رواية تجبر أحفاد الــ دليم الفصل الثامن 8 - بقلم اسـاور حسين 🦢✨

تــجــبر أحـــفـــاد الــ دلـــيـــم
بقلمي اســـاور حـــســـيــن
المُلْتَقَى _14_

مَيال گلبي بَس إله .
•••••••••••••••••••••••
هَــيـلانـة ...

اوجاع لا تنسى ، عقول الهادئين لا تهدأ
اجنحتي تُأذيني، روحـي تحاربني لأبقى قوية
لكن أفكاري تألمني ، كل شيء فيني يصرخ
وينزف اله عيني تتظاهر بالقوة والثبات
ترفض الانكسار ، تخشى الاندثار
تذكرني دائمًا بقول تعالى :
( أن الله مع الصابرين )

هَــيـلانـة: من كل عگلچ شام ألبس هل لبس
الحيوان الداعشي قذر .

شآم: بكامل قواي العقلية اريد تلبسين هل لبس وتخطفي
ئلبو وتلعبي بعئلو لك يا هَــيـلانـة هل شبح هو طريق
المخرج إلنا اسمعي كلامي وراح تشوفي التغير ؏ اصولو .

هَــيـلانـة: من المستحيل أكون بيد داعشي سلم بلادو
وعرضو للدواعش خليني ؏ وضعي اذا نكتب إلي عمر
جديد اطلع منا بسلامة واذا متت اموت مظلومة شهيده .

شآم: هَــيـلانـة خليكي معي بلا كلام بلا طعمه بعدك
صغيرة وانا كمان ورانا عمر طويل ان شاء الله نعيشو
لازم نتحرك ونكون انا وانتِ الكل بالكل بهذا المعسكر
أنـه سيطرت ؏ السفاح اقوى وأذكى بالآلف المرات
من الشبح وهذا كتير سهل هَــيـلانـة أبوس ايدك ساعديني .

هَــيـلانـة: تتعاملين مع شياطين وتريدين تنجحين لچ
بابا يدفنوني ويدفنوچ واحنا عايشين شتحجين انتِ
وتخربطين عبالچ سيطرتي من ترك الچ حجره خاصة
واكل خاص ونبه الكل يتجنبون يحچي وياچ بهل
سوالف بنظرچ سيطرتي لا وآلف لا .

صارت تتحرك بعشوائية حالها حال المجنونة
دفعتني بكل قوتها ؏ سرير وضربت الميز
- افهميني هَــيـلانـة لا تجننيني بهل ليل
المهمة أسهل من السهل تروحين عندو حتى
لو ما تخلي يتقرب منج بس سايري بالكلام
ولعبي بعئلو بكلامچ واسلوبچ ودلعچ الى ان
تتمكنين من ئلبو ، بذمتچ اكوو أسهل .

هَــيـلانـة: الأسهل تعوفيني بحاااالي اني مو مثلچ
اسلم نفسي الداعشي ، نفسي عزيزة مايهون علية
أرخصها اقرف بمجرد اتخيل شبح يرجع يلمسني.

شآم: امشي اطلعي برة ولا تشوفيني وجهج مرة ثانية
اخلو مسؤوليتي منج بالكامل ، خلي ميلاء تتصرف وياچ .

ولا تعجبت من كلامها حتى تبرير حاولت ما أبرر
بمجرد تركتها وطلعت خارج غرفتها صار الشبح
مقابيلي صعد فوك من شافني دار وجهو عني وكمل
طريقو ، نزلت جوة وگفت بالباب ادحك ؏ عزيز
من بعيد گاعد يشتغل ومقابيلو نار ، دخلت للمطبخ
؏ سريع خايفة ومرتبكة اذا اتقابل وياهن شلون أتصرف
اخذت صحن صبيت أكلي وكلاص
لبن وبطل مي وصعدت قبل لا يشوفوني
أكلت بالغرفة صح الأفكار والخوف ياكلن بحيلي بس مقاومة.

بقيت ؏ وضعي للفجر وصارت حركة قوية بالبيت
أصواتهم عالية غليظة خطواتهم مسموعة ثقيلة
توجيهات شديدة فظيعة غطيت راسي بالبطانية
جسمي صار ينفض من الرعب أندفع الباب اكثر
من مرة بس مقفول ، سمعت صوت قريب من الباب
- مولاي الباب مقفل .

الشبح: عشرة دقائق والكل ينزل تحت
خلاف كلامي الكل يعاقبون.

- حاضر مولانا .

بعد الرد ألباب شبه تفلش من الضرب
اريد افتحو رجلي يبست صرت ازحف
؏ ركباتي مثل الطفل فكيت الباب ودموعي بعيوني
- ش ش بيك .

حفر اصابيعو بأيدي صرت اگمز دفعني بحقد
؏ درج بحيث لزگت بالمحجر اخاف يرجع يدفعني
ويشمرني من فوگ : شبلاك مهبول عوفني  .

اشرلي بيدو إنزل تركتوا ونزلت
الكل مجتمع وگفت اخر شي
لمحت الشبح گاعد والسفاح واگف يدحك
من الشباك ؏ گراچ الخارجي .

انضربت بضهري التفتت تقابلت
عيوني بعيون ميلاء ابتسمت إبتسامة
خبيثة ، درت وجهي منها وركزت بالبنوات
ويانا چثير صرت أركز بعيونهن معقولة هذني
مثل حالتي مجبورات ؏ هل مكان لو يشتغلن
برضاتهن بدون ضغط مثل ميلاء .

فزيت من سلسلة أفكاري بسبب صوتهم المقرف
الشبح: أنتباه بحدود الساعة الثانية والنصف ليلًا
متوجهين الى معسكر ثاني غير هذا.

رفعت عطاء المسؤوله عن بنوات المعسكر صوتها
مستفسرا: سيدي هل توجد مشكلة
منذو أيام قليلة أنتقلنا الى هذا المكان.

الشبح : وما هو الغريب في الموضوع برأيك يا عطاء
واجب تغيير المعسكر بين فترة واخرى للحفاظ على سلامتنا .

عطاء: لا جديد ولا غريب لكنني استفسر
ومن المعروف كل ثلاثة اشهر يتم التغيير
لهذا تطرقت للاستفسار.

ابتسم وهو ينظر للسفاح :يعجبني تركيزها واهتمامها
بأدق التفاصيل .

السفاح: كمل كلامك بلا خرابيط .

الشبح: أكملت.

السفاح: النسيان هل ايام عندك فضيع .

الشبح : هاا .

السفاح : خليني اكمل ، انتبهو الكل يركز بكل حرف مني
اليوم ننطلق وبعدها راح نبتدي تنفيذ المهمات ومثل ما تم
تدريبكم بالمضبوط كل وحده بيكم تشتغل ؏ اساس تدريبها
وتعليمها ، اعدادكم راح تقل وبيكم من راح تبدأ مشوار
جديد وطبعًا نسبة نجاتكم ؏ حسب نسبة ذكائكم ودقة عملكم .

عطاء: اي وجبة من البنات أجهزها أولًا .

السفاح : متدربات البرلمان ورآهم بكم يوم
متدربات العسكرية نريد نشتغل شغل سريع
بنفس الوقت مدروس بدون خطأ .

-اعتذر منك يا أمير بس لو سمحت ممكن أعرف الخطط تجهزت .

السفاح: كل بنت بيكم تم تجهيز الها خطط مختلفة عن الثانية
تأكدوا دخولكم الحياة كل شخص مهم بالدولة راح يكون مصمم بشكل جيد .

هَــيـلانـة: واني شوكت أرجع الأهلي .

أغلب البنات والموجودين صاروا يضحكون عليَّ
تقدم السفاح وصار مقابيلي : غريبة انتِ يا ذات العيون
السرمدية تحاربين حتى تكونين مضحكة ؟

هَــيـلانـة: مو أكثر منك يا قذر .

السفاح : منو قذر ؟

هَــيـلانـة: انتَ يا ارهابي ، نافخين نفسكم على شنو كلكم ارهاب وبس توگعون بيد واحد من اولاد بلدنا الشرفاء يضيعون معالم وجهكم ، انتوا وأعين على كلامكم وتصرفاتكم تخططون للقتل
بكل برود أعصاب ، لا وانتن تسألوهم شلون تقتلون وتسلبون
وتضغطون وتهددون بوعيكم تعرفوووون الله سبحانه وتعالى
تعررررفوووووووا ولكم بأي ذنب ترتكبون هل مصايب بأي حق .

السفاح : عطاااااااااء استلمي هل قليلة الأدب عديمة الأخلاق .

تركت الكل وركزت على الغضب الشبح
گضب السفاح من ايدو ورجعو للخلف : لا هاي علاجها عندي .

تخربط وضع السفاح وصار يدحگ ؏ گراج
الخارجي صوتنا عالي ينسمع صار عزيز قريب
؏ باب يريد يدخل رفع السفاح صوتو عبالك يريد
يسمعو ويستوقفو : شبح عندك شغل عوفهاااا عطاء تتصرف
وياهاااا خلينا نكمل الشغل عدنا نقل اليوم يلة اسمع مني .

دفعني الشبح برة الغرفة تكربحت بالگاع
عطت موجوعه وهذني ولا وحدة بيهن
تتحرك وتساعدني عبالك عدهن مسرحية
بس كم وحدة تتراجف من الخوف ، گضبت
رجلي من الوجع وصرت اتحرك بسرعة
صعدت الدرج رغم الوجع بس اريد أخلص
اول ما خلصت الدرج صارت شام مقابيلي
فاتحة باب غرفتها وتتسمع ؏ اصواتنا
رفعت حاجبها وتهز بيدها: شوو هبله .

طبگت الباب بوجهي كملت ركض للغرفة
فكيت الباب وسديتو بسرعة واني اشهگ
من القهر والوجع والخوف ، ندفع الباب واني
صرت بين الباب والحايط گلبي دگاتو مو طبيعية
عطت مفزوعة: لا تضربني شبح بعد.

عطاء: افتحي عيونك وركزي ؏ كل حرف
يا بنت انتِ اذا تستمرين على هل حركات
والكلام راح تنتهين بأقرب وقت ، الشبح
والسفاح ساكتين عنچ الخاطر ابن عمچ جلاد
بس اذا يفقدون عليچ يموتوچ ويحرقون جثتچ
احترمي نفسچ وتذكري ؏ طول انتِ وين ومع منو
تتحدثين قبل لا تنتهين تمامًا.

هَــيـلانـة: الله ينتقم منكم يا مجرمين أمشي اطلعي
من الغرفة اطلعيييييي ما اريد ادحگ أشكالكم القذرة.

عطاء: راح تندمين يا ذات العيون السرمدية راح تندمين
بس نطلع من هذا المكان صدقيني.

خليتها تطلع واعتزلت بالغرفة عيوني ؏ عقارب الساعة
الى ان مر الوقت وقبل ساعة من الموعد تعالت الأصوات
وقفت أسمع كلامهم من خلف الباب .

- الملابس قليلات اخذوهن وياكم .

- ميلاء نلبس العبائات.

- عجل شنو تنتظرني ، بسرعة كملوا قبل صعود الرجال يأخذون
الأغراض ، بأي دقيقة ينادون حتى ننزل .

سحبت نفس طويل ورجعت كورت جسمي بنفس مكاني
يتحكمون بالعالم براحتهم عبالك لعبة بيدهم الله لا يرضى عليكم تملكني الخوف والضغط بالكامل .

- هاي صيحوا بيها تنزل .

دفعت وحدة من جماعة ميلاء الباب وعاطت: بسرعة
يريدوچ جوة .

بدون كثر كلام طلعت ومشيت أتجاهل الهمسات
- هاي كل عقلها راح تنزل بهل ملابس .

- معقولة ما تعرف لازم تلبس الزي الإسلامي.

- اليوم يفصلون عليها .

- اذا ما يموتونها ويخلصون من دوختها.

- انتِ وين تر ....

ميلاء: ولا نفس خلوها طبها مرض .

بقيت بس اباوع بعيوني دنج اتفحص ملابسي
أطوال مستورات وشعري ملموم مرتب
گعدت ؏ درج كلهن نزلن والكل إجتمع وطلعوهن وجبات
كل خمسة تطلع وياهن اربع رجال من داعش
نزلت شام من فوك دحك علية وطلعت بيدها جنطه
مشيت للشباك اول ما طلعت تقرب السفاح أخذ الجنطه
منها واشر إلها تمشي مقابيلو ، صعدوا بسيارة وراحوا
هو وياها واربع رجال حماية.

بقيت اخر وجبة طلعت اني وسبع بنوات كلهن
من جماعة ميلاء ، اميزهن من نظرات عيونهن الحاقدة
قبل لا اطلع لكحت شال ؏ شعري رغم اني مو محجبة مثلهن
وطلعت أريد أمشي حالي من حالهن ، أرتعش گلبي وتراجعت
للخلف هجم الشبح ضربني بالحايط باوعت بوجهه عاط
بعلو صوتو وهو ادحگ بعيوني : عطاااااااااااااااء .

هَــيـلانـة: لا تضرب.

الشبح: علميني شلون ما اضربچ وانتِ تتعمدين تغثيني .

هَــيـلانـة: شسويت اريد اطلع حتى بقيت أخر شي .

عطاء: أمرني .

الشبح: انتِ وين فهميني وينچ عن هل هلاك
معقولة تطلع هيج وين عايشين خبلتني .

عطاء: اين الزي الإسلامي هَــيـلانـة .

هَــيـلانـة: عجل هذا زي كفار ، ملابسي محتشمات
واني مو محجبة بس لبست الشال غطيت شعري
بعد طالبيني .

الشبح: لا يخسي الطالبچ وحقچ طلعت غلطان بحقچ
تحبين أعاقب نفسي لان صرخت بوجهچ .

هَــيـلانـة: حضرتك تستهزئ بكلامي .

گضبني من حنكي ولزگني لزگ بالحايط يضغط
بكل قوتو : إنذار أخير هَــيـلانـة احاول اكبر عقلي واتحملچ
بدون نقاش تلبسين الزي الإسلامي بالكامل لو ادفنچ انتِ عايشة .

نعوج وجهي والعظم شوية ويطگ بيدو
دفعتو مني جسمو ثقيل غليظ يشبه قلبو
رفست برجلي شمرني وزكح (صاح) :بعدني ما مگبح وياج هَــيـلانـة منتظر تصيرين آدمية وتسمعين الكلام .

- عطاء تاخذين هل مرتده تتهير (تتحضر)
وتلبس الخمار ( غطاء الرأس، بوشيه) تا نطلع بسرعة
المكان خطر وكلهم طلعوا بس احنا هين بسبب هاي .

گضبتني من ايدي ودخلتني جوة رجعت فكت جنطتها
طلعت زيهم الاسلامي عبارة عن عباية وخمار وكفوف
وجوارب نسائية :جميع الفتيات في هذا المعسكر
يرتدين ازياء الاسلام بدون نقاش فقط انتِ تعصين أوامرنا.

هَــيـلانـة: تحجين عامية بدون فصحى .

ضربت الميز نشمر بالگاع وعاطت وجهه
تحول احمرر دم : اكملي بسرعة يا فتاة
لا تدعيني أستعمل معكِ العُنف .

لبست وخليت الخمار ؏ وجهي وطلعت وياها
رفعت وجهي كُلشي ما ادحگ حالي حال العميان
أمشي واتعثر بعباتي وبالگاع ، وهذا اختنگ مني
عود طالع برة مستند ؏ سيارة من أنتبه  اتعثر
تقرب گضبني من ايدي وجرني: راح أفصل عليچ غربلتيني
اليوووم شلون بيج فهميني.

شمرني بالسيارة وصعد عطاء بصفي تدحك ؏ شارع
التفتت ركزت بالشارع ظلام بكُل مكان
هدوء يبعث الرعب
بيوت مهدومة تشبه هدمت گلبي
أحلام أنتهت ، وأحباب تفرقت
نزلت دموعي وجهت نظري ؏ سبب تحطيم روحـي
ركزت بملامحو ، حركاتو . وتصرفاتو
صدر صوت نحيب مني لا إراديًا رفع عيونو يدحك علية
بقيت ادحك عليَّ ما نزلت عيوني شخط السيارة وكفها
وبكل هدوء طلب : عطاء انزلي صعدي بالسيارة الثانية
انتِ وحذيفة .

رفعت أيدي ؏ راسي استدار سحب أيدي
ورفع وجهي بيدو ركز بعيوني لثواني: عليش هل نظرات .

دفعت ايدو ومن بين شهگاتي عاتبت: بسببك تخردلت
وثقت بيك وحبيتك وبدون تفكير جيت وياك وسلمتني بيد داعش
وما اكتفيت مني ، استمريت ؏ اقل سبب تهيني وتضربني
وعادي عندك الكل يعذبني ولا يهمك الموضوع ، انتَ دمرتني .

نزل من السيارة فتح الباب لزمني من أيدي ونزلني
بالقوة صعدني بصفو ورجع صعد مسح وجهو
وألتفت رفع الخمار من وجهي ركز وهو يفكر
ويحسب حساب كل حرف يصدر منو : اني ما اختاريت
تجين عندي ، ولا اعرفچ حتى اطلبچ ، هَــيـلانـة ركزي
ويايَّ بكل حرف انتِ هين بسبب جلاد هو اختارچ
حتى يضغط ؏ أختكم ذَهــب وتنفذ اهم مهمة .

احجي ودموعي تجري ؏ خدي
بدون توقف وهو كل شوية يرفع
ايدو يمسح وجهي : وذهب وافقت ؏ طلبكم وشنو نوع المهمة ؟

الشبح: لا تدخلين بالعميق أبقي بعيدة عن عمل الدولة .

هَــيـلانـة: اذا ذهب تخلص المهمة نرجع نلتقي .

الشبح : اني بنفسي اجهز الكم جوازات
وتسافرون تعيشون بالخارج انتِ وعزيز وذهب .

هَــيـلانـة: شوكت تقريبًا بعد چثير لو قليل .

الشبح:حسب ذَهــب شوكت تخلص .

عضيت أصبعي وملامح الحزن
مرسومة ؏ وجهي بلعت ريگي اربز
(انتظر) يمشي ، فزيت من اخذ ايدي
بين ايدو بقوة : لا تتحركين يولي أريد احجي .

مرت السيارة الثانية عبالهم صار شي لان بقت
سيارتنا بنفس مكانها ، اشر الهم ماكو شي
وفتح الباب يحچي وياهم : ماكو شي روحوا انتوا شوية
باقي هين لا تنتظروني.

طلعوا ورجع گضب أيدي
استغربت منو : عليش مانروح وياهم ؟

رفع ايدو يريد يتلمس وجهي ابتعدت
ورجعت أستفسر منو متعجبه ؏ تصرفاتو
ويايَّ استوقفني بالكلام : هَــيـلانـة أعتذر منچ مديت
أيدي عليچ بس انتِ تستفزيني بالكلام وما تحترميني .

هَــيـلانـة: لآن انتَ جرحتني طلعت شخص ثاني
غير المرسوم أبالي حقي بكل تصرف لان مصدومة بيك .

الشبح: اذا تبقين ؏ هذا الهدوء ألج مني كل الاحترام
وأغير چثير من حياتچ ، هو وگت تخلصي وتسافرين
لا تأذين نفسچ بهل فترة .

هَــيـلانـة: بس ممنوع تقترب مني .

الشبح: بدون ممنوع غيري صيغة الطلب .

هَــيـلانـة: ممكن ما تقترب مني الحد ما ينتهي الوقت وأسافر.

الشبح: ألج مني كل الأمان .

هَــيـلانـة: واذا تغيرت بعد ما ننزل من السيارة.

الشبح: اني زلمة گد كلمتي وراح ننزل وادحكي بعيونچ
وهسة امسحي دموعچ ونزلي الخمار راح نوصل للمعسكر الجديد .

نزلت الخمار وابتسمت بنصر والله وطلعت سهل
يا شبح بس ياريت تكون گد الكلمة وما تصدمني
مو يگولون العافية درجات ، والانتصار مقامات
وبنهاية المطاف آني وأخواني لازم نربح .

دقايق والسيارة دخلت بگراج بيت جبير إلى درجة
وسيارة ثانية تريد تطلع ركزت بيها هذا السفاح صاعد
بس دحك سيارة الشبح نزل من سيارتو يمشي
بخطوات عريضة بس يريد يوصل للشبح
فتح باب السيارة وگضبو من ملابسو
جسمو يهتز من العصبية: وين رحت شسشششبح وين.

الشبح: نزل أيدك واحجي بأحترام .

السفاح : شسويت بيهاااا هااا شسويت .

افتر ؏ جهتي وفتح الباب : ذات العيون السرمدية بيچ
شي انزلي من السيارة .

فر راسو على عزيز من نزلت وگفت
يريدو يطمئن لان وجهو مخطوف
وعبالو الشبح أذاني .

الشبح: سفااااااااح .

سمعت صوت بلع ريگ السفاح وهو يدحك
؏ الشبح عبالك هساع أدرك تصرفاتو
حار شلون يتلافى الموقف بس ذكي
عرف يطلع نفسو : يول انتَ تعرف لازم نتحرك سريع 
بدون لفت الأنظار ، ردت اجيك اني وياهم الف فكرة
صارت براسي ، هجموا عليكم ، تأذيت صار بيك شي .

رفع الشبح حاجبو وتقدم طبطب ؏ أكتاف
السفاح ويحجي يواش (بهدوء) بس بنبرة
باردة تحذيرية: لا تقلق عليّ ماكو داعي ترفع صوتك أخي
المهم عدت بسلام وهساع احنا بالمعسكر.

ابتسم وتقدم مد ايدوبتجاهي أمام أنظارهم
الصدمة اعتلت ملامحهم بسبب كلامو : يلة هَــيـلانـة
حدري(تعالي) ويايَّ .

خليت ايدي بيدو ودخلنا الكل يدحكون بصدمة
ارتبكت منهم عفت ايدو وگعدت ؏ تخم قديم
دخلوا إشكال ألوان مسلحين يوجهون كل الموجودين
بالقوانين الجديدة بهذا المعسكر.

الشبح: عطاء وميلاء أريدكم بالمقدمة .
وگفت من صارت هوسة استندت ؏ حايط
وكتفت ايدي ، دخل عزيز عيونو بالگاع
ما رفعها .

الشبخ : عزيز نادي السفاح .

السفاح : مايحتاج اجيت .

الشبح : ظنيت تيهت الطريق .

السفاح : برأيي نرجع للموضوع الأساسي
بالطابق الثاني ممر كامل غرف نوم كل أربع
بنوات سوية بغرفة ، وترتب الوضع ؏ عددكم .

من بين البنات طلعت بنية تبچي وترجف
تمرد بأصابع أيدها : يعني مطولين هنا شوكت أرجع لهلي ؟

جاها الرد من حيوان بيهم طويل ضخم مثل الغوريلا
هجم عليها مثل الكلب المسعور بوكسات بكل جزء من جسمها
وجهه ، وبطنهه ، ضهرهه ، صرخت وكل بنية موجودة
من قوة الموقف صرخت تستنجد بيهم يساعدوها .

السفاح : يكفي .

الشبح : عبره اخذوها ، ممنوع تقاطعون كلام الأمير او الخليفة
او احد الجنود ، غير مسموح رفع الصوت أن صوت المرآة عورة ، وأجب تستسلمون للأمر الواقع وتعرفون اهلكم كلهم مرتدين ونالوا استحقاقهم وكل أهاليكم ماتووووووووا .

صوت كسرت گلبهن مسموعة من شهگاتهن
ينعرف الوجع ، تعلگت عيوني ؏ باقي من أهلي
ونزلت دموعي دعيت ربي نتلاگى اني والباقي من أهلي
قبل لا تصير باقي ايامي رماد .

الشبح : الباقي من الممر غرفتين بأخر الطريق
ممنوع منعًا باتًا تقتربون منهم .

ميلاء: أعتذر أقاطع كلامك بس عليش ؟

الشبح : الغرفتين للسبايا الجديدات .

حاولت اثبت وما تنهار أعصابي بالوقت الغلط
واوگع بيدهم يعنفون بيَّ ، درت وجهي ؏ شام
نشحطت صارت تگح بعلو صوتها للحظات

شام : غصب عني قاطعتكم بس السبايا لمين ؟

عطاء: معلوم للكل.

أبتسمت شام ابتسامة حسيتها ماكرة
نزلت عيوني من دحكت علية عليَّ ، ركزوا
؏ عطاء وميلاء عدلت الخمار من عيوني
من بين الهوسة ارتعدت من السفاح
راجع للخلف مستند ؏ حايط مقلد حركتي ومكتف
ايدو مثلي ، عيونو صايرة عروق حمرة تخوف الما يخاف
مخنزر يريد يهجم ، انوب أعصاب الفك متشنجة من الضغط
ماگدرت اطول النظر بعيونو نزلت راسي بس أريدهم يكملون
بطلاع الروح خلصوا وعطاء وميلاء اخذوا البنات .

ميلاء : انتِ هايوووو يلة گدامي .

رفعت ايدي آشر بيها ؏ نفسي : تحچين ويايَّ ؟

الشبح : ميلاء هَــيـلانـة مكانها بغرفتي الخاصة .

ضحك السفاح بصوت ،وبثبات آخذ شام ودخل الغرفة بالطابق الأرضي وهو مستمر يضحك وضحكته أستفزازية لابعد الحدود
ردت اهجم أكسر راسووووو بس لو ما أخاف .

الشبح: حدري ويايَّ .

يمشي هو وإني أمشي شو هذا دخل غرفة مقابيل
غرفة السفاح وشام ، فتت بسرعة اخاف يطلع
سد الشبح الباب واني جسمي كزبر ونمل بنفس الوقت

هَــيـلانـة : لالا اني اريد اگعد بغرفة وحدي احسن .

الشبح : ماكو بعد مكان فارغ بالبيت بس المطبخ
تريدين تبقين بي عادي اخذي راحتچ .

هَــيـلانـة: بس صعب اخذ راحتي واني وياك مشتركين بغرفة.

الشبح : هَــيـلانـة اذا تفكرين أتقرب منچ استبعديها 
فترة وتروحين الآلف البنات غيرچ موجودات .

هَــيـلانـة : لا صعبه .

الشبح: هَــيـلاااااااااااانــة اعنادچ بطليييييييي
انتِ بفراش واني بفراش ثاني .

بقيت ادحك ؏ سرير رجع يحچي : هسة يجيبون فراش
بالگاع تنامين  .

عافني وطلع بسرعة قبل لا احجي
ترددت سحبت نفسي اريد اطلع فكيت
الباب اريد اطلع دفعني ورجعني دخلت
ميلاء بيدها فراشي : يلة رتبي فراش هَــيـلانـة .

عيونهه صارت بكصتهه وجهه نطعن ازرگ
الشبح: تحررررركي .

رتبت الفراش وطلعت گعدت بالگاع
هو وگف بالباب : اني طالع اكمل شغلي باجر أرجع
تأخر الوقت وطلع النهار نامي .

طلع بدون زيادة كلام ، نزعت الشال والعبايه موتني تموت
شمرتهن بالگاع وخليت راسي على مخدتي ارتاح شوية
بين النايمة والگاعدة هجست بثگل ؏ صدري ونفسي
يضيق ويرجع ، فزيت ؏ أصابع تحاوط رگبتي فكيت
عيوني صارت ميلاء مقابيلي سدت حلگي
وضغطت اكثر ؏ رگبتي : عبالچ اذا يخليچ بالغرفة
وبحمايته تصعب عليَّ اطيح حظچ وحظ اهلچ ؟

گعدت فوك بطني حتى تصعب عليَّ الحركة آكثر
هو اني من الصدمة رجلي انشلت وأيدي خاوية
ميلاء : بعدچ ما تعرفين منوووو ميلاء لچ ما وصلت
لهنا عبططططط اني ما أنسى عداوتي واعرف منو أعادي
صبرت استفرد بيج واليوم صار الوقت مناسب .

من الضغط ؏ رگبتي صار دمار من راسي النهاية
ضهري اجتني قوة بس اريد اعدل گعدتي
صارت ذَهــب مقابيلي جانت دائمًا تگلي
(لا تصيرين ضعيفة الفقير بهل وگت يدوسون راسو بلارحمة )

رفعت أيدي وضربتها ؏ عيونها اول ما رفعت
نفسها صرخت وآني خايفة مذعورا منها
أريد أرجع ازكح ( اصيح ) عليهم رجعت
تضرب بيَّ بوكسات وتجر براسي بكل قوتها
فات واحد منهم دفعها مني زحفت
وطلعت دفعتو هي وتريد تركض ورايه
ستندت ؏ باب وگفت طلعت امشي واتعثر
صارت عطاء مقابيلي ترتب بالمطبخ
صحت بيها : عطااااااء ساعديني تريد تموتني .

گضبت ايدي وخلتني اگعد ؏ كرسي : من هذهِ التي تريد قتلك
يا فتاة تكلمي من .

اشرت الها ؏ باب دخلت بكل عين قبيحة تسب وتتوعد
ميلاء: منو يخلصچ مني عطاء هههههههه .

عطاء: ماذا تفعلين سوف أخبرهم بكُل افعالك الغبيه .

قاطعتها وهي تقترب مني : لا تدخلين لا اخليچ بقاموس أعدائي
وانهي عليچ عطااااء روحـي من وجهي وسلميني هل ساقـ****

انضرب الباب من وراها رجعت
تدحك منو صار السفاح مقابيلها
يدحك بكل ثقة وتركيز بدون ما ينطق حرف

عطاء: من الجيد وجودك هنا يا أمير هذهِ المجرمة تريد قتل الفتاة
ولا اعلم ما هي اسبابها ، وقفت معها لانني اعلم ان هَــيـلانـة
من أقارب الجلاد .

خلاني اشيط واشعوط من القهر ساكت ولا مهتم
هَــيـلانـة : ما تحچي القطططط اكل السانك لوووو شنووو ؟

رفع حاجبو والوضع ما عاجبو
السفاح : عطاء ،  ميلاء ، وانت كملوا شغلكم بعيد عن المطبخ .

بمعنى يطلعون من المطبخ ، أستغربت بالزايد ومن القهر
صار وجع بمعدتي ردت اطلع وياهن لزمني من عكس ايدي ورجعني للمطبخ : شكووو عوفني اطلع تعرف تتصرف
ويايَّ هيج بس ما تعرف تحاسب الكلبة مالتكم ولا عبالك
تريد تموتني سكتت هاي لو شام چان .

دفعني على حايط وأبتعد وهو يرفع اصبعو
ويأشر ؏ عيونو ، بمعنى يهددني .

هَــيـلانـة : تهديدك هذا ما يهز شعره وحده
من راسي افتهمت لو لااااااااااا يا ارهابي .

رجع يدحك بحقد وصوتو خشن مرعب : لا يهز شعر راسج
يكفي هز گلبچ يا ذات العيون السرمدية .

هَــيـلانـة: ذات العيون الصخام بوجهكم .

رد بكل برود : زعطوطه .

ودار ظَهرو واني صعدت الحرارة الراسي
من اللامبالاة مالتو اعترضت طريقو
وصحت واعصابي تلفت : شنو زعطوطه
أنوب شنو هاي الكلمات ما تستحي .

سفاح : يااااا زعطوطه قبل ثواني تگولين ارهابي
يعني القتل مباح بقاموسي ، يعني ؏ صوتچ العالي
والتجاوز تستحقين سچين بالزردوم أخلص عليچ
زعطوطه تتراددين ويايَّ عگلچ استخدمي تعبي بالتفكير
لا تخلي بالغرفة وتطلعين تره مجاني.

هَــيـلانـة: عقلي براسي انتَ عقلك مو براسك والدليل
وجودكم بهذا المكان وصاير ارهابي تكتل بالعالم البريئة
بحجة الإسلام .

السفاح : زعطوطه كلامچ الغبي اني اعبرو بس
غيري يدوس راسچ بالقنـ ******* .

بطرف ايدو دفعني ؏ ثلاجة وطلع بره
رجعت للغرفة بس خايفة لا ترجع ميلاء
فكيت الجنطة اريد ادحگ اغراضي
بهل أثناء دخل عزيز عصبي نار يشمر بيدو

عزيز: لكحي كلشي من ايدج وحدري مقابيلي
وفهميني مصيبتچ قبل لا اطلع قهري ومصيبتي بيچ .

هَــيـلانـة: يا ساتر يا حافظ يارب شبلاك عزيز
اول تالي تصير عصبي عليَّ  .

عزيز: بأي طريقة غسل عگلچ هل مجرم
بدقايق بس دقايق تغيرتي اعرفهم شاطرين
بغسل الدماغ بس اختي تعرف مصايبهم
أكيد مو بسهولة ترضخين الأفكار شيطانية .

هَــيـلانـة : هو منو غسل عگلي تحچي عشرة بالشهر
بعدني اريد اخلص منهم ونطلع اني وياك من هذا المكان .

عزيز : تطلعين تريدين تخلصين وانتِ دخلتي ايدچ بيدووو
يول ايدددددچ بيددددوووو تعرفين ايدووو القذرة شگد
چتلت ناس أبرياء بعيوني هااااي بعيوني دحكت شلون
يچتلهم بدم بااااارد واعصاب مثل الثلج ، يولي هلكت
تعبت احيررررر بيچ لو بذهب لو بروحي شوكت الله يخلصني
شوكت انام وارتاحححححححححححححح ...

هَــيـلانـة: انتَ وشام خليتوها ابالي اتقرب من الشبح
حتى تمشي خطتكم ، قبل كم يوم شام تحچي وتعلم بيّ
فهمني شنو تغير اليوممم .

عزيز: واقتنعي تتقـ .

قاطع كلامو ألباب ندفع وفات الشبح
وجهو لونو مخطوف نصدم بعزيز
وعزيز انصدم برجعتو : شعندك هين يول .

بصوت متلكئ رد عزيز : نقلت كم حاجة و ...

تقرب من عزيز أكثر ورفع سچين بوجهو
عدلها وبكل حذر يضرب بوجهو بس بدون ما يجرح
وجهو : أخذت موافقتي ، وافقت تقابلها ، رضيت تدخل غرفتي .

عزيز : لا ..

رفع السچين وصااااح بصوت عالي : عجل تدخل غرفتي
وتحچي وياهاااااا وتعرف اني ما عندي ولا نقطة ثقة بيك
واكرهك وما طايق وجهك من اول يوم شفتك ونبهتك قبل
غلط واحد منك يااااا عززززيز يكلفك حياتك ..

عزيز : تصير صاحب فضل عليَّ .
               __________________
                                 ذَهــب ...

أشتد النقاش بين كــانـــون وتموز
وبين ابو دوهان وقسم ، سحبت نفسي
وشردت بروحي فوك لان البيت كلو مشحون

دقايق ودخل كــانـــون جر نفس
وسد الباب : عندج شغل .

ذَهــب : لا خلصت .

كعد ؏ سرير وطبطب ؏ بكل هدوء: عجل حدري يمي
أريد احجي وياچ .

عدلت ملابسي ورحت كعدت
دحكت بوجهو عاقد حواجبو : مبين عليك عصبي .

كــانـــون : ذَهــب اليوم شصار بينچ وبين أريج .

ذَهــب: احجي بالمختصر لو بالتفصيل .

كــانـــون : ألي يريحچ المهم تحچين لان راسي صدع
من المشاكل التافهة المستمرة بهل مهجوم، واني مصايب الدوام
كافي عليّّ  .

ذَهــب : اذا تعبان من الدوام لا تعب نفسك بهيج مشاكل عادية
وتصير بكل بيت ، ايام والكل يتعود ؏ وجودي .

كــانـــون : المشكلة تخص زوجتي لازم اسمعها .

ذَهــب : الصار بالتفصيل هو ....
حجيت كلشي صار من البداية الى ان خابرتو ارجع
وطلب منهم ارجع الغرفتي هو منزل راسو وما نطق بحرف
أستغربت رد فعلو ، وهل صمت دفعني اسئل

ذَهــب : غلطت برأيك ؟

كــانـــون : لا ، بس مرة الثانية لا تدخلين بمشاكلنا العائلية
لا تنسين انتِ هين ضيفتي وكم يوم وتروحين من هل بيت
ما اريد ضيفتي تتعرض للإهانة رجاءً أبقي بعيدة عنهم .

سجاجين جرحت بلعومي من الفشله
والخجل المريت بي بلحظتها ، دنجت راسي
بس اريد يطلع قبل لا ، اجتي النوبة شافني
عرفني انقهرت توجهه للباب بس رجع بتجاهي
ركع مقابيلي حرك خشمو وابتسم : يا بزون لا تنقهرين
الموضوع ما يستحق .

ذَهــب: عوفني وحدي رجاءً .

كــانـــون : تدللين انتَ تدللين .

طلع من الغرفة يا قهري بلحظتها
بللت شفايفي وشربت مي احسها يبست
ما تحركت ابد ما تحركت من مكاني بقيت
؏ نفس گعدتي الى آن دخلت قُــسـم : عادي أفوت.

ذَهــب: اكيد هلا بيج شلون صرتي .

قُــسـم : عوفيني اني شصاير جوة .

ذَهــب: شكو بعد يا ستار .

قُــسـم : كــانـــون بغرفة امو هو وأريج
همات تكاونتي وياها .

ذَهــب: لا هو نفس موقف الصار بغرفتچ .

قُــسـم : وكانون تناقش وياج بهذا الموضوع .

ذَهــب: اي ونزل .

ابتسمت بهدوء وردت ؏ جوابي : كــانـــون ما راح يتغير
هذا طبعو دائمًا ، كل ما تصير مشكلة يسمع من الطرفين
اثنينهم يرزلهم على اخطائهم بس كل واحد بمكان .

ذَهــب : يعني شلون مافهمت ؟

قُــسـم : مثلًا مشاكلنا اني ودوهان گعد سمع مني المشكلة
ورزلني ونصحني بنفس الوقت ، وراح ؏ دوهان صح صارت
مشكلة بس بعدين يگعد هو وياه ويتفاهمون ، دائمًا يسوي هيج .

ذَهــب: وين الربط .

قُــسـم : كــانـــون مو سمع منج وأكيد ؏ ماشي وياها نصيحة .

ذَهــب: اي صح نصحني ونزل .

قُــسـم: بنفس الوقت ما يحجي ؏ اهلوو مقابيل احد
ولا يحچي عليچ مقابيلهم ولا يقبل يحجون عليج
بس ينصحهم مثل ما ينصح بيچ ، للأبد احب طبعو .

ذَهــب : وجهج اصفر كركمي .

قُــسـم : ههههه غيرتي الموضوع ، المهم اكيد كركمي
لا اكل ولا شرب اجيت عليج ننزل اريد تگعدين
ويايَّ نسولف ونتعرف على بعض اكثر .

ذَهــب : بس انزل عبالهن .

قُــسـم: بدون إعذار أمشي ننزل قابل تبقين محبوسة .

سحبتني من أيدي نزلت وياها دخلنا للمطبخ
رضية كاعدة : وأخيرًا قُــسـم نزلت .

قُــسـم : طلع البدر عليكم .

رضية: ههههه ولا تبطلين .

قُــسـم : بشري منو بالغرفة .

رضية: والله اذا يعرفن بيچ تشمتين بيهن .

قُــسـم : عليج الله بشريني .

رضية: ام دوهان وأريج وام كــانـــون .

ذَهــب: امو ليش ؟

رضية : هي دخلت نفسها لان بنتها بالموضوع .

خلت قُــسـم اكل بالصينية وگعدت تاكل بالگاع
اخذ الموضوع وگت الى ان فتحوا الباب صوت
كــانـــون واضح : جهزي نفسچ أريج ارجعچ البيت زلمتچ .

كمل وطلع بالكراج ، اسمع صوت نحيب أريج
ولطمها خلت حرگتها بجهالها تشيل بيهم وترگع
لمت ملابسها وبعلو صوتها تعاتب امها : تعوفي يهيني
ويطردني وتوكفين وياه علمود حرمته أنـه شسويت الهااا
ورضيتي ؏ ابنچ يطردني يا يممممه يا نااااار گلبي
بعد هل بيت يا يمممه ما اعتب بابو خلي الام الشوارع .

لطمت عمتي ؏ وجهه وعاطت بيها مرعوبة
- يمهههههاااييي ولجججج اطلعي لا تهجمين بيتي اطلعي
رجعي البيتچ عمي بعد ما نريد احد يجي ؏ هل مهجوم
تردين تهججين ابني .

زاد بجيها طلعت تركض صاح بيها
كــانـــون بالكراج مخلي ايدو بجيب بنطلونه
وكفت تمسح بدموعها وتحجي : ما اريد خوية
أنـه اروح البيتي كثر الله خيرك .

صاح ؏ تُــمــيم من المضيف اجه
يركض : وصل أريج ؏ بيتهم بسرعة .

فات للمضيف قبل لا تطلع سألها تُــمــيم ما ردت شبيها
طلعت ، عمتي طردت ام دوهان وسدت الباب عليها
اجت ام دوهان تتحسب فوك راسنا.

قُــسـم : تم تفعيل الطززز .

ذَهــب: تم تفعيل لا اسمع ولا أتكلم.

رضية: بنفس الوكت زر الصامت .

للمغرب دخلوا للبيت وراحوا الغرفة جدتهم
إني وقسم وام تَـــمــوز نجهز العشاء
أصوات نقاشهم وضحكهم مسموع
ام تُــمــيم وتموز ينظفون خضرة خربانات ضحك عليهم

تَـــمــوز: الرواتب تأخرت .

فراس : ذاك اليوم وزعوا ولك وين تولي بفلوسك
لا عائلة ولا جهال المفروض انتَ مليونير.

تَـــمــوز : مفلسيونير .

ابو فراس : يصرفون ؏ بنوات الحرام .

تَـــمــوز : منك نتعلم جدي .

ابو فراس : أنـه اصرف فلوسي ؏ بنوات الحرام
زلمة ولدي ولدهم شياب .

تَـــمــوز : جدي ملحگ ؏ ملحمة كلكامش .

ابو فراس : لا يا ملگوف يا عارر سززززززز .

تَـــمــوز : تتحارشون والله وتريدوني اسكت
عوفني أستلم باقي أحفادك.

فزيت ؏ صوت قُــسـم بقيت مركزة وياهم
ونسيت الأكل ، هو صار شغلي بس اكعد من
النوم اخدم وارجع اكل وارجع اخدم
كعدوا يتعشون ، بس ام كانون ما طلعت من الغرفة
كانون من دحك امو ماكو ملامحو بسرعة يبين بيها القهر
والتفكير ، عافهم ودخل الغرفتها ابتسم وسد الباب
ما ردت يشوفوني اخذت اكلي وصعدت قُــسـم
گالت اني اغسل المواعين ، كملت اكل غسلت ايدي
وگعدت ادحگ مسلسل تركي بالتلفزيون .

الروتين الهادئ والمتكرر نعمة ما نحس بيها بس من نفقدها
والمفروض اني اخر وحده تشتكي من الروتين والخدمة
تعذبت ومرت ايام ليل مع نهار مشاكل وقلق ودموع وعذاب
رجعت أتذمر ورجعت المصايب ؏ راسي .

اول يومين عمتي طبيعية بس ما تحچي ويايَّ
يوم الثالث تحچي بصيغة امر ، اليوم الرابع
خلتني بنغلاديش واني شلون اكره واموت مو التنظيف
أصلًا ولا اعرف أنظف وهي أنفجرت .

ام كــانـــون: يولي ايدچ حركيها زين .

مسحت عرقي من وجهي بطرف ردان التشيرت
ورديت بأنفاس لاهثة : اني ولا اعرف انظف هاي قدرتي.

ام كــانـــون : اهلچ وين عنج امج ما شافت بتها
مسح ما تعرف تمسححححححح .

جريت نفس وصبري خلص : بيت اهلي صحني ما اشيلو
كل الشغل ؏ أختي وامي اني بس أشتغل بوظيفتي .

ام كــانـــون : متعودين ؏ وصخ مبين لان الگاع
كلها تراب وصار ساعة تصيحين لا وينو التراب
الأرضية تلمع لمع .

لكحت الوصلة بالسطل وعفتها
وطلعت ادردم : عمي احنا وصخين انتوا نظيفين
بس عوفيني من الصبح وهساع صار المغرب وانتِ
بعدج ويايَّ والله هلكتتتتت .

عفتها وصعدت اسب باليوم الأسود الي انولدت بي
اخذت ملابس ريحتي صارت تراب ؏ حالو وقاصر
سبحت بسرعة وطلعت سرحت شعري رجع كــانـــون
فتح ألباب ابتسمت رد الابتسامة : الله يساعدك .

كــانـــون : امين ومن يقول ومن يسمع .

_ أجهز أكلك ؟

_ لا ، بس أبوية خابرني گال بدل ملابسك
وأنزل انتَ ومرتك صاير شي اني ماعندي علم بي .

_ شصاير والله هساع صعدت من الصبح جوة انظف .

_ عليش خايفة بوية ومحمد ماكو شي
يول انتِ ؏ كلشي ترجفين .

_ گلبي بعد مايحمل مصايب .

رمش بعيونو ركزت بـ رسمت عيونو مسحوبة
ورموشو أطوال كثيفة ، نزع السلاح من خصرو
وبصوت خافت بلغني: اروح أسبح بسرعة حتى ننزل .

هزيت رأسي عافني وطلع بدلت التراك القصير
بتراك ثاني طويل مستور ، هو ما تأخر طلع
من دحكت دخل بس بالمنشفة تركتو ونزلت
حتى ياخذ راحتو ، ثواني وبقيت صافنه ؏
ابو كــانـــون وحلگي مفتوح من الصدمة
دخل دحك علية عاقد حاجبو مر مني
وصاحني بنبرة تحذيرية: ذَهــب حدري للغرفة يلة .

فآتت أريج توزع إبتسامات
ولا ترددت دخلت للغرفة طبيعي سألت: صاير شي .

اقترب سد ألباب وبنبرة تخويف
يسألني: هو ليشوفج شنو يشوف خير لو شر ؟

ذَهــب: شنو قصدك ؟

ابو كــانـــون : لا تردين السؤال بسؤال ثاني جاوبيني
ليشوفچ يشوف خير لو شر ؟

التزمت الصمت لدقايق ، أبتسم وأبتعد گعد
؏ سرير بصف ام كــانـــون .

ابو كــانـــون : كل شخص يعرف شنو هو
وبوجودو يكثر الخير لو الشر ، ومن سكوتچ
افتهم انتِ تعرفين وين ما تروحين الشر يترس المكان .

ذَهــب: هههههه سكتت حتى ماتسمع مني كلام
يقلل من احترامك ، انتَ ابو زوجي واحترامًا الزوجي
ما ارد عليك .

ابو كــانـــون : منين تتعلمين الاحترام من اهلج
لو من ابن عمچ الـ ***** خليني ساكت .

لزمتني الرجفة خفت يحجي كلمة گدامهن
ويخليني بحلگهن ، بقيت أوزع نظراتي
المرعوبة بينو وبينهن : شنو تريد مني ؟

ابو كــانـــون : هو سؤال انتظر الجواب منچ
بدون لف ودوران مو تگولين أنـه ما اخاف وأنه صريحة.

ذَهــب: وبعدني نفس كلامي .

ابو كــانـــون : عجل جاوبيني ، صحيح تجاوزتي
؏ بنتي وگلتي ( بنت الشوارع جنتي بأحضان الزلم )

ذَهــب: صح حجيت هيج ، بس لان هي ..

هزتي من أكتافي بكل قوتو دفعني
؏ بردة دست ؏ طرفها بحيث بلحظتها
وگعت ؏ راسي بقيت ارجع ادفع روحـي ؏
شباك من صوتو الرنان : انتِ بنت شووووواررعععع
ابني عطف عليچ وحافظ عليچ من زلم الشوارع
تجاوزين ؏ بنتي لچ هاي تربيتي تربت بعائلة مؤمنة
محافظين عكس تربيتچ .

كــانـــون : يابهههههههههههههههه الزم حدددددك
لهناااااااا وبسسسسسسس .

دار عليَّ يرعش من العصبية: يول تجاوز ؏ اختك
وتخليها بيتنا وتطررررد اختك .

كــانـــون : منوووو طارد اختوووو منوووو اني
أطرد أختي ؟

ابو كــانـــون : عجل انهههههههه لك كــانـــون
ترجع العقلك لو ارجعك بطريقتي .

كــانـــون : اسمعني زين كلشششش زين تسمعني
مو كــانـــون يطرد اختو ، أنـه سمعت من حرمتي
وحدها ، ورجعت سمعت أمي واختي وعمتي وحدهن
أنـه مووووو زعطوط مقابيلك ضابط تحقيق اعرف
منو يجذب ومنو يحچي الصح .

ابو كــانـــون : اي وعرفت أختك خطأ ، وفرضًا أختك غلطت ، بس هذا الغلط ما يعني تطردها من بيت جدها وبيت ابوهااااااا .

كــانـــون : اذا عادي تغلط عليش صرت عصبي وهاجمت حرمتي وتجاوزتني وتجاوزت ؟
وانتِ أريج انيييييي شوكت طاردچ من البيت ؟؟

نزلت راسها من الفشله وردت : قهرتني خوية .

كــانـــون : عليش تنقهرين تعديت عليچ ، رفعت ايدي عليج
، سبيتچ ، واجهتكم ، قهرتچ لان عرفت انتِ غلطتي بحق حرمتي
وحتى ما طلبت تعتذرين منها وسديت الموضوع
واكتفيت بطلب واحد تروحين البيت زلمتج وبسسس
وانه ابالي يومين واني آجي اخذج من بيتچ واعتذر منچ .

أكلت اضافرها ودموعها توگع ؏ عباية
كــانـــون : تحرضين أبوية ؏ حرمتي وتضحكون عليها
معقولة وصلتوا الهل درجة من الأفكار الكيدية .

ابو كــانـــون : كــانـــون كلامك  ويايَّ عوف اختك
أنـه عايش أشم الهوى وبعدني مسؤول عنكم .

كــانـــون : لا مسؤول ولا وصي بيت تنهان بي حرمتي
ما الي مكان بي ، خلي كلام النسوان يفيدك .

ابو كــانـــون : كانووووووون ماخلصت كلامي .

كــانـــون : مع احتراماتي الك بس أنـه خلصت
والأحسن اطلع لان الشيطان بيناتنا.

ابو كــانـــون : ماكو شيطان غير حرمتك .

كــانـــون : تهيني ماتهين حرمتي الله وكيلك ومحمد كفيلك .

بلحظتها احتواني بين ايدو وطلعني من غرفتهم
صعد للغرفة دخلنا سد الباب وشمر أيدي
فتح الكنتور يحسب بالفلوس : بدلي تا نولي .

ذَهــب: كلامك وياهم كافي برأ .......

فر راسو تجاهي خزرني بحيث
من الخوف جسمي انتفض: لاتكثرين كلام .

بدلت وهو بدل اسرع من البرق اخذ
المسدس مالتو وأوراق الشغل وهمس : حدري .

تقربت منو اكثر نبهني: ممنوع تنطقين بحرف بوجهنا للسيارة.

طلع وصل للدرج اني بعدني بالغرفة
ادحك عليَّ من بعيد ، لاحظ توتري
مد ايدو ماترددت وحضنتها بيدي
التمس الأمان من حرارتها
ضغط ؏ اسنانو ونزل عصبي بس
يحاول يسيطر على اعصابو
بس خلص الدرج عمتي طلعت عاطت بي .

ام كــانـــون : يول يممممه كــانـــون تخبلت تعوف البيت
وتطلع ، يهون عليك تعوف امك ؟

كــانـــون : لا تعترضين طريقي يايمممه أبوس راسج.

ابو كــانـــون : ابنچ تخبل ؏ اخيييير يريد ياخذ حرمتو
يحميها من اهلو ههههههه هو لو يحمي نفسو منها
چثير أحسن بس مع الأسف عبالي ابني ذكي طلع
هتر (اثول) .

كــانـــون صارت عيونو بگصتو
دفعني من الطريق  وبلا وعي ضرب باب
غرفتهم بوكس فلش بي الخشب
وترك بي علامة بحجم قبضة ايدو
كــانـــون : لاااااااااا تستفزني وتهدددددني بكلامك
يابة لاتخليني افقد اعصابي لا تختبر صبري بيكممممم .

ام كــانـــون : امسحها بوجهي يمههه كــانـــون والله
هل اريج بعد ممنوع تدخل البيت ، تولييي هل چلـ ****
تروحلك فدوة انعل الشيطان ولا تقهرني عليك ارجع الغرفتك
وكلشي ينحل .

من بعيد دحكت جدهم فات : يا ستار شبلاكم عائلة فراس
اليوم أصواتكم طالعة وصلت للمضيف.

ابو كــانـــون : هيانو حفيدك اسئلو شصاير وين رايح
وليش مطلع صوت امو وابو .

كــانـــون : وگت ماعندي اريد اطلع .

فراس : مستعجل ؏ موت .

ابو فراس : جدو شبلاك  ؟

كــانـــون : مشكلة عائلية لا تعب نفسك محلوله.

ابو فراس : محلوله وتريد تطلع .

كــانـــون : اترخص منك هساع ،بس بعدين عندي كلام وياك .

ابو كــانـــون : يول ومحمد اذا ماتحترم نفسك وتگعد
بالبيت اشتغلك اكس ومربع ، شكثر صارت مشاكل
ماكو يوم طلعت من البيت .

نزل تَـــمــوز من فوك أستند ؏ محجر
يستهزأ: تقارن نفسك بكانون ؟

فراس : أصعد بغرفتك لا اشمرك بالشوارع.

كمل ونزل جوة يمشي برزانة
واثق من نفسو : كــانـــون بالغلط صار ابنك .

كــانـــون : كافي انتَ الثاني شلون بيكم
جدي الخاطر الله انطيني طريق اريد اطلع .

فراس : عليش بالغلط يا عاق أنـه  شمسوي ؟

تَـــمــوز : ابنك يفكر بعقلو انتَ تفكر بطيبة گلبك .

سحبني كــانـــون من ايدي وطلع فتح السيارة
وصعدت ، جدو طلع يحچي وياه قافل مايقبل
يتناقش ركب السيارة وطلع ، دقايق وصوت رسائل
من تلفونو : ادحگي منو ؟

فكيت الرسالة من ابو صاح بيه : اقري بصوت عالي .

ذَهــب: ابوك كاتب ..

كــانـــون : فكي عقدة لسانچ  .

ذَهــب: يگول تتحداني وتطلع من البيت الخاطر داعشية
مقررين نسلمها اسبوع الجاي .

سحبو من ايدي وشمروا بالمقاعد الخلفية
صفنت عليه وحلگي مفتوح من الصدمة
جر نفس يريد يحچي كتله : لا تبرر اعرف اول تالي تسلمني
بس ما اعرف عليش تراوغ ودافع عني وتتكاون انتَ
واهلك وتزامط وحرمتي وما اقبل وهل خرط .

كــانـــون : اخرط ، ازامط ، اراوغ ، اتعارك
مو علمود أثبت الج أنـه زين ، لو ادحگي مسيطر
لا ومحمد بس لإن انتِ بنت وگلبي ماينطيني اسلمچ قبل ما اتأكد .

ذهب : تتأكد من شنوووو ؟
سلمني ولا تعذبني وياك ، لا تخليني أتأمل ؏ فاضي
فتح عيونك كــانـــون هل مهزلة ضروري
تنتهي بأقرب وگت ، انتَ جنت الهدف ، واني المهمة
وكُلشي صار مكشوف مستعده للعقاب.

- انتِ المهمة ألي استحالة تنتهي بسهولة أيدي هاي محال تتخلى عنچ لآن اني مو غبي أعرف حقيقتچ وأعي منو ذَهــب .

- بس اهلك ما متقبلين وجودي بينهم وبالخصوص
ابوك وحقهم كــانـــون تعبت بالروحه والجيه يسمعوني كلمة الداعشيه انـــي مو ارهابية.

- عقليتهم ماتقتنع بسهولة ، بعگلي انتِ ذهبي الصافي .

اعترضت طريقنا سيارة تَـــمــوز وگف
كــانـــون ونزل تَـــمــوز ضرب ؏ كزاز السيارة
فتح الجام عاط بي : يخوي وين رايح ، كــانـــون تطلع
وتخلي نفسك بخطر .

ذَهــب : اي صحيح تطلع انتَ وداعشية وتريد تأمن ؏ نفسك .

تَـــمــوز : انتِ سدي حلگچ لا تتنفسين.

فتح كــانـــون الباب دفعو علية بكل قوتو
انضرب تَـــمــوز وعاط متأذي : انتوا عليش تحترمون ؟

تَـــمــوز : تدخل بكلشي .

كــانـــون : تصير عاقل لا أهري جلدك ، عوفوهاااا خبلتوها .

تَـــمــوز : ركز ويايَّ دخيل الله وعبادو ، خطر الوضع خطر
وين تريد تروح فهمني ؟

كــانـــون : أدور ؏ غرفة بفندق بين ما .....

تَـــمــوز : صدمة يول ارجع للبيت
لو تروح البيت ابوك الثاني.

همس بصوت شبه مسموع
كــانـــون : ذاك البيت حققتوا وياها بي بس اروح تتذكر
وتتعب ، فكروا بإنسانية شوية يولووو البنية مريضة .

تَـــمــوز: عندك فلوس ؟

كــانـــون : الحمدلله عندي خير الله.

شغل السيارة وتحرك تَـــمــوز ركب بسرعة
ويمشي ورانا الى إن نص الطريق وكف
ينزل يشتري اچل من المطعم ، رجع بيدو
علاگة همست بصوت خجول: اني ما أريد عليش اشتريت.

كــانـــون : جوعان بعدني لا ريوك ولا غداء شنو صايم .

نزلت رأسي ألعب بأصابعي فتح لفة والببسي
وضغط ؏ مخارج الحروف : بدون رفض أكلي مابيه
حيل اتوسل واكثر كلام .

نبرة صوتو ، وشكلو يمنعوني من الرفض
أخذتهن من ايدو وأكلتها شوية شوية
هو بسرعة خلص وانتظرني اكمل
يريد يحرك انضربت سيارتو وصدر منها
صوت هز گلبي هزز ، و امعائي تقلصت
جسمي يرجف رجف أريد أستوعب بعد قفلت

ما اعرف شلون اجتني قوة انتبه ؏ كــانـــون
طلع السلاح سحب اقسام يريد يفتح
الباب وگف واحد ؏ باب ، تصلب جسمي والنوبة
اجتني مضاعفة من أنفتح الباب من جهتي ونسحبت
من داخل السيارة مقابيل عيون كــانـــون ونضراتو المندهشة ..

يتبع..