رواية طفولتي المشتتة الفصل الثالث والعشرون 23 - بقلم ضاقت أنفاسي

شهقت جوري بصوت عالي ورفعت عيونها عن الرواية الي بيدها : إن كيدكن عظيم !!!!
طالعتها ريم وهي رافعه حاجب : طول وقت القراءة ساكته وما علقتي إلا هنا!!
مدت يدها ريم وسحبت منها الدفتر ومزقته من النص
الجوري بفجعه وهي تناظر الدفتر صار قسمين : يا خبيثه ليه عملتي كذا
ليه ما خليتيني أكمل روايتك ؟؟؟
ريم ببرود رمت الدفتر عليها وتوجهت لسريرها وجلست عليه وهي تناظر الشباك الزجاجي وعليه
ستاره بيج تتحرك بشكل عشوائي خفيف من الهواء ردت على الجوري بدون ما تناظرها : ماله داعي تكملين
مسكت الجوري الدفتر للي صار قسمين وضمته لبعض
وفتحت اول صفحه بعدها طالعت ريم باستغراب : هذا التاريخ قبل سنتين !!
القت ريم جسدها على السرير بارتخاء وناظرت
السقف وكان مزين بالجبس باللون البني والعسلي وبصوت هادي : صحيح هذا كتبته قبل سنتين....
لما جيت هنا وانا عمري 8سنوات كل يوم كان عندي أمل
هزت رأسها بالنفي
لا لا مو أمل لأني ما تمنيت اعيش عندهم حتى يكون عندي أمل
اممم وما تقدرين تقولين هاجس لاني اصلا ما اخاف منهم
وما يهموني
بس نقدر نقول إحسااااس
كان عندي إحساس لما يصير عمري 14 سنه
اهل نايف يأخذوني
وكنت دائما أفكر كيف رح أعيش عندهم
كيف رح يستقبلوني كيف كيف كيف
كانت أسئله كثير تدور بعقلي
لما صار عمري 14 سنه كنت انتظر بأي لحظه
ييجون ويأخذوني
ما أدري وقتها فجأة لمعت بعقلي فكره أتخيل نفسي إني راجعه لأهل نايف وأكتب رواية وأنا أتخيل حياتي هناك!!
وبدأت أكتب توقعاتي على شكل روايه!!
الجوري طالعت بدايه الدفتر وقرأت
أول أسطر من الدفتر
"مرت الأيام والسنوات بحلوها ومرها علي كنت واقفه عند الشباك واناظر غروب الشمس واتذكر حياتي ...مرت 6 سنوات على وجودي هنا ولا مره أهل ابوي زاروني او سألوا عني حتى بالاعياد ما زاروني صحيح إنها أمي أشوفها هنا وازورها في بيتها بس احس بيني وبينها حاجز كبير ما اعرف سببه تنهدت بصوت منخفض الحين عمري 14 سنه حاسه ....."
رفعت الجوري نظرها عن الدفتر وطالعت ريم المستلقيه على السرير : مر سنتين على توقعاتك والحياه للي كتبتيها....بس ما اشوف صار شي منها
ريم بنفس الوضعيه : صحيح أنا كتبت كل توقعاتي لحياتي القادمه بعد ما وصلت سن 14
بس ما صار شي منها
الجوري قامت من مكانها وتوجهت بخطوات
هاديه للسرير وجلست جنب ريم
وناظرتها بحاجب مرفوع: بس كل توقعاتك لحياتك المستقبليه مو بس ما صارت
وكمان غلط
وبنبره لوم  تابعت كلامها : دامك كاتبه توقعات لحياتك المستقبليه....ليه ما كتبتي شي مفرح الواحد المفروض يكون متفائل بالخير
ريم طالعت الجوري بروح ميتة: كان إحساسي إنه رح تكون حياتي مثل ما كتبت
الجوري لوت بوزها : بس أحسك بالغتي كثير يعني أمك ساره طلعتيها شريره مع اني اشوفها مو كذا ابد
ريم بلامبالاه : صحيح كلامك ماما مو كذا
بس لما كان عمري 14 كنت حساسه كثير كنت
احس انها ما تبغاني لاني اذكرها بنايف
الجوري ضربتها على جبهتها بشويش : غبيه
لو ما تبغاك كان ما طلبت منك تعيشين عندها
قبل سنتين بعد ما صار زوجها يسافر
ريم رجعت تناظر السقف : تراها تغيرت معي قبل
سنه ونص صارت تهتم فيني وتحسسني إنها أمي
أما من قبل.....ما كنت احس بشيء ناحيتها.. فلا تلوميني لأني خليتها شريره
عقدت حواجبها وتابعت كلامها :وبعدين انت ما تشوفينها..كيف ترتبك اذا جاء زوجها وانا موجوده عندها ...ولا تنسين نايف وعدني إنه يأخذني عندها وانا صغيره بس بعدها تراجع...وقتها جاني إحساس إنه اكيد طلب منها ورفضت...للحين اتذكر برودها معي بالسنوات الماضيه....ما أدري بس يمكن انا كنت حساسه زياده
الجوري ناظرتها : صدق متخلفة... والقصه الي كتبتيها انه نايف طلب من ساره انك تزورينها او تكلمك ورفضت...كله من خيالك؟!
ابتسمت ريم شبح ابتسامه : كله من خيالي
لا تستبعدين يمكن تكون هذي هي الحقيقه
الجوري طالعتها مو عاجبها كلام ريم : حرام عليك
تراك تظلمينها حطي في بالك يمكن زوج امك هو للي رفض انك تقابلينها....ما يصير تحكمين على الناس بدون ما تعرفين...الحقيقه...وبعدين ما توصل انك تتطلعينها بقصتك شريره
وحتى بنات خالك وخالاتك يعاملونك بالطيب
وخلتيهم شريرات
ريم نهضت نفسها وطالعت جوري بجديه : انت الهبله صدقيني عمرهم ما رح يحبوني
لا امي ولا خالاتي ولا احد من اهل سالم
لاني احمل دم نايف واهله
ولا اهل نايف رح يحبوني لأني أحمل دم ساره وأهلها
الجوري بتفكير : اممم بالعكس غلطانه
عشتي عندهم 8 سنوات ولا واحد عمره
زعلك او اهانك أو سمعك كلمه
ريم هزت رأسها : كلامك مزبوط بس ما ادري
احساسي وقتها كان إنهم رح يغدرون بي
الجوري وقفت : فعلاً انك مراهقه وافكارك مراهقه
شوفي نايف معك حق بكل كلمه قلتيها عنه
بالقصه
بس وش سبب تغيره بالاخير ليه خلتيه يصير طيب
وحنون معك ؟؟؟
مسكت ريم خداديه لونها عسلي وحضنتها ...تحركت خصله من غرتها على عينها.... ابعدتها عن عينها بخفه وهي تهز  كتوفها :
ما ادري.....يمكن لاني توقعت مثل كل قصه الشخص الشرير
يندم ويرجع يعتذر عن غلطه وظلمه
علشان كذا توقعت بالنهايه ييجي ويعتذر مني
ويصحى من ظلمه لي
الجوري وقفت عند الشباك بدون ما تلتفت لريم : غلطانه مو دايما الناس تعترف بذنبها
يمكن تلاقينه نايف الحين ما يشعر بالذنب تجاهك
لانه اغلب الناس تفكر انه الماده كل شي
وخاصه انه كل شهر ينزل بحسابك مصروفك
فخلاص يعتبر نفسه انه قام بواجبك وزياده
هذي مشكله في مجتمعنا
الماده مو كل شي ...في شيء اسمه اهتمام حنان
مشاعر محبه موده بين الاب والابناء
يعلمهم الصح من الغلط
ريم رمت الخداديه على السرير وناظرت الجوري :
تتوقعين ما ييجي يوم ويندم على معاملته معي ؟؟؟
اقتربت الجوري منها وجلست جنبها على السرير : ليه ترسمي احلام وهميه
وتعطين نفسك امال عيشي الواقع
ولا تفكري بالمستقبل وكلي امرك لله
ريم طالعت جوري بتأمل.. بشره حنطيه ملامحها عاديه بس فيها نعومه...تنهدت وبضيق نطقت : حسبي الله ونعم الوكيل
الجوري ابتسمت وحطت يدها على كتف ريم : والله ما عرفتك طلعتي صايعه وجاء فارس الاحلام
وطلعك من بحر الصياعه
وغمزت لها الجوري
ريم ابتسمت بندم : وقتها لما كان عمري 14 سنه ما كنت
ملتزمه باللباس ولا بالصلاه وكنت اتابع افلام ومسلسلات مع بنات خالي وانت تعرفي حالهم
نفس ما ذكرت بالقصه
وبنبره امتنان
تذكرين
ربي يسر لنا معلمه الدين كان كلامها مؤثر
ويدخل القلب علمتنا الصلاه وحكمها وفضلها
علمتنا اشياء كثيرة وحتى النمص تركته بعد فتره من ملازمتها
ربي يوفقها وين ما توجهت قدمت لي خير كثير
ما رح انساه طول حياتي
الجوري ناظرتها بنص عين : وليه ما ذكرتي بالقصه ابله فاطمه رحتي كتبتي فارس الاحلام هو الي
اثر عليك وخلاك تصلي وتتركين بلاويك
غمضت ريم عيونها بحالميه : كان نفسي فارس الاحلام هو للي ينقذني ويعلمني الصح من الغلط
اكون مثل الاطفال وهو عاقل وفهمان
اكون قصيره وهو يكون طويييييل
الجوري بمرح هزت كتفها : هي هي قومي تراك قاعده تحلمين
فتحت ريم عيونها وابتسمت : انت الاحلام عندك ممنوع ؟؟
رفعت حاجب الجوري وبنغزه : مو ممنوع بس بعض ناس
طول الوقت بالمدرسه عامله حالها رئيسه حزب العوانس
ما ابغى اتزوج ما ابغى اتزوج
و طلعت مخبيه بلاوي من وراي
لولا بالصدفه جلست بغرفتك ونبشت اغراضك كان
كنت يا غافلين لكم الله
وبتحقيق : تعالي ليه اخترتي فارس الاحلام خالد
انت ما تعرفينه صح ؟؟
ردت ريم : لا ما اعرفه ولا مره شفته بحياتي
بس سمعت انه ابن فيصل الكبير بالخارج متزوج وعنده
توأم
الجوري ضربتها على راسها : عينك زايغه وبعدين
حد يحط عينه على واحد متزوج وعنده عيال؟!
ولا موتت زوجته بعد
عيال عمك يا كثرهم ليه ما اخترتي واحد منهم
كشت ريم ملامحها بانقراف : يعوووو
عيال عمي اغبياء اكرهم وتصرفاتهم مثل البزران
ما انسى قبل ما اجي هنا لما مسكوني وربطوني
وكبوا علي مويه
نذلييين
وبابتسامه
ما لقيت الا خالد يكون فارس احلامي لاني توقعت
يكون انسان محترم ومثقف فهمان ملتزم
الجوري انبط كبدها : اسكتي تراك لوعتي كبدي
بخالد تراني كرهته بالقصه وجايه الحين تدافعين عنه
مالت عليك ولوت بوزها
وبتذكر اقتربت منها : صحيح لفت نظري حاطه طوله 1.88 حشى
لاعب كرة سله ؟؟؟
حسستيني شكله مثل الدوده
ريم بدفاع : دوده بعينك يا دبه ترى ما اسمح لك
مسكت الجوري اذن ريم : اشوفك تدافعين عنه
اصحي يا العصله تراه زوجك بالقصه وبالحقيقه
ما يدري عن هوى دارك
تراك عايشه عند بيت اهل امك من 8 سنوات ما أحد
سأل عنك لا اب ولا جد ولا عم ولا ابن عم
اصحي وبلا احلام وهميه قال خالد
مالت عليك وعليه طول القصه وانا ودي اخنقه
وافتك منه قهرني ببروده
وتركت اذنها
ريم وهي تفرك اذنها .: قولي محتررررررره
الجوري دقت على صدرها : يا حظي على وش احتر
بس تدرين اول مره اشوف احد يكتب قصه ومغرور بنفسه مثلك
خليتي حالك حوريه بالجمال بس قزم هههههههه
ريم وقفت وتخصرت ومدت بوزها : اعترفي إني
أحلى منك
وأطول منك
وأنحف منك
الجوري طالعتها بتدقيق كانت ريم طويله ونحيفه رابطه شعرها ذيل حصان
لابسه بلوزه خيط لونها كموني وبنطلون قصير
لنصف الساق لونه اسود
والمميز فيها رقبتها طويله بياضها مميز
وعيونها وسيعه لونهم يجذب النظر بلونهم
انفها مو صغير ولا كبير
مناسب لملامح وجهها وجميل
خدودها دايما
زهر
صحيت من تأملها الجوري بشي ضرب جبهتها
فركت مكان الضربه وهي عافسه ملامحها
وناظرت ريم : ليه ضربتيني ؟؟
ريم ضحكت على شكل الجوري : هههههه
سألتك سؤال مو تجلسين تتأملين فيني
كأنك اول مره تشوفين خشتي
الجوري : وش اتأمل يا حظي جوكر جوكر
لا والمصيبة بالقصه خلت كل عيال عمها يبغون يخطبونها
اصحي تراك جوكر ما أحد يبغاك منهم
جلست ريم على السرير وتربعت : يقال انا ميته عليهم حطي في بالك
تراني رفضتهم كللللللللهم وطالعتها بغرور
الجوري ضحكت من قلبها : هههههههههه
ريم هههههههههه اصحي اكيد انهبلتي ههههههه
تراك مثل للي يكذب الكذبه ويصدقها هههههه
الجوري اخذت نفس وطالعت ريم : سوري ريومه
بس والله ضحكتيني
ريم ابتسمت : مالت عليك
الجوري : كان نفسي اصل للنهايه واعرف من هو للي
كان حاط عينه عليك ويبغى يتزوجك ؟؟؟
ريم ضحكت على نفسها : هههههههه ريان
الجوري لوت بوزها : مالت عليك ما تركضين غير خلف الباردين !!
اصلا احسه هالانسان معقد بدون ما اشوفه
تتوقعين ييجي يوم ويخطبك ؟؟؟
لو خطبك رح توافقين ؟؟
ريم بتصميم : مستحيل اتزوج
لا تنسين انا رئيسه حزب العوانس
الجوري بتسليك : صدقتك
تقولين كذا لانه ما احد خطبك فقلتي خلني
احفظ مويه وجهي واقول ما ابغى اتزوج
ريم فتحت عيونها : يا كذابه نسيتي لما حضرنا عرس
بيان كم وحده طلبت رقم ماما علشان يخطبوني ؟؟!!
خمس حريم طلبوا رقمي
الجوري ضربتها على راسها : يا مخبوله ذول الخمسه
ام العريس وبناتها
يعني واحد بس خطبك يا مخبوله
ريم لوت بوزها : احسن منك اول ما خطبك ابن خالتك وافقتي
خايفه يطير وما تحصلي غيره
الجوري ضحكت بصوت عالي : ههههههه صادقه وافقت على طول خفت يطير مني
حتى امي قالت لي اصلي صلاه استخاره
رفضت خفت يكون مو خير ويطير مني ههههههه
ريم : الله يخلف على امك
طنشتها الجوري ووقفت ومسكت الدفتر وطالعت ريم وصغرت عيونها : جيل بعبع بعدك ما طلعتي من البيضه وحامل كمان
بس تدرين انك غبيه حامل وما اكتشفتي الا بعد
3 اشهر ؟؟
وين اعراض الحمل ؟؟
ريم ضحكت من قلب : هههههههه ما عمري شفت حامل وش يعرفني
لا تنسين افكار مراهقه
وش رح تلاقينها
وبجديه طالعت جوري : سبحان الله ما تحقق ولا شي من للي توقعته
الجوري باستفسار : زياد وراكان موجودين بالواقع ؟؟؟
ابتسمت ريم على نفسها : لا من خيالي جبتهم
اصلا ما اعرف احد اسمه زياد او راكان
الجوري فتحت عيونها : وخلتيه خالك بالرضاعه
وركان خلتيه متيم فيك هههههه
انت الكل خليتيه متيم فيك ههههههه
ضحكت ريم على نفسها : ههههههه فاقده الحب
صرت ادور عليه بعالم الخيال ههههههه
الجوري وهي تبتسم : تفكيرك منحرف
عيب بعدك صغيره على ذي الامور
طيب سميه وسديم والشله الفارطه للي ذكرتيهم
بالقصه موجودين ؟؟
والا من خيالك ؟؟
ريم : سديم والشله الخايسه موجودات اتذكر اسمائهم بصغري يا كرهي لهم
بس بنات عمتي هيفاء ما عرفت الا سميه اتوقع
كان اسمها كذا
الجوري بتحقيق : طيب قصه عماد من عندك والا صحيحه ؟؟؟
ريم هزت كتفها : شوفي انا مره قالت لي شوق
انه عماد خطب خالتي غاده بس اهلها رفضوه
وهي كانت مخطوبه
بس ما تدري اذا عايش او ميت
بس يمكن ميت لانهم كلهم حاقدين علي
اكيد انه ميت وما فكرت اسأل ماما او اي
احد عنه
طالعتها الجوري : وليه عملتي اكشن وقصه لعماد وفاقد الذاكره ....
ولا كمان طلع الحنون للي يراعي مشاعرك
وهذي كمان من توقعاتك المستقبليه ؟؟؟
ناظرتها ريم بعباطه وهزت رأسها
الجوري وهي فاقده الامل منها : يا حظ أمك فيك
انت لازم يحطونك بصندوق ويخبونك بلاه تنصابين بالعين من ذكائك
وبتذكر اقتربت من ريم ومسكتها من شعرها : يا نصابه يا خاينه
ما ذكرتيني بقصتك الا كم موقف بايخ مثلك
واستبدلتيني بصديقات صايعات ميرا مدري وش اسم الثانيه
ريم وهي تحاول تفلت شعرها مو قادره من
كثر الضحك ووجهها احمر : هههههههههه
الجوري بقهر : وتضحكين يا الخاينه
ريم اخذت نفس بعد ما أفلتت نفسها : كنت عارفه رح ييجي يوم وتشوفين القصه فما حبيت
يكبر راسك فوق ما هو كبير هههههه
دفعتها الجوري عنها : احسن منك يالعصله
حتى الخيانه تزوجت مرتين ولا مره عزمتني
يالخاينه
ريم ابتسمت بعباطه وهي تعدل شعرها : رقمك مو معي وانتقلت لمدرسه ثانيه ههههه
الجوري : هذي للي رح تقهرني
تراك كتبتي القصه هنا وانا طول الوقت معك بالمدرسه
ورقمي معك يالكذوب
وصارت تقلدها
قال ما معي رقمك فعلا انك خاينه
توجهت الجوري للرف وفتحت كتاب موجود على الرف
فتحته من هنا وقع دفتر صغير قديم من داخله
نزلت على الارض تناولته الجوري وفتحته باستغراب
كان خط لطفل بالابتدائي مضحك
سحبته ريم منها : وبعدين معك يا نباشه اليوم
يوم التفتيش العالمي
الجوري بلقافه :وش هذا الدفتر ؟؟؟
ريم ابتسمت : هذا الدفتر لما كنت صغيره
اي كلمه اسمعها من اهل نايف اكتبها
علشان لما اكبر افهم معناها
الجوري وهي تقرص عيونها : ان كيدكن عظيم
اعطيني اشوفه
ريم خبته خلف ظهرها : لا تراك جايه تجلسين معي
من اول ما جيتي وانت ماسكه القصه
والحين ناويه على هذا الدفتر اقول اجلسي
قبل ما تدخل ماما فجأة
مسكينه على بالها جالسين ندرس
الجوري ابتسمت : وانا ماما بصعوبه حتى خلتني
اجي عندك قلت لها في اشياء مو فاهمها
علشان تشرحينها لي
ريم غمزت لها :وش تبغين احسن من هذا الشرح
ومدت يدها وتناولت القصه
وصارت تقطع فيها لفتات ورقيه صغيره
الجوري بقهر : ليه عملتي كذا
كان نفسي اعرف التكمله
ناظرتها ريم وابتسمت بغرور : النهايه معروفه
البطل يصبح متيم بالبطله ويعيشون بسلام
الجوري عدلت وقفتها : يا شين الغرور
طنشتها ريم وحطت الورق بسله الزباله
الجوري : تتوقعين تبقين هنا حتى يموت الشايب
ابو سعد ؟؟؟
وبمرح
لو يقرأ قصتك ابو سعد ويدري انك موتيه
الا يدفنك بمكانك
ريم ابتعدت عن السله وطالعت الجوري : هههههه
يا كرهي له
يمكن بعد ما يموت ياخذوني
ما ادري ويمكن حتى اهل نايف ناسيين وجودي
الجوري : بس انت قلتي انه لما جابوك هنا
كان ابو نايف يكلم عمك ويقول له مستحيل
يخلي ابو سعد يلوي ذراعه
اشرت لها ريم انها تسكت
و تقدمت من رف الكتب ومسكت الدفتر الصغير للي كانت تكتب عليه الاشياء للي كانت تسمعها وما تفهمها بصغرها وقلبت
صفحاته
وبعدها ناظرت الجوري : شوفي هنا
مسكت الجوري الدفتر وقرأت
"الشايب : والله ما اخليه يلوي ذراعي
يبغى يخلي اسمي على لسان كل الناس
وانا لي سمعتي بالبلد
يبغاني اتخلى عن مشروعي مقابل ما يعمل شوشره بالمحاكم علشان البنت
ابو سليمان : بس يبه كيف تأمن البنت عند عدوك الشايب : لا تنسى انه امها ابنتهم
ما يقدر يعمل شي وبعدين بقلعته هو وحفيدته
اهم شي سمعتي ومشروعي
وخله يشبع بحفيدته"
رفعت الجوري نظرها عن الدفتر
ريم : شفتي هالشايب باعني علشان الفلوس
وما سألوا عني
الجوري تواسيها : لا تهتمين هذا انت عايشه ومبسوطه بدونهم
عندك ام مثل العسل
ريم سحبت الدفتر من الجوري وخبته ورجعت التفتت على الجوري : الحمد لله على كل حال
وبعدها ريم طالعت
الجوري : تعالي نلعب جماد وحيوان وفكينا من الماضي
الجوري بحماس : يالله
جهزوا اللعبه وجلسوا على الارض
الجوري : اختاري يا ريم حرف
ريم بتفكير : خاء
وبسرعه صاروا يكتبون بسرعة
ريم كملت وبحماس وصراخ : استب استب كملت
الجوري بقهر : انتظري بس اكتب بلاد
ريم وهي ترقص حواجبها : نو نو نو
يالله اسم
الجوري مدت بوزها : خوله
ريم ابتسمت : خالد
الجوري بقهر : هالخالد تراك اقرفتيني فيه
والله اعلم اذا كان موجود بالدنيا او لا
ريم ووجها احمر : تراك فاهمه الموضوع غلط
صدقيني بس مجرد توقعات كتبتها
ناظرتها الجوري بتسليك : يالله كملي صدقتك
**
**
**
**
**

طقت ساره الباب بخفه وفتحت الباب ومعها الضيافه...
طالعت ريم والجوري وبابتسامه : كملتوا ؟؟؟
طالعتها ريم بارتباك وهم يخبون ورق اللعب : مطولين يا ماما هذي غبيه مو فاهمه شي
فتحت الجوري عيونها على وسعهم وهي تناظر ريم وبعدها طالعت ساره : كذابه لا تصدقينها يا خالتي
ساره اقتربت منهم بابتسامه وحطت الضيافة
على الطاوله وناظرت ريم بعتب : عيب يا ماما تقوليني لصديقتك كذا ولا تنسين انها اكبر منك
لازم تحترمينها
ابتسمت الجوري : تسلمين يا خالتي
طالعتهم ساره بنعومه : لا تنشغلون باللعب
الدراسه اهم وغمزت لهم انها كاشفيتهم
ريم وهي تحك راسها : ان شاء الله ماما
طلعت ساره بهدوء من الغرفه مثل ما دخلتها
وحطت ريم يدها على راسها مكان الضربه وعفست
ملامحها : دبه ليه ضربتيني ؟؟
الجوري : كل هالنعومه وتطلع شريره بقصتك
ريم وهي تفرك مكان الضربه : انت غبيه اقول لك
كتبتها لما كان عمري 14 وقتها كانت علاقتي بها عاديه
بس لما سافر زوجها تغيرت معي كثير
واصرت علي اعيش عندها بوقت غياب زوجها
بس ما ادري احس تتغير معي بوجود زوجها
او تواجد جدي او احد من اخوالي احسها تحاول تتجنبني
اما بغيابهم احسها فعلاً امي
وبعدين لما كتبت عنها انها شريره كان موقف
لما وقعت بالبركه وركضت على فيصل وانا لا
وقتها صرت اتذكر كل مواقفها وافسرها كدليل
على كرها او رفضها لوجودي
الجوري رفعت حاجب : وكتبتي بقصتك انك رحتي تزورينها وانها قالت لزوجها انها ما تبغاك وما تطيق
تشوفك وتخيلتي اشياء متأكده انها مو موجوده
طالعتها ريم ونزلت نظرها : قلت لك توقعات يعني انا توقعت يصير كذا وانها رح تقول عني كذا
وبعدين لا تنسين تضايقت كثير وقت لما سألتها خالتي
غاده عن ذكرى ميلادي وما عرفت
وتاريخ فيصل حافظيته ليه يعني ؟؟
الجوري ضربت جبهتها : تراك حساسه زياده
وش فيها
قلت لك من قبل ما فيها شي يعني ما تخليك
تاخذين موقف من امك
وتكتبين قصه وتخليها شريره علشان هذا الموقف
ريم تقاطعها : بس
الجوري اشرت لها ؛ اسكتي ومسكت جوالها
واتصلت على امها وحطت سبيكر
الجوري بابتسامة : مرحبا يا ماما
ام جوري ردت وباين إنها مشغوله : نعم
الجوري بابتسامة عريضة: ابغى اسألك سؤال مهم
قاطعتها امها بضجر : جوري ترى مو فاضيه لسخافتك
وانا قلت لك لا تتصلين إلا لما تكملين دراسه
الجوري قاطعتها : بس سؤال مهم
زفرت أمها بضيق : يالله بسرعه ترى مو فاضيه
الجوري بابتسامة وهي تتدلع : ماما كم تاريخ ذكرى ميلادي ؟؟
امها بنرفزه : متصله فيني علشان كذا
بعدين مع سخافتك يا جوري
الحين الحلويات تحترق يالله بسرعه قفلي
الجوري تتكلم بسرعه قبل ما امها تقفل : لحظه لحظه
يا ماما بالله جاوبي
امها ردت بضجر: انا تاريخ ميلادي ناسيه
...ما أحفظ الا تاريخ زواجي وغيره لا
يالله طيري!!
وقفلت الجوال بوجه الجوري
طالعت ريم الجوري للي تناظر الجوال وفقعت ضحك :  تم قصف الجبهة بنجاح
الجوري تمثل الزعل : شفتي شفتي ماما شريره
تاريخ ميلادي مو حافظيته واع واع واع
مسكتها ريم من شعرها : تتمسخرين علي هاه ؟؟؟
ضحكت الجوري بصوت عالي : الي على رأسه بطحه يتحسس عليها هههههه
ريم لوت بوزها : ترى قلت لك بذاك العمر كنت حساسه...ما أدري ليه؟
أي كلمه أسمعها لها تأثير علي ... وأحس الكل ما يبغاني وخاصه أمي!
قاطعتها الجوري : اقول اسكتي لا تحكمي على الناس بدون ما تتأكدين مره ثانيه
ريم بندم : بعد ما كملت كتابة القصه كنت ناويه
احرقها بس انشغلت
الجوري ابتسمت : الحمد لله إنك انشغلتي حتى اكتشف تفكيرك المنحرف
وناظرتها بنص عين
ودك تتزوجين وعمرك 14 يا بايخه
ضحكت ريم : صدقيني هذي المرحله كانت
صعبه علي كنت اشوف الزواج هو الحل الوحيد و كنت احس ماما تكرهني ما حد يبغاني
بس مع الأيام والحين...أحس إني ظلمت ماما لأني متأكده إنه كله من زوجها
وانت يا جوري كنت لي نعم الأخت طلعتيني من حزني...وخليتيني مثلك عبيطة
ضربتها على رأسها : أنا عبيطه ؟؟!!
ريم بابتسامة : قصدي إني صرت اطبق
قاعدتك"ابتسم لتقهر اعدائك"
الجوري بفخر : هلا عمي مو حيالله
على فكره...تراك اقرفتيني لما كنت بعمر 14 كل يوم تبكين مثل البزران
ريم فتحت عيونها بصدمه : كذابه
الجوري ضحكت : هههههه لا بس كان معك اكتئاب...الظاهر إنك وقتها كنت تكتبين قصة حياتك بعد الرابعه عشر من عمرك
طالعتها ريم بنص عين : سخيفه
وبعدين كل شوي تنطين على القصه تراك
اقرفتيني غلطنا خلاص
الجوري : تراني مقهوره منك ما خليتيني احد
ابطال قصتك
وبجديه  تابعت كلامها:صحيح مو قلت لي انك محيره لسليمان
ريم دفعتها عنها بقرف : يعووووووو
الجوري عفست ملامحها : حشى وين النعومه
تراك انثى مو حمار ترفسين
الي يشوفك يقول واو وش هالجمال والنعومه
ما يدري إنك مثل الثور بحلبه المصارعه
ريم بغرور تلعب بشعرها : محترررررره
وبعدين ليه تشتميني علشان آخذ حسناتك
لذي الدرجه تحبيني ؟؟
الجوري  تنهدت: أنا ما شتمتك أنا قلت ترفسين مثل الحمار
وبعدين أصلا أنا أخاف إذا قلت عنك حمار يزعل
الحمار هههههههه
ريم فتحت عيونها بقهر : سخيفه
الحين رح اتصل بأمك وأقول لها الجوري ما درست...جالسه تقرأ بقصص عالميه للكاتبه ريم
طالعتها الجوري باستصغار : لا يا شيخه
مره وحده كاتبه وعالميه كمان
حطت يدها على قلبها وبتمثيل
لا لا قلبي الضعيف ما يستحمل شهرتك....
اقول روحي تلايطي أصلا أنا راجعه على البيت!
وقفت الجوري واتصلت بأمها تخبرها ترسل السواق!!
اشرت لها ريم إنها ما ترجع بس طنشتها
الجوري واتصلت
طالعتها ريم بقهر وقالت حتى تغيظها بعد ما قفلت الخط : كأنك سمنانه شوي خففي اكل
انا متأكده تأكلين أكل إخوانك كله
وبعدين لا تصيرين مثل كائن حي له اربع معدات
الجوري أشرت على نفسها : قصدك إني بقره ؟؟؟
ريم تمثل البراءه : لا مو قصدي أنا انبهك بس لا تصيرين مثلها
طالعت الجوري نفسها ولوت بوزها : احسن منك يالعصله
مسكت عبايتها ولبستها..وجلست تعدل بالشيله
ريم وهي تطالعها : طيب اجلسي شوي
الجوري جهزت نفسها : لا تأخرت كثير من الصبح وأنا عندك
والحين آذان المغرب
وعقلي شوش من كثر المذاكره !
ختمت كلامها بابتسامة واسعه!
ريم بجديه : جوري ليه انت غبيه كذا بالدراسه
؟؟؟
فتحت الجوري عيونها باستنكار : انا غبيه ؟؟
وتقولينها بوجهي وفي بيتك بعد ؟؟!!!
سرعان ما  ارخت ملامحها بمرح... وردت:
وش جبتي شي جديد
ما أقدر أفهم هذي الطلاسم للي بالكتب
ما أدري من وين يجيبونها؟؟
خطيبي يقول لي انت تأكلين تبن قبل ما تنامين
ريم ضحكت : ههههههههه مسكين رفعتي ضغطه
وهو جلس اكثر من 3 ساعات يشرح لك بالمسأله
وبالأخير ما فهمتي ما ينلام ههههههه
الجوري بابتسامة : وقتها مسكني من اذني وشدها...وهو يشد على أسنانه : انت وش نوع التبن للي تأكلينه ؟؟
قلت له بعباطه : حشيش
ريم وهي تاخذ نفس من الضحك : ومبسوطه على غبائك ؟؟؟
الجوري : مبسوطه على الاخير
ربي خلقني كذا
قاطعهم رنين جوال الجوري
ناظرت ريم : يالله سلام هذي ماما وصلت
ريم مدت بوزها : انقلعي يا نباشه
ضحكت الجوري وهي عند الباب : يوم السبت رح افتح لك تحقيق واستجواب للقصه
في اشياء كثيره ابغى استفسر عنها
وقفلت الباب وطلعت
جلست ريم على السرير بهدوء
تحس بالهدوء عم المكان .......

**
**
**
**
**
دخلت امها الغرفه بهدوء بعد العشاء وطالعت ريم
جالسه على السرير وبيدها كتاب نادتها بصوت هادئ : ريم
رفعت ريم نظرها لأمها وابتسمت : نعم ماما
اقتربت منها ساره وجلست على طرف السرير :
كيف الدراسه ؟؟ تبغين مساعده ؟؟
ريم بهدوء : لا المواد سهله
ساره بتشجيع : شدي حيلك يا ماما ابغى تنجحين بالثانوية وتكونين من الاوائل وتدرسين طب
وتعتمدين على نفسك
وبتردد
ما تضمنين الدنيا وش مخبيه لنا
لا تخلين الدنيا تكسرك خليك قويه واعتمدي على نفسك... أبغى أشوفك اشطر دكتوره بالعالم
ريم ارخت رأسها على كتف أمها وهمست : إن شاء الله
مسحت سارة على رأسها بحنان!!
ابعدت ريم نفسها بشويش وناظرت امها : ماما
اتصلت شوق فيني علشان أروح معهم على السوق
باكر بعد المغرب
ساره مسحت على خد ريم بحنان : يا ماما
أنا ما أحب تطلعين مع بنات خالك لأنك تعرفين
حركاتهم....حتى لو ما عملتي مثلهم إلا إنهم رح يعطونك سمعه سيئه صح وإلا لا!!
ريم هزت رأسها: صح
وش أقول لها ؟؟؟
ساره صارت ترتب شعر ريم : قولي لها تبغين تدرسين ...وبحزم تابعت كلامها:لا تنسين انت ثالث ثانوي...وعندنا هدف ولازم نحققه
ريم حركت رأسها بالموافقة : إن شاء الله
طالعت ريم عيون أمها تحس الحزن فيها
ولأول مره تسألها : ماما وش للي مضايقك ؟؟
ساره ابتسمت بألم : ما في شي مضايقني
ريم اقتربت من أمها : ليه دايما تكونين مصره
تخلين بيني وبينك حاجز ليه ؟؟
ساره قبلت  ريم على خدها : ما في حواجز
المهم اهتمي بنفسك.....وأهم شي مستقبلك
بعدها وقفت وطلعت بهدوء
كانت ريم تناظر زول أمها وتحس كل يوم
أمها مجروحه....بس ما تدري وش السبب؟!
**
**
**
**
*
ريم

صحيت متأخره من النوم بما إنه اليوم الجمعه
طلعت من الغرفه وهي تتثاوب....حطت يدها على فمها ونازله عن الدرج بشويش...
وقفت لما سمعت صوته أسفل الدرج يكلمها : بعدك نايمه
للحين ؟؟!!
أنا دايما أقول لأمي تغسل يدها منك
شغل نوم وأكل...بدل ما تصحين من باكر تذاكرين تقضينها نوم؟
طالعته ريم  بفوقيه وتابعت نزول الدرج ولا كأنه أحد يكلمها !!
انقهر من رد فعلها .. ورفع يده الصغيره بتهديد : اسمعي أنا رجال البيت هنا....ولازم تسمعين كلمتي
يالله افطري بسرعة وارجعي على غرفتك ذاكري
مفهوم!!
كملت ريم  نزول الدرج ومشيت من جنبه ومطنشه هالكائن عالاخير!!
توجهت للمطبخ...وهو خلفها يعطيها  محاضرات بصراحه هذا الولد...نكته يحاول يثبت شخصيته ووجوده... وإنه كبير والكل يسمع كلمته!!
دخل خلفها للمطبخ وهو يخشن صوته : ماما
هذي ابنتك تحتاج لتسنيع
مغروره وشايفه نفسها اكلمها وما ترد علي
ولا تسمع الكلام!!
ابتسمت ساره على ملامح فيصل المعصبه
من تطنيش ريم له : يا ماما وش تبغى فيها اكيد
إنها سهرانه وهي تذاكر...اتركها على راحتها
فيصل تكتف بقهر : بس أنا هنا رجال البيت وكلمتي مسموعه لما أكلمها ترد علي
مو ماده انفها مثل رجل الثلج
طالعته سارة بحده : فيصل
عيب هذي أختك الكبيره ولازم تحترمها!!
ريم
طبعا أنا كبر رأسي وما عاد يطلع من المطبخ!!
طالعته وأنا ألعب بحواجبي... وغمزت له
بمعنى سمعت وش تقول ماما؟؟
طالعني فيصل بقهر وعيونه تقول انتظري شوي ورجع يطالع ماما الي كانت عند الثلاجه اقترب منها باعتراض : وهي كمان لازم تسمع كلامي
وما تعاند!!
جلست على السفره وبدأت اشرب كوب
الحليب وأنا معطيته طاف!!
ناظرتني ماما وغمزت لي علشان اعبره!
طالعته وابتسمت على ملامحه مولع من تطنيشي له : اسمع يا فيصلوه لما يصير عمرك
15 سنه
صغرت عيوني وأنا أناظره : امممم وقتها أفكر
أرد عليك
طالع فيصل ماما ودموعه على وشك النزول من القهر : ماما شفتيها وش تقول
وزم شفايفه حتى ما يبكي
ماما ابتسمت على طفولته وبعدها طالعتني
بمعنى حرام عليك
حزنت عليه ووقفت وانا ماسكه كوب الحليب والبخار يتصاعد من الكوب : خلاص الحين طالعه علشان اذاكر
ارتحت يا اخي العزيز
ابتسم وحسيته كبر رأسه وطالعني بغرور : ايوه
خليك كذا
اسمعي الكلام وبأمر
يالله بسرعه على غرفتك
ذاكري
طالعت امي ورفعت حاجب وأنا أناظرها "شفتي"
ابتسمت ماما وغمزت لي مشيها علشاني
هزيت راسي لها
وطلعت من المطبخ وانا امشي بخطوات
هاديه باتجاه الغرفه
وانا بمنتصف الدرج سمعت صوت ماما
التفتت عليها .: نعم ماما
ردت بابتسامة دافيه : بعد نص ساعة جهزي نفسك
نروح لبيت جدك
هزيت رأسي : ان شاء الله
وكملت طريقي للغرفه
**
**
**
**
**
ساره
طالعت فيصل للي جالس بالصاله ويقلب القنوات : يالله يا ماما جهز نفسك
لصلاه الجمعه
رفع نظره عن التي في وناظرني : ان شاء الله
قفل التي في وتوجه لغرفته
طلعت خلفه لجناحي
دخلت الجناح وتوجهت لغرفة النوم وقفلت الباب
طالعت غرفتي يغلب اللون البني ودرجاته على الاثاث
جلست على كرسي التسريحه بهدوء
رن جوالي مسكت الجوال وكان احمد
رديت عليه وخبرني انه راجع باكر
قفلت منه
وانا احس بالحزن على ريم مشتته بوجود احمد
تروح لبيت اهلي وبسفره ترجع هنا
ما لها مكان تستقر فيه مثل باقي البنات
بين ام وأب وإخوان
وش ذنبها تدفع
ثمن غلطه ما ارتكبتها
شدت على قبضه يدها وضمتها لصدرها..وبداخلها تردد
"وانا دفعت ثمن غلطه ما ارتكبتها"
رفعت نظرها للسقف
وتحس بالدمعه بطرف عينها
يمكن عقاب لي من ربي لاني سلكت الطريق الغلط
وقتها كنت فتاه طايشه كملت الثانويه
جاني اتصال وكان بالغلط من رجال اسلوبه
حلو كله ذوق
ما فكرت إنه اتصال مدبر
ورجع يتصل على اساس إنه مخربط مره ثانيه
وكلمه من هنا وكلمه من هنا
غمضت عيونها بألم من الماضي
ما ادري كيف بسرعه صارت العلاقه وتطورت
تعلقت بنايف بشكل كبير أسلوبه كلامه
كل شي جذبني
ما كنت أعرف ولد مين ومن أي عائله
للي كنت اعرفه بس إنه اسمه نايف
بعد فتره اقترح علي يخطبني
وقتها كنت ابغى اطير من الفرحه
حسيت بصدقه وانه مو من الشباب للي يخرطون
على البنات ويكذبون ......
طلب مني اسمي بالكامل علشان ييجي يخطبني
عضت على شفتها بقهر من  هبلها وسذاجتها
ما كنت ادري إنه يعرف كل التفاصيل عني
بعد تردد أعطيته الاسم بالكامل
تظاهر بالصدمه وإنه متضايق حيل
ولما سألته عن سبب ضيقه
قال لي إنه من العائله الفلانيه
حسيت وقتها كل الابواب انغلقت بوجهي
خلاص كل شي رح ينتهي ؟؟؟!!!
مستحيل اهلي يوافقون عليه الكره بينهم كبير
وقتها نزلت دموعي كيف كل احلامي
تطير
كيف بعد ما صدق وجاء يخطبني
أهلي وأهله يقيدونا ويبعدونا عن بعض
بسبب خلافات سخيفه بينهم
وقتها ما قدرت ارد عليه من البكاء وشهقاتي يتردد
صداها
بسماعة الجوال
مر وقت وهو يوهمني انه يدور طريقه حتى نتزوج وما رح يخلي أهله وأهلي يبعدونا عن بعض
ما كنت أدري إنه الخطه جاهزه وأنا الغبيه
الي صدقته...
لحد يوم القى علي الخبر الصاعق إني أشرد معه
ونحط اهلي واهله تحت الأمر الواقع
وقتها رفضت وبشده ومع الأيام قدر يقنعني
بكلامه المعسول
وإنه إذا ما وافقت رح يقطع علاقته واتصالاته
وبدون وعي وافقته
واتفقت معه
وشردت من بيت اهلي
واتصلت بخال لي حتى يكون لي ولي ويوقع
على عقد الزواج
وقتها اتصل خالي بأهلي وخبرهم واقنع ابوي
ييجي يوقع
حتى ما تصير فضايح
وقتها انجبر ابوي و وافق وتم عقد الزواج
تحت نظرات أبوي الناريه والمكسوره
كسرته وخليت وجهه بالتراب
خليت عدوه ينتقم منه على طبق من ذهب
ما كنت أدري إنه كله خطه للانتقام
كانت المويه تجري من تحتي
كان كل تفكيري اني اتزوج نايف وبعد فتره رح يرضى ابوي وارجع
له
بس ما توقعت اني وقعت بالفخ بذي السهوله
اخذني لفندق
وخبرني بكل خططه الخبيثه
ما قدرت استوعب الصدمه
كل للي كنت عايشه وهم !!!
كل الحب للي أظهره لي
كله سراااااااب !!!
حسيت نفسي مثل للي يكون مرتفع بالسماء
وطاير من الفرحه
وفجأة بدون مقدمات يسقط على الارض !!
شعور الضياع الألم الطعن
كانت أفكاري ومشاعري مبعثره
مو قادره
أصدق كلامه وكان عندي أمل لآخر لحظه إنها
مزحه
بس مع الأيام اكتشفت إنها الحقيقه
عشت في بيت اهله وكنا مثل الشحم والنار
كان الكل يكرهني
كانت مشاكلنا كثير من اول شهر خاصه
مع زوجه فيصل وسلمان وهيفاء
ما كنت اسكت لهم
وهم بس يبغون الزله
وقتها ابو نايف مل من مشاكلنا
وطلب من نايف يسكني بملحق بعيد عنهم
وطلب منه ما اختلط معهم
سكنت بالملحق لوحدي مثل السجن
تعرفون شعور الطير بالقفص
ما كنت اشوف الا نايف الي مقفل علي
الملحق وييجي يسمعني كلام يسم البدن
ويطلع
مع الايام اكتشفت موضوع الحمل
ومع الايام صار واضح
تضايقت لما عرفت بالخبر ما كنت ابغى
احمل وعلاقتي بنايف كذا
كان عندي امل يرجع لصوابه وتزين حياتنا
كنت اقنع نفسي يمكن احد لعب بعقله
كنت ساذجه غبيه وقتها
وزاد قسوه بعد ما عرف بموضوع الحمل
ودائما يدعي انه حملي ما يتم
وللي في بطني يموت
كان كلامه قاسي علي
مرت ايام الحمل علي طويله
وكانت متعبه جدا
لحد يوم الولاده لحسن حظي وقتها
كان نايف داخل الملحق لما بدأ الطلق
اخذني للمستشفى
وانجبت احلى طفله بالكون كله
ما حد زارني من اهله
او كلفوا نفسهم يشوفون حفيدتهم
حتى نايف ما كلف نفسه يشوفها
او يحملها
لما طلعنا من المستشفى حملتها الشغاله
رجعت للملحق
وانا نفسيتي بالحضيض
تجمع علي تعب الولاده
وطفله
وعلاقتي بنايف مثل الزفت
واهلي للي تقريبا سنه ما شفتهم
كله اثر على نفسيتي
اول اسبوع من ولادتي ما شفت نايف
كان يرسل الأغراض مع الشغاله
مع تقريبا شهر على ولادتي
كنت اناظر طفلتي ما ادري وش رح يكون
اسمها
كنت اتخيل حياه زوجيه سعيده ونجلس نخطط
لاسم المولود الاول مع بعض
بس كل شي تحطم بثواني
للحين اتذكر الذكرى الاليمه
وقتها كنت اغير لطفلتي دخل نايف وناظرني باستحقار
ورمى علي كيس فيه بعض الاوراق
ناظرته باستغراب
ومديت يدي وفتحت الورق بهدوء
كان
فيه اوراق تخص ريم
تضايقت حتى ما كلف نفسه يسألني وش ابغى اسميها
سماها ريم على كيفه وهو حتى ما كلف نفسه
يشوفها
كيف يحس ما ادري ما يحس بشعور الابوه تجاه
ريم
لذي الدرجه يكرهني حتى يكره البنت !!
زفرت بضيق
بعدها فتحت اخر ورقه وفتحت عيوني بصدمه
وناظرته بفجعه
كانت ورقه طلاقي
وقتها احس خلاص صرت رماد انتهيت
دمرني ودمر حياتي
جلست ابكي واقول له يقول لي ذنب واحد اقترفته
بحقه حتى يعمل بي كذا ؟؟
دمرني ودمر حياتي
وانا لي بعت اهلي علشانه
وين اروح ؟؟؟
بس وقتها ما لقيت منه جواب الا معك نص ساعه
تكونين مغادره المكان واشر على ريم بقرف
انتي وابنتك
طالعت ريم ودموعي تنزل طالعته وقتها
وحاولت اخليه يتراجع عن قراره
وانها ابنته كيف يرميها قهرني وقتها وكرهته
من كل قلبي
وقتها رد ببرود انا ما عندي بنات متبري منها
يكفي انها تحمل دمكم النجس
وطلع
ساعات عصيبه مرت علي
قررت وقتها اغادر المكان يكفي ذل واهانه
وبعد تردد رجعت لبيت اهلي
ورجعت لسجن ثاني بالملحق
لا تلوموني لما وافقت على الزواج
تقريبا 4 سنوات وانا احس نفسي بسجن
لما جاء جدي عندي واعطاني الخيار
بدون وعي وافقت بس ندمت بعد قراري
بعد ما شفت محمد يسحب ريم وهي تبكي
تبغاني
ركضت تجاها خلاص ما ابغى زواج
بس في يد مسكت يدي وثبتتني
كان جدي
ومنعوني اركض خلف محمد وارجع قره
عيني لي
وقتها شتمت نفسي وندمت على قراري المتسرع
كنت اطالبهم اني ازور ريم لكن رفضوا بشده
كنت احس قلبي كل يوم يموت الف مره لبعدها....
تزوجت احمد وما انتهت المشاكل
كان دايما يتهمني اني ابغى ريم لانها تحمل دم نايف
واكيد مشتاق له
وابوي واخواني نفس الكلام يقولون
مرت الايام وحملت من احمد وخفت المشاكل
وما رجعت اطالب بريم واكتفيت بمقاطع الفيديو والصور للي اخذتها لها خلال 3 سنوات للي عاشتهم عندي
وما رجعت اطالب فيها
لاني ما جاني الا وجع الراس والمشاكل
ولما ولدت فيصل تعلقت فيه
وصرت اشغل نفسي فيه
مرت سنين على غيابها
انصعقت لما سمعت ابوي قال هذي ابنتك
وناظرني نظرات يعني هذي بنت للي بعتينا علشانه
بالبدايه ما صدقت وكنت اناظر وانا فاتحه حلقي
مو مصدقه هذي ريم ؟؟!!
ما تشبه صغيرتي الدلوعه !!
كانت سمراء بشده ونحيله بشكل كبير
صحيت من التأمل لما ازهار قالت لها هذي امك
ركضت علي وحضنتني
حضنتها وانا بعدني تحت الصدمه
أبعدتها أزهار عني
وصارت تعرف فيها على اهلي
بعد فتره استوعبت الامر
كان نفسي ارجع واحضنها وأعوض سنين البعد
بس في شي منعني
نظرات إخواني وأبوي لو اقتربت منها
رح يقولون لانها من ريحة نايف عملت كذا
طلعت الجوال وصرت اطقطق عليه
محاوله لكبت شوقي لريم
وقتها صارت تكلمني غاده عن ريم
بس تظاهرت إني مو طايقها ومن هذا الكلام
حتى ما يقولون ويفسرون الكلام على هواهم
رجعت للبيت وما خلصت من تحقيق احمد
وهو يعيد ويزيد
انبسطتي إنك شفتيها وذكرتك بالغوالي ؟؟
اكيد من اليوم ورايح رح تلازمينها ...
ومن هذا الكلام
قيدوني وقتها بكلامهم ونظراتهم
وقتها كنت اتعامل مع ريم ببرود واتظاهر بعدم
الاهتمام
وانا بداخلي الشوق لها ذبحني
كنت اتابعها بنظراتي بدون ما أحد ينتبه لي
كنت لما اروح بيت أهلي حتى لو ما شفتها
ارتاح اني قريب منها
ومرت الأيام والسنوات نفس الروتين وريم دايما
مع بنات خالها ولا أحد من اهل ابوها
سأل عنها
صار عمرها 14 سنه
اتذكر لما دخلت غرفة البنات وكانت ريم طالعه
مع بنات خالها للسوق
كان عندي فضول اكتشف واعرف كيف تفكيرها
واقترب منها بس ما ادري كيف
جلست على سريرها وانا افكر
وقفت وقررت ارتب سريرها
وانا ارتبه شفت من تحته طرف دفتر
سحبته واستغربت وفتحت اول صفحه
وكان مكتوب عليه التاريخ قبل عدة اشهر
فتحته
وكانت الصدمه لي بعد ما قرأته
ما توقعت ريم
لذي الدرجه تتوقع حياتها بهذا الشكل
لذي الدرجه محطمه
لذي الدرجه تبحث عن الاهتمام والحنان
وانا موجوده
ما توقعت ريم تفكيرها كذا ....زواج وهذي
الخرابيط
والصدمه الاكبر ما توقعت ريم نظرتها لي
تكرهني !!
غمضت عيوني بألم وحسيت بسكين تطعني
شعور مؤلم
ابنك ضناك يكرهك !!!
لذي الدرجه متأثره من موقف المسبح
وقتها والله ما شفتها ولا انتبهت لها
لاني شفت فيصل لما وقع بالمويه
كان كل تركيزي عليه ما انتبهت مين نزل بالمويه
كان كل تفكيري محصور على فيصل وكيف اساعده وبس
حتى موقف تاريخ ميلادها تأثرت من الموقف وكتبته بقصتها
ما توقعت يحز بخاطرها وإنها حساسه لذي الدرجه
تظن إني ما اعرف تاريخ ميلادها !!!
كيف ما اعرف تاريخ ميلادها وهي ابنتي البكر
بس وقتها خوفي منهم
تعمدت اقول تاريخ ميلاد غلط
حتى ما يفسرون الكلام على كيفهم
ما كنت ادري اني حطمت قلب طفلتي الصغيره
وقتها بكيت لما قرأت قصتها
اتذكر لما خبرني احمد انه طلب نايف منهم انه ريم تزورني
وقتها فرحت لكن خلال ثواني انمحت البسمه
عن ثغري
لما خبرني انه رفض وحتى ابوي وإخواني رفضوا
حتى ما يزعل احمد
علشان كذا لما جاءت هنا سألت انه كنا خارج البلد...
كانت كذبه من نايف
عضت على شفتها بقهر
اكيد إنه نايف ما عاملها بالطيب
لو عاملها بالطيب ما كتبت ريم كذا عنه وعن اهله
وانا جيت وحطمتها بزياده
بسبب خوفي
انا ونايف ظلمناها بدون ذنب
ونايف ظلمني بدون ذنب
كله علشان عماد
شديت على قبضه يدي بكره لعماد
تعذبت انا وابنتي بسببه
وابنتي تتجرع الظلم والحرمان
قلبي محروق على ريم وانا زدت عليها الظلم
بعمر 14 سنه وتكتب كذا
مسكينه أملها إنه أهل ابوها يتغيرون معها
ويتقبلونها
ما تدري عن قلوبهم الحقوده
قررت اغير معاملتي معها لازم اعوضها عن الايام
الفائته
وما علي من أحد وخاصه بهذي المرحله
ريم تحتاجني لازم انتبه لها حتى ما تسلك طريق
الخطأ
استغربت كيف ريم عرفت بعلاقتي مع نايف
اكيد شوق ام لسان خبرتها
بصراحه شعور مخزي ابنتي تعرف
عن هذا الماضي
حتى ما أقدر أنصح ريم
تدرون ليه
اخاف تقول لي شوفي ماضيك وبعدين تكلمي
شعور صعب جدا
ما أقدر أتخيل الموقف
زفرت بضيق
بالبدايه كانت ريم بارده معي بس مع الأيام
زادت علاقتي معها
مع اني كنت احاول اخفف من علاقتي بحضور
ابوي واخواني واحمد لأنهم نظراتهم
تقتلني الف مره وهي تذكرني بالماضي
وفرحت كثير لما احمد صار يسافر وطلبت من امي
انها ريم تجلس عندي بغياب احمد
ووقت رجوعه ترجع لبيت ابوي
أحس نفسيتها تعدلت كثير وصارت اقوى
وهذا مريحني اكثر
بالرغم من كرهي لجدي إلا للحين ادعي ربي انه ما يموت
لاني اخاف وقتها نايف يسحبها ويحرمني منها بعد
ما تعلقت فيها
صحيت من افكارها وتذكرها للماضي على صوت
رنين الجوال كانت ازهار
تسأل عن سبب تأخري
وقفت وتوجهت أجهز نفسي وأحداث الماضي
تجول بعقلي مو قادره انساها
**
**
**
**
**
**
طلعت ساره وريم من البيت متوجهين لبيت سالم
وريم ماسكه بيد امها وكأنها طفل خايف تضيع
أمه منه
وحموده يركض امامهم بفرح وسعاده...
كانت ساره وريم يناظرونه ويضحكون على حركاته
قاطعهم صوت بغيض لريم : أخبارك يا خاله
طالعت ساره لجهة اليسار و بنفسها يا ليل ابو لمبه وبمجامله : هلا سيف
بخير.... أخبارك وأخبار أمك ؟؟
سيف نافش حاله على الفاضي : بخير
وطالع ريم وابتسم بغرور: أخبارك يا ريم ؟؟
طالعته ريم بكره وأعطته نظره استحقار
وسحبت يدها من أمها بشويش
وتركتهم وتوجهت لبيت جدها
تحت أنظار سيف للي متفشل وطالع ساره للي تكون زوجه عمه : ابنتك على وش شايفه
نفسها ؟؟؟
وقسم لولا إني ما يشرفني أخطبها واحط يدي بيد أبوها....كان تزوجتها وكسرت رأسها
سمعته ريم وهي تمشي بخطوات هاديه وبنفسها لا خلاص تحطمت ما يبغاني
ومدت بوزها بقرف
مالت عليك يا هالانسان غثيث بشكل كبير
ما أطيقه لا من باب ولا من طاق
اففففف
شوفته تجيب لي المرض
إنسان داشر لا شغل ولا مشغله
ابتعدت ريم عنهم شوي
سيف يقال إنه يهدد : وقسم بالله اذا ما عدلت
حركاتها هذي... إلا اجبر نفسي وأخطبها وأسنعها
ساره كانت تبغى ترد لانه زادها مو مخلي ريم
بحالها وبنفسها" قال يحبها بس علشان ابوها ما يبغاها...الي يسمع يقول رح اوافق عليه يأخذ ريم
نافش ريشه وهو ما يسوى قشره بصله"
قاطعهم صوت من خلفهم طفولي يحاول
يظهر رجولته : انت وبعدين معك ؟؟؟
التفت سيف للخلف وطالع فيصل باستصغار
فيصل طنش نظراته وبحده : قسم بالله كلمه
وحده عن اختي ادفنك بمكانك تفهم
ضحك سيف باستهزاء : لا يالبزر
تدري خوفتني يا مامي
اقول روح الرضاعه حقتك تلاقيها بالمطبخ
ولوى شفته باستهزاء
فيصل يحاول يفرض وجوده وانه كبير طالعه وهورافع خشومه : هذا الناقص ازوج اختي لواحد
صايع ضايع
سيف تقدم خطوه والشر بعيونه ورفع يده بتهديد: وقسم بالله كلمه وحده أقول لعمي احمد عنك
احترم نفسك واحترم للي أكبر منك وبصراخ تفهم وبعدين متى ما خطبتها منك وقتها ارفض
وأعطاه نظره تهديد
فيصل بلع ريقه من الخوف بس يشجع نفسه
قاطعتهم ساره بحده ومقهوره من سيف
لو يطلع بيدها تدفنه بمكانه : رجاء يا سيف
ريم ما تتدخل فيها واتركها بحالها
وطالعت فيصل بابتسامة : يالله يا ماما تأخرنا
على بيت جدك
هز راسه فيصل وتوجه مع امه
وسيف مولع من القهر لأنه خطبها من جدها سالم
بس رفض
وقال له رح يخطبها من ابوها وقتها ضحك عليه
مستحيل يقبلون يعطونه البنت
شد على قبضه يده وش فيه حتى يرفضه عمه
سالم
انقهر وغادر من المكان وهو يتوعد ما تكون لغيره

**
**
**
***
دخلت ساره الصاله بضجر
الجده : وش فيك ؟؟
ساره بقرف : اففففففف هالسيف ترى
يضيق الخلق
ابتسمت ريم : شفتي يا ماما بغيت انتحر
لانه ما يبغى يخطبني
فيصل ينفش ريشه ويعرض بطولاته : لا تخافين
مسحت فيه الارض
وكنت أبغى أدفنه بمكانه بس اختصرت من المشاكل
وهو خاف وبسرعه هرب من الخوف
ضحكت ريم بداخلها على فيصل وكذبه وكيف يحاول يحسس للي حوله إنه كبير بس احيانا
أسلوبه يزيد عن حده بالكذب: كفو يا فيصل
فيصل دق صدره : ما عليك إذا عمل حركه من هنا أو من هنا بس أعطيني خبر .. وأنا أتكفله
طالعته ساره بابتسامة وبنفسها فيصل قبل شوي قلب لونه اصفر من الخوف من سيف وهو يعمل حاله الحين ابو الحروف
وبنفس الوقت مبسوطة لما تشوف فيصل
وريم علاقتهم تصير اقوى من قبل
بعد ما صارت ريم تنام في بيتهم صارت علاقتهم اقوى
بالرغم من مشاكلهم وطوشاتهم إلا إنها
عسل على قلبها لما تشوفهم مع بعض
طلعت ريم عند بنات خالها وسارة جلست مع أمها
لوقت وصول أخواتها
**
**
**
**
**
**
مرت الأيام  بنفس الروتين ما في أي جديد إلا خبر حمل أمها ....مبسوطه إنها أمها حامل وتتمنى
تجيب بنت ويكون عندها أخت....شعور جميل يكون عندك أخوات...
جالسه بالفسحه مع الجوري وتستمع لريم الي تتكلم عن وحام امها!!
الجوري قاطعتها : انت خبله ما تعرفين الوحام ؟؟
ريم عفست : اسمع فيه بس ما توقعت يكون كذا
وتحولت ملامحها للشفقه
يا حرام لو شفتي ماما كيف تعبانه من الوحام
دايما نفسها قالبه عليها وغثيان
وإذا أكلت شوي تستفرغ
الجوري ضربتها على رأسها بخفه : مو مثلك قال حامل وتراكض هنا وهنا ههههههه والله إنك نكته
ريم وجهها صار احمر بفشيله : خلاص لا تحرجيني
وانا وش دراني ؟؟!!
الجوري بابتسامة وغمزت لها : اقول اخبار خالد ؟؟
ريم فتحت عيونها بقهر منها : انت متى تنسين هذي السالفه ؟؟
اصلا انا الغبيه للي خليتك تشوفين الدفتر
وبعدين ليه تسألين عنه ؟؟
وصغرت عيونها وهي تناظرها : حاطه عينك عليه ؟؟
الجوري مدت شفتها بغرور ودلع : عندي خطيبي يسوى الدنيا وما فيها
ريم لوت بوزها بقرف : يا شين السرج على البقر
وبتذكر
البارحه ليه ما دخلتي المنتدى ؟؟؟
الجوري تمثل انها مستحيه : علاوي كان عندنا
البارحه
ورمشت عيونها بدلع!!
سرعان الجوري  ما اعتدلت بجلستها وبجديه : ريم
انت الحين ما تدرين شي عن اهل ابوك ؟؟
طالعتها ريم لسخفها وسخف سؤالها : لا البارحه طلعت مع
بابا وتعشينا بالمطعم...ونمت عندهم
وبعدها ضربت الجوري على راسها : غبيه
وش هالسؤال الغبي
الجوري ضحكت على نفسها : ههههه والله مو قصدي اسأل بس مجرد مقدمه للكلام للي ابغى أقوله
طالعتها ريم باستخفاف : اتحفينا بما عندك يا
أختاه
الجوري متحمسه للفكره : على مواقع التواصل
ابحثي عن اسم أبوك وأهله
وأكيد رح تشوفين صورهم وتعرفين بعض أخبارهم
وش رأيك بذي الفكره ؟؟؟
وقفت وهي تبتسم بانجاز
ما في داعي للتصفيق أعرف إني ذكيه!!
طالعتها ريم وهي ساكته ما عمرها فكرت
تبحث عن أخبارهم...
أخذت نفس وبجديه أشرت لها تجلس وبصوت خالي من أي مشاعر : ليه أركض خلف ناس ما يبغوني معهم... وأنا ما يهموني أبد
ولو عرفت عن بعض أخبارهم وش رح استفيد ؟؟
الجوري : امممم تقدرين تقولين مجرد فضول او لقافه
ريم بتفكير طالعت الجوري : قومي خلصت الفسحه
وخلي أفكارك لاحقا

**
**
**
**
**
جالسه على السرير ومتربعه وبحضنها اللاب
رابطه شعرها بالكماشه وتناظر شوق وشروق
بينهم طوشه وكل وحده منهم ماسكه شعر
الثانيه
رجعت نظرها لللاب وفتحت على المنتدى تتصفحه
تذكرت كلام الجوري واحتارت تبحث أو لا
رجعت خصله من غرتها خلف أذنها بتوتر
مشكلتها ملقوفه
مع إنها تحاول تظهر قدام الناس ركازتها وثقلها
ومن الداخل....تكون اللقافه ذابحيتها
هي ما تحبهم ولا يهموها بس كان عندها فضول تشوف أشكال أعمالها وعيال عمها
نفس ما تصورتهم بقصتها أو لا
غمضت عيونها بحيره
بس كان ثقلها هو الغالب وما بحثت عنهم
رجعت على المنتدى تتصفح ودخلت قسم الالعاب
تحب تدخله فتحت على اسأل سؤال والي بعدك يجاوب
كان اخر رد
نك اسمه
ملكة الاناقه
عفست ريم ملامحها تكرهها بدون ما تعرفها
ودايما داخله طوشات معها
ابتسمت بخبث وكتبت
_ عمرك شفت ملكة البشاعه ؟؟؟
وبسرعه اتصلت على الجوري أول ما ردت
الجوري ريم بسرعة : ادخلي المنتدى
وقفلت الجوال
وخلال دقايق كان رد الجوري
_ايوه شفتها وكادت ان تصيبني سكته قلبيه
وبدت حرب النغزات
والجوري وريم ما قصروا مع البنت يضربونها
بالكلام بشكل غير مباشر
والبنت ترد عليهم بنفس الأسلوب
قاطع طوشتها بالمنتدى ضربه على كتفها
فركت مكان الضربه وهي عافسه ملامحها بألم
والتفتت حولها تشوف وش للي ضرب بكتفها
شافت علبه المناكير على الارض
تناولتها وطالعت شوق وشروق بقهر : ساعه تتطاوشون علشان هذي ؟؟
شوق وهي ماسكه شعر شروق : هذي لي أنا اشتريتها
شروق وهي ماسكه شعر شوق : كذابه هذي لي
انا اشتريتها علبتك انت الي ضاعت
وقفت ريم بقهر منهم لأنه مكان الضربه أوجعها
وبسرعه توجهت للشباك
ورمتها بقوه خارج الغرفه
شوق وشروق ارتخت يدهم عن بعض
ويناظرون بفجعه وبصوت واحد : لااااااا
ريم تخصرت وبنظرات قويه نطقت: لاعي
الله لطف والا كانت
الضربه بنص راسي
وانا وش رح استفيد ؟؟؟
كشفت ريم عن مكان الضربه كان مكانها احمر
طالعتهم بقهر : شفتي انت وهي
شروق لوت بوزها : لو أدري إنك رح ترميها كان خليتها تيجي بنص رأسك
شوق ضحكت بصوت عالي : ههههههههه
شروق تخيلي شكلها والدم نازل على وجهها
ههههههه
شروق تضرب كفها بكف شوق : وش رأيك نجرب ؟؟؟
وغمزت لها
ريم ناظرتهم بتهديد وهي ترفع إصبعها : وقسم بالله اعملوها وشوفوا وش رح يصير
شروق ضحكت : هههههه نمزح معك يا خوافه
شوق مسكت يد شروق : أمي عندها نفس العلبه
تعالي نستخدمها
شروق بحماس : وش تنتظرين يالله بسرعه عجلي
طلعوا من الغرفه وريم رجعت على اللاب
تكمل الطوشه
**
**
**
**
**
**
قريب آذان العشاء
شوق تستعجل ريم : وبعدين معك
من لما رجعتي من المدرسه وانت جالسه على
اللاب
لو ادري كان خليت العلبه اليوم تيجي على اللاب وتكسره
علشان تريحين عيونك
يالله ما بقى وقت على الطلعه
ريم تناظر الشاشه بدون ما تسمع كلام شوق
لانها عارفه وش تبغى : ان شاء الله
سمعت آذان العشاء قررت تصلي وبعدها
تروح
صلت وجهزت نفسها وطلعت مع بنات خالها والجوري للسوق
واتفقوا ريم والجوري يتسوقون لوحدهم
وبنات خالها لوحدهم
ريم مسكت يد الجوري : يالله قبل لا يخلص الوقت
الجوري ابتسمت : لا تخافين رح تملين وبنات
خالك بعدهم يفرفرن
ريم هزت رأسها بالموافقه وتوجهوا للتسوق
كانت في اعين تراقب ريم وهي مو منتبه
ولا على بالها مندمجه مع الجوري
بعد وقت طويل من التسوق رن جوال الجوري
ردت بخوف بعد ما طالعت الاسم لانها تأخرت الو ......... بلعت ريقها بالمول ..........البنات ما كملوا ........طيب كيف ارجع وأنا جايه
معهم
ابعدت السماعه عن إذنها من صراخه
ارجعت السماعه على اذنها بخوف ..........طيب انتظرك قفلت الجوال
وزفرت بضيق
طالعتها ريم : أخوك ؟؟
الجوري ووجهها مخطوف من الخوف : معصب لأني تأخرت
افففف من بنات خالك ما يشبعون من السوق
انا الحين وش يخلصني منه ؟؟؟
ريم وش رأيك ترجعين معي ؟؟
ريم ما تحب تثقل على أحد : لا رح ارجع مع
بنات خالي
الجوري هزت رأسها وهي تفكر كيف تخلص حالها
من أخوها
بعد وقت اتصل عليها إنه قريب من المول
خبرته رقم البوابه وإنها رح تلاقيه
عند السياره
الجوري طالعت ريم : قريب من المول
ريم مسكت يدها لا تخافي الحين يروق يالله اوصلك للسياره
بلاه تخربطي من خوفك بالبوابه ويزيد عصبيته
أخذت نفس الجوري وتوجهت مع ريم خارج
البوابه
وقفوا ينتظروا بالخارج والجوري تفرك
يدينها بتوتر
وبعد دقايق وصل وتوجهت الجوري لسياره اخوها
بعد ما تطمنت ريم على الجوري
قررت ترجع على المول عند بنات خالها طلعت جوالها حتى تتصل ببنات خالها
تعثرت ووقع منها الجوال
نزلت على الارض بشويش واخذت الجوال وقلبها
خايف من المكان شغلت الجوال وهي تمشي
بعجله للداخل
اتصلت على شوق تعرف مكانهم
بعد الاتصال توجهت لمكانهم وهي تشعر بالراحه بعد ما دخلت المول
كالمعتاد بنات خالها شغل ترقيم هزت رأسها بأسف على حالهم
سحبت كرسي وجلست معهم : مو تأخر الوقت ؟؟
منار ابتسمت : لا ما تأخر
وين الجوري ؟؟
ريم بصوت هادي : رجعت مع اخوها
شروق : اها
ورجعوا لسوالفهم وضحكهم وكأنهم بالبيت
وريم تشاركهم بهدوء
وتبتسم بنعومه
رن جوالها وكانت امها اشرت للبنات يسكتون
شوي : هلا ماما
ساره بقلق ما ترتاح اذا طلعت ريم مع بنات خالها : انت وينك ؟؟
ريم بتردد:بالمول
ساره بلوم : ريم الوقت تأخر يالله ارجعوا الحين
وانا رح اتصل بخالك علشان ترجعون
ريم براحه ما تبغى تجلس أكثر : إن شاء الله
قفلت ريم الجوال
اسماء طالعتها : وش تبغى عمتي ؟؟
ريم وهي ترجع الجوال لحقيبتها بدون ما تناظر البنات : بس تسأل وين أنا
وبعد دقايق اتصل خال ريم وخبرهم إنه بالطريق جاي لهم
انقهروا البنات ما يبغون يرجعون
عدا ريم للي مو عاجبها الجلسه بالمول وتبغى ترجع للبيت
عدت الليله على ريم بخير
والقت نفسها على السرير بعد ما بدلت ملابسها ودخلت عالم الاحلام

**
**
**
**
**
ثاني يوم بعد العصر
جالسه بالصاله مع بنات خالها وعليها جلال الصلاه
وصوت ضحكهم طالع
دخل محمد واعطاهم نظره وتوجه لجناحه
بعدها دخل فيصل وبصوت عالي : طريق
ضحكوا البنات بصوت عالي عليه
دخل ناظرهم بفوقيه : انا وش قلت ؟؟
قلت طريق يعني انقلعن تسترن علشان ادخل
منار راسمه ضحكه عريضه : وحنا ما قلنا لك
ادخل
طالعها فيصل بغرور : انا لما اقول كلمه
تحطين لسانك بحلقك وما تراددين
شروق تناظره وهي فاتحه عيونها : صدق قليل حيا
وما يحترم للي أكبر منه
قاطعها فيصل وهو يناظرها باستعلاء : لا يكثر
وطالع ريم يمثل الحزم : جالسه مع هالسخيفات
وتاركه دراستك
وبأسلوب نهر
قومي لا بارك الله فيك
انت ما منك فائده
وضرب كف بكف
طقوا البنات من الضحك عليه وعلى شكله وأسلوبه
ريم وهي تمسح دموعها من الضحك : بب نات
هههههههههه
ورجعت للضحك ما قدرت تكمل
بس سكتوا من صرخة محمد الي نزل : وبعدين مع هذا الضحك ؟؟؟
فيصل يثبت وجوده : اقول لهم صوتكم طالع
ويعاندون ويرجعون للضحك
وخاصه هذي واشر على منار
محمد طالعهم بحزم : هذا آخر تنبيه لصوت الضحك ما أبغى اسمعه وطلع
فيصل تقدم من البنات وجلس مثل الكبار : بدل
ما تجلسوا وتضيعون وقتكم بالكلام السخيف
روحوا ذاكروا
اسماء طالعته والبسمه مرسومه على ثغرها : ليه ما تذاكر انت بدل هذي النصائح
دائما داشر هنا وهنا
فيصل طالعها باستعلاء : انا رجال ما ينخاف علي
ومو ضروري اكمل دراسه
الخير كثير
منار واطلقت الضحكه العاليه : ههههههههههه
هذا سيف تو
واشرت على فيصل
شوق تقلد فيصل بسخريه : انا رجال ومو
ضروري اكمل دراسه
ريم تضحك على  طريقه شوق بالكلام
وهي تقلد فيصل
فيصل بقهر طالع ريم وعيونه تلمع بالدموع : تضحكين
بدل ما تسكتيهم يا قليله الحياء
لكن أنا اراويك رح أقول لماما عنك
إنك ما تدرسين
ووقف وهو يتوعد فيها
وطالع شوق بقهر قبل ما يطلع:كنت افكر اخطبك بس لو تموتين ما أخطبك يالعانس
وطلع
حطت ريم يدها على فمها تكتم ضحكاتها
اسماء بعد الضحك أخذت نفس : يا حليله فيصل بعده 10
سنوات وعامل حاله رجال
وطالعت شوق طيرتي عريس من يدك
بسبب سخافتك
انت وريم طيرتوا سيف وفيصل هههههههه
تابعوا البنات ضحك على فيصل وسيف ومواقفهم وحركاتهم السخيفه
قاطعهم صرخه من الجد سالم : بس انت وهي
ما في احترام صوت الضحك طالع
ومسك يد فيصل للي يمسح دموعه : مين الي زعلته ؟؟
سكتوا البنات وكتموا ضحكهم على فيصل
للي يمسح دموعه وقبل شوي عامل حاله رجال
فيصل بصوت طفولي باكي : كلهم
ريم بشخصيه قويه ردت وباحترام : المفروض يحترم للي أكبر منه مو يغلط على بنات خاله
ترضاها يا جدي يشتمنا ونسكت له ؟؟!!
الجد طالع ريم وتعجبه شخصيتها كل ما كبرت
كل ما ثقلت وشخصيتها صارت أقوى
مو مثل حفيداته ينجنن بزياده : لا والله ما أرضاها
وطالع فيصل بحزم : اعتذر لبنات خالك وأختك
تراهم اكبر منك ولازم تحترمهم
فيصل ودموعه تنزل اعتذر
وطلع يبكي متوجه لأمه حتى تأخذ حقه بعد ما
طلع الجد سالم للمجلس
ورجعوا البنات لضحكهم
وخلال دقائق كانت ساره تتصل علشان فيصل
وطلبت من ريم تحط سبيكر ومسحت الارض بالبنات
على سمع فيصل للي انبسط
قفلت ريم الخط وهي تضحك مع البنات

**
**
**
**
**
مرت الأشهر على ريم... تعبت من ضغط الدراسه
وأمها زادت عليها الحصار وقت الامتحانات وتجيب كل شي لغرفتها...
ووفرت لها كل أساليب الراحه حتى ما يتعكر مزاجها
ومنعت فيصل يقرب من غرفتها حتى ما يشغلها عن الدراسه
كانت ريم تحس بالضجر أحياناً من الدراسه والملل
بس دائما امها تذكرها بمستقبلها
وتحمسها للدراسه
وأخيراً مرت الأيام على خير
وريم الحين تنتظر نتائج الثانويه
**
**
**

ريم واقفه عند الباب وتستعجل امها : يالله يا ماما
طلعت ساره وناظرتها : ليه مستعجله ؟؟
لا تغلبين نفسك معي كل مره
ريم مسكت يد أمها : ما اقدر لازم أرافقك عند الدكتوره واطمئن على اختي بنفسي
ابتسمت ساره على حماس ريم : يمكن يكون ولد
ريم : لا إن شاء الله بنوته حلوه مثلي هههههه
ابتسمت ساره : يا غرورك
بعدها توجهوا للعيادة الخاصه...وبعد الكشف
نصحتها تروح للمستشفى
كونها بشهرها الأخير والخلاصه سابقه الجنين
ريم طالعت أمها بقلق : الحين نتوجه للمستشفى حتى نطمئن على الجنين
ساره هزت رأسها بالموافقه وهي حاطه يدها على بطنها
توجهوا للمستشفى وريم تدعي إنه ربنا يقوم أمها
والجنين بالسلامه
دخلوا المستشفى وريم ماسكه بيد أمها....
كانت كاشفه الوجه وأطول من امها...
عباتها وسيعه شوي مو مثل بنات خالها
وأمها حاطه لثمه ولباسها على الموضه
بعكس ريم للي لبسها كان محتشم أكثر من أمها
دخلت أمها للفحص بعد إجراءات الدخول
وقررت الدكتوره يخلون ساره تحت الملاحظه
جلست عند امها وماسكه بيدها : ماما يوجعك شي ؟؟
ساره ابتسمت : لا ما يوجعني شي
ريم ناظرت ارجاء الغرفه بجدران بيضاء وستائر زرقاء رجعت نظرها لأمها : متى ييجي اليوم
اكون دكتوره هنا ؟؟
ساره ابتسمت بوهن: قريب إن شاء تطلع النتائج وتدخلين طب
بس مثل ما قلت لك انتبهي حد يدري انك تدرسين طب حتى بنات خالك وخالاتك وجدتك ولا احد يدري
بيني وبينك وأي حد يسأل رح نقول إنك تدرسين
كيمياء
أنا رح أدبر لك كل شي حتى الخدم ما ابغى حد
يدري منهم عن دراستك
ريم عقدت حواجبها باستغراب من طلب امها : ولا
الجوري ؟؟
ساره بحزم : ولا الجوري هذا سر بيني وبينك
كانت ريم تبغى تستفسر عن السبب
بس قاطعها
دخول الجده وخالاتها
سلموا على ساره
وقعدوا يتكلمون عن الولاده وكل وحده
تقول وش صار معها لما ولدت
وريم فاتحه آذانها تسمع
بعد وقت
ازهار انتبهت على وجود ريم..نطقت بتصريف : ريم تعرفين تشترين
لي عصير من الكفتيريا
وقفت ريم وعرفت إنها طرده : تبون شي ثاني ؟؟
غاده : لا بس عصير
ساره بخوف : لا يمكن ريم ما تعرف تروح لوحدها
غاده : تراك كثير تخافين خلي البنت تعتمد على نفسها
ريم طالعت امها : اعرف اروح لا تخافي ماما
ساره بحرص : ريم انتبهي ولا تتأخرين
طلعت ريم بعدها ناظرت ازهار امها : مو منتبه
لها
بعدها صغيره تسمع ذي السوالف

**
**
**
**
طلعت من الغرفه وهي تتحلطم من خالتها ازهار
وش فيها لو خلوها قاعده وتتثقف... لوت بوزها
و نزلت وهي تمشي بخطوات هاديه ومتزنه
لفت نظرها الصيدليه تذكرت قصتها
وإنه راكان كان صيدلاني يشتغل هنا
اقتربت من الصيدليه وناظرت للي جالس
كان رجال بالاربعين من عمره
ابتعدت عن الصيدليه وضربت جبهتها وكأنها
بذي الحركه تصحي نفسها من غبائها لأنه راكان
مجرد شخصيه ذكرتها بقصتها
ما له وجود...
كانت تحس بالاحراج من نظرات الرجال لها
لوكانت متغطيه كان حمت نفسها من نظراتهم
بس أمها رفضت انها تلبس النقاب
بحجة إنها صغيره
اشترت عصير لخالاتها وجدتها ورجعت
دخلت المستشفى وهي تمشي متوجه لغرفة أمها
لفت نظرها طالبات متدربات بالطب
طار قلبها متى تصير مثلهم وتيجي تتدرب متى
وتصير دكتوره وتفتح عياده خاصه لها و...
قطع حبل طموحاتها صوت نادى بإسمها : ريم
التفتت للخلف ووقفت وطالعته وهو يتقدم
منها
وقف عندها وطالعها بتحقيق : وين كنت ؟؟
طالعت ريم احمد من صغرها يناظرها كأنها
ماكله حلاله وقليل ما تشوفه حتى كلامها معه
شبه معدوم وجاي الحين يحقق معها وكأنه
ولي امرها
تضايقت من سؤاله ما تحب حد يتدخل بطلعاتها
إلا امها وبهدوء ردت : ماما رقم غرفتها ...
طالعها ورفع حاجب وعرف إنها ما عجبها
سؤاله وطنشته
طالعها ببرود وتقدمها متوجه لغرفه ساره
بخطوات سريعه
ومقهور من تطنيشها لسؤاله
توجهت ريم خلفه بخطوات هاديه
دخلت الغرفه خلفه وكان جالس جنب جدتها...
طالعها أول ما دخلت وكأنها ماكله حلاله
طنشت نظراته و ردت السلام بهدوء : السلام عليكم
ازهار وقفت وهي تبتسم : هلا بالحامل والمحمول
وتناولت منها الكيس
احمد طالع ريم نظره وكأنه يقول لها لو قلتي لي وش ينقصك
طنشت نظراته وجلست عند خالتها غاده تشرب
عصير
احمد بهدوء : يعني احتمال تولد اليوم ؟؟
ساره وهي عافسه ملامحها من الالم : احتمال
كبير لانه صار يجيني طلق خفيف كل شوي
احمد بملامح جامده : على خير إن شاء الله
ساره كانت تحس بالتوتر تعرف زوجها
ما يطيق يشوف ريم بس ما باليد حيله
مستحيل تبعد ريم عنها
طنشت نظراته لها وانسمجت مع أخواتها بالكلام
ريم طالعت أمها بابتسامة : ماما انا رح أنام معك الليله
قاطعها احمد بحزم وهو يطالعها : ما له داعي
ريم طنشته وطالعت أمها : وش رأيك ؟؟
ساره بتوتر ما تدري وش تقول وخاصه بعد
نظرات احمد  المتوعده لو وافقت!
بلعت ريقها وقبل ما ترد حست بوجع قوي
صرخت بصوت عالي
التموا حولها بهلع وخوف
ساره وهي تعض على يدها من الوجع وحاطه يدها الثانيه جنب خصرها
وتهز رأسها من شدة الألم!
رفعت رأسها وهي تضغط على شفتها وتهز رأسها
الجده بخوف : راحت الطلقه ؟؟
بعد دقايق رفعت رأسها ساره بملامح عابسه من الوجع الي تجرعته...هزت راسها وبضيق نطقت: راحت
الجده وقفت : إذا رجعت لك بعد خمس دقايق تقريبا
بنفس الوجع وكان حامي... يكون موعد ولادتك اقترب
وطالعت غاده : نادي وحده من الممرضات خلهم
يكشفون عليها
هزت غاده راسها وطلعت
ساره وهي تحاول تأخذ النفس بصعوبه طالعت
ريم للي تناظر أمها بخوف ودموعها على وشك النزول
ساره طالعت امها بعد ما اخذت النفس : يمه
ريم
ورجعت عضت على شفتها من وجع الطلق
الجده طالعت ريم للي على وشك البكاء والخوف باين عليها : تعالي يا امي برا ننتظر الحين تيجي
الدكتوره وتكشف عليها
كانت ريم تبغى ترفض بس خضعت للأمر الواقع
لما شافت الدكتوره دخلت وطلبت منهم
يطلعون
طلعت مع جدتها وهي خايفه على امها
بعد ما زانت علاقتهم خايفه تفقدها
هزت رأسها بالرفض ما تبغى تفقد أمها
أزهار حطت يدها على كتف ريم وابتسمت : لا تخافين حبيبتي
هذا يسمونه الطلق يعني شي طبيعي
كل ام تمر بذي المرحله فما له داعي الخوف
مسحت ريم دموعها وقلبها يتقطع
وهي تسمع صرخات أمها ...وبداخلها ندم
"أمي تعبت لما ولدتني كذا
مهما أمي غلطت أو قصرت بحقي
كله ما ينقاس جنب تعب الولاده
يا رب سامحني لأني كتبت عن أمي بالقصه
إنها شريره
يا رب اغفر لي حتى لو ضربتني وعاملتني بالسوء
تبقى أمي للي
ضاقت المر حتى اطلع لذي الدنيا
يا رب تقوم أمي بالسلامه يا رب احفظها
يا رب احفظها
يا رب احفظها
يا رب احفظها
زفرت بضيق وهي على أعصابها
تذكرت الصلاه وقررت تروح تصلي وتدعي لأمها
بالصلاه
لعل الله يستجيب لها وتقوم أمها بالسلامة
عدلت الشيله ومشيت كم خطوه قاطعها احمد
بحزم : وين رايحه ؟؟؟
ما التفتت له وطنشته وهي تمشي بثقه
متوجه للمصلى
شد احمد على يده بقهر منها ومن غرورها
نفس أهل أبوها بالغرور
شايفين نفسهم ويكلمون الناس بفوقيه
زاد شد على يده وهو يتوعد إذا ما كسر
خشومها
بعدها التفت لازهار للي خبرته انهم رح يولدونها
**
**
**
**
**
شافت ممرضتين واقفات مع بعض
اقتربت منهم ريم بهدوء وسألتهم عن مكان
المصلى
جاوبوها وهم يتأملون شكلها بدقه
بعد ما راحت ريم
الممرضة الاولى باستغراب : تشبه الدكتور نايف
سبحان الله يخلق من الشبه اربعين
الممرضه وهي تطالع زول ريم : يمكن تقرب له بس لون العيون
يختلف
الممرضة الثانيه : شوفي هذا هو الدكتور نايف هناك
الممرضه الأولى وهي تتطالع د. نايف : اذا كانت تقرب له اكيد رح يوقف معها
كانوا الممرضتين يناظرون الموقف بانسجام ودقه
**
**
**
بعد ما سألت ريم عن مكان المصلى
تذكرت جوالها خلص من الشحن
فتحت حقيبتها تتأكد انه الشاحن موجود أو لا
دفعها شي بداخلها
ترفع رأسها
همت ترفع رأسها وبنفس اللحظه
شافت طرف الشاحن بحقيبتها.....رجعت نظرها لداخل حقيبتها
وتنهدت براحه إنها ما نسيته . قفلت حقيبتها وتوجهت للمصلى بدون ما ترفع نظرها للي حولها....
مر نايف من جنبها وكان منشغل بأوراق بيده
وما انتبه لأحد
الممرضة الثانيه : ما تقرب له
لو كانت تقرب له كان وقفت معه
بس سبحان الله تشبه الدكتور كثير
الممرضة الاولى : خلينا نرجع للشغل قبل ما يشوفنا
د. نايف ويعمل لنا موشحات
هزت الممرضه الثانيه رأسها
**
**
**
**
**
**

بعد ما خلصت ريم صلاتها جلست تستغفر وتدعي
لأمها تقوم بالسلامه
تحركت من مكان الصلاه باتجاه الجدار
واسندت ظهرها على الجدار وهي تطالع المصلى
ما أحد بقى غيرها
بعد مرور وقت وشافت جوالها صار فيه
شحن
سحبته من الشاحن وارجعت الشاحن لحقيبتها
وقفت وهي تعدل شيلتها
وتوجهت خارج المصلى
كانت تمشي وهي تفكر بأمها وش صار عليها
ما تخيلت بيوم إنه الولاده بذي الصعوبه
والتعب
بعد ما شافت تعب امها مستحيل تتزوج وتحمل
مو عارفه كيف يتحملون الحريم هذا الوجع
ويرجعون يخلفون مره ثانيه
وين عقلهم ؟؟؟؟!!!
وصلت وشافت جدتها جالسه بالانتظار مع خالاتها وبالجهة الثانيه احمد التوتر واضح عليه
اقتربت من جدتها وسألتها : وش صار على ماما ؟؟
الجده رفعت رأسها وطالعت ريم وزفرت بضيق : دخلوها غرفه الولاده والحين
ما في اي خبر عنها
هزت رأسها ريم وجلست جنب ازهار بهدوء
وهي تدعي بقلبها لامها تقوم بالسلامه
بعد وقت اقترب منهم احمد : وش رايكم ترجعون للبيت ولما تولد
قاطعته الجده : لا ابغى اطمئن عليها
وبعدها نرجع
هز رأسه : طيب اجيب لكم
قاطعته الجده : والله ما لنا نفس لا تغلب
حالك
احمد : بس
قاطعته غاده : ما حد له نفس بالاكل
بعد ما تطلع ساره ونتطمئن عليها
لا تخاف رح نروح عالمطعم على حسابك
ابتسم احمد : على حسابكم بس تقوم بالسلامه
وبعدها رجع مكانه
وكانت الاتصالات شغاله يتصلون يتطمنون على ساره
رن جوال ريم ردت بهدوء : هلا شوق
قاطعها صوت طفولي : انقلعي عالبيت وأنا اجي مكانك
ليه انت عند ماما وأنا لا
ما تدرين أنا رجال البيت ولازم اكون عندها الحين ريم ومو فاضيه لثرثرته زفرت بضيق : تعال مين منعك ؟؟!!
فيصل بصراخ وشوي يبكي : بابا رفض يخليني اجي...يالله انقلعي مثلي وراجعي على البيت
ريم بهدوء : كملت ثرثرتك ؟؟
فيصل بقهر : ايوه كملت وارجعي
ما كمل الكلمه الا ريم مقفله بوجه فيصل الخط
رجعت الجوال لشنطتها بعد ما حطته صامت
مقهوره ليه تأخروا كذا
طالعت غاده : مو كأنهم تأخروا ؟؟؟
ابتسمت غاده : لا ما تأخروا الولاده يبغى لها
وقت طويل
حست نفسها تطمنت شوي يعني تأخر امها
شي طبيعي
اذن العصر وهم ينتظرون
وكل شوي تقول لهم الممرضة
بعدها
كرهت ريم هذي الكلمه وقفت بضجر بعد
ما سمعت آذان العصر
ازهار طالعتها : وين ؟؟
ريم بدون نفس : ما رح اتأخر أصلي العصر وأرجع
هزت رأسها وطالعت جدتها : تروحين تصلين العصر ؟؟
الجده : روحي وبعدين ألحقك
هزت ريم رأسها بهدوء وغادرت المكان
دخلت المصلى تصلي وتدعي لأمها
من كل قلبها انه يقومها بالسلامه
بعد ما كملت صلاة رجعت عند جدتها وخالاتها
وشافت ملامح الفرح باينه تقدمت بسرعة : وش صار ؟؟؟
الجده بدموع فرح : الحمد لله جابت بنوته
من الفرحه ما عرفت ريم تعبر عن فرحتها الا
اللهم لك الحمد والشكر
وطالعت جدتها بفرحه : وين هي ؟؟؟
غاده : بعد ربع ساعه ندخل عندها
وبعد دقائق وصل سالم وعياله وحريمهم
وبعد ما سمحوا لهم بالدخول
دخلت ريم ودها تنط من الفرحه تقدمت
من امها بابتسامة : الحمد لله على سلامتك يا
عسل
ساره بصوت هامس متعب واثار التعب على ملامحها : الله يسلمك
تقدم الجميع وسلم عليها وبارك لها
وريم كل شوي تسأل عن البنوته
دخلت الممرضه ومعها البيبي بالسرير
ريم تناظرها بفرح ؛ تجنننننننن
وطالعت امها : عادي اقرصها ؟؟
ساره ابتسمت وما ردت
الجده ابعدت ريم عن البنت : ابعدي هذي بعده
لحمها طري تظنينها فيصل والا حموده
ريم ابعدت جدتها : طيب ابغى احملها
وبعد محاولات وافقت الجده
حملتها ريم بحضنها وتبغى تاكلها
كل شي فيها صغير
الجده بخوف : ريم حطي البنت بسريرها
بلاه توقع منك
ريم بعناد وهي تناظر اختها : هذي اختي خليني اشبع منها
الجده طالعت ساره بخوف خايفه البنت توقع
وخايفه يدخل احمد ويشوف ريم حامله البنت ويعمل مشكله : شوفي ابنتك ريم الحين
توقع البنت منها
ريم عقدت حواجبها : ما رح توقع
ورجعت تضحك وتناغي لها
غاده اقتربت من ريم : اعطيني احملها شوي
ريم ابعدت عنها : لا لا الحين توقعينها
غاده فتحت عيونها على وسعهم : يالبزر
انا الحين اوقعها وعندي عيال طولي
هاتي اقول وبلا هذره زايده
ريم بعناد وسعادتها لا توصف وهي تحمل البيبي : لا
وطالعت أمها بضجر : ماما شوفيهم
يبغون يأخذون أختي مني
ابتسمت ساره لها وطالعت غاده .. واشرت لها بمعنى اتركوها معها
ابتسمت ريم بنصر وهي تمسح على شعر
اختها بحنيه
بعدها بشوي صارت تبكي البنوته
طالعتهم ريم ما تدري وش تعمل لها.
اقتربت منها غاده وناظرتها : هاتي يالبزر وش عرفك انت؟!
البنت تبغى ترضع
اخذتها غاده وريم تقول لها بشويش خايفه عليها
وغاده انفجرت من ريم تتعامل معها كأنها ما تعرف شيء بتربية العيال
جلست ريم تناظر أمها وهي ترضع أختها
وتحس بالعطف على أختها
مخلوق صغير ما يعرف شيء بالدنيا
ما يعرف هموم الدنيا وجروحها
قاطع تأملها الجده : ريم علشان ترجعين مع أخوالك
ريم باعتراض : لا أنا مرافقه مع ماما
الجده زفرت بضيق لأنه احمد طلب منها ترجعها على البيت ما يبغى يشوفها واضطرت الجده تطلب منها ترجع ما تبغى تعمل مشاكل
لساره لأنها تعرف احمد يعمل لساره مشاكل إذا شاف ريم : لا حول ولا قوه الا بالله
يا بنت لا تعاندي وامشي قدامي
غاده مسكت يد ريم : وين المصلى ؟؟
طالعتها ريم باستغراب وكانت تبغى توصفه لها بس غاده مسكت يدها : تعالي معي ما أبغى اسأل حد
وما خلت لريم فرصه سحبتها وطلعوا من المكان
وقفت غاده بمكان منعزل شوي
بعدها أخذت نفس بهدوء : ريم طالعيني
طالعتها ريم باستغراب من تصرفاتها
غاده بهدوء : ريم انت كبيره وعاقله
وتعرفين الصح من الغلط
تحبين تجلبين لأمك مشاكل ؟؟؟
ريم رفعت حاجب وتكتفت : أكيد لا
غاده ما تعرف كيف توصل لها : خلاص ارجعي
على البيت ولا تعاندي
سكتت ريم وطالعت خالتها : احمد هو السبب صح ؟؟
غاده ما ردت بس اكتفت تناظر ملامح ريم
ريم تحثها على الكلام : احمد هو السبب ؟؟؟
غاده بهدوء : ايوه احمد
أمك مسكينه ما لها علاقة بس هو تفكيره
متخلف إذا شافك يعمل لها
مشاكل ونكد...الغيره ذابحيته فاختصري المشاكل
وارجعي عالبيت الله يسعدك
طالعتها ريم ببرود وهزت كتفها : مشكلته ما يطيق يشوفني
ولما يصير المستشفى مسجل باسمه وقتها
ارجع وما اخليه يشوفني
وتركتها ورجعت وهي تمشي خطوات واثقه
دخلت عند أمها وابتسمت لما شافت أحمد موجود
جلست قريب من أمها
مجاكره بأحمد
الجده ما تبغى مشاكل : يالله يا ريم خالك ينتظر
ريم بخبث طالعت امها : سامحيني يا ماما
لاني ما رح ارد عليك وارجع
ورح ابقى عندك وما رح أرجع إلا معك
ما ردت ساره وبداخلها استغراب هي ما طلبت من ريم ترجع للبيت
الجده تمشي الكلام مع ريم وتجاريها : يا ريم أمك طلبت منك ترجعين
خلاص ارجعي
واسمعي الكلام
ريم بعناد وهي تشوف احمد يناظرها وكأنها قاعده على قلبه : والله والله والله ما ارجع
وبدلع
ورح أنام عند ماما
الجده طالعت ساره : تأخرت على إخوانك
وخليها عندك وطلعت
ريم ابتسمت بنصر وبنفسها ما أسمح لأحمد يفرض رأيه علي ويتدخل بشؤوني واذا ما يطيقني هذي مشكلته!!
يكفي إنه بوجوده ما أزور أمي
وكمان هنا يمنعني حامض على بوزه
وقف أحمد وعلامات الضيق على ملامحه : تبغين شي يا أم فيصل ؟؟
ساره بتوتر : سلامتك
ناظرت ريم امها وابتسمت  بعد ما طلع : تعبانه ؟؟
ساره بهدوء : شوي
انتبهي على اختك أبغى أنام هلكت اليوم
هزت ريم رأسها وساعدت أمها وغطتها
وتوجهت لأختها النايمه تمسح على شعرها
**
**
**
**
**
**
بعد العشاء دخلوا بنات خالها وعملوا
ضجه بالغرفه وسلموا على ساره
ريم بعصبية : اوصصصصصص
البنت نايمه يا زفته انت وهي
شوق بصوت عالي تضحك : ههههه شكلك
يا ريم مثل ام العيال هههههه
ريم بابتسامة وهي تناظر اختها : وأحلى أم أكون لاختي
ساره طالعت ريم : يا ريم روحي مع بنات خالك
تأكلين وارجعي ولا تتأخرون
ريم طالعت أمها : قلت لك يا ماما ما اشتهي شي
شوفتك انت وأختي نستني الأكل
حست ساره بسعاده تغمرها إنه ريم مهتمه
فيها كثير : الحين لما تشوفين الاكل رح تنسينا
يالله روحي
هزت رأسها وطلعت مع بنات خالها
كانوا يمشون وصوتهم وضحكهم مرتفع!!
توجهوا للكفتيريا
اشتروا عشاء وقرروا يجلسون بحديقه المستشفى
كانت جلستهم كلها ضحك
شروق وهي تضحك : هههههه لو تشوفين
اخوك فيصل وش عمل بعد ما قفلتي الجوال
شوق ضربت شروق بقهر : اضحك وش عليك انت
منار وهي تضحك : ضرب الجوال بالجدار وتكسر كل قطعه بجهة ههههه
ريم ضحكت على شكل شوق المعصبه : ههههههه
شروق : لا والنكته بعد ما كسره حس بالندم
يقول لها خلاص يوم الملكه اشتري لك جوال جديد
هههههههه
اسماء تكمل : مسكين ما شاف إلا كف على صباحه من شوق
سكتت ريم وطالعت شوق بصدمه : ضربتيه ؟؟
شوق زفرت بضيق : قهرني كسر جوالي
ريم عارفه انه فيصل غلطان بس بنفس الوقت
حزنت عليه
وبان الضيق على ملامحها
منار تحرك يدها قدام ريم : سلامات الظاهر إنك
تضايقتي على سيد فيصل
وقفت ريم بهدوء : تأخرنا على ماما
شوق وقفت ومسكت يدها : زعلتي ؟؟
ريم بدون اهتمام لسؤالها طالعت البنات : تحركوا
منار وقفت بابتسامة خبث : بنات وش رايكم
نعمل جوله على المستشفى
وغمزت للبنات
طالعتها ريم بنص عين : قصدك ترقمي ؟؟
شروق وعجبتها الفكره : يمكن تلاقين دكتور
ويخطبك
ريم اقتربت منها وضربتها على رأسها : يخطبك
قرد
أقول امشي قدامي
توجهوا للداخل والبنات يسولفون والعيون
عليهم تغلبها نظرات الاحتقار
بنظر الأغلب البنت جمالها بأدبها واخلاقها
والأهم
الحياء
بالرغم إنه ريم ما ضحكت بصوت عالي او تكلمت
مثل البنات
إلا نظره الناس لها إنها مثلهم
ومن صنف بنات خالها وإلا كان ما مشيت معهم
وصلوا لغرفه ساره
ريم بابتسامة أول ما دخلت توجهت لأختها وبلهفه : صحيت ؟؟
ساره ابتسمت على لهفتها : صحيت ورجعت نامت
ريم وتسمح على شعرها : تجنن رب يحميها
شوق فوق رأسها : على فكره أختك أحلى منك يا ريم
شروق أبعدتهم وهي تناظر البيبي : ايه صحيح
وانت صغيره كنت مو حلوه
بس لما كبرت تغيرتي وصرت حلوه
ريم كانت تناظر أختها بعدها طالعت أمها : ماما
مين أحلى ؟؟
محمد كان واقف عند الباب وسمعهم وبهدوء
طالعهم : اكيد ريم
ريم طالعت باستغراب خالها
محمد وهو يتذكر شكل ريم وخاصه يوم ارجعها
لنايف طالع البنات : ترى ما يغركم
بصغرها
كانت ريم تجنن بس
سكت وما كمل
وطالع البنات بعجله : تأخرت عندي موعد
قدامي على السياره
ما قدروا البنات يعترضوا قدام محمد
وبدون مناقشه طلعوا
وهو طلع وراهم بعد ما استأذن
ريم كانت تبغى تسأله عن طفولتها وعن اشياء كثيره
بس بنفس الوقت ما تبغى تفتح دفتر الماضي
ناظرت امها تغير الموضوع : وش تبغون تسمونها
ساره بهدوء : ما ادري للحين محتارين
ريم وهي تبوس أختها : ربي يحفظها
وبتذكر
فيصل وحموده وين ؟؟؟
ساره : عند جدتهم فيصل زعلان ما يبغى ييجي
ريم بهدوء : باكر تطلعين وان شاء الله تشوفينه
وتراضينه
هزت ساره رأسها وهي تكلم ريم نامت
بدون إنذار من التعب
**
**
**
**
**
**
رجعت ساره للبيت وفيصل عمل لهم
عرس ليه ما أخذوه
وأخذوا ريم
كانت ريم زيارتها لأمها قليله وتختار الأوقات احمد ما يكون موجود
بعد ما سافر احمد رجعت ريم لبيت امها
ومطاوشات بينها وبين فيصل مين يحمل
ديما
**
**
**
**
**
جالسه قدام اللاب وعلى أعصابها وتنتظر النتائج
وساره جنبها تفرك يدينها بتوتر
انحرقت أعصابهم بانتظار النتيجه
وبعد وقت نزلت النتائج وكانت ريم من الاوائل
اول ما طلعت النتيجه
بسرعه سجدت سجود شكر لله
وحضنت امها بفرح مو قادره تستوعب
اول خطوه لتحقيق حلمها اجتازته
ساره تحضنها وتبكي من الفرح
مو مصدقه انه ابنتها كبرت وكملت الثانويه
بعدت ريم عن حضن امها وغمازها بان من الابتسامه : الحمد لله
ساره بفرح : اليوم نجهز ونعمل لك حفله
ولا أحد عمل مثلها
ريم بتذكر عاهدت ربها اذا طلعت من الاوائل
ما تعمل حفله لأنها تعرف حفله أهل أمها
كله أغاني ومنكرات وبهدوء : لا يا ماما ما ابغى حفله
ساره عقدت حواجبها : كيف ما نعمل لك حفله ؟؟
قاطعهم صوت احمد الحازم للي كان واقف عند
الباب ومتكي عند الباب ومكتف يدينه وهو يوجه كلامه لساره : قالت لك ما تبغى حفله
وإلا لازم تحتفلين ببن..
سكت وما كمل أعطاها نظره قويه وطلع
ساره بلعت ريقها وطالعت ريم بابتسامة مرتبكه ومن داخلها قلبها يتراقص من الخوف : براحتك
ريم حست بتوتر أمها وخوفها زفرت ما تبغى تجيب مشاكل
لامها : يالله انا راجع عند بنات خالي تبغين شي ؟؟؟
ساره تبغى تقول لها خليك شوي اجلسي
بس ما قدرت خافت احمد يسمعها
وش يفكها منه زفرت بضيق وبتردد : سلامتك
**
**
**
**
توجهت لبيت جدها بهدوء بخطوات واثقه
ومقهوره من احمد متسلط على أمها
كثير ما تلومها يوم كانت تعاملها ببرود بصغرها
سمعت صوت كريه يناديها طنشته وتابعت
خطواتها
سيف بقهر : أبغى أبارك لك بس ما تستحقين
ريم كانت تمشي ولا كأنه حد يكلمها
سيف وهو يمشي خلفها : ايوه خليك كذا شاطره لاني ابغى خطيبتي تكون من الاوائل
مع انه ما يشرفني اخطب بنت نايف
بس رح أتنازل وأخطبك
وبثقه تابع : أهم شي لا تزعلين ولا تتضايقين قريب أخطبك
تابعت ريم مشي ولا كأنه حد يكلمها
سيف وقف وشد على قبضه يده بقهر من تطنيشها : يصير خير يا بنت نايف
وقسم لأطلع تطنيشك لي من عيونك
أنا أدري إنها ميته علي بس تكابر
وهز رأسه وهو يتوعد فيها

**
**
سيف
عمره 24 سنه لا شغل ولا مشغله
طلع من المدرسه وما كمل الثانويه
ونظريته دام الخير موجود ليه يتعب نفسه ويدرس هالطلاسم
مغرور بنفسه كثير طوله 1.70 نحيف اسمراني
وينطبق عليه المثل
أسد علي وبالحروب نعامه
يستقوي على للي أضعف منه

**
**
**
**
**
**
**
*

دخلت ريم بيت جدها
واستقبلوها البنات بالزغاريد ويباركون لها
رجع لها شعور الفرح من جديد
تحس إنها تعبت وحصلت على غايتها
مع إنها ما زالت ببدايه الطريق
جلست بعد التباريك مع البنات وجدتها
وجدها
شوق : وش رح تدرسين ؟؟؟
ريم بابتسامة: أقدم وأشوف وش يطلع لي
منار باندفاع : اكيد طب
ريم تمثل الانقراف : يعوووووو
أنا ناقصني قرف
اسماء باستغراب : يعني ما رح تدرسين طب ؟؟؟
خساره
كنا ناويين نزورك بالجامعه ونرافقك بالتطبيق
وغمزت للبنات
طالعت ريم البنات بمعنى حب فيني  ترافقوني وإلا علشان
منار ضحكت وطالعت اسماء : فكره حلوه نرافقك
بالجامعه
وبرجا يا ريم يا ريم ادرسي طب
ريم بابتسامة : شدي حيلك وادرسي طب
وحركت حواجبها وهي تجاكرها
منار مدت بوزها : انت تعرفين ما منا فائده
وما ننجح إلا بالواسطه
الجد طالعها : وليه تنجحين بالواسطه
وش ينقصك رأس وإلا رجل ؟؟
الجده : تدري إذا درست مين للي رح يجلس على
المرايه ساعات
مين للي رح يلف بالاسواق
وأعطتها نظره قويه
شروق بضجر : يعني المواد صعبه ما نقدر نفهمها
الجد : ليه غيركم يفهمها على طول
هذا ما له إلا تفسير واحد
إنكم غبيات وعقلكم مثل حبه الرز
ريم كانت تناظر البنات وتجاكرهم وهي تلعب بحواجبها
والبنات منقهرات فتح لهم الجد سالم
محاضرات طويله عريضه

**
**
**
**