردتوني من بيتكم وش تبغون مني ؟؟؟!!
تقدرين تتركيني لوحدي
لاني ما احب النفاق
عمركم ما رح تحبوني ولا انا رح احبكم
اتركوني بحالي
ناظرتها الجده وقررت تتركها ترتاح وتهدي اعصابها
*
*
*
*
*
مرت ايام المزرعة ريم تنزل وقت الاكل وترجع للغرفه
ما تكلم احد
حاول فيها احمد ونوف تلعب معهم بس طنشتهم
حاولت فيها ام بدر دون فايده
ما تكلم احد ولا ترد على احد
وزارها الجد بغرفتها وحاول يكلمها
بس عناد ريم ما ردت عليه ولو بحرف واحد
ساكته وكأنها جدار ما يتكلم
وعصب الجد منها وطلع معصب

*
*
*
وقفت عند سياره نايف بهدوء
وهي مغطيه وجهها
ما يبان منها شي
وقفت ام خالد والجده يحاولوا يكلموها
بس ساكته وما تكلم احد
ولا كأنه احد يكلمها
فتح نايف السياره وتوجهت لها بهدوء
وجلست وهي تناظر من الشباك
بعدها دخل اخوانها
وعملوا ازعاج بالسياره
وقف الجد مع نايف شوي وبعدها توجه لجهة ريم وفتح الباب
وكلمها بهدوء :،ريم انزلي ابوي يبغى ترجعين معه بالسياره
ريم ما ردت ولا كأنه حد يكلمها
نايف عصب من اسلوبها صرخ : ريم ترى انا اكلمك
اقول لك انزلي
كان الكل موجود وناظر نايف لما صرخ
ريم ما ردت
اقترب الجد بهدوء : انزلي ابغى ترجعين معي
ما ردت ولا بحرف
الجد تنرفز من عنادها : ريم وبعدين حنا نكلمك وانت مطنشيتنا
فيصل اقترب بقهر : على وش شايفه نفسك ؟؟
وناظر ابوه : وش تبغى فيها بقلعتها خلها منطقه
هنا
نايف وهو يحاول يكتم غيضه : ريم ردي علي
ريم مطنشه على الاخير
نايف صرخ بعصبيه : ريم وقسم بالله ادفنك هنا
سلطان ابعد نايف عن السياره: اتركها انا اتفاهم معها
اقترب من ريم وبحنيه : وش فيك ما تردين ؟؟
قولي ابغى او ما ابغى جاوبي
كانت ريم تناظر لامام وما ردت عليه
وقف سلطان بهدوء : خلاص اتركوها براحتها
وغمز لابوه برجاء انه يمشيها
زفر الجد بضيق وتوجه لسيارته
بعدها ركب نايف بعصبية : دواك بالبيت يا زفته
علشان تحقريني مره ثانيه
يصير خير
ما ردت ريم وهي تناظر من الشباك
ونايف معصب من سكوتها وتطنيشها
وصلوا البيت وهو معصب
دخلوا البيت وهو يحاول يكتم عصبيته
ناظرها بنظرات ناريه : انقلعي على غرفتك ما ابغى اشوف
وجهك وحتى على الاكل يوصلك لغرفتك
ما تنزلين هنا ابد فاهمه
لاني اذا شفتك ادفنك انقلعي عن وجهي
الله ياخذك ويريحني منك
توجهت ريم ببرود للدرج وتوجهت لغرفتها
ونايف مقهور من اسلوبها البارد
*
*
*
روان بقهر : شفتي لو وحده منا عملت كذا
وعاندت كان جدي دفنها بمكانها
سديم : هذي لاعبه بعقل جدي ما ادري
وش عاجبه فيها
لسانها مترين وما تحترم لا كبير ولا صغير
روان : سلمى تقول تنزل تتغدى وترجع على غرفتها
وما تطلع منها ابد ولا تكلم احد الا بالقطاره
ومن رؤوس خشومها
كان يسمع كلام اخواته بالخلف وقف السياره
على جنب والتفت للخلف : ممكن اعرف وش تبغون
فيها نازلين حش ؟؟
سديم : وانت وش مضايقك اتوقع ما بقى شي وتطلقها !!
خالد رفع حاجب : اتوقع انها زوجتي للحين
وبعدين حتى بعد الطلاق بنت عمي وما اسمح لكم
تحشون فيها
واعطاهم نظره قويه
وبعدها حرك السياره بهدوء
طيف ولؤي جالسين قدام
طيف ببراءه،: بابا ليه ريم ما ركبت معنا ؟؟
طالع خالد طيف وبعدها ناظر للامام وهو يفكر
بعنادها
بحياته ما شاف بعنادها
كل الاحفاد يخافون من الجد وفيصل ونايف
ذول لهم هيبه
والكل يهابهم
وهي بعنادها طنشتهم ولا رف لها جفن
طول عمرها البنت ضعيفه وتخاف
بس ليه ما خافت من نايف ؟؟!!
مع انه كل الموجودين خافوا من عصبيته
وهي مطنشه على الاخير ولا كأنه يكلمها
تنهد وهو مستغرب من تصرفها

*
*
*

زفر الجد بضيق من تصرفها
الجده : هدي اعصابك انت تعرفها عنيده هالبنت
الجد بقهر : بس مو لذي الدرجه
تحقرنا كلنا ولا كأنه حد يكلمها
صقر : بس يبه
الجد بعصبية : وحطبه انت اسكت ما ابغى اسمع
صوتك
حاطك محامي دفاع
انا كسرت نفسي لها ورحت لها للغرفه وحقرتني
ورجعت كسرت نفسي علشان ارجعها معي
واراضيها وتحقرني للمره الثانيه
انا الكل يحسب الف حساب لكلمتي
وهي حاقريتني !!
انا عمري ما اعتذرت لاحد الا لها وفوق هذا
تحقرني !!!
شد على قبضه يده بقهر

*
*
*
مرت الايام بهدوء
وريم ما تطلع من غرفتها وما عادت تشوف نايف
وحتى امتحاناتها راحت مع الشغاله والسواق
وانتهى الفصل الدراسي الاول بسلام
وريم قريب تدخل الشهر السابع
وبطنها شبه بارز مو ظاهر كثير ما صارت احداث مهمه
خلال هذي الفتره
كانت روتينيه
كان الزوج الثلاثي وام بدر يزورون ريم ويحاولون يرجعونها
مثل ما كانت قبل
بس ما قدروا البرود مسيطر عليها
عماد كل يوم يزورها ومع ذلك اعطته طاف ولا كلمه تكلمت معه
زارها صقر وسلطان وام بدر خلال هذه المده
وكانوا يتطمنون عليها
بس كانت ريم تقابلهم ببرود
علاقتها بنايف كانت صفر طول المده ما شافته ولا شافها
والجد للحين زعلان عليها وما زارها
**
**
**

دخل عليها الغرفه بعد ما طرق الباب
ناظرها لثواني
زمان ما شافها يحسها صارت اكبر وبطنها بارز
بس بنظره رح تبقى بزر مهما كبرت
غمض عيونه بألم هي عايشه معه بنفس البيت بس
زمان ما شافها او جلس معها
يعترف انه مقصر معها
بس كذا بنظره افضل ريم عنيده وهو مثلها
وكل لقاء بينهم ما رح ينتهي الا بشجار
وما يضمن نفسه لما يعصب
تنهد و تكلم بهدوء : جهزي نفسك
خالتك ام خالد ولدت البارحه علشان تروحين معي للمستشفى
معك ربع ساعه تكونين جاهزه وطلع
ناظرته وحست بنغزه بصدرها هي ابنته
استخسر يسألها عن حالها واحوالها
زفرت بضيق
وتذكرت ام خالد
وحست بخوف من الولاده ومع ذلك
تبغى تروح تشوف البيبي وتتخيل شكل
ابنها كيف رح
تنهدت بتعب
وقامت تجهز نفسها
*
*
*
*
دخلوا المستشفى وريم تمشي مع ساميا
بهدوء ونايف متقدم عليهم
وصلوا قسم الولاده
وكان بالممر صقر والجد وعماد وفيصل
وقف نايف معهم وتكلم معهم
تقدمت ساميا وسلمت على عمها
ناظر الجد ريم للي واقفه بعيد عنهم ولا كأنهم يقربوا لها : بعده ما طاح الحطب للي براسها
نايف : يبه يعني عجزت فيها البنت عنيده
واخاف اعطيها طراق واضر الجنين
بس اصبر حتى تولد يصير خير
اشرت لها ساميا علشان يدخلون
توجهت ريم للغرفه ببرود والكشره
مرسومه على وجهها
عماد ناظر نايف : عاجبك وضع ابنتك كذا ؟؟؟
نايف بهدوء : عندك حل لوضعها اعطيني اياه
عماد : ضايقتها بشي او قلت لها شي زعلها
نايف بدون نفس : ما قلت شي
عماد : معقول علشان خالد ؟؟
صقر : ما اتوقع من بعد ابوي قال لنايف ياخذها
عنده يعني بين قوسين طردها
ناظره الجد بحده : انا ما طردتها انا قلت كذا
لاني كنت عارف انه عماد منفعل ورح
بنفسه يطلب منها ترجع
لانه طبعه كذا ينفعل
عماد ناظر فيصل : والاستاذ خالد مو ناوي يرجعها ؟؟
فيصل باحراج من نايف : ما يبغى عجزت فيه
صقر بقهر خلاص سكروا الموضوع مو مكان
فتح دفاتر الحسابات
*
*
*
*
*
دخلت والكشره على وجهها
كانت الجده موجوده وسديم وروان
الجده ناظرت ريم وابتسمت : هلا والله
ما ردت ريم ووقفت بعيد عنهم
سديم بقهر : ليه جايه وكلمه الحمد لله على السلامة
ما قلتيها
على وش شايفه نفسك ؟؟
روان : ناس ما عندها ذوق
ام خالد : خلاص يا بنات
تقدمت ساميا وسلمت على ام خالد
وجلسوا يتكلمون بامور الولاده
وريم تسمع وقلبها مقبوض وخايف
بعد وقت طرق الباب بهدوء
الجده بهدوء : شوفي يا سديم مين على الباب
وقفت سديم وهي تناظر ريم بقهر
وتوجهت لعند الباب
وبعدها ناظرت ساميا : هذا خالد
ساميا غطت نفسها خله يدخل اصلا انا طالعه
عندي مراجعه هنا
وناظرت ريم : لما نكمل نرجع لك هنا ما رح نتأخر
وطلعت بهدوء
وريم وكأنها جماد ما ردت
الجده : بعدين يا ريم لمتى هذا الحال
ما ردت ريم
دخل خالد بهدوء
وقع نظره على ريم للي واقفه بعيد
عن امه وجدته واخواته
و بوزها مترين
ناظرها بهدوء : اخبارك ريم ؟؟
ناظرته باشمئزاز وما ردت
حس بالفشيله بس طنش وناظر امه : اخبارك يمه اليوم ؟؟
ام خالد بتعب واحراج : بخير يمه
جلس بالجهة الثانيه مقابل ريم جنب جدته : ها وش ناويه تسمي هالبنوته
ام خالد بتعب : للي ودكم اياه
ابتسم خالد : وش رايكم صيته ؟؟؟
الجده لوت شفايفها : ليه ما سميت ابنتك
هذا الاسم
وبعدين هذي الفرصة قدامك يمكن ريم تجيب بنت
سميها صيته
رفع نظره لريم الي واقفه بعيد عنهم وبطنها شبه
بارز
ام خالد : يمكن يكون ولد
خالد ابتسم : يا رب ولد
كانت واقفه ومكشره مو طايقه احد منهم
وتنتظر متى ترجع عالبيت
بس تبغى تشوف البيبي
هي جاءت علشان تشوفه
مسكت الجوال وارسلت رساله لصقر
وبعد دقايق جاها رده تطلع قاعد ينتظرها
برا
عدلت الشيله توجهت للباب بدون اي كلمه
الجده : وين يا ريم ؟؟؟
طنشتها ريم وطلعت وصوت كعبها صداه بالغرفه
سديم بعد ما طلعت ريم : شفتم
وناظرت خالد : تصدق دخلت وماده البوز
حتى ما سلمت على امي ولا تحمدت لها بالسلامة
وقفت بعيد عنا خايفه نلوثها
ام خالد : اتركيها براحتها
الجده : عنيده هالبنت
الله يهديها ما تكلم احد ومقاطعه الجميع

*
*
*
طلعت وشافت صقر ينتظرها ومعه عماد
ابتسم صقر : يالله شرفي
ما ردت عليه وملامحها جامده خاليه من اي
تعبير
توجهوا للحضانه
ودخلوا
عماد اشر لها : هذا هي اخت زوجك
ناظرت ريم البيبي كانت صغيره وكل شي صغير
غمضت عيونها ترسم صوره للبيبي للي في بطنها
هزها صقر : هي فتحي عيونك جبتك تشوفيها
مو تغمضين
ابتسم عماد : اتركها متأكد قاعده ترسم صوره
للبيبي حقها
ناظرته ريم واستغربت كيف عرف بس طنشته وما ردت
عماد اقترب منها : تتوقعين لما كنت بعمرها كان حجمك اكبر او اصغر
صقر ابتسم : اتذكر وقتها كنت صغير بس اذكر
شكلها وهي باللفه
كانت مزيونه وحتى ساره ما خلت حد يشوفها
او يحملها حتى امي طردتها وما خلتها تشوفها
بس انا بدون ما تشوفني
تسللت ودخلت وشفتها هالقمر
وقرص خد ريم
كانت ريم فاتحه اذنها معقول امها عملت كذا
وما خلت حد يشوفها
نزلت دمعه من عينها لذكرى امها
للي ما تدري عن هوى دارها
عماد ضرب صقر على راسه : اقول انقلع من هنا انت وذكرياتك
وناظر ريم بحنيه : ليه الدموع يا قلبي ؟؟؟
مسحت ريم دمعتها وناظرته بحقد : اكرهك
ابتسم عماد : واخيرا تكلمتي
بس انا احبك
تركته ريم وطلعت من الحضانه واحزان الماضي مو راضية تفارقها
وقفها شخص مسك يدها بهدوء : كم مره قلت لك
لا تلبسين كعب ؟؟؟ انت ما تعرفين اضراره على الحمل ؟؟؟
امشي معي الحين للدكتوره ابغى اطمئن على الجنين
بدون ما تطالعه ريم سحبت يدها منه ومشت
ومطنشيته ولا ردت عليه
عماد من خلفه : اشوفها ساحبه عليك !!
خالد بقهر : وقسم بالله لو يصيب الجنين شي
ما رح تحصل خير لابسه كعب
قاطعه عماد : كلك خوف على الجنين
ناظره خالد بغرور : ما همتني بقلعتها اهم شي
الجنين يكون بخير
صقر من خلفه : اسكت ترى كلامك ينرفزني يا ابو
العيال ومشى يلحق على ريم
*
*
*
*
مرت الايام بهدوء وريم نفس الحال
ما راحت تزور ام خالد بالبيت ولا طلعت من البيت
بس تحس البرود للي صابها اخف من اول
قررت تحضر عرس سديم وسليمان
وتغطي على سديم بالحفله وتقهرهم
ارسلت لصقر رساله
وبعد دقايق وصلها الجواب امرك بعد ربع ساعه
جهزت نفسها
ونزلت بهدوء كان المكان فاضي
طلعت بس استغربت عماد للي قاعد ينتظرها
ما يهمها مع مين تروح اهم شي
تشتري للي في بالها
ركبت من الامام بهدوء
عماد بابتسامة : هلا والله
نورت السياره
وبعدها حرك لانه عارف ما رح ترد عليه
وكل شوي يناظرها
بس صدمه كلامه : ترى ما اشبه غاده كل شوي ناط
بوجهي تناظرني
بهتت ملامحه وسكت لثواني ما توقع يروح تفكيرها
كذا
وخاصه انها ما تشبه غاده بس من اللمحه الاولى تحس بينهم قرابه
وقف السياره على جنب وطالعها : ومين قال لك كذا ؟؟؟
ريم بدون ما تطالع : واضح كل يوم تيجي
تجلس معي وتكلمني
يمكن تبغى تتذكر غادوووووو
عماد بهدوء : تراك ظلمتيني والله للي رفع سبع
سموات انها غاده ما تيجي في بالي
بالعكس عمري ما كرهت احد كثرها
كل حبي لها تحول كره
وتعاملي معك لاني فعلا حبيتك ما ادري
دخلتي قلبي بدون استئذان
صحيح اول ما جيت كنت كرهانك قبل ما
اشوفك لانك حفيده سالم بس
قبل ما انام تذكرت موقفي معك وكيف
عاملتك
ندمت كثير ومحبتك دخلت قلبي كلما اتذكر شكلك
ناظرته ريم وحست بصدقه ردت بهدوء : ربنا نجاك منها تراها خبيثه
وناظرت للامام بهدوء
استغرب ما توقع تقول كذا عن خالتها
سكت وما رد وحرك السياره
دخلت ريم السوق تشتري فستان مناسب للحفله
عماد بابتسامة : اختاريه فستان حمل
ناظرته ريم وما ردت
قعدت تختار فساتين حتى اختارت فستان
لونه فضي نفس اللون للي خربه خالد
مسكه عماد : حلو
هزت راسها ريم واخذته ولفت بالسوق شوي
طلب منها عماد يتغدون برا
بس رفضت ريم واضطر يرجعها للبيت
*
*
*
*
يوم زواج سليمان وسديم

جهزت نفسها وناظرت نفسها برضى
كان فستانها بدون اكمام _باكلس _ وماسك من عند الصدر
وبعدها وسيع شوي مناسب للحمل فيه
حركات ناعمه
ولبست كعب عالي من لون الفستان
وخلت شعرها مفتوح وعملت فيه حركات بسيطه ومكياجها كان ناعم بشكل كبير
حصنت نفسها
ولبست عبايتها وغطت وجهها وطلعت لسياره عماد للي كان ينتظرها
ركبت جنبه بهدوء
عماد قبل ما يحرك : نزلي اشوفك
ونزل الغطاء قبل ما ينتظر ردها
ابتسم : ما شاء الله يحفظك من العين
حصني نفسك
رجع الغطاء على وجهها وحرك وهو يتكلم
وهي مستمعه له
نزلت من السياره بهدوء ودخلت القاعه
خلعت العبايه والشيله وعدلت شكلها
بالمرايه وبعدها دخلت عند الحريم
كانت ملفته للانظار
ام بدر اقتربت منها وبهمس : وش ذا اللبس
عاري كثير
ناظرتها ريم وما ردت
ام خالد وقفت بذهول : بسم الله ما شاء الله
الله يحفظك
بس ريم ليه تلبسي كذا لو عرف خالد بلبسك
اكيد رح يعصب
ريم ببرود : وش علاقته بالموضوع باقي كم شهر
وتوصلني ورقتي
وتركتهم وراحت
ام خالد : مجنونه تبغى تنصاب بالعين
شوفي شعرها يجنن ما شاء الله
ام بدر : لبسها عاري كثير
ام خالد : اخخخخخ عنيده هالبنت
*
*
*
*
*
الجده بحزم : ارجعي عالبيت وبدلي
انت مجنونه تلبسين كذا
ظهرك برا وفستانك فوق الركبه
وش هذا اللبس ؟؟؟
شوفي كل الحريم ودهم ياكلونك بعيونهم

ام خالد غمزت للجده وبهدوء : ريم تعالي
ابغاك بموضوع ضروري
ناظرتها ريم وبسرعه مسكت يدها ام خالد : دقيقة
ما رح تتأخرين
وسحبتها معها
كانت ريم ودها تعترض بس شافت الناس تناظرهم
اضطرت تسكت وتمشي معها
دخلت احدى الغرف
وقفلت الباب خلفها
ام خالد بهدوء : صدقيني هذا لمصلحتك
ناظرت ريم بالغرفه وانصعقت لما شافت خالد
للي العصبيه واضحه على ملامحه
خالد بحزم : يمه تقدرين تتركينا لوحدنا
ام خالد بتوتر : ان شاء الله
ريم بقهر ناظرت ام خالد وبحده : انت ما تستحين
على دمك ؟؟؟!!
من سمح لك اصلا تتدخلين ؟؟!!
قاطعها صرخه من خالد : ريم
وبنظرات ناريه وقسم بالله كلمه زياده توجهينها
لامي ما تلومين الا نفسك
ما اسمح لك تكلمين امي كذا تفهمين
تبغين تغلطين علي ما عندي مشكله
ورفع يده بتهديد
اما امي ما اسمح لك وناظرها بحده
زفر بضيق
وناظر امه بهدوء وداخله بركان من ريم : ممكن يالغاليه تتركينا شوي
هزت ام خالد راسها وفتحت الباب تطلع
وكحركه سريعه غافلتهم ريم وطلعت قبلها
وهي تركض وتوجهت للقاعه
وهي تلهث ودقات قلبها تحس كل العالم تسمع
دقات قلبها دق دق دق دق دق
اول ما دخلت القاعه حطت يدها على قلبها
وحست براحه
نظراته كانت مخيفه متاكده انه لو ظلت هناك رح يرجعها على البيت او يخرب برستيجها
مثل ما عمل بحفله نجاح سديم ورغد
مشت خطوات بطيئه بالقاعه وتناظر المعازيم
ومقهوره من ام خالد كيف خدعتها
شدت على قبضه يدها بقهر
دخلت خلفها ام خالد واقتربت من ريم وبهمس: صدقيني لمصلحتك
مو قصدي شي الحفله بعدها ببدايتها
روحي خالد ينتظرك تروحين على البيت
تبدلين وترجعين
صدقيني عيون الحريم ما ترحم
يالله تعالي تراه خالد معصب
ريم بغرور عدلت غرتها : ما يخصك لا انت ولا ابنك
وتركتها
وام خالد مقهوره منها وش تقول لخالد مع انها ما قالت له بس هيفاء اتصلت وخبرته
وهو اتصل بأمه وألح عليها تجيبها لاحدى الغرف زفرت بضيق ام خالد وتوجهت تحس حالها بدوامه
ما تدري وش تعمل
**
**
**

نزلت ريم ترقص بشويش
الجده اقتربت منها ومسكت يدها بحزم وبصوت منخفض : ريم
انت حامل بلا جنان
نفسي اشوف عقلك هذا وش فيه ؟؟!!
تراه خالد معصب على الاخير هيفاء قالت له
انك نزلتي ترقصين
ويقول لك اطلعي الحين من القاعه قبل
ما يدخل ويطلعك بنفسه
وقفت ريم ببرود : اعلى ما بخيله يركب
حست ريم بمغص بس ما اظهرت قدام جدتها
تركتها وتوجهت لاحدى الطاولات
جلست ساميا عندها : ريم انتبهي الرقص يضر الجنين وانتبهي اذا رجعتي نايف يشوفك كذا
هزت راسها وما ردت
بعدها جلست ام بدر عندها بعد ما راحت
ساميا
ام بدر تطمن على ريم : تحسين بشي ؟؟
ريم ناظرتها وما ردت
ام بدر : اذا حسيت بأي شي راجعي المستشفى حتى تتطمني على الجنين
سكتت ام بدر ما تدري وش تقول طول الفتره الماضيه
وهي تكلمها وهي معنده مقاطعه الجميع
ناظرتها وحاولت تطلعها من برودها : ترى في خبر ما قلت لك عنه
ناظرتها ريم وحست انه ام بدر ضربت الوتر الحساس
اللقافه
كانت ريم لاخر لحظه ودها تسأل وش فيه
بس مسكت لسانها وسكتت
ضحكت ام بدر على طريقتها
ناظرتها ريم وسكتت
*
*
*
ام سليمان واقفه مع بعض صديقاتها
الحرمه الاولى : وينك عن هذا القمر كان اخذتيها لسليمان واشرت على ريم
ام سليمان ما عجبها لقافتها : كل شي نصيب
الحرمه الثانيه : على ما اظن كانت بنت نايف مخطوبه لسليمان وش صار حتى اخذ بنت فيصل ام سليمان ابتسمت مجامله : الفحص ما زبط
وخطب بنت فيصل ما شاء الله عليها
الحرمه الاولى : بس ما ظنيت ابنك بعد ما شاف بنت نايف
تعجبه اي بنت
سبحان للي صورها
شوفي شوفي شعرها يجنن لونه
الحرمه الثانيه : هي تزوجها ابن فيصل الكبير يا حظه فيها
اقتربت ساميا من ام سليمان واخذتها على جنب
ارتاحت ام سليمان انه ساميا نادتها وانقذتها من لقافه الحريم
&&
&&
&&
&&
قاعده على الكوشه وبوزها مترين
رغد وهي تناظر سديم : خلاص الحين الناس
يشوفونك
سديم بقهر : الله ياخذها وش جابها للعرس
لو ظلت منعزله احسن لنا
مقهوره ما سمعتي وش قالت لينا
الحريم وش يقولون لو تزوج ريم احلى
اكرهها هالقزم
روان تتحلف بداخلها بلينا للي خبرت سديم
الحريم وش يقولون : ما عليك منها دامه سليمان
اختارك انت لا تنكدين عمرك
هزت سديم راسها ومقهوره من الداخل
ودها تفجر ريم وترتاح منها

**
**
**
**
**
جالسه مع ام بدر اقتربت منهم ام خالد بهدوء
ومدت الجوال لريم : خذي هذا خالد يبغى يكلمك
ريم بعناد ما ردت
ام خالد بصوت هامس : يا بنت الحلال لا تفضحينا
شوفي وش يبغى منك اففففف وتأففت بضجر
ام بدر ناظرت ريم بلوم : كلميه يا ريم وبلا حركات البزران
ريم متكتفه ومعانده
ام بدر بزعل : صدقيني اذا ما اخذتي الجوال الا ازعل عليك وناظرتها بزعل
تاففت ريم وبدون نفس سحبت الجوال وابتعدت
عن الطاوله وخالد يسمع كل كلامهم
ابعدت عنهم
و ناظرت الجوال وحطته على اذنها وبدون نفس : اسمع مو تقول دخلنا بالمعروف نطلع بالمعروف
ما لك دخل بي ولا بحياتي اوكي
وقفلت الخط قبل ما يرد
وهي تحس بانجاز
وناظرت رقم جواله وحفظته وصارت تردد الرقم بشكل هامس حتى تحفظه
وبعدها رجعت عندهم ومدت الجوال لام خالد
رفعت ريم نظرها لحرمه اشرت لها
طنشت ريم بس ام بدر غصبتها تروح
راحت ريم عند الحرمه وسلمت عليها وبدون نفس : نعم خالتي
الحرمه باعجاب : الله يحفظك بس ممكن تعطيني
رقم ولي امرك
فهمت ريم عليها انه عريس وناظرت نفسها
كيف الفستان مخفي حملها
الا للي يدقق يعرف انها حامل ابتسمت بخبث
&&
&&
&&
&&
&&
مر الزواج بخير ودخل العريس واخوان العريس
ومن ضمنهم خالد للي كان عكس طبعه بوزه شبرين ودخل الاعمام والجد
كانت جالسه على احدى الطاولات مع ام بدر
وهي متلثمه
ام بدر بابتسامة : عيونك ما شاء الله تجنن
باللثمه
ريم ببرود : انفع اطلع بالاسواق للترقيم
ضربتها ام بدر على راسها بخفه : تفكيرك منحرف
ام بدر : مع مين رح ترجعين ؟؟
ريم ببرود : ما ادري
ام بدر : ترجعين معي ؟؟
هزت ريم راسها بهدوء بالموافقة
*
*
*
*
*
طلعت من القاعه مع ام بدر
ناظرتها ام بدر : نزلي شوي على عيونك
نزلت شوي ريم على عيونها ومشت مع ام بدر
عند السياره كان ريان واقف ينتظر امه
كان في عيون تناظرها من لما طلعت من القاعه
ومعصبه عليها وزادت عصبيتها لما شافتها توجهت
لسياره ريان
قبل ما يحرك ريان وقف سيارته
وناظر ريان بحده : خلي ريم تنزل
ريان عقد حواجبه وناظر للخلف وبعدها ناظر فيصل : وش تبغى فيها يا عمي ؟؟؟
اتوقع البنت في بيت ابوها وما لك كلمه عليها
اذا هي تبغى تنزل بكيفها
ما تبغى بكيفها
فيصل بحده : تراك تماديت بأمور كثيره وانا ساكت
عنك بكيفي
ريان بغرور : انا ما لي دخل هي جاءت مع امي
تبغى اقول لها ارجعي ما تركبي معي
بالسياره
فيصل ناظره بسخريه : كلك ذوق يا ولد اخوي
وناظر للخلف وبأمر : ريم انزلي
ريم ما ردت
فيصل تنرفز : وبعدين معك يا ريان خلي البنت تنزل ؟
ريان ناظر عمه ببرود : انزل واسحبها وانزلها يعني !!
ام بدر ناظرت للخلف وبهمس : خلاص يا ريم انزلي وبدون مشاكل
ريم ببرود : مو نازله
فتح فيصل الباب الخلفي
وسحبها خارج السياره
ريم تألمت من سحبه : أأأأأه
وقفها فيصل وباهتمام : يوجعك شي ؟؟
ريم انقهرت منه وما ردت
فيصل زفر بضيق : الله يسامحك عنيده
وتخلين الواحد يستخدم الاسلوب الثاني
بعدها ناظر ريان : توكل
ريان بغرور ناظر عمه و حرك السياره
مسك يدها فيصل بهدوء وسحبها معه
ريم حاولت تسحب يدها منه بدون فايده
وقف عند سيارته : اركبي
ناظرته ريم ببرود : الحين ارجع مع عماد او صقر
فيصل ابتسم ورفع حاجب : من متى انت وعماد فريند
ريم ببرود : ما يخصك
فيصل عض على شفته بقهر : لو ادفنك بمكانك ما احد يلومني
وبعدين مع اسلوبك الخايس هذا ؟؟؟
ما ردت ريم واضطرت تركب تحس ظهرها
يوجعها تبغى ترتاح متى توصل البيت وترمي نفسها على السرير
بعد دقايق ركب فيصل السياره
وبعدها اقترب خالد والكشره مرسومه على ملامحه
ركب وقبل ما يشغل السياره ناظر ابوه : خلاص كل شيء تمام
فيصل بهدوء : سلم على ريم تراها بعدها زوجتك
ناظر خالد من المرايه وبدون نفس : اخبارك ؟؟
رفعت ريم راسها وناظرته وصدت بوجهها لجهة الشباك وطنشته
خالد ناظر ابوه بفشيله وكأنه يقول عجبك
فيصل : وبعدين معك يا ريم ؟؟؟
ما تحترمين لا كبير ولا صغير
يعني لما يشوفك خالد كذا ما تحترمينه اكيد
رح يبقى على رايه ويرفض انه يرجعك
رفعت ريم حاجب وبحده : للي يسمعك يقول ابغى انتحر علشان ارجع له
مين قال لك ابغى ارجع
لابنك هذا !!! واشرت عليه بغرور
لو ما بقى بالدنيا غير هو ما رح ارجع له
ويا ليت يرسل ورقه الطلاق باسرع وقت
خالد ببرود ظاهري ناظرها من المرايه : ابشري ما طلبتي شي
وورقتك رح توصلك بعد الولاده
فيصل بقهر : وبعدين معك انت واياها
كل واحد اعند من الثاني
كل بيت يصير فيه مشاكل بس ما توصل للطلاق
فكروا بالجنين ييجي على هذي الدنيا
امه وابوه كل واحد بديره
نزلت ريم راسها
وهي تتخيل ابنها مشتت نفس طفولتها
البائسه
بس ما رح يكون مثلها فيه فرق كبير
ابوه يحبه ويهتم فيه
رح يلاقي الحب والاهتمام عندها وعند ابوه
رفعت راسها على كلام خالد : للي ما تحترم امي وتقدرها
وما تحترم عيالي
وتكرهم والله ما تشرفني تكون زوجتي
ريم بردح فقدت اعصابها وطلعت عن برودها :
ولا انا اتشرف تكون زوجي
وحطها في بالك ترى ابوي غصبني
عليك هو وعمي صقر وغصب عني خلوني
اوقع
وعيالك حطهم بعلبه وسكر عليهم
بلاه يضرهم الهواء خايف عليهم
وهم مثل القرود ماخذين حقهم وحق غيرهم
فيصل بقهر : اطلعي عالشارع واردحي علشان الكل يسمعك
ريم بقهر : ما سمعت كلام ابنك للي ينرفز
وصارت تقلد صوته عيالي وعيالي وعيالي
كأنه ما حد عنده عيال غيره
خالد ببرود : شفت بعينك يبه
وودك اياني ارجعها
التفت للخلف وناظرها بحده
انا ما هامني نفسي قولي للي ودك اياه
لكن قسم بالله لو اصاب الجنين شي من رقصك ورعانتك ما تلومين الا نفسك
وعقد حواجبه
نفسي افهم عيالي وامي ليه تكرهينهم هالكثر
وش عملوا لك ؟؟
ريم بحده : كذا مزاج اكرههم
والا الحب عندك اجباري غصب احبهم ؟؟!!
فيصل التفت لريم بصرخه : خلاص ولا كلمه اعوذ بالله
لو بقيتي على برودك كان احسن
صدعتي راسي لولولولولولولولولولولو
لسانك ما تعب من كثر الحكي والردح
وناظر خالد : حرك السياره
لو تبغى تنتظرها تكمل ما رح تكمل من سنه
هذي ملسونه ولسانها متبري منها اعوذ بالله
حرك خالد السياره بهدوء
وريم تناظر من الشباك
ومستغربه كيف طلعت من برودها
بعد وقت فيصل بهدوء ونصح : وش رايكم الحين ترجعون لبعض واخزوا الشيطان
وافتحوا صفحه جديده
قاطعته ريم ببرود : خلص الدفتر يا عمي ما بقى فيه
ورق
فيصل بعصبية : وبعدين مع لسانك ؟؟؟
خالد مسك يد ابوه وعينه على الطريق : يبه
لا تحمل هم انا مو مفكر مجرد تفكير ارجعها
لانه كل يوم اكتشف انها مو قد المسؤوليه
وبعد الولادة اخذ ابني عندي ويا دار ما دخلك شر
ريم فقدت اعصابها كيف يقولها ببرود
ياخذ ابنها منها وهي تحسب كم بقى ويطلع
على الدنيا
تحس روحها معلقه فيه
هو اخر امل لها بالسعاده ما رح تسمح له
ياخذه منها مستحيل
ناظرته بعصبية : بأحلامك تاخذه
مني هذا ابني انا تفهم
ناظرها ببرود من المرايه وقدر يحرق اعصابها
مثل ما حرقت اعصابه اليوم : بس انا ابوه
والولد دايما يتبع ابوه
فالولد حطي في بالك اول ما تولدين اخذه
وكل اسبوع تقدرين تيجين تشوفينه في بيت
جدي تكرم مني
اوكي
ريم بعصبيه : باحلامك والله ما تاخذه مني
عندك اثنين وش تبغى فيه ؟؟
خالد ببرود ابتسم : والله ابني وابغاه يعيش مع اخوانه
قاطعه فيصل : خلاص يا خالد
وناظر للخلف لريم : لا تردين عليه البارحه
فتحنا موضوع الطفل وخالد قال رح يبقى عندك
بس الحين الظاهر يبغى يحرق اعصابك
طالع خالد ابوه بلوم ليه قال لها كذا
ريم تنفست براحه وخاصه انه خالد ما انكر كلام
ابوه وسكت معناه صحيح ابني معي
نفسها تكسر السياره على راسه حرق قلبها
حطت راسها على قزاز الشباك باسترخاء
وغمضت عيونها
تحس كل طاقتها استنزفت اليوم مو قادرة حتى ترد
عليه
فتحت عيونها على صوت عمها فيصل : يالله يا ريم
ناظرته نظره قاتله ونزلت بشويش
وتحس جسمها مكسر توجهت لبيت ابوها
ودخلت وهي تتخيل السرير قدامها من التعب

خالد ناظر ابوه : ليه قلت لها ؟؟
فيصل بهدوء : اسكت انت ما تعرفها هذي مجنونه
ما استبعد عنها تهرب حتى ما تاخذ ابنها
رفع خالد حاجب باستنكار : تهرب ؟؟
فيصل : ما عليك منها الحين حرك تراني تعبان
هز راسه خالد بهدوء وحرك السياره
**
**

مر اسبوع على زواج سليمان
وخالد انقهر من الاتصالات للي جاته يخطبون ريم
انقهر من حركتها البايخه وش تقصد فيها انه اذا طلقها الف واحد يخطبها بس بنظره افضل ما همته وبعد الولاده يتخلص منها وخلي الالف يخطبونها وخاصة انه في راسه موال جديد بعد ما يطلق ريم يبغى يتزوج اخت صديقه الكل يمدحها عمرها 25 سنه وملتزمه كانت متزوجه بس انفصلت عن زوجها لانها عقيم
اما ريم ما في جديد
على حياتها
نفس الروتين وخالد كل يوم يطلب من امه تروح عند ريم
تتطمئن على وضع الجنين بعد رقصها
كان هذا يجرح ريم
ابنه بعده ما طلع على هالدنيا وهالكثر مهتم فيه
وهي 15 سنه ابوها ما سأل عنها ولا اهتم لها
وقفت عند الشباك قريب من الغروب
ونزلت دمعه من عيونها وهي تشوف نايف
وإخوانها وساميا
جالسين بالحديقه ومبسوطين
تحسف يقول لها تعالي اطلعي معنا واجلسي معنا
وش يخسر لو حسسها انها ابنته ؟؟؟!!
ليه مو متقبلها مثل اخوانها ؟؟!!
غمضت عيونها وهي تردد بصوت هامس انشوده

اسمعوا جرح الطفولة ...غمضت عيونها وهي تتذكر طفولتها البائسة المشتته كملت البيت الثاني ودموعها على خدودها
جرح دمعاته خجولة*
جرح بنت اليوم تبكي
تشتكي دنيا ملولة
ملت الظلم و سنينه
والفرح يا ناس وينه ....دارت عيونها بالغرفه تبحث عن الفرح
صارت الدنيا حزينة
ناظرت من الشباك ابوها والرؤيه عندها ضبابيه من الدموع كملت
هذا ابوي
غمضت عيونها وتذكرت امها
وهذي امي
هذا لحمي وهذي دمي ......ضمت يدينها لصدرها
لكن اللي صار منهم
زاد في همي وغمي
زاد في همي وغمي
اصبح بهم وعذاب
حلمي اشبه بالسراب
في ظلام الليل وحدي
صرت أعاني من الاكتئاب
عذبوها ... واضربوها ... واجرحوها ... واقهروها

كان واقف ويناظرها تناظر من الشباك
لابسه فستان ابيض حفر لحد الركبه وسيع
معطيته ظهرها
وشعرها مغطي ظهرها ويتراقص مع نسمات الغروب وبعالمها الخاص
وتنشد بصوت هامس وصوتها متأجج من البكاء
ناداها بصوت حاني : ريم
سمعت صوته مسحت دموعها
ولفت عليه برقه ونعومه وناظرته ومسحت دمعه نزلت
غصب عنها
ناظرته وابتسمت بألم
ناظرها وكسره منظرها الدموع مليئه بعيونها
بطنها شبه بارز
كانت مثل اللعبه
والهواء يداعب شعرها ويحركه بطريقه عشوائية
حول وجهها
وتناظره والالم باين من عيونها وبصوت هامس
مبحوح من البكاء ردت : بغيت شي
وابعدت بعض خصلات من شعرها عن وجهها
اقترب منها بهدوء
وهي تناظره بضياع
اقترب من الشباك وناظر منه
شاف نايف وعياله
رجع وحط يده على كتفها وبحنيه : متشاجره مع ابوك ؟؟؟
هزت راسها بالنفي
سألها بهدوء : طيب ليه ما طلعتي تجلسين معه
ناظرته بضياع وانكسار ونزلت راسها
رفع راسها طالعها يبحث عن اجابه وبهمس : وش فيك يالغلا ؟؟
حضنته ريم ودخلت في نوبه بكاء وتحاول تكتم شهقاتها
كان حاضنها ومستغرب من تصرفها
وش فيها ؟؟؟
مسح على راسها بحنيه
بعد ربع ساعه بعدت عنه وهي تحاول تكتم شهقاتها
وتردد بصوت مقطوع ا ك ر ه ك ا ك ر ه ك
ناظرها وهو يمسح دموعها : ليه وش عملت لك حتى تكرهيني ؟؟؟
نزلت راسها وتكورت على نفسها وهي جالسه على الارض قريب من السرير
تقرب منها وجلس على الارض وبنبره حزينه : وش سويت لك حتى تقولين عني كذا ؟؟
رفعت راسها ببكاء : قول وش ما سويت
ناظرها باستغراب وعقد حواجبه باستنكار : انا
اصلا انا ما اعرفك الا لما رجعت وما عملت شي
لك
ريم بحقد طالعته ودموعها على خدودها : تشردت وتعذبت والكل نبذني بسبتك انت
مسك يدها بهدوء : طيب قولي وش فيه
لاني ما ادري عن وش تقولين !!
اعتبريني صديقك وفضفضي لي رح ترتاحين
وانا كمان رح اقول لك عن كل شي يخصني
وش رايك ؟؟
طالعته وما ردت
مسح على راسها بحب : خبريني عن كل شي عنك وش للي مضايقك قولي لي
ناظرته ريم وبانكسار : عن وش اقول لك
وهزت راسها بانكسار
رفعت نظرها وبريق الدموع بعيونها
وناظرته : اخبرك عن الطق للي حصلته من نايف
وانا عمري ثلاث سنوات
تدري وش ذنبي ؟؟؟ وناظرته بتساؤل
ذنبي لانه ساره رمتني عليه
هذا ذنبي لانه ساره رمتني على ابوي
حطني في هذي الغرفه ومنعني اطلع منها
عشت بهذا السجن تقريبا خمس سنوات
ثلاث سنوات ما طلعت من هذا المكان
ناظرت ريم ارجاء الغرفه وبعدها ناظرته
كانت ميري تجيب لي اكلي هنا وتهتم في
كنت اقضي وقتي عند الشباك واناظر للخارج
كان كل امنيتي اطلع من هذا السجن واركض
والعب مثل باقي الاطفال
كنت اشوف نايف وعياله يطلعون ويضحكون
وانا محبوسه هنا
ثلاث سنين ما سأل عني احد ولا حد زارني هني ولا حد يدخل علي الا ميري
بقيت هنا لحتى صار وقت ادخل المدرسه
ناظرته بتساؤل تدري مين سجلني ورافقني
بالمدرسه
غمضت عيونها ميري
كان امنيتي امي تكون معي مثل باقي البنات
كنت احاول اتذكر شكلها وانا صغيره بس ما قدرت كان كله خيال في ذاكرتي
كنت بالمدرسة منزويه عن كل البنات ما لي صديقات
اقضي الوقت لوحدي
حتى مصروف ما كان يعطيني
كنت انزل للمدرسه الصبح اشوفهم مجتمعين
على سفره الفطور
وانا اكلي لوحدي بالغرفه وكأنه بي مرض معدي
يخافون اعديهم
كنت اشوف كيف نايف يدلع
عياله وانا يصبحني بطراق ويمسيني بطراق
لانه اهل امي السبب بموتك
وانا غلطه جيت على هالدنيا بنظره
نزلت نظرها للارض : يمكن للحين اثار الطق بعدها بجسدي
ما تدري شعور طفله تروح على المدرسه
ووجهي متورم من الكفوف والبنات يتريقون علي
حتى جدي ما سلمت منه اعطاني كم طراق
كان كل العائله تجتمع
الا انا
الا انا ممنوع اجتمع معهم
طالعته ومسحت من دموعها : يمكن بي مرض
معدي
كان نفسي اعيش بجو عائلي
بس للاسف ظلت امنيه للحين بقلبي
كان نفسي يهتم بي مثل ما يهتم بإخواني
بس للاسف ظلت امنيه للحين بقلبي
وش اقول لك
تدري انه رماني بدار الايتام ؟؟!!
فتح عيونه باستنكار وهو يسمع لها
من كثر الضيم قررت اهرب من المكان بعد ما طقني طق قدام كل العايله بيوم العيد
كل الاطفال يلبسون ملابس جديده ويطلعون يلعبون وينبسطون وانا وقتها طقني
تدري وش ذنبي وقتها
لاني روحت للبقاله يوم العيد ولقاني سليمان
وجرني لبيت جدي
ما انكر اني شتمتهم بس غصب عني من الضيم للي شفته
ناظرته بجديه ودموعها تنزل تدري اني كنت افكر نايف واحد متكفلني لاني يتيمه وابوي ميت
لانه بصغري امي قالت لي انه ابوي ميت
بس تفاجأت انه ابوي
كانت صدمه لي ابوي للي كنت اتمنى يكون عايش
علشان يطق نايف لانه دايما يضربني
غمضت عيونها بألم طلع الوحش نفسه ابوي
عمتي الهنوف كانت حنونه معي شفتها بصغري مرتين
تدري اشترت لي هديه
كانت اول هديه اتلقاها بحياتي
كنت اشوف اخواتي معهم العاب اشكال وانواع
وانا ما عندي
كنت اتمنى لعبه احملها بين يدي
ناظرته وقرصت عيونها وبألم لعبه استكثرها
علي
كان نفسي بالمدرسة اقول ابوي مثل باقي البنات
بس للاسف وش اقول ابوي طقني
ابوي مسح بي الارض وش اقول عنه وش
عضت شفتها بألم ما قدرت تكمل
نفسي يكون عندي اب وام مثل باقي البنات
لما وصل عمري 8 سنوات اخذني عمي سلطان
جلست عنده مده قصيره كانت من احلى ايامي
حاولوا يعوضوني عن الظلم للي شفته والحرمان
جلست عند عمي سلطان
لانه نايف سافر سافر وتركني هنا
بعدها اخذني جدي لانهم اعترضوا علشان عمي
سلطان عنده عيال
كانت جدتي وحريم اعمامي يكرهوني وكلهم ضدي
نابذيني بالبيت
بعدها رموني عند اهل امي
عند امي للي كنت خمس سنين وانا اتمنى اشوفها
وارتمي بحضنها واشكي لها عن ضيم نايف
طالعته بألم ودموعها تتساقط مثل حبات اللؤلؤ
يا ليتني ما رحت ولا شفتها وظلت امنيه من امنياتي
تصدق امي ما تبغاني وتعتبرني نقطه سوداء
بحياتها
ما تطيق تشوف وجهي لاني اذكرها بنايف
لاني اذكرها بطيشها
كنت افكر امي غصبوها على تركي
لكني اكتشفت انها هي للي رمتني
حتى تتزوج
وبانكسار
ما تبغاني
ابوي ما يبغاني وامي ما تبغاني
وين اروح ؟؟
وخالد ما يبغاني
وجدي ما يبغاني
ما حد يبغاني
وين اروح ؟؟ وين
رمت نفسها بحضنه
نفسي امي وابوي يسألون عني وعن اخباري
ويطمنون عني
بس انا مسحوني من قاموس حياتهم
ما يبغوني
مسح على راسها : انا ابوك
رفعت راسها وناظرته بطفوله وهي تتنشح
كمل ودموعه نازله : اعتبريني ابوك
ناديني بابا
مسك يدها ووقفها وصوته يهتز من الحزن : إلبسي
ناظرته وهي تسأله بعيونها وين
ناظرها بحزم : ما لك قعده هنا
شوفي هذي الغرفه حتى لونها يجيب الاكتئاب
هذي هي سبب برودك وقهرك لانها تذكرك بطفولتك البائسه
ناظرته وهي تتذكر لما رجعت على بيت ابوها لما خطبها خالد ما حست بشي
بس ما تدري من لما دخلت هذي الغرفه اصابها برود واكتئاب ممكن كلامه صحيح لانها تذكرها بوحدتها وتشتتها
زفرت بضيق وناظرته بانكسار : اروح على بيت جدي للي طردني
منه ؟؟؟
رفع راسها باصبعه وناظر عيونها : ومن قال انه
طردك ؟؟
الحين ترجعين معي وغصب عنهم تعيشين عندهم
وما لاحد كلمه يمن عليك بشي
انت ابنتهم وغصب عنهم مجبورين يوفرون لك
كل شي
ما تستحين او تخافين من احد طالبي بحقك
وما عليك من احد انا معك
انت ابنتي وما رح اتركك
مثل ما كنت سبب بحرمانك وعذابك انا رح اكون
بإذن الله سبب لسعادتك
حط يدينه على كتوفها لا تنسين حزنك هذا
يؤثر على الجنين
تحبين يصيبه شر
ناظرته ريم وبسرعه هزت راسها بالنفي
ناظرها وهو يرفع همتها : علشان كذا لازم ما تهتمين
مسك يدها وسحبها للشباك :،شوفي كيف
يضحك مو سائل عنك
ليه تنكدي على عمرك علشان ناس مو سائله
عنك
انتبهي الحين للجنين باكر لما يكون بين يدينك
تنسين نايف وطوايفه
بس لا تضرين الجنين بنفسيتك هذي
ناظرته بعجز : وش اسوي غصب عني
دايما اقرر انسى لكن بعد وقت غصب عني
ارجع اتذكر جرحهم للحين ينزف
ناظرها : لانك انت ما تبغين تنسينه وتخليه يجف دايما تحي الجرح من جديد بعزلتك هذي
ابعدي عن العزله واختلطي بالناس
حاولي تنسين
وكلما تذكرتي افتحي على اي شي مقاطع مضحكه
حاولي تشغلي نفسك بأي شي ولا تقارني
نفسك بغيرك تراك رح تتعبين
وبعدين روحي شوفي كم طفل يتيم ؟؟!!
يشكو اليتم والضيم مو انت لوحدك بهذي الدنيا
بدون ام واب
وبعدين لا تحطين بعقلك كل واحد امه وابوه
منفصلين
يعني عايش ومبسوط معهم
في ابناء بالمناسبات يشوفون اهلهم وما يحسون
باهتمامهم مع انه امهم وابوهم مو منفصلين ومعهم بنفس البيت
كان يتكلم وهي تتذكر صديقتها ميرا
امها وابوها مع بعض بس ما حست ميرا بجو اسري او باهتمامهم علشان كذا انحرفت عن الطريق الصح
خلاص ما تبغى تنكد على نفسها ويتأثر الجنين
ناظرته وبهمس : مشكور
تقدم وباس راسها : ما في بين الاب وابنته شكر
هذا واجبي
اذا شفت ابنتي متضايقه واجبي اخفف عنها
وناظرها وابتسم : يالله ناديني بابا او يبه
ناظرته ريم بحزن : صعب انطقها
15 سنه ولا عمري قلتها اجي الحين اقولها
صعب ما اقدر اقولها
ونزلت دمعتها
مسح دمعتها : ما رح اضغط عليك خلاص انا ابوك
وما في بيني وبينك حواجز علشان كذا تناديني بإسمي يعني خلاص
حنا اصدقاء اوكي
ابتسمت وهي تناظره وعيونها ما زالت تلمع بالدموع : لا تقول لاحد اي شي قلته لك وخاصة
عن ساره انها ما تبغاني
كل شي هنا سر ما تقوله لاحد
وبعدين لا تناظرني بشفقه اكره احد يناظرني
بها
ابتسم : اوامر ثانيه
هزت راسها : ما في اذا تذكرت اقول لك
جلس يساعدها بحزم اغراضها
وريم تخبره عن كل شي حصل معها بالتفصيل
وعماد يستمع لها
بكل انصات ومتألم انه كان سبب عذاب وتشرد
طفله ما لها ذنب
بعد ما كملوا ناظرها : راحت علي صلاه المغرب بالمسجد
يالله قومي نصلي جماعه هنا
هزت راسها وهي تحس بالراحه
تحس عماد قريب منها كثير ما توقعت بيوم يكون
لطيف معها كذا
كملوا الصلاه التفت عليها ومسك يدها : مثل ما يقولون
لا تنتظر السعاده حتى تأتيك بل ابحث عن السعاده
طالعته ريم بهدوء وبنبره سخرية: ما عرفتك صاير حكيم
ضربها على راسها بشويش : سخيفه
ابتسمت ريم
وقفها معه : يالله الحين وقت الرحيل
وناظرها بجديه : وش رايك تختارين المكان للي ودك اياه ونسافر تغيرين جو ؟؟
تحمست ريم وبعدها راح الحماس : والحمل ؟؟
ناظرها بابتسامة : خلاص تؤجل ولا تلغى
يالله امشي قدامي
طلعوا من الغرفه وصوت ضحكهم طالع
وطلب عماد من الشغالة تفتح له طريق
نزلوا للصاله وما كان فيها الا نايف
وقف نايف وعقد حواجبه وهو يشوف اغراض
ريم : وين ؟؟؟
عماد بابتسامة وهو يغني : وين وين وين
قاطعه نايف : عماد مو وقت سخافتك جاوب !!
عماد : حاضر يا استاذ يقول نيوتن
قاطعه نايف بنرفزه : عماد لا تخليني امسح فيك
الارض انت ونيوتن
عماد رفع حاجب : ما انصحك تمسح فينا
يقولون في نازل بالاسواق مغسول تنظيف
يخلي الارضيه تلمع لمع وغمز له
نايف ولعت معه : عماد تراك كبير طقيت 35 وبعدك
على عادتك السخيفة هذي ترى مو وقت نغاشتك رد علي
عماد بروقان : رد علي حبيبي
نايف بحده ناظر ريم : وانت وين ان شاء الله طالعه ؟؟
ريم ناظرت عماد وابتسمت : ما يخصك
نايف ولع واقترب منهم وبصرخه : ريم
عماد ابعد نايف بيده : وش فيك يالحبيب
اقول وخر هذي صديقتي
نايف عصب على الاخير وبصرخه : عماااااد
مو وقت سخافتك انا اكلمك بجديه
تنحنح عماد وابتسم بعباطه : تصدق فكرتك تمزح
نايف وهو يكتم غيضه :: عماد
عماد ابتسم : انا قررت اني اخذ ريم تعيش عندنا
في بيت ابوي
نايف بحده : نعم
عماد بعباطه : نعم الله عليك
نايف ناظر ريم بحده : ارجعي على غرفتك
عماد بجديه : تسمي هذي غرفه ؟؟!!
امشي يا ريم
نايف بحده : عماد لا تتدخل في ابنتي فاهم
عماد بحزم : ابنتك تسمي هذي ابنتك ؟؟!!
وناظره بجديه ممكن اجلس معك بغرفه لوحدنا بس ربع ساعه
هز نايف راسه وتوجه للمجلس وقفل الباب خلفه
عماد بجديه ناظره : بالله تعتبر ريم ابنتك ؟؟؟
متى اخر مره جلست معها ؟؟؟
متى اخر مره سألتها عن حالها واحوالها ؟؟؟
ابنتك ليه ما تجتمع معك على الغداء والعشاء
نابذها فوق !!
ترى اطمنك ما فيها مرض معدي لا تخاف سليمه
عمرك حسستها انها من لحمك ودمك ؟؟
عمرك دلعتها ؟؟
زوجتها بهذا السن !!
قاطعه نايف : هي للي ذبحت نفسها علشان تتزوج ما حد جبرها
عماد بقهر : من ضيمك اكيد رح توافق على الزواج
انا ما ارضى حبك لي يخليك تظلم هذي الطفله
هي ما لها ذنب باحد
كافي ظلمناها كثير
خلاص يا نايف انسى ساره وكرهك لها لانه
ريم ما لها دخل
ليه مصر تخليها تدفع ثمن غلطتك
جلس نايف ومسح على وجه : لا تلومني غصب عني
ما تدري كم كنت تعني لي انت كنت انا وإياك روح بجسدين
وفجأة تختفي وافقدك
كان صعب علي اتحمل
كان الانتقام عامي بصري كنت بس ابغى انتقم
من عيله ابو سعد كلهم
لما رمتها ساره علي حسيت انها انتصرت علي
وخلتها شوكه بحلقي
كرهتها وكنت اطقها طق وللي زاد جنوني
لسانها طويل اطقها وتشتمني
بس مع الايام كنت اتألم لحالها ووضعها
لانها ما لها ذنب
تواصلت مع خالها لريم علشان تصير ريم
تزور امها يمكن تخف شراستها وما تحس بالنقص
عن غيرها
بس للاسف رفضت ساره وعرضت عليهم المال بس رفضت قلت له على الاقل تكلمها بالجوال
رفضت
ما قدرت اقول لها امك رافضه تشوفك
ما حبيت اكسر خاطرها فوق ما هو مكسور
قررت اخليها على احلامها وترسم صوره حلوه لامها
تبقى راسخه في ذهنها
وانا اكون في نظرها الشرير لاني ما ابغى
تصير علاقتي حلوه معها وتسألني عن امها
لاني وقتها ما رح اعرف وش اقول لها
اما لما تكون علاقتي فيها زفت ما رح تسألني
عنها سافرت على اساس ارجع اخذها
بس ابوي اتصل بي وقال انه ارسلها
لاهل امها لانه ابو سعد كان يهدد ابوي بريم
فاضطر ابوي يرسلها له لانه توقع يرجعها ابو سعد بس للي ما حسب حسابه ابوي انه ابوسعد
ما رجعها
لا تفكرني حجر لذي الدرجه طول الايام للي قضتها عند اهل سالم وانا قلبي نار عليها
وخايف عليها
كنت اقنع نفسي اني اكرها وما اطيقها
واطقها احيانا قهر من المشاعر المتضاربه داخلي
كبرت وانا علاقتي فيها معدمه
مستحيل التقي فيها الا نتطاقق لسانها طويل
وينرفزني
رفع نظره لعماد ونزلت دمعه من عينه : ما اخبي
عليك انه ريم اغلى وحده علي بعيالي هذي ابنتي البكر
بالرغم من سوء علاقتنا
الا لها منزله ما حد يوصلها مع اني احاول انكر هذا الشي
بس حبها عشعش بقلبي
عماد جلس جنبه : طيب تقدر تحسن الوضع
وتصير علاقتكم كويسه
هز نايف راسه بالنفي : مستحيل للي انكسر ما عمره
رح يتصلح
وريم رح تبقى علاقتنا كذا للابد بالرغم من حبي لها
الا انها بنظري رح تبقى بنت ساره
ولا تنسى انا عصبي وهي لسانها طويل ما اقدر
اسكت عن حركاتها للي تنرفزني
عماد : والحل ؟؟؟
نايف بهدوء : ما تنتظر مني اعامل بنت ساره بيوم من
الايام بالطيب مستحيييييل
عماد بقهر : وبعدين مع عنادك خلاص انسى
وقف نايف : انت تعرفني اكثر واحد انا ما انسى
مستحيل خلاص موقف صار ما انسى وموقفي ما يتغير بالموقف
عماد بقهر : ظلك على حقدك وانا ريم ماخذها عندي
نايف يبغى يعترض
قاطعه عماد : اسكت قهرتني بكلامك كله تناقض بتناقض تحبها وتكرها وتطقها ما ادري كيف تركب هذي معك
دامك ما تطيقها وش تبغى فيها بنت ساره
وبعدين بيت ابوي ما في عيال
يعني ما لك حجه
وطلع من المجلس وهو متنرفز من نايف
زفر بضيق من نايف
بس ابتسم لما شاف ريم : يالله شرفي يا حلوه
ابتسمت ريم وطلعت معه
بالسياره طالعها : وش رايك نطلع نتعشى برا
ونغير جو
ناظرته ريم : لا ما ابغى مطعم ابغى مكان هادي
وحلو وبعيد عن الناس
هز راسه وحرك السياره

**
**
جالسه جنبه بالحديقه وتناظر للامام
وبصوت هادي : انت مثل عمي سلطان والهنوف
وصقر
قلبك طيب مو حقود مثل الباقي وخاصه فيصل
ابتسم وطالعها : احسك انت وفيصل دايما مثل الشحم والنار
ريم كشفت عن رسغها ومسحت عليه
وطالعته : تدري انه كسر يدي فيصل
فتح عيونه باستنكار : كسر يدك
هزت راسها وابتسمت بألم : لاني رفضت اقول له ليه رجعت من بيت اهل امي
شد عليها حتى كسرها مع كم طراق على وجهي
وقتها وجهي نفخ والوان الطيف كلها فيه
عماد بقهر : وين نايف عنك ؟؟ طيب ابوي ؟؟
اهتزت كتوفها من البكاء وبصوت متألم : نايف ما فتح فمه بكلمه وحده
بس جدي زعل على عمي فيصل
ابتسمت بالرغم من دموعها : احيانا اقعد افكر
معقول اني سارقه حلاله وانا ما ادري
حط يده على كتفها : انسي تراه فيصل طبعه
كذا حار
وانا صغير حصلت منه طراق كثير ههههه
كنت مثلك لساني طويل وارادد للي اكبر مني
ودايما انط من هنا ومن هنا
واتزحلق على الدرابزين واحصل كم طراق
من ابوي
كثير احصل طراق منهم بسب عنادي وكل اهل الحاره يشكون مني
بس كنت دايما اضحك ولا مره فكرت ازعل او زعلت او انعزلت لانهم ضربوني
بالعكس كأنهم يعطوني ابره زياده بالشطانه
كنت اعشق حياتي هذي
ومبسوط فيها
ريم بدون ما تطالعه : بس انت تختلف حتى لو طقوك
بس بالاخير كلهم يحبوك ويبغون مصلحتك
مو مثلي يطقوني من باب الانتقام والكره
وبنبره متألمه
كم مره اسمع نايف يدعي علي بالموت
زفر عماد بضيق : صدقيني ما يكون قصده
بس من باب العصبيه مو اكثر
ولو أصابك شر اول من يتضايق عليك نايف
هزت راسها بعدم اقتناع
القى عليها نظره وبعدها ناظر للبعيد
كنت شاب طايش معذب اهلي بس بنفس الوقت كنت بنظرهم القعده بدوني ما تحلى
كنت ادخل عليهم جو المرح والتخويث
كنت داير بالاسواق ارقم البنات
كان نايف ينصحني كثير بس ما كنت اسمع كلامه
كل اسراري اقولها لنايف وصديقي محمد
ما اخبي عنهم اي شي
بيوم من الايام شفت غاده بالسوق وكانت كاشفه
بهرني جمالها وظليت وراها
حتى عرفتها وصار بينا اتصال بالجوال
وعشقتها بشكل رهيب
نصحني نايف وخاصه لما عرف انها من عيله ابو سعد
بس كنت شاب طايش ما همني شي وعاندت
ومر وقت طويل على علاقتنا
وطلبت منها اخطبها
وقالت لي تبغى تمهد الموضوع لاهلها
وبعد وقت قالت لي اهلي موافقين وينتظرون قدومك
رجعت عالبيت الفرحه مو واسعيتني
وخبرت ابوي بالموضوع
بس صدمني برفضه رفض قاطع
حاولت فيه بس عجزت حاولت ادخل واسطات
وطلبت من اخواني يقنعوه
بس صمم على رايه بالرفض
وقتها عصبت منهم ليه يقفون بطريقي
ليه يبغون يدمروني
وقلت له اني بروح اخطبها بنفسي مو محتاج حد
ييجي معي
وطلعت من البيت معصب
توجهت لبيت جدها اخطبها منه بناء على طلب غاده
دخلت المجلس والظاهر لما شافوني لوحدي
استغربوا بس ما قالوا شي
ولما خطبتها منه
كل بالمجلس ضحكوا علي وخلوني مسخره
ما اساوي فلس واحد
وانصعقت من الخبر انها غاده مخطوبه من ابن عمها
وقتها توقف عقلي عن التفكير مو قادر اصدق
طلعت من المجلس
كنت بحال ما يعلم بها الا الله
اتصلت فيها اتاكد مو مصدق يمكن خربطوا
وانفجعت لما سمعت ضحكاتها الرنانه
كانت خطه تنتقم من عيلتي
ما توقعتها خبيثه كذا ومخبره اهلها انه صديقتها
بالجامعة تقرب لنا ودلت عليها
واهلها قالوا لها خلوه ييجي حتى يصغروني
بمجلسهم
وقتها فقدت التفكير والصواب اتصلت بمحمد
صديقي
يلاقيني في مكان محدد
كان الغضب معميني
خبرته بموجز للسالفه وقلت له اتصل بأهلي
وقول لهم اني متت بحادث سياره بمنطقة .....بعيده
عن هنا بكثير
بالبدايه رفض هددته الا انتحر واقتل نفسي اذا
ما عمل مثل ما اقول له
استسلم محمد لي لانه خاف علي لانه قبل شهرين
واحد من ربعنا انتحر لانه اهله رفض يخطبون له
البنت للي يبغاها
بعد يوم من اختفائي خبر اهلي وانطلقنا بالسياره ابغى اسافر واختفي عن
هالعالم وبالصدفة شفنا حادث وقفنا
عنده ونزلنا كان صاحب السياره لوحده وفارق الحياه حملناه
ولما شفت اوراقه كان وافد اجنبي
ما ادري كيف جاءت هذي الفكره براسي
اتصلنا بالاسعاف وطلبت من محمد يروح معهم
بالاسعاف وانا الحقه
بس طيشي وتهوري خلاني اتوجه للمطار وقبلها
توجهت للحلاق صبغت شعري بني
وعدلت شكلي وبعدها توجهت للمطار وانا خايف انكشف ولحسن الحظ ما انكشفت وانا اتعامل بحذر
وغادرت البلاد وتوجهت لبلاد الغرب
ما كانت اول سفره لي كنت كثير اطلع مع ربعي
برا البلاد
وقتها كنت متضايق وقررت اروح لمناطق الريف
فيها
مناظر جميله تهدي نفسيتي واعيد تفكيري من جديد بعد وقت من وصولي بساعات
فكرت بالموضوع وحسيت بغبائي
كيف عملت كذا
اكيد الحين اهلي الحين يبكون علي
ضربت جبهتي كيف حرقت قلب امي علي ؟؟!!
واخواني ونايف
كيف رح يستقبلوا الخبر
حزمت امري ووقفت اروح اتصل من اقرب
بقاله واطمنهم علي
بس من سرعتي ما انتبهت لسياره اجره
صدمتني وبعدها ما دريت عن شي
طالعته ريم والدموع بعيونه
ناظرها بحزن : حرقت قلب امي وابوي علي
واخواني واخواتي
كله بسبب طيشي وفوق هذا ضيعت مستقبلي
بعيد عن اهلي وربعي للي كانوا مثل روحي
قطع كلامه رن جواله ناظر الشاشه
وزفر بضيق
واعطى مشغول
وطالع ريم : امي تتصل فيني
الواضح انه تأخرنا عليهم
طالعته ريم بحزن ما تدري وش تقول له
وتواسيه بالكلام
ضربها على راسها بخفه وابتسم : لا تناظريني
بشفقه ما احب هذي النظره
وبعدين استاهل كله بسبب طيشي ايام زمان
ناظرته ريم وابتسمت : يقال انك الحين عاقل
وحركت حواجبها
دفع راسها بخفه : سخيفه
يالله قومي امشي نرجع
ريم : ما كملت القصه !!
ابتسم لها : خلاص النهايه بطل القصه الوسيم
رجع لاهله متزوج ومعه ولد مزيون البنات
يغازلنه ويغازلن ابوه من جماله
رفعت ريم حاجب : يا شين الغرور تراك جوكر
ما ادري زوجتك كيف قبلت فيك
عماد : تلايطي قدامي عالسياره فعلا انك ما تنعطين وجه
اجل انا جوكر ؟؟!!
مسكت يده وضحكت : واحلى جوكر
&&
&&
&&
&&
&&
وقف السياره باب البيت ريم بتردد : رجعني عند نايف كيف ادخل بيت انطردت منه ؟؟
نزل من السياره ونزلها معه : بهذا الزمن ما في شي اسمه كرامه
ريم وقفت ومدت بوزها : بس انا كرامتي ما
تسمح لي ادخل
عماد مسكها من يدها وسحبها معه للداخل
ودخلوا وهو بعده يسحب فيها
كان الجد والجده وصقر جالسين بالصاله الخارجيه
وقفوا لما شافوهم
الجد ناظر ريم وهو رافع حاجب وبعدها عماد : بكير
صقر بقهر : خيانه عينك عينك ليه ما اخذتوني معكم يا خونه
الجد بحزم ناظر ريم : للي سمعته صحيح ؟؟
ريم بغباء ناظرته : وش سمعت ؟؟؟
الجد بنرفزه : لا تتغابين صحيح تركتي بيت
نايف ورجعت هنا ؟؟
عماد ابتسم : ايوه صحيح
الجد : بدل ما تنطين هنا وهنا ارجعي لزوجك
واعتذري منه احسن لك
ريم بقهر : تبغاني ابوس رجله علشان يرجعني
ولا تنسى هو للي طردني
قاطعها الجد : اسكتي اسكتي اكيد قرف لسانك الطويل
والا كان ما طردك انا اعرف خالد باله طويل
ريم بقهر : صفيت معه بدون ما تسمع مني
وين العدل ؟؟
عماد يلطف الجو بصوت عالي وهو يستهبل : اين الديمقراطيه ؟؟؟
اين حقوق المراه ؟؟؟ اين
قاطعه الجد : انت اسكت رحت وارجعت ما تغير هبلك هذا
ما اقول غير الله يصبرني
انتم الاثنين تعيشون عندي علشان تشيبوني
قاطعته ريم وابتسمت بعباطه : ما يحتاج
شعرك شايب جاهز
لا تتحجج فينا
وناظرت عماد وابتسمت : كفك هنا
قاطعها الجد بحزم : ريم
يكون بعلمك انا زعلان عليك حتى تراضين خالد
وقتها يصير خير
وحركاتك انت وعمك هذا المخبول ما ابغى اشوفها هنا مفهوم
عماد ابتسم : على راسي كل الكراسي
الجد هز راسه بأسف وطلع لجناحه
الجده ناظرت عماد : وبعدين معك انت ما تتغير
بدل ما تعقل بنت اخوك تزيد في جنونها
صقر بغيره : اتركيهم اشوفهم ساحبين علي
ولا حتى معبريني
ريم ابتسمت : حظك المعبر سكروه ههههه
صقر كشر ملامحه : لا تكلموني انتم الاثنين
زعلان منكم
عماد : لا ما تهون علي ياخوي بس المره الثانيه ناخذك معنا
ريم تكمل : ونشتري لك حلاوه
صقر بغرور : حلاوه بعينك يالبزر
قاطعتهم الجده : مطولين وانتم كذا
يالله شرفي يا ريم على غرفتك حومك هذا يؤثر على الجنين
عماد بجديه : صحيح لازمك الحين راحه
وخاصة بالاشهر الاخيره
هزت راسها وتوجهت للدرج
صقر باهتمام : شوي شوي وانت تمشين

**
**
**
**
**
*
*
جالسه بمجلس الحريم مجتمعات بمناسبة رجوع سديم وسليمان من شهر العسل
سديم كانت متشيكه عالاخير وتدلع وهي تتكلم
وتخبرهم عن سفرتهم
كانت ريم تسمع وهي تطقطق بالجوال ومقهوره
كان نفسها تسافر وتطلع برا وتشوف العالم
كانت متأمله اذا تزوجت تسافر
بس تجري الرياح بما لا تشتهي السفن
سرقت نظره سريعه لسديم للي تتكلم
وباين من كلامها انها تجاكر بريم
بس ريم اعطتها طاف وطنشتها
وبدت سميه تتكلم عن شهر عسلها ويرمون نغزات على ريم
لانها ما سافرت
هيفاء : الحمد لله انك انبسطتي وانت وسليمان
سديم بدلع لوع كبد ريم : اكثر مما تتصوري يا عمتي
حسيت حالي بحلم
طالعتها ريم وبنفسها : لا يا شيخه اصحي تراك
ماخذه واحد من شله المهابيل
سميه بدلع : انا نوافي قال لي رح نسافر لتركيا نغير جو
سديم وهي تلعب بغرتها : وانا سلومه قال لي
رح ياخذني لتركيا لانه ما قعدنا كثير بفرنسا
طالعتها ريم بطرف عينها وبنفسها : ياليتكم
ضعتم وبقيتم منطقين هناك علشان ارتاح من خشتكم
الجده بفرح : الحمد لله انكم انبسطتم
سديم : الحمد لله
ام خالد بابتسامة : ليه يمه غلبتي حالك وجبتي
هدايا ؟؟
سديم : مقصرين معكم يمه وهذا واجبكم
وتستحقون اكثر
ريم وهي تطقطق بالجوال وبنفسها : نفسي اعرف ليه تكرهني هالكثر
جابت للكل هدايا الا انا يقال ميته على هديتها .او رح اروح انتحر
مالت عليها هي وسليمانووووو المهبول
رفعت راسها لما سمعت اكره صوت على
وجه الارض بالنسبة لها
هيفاء بنغزه : اقول يا ريم خالد بعده قرفانك ومصمم
يطلقك ؟؟
رفعت ريم حاجبها بغرور وثقه : الظاهر انك ما
تفهمين او فهمك على قدك بس ما الومك التقدم بالسن أثر عليك
وبغرور كم مره قلت لك
انا للي قرفانه خالد وانا للي قصدت اعمل هذي المشكله علشان يطلقني
وتيجي من عند خالد لاني عارفه جدي ما رح يقبل
يطلقني منه
ويكون بعلمكم تراه نايف وصقر غصبوني
عليه والا انا وش ذنبي اتزوج واحد عنده عيال
وميلت نفسها مو عاجبها
الجده بنهر : ريم احترمي نفسك ما اسمح لك تقولين
عن خالد كذا
ام خالد بقهر من ريم : تراه الف وحده تتمناه
اما انت مين رح يقبل فيك ؟؟
ريم بغرور : هه ناسيه كم وحده خطبتني بزواج سليمان
خليها حلقه بإذنكم اول ما خالد يطلقني من هنا
رح اتزوج من هنا لو بغيت
بس ابنك عمل لي عقده من الزواج كرهت الزواج بسببه
سديم بقهر : انت ما تستحين على وجهك ؟؟
على وش شايفه نفسك ؟؟؟
روان : انت يالقزم ...
قاطعها صوت من خارج مجلس الحريم : قزم بعينك
انت ما تستحين تقولين عن بنت عمك وزوجه اخوك كذا
المفروض تحترميها تراها متزوجه وحامل
وقريب تصير ام
وبحده وقسم بالله اذا تكرر هذا الكلام ما يحصل خير كل وحده تحط لسانها بحلقها
وبنبره حنان : ريم تعالي يا ابوي شوي
قامت ريم وتحس السعاده تغمرها
طلعت واعطتهم نظره انتصار
هيفاء بقهر : انا اقول هذي اكيد ساحره عماد
شفتي كيف يعاملها والا نسي انها بنت اخت غاده
الجده : يهتم فيها بشكل مو طبيعي ولا يرضى عليها
ام خالد لوت بوزها : هذا ما يصير يبهدل بناتي علشان
ست ريم
روان بقهر : شفتي يمه !!
يعني وش تزيد ريم عنا حتى يميزوها عنا
ام سليمان بهدوء : ما تبغين هالاهتمام
اذا كان من وراه تشتت
شوفي حياتها كل يوم واحد راميها على الثاني
يعني اذا عاملوها كذا كله من باب الشفقه
ما اتوقع حب فيها
سديم بهدوء :،صادقه يا خالتي يمكن يشفقون عليها
مع انها حيه من تحت التبن
الجده بنبره حزن مسحت دمعه من طرف عينها : ما ادري هالبنت تكسر خاطري لما اشوفها
حتى لو اقسى عليها دايما
**
**
**
**

طلعت كان عماد واقف قريب من المجلس
وقفت عنده ناظرها بمحبه : ضايقك كلامهم ؟؟
ابتسمت ريم وهزت راسها بالنفي : اصلا ذول سخيفات
ضرب على راسها بمزح : انت ما عندك غير ذي الكلمه
ابتسمت ريم : لانهم سخيفات
ابتسم بمحبه وبداخله احساس بالذنب تجاه
ريم طالعها : يالله انا رايح كنت قريب من هنا وسمعت
صوتكم العالي
وسمعتهم كلهم ضدك عاد ما هان علي
كلهم يكونوا ضد ابنتي
ودق صدره بمرح : انا لهم ما رح اسمح لاحد
يزعجك لو بكلمه
ناظرته بامتنان : مشكور
مسح على شعرها : ما في بين البنت وابوها
شكر هذا واجبي
يالله تأخرت على الشباب
طلع للشباب وهي توجهت لغرفتها تحس
بتعب جسمها مكسر
كل اليوم تحس بثقل الحمل وتعبه
**
**
**
مر اسبوعين نفس الروتين وريم قريب من الشهر الثامن ينقصها ايام
دخلت البيت وجلست بالصاله اخذت نفس
وناظرت روان : اختك نايمه ؟؟
روان وهي تطقطق على اللاب : ايه نايمه
ام خالد : اطلعي تفقديها بلاه تصحى وما حد عندها
مدت روان بوزها بضجر وهمت تقوم بس رجعت
جلست لما شافت نوف للي عند الباب : نوف نوف
ناظرتها نوف
روان بأمر : اطلعي فوق شوفي مريومه نايمه
ويا ويلك اذا قربتي منها
نوف صارت تتحلطم
روان بأمر : يالله اطلعي بسرعه
طلعت نوف وهي تتحلطم
طالعت ام خالد روان بانتقاد : روحي وزني نفسك يمكن
تخسي كيلو لو طلعتي تشوفين اختك
روان : يمه عاد خلاص طلعت نوف اخف مني
نزل خالد من الدرج مستعجل وقفه صوت امه : خالد تعال يمه شوي
ناظر خالد ساعته واقترب من امه وباس راسها : اخبارك يالغاليه ؟؟؟
ام خالد تناظر ولدها بمحبه : بخير
وينك ما تنشاف يمه شوف وجهك نحفان وشاحب
خالد ابتسم : تعرفين يمه من الجامعه وابحاث
وبعدها للمستشفى تعب
رفعت روان نظرها عن اللاب وطالعت خالد : كله
هذا من الهم
طالعها خالد وهو رافع حاجب
وام خالد تناظرها بجديه
روان طالعتهم وتكلمت : لا تناظروني كذا
كله هذا هم
من يوم ما تزوجها وهو ضايق خلقه ومكشر
كله بسببها
ام خالد طالعت ابنها وبعدها طالعت روان : وهي ولا همها
رجعت مثل اول لسانها مترين وترد الكلمه بعشره
الحين كنت في بيت جدك
صجوا راسي هي وعماد بصوتهم العالي
وصراخهم وضحكهم
واصل للشارع
وازيدك بيت من الشعر جدتك تقول كل يوم يطلع
معها وما يرجعون الا متأخر
ما ادري متى تعقل
وطالعت روان بجديه : اطلعي شوفي اختك
نوف ما رجعت اخاف تعمل فيها شي
فزي بسرعه
طلعت روان وهي تتوعد بنوف
خالد طالع امه : طيب هي ليه رجعت على بيت جدي ؟؟؟
دامه بيت ابوها موجود ليه ساكنه عند جدي ؟؟ ام خالد : ما فيها شي لو عاشت في بيت جدها
خالد لوى بوزه : حتى لو كان جدها لا تنسين عيال عمي
داخلين خارجين
ام خالد : لا تنسى انها ما تغطي وجهها عن عيال عمها
وبعدها صغيره انا اقول كبر عقلك ولا تحط عقلك بعقلها
بعدها بزر
خالد بنرفزه : ما حد خربها غيركم بعدها صغيره
تدرين رح تصير ريم جده وعندها احفاد وانتم تقولون صغيره
ام خالد : باكر تولد وتعقل ....
قاطعها خالد : تعقل او ما تعقل هذا ما يخصني لما تولد ارسل لها ورقتها
مو مستعد انتظرها تعقل
قاطعه دخول فيصل : مو كان هذا كلامك لما قلنا لك
انا وامك البنت صغيره ما تنفعك قلت الصغير
يكبر !!
وعموما بالنسبه للموضوع للي قلت عنه مرفوض
خالد بنرفزه : بس يبه كيف ارفض اخت صديقي
صعبه يبه
فيصل بحده : بس انت ما خطبتها
خالد وهو يحاول يكتم عصبيته : بس يبه اخوها كان قاعد كيف ارفض واقول ما ابغى اختك
صعبه
ام خالد كانت تنقل نظرها بينهم مو فاهمه
شي طالعتهم : وش فيه ؟؟
فيصل بقهر : ابنك الدكتور كان جالس مع صديقه
وعم صديقه
طبعا عم صديقه لما عرف انه خالد متزوج وعنده
عيال اقترح عليه يخطب بنت اخوه للي هي اخت صديقه مطلقه وعقيم
خالد : كيف تبغاني اقول لا ما ابغى اختك !!!
ام خالد باعتراض طالعت خالد : انت مجنون ؟؟!!
اذا تبغى تتزوج انا مستعده اخطب لك البنت للي تريحك
فيصل طالعها : وريم ؟؟
ام خالد : علامها ريم يرجعها خالد ويتزوج وحده
يرتاح معها
شوف ابنك وحس فيه من اول ما تزوج ريم
ودايما خلقه ضايق شوف كيف شاحب ونحفان
كله بسبب ريم
خالد خلقه ضايق : انا تأخرت انتبهوا على العيال
فيصل بضيق : ما تبغى تتغدى ؟؟
خالد زفر بضيق : مستعجل
وبعدها طلع
فيصل ناظر ام خالد بحده : انت لا تتدخلين فيه
ولا تجيبين سيره الزواج قدامه فاهمه
هزت راسها ام خالد وهي تعدل جلستها

**
**
**
**
**
جالسه وتلعب مع عماد بلايستيشن وصوت
ضحكهم وصراخهم طالع
قاطعهم زوجه عماد معها العصير
عماد وقف اللعبه وناظر زوجته : هلا والله
ناظرته زوجته وابتسمت بنعومه
ريم طالعته : تدرين انه زوجك سخيف
طالعتها زوجه عماد وعقدت حواجبها ما فهمت شي بس ابتسمت مجامله لريم
ضرب عماد ريم على راسها بخفه
وطالع زوجته : تبتسمين لها انها تشتمني
ناظرت زوجته ريم بلوم: يجب عليك احترام من هم اكبر منك
ابتسمت ريم بمرح : حاضر عمتي
قرصها عماد بخدها : ترى زوجتي ما اسمح لك
ريم ناظرت زوجته : الحين انا اسمع انهم الاجانب شقر
ليه زوجتك مو شقراء ولا حتى بيضاء
حتى ابنك مو حلو اسمر
مسكها من اذنها : زوجتي وابني مو عاجبينك يالعصله
ريم وهي تضحك : ههههه والله مو قصدي
بس مجرد سؤال ليه مو حلوين مثل الاجانب
ناظر عماد زوجته للي تناظرهم وتبتسم
طالعها واشر على ريم : تضحكين يالخبله قاعده
تقول عنك مو حلوه
عقدت حواجبها : ماذا تقول لم افهم ؟؟
ريم طالعتها : يقول بأنه سوف يتزو...
قاطعها عماد وكب العصير عليها
فتحت ريم فمها بفجعه وتصنمت بمكانها وبصوت عالي : اححححححح
ضحك عماد على شكلها
وبسرعة مسكت ريم العصير
بس عماد كان اسرع منها وهرب تحت
نزلت ريم تركض بشويش
شافته واقف وبسرعه كبت العصير عليه من بعيد
للي ما حسبت ريم حسابه انه خالد كان جالس على الكنبه
ولما شاف عماد العصير ابتعد وانكب كله على
خالد
للي شهق ووقف بفجعه
حطت ريم يدها على فمها ما تدري وش تقول
الجده بعصبية : انت ما تستحين على وجهك
تراكضين هنا وهنا ؟؟؟
ناسيه انك حامل ؟؟
وش اقول دام هذا الخبل داير معك بدل ما يعقلك
يزيد جنانك
ناظرتها ريم وفتحت فمها : انا مجنونه ؟؟!!
عماد ابتسم : واحلى مجنونه
وبعدها طالع خالد باحراج : امسحها بوجهي
يا ولد اخوي تراها ما قصدت
ناظرها خالد نظرات ناريه كان مستعجل ينتظر صقر
الحين اكيد رح يتأخر زياده وللي قهره تراكض
عن الدرج ولا كأنها حامل
شد على قبضه يده ومن بين اسنانه : يصير خير وطلع يبدل ملابسه
الجده بقهر : عجبكم طلع خالد زعلان
عماد ناظر ريم : ههههههه اما شكلك تحفه ههههههه في وحده تستقبل زوجها كذا هههههه اكيد انه هج لما شاف خشتك ههههه
ناظرته ريم : سخيف وطلعت لغرفتها مقهوره من
خالد مغرور على وش شايف نفسه
لو تدري انه العصير رح ينكب عليه كان رمت الكاسه
علشان تكسر راسه و خشومه للي رافعهم للسماء

**
**
**
**
**
قاعد مع العيال ويضحك
حموده بفخر : انا اكره ما علي اروح على السوق
البنات ما يخلوني بحالي
يلاحقوني يبغون رقمي
صقر بسخريه : خف علينا يا معذب قلوب العذارى
حموده بانفعال : مو مصدقني اسأل عبود
بدر بسخريه : مين المغفله للي تتطالعكم
خالد وهو يضحك : ههههههه بعدكم صغار
على ذي الامور ههههههه يمكن البنات يلاحقونك
انت وعبود يبغون يعطونكم حلاوه هههههه
وضرب كفه بكف صقر
عبود بقهر : ترى ما اسمح لك واذا كنت بزر
وش تقول عن ريم للي تزوجتها تراني اكبر منها
خالد اختفت الضحكه وطالع عبود بحده : وش دخلك بزوجتي ؟؟
وش علاقتها بالموضوع حتى تجيب سيرتها ؟؟
صقر اعطى نظره لعبود وطالع خالد بابتسامة : مو قصده شي
عماد بابتسامة : على سيره زوجتك تراها تنفع مرشد سياحي والله ما كنت اعرف شي بمول ....
عرفتني على كل زاويه فيه
سليمان بنغزه : اكيد رح تعرف مضت وقتها في بيت اهل امها مع بنات خالها بالاسواق ترق..
وسكت ما كمل
صقر ناظره بحده : وش قصدك ؟؟
وقسم بالله امسح فيك الارض
سليمان بغرور : انا وش دخلني اذا كانت تدور بالاسواق مع بنات خالها يرقمون ومكياج كامل
وعبايه مخصره مو مصدقني اسأل الشباب
ناظر صقر الشباب حتى يتأكد
نواف بهدوء : خلاص سالفه قديمه انسوها
صقر بحده : قول وش عندك
نواف : ما في شي بس كنا نشوف مع بنات خال ريم بنت شكلها مألوف لنا
وبعد ما رجعت ريم هنا ما عدنا نشوفها مع البنات
وكنا نحس في شبه بين ريم وذيك البنت
وقبل زواج سليمان سأل البنات عن ذيك البنت
قالوا انها رجعت لابوها وتزوجت
فكل الدلائل تقول انها نفسها ريم
طالعه خالد بغضب : انتم ما تستحون على وجهكم تقولون عن بنت عمكم كذا ؟؟
هذي من لحمكم ودمكم
ولنفرض انها غلطت تفضحونها ؟؟
بس خليها بمعلوماتك انت وغيرك
ريم مو من هذا النوع لو اشوفها بعيني ما اصدق
وبعدين اذا بنات خالها يرقمون خلاص
حكمتم عليها انها ترقم وطعنتوا عرضكم قبل ما تطعنونها
وقسم بالله لو اسمع واحد منكم تكلم على ريم او وحده من بنات عمي بالشينه الا اشرب من
دمه
وناظرهم باحتقار
عماد بهدوء : ويكون بعلمكم ريم خبرتني بكل شي وخبرتني عن بنات خالها انهم يرقمون
حتى ريم قالت لي كانت تستغرب كيف يرخصون انفسهم
ومستحيل تكون مثلهم لانها ارفع من كذا
وحتى نايف يدري بالموضوع قالت لابوها
لو كان عندها حركات مو مضبوطه كان ما خبرت احد
والسبب للي خلاها تهرب من بيت جدها
انها سمعتهم يبغون يورطونها بسالفه شينه ..وصورها عند البنات
صقر بانفعال : وحنا وين عن ذي السالفه ما حد خبرنا
عماد : اسكت ما حد يدري عنها الا ريم ونايف
حتى ابوي ما يدري
وطلب منها ما تخبر احد وتوكل هو يحل الموضوع
خالد بقهر وهو شاد على قبضه يده : والحين لها
صور عند بنات خالها ؟؟
عماد ببرود مقصود : ما ادري ما سألت نايف
حتى ما يدري اني اعرف
صقر براحه : دامه نايف توكل فيه اكيد حله بإذن الله
سليمان بندم : انا اسف مو قصدي بس كنت مقهور
انه بنت عمي تلف الاسواق مع ذي الشله الخايسه
عماد : المهم ما ابغى السالفة تطلع من هنا
واشر على عبود وحموده فاهمين

خالد
كنت جالس معهم بس بالجسد وعقلي يفكر
مقهور من هالريم غبيه غبيه كيف تعطي
صورها لبنات خالها وتطلع للاسواق مع شله خايسه مثلهم
اكيد البنات للي كانوا واقفين معها لما رحت اشتري مثلجات نفسهم
ما ادري كيف تصاحب هالاشكال
نفسي افتح راسها واعرف وش تفكر فيه ؟؟؟
وبنفس الوقت لازم اعرف انه سالفه الصور انحلت او لا بس كيف ما ادري ؟؟؟
لازم اعرف بس كيف كيف كيف وقفت وانا بدوامه
وتركت الشباب متجاهل طلبهم حتى اجلس معهم
::
::
::
::
::
توجه لبيت جده دخل بهدوء وسأل الشغاله عن مكان ريم وخبرته انها بغرفتها
طلب منها تفتح له طريق
توجه لغرفتها بهدوء اخذ نفس وطرق الباب
بهدوء
ما حد رد عليه
فتح الباب بشويش ودخل ناظر لجهتها
وفتح عيون باستنكار
قفل الباب وهو شاد على قبضه يده
واقترب منها وتكلم وهو شاد على اسنانه : ريم
ما ردت كانت مركزه نظرها على شاشه التي في
خالد بنبره اعلى : ريم
نقزت على الصوت وناظرته باستغراب
اشر على التي في وبعصبيه : وش هذا ؟؟؟
ناظرت ريم التي في وصار وجهها الوان
خالد بعصبية : انت ما تستحين تناظرين هذي المناظر الخليعه ؟؟؟
ريم باحراج : كنت اقلب القنوات وبعدها سرحت وما انتبهت لها
خالد وهو شاد على اسنانه : وليه هذي القنوات
موجوده اصلا ؟؟؟
وما انتظر ردها سحب منها الريموت وحذف القنوات
ريم بقهر : ليه حذفتهم ؟؟
رمقها بنظره احتقار
ونزل لها كم قناه محترمه ورجع الريموت مكانه
ورجع ناظرها : من متى تحضرين هذي المناظر الماصخه ؟؟
ريم ووجهها احمر : لما كنت في بيت جدي كنت
احضرها مع بنات خالي
بس لما تزوجت نادرا ما احط على ذي القناه
ناظرها وده يذبحها : انت ما تعرفين حرمه هذي الاشياء ؟؟؟
تعرفين انه العين تزني وزناها النظر
والاذن تزني وزناها السمع
ربنا اعطاك نعمه البصر تشكرينه
بأنك تطالعين لذي المحرمات !!
هذا هو شكر النعمه عندك ؟؟؟
ربنا للي اعطاك هذي النعمه قادر بلحظه
ياخذ منك هذي النعمه
كم شخص فاقد نعمه النظر يتمنى
يرجع له نظره
وما يناظر للي يغضب ربنا
وين غض البصر وينه ؟؟؟
كيف رح تربي بناتك بالمستقبل على الحياء وانت
تتابعين هذي المصاخه ؟؟؟
انا ام عيالي تتابع هذي المناظر ؟؟؟
لو جاك ملك الموت الحين رح يسرك حالك
ويكون هذا اخر عمل لك بالدنيا
يسرك تنقبض روحك وانت تتابعين ذي المناظر الخليعه
ما اقول غير الله يهدينا جميعا ويحسن ختامنا
مسح على وجهه بقهر وبعدها
زفر بضيق
وطالعها : عموما مو موضوعنا هذا انا جيت
اسالك عن سالفه الصور
صورك للي عند بنات خالك انحلت والا بعدها
ناظرت ريم خالد ما تنكر انه قدم لها
خير كثير
صحاها من غفله للمره الثانيه
بس بنفس الوقت ما نسيت طردته لها
قدام اهله طالعته ببرود : ما يخصك
وانت طالع قفل الباب خلفك
وتوجهت للكرسي وجلست عليه وحطت رجل على
رجل
طالعها متفاجئ ما توقع منها هذا الرد : يعني طرده ؟؟؟
وقبل ما ترد كمل : مو طالع حتى اعرف السالفه
منك
ريم ببرود : ما يخصك وبعدين نايف توكل انه يحل الموضوع
طالعها ورفع حاجب : لا يا شيخه !!
كيف ما يخصني ؟؟؟ وبعدين كيف تقولين كذا نايف
تراه ابوك !!
لمتى رح تبقين كذا ما تحترمين لا كبير ولا صغير
كيف رح تربين اجيال وانت ابوك ما تحترمينه
ما عندك اصطلاح اسمه احترام
ريم ردت من رؤوس خشومها: خليت لك الاحترام
يا روح امك
وبعدين الظاهر لما توزع الاحترام كنت نايمه
طالعها : لسانك طولاااااااان
تدرين كل يوم يزيد تصميمي على طلاقك
والظاهر انه الكلام للي قالته سديم وروان صحيح
عملتي كذا علشان اطلقك وابوك غاصبك علي
قاطعته : ايه صحيح قلت وللحين ارجع اقولها
قاطعها : اششششش انا ما جيت علشان هذا الموضوع لاني منتهي منه بعد الولاده اطلقك
رح اعيد السؤال مره ثانيه
سالفه الصور انحلت او لا
ريم وهي تلعب بخصله من شعرها قهرها حلفت بداخلها الا تقهره : امممم
نقول 50 بالميه ايه و 50 بالميه لا
تنرفز من جوابها : ريم
تكلمي زين
ما ادري انت غبيه !!
كيف تخلين صورك عند بنات خالك ما تخافين
واحد من عيال خالك يشوف صورك ؟؟
ناظرته ريم نظره غباء : ها
اصلا ما كنت اتحجب عنهم الا قبل ما ارجع هنا
بأسبوع
يعني عادي لو شافوا صوري
خالد والقرود تنطنط فوق راسه : انت ما تستحين كيف ما تتحجبين عن عيال خالك ؟؟
كم اعمارهم ؟؟
ريم ببرود وهي تفكر اسلوبها نرفز خالد : اممممم بالطعشات قريب من عمري
اما عيال اولاد عم ساره بالعشرينات
خالد بعصبية : وكمان ما تتحجبين قدام عيال عم امك ؟؟
ريم ببرود : كل البنات ما يتحجبون بس لما كنت
اطلع عالسوق اتحجب وناظرته بفخر
خالد ناظرها ووده يذبحها : عندك نفس الصور للي عند بنات خالك ؟؟
ريم هزت راسها : ايه عندي
خالد وهو يحاول يتحكم باعصابه : فزي
قومي روحي جبيهن اشوفهن
ريم شهقت وحطت يدها على فمها بحركه مقصوده تغيز خالد : لا لا ما يجوز تشوفهم
خالد والشياطين تنطنط فوق راسه : عيال خالك
جائز يشوفونك
اما انا زوجك ما يجوز
ريم باسلوب ينرفز : بس انت طليقي وما يجوز حتى تشوفني الحين
وبتمثيل حتى تقهره
ترضاها لاخواتك ؟؟
عض على شفته بقهر : انت بعدك زوجتي بس قريب
اطلقك وارتاح منك وناظرها بقرف
ناظرته وحطت يدها على صدرها : ترتاح مني ؟؟؟؟
حس بالندم ما يحب يجرح احد بس ريم
تطلعه من طوره طالعها وهو يرقع : ءءء قصدي
قاطعته ريم لما وقفت وهي تردح : انا اصلا
للي رح ارتاح من خشتك يا معقد
هز راسه بأسف : نفسي افتح راسك هذا واشوف وش فيه ؟؟؟
ناظرته ريم وهي تتخصر : يعني وش فيه عقل دماغ
مو مثلك راسك فاض ..
سكتت ما كملت
اعطاها خالد نظره ناريه : روحي جيبي الصور
ريم بعناد تحرك حواجبها : لا
خالد وهو شاد على اسنانه : لا تختبرين صبري
ريم جيبي الصور تحركي
مدت بوزها وتحركت جابت الالبوم وناولته له
بدون نفس
طالعها : بنات خالك لهم صور بهذا الالبوم
ريم وهي تتكتف ومن رؤوس خشومها : لا هذا ما فيه الا صوري
صورهم بالالبوم الثاني
طالعها قبل ما يفتحه : متأكده نفس الصور للي معك نفسهم للي معاهم
هزت راسها بالموافقة
جلس على السرير
وفتح الالبوم كانت اول صوره لولد بالابتدائي لابس
طقيه ولادي طالعها : مين هذا الولد ؟؟
لوت ريم بوزها : مو عاجبك هذي انا
فتح عيونه باستنكار : مستحيل هذا اسود وانت بيضاء اصلا باين انه ولد
فتح صوره ثانيه لبنت بالابتدائي رابطه قرون وسمراء كثير
ناظرها مين هذي البنت بعد ؟؟
طالعته ريم بفخر : هذي انا وابتسمت
طالعها بتشكيك : تتمسخرين هذي سوداء مو حلوه
وما تشبهك !!
ريم ناظرته بغرور : احلى منك
طالعها : يا خوفي ابني يطلع يشبهك واشر على الصوره
ناظرته بقهر : هي ترى ما اسمح لك وحاولت
تسحب من الالبوم
ابعدها عنه وكمل يناظر الصور وهو يضحك
على شكل وحركات ريم بالصور
طالعها : هذي انت ؟؟
كانت الصوره وهي لابسه فستان ازرق غامق ولون بشرتها قمحي
ناظرت الصوره بهدوء وهي تتذكر طفولتها وبصوت هادي : هذي صورتي وانا بالصف السادس
طالع ريم وطالع الصوره : فيه شبه بسيط بينكم
رجع يناظر الصور
حتى وصل لاخر اربع صور طالعها : متى كانوا ذول الصور ؟؟
طالعته : قبل ما ارجع هنا بشهر كنت اولى ثانوي
طالع الصوره كانت لابسه تنوره بيضاء لنصف الساق
وبلوزه لونها زهر خيط ولابسه قبعه
لونها زهري عاكسه على بشرتها وخدودها
لونهم زهر وشعرها مفتوح
كانت صورتها روعه تجنن
ابتسم بإعجاب : بس باينه صغيره علشان كذا يبغون صور لك وانت اكبر من كذا
طالعته ورفعت حاجب ومدت يدها : هات الصور
اتوقع تدل الباب
ناظرها : هذي طرده ثانيه ؟؟
ريم ابتعدت عنه ما تدري تخاف منه بس شجعت نفسها وهي تتذكر كلام عماد ما تخاف من احد : وستين طرده
ناسي نفسك يا دكتور لما طردتني قدام اهلك
وما احترمتني
طالعها بهدوء : اتوقع اني عاملتك باحترام بس انت مو وجه احترام وما قدرتي احترامي لك
طالعته وهي تتخصر : تركت الاحترام لك يا ولد ....
طالعها خالد بحده : وقسم بالله كلمه وحده
عن امي لا تلومين الا نفسك
ما اسمح لك هذي امي
اعرفي قبل ما تتكلمين قدر الناس فاهمه
لفت وجها ريم لجهة الشباك ما تبغى تشوفه قهرها : طيب يا ابو الاحترام
تقدر تطلع
وقف وحط الالبوم على السرير : طالع
لفت وجهها وناظرته قبل ما يطلع
طالعها بفوقيه وطلع وقفل الباب وراه
ريم بقهر : مغرور
وبصوت عالي : اكررررررررررررهك
فتح الباب وابتسم : شعور متبادل
ريم بقهر : نذر علي يوم طلاقي منك الا اعمل حفله
ناظرها وابتسم شبح ابتسامه : خلاص اعتبري الحفله
على حسابي
وقفل الباب وراه وترك خلفه بركان ثائر
&
&
&
&
&

مر كم يوم على لقاء خالد وريم
نزلت عن الدرج بشويش
شافت صقر جالس بالصالة الخارجيه
رفع صقر نظره لها وبانتقاد : وش ذي العبايه يا ريم ؟؟
ناظرت ريم العبايه وبعدها طالعته باستغراب : وش فيها ؟؟؟
قاطعهم دخول خالد : يالله يا صقر تأخرنا
طالعه صقر وهو عند الباب : انتظر شوي
ورجع طالع ريم : ارجعي بدلي عباتك فيها
ضياق
ريم عقدت حواجبها : ما فيها شي ومو ضيقه
صقر : ليه ما اشتريت نمره اكبر من ذي ؟؟
ريم بهدوء : عماد اشتراها لي
خالد بحده طالعها : ارجعي بدليها وبعدين وين طالعه بالليل
نزل عماد بابتسامة : جاهزه يا ريم ؟؟
التفتت له ريم : ايه جاهزه
خالد بحده : انت ما تسمعين قلنا لك بدلي عباتك
وارجعي على غرفتك مو كل يوم طالعه
عماد طالع خالد : تكلم بهدوء مو بهذا الاسلوب
وبعدين وش فيها العبايه وسيعه
صقر بقهر : عماد وبعدين معك تراك خربت البنت
بالله هذي العبايه وسيعه ؟؟؟
تراك هنا مو بالغرب وهذا اللبس ما يمشي عندنا
عماد رفع حاجب : لا يا شيخ
خالد بهدوء وهو يتحاول يتحكم باعصابه : ريم ارجعي على الغرفه
عماد : اتوقع ما لك كلمه عليها دامك ناوي تطلقها
وفوق هذا طاردها
خالد بحده : متى ما طلقتها وقتها قول ما لك كلمه
عليها بس دامها على ذمتي كلمتي للي تمشي عليها
بعد ما تولد واطلقها وقتها اعمل للي ودك
اياه بس الحين لا
وبحده : ريم ارجعي على غرفتك بسرعه
ناظرته ريم بتردد وسحبت يدها من عماد ......
وطالعت خالد ببرود : ما رح ارجع للغرفه
واعلى ما بخيلك اركب وكتفت يدينها
خالد وهو يحاول يتحكم بأعصابه: وقسم بالله
رح تندمين
وخلي عمي وقتها ينفعك
عماد بمرح يلطف الجو : ايوه ورجيه العين الحمراء هههههههه
خالد ناظر عماد بقهر مو وقت تنكيته
طنشت ريم كلام عماد وناظرته بابتسامة : تأخرنا مسك عماد يدها
وتجاوز هو وريم خالد للي كان يناظرهم بحده
بعد ما طلعوا قبض خالد كفه اليمين وضربه
بكفه اليسار بقهر : شفت عمي مكبر راسها
زياده
صقر ابتسم : والله ابغى اصورك واخيرا
الرجل الجليدي عصب هههههههه
خالد بدون نفس والقهر على ملامحه : مو وقت سخافتك يا صقر
صقر بابتسامة : هي تراني عمك والا ناسي
اقول امشي قدامي تأخرنا
طلع خالد مع صقر بهدوء وداخله بركان

**
**
**
**
مر يومين على الموقف للي جمع ريم بخالد
جالسه بالصاله الخارجيه مع جدها وجدتها
وحاطه يدها تحت خدها
ناظرت زوجه عماد للي طلعت على جناحها
حرمه سنعه مع انها اجنبيه الا انها قايمه بعماد
وحامليته على كفوف الراحه كل شوي تجيب له عصير او قهوه او شاي او حلويات
حتى وقت الغداء ما تنتظر منه يحط قدامها هي
تحط قدامه وقدام ابنها
وتهتم بأكلهم الاثنين
وتحترم الجد والجده بشكل كبير
تحس بتقصير تجاه خالد لو عاملته كذا كان
ما صار للي صار
بس هي بلسانها استفزته وطلعت خسرانه
ما حصلت بيت وخسرت زوجها
تنهدت بصوت عالي
الجده طالعتها وهي رافعه حاجب : علامك تتنهدين ؟؟
الجد بقهر : خلك قاعده هنا وزوجك غضبان عليك
ان.ت ما تعرفين انه الحرمه اذا نامت وزوجها غضبان عليها طول الليل الملائكه تلعنها
وللي تطلع من بيت زوجها بدون اذنه تلعنها الملائكة
ناظرته ريم وبنفسها يا ليل ابو لمبه : طيب هو للي طردني مو انا للي طلعت من البيت بكيفي
الجد بحده : من سواد وجهك طردك
ودك تقنعيني كنت جالسه ومؤدبه ومن الباب للطاق طردك ؟؟
لولا انك سودتي عيشته كان ما طردك
دخل نايف على كلامهم ودخل بالموضوع : وبعدين مو كل مشكله تصير بين زوجين على طول الحل الطلاق
كل زوجين تصير بينهم مشاكل
طالعته ريم بنبره سخريه : وليه طلقت ساره ؟؟ وكتفت يدينها وهي تناظره ومصغره عيونها
نايف بهدوء : هذي سالفه ما لها دخل
ريم بسخريه : ليه ما لها دخل ؟؟؟
وش تفرق يعني ؟؟
الجد بقهر : ترى ابنتك هذي رح ترفع لي الضغط بعنادها هذا
ريم بحده طالعت جدها : مو ابنته
الجده طالعتها : ابنته وغصب عنك رضيتي او ما رضيتي غصب عنك رح يبقى اسمك تحت اسمه وتبقين ابنته
ريم بقهر تحس ما يستحق يكون ابوها
عمره ما حسسها بالابوه
مثل ما جعلها نكره بحياته رح تخليه نكره بحياتها
هو وساره طالعت جدتها بحده : تخسون اكون ابنته
نايف بحده : عدلي لسانك وغصب عنك رح تبقين ابنتي
ريم بقهر وحده : انا مو ابنتك تفهم... ولا بيوم رح
اكون ابنتك ولو يطلع بيدي كان شطبت اسمي من عيلتكم الخايسه
الجد بحزم : ريم حطي لسانك بحلقك
لك الشرف تنتسبين لعيلتنا ونايف رح يبقى ابوك غصب عنك
قاطعته ريم بقهر : مو ابوي انا ما يشرف...
قاطعها نايف بكف على خدها
حطت ريم كتلقائيه يدها على خدها وبصوت مقهور : هذا الشاطر فيه شغل طراق
مسكها نايف من معصمها وهو معصب : وقسم بالله لتندمين على طول لسانك
ودواك عندي
وسحبها خارج البيت وريم تحاول تفلت يدها منه متجاهل نداء ابوه
وصل لباب بيت فيصل طلعت له الشغاله وطلب منها
تنادي خالد
وريم تحاول تسحب يدها منه : اتركني
بعد دقائق طلع خالد واستغرب من وجود نايف وبهدوء
: تفضل يا عمي
نايف شاد على يد ريم : تسلم بس مستعجل
جيتك بطلب واتمنى ما تردني يا ولد اخوي وقول تم
ناظره خالد وحس كأنه عرف الطلب ضاق صدره
وما يقدر يقول لعمه لا وهو في بيته وبتردد : تم يا عمي
نايف يحاول يهدي اعصابه : ارجع ريم وما تطلقها
طالع خالد عمه وحس صدره ضاق ما يبغى يرجعها ومصمم على الطلاق بس الحين تغير
كل مخططاته
خالد طالع عمه مضطر يلبي طلبه : خلاص يا عمي اليوم المغرب نيجي انا وابوي واخواني ونرجعها
وما لك الا للي يسر بالك
نايف بقهر من ريم : خذها من الحين وان طولت لسانها بس اتصل وانا اتصرف معها
خالد يقاطعه ما عجبه طريقه عمه انه يرجعها كذا : والله يا عمي انا طردتها وانا ارجعها
بنفسي ما اقبل ترجع كذا
قاطعته ريم وهي تحاول تسحب يدها من نايف : اتركني
ما رح ارجع له لو تقطعوني ما رح ارجع
وانت
ناظرت خالد
خلي الاخلاق والاحترام والواجبات لك ما رح ارجع لك
خلاص قرفتك وقرفت اهلك وعيالك
ما اطيق اشوف رقعة وجهك
انسان بارد تافه
نايف بعصبية : ريم
وقسم بالله كلمه زياده
ريم بعناد ؛وش تبغى تعمل ؟؟
انا ما اخاف منك ولا من احد
ومو خروف تجرني وترجعني على هذا
واشرت على خالد بقرف
طالعها خالد وشاف احمرار خفيف على خدها
زفر بضيق وتضايق من كلامها واسلوبها
وقدام ابوها ما احترمته وتشتمه ويبغونه يرجعها
ريم بعناد : اتركني انا راجع على بيت جدي مستحيل اجلس عنده
دقيقه
لا تفكر اسكت لكم
وطالعت نايف بحده : ريم للي كانت بالابتدائي
رح ترجع
رفع نايف يده يضربها بس كان خالد اقرب ومسك يد
عمه وبهدوء : امسحها بوجهي يا عمي
وسحب ريم من يد نايف بهدوء
نفضت ريم يدها من يد خالد بقرف : لا تمسكني فاهم
زفر خالد بضيق وهو يحاول يكتم اعصابه
نايف وهو يشد على اسنانه : ريم انقلعي ادخلي داخل لا تخليني ارتكب فيك جريمه
ريم بعناد وهي تتخصر : مو داخله ولا رح ارجع له
وتعال ارتكب جريمه علشان يرمونك بالسجن طول حياتك
وتعرف معاناه السجناء
وبعدين
اذا انتم ما عندكم كرامه
هذا شي راجع لكم
اما انا فكرامتي فوق كل شي وما اسمح لاحد
يهين كرامتي
نايف بأمر : ادخلي مع زوجك وبلا كلام فاضي
ريم بحده وقفت وناظرت نايف : ما يخصك
وما رح ارجع له اقول لك حمار تقول احلبه
مو راجعه
وطالعت خالد باستعلاء : وانت الله يسهل عليك ادخل داخل
وصل الجد ومعه صقر وعماد وسمعوا بعض كلامها
الجد بهدوء : يا جماعه الخير خلينا نحل الموضوع
ريم ارجعي لزوجك وحطي لسانك بحلقك وكل زوجين تصير بينهم مشاكل
وحتى لو غلط عليك خالد تحمليه علشان
للي في بطنك
ريم بقهر : مو راجعه لو تقطعوني ما رح ارجع له
وطالعت خالد : وانت ليه واقف مثل الصنم
قاطعها فيصل بحده : ريم احترمي نفسك
ما اسمح لك
ريم بسخريه : تدري نسيت اطلب الاذن منك واشوف تسمح لي والا ما تسمح
وبحده انا ما اسمح لكم تجروني وكأني خروف
مو على كيفكم تمشوني
طالعت الجد بقهر : ترضاها تنطرد من بيت
وصاحب البيت يدفعك بقرف علشان تطلع من البيت
وكأنه خايف تنجس المكان
فوق هذا يطرك قدام الكل
وبقهر ترضاها تدخل بيته بس مجرد تدخل
مو ترجع تعيش في بيته
بالله عليك ترضاها ؟؟؟
ناظرها الجد بتردد : ما ارضاها بس يمكن انت غلطتي عليه
قاطعته ريم بقهر : ما غلطت عليه طالبت بحقي
ابغى بيت مستقل
خالد ببرود وهو يتكتف : وطالبتي حقك بكل ادب واحترام ؟؟
ريم طالعت جدها : تدري ليه طردني لاني
طلبت منه يطلع عياله من الجناح
وش فيها لو كان لهم غرف مستقله مثل نوف واحمد
هذا هم مو مع عمي فيصل بنفس الجناح
وش صاير على احمد ونوف نقصهم يد والا رجل
خالد ببرود طالعها : لا يكثر كلامك لانه في فرق
نوف واحمد في بيتهم واخوانهم حولهم
اما عيالي احسبوا يا جماعه باكر رح ريم تولد
اكيد رح يحز في بالهم انه اخوهم عندنا بالجناح
وهم بالخارج
ان ابغى عيالي بنفس المكان نجلس بالصاله
مع بعض اعيشهم
بجو اسري مستحيل انبذهم علشان حضرتك
او احسسهم بالنقص
لا رح يبقون تحت عيني اراعيهم وما اخلي حد
يكسر خاطرهم
لو بكلمه او نظره ذول عيالي البكر
اغلى شي عندي بحياتي بعد امي وابوي
ما رح اسمح لك تبعدينهم عني تفهمين
طالعت ريم نايف للي ماسك يدها
ناظرته ريم بانكسار ونظراتها تحكي له
شوف شوف الفرق بينك وبينه
ما يرضى على عياله لو بكلمه حد يجرحهم
ما يرضى على عياله وما يرضى يبعدون عنه
ناظرته بعيون كسيره ليه ما كنت لي مثل خالد
لعياله
نايف ناظرها وكانه كلام خالد صحاه من غفلته
للي كان فيها
هذي بنته البكر شتتها ضربها وجرحها
ونبذها
خالد عياله رافض ينقلهم لغرف جنب جناحه
وهو وش يقول للي نفاها
وسجنها لوحدها حرمها من كل شي علشان اعذار
واوهام ما تدخل العقل
كيف اطلب منها تحترمني وتبرني
وانا عقيتها من طفولتها
ليه ما عوضتها عن فقدان ساره
للي تركتها
صار يقارن طفولة عيال خالد وطفوله ريم
فرق شاسع
عيال خالد دايما مبسوطين وما تحسهم فاقدين الام
ريم مع انه امها عايشه بس تحسها مكسوره
وقوتها ولسانها الطويل
مجرد قناع تغطي على ضعفها وانكسارها
هذي البكر ليه يرجعها لزوجها ويهينها بالطريقه
هذي
كيف قبل على اغلى عياله يعمل فيها كذا
غمض عيونه وفتحهم
وناظر ريم بندم
مسك يدها الثانيه واقترب من اذنها وهمس : انا اسف
يا ابنتي
حضنها بقوه وكأنه الحين صحي من سبات ظلمه
وهجره لريم
حضنته ريم للي كانت تنتظر هذا الحضن من زمان وبصوت هامس : جيت متأخر بعد ما صرت اكره شخص على قلبي مستحيل انسى
كل شي بثواني
ظلمتني انت وساره بدون ذنب اقترفته حرمتوني
من طفولتي
شتتوني هنا وهناك وصرت على الهامش بهذي الحياه
نايف بنفس الهمس : الشيطان اعماني والانتقام
مستحيل اتركك بعد اليوم يا غلاي
اطلبي وانا انفذ الحين
ريم بنفس الهمس : ما ابغى ارجع له
ابعدها عن حضنه وباس راسها
وبعدها اخذ نفس وطالع الموجودين وحس بصعوبة انه يتراجع عن
كلامه بس مستحيل يخذلها هاذي المره
مستحيل
طالع خالد : السموحه منك يا ولد اخوي
وطلبي يا خالد انساه
وابنتي في بيتي
اذا تبغاها تعال اطلبها من بيتي اذا وافقت اما اذا رفضت
انتظرك ترسل ورقتها بعد الولاده
فيصل بضيق طالع نايف : انت تستهبل ؟؟
مرجعها والحين هونت
نايف بهدوء : تشاجرت مع ريم على سالفه
واستفزتني
وتصرفت بتهور
وحك راسه باحراج من هذا الموقف
الجد بحزم : حنا ما نلعب يا نايف والرجال ما تتراجع في كلمتها
خلاص اعتبر ابنتك رجعت وما في تراجع واتحمل
نتائج تصرفاتك
نايف : يبه الله يسعدك ما في احد غريب حتى تقول كلمتك ...
قاطعه الجد بعصبية : وحطبه
هو لعب بزران
البنت ما لها الا بيت زوجها
والحين ترجع على بيت زوجها
ريم بهدوء : ما رح ارجع
عماد بهدوء : يبه الله يسعدك ما تنغصب نفس على نفس
فيصل بحزم : عماد خليك على جنب ولا تتدخل
وتكبر راسها
طالع عماد فيصل وبعدها سحب ريم بعيد
شوي عنهم
ومسك يدها بحنان : مو هينه قلبتي نايف بصفك وغمز لها وابتسم
صدقيني نايف بعظمه لسانه قال لي انك اغلى
وحده بعياله
بس ما يدري ليه لما يشوفك لازم يتطاقق معك
هذا من زود المحبه
ناظرته ريم كانت تبغى ترد قاطعها
عماد : خلي نايف على جنب وخلينا بعريس الغفله خالد
وطالعها بجديه اذا ما تبغين ترجعين له الحين ارجعك معي للبيت
بس انا ابغى تفكرين بعقلك بدون ما تحكمي عواطفك
فكري بالجنين يطلع على الدنيا وامه وابوه وكل واحد بجهة
شوفي حطي في بالك انك بعدك صغيره وما اضمن
ابوك او ابوي يزوجونك بعد كم سنه
وقتها وش مصير ابنك او بنتك اكيد رح يعيش عند
زوجه اب وقتها تضمنين كيف يعاملوه ؟؟
فكري بعقلك واعطيني الجواب وانا مستعد
انفذه لك
ناظرته ريم بحيره وتذكرت طفولتها
ما تبغى ابنها يعيش مثلها ما تبغى
غمضت عيونها ونزلت دمعه من عيونها
مسح دمعه عن خدها
عماد بحنان : انت خبرتيني من قبل انك ما تكرهين
خالد بالعكس
ريم احمرت خدودها : خلاص اسكت انت ما تنسى
كانت زلت لسان
عماد ابتسم : انت باسلوبك الحلو تقدرين تجذبين زوجك
اما طول اللسان والشتم تنفره منك
ريم بحيره : رح ارجع له
وبداخلها متردده كيف تقابله بعد ما مسحت فيه
الارض
عضت شفتها بندم مو قصدها تشتمه بس طريقه نايف
طلعتها من عقلها وخلتها تتكلم بدون وعي
ابتسم لها : مثل ما قلت لك حاولي تكوني زوجه مطيعة وان شاء
تزول المشاكل وخالد ما شاء الله عليه
لا تضيعينه من يدينك اتفقنا
هزت راسها
مسك يدها عماد وتوجه لعند ابوه واخوانه
وابتسم : وهذي العروس قبلت ترجع
ناظرها نايف بندم على تصرفه وكل تصرفاته
ابتسم الجد بعد كلام عماد : على بركه الله
طالع خالد ريم والضيق باين على ملامحه
بس ما علق كان ساكت
فيصل بابتسامة : تفضلوا خلينا نتقهوى
الجد براحه : يالله يعيال ندخل
قاطعته ريم : لحظه عندي شروط ما ارجع بذي الطريقه
فيصل بطول بال : وش شروطك ؟؟
ريم تبغى ترجع كرامتها : يجيب كل وجوه القبايل صلحه ويرجعني
الجد قاطعها : كلي تبن
ابن عمك ونجيب وجوه العشاير للفضايح
عماد يخفف ويحاول يرقع : يمكن قصدها يجيب اخواني وعيالهم ويرجعوها لا تنسوا انه هو للي طردها وهذا حقها
قبل ما يكمل عماد قاطعه الجد للي
معصب عالاخير : والله والله والله لترجعين الحين
وبدون شروط
ريم باعتراض : مو على كيفك
طالعها خالد بذهول من طول لسانها وعنادها
ما تسكت لاحد
وحتى نايف ما سكتت له للي اغلب الاعيال
يهابونه وهي ولا على بالها ترادد
والمشكلة تتشرط كأنه ميت عليها
تنهد بهدوء وهو يستغفر بصوت هامس
نايف بهدوء : خلاص يا ريم ادخلي والله لولا يمينه
كان ما رجعتك الحين بس تعرفين الاولى انه يبر
يمينه وما يحنث فيه
عماد ناظر خالد : لا تفكر انه ريم ما لها اهل وانه رميناها عليك
والله لولا يمين ابوي انها ما ترد الا اذا جيت وطلبت تردها بنفسك
واقترب من ريم وهمس لها : مشيها علشاني
دامك وافقتي ترجعين
فيصل بهدوء : كل الازواج تصير بينهم مشاكل
لا تعقدوها واسمعي كلمه زوجك وان شاء تتيسر
اموركم
طالعت ريم فيصل وما ردت
عماد ناظر ريم : اغراضك رح ارسلهم لك بعدين
ناظرته ريم بهدوء
زفر خالد بضيق : ادخلي داخل يا ريم
ما طالعته ريم و دخلت للداخل بهدوء

**
**
**
**
*

**

كانت روان وسديم وام خالد جالسين بالصاله
طالعتهم ريم وتوجهت للدرج بدون اي كلمه
ام خالد وهي فاتحه عيونها : هذي ريم ؟؟، والا قاعده اتخيل ؟؟
روان : وش جابها الحين ؟؟ مو طردها خالد ؟؟
سميه بتفكير : يمكن لها اغراض هنا وجايه تاخذهم
ام خالد هزت راسها بالنفي : لا ما اتوقع
بعدها دخل خالد والضيق باين على ملامحه : يمه جهزوا القهوه
ام خالد بتشكيك : للي طلعت فوق ريم ؟؟
خالد ببرود : ايه ريم
روان بدون نفس : مو كنت ناوي تطلقها ؟؟ وش رجعها ؟؟
خالد ما له خلقها : يا اختي رجعتها وش عليك منها !!
جهزوا القهوه
وطلع للمجلس
**
**
**
عماد بلوم لنايف: ليه عملت كذا ؟؟؟
مو بذي الطريقه انت تكسر هيبتها قدام زوجها
صحيح اعرف خالد مو من هذا النوع بس هذي الدنيا
باكر اي غلطه رح يقول لها اهلك رموك علي
نايف زفر بضيق : قهرتني باسلوبها وفقدت اعصابي
وهي ترادد بس والله ندمت
عماد بقهر : حتى لو استفزتك ما توصل لذي الدرجه
ترميها على زوجها
نايف بندم : قهرتني وللي زاد قهري كلام الناس انت ما سمعت الناس وش تقول ؟؟
ابن عمها يبغى يطلقها اكيد شاف عليها شي والا كان ما طلقها وهي حامل
الناس اكلت وجهي
خليني ساكت احسن لي
فيصل بهدوء : خلاص حصل خير يا جماعه
والحمد لله ما وصلت للطلاق
الجد زفر بضيق : عنيده هالبنت اصريت ترجع الحين
لاني عارفها يمكن تغير رايها وكأنه لعب بزران
وناظر نايف بنغزه
قاطعهم دخول خالد فسكتوا عن الموضوع
وانشغلوا بالشغل والصفقات

**
**
**
**
**
دخلت الجناح وتحس بحنين له
وبنفس الوقت تتذكر لما طردها
هزت راسها بالرفض ما تبغى تكون حزينه
هي للي غلطت على خالد
ما تبغى ينطبق عليها المثل
ضربني وبكى وسبقني واشتكى
هي للي غلطت عليه ولازم تتحمل نتايج
غلطتها
شافت البزران مجتمعين يلعبون بلايستيشن
احمد وقف وابتسم : ريم تعالي العبي معنا
طيف ببراءه : لا بابا قال لا تلعبون مع ريم
لؤي : ايه بابا قال لا تلعبون معها ازعل عليكم
ولا تكلمونها
ناظرتهم ريم بسخريه : يقال ميته العب معكم
طالعتهم بقرف وتوجهت لغرفة النوم
**
**
**

جالس مع مع الشباب بالحديقه وبذهول : احلف
نواف : ليه امزح معك عمي ارجعها بنفسه
وبعدها هون
ابوي يقول انه قال اذا تبغى ريم تعال اطلبها من بيتي
بدر : طيب خالد وش قال ؟؟
نواف : للي فهمته جدي عصب على عمي نايف
ورجعها غصب عن عمي نايف وغصب عن ريم
عمر بلقافه : طيب خالد هو يبغاها
مو كان يبغى يطلقها ؟؟
نواف رفع حاجب : ما ادري خالد مو من النوع
للي يتكلم بخصوصياته
حتى المشكله الاخيره ما كان ناوي يتكلم ويقول
السبب
بس قال خايف حد يحط بريم الشينه والا ما كان احد
عرف بالمشكله بينه وبينها
سليمان بتفكير : يا اخي اخوك هذا غريب
يبغى يطلقها
وبنفس الوقت ما يسمح لاحد يتكلم على ريم
ولو بكلمه
حتى زوجتي تقول كانوا بالصاله ومن ضمن كلامهم
عن ريم ويحشون فيها
تقول نزل بساحتهم ومسح فيهم البلاط
سامر طالعه : بس اليوم شفته بعد ما رجعت
زوجته بوزه شبرين والضيق باين على ملامحه
وكأنه ما يبغى يرجعها
نواف : وانا اقول نفس الكلام انحرج من اعمامي
ورجعها
لانه كان مصمم على الطلاق
وبعدين خالد ما يحب حد يتكلم على احد من اقربائه يعني
دفاعه عنها احسه عادي
قاطعهم بتذكر وهو يرفع جواله : الحين اتصل بصقر اكيد ما معه
خبر
بانه ساندريلا رجعت لشارل ههههههه
عمر بحماس : اتصل بسرعه
وكملوا جلستهم بتحليل حياه ريم وخالد
**
**
**
**

دخل خالد مع ابوه بعد ما غادروا اعمامه وبعد ما صلوا العشاء
طالع روان : وين العيال ؟؟
روان للي جالسه مع سميه طالعته : بجناحك يلعبون
توجه للدرج وخلقه ضايق اكيد الحين جالسه
تلعب معهم متى تكبر وتعقل ؟؟؟
دخل الجناح وشاف عياله ونوف واحمد معهم يلعبون
ركز نظره ما شافها معهم استغرب
طالع الصاله شافها متكوره على الكنبه وحاطه راسها على رجلينها ومغمضه عيونها ولابسه عبايتها
وقفوا البزران اللعبه وركضوا على خالد
للي ابتسم لهم مجامله ومسح على راسهم
بحنان
جلس على الكنبه بتعب ومسح وجهه
طالع البزران يكفي لعب يالله على النوم
طلع احمد ونوف من الجناح وهم يركضون
وخالد وقف مع عياله وتوجه لغرفهم
وبعد ربع ساعه رجع طالعها كانت هاديه
مين يصدق نفسها الشرسه للي كانت تحت تردح
وترادد
نادها بحزم : ريم
فتحت عيونها وناظرت وهي على نفس الوضعيه
خالد ببرود : اسمعي لا تفكري الحين ميت حتى ارجعتك
لا يا حلوه اذا انت قرفانه مره انا قرفانك الف مره
وكلامك للي قلتيه ما رح انساه طول حياتي
تبغين تقولين حقود قولي لاني نبهتك
انا هادي لكن اذا عصبت ما رح تعرفيني
ومشكورة تراك ما قصرتي كفيتي ووفيتي
ما احترمتيني قدام عمي نايف
يعطيك العافية
عموما خلي كلامي حلقه بإذنك
تخيليني مو موجود بالجناح لا انا ولا عيالي
وانا نفس الشي رح اتخيل انك مو موجوده بالجناح
ورجاء عيالي مجرد همسه ما ابغى تكلمينهم
وتحت عند اهلي لا تحاولي تكلميني
لاني رح افشلك وما ارد عليك
وبعد كلامي هذا ما رح لساني
يناطق لسانك بلاه انجسك وتنقرفين
مني
او اعديك بتفاهتي
ناظرها بفوقيه وتوجه لغرفه النوم
كانت تسمع كلامه وتحس بالندم على كلامها
قدام ابوها ما احترمته
كله من عصبيتها الزايده لا تلوموها يمكن الحمل
ضيق خلقها وابوها زاد من ضيق خلقها
زفرت بضيق وتحس الحاجز بينها وبين خالد بدا يكبر ما تعرف كيف تكسره
بعد دقايق طلع من الغرفه وشكله يبغى يطلع
وبدون وعي ريم سألته : وين تبغى تروح ؟؟
طالعها بفوقيه وطلع بدون ما يرد
شدت على قبضه يدها بقهر منه مغرور
وتوجهت للغرفه تنام
**
**
**
**
**
**
ثاني يوم ما ارسل لها عماد اغراضها
كانت مقهوره كيف ما ارسلهن
توجهت للمطبخ وهي ناويه تحسن العلاقه بينها
وبين خالد
عملت له قهوه وجهزتها
كانت تبغى تروح تصحيه بس شافته لما دخل المطبخ
ابتسمت بوجهه بطفوله ولا كأنه كان بينهم
شي ولا كأنها مسحت فيه الارض قدام ابوها
طالعها وعفس ملامحه بقرف
ريم طنشت حركته وبابتسامه : جهزت لك القهوه
طنشها وتوجه وصار يعمل لنفسه قهوه جديد
ريم بهدوء : انا
طنشها وطلع من المطبخ بعد ما ركب القهوه على الغاز
وبعدها بشوي رجع
وريم واقفه عنده ما تدري وش تقول
جهز القهوه وتوجه للطاوله وجلس عليها
جلست قباله ريم بهدوء : اجهز لك فطور ؟؟؟
ارتشف من فنجان القهوه ولا كأنه حد جالس معه
رن جواله رد عليه بابتسامة بعد ما شاف الرقم : هلا والله .....الحمد لله بخير .....الحين طالع .....ما رح اتاخر ....ان شاء الله .......مع السلامه
قفل الخط ورجع يشرب من القهوه وريم تناظره
كمل شرب ووقف وطلع من الجناح كله
غمضت عيونها بعجز
كيف تصلح غلطتها ؟؟؟؟؟
**
**
**
**
**
**
**
اتصلت بعماد وخبرها انه ارسله ابوه لمنطقة ثانيه
لمده يومين وانه اغراضها حزمهم وطلب من الخدم يرسلون الاغراض
وتطمن عليها وبعدها قفل وهو يوصيها
تحترم زوجها وتعامله باحترام
قفلت الخط وبنفسها تردد اي احترام هي البارحه ما خلت لا احترام ولا اخلاق
زفرت بضيق
ونزلت تحت بهدوء للصاله كانت سميه وروان وسديم وام خالد
ناظرت بالصاله اغراضها ما وصلت
زفرت بضيق وجلست بالصاله بهدوء بدون ما ترد السلام
ام خالد رفعت حاجبها : السلام لله
ريم بضيق : ما لي خلق خلاص اعتبري اني رديت السلام افففف
ام خالد رفعت حاجب : لسانك هذا ما ادري متى ينقص
المهم اشوفك راجعه هنا ؟؟
ريم بهدوء : دامك شايفه ليه تسألي ؟؟
سديم بدلع : لانه حسب معلوماتنا خالد كان يبغى يطلقك
بس عمي نايف رجعك لخالد غصب عنه
والا اخوي مسكين مجبور عليك
ريم بقهر من داخلها بس تتظاهر بالبرود طنشتها
وناظرت خالتها : وين مريم ؟؟؟
ام خالد ابتسمت : نايمه
صار لها اسبوع تنام بالنهار وتصحى لي بالليل
تذكرت ريم للي في بطنها وخافت كانت تبغى تقول لخالتها بس اجلت حتى
تطلع سديم والبنات ما تبغى تقول قدامهم
وحتى ما تنسى طالعت خالتها باحراج : خالتي
طالعتها ام خالد باستغراب للنبره الهاديه
واذان البنات عندها لما قالت خالتي
ريم ووجهها احمر باحراج وخوف : بعدين ابغى اقول لك سالفه
ام خالد عقدت حواجبها : قولي الحين
طالعت ريم البنات وبعدها طالعت خالتها : بعدين
بيني وبينك
هزت راسها ام خالد بهدوء : ان شاء الله
روان بدلع : كيف تحسين يا ريم نفسك وانت راجعه
لهنا بعد ما انطردت
ولا راجعه مو زوجها للي رجعها
دخل خالد على كلام روان بس ما علق ولا تكلم
انتظرت ريم منه يدافع عنها مثل قبل بس ما تكلم
طنشت روان وما ردت عليها
ام خالد بابتسامة : هلا والله
جلس خالد عند امه وباس راسها : اخبارك يا جنتي ؟؟؟
ام خالد بابتسامة : بخير
خالد ناظر اخواته : وين العيال ؟؟
روان : فوق يلعبون بالصاله
هز راسه ورجع ناظر امه وصار يتكلم معها
ومع اخواته وريم جالسه مثل الكرسي
ما نطقت ولا احد وجه لها كلام حتى تتكلم
دخل فيصل بابتسامة : سلام عليكم جميعا
ام خالد بابتسامة : اشوفك اليوم مبسوط
جلس فيصل ومد يده على الكنبه : اليوم ربحنا الصفقة والحمد لله
قامت سمية وسلمت على فيصل : اخبارك يا عم
ابتسم فيصل : الحمد لله بخير
وينك عالفطور ما شفناك ؟؟
سميه بنعومه : راحت علي نومه
كانت ريم جالسه وملامحها جامده
ولا كلفت نفسها تسلم على
فيصل
ولا كلف نفسه يسألها ليه ما نزلت على الفطور
فيصل : اخبارك يا ريم ؟؟
ناظرته ريم بملامح جامده وبصوت يا دوب مسموع : بخير
فيصل : ان شاء الله مرتاحه ؟؟
ريم بصوت هامس ردت حتى فيصل ما سمع وش
قالت
وبعدها وقفت وطلعت للجناح بهدوء
ما نزلت على الغداء توجهت لمطبخ الجناح
وعملت ساندويش مرتديلا وكاسه عصير وجلست تتغدى بهدوء
وافكارها متشتته ما تعرف هي عملت الصح او غلط
مو عارفه راسها من ساسها
لو كان لها ام كان ارشدتها وش تعمل
حتى ام بدر عند بيت اهلها زياره
زفرت بضيق وصارت تستغفر
كملت غداء وتوجهت لغرفه النوم حطت المنبه لصلاه العصر وحطت راسها
ونامت

**
**
**
**
**
صحيت الصبح وناظرت الساعه وهي مغمضه عين
ومفتحه الثانيه
تثاوبت لما شافتها عشره
قامت وهي تتذكر البارحه مضتها نوم تصلي فرضها
وترجع تنام كان عندها خمول مو طبيعي وتعب
زفرت بضيق تبغى اغراضها
وخالد مطنشها المفروض لوحده يجيب اغراضها
بدون ما احد يقول له
قررت تنزل وتشوف واذا ما احد جابهم
تروح لبيت جدها وتجيبهم
نزلت تحت وشافتهم عند الباب شافت سامر داخل نادته بهدوء : سامر
طالعها وهو رافع حاجب والجوال بيده : نعم
ريم بهدوء : احمل لي حقيبة اغراضي الله يسعدك
ناظرها : عتال عندك وطنشها وتوجه للدرج طالع لغرفته
انقهرت منه ونفسها تكسر راسه
نزل نواف من الدرج طالعته ريم : نواف
طالعها وهو نازل : نعم
ريم : احمل لي اغراضي لفوق
طالعها : والله مستعجل خلي الشغالات يساعدونك
وطلع
حست من القهر ودها تبكي
نزلت ودخلت المطبخ كان ما في احد نادت على الشغالات ما حد رد
وقررت تحملهم بنفسها غرض غرض
حملتهم ريم وهي تحس ظهرها طق من التعب
حملت اخر وحده وما وصلت باب الجناح
الا ركضت للحمام بسرعة
طلعت من الحمام تبكي من الالم وتوجهت لجناح ام خالد وطرقته بضعف
فتحت ام خالد الباب وعقدت حواجبها باستغراب : ريم
ريم ودموعها نازله واحراج: خالتي ....
ام خالد بخوف : وش تقوليين
انتظري بس دقيقه البس ونطلع الحين على المستشفى
**
**
**
**
دخلت ريم الطوارئ وكانت منهاره خايفه
على البيبي
كانت متمدده على السرير
والابر مغروزه بيدها ودموعها على خدودها
دخل خالد بكل عصبيته واقترب منها : كله بسببك
مو قادره تستني حتى ارجع واطلعهم ؟؟؟
والله لولا عمي نايف والا زمان طلقتك
صدقيني بإذن الله ما تطلعين من المستشفى الا بعد الولاده
رح تبقين هنا منطقه حتى تولدين لاني ما اضمن حركاتك المبزره
ناظر امه بقهر : وينك عنها ما شفتيها وهي تحمل الزفت
ام خالد : والله ما ادري كنت بجناحي
خالد وداخله بركان : الدكتوره تقول وضع الجنين تعبان
وقسم بالله لو يصيبه شي ثواني ما تبقين على ذمتي
جلس وهو شاد على قبضه يده بعصبيه
الجده : خلاص يا خالد كل شي مقدر اذا له نصيب رح يعيش
خالد : انا ادري كل شي مكتوب بس انا ما يقهرني الا اهمالها
من يومين ليه ما قالت ؟؟
ام خالد ترقع : يا ابن الحلال تقول لك كان خفيف
بعدها صغيره وش عرفها بذي الامور
خلاص هدي ما صار الا كل خير
خالد بقهر : اي خير اي خير وربني ابتلاني ..
سكت ما كمل
ريم بقهر مسحت دموعها : لا تصرخ بوجهي فاهم ؟؟
خالد عقد حواجبه بسخريه : لا تعالي اضربيني كف
ريم بقهر : واكسر راسك بعد تفهم
اقترب منها وحط عينه بعينها واعطاها نظرات
ناريه : لا تفكريني مثل عمي نايف تراددين واسكت
او تفكرين المره الاخيره سكتت لك تتمادين
فاحترمي نفسك احسن لك
ابعدته الجده عنها : خلاص انت جاي تتشاجر
انت دكتور وتعرف انه النفسيه تأثر على الجنين
خلاص اسكت
زفر خالد بضيق : استغفر الله العظيم
وطلع وهو ناوي يروح يصلي ركعتين
طلع خالد وانفجرت ريم بالبكاء
مسحت الجده على راسها بحنان : خلاص يا امي ما تهتمي
ريم من بين شهقاتها : والله مو قصدي اضر الجنين
طلبت من سامر ونواف يساعدوني ورفضوا
دورت على الشغالات ما لقيت احد
ابغى اغراضي ابدل ملابسي
والله مو قصدي والله
ام خالد من الجهة الثانية : خلاص والله عارفين انه مو قصدك وخالد الحين يروق
بس لحظه غضب بس انت هدي نفسك علشان راحه الجنين
لانك اذا تضايقتي يؤثر عليه
مسحت ريم دموعها وزفرت بضيق
وبعدها غمضت عيونها ودخلت عالم الاحلام
من التعب
**
**
**
**
**
صحيت على اصوات حولها شافت عماد
وصقر وجدها وفيصل والزوج الثلاثي
وساميا ونايف
عماد بابتسامة : الحمد لله الاميره النائمه صحيت
عقدت ريم حواجبها بنعس
صقر بابتسامة : ما تشوفين شر
وسلموا عليها وتحمدوا لها بالسلامة
اقترب منها نايف وباس راسها وبحنان : الحمد للله على سلامتك يا ابنتي
ناظرته ريم وحست بالعبره خنقتها وما ردت عليه
عماد بمرح : كذا خوفتي نايف عليك قوم المستشفى واقعدها من خوفه عليك
ما ردت ريم وهي حاسه بالتعب
دخل خالد ببرود : السلام عليكم
ردوا عليه السلام عدا ريم
جلس جنب ابوه بهدوء
فيصل ناظره : كيف وضعها الحين ؟؟
خالد ببرود : وضع الجنين الحنين افضل ومستقر
نايف باهتمام : وكيف وضع ريم ما عليها خطوره ؟؟
وبحزم ناظر خالد اذا في اي ضرر على ريم من الحين اقول لك نزلوا الجنين
اهم شي سلامة ابنتي
وطالع ريم بحنيه
خالد ببرود طالع نايف : بخير وما في ضرر
عماد باستغراب : طيب انت تخصصك مو توليد ونسائية وش دخلك كل شوي تعمل فحوصات ومن هذي الخرابيط
خالد ببرود تكتف واسند ظهره على الكرسي : انا طلبت من المدير اتابع حاله الجنين
بمساعده الدكتوره نهله حتى اطمئن عليه كل شوي
كانت ريم هاديه وتناظر اصابع يدها وشعرها نازل باهمال
رفعت نظرها على صوت عماد : يوجعك شي ؟؟
هزت راسها بالنفي ورجعت تطالع اصابع يدها
صقر : مين رح ينام عند ريم ؟؟
فيصل : ام خالد ما تقدر علشان مريم
الجده بتعذر : والله ما احب القعده بالمستشفى
وام سليمان ما تقدر تترك عيالها
عماد : طيب خلي وحده من البنات تيجي عندها
الجده : لا ودك كل المستشفى تسمع
فينا
الجد بهدوء : تقدرين يا ساميا تجلسين عندها ؟؟؟
نايف باعتراض : لا يبه ساميا ما تقدر تترك البنات لوحدهم
خلاص انا اجلس عندها
قاطعهم خالد : ما في داعي انا عندي مناوبه
وكل شوي رح اتفقد الوضع
ما له داعي للمرافقه
سكت الجميع علامه على الرضى
بعدها قرروا يرجعون وقبل ما يطلعون
قرب نايف من ريم ومسك يدها بحنيه
وهمس لها بإذنها : ما تشوفين شر
وابتسم بحنيه
ناظرته ريم بملامح جامده وما ردت
مسح على شعرها واعتدل بوقفته
وطلع مع ابوه وفيصل وخالد وحريم اخوانه وامه
بعد ما سلموا على ريم
ظل صقر وعماد جالسين عندها
عماد بابتسامة : علامك ساكته ؟؟؟
طالعتهم ريم وبهدوء : ولا شي
مد صقر يده على جبهتها بمرح : تراك مسخنه
وجلس عماد وصقر يمزحون معها حتى طلعوها من حالتها وصارت تضحك ومبسوطه وخاصه بعد
ما تأكدت انه الجنين بخير
بعد ما جلس عماد وصقر عندها اكثر من
ساعه بعدها طلعوا
ارخت راسها على المخده بتعب وهي تتحسس
بطنها بشويش
دخل خالد بهدوء وببرود اقترب منها : تحسين بشي الحين ؟؟؟
ما طالعته ريم وغمضت عيونها
خالد تنرفز من تطنيشها : انا اكلمك
ما كلفت نفسها تفتح عيونها وتعبره
وقف يناظرها ومستغرب من عنادها
فتحت عيونها وشافته يطالعها طنشت
نظراته وبأمر : تعال فك هذا
واشرت على المغذي
طالعها وهو يكذب سمعه : تكلميني ؟؟؟
ريم ببرود : لا الدكتور للي خلفك
خالد بمحاوله لكتم غيضه : ريم تكلمي بأدب
معي
وبعدين ليه ما تردين علي اول ما دخلت ؟؟؟
ريم طالعته بتحدي : مو انت قلت اعتبرك مو موجود
وانت تعتبرني مو موجوده
طالعها بجديه : هذي حاله خاصه
ريم قاطعته بدون اهتمام : فك هذا
ببرود تكلم : ليه تبغين تفكينه ؟؟؟
ريم بهدوء : ابغى اصلي الظهر
بدون كلام اقترب منها وفك المغذي
بعد ما فكه غمضت عيونها لثواني وهي
تفرك مكان الابره
نهضت نفسها تقوم اقترب يساعدها
بس حركت يدها بالرفض : اقوم وحدي لا تقترب
مني
اعتدل بوقفته وتكتف وهو يناظرها
قامت بشويش وتوجهت للحمام
**
**
**
**
بقهر : اقول لك ما يكلمني ولو شفت نظراته
يبغى يضربني
ويا دوب ماسك اعصابه
سليمان : وش السبب؟؟؟
نواف : لاني رفضت احمل اغراض الملسونه
وسامر رفض
وهي حملت الاغراض وتأثر الجنين
سليمان بهدوء : طيب ليه ما ساعدتها ؟؟
نواف بضجر : قلت له كنت مستعجل
ومو راضي يقتنع
حتى السلام ما يرده علي تخيل ما يرد علي السلام
سليمان يحاول يخفف عنه : انت لا تفتح معه
باب النقاش
يومين بالكثير ويروق ويرجع مثل قبل يكلمك
نواف زفر بضيق : ان شاء الله
وبعدها استأذن وقفل الجوال
وهو حاس بضيق مو قادر يتحمل نظرات
خالد المعاتبه

**
**
**
**
**
**

جالسين بالصاله
فيصل بلوم : يا خالد مو كذا
ما تكلم اخوانك حتى لو غلطوا انت الكبير
خالد بحزم : مو لذي الدرجه توصل
الحين لو نواف زوجته طلبت مني اساعدها
مستحيل ارفض
ليه انا زوجتي يعملون فيها كذا
وش رح ينقصهم لو ساعدوها
وشد على قبضه يده بقهر
ام خالد : تقاطع اخوانك وما تكلمهم علشان
حرمك المصون ؟؟؟
وبنبره حنونه لتغيير رايه : يمه الله يرضى عليك
خلاص انسى انت ما شفت نواف حتى رفض الغداء
لانك ما تكلمه وخلقه ضايق
خالد : باكر يجوع ويرجع ياكل
بس اني اكلمه انسي السالفة انا زوجتي احترامها
من احترامي ومساعدتها من مساعدتي
متى ما احترموا زوجتي وقتها اكلمهم
ام خالد رفعت حاجب : الحين صارت زوجتك ؟؟؟!!
وكنت ناوي تتزوج
عليها لولا تدخل جدك وحل المشكله وكنت ناوي
تطلقها
خالد وقف بهدوء : يكفي انها اختياري
لو كل الحريم العالم ما ابدلهم بريم
ام خالد حطت يدها على صدرها : اكيد بنت ساره
ساحريتك
والطلاق ؟؟
خالد ناظرها : ومين قال لك اني ناوي اطلقها
بس مجرد تهديد حتى تتسنع وكنت اقنع نفسي
اني اطلقها واتظاهر اني مصمم على الطلاق
بس من داخلي مستحيل اتخلى عنها
فيصل بعدم اقتناع : طيب ليه من لما رجعت ريم
وباين عليك الضيق ما ودك ترجعها
خالد بجديه: صحيح ما كنت ناوي اطلقها ولا كنت ناوي ارجعها
كنت ناوي اخليها لبعد الولاده ترتاح نفسيتها
شهر شهرين وحتى اكثر من كذا وبعدها ارجعها
ام خالد مو مقتنعه : طيب كنت مصمم على الطلاق
وتقول مستحيل ترجعها
قاطعها بابتسامة : كنت بس ما طلقتها
لا تنسين انها ام عيالي
ناظر ساعته
تاخرت على الدوام
استأذن وطلع
ام خالد طالعت فيصل : ابنك هذا عقله طار
فيصل وهو يفرك جبهته : يبغى يطلقها ومو ناوي يطلقها كيف تركب معه ما ادري
الظاهر انه للي يدرسون طب يصيرون متناقضين
ام خالد ابتسمت : الحمد لله انك ما درست طب
فيصل ضحك : ههههه كان الحين اقول لك ابغى اطلقك
وبعدها شوي لا ما ابغى اطلقك
وبعد شوي ابغى اتزوج عليك
ام خالد بقهر : فيصل
ودك تتزوج علي ؟؟
ضحك : ههههه والله امزح هههه
ام خالد بتفكير : اممم غريب نايف اقترب من
ريم وعلاقتهم زينه ؟؟/
فيصل بابتسامة : مو قلت لك للي يدرسون طب
يصيرون متناقضين

**
**
**
**
**

دخل غرفتها وابتسم بحنان : اخبارك يا حلوه ؟؟؟
ابتسمت ريم بهدوء : بخير
جلس على طرف السرير : كيف القعده بالمستشفى ؟؟؟
ريم هزت كتوفها : عادي
عماد : بعد ما تطلعين من هنا وين رح تروحين ؟؟؟
ريم بتصميم : على بيت عمي فيصل
عماد باستغراب : ما رح تيجين عندنا
ريم ابتسمت : لا ابغى ارجع للبيت
عماد بتشكيك : غريبه عملتي عرس
ما تبغين ترجعين له
والحين مصممه ترجعين له
طالعها وهو يصغر عيونه
بصراحه ما دخلت مخي واشر على عقله
قولي لي على وش ناويه
ريم ابتسمت بخبث وبصوت هامس حتى ما حد يسمعها :توعدني ما تقول لاحد
طالعها عماد : اوعدك
ريم ابتسمت بدهاء : رح ارجع له واصير سنعه واخليه يتعلق بالبيبي كمان
وبعدها ارجع على بيت جدي ورح اخليه
بنفسه يرسل واسطات علشان ارجع له
وانشف ريقه حتى اوافق ارجع له
وارجع كرامتي"

شهقت جوري بصوت عالي ورفعت عيونها عن الؤواية الي بيدها : ان كيدكن عظيم !!!!
طالعتها ريم وهي رافعه حاجب : طول الوقت ساكته اثناء القراءه وما علقتي الا هنا
وسحبت منها الدفتر ومزقته من النص
الجوري بفجعه وهي تناظر الدفتر صار قسمين : يا خبيثه ليه عملتي كذا
ليه ما خليتيني اكمل روايتك ؟؟؟

ابق قريبًا من جديدنا

تابعنا وما يفوتك جديد

اختر المنصة اللي تناسبك وتوصلك الفصول أول بأول.

انضم لقناتنا على تيليجرام الأسرع

إشعارات فورية بكل فصل جديد.
تابعنا على فيسبوك المجتمع

ترشيحات ومناقشات مع القرّاء.
السابق فهرس الرواية التالي

أكمل القراءة في التطبيق

تجربة قراءة أفضل مع إشعارات الفصول الجديدة والوضع الليلي المريح

متاح على Google Play


التعليقات (0)

جاري تحميل التعليقات...

روايات مشابهة

غلاف رواية شظايا شيطانية~للكاتبة صرخة المُشتاقه

شظايا شيطانية~للكاتبة صرخة المُشتاقه
غلاف رواية خطيئة خيال

خطيئة خيال
غلاف رواية رحيل الهواري

رحيل الهواري
غلاف رواية دموع السيف

دموع السيف
غلاف رواية حكاية عشبة خضراء

حكاية عشبة خضراء
غلاف رواية مملكة سفيد

مملكة سفيد