رواية تجبر أحفاد الــ دليم الفصل السابع عشر 17 - بقلم اسـاور حسين 🦢✨

تَــجــبـر أحفاد الــ دلــيـم🦅
بقلمي : أساور حسين          
المُلْتَقَى _22_

هلي خدران گلبي من التعب ميت عدل ما ادري
هلي والله التعب وصل حدر عضمي
هلي الضيم العلي مو گد مواليدي
هلي عود انتم هلي شباقي للغربة
هلي محد بگد گلبي انلچم گلبه ..
<><><><><><><><><>
تَـــمــوز ...

فراس : انتَ تهددني تشتكي ، وانت تصيح أسرارك
اليوم لو أنـه لو انتوا يا فاشلين .

بلحظة عين طفت عيني وراسي استدار
اغتاظت اعصابي هجمت عليَّ رفعتو من
ملابسو وبصوت صداح صحت : ياااااا عار اخلع ايدك
واقلعك من الدنيا الغبرة العرفتني عليك ، كممممم مرة
نبهت لا ترفع ايددددك تريد اموتك ارتكب بيك جريمة .

كــانـــون : نزل ايدك تَـــمــوز تخبلت شيل ايدك من ابوية .

تَـــمــوز : من انعل شيب الخلف ابوك ؏ هل نعالات المخلفات
وانعل ابو شكووو واحد يفكر يحترمكم .

سحبتو من ملابسو وكانون يسحب بيدي
ودوهان يدفع وعمامي يضربون براسي
من بين الهوسة نشلت حركة ظهري وگعت
؏ تخم وصوت كزاز نكسر بقيت ادحك
نفاضة جكاير جدي رفعت راسي بعدو
گاعد : تسبني تَـــمــوز ؟

كــانـــون : جدي لحظة عصبية مو بوعيو
لا تاخذون بكلامو مو تعرف تَـــمــوز بس السان .

فراس : وضرب عمو هم مو بوعيو ولحظة عصبية .

تَـــمــوز : وأكسر راس أكبر وآحد يتجرأ ويرفع ايدو
ويضربني أنـه كبرت مو ذاك تَـــمــوز الي صاير
مكفخه ، تَـــمــوز الضعيف مات فراس موتوووووو ورباني
؏ أساس أتحول صخرة بلا أحساس ومشاعر .

فراس: اطلع برة وبعد يحرم عليك تخطي خطوة
داخل هذا البيت ، والتجاوز والضرب مردودة بالوقت
المناسب ارجع اصحيك ؏ زمانك .

رضية: لا ابوس ايدك لاتحرمني من ابني
لا تاخذ بكلامو ومحمد مايقصد ما تنعاد
والله ما تنعاد سامحو أعفي عنو ابو كــانـــون
لا تلوع گلبي ببني .

سحبتها من ايدها وحضنتها بست راسها
نقطة ضعفي ادحك امي تتوسل بشخص
عار مثل فراس : امسحي ادموعچ وارفعي راسچ
ابنچ ماينحسب ؏ زلم اذا مايطلعچ من هل مستنقع
واخذچ واروح بعيد بعيييييييد منهم ، لا تبچين
ترميني بسهام يمه .

فراس: تاكل وحل بعيدة عن شواربك طلاك ما اطلك
وبالله تشوقت تخلص اليومين وازين شواربك واحطم
كبريائك ، ويا تَـــمــوز أنـه وراك وراك اذا ما اهدم
كل أحلامك واخلص ؏ كلشي تحبووووو أنـه گوا *******  .

تَـــمــوز : هو انتَ گـ  .

بعدني اريد أجاوب ضربتني امي
ودفعتني برة : يول انجعم لاتسمعني صوتك
لا تجاوز يول لا تجاوز .

فراس : وانتَ كــانـــون تروح من وجهي لا اكمل عليك .

كــانـــون : بطبعي مو انفعالي وتعرفني
بس لعبتي اتحداك وتعرفني اذا شخص
أعترض طريقي وعاندني شلون ادفع
عمري واكسب التحدي عليَّ ، الك مني
وعد يابويه عذاب دركْان مايتكرر ويايَّ
وحرمتي ترجع شئت ام أبيت ترجع يعني ترجع .

فراس : اي روح دور ؏ حرمتك بغرف داعش
الحمراء يوزعون بيها كل يوم واحد يتونس وياها .

كــانـــون : متأكد مثل ما انتَ واكف مقابيلي
ذَهــب تنتحر وما تسلم نفسها بيد الدواعش
وهذا كلامك تحاول تستفزني بي بس شبعت
منو أنـه إبنك دارسك وحافظك هل خرابيط
ماتعبر علية ، ولا تنسى أمامك رجل تحقيق
شاطر لا بل ماهر بكشف الكذب .

ابو فراس : عفارم ؏ هل تربية توگفون بوجهه أبوكم
يولو هذا تموز غاسل ايدي منو بس انت كــانـــون تجاوز
وتتحدى ابوك وتقلل منو بحضور عمامك وجدك .

ما بلحيف أضبط اعصابي امام كلامهم
المستفز ، دفرت الباب ورجعت دخلت
رفعت اصبعي وبطريقة التحذير نبهتو : إياك تسولف بالتربية
وابنك فراس ، المفروض تظم راسك من الـ ...

أريد اكمل وتعلگت عيوني ؏ درج نشف دمي
تركتهم ومشيت صعدت الدرج وهجست رجفة
سرت بعظامي : قُــسَـم شني هذا حالچ ؟

بهتت عليمن ادحك ؏ وجهه الأصفر
لو الدم النازل من راسهه وطاغي ؏ ملامحها
مديت ايدي گضبتني وأيدها الثانية ؏ بطنهه : شوكت رجعتي؟؟
وشلون طلعتي وانتِ بهذا الوضع ؟؟ ومنو وصلچ الهل مرحلة ؟؟

كــانـــون : يولو شصاير هين شبلاچ قُــسَـم .

دنجت راسهه وشهگت
رجع ادحك على كــانـــون توجهه الدوهان
سحبو من ايدو وطلع بي برة : يمه حدري غسلي القُــسَـم
ونزليها ارجعها للمستشفى بساعج فدوة .

نزلت على سريع طلعت للگراج
دوهــان گاعد ؏ كرسي ومنزل راسو
وما اعرف شنو همس الكانون بحيث
كــانـــون رفع ايدو ؏ راسو مصدوم
تَـــمــوز: بس لا انتَ ضارب قُــسَـم ؟

دحك علية ودار وجهو عرفتو هو
اريد اضربو گضبني كــانـــون دفعني
وهو يفهمني وبعيونو خجل وصوتو
هامس : دركْان داخل للمستشفى .

تَـــمــوز : وضربتها وهي مريضة لان دركْان داخل للمستشفى ؟

كــانـــون : وياك الموضوع مخالف وغائر للعادات والتقاليد
وحقك تنقهر وتغار ؏ حرمتك بس انتَ ما دحكت قُــسَـم
تسولف هي ودركان حتى تضربها .

دوهــان: ادفنهم ومحمد ادفنهم اذا بيوم ادحك قُــسَـم
تسولف هي وياه هل ساقـ*** لا تزعل مني بس لو
اخوك يستحي ما يجي للمستشفى مثل المهبول يتلفت
ويعرف قُــسَـم ؏ ذمتي ، لو هو بمكاني همات مايقبل
؏ نفسو ويحسبها استحقار وتقليل رجوله .

كــانـــون : مثل ما هو اخوية وما أرضى عليَّ
انتَ هم اخوي وما أرضى عليك ودركان تصرفوا
خطآ وغير محسوب ومقدر انفعالك بس ما اسمحلك
ترفع ايدك وتطاول ؏ بنت عمي لان ما غلطت
قُــسَـم وانتَ ضحية جدي ، تريد تاخذ حقك اخذو من جدك .

دوهــان: حقي وكرامتي ترجع بحالة وحدة بس ...

طلعت قُــسَـم بيد امها توجهت بتجاهه
اخذتها من ايدها دخل تُــمــيم من الشارع
اندهش من منظر الدم وحالة قُــسَـم
_ دوهــان رجعت للهمجيه مووو البنية وصلت تمووووت
البنية تريد تمووووووووت .

سيطر علية كــانـــون وصاح بي
_ الخاطري بلا مشاكل اني احل الموضوع وبعد
تنذكر ما تنعاد وعيونك وغلاتك بس اذكر الله.

قُــسَـم : راسي يريد ينفجر كافي مشاكل
كافي صراخ تخردلت مليت تعبت.

تَـــمــوز : حدر ويايَّ تُــمــيم نرجع للمستشفى
وأنتَ كــانـــون ارتاح وضعك مامستقر لا تروح
توگع علينة .

كــانـــون : روحـي سلبوها خيوطهه وعيوني
طفت ما تطمئن بس بخياط ثقوبها .

دوهــان : كلنا والله كلنا .

تَـــمــوز : خيوط روحك بيد ابوك عزيزي .

صعدت قُــسَـم بالسيارة دوهــان ماتحرك
تركت كــانـــون يحچي وياه ويتفاهمون
نزلنا بالمستشفى ورجعت ؏ طوارئ الدكتور
أنتبه ؏ وجودنا اجه بتجاهي: رجعتي عرفت
بس الله يهدي زوجج عنيد وعصبي كلمتين ؏ بعض
مايخليني اسولف خبلني .

تَـــمــوز : امسحها بوجهه فراس صديقي
البنية يمكن جروحها تنزف لو الخياط بي إشكال .

_ شنو مضروبه ؟

تُــمــيم: هذا الـ ..

قُــسَـم : لالا بس تحركت سريع ويمكن لخياط أنفتح .

_ بلا زحمة رجعوهه نفس السريراريد ادحك على لخياط .

گعدت قُــسَـم متأذيه راح الدكتور ورجع هو ودكتورة
طلعت اني وتميم ننتظر برة الطوارئ .

تُــمــيم: هل مهبول بس أرجع يحلم تظل قُــسَـم
؏ ذمتووو شنوو مخلين اختي جيس ملاكمة الدوهان .

تَـــمــوز: اترك الموضوع الكانون لا دوخ نفسك
بس الدوام كافي عليك هل ايام نعرف بالضغط
الصاير ؏ مديرية وكلها براسك كل احنا ملتهين
وانت الحمل ثگل ؏ ظهرك .

تُــمــيم: يعني أنـه ادافع للعالم وأحاسب بالناس
المثل دوهــان وتارك أختي الوحيدة بالتعذيب
والوحشية والإهانة والكلمة والثانية اسمعها
منكم اترك الموضوع ؏ كــانـــون ، عليش
كــانـــون اخوها وما ادري لو أنـه .

تَـــمــوز : قُــسَـم أختك وأختي واخت كــانـــون
مو بس انتَ ما راضي ولا أحنا نرضى عليهه
بس مو كلشي ينحل بالضرب والصوت العالي
ياخوي الوضع كلو متكهرب المفروض واحد
يسند الثاني مو واگعين حرب ونوصل أهلنه لغايتهم .

طلع الدكتور طبطبت ؏ ايد تُــمــيم
ونهضت: حمامة أغراب ؟

الدكتور: الجروح نزفت بس الخياط سليم
اذا تحبون تطلع عادي بس ضروري ماكو
تعب والأفضل تنام وعند الضرورة تتحرك .

تُــمــيم: لو تظل بالمستشفى مو أحسن.

الدكتور : براحتكم .

تَـــمــوز : لالا الوضع مو تمام تطلع للبيت چثير امان .

الدكتور: كتبت هذا العلاج اخذوا من الصيدلية
قبل لا تطلعون حتى تستمر علية وان شاء الله
فترة وترجع نرفع الخياط .

تَـــمــوز : اشكرك دكتور تعبناك ويانه .

_ عملي واجبي اترخص منكم .

دخلت اخذ قُــسَـم تبچي ما نعرف من الوجع
لو من الصار طلعتها للسيارة وراح تُــمــيم
يشتري العلاج : ترجعين للمستشفى شبيلاچ .

قُــسَـم : ما أريد أرجع للبيت وادحك دوهــان .

تَـــمــوز : هساع اخابرو ويطلع من البيت
بس لا تبچين يمعودة .

ردت علية تناشغ وايدها على وجهه
وجسمها يهتز من الخوف : هددني دوهــان هددني .

نزلت فكيت الباب وكفت مقابيلها
استفسر : بشنو يهدد ؟

شلت ايدها من وجهه ورفعت
وجهه خلت عينها بعيوني
وزادت بالبچي ما نقصت: ما اگدر احجي الكلام صعب
بس خايفة ينفذ كلامو والله اموت نفسي والله .

تخصرت وصحت بأنزعاج : غير افتهم يا بوية بشنو يهدد
لازم عليچ شي ، عندو سالفة مو زينة ؟

ماسمعت الرد بس كل ذرة بيها ترعش
وأعصاب وجهه متشنجة رجعت غطت
وجهه بيدهه واستمرت تبجي : اذكري الله قُــسَـم ومحمد
افصل راسو عن جسمو بس يفكر يتگرب ويأذي قسمنا .

قُــسَـم : والله مايهتم بس يحصل فرصة يموتني
أنـه شنو ذنبي فهمني أنـه بشنو غلطت عليش
يحاسبني ؏ غلطهم وهو يعرف تأذيت مثل ما
هو يتأذى منهم .

تَـــمــوز : ومحمد بس ذاك يفتهم من عاف البيت
واختار حياة داعش لان بيت العايلة مليان وحوش
تنهش بالروح نهش وما تشبع من سمهم وعارهم
واخطائهم الي ما ناوية تخلص كل يوم يبثون
حقد وكره وعادات وتقاليد باطلة .

قُــسَـم : واگعين بيهن شوكت نخلص فهمني
لا آني مرتاحة ولا باقي اخوات كــانـــون
ولا أحفادهم من الزلم مرتاحين من شرهم
حسرة يعرفون سر ؏ واحد يحاربون بي
الى ان ينتهي لازم نمشي ؏ أوامرهم وتخطيطهم
زوجوني دوهــان بس لان جدي راسم بمخيلتو
قُــسَـم الدوهان ، واني لازم أصبر وأتحمل والتالي ؟

تَـــمــوز : صدگيني  بيوم من الأيام نخلص ونرجع نضحك
من أفعالهم يوصلونه المرحلة نفرح الموتهم ونحتفل بمصايبهم
أعرف سبب زواجج من دوهــان هو فراس بذات
نفسو خرب كلشي وخطط ونفذ حتى يمشي الكل ؏ مرامو .

قُــسَـم : حسبي الله ونعم الوكيل حوبتي ما تتعدى
وما راح اسامحو اليوم الحساب .

رجع تُــمــيم حركت السيارة رجعناها للبيت
بس ادحك على قُــسَـم بالمرايا بعدها خايفة
من نزلنا دوهــان بعدو بالكراج من دخلنها
للبيت دنج راسو وينفخ جكارتو بس فاتت
قُــسَـم مشيت گعدت قريب منو شغلت جكارتي
اخذت نفس وحجيت مقهور منو : تتذكر اول يوم دخلت قُــسَـم
للمدرسة الأطفال كلهم استغربوا شكلهه بسبب عملية شق
الأرنب ، وتجي بالفرصة تبچي من جماعة بنفس الصف وياهه ونتفق اني وياك من يطلعون نلزمهم بالشارع نضرب بيهم الى ان
يصيحون التوبة ، وهي تچي تضربهم وتضحك وتشيلها ؏ ظهرك
ترجعها للبيت وتصيح منصورين منصورين .

ابتسم بحزن ورد وهو يدحك بالفراغ
دوهــان: چانت كل يوم تصرف فلوسها اول درس
وتاكل الحلويات وتجي عليَّ ثالث درس تبچي
وتفر ايدهه ؏ بطنهه وعيونهه تلالي بالدموع
تگلي دوهــان جوعانة ماعندي فلوس اشتريلي
وانه اقصر ؏ نفسي واگضب ايدهه اخذها واشتري
حلويات اگعدهه تاكل وتشبع وأرجعها للمغاسل اغسل
ايدها الصغيرة وهي تبتسم وتبوسني بخدي وتركض
للصف ، جانت تگول أنـه أحبك دوهــان بس هساع
تدحك علية بعيون الصغيرة وتصرخ بوجهي اكرهك
دوهــان واموت منك .

تَـــمــوز : جنت حنون وياهه ، ما ترضى ؏ احد يتنمر
؏ شكلهه ، وتحب تضحكهه مرات تشتغل مهرج حتى
قُــسَـم تضحك ، بس هساع تغيرت وصرت سبب خوفهه
قُــسَـم تخاف ترجع للبيت لان انتَ تهددها ليش
ومحمد ما متعود عليك تصير حجر مثل اهلنا .

دوهــان : بگلبي نار وحق الله بگلبي نار
أريد أرجع مثل قبل لا انقهر ولا اشك
ولا افكر بالمستقبل كل همي اطلع واكشخ
ابدل أشتري أرقى السيارات والموبايلات
هساع التفكير دمرني دمار .

تَـــمــوز : ترجع بس لا تستمع الشخص
واخذ القرار من عقلك وترجع وداعتك .

وكفت اريد اروح التفتت ضحكت
وصحت : يول يا ساقـ**** ترة مو بس انتَ
جنت زين وياها اني ولد عمي مو بس زينين عبرنا
مرحلة الملاك الحارس .

دوهــان: اكيد حقيقة لا تنكر  .

تَـــمــوز : اي بس انتَ غير عن الكل اليوم
دوهــان هو زوج قُــسَـم ولازم هو الوحيد يحافظ
عليهه وما يسمح الشخص يمس حرمتو بكلمة
ويحميهه بروحو مو صح ؟

دوهــان: أطمئن ناوي احمي قُــسَـم مني .

تركتو براحتو اريد إطلع وتذكرت
رجعت علية وبصوت واضح سألت : يول كــانـــون وينو ؟

دوهــان: راح للبيت مالتك أخذ جنطة وطلع
يگول رايح للدوام ما اريد اظل بالبيت.

تَـــمــوز : يا دوام خوية انتو مخابيل .

دوهــان : راح يرجع علية صخام البين .

تَـــمــوز : كبرت وراح اموت من وكت بكثر
ما أركض وراكم ، هساع هذا من اخابرو وارزلو
همات احد يلومني ، هو غيرررررر مطبور .

طلعت تلفوني وخابرت ؏ رقمو
وانه اصعد السيارة شغلتهه وصلني صوتو : هاا ؟

تَـــمــوز : شعندك بالدوام يالمطبور ؟

كــانـــون : شغل ؟

تَـــمــوز : من اشتغلوا عليك فراس وابو
يولوووو غير راسك مفتوح .

كــانـــون : تريد اگعد بالبيت واموت من التفكير ؟

تَـــمــوز : روح للمديرية لا تطلع واجب لا
اوجب عليك الجن والشياطين بس اجي نسولف .

كــانـــون : ما اسولف وياك راسي يوجعني
وانتَ تسولف چثير .

تَـــمــوز : المعنى الحقيقي لمقولة دافر نعمتو .

سديت التلفون وفكرة وبقيت حاير بمنو أباشر
بجدي لو بفراس لو بعمامي ، ابتسمت إبتسامة
مو بس شريرة شيطانية ودخلت للمديرية
دكيت الباب ودخلت ؏ مكتب كــانـــون
گاعد يشتغل ؏ اوراق وضاغط ؏ راسو
رفع راسو وهمس بخوف : اكو اخبار جديدة ؟

تَـــمــوز : الأخبار تحتاج تفكير ودراسة مو سرعة
مو انتَ علمتني اخطط بعدين أنفذ ؟

كــانـــون : تغير قانوني وقاموسي اليوم أنـه افكر بس
انجمع بذهب وترجع تحت ظل حمايتي أمانتي بخطر
يولوو يا تَـــمــوز أمانتي بخطر  .

تَـــمــوز : أرتاح حتى تفكر زين ونتوصل
الحل ، ضروري هل يومين نوصل الحل ونرجع ذهب .

دخل مأمون آخذ تحية وگعد
طبگ رجل ؏ رجل : سالمين فتت وبوجهك ؏ كرسي .

مأمون : عجل ؟

كــانـــون : چاي من ايدك ، حتى نصحصح ونعرف
نرسم المخطط انه وياك وتموز لان يحتاج تركيز وچاي .

تَـــمــوز : لا چاي ولا گهوة الوضع يحتاج بيرة .

كــانـــون : أستغفر الله دخيلك ربي صبرك وعطفك
توني صليت يمعووووودددد .

تَـــمــوز : إسلامية يولووو إسلامية .

رن تلفونو فتح الخط وصاح
وهو يضرب الميز : 205 وياك ؟

دركْان: 502 وياك متصل عليَّ ؟

كانون : يول الله دركْان مو اتصل عليك
عليش ماترد ؟

دركْان: الوضع متخربط يمي جنت طالع أنـه
وجلاد ندور ؏ بيت .

كــانـــون : عليش تصخم وجهك وتروح للمستشفى
مو عيب عليك ما استحيت من نفسك .

دركْان : خطأت بساعة ضعف وخجلان من دوهــان
ومن نفسي بس والله من سمعت الخبر ما صدكت .

كــانـــون : مو وعدتني تبتعد عليش رجعت دخلت
الشك بگلب دوهــان فهمني ، احسن توصلو مرحلة يأذيها .

دركْان: تأذت بسببي شلونهه بس طمني زينة ؟

كــانـــون : لا تدخل بقسم لا تدخل بيهه لا تتأذه بسببك .

دركْان: اخر مرة وعد اخر مرة بس طفي لوعة گلبي
وطمني شلونهه زينة لو تعبانة ؟

كــانـــون : زينة وطلعت من المستشفى وهساع
هي ودوهان بغرفتهم .

ماسمع بعدها بس غلق الجهاز رجع اتصل
ماكو رد كرر المحاولة بس بلا فائدة
الى ان مل گضب راسو وگعد : اني شسويت .

تَـــمــوز : هذا احسن حل صح الكلام صعب
ويضرب بالگلب بس لازم يفتهم بعد قُــسَـم مو
من نصيبو وضروري ينساها .

كــانـــون : الحب الأول ما يموت ولا ينسي
بس نسمي يتناساها ويعيش حياتو بعيد عنهه .

تَـــمــوز : ما قاهرني غيرو ومحمد الله يساعدو
ويبرد لوعة گلبو من هل نار قبل لا تاكلو وينتهي
قبل ما تنطفي .

كــانـــون : وانتَ ؟

تَـــمــوز : أنـه شبيه ؟

كــانـــون : شني حال گلبك ؟

تَـــمــوز : ينبض وياكل ويشرب وينام ابن الكلب .

كــانـــون : بارد لو بداخلو نار ؟

تَـــمــوز : حير بنفسك ومعليك بكلبي
ينبض ومرتاح وبارد مثلج ، اله انتَ
تحتاج گلب يخليك عايش وگلب ثاني
تتحمل حب ولهفة وعشق وهيام ذَهــب .

كــانـــون : البگ البگ البگ .

رتب الأوراق ؏ ميز وبقيت أنـه وياه
وضباط اثنين نشتغل ونخطط ونحاول
نجمع اكبر عدد من الكاميرات
بتاريخ خروج ذَهــب من البيت
الى ان وينو وصلت ونكشف هي
هربت لو عد فراس او جلاد
ساعة وانتقلنا المخطط ثاني يخص
مهمة مداهمة تنظيف منطقة سكنية
من داعش وخروج العوائل من داخل المنطقة .

بعد تفكير وشغل دام ساعات طلعت من المكان
واتصلت ؏ رقم صديقي شاطر بأمور التخفي
والبحث: حبيب روحـي شلونك الغالي ؟

_ آهلا وسهلا بالنقيب تَـــمــوز الگاطع .

تَـــمــوز : ومحمد شغل الراسي هساع طلعت من المديرية
الوضع مخربط وحشاك صايرة بالنعل .

_ حقكم والله احنا هم الوضع مو شي بمنطقتنا .

تَـــمــوز : الله ينصرنا ونخلص منهم ، المهم خوية محتاجك
بمهمة ولو ما اريد ادوخك بس محتاجك بشغله عويصه
ومن هساع حقك بالكامل مدفوع واي مبلغ تطلبو أنـه بالخدمة .

_ شسالفة خوية بالخدمة انتَ ابو الصعبات من انخاك
ماتردني بيوم تريد تصير بيناتنا حق وما حق ، اطلب
لا والله أمرني واذا اگدر تشلع عيوني .

تَـــمــوز : سالمة عيونك خوية اريد ادزلك عنوان
تبحث عنو واريد منك تقرير مفصل تفصل الصبح
وتراقب المكان يوم او يومين ، هل موضوع
مهم عندي اكثر من ماتتصور والصراحة
ماعندي ثقة بس بيك اعرفك أمين .

_ اربز ( انتظر) منك العنوان وباجر يمك
كلشي يخصهم حتى نومهم وگعدتهم بعد .

تَـــمــوز : سبع ابن سبع ماينخاف عليك گدهه وگدود .

سديت التلفون هجست امل بداخلي اصعق الكل
بالخبر وانعل خير خيرهم بالقنبله الي عندي
والله اذا ما ارجع وجع گلبي وخسارة الطفولة
اضعاف مضاعفة ما أرتاح  .

بقيت افتر بس بحدود المديرية للعصر إتصلت
امي وصوتهه تعبان ومهضوم بشكل: بيچ شي ؟

رضية : جنت انظف بيتك وهساع خلصت
كلو دم ومكسر تكسر الگزاز بكل مكان .

تَـــمــوز : هو انتِ بيچ حيل عليش تشتغلين
عوفي بعدين أنـه والشباب أنظفو .

رضية: أنـه ردت انظف اريد اطلع من جو ذاك
البيت المشؤوم الملعون تعبوني بمشاكلهم
ماتخلص يا يمه ماتخلص .

تَـــمــوز : الصبر حلو يمه اخذج من بطن عينو ومحمد .

رضية: حدر للبيت هين ادحك وجهك الحلو .

تَـــمــوز : دقايق واجي انتظريني .

شغلت السيارة وتوجهت للبيت ماكو دقايق
ودخلت لگيت البيت كلو نظيف وعطر النظافة
مالي المكان بكبرو ، فتت جوة غسلت ايدي طلعت
من الحمام ابتسمت بوجهه ومشيت حضنتها بكل
حيلي وبست راسهه  ، گضبت ايدها وانه امشي
تَـــمــوز : اريد انام بحضن امي يصير .

گعدت ؏ دوشك مفروش بالگاع
وطبطبت ؏ رجلهه : حدر يا بعد روح امك .

نمت اني وبدلتي العسكرية والرتب
والسلاح بحضن امي رجعت طفل ادور
حنانها ، انحرمت من حنان الام وانه
طفل ، وبعز مراهقتي صعب تنصحني
امي لآن تَـــمــوز ممنوع يدخل البيت
تَـــمــوز يخالف قوانين تجبر الدليم
تَـــمــوز رفع صوتو بوجهم
تَـــمــوز ما طاع أوامرهم
تَـــمــوز رفض ينضرب منهم
تَـــمــوز تكاون ممنوع نساعدو
الى ان كبرت وربيت نفسي بنفسي
درست وحدي ، اشتغلت وصرفت ؏
نفسي وتعلمت ما امد ايدي لو حتى أموت الجوع
بس بقيت أحتاج امي فاقد الأمان ، ادور الحنان .

هجست أصابعهه تتلاعب بشعري
تنهدت وجريت نفس حضنت رجلهه
وهمس : الله يمه حضنچ شكثر دافي .

رضية: وانتَ راسك چبير .

تَـــمــوز : لا رضية خانم مو نزعل عليچ وزعلي
ثگيل واخاف ما تتحملين ويصير بيچ شي .

رضية: شبعت من سوالف الضحك مالتك
حدر فوت بالنظيف وجاوبني .

تَـــمــوز : يا ستار يا سوالف ويا ضحك ؟

رضية: أعرفك الظاهر شي والداخل شي ثاني
مقابيل الكل تضحك وتحشش وبغرفتك تنهار كل يوم .

تَـــمــوز : أنهار ؟

رضية: اي لاتنكر.

تَـــمــوز : وين تريدين توصلين عيني رضية؟

رضية: شني براسك يمه صارحني .

تَـــمــوز : بصراحة ؟

رضية: أنـه امك اذا ما تحچي ويايَّ الصراحة ويامن تحچي .

تَـــمــوز : هو أنـه ماعندي غيرج وعايش لعيونچ .

رضية: صارحني شناوي ؟

تَـــمــوز : براسي أنتقام طفل  ، ثأر قيد التنفيذ
قصاص ما ملتفت عليَّ قاضي ، وعدت نفسي اعاقبهم
كلهم يمه كلهممممم بدون استثناء وما أرحم واحد بيهم
واعاملهم بالمثل الحد ما احقق امنيتي .

رضية: يول يا تموز يا يمه تتعب والله تتعب .

تَـــمــوز : اتعب وأفوز وحرر امي منو
اتعب لعيونچ عجل شكثر محظوظ .

رضية: إلى متى يمه مو كبرت والماضي راح
وهساع بنيت نفسك عليش اتضيع كل تعبك .

تَـــمــوز : ما ارتاح بحياتي وصعب استقر
اذا ما اخذ ثلثين حگي من عيونهم وعيون كل
واحد منهم صغير وچبير .

قابلتني بالسكوت رفعت عيوني ادحك بعيونها
الحزينة تعب الدنيا رسم ؏ وجهه التجاعيد
رفعت ايدي تلمست خدها وهمست : حگي انتِ اريدج
يمي يمه ، من اطلبچ تتواجدين شوكت ما أحب أنام بحضنچ
وابچي اگدر أوصل امي واشكي اهمومي يمهه .

رضية: عندك هموم ؟

تَـــمــوز : أنـه محتار ومرتاب من افكار راسي
وصلت مرحلة تصيبني رهبة من گلبي .

رضية: منو متعب گلبك ؟

تَـــمــوز : شلون الأنسان يعرف بنفسو يحب ؟

رضية: بمجرد ما عيونك تدحك عيونو قلبك يخفق
بطريقة تخليك تحس نفسك مو طبيعي
ورهبتك عليَّ وخوفك لا يمسو مكروه ويصيب گلبك ضعفو
ومن تقرر تبيع روحك وتدحك وجهو وضحكاتو وتسمع صوتو
كل هذا دليل گلبك بعدو بخير ويخفق بحب شخص لو حليوة .

تَـــمــوز : ؏ هل حال ابنچ تحول خروف مثل
ما گال ذاك الرجال .

رضية: بنظر ذاك الرجال اذا تحب معناها خروف
بس بنظرك يا يمه خلي كلشي غير وحول الحب أفعال
مو بس كلمة وتنطق لو احساس عابر .

تَـــمــوز : اتمنى كل ساعة وكل دقيقة وكل ثانية
هل بنية يمي ما تفارگ عيوني بس صعبة.

رضية: عليش صعبة ؟

تَـــمــوز : رفضتني يمه .

رضية: ما أظن تصعب عليك حاول مرة ومرتين
والف الى ان تحصل بنية گلبك دگ بسمهه ، تره
يا يمه القلب مو كل يوم يعشق شخص ويرتاح بشوفت وجهو  .

أندفع الباب الخارجي نهضت بسرعة وگفت
اعدل بملابسي دخل فراس من لمحني تحول طنطل 
_ مو گلت ممنوع تلتقين بهل شكولات .

تقربت منو بكل بطىء والابتسامة بعد كل خطوة
تزيد ، ثبتت مقابيلو وطدت عيوني بعيونو
بنظرات التحدي هو إبتعد ودحك علية بشك
_ ناوي نية مو خوش يا تَـــمــوز .

تَـــمــوز : تعجبني من تكشفني من عيوني
بعد الجانب المظلم من شخصيتي تربيتك
انتَ علمتو ودرستو وكبرتو ، بس بالأخير
انگلب السحر ؏ ساحر وگعت بشر أعمالي .

فراس : دحك علية يا تَـــمــوز ومحمد .

تَـــمــوز : اشششش ولا حرف شبعت من التهديدات
اريدك تتعلم مني هدد ونفذ لا بس كلام تره السوالف للنسوان .

فراس : عجل ادحك افعالي بالأيام القادمة .

تَـــمــوز : اتمنالك جلطة سعيدة يا فوفو .

طلعت وصلت للباب وصحت
بصوت مسموع : يمه من تخلصين لا تبقين الزبالة
بالبيت طلعيهه برة فد شوية يجي ابو الزبالة وياخذها .

سديت الباب وصعدت بالسيارة
رفعت تلفوني وبدون تفكير إتصلت
اكثر من مرة ، قررت احاول محاولة
أخيرة ورجعت ارن وقبل لا تنتهي
المكالمة أصغيت الصوتهه : ماكو ملل اني مو حذرتك
ماترجع تتصل ليش تعاند انتَ من شنو مخلوق .

تَـــمــوز : مخلوق من كيك ومحمد جربي واذا
مايعجب مرجوع حقچ .

كازو : ما اضحك وياك خلص شكو ؟

تَـــمــوز : يول الله يالمعثورة شني هل ذل
احچي عدل من تسولفين ويايَّ مو ازرعچ
براسي وافين بحظچ .

كازو : بالبداية لا تهدد لا انطيك بلوك ثلاثي الأبعاد
وثاني شي بالأصل كازو براسك من زمان .

تَـــمــوز : وصعب تطلع المصگوعة .

كازو : تريد تسولف انتَ ؟

تَـــمــوز : 250 .

كازو : مافهمت ؟

تَـــمــوز : 250 وترگصين ؟

كازو : عندي امتحانات وتركت كلشي .

تَـــمــوز : عندي علم .

كازو : تراقبني ؟

تموز : تعبان اليوم أريد أنسى
كل همومي وتعبي وتعاستي اريد ارتاح من التفكير .

كازو : 350 ؟

تَـــمــوز : بـ 12 أنـه باب بيتكم .

رجع للمديرية إشتغل، كــانـــون بغرفتو
ودوهان وتموز بغرف التحقيق ، ومأمون
يسولف ويايَّ عن جدد : فراس عمك اربع ضباط
نقل هين ؏ مديرية يگول محتاجين اكثر .

تَـــمــوز : منين ؟

مأمون: كل ضابط محافظة .

تَـــمــوز : شوكت يباشرون ؟

مامون : باشروا والرائد كــانـــون گعد وياهم
وفهمهم القوانين .

تَـــمــوز : المطبور بي حيل يشرح .

مأمون: شتريد منو .

تَـــمــوز : انچعم .

لملمت أغراضي وقبل لا اطلع مو الغرفة
رفعت بنطلوني : سيدي وين تروح ؟

تَـــمــوز : شعليك أهتم بشغلك .

مأمون: بربك ما ناخذ ساعة زمان ونروح البيت سمسمة .

تَـــمــوز : لا أنـه تركت هل سوالف وتبت
الحمدلله قررت بعد كلو صلاة وصيام وزكاة وقرآن .

قلب عيونو وهز براسو ودار وجهو
عطت بي : يولووو چلوح بلوح
مو چنك ماتريد تصدگني ؟

مامون : لا حشاك أجذب عقلي واصدگ بيك سيدي .

تَـــمــوز : غصبًا ما عليك وعلى هل شوارب الثخينة
ضحكت العالم علينه عمي زين وانه انطيك الفلوس .

مأمون: سيدي هو غير انتَ تتمنى توصل شواربك لشواربي
هيَّ مال شوربة ، تضحك العالم على شني دروح اطلع روح .

تَـــمــوز : باجر اصدر أمر نقل بحقك يا ابو السان يا هتلي .

مأمون: هي بعد صارت بيدك خربت ونگلبت  .

طبگت الباب وطلعت شغلت سيارتي
صاير أنـه اشغل سيارة اخابر اروح
للمكان المطلوب واطلع واشغل سيارة
واخابر وعلى هل رنه لا راحة ولا استراحة.

تَـــمــوز : اني مقابيل الباب انتظرچ .

كازو : دقايق واطلع أنتظر شوي دا اكُل .

تَـــمــوز : شني فريتي حلگي يالمعثورة
دا اكُل شني ؟

كازو : هي اسمهه دا اكُل قابل شلون احجي .

تَـــمــوز : بعد عيني ربحانين بزود الحكومة
اسمهه اچل گولي لحظة اچل واجي .

كازو : تَـــمــوز اكرمني بسكوتك وعوفني اكُل
براحه حتى اطلع بسرعة وما اتأخر عليك .

سدت المبايل بدون سلام بوجهي بقيت ادحك
؏ جهاز وعلى شارع : دخيل الله شكثر بربوك .

رفعت رأسي ابتسمت اول ما لمحتهه
طلعت العباية ؏ راسهه ولابسة نقاب
تلفتت واجت السيارتي تركض صعدت
وبصوتهه الناعم همست : تحرك لا تصفن .

تَـــمــوز : من شوكت انطيتچ علم هساع تتذكرين تاكلين ؟

كازو : الخنزيرة هسة نامت وماتقبل ناكل لان
صار كم يوم ما انطي فلوس تگول منين اجيب
من بلغتهه راح اطلع قبلت توكلني آني والبنات.

تَـــمــوز : تعرف بيچ ترگصين ؟

كازو : ما تسألني اهم شي عدهه الصبح تاخذ فلوس .

ذبيت حسرة واخذت جكارة شربت اول نفس ونزلت
تَـــمــوز: لا تنزلين بس افتح البوب .

هزت راسهه فكيت قفل البوب نزلت
تركض : هاي عود بلغت لا تنزلين .

كازو : بطيئ تشلع گلبي بهل برود .

تَـــمــوز : أنـه بارد ؟

كازو : ثلج ؟

رفعت النقاب وتخصرت تدحك علية بعيونهه تجدح بتحدي
ورفعت وحدة من چفوف ايدها
كازو : قبل لا ندخل يا تَـــمــوز تشوف هاي ايدي
ممنوع تلمسها ، وتخلي بيني وبينك مسافة .

إقتربت وانه مبتسم إبتسامة تحايل
تَـــمــوز : عليش تخافين تضعفين بين أيدي .

دخلت داخل البيت تدحك وتتفحص بالمكان
وركزت ؏ زوايا الغرف دخلت للمطبخ
ذبت العباية وگمزت من الگاع على ميز
الطعام تهمس بصوت عذب : هذا بيتك ؟

عصرت عيوني ؏ منظر وضحكت : ياهو منهن ؟

كازو : رجع ساه ( صفن ) بعقله .

لكحت ايدي ؏ ميز أمنعها تنزل
واقتربت اكثر : بيتي هين بحضن كازو .

كازو : احلام العصر ، وهسة ألتزم بالإتفاق وابتعد
لا طخ براسي واطلع من البيت واخليك تفر براسك .

تركتها وطلعت اخذت العلاليگ من السيارة وقفلت البوب ودخلت
كازو ماكو صحت بصوت عالي : وينچ ؟

كازو : لحظات اجهز نفسي ، أختار أغنية تعجبك .

ضربت ؏ صدري بكل قوتي
وهمست بداخلي : يول الله راح تفضحني دگات گلبي
لا فوكاها اضحك مثل الهِتر (اثول) .

عضيت إصبعي ودخت بقيت افتر واردد
_ تَـــمــوز اثگل تَـــمــوز أستقر لا تكسر ثقتها
بيك حافظ عليها لا تخليها تخاف منك .

رتبت الميز بيدي متلهف اليوم اعيشو أنـه
وياهه وبس ، اختاريت اغنية وقللت الصوت
رحت للبردات غلقتهن زين والتفتت وتشنجت
يبس ريگي ومن الجمال المقابيلي فقدت عقلي
وتركيزي والحواس كلهه طلعت عن السيطرة
سحرتني بفستانها الذهب وشعرها الأسود .

ضحكت ضحكة مخادع جميلة لكنها جدًا مبهرة
عادت شعرهه للخلف ونزلت أيدها تعدل الفستان
- يولو مفاتنچ بيهن فتنه سنة كاملة .

كازو : اگعد عاقل يا ولد اگعد عاقل .

تَـــمــوز : گلبي رچيچ گدام جمالچ .

تجاهلتني وراحت اخذت الريموت وعلت الصوت
نزلت النقاب الذهبي وهمست : اعرفك تحب شكلي هيچ .

تَـــمــوز : حني عليَّ وضمدي جروحي
عازتي الچ عازة الريح التحرك سفن .

گعدت وانه افتح اول ازرار القميص
اخذت جكارة شغلتهه وانه اركز
بكل حركة تخطيها ، مالت خصرها ومال
گلبـي وياهه ، روحـي فرفحت من الشال
فر روحو وحضن مكامن جمالها.

ضاق النفس فقدت السيطرة ؏ تحركاتي
وگفت حاولت اخذ ايدهه بس ايدهه بيدي
دفعتني من صدري ورفعت أصبعها: إبتعد لا أقضي ؏ مستقبلك .

رديت وعيوني ذبلت من لهفتي
وجسمي كلو يرجف عليهه : يولي اريد ارگص وياچ سلو .

كازو : ممنوع تلمسني .

رجعت شعرهه وكملت بأنفاس لاهثة: أزعل عليك
بس تقترب وتلمسني .

تَـــمــوز : حرام عليچ توصليني الهل مرحلة من الضعف .

كازو : انتَ طلبتني اذا ماتضبط نفسك عليش خليتني آجي.

تَـــمــوز : اريدچ حرمتي ومحمد حرمتي .

كازو : اني ما اريدك .

تَـــمــوز: عليش؟

كازو : كلبك جبير يوسع چثير نسوان .

تموز : هههههه شعرفچ ؟

كازو : مو يگولون القلب بحجم قبضة اليد
قبضة ايدك شكبرهاااا تخوف يعني
كلبك بحجمها ما اريدك .

تَـــمــوز : كازو جمالچ مخيف ، من كل گلبي وعقلي
اريدچ يمي للموت لا ترفضيني .

بدون تخطيط نزلت بتجاه شفايفهه
وما هجست غير ضربتي ؏ سنوني
بقيت موسع عيوني وضاغط ؏ اسناني
دفعتهه وابتعدت : أسفة بس صرت عصبية .

تَـــمــوز : وتضربيني كازززززززو مهبولة انتِ
ماتخافين افر راسچ براشدي تغمضين عيونچ تفتحين تلگين
نفسج بالفضاء .

كازو : أعتذرت منك .

تَـــمــوز : وشنو الفائدة .

عافتني وراحت للحمام رجعت بمكاني
ضغطت ؏  راسي بيدي من الوجع الصار
حكيت شواربي رجعت والنقاب ؏ وجهه
رفعت الصوت وكملت رگص
صعد فتور الراحة الراسي ابتسمت وضحكت
وياهه ونسيت اهلي وناسي والشغل بكبرو .

تعبت سحبت أنفاسها بصعوبة وهي تضحك
ما تحملت اظل گاعد قريب عليهه اخاف من نفسي عليها نهضت
للحمام امشي سريع غسلت وجهي بمي بارد
ثلج وما بردت ناري ، شمرت البدلة
وسبحت بمي جامد بعز الشتاء ، خلصت
وطلعت انشف بشعري لگيتها لابسة عباية
كازو : تلفونك آكثر من مرة يرن وانت بالحمام .

استمريت انشف بشعري وازرار قميصي مفتوحة
بالكامل، رفعت التلفون وخابرت ؏ أخر مكالمة
تَـــمــوز : ها دوهــان ؟

دوهــان: تحدد مكان ذهب وكانون متوجهة للبيت
بس اكو اخبار تگول البيت مطوق بعناصر داعش .

تَـــمــوز : لا تروحون اياك هذا فخ فخ والله تموووتون .

دوهــان : كــانـــون اخذ دورية وأنه بالثانية
ما اگدر أتخلى عن ابن عمي لازم اروح وياه .

تَـــمــوز : انتظروني لا تهجمون .

دوهــان: الهدف تحت قبضة داعش .

كتمت المكالمة مستعجل اركض أغلق أزرار
البدلة وآخذ أغراضي طلعت ظرف وقدمت
أيدي : تستحقين مو بس فلوس روحـي واحس شوية.

رفعت شعرهه وهي تأشر ؏ ميز : خلي هنا .

عرفت ماتريد تاخذ من ايدي
دحكت بعيونها خجل وخدودها صارت
حمرة ، لبست النقاب وطلعنا مستعجلين
بس صعدنا السيارة شلت الكتم وصحت : هااا دوهــان
وينكم طمنوني ؟

دوهــان: يول تَـــمــوز هذا كــانـــون فقد عقلو ودخل
للبيت يگول الوقت ضيق ولازم تطلع ذهب يمكن تحاصر.

تَـــمــوز : ادخل وياه لا تتركوا روح .

دوهــان: ومحمد المنطقة مليانة ملي دواعش
ودركان اتصل ؏ كــانـــون حدد موقع ذهب
وعلى أساس جلاد بأي لحظة يهجم هو وجماعتو .

تَـــمــوز : دوهــان اسمعني لا تترك كــانـــون ابد
لا يوگع هو مو زين وراسو مخيط روح بين
ما اجيكم .

سديت المبايل منو ورجعت اخابر ؏ مأمون
- هير (جهز) سيارة اني بالطريق .

مأمون: شكوووو ؟

تَـــمــوز : مداهمة طارئة .

وصلت كازو قبل لا تنزل
رفعت النقاب وهمست بخوف : شصاير خوفتني .

تَـــمــوز : عندي شغل كازو بعدين نسولف .

كازو : دير بالك ؏ نفسك .

تَـــمــوز : وانتِ بعد .

شخطت السيارة ومن السرعة ما أركز بالطريق
تَـــمــوز : ها مأمون وينكم ؟

مأمون : الموقع غير وأضح .

سديت التلفون وكملت طريقي بدون ما ارجع
للمديرية اتصل ؏ دوهــان ماكو رد منو
كررت الإتصالات سمعت صوت بس مو دوهــان
ضحك وصاح : المتصل في ذمة الله .

زغللت عيوني والمبايل وگع من أيدي
ما أنتبهت عصرت عيوني عصر اريد
أرجع أسوق السيارة اعصابي تشنجت
واهتزت كل ذرة بجسمي وكفت السيارة
مقابيل فرع الموقع المطلوب أخذت
السلاح ونزلت سحبت أقسام دنج
ظهري واحاول أمشي بدون ما أصدر
صوت صار البيت إمامي داير ما دايرة
مسلحين دواعش وبالأرض زلم سابحين
بدمهم ، الحرارة صعدت الراسي ضعفت
وأيدي رخت ، نفرت وعيت ؏ موقفي
الخطر من صاح وآحد مهم : احد الكفار عايش أرمي .

رفعت اسلاحي وصحت
بصوت صداح : دواســين الــظـلام ، زلــم الــكـابوس
أرمي لــتـقـتل او ســتقــتل .

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد