تَــجــبـر أحفاد الــ دلــيـم🦅
بقلمي : أساور حسين
المُلْتَقَى _34 _
ما ادري اجرحك ؟لو اداويك ؟
حنيني وثاري گامنلك سوية ..
ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
تَـــمــوز ...
فكيت عيوني صار جدامي فراس ضحكت بعلووو صوتي
ضحكت وضحكت وضحكت الى ان طلعت روحو من تصرفي
تقدم وفر وجهي بوكس: تدري صارت هل مشاهد ماتهمني
وما تخوفني مثل قبل لآن تكررت چثير ، تعودت من تدحك علية
تعلقت بشي وحبيتو تاخذو مني وتحرمني منو بس الى متى ؟
فراس: من تبطل تتصرف مثل تصرفات ابوك
تحب وحدك ، تخطط وحدك ، تنفذ وحدك ،
تهدد ، وتنافسني ، وتجاوز حدودك ويايَّ
بذاك الوقت ارحمك مني .
تَـــمــوز : موتني والله راضي عليك اذا تموتني
لان ومحمد اكبر قوة بالكون ما راح تمنعني من
المصايب الـ راح تصير بيك بسببي بس اطلع
من هين ، اقضي عليك وعلى كل ناسك وأحبابك
أنـه لهنا حدي وياكم كافي صير زلمة وموتني .
فراس : ما بلحيف اخليك تطلع من هين وبيك
نفس أنتقام ، اني ادفن ، واقضي ، واتلف كل
شخص يخطط علية بسوء نية .
دنجت راسي جريت نفس وهمست
بصوت مستهلك: ماتت ؟
فراس : تحبها ؟
تَـــمــوز : ماتت ؟
فراس : ابوك مثلك حب ، وخطب ، وتزوج ، وخلف
بدون موافقة ابوية ورضاي ، وهساع ابوك وينو هاا
وينو تحت التراب ، تدري بيوم تهديدك من جنت تحچي
فارس وصار جدامي نفس الكلام ونسخ النتر والعصبية
والاستفزاز .
تَـــمــوز : مغتاظ منو لان تاج راسك لان اختار وتزوج
الـ يحبها وانت مشيت بـ أوامر ابوك العار وتزوجت بدون رضاك
وعشت وخلص عمرك ما راضي ؏ حياتك .
فراس : شنو الفائدة اخذ الـ يحبها ودفنتو بيدي هاي بيدي
وابنو راح يندفن قريب منو .
تَـــمــوز : عليش اموت واتعاقب ، غدرت ولدي ، خليت
لوعة بـ گلب واحد من ولدي ، جمعت اثنين اخوان وجابرهم
يتعايشون سوية ، لو سلمت زوجة ابني الداعش ، لو تواصلت
وحجيت أنـه وداعش ، لو طلعت خطط خاصة بالدولة
لو عذبت ابن اخوية إلي موتو ودفنتو بيدي ، لو تزوجت زوجة اخوي
وحرمت ابنها منها وجبرتها تعيش ويايَّ ، لو اتزوج واخلف
كل يووم شسويت فهمني شسويت ؟
فراس : تريد تطلع من هين ؟ عندي شرط
تحذف كل الفديوات الـ عندك .
تَـــمــوز : موتني .
فراس : وتسلمني الأوراق الـ بصمتني عليهن .
تَـــمــوز : موتني .
فراس : تريد تندفن هين بهل حجره .
تَـــمــوز : لا طول وخلصني .
طلع وعافني متقيد بحبال مگعدني ؏ كرسي
الغصه ابلعها وترجع تزرف گلبي
خايف ينحني ظهري ويدخل يدحك علية ويتشمت
ما اعرف شكثر مر وقت بس جسمي كلو ينمل
نگطع الهدوء بصوت خشن رج المكان
فكيت عيوني اتفحص المكان اريد اعرف أنـه
وين ، ركزت بالأرض ، بالغرفة ، بعدد الشبابيك
العالية ، عرفت نفسي بيت فراس الخاص بالتحقيقات
الخارجية والاجتماعات السياسية والامنية .
ندفر الباب ودخل كــانـــون
ومن بعيد اسمع بصوت دوهــان يتعارك
هو وفراس : كــانـــون اذا تريد ابوك لا تفك ايدي بعد الصار
ادمرووووو ومحمد عوفني لان أنـه خايف من نفسي .
فك ايدي بدون ما يدحك بوجهي خجلان من افعال ابو
ويايَّ ، سندني أنـه بعدني التخدير براسي
دفعت ايدهم وطلعت گضبني دوهــان وصاح : وين يولووو اربز
لحظة نطلع سوية .
دفعتو ومشيت ، كــانـــون طلع ورايَّ
وصاح بصوت صريح : تَـــمــوز امك بالمستشفى حدر ويانه
وعدتها ارجع البغداد اليوم وانتَ وياي الله يخليك لا تعاند .
صار جدامي فتح السيارة وبتوسل أردف: بداعت الوالدة تصعد
يول بعدو المخدر براسك تمشي وطوطح خلي نرجع لا يصير
شي بـ امك من البچي .
صعدت رجعت راسي ؏ كرسي وأون من قهري ولوعتي
نار شبت بگلبي الموقف كلو فلم براسي فلم ، منظر عمها
وايدو الممدودة كلها دمممممم هذا دم گلبي ، الدورية ونظرات
العالم وهي تدحك وتردد خطية هذا هساع خطب منهم
مسحت وجهي واخذت بطل المي من ايد دوهــان شربت
وهو غسل ايدي وجهي أنـه فقدت فصلت من المخدر
بكلشي ما احس ، تحركت السيارة غلقت عيوني
بس اسمع كــانـــون يخابر ودوريات صار جدام سيارتنا
حتى نطلع من الأنبار ، الى ان فقدت ونمت .
><><><><><><><><
ذَهــب ...
نايمة بفراشي الغرفة ظلام والصوبة جدامي
فزيت ؏ صوت صراخ نسوان ما اعرف شلون
ذبيت الغطوة وركضت ادحك ؏ 3 بنوات جدامي
صغار بالعمر ملابسهن مال حفلة بس عبارة عن دم
عمتي من دحكت عليهن وعلى تُــمــيم هو جابهن
دحك عليها بقهر وأردف بتردد : فراس هدم فرحت تَـــمــوز .
وگعت بالگاع لا من ايد ولا من رجع وبس تناشغ بـ اسم
تَـــمــوز ، ركضت خليتها بحضني وقسم فوك راسي
تصرخ وتگمز صرخت بي : اركض خلي ننقلها للمستشفى
بس لا انجلطت دخيلك ربي دخيلك .
رفعها وقسم وياه ركبناها بالسيارة وطلع ؏ مستشفى
نزلناها وهي تصرخ اريد ابني راح ابني مني وتدعي
؏ فراس دخلتها للطوارئ وتميم يحچي وياهم اجت
دكتورة فحصت الضغط والسكر سكرها صاعد 375
تُــمــيم : دكتورة هي ماعدها سكر .
_ لعد صاير عدها بالجديد .
نومتها ترتاح وكتبت علاج التميم يشتري من بره
طلع وانه گعدت ادلك بيدهه ورجلهه وأهون عليهه
مصيبتهه : عمه الله يخليچ صيري قوية ما عدنا غيرچ
انتِ سبب قوتنا ابوس ايدج لا تسوين بنفسچ هيج انتِ
من تدحكين عليَّ وعلى قُــسَـم نبچي مو تزعلين وتگولين
ماعدچن ثقة برب العالمين عجل تصرفاتچ هاي شنووو .
بقت بس تحرك براسها وتهمس بـ اسم تَـــمــوز
بقيت ارجف تركتها وطلعت اريد ادحگ هذا
تُــمــيم وينو اول ما طلعت الباب مال طوارئ
صار جدامي الدكتور اوس الي جنت اشتغل وياه
من شافني وسع عيونو وگف يدحك علية مصدوم
اوس : ذهب ومحمد ما اصدگ شكثر دورت عليچ اختفيتي .
ابتسمت بمجاملة وهمست بخجل : آهلا وسهلا دكتور .
أوس: شصاير بيچ ، شلونچ شخبارچ وين رحتي
خفت عليچ چثير وجنت اتمنى أرجع ادحگ شكلچ
عندي چثير حجي وياچ .
رديت وأني مستعجلة ما اريد أطول ويرجع تُــمــيم
_ جدًا اعتذر ماعندي وقت اترخص .
واني احجي تحركت طلعت للصيدلية صار
تُــمــيم جدامي : شبلاچ طلعتي عمتي بيها شي .
ذهب : لا بس انتَ تأخرت قلقت عليك .
تُــمــيم : شني يول زعطوط جدامچ امشي يول امشي .
دخلت أنـه وياه رجعت للطوارئ وهو راح للدكتورة
دقايق ورجع والدكتورة وياه ، انطت الام تَـــمــوز العلاج
گعدت جدامها بس طلعت الدكتورة مدت عمتي أيدها التميم
_ بغلاتي عندك خابر ؏ تَـــمــوز فدوة اروحلك .
تُــمــيم : بس مبايلو عند فراس .
_ خابر كــانـــون ، دوهــان واحد منهم ول گلبي راح يوگف
؏ ابني شصار وياه فهمني .
تُــمــيم: ما اعرف شني والبنوات بالطريق استحي احجي وياهن .
اتصل ؏ كــانـــون اخذتو منو ظل يطمن بيها
وعدها يرجع وتموز وياه بس يريدها تصير زينة
بقيت وياهه تحت المراقبة 24 ساعة المفروض
الثاني يوم من الصبح دخل تَـــمــوز ؏ عمتي
ما يحچي ولا حرف بس حضنها.
وكانون متعجب ؏ وجودي خارج البيت باعت ريكي
وبعدت عيوني منو اتجنب المح وجهو بكثر قهري منو
ومن تصرفاتو ويايَّ بعد السلام أردف .
كــانـــون : تُــمــيم الدكتورة گالت طلعوها بس تحتاج راحة .
تُــمــيم : يلة نتوكل .
كــانـــون : يلة بساع .
لملمت أغراضنا ساعدت عمتي تلبس
آخذها كــانـــون سندها لان تَـــمــوز
ما ظل بي حيل ، وتميم يحجي هو وتموز
طلعت وياهم بيدي أغراض .
أوس: لحظة ذَهــب .
التفتت ادحك عليَّ واحس گلبي دگاتو صارت
مسموعة بكل المستشفى ، دحكت عليهم يمشون
ما سامعين صوتو : نعم .
أوس: بيچ شي عليش بالمستشفى ؟
بعدني اريد ارد دحكت عليهم وسعت عيوني
من دحكت ؏ كــانـــون سلم عمتي التميم واجه
بتجاهي يمشي سريع : شكو ؟
رفع اوس حاجبو وفر وجهو بعلامة انتَ
شعليك ، ابتسم كــانـــون بغضب وهمس
_شكو ذَهــب صاير شي .
انبلع الساني يعني بهل لحظة اني شنو موقفي وشلون ارد
وشنو التبرير المنطقي.
كــانـــون : ذَهــب تسمعيني ؟؟؟
ذهب : كــانـــون زوجي ، أوس دكتور الأسنان الـ ...
قاطعني وهو يهز براسو : اعرفوا بس .
اوس : زوجج .!!!
كــانـــون : اي زوجها.
اوس : بهل سرعة تزوجتي ؟
گضبو كــانـــون من قميصو وصاح : هاي گو******
مو واگف احچي وياك تحچي وياهااااااا عليش ابن الدوني
انعل هيد هيدك ومحمدددددددددد .
ظل أوس مخنزر علية ويدحك ؏ مستشفى
العالم تدحك علينة: اعتذر منك اخي بس .
دفعو كــانـــون واخذ ايدي : لا تظل تبسبس وروح من وجهي
لا اضربك ضربة قاضية .
صار يمشي ويسب بي وبالمستشفى صعدني بالسيارة
وادحك من بعيد تُــمــيم مصعد عمتي وتموز بسيارتو
ذَهــب: اريد اروح وياهم .
كــانـــون : ولاااااااا اريد اسمعععععع حسسسسسچ .
ذَهــب: عليش انقهرت ؟
كــانـــون : گلت ما اريد اسمعععععع حسچ .
ذَهــب: اني هم انقهر وموقفي اصعب من موقفك بـ أضعاف.
كــانـــون : هووووو شنوووو وحده بوحدة .
ذَهــب: تدري اني هم مصدومة سبحان الله
يمكن بكثر ما دعيت رب العالمين ردت
تعيش نفس شعوري حتى تحس بوجع گلبي
رب العالمين رجع او ...
كــانـــون : ذهههههههههههههههب صوتچ .
ظليت اهز برجلي ودرت وجهي ؏ شارع
الى ان وصلت روحـي رادت تطلع من
انفي ، ضربت الباب بقوة ونزلت اركض
تَـــمــوز بعدو بالباب ، نزل كــانـــون
وطبطب ؏ كتفو : أدخل خوية ...
دخلو دوهــان گاعد هو والقسم يستفسرون
من البنات ألي الحد الان ما نعرف منو ؟؟
اول ما فات تَـــمــوز ظل موسع عيونو يدحك
جدامو باهت مصدوم : كازوووو .!!!
دار وجهو ؏ كــانـــون يأشر ؏ البنات
دوهــان: إي وحده منهن كازو خطيبتك ؟
ردت اختها الصغيرة وهي ترجع شعرهاً
خلف اذنها وتمسح بدموعها : هاي كازو .
ادحك ؏ كازو شبه منتهية وجهه أزرق من الضرب
وفستانها ملطخ بالدم وبس دموعها تنزل ما بدر منها
رد فعل اتجاه دخول تَـــمــوز نهائيًا وكأن ما تعرف
بوجودو ، اني من يمي خفت من رد فعلها وحالتها .
كــانـــون : عجل أختها ماتت ؏ ايد عمها.
تَـــمــوز : عليش هاااااا بسبب أبوك عمها شلون
وصل الـ هل حال قبل لا تصير الحادث هو فقير ويخاف
من خيالووووووو .
كــانـــون : قُــسَـم اخذي البنات ؏ حجره غادي .
ادحك عليهن بعدهن اصغار ويرجفن حاضنات
كازو يلتمسن الحنان والطمأنينة بيهه .
كــانـــون : بس انتِ خوية كازو لا تروحين ضروري نحچي .
دوهــان: مو وكت كلام كــانـــون نأجل الموضوع شوية
البنت حالتها صعبة وفاقدة اختهه .
كــانـــون : ضروري نخلي النقط ؏ حروف قبل لا يصير
شي غير متوقع ، لازم نخلي احتمالات ونتوقع كلشي .
گعدت عمه رضية وقسم اجت وكفت بصفي
همست : شكو يربي شبيهم ؟
كــانـــون : الكل موجود صار وقت الكلام .
وهو ثابت بنص الغرفة جدامو عمتي رضية
وعلى يسارو تموز ، وعلى يمينو كازو واني
وقسم ودوها واگفين خلفو بصف الباب
طلع مبايلو وشغل فديو بي اغنية وهو واگف
قدم ايدو ؏ كازو وبطريقة غير مفهومة
أردف: اختي الفضيلة هاي انتِ بالفديو ؟
رفعت راسهه دحكت ؏ فديو ونزلتو
فر التلفون ؏ تَـــمــوز وهو مستنكر
الموضوع ومزعوج منو اردف : هاي نفسها زوجتك شرعًا كازو مو ؟
تَـــمــوز : ووووووووين تريد توصل كــانـــون ؟
رضية: لاااااااا تعلي حسككككككك ؏ اخوك وجاوووووب
عدل هاي البنية الـ ترگص نفسهااااااا هل بنت .
تَـــمــوز : اي نفسههههه عدكم اعتراض ؏ إختياري .
كــانـــون : اختصر الموضوع الصار
من عرف أبوية بموضوعك انتَ والأخت كازو
سأل وتواصل هو وام زوجة عمها ( لمياء)نفسها
الـ عايشن بيتهه وهي نقلت الأبوية رقم ام المكان
نسيت اسمها سمسم اعتقد وراح ابوية وبأمر من
لمياء سلمت سمسم الفديو الأبوية وهو من عرف
بموضوع كازو مع كل أحترامي رقاصة سلم
الفديو الـعم البنات وهو فقد اعصابو من عرف
بشغل بنت اخو وحاول يجتل كازو بس اختها
صارت جدامها وطعنات السكين رگعت بالبنية ...
تَـــمــوز : ابوية ابوية ابوية ابوية فرحان بـ ابوووووكككككككك
يولوووووو ابووووك چلب مطي گو****** سا*******
ابن الـ ******* الـ ********* انعل ابوك لابو الخلف ابوك
هل كلب ابن الكلب شنوووووو هل طااااغي من سوالف وحقد
ابوككككك ماتت البنية شنووووو ذنبها فهمني شنو ذنبها .
رضية: كممممم مرة اگول لا تعلي حسكككك ؏ اخوككككك
اكبر منك احترم وافتهمممم منوووو هساع هو موجود وياك
لو رايح الأبو .
كــانـــون : تعرفني أنـه ؏ باطل ما أسكت والغلطان ياخذ استحقاقو
وابوية غلط بحقك وخرب فرحتك وهل موقف ما اعبرو
وحقك اخذو منو .
قاطعو تَـــمــوز وهو يصيح وصوتو
طبگ من الصوت العالي صار خشن
_ لاااااااااااا ابوك اني اتصرف وياه وحق فرحتي المهدورة
وهاي سوالفووو من يخدرني ويخليني بسيارة وافتح عيوني
ما اعرف وين موجود وهساع ماتت بنية طفلة بسببووو
ما اعبرها .
وگفت كازو نزلت فستانهه ورفعت الشال تغطي شعرهه
ودموعهه ما نشفت توگع ؏ ملابسها وجهه من الخجل صار
احمر دم حتى ما رفعت راسهه تدحك علينة بس
بعد السكوت بس كمل تَـــمــوز هي تكلمت
_ من البداية جنت أعرف بس نرتبط راح أخسر هواي
واسبب خطر لحياتك وتسبب خطورة ؏ حياتي
وثمن عقد الزواج راحت بيها اختي الطفلة ألي حاربت بس
حتى احافظ عليهن من ذئاب بشرية حقيرة ، ولهنا وخلص
اني ما اريد اكون سبب مشاكلكم والواضح عدكم عداوات بيناتكم
اني ما مستعدة اتحمل هل امور واخاف تكلفني روح ثانية
آني ماخذه أخواتي وطالعة منكم ومشاكلكم حلوهه بعيد عني .
دحكت علية وهمست بصوت خافت : الله يخليچ وين البنات ؟
قُــسَـم : حدري ويايَّ .
هي طلعت وكانون كمل كلامو : الصراحة مستغرب شنو الأسباب
إلي توصلك القرار ترتبط ببنية اعتذر عن كلامي جدًا اعتذر بس هذا
واقع ، بنية رقاصة ليش ؟؟؟؟ وشنو الأسباب ؟؟
تَـــمــوز : يتيمة مثلي ، معنفه مثلي ، قوية مثلي ، تفضل اهلهه
واخواتهه ؏ نفسها مثلي ، تتمنى تخلص من عذابهه مثلي
تغلط لأن مجبورة مثلي ، تشبهني بكلشي وصعب الآنسان يلگي
انسان يشبهه بهل وضح وهل كون اني ما اريد اضيع هل بنية
لان احبهه ومن كل گلبي عاشگهه .
كــانـــون : والرقص ؟؟؟
تَـــمــوز : كل الناس تغلط وهي غلطت وتابت
هساع انتَ من تنجبر ؏ شي مو بس تغلطط
تلعبون لعب وكل العالم يغلطون المهم التوبة
بعد الغلط ، اني اگدر احافظ عليهه داخل بيت نظيف
حياة هادئة مثل ما تتمنى وتريد وبنفس الوقت
اخواتها يمها هذا كل مافي الموضوع ، ما يهمني
الماضي يهمني المستقبل وهل بنية اني احبهه
واكبر قوة بالعالم ما تحرمني منهه .
كــانـــون : البنية انتَ عاقد عليها ولا اني ولا غيري يگدرون
يدخلون بقرارك اذا انتَ مقتنع ، هاي امك يمك وزوجتك موجودة
ادخل انتَ وامك للغرفة وتفاهموا كعائلة بدون تدخل احد .
تركهم وصاح علينة: تحركوا كل واحد الغرفتووووو .
قُــسَـم ودوهان تركتهم واحد صافني بوجهه الثاني
واني ركضت للغرفة بس ايدي ؏ گلبي اول ما دخلت
وسديت الباب صاح : شنوووو يريد منچ هل كلب .
ذَهــب: الصراحة ما أعرف .
تقرب گضبني من ايدي وسحبني گعدني ؏
سرير وهو متنرفز وعيونو حمرة دم استرسل: اگعدي لا تروحي
تخرطين العافية وتوگعين وتصيحين من وراككككككك
حفظتهن هل سوالفففففف .
ذَهــب: حقك تحفظ هل سوالف واني اگول شو هذا
خبير بالنساء ويعرف يلعب ؏ وتر آثاري صاحب تجارب .
كــانـــون : بعمري ما معامل حرمه مثل معاملتي وياچ
لا تبقين تجلفطين بالحچيييييييي .
ذَهــب: عليش ؏ راسي ريشة كل الحريم تعاملهن معاملة حلوة .
كــانـــون : بس معاملتي وياچ تختلف جذريًا أنـه ارتاح يمچ
واضحك بكل اريحية اتصرف لان احبچ كلهن احترمهن بس
انتِ احبچ واعتبرچ كل حياتي .
ذَهــب: والدليل صدمتني بزواجك وابنك ؟
كــانـــون : زواجي ؟ اني ما متزوج غيرچ انتِ بس انتِ
؏ أسمي ، اسمها ام ابنك طليقتك .
ذَهــب: لاااااا تغيرررر المسميات .
كــانـــون : انتِ لا تغيرين وخليچ عاقلة ولا تعبين نفسچ
ولا تعبيني اني مضطر آخذهم ويايَّ واجذب اذا اگول ما اخاف
؏ ام ابني ، أنـه ضابط مهمتي احمي الوطن وابناء الوطن
وهي احد بنوات وطني ، اذا يصير بيها شي ابني يصير يتيم
وما اقبلها .
ذَهــب: اني ما اقبل بهل وضععععععع ابد ما اقبل ما اتقبل الموضوع
مو بيدي كل يوم من عرفت لليوم امووووت شنو ذنبي كل ما افرح
تطلع معوقات بحياتي إني شمسويه بحياتي اريد افتهممممم
شوكت ارتاحححح تخردلت .
كــانـــون : منو يمچ عليش تكبرين الموضوع .
ذَهــب:اريدك ألي وحدددددي .
كــانـــون : وانه الچ وحدچ يول أنـه ما عندي نفس بغيرچ
انتَ امتلكتي گلبي وعقلي وغيرچ بعمري ما أريد
اليوم انتِ مو بس حرمتي .
تقرب گعد قريب مني حضني وايدو تلامس بطني
ومثبت وجهي بيدو مركز بعيوني : ابني هين ، حبيبتي الـ اختاريت
تكون شريكة حياتي حامل بـ ابني ، بعد كل هذا تظنين اكو شي ثاني
يهمني غيركم .
ذَهــب: لاااا تصفط كلاممممم جدامي اني مو طفلة وتضحك
عليَّ افتهمت كــانـــون مو طفلة ، انتَ مو صريح ويايَّ
رغم زواجي منك لعبة بس گعدت جدامك صارحتك بالماضي
بلغتك اني جنت احب الدكتور ا ......
ضربني بطرف اصابعو ؏ شفايفي وصاح : اششششششش
ولا حرف اشششششششش لا تلفظين اسم زلمة غيري
انتِ تحبيني وما يهمني الماضي أنـه الحاضر والمستقبل
أنـه ابو ابنچ وخلصصصصص .
ذَهــب: وتريد اكون مثلك مثل ما انتَ ما يهمك الماضي مالتي
المفروض اني ما يهمني زين شلون ما يهمني وهي موجودة
طليقتك ام ابنك موجودة وابنك موجود .
كــانـــون : عجل شنو فكرچ أتخلى عن ابني وابقي بنص الموووت ؟
ذهب : انتَ من البداية مو صريح ويايَّ وخلصصص .
كــانـــون : بوقت تعارفنا جنتي تريديني ؟
ذهب : لاااا .
كــانـــون : لو گاعد حدامچ وبلغتچ اني مطلق وعندي ولد
شنو راح يكون تصرفچ ؟
ذهب : بكل بساطة اخرب ما اقبل اعلى نفسي أكون دخيلة.
كــانـــون : اي ومن تخربين كلشي وتروحين الجلاد الـ اربع وعشرين
ساعة يهدد بيچ بـ اختچ واخوچ شنو يكون سبب الرفض بلازحمة ؟
بعدت عيوني منوو واني استوعب المصيبة
نزلت دموعي وهمست : بس صعبة .
كــانـــون : انتِ ماتعرفين واني بمهمة اطلعچ من ايد جلاد
شلون اسولف عن حياتي وانتِ تروحين تبلغين ابن عمج
جلاد هذا الضابط مطلق وعنده طفل بهل حال فعلًا بعد
ما يحتاج وجودچ لان عندو هدف وهو ابني إلي جدام جماعتي
ما اسولف بي اخاف يستغلونو بيوم من الأيام ، بكل بساطة
يهجم عليهم وانه مبتعد منهم ويهددوني بي يموتووو ومحمد
يموتوو ويموتني لان بلحظتها اسلم نفسي هذا ابني اخاف علية
ذهب ومحمد اخاف .
نهز جسمي بكثر ما شهكت وبطني لوتني لوي
من التفكير والقهر : بس انتَ ما اريد احد يشاركني بيك
اريدك ألي اريدك عوض عليش هل صدمات فهمني
هساع لو بس ابنك هين ومحمد اني ادير بالي علية
بس ما اتحمل وجودهه .
حضن وجهي بيدو وتقرب اكثر اخذ شفايفي بين شفايفو
لدقايق تخالطت أنفاسنا مسح ؏ وجهي وفصل البوسة
_ اني الذهب ومحمد ، من عرفتي بالموضوع لليوم
تقابلتي وياهه ؟
ذَهــب: لا ابد .
كــانـــون : اني ما أسمح اقلل من مقام وإحترام حرمتي
وادخل دخيلة الحياتي أنـه وياهه ، احترامچ عندي بالمرتبة الأولى
وبعمري ما استهين بمشاعرچ جدامچ وجدام الكل وكلهم يعرفون
معزتچ عندي .
ذهب : بس .
كــانـــون : بس شنوو مو اول ما وصلنا البغداد بعدني
ماعندي بيت وخليت موقفچ بين عيوني وحتى ما قبلت تنزلين
وبقيتي بالسيارة واخذتچ اني وياج ندور ؏ بيت والحمدلله
بيوم واحد لگيت هل بيت صحيح قريب عليهم بس للأمان
ومحد بي غير ناس انتِ ماعندچ مشكلة بوجودهم ويانه .
ذَهــب: واذا يجبرونك ترجع تزوجهه ؟
كــانـــون : ارجع أكرر نفس الجواب بالمستشفى
گلتي اكيد رجعتها وبلغتچ لا اني اريدهه ولا هي تريدني
لان تعرفني ما اتوالم وياهه لا بالتفكير ولا بالتصرفات
سبق وعشت وياهه وابد ماكو تفاهم يا بنت العالم هي
بحياتها وانتِ كل حياتي .
جريت نفس وهو كمل كلامو : وانتِ شوكت تنوين تصيرين صريحة
وياي مثل ما اني صريح وياچ ؟
ذَهــب : ماعندي شي انتَ ماتعرفو .
كــانـــون : والتلفون ذهب ، والدكتور شلون عرف مكانچ
تريدين تنتقمين بهل أفعال ؟
قلصت عيوني مستغربة من كلامو ضربتو ؏ صدرو
وگفت صحت وانه شطت من هل اتهام : شنو تقصد أنـه تعمدت
اتواصل اني والدكتووووررررر ؟؟؟؟؟
كــانـــون : عجل شلون يعرف مكانچ ؟
ذَهــب: انتَ شلون تسمح لنفسك تتهمني هل اتهام ما اسمحلك .
كــانـــون : شلون عرف مكانچ ؟
ذَهــب: صدفة كلشي صار صدفة بعدين أنـه شعرفني
عمه رضية تتخربط واروح للمستشفى ؟
كــانـــون : اي كملييييي ما اريدددد احجي كلمة واجرحچ كمليييي .
ذهب : شنوووو اكمل اگول صدفة وما صار
بيناتنا كلام غير السلام وبسسسس غير هذا ما صار وما راح يصير .
كــانـــون : احسنتِ لان سوالف وحدة بوحدة ما أحبها .
ذَهــب: لا تخاف ما أتصرف مثلك واروح اتفق اني وطليقتي
واسفرهه ويايَّ من الأنبار البغداد بحجة ابني .
كــانـــون : ما صار بيني وبين طليقتي اي حوار فقط السلام
اتفقت اني واهلهه واجت ويايَّ هل كل الصار .
ذَهــب: المقارنة ممنوعة كــانـــون .
كــانـــون : من ايدچ اشك بيچ من ايدچ .
ذهب : مايهمني بعد الصراحة اهم شي اني عندي ثقة بنفسي .
كــانـــون : لا يهمچ ويهمني وغصبًا عنچ التلفون يتسلم يعني
يتسلممممممممم افتهمتي ذهب لوووو لااااااا .
وگفت جدامو اضرب بصدرو واصرخ
انهاريت من طريقة كلامو والتكذيب
والاتهامات: تلفون ما عندي والخربطة والمصايب الصارت
بحياة تَـــمــوز سببها ابوككككك ، يعني تعرفون هل انسان
كلشي يسوي علمود يوصل المصالحووووو
ابوك هو خط الوصل بيني وبين اختي وازيدك من السعر بيت
اربز منو خبر يخليني ألتقي اني واختي هل ايام وهساع
صار عندك علم بكلشي ممنوع تتهمني ممنووووععععع .
كــانـــون : ابوية شلون يعرف اختچ ؟
ذَهــب: ابوك المحترم عندو تواصل بجلاد لا تگول راح تنصدم
؏ كمممم المصايب إلي دحگتها من ايد ابوك خلال هل فترة
ألي عشتها وياكم اني ما أتعجب .
هو بعد فصل عني وسع عيونو وجسمو من العصبية
يهتز يهتز بصورة مخيفة ، دفر الميز وطلع من الغرفة بكبرها ...
><><><><><><><><
هَــيـلانـة ...
عطاء: يا فتيات بغضون ساعتين تكملون كل الأعمال
بدون تهاون بالعمل وقبل ان يرجعون الرجال .
_ منذ الصباح ونحن نعمل متى تستريح ؟
هَــيـلانـة: من تطلع روحـي ويصير بيَّ خيط خبال عليهم هل كفار
متت تخردلت اصابيعي ثلجت شنوووو هووو شنوووو .
عطاء: انجزن العمل من دون كلام .
رجعت اجلف بـ أرضية المطبخ وأفكاري
اخذت راحتهه بالأفكار ورجعت الذلك اليوم
من ذكرت اسم : لواء فراس ..
هل اسم سبب هسترية للسفاح بحيث بلحظتها خفت
ونرعبت من شكلو إلي صار يشبه الموت .
الــســفــاح: تحررررركي انززززززلي فوررررراً .
هَــيـلانـة: شصار تعرف هل زلمة ؟
الــســفــاح: هيـــــــــل انزلي روحـي من وجهي روحـي .
طلع جهاز مبايل صغير وهو يبتعد مني
اسمع صوت : الرقم المطلوب خارج نطاق التغطية .
ورجع يكرر بالمكالمة واسمع صوت : الرقم المطلوب مغلق حاليًا.
التفت دحك علية بعدني موجودة هجم واني ركضت مثل المخابيل
وقبل لا انزل دحكت علية ابتعد صحت بصوت مسموع
_ بسيطة بعد ولا احجي وياك يا عملاق يا وحشششششش .
ضرب الباب بقبق التانكي ومن الخوف تزحلقت
من المحجر ما نزلت الدرجات حتى بسرعة أوصل
هو وگف بداية الدرج موسع عيونو مبهوت من حركتي
وعيت ؏ نفسي من دحكت الضوء أختفى
والظلام صار محلو رفعت راسي صار
جدامي مبتسم : حدري ويايَّ بساعچ .
دحكت صفح ورجعت اجلف الأرضية
_ مو احچي وياچ حدري ويايَّ .
هَــيـلانـة: عندي شغل مشغولة ما اگدر .
الــســفــاح: هيـــــــــل امشي جددددددداااااااامي .
من الصوت نهضت مندهشة
_ شبلاك تصاررررخ ما اجي وياك اجباري شنووو .
رجع علية وگف جدامي وصاح : عود شنووو زعلانة .
هَــيـلانـة: انتَ تجاوزت علية وحاولت تضربني بالقبق
وطردتني فوك ما أساعدك شنو تنتظر يعني .
الــســفــاح: بطلي سوالف الزعاطيط وحدري عندي
شغل مهم وياچ وضروري .
هَــيـلانـة: دروح ابني روح مني ماعندي شي وياك .
الــســفــاح:هي غبية لا تنرفزيني امشي .
هَــيـلانـة: لا تجاووووز لا أدوس بطنك .
عقچ وجهو ورفعني من طرف دشداشتي
_ خاب النملة وينچ وين الدوس غير امرعدچ تموعد
غير اسوي بيچ فلم كوميدي ، خاب النواصة خليني
ساكت ومتحمل .
رجعت گعدت واني اجاوب ؏ كلامو المزعج
مثل وجهو : اكبر عقلي وما اجاوبك رب العالمين يحاسبك
يا مهبول يا هِتر يا عديم التربية والأخلاق .
الــســفــاح: هاي كلهن وبعدچ ما مجاوبة عجل من تجاوبين
شتسوين وشنو تحچين يالنواصة .
درت وجهي وبصوت استفزازي رديت
_ اروح اسولف منو سبب موت الشبح عيني عيني .
عض شفايفو السفلية وقبض ايدو ورفعها
يريد يضربني صحت بصوت : لاااااااااا تضرب .
الــســفــاح: تحرررررركي راح اهفچ بوكسي تحركي .
هَــيـلانـة: بالبداية تعتذر عن ذاك اليوم واليوم .
الــســفــاح: تتحركين لا اشتغل بيچ تشريح .
نكتت ايدي وشمرت الجلافه وصحت : اووووف منك اووووف
خبلتني هساع ما اريد اروح وياج تجبرني شنو .
احجي وادردم وامشي ، دخلت للغرفة جتفت ايدي
وبقيت اهز برجلي بدون ما انتبه ؏ حركت جسمي
_ احجي خلصني اكيد وراك مصيبة .
قلص عيونو وبعدها مني وگعد ؏ سرير
يعدل بلحيتو وشواربو وشوية ينزل
يكفكف بردان قميصو : ادحكي وركزي ويايَّ .
استمريت اهز بروحي من العصبية اريد اضربو ومحمد
_ اشتغل عندك وما ادري .
الــســفــاح: مو تريدين تطلعين واجب عليچ تساعديني
مثل ما اخوچ العزيز يساعدني .
هَــيـلانـة: ابني لا تصفن أحجي اسمع ...
الــســفــاح : اي خطية بالطفولة هزيتي كاروكي
وصرت ابنچ بنت الخوشششش اوادم ، ادحكي
خلي اخلص بسرعة واطلع لان اذا اظل وياج
انجلط رسميًا.
هَــيـلانـة: انتَ لو تماطل لو ما تعرف تحچي .
الــســفــاح : ابلع هل كلام الغثيث واكمل
اريد تصعدين الغرفة جلاد قبل لا يرجع
وتاخذين اوراق مهمة من المكتب .
هَــيـلانـة: بس المكتب مقفول .
الــســفــاح: نسخة عند عطاء ، وكل يوم الساعة 3
تفتح المكتب وتدخل بنت تنظف المكان ، وراح
ارتب الوضع وقبل لا تدخل البنت أنـه احجي وياها
واخليهه تلتهي بين ما طلعين الأوراق .
هَــيـلانـة: وين صايرات ؟
الــســفــاح : بـ اخر جرارة من المكتب .
هَــيـلانـة: بس اخاف ما انجح .
الــســفــاح : ما مستبعد الفشل منچ لان عگلچ خارج نطاق الخدمة
بس لا تخافين مستحين وانه موجود اسمح الشخص يأذيچ
بظهرچ بكل وقت.
نرفزني بالزايد وهو تنرفز وجهو احتقن صاح
بصوت مشتاط غضب : يولووووو اثبتي بمكانچ شلعتي گلبي
شبلاچ غربلتيني يمعثورة .
وگفت بصف الباب وهمست : ربع ساعة وتصير بـ 3
اني راح انفذ الخاطر العزيز وانتَ توله أمر البنية .
الــســفــاح: دروحي خلصيني .
طلعت اكمل بالجلف بس صار
الوقت تحركت بدون ما يحسون
وصعدت فوگ لگيت الــســفــاح
يسولف هو والبنت والباب مفتوح
دخلت ركض لكحت اوراق واخذت
أوراق ثانيات ، وركضت نزلت
ماكو دقايق ودخل خطفهن من ايدي
عبارة عن رموز ، گعد يفك الشفرات
رفع راسو وضرب ؏ وجهو : ادري عوبه وخوثه ما دبريها
يولووووو مو نفسهن هوووو نفسهن .
هَــيـلانـة: وانه شعرفني بيهن هذني جدامي .
الــســفــاح: انوب آخذت أوراق خلتهن بمكانهن
يعني راح ننشهر شهيرة .
هَــيـلانـة: أصلًا من البارحة أريد أبلغك بالشهرة .
الــســفــاح: شكوو ؟
هَــيـلانـة: البارحة جنت امشي بالممر اريد اروح للحمام
ونزل جلاد يخابر بشخص سمعتو يگول اكو واحد معرقل
موضوع لقائي اني وذهب لان صاير وياه مشاكل اعتقد
اسمو تَـــمــوز اعتقد ، ولواء فراس متعارك هو وهذا الشخص
تَـــمــوز ، وبلغو هل يومين نلتقي .
الــســفــاح: شبي تَـــمــوز يا ستار.
فر راسو واسترسل بالكلام : شمسوي بعد يا فراس شمسوي بيهم .
هَــيـلانـة: وبعد سد المكالمة ورجع اتصل بشخص بلغو يراقبك
لان شاك بيك يمكن او عندو غاية براسو أنتبه هل فترة .
الــســفــاح: تعودت ؏ مراقبة كم يوم ويتأكد ماعندي شي وياه
هذا اعرف العب علية بس هل غضب فراش شمسوي .
هَــيـلانـة: تعرف فراس وتموز .
الــســفــاح: ممنوع تذكرين اسمائهم ممنوع منعًا باتًا .
هَــيـلانـة: شعرفني بيهم حتى اذكرهم .
الــســفــاح : يلة امشي رجعي هل اوراق قبل لا تنقفل الغرفة.
طلعت أنـه وياه هو صاح بيهن اجتماع
وانه ركضت للغرفة رجعت اوراق
واخذت المهمات لان ماكو غيرهن بعد
نزلت خليتهن ؏ مجرات اريد التفت ودخل
الجلاد للغرفة مالتي مبتسم : بنت عمي الغالية .
دفعتهن خلف المجرات بمل هدوء وگعدت ؏
مجرات ادحك علية وحلگي يبس من الرعب
والرهبة ركض الــســفــاح دفع الباب وهمس
ببتسامة لعوبه: الخليفة العظيم .
جلاد : الــســفــاح السبع خلصت شغلك .
الــســفــاح: كلشي مثل ما تريد واحسن .
جلاد : احسنت يا سبع ، وهساع تتركني أنـه وبنت
عمي دقايق عندي وياها موضوع مهم .
الــســفــاح : جدامك بنت عمك وتحت أمرك .
طبطب ؏ اكتافو وطلع اقترب الجلاد مني
وبعيونو نظرات الشر والحقد متوسط
عصرت ملابسي بيدي وهمست : ما سويت شي والله .
جلاد : اعرف بيچ صايرة حبابة بعد الصلخ والذبح الصار
جدامچ ، انتِ مگدور عليچ براشدي اخليچ تفرين براسچ
بس اختچ عاندتني الى ان ضحك عليهه ضابط قذر
ابن حرام وشمرهه بنص السجن ليل ونهار الضباط *******
الـ*********** ...
سديت اذاني من قوة كلامو ودموعي تصب
؏ خدي صوخت بعلو صوتي بس اريد يسكت
مني تعبت : كافيييييي ابوس ايدك كافي شتريد مني بس فهمني
احجي واطلععععععععع .
جلاد : هيري نفسچ ساعة ونروح نلتقي بـ اختچ ذهب .
هَــيـلانـة: هي ذهب مو بالسجن وبتهمة قتل شلون تطلع .
جلاد: ابن عمچ قادر ؏ كُل شيء بفضل الله سبحانه وتعالى .
هَــيـلانـة: بس أنـه بطلت بعد ما اريد اروح المكان
ولا أريد ألتقي بذهب ...
جلاد : حتى اسلخ جلدچ عن عظمچ ، ساعة بس ساعة ونطلع .
تركني وراح ظليت اچل بـ اظافري
توتر وقلق وخوف ورهبة وعجز كلهن
مجتمعات بنفس الوقت ، ظليت ادحك ؏ باب
هسا يدخل واحد منهم ، العزيز الــســفــاح
بس ولا واحد دخل ولا واحد والساعة خلصت .
عطاء: هَــيـلانـة هل اكملتِ ؟
هَــيـلانـة: انطي خبر للجلاد اني ما راح اروح
ولا اطلع من هل حجره .
سدت الباب وماكو ثواني ورجعت تركض
_ اركضي أسرعي يا فتاة لقد جن جنون الجلاد
واخبرني ان اعطيكِ الأوامر الآن وفورًا اصعدي الى المكتب .
هَــيـلانـة: اين هو العزيز والسفاح .
عطاء: لقد خرجوا الان بمهمة من الخلفية الجلاد .
بلعت ريگي وطلعت من الغرفة والدم كلو تشنج
بجسمي صعدت الدرج بخطوات ثقيلة مترددة
دخلت لگيتو گاعد ؏ ميز بيدو سوط : بنت عمي جاهزة
نروح الـ اختچ ذهب وننقذهه .
نزلت دموعي وانه اتابع ضربات السوط ؏ ميز
بس ؏ موتي اخلي يأذي واحد من اخواني
هَــيـلانـة: بلغت عطار وبلغتك أنـه ما راح اروح ولا اطلع من هين .
جلاد: تحبين ادفنچ هين بهل حجره لو بغرفتچ الجوة ؟
هَــيـلانـة: ما راح تخوفني حلفت ما اروح وغلات العزيز وذهب .
صرخت صرخة سمعها كل صغير وكبير بالبيت
صرخة يبچي عليها العدو والصديق ، روحـي شاغت
صعدت للسماء ورجعت تتعذب ويايَّ على اثر ضربة السوط ...
يتبع ...
- الرساله ؛ ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!