رواية تجبر أحفاد الــ دليم الفصل الثامن عشر 18 - بقلم اسـاور حسين 🦢✨

تَــجــبـر أحفاد الــ دلــيـم🦅
بقلمي : أساور حسين          
المُلْتَقَى _24_

حِط إيدك بأيدي البُعِد مو إلنه.

ملكات قلبي لطفًا لا تنسون التصويت ؏ بارتات بوساتي
<><><><><><><><><>
ذَهــب ...

واهسي طافي من الحياة كلها
ويزيدون عذابي بكلامهم
وألوم ، والاتهامات الموجهة
ضد ذَهــب بكل مصيبة..

رفعت جسمي من الفراش بعد نوم لساعات
بعد تلف اعصابي وطاقتي المنتهية بسبب
ضغطهم المستمر ، مسحت ؏ عيوني
وطقطقت رگبتي بعد ما هجست بيها وجع
گمت مترددة فكيت الباب طلعت للحمام
غسلت بمي دافي وطلعت انشف وجهي
بالكلينكس رفعت عيوني غرفة قُــسَـم
ودوهان مفتوحة لمحتو گاعد
على تخم گاضب راسو متألم
وقُــسَـم مقابيلو تحچي بس صوتهه
ماينسمع ، رجعت للغرفة كل زاوية
تذكرني بكانون إحساس اكو شخص
تعب ، انضرب ، دخل بلحظات خطر
وموت بسببي صعبة اني ما أرضاها
كل الأيام الفاتت خلتني خايفة
وقلقانه اذا اترك كــانـــون الحياة
كلها تصير ضدي وتعذبني ، وبنفس
الوقت اذا استمر هل عائلة تشبع
مصايب وكوارث ، حرت بين قرار
گلبي وبين عقلي ، اختار نفسي
واخواني لو اختار كــانـــون .

حكيت أنفي ومشيت للمرايا صاير احمر
وفلاونزا بعظامي ، گضبت ورقة من الميز
ورجعت ؏ سرير حركت القلم وجريت
نفس مخنوگ وكتبت ( ذاكَ الرَّجُلُ العَظيم ، زَعْزعَ قَلْبيّ في
وقَتَ مُهَمة تَنْفِيذ ، رائد أنساني معاناتي
أصْبَحَ أماني ، أسمَراني بالحُبِ رَماني
أصْبَحَت مُهَمة وَطَن لهُ ، وهو سُكوني الهادئ وسَلامِ
مُفترِس متأهب لدَمار من تدنى لأمانتهُ ، عَجزتُ أفهم
سَبب إصْرارهُ ، بالحْبِ سَقط فـ تَخَطَّى فداحة أفعال قلبهُ
فـ ماهو التالي ؟ وكيف ينتهي عذابهُ وعذابي؟ )

أنفتح الباب توترت وكورت الورقة بيدي
قُــسَـم: صح النوم ياحلو شلونچ ؟

ذَهــب: الحمدلله احسن .

قُــسَـم : لمحتچ من طلعتي من الحمام
محتاجه شي ، أكيد جوعانة ؟

ذَهــب: بلاعيمي توجعني ما أشتهي
بس فدوة كــانـــون طلع من المستشفى ؟

قُــسَـم : لا وين تحت المراقبة يظل اقل شي يومين تلاثة.

ذَهــب: ومنو يتحملني هل أيام يول يا قُــسَـم والله
بعد ماعندي حيل اتحمل المغثه .

قُــسَـم : حقچ ومحمد كل مصيبة صغيرة وچبيرة تصير دگ ملاطم
تنشمر براسچ ، والكل ينگلبون ضدچ واولهم عمو فراس
ابو المصايب ، بس هل مرة أعتقد تختلف عمي ماراح
يغلط ويطلعچ من البيت خوفًا ؏ كــانـــون يعرف ابنو
مايمشي ؏ مايهم وما يسمع كلامهم ، ويمكن كــانـــون
من عرض نفسو للخطر اخر مرة عمي صدگ كلامو 
من إعترف بحبچ مقابيلهم .

ذَهــب: كــانـــون يحميني من داعش مايحبني ولا اني احبو .

قُــسَـم : ؏ منو تضحكين عيوني ذَهــب الحب واضح بعيونچ
من ادحكين بوجه كــانـــون عيونچ تضحك وتلمع
وهو ينسى الكون بكبرو ويركز بيچ وحدچ .

نزلت جسمي ؏ مخدة وبقيت بس ادحك بعيوني
ضحكت وهمست بصوت معاكس الملامح الفرح
قُــسَـم : الحب حلو بتعبو ، بتضحياتو ، بوجعو
بالبعد وبالقرب بكلشي حلوو بس بشرط تحبين
الأنسان الصح ، إنسان يضحي بنفسو الخاطر
تعيشين مرتاحة .

ذَهــب: ليش هجست ( حسيت) الحزن بصوتچ ؟

قُــسَـم: لان حبي مستحيل ، قلبي بعيد .

ذَهــب: شنو مافهمت ؟

قُــسَـم: گلبي بعيد عن الحب وهل سوالف التعبانة .

ذَهــب: ودوهان ؟

قُــسَـم : اني ودوهان زيت وماء ما نجتمع بيوم
ولا نتوالم ، وكل ما تزيد ايامنا سوية يزيد النفور .

ذَهــب: صدمة قُــسَـم يعني ماتحبين هل شخص
عليش تتزوجون وتعذبين نفسچ وتعذبي
مو هل ايام كلهن من عمركم .

قُــسَـم : مجبورين هو مايطيق اسم قُــسَـم
ولا صوتهه ولا شكلهه واني مثلو ، بس يا شريف
يخلصني ويخلصو ويوافقون ؏ انفصالنا .

وكفت والدموع بعيونهه ابتسمت
وكملت كلامها تريد تغير الموضوع: يولو أخذتني السوالف وياچ
اروح اجهز صينية اكل حتى تشربين علاج تَـــمــوز
خبصني كل دقيقة يخابر ؏ دوهــان يذكرو بالعلاج مالتچ .

ركضت بسرعة طلعت خلتني بهتت ؏ كمية
الغموض وتجبر عائلة الدليم ، وين ما التفت
اكو ظلم وقلوب محروگة من اجدادهم وابائهم
من تَـــمــوز وكانون وهساع قُــسَـم ودوهان
الله يعلم شنو بعد من مصايب عدهم ، فكيت
الكنتور ظميت الورقة ورجعت المكاني .

ماكو دقايق ورجعت رضية بدل من قُــسَـم
شايلة صينية نزلتها مقابيلي وهي تسلم : شلونچ اليوم ؟

ذَهــب: الحمدلله .

گعدت يمي طبطبت ؏ ايدي وهمست
بصوت شبه مسموع : لا تطلعين خارج الغرفة
بنتي لايصير بيچ شي لو تسمعين كلمة مو حلوة بحقچ
وحق كــانـــون ، أبقي بالغرفة هل يومين خلصيهن
شلون ما چان بين ما كــانـــون يطلع وتخلصين منهم .

ذَهــب: ما اطلع والله بس امانة بداعت عزيزچ
تَـــمــوز بس تسمعين خبر حلو لو موحلو عن كانون
تخبريني بي بسرعة والله يا خالة گلبي نار تلهب .

رضية : حلفتيني بالغالي بعد وداعت هل عيون
الفيروزية الحلوة التسحر العيون والقلب بس
أسمع خبر ركض اجي الغرفتچ .

رجعت شعري وره اذني
ورديت بخجل : الحمدلله انتِ طلعتي
تختلفين عنهم عكس تَـــمــوز المتعجرف .

رضية: ههههههه شمسوي وياچ هل أرعن ؟

ذَهــب: دخلني تحقيق وانتِ تعرفين بالتحقيق
شيصير دگ بوكسات وكهرباء ومي بارد .

رضية: ماتشوفين الله سبحانه مصخم وجهو
من التحقيقات ، دخيلك ربي استغفرك
بس هو صح عصبي وبالتحقيق مايرحم بس يا يمه
الله شاهد مو لان ابني بس گلبو نظيف وطيب
واذا شخص يدخل دخيل عندو مايرجعو ويحافظ
علية بروحو .

ذهب : بهل نقطة وياچ هو صاحب وگفات حلوة .

رضية: خليني اروح ارتب المطبخ لا يلعبن علية .

هزيت راسي وهي طلعت بعد ما أكدت علية
اكل واشرب علاجي بعد الاكل ، نفسي مسدودة
اكلت شوية واخذت العلاج وبقيت بين انام واگعد
وافتر بالغرفة ، وارجع أنام وأحيانًا افتح تلفزيون
بس حتى اخلص وقت ، ومن اروح للحمام ركض
وبدون صوت عبالك حرامية ، الأيام مرت ثگيلة
بكل لحظة اتذكر مها وأمها وأتمنى أعرف حال مها
من بعد هل مصيبة وين تروح وعد منو تظل ومنو
يحن عليهه ويساعدها وهي جانت امها موجودة
محد بحالهن ولا واحد يسأل عليهن عايفين
يصرفن ؏ نفسهن من تعب الخياطة
الاحساس بالذنب دمرني ،كل ليلة اشبع نوح وقهر
ودموع وانام من وجع راسي ، من يوم رجع جلاد من
سفرو نسسيت الراحة ، الله لا يوفقك يا جلاد
وحسبي الله ونعم الوكيل بكل يوم وبكل ساعة وبكل ثانية .

أيامي ثگلت والزمن بطيئ يمشي والسؤال يتردد
براسي (أنـه عليش هين واخوتي بوسط الموت وحدهم)
معقولة اظل اتنازل عنهم ، المفروض هساع أنـه يمهم
احميهم من كل داعشي ومن كل متمرد قذر
شنو فائدة وجودي هين بس اريد أعرف شنو الفائدة ؟

هلكت موتت نفسي بس من التفكير ونمت
الفجر ، فزيت ؏ حركة بالغرفة من فكيت
عيوني لمحت زلمة طلع من الغرفة رفعت
ايدي ؏ شفايفي اعصر بيهن من التوتر
منو هذا ؟

نزلت من السرير وطلعت من الغرفة غسلت
ورجعت لفيت نفسي بالبطانية الجو يجمد
ماكو ثواني ورجعت اسمع صوت حركة
رفعت راسي وجسمي بنفس الوقت
ذَهــب: كــانـــون رجعت !!

گاعد ؏ تخم مبتسم شابك ايد بـ ايد
يهز برجلو ويبلع بريگو فكيت
اديناتي وهمست ودموعي تنزل
؏ خدي : عادي تحضني .

دنج راسو ورجع صدرو للخلف
ماتحملت وگفت وركضت بتجاهو
نزلت ؏ ارض وگعدت رفعت راسو
وتقربت طبعت بوسة بطرف شفايفو
بلا وعي ، حواجبو مطبوگه ما طايق كلشي
خفت وتراجعت وزادت دموعي وشفايفي
ترجف ايدي ترعش همست : عيوني انتَ زعلان مني ؟

شهكت واقتربت أكثر: أخر أنسان اتوقع يثگل وجهو بوجهي انتَ
أنـه قوية بيك لا تكسرني بجفاك ، ما اتحمل حتى انتَ تصير ضدي .

مابدر منو اي رد فعل گضبت ايدو
وطبعت بوسة طفيفة بداخلها : أني اسفة كــانـــون
ما تتكرر بعد ما تتكرر، أنـه اخاف عليك وعلى عائلتكم
اذا يصير بـ أهلك مكروه لا سامح الله منو يفيدك اني .

كــانـــون : اي انتِ ، بهيده عليَّ أنـه تاليتي ؏ ايدچ .

ذهب : لا تفكر الخاطري لا تتردد
وحضني حظن المهيوب .

كــانـــون : المتعوب .

ضربت ؏ رجلي وجهي وصحت
بصوت متألم بس خافت بس يسمعون
صوتي وصوتو طالع يرگصون بچفيه : اهون عليك تنزل
دموعي من برودك ، كــانـــون لا تعاقبني بيك انتَ اخر امل
بحياتي أنه متمسكه بهل عذاب لان انتَ ويايَّ واعرف بيك
تحميني بكل مرة .

كــانـــون : ياريت إستمر حذر واظل مبتعد عنچ
اخاف اقترب وترجعين بكلبي تضربيني .

ذَهــب: حقك تزعل مني طلعت وابتعدت بدون ماترضى
علية ، وتعمدت ماتعرف مكاني ، بس المصلحتك انتَ
دحكت ورقة التهديد ترعب .

كــانـــون : كم مرة أعيد وشكثر تردين أكررها
أنـه قابل بالتعب والتهديد والخطر ، عليش ماتفهمين
هل نقطة بالذات انتِ بكلشي ذكية بس من توصلين
الكلام كــانـــون تتحولين غبية ، شكثر مطلوب اعيد بيها
لو تشوفين السلاح براسي لا تفكين ايدچ من أيدي
خليهم يموتوني وانتِ لا تتصرفين بطيش وترووووحين
مني .

ذَهــب: وتموت حتى تحميني من اهلي ؟

وگف يتنفس سريع بحيث صدرو يعلو يهبط
صاك ؏ اسنانو ، بملامحو ضعف الكون كلو
وصل للباب ورجع بتجاهي أنـه نزلت راسي
اعصر بعيوني اريد ادحك بس الدموع تحجب
الروئيه مني .

كــانـــون : منين ما افكر بيها واحسب حسابهه واضربها
حاسبة هي مصيبة ومحد مستوعب صعوبتها غيري .

مشيت بتجاهو وهمست : اني المصيبة ؟

دحك علية وخنزر لزمني من زندي سحبني
حيل ضربني بصدرو وبيدو الثانية يضرب
بـ اصابيعو ؏ راسي : شغلي هذا شغلي راح تموتيني .

ذَهــب: الله يخليك لا تصير غامض بكلامك والله
ما افهمك من تسولف هيچ ويايَّ .

كــانـــون : شنو الغامض ذَهــب معقولة حبي ما مبين
بعيوني بحركاتي وتصرفاتي أنـه ما اعرف اعبر
لان الحب بالنسبة ألي افعال ، لو ما احبچ أعرض نفسي
واهلي للخطر ؟

وسعت عيوني وابتسامتي فضحتني عضيت
شفايفي السفلية ورجعت ايدي وره ظهري
وملامح السعادة تتراقص ؏ وجهي : اي إي اضحكي
احرگيني واضحكي .

مشيت ؏ أطراف اصابيعي ورفعت نفسي
همست قريب من أذنو : ما عاش ألي يحرگك ابو سمرة .

رجعت مقابيلو واحس شوية وأطير عجزت
أفهم گلبي ما أحب إعترف بمشاعري بس
تصرفاتي تعكس فرحتي رجعت شعري
خلف اذني هو رجع خربط شعري بيدو
وحضني : إقترب ويحولني حبچ غيمة بسمات الصيف
وكلشي بيَّ يصيح أرجع ضيع بطعم الشفايف
واحضنچ حضنت المتعوب ، وأعيل ولاعب اصابيعي
؏ خصرچ واخلي ضلوعچ تصرخ التوبة .

دفعني ؏ حايط نهش شفايفي السفلية
بلهفة الرعشة اعتلت جسمي بكثر ما
كــانـــون تحيط هالة الهدوء شخصيتو
بكثر ماتنعكس وبتهور ويتغير من يقترب
مني ، الحد مانگطع نفسي ابتعد حط
جبينو ؏ راسي وبـ أنفاس لاهثة يبتعد
يوزع بوستات متفرقة ؏ وجهي ورگبتي
- يول هوبا شعملتي بحالي .

فزيت مرعوبة ؏ ضربات الباب توترت
مسح على وجهو وراح بعيد مني يريد
يرجع صوتو وبحركات فوضوية صاح : منوووو ؟

قُــسَـم: أدخل ؟

كــانـــون : احچي شكو ؟

قُــسَـم : تَـــمــوز خابر يگول ضروري تتواجد
جوة بغرفة جدتي عندو خبر مهم الفراس .

كــانـــون : هذا بطران خيولي هل هِتر
يخربط بالحچي ومابيَّ حيلو .

سمعت صوت اقدام قُــسَـم تبتعد
رجع سحبني ونزل ؏ چتافي باسو
ورن التلفون مشيت عنو گعدت
؏ تخم وادلك برگبتي من الفشله والخجل
رد هو بس شنو صار نار من العصبية: شبلاك فصل عگلك
ماتوب مني بس يوووم واحد نعيش بلا مشاكل مايصير.

تَـــمــوز : بشرفك تنزل يول غير اجيت
ويايَّ قنبلة اليوم اجلط ابوووووك اي ومحمد اليوم القاضيه .

كــانـــون : اچل وحل يالعار تجلط أبوي شنو
ول ومحمد افصل عليك البس رجلك بمكان راسك .

تَـــمــوز : بغلات ذهب تنزل ول وصلت شصار عليك .

كــانـــون : نازل .

تَـــمــوز : لا يا هتلي صار ساعة اتوسل من ذكرت
ذهب قبل امممممممممم منو ابووووك تموتون ؏ نسوان .

طبگ التلفون بوجهو ورجعو بجيب البنطلون
رفع شعرو وهو صافن بوجهي يحفظ ملامحي
كــانـــون :يولو سمبتيك اروح دقايق وارجعلچ .

قلصت عيوني وبضحكة سألتو : شنوسمبتيك ؟

طبع بوسه ؏ رگبتي وهمس قريب اذني : ريان العود .

طلع بسرعة دحكت قُــسَـم گاعدة ؏ درج
مشيت بتجاهه وهمست : شعندچ هين ؟

قُــسَـم : مسرحية لا شنو مسرحية فيلم رعب
جديد حصريًا الفوفو .

ذهب :ول ومحمد لو يعرف فراس بلقب فوفو
يعدمكم عدم واحد وآحد واولكم تَـــمــوز .

قُــسَـم: اذا طلع اليوم سلامات يعدم تَـــمــوز
بدون مايعرف بلقب فوفو .

دخل تَـــمــوز سحبتني من ايدي گعدتني
بوسط الدرج وهي ويايَّ مركزة: وصل اليوم يلعب لعب .

تَـــمــوز: الله حلم حياتي كل حبايبي مجتمعين بغرفة
وحدة جعلني انحرم من هل شكولات التعبانة ليوم الدين .

گام جدهم ضربو ؏ راسو
هو ركض الفراس : فوفووووو احميني خايف .

فراس : من كون جيرة وخفت لهل وجهه روح
منييييي روح .

تَـــمــوز : وداعت عيونك أنـه اعرف اليوم ما ابات بلبيت
بس اجيت اهجم حياتك مثل ما تهجم حياتي
صار كم يوم حارمني من امي ومانعهم يخلوني
اگعد وياهه اطلعهن من عيونك والله .

فراس : واحد بياع حچي ما ادوخ نفسي وياك .

ضحك تَـــمــوز بس شنو ضحكتو شريرة
وعافهم وطلع : هذا وين طلع شنو بس لهنا وخلص .

بقيت بس صافنه أتعجب عليهم وعلى مشاكلهمً
وكرهم وحقدهم ، رجع يمشي بثقة ورزانة
شايل طفل عمرو تقريبًا سنتين يلعب بشوارب
تَـــمــوز ، وراه بنية شابة تشبهو ، دخل ؏
حجره جدتهم كلهم موجودين عمامو ونسوانهم
والأحفاد حتى دجلة وبناتها گاعدات .

اول ما دحك جدهم الطفل والبنية تهستر صاح
بتموز : ومحمد اذا تطلع متزوج بدون علمي .

قاطعوا وهو يضحك : اي جدي شسووووي ؟

گضبو من قميصو تَـــمــوز بسرعة نزل الطفل
واستمر ؏ ضحكتو المستفزة : جاوبني سويتها يا تَـــمــوز
عصيت أهلك وشمرت كلشي وراك وتزوجت .

بكل هدوء دنج ايد جدو من ملابسو
وهمس : جدي جاوبني اذا اتزوج بدون علمكم
واجيب زوجتي وابني للبيت شتسوي .

ابو فراس : أفرغ شاجور براسك .

طلع تَـــمــوز السلاح ورفع ايد جدهم وثبت
المسدس وجهه بتجاه فراس :صير زلمة گد كلمتك
وفرغ الشاجور برأس ابنك .

عاف جدهم جامد كالتمثال بوجه فراس
وتحرك اخذ ايد الطفل وگعدو بحضن
كــانـــون وهو يتشمت بلغو : اقدملك اخوك كرم هههههههه .

هز كــانـــون راسو مصدوم: انتَ چذاب شوكت
صار ومن شوكت ابوية متزوج ومخلف هل اثنين .

وگع تَـــمــوز يضحك ضحك بهستيرية
؏ تخم يدحك ؏ فراس ويأشر ؏ بنية ويصفگ بيدو
ويضرب رجلو بالأرض : هههههههههههه عبالهم بنتك
لا يا الله ، يول حبيبي كــانـــون هاي نفسها ام الطفل
حرمتو الـ أبوك.

كمل كلامو وهو يدحك ؏ جدتهم : هااا جدتي بشريني
شلونها جنتچ الجديدة بعدها صغيرة
الصراحة فوفو يعرف يختار ؟

كــانـــون : بلعت السانك سمعني صوووووووتك .

گعد ؏ تخم منزل راسو وجدهم وگع السلاح
من ايدو وعمامهم كلهم بحالة صدمة
الكل ما مستوعبين شنو صار يمكن ما يتوقعوها
من فراس ؟ احتمال بسبب عمر البنية وشكلها ؟
شكثر سمموني بالكلام على الحجاب وزوجتو
مو محجبة ؟

بخطوات سريعة راح كــانـــون بتجاه ابو
وصاح : أنكر الموضوع گول تَـــمــوز چذاب
وانتَ ماتسويها وتزوج هل طفلة .

أنفجرت ام كــانـــون بعد سنين
من الصبر والتحمل طلعت هموم
گلبهه كلو : شني يمه مبهور من ابوك
قابل صعبه علية ، هو من يعادي اخو ويفرح بموتو
وياخذ حرمتو ويعشگهه ويعذب ابنو ويحرمو من امو
مايسويها ويتزوج بزر احفادو المفروض .

كــانـــون : تحچي لو البيت اهجمووووووووو
هل طفلة زوجتك ؟ وينهم اهلهه وينهم هددتهم
ساومتهم شسويت بس فهمني شسويت .

رفع فراس راسو ومن دون الموجودين
ركز ؏ ردت فعل ام تَـــمــوز رضية
وهي همات دحكت بتركيز علية ابتسمت
وهي تهز بيدها وطلعت من الغرفة هو
تخبل دفع كــانـــون ويريد يطلع وراها
گضبو منعو يمشي وصاح وهو يشتاط غضب
_ ووووين ترررررروح أثبت وفهمني.

فراس : تزوجت ؏ سنة الله ورسوله شنو الغلط بالموضوع .

كــانـــون : طفلة تتزوج طفلة ؟

فراس : وانتَ شنووو تحاسبني ؟

كــانـــون : عجل بس انتَ تحاسبنا ؏ كلشي
يخص حياتنا ، اذا انتَ تتزوج طفلة عليش
عارضت دركْان وزواجو ...

داخ جدهم وگع بالگاع يلهث كملت ام
كــانـــون ولطمت ؏ وجهه : هو حلال هو زلمة ومتمكن
وقادر يزوج اثنين واربعة واي وحدة يأشر عليهه
بس ولدي و ولد اخوانو حاكمهم بجبروتو وماكو غير الله
الجبار ، ول انتَ شكثر باطل عشت گبحي وتموت اناني
لئيم من الله لايوفقك اشششششششوف بيك يوم يا فراس .

هجم عليهه ضربهاا بالمحبس ؏ سنونها
شاغت روحهه بقت تصرخ فقد كــانـــون
ودفعو ؏ حايط يصيح بي وهو يغلي : لا تضررررربهااااااااا
ايدددددددددددك هااااااي ما ترفعها ؏ امي اياااااااك والله
گاضب روحـي بالشافعات عليكككككككك تمنيتك مو ابوي
ومحمد اخذك سياحة ؏ جهنمممممممم الحمرة .

تَـــمــوز : وبعد وبعد الله يعلم شنو وراك يا فراس .

فراس : لا تسمعني صوووووتك يا عااااااار .

ام كــانـــون : تروحلووووو فدوة ونذر تغار منووو
لان يشبه ابووو الله يرحمو تمنع امو لان تعرفها
تحب اخوك وتعشق تَـــمــوز لان يذكرها بـحبيبها
بزوجهه بحب حياتهااااا .

فراس : لا يا چلبةةة ؏ هل كلام يول الله انتِ طالـ.....

تخبل كــانـــون دفعوووو وصاح بي : لاااااااااااااااا
لاتنطقها ومحمد تصير مو خوووشششششش وياك
وتلگاني عدو بعيونك وين ما تلتفت احترم نفسك
لان بعد ما اگدر اگضب روحـي واتحمل اكثر .

فراس : شني ولية مخانيث علية هساع اسطركم
هين اموتكم بشاجور واحد واولكم هل گوا....... .

يأشر ؏ تَـــمــوز وهذا گاعد وفاتح اديناتو ؏ تخم
ام كــانـــون : مو زلمة لو زلمة ماتزوج بزر احفادك
وتخلف منها ول يالله شكثر ابوك ما منطيك تربية
اعذرني يمه كــانـــون تزوجت واحد مثل ابوك
نفسو دنيئة وعيونو ماتشبع .

جرتها جدتهم وملختهه من راسها
سحلتهه للأرض: ماتستحين انتِ تشحنين الولد ؏
ابو ترديهم يتكاتلون بيناتهم هجامات البيوت
امهات الشوارع تريدن تهجمن بيتي شكووو بيهاااا
يتزوج بعدو صغير ونسوانو عجايز يريد يجدد شبابو
بهل بنية شعليكم اخذ من جيوبكم لفلوس حيوانات .

ام كــانـــون : عجايز لان عدنا زلم وبنات متزوجات
وعندي وعندو احفاد هووووو صار جد ، شني ابنچ
يريد ياخذ زمانو وزمان غيرووووووووو مايشبع
مايمل .

دفع كــانـــون ايد جدتو وصاح بوجهه
متهستر من تعاملهم رفع امو ويحچي
بصوت خشن عالي الأبعد الحدود
_ عيب عليچ هل كلام يولوووووو
هذا تزوج بعمر احفاد احفادچ ، انتو شنووووو كلهم
باطلين مابيكم واحد شرررررريف .

ابو فراس : أحنا مو شرفاء كــانـــون ؟

كــانـــون : شدگول انتَ شرفاء طبلون للغلط .

ابو فراس : حالنه من حالك ما نعرف بي .

كــانـــون : لو واحد بيناتنا غلطان غير ابنك فرررراس
چان هساع هووووو بسابع موووته بس هذا فراس
يغلطططططط وانت الممنون وتغطي ؏ اغلاطوووووو
الى متى تبقون بهل همجية يولووووو انتو شنو من بشررر
فهموني انتووووو شنوووووو اني ما استوعبكممممم
انتووووو باطلين مووووو شررررفااااء .

شال التلفزيون هطرو بالارض صار وصلتين
واكو مزهرية چبيرة بزاوية الغرفة شمرها بالحايط
تناثرت عليهم البنية شالت ابنها وركضت برة
طلع فراس وراها سحلها من شعرها وگع عليهه
بوكسات ويضرب راسهه بالأرض
وهي بعدها صغيرة تصرخ وتستنجد
والطفل يناشغ وجهو صار ازرگ وعيونو
حمرة دمممم من البچي والخوف يرجف
نزلت ركض شلت الطفل وكانون وتموز سحبوا
فراس من فوكاها بس بعد ما لبنيه نفتح
راسهه والدم يجري ؏ كاشي ملئ المكان كلو .

ام فراس : يبووووووو ماتت ألبت بحظك وبختك
يا تموووووز يا چلب يا حييييييوان يا هِتر .

تَـــمــوز : أنـه موتتها لووووو ابنچ العاااااار .

ضرب فراس ايدو بالحايط وهجم ؏ تَـــمــوز
ضربو بوكس ؏ وجهه وگع بالگاع
وهذا تهستر نريد نسيطر عليه ماكوو فقد
گضب فراس وگع عليَّ بوكسات وراشديات
وفراس صح جبيرة بس بحيلو ضربة من تَـــمــوز
وضربه منو عمامو يدفعون بيهم من يدخل واحد يفاككهم
ينضرب وياهم كــانـــون دوهــان گاضبة حتى الجرح
ما ينفتح موزين علية كل شوية يتخيط
هلك فراس وتموز ستند ؏ حايط ونزل مد رجلو
يريد يجر النفس مايگدر وفراس أخوته يغسلون
بوجهه ويسبون بتموز متخبلين شلون يرفع ايدو
؏ عمو ويضربو .

اخذت الطفل وركضت فوگ غسلت ايدو وجهه
بالحمام ودخلتو للغرفة احتاريت شلون اسكتو
خطية صار اصفرررر ؏ اخضر اختنگ فرد مرة
عندي نستله بالمجر قُــسَـم البارحة بليل انطتني
فتحتها ألو بس هو فاقد الولد يريد امو
گعدت ابچي وياه تذكرت عزيز من تاخذو امي مني
حتى تعاقبني بي ، نهاريت وهو نهار دخل
كــانـــون نهبط ؏ منظر : شبلاچ ذَهــب منو وياچ .

ذَهــب: خطية يريد امو .

كــانـــون : المفروض تسكتي ذهب مو تبچي وتزيدين خوفو .

ذهب : شسوي والله الموقف صعب صارت مذابح جوة .

شال الطفل يلاعب بي ويحاول يسكتو هو يناشغ
ما يتفاهم نومو ؏ ايدو وصار يهز بي ويفر بجسمو
ويدندن بـ آيات قرانية الى ان نام وهو يشهگ .

دنج ؏ سرير بكل هدوء نزلو ورفع الغطوة علية
تخصر متألم مشيت بتجاهو حظنتو من ظهرو
ذَهــب: شصار البنية وين ؟ ابوك وينو ؟ امك ؟

التفت حظني ورد بصوت مرهق : البنية دوهــان وتميم
وابوية اخذوهه للمستشفى ، وهذا تَـــمــوز اخذ امو رضية
وطلع بدون علم ابوية وبس يرجع ويعرف يموتو خلاص
هو كلشي ولا رضية تطلع من المهجوم يتخبل .

رفعت راسي طبعت بوسة ؏ خدو ورديت
اريد استفسر أكثر: عليش معقولة يحبها ؟

غمض عيونو ؏ اثر بوستي ورد بصوت
خدران : ولهان بيهه ولهان .

ذَهــب: منو ؟

كــانـــون : أنـه ولهان بيچ هوبا .

رجعت طبعت بوسة ؏ خدو الثاني
وهمست بصوت هادئ: أحب اسم هوبا بصوتك .

كــانـــون : وانه هيمان بيچ كلچ .

ذهب : برأيك استاهل .

كــانـــون : وحدچ تستاهلين حبي وروحي وقلبي
وعيوني وكلي الچ كلي .

دنج يبوس برگبتي ابتعدت ؏ صوت صراخ
جوة ضحكت ؏ منظر وموقفنا وهمست : الناس بالناس
والگرعة تمشط بالراس .

أبتسم ورجع شعري صفن بعيوني
وهمس بضعف : ذات العيون الفيروزية
محتاج وجودچ ويايَّ .

گضبت ايدو واني اعدل ملابسي بيدي
الثانية : يمك مستحيل اعوفك لحظة وحدة
بس دير بالك ؏ نفسك لا تحصل ضربة تايهة
هي شو كلهم ما يتفاهمون ايدهم والدم والموت .

أومأ براسو وطلع واني طلعت وياه
تقربت ؏ قُــسَـم تدحك عليهم من فوگ
ذَهــب: ماتملين من المتابعة ؟

قُــسَـم : غليل گلبي برد شوية من نكشف هل فراس
بهذل حياتي وطلع هو عربيد من جوة الجوة يضخ
سم ويتزوج ويخلف براحتو من الله لا يوفقوووووو .

ذَهــب: شمسوي وياكم هل فراس من مصايب بحيث
كلكم تفرحون من يتأذى ، وتسعون تكشفون سوالفو
التعبانة.

قُــسَـم : كلشي بي مصايب ، دمار ، ذل ، اجبار
تعذيب ، سببو هل فراس .

گضبت ايدها طبطبت عليهه ورجعت للغرفة
من سمعت صوت الطفل خطية نمت وياه
؏ سرير العب بشعر راسو رجع نام خفت
يگعد وبعدهه امو ماكو ، عدلت شعري ؏
مرايا ونزلت ادور ؏ كــانـــون سمعت صوتو
بغرفة جدتهم رفعت شوية من دشداشتي ودخلت
وگفت مقابيلو دنج راسو يدحك علية
وبيدو التلفون يخابر : شصار ؏ ام الطفل .

رد بصوت هادئ سلس مچتف اديناتو الصدرو
وملامحو صافية : مخيطين راسهه شوية وتطلع
عدها ارتجاج بالدماغ .

ذَهــب: اووووووي خطية بعدهه طفلة حسبي
الله ونعم الوكيل ؏ كان السبب .

ام فراس : تتحسبين ؏ ابني بنت داعش
يا شلولو يحوبه صار كم يوم مثل اهلچ الجرذان
تختلين بالغرفة وهساع من رجع طلعتي راسـ ...

رگع التلفون بصف راسها كلش هيج شوية
يطشر راسها رجعت للخلف سديت شفايفي
بيدي هو برد گلبو راح بتجاهه والغضب
مستولي علية : لا تجاااااااااوزين عليهه ، لا ترفعين
صوتچ بوجهه ، لا تصيرون شررررفاء براسهه
وانتو اسفل السااااافلين متشبعين بالباطل
عايشين ؏ خباثة ، تعبدون الشيطان انتووووووا
تعبدون شيطان .

سحبتو ام دوهــان تلطم ؏ وجهه : يولوو جدتك هاي
عيب يمههههه عيب اول تالي كــانـــون تجاوز ؏
كبار العايلة .

كــانـــون : يا كبار دخيل الله وعبادة
هي هلكبرها الدودة بيهم بس تهدم عماير .

اخذني من ايدي وطلعني وجدتهم صوتهه
رج البيت بكبرو : يبوووووووووووو يا هضيمتي
العاقل بـ أحفادي يريد يمووووتني يبووووووووووو
يولوووو لحگولي يولووووو مصيبة والله مصيبة
البيت نهجممم يماااااييييييي يمممه .

هو اخذني بنفس ملابسي وصلني للكراج
وطلع جدو وعمامو من المضيف يتراكضون
؏ صوت جدتهم : شبيهه جدتك ؟

كــانـــون : دودكية .

كمل جملتو وطلع من البيت كلو فتح
بيت تَـــمــوز ودخلني بي ، همزين ملابسي
مستورة سد البوب ونسمع الصياح مالتهه
مستمر گعد ؏ تخم ايدو ؏ راسو ، إقتربت
نزلتها وبكل بساطة وعلى خفيفة دلكت
راسو ، رجع نفسو ؏ تخم ينطيني مساحتي
ايدو من العصبية صايرة نار ، مرت دقايق
وهو ساكن ، تجرأت وبـ اصابيعي رسمت
ملامح وجهو التعبانة ، تسللت ايدو
حاوط خصري وسحبني بتجاهو : أبيت روحـي حدر
چفوفچ الترفات ، الحد ما تطلع النجمات ؟

ذَهــب: كُلي لك .

رفعني وگعت بحضنو ، وزع بوساتو بكل مكان بوجهي
بادلتو لهفتو بكل شغف ، ومن بعد ايام طويلة من زواجي
أنـه وياي وبعد كل الصار عشت أنـه وياه ليلة من العمر نسيت بيهه كل الكون وهو تجاهل كل الناس داير ما دايرو .

طول الوقت بقيت نايمة حدر جفوفو مثل گال
الفجر گعد دخل سبح وفرش السجادة يصلي
وگعد يلعب بالتلفون دقايق وطلع من الغرفة
اسمع صوتو يحجي بصوت ناصي : ماعندي اب من اليوم أنتهت
علاقتي بي وبأقرب فرصة أبلغ دركْان بالصار وهذاك مهبول
بهل سوالف يعرف شلون يتصرف وياه ، لا تخابرون
وعلى امي باجر أخذها يمي .

يسمع ويرجع يجاوب بس محروگ كلبو
بس كمل ، صار قريب مني رفع الغطوة
سحبني ؏ ايدو ودفن وجهو برگبتي
ورجع نام وعلى دفو المكان أنـه همات رجعت .

ثاني يوم طلع قبل لا اگعد تأخر الى ان رجع
وظل بالي يمو ، رتبت البيت ، وسويت بيضه
اكلت شوية وبقيت اتفرج تلفزيون الى ان رجع
وامو وياه ، بس دخلت ودحكت علية بجت
هو يقفل بالبوب وهي فاتت قبلو من سمعها تبچي صاح
كــانـــون :شكوووو يا ستار ؟

مسحت عيونها وطلعت وگفت بصف الباب
الخارجي : أخذني لهلي أنـه ما اريد اعيش وياهه
ما اطيقها ولا أحبها .

كــانـــون : شسوت وياچ بشنو أذنبت تره انتو تخبلوني
موتت واحد منكممممممممم .

ام كــانـــون : اخذني عليك الله.

كــانـــون : الخاطري تدخلين ومحمد ذهب طيبة
ونقية يا يمهههه جربي ابقي يومين هين اذا
الوضع ما يعجبچ أنـه بيدي اوصلچ البيت اهلچ .

ام كــانـــون : لا تجبرني اروحلك فدوة وصلني .

اخذها وطلع بقيت مصدومة منها عبالك
عدوتهم مدري شبيها هاي الناس
رجع بليل عرفني ضايجة من الموقف
قبل لا احجي حضني وباسني رفع ايدي
ظل يبوس بطنها ، وشالني وهو يضحك : مشتاقلچ .

ما رديت بس حظنتو ودفنت وجهي برگبتو
هو يصعد الدرج ويحچي ويايَّ: وانتِ ما تشتاقين الزلمتچ ؟

ذَهــب: يعني اشتاقيت شوية .

كــانـــون : وانه چثير .

كمل ونزلني ؏ سرير ودخلني العالمو الخاص .

بعد هل يوم تجنبت اسأل عن وضع اهلو
ومشاكلهم وهو مايحب يذكر شي عنهم
عشت أنـه وكانون أحلى ايام حياتي
حنانو ، ، عطفو ، هيچ رؤوف بكل تصرفاتو
ويايَّ ، مايحب يحاسبني حتى لو أخطأ ينصحني
ويعلمني ، چثير امور ما اعرف اتعامل وياهه
مايمل مني تنظيف علمني ، حتى طبخ يتعلم ويعلمني
واذا اخرب شي مايگول خربان يجبر نفسو ياكل من
اكلي حتى لو شوية ويگول الحمدلله يبوس راسي
وينهض ، غصبًا عني يخليني اتعلق بي وانتظر رجعتو
اذا يغيب ، بحكم عملو يروح من البيت يومين تلاثه
وأحيانًا اسبوع ويرجع كلو لهفة وحب اكثر من قبل .

فزيت من صفناتي وركزت بالمرايا رتبت حمرتي
ونزلت أركض بعد ما قفلت الغرفة مثل ما علمني
ترك مفتاح عندو ومفتاح عندي لان بيهه شغلو
طفيت النار من الجدر ومشيت للغرفة عطرتها
واول ماطلعت من بابهه جمد الدم بجسمي
وسعت عيوني واني مصدومة: ابوية امي شعدكم
هين ووووو وش وشلون دخلتو البيت مو مقفول
الـ الـ الباب .

ضحك أبوية ضحكة عجزت افسرها لوهلة فكرتهم
مو حقيقة جن واحتمال اني اتخيلهم لا يمكن أنـه بحلم
اي اي مو حقيقة هذولي حلم .

امي تقفل البوب ، واني رجلي نشلت ؏ وگفتي
ما ادحك ابوية غير طلع سچين وركض بكل سرعتو بتجاهي
وضربني بوكس ؏ بطني طلعت روحـي بي
سحبني من شعري ثبتني بالارض
وامي اجت طلعت من جوة عبايتها كارتون
ملطخة بالدم دنج راسي ابوية بمستوى
الكارتون وفتحوها : هذا رأس اختچ هَــيـلانـة .

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد