رواية تجبر أحفاد الــ دليم الفصل التاسع 9 - بقلم اسـاور حسين 🦢✨

تَــجــبـر أحفاد الــ دلــيـم 🦅
بقلمي : أساور حسين
_15_ المُلْتَقَى
الأفعال هي التي تؤكد صدق المحبة
أما الكلام فـ الجميع فلاسفة ..
•••••••••••••••••••••••
ذهَــب ...

ما اعرف شلون اجتني قوة انتبه ؏ كــانـــون
طلع السلاح سحب اقسام يريد يفتح
الباب وگف واحد ؏ باب ، تصلب جسمي والنوبة
اجتني مضاعفة من أنفتح الباب من جهتي ونسحبت
من داخل السيارة مقابيل عيون كــانـــون ونضراتو المندهشة ..

هجم كــانـــون ملهوف مرعوب گضبني
من ملابسي وسحبني وهو يصيح
بعلو صوتو : عوفها لا أفرغ شاجور براسك .

_سيدي لا تصعب الموقف ، نريد نخلص شغلنا.

كــانـــون : سيدي ؟؟

هين أستوعب كــانـــون الموقف
ضرب الباب بيدو وانفجر بيهم : تفتحون الباب لا ومحمد
اخليكم عبرة لمن لا يعتبر .

بس اشر ابتعدوا من الباب نزل
من السيارة شايط عاط ببهم : وينووووو ؟

_ سيدي بالسيارة الأخيرة .

كــانـــون : لابسين مدني وتعترضون طريق ضابط
وتحاولون تخطفون عرضي ، شنو بابا عصابة انتوا
لو زلم دولة ؟

_ أوامر الواء فراس سيدي .

كــانـــون : سهلة أني أعرف أتصرف وياه .

قفل السيارة علية بس اني شنو العدو
يبچي ؏ حالتي الدموية ، الدم جمد براسي
وشل حركتي ، لو ما النوبة وحركاتها إلي لا إراديًا
اگول أنـه نشلت حركتي ، من بين الوجع الصار بيَّ
بسبب النوبة أتبعت كــانـــون راح للسيارة الثانية يتعارك
ويتحرك بحرگة ، طول الى ان رجع وحدو بس اول
ما صعد اجه بتجاهي ابو فتح الباب وصاح : تنزلين بالحسنى
لو أتصرف وياچ تصرفات كافرة .

كــانـــون : ؏ جثتي تأخذها موتني وشنو تريد تسوي سوي .

ابو كــانـــون : هيچ صارت يول يا كــانـــون
نلحس دمااااااغك .

كــانـــون : كفي الشر بوية كفي شري .

ابو كــانـــون : أرجع ويايَّ ونتفاهم أحنا الثلاثة شگلت ؟

كــانـــون : هاي تصرفاتك تخليني اهچ من الدنيا كلها مو بس البيت
يابه لا تأذيني وتخليني اخذ عليك موقف ، تعرفني اذا اخذت موقف
احقددددددد ومو بصالح احد احقد علية .

عقد ابو حاجبو يدحك بغل 
كمل كــانـــون وهو يصعد ويقفل
السيارة ويفتح الجام : وهساع خلصت الاستعراض
صيح عليهم يبعدون نفسهم من الطريق .

ضرب السيارة اربع خمس ضربات بيدو
ابو كــانـــون : توكل بس تصرفي راح يكون قاسي .

كــانـــون : وانه جاهز ، لا تنسى ادور البلاوي ادواره .

قبل لا يسمع الرد شخط السيارة وهو
يدردم وانفاسو مضطربة ، ألتفت من سمع
صوتي ، بكل هدوء لمس ايدي وبنبرة هادئة
طمني وهو ما مطمئن: لا تظنين اتيهچ مني انه مخيطچ بروحي .

ذَهــب: نار بيه ، هذولي مايعوفوني بسهولة .

كــانـــون : بعدني أشم الهوى
آذن انتِ بأمان نامي بفيي مرتاحة .

تحركت السيارة مسافة بعيدة عن البيت
اخذت مساحتي بالتفكير ، رجع نزل مقابيل
فندق قفل السيارة ودخل ، اقل الربع ساعة
رجع حاجز غرفة : يلة حدري ويايَّ .

ذَهــب: كــانـــون الله يخليك بلا هل فنادق
حباب نرجع للبيت غادي امان اكثر
ركز بالشارع متكهرب احس بأي وگت يهجمون .

كــانـــون : وتالي وياچ انتِ وهذا تفكيرچ
حدري بساعچ اريد انام ساعة عيوني زغللت.

اخذني الداخل الفندق وتحديدًا للغرفة
امشي وياه بخطوات متحيرة ، بداخلي رهبة
من المستقبل المجهول ، ياترى شنو نهاية هل مصيبة ؟

قفل الباب ونزع القميص رتبه ؏ كرسي
وطلع محفظة الفلوس والباجات من البنطلون
رتبهن ؏ ميز قريب منو ، بس المسدس
انتظرني أدير وجهي منو حطو جوة المخدة
جريت نفس وشغلت التلفزيون همس : قللي الصوت
وطفي الاضائة اريد انام .

سويت مثل مايريد وعلى طول اليل هو نايم
ما بدر مني ولا نفس بقيت بمكاني الى آن غفيت
الثاني يوم دگ تلفونو الى ان مل يرفع التلفون يقرا
الأسماء ويرجع ينام ، صار الظهر وبعدنا نايمين
أخذتني النومة وما وعيت بس ؏ ضربات الباب الخفيفة
فزيت من نومتي أريد أتحرك ماكو حركتي متقيدة
نزلت عيوني وبين النايمة والگاعدة دحكت نفسي
بحضن كــانـــون ، وعيت اكثر بلعت ريگي من قربوا
توترت ؏ قلقت ؏ خجلت تخربطت أحوالي
دافن وجهو برگبتي ورابط رجلي برجلو بكل تحكم وسيطرة .

رجع الباب ينضرب واسمع صوت مو غريب
ينادي بإسم كــانـــون ، تململ كــانـــون وابتعد
وهو يتأفف : منو ؟

_ ابوووووك ..

_ ياااااا صلاة محمدددددد شكوووو من الصبح .

_ يا صبح يالعريس صار الظهرافتح ألباب خلصني.

اشر بأصابيعو أتحرك من مكاني
وگفت بدون صوت بس عدلت
نفسي فتح الباب انصدمت بوجود
ام كــانـــون واريج : افتح الباب مو تخزينه.

كــانـــون : شكو كلكم هين خير ياااا طير .

ام كــانـــون : طلعت من البيت زعلان وتدري مايهون عليّ
زعلك ليلي كلو عيوني ما اخذت نوم بالي كلو يمك يا عيوني
مو تدري الوضع مو زين بالله اذا يعرفون ضابط نايم بفندق
مو يدخلون عليك وتروح بيها انتَ وهل حرمة تركض
بيها وتنوم بيها بالفنادق عيب يمممه زحمة .

كــانـــون : وزحمة منها تتسابقون منو يسمعها اكثر كلام
يكره الآنسان بحياتو ، كافي عيب عليكم ، المشكلة فشلت
من نفسي طول عمري اگول اهلي عائلة متفهمة طلعتوا
أسوء من عمامي الباقين ، جنت احجي على عمي ابو دوهان
وابو قُــسـم بس طلعوا لا شيء يمكم .

أريج: عفت بيتي وجهالي واجيت اعتذر منكم
بعد ماتتكرر وعيونك خوية ، واذا حرمتك ماتريد اجي
البيت اهلي ، اخذها كلمة مني بعد باب البيت ما اعتب عليه.

كــانـــون : لا بيتها ولا بيت زوجها حتى يصير الها حق
تمنع وجودج ، بس المفروض تحترمين نفسچ ، وهي كذالك
اني دوامي ياخذ وقتي وتفكيري كلو ، لا تزيدوها علية بالبيت.

گعد وامو گعدت وياه گضبت ايدو
تترجاه: أرجع للبيت لاتكسر بخاطري
انتَ تعرف ماكو غيرك مصبرني ؏ فراق ا......

تريد تحچي وهو وابو صاحوا بصوت
من يمي خفت وتراجعت : افتهمت لا تكملين.

ابو كــانـــون : ارتاحيت هساع لو حاجيه
جان احترگت ورقته.

سد عيونه ما عاجبو كلام ابو وجر نفس حاير
بين يتنازل ، وبين يثبت ؏ قرارو ويبتعد عنهم .

بعد اصرار وكلام وتوسلات ودموع امو
أتنازل :راجع بس اذا تتكرر لحظة ما أبقى ....

ضحك آبو بستهزاء معترض على كلامو
ابو كــانـــون : ههههههههه لازم مطولين بهل مهزلة .

كــانـــون : مطولين ونص .

ابو كــانـــون : نازلين قبلكم ، رجع حرمتك البيت
وأنه أنتظرك بالمضيف ضروري .

اخذهن وراح ، قبل لا يطلب مني لبست ملابسي
بس اريد اطلع وارجع البيتهم
من نطلع من ذاك البيت شعور الخطر
يرافقني بوجود اهلو أمان اكثر
مرات اخاف من نفسي عليَّ
نرجع ونستقر واتحمل مشاكلهم ولا مصايب غيرهم .

نزل بتأني ، رزن بمشيتو ، صاحب ملامح مريحة للعين
مجرد النظر والتمعن برسم الملامح تتفسر شخصيتو
وينكشف هو أنسان محبوب ، عطوف ، صاحب قلب حنون
ابتسم بكل مرة اركز بي أكتشف طبع من اطباعو
صعدنا بالسيارة ومثل المخبلة أوزع إبتسامات
بس صرت اني وياه ما تردد يسألوني: شبلاچ تتبسمين .

ذَهــب: ميصير أبتسم يعني لازم ابچي ؟

كــانـــون : يولي مو هذا قصدي ، بس سبب الابتسامة شنو ؟

ذَهــب: أخاف اگول شنو السبب وتگول
شدعوة مركزه بحركتي .

كــانـــون : ههههه احچي بوية احچي  .

ذَهــب: يعني امان .

كــانـــون : عيوني أمان .

ذَهــب: منتبه ؏ نفسك من تفكر أيدك ما تعوف حاجبك
الأيمن ولا لحظة ، تظل بس تعدل بي وترفع لو تهلس
بالشعر ؟

كــانـــون : اني معقولة!!

ذَهــب: ما منتبه صدك ؟

كــانـــون : أي والله ما منتبه ، بس للأمانة من اركز
ملامحي تلعب وحدها ، عيوني تنفتح والساني يتحرك
وحتى خشمي يتنفس بالعكس .

ذَهــب : شنو يتنفس بالعكس ؟

كــانـــون : مثل ما تنتبهين ؏ أيدي وحاجبي انتبهي
شلون خشمي يتنفس بالعكس .

ذَهــب: من تصير عصبي يتنفس بالعكس
لو من تركز وتفكر ؟

كــانـــون : بالتركيز والتفكير ، يولي عندي أمتحان
غربلتيني يمعثورة عوفيني بحالي .

ذَهــب : سكتت بس ركز بالطريق ركز زين
الفضول صعد الراسي اريد ادحگ شلون تتنفس بالعكس .

ضحك بصوت عذب بس لأول مرة ادحگ
أسنانو وعيونو الناعسه تنطبگ ، يجبرني
اضحك ، بس اكون قريبه منو أنسى اني منو
بنت منو ، ليش أنـه هين وشنو المهمة
واتجاهل الخطر ، والخوف ،  والقلق
بنهاية كل حوار بيناتنا أتذكر بيوم
من الايام البغيضة ، وبساعة من الساعات الشنيعة
وبدقيقة من الدقايق الضائعة نفترق ( كــانـــون يبيعني ) .

ركن سيارتو ودخل هو للمضيف وانه
دخلت للبيت الكل كاعدين حتى دجلة وبناتها
يسولفن .

ام دوهان: رجعت العروس من شهر العسل .

ذَهــب: تحچين بقهر دمچ محروگ  بس لا تغارين ؟

تريد تصيح عاطت بيها عمتي
ام كــانـــون : هاااا سالمين تحاسبين بيها جنتي هاي
لا تنبصين بنصنه أنـه راضية لو يرحون كل يوم
يجددون شهر العسل براحتهم ماياخذون من فلوسچ
عود من تصرفين ؏ ابني احچي .

كمزت عليها قُــسـم تبوس براسها وايدها
- ياااارب يتعلمون منج نيالچ ذَهــب .

ام دوهان: هل أيام كثرت نتراتچ بوچهي شنو
سكتت منج كم مرة ستلهستي ؏ صياح .

عافتها عمتي وطلعت من الغرفة
راحت الغرفتها ومبين عليها التعب
صعدت أنـه بسرعة گعدت بغرفتي
ماكو ثواني واندفعت ألباب بعدني
ما مستوعبه صار تَـــمــوز بوسطها
الغرفة: انتَ ماتستحي تدخل بهل طريقة .

تَـــمــوز : ركززززي ويايَّ .

فتح لابتوب وگعد مقابيلي عطت بي : اطلععع برة اطلعععع .

تَـــمــوز : أريد جواب .

لطمت على وجهي وأبتعدت لزگت
بالباب خايفة يدخل احد علينا ويفهمون
الموضوع بالمقلوب ، هذولي تفكيرهم شاطح
فوكاها علاقتي بيهم مكهربه : اطلععع ومن يجي كــانـــون
أجاوب بس هساع روح الله يخليك لا ندخل بسين وجيم .

تَـــمــوز : حاليًا احنا بسين وجيم حدري فكي الشفرة
انتِ تعرفين الـ هيج نوع من الشفرات السرية .

ذَهــب: نسيت الرموز نسيت كُلشششششس يخصهم اطلععع .

تَـــمــوز : عندي طريقة ترجع الذاكرة اذا تحبين
تجربيها غمزي مرتين.

فكيت الباب اريد اطلع كمز سحبني من
ملابسي ورجعني شمرني بالغرفة عطت
واعصابي من تصرفاتو إنهارت: انتَ مهبول وينوووو
كــانـــون يعرف بيك داخل غرفتووو وتهدد بحرمتوو .

تَـــمــوز : شكيت انتِ نسيتي سبب وجودچ هين شنو
اعتقد تورطتي حتى تحمين اخوانچ وترجعين
وياهم عائلة ؟

ذَهــب: ما نسيت بس اني اتوتر من وجودك ويايَّ
بنفسسس الغرفة وانفاسي تثگل بشوفتك ، ما ارتاح لوجودك
بس انتظر كــانـــون يرجع وو ...

شالني من ملابسي ودفعني ؏ ميز
انضربت بالحافة بخاصرتي ومن
الوجع صوتي خشن واجت النوبة
جريت نفس وهمست ودموعي
تجري ؏ خدي : تأذيني ايدي تأذيني .

قبض ايدو وتقدم اكثر عليّ : أنـه طالع بس ذهب
ما دامچ  ما تتعاونين ويانه اسلمچ بيدي
وصدگيني لا كــانـــون ولا غير كــانـــون يوگفون
بعيوني أحنا نحارب الأرهاب مو اخلي بنص بيتي .

ذَهــب: اطلع بره تَـــمــوز لاتخليني
اقلب الأمور كلها ضدك .

طگ رگبته وأبتسم إبتسامة أستفزازية
طلع من الغرفة وهو يتوعد : ايام معدودة وارجعج للمستنقع .

بس طلع وگفت واريد اطبگ الباب
صارت أريج مقابيلو وعلى ملامحها
مرسومة الصدمة ، تجاهلها ونزل
واني بكل قوتي طبگت الباب جسمي
كلو يرجف وصفحتي وجعها نهشني نهش
بقيت وحدي اتنفس والنوبة زادتها عليّ
ايدي تتحرك لا إراديًا تضرب ومن الضرب راسي
ورم الى ان انتهت انهاريت بنهاية الغرفة
ابجي من الوجع ، زحفت للسرير رفعت
روحـي وفقدت .

مر وگت مو قليل بس صار اليل
فكيت عيوني صار كــانـــون
مقابيلي گاعد ؏ كرسي ولابتوب
؏ رجلو ، مركز تركيز فضيع
ايدو تغلغلت داخل شعر راسو
واضح النعاس بعيونو ، كل شوية
يتثاوب ويرجع يكمل شغل ، الى ان تأخر
الوقت والبيت صار هدوء ، غلق الابتوب
وآخذ غراض وطلع بدون مايصدر صوت
صعد ينام بغرفة تَـــمــوز ، ثورة غضب واشتعلت
بكلبي ، نهضت من السرير واخذت عطر رگعته
بالحايط تحول فتات مثل روحـي تصرفاتو هاي
بالذات تذكرني اني عليش هين .

صار صوت بالممر القريب من غرفتي
رجعت بفراشي ما اريد يدخل
ويدحك الغرفة عبارة عن كزاز
ومثل توقعاتي دخل بس الغرفة ضلمة
بس العطر أنتشر بكل مكان ، طلع وسد
الباب وهمس بصوت خافت : مو من غرفتها
بس لا قُــسـم ودوهان تعاركوا.

تَـــمــوز : يمعود دوهان اليوم ماكو بالواجب
اووو كانون انه شكوووو كافي اريد انام
راسي طبل هل بيت ان شاء الله نارو تاكل حطبو.

كــانـــون : طيح الله حظك يول غير هذا بيتك .

مبين صعد لان كــانـــون همات صعد
بقيت بفراشي للصبح ، طلعت غسلت وجهي
و سمعت صوت قُــسـم تحچي بعصبيه: اخر همي وين جنت
عسى ماتروح النار جهنم شكو تسولف من الصبح فوك راسي .

طلعت وهو طلع وراها بيدو علبة صغيرة
لزمها من ايدها وثبتها من فكهه : حدري ومحمد
اليوم ما اذب الصمغ ؏ فاضي اليوم افرغ العلبة
كلها بالسانچ البرنووو .

قُــسـم : تروح مني لا أقضي ؏ مستقبلك .

دوهان: بيج خير فوتي للغرفة وشوفي منو يقضي
؏ مستقبل الثاني .

قُــسـم : تعوفني لو أصرخ صرخة
الم عليك أمة لا آله الا الله.

تَـــمــوز : من الصبح وجععععع من وراكم
راح اخذ جائزة غينس وأفوز على طرزان
بأكثر شخص عاشر حيوانات .

طلعت من سمعت صوتوا مقابيلهم
همست بصوت شبه مسموع وأنه أركض : صباح الخير.

نزلت أمهاتهم بالمطبخ ودجلة گاعدة وياهن
سلمت ورحت العمتي : محتاجه شي مني .

ام كــانـــون : جهزي المواعين.

كــانـــون : صباح الخير.

ام كــانـــون : صباح النور عليك يمة .

هو بعدو على درج نزلت بنت دجلة ابتسمت
ومالت رأسها بتجاهو .
شدن : صباح الخير سيدي .

دار وجهو يدحك عليهه مستغرب ونزل بسرعة
حتى يخلي مسافة بينو وبينها: آهلا اختي .

نزل تَـــمــوز يضحك هو وقُــسـم رفعت شدن راسها
وابتسمت هو همات أبتسم : صباحكم كيك كيككككككك .

دوهان: كنافة بالقشطة .

قُــسـم: عزابية من حگهم هساع أنـه بودي اتغزل .

تَـــمــوز : تتغزلين بمنو ؟

قُــسـم : بالكيك والكنافة.

تَـــمــوز : نتيجة التربية والعيش بنص الزلم
تفتهم ؏ طاير المصگوعه .

رضية : تطلعون للمضيف لو ازكح ؏ جدكم .

تَـــمــوز : انتِ رضية هل ايام مطلعتني خارج قوس
لا تشتاقين لا تريديني هساع أنـه اريد اگعد يمج تقبلين .

رضية: تگعد يمي شنوو زعطوط من شوكت تگعد يمي
ابو راس امشي اطلع للمضيف انتَ وهذا المدوهن .

تَـــمــوز : طالعين بس بقت يم الله هو الرزاق
يرزقني بكيك من حيث لا أحتسب .

دحك علية قبل لا يطلع وضحك : زوجة اخي يوم سعيد
عليچ وعلينا اجمعين.

ابتسمت إبتسامة التسليك ودرت وجهي
قابلتني أريج بنظرات الحقد والشك
ضغطت ؏ أسناني ودعيت ربي يصبرني عليهم .

فاتت ؏ مطبخ  قُــسـم من سرعتها بالشغل
بقينا بس صافنين نادرة بشكل بحيث
دقايق صاحت عليهم يا خذون الريوك
للمضيف ، وسوت صينية شكبرها ماشاء الله
للنسوان ، اني سويت لفة وجاي واكلت بسرعة
وصعدت الملم الكزاز من الغرفة قبل لا يصعد
وينتبه ، ركض خلصت الكنس ومسحتها بعدني
ارتب بالسرير دخل كــانـــون
استند على حايط بصف الباب لدقايق
عم الهدوء بالغرفة ، استمريت بالتنظيف
ولا كأنو موجود : شلونج .

ذَهــب: الحمدلله ما اكل بشر .

قلص عيونو متعجب بس فهم مقصد كلامي
كــانـــون : الواضح مزاجج اليوم ملعوب بي خلقة.

ذَهــب: بفضلك .

كــانـــون : بالخدمة .

طلع بسرعة نزل بعد ما حرگ أم أعصابي
رجعت شعري للخلف واخذت الطابق الثاني تنظف
ونزلت اغسل الكراج سيارة كــانـــون ودوها ماكو
وصلت للممر بين المضيف والمطبخ سحبني تَـــمــوز
من ايدي وعاط : بشررري ما قررتي تفكين الشفرة.

ذَهــب: افكها وتعوفني بحالي تعتقني لوجه الله.

طلع الأوراق ورد ببرود: اگعدي .

اخذت الورق من ايدو وبقيت أقرا
ضحكت من وصلت البند مهم
تَـــمــوز: شنو هل سخافة عليش الضحك .

ذَهــب: عدكم ضباط متطوعين بين صفوف د١عش
واحد من الضباطرسل هل أوراق ؟

تَـــمــوز : لا تدخلين وفكي الشفرات.

ذَهــب: ماتوا منهم أربعة وبعد عدكم مجموعة.

تخربطت أوضاع تَـــمــوز وصار يرجف
ايدو ترعش وشريان براسو صار واضح
من وجهو الحد رگبتو : اسمائهم موجودة .

ذَهــب: ماكو إسماء.

تَـــمــوز : كملي احجي بالتفصيل عبالك گاعدة
تاخذين خيرة شبلاچ يا حظي الأغبر.

ذَهــب: يوم الخميس بليل ناوين يدخلون ؏ مجموعة كبيرة
من جماعتكم وقرروا بدون إطلاق نار .

تَـــمــوز : اذا مو إطلاق نار عجل شنو ؟

ذَهــب: ذبح .

تَـــمــوز : مذكور المكان ؟

ذهب : اربع اماكن والعناوين كالآتي ...
ذكرت العناوين بالتفصيل وهو يكتب
فكيت كل الأوراق وهمست : الله يساعدكم وينصركم عليهم .

تَـــمــوز : اذا كلامچ هذا اقصد التشفير يطلع
صح ألج مني خبر يفرح گلبچ .

ابتسمت بتعب ورديت : أنتظر الخبر منك وأتمنى الخبر
يخص أخواني لان ماكو شي يفرحني غيرهم .

طلعت بعد مانزل راسو ، رجعت بالممر
الشباك مفتوح بس لمحت خيال شخص
كذبت نفسي فتت للبيت وكملت شغلي آني وقُــسم
للعصر الكل رجع اني صعدت بعد مانزلت
حتى ؏ غداءهم ، للمغرب صعدت أريج
دفعت الباب وتأشر بيدها : أمشي نريد جاي .

ذَهــب: تعبانه أريج خلي احد غيري يسوي جاي .

فاتت للغرفة گضبتني من ملابس وتغمز بعيونها
وتسوي حركات مو حلوة بيدها وجسمها وتتلمس جسمي
بطريقة خلتني استهتر من لعبان النفس والعصبية
أريج: ياعيني تعبانة ومابيچ حيل تسوين جاي
بس بس تگدرين تختلين انتِ والزلم بالغرف
ويـ******* بيج و******** عادي .

عيوني صارت براسي عطت بيها
واعصابي فلتت غصبًا عني: عيددددي شنوووو گلتييييي
اتختل وياااااااااامنو يوليييييي ويامن  ؟

هي وسعت عيونها انصدمت عبالها اخاف
وتظل تستفزني بالموضوع ؏ اساس گضبت
مستمسك قوي عليّ : احجييييي ويامن اني اتختل
هاااا ويامن شنووو تقصدين يوليييييي تحچين لو اموتچ .

صعدوا فوك كلهم يتراكضون هجم كــانـــون
حاوطني بيدو ورجعني ؏ حايط دفعتو بدون
وعي طريقة كلامها وحركاتها استفزتني
استفزاز مرعب : ولا حرررف ذَهــب ولا حرف .

بقيت ارفس بجسمي اريد يفكني
عاط بيها : شكووووووو .

أريج: تجاوزت عليّ واني عفتها اريد انزل احجيلكم
شو هاي تريد تضربني تگول اموتج وما أرحم حالج
ام الزلم .

خبلتني بالزايد إني اعرف نماذجهه مو مال انجعم
عليهن اذا ما ارد عليهه تزيد ماتنقص زدت بحركتي
بحيث ما هلگد ضغط عليّ بيدو رفعني من الگاع .

ابو كــانـــون : بالله عوف هل مستهتره شنو تريد تهجم ؏
بنتي تريدين تضررربيههه ، مخلي ايدك ؏ حلگها
ماتريدها تجاوزززز حتى لا تبين ؏ حقيقتها .

إقترب همس بإذني: يولي يريدون يستفزوچ أدخلي للغرفة
أنـه اخذ حقچ مربع بس لا تنطيهم ؏ مرامهم .

فكيت عيوني من دحك بعيوني
شالني للغرفة وسد الباب نزلني
وصاح :ولا حرف ذَهــب شنو هل تصرفات.

ذَهــب: اسمع عدل ما اسمح الـ اختك القذرة تطعن
بشرفي كافيييي انتوا كافييييي عيب عليكم شنو مجرمين
تريد انجعم ؏ التجاوز عليش هاااا شنو إلي يجبرني .

كــانـــون : ألي يجبرچ أنتِ ضيفتي هين وعيب عليچ
صوتچ يرتفع ، واجب عليچ الاحترام .

ذَهــب: ضيافة قذرة ، يااااا رائد كــانـــون ضيفتك
تنهان بنص بيتك ، ولسوء الضيافة وأجب الرد .

كــانـــون : اذا ماتخليني أنـه اخذ حق ضيفتي
تطلعين من البيت اليوم .

ذَهــب: موافقة.

كــانـــون : ؏ شنووو ؟

ذَهــب: اطلع من البيت اليوم ، افتح الباب اريد
اشگ حلگها وأعلمهم مقامهم الرديء .

كــانـــون : تذكري انتِ اختاريتي .

ذَهــب: أفتح الباب بسسسسسسسسسسرعة .

فتح الباب وكتف ايدو يدحك بتحدي
وقبل لا اطلع نبهني: انتِ ضعيفة لهذا واجب التنبيه
استعدي لمواجهة ذئاب بشرية.

ذَهــب: الذيب يخاف يواجهه لبوة .

كــانـــون : بشرط عدها اسد .

ذَهــب: الأسد موجود .

نزلت الدرج كلهم واكفين يحچون وياها
ذَهــب: مرة الثانية السانچ اگضبو واگصو
واوزعو للچلاب يا چلبة .

ابو كــانـــون : حدري هين اذا ما اگص السانچ واعدم حياتچ
يا تربات الـد******* اذكرورررججججججج لو مايحتاج .

ذَهــب: زين هساع أنـه تربية الـ**** ما احجيها حفاظًا
؏ سمعتك مقابيل اهلك لان تعرف إذا أهلك يعرف
منو اني ماتبقى بالبيت ، المهم بنتك تربية شنووووو
عبالك بنتك عدها تربية ؟

ابو كــانـــون : تموووووزززززز أتصرف وياها .

التفتت ؏ تَـــمــوز ونبهتو : للعلم وقبل لا تخطي خطوة
وتغلط بحقي ، اعرف اني ازكح ( اصيح ) وحصلت
السب والشتم بسببك ، هل مؤدبة اتهمتني اتختل وياككك
لان شافتني طلعت من المضيف وشافتك طلعت من الغرفة
حسبتها اتختل اني والزلم موووو أريج المحترمة
ياااا تربات ابووووججججججججج ؟

ام كــانـــون : شعندچ انتِ وتموزز بالغرفة
وشكوو تروحين للمضيف مثل الحرامية ؟

كــانـــون : عليش تدخلون وتسألون أنـه زوجها قاااابل
موضوع تعرفون بي  وعبالچ غلط تجين تحچين ويايَّ
خوية كــانـــون أنـه دحكت حرمتك
هيج وهيج وخلصصصص تروحين تستفزها
شنوو غايتچ المووضوع زاد عن الحدود
وفوكاها تجاوزون بدون ماتسمعووووون .

هو يحچي واجتني المصيبة
صارت عندي نوبة قوية مقابيلهم
صرت اضرب ؏ راسي وأصدر أصوات عالية
وحتى شتم وحركات غريبة بحيث الهدوء
صار سيد المكان الكل منتبهين عليّ وعلى
حركاتي لزمني كــانـــون مقابيلهم غطاني بجسمو
يعرف هل موضوع شكثر حساس بالنسبة الي
وشكثر اخجل من نظرات الناس إتجاه مرضي
سحبني من ايدي والنوبة مستمرة صعدت
والكل يتساءل: شكووو وشنو الصار وشنو ذهب مهبولة ؟

أسمع فراس يرد : عدها مرض متلازمة توريت .

لطمت عمتي ؏ وجهه وعاطت : يممممممممة صخااام
بوجهي يمممممة ابني ماخذ منغولية .

وكف كــانـــون مصدوم بكلامهم
ورجع يدحك عليّ وبعيونو كل انواع
القهر والعطف ، اكره هل نظرات اكره نظراتهم
دفعتوا ودخلت للغرفة قفلت ألباب وعشت النوبة
وحدي مثل كل مرة ، جسمي تفلش من الضرب
وبحركة من الحركات رگبتي طگت بين النوبة
ودموعي والشهكات اسمع صراخ هز البيت هز
أصوات زلمهم يوصلني للطابق الثاني بكثر
ما عالي وخشن .

كــانـــون : الله يحير شيسوي بيكمممم بعدددد ماعدكم
احسسسساس يول الله البنية مريضضضضضة
عليش تجرحونها عليش حرررام عليكم .

ام كــانـــون : يول منغولية يولوووو منغولية
انتَ مهبول عقلك وينو وينوووو عقلككك .

كــانـــون : يعني تشوفين ذَهــب منغولية ملامحها ملامح
منغولية ، اذا ذهب منغولية احنا شنووووووو
مرض ذهب متلازمة توريت يختلف عن متلازمة داون
وبعدين فرضًا تزوجت منغولية انتوووووا شكوووو
راح تعيشون وياهه لو أنـه اعيششششششش
اني هساع اخذت منغولية مممنووووع تدخلون مممنووووععع .

ام كــانـــون : أموت ولككك تاخذ منغولية شنووو
هو أنـه شعندي غيركم ، يول تريد خلفتك منغولية يطلعون .

كــانـــون : انعل ابووو خلفتي اني أريد ذَهــب وراضي بيهه
هساع لو تحجون للصبح قراري مايتغيررر افتهمتي لو لا
انهههههههه مو زعطوط .

كلام وسب وشتم بكل الأنواع
زدت مانقصت وصوتي صار أعلى
من قبل بأضعاف ، الباب يندگ بقوة
بس اني بعد وين اگدر أفتح والنوبة
بأعلى مراحلها: ذَهــب افتحي الباب أبوية خليني قريب
منچ اني يمچ لا تهتمين طزززز بالدنيا افتحي .

شهكت وصرخت وضربت نفسي
وهو يترجاني افتح الباب بس
صعب اوصل آو اتحكم بتحركاتي
بس گدرت اگضب المفتاح اريد افتح الباب
وگع المفتاح دقايق ودخل مفتاح ثاني
وفات جسمو كلو يرجف
طبگ الباب بقوة وتقرب يركض
بتجاهي عطت بصوت : تعبت كــانـــون تعبت راسي  .

كــانـــون : عندچ علاچ حتى توگف النوبة .

ذَهــب: ماكووو علاج اگضب ايدي ابووس ايدك
تعبت من الضرب وجهي يوجعني وجسمي .

حضني وطوقني بضخامة جسمو يمسح
؏ راسي : الرحمن يحرسچ ذهــبـي
اني يمج ايدي بيدچ للموت أحتمي بيَّ .

أستمرت النوبة وأيدي تضرب كلشي
مقابيلها ضربت ضهرو وراسي يرجع
للخلف اكثر من مرة ردت انضرب بالحايط
بس هو سيطر ؏ حركتي بالكامل دامت
الصدمات والوجع والنوبة الى إن أنتهيت
وفقدت من التعب سديت عيوني وبين
دقيقة والثاني تجيني نوبة نمت الدمعة بعيوني
شالني من الگاع ؏ سرير وطلع لحظات ورجع
بيدو بطل مي رفعني وشربني شوية نمت
بس ألف موضوع براسي تعبني وهلكت من التفكير .

مر وكت فزيت بس بين النايمة والگاعدة
مثلت النوم گلبي أرتعد من سمعتو يشهگ
كــانـــون : أنـه اريد احميج انه يا ذَهــب والله خايف عليج
وصلت المرحلة أخاف عليچ اكثر من نفسي .

مسح ادموعو وحاوط وجهو
بيدو منهار الأبعد الحدود : اني شلون ورطت نفسي
والله عبالي مهمة حالهه حال القبلها تمر ليشش
هل مهمة ما مرت بخير،  هل مهمة صوبت گلبي .

نزل راسو وبصوت هزيل عاجز
مقابيل حرب قلبو وعقلو كمل : چثير يحجون مقابيلي ؏
حب اني اكثر انسان ضحكت عليهم رافض استوعب كلامهم
وارد عليهم الحب خيالي بس طلع الحب حقيقي .

وگف ؏ شباك ومستند ؏ حايط
مركز بيّ ، غلقت عيوني اكثر
ودرت جسمي ؏ جهه الثانية
كمل ودموعي وگعت ؏ مخدتي
وركزت بحروف التعب : عشت التفكير ،والاشتياق
لهفة ، ولوعة الحب ، والخوف ، والرغبة بيچ
أنـه يا ذهب هايم بيچ بـس حبي اكبر غلط
ملزم أجافي حبي وخوفي عليچ أنـه قوي
وتعديت الأقوى تعلمت أدوس گلبي وامشي بعقلي
ومن هل ساعة وهل لحظة عقلي صاحب القرار .

لامست رعشة صوتو گلبي وهو يكمل : وين يتحمل گلبي
وطاقتي تستوعب اخليهم ينفذون بيچ المهمة الجديدة
والله صعب ادحگ گلبي بنص الارهاب بوسط النار
تتسلط عليچ أنظار ألعالم .

نطق بكلماتو الاخيرة بحيث رفعت
أيدي ؏ شفايفي امنع الشهگة
_ يول لو ما ادري بمهمتج
ومسلمتني اهون من هل عذاب .

طلع هارب من الغرفة والبيت بالكامل
گمت من مكاني ادگ والطم ؏ وجهي
اني شسويت بهل انسان وشسويت بنفسي
اجيت هين لهدف واحد إخوتي عليش
وگفت ، عليش ستسلمت وعذبت كــانـــون
ويايَّ ، كــانـــون مايستاهل هل عذاب
أخوتي وين ؟ واني وين؟ حرت بهل عائلة
وتركتهم يحاربون وحدهم وگعت نفسي
ودخلت انسان بحرب جديدة ، وما أصعبها
من حرب كــانـــون يحارب نفسو وگلبو وعگلو بسببي .

طلعت من الغرفة أمشي بسرعة روحـي تلوب
من القهر الموقف ضربني ؏ وجهي وعاني
توجهت للكراج تَـــمــوز دايخ يخابر من شافني
تهستر : شبي كــانـــون ليشششششش طلع فاقد
أعصابو ومايشوف مقابيلو .

ذَهــب: صحيح عدكم مهمة جديدة ولازم اني أنفذها.

علامات الذهول اعتلت ملامح وجهه
صاح بيّ مستفسر: منين سمعتي هل كلام ؟

ذَهــب: من كــانـــون ؟

تَـــمــوز : ذَهــب صعدي الغرفتچ وهذا الكلام لا تكرري
كــانـــون رافض هل مهمة وتعارك هو وابو هساع وطلع
واذا يعرف انتِ كشفتي الموضوع يتخبل هو واگع بمصايب
بس حتى تطلعين انتِ من اتهامات التنظيم.

ذَهــب: عليش هل تعتيم والسكوت شنو الغاية
واني مستحيل اقبل كــانـــون يتعذب بسببي مايستاهل .

تَـــمــوز : تعذب وخلص وصعب يطلع .

ذَهــب: وأخواني ؟

تَـــمــوز : لا تخليني ابتلي بيچ وباخوانچ
امشي صعدي وانسي موضوع المهمة والخطة
اطلعييييي منهااااااا .

طلع ابو كــانـــون من المضيف
وصاح بصوت مليان استخفاف: اعتقد صار الوقت
مناسب نخلي النقط ؏ حروف .

تَـــمــوز : اعتقد جواب كــانـــون واضحححححح
الخطه مرفوضة فرررررراسسسسس لا تلعب بالنار تچويك
بطل تجبر بطلوا طغيان .

تقدم بتجاهي متجاهل كلام تَـــمــوز
وبكلام ذكي گدر يتمكن مني : اذا تريدين اخوانج
حدري وياي نتفاهم جوة بالمضيف .

بنفس الدقيقة تلفون تَـــمــوز رن رد بسرعة
وهو يخنزر ؏ فراس : الو نعم اني تموز منو ويايَّ .

اريد أمشي صاح تَـــمــوز: كازو شبلاچ منو وياچ
لا تخافين اجيت أبقي بمكانچ اجيت والله اجيت مسافة الطويق .

طلع تَـــمــوز خايف يرجف وبقيت بس اني وفراس بالمضيف
وهو من خلال عملو وخبرتو بالحياة اجاد وتفوق
عليّ وگعدت بفخ يضرب ابنو بنص گلبو
محترف بضرب عصفورين بحجر .

يــتـبـع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد ...