رواية تجبر أحفاد الــ دليم الفصل السابع والعشرون 27 - بقلم اسـاور حسين 🦢✨

تَــجــبـر أحفاد الــ دلــيـم🦅
         بقلمي : أساور حسين
المُلْتَقَى _33 _

انا جتال روحي منين اجيب الثار؟

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
تَـــمــوز ...

تَـــمــوز: ها يولو مأمون دبرتهه ؟

مأمون: سيدي متأكدة انتَ اليوم تباشر دوام ؟

تَـــمــوز : اغم تظل طول عمرك يول أنـه بالطريق
اجيت من بغداد ساعة زمان أدخل الأنبار ويايَّ دوهــان .

دوهــان: يالمعثور ومحمد اذا نوصل وبعدك ما منفذ
اشربك الحبوب واخليك تمشي وتبوس بالضباط .

مأمون: الله يخلصني منكم ؏ اهون سبب
ومحمد اذا ما تورطوني ما ترتاحون تكسفت أحوالي من وراكم .

تَـــمــوز : هاي عليمن يول بعروره طالعلك لسان
ومحمد اگضبو واگصووووووو .

مأمون: امزح سيدي امزح راح اروح انفذ .

تَـــمــوز : دمشي لا اخليك عبرة بالدوام .

مأمون: سيدي سجلت المكالمة بس تسون شي اشهركم .

تَـــمــوز : اوگف وصلت اعلمك تسجل تاريخ موتك يالبعرورة .

سديت التلفون وهذا دوهــان صاير ازرگ من الضحك
تَـــمــوز : أنـه أعرف الآنسان الطبيعي من يضحك
يصيراحمر انتَ شمالك تصير ازرگ .

دوهــان: ول المنفوخ غير احنا كلنا زرگ من الشمس .

تَـــمــوز : چلوح ملوح ،  ومحمد قبل لا اجي رحت للحلاق بغدادي
دحك عليَّ گال الستار شنو انتَ انسان نياندرتال ، گتله شني
گال انسان بدائي هذول قبل ضخام وشعرهم واصل الـ اصبع
رجلهم الصغير ، وهو الحلاق تدحك علية مزلوغ زلغ شوية واسلج علية .

دوهــان: وسكتت منو بهل سهولة ؟

تَـــمــوز : تدري شنو اسمو ؟

دوهــان: يا سالفة الأسماء الـ ما تخلص ، شنو اسمو .

تَـــمــوز : ركان ، متخيل شاب اسمو ركان
گتله ركان انشائية لو حلويات خطية اختنگ
نقهرت علية انطيتو رقمي وگتلو أنـه أسعي
ويغير اسمو لا تعرف الناس وتضحك علينة.

دوهــان: بيك عقدة من الأسماء لآن اسمك مو قانوني .

تَـــمــوز : تروحلو فدوة الهتلي لا تفك اثمك وتعيب
لا اكمل الطريق تصنيف بيك .

دوهــان: حتى ادفرك دفرة ومحمد اخليك
تفصل من الكون ، السطل همات يحچي .

سكتت منو وهو يبحوش بجهازو ماكو دقايق
ورجع يستفسر: اگلك تَـــمــوز متأكدة من هل خطوة
تراها خطرة ، شلون اذا طلعت مو خوش ويموت .

تَـــمــوز : اذا يموت أنـه اشيل تهمة القتل لا تشيل
هم بس انتَ إحتفظ بالسر الى ان نوصل وصير
خوش زلمة .

دوهــان: أنـه وياك بس هذا مو سهل .

تَـــمــوز: خلي الموضوع يمي أنـه صار اسبوعين اخطط
وارجع ليوره عقلي درخ الخطط درخ .

دوهــان: نتوكل ؏ الله وندحك شني يصير
حتى بس تكمل هوستك واتشمت ؏ راحتي
واطلع للواجب .

تَـــمــوز : للموصل ؟

دوهــان: اي اكيد بعدني ما خلصت واجب غادي .

تَـــمــوز : هساع اتأكدت انتَ فاصل ؏ أخير يول
الموصل ترجع بس بالتدريج والاتفاقات مو تروح
تذب روحك بنص الموت قبل لا يجهزون الدعم .

دوهــان: هي خربانه خوية هساع نروح لو بعدين نفس الخرط .

تَـــمــوز : دوهــان عليش تعرض روحك للموت يا خوية
مو والله كل روحتك ما تخش العگل .

دوهــان: الله يخليكم هل موضوع لا تدخلون بي أنـه مرتاح
اريد اروح هي فترة شهرين وارجع ؏ أنبار .

تَـــمــوز : انتَ تگدر تصحح علاقتك بـ قُــسَـم احسن
من هل مخاطرة والسفر يخوي اسمع كلمتي مرة وحدة وبطل عناد .

دوهــان: كل يوم يخلص وقسم ؏ ذمتي تكرهني أكثر
أنـه ما اريدها تكرهني تَـــمــوز انتوا عليش ما تفهموني
صعبة علية ما أتقبل الموضوع بكبرو .

تَـــمــوز : أرجع واگول من جيرة بفرگك يا فراس الچلب 
هساع راح نوصل واخذ بثاري وبثاركم منووو .

دوهــان: متحلف اگضبو واشبع بي بوكسات .

تَـــمــوز: تأمر أمر أخوي هساع وصلنا انزل انزل واليوم
نلعب بي كرة تنس .

نزلت أنـه وياه متحمسين ، من يوم خطف فراس
والتعذيب وجهي المنفوخ بعد ما داومت ولا طلعت
وخليت احد يدحك ؏ وجهي خلصتها بالبيت واصرف
بقوالب الثلچ أخفت ورم وجهي ، وبين ما خياطي
طاب وانفتح گدرت ارجع الدوامي وحياتي الطبيعية
دخلت والكل يسلم علية وبيهم اقل مني رتبة ياخذون
تحية استعداد ، بوجهي للمكتب لگيت مأمون يدگ
ويلطم ؏ راسو .

تَـــمــوز: ها يولوووو شكو يا ستار ؟

مأمون: سيدي شسويت بيَّ سيدي شربها وداخ الزلمة
عليش هيچ تأخرت .

تَـــمــوز : دگيت حبوب الكبسله وفياجرا سوية ؟

دوهــان: چذاب !!!

مأمون: مثل ما علمتني بالضبط بس خايف
سيدي هل حبوب قوية اذا يروح بيهن شلون .

گعدت ؏ مكتبي مشتاقلو ورديت علية بكل برود
_ عادي يول تنشمر السالفة براسك تخلص
كم سنة بالسجن بعدين أنـه اقنع العايلة واخليهم يتنازلون منك وتطلع .

مأمون: لاااا سيدي بشاربك لا تسويها بروح ابوك
لا تخوفني سيدي أنـه الخاطرك سويتها لا دگ الناقصة بيَّ .

ضحكت وأنه أعدل بملابسي ومشيت طبطبت ؏ كتافو
ورديت علية اطمئن بي صار اصفر كركمي ؏ بنزرقي
_ يولو يا اغم لا تموت يالبعرورة لا تخاف أنـه حتى
دوهــان ما ادخلو بهل موضوع اني اتحمل الخساير
والمصايب بالكامل انتوا بس لا تسولفون بالسر .

مأمون : سيدي هو احنا نگدر نسولف بالمصيبه
هساع حالنه حال بلاع الموس لا نگدر نحچي
ولا نگدر نبلع السالفة لان تاكل بگلبي .

تَـــمــوز : الله يعثرك ويعثر گلبك وياك لان صرعتني صرععععع
يالمصروع كافيييي يول دخت كافي خليني اتشمت براحتي .

دوهــان: راح تروح .

تَـــمــوز : اكيد مفعول الـحبوب هساع صار عال العال
خليني استعجل قبل لا يروح بيها عمي العزيز الحبيب .

طلعت للمكتب مباشرةً فكيت الباب ودخلت وبعلو
صوتي صحت : عمي العزيز رجعت اساعدك .

فراس : الله تَـــمــوز رجعت .

تَـــمــوز : اي اي رجعت أنـه ما اعوفك وحدك وراك وراك .

فراس: لان ساقـ ***** وگ*******  .

تَـــمــوز : هاي عليمن يوووووووووول ؟

ضربت الميز هو ظل يرمش بعيونو خايف
ضحك وصاح : علية شبلاك تزگح مو عيب ساقـ***** .

فكيت تسجل بالكاميرا وعدلتها وانه مندمج وياه
اسحب الكلام منو حتى يوگع بالفخ المخطط
تَـــمــوز : شني عمي ما تشتغل ؟

فراس : بعد ما اشتغل المن اشتغل هو العراق مبيوع بالثمن الرخيص .

تَـــمــوز : هذا الوزير شبي وياك ؟

فراس : خبلني بعد ما اشتغل الهم ما يستاهلون .

هين خليتو يحجي كل الـ بگلبو ؏ وزير وعلى وكيل
وعلى كل المسؤولين النواب والوزراء وغيرهم وغيرهم
بحيث الفديو صار ساعة وربع عبارة عن كلام مشفر يخص
عالم واصلين بالدولة .

ارتاح گلبي وسديت التلفون وطلعت اوراق
وهمست : هاك عمي وقع هين وأبصم حتى نخلص شغل هل اسبوع .

هو ما گال باطل وقع ؏ كل الاوراق إلي مستحيل بيوم
يخطي هيچ خطوة بيهن ويوقعهن وبعدين نسرد بالطلبات
_ يولو اخذني ؏ مكان كلو نسوان .

دخل دوهــان خليت الأوراق بجيبي ورديت
بضحكة: اشتغلت الـ فياجرا عيني العب بيها يابو سميرة .

دوهــان: هاا فراس السطل شلونك .

فراس : احتاج نسوان واصير زين .

دوهــان : كم وحدة متزوج انتَ .

فراس : چثير ، احسن منك انتَ ضحكوا عليك بقسم .

دوهــان: تاج رأسك قُــسَـم .

فراس : تاج راسك انتَ وهذاك الغبي
بعدو يحبها يخابرني الخايس يهدد بيَّ
يگلي ألي يهدم فرحة بين اثنين لا يعبد بعد الله .

بعدو يريد يكمل وگع علية دوهــان بوكسات
اريد ارفعوا منو ما اگدر ثگيل إلى درجة
بحيث لو ما وأعي ؏ نفسو بـ اخر لحظة
چان راح بيها فراس .

اخذتو ودفعتو برة الغرفة ورجعت طلعت فراس ؏
غرفة المنام ونومتو بفراشو وطلعت وهذا بعد عصبي
تَـــمــوز : وداعتك اخذت بثاركم منو بدون ضرب ومعارك .

دوهــان : فحم گلبي فحموووو .

تَـــمــوز: خلي مستمتع باجر يصحصح
وادز الصدمات بالتسلسل شي بعد شي
تعرفني احب عمي واخاف علية لآن
الصدمات ثجيلة .

دوهــان: شسويت ؟

تَـــمــوز : كل خير ...

طلعت بوجهي اكمل الخطط بالتدريج وبكل حذر
واول ما صار اليل دگ تلفوني دحكت ؏ اسم
ظليت جامد شلون نسيت .
كازو : انتَ كُل عقلك تخليني انتظر ساعة كاملة تضحك علية حضرتك .

تَـــمــوز : وصلت وصلت ومحمد بس دقايق .

كازو : دقايق ؟

تَـــمــوز : ثواني يول راح أسوي حادث من السرعة.

كازو : اي حقك ناسي مخليني بالشارع
انتظر قابل أنـه وحدة من عرضك .

وگفت السيارة جدامها وأشرت بيدي حتى تصعد
رفعت حاجبها وطبگت الباب بكل قوتها ومن العصبية
ما تدحك علية : لا تمثلين مبين راح تموتين علية مشتاقتلي واضح
عليچ وعلى تصرفاتچ وتحركاتچ وكلشي يسولف بيچ .

كازو : ثقتك تثير الاشمئزاز .

تَـــمــوز: أنـه مشتاقلچ حد الموت .

كازو : وأضح والدليل صار فترة طويلة ما شفتني ولا شفتك.

تَـــمــوز : يولو انتِ مستهترة ترفضين بوجهي السمح
اقبلي تصيرين حرمتي وخليني ادخلچ بوسط بيت فراس
ومحمد بساعتها تصير بي جلطة 3D .

كازو : فراس منو ؟

تَـــمــوز : چلب مربي بيتنا يحبني يموت عليَّ
اذا احد يتگرب مني يموت يتهستر .

ذبت حسرة وبلا ضحكة ردت : ما ناقصني مشاكل .

تعجبت ؏ برودها حسيتها وردة وذبلت
طافية الى درجة مؤذية مو نفسها كازو
الـ من ادحگ حركاتها ونشاطها لا إراديًا
اضحك : شبلاچ مو ؏ بعضچ بيچ شي ؟

دحكت بعيوني بتركيز وعيونها تلالي
بالدموع : لا مابيَّ شي بس تعبانة .

تَـــمــوز : اي شبلاچ تعبانة غير اعرف منو وياچ
نهائيًا مو ؏ بعضچ .

كازو : تعبانة الى درجة مستحيل اگدر أوصفها لان ما تنوصف
لا بالكلام ولا بالكلمات تعبانة لدرجة اتمنى الموت هلكت
اني هلكت .

تركت كلشي من ايدي والتفتت ادحك عليهه بكل اهتمام
ايدي ترجف عليهه ما اتحمل منظرهه : منو وياچ فهميني
شنو تريدين عليش تحچين واحسچ متأذيه .

كازو : المسؤولية كبرتني ألف سنة ياريت بس انام
مرتاحة بدون ما افكر اذا تغمض عيوني  يدخل احد ؏ خواتي
ويعتدي عليهن ، تعبت واني اتعارك ؏ اكل اوكل بي أخواتي
تعبت مليت واني اعيش دور كيس الملاكمة مالتهمممم
الله لايرحم ابوية وامي ؏ هل مسؤولية والظلم الصار بيَّ
بسببهممممممم .

شهگت وهي تمسح دموعها وترفع براسها حتى لا تبين
ضعفها غمضت عيني استغفرت واخذت باكيت الجكاير
شغلت وحدة بقيت اخذ نفس وره الثاني اريد ادحگ شني
تالي هل مصيبة : انتِ عليش تعاندين اسمعي كلامي
وخليني اساعدچ ماتريدين تعيشين مرتاحة بيت خاص بيچ
انتِ واخواتچ خلصي من هل مسؤولية وخليني اشاركچ بيها
ونتساعد ؏ كلشي وعد ما اخليچ تحتاجين شي ابد ولا تفكرين
وتخافين أنـه اصير اب واخ وصديق وحبيب بس طاوعني .

كازو :اسفة تَـــمــوز ؏ كلامي بس من خوفي
افكر بيوم تدني نفسك ؏ أخواتي .

تَـــمــوز : شلون ارد وشلون أعبر انتِ شنووووو
فهميني شنوووووو ، ركزي تراني من عائلة محافظة
ومتربي واخاف الله مو عبالچ ادخل مكان للسهرات
معناها مو زين .

كازو : ما قصدت انتَ مو زين تَـــمــوز والله هذا مو قصدي .

تَـــمــوز : ادحگي أنـه اگدر من زمان اتگرب منچ
بس ردت اخذچ بالحلال ، وشرط من شروطچ احافظ
؏ اخواتچ وياچ لان مسؤولية ، ولان احبچ واريدچ
بـ اي طريقة وافقت وحتى تطمئنين بلغتچ احافظ عليهن .

كازو : بس افتهمني .

تَـــمــوز :ما اريد افتهم يول احنا الدليم من نعشگ
نقفل بعد وانه عاشگچ ولآخر مرة اطلب منچ
كازو تقبلين تتزوجيني ؏ سنة الله ورسوله
لو كل واحد يلتفت النفسو ونبتعد .

كازو : توعدني تحميني للموت؟

تَـــمــوز : وعد زلمة اقدمچ ؏ روحـي واحافظ عليچ .

كازو : توعدني تعوضني ؏ كل تعبي
ومهما يصير من مشاكل ما تتخلى عني.

تَـــمــوز : اوعدچ ايدي بيدچ للموت .

كازو : موافقة تكون سندي ، زوجي ، عوضي بعد تعبي .

أخذت ايدها بستها وطلعت ورقة
گلبي بس من اصير قريب منها
دگاتو تصير غريبة وسريعة: اكتبي عنوان عمچ .

كازو : بس عمي أنتقل صار اسبوع تقريبًا وما اعرف عنوانو .

تَـــمــوز : سهلة أنـه أعرف أوصلو لا تفكرين بيها
انتِ بس ديري بالچ ؏ نفسچ كلها ايام وتصيرين يمي .

حركت السيارة اخذت مسواك ؏ سريع ورجعتها للبيت
هجست رجعتهه تضحك ، رجعت للدوام لگيت دوهــان
يجهز بالسيارة : هااا انتَ ومنو طالع .

اشر ؏ مجموعة من الشباب ورجع للسيارة
يشتغل ويجاوب : أنـه وياهم وجبة ثانية تنتظر ؏ طريق
حدر ويانه اذا تريد .

تَـــمــوز : يولو أنـه قريبًا راح اصير العريس تَـــمــوز .

دحك علية متفاجئ ؏ مستغرب
وما مصدگ كلامي : تمزح اكيد .

تَـــمــوز : لا والله احجي صدگ لگيت فارسة احلامي .

دوهــان : تقصد فتاة احلامك .

تَـــمــوز : هي دي فتاة ام ام ام احلامي .

دهان : يعني واگع ؏ وجهك چفي .

تَـــمــوز : اي ومحمد صار فترة طويلة معلعلتني اليوم وافقت
واريد افاتح الأهل بالموضوع وبـ أقرب وكت أروح اخطب .

دوهــان: بيها الخير ما اعرف عليش خايف من اختيارك
ما مطمئن لا آلك ولا الذوقك .

تَـــمــوز : هههههههه حرمتي لطيفة تشل تجلط تكتل راضي عليهه .

دوهــان : الله يستر بس الله يستر .

ودعتو وانه اضحك وهو تايهه وحاير
بين يروح وبين يظل ، اخر شي توكل ؏
الله وطلعوا بسيارة وحدة دخلت اكمل شغلي
المتراكم ، صار اليل ولأفكار تاخذني وترجعني
وبعد بحث طويل أنـه ومأمون لگيت عنوان عمها
والرقم إخذتو من الصبح المكتب عمي العزيز فراس

اخذت تحية صباحية محترمة وصحت
تَـــمــوز : أقوى تحية صباحية لعيون عمي الغالي .

فراس : لا تشتغل من الصبح عوفني بحالي راسي يريد
ينفجر وروحي خلصانه روح مني بهل ساعة .

تَـــمــوز : عليش شني روحك بـگحـ**** حالتهه .

فراس : تمووووززززز عوفني راح اوگع وانت بطران .

تَـــمــوز : عندي موضوعين وياك ضروريات
واهم منك بمليون مرة .

فراس : عار وتظل عمرك كلو عار .

تَـــمــوز : العار الـ يشرب كبسله بنص الدوام وبالواجب
وفياجرا شني مو عيب تشرب فياجرا لو واحد من الأحفاد
مسويها مو تتخبل وتموتو بمكانو بربك بدينك .

فراس : لا يا نذل يا چلب هاي انتَ هيچ مسوي بيَّ
يول يالعار ماتخاف اموووووت بيهن .

تَـــمــوز : بعمرك وحياتك دحكت عار مات ؟

فراس : اي أنـه أموت العاريه بيدي ، وأقرب مثال ابوك .

تَـــمــوز : ماكو غيرك عار ، وثاري وثار ابوية اخذو يعني اخذو .

فراس : أعلى ما بخيلك اركبو وما تگدر تتمكن مني لو تموت .

شغلت التلفون فكيت الفديو مالتو وهو يسب
ويحجي مخططات عن الدولة والوزراء وغيرها وغيرها
مصايب ، فقد التوازن وگع ؏ تخم يبلع بريگو.

تَـــمــوز : وهساع منو العار أنـه لو انتَ ؟

فراس: اطلع من تهديدك مثل ما طلعت من الأكبر منها .

تَـــمــوز : أنـه مو فقير مثل ابوية فارس وتگدر توگعني
ولا انقهر عليك مثل ما ابوية ينقهر ويتنازل عن حقو الكم
وانت وابوك تغدرون بي وهذا كلو لان اخذ الـ يحبها گلبو
وما خليت ابوية يتهنى ويفرح يوم واحد هو وحبيبتو
موتو انتَ سعيت ؏ نقل ابوية وراح بيها بسببك
ما خليتني اشبع شوف من ابوية حرمتني من حنانو
بس تدري جنت صابر لان أولادك همات امهم وجدهم ابو امهم
رباهم مو انتَ لهل سبب ما يشبهونك بالصفات ولا بالأخلاق
انتَ نذل وأولادك تربيتهم صحيحة اما انتَ تربيتك تربية سلطان العار .

فراس : سهلة تَـــمــوز سهلة يجي يوم وتندم ؏ كل حرف
وعلى كل مسباتك ، تسب بـ ابوية جدامي موووو سهلة .

تَـــمــوز : اششششش ولا حرف بعدك ما دحكت شي
من انتقامي لو تعرف ؏ شني خليتك تبصم وتوقع البارحة
تظل تلطم ؏ راسك ومحمد .

وسع عيونو وگمز عليَّ لزمني من الرتب وهزني
وهو يصيح بعلو صوتو : ؏ شنووووو وقعت يووووول احچي
؏ شنوووووو وقعتني وبصمت الله لا يسامحك .

دخل واحد من المفوضين صاح بي وطردو
دفعت ايدو وگعدت ؏ تخم شغلت جكارة
ورديت بكل استحكام:من يصير الوقت مناسب اكيد تعرف
؏ شنو البارحة بصمت يا عمي العزيز المهم هساع
سكتني ؏ الفديوات ونفذ كلامي بالحرف الواحد بدون تقصير
ولا تلعب بذيلك وياي لان اوكلك وحل .

فراس : شلون يريدني اكسر راسووو وراس الخلفو .

تَـــمــوز : لا تتجاوز ؏ تاج راسك يول العار
مو اوزع الفديوات حدي هين بالمديرية
وشلون يحبونك يشهروك ويشروك ؏ حبل .

فراس : هساع اخابر ؏ كــانـــون يطيح حظ حظك ؏
سوالفك والبصمات يا سافل منحط دوني .

رجعت ظهري على تخم وفرشت ايدي
ورديت بكل برود : إتصل عمي اتصل حتى نخلص بسرعة
ونتفق ؏ نقاط مهمة نكملها بسرعة يلة استعجل وكت ماكو
خلصني من هل مهزلة على سريع واگعد جدامي ركض .

ضغط ؏ اسنانو وگعد جدامي بس شنو يرجف
رجف من العصبية لو بيدو يموتني خلاص بس
ضابط اعصابو من خوفو ؏ رتبتو لان كلامو
بالفديو قوي الى درجة : احجي واختصر بالموضوع شعندك
وشنو المطلوب بعد هل خرط والتهديد امك وطلگتها بعد شتريد مني .

تَـــمــوز : اريد تجمع شيوخ الدليم كلهم من الچبير للصغير
وتطلع ويايَّ خطابة ، قررت أتزوج وكلشي اريدو ؏ حسب
الأصول اريد شيوخ تسد فرع المنطقة من بدايتو النهايتو
وغير هل كلام تعرف شسوي .

فراس : هاي يا بنت شوارع تقبل بيك يالعار
شني ماتعرفك ؏ حقيقتك .

تَـــمــوز : لا تغلط لا ومحمد اطگ براسي هساع اشهرك .

فراس : أنـه اعرفك اذا انتَ تگول ولدي مو تربيتي
بس انتَ تربيتي اعرفك ما تقتنع بنوات بيوت اذا
مو بنوات شوارع أنـه معتب .

تَـــمــوز : انتَ لا تدخل عليك تچي مثل الخروف تخطب
وتتسجل البنية ؏ اسمي وبعدهه اطلع منها حتى عرسي لا تحضرو
ما اريدك موجود من هساع ما معزوم .

فراس: وينو بيتهم ؟

تَـــمــوز : جهز الشيوخ وبيوم الخطبة نروح ؏ عنوان .

فراس : غير نتفق وياهم بالبداية شني اخذ الشيوخ هيچ
ويايَّ غير ناخد منهم كلمة .

تَـــمــوز : أنـه اخذ منهم كلمة لا تدخل بهل موضوع
ماعندي ثقة بيك ما استبعد تحرگ گلبي مثل ما حرگت
گلب ابنك من لحمك ودمك وسلمت حبيبتو من الطفولة
الأبن عمو لو بذاك اليوم ما مانعين دركْان ومخلي يموتك
ونخلص منك چثير اشرف .

ظل يهز براسو يحمل تركتو وطلعت راسي
افتر منو ومن شكلو وكلامو القذر ، إتصلت
؏ كــانـــون اتأكد منو : ها حبيب انتَ وين منتظرك .

_ دقايق وأوصل تأكدت من العنوان مضبوط ؟

تَـــمــوز : اي والله حتى دزيت مأمون وطلع عمها.

كــانـــون : جهز نفسك بس أوصل اشرب استكان چاي وأصلي ونطلع .

تَـــمــوز : متفقين راح افرش السجادة وبيدي اجهز الچاي .

كــانـــون : هههههههه المسحول سحل .

سديت التلفون ولبست بدلتي الجديدة ورتبت شعري
رشيت عطري ودخل كــانـــون يضحك عليَّ
شرب جاي وبس خلص صلاة طلعت أنـه وياه
وصاحبو رتبة رائد ومأمون ، ماكو ساعة
وگفت جدام بيتهم نزلت أنـه والشباب دگيت
الباب اول ما طلع وگع يريد يتخربط گضبتو من
ايدو وگفتو : ومحمد ماعندي شي كافي خيري شري
صاحب جهال ومن الشغل للبيت لا عندي زايدة ولا ناقصة .

كــانـــون : اذكر الله خوية شمالك خرطت العافية
جايين بموضوع خاص يخص بنت اخوك الكريمة .

هو هين صدگ عدل نفسو وگام من حضني
بس شني بي تصنيف شهر كامل دخلت أنـه
وياهم قدم الچاي وفشل من الموقف بس غلست
والشباب ويايَّ ولا عبالك صار هيچ موقف بعد
السلام والكلام سولف الشايب الشيخ الحكيم
من بين كل الأحفاد كــانـــون : خوية من بعد اذن الموجودين
أنـه والشباب اجيت نخطب ايد بنت اخوك الكريمة لأخوي
النقيب تَـــمــوز ؏ سنة الله ورسوله ونريد منك كلمة حتى
هل يومين احنا وشيوخ الدليم نجيكم نعقد وزوجهم شرعاً شگلت خوية ؟

_والله يا خوية فاجئتني واني اتشرف بيكم بس
لازم اخذ رأي البنية وبنفس الوقت اسئل ؏ نقيب تَـــمــوز .

تَـــمــوز : اخذ راحتك منا الباجر رد الجواب حتى بعد باجر نجي ونعقد .

_ بس ليش هل استعجال .

كــانـــون : ياخوي ما تدحك الوضع شلون صار واحنا
طلعنا من الانبار وانت طالع ظلت بس البنت بنص الأنبار
لازم وضروري يعقدون حتى يجهزون نفسهم ويتزوجون
وياخذها عندو .

_ صح كلامكم هاي هي ان شاء الله باجر ارجع خبر .

سلمت والشباب وياي طلعنا ورجعت أنـه وياهم للمديرية
دخل كــانـــون ؏ ابو وطلع عصبي ظليت بعيد خابرت
؏ كازو وسولفت ؏ صار بالتفصيل ، الثاني يوم لليل
خابر ؏ كــانـــون : موافقين بس البنت عدها شروط
نتفق عليها جدام الشيوخ .

كــانـــون : جاهزين احنا خوية تأمرون امر .

_ اذن متفقين يوم الخميس الخطبة وقبل العقد نتفق ؏ كلشي .

تركت كــانـــون يسولف ورحت ؏ فراس بدون
ما اضرب ؏ باب وگفت جدامو وأمرتو : الخميس اريد كل الشيوخ
باب بيتنا القديم مناك نطلع .

فراس : جدك وجدتك يردون يجون ، ولا تنسى لازم امك تجي
راح تعرضهم للخطر الطريق مو أمان.

تَـــمــوز :امي ما تجي أنـه بس اعقد اخذ البنية واروح البغداد
وتتعرف عليها وتجهز العرس هي وياها من بغداد .

فراس : مخطط وحدك ومفنن .

تَـــمــوز : اذا تريد أعلمك تدلل ، بخصوص امك لا تجي
اخاف تفگرني بس ابوك خلي يجي ينفش ريشو جدام الشيوخ .

طلعت قبل لا يجاوب ورجعت للمكتب
اخذت الجنطة الـ جابها كــانـــون
ملابس الخطبة جهزت الغراض وفرحتي
ذكرتني بفرحتي بالعيد من جنت طفل
كل شوية ادز رسالة الكازو نتبادل الغزل
وصورت ملابسي وهي تصور بالفستان
وبلغتني هي تجهز نفسها لان ماكو صالونات
وعدتها اعوضها بالعرس .

يوم الخميس الساعة 5:00 عصرًا ...

توجهت أنـه وكانون للبيت القديم انصدمت
بعدد الشيوخ الموجودين من الدليم سلمت
عليهم واحد واحد وقبل لا اطلع دحكت
؏ نفسي بالمرايا عدلت بدلتي النيلية وقميصي
السمائي وبيدي رجعت شعري واول ما صعدت
للسيارة شغلت اغاني وظليت ارگص أنـه ومأمون
وكانون يدحك علينة ما عاجبو الوضع .

وصلنا للبيت عمها واگف وياه اثنين زلم
من عدد الزلم ويانه ظل حاير وين يگعدون
وشنو من ضيافة يقدمون بحيث الـ صغار بالعمر
ظلوا بره ينتظرون ، بعدني اريد ادخل وصدمني
دوهــان نزل من السيارة وياه تَـــمــوز راجع
من الموصل بس حتى يحظر الخطوبة سلمت
عليهم ودخلت وبعد السلام عمها رفع صوتو
وصاح : البنت عدها شرط واحد بس .

ابو فراس : تأمرون امر بس شنو الشرط .

_ عدها 3 خوات تريد بيت تعيش بي هي وأخواتها
تأمن عليهن يعني .

واحد من الشيوخ صاح : هذا مو منطق هو مزوج
البنت لو أخواتها شني يحير بيهن هساع انتَ ترضاها ؏ نفسك .

_ هذا شرطها وبلغتني اذا ماكو موافقة ماكو نصيب .

تَـــمــوز : أنـه موافق وجهزت بيت يلم أخواتها
وهي تعيش وياهن لان أنـه دوامي هين وهي راح تعيش
بغداد وكل فترة اگدر اجي للبيت .

ورجع واحد مو الشيوخ نبص نفسو : شني من كلام هذا
بنوات غريبات محللات عليك تعيش وياهن بنفس البيت هذا مو منطق .

تَـــمــوز : البيت طابقين واني راح ارتبو واطلع درج ينزلهم
من فوك للشارع والدرج الداخلي ينلغي ، يعني أنـه ما ادخل عليهن
اطمئن.

ورجع عمها كمل : والحاضر والغايب ؟

فراس : هههههههههههههههههههههههه .

دحكت علية صاير احمر من العصبية ما راضي ؏
كلامي ولا سالفة البيت ولا ؏ زوج بكبرو تجاهلت
وجودهم واردفت: الحاضر البيت وذهب ؏ ذوق العروس
وجهاز العرس كامل اما الغايب 25 مليون .

- اذن نتوكل ونقرأ الفاتحة .

چثير من الشيوخ ما راضين والكل رافع خشمو
شلون قبلت اتزوج وحدة وشرطها اخواتها وياها
وفوك كل هذا يطالبون بـ حاضر وغايب
تقدم الشيخ يعقد وقبل لا يتمم كلشي ندگ
الباب وسمعت صوتها الناعم : من بعد اذن عمي والشيوخ
أنـي اعقد بس ما اريد حاضر وغايب بس يذكر بالعقد يحافظ
علية وعلى اخواتي هذا الشيء يساوي عندي كنوز الدنيا بكبرها
اني اريد زوج يصير اب واخ وسند الفلوس ما تهمني .

تَـــمــوز : تدللين أنـه جاهز اصير اهل وعد وهاي
جدام الكل اخليچ بعيوني انتِ وخواتي .

كتب الشيخ بالعقد وبصمت ؏ موافقة وبعد الكلام صاح
-الف مبروك عليكم أعلن زواجكم شرعًا ؏ سنة الله ورسوله .

بلحظتها من فرحتي حتى جدي وفراس بست ايدهم
عليش ما ادري بس الآنسان من يفرح ينسى كلشي
صار وياه هيج أنـه بهل ثواني گلبي طار وروحي
تضحك العدوي والصديقي ، حضني كــانـــون
وطبطب ؏ أكتافي: يولووو يا هتلي الف الف مبروك
الهِتر تزوج منك المال ومنها لعيال ابو الشباب .

تَـــمــوز: راح اخلف بنية خصيصًا لأبنك متأكدة يطلع
شريف ؏ ابو حتى يدير بالو ؏ بنتي .

دوهــان : من حقو يضمن حقوق بنتو ومستقبلهه
الف الف مبروك يولو بعرسي ما فرحت هيچ .

تَـــمــوز : طيح الله حظ عرسكم انتَ وكانون
لعبان نفس أنـه حالف اسوي عرس اخلي العالم سنة
كاملة تسولف بي ومحمد اركص بي للصبح .

كــانـــون : ملطلط يولو ما شايف وشاف
اثگل خزينته يولو شمالك اركد .

تَـــمــوز : متخلي عن جميع أنواع الثگل ألكم
بعد روحـي يلة خلوني ادخل ادحك ؏ حرمتي
لان روحـي طلعت واشهركم اذا ما اتمتع اليوم
بوجهه السمح الجميل الطيف الخفيف البهي .

كــانـــون : يارب طلع حرمتو عاجل مو مثلو هل مهبول .

تَـــمــوز : هههههههه ابشرك اخوي انتَ حبيتها لان مهبولة
اكثر مني بـ إضعاف يعني من هساع بنتي تلعب ابنك
دقلات هيلاهوب .

كــانـــون : لا يولو تمزح اكيد .

تَـــمــوز : بوية انتوا وين تفيد وياكم بنية فقيرة اذا
مو مهبولة ابوك وجدتك وجدك يهججون البنت بليلة ضلمة .

دوهــان: امشي فوت للمهبولة مالتك ابو السان شگد يحچي .

أخذت باقة الورد ابيض بلون بشرتها ودخلت
أنـه وعمهم اول ما صار بوجهي بنية طلعت
زوجة عمها نظراتها قذرة وما ارتاحيت
لا للبنية ولا الأم البنية ألي هي نفسها تعيش
وياهه كازو وأخواتها ، أمها تدحك عليَّ بحقد
عبرتهم ودخلت صارت اميرتي جدامي
بضحكتها وبرائتها وفستانها الأبيض
سلبت عقلي وگلبي صار مسجل بـ أسمها
خلف ظهرها بنوات تلاثه صغار بالعمر مبتسمات
صرت جدامها قدمت الباقة وأيدي
من الارتباك ترجف تقربت اكثر
وحاوطت وجهه بكفوفي وبست راسها
اول بوسة اول مرة اقترب وبالحلال
حضنتها والأول مرة تبادلني الحضن
تَـــمــوز : كازو مسؤوليتي وحلالي اليوم انتِ ملكي
انطيت وعد النفسي بيوم من الأيام اسمچ يتسجل
بـصف اسمي ونفذت .

كازو : گتلي حني عليَّ حني حاجتي الچ حاجة السفن للرياح
واليوم اني السفن وانتَ الريح اريدك وأحتاج وجودك بحياتي .

تَـــمــوز : انتِ مسؤوليتي للموت يا من سلبتي عگلي وگلبي .

كازو : نظل للموت رغم المصاعب والمحن .

تَـــمــوز : يمچ أنـه يمچ يا عيوني انتِ .

وعيت ؏ نفسي ؏ تصفيق أخواتها فرحانات
الى درجة تقدمت وحدة منهن باركت والثانية
اصغر وحدة جانت تحچي وتقفز من الحماس
_ صحيح راح تاخذ كازو احنا وياها وتخلصنا من هذا البيت .

تَـــمــوز : اي صح بس نتزوج تجون ويايَّ .

_ عادي بعدين اناديك بابا .

كازو : كافي حبيبتي .

تَـــمــوز : عوفيها براحتها ، اي عادي ناديني بابا
اي شي ابالچ ناديني مثل ما تحبين متفقين .

هزت راسها ورجعت للخلف طلعت علبة
صغيرة من جيب البنطلون وهمست : هاي الحلقة اريد تظل بيدچ
الى ان نروح البغداد اي شي ابالچ تشترين مناك ماشي .

لبستها ورجعت حضنتها وبست راسها ودعتهن وطلعت
الدنيا بكبرها ما واسعتني فرحتي هاي فرحتي الأول
مرة افرح الهل درجة ما انطي من سعادتي ابد اريد ارگص
اهلهل اكمز اني فرحان ومن كل گلبي بس طلعت
اتصلت ؏ امي بس انفتح الخط صوص الهلاهل مالتها زادت
فرحتي : اخذتها يمه صارت بـ اسمي والله ما مصدگ .

رضية: الف مبروك يا نظر عيني الله يعلم بكبر فرحتي
ربي يتمم عليكم بالخير يا امي وتجي انتَ وياها هين
نسوي أحلى عرس وارگص بعرسك للصبح وترجع
فرحتي يا يمه من ادحك عليك انتَ وحبيبتك عرسان .

تَـــمــوز : حبيبتي انتِ نيالي عليچ يا گلبي ربي يطول
عمرچ وتزوجين ولدي .

دوهــان: يول هذا من هساع يحجي بولدو بعدو ما متزوج .

تَـــمــوز : معليك أنـه بس اتزوج اخلف اسراب من الجهال والزعاطيط .

رضية: ان شاء الله يمه ان شاء الله.

سديت التلفون وهذا مأمون وگف السيارة باب البيت
وشغل اغنية ويرگص جدام الكل ؏ اغنية
(كلنا نريد نودعها لعزوبية كلنا نريد
واختار الحبيبة كلها حنية كلنا نريد نودعها لعزوبية
احبها جانت ابالي ام تصير لأطفالي واخلف منها
اريد وليد وبنية وكلنا نريد نودعها العزوبية )

ركصت وياه حتى دوهــان وتميم ويايَّ
وجماعتي بالدوام فرحانين بالربع ساعة
خلصنا وصعدنا السيارات ورجعنا البيت
العايلة نسلم ؏ شيوخ ظليت افر براسي
ادور ؏ فراس ماكو ما ارتاحيت لزمني
القلق بقيت كل شوية اطلع ادحك سيارتو
ماكو رجعت گعت أنـه والشباب من خفت
الشيوخ نسولف ؏ شغل ومسؤوليات الزواج .

الى ان رن تلفوني من دحكت المتصل كازو گلبي
نكمش ما ادري عليش ارتعبت رديت وانه گاعد
صوتها وصراخ خواتها زرف طبلة اذني
وگفت ؏ رجلي صارت ثگيلة .

كازو : تموووووووز راح يموتني تمووووز ساعدني خواتي
ابوس أيدك أخواتي امانة عندك ساعدهن تعال الله يخليك
خلصهن من ايده .

تَـــمــوز: شكوووووو يولوووو منووو كازوووو تسمعيني
الوووووووو كازوووووو .

سديت التلفون وانه اركض مثل المهبول
وسترتي تعيق حركتي نزعتها وشمرتها
بنص الشارع وركبت السيارة وكانون
ودوهان ورايَّ يريدون يعرفون شصايرً
رديت وانه متهستر : ما اعررررف شبلاهن منوو راح يموتهاااا
راح اتخبل منووووووو .

سقت السيارة بسرعة جنونية الطريق صار
طويل الى درجة بعدني بالركن ونزلت اركض
بي أريد أوصل ، وگفت جدام الباب من دحكت
؏ دورية مقابيل بابهم والجوارين كلهم خايفين
واگفين بالباب ، طلعوا عمها ايدو كلها دم
وجهو دم وملابسو دم فقدت هجست اثنين طوقوا
ايدي ومثل الشاش صار ؏ وجهي بحيث جسمي نحل
بسبب المخدر القوي الموجود بالشاش
صارت عيني بعين فراس ابتسم بنصر من نرفع
الشاش من وجهي إقترب من نار گلبي
همست بتعب ونحول : ابوس ايدك بس هاي فرحتي
لا تقضي عليها احبها لا تلوع گلبي .

فراس : أنتهت هل رقاصة وأنت تنتهي وياهه .

غمضت عيوني وفتحتها لمحت دوهــان وكانون
جدامهم اثنين رافعين السلاح عليهم حتى ما يتقربون
بس كــانـــون يهدد بـ ابو ،وانه جماعة فراس رفعوني
وشمرني بسيارتهم فقدت الوعي وانتهيت .

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد