رواية تجبر أحفاد الــ دليم الفصل الخامس وثلاثون 35 - بقلم اسـاور حسين 🦢✨

تَــجــبـر أحفاد الــ دلــيـم🦅
         بقلمي : أساور حسين
المُلْتَقَى _44 _

بعد شيسوي بينا الضيم غُربة بنص اهالينا!

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
تَـــمــوز ...

بين النايم والگاعد أفكر بالصار بيَّ وين جنت وين صرت
دوامي ، واجبي اتجاه وطني ، حبي وزواجي ، عائلتي
كلها ؏ المحك بسبب انسان مريض نفسي يحب الخير النفسو
يعشق فقرة الكُل بحاجة فراس ، اخذني تفكيري النقطة متعبة
رجعت للواقع ؏ صوت ألباب ينفتح جذبني حركت الأقدام
بطيئة حذره ، سرقت النظر ورجعت سديتها ؏ سريع
گازو بيدها ورقة شنو تسوي بيها بشنو تفكر ؟؟

بقت تتحرك بالغرفة الى ان گعدت بالارض مقابيلي
انفاسها مضطربة خايفة سحبت إصبعي وضغطت بكل
هدوء ؏ بصمة تريد أبصم ؟؟

بقيت ملتزم الصمت امثل النوم بصمتني ؏ اوراق وطلعت
بطل ترش بكامل الغرفه سمعت صوت شهگاتها المتواصلة
تريد تفتح الباب وگفت ؏ حيلي وصحت بصوت متهستر
ما مصدگ الصار جدامي : مكانچ مكااااااااانچ گاززوووو .

جمدت لا حركة ولا صوت وگفت جدامها دحگت بنص عينها
بدون رد فعل بس جنت احاول ابرر الصار جدام عيوني
سحبت الورقة من أيدها اقراها وهي بس الدموع تقطر
؏ وجهه وملابسها ( ورقة تنازل عن كل الأملاك)

تَـــمــوز : ليش ؟

وگعت جوة رجلي ابتعدت منها بس حتى ما اتهور واضربها
اذا اضرب ادمرهاااا خلاص انهي عليها اعرف بنفسي
اذا ابدي بالضرب ما اخلصصصصص ما اخلصصصص
_ تجاوبين لو اعلمچ الكلام من جديد ؟

گازو : غصب عني وروح أختي .

تَـــمــوز : تغدريني تغدرين بيَّ يولووووو ؟!

گازو : سامحني ..

تَـــمــوز : ليششششش ومنين حصلتي ؏ هل ورقة القانونية ؟
وهذا البطل بيدچ شنووو ؟ گضبتچ بالجرم المشهووود گازووو
بالجرم المشهود ما احتاج شهود لو احد يجي يسولف ويبرر
الأفضل تجاوبين لان الصراحة أنـه انسان بالخيانة ما إرحم
انگلب وحشششششششش .

گازو : اذا احچي يموتن أخواتي اثنينهن اضربني موتني
المهم اخواتي ما تنمس شعرايه من راسهن خسرت وحدة
ما اتحمل اخسر الباقي .

تَـــمــوز : يولوووو شكثر انتِ عار وساقـ**** تخافين
اخواتچ يصير بيهن شي وتخليني اتخبل وافقد عقلي
وعائلتي تدمررر حتى اخواتچ مايصير بيهن شي .

هجمت عليها بلحظتها ما اعرف شنو الصار
وماگدرت أتحكم بعصبيتي ضربتها الى ان
تعبت ابتعدت ألتقط انفاسي ، درت وجهي حتى
ما اغشع الصار بيها بقيت افتر بالغرفة بيدي الورقة
إقرأ بيها وارجع اكررها ما مستوعب صحت
وانه بيني وبين فقد عقلي خيط : منين جبتي هل ورقة
تسولفين لو اندمج ؏ كل لحظة عشتيها بهل بيت بكرامة
وحب واحتواء عشتي ملكة انتِ واخواتچ ما قصرنا وياچ
لا أنـه ولا اهلي هاي جزاتي يولووووو هيچ تردين الخير .

فركت راسي واستداريت ادحگ عليش ماكوو رد منها تريد انهي
عليهه لو شنووو ؟ معتكفه ؏ ميز منتهية الوجهه متملخ وأنفها يجري دم
مغطي ؏ ملامحها يقطر ؏ ملابسها ترجف رجف تخاف حتى تجاوب
رفعتها من ملابسها بلا وعي ضربتها بالحايط وصحت
_ جاوبيني لا تشلعين كلبيييييييي منين هل أوراق يولووو يا عاهرة .

گضبت قميصي ورفعت ايدها تشرگ بالدم
وتحچي تريد توگع : أبوس ايدك بس نتفاهم لا تضربني كافي
اني احجي كلشي بس أخواتي امانة برگبتك اذا يصير بيهن شي .

شمرتها ؏ تخم وگعت بكل قوتها مصدومة مني اول
مرة تقابل هل شخصية المدمرة المصنوعة من عذاب
فراس طول سنوات حياتي ، بكل مرة تتعامل هي وتموز
المحب المحتاج حنان ولمة عائلة ما طلبت الصعب
بس حبيتها من كل گلبي وضربتني مثل فراس بالضبط
والزاد المصيبة من گعدت جدامها وصحت بيها : اسمعععععع .

گازو : تتذكر من اخذتي لبيتك قبل ما أوافق ؏ زواج ؟

تَـــمــوز : طبعًا اتذكر بنت الشوارع كملي .

گازو : بيوها عمك فراس شايف وجهي وبحث عني
وعرفني واجه طلب مني اخليك تتعاق بيَّ اكثر وبعدين اتركك .

تَـــمــوز : المفروض انصدم حركة متوقعة من نذل مثل عمي كملي .

گازو : بعدين اني خالفت كلامو وقبلت اتزوجك وهو ضربني
وانتقم مني بـ اختي هو فبرك الفديو وحط وجه اختي بدل وجهي
وعمي موتها بسببي .

تَـــمــوز : وانه ولد عمي ساعدناكم وطلعتچ منهم
ليششششش كملتي وياااه ؟

گازو : رجع يهددني ويضغط علية ودز جهاز بهل جهاز
تصوير الاخ زوجة عمي يدور علينة اني واخواتي يريدون يموتونه
وفراس هددني اذا ما انفذ كلامو ياخذ اخواتي مني ويشغلهن بملهى
بـوسط اربيل ومن المستحيل بعد اگدر اشوفهن ، واني بكل سهولة
يسلمني الهل حيوان يموووتني .

تَـــمــوز : شگد سافلة وقذرة مشيتي بكلامووو وتعرفين
انتِ بوسط بيتنا والبيت كلو ضباط شلون يوصل الچ .

گازو : رجع يهددني هو ما يبقيني وياك كلها فترة
ويبعدني منكككككك لان ما معترفين بزواجي
لا هو ولا جدكم وفراس گال اسألي منو فراس وشنو يگدر يسوي
وبعد السؤال والصار گدامي عرفته قوي وكلامه يتنفذ غصبًا عن الكل .

وگفت طوقت رگبتها بيدي الى ان رادت تموت بيدي
عفتها وانه اصرخ : شيسووووي هل عااار مايسوووي شي
راد يضربني وضربني بيچ ونبهت عليچ وگتلچ هذا شيطااان .

گازو : تعرف بي شيطان وتلومني هو لعب بعقلي والله لعب بعقلي .

تَـــمــوز : شلون لعب بعقلچ تفهميني لو اموتچ ؟

گازو : گال شربي هل بطل ورشي بكل البيت من هل عمل
وبس فترة يتمرض تَـــمــوز اخليهم يحتارون بي واسجل بيت
بـ اسمچ واخذي اخواتچ وخلصي من شري وشر عائلتي .

تَـــمــوز : وربح خبلني وخسرني أول حب بحياتي
وبعد شنووو يريد مني احجي يولوووو دام متفقين
؏ تخبلوني وتاخذون كل أملاكي وأملاك أبوية
والخطوة الأخيرة شني تموتوني جاوبيني لا تسكتين .

گازو : والقران ماعندي علم بشي ثاني حدي اكمل
هاي اخر شي البصمة وبليل اليوم نطلع منكم .

تَـــمــوز : تطلعون بـ آي طريقة والبيت كاميرات
وضباط مطوقين البيت عايشة بوسطهم تطلعين شلون ؟

گازو : سلمني علبة منوم واليوم لازم أخلي منها بالأكل
من تريدون تتعشون وبس تنامون نطلع اني والبنات
تنتظرني سيارة بالركن تاخذني للشمال ..

تَـــمــوز : شسوين بالشمال فراس يگـ ***** عليچ
انعل هيد هيداج بنت الـ ***** وشيب كل واحد يطلع
يدافع ؏ وحدة سا*** مثلچ بنت الـ***** .

رفعت ايدها ؏ أذنها وهي تشهگ تدفع بنفسها
تريد بس تطلع ضغطت ؏ أسناني والصوت
رجع تغلغل راسي صوووت صووت صراخ
وجع ألم دوخة گضبت راسي ورجعت افتر
امنع نفسي من افكاري الكافرة بحقها بلا وعي
گعدت جدامها ركزت ركزت ركزت هجست
الحرارة رجعت بعيوني : استغليتي حبي واحترام أهلي الچ
إلي أنـه زرعتو خليتهم يتقبلون وحده ساقـ **** من الشارع
وانه الغبي محترم حزنچ بس حرامات تعيشين بـ احترام
انتِ رخيصة وتعيشين الباقي من عمرچ رخيصة .

هجمت عليها عتيت ملابسها ومستمر إضرب بيها
رفعتها من شعرها شمرتها بكل ما تبقى عندي من قوة
دفرتها بس شعرها ظل بيدي تشلع ومن جهه
صارت شبه بلا شعر شمرت الشعر بالأرض
وهي تهسترت لطمت ؏ وجهه ملخت نفسها تملخ
_ أبوس رجلك كلشي ولا هاي حاربت الكل
واحتميت بيك حتى أحافظ ؏ نفسي واخواتي ما أريد
الأنسان آلي احتواني وحافظ علية هو يصير سبب كسرتي .

ضربت ؏ صدري وانه افقد اخر ذرة من
عقلي جدام صلابتها شگگت كل ملابسها : بعددددددچ تحچين يا عررررمه
تريدين اظل احافظ عليچ أنـه منوووو يعوض نزف گلبي منوووو ؟
هدمتيني بچيت يمچ وسولفت ؏ اكثر بشر دمرني
تروحين تخلين ايدچ بيدوووو علمووووود شنووووو
يولووو كل المبررات ما تريح كلبييييييييي .

گازو : انتَ اكثر بشر نقي وطيب قابلته لا تهدم هل صورة بعيوني
اريد أظل أذكرك اذكر أنـي اتزوجت انسان كل همه يحافظ علية
ويخاف من الهوى الطاير اذا يمر مني ، تعبتك تمرضت بسببي وضربتني
شوف حالتي ؏ هل ضرب دمرني واخذت ثارك مني وحدي
عوفني اروح ما استاهل اظل بيناتكم .

ضربتها بوكس سمعت طگت رگبتها سحبت ايدها
خليتها تگعد تصير جدامي ركزت بعيونها وهمست بخذلان

تَـــمــوز : خدعتيني يالچنچ خيط العنكبوت
بدايتچ تلمع اثاريچ مثل الزجاج المفطر من اقترب يذبح .

رضية: أفتح المهجووووم شسويت بالبنية افتححححح لا اكسرو
؏ راسك وراس امكككككك افتتتتح البنية مكسورة تزيد كسرتهاا
ترريد موووو احجي وياك والله اذا تتأذه گازو بعمري كلو ما احجي
وياك بعد هينوووب تنگطعععع .

ردت اگضبها من ملابسها بس هي شبه عارية ملابسها
تشگگت محذوفه بالأرض ، رجعت شديت شعرها
وأشرت ؏ باب : تريد تتبرأ من أبنها ؏ وحده ساقـ *** مثلچ
بعدها ماتعرف ابنها حب شيطان ثاني مثل فراس العار
بس تعرفين اذا اطلع وأبلغهم بالمصايب مالتچ دقيقة ما تظلين هين
تعيشين بالشارع انتِ وبنوات اثنين ما ألهن ذنب ذنبهن الوحيد
عدهن اخت سافـ*** مثلچ .

فريت وجهه براشدي نفرت ملامحهه منو
وكملت : راح افتح هذا الباب حرررف واحد ماريد تتنفسين وتنطقين
بي مو الخاطرچ لا ومحمد وروح ابوية بس اخواتچ يكسرن خاطري
ولان عشت بالشارع اعرف شنو بي الشارع وشكثر العيشة بي
صعبه والمصيبة بنوات وياچ مو ولد ، تلتزمين الصمت الى ان
ادور ؏ مكان احافظ بي ؏ اخواتچ وانتِ احسابچ طووويل ويايَّ .

دفعتها وعبرت اريد اطلع وافتح الباب لان تفلش تفلش
من ضرب امي وگفت والصراخ مالتهه وهي تناشغ تحلف بيَّ
وتحول تسحب غطاء السرير تلف نفسها
گازو : تَـــمــوز بس لحظة لا تفتح الباب ما اريد أخواتي
يشوفوني بهل حالة لا تخرب نظرتهن اتجاهي يشوفني
مضروبه وضعيفة لازم يخافن مني حتى اعرف احافظ عليهن .

تَـــمــوز : انتِ زبالة اخاف عليهن يبقن وياچ لان الزبالة
ما تكثر بس الزبالة مثلها .

فكيت الباب دخلت امي واخواتها منهارات عيونهن حمر
رجعت سديت الباب قبل لا يدخلن ضربتني امي ؏ صدري
من دحگت ؏ حال الساقـ*** : الله يعثرك ويكسر ايدك يا چلب
هيچ تضرب البنت تصير قوي ؏ حرمه من طيح الله حظ
الشوارب الـ مربيها بوجهككككك ربي روحك وزينهن 
يا سگط يا طاغي الله ينتقمممم منكككككككك ويكسر ايدك .

انقرت گلبي فوووور من عفوية امي بعدها تظن هل شيطانه
فقيرة مثل ما رسمتها بعيونها رجعت عليها سحبتها من جوة
ايد امي وفقدت اضرب بيها بلا سيطرة: ادحگي ادافع وتغلط
؏ ابنها علمودج بالعااااار وانتِ شيووويتي بشنو تجازين هل
مووواقفففففففف فهميني شلوون تجازين .

هي إنتهت گضبت ايد امي تبوس بيها وتصيح
بضعف تمسح الدم بطرف ايدهه
_طلعي الله يخليچ حبابة كافي ابوس ايدچ دمرني
بعد ما اتحمل ضربة ثانية انتهيت .

ملخت امي شيلتها ولطمت ؏ صدرها عفتهن وطلعت
والصوت براسي رجع إضعاف قبل عبرت أخواتها
خايفات مني متمسكات بذهب صايرات خلف ظهرها
طلعت واحس كفخات تصير براسي بدون إحساس
وبكل تسرع طلعت امشي بالشارع ماعرف وين متوجهه
بس امشي وامشي الى ما لا نهاية بدون ما ادحگ وين
أنـه ولا انتبهت ؏ ناس بس اريد اهج ما گدرت أستوعب الصار
وعيت ؏ روحـي من الشوارع صارت ظلام والمحلات عزلت
وتلفوني رن رن رن رفعت الخط دوهــان سديت المكالمة
وعلى اكثر بشر ممكن يسمعني ويفهمني رنيت
_ كــانـــون محتاجك .

_ انتَ وين ؟

_ بالشارع ماريد أرجع للبيت .

- ارجع وعد يومين وانه يمك بس حالتك وصوتك ما يطمنون
كلشي صار وراح يكمل ويصير مو اهم منك محد يستاهل
الخاطري ترجع .

_ مو گلت أبني حياتك من جديد وصير قوي
بكل مرة ابني ينهدم تعبي جدامي خلصت طاقتي .

كــانـــون : تَـــمــوز انتَ ما تحتاجني أنـه ما أساعدك
ربك وحدو هو قادر يبرد گلبك
( إذا تقرب العبد إلي شبرا تقربت إليه ذراعا )
بعد ساعة بالضبط أذان الفجر اقرب مسجد أدخل توضأ
افرش سجادتك صلي صلاة الجماعة واشكي لربك
تعبك ، ضعفك ،كسرتك وابچي بـ احد بيوت الله
روح لا تتردد روح وانت تمشي ربك يريد منك تأتي
وتتقرب وتلجأ انتَ بـ امس الحاجة الى القرب .

غلق المكالمة بمجرد ما إنتهى من كلامو گعدت بالأرض
لدقايق أفكاري متخربطه بس سرعان ما نهضت مشيت
الى ان صار جامع كبير جدامي دخلت للحمامات توضئت
ودخلت لفحني هواء بارد عطر طيب غلقت عيوني والأول
مرة بحياتي ادخل مسجد ، صفنت بكمية الكتب المرتبة
؏ الرفوف ، اخذت تربه وانه احفظ تفاصيل المسجد
گعدت متوجهه للقبلة صلب گلبي صلب بهل لحظات
الى ان سمعت صوت التكبيرات رجت گلبي
( الله أكبر، الله أكبر )

الكل اجتمعوا يصلون صليت وانه
منزل راسي أخاف إرفع واحد يدحگ كسرتي
گعدت بعد ماكملت الصلاة رفعت ايدي
تلمست گلبي وهمست : الله اكبر ؏ كل شخص تسبب بتعبي واذيتي
الله اكبر ؏ من هدمني ونزل بيوم دمعتي
الله أكبر وياخذ حقي شهگت اي بلحظتها
مديت أيدي اريد ربي يساعدني لهنا وهاي طاقتي ربي
شكيت الربي حجيت كل موقف مسبب النزيف الكلبي
جنت احجي واشكي تعبان ما ادري بروحي منهار
واسولف بصوت مسموع ودموعي تقطر ؏ ارضية المسجد
هجست دخل بريتي هوى بارد وأيدي انسحبت رفعت راسي
وعيوني من الحرارة ما ادحگ بيهن بوضوح گعد يمي نفس الرجل
ألي قبل شوية كان يأذن ..

_ ما خاب من طرق بيوت الله خائبًا ربنا يُسكن قلبك يا أبني
ربنا يملئ قلبك ببلسم الهدوء والسكينة .

تَـــمــوز : تعبوني ساعدوني .

_ ربنا يساعدك هو يرى ويسمع ، الله اذا احب عبدا كشف له حقيقة الناس .

تَـــمــوز : كل يوم جرحي يزيد والجرح يصير جرحين هلكت .

_ ان الله اذا كلفك كفلك الله المستعان نام في بيتهُ اليوم
تخرج خالي من الجروح والهموم بأذن الله .

سحب اربع سجادات وهمس بصوت خافت هادئ
_ نام يا ابني نام وأرتاح .

وفعلًا عكفت نفسي ونمت بتعب وفتور بكل جسمي وعقلي
بين النايم والگاعد سمعت جهازي يرن رد علية الشيخ
اسمع ينطي عنوان المسجد رجعت من التعب غفيت
الى ان رجعت اسمع هوسة الناس تلتم بالمسجد
هجست طبطبة خفيفة ؏ أكتافي فكيت عيوني صار كــانـــون
جدامي مبتسم مد ايدو گضبتها ونهضت سحبتو وحضنتو
تَـــمــوز : الحمدلله اجيت .

كــانـــون : ما اعرفك وعدتك من جنت زعطوط وياك
اسندك واعينك ؏ كل مطبات حياتك .

تَـــمــوز : ماكو احد مثل كلبك علية بكل مرة تبتعد أحتاجك .

رجع حضني وابتعد يقوي بروحو جدام حالتي التعبانة
_ أنهض نتوضى ونصلي صلاة الظهر بعد خمس دقايق .

بين ما گمت غسلت رجعنا للمسجد صرت أنـه وياه بصف بعض 
ابتسم ومسح وجهو مليان حنية ونور من اغشع بوجهو هجست بـ امان
صليت وهو كمل سحب القران يقرآ بسورة يس بس كملها
دحگ علية: هااا نطلع .

تَـــمــوز : يلة نتوكل .

لبس حذائو ولان لابس عسكري كلها تنادي علية
_ الله وياكم يا إبطال العراق .

ابتسمت بفخر لدقايق هو خجول بس يرفع بـ ايدو ويغلق
بالسحاب مال حذاء طلعنا صعدت بالسيارة
وهو يضحك يسولف : شلون راح اعزمك ؏ مطعم يرد الروح .

تَـــمــوز : ما اشتهي والله .

كــانـــون : ناكل ونسولف شنو رأيك .

تَـــمــوز : غداء لو ريوگ .

كــانـــون : شنو تريد ؟

تَـــمــوز : قوزي لحم وببسي بارد مجرش .

كــانـــون : اي مو تدلل جنك على قوزي .

توجهنا المطعم بمنطقة معروفة بغداد مرتبة
دخلنا بس گعدنا طلب القوزي وطلع تلفونو
غلقو وحطو ؏ ميز : شلونك اليوم احسن من البارحة ؟

تَـــمــوز : بهواي احسن بس بعد منتظرني مشاكل ولازم أحلها .

نزلوا الآكل اكلت وأنه أركز بكل حركه تبدر من كــانـــون
يتصرف بكل هدوء يجبر المقابل يكون ساكن ويصبر
يبرد أعصابي بمجرد ما ادحگ تصرفاتو الرزينه
بس كملت غسلت وهو راح يغسل رجع يمسح ايدو
بالكلينكس طلب چاي وبدون مقدمات تكلم .

كــانـــون : گازو هي ساعدت ابوية بموضوع السحر ؟

تَـــمــوز : متخيل شكثر صعبه .

كــانـــون : النفس الأمارة بالسوء ، أحيانًا نغلط ونلوم نفسنا
بالوقت الضايع ، قرئت بيوم بـ احد الكتب النفس توسوس
لصاحبها كالشيطان من يوسوس للبشر ، وترجع وتوب
وتكرر غلطها بدون فهم أحيانًا المفروض نتعوذ من أنفسنا
مو بس من الشياطين .

تَـــمــوز : لا تبرر كــانـــون هذا مووو تبرير رادت تخبلني
والله شنو اخواتي اخاف عليهن وانه مافكرت بيَّ ماعندي اهل
يتعذبون من يدحكون ابنهم تخبل .

كــانـــون : القدر كتب قلوبنا تحب
بنوات من يوصل الموضوع الـ أخواتهن برغم ذكائهن
يتحولن بلا تفكير وبلا عقل ولا احساس كل همهن إخوانهن .

تَـــمــوز : گازو مآلها تبرير فعلتها دمرتني .

كــانـــون : شناوي تسوي ؟

تَـــمــوز : أذيتها البارحة أذيتها إلى درجة فضيعة .

كــانـــون : اذيتها موضوع ربنا يحاسبك علية بيوم
لان ضربت يتيمة حرمه لا حول ولا قوة وصعب
أدافع عن نفسها امام قوتك شنو إحساسك ضارب حرمه ؟

تَـــمــوز : غلطت كــانـــون وغلط مو هين وانه نايم
بصمتني ؏ اوراق تنازل عن الأملاك لأبوك بهل
حالة وتريد اسيطر ؏ اعصابي مستحيل ..

كــانـــون : وبصمت ؟

تَـــمــوز : اي بصمتني هاي الورقة بجيت بنطلوني .

سلمت الورقة قراها وسواها وصل وصل
_وأعتبر الموضوع ماصار شنو ناوي تسوي ؟

تَـــمــوز : اول خطوة أطلعها من حياتي مثل ما دخلتها .

كــانـــون : بنوات 3 صغار بالعمر وين تريد يطلعن بالشارع
اذا انتَ تقبلها أنـه ما ارضاها اذا مو الخاطر حرمتك الخاطر
هل بنوات الصغار شنو ذنبهن .

تَـــمــوز : هو تركت البيت وبلغتها ماتسولف الشخص عن الصار
الى آن أرجع ردت احجي وياك ونقرر سوية .

كــانـــون : انتَ تعرفني أنـه نقطة ضعفي النساء
مهما يكون غلطهن جبير ما احكم حكم ضدهن
بعهد الرسول اكو رجل اسمة انجشة صاحب صوت
جميل الرسول بوقتها نبه علية ( يا انجشة رفقًا بالقوارير )
نبه ؏ رجل تخيل نبه الرجل لا يحسن ويلطف صوتو جدام النساء لإن
كائنات حنونات لطيفات تغويهن ابسط الأمور الجميلة
أحيانًا عقلهن يصغر ومن الخوف مايعرفن يفكرن
حرام تصير ضد النساء بنظري حررررام .

تَـــمــوز : سبب اذيتي بعد شلون أتقبلها .

كــانـــون : لا تتقبلها بس بنفس الوقت لا تكون المؤذي بحياتها .

تَـــمــوز : دليني الطريق الصحيح .

كــانـــون : خادم .

طلعت من المطعم رجعني للبيت دخلت امي شاده رأسها
وگاعدة بالمطبخ ؏ أرضية رفعت راسها سلمت
؏ كــانـــون ورجعت دنجت نزلت ذَهــب من فوك
بقت تدحگ من بعيد نظر إلها كــانـــون بعتب
وهمس : شلونها هوبا ؟

ذَهــب: تنتظرك .

ألتفت ؏ امي وهو يستفسر: وين گازو ؟

رضية: هل مسكينة البارحة بينها وبين الموت خيط
الـ مايخاف ربو دماهه لا وجهه لا جسم صايرة زرگه البنت
ونايمة بغرفتها هي وهل مظلومات وين مايروحن يدحگن
التعذيب والضرب والعنف بس لا تصير بيهن خالة نفسية .

تَـــمــوز : وهذا الـ مايخاف ربوو هيچ وحدووو ضربهاا .

رضية: كــانـــون يمه من يمك بلغو هل عار لا يتنفس ويايَّ
ولو ادحگ علية يطحل ؏ هل ضرب والوحشية لا هو ابني
ولا اريد اعرفووو ماعندي هيچ وليد بعد ابني بس كــانـــون
ودركان ودوهان وتميم غيرهم ماعندي .

تَـــمــوز : اي أنـه مو أدمي لا تحچين ويايَّ .

اريد اطلع ضاق النفس من كلامها
وگضبني كــانـــون : هوبا من يمچ بلغي گازو عدنا كلام وياهه
واخذي البنات بغرفتنا ماريد يسمعن نحچي ويه اختهن ؟

صعدت قبلنا وهو استدار يحذر : ومحمد اذا تتصرف تصرف
أرعن لو تمد ايدك عليهه وتجاوز اضربك جدامها وانعل خيرك .

درت وجهي منو هو صعد جدامي وانه وراه
اني رادت تصعد اشر بيدو : امي ابقي هين اريد اسولف وياها
بموضوع خاص ماكو داعي الكل موجود .

كمل طريقو الباب مالتهه مفتوح دخل كــانـــون اخواتهه ما موجودات
عدلت گعدتهه تفرك بيدها : شلونچ خوية گازو .

گازو : شنو تشوف ؟

كــانـــون : بنظرج تستحقين الصار وياچ ؟

گازو : صح اني أذيتكم بس كلكم تعرفون شنو فراس
وشلون يگدر يهدد ويتلاعب بـ اكبر العقول ليش
تَـــمــوز گدر علية بس آلى ألان لاراح ولا عاتب المذنب الرئيسي .

تَـــمــوز : لان يا غبية خليني محترمچ ماريد اتجاوز عليچ جدام
كــانـــون ، أنـه كلشي متوقع من فراس ومتعود كل ما يأذيني
اني اضربو بالأقوى منها ، تقارنين نفسچ بفراس ادمرچ اذا تتقارنين
بي انتِ حبيتچ وتزوجتچ ردت اكون عائلة واستقر وياچ مو تتفقون عليَّ .

گازو : ماكو انسان يحب شخص يوصله الهل مرحلة
لو أسوي الأكبر منها لووووو لوووو تحبني ما تضربني بهل طريقة
اني وگعت بعائلة عبارة عن عداوات وتهديدات اريد اخلص نفسي
واخواتي بكل طريقة من هل مجازر ويوم عن يوم تصعب .

تَـــمــوز : مو المفروض تستحقين الحب حتى احبچ .

گازو : يا ابن الناس اني مو ادميه وسبب بقهركم واني
سحرتك وبصمتك ؏ اوراق تنازل واتفقت اني وشخص يكرهك
لا تعب نفسك بعد مثل ما دخلنا بهدوء نطلع بدون مشاكل
وماريد احد يعرف شيخ يجي هنا بنفس بدقيقة ننفصل
واخذ اخواتي واروح واشكركم ؏ كل خيركم وطيبتكم ويانه ماقصرتوا .

كــانـــون : وين تروحين بعدين ؟

گازو : آرض الله واسعة ما أحتاج انسان يستعطف ويذلني
بوجودي وياهم رفضت من البداية اصير ثقيلة ؏ احد
وجنت اعرف يجي يوم يعيرني بكلشي وصارت بـ اول موقف
وصاح تزوجتچ من الشوارع وسويت وخليت واشتريت
لو يموتني ولا يحچي بهل طريقة ويايَّ الموووت ارحم والله .

كــانـــون : بلحظات الغضب المفروض الشخص ما يتحاسب
؏ كلامو لان يبدر منو كلام هو مايذكر شنو المضمون
وهو لو ما يحبچ ومصدوم ..

گازو : شيسوووي بعددد لو مايحبني يموووتتي مثلًا
اهانة وهاني ضرب ضربني شوف حالتي حتى
المجرم ماينضرب بهل طريقة هذا اجرررراممممممم .

تَـــمــوز : وبعدددووووو صوتچ طالععععععع
بعد الصاارر والمصيبة والسحررررر والعذاب
والمرض صوتچ عالي عيونچ ما انكسرت .

گازو : رجاءً اخ كــانـــون اريد احجي وياك
بدون تَـــمــوز لان أعصابي تلفت .

تَـــمــوز : ادحگي لچ احترمي نفسچ واحچي بوجودي لا اكسر راسچ .

كــانـــون : الخاطري تطلع .

تَـــمــوز : كــانـــون لا تخليني اكمل عليههههههههه .

كــانـــون : الخاطري يول الخاطري .

طلعت الباب وكانون طلع ويايَّ صاح بصوت
وأضح مسموع : ذَهــب وينچ ..

طلعت من الغرفة وهمست : ها هين انه .

كانون : حدري ويايَّ بساعچ .

دخلت للغرفة سد الباب صوتهم خافت شبه مسموع
اسمعها تبچي وذهب صوتها مسموع تنصح بيها
وكانون من جهه يحاول يهدي بيها طلعت
گمر وگرز تاكل بـ اظافرها من بعيد
صارت گمر جدامي وهمست : مو وعدتنا تحمينا
ليش ضربت گازو مثلهم وليل كله تبچي من الوجع .

تَـــمــوز : گازو غلطت بحقي ومرضتني تقبليها ؟

گمر : هذا الرجال ابو عيون غضبانة هو هددها وسلمها
مبايل تنقل كل كلامكم لازم والبارحة هددها اذا ماتطلع
من البيت ينشر فديوات الرگص مالتهه وحتى ينشرك وياهه
ويخرب سمعتك ويسحب الرتبة منك وهي انهارت ماتعرف تتصرف .

تَـــمــوز : شنوووو هل كلامممممم صدگ تحچين ؟؟؟

گمر : انتَ صحيح تحب گازو ..

بلعت ريگي وعقلي فصل فكيت الباب وصحت
_ صحيح هل كلام فراس هدد ينشر الفديو مالتچ .

وگف كــانـــون  بوجهي ودفعني خارج الغرفة
_ اوكفففففففف افتهمممم منهااااا كانوووون .

كــانـــون : لا تعلي صووووتك البنية لا تفقد الوعي .

ذَهــب: شبلااااااك انفجعت ؏ بنية مو حرررام عليك هيچ
تضربهااااا همجججججج ماتبطل ضرب عود شنو حصلت
اخذت حقك من ضربتهاااا انتقمت لووو شنوووو .

سديت الباب وأنه انبه بيهم واحذرهم
_ هل موضوع ممنوع احد ثالث يعرف بي
امي بالخصوص امي ماريد تكشفها واحد يلومني ؏ إختياري .

طلعت من الغرفة صار دوهــان جدامي
رفع حاجبو وهمس : شكووو شصاير ؟

تَـــمــوز : شگد رقم دركْان الجديد ؟

دوهــان : عليش ؟

تَـــمــوز : سألت شنووو رقم دركْان الجديد .

كــانـــون : شنوووو براسككككككككك دركْان يطلع
خارج قوس بس يعرف بالصار يعرض نفسووو للخطر .

تَـــمــوز : اريد رقممممم دركْان فورًا .

طلع دوهــان الجهاز السري وهمس : هذا الرقم .

سحبت الجهاز سجلت الرقم السري وطلعت
صعدت سيارتي وگفت بعيد عن منطقتنا
اتصلت ورجعت انصلت اكثر من مرة
رد قبل لا يحچي لازم انطي رقمي السري
_ وياك 503 اجب .

دركْان: العزيز الغالي مشتاقلك .

تَـــمــوز : محتاجك  .

دركْان: هل كلمة بس من تهلك من أبوية تذكرها شصاير .

تَـــمــوز : اريد احجي الموضوع بالتفصيل الممل تحملني .

دركْان: وياك اسمع ..

بديت اسولف الصار بدون تفويت الى اخر موقف
صار ويايَّ حاليا قبل لا يغلق المكالمة رد بصوت مخنوگ 
_ حقك مرجوع ابن عمي ايام وتسمع الـ يرضيك .

سديت المكالمة وانتظرت الحق يرجع من ابنو
بقيت افتر الى ان صار اليل رجعت هلكان
گعدت بالكراج اخذت گلاص چاي أشرب
بس تفكيري مخربط الى ان طر الفجر
گاعد ؏ كرسي وحدي سمعت حركة
رفعت راسي صارت جدامي تمسح
بدموعها : شوكت قررت تعوفني اروح بحالي .

تَـــمــوز : انتِ تروحين الله ومحمد وياچ
الكاسر ظهري البنات .

گازو : باوع علية من تجاوب لاااااا تحرگ گلبي .

شغلت جكارة وبقيت ابعد بنظراتي منها
_ تروحين من وجهي لو أكمل عليچ ؟

گازو : انتَ انتبهت الخراب الصار بيَّ
شوهتني حالك حال الحاقد وكأن تريد تشوهني قبل لا تعوفني .

تَـــمــوز : رد الصاع صاعين مو تريدين تخليني مهبول وتروحين
اشوهچ واعوفچ تروحين وين ماتريدين .

شهگت تحچي وبعد ما افتهم كلماتها المتقطعة
صحت بيها : رووووحي گازووو روحـي لا تزيدين قهري .

اريد اكمل وصارت هوسة طلع كــانـــون يلبس بالقميص
ويخابر ويركض وذهب تركض وراه بيدها مفاتيح
السيارة والباج مال عسكرية والمستمسكات ودوهان
وراه يركض وتميم دخل علينة يصيح : كــانـــون سمعت ..

كــانـــون : طررررريق شغلوا السيارات .

فات جدي مهزوز مستند ؏ عمي ابو دوهــان
صاح : ابوووووووك كــانـــون ابووووك .

كــانـــون : دركْان قتل أبوية ..

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد