رواية تجبر أحفاد الــ دليم الفصل الرابع وثلاثون 34 - بقلم اسـاور حسين 🦢✨

تَــجــبـر أحفاد الــ دلــيـم🦅
بقلمي : أساور حسين          
المُلْتَقَى _42 _

يا أعظَم المَلِكاتِ ،
يا امرأةً تُجَسِّدُ كلَّ أمجادِ العصورِ السُومَرِيَّةْ .

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
الــســفــاح ...

_ انبطح .

انبطحت مثل مايريدون وبعدني أتلفت بس أريد اگضب
خيط اعرفهم منو بس اعرفهم ماگدرت اكشف هويتهم
وزادوها علية من تغلف وجهي بقطعة سوداء رفعني
من الأرض يفتش بجسمي طلعوا السلاح وكل أغراضي
دنچ ؏ رجلي دفعتو وصحت خفت ينكشف
التلفون السري مخلي بداخل جواربي : منووووو انتوا عوفوني .

ضربوني بالسلاح ؏ راسي أختل توازني ونزل واحد منهم سحب
الجهاز مني فقدت ؏ اثر مخدر نرش بوجهي
جهلت كم من الوقت مر بس گعدت مقيد اليدين
والعينين ، الأصوات معدومة حاولت بس اسمع
صوت واكشف أنـه وين داعش كشفوني
لو العسكر گضوني سهلة اطلع من العسكر
بس اذا الدواعش يعرفون بـ امري أروح هدر .

ظليت احرك بيدي ورجلي گعدت ورجعت للخلف
الى أن استندت ؏ حايط وناديت أجذب أنتباه: من انتم آين إنا ؟؟

استمريت ازگح والرد معدوم القلق احتلني
بقيت حاير لا أنـه بسماء ولا أنـه بالأرض
الى ان أنفك الباب بعدني ما مستوعب
بالأربع اشخاص تولوني دگ بوكسات
منين ما أدور وأضم بروحي تجيني ضربة
والمشكلة حتى مادحگ عيوني مشدودة
قبل لا انتهي رفس صارت بالأحذية
مصارين بطني تگطعت صرت اطحل
اذب چبود دم من حلگي وخشمي يجري دم
عافوني مقيد وطلعوا فقدت بمكاني لدقايق .

اقل الساعة بعدني اجر نفس اريد ألملم نفسي
المفروض اكون متحضر لهيچ مواقف
انسحبت من ملابسي غطسوني بماي عبارة عن قوالب ثلچ
هجست عقلي جمد ضب حلگي بوصل وتيب حتى ما ينسمع صوتي
بقيت بيدهم بين الماي والضرب والتعذيب بدون كلام
بدون ما افتهم أنـه وين وبيد منووو ؟!

تكررت ورجعوا عافوني من انتهت قوتي
بعد ماعندي طاقة أقاوم طلعوا من الوجع
ثواني وبديت أحاول انام ودخلوا علية
انسحب الكيس من راسي فكيت عيوني بصعوبة
صاروا جدامي إثنين ملثمين ذو ملابس سوداء
حط الكرسي جدامي گضب وجهي وضربني راشدي
خزرتو بسسسس لو يرفع لاصق حلگي اخزززي
_ ممنوع النوم هنا .

احد وسائل تعذيب داعش الحرمان من النوم
والطعام والحرب النفسية تتشكل بينهم وبين
الضحية كشفتهم هذولي الدواعش معناها انتهيت
نكشف موضوعي ؏ هل دگ والضرب
نزلت راسي ورجعت ؏ حايط مثلت النوم
حاولت اثير اعصابو حتى مايطول تعذيبي
ويموتني بساع لا أتعذب اكثر من هل عذاب .

غلق عيوني دفرني ، فكيتها ضربني كف
ساعة ، ساعتين مستمرين هلكت ، الثالثة ، الرابعة
ماتحملت بدئت اغفي ، دفرني صحيت متوجع
دخت بديت أفقد توازني ، رفعني من راسي رجعني
بالماي البارد وعيت ، رجعني المكاني ورجع
يركز ويايَّ هو تعب ، اجاني واحد غيرو
كرر أفعال القبلو ، ضرب ، تعنيف
ماي بارد ، سب ، شتم ، بديت افقد .

عافني وطلع ورجعوا اثنين دخلوا أريد ادحگ جدامي بعد
من الضرب ماگدرت اريدهم بس يحچون ويايَّ افتهم بس افتهم
بس لا مجيب اخر ضربة نرگع راسي بالحايط
صار السواد اسير عيوني فقدت
بعد ماحسيت ؏ نفسي الثاني يوم رجعوني
النفس نمط حرب النوم
اليوم الأول ضرب حرمان نوم واكل وشرب ممنوع
اليوم الثاني ضرب ماي بارد تعذيب نفسي وجسدي
اليوم الثالث اشتد الوضع ورموني طلقات تحت
أقدامي بمجرد تغمض عيوني
اليوم الربع وضعي تخربط وهمَّ بنفسهم لاحظوا
وضعي الصحي المتدهور
اليوم الخامس نزلوا وجبة تحت مسمى البقاء
؏ قيد الحياة شربت ماي بعدني
اچل أنسحبت الوجبة مني قبل لا أكلها خلص الوقت
سمحولي انام ساعة بس من التعب نمت ضربوني حاولوا اگعد
عيوني ما تنفتح عاندت تحملت كلشي ورجعت كملت نومتي ليوم كامل .

باليوم السادس ماكو شي ولا واحد دخل علية تركوني وحدي
باليوم السابع تحاربت بالنوم صار الموضوع روتيني
اليوم الثامن بعدني بلا نوم بس الصار بعد ما أنـه تعبان
وعيوني ثجيلة تعمدوني أتعب حتى ما اركز بكلامهم متأملين
ياخذون مني زلة لسان ، نقلوني بتعبي وحيلي المهدود
بممر قذر ضوء خافت الدماء بكل مكان رائحة الدم تغلغلت
داخل انفي ، غلقت عيوني وكملت سير بخطوات ثقيلة متردد
طلعوني من باب الحديقة واسعة يحيطها الحرس بكل زاوية
بقيت اتفحص المكان عرفتو مكان الخليفة مالتهم الأكبر
دخلت الداخل ممرات مكتبو دگ الباب ودخلني رفعت
راسي ابو لهب گاعد ؏ مكتب وجلاد جدامو ابتسم بوجهي
وگف ضرب الشخص إلي جابني هين : ماذا فعلتم يا اغبياء ؟

الــســفــاح : بأمر منك مارسوا هذا التعذيب ماهي غايتك اختصر ؟

جلاد : سفاااااح لا تتكلم معي بهذهِ الطريقة .

الــســفــاح : صاااار كم يوم اتعذب ؏ شنووووووو ؟

أبو لهب: لا تعلو صوتك حتى لا اقيم عليك الحد يا سفاح
اجلس دعني اتكلم معك بدون غضب وأثبت برائتك قبل تنفيذ الحكم
كل الإثباتات موجودة والموقف ضدك لكن الخليفة جلاد اصر ان يسمع
الحقيقة منك لا من غيرك .

الــســفــاح: إثباتات شنو ؟ أدله شنو ؟

ابو لهب : في يوم الإثنين الفائت لقد انفجرت عبوة بسيارة صغيرة
دخلت بوجودك بالمعسكر اليمين وبعد التحقيق الكل بلغنا دخلت
السيارة بـ إشرافك ؟

الــســفــاح : موجودة كلاب تفتيش هناك فتشت السيارة ومن بعدها
دخلت حالها حال السيارات الباقية انا ما ذنبي بهذا ؟

ابو لهب : لكن الكل اتفقوا على قول انتَ السبب بانفجار السيارة ؟
والكل يقول انتَ من جمعت اكبر عدد من زلمة المعسكر عليها
وانسحبت وانفجرت عليهم السيارة وبلحظة انفجارها
انتَ ضحكت هل هذا صحيح ؟

دحگت ؏ جلاد وصحت بصوت واضح امثل الهدوء والثبات
رغم تعبي بس اقل غلط مني يضيع راسي : وما قولك ؏ هذا يا جلاد ؟

جلاد : اعلم انك رجل خطير وصارم بالكثير من الأمور
ومن المحتمل ة هذا فخ لك حتى تقع انتَ المذنب به
ولكن انا معك واريد برائتك من هذا المخطط القذر
واتمنى ان تكون بريئ وترجع معي لإنني اثق بك .

آبو لهب: بعد تفتيشك وجدنا هذا الجهاز السري معك
ماهي فائدة هذا الجهاز ؟؟ وماهي الفائدة منهُ ومع من تتواصل ؟

الــســفــاح: الجهاز لا يعوود لي انا أبرئ مسؤليتي منهُ
مخطط قذر من ناس قذرة ، جلاد انتَ تعرف جيدًا هنالك
مندس بيننا يحيك الخطط ومثلما قتل الشبح
لإنهُ كان قريب منك بالوقت الحالي انتقل الدور وأصبح دوري
حاولوا قتلي لكن فشلوا وألان يحاولون ضرب
عصفورين بحجر بهل مخطط الجديد .

ابو لهب : الجهااااز كان بحوزتك عند البحث وجدنا .

الــســفــاح: كذب تتبلون علية لا اسمحححح بهذا اريد
دليل قاطع يثبت هذا الجهاز جهازي ، افتح الجهاز
وابحث به اريد اثبات قوي ان هذا الجهاز عائدًا لي .

ابو لهب : لماذا تلف وتدور هذا الجهاز وجدنا بحوزتك ؟

الــســفــاح : هل رأيته بعينيك كان بحوزتي
او المندس اتفق مع الحرس وسلمهم الجهاز حتى
ترمون هذا المخطط القذر ؏ الــســفــاح ؟

ابو لهب : ما هذا الف والدوران تريد ان تخرج منهااااا ؟؟
تنكر وتدخل بعيني ايها السفااااح .

الــســفــاح : انا اتكلم بصوت الحق اريد اثبات ان الجهاز جهازي
وسوف اقتل نفسي أمامكم ؟ واثبات ثاني يثبت انا المسؤول عن الانفجار
يوجد كلام هناك اذهبوا وافضحوا كلابكم لماذا لم يعرفوا بوجود
المتفجرات بداخل السيارة ؟

ابو لهب : سوف نتأكد منهن وآحده تلو الاخرى
وبوجودك ووجود الجلاد لإنه هو من اصر ؏
ان تكون بريئ لولا تدخل الجلاد لكنت الان بعداد الموتى .

دحگت ؏ جلاد وأومأت براسي لهُ : شكرًا لك جلاد .

ابو لهب: هيا نذهب الى مكان التفجير .

جلاد : بعد ان يغير الــســفــاح ملابسهُ
لا اريد رجال المعسكر ينظرون للأمير بهذهِ الحالة .

طلعت للحمامات اغسل صحيح اني مدبر الوضع كلو
بس گلبي يخفق بصورة مرعبة ، غسلت الطين من وجهي
والدم يابس علية سبحت ؏ سريع واجاني واحد سلمني ملابس
بدلت وطلعت بس ما اگدر اوگف ؏ رجلي امشي بس دايخ
وروحي بكل خطوة تنسحب مني اكثر بلحظتها نرسمت
صورة كــانـــون جدامي تمنيت يجي ويحضني حتى ارجع قوي مثلو
صبرت نفسي وصعدت سياراتهم القذرة متوجهين للمعسكر.

راسي يفتر دايخ بصورة مخيفة ، ادحگ ؏ شارع اخربط
بكلشي بالكلام بالحركات نعسان بحيث اخاف اسولف افكاري
بدون سيطرة اريد بس انام ، وصلنا دخلوني أنـه قبلهم
مجهزين سيارتين وحدة بيها مفخخات والثانية نظيفة ومغسولة
طلعوا الكلاب اثنين اول واحد ركض ؏ سيارة المفخخات
مابي شي طلعوا الثاني كان من اختياري حار بين السيارتين
عرفوا مريض وخربانة عندو حاسه شم المفخخات
من بعيد طلع ابو لهب السلاح ورمى طلقتين علية وگع الكلب ميت  .

استدار علية مقلص عيونو بشك : نفذت من الأولى بسلام
لكن الجهاز حاليًا تحت ادارة البرمجيات الخاصة بالدولة الإسلامية
اكيد وبدون شك ألان انفتح الجهاز بدون ماينحذف شيءٍ منهُ .

بلعت ريگي مرتبك رغم عني اقلق من طريقتهم
وضروري امثل الثبات رغم تعبي : أنـا جاهز مولاي ابو لهب .

ابو لهب : لنرجع ألان لمعسكري .

جلاد مخليها صامت يمشي ويدحگ من بعيد للبعيد
عدلت جسمي وفكيت ايدي من الحرس ومشيت قبلهم
صعدت وبداخلي ختمت نص آيات القران
تحركت السيارات رجعت راسي وغفيت بدون سيطرة
دقايق وگعدوني نزلت بساع دخلت للمكتب لگيتهم گاعدين
منتظريني ، رفع الجهاز وصاح بصوت واضح
_ لمن هذا الرقم ؟

عرفتو رقم كــانـــون بالجهاز السري
رقمو الشخصي محفوظ بـ اخر مرة إتصلت علية
ونسيت احذفو : لا أعرف قولت هذا الجهاز لا يعود لي .

اتصل ؏ رقم مرة ومرتين بالثالثة وصل الرد بس بدون صوت
آبو لهب: الو من معي ؟
><><><><><><><><
تَـــمــوز ...

من أقوى الحروب النفسية عشتها بـ أدق تفاصيلها
حلم او حقيقة ، خوف مرعب ، وجوه تقبض الأرواح
همسات مخيفة تنادي للموت ، سواد بياض ضرب تعذيب
انا اين ماذا يحصل انا اموت آنا احلم انا ؏ الأرض او في السماء
أعداء الكل اعداء قتل نار برد اجتماع ؏ فقدان العقل
تعبت انا متعب حد الموت أنادي للنجاة هل من مساعد ؟

تَـــمــوز : وينك كــانـــون .

فك الباب ودخل يدحگ بنظرات استغراب
يمثل الابتسامة : ها يولو شبعت نوم .

تَـــمــوز : عليش ماطلعني من هين راسي يوجعني .

كــانـــون : النقيب غيث هين يريد يشوفك گوم عدل روحك حتى نطلع .

تَـــمــوز: اي طلعوني لا تبقيني بس احچي بدون فايدة تعبتني .

ظل ساكت وعافني وطلع اخذت ملابسي مرتبيهن ؏ سرير
بدلت وصوت بداخلي يهمس : وين تروح كلهم يچذبون عليك يكرهونك .

تَـــمــوز : عوفني كافي أنـه اريدهم يجذبون علية خليني بحالي
مو تعبتني اريد أرتاحاعيش حياتي الى متىً.

هجست صارت انفاس حارة تلفح برگبتي
كمزت متأذي ركضت ؏ مرايا مكان اثار
مثل الأصابع ركزت اكثر ؏ حايط صار
خلفي خيال اسود مخيف الملامح يدحگ بعيون
حمرة ويردد هل كلمة كل وگت غضبو
( الموت قريب ، الموت قريب .)

طلعت بدون ماقفل دگم القميص ولا لحزام
كــانـــون يحچي هو واني ركض علية
ضربت راسي اريد الصوت يختفي
كــانـــون : بيك شي .

تَـــمــوز : الموت يا موت قريب شبيهممممم كــانـــون جن والله جن .

عكس حالتي الفوضوية كــانـــون هادئ
الى درجة من ادحگ ؏ هالة السلام عندو
تسكن افكاري ، غلق ازرار القميص
وعدلت البنطلون دخلت للحمام غسلت
وجهي وطلعت هو ينتظرني دخلت ؏
استقبال من دحگني غيث نهض سلم علية
وظل يدحك ؏ كــانـــون ورفع حاجبو
تَـــمــوز : ها بيها رفع حاجب بالضيم مو ؟

غيث : والله يا خوية متعجب شلون وصلت الهل حالة .

تَـــمــوز : هذولي ما يصدگون غيث بعيوني ادحگ جن
ونار واشكال مخيفة ومرات يجيني شخص يريد ياخذ روحـي
مادري عليش ما تصدگون .

كــانـــون : ومنو يگول ما نصدگك يا خوي
بس جنت ادور ؏ شخص مضبوط وماكو
هين غيث يعرف واحد بالعمارة وهساع
هو بالطريق يجي يكشف حالتك والبيت بكبرو
الجن مذكور بالقران ، والسحر مذكور
واني اثنينهن عندي ايمان بيهن ومصدگ انتَ مسحور وتشوف جن .

غيث : (وَقَالُوا مَهْمَا تَأْتِنَا بِهِ مِنْ آيَةٍ لِّتَسْحَرَنَا بِهَا فَمَا نَحْنُ لَكَ بِمُؤْمِنِينَ )
والجن موجود مخلوق من نار اكو جن صالح وجن غير صالح
ما تدحگو بس موجوع يگدر يحچي وياك اكو جن يسمع القران
وجن يتأذى اذا سمع ، الكل يصدگ بيك واساعدك واطلعك من حالتك هاي
مايهون علية ادحگ اخوية تعبان .

تنفست بـ ارتياح ورجعت ظهري يوجعني
تنفسي ثگيل حيلي مسكن احتواني كــانـــون بكلامو
ساعة من الكلام گعدت وياهم طبيعي رغم وجع راسي
وبطني تتشگگ بسچاچين قاومت الى ان دخل السيد
معمم وياه اربعة بعمري وعمر كــانـــون يجي اعمارهم
بـ 30 تقريبًا ، سلم عليهم كلهم ورفض يصافحني
بدون مايعرف أنـه المقصود : انتَ مدبول دبل شلون عايش ؟

اشرت ؏ نفسي بجهل وهمست : أنـه مدبول بشنو ؟

السيد : مشرب ، موكل ، ملبس سحر .

تَـــمــوز : تعبان الى درجة مستحيل انسان يفهمها .

بعدو بالگراج دحگ بعيوني بتركيز اختنگت
هجست الحرارة تطلع من عيوني تريد تنعمي
بعدت عيوني منو گضبوني اثنين من الولد وياه
وهو فوگ راسي ماعرف شنو يحچي بس
جسمي تمزق من الحرارة روحـي تريد تطلع
بقيت اضرب الگاع بيدي ورچلي بس اريد يسكت
الى ان ذبيت مادة سودة ودم عافني أني وهذولي الإثنين
وهو وكانون وغيث دخلوا للبيت .

ذب مادة بالبيت دخلتنا انذار والولد وياه غسلوا البيت
طلع كــانـــون البنات كلهن للبيت الثاني واجت بس
امي وام كــانـــون يحتاجون وجودهن .

السيد : منكم وبيكم مسوي إجرام بحقكم
يريد يسودن هل زلمة وبنت خلت السحر بالأكل والشرب .

رضية: يا بنت جبيرة صغيرة ؟

رفع ايد وصاح : العلم عند الله ، صار شهر مشرب
ومن اچل العمل تخبل والله اذا افتح بطنه اطلع منها عرابيد
معجزة بعده عايش شكثر اشوف مثل حالته ينتهون بس
الحمدلله نگدر نساعده قبل لا يتغلب العمل علية .

رضية: ابوس ايدك سيد ماعندي غيرو انطي روحـي
ويرجع ابني قوي بحيلو مثل قبل .

السيد : العمل ؏ ملابسه ومدفون صعب تعافى اذا مانطلع العمل
ويبطل ، فكيت المأكول والمشروب بعد المدفون وين مكان
مايعلم بي غير ربكم ؟

كــانـــون : بهل حال شلون نتصرف يظل متعذب .

السيد : يخف مايظل نفس وضع قبل بس ضروري يا ابني
نكشف المدفون لان يخلص عمره متبهذل ومايرتاح
لا بشبابه لا بزواج لا بـ اطفال لا بشغل .

كــانـــون : لا اكيد نطلع العمل المدفون كلها كم يوم
وابحث ويطلع أعرف شلون اطلع المكان من عيونهم .

السيد : ممنوع من تتأزم حالته تقرون آيات قرانية عشوائية
يتأذى اكثر ، الأضواء ما تنطفي بمكان موجود بي يرجع
يشوف ويسمع ، سمعت يريد يتزوج يتأجل الزواج مو بصالحه
لا يدخل حمام وكت مغرب ، ومن يسبح انطي انتِ امه وحدة
من هاي الأوراق .

رضية: سيد ولو دوختك بس هو زلمة مسوي العمل ؟

السيد : اي زلمة بس بنية شربته وأكلته .

واحد من الولد اخذني للحمام وياه سطل ماي احمر
مقري علية ذبيت ملابسي بقيت بـ الداخليات سبحت بي
وهو يقرأ بدفتر حسيت كل همي أنزل ورجعت الوعيي
بس طلعت شبه مخدر دخلت للغرفة لأول مرة ما أسمع اصوات
جريت نفس ولفيت راسي نمت من كل گلبي نمت .

><><><><><><><><><
قُــسَـم ...

ذَهــب: بالله هذا كــانـــون كل عقله دخلنا هين وياهن ؟

گازو : خيولن اعلى مابخيلهن يركبن قابل ياكلن راسنا .

قُــسَـم : اجت جدتي ما اوصيچ عيوني كازو دشداشتها جديدة .

گازو : أختصاص تمزيق ملابس .

ذَهــب: مزقتي ملابس تَـــمــوز .

گازو : لا هذا بعدني هههههههه .

قُــسَـم : گازو وذهب السخيفات تريدن تفسدني ومحمد .

گازو : أكبر سخيفه بالعالم انتِ والدليل لعبتي لعب ؏ دوهــان
شردتي من الخطبة ومن اهله واخذتي ورجعتي رگبته زرگه
نسيتي عيوووني عود شوفوني اخذته مدري اخذني ههههه .

ام فراس : اجتماع نسوان احفادي .

گازو : ديري بالچ مسمومات نبخ بوجهچ .

ام فراس : عيب يول أنـه اكبر حتى من امچ ولو منين تعرفين
العيب خلگ رقاصة ترگص للزلم وترجع ليوره .

گازو : ومحمد اگوم هسة اعلمچ الرگص والعيب ؏ اصولهن
عوفيني بحالي يا عيوني عوفيني .

ام فراس : ها المشوهه موجودة ضميتي راسچ ؟

قُــسَـم : جدة كل ما تدحگيني موجودة تسمميني شبلاچ
مخلية راسچ براسي واني وحدة من احفادچ وتريدين
گازو تحترمچ لان جبيرة احترمي انتِ بالبداية حتى نتعلم منچ ..

ام فراس : سميرة حدري ادحگي بنتچ العرمة معلماتها تحچي
وترادد بوجهي ، ادحگي هاي الداعشيه تعلمها.

نزعت ذهب الشال ورجعت خصلات شعرها وگعدت
؏ تخم : ول ول ول شنو هل تخم المريح اريد كــانـــون
يشتري واحد الغرفتي .

ام فراس : الداعشيه تتشرد وتطلب .

ذَهــب: وموجود زلمتي ينفذ طلباتي اروحلو فدوة .

دخل كرم وامو ابتسمت الكرم وهمست بكل برود
_ اوي حبيبي شلون صرت ؟

ام كرم : زين عيني زين .

ذَهــب: استمري ؏ علاج كملي كلو .

ام كرم : تعلميني شلون ادير بالي ؏ ابني شنوو ؟

ذَهــب: كــانـــون يسولف انتِ ما تعرفين تربين اطفال
خطية امچ قامت بواجب وتربية ابنچ فـ اكيد ماتعرفين
بس يلة ام كــانـــون موجودة تكفي وتوفي معدلة .

ام دوهــان: شني هل أصوات القذرة هين غدي .

گازو : والقران انتن غدي ما اتحمل كمية السم الموجود
اطلع للكراچ يبووو اي والله يبووووو .

اخذت اخواتها وطلعت بالحديقة الخارجية تسولف وياهن
اجت امي حضنتني وبوستني بردت مشاعري إتجاهه
ماحسيت بـ اي حنان وكأنها غريبة حالها من حالهن
گعدت قريب من ذَهــب وشلت كرم ألعب وياه
أتجاهل كلامهن المسموم ، اجت البنية جابها دوهــان
قدمت چاي تقربت مني ذهب وهمست : لا تشربين شي منهم ولا تاكلين.

قُــسَـم : عليش ؟

ذَهــب: عليش شنوو عليش وتموز يمعودة منو السبب غيرهم .

جريت نفس ورجعت اسولف اني وكرم
ام كرم : قُــسَـم تتذكرين من جنت حامل وكانون يروح
للدوام وتجين تباتين يمي شكثر حلوة جانت ايامنا نسهر للصبح
حلويات وافلام وضحك .

قُــسَـم : والقرآن أقدر العشرة والذكريات بس يا عيوني
الوقت غلط وكلامچ واضح تريدين تسمعين ذَهــب
ادحگي تدرين كــانـــون عليش يحب ذَهــب لان تشبهو
التوأم بالذكاء والتصرفات والحكمة مستحيل تزعل من ماضي
هساع لو تحچين زواجكم بالتفصيل .

كــانـــون : وينكم مو صار ساعة ازگحححح ؟

ذَهــب: ولا نسمع محتارين نسكت وحدة اثنين
اشو دخلتنا العائلة يريدون يطبخونه ؏ عشاهم .

ابتسم بوجهه وبكل بساطة حط ايدو خلف ظهرها مبتسم
وطلع يسولف وياها ويضحك وانه وگازو نضحك ؏
ضحكتهم وعلى قهر المسمومات بالبيت خطية يحتاجن
اسعاف لو اطفاء ؏ القهر والنار المشتعله بيهن .

اول ما دخلنا رن تلفون كــانـــون فتح خط
وهو يهمس : ولااااا صوت .

ظل يعلي بالصوت من مايسمع عبالو الخلل بالجهاز
فتح المكالمة بالصوت العالي سمع صوت يگول : الو من معي .

بس سمع هل صوت سد التلفون وطلع جهازو
يضغط ويرجف اول ما رد المطلوب صاح
_ دركْان بيد داعششششش كشفوا دركان .

سكت لثواني رجع يصرخ بصوت هز گلبي
_ فرررررراس شنووووو هووو اختار بسببك اختار بسببك
طلععععع دوهــان وياه مجموعة يسون هجوووم ؏ موقعهم
أنـه مسافة الطريق ويمكم .

اسمع فراس يرد علية : ماكو احد يطلع افتهمت هو اختار
وصار فترة طويلة عاش وياهم يعرف شلون يطلع نفسو منهم .

غلق المكالمة اتصل ؏ دوهــان
_ اسمعني الجهاز السري عندك وعند تُــمــيم يتلف
فورًا قبل تحديد الموقع ونكشف عند داعش .

دوهــان: منووو نكشف يمعود دركْان لو بس الجهاااز ؟

كــانـــون : ما اعرررف حاول توصل العزيز ..

هو نطق الأسم وسع عيونو وسكت من دحگ ؏ ذَهــب
هيَّ ركزت وياه تركنا وطلع يرجف مانعرف وين راح
بقت ذهب بالكراج رفضت تتحرك منو يحچي وياها
ماترد علية الى ان عمة رضية إتصلت ؏ كــانـــون
بلغتوا بوضع ذَهــب رجع للبيت .

><><><><><><><><
ذَهــب ...

كــانـــون : شكووووو ؟

ذَهــب: شكووو ؟؟ انتَ گول شكوووو ؟

كــانـــون : وبرأيج وقتها أخوية بنص الموووووت
ماعرفت عايش ميت وين أراضي وحاااير بي تزيديها علية شنووو .

ذَهــب: وليششششش تزگحححححح أنـه همات اعرف ازگح
ومنووووو يمكككككك اجيت اطلع حرگتك بيَّ .

كــانـــون : أنـه اطلع حرگتي بحرمة مهبولة انتِ بابا .

ذَهــب: هو سؤال بلا لف ودوران جاوبني بالحقيقة
العزيز منو ؟ تقصد أخوية لو شخص ثاني ؟

كــانـــون : ماعندي جواب بالوقت الحالي .

ذَهــب: لان تعرف إذا فعلًا العزيز نفسووو أخوية
تخسرررني كــانـــون ، معقولة تعرف بـ أخبار
اخوية كل هل فترة الطويلة وما تنقهر علية وطمني ؟

كــانـــون : الواضح تريدين تخلقين مشكلة واني ما فارغ
سوالف الزعاطيط تظهر فجأة عندچ وكم مرة نبهتچ تبطليهن .

ذَهــب: والله يا كــانـــون اذا طلع العزيز نفسو اخوية
وما بلغتني اتركك بدون ما ألتفت .

تگرب مني يدحگ بعيوني ويأشر بـ أصبعو
وهو يشتاط غضب : لااااااا تهدديني بوجودچ افتهمتي
يولووووو تريدين تروحين هذا الباب مفتوح للطالع وللداخل .

ذَهــب: معناها ما تخاف اذا اروح لو اظل بلغني العزيز
اخوية لو شخصصصص ثاني .

كــانـــون : بهاي صلافتچ وعيونچ العرمة واگفه متخصره
تتهددين وتتوعدين ما بالحيف انطققق بحرف وشسوين سوي .

تركتو ودخلت البيت گضبتني ام تَـــمــوز
وصاحت بيَّ : كم مرة علمتچ تبطلين هل طبععع ؟

ذهب : يا طبععع ؟

رضية: تتخصرين وصوتچ يعلو ؏ صوتو موو عيب هل تصرفات .

ذهب : وهو مو عيب يلقبني العرمة والصلفه .

قُــسَـم : قابل مچذب الزلمة بيعي عرامه بعد علينة
اني جوة وخفت من شكل كــانـــون والعصبية وهي
ولا عبالك تصيح وترادد هوبا المچلوبه .

ذهب : طبعًا مو جديدة توگفون وياه بعد انتوا آهله
اني شنووو ومنوووو ، عفتهن وصعدت وعمة
رضية تصيح علية من جوة : ما يلام من يلقبچ عرمة
ادحگي شلون تحچي احنا ما سلمنا من السانها ذاك اليوم
من حجه وياچ لعبت بي لعب تالي ما تالي تگلي اهلو انتوا .

طبگت باب غرفتي علية وگعدت اكل بروحي اكل
التفكير والتوقعات افكر بيهن بس ما مستوعبه معقولة
كــانـــون يخبئ علية هيچ خبر ؟؟

مرت الساعات وبعدني محتارة ما صدگت يرجع
وبس اريد استفسر منو ، دخل بوجهه ؏ جنطه
اخذها بدون ما يحچي ويايَّ رتب بيها ملابسو
ولبس عسكري يريد يطلع وبلا مايحچي ولا يسلم
شهگت والعبرة شگگت گلبي نزلت دموعي
همست بصوت خافت : أهون عليك تروح وبكلبي نار ؟

بعدني ادحگ بس ظهرو بس رد بكل بساطة
_ انتِ تريدين النار ذَهــب .

ذَهــب: ماريد هل حاجز گلت انكسر من زمان وبعد
مايخاف مني ويحچيلي كُلشي يخصو .

كــانـــون : يخصني بس من الموضوع يخص 
أخوية، او مهمة سرية تخص عملي من المستحيل احچي
ألچ او الغيرچ هذا عملي اقل غلطة اسبب بمقتل ناس بريئة .

ذَهــب: ماعرف شي عن عملك هذا يخصكم
المهم عندي سمعت أسم أخوية هو نفسو المقصود لو غيرو
جاوبني وريح گلبي ؟

كــانـــون : نفسووو العزيز اخوچ نفسووو .

تگربت ضربتو بلاوعي ضغطت ؏ اسناني
منهارة: عايششششششش العزززيززز عايش وماتفكر تفرحني
بهل خبر وكل يوووم اگعد ؏ سجادة جدامك بعلو صوتي
اطلب من ربي اسمع خبر ؏ العزيز واعرف اذا عايش لو ميت
وصلت المرحلة حتى لو ميت بس اريد اسمعععععععع
وتگلي بكل بساطة اي اخوچ تعرف بي عايششش معقولة ؟

كــانـــون : مهمة سرية تريدين بكل بساطة احجي بيهاا
صدگ تحچين هو انتِ ذاك اليوم عرفتي عندي اخ
ويگدر هساع ابوية يبلغ ؏ اخوي ويخليها براسچ
والله حرمتك بلغت ، وفعلًا دركْان بيد داعشششش
وانقلبت الأدوار صرت بمكانچ ماعرف اخوي عايش ميت ماعرف .

ذَهــب: البارحة واني اصلي وياك
خدعتني كــانـــون تدحگ بوجهي وانه ابچي
وتگلي ان شاء الله بيوم يرجع ، ان شاء الله عايش
يمكن بيوم تلتقون وتالي طلعت تعرف .

كــانـــون : اهوووووووووو كافي راح تظلين تعيدين وتسلقين
بالموضوع آلف حسبه براسي ما ناقصني مشكلة جديدة
ضيمي كافي عليه افتهمتي ضيمي كافي عليه .

ذَهــب: لو اني بمكانك ويصير ويايَّ هيچ مواقف مو .

كــانـــون : دووووم أنـه اكشف الملعوب أبد ماتجين
تبلغيني يااااا يووووم بلغتيني انتِ امشي نامي
وضبي السانچ بووووية حچي زايد ماريد هاي اول شي
ثاني شي لا تگعدين تدورين مشاكل حيل ماعندي .

اجتني النوبة وانه أريد أجاوب ضرب الميز
بكل قوتو ورجع ؏ فتح ايدو وعيونو
وصاح : ارتاحيتي هسااااااعععععع تحبين تحرگين بگلبي عليچ
اجتچ النووية ؏ شنووووووو هووو شكوووووو
كم مرة اگولها اگعدي واسكتي هين بالبيت بس
ديري بالچ ؏ نفسچ وعلى حملچ وكلشي تريدي يجي
عندچ ؏ جاهززززز يا بنتي استقرررري استقرررري .

من الخوف رحت بزاوية السرير ادري بي يتخبل
اذا أصير عصبية وتجيني النوبة كلشي ولا النوبة
اريد اهدي الوضع انوب فوگاها سحبت نفس
بهدوء وهمست بخفوت : يواش يواش قابل شصار
أحسب ساعة اقل وتروح مني عليش تكسر وتزگح .

شمر الجنطة وسحب التخم شالو ونقلو جدامي
گعد ويهز برجلو ويردد : حتى دوام بعد ماروح گعدت
بالله ادحگ شلون ساعة وتروح لان اني اعرفچ
سبرنگه تضغطين ؏ نفسچ وماكو غيرچ يتعب .

اشرت ؏ نفسي والنوبة تكثر ماتقل
_ أنـه سبرنگه ؟

رد بصوت مستولي علية الغضب
_ سبرنگه وصرگعانه وتشلعين باب الگلب .

ظليت مدنگه شريد احچي بعد وياه
وهو يدحگ بطرف عيونو من تشتد
النوبة ومستمر يهز برجلو من بين
التشنجات همست : شلونو العزيز زين ؟

حجيتها ونزلت دموعي گلبي نقبض
_اگدر اسمع صوتو مرة وحدة بس .

حط ايدو ؏ طرف وجهو يخبي مني
ودار مني مايريد يدحگ بعيوني ويضعف
_ الله يخليك بس مرة وعد وينسد الموضوع ماينفتح .

كسر املي فشل ملامحي بجوابو
_ بالوقت الحالي صعب چثير صعب
وماعرف عنهم شي نتصل عليهم انقطع الإتصال بيهم .

ذهب : مو عندك جهاز سري خابر .

كــانـــون : وداعت كل عزيز تخلصت من الشريحة والجهاز
مو بس اني حتى دوهــان وتميم وتموز كل الأجهزة تلفت .

ذَهــب: عليش ؟

كــانـــون : تحسبًا يحددون الموقع ؏ شريحة
مانريد نخاطر ضروري نجهز نفسنا برغم
عدنا شفرات قبل الكلام مستحيل يصير خطأ .

ذَهــب: مافهمت شفرات شنو ؟

كــانـــون : لا تدخلين بشغلي وريتي گلبي .

تشنجت وبعدني اريد اجاوب ماكو تشنج بعد تشنج
صرت اصرخ من الوجع وهو تهستر : الموضوع ينسد كافي .

ذَهــب: بس نتفاهم .

كــانـــون : ماكو شي اهممممم منچ هساع ذَهــب
ورايَّ شغل وطريق لا تدمريني وتخليني افكرررر
اتعب احير بيچ لو بيهمممم كافي الموضوع ينسد نهائيًا .

ذَهــب: إلى متى انطيني موعد ادحگ بي اخوية .

كــانـــون : ما اگدر اوعدچ .

ذَهــب: عليش ؟

كــانـــون : اخاف ما أوفي الوعد .

ذَهــب: يعني ؟

كــانـــون : 80% مايطلعون من قبضة داعش .

شكلت عيوني اثناء كلامو نزلت راسي وانفجرت ابچي
وامسح بدموعي حاول يقترب منعتو واني اهمس
بتعب : بس رجعلي الأمل برجعت عزيز ويجي يوم
واحضن أخوية احضن ابني بيدي .

كــانـــون : ما حجيت بالموضوع حتى ما تتأملين ؏ فاضي
جنت مقرر اذا يگدرون بيوم يطلعون تتقابلين انتِ واخوچ
بدون أنتظار الصبر چتال ذهب .

رن تلفونو بسرعة رد تجهزت صرت كلي
آمل لا إراديًا اربز كل حرف ينطق بي
وكل فعل يصدر : ها دوهــان بشرني .

دوهــان: ثواني وأدخل دركْان ؏ خط يريدك ضروري .

كــانـــون : شصاير ؟

دوهــان: دخل اسمع .

دركْان: الو كــانـــون تسمعني ؟

كــانـــون : اسمعك من يا جهاز تتصل وشلون
تخاطر ، طمني انتَ وين وشنو وضعك بلغني بالتفصيل .

دركْان: طلعوني من هل مكان أنسحب .

كــانـــون : تنسحب شلون تنسحب ؟

دركْان: أتخلى عن المهمة دز شخص ثاني يقوم بالواجب .

كــانـــون : والعزيز واختوووو ؟

دركْان: طلعوني كــانـــون طلعوني .

كــانـــون : يومين ونجهز الإجراءات اللازمة لتنفيذ خروجك
بسلام من معسكراتهم هير نفسك بـ اي وقت يتم التنفيذ .

دركْان: بـ انتظاركم ...

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد