رواية تجبر أحفاد الــ دليم الفصل الحادي عشر 11 - بقلم اسـاور حسين 🦢✨

تَــجــبـر أحفاد الــ دلــيـم🦅
بقلمي : أساور حسين         
المُلْتَقَى _16_

قارورات كُسرت ، أساريهُم هُزلَت 
دمائهم سُفكِت
رَهبـة .. بالسِـلاح
الدَمُ في نظامهُم مُباح ، جُـرمٌ يقبـض الأرواح
قوانينهُم تحبس الأنفـاس
يضعون السُم على هيئة ترياقٍ في الكأس
هَدفهم يُدنسون براءة هذهِ الأنفُس
و يَدسون الغل والحقد في تلك المُهجةِ دَس .
<><><><><><><><><><><><><><>
تَـــمــوز...

خطيت خطوات سريعة ملهوف ودكات گلبي مسموعة
من بعد هل غياب كازو ترجع ليش ؟
شنو الغاية مو حاربت حتى اشيل ايدي منها
واحرم عقلي من التفكير بيها ، وتهاونت عن قرارات گلبي

شخطت السيارة وكفت متعجب من تصرفاتي وسلوكي الضعيف
وين رايح وين ، عليش بالسهولة هاي أقضي ؏ نفسي
كازو مو الك ابد مو الك ارجع تَـــمــوز ارجع ..

صوت بداخلي يمنعني جنت ؏ علم موضوع كازو
يخسرني ويدمر بقايا تَـــمــوز ، ومدرك للخطورة
مجرد التفكير بيها بس عاندت وتجبرت بتفكيري
بيها والاول مرة استمع الكلبي مو العقلي
رفعت التلفون وخابرت ؏  نفس الرقم
ردت وصوت شهكاتها مردت روحـي : انتِ وين ؟

كازو : بيت سمسمة .

شمرت التلفون ومسحت ؏ وجهي
وقبل لا أستوعب اخذتني روحـي الها
وغبائي تمكن مني بس وصلت
لمحتها ركضت بتجاه السيارة
لابسه نقاب ذهبي وملابس الرقص
فوكاها عباية ، صعدت تناشغ

كازو : حرك السيارة اخذني من هل مكان .

طلعت بيها بعيد ؏ بيت ، بس أعصابي تلفت من
دموعهه ، أخذت كلينكس وبصوت متوتر قدمتو
تَـــمــوز : بطلي بجي راح تخليني أسوي حادث .

رفعت النقاب من التفتت عليها
ضعفت ، تخربطت أوضاعي
صفنت بيها للحظات نسلب عقلي
مني رسمة عيونها ملامحها الحادة
شفايفها كلهن كفيلات بدمار تفكيري
بلعت ريگي ودرت وجهي مثل المخبل ادور
؏ باكيت الغضب ، أخذت جكارة اشرب بيها
ولا عبالك جكارة .

انتبهت ؏ أوضاعي كلها تخربطت
رجعت النقاب وهمست: اريد اغسل المكياج .

خجلت من نفسي سحبت نفس طويل
ورديت وصوتي تعب اريد يرتفع
ماكو ضعف : شبلاچ منو وياج ؟

كازو : يريد هذا ابنهم يريد يعتدي عليَّ .

عيوني صارت بكصتي رجفة اريد اخفيها
صعبت عليَّ عطت بيها بعلو صوتي : ابن سمسمة ؟

هزت براسها منهارة : ابن ام زوجة عمي .

ضربت السيارة وعطت مرعوب : شنوووووو
ابن منوووو احجي عدل .

كازو : اخو زوجة عمي .

تَـــمــوز : تستاااااااهلييييييين افتهمتي لو لا تستاهلين
لان انتِ وحدة حقيرة .

زادت بالبچي وكلامي عصبها الى
درجة عاطت وهي تهتز من البجي : نزلنيي تَـــمــوز
وكف السيارة ونزلني .

تَـــمــوز : شنو تنتظرين يتصرفون وياج غير
يعتبروج سهلة انتِ طعمممممم سهل .

اشرت ؏ نفسها وضربتني ؏ صدري
بيدهه وهي منهارة من كلامي : اني طعمم سهل تحكم
بدون ماتعرفني ، بس حقك تحچي هيج عبالك اذا
اشتغل هل شغل ارخص نفسي ، لو من اصعد وياك
ارخص نفسي واصير طعم سهل ، للعلم أنـه اعرف
ادافع عن نفسي اذا فكر شخص يلمسني.

درت وجهي منها رجعت تصيح عليَّ
وصوتها دمر اخر تكبر بداخلي : تنزلني لو الم العالم عليك
نزلني تمووووز .

تَـــمــوز : اعتذر بس من اصير عصبي ما أتحكم بكلامي
ولا تفكيري ولا تصرفاتي .

كازو : نزلني .

تَـــمــوز : ادب سز مو اعتذرت كافي
بعد ماتتكرر بس فهميني شنو صار .

كازو : شنو هل ميانة لا تتجاوز لا اطير راسك من جسمك
نزلني وهذا وجهك بعد ما اريد اشوفو .

وكفت مقابيل بيت فراس نفس بيت التحقيق
المظلم ، وحرت بتصرفاتي وياها والاول
مرة اخاف واحسب حساب حركاتي وكلامي
تَـــمــوز : ندخل نتفاهم بالبيت ؟

كازو : لا طبعًا رجعني .

تَـــمــوز : براحتج بس اخذي ورقة وقلم
وسجلي يمج عنوان اخ زوجة عمج ومكان العمل
ورقمو وكُلشي يخصو .

كازو : شسوي بيهن تَـــمــوز ؟

تَـــمــوز : - يولي يمعثورة گاعدة مقابيلي تحجين لو تعزفين .

كازو : لا تقلل آدب اعزف شنو اني بـ يا حال ؟

تموز : غربلتيني بصوتچ كلامج
يعزف موسيقى تراثية بمسامعي .

رفعت حاجبها معترضة على كلامي
اخذت الورقة والقلم وكتبت الرقم والعنوان بيدها
الناعمة ، قدمت الورقة اخذتها منها
وايدها ترجف ما ترددت اكمل كلامي
حتى أرضي علامات الاستفهام
ألي أدور برأسي إتجاهه: انتِ بخير لو .

كازو : زينة بس خايفة لان ضربتو .

تَـــمــوز : وبعد راح يعيش الضرب ؏ أصولو
بس فهميني اهلج وين .

كازو : تگدر ترجعني لو ارجع وحدي .

فريت السيارة الطريق كلو فكرة تاخذني
وفكرة تجيبني دخت بيها رجعتها للبيت
نزلت ورفعت النقاب وهي تركز
بعيوني : ابوية وامي ماتوا .

حكمت غلق العباية وركضت دخلت
للبيت وبعدني بنفس صدمتي ربع ساعة
أريد أستوعب وضعي شنو يجبرني مثل
المخبل من اسمع صوتها اركض متلهف
وخايف يصير بيها شي ، سحبت تلفوني
دكيت رقم كــانـــون ماكو يرن بس بدون
جواب ، حركت السيارة وتوجهت للدوام
دخلت بعد دقايق مثل الضايع حاير بمنو
أفكر واحل يا مصيبة ، مريت من مكتب
كــانـــون مشتغل الضوء ، ترددت أدخل
بس خايف عليّ ، فكيت ألباب ودخلت

كــانـــون : شعندك رايح البيت التحقيق ؟

تعجبت بس تحكمت برد فعلي : مايصير اروح ؟

كــانـــون : منو البنية الي وياك ؟

تَـــمــوز : صديقتي .

كــانـــون : وصديقتك ماعدها اهل طالعة هيج وگت ؟

تَـــمــوز : شنو تحقق ويايَّ ؟

كــانـــون : اي احقق عندك أعتراض .

تَـــمــوز : عليش طلعت من البيت منهار .

كــانـــون : تعبان .

تَـــمــوز : تعبك كون بيَّ .

دنج عيونو وسدها بقوة وجر نفس
مخنوك اول مرة ادحگ كــانـــون
تعبان لدرجة الانهيار ، دخلت كعدت
؏ طرف المكتب وطلعت باكيت
الجكاير قدمتو الو وبصوت خافت
حجيت: ادري ماتشرب جكاير بس طفي نار گلبك بيها .

كــانـــون : هي الحياة عليش عوجه ؟

تَـــمــوز: لان احنا عوجان .

كــانـــون : تمووووز اطلع بره امشي مابيَّ حيل
لعبان نفسسسسس .

تَـــمــوز : يول ومحمد ما اطلع اني همات تعبان .

كــانـــون : شبلاك ، ليكون بسبب هل بنية ؟

تَـــمــوز : بني آدم مدري شبي يعني ما يميل گلبة الخايس
بس للي يطيح حظه وحظ الخلفو .

كــانـــون : ها يولوو تحب ؟

تَـــمــوز : قابل بس انتَ تحب وعايش دور العاشق الولهان ؟

كــانـــون : تخسي اني احب تتهمني باطل .

تَـــمــوز : ماكو باطل غير جدك وابوك .

كــانـــون : تَـــمــوز عوفني بحالي اطلع اريد انام
باجر عندي شغل .

تَـــمــوز : متعافي وقميص يوزر سيف فد متعافي
عندك حرمة وكاعد هين يولوووو أنـه لوعندي
تلگيني هساع غرگان بالعسل هيج متوسد حضنها ونايم .

كــانـــون : يا اخي أحترم نفسك وأطلع بكل أحترام
صاير لعبان نفس أتصرف طبيعي مثل باقي البشر
مرة وحدة بحياتك لا تاخذ المواضيع بضحك واستخفاف .

تَـــمــوز: يا خوية حاولت بس الموضوع خرج عن السيطرة .

كــانـــون : يول تمووووز وجععع اطلع لا تستفزني
بكلامي شبلاك تمط بالكلمة احچي عدل .

تَـــمــوز: حاولت اكون انسان طبيعي ومحمد
وداعتو الفراس ابوك بس الكيك كيك .

هجم قبل لا يلزمني طلعت من الغرفة
سد الباب توجهت الغرفتي ورجعت
الأفكار السلبية تتلاعب بعگلي شنو الحل
ربي شنو الحل ، للصبح عيوني ماتاخذ نوم
من السبعة عدنا إنذار واجتماع وره أجتماع

فراس : دقيقتين الكل بالاجتماع .

تَـــمــوز : شبلاك ما شايف ماتشبع اجتماعات
ما مصدك عندك مديرية كافي دقيقتين حتى
لبس البيريه تحتاج أكثر.

ضحك ورد عليَّ بأعصاب باردة
فراس : انتَ وكانون اخذوا راحتكم مايحتاج
تتواجدون بهذا الاجتماع لآن بعد ساعة نطلع
اني وياكم عدنا إجتماع أهم .

طلعت بدون نقاش هو اني عندي شغل
وبس اريد وگت ، دخلت المكتب
وناديت ؏ مأمون .

تَـــمــوز : مأمون هل ورقة بيها معلومات اريد صاحبها
اليووووم مو باجر ، وبدون امر وبدون علم احد.

مأمون: تأمر سيدي ساعة والمطلوب عندك .

تَـــمــوز : ما عليك زود يا بطل .

دخل كــانـــون يستفسر : أبوية عليش مسوي اجتماع
مغلق اول مرة يسوي اجتماع وانه ماكو .

تَـــمــوز : يكول شوية وأجتمع بيكم انتَ وكانون .

قاطعني ودخل مبتسم مرتاح : هاا شباب نطلع ؟

كــانـــون : وين ؟

فراس : دقايق وتعرفون ، يلة نتوكل .

كــانـــون : إطلع يابه احنا وياك .

ولا ارتاحيت النظرات فراس مشيت وياهم
بس قلق وكلبي ولا مطمئن ، ولاحظت كــانـــون
الطريق كلو ساكت ، وصلت سيارتنه
وتفاجأت بأربع سيارات مضللة مقابيل بيت التحقيق
بقيت اني وكانون واحد يدحك ؏ ثاني .

كانون : شنو السالفة بوية شنو هل سيارات شصاير ؟

فراس: چثير تسألوني امشوا ندخل ونتفاهم جوة .

حسبناه حالو حال الاجتماعات السابقة
دخلت جكارتي بيدي ، ونزلوا ضباط كبار
من السيارات همَ والحماية العدهم دخلنا
حجره جانت هوسة بس مرتبين وضعها
مكتب طويل وداير ما دايرها كراسي
وأوراق ، كل واحد توجهه ؏ مقعد
بعد دقايق من الكلام والآخذ والعطاء
بدآ الاجتماع .

فراس : بعد البحث الطويل والإصرار ؏ رصد
المجرمين بقوة الله تم رسم خطة مضمونة
لوقوع الارهاب المذكورة اسمائهم بالأوراق الرسمية
مقابيل حل واحد منكم .

أخذت ورقة ضغطت ؏ أعصابي بس اريد
اسيطر ؏ انفعالي رفعت راسي كــانـــون
متخبل يدحك ؏ ابو مصدوم .

كــانـــون : سيدي هل خطة مو سبق وطلعت
عليها وتم رفضهه لو اني متوهم .

تَـــمــوز : نفس المخطط بدون تغير .

كــانـــون : اني كضابط مسؤول عن هذهِ الخطة والمهمة
ارفض وبشدة هل مخطط غير مقبولة.

رد واحد من الضباط الكبار الموجودين
- عليش تنرفض وكافة الشروط متوفرة .

كــانـــون : غير متوفر العنصر النسائي المنفذ .

فراس: اطمئن ابني ، مو من المعقول أجتمع بكل
هل باشوات وماكو العنصر المهم منفذ المهمة .

وگف كــانـــون وبعيونو وأضح الانزعاج والتوعد
اشر فراس ؏ واحد من الحرس : بسرعة نادوا الضيف
حتى نكمل الإتفاق .

اقل الدقيقتين وكفت الساعة
للحظات هجست كــانـــون جمد بمكانو
وصل المرحلة بعد ما يرمش .

بخطوات واثقة ، وحركات رشيقة
بملابس مجهزة بالون الأسود القاتم
بملامح جامدة ، بعيون جريئة
وتصرفات باردة ، دخــلـت ذَهــب

فراس : المنفذة موجودة .

تعلكت عيون كــانـــون ؏ ذَهــب
اني من يمي اريد احرك المكان
وآلي بي ، الله يساعدو ؏ هل موقف .

تقصد يضغط ويدقق بكل كلمة ينطقها
فراس : تفضلي ست ذَهــب نتفاهم ؏ نقاط الخطة
حتى نبتدي تنفيذ بهل يومين .

تقدمت وجلست قريب ؏ فراس
صعبه يستمر ، نهض كــانـــون
يسحب النفس مخنوك رفع صوتوا
ونتر بيهم : قبل كلشي ، اني طالع واخلوا مسؤوليتي
من هذهِ المهمة ، تَـــمــوز جهز الأوراق بس
نرجع للمديرية اوقع اليوم ينتهي كلشي وهل مهمة تموت عندي .

طلع بدون ماينتظر كلمة منهم
الكل أستغرب رد فعلو ، طلعت بعد
ماتحملت منظرهم مقابيلي وبرودهم
وضحك فراس .

تَـــمــوز : كــانـــون لحظة ارجع وياك .

كــانـــون : ما اريد ادحگ احد ، ارجع للشغل
واني طالع قبل لا ينتهي الدوام ارجع اريد
الأوراق جاهزة .

تَـــمــوز : تامرني تدلل بس كــانـــون دير بالك ***

بلحظتها منعتني الحواجز اكمل بقيت كلامي
عافني وراح . رجعت للاجتماع عاجز
وصعب ارفض المهزلة لأن أسبب مشاكل
الكانون ومتأكد يتهموني بالتقليل أحترام الضباط
المتواجدين ، اذا مايفتحون تحقيق عن سبب
تأخير مهمة ذَهــب ، بقيت صامت الى ان تم
الإتفاق على كل الشروط والخطوات المطلوبة
من ذهب ومن ضباط فراس .

ضرب واحد من الضباط الكبار ؏ ميز
يعلن انتهاء الاجتماع ، والكل توجهوا
للسيارات ، اصواتهم وخطواتهم خلتني افصل
الى ان رجع فراس يتأمر : آخذ ذهب ؏ المكتبي
أنـه ساعة واجي وراكم .

ضغطت ؏ اسناني وهجمت
؏ فراس لزمتو من القميص
وعطت بي فاقد أعصابي : بيدي اموتك ومحمد وعيون ابوية
بيددددي اموتك وادفنك وادفن التجبر والطغيان وياك
انتَ وابوك .

إقترب يضرب بوجهي خفيف
وبنبرة تحذيرية هددني: تنزل ايدك لا أرجعك للغرفة المظلمة
ليلك من نهارك اخليك ما تعرفوووووووووووو .

تَـــمــوز: أبنك حتى ابنك مايسلم من شرك .

فراس : هو لآن ابني ادور مصلحتو ، واخاف عليّ
منكم كلكم ، ولأني ابو أحافظ علية حتى لو ؏ حساب
قلبووو يتعب شهر ولا ينهد عمر .

طلعت من المكان صعدت سيارة من سيارات الحماية
اريد احركها صعدت ذَهــب ترجف : وينو كــانـــون .

تَـــمــوز : دمرتي نفسج بيدج وتستاهلين الجرائم الي راح
تصيييييير وياج جنت أظن انتِ ذكية طلعتي بلا عقل .

ذَهــب: ذاك اليوم هددتني وگلت راح ترجعني للمستنقع
شنو غيرك هساع ، اني بمهمة محددة اريد اخلصها
وأربح اخواني.

تَـــمــوز : اي هاج اخوتج تدللين ، تحجين عشرة بالشهر .

ذَهــب: مو تريدني أساعدكم هاي اني اريد اساعدكم
عليش عصبي وتريد تنفجر المفروض تفرح .

تَـــمــوز : هاي قبل بس بعد ماعرفت كــانـــون ي*****
اوووووووو ناركم تاكل حطبكم المهم عندي كــانـــون .

ذَهــب: هذا اهم سبب يخليني انفذ واخلص ابن عمك
من المصيبة ، لان هل طريق خطأ واني أعرف وأنتَ تعرف
اذا يعرفون ما تمر بسلام وفراس يهدم الكون فوك راسي .

تَـــمــوز : وفوك راس ابنوووو .

وصلنا المكتب فراس دخلتها وقفلت الباب وطلعت
جهزت الأوراق اني وضابط ويايَّ ، ورجعت
للمكتب لكيت فراس كاعد يتفق هو وذهب
صحت ؏ واحد من الحماية : نادي ؏ الرائد كــانـــون
اذا موجود حتى نوقع الأوراق .

توجهه للمكتب يركض
ورجع بعد دقايق : سيدي رائد كــانـــون ماكو .

تَـــمــوز : عجل أنـه بمكتبي من يرجع أنطوني علم
حتى نوقع ، وانتَ وهاي المجرمة أتفقوا ؏ اقوى الخطط
حتى تصدمون كــانـــون .

دخلت المكتبي تلاگيت أنـه ومأمون : سيدي وصلت
للشخص المطلوب وحاليًا بغرفة التحقيق .

تَـــمــوز : عوفني أنـه وياه نلعب ختيلان .

توجهت للغرفة فكيت الباب هو عيونو
مغلقة مايشوف بس يسمع ، بقيت اضرب بحديد
الغرفة اني اضرب وهو يصرخ بس من الخوف
بعد ربع ساعة من التعذيب النفسي بنبرة حادة
حجيت : تعرف بنفسك عليش انتَ هين ؟

- لا ومحمد أنـه كافي خيري شري شمسوي والله ماسويت شي .

تَـــمــوز : انتَ متهم بقضية تحرش ، واذا ماتعترف
تنحكم بقضية أغتصاب .

- أنـه سيدي جذب بيش احلف أنـه ماعندي هل سوالف
مافكرت بيوم اغضب ربي .

تَـــمــوز : وصلتني إخبارية انتَ حاولت تغتصب
بنت من أقاربكم .

- سيدي عليش ماتصدك هذا وجهه واحد يغتصب .

تَـــمــوز : هو الاغتصاب الو أوجهه محددة ؟

_ زين سيدي وينو الدليل ؟

تَـــمــوز : لا تجبرني أستخدم العنف وأعترف بالحسنى.

انفتح الباب دخل كــانـــون استغرب : شنو عدنا قضية
جديدة منو هذا ؟

تَـــمــوز : تأخرت جنت منتظرك .

كــانـــون : منو هذا ؟

تَـــمــوز : وصلتني إخبارية محاول يغتصب بنية .

كــانـــون : وين الأدلة ، الشهود ؟

بقيت ساكت اوزع نظرات بين الولد وبين كــانـــون
من سكتت تخبل فتح عيونو متعجب : اطلععع تَـــمــوز
نحچي برة افضل اطلععععععع .

لزمني من ايدي وشمرني خارج الغرفة
كــانـــون : مهبول يولوووووو لا دليل ولا شهود
وتريد تعذب شخص .

تَـــمــوز : هل موضوع خاص بالنسبة الي .

كــانـــون : اذا ما تفهمني تَـــمــوز اتخذ إجراءات
صارمة اتجاهك كلشي ولا تعذب شخص ودليل واحد
ماعندك عليّ رسول الله قال (من ضار مسلمًا ضاره الله
ومن شاق مسلمًا شق الله عليه).

تَـــمــوز : مو سالفة تعذيب وإضرار ومحمد بس .

كــانـــون : بس شنو ؟؟ اريد تقارير واضحة
بحق الـ ضنينًا ، ماعندك ولا دليل واحد يثبت هو محاول يغتصب.

تَـــمــوز: أثناء التحقيق يعترف .

كــانـــون : البنية صديقتك هي اتهمت هل شخص مو ؟

تَـــمــوز : لاااا يمعوووددد .

كــانـــون : اذا هي المفروض تواجهه
هي والمتهم قبل التعذيب .

تَـــمــوز : شبلاك كــانـــون أنـه اعرف احل الموضوع
لا تعذيب ولا خرابيط .

شغل جكارة وحرك ايدو يستفسر : وين الأوراق ؟

تَـــمــوز : بمكتب ابوك .

سار بكل تأني وهدوء أتجاه المكتب
فتح الباب واخذ نفس من الجكارة
دنج راسو ودخل اني دخلت وره
گضبت الأوراق وأشرت : كــانـــون انتَ متأكد من قرارك
اذا توقع هين تسقط المهمة ، وبعد ممنوع تكون مسؤول عن ذَهــب.

بكل برود رفع الجكارة ياخذ منها
نفس وبنفس الوقت دنج ايدو وقع
وقبل لا يطلع انذرهم: بالعافية ؏ موت .

هو راح وانه طلعت من المكان ، دكيت ؏ رقمها
شوية وجاوبتني : انتِ وين ؟

كازو : رجعت من المدرسة و .

تَـــمــوز : اني باب بيتكم اطلعي فورًا .

كازو : منو يخليني غير يموتوني اذا اطلع .

تَـــمــوز : شوكت تگدرين اليوم اذا ما تفهميني
هل مهزلة اعلمچ منووو تموووز .

سدت التلفون بقيت أفتر بالمناطق الى ان رجعت للدوام
عرفت فراس طالع بس ذهب بالمكتب ، قررت هين
اضرب فراس ؏ وجهه وما اخلي يوصل الغايتو .

ودخلت اتفقت ؏ كم نقطة اني وذهب اخليها
مفاجأة الفوفو ، بقيت كاعد وياها گلبي ماينطيني
اعوفها وحدهه بالمكتب ، دزيت ؏ اكل اكلت شوية
وبس صار اليل طلعتها من المكتب وتوجهت البيت
صغير قريب من بيتنا جنت عايش بي الفترة من الفترات
الصعبة ، قفلت البوب زين عليهه وتوجهت المصيبتي .

انتظرت بس طلعت تتلفت اجت تركض بتجاه سيارتي
صعدت وهمست بصوت خافت : تحرك .

تَـــمــوز : ما اشتغل عندچ افتهمتي لوووو لا .

كازو : اعتذر اذا تحب تحرك حتى محد يشوفني وياك .

جريت نفس طلعت روحـي من هل وضع التعبان
حركت السيارة ابتعدت عن المكان كلو وتوجهت
البيت التحقيق نزلت ورحت فكيت بابهه : يلة حدري .

كازو : مو كلت ما ادخل وياك بيت .

تَـــمــوز : تنزلين لو انزلج بطريقتي
طالعة روحييييييي منج .

كازو : عليش عصبي احجي يواش ويايَّ يواش .

تَـــمــوز : حدري .

نزلت بس ترجف حتى ما تگدر توگف ؏ رجلهه
فكيت البوب اتصل تلفوني : ها كــانـــون .

- ستگـ***** بعد زيد استگ**** .

_ شكووووووو ؟

_ شعندك بيت التحقيققق الكاميرات تشتغل بتلفون ابوية
اذا يشوفك ينبشك وينبش جدها السابع عشر .

_ طفي الكاميرا بداعت العزاز اني دقايق واطلع .

_ انتَ طفيهن يالمعثور يا هتلي يا هتر .

سد التلفون دخلت گعدت واني توجهت الغرفة
الكاميرات حذفت المقاطع وطفيت الكاميرا

كازو : شوكت نطلع .

تَـــمــوز : بعد ما نحچي كلشييييي اريد افتهم انتِ شنو ومنو .

كازو :واني ما اريد احجي عن حياتي .

تَـــمــوز : اخو زوجة عمج عندي بالمركز
واني ماعندي عليَّ اي اثباث غير كلامج
اذا ما تجاوبيني اضطر اخذچ للمركز تنطين
اقوالچ ونعرف الصح من الكذب .

كازو : وليش اكذب بهيج موضوع شنو استفاد واحصل .

تَـــمــوز : شدعوة غامضة لدرجة الموت احجي وخلصيني .

كازو : تخلص من شنوووو .

تَـــمــوز : من المصايب .

كازو : اتركو وبعد ما اتصل بيك بهل حال تخلص مني
أنـه من البداية بلغتك تبتعد لان حياتي عبارة عن مشاكل
واذا تستمر تتقرب تأذي نفسك انتَ اصريت تعذبني
وتبقى واني لان عرفتك من ابتعدت غايتك نظيفة
ويايَّ طلبت منك المساعدة لان عرفتك شهم وتحب تساعدني
؏ عموم اعتذر وبعد ما تتكرر وهذا رقمك مقابيلك احذفو .

تَـــمــوز : شبيج بابا مخبلة شو تلبگين لبگ .

كازو : لحظة أحذف رقمك .

تَـــمــوز : بطلي سوالفج التعبانه بطليها
كون انحذف من الكرة الارضية اذا تحذفين الرقم .

كازو : حيرتني وياك .

تَـــمــوز : والله ماكو غيري حاير بهل اكلان الأحذية.

كازو : انتَ عليش تساعدني .

تَـــمــوز : ماتعرفين عليش اساعدج يا بربوك .

كازو : لا تغلط أحترم تقبل اغلط عليك .

تَـــمــوز : تستفزيني واني الساني ماعندي سيطرة علية.

كازو : ماجاوبتني شمعنى اني ؟

تَـــمــوز : معروف الحب أعمى .

كازو : لبسو مناظر .

تَـــمــوز : وين يسلك بمناظر هل گويويـ******
يحتاج عملية كبرى .

كازو : اول مرة شخص يستمع الكلامي ويعرض نفسو
وشغلو للخطر الخاطري .

تَـــمــوز : ومحمد عيونچ شگتني شگ .

كازو : تعبانات من البچي .

قبل اربع سنوات مثل هيج يوم جنت بحضن امي
انتظر ابوية يرجع ونلتم وتجمعنا المحبة والمودة
بس ولا بيوم أجتمعت وياهن ومجرد تمثيل اهلي يمثلون
التفاهم مقابيلي ، كل يوم بيتنا من دون البيوت
صراعات ، وتعذيب نفسي ، تعنيف ، خيانة
رخص ، جنت اني واخوتي ضحية أسرة
حقيرة متفككة ، وبيوم كعدت من النوم
؏ صوت صراخ تعودت اگعد بالگاع
واركز بيهم واحد يتجاوز ؏ ثاني
شخص ماطايق الثاني ، بذاك اليوم
ابوية ضرب امي ضرب مميت
تركهه جثة تباوع عليَّ بعيونهه
ماتحركت خفت من الدم
دقايق وسمعت صوتهه: كازو اريد سجين .

ركضت للمطبخ اخذت سجين خليتها
بيدهه ورجعت كعدت بمكاني ، راقبتهه
جانت تلتقط أنفاسها بصعوبة وتبجي
مشيت الغرفة ابوية ابجي : بابا تعال ماما ماتت .

ركض من الجرباية وراح يركض عليهه
بس شافتو اجه بتجاهه ونزل المستوى
جسمهه خلت السجين بركبتو الدم طفر
بكل مكان هو ينزف وخنگهه بيدو
ويحجي بصوت بعمري ما انسى: اول يوم دحكت
شكلچ بي حذرتچ نعيش سوية ونموت سوية .

وگع ابوية بصف امي وسد عيونو للأبد
بقت امي تدحك عليَّ للصبح بس ماترمش
ابد ما رمشت ، عبرت من دم ابوية ورحت بتجاهه
امي مديت ايدها ونمت عليها ، هذا اخر يوم نمت طفلة
بعدها صرت ام واب واخت ، بس ضعيفة الشخصية
بس هساع الايام ربتني وقست كلبي .

وكفت تريد تطلع رجفت من الذكرى
اريد اخذها الصدري واطبطب عليها
منعت نفسي وكتفت اديناتي بقوة ؏ صدري
التفتت تدحك علية وترعش عيونها صارت
قطعة حمرة: أنـه يا تَـــمــوز لقلبي ذكرى لا تموت .

بعد مانطقت حرف واحد طلعت فكيت
باب السيارة صعدت اخذت بطل مي
بارد من السيارة وهمست بضعف : اغسلي وجهج لا توگعين .

كازو : أنـه والله مو جذابة مريت بمواقف اذا احجيها
راسك يشيب وتكبر مثل ما اني كبرت ، عندي حسابات
وانتقام ما يخلص بالساهل واحد منهن هذا الحقير العندك .

اخذت تلفونها وفتحت الرسائل بينهه وبينو
عبارة عن تهديدات وابتزاز ، وحدة من الرسائل
خلت عيوني براسي كاتب ( باجر اجي اذا هم تقفلين
الباب عليچ وعلى اخواتچ ادخل عليچن بساعة غير معلومة
ومثل ما شاهدتي مقتل اهلج اخليچ تشاهدين اخواتچ تحت
الاغتصاب والاستمتاع )

كازو : اخذ تلفوني وياك وخلي هو يجاوب هذا مو رقمو
وهذا مو كلامو ، وهذا تهديدات مستمرة اني واخواتي
عايشين برعب .

تَـــمــوز : انتِ من اليوم مسؤوليتي الأبدية .

كازو: ارجوك رجعني للبيت راسي يريد ينفجر .

اخذتها للبيت قبل لا تنزل تذكرت : شگد تاخذين من سمسمة ؟

كازو : مو شرط من 250 الى 450 .

طلعت ظرف فلوس وقدمتو : تفضلي عيوني .

رفعت حاجبها وهزت ايدها : بعد لا تعيدهه ، بس اريد تاخذ
حقي وحق اخواتي من ذاك الكلب .

عافتني ودخلت للبيت طلعت للمركز
العالم نايمة واني نزلت تعنيف بهل حيوان بعد ما
أستخدمت كل طرق التحقيق أعترف بالغلط
ما تركتو الى ان وگع بيدي كالجثة ، من داوم مأمون
رجعوا للزنزانة المفردة .

- سيدي لواء فراس عصبي يريدك .

رحت للمكتب كعدت طبكت رجل ؏ رجل
وهو صاير بركان: وين الغضب ذهب .

تَـــمــوز : غير عندك .

فراس : مو بقيت البارحة انتَ وياهه ؟

تَـــمــوز : صح بعدين طلعت .

كــانـــون : شكوووو من الصبح كلها تباوع ؏ مكتب .

فراس : هل گبحي وين راح بذهب .

كــانـــون : شوكت نخلص من هل سيرة .

فراس : اليوم بس يرجعها نبدأ المهمة
ونخلص منها ؏ طول .

كــانـــون : ليش ناوين تموتون ذَهــب ؟

فراس : انتَ أهتم بشغلك اترك موضوع ذهب عليَّ .

تَـــمــوز : ربحت .

فراس : وين ذَهــب تَـــمــوز ؟

تَـــمــوز : عايفين البنية هين وحدها
اخذتهه للبيت القديم هساع أروح وارجع بسرعة .

طلعت مسافة الطريق اخذتهه ورجعت الهم
كــانـــون داخل للمكتب رافض يدخل
بس انقهرت اتركهه ، توجهت وياهم للموقع.

تَـــمــوز : براسك مخطط وصخ وأضح والله.

فراس : ولا صوت يلة ذهب توجهي للهدف .

تَـــمــوز : يا هدف يولوووووو ياذهب بعگلج تنك
وين رايحة لا توگعين بمصيبة .

ذَهــب: اذا صار بيَّ شي بلغ كــانـــون اني أسفة
بس والله الخاطرو والخاطر اخواني كُلشي مستعده أسوي .

تَـــمــوز : لا تخطين هيج خطوة ومحمد كــانـــون
يدمر دمار شامل .

فراس : الرجل وصل تقدمي وتصرفي طبيعي .

اكتفيت ادحك تحركاتها وحرت بين اخطي
خطوة واساعدها وبين اخاف اسبب خطر
وألفت أنظار الارهاب .

الخوف وأضح ، مترددة الأبعد الحدود
بس أستمرت تمشي الى ان وصلت مقابيل السيارة
نزل رجل آشر تصعد رفضت وگعدت ؏ مقعد مقابيلها
صاير وتتكلم بعصبية الى ان اجت سيارة ثانية
ونزل جلاد ، اول ما صار مقابيلها ضربها بوكس
وگعت بالگاع وفقدت التوازن ، بعدني اريد أتقدم
لمحت كــانـــون ورافع سلاح بيكيسي الطلقات
صارت مطر ، دخل مواجهة بدقيقة ، فراس
من دحك كــانـــون تخبل أمرنا كلنا بالمواجهه
صارت عيوني ؏ ذهب دخلت جوة المقعد
ايدها جوة راسهه تقدمت خطوة خطوة
الى آن وصلت مديت ايدي وصحت بصوت
عالي حتى تسمعني: اركضي ذهب اركضي .

ركضت بس عدها نوبة قوية
وصلت الفراس وهمَ هربوا مثل الجرذان
اشر ؏ كــانـــون حتى يجي بس حرك سيارتو
وعاف المكان وراح ، ركب فراس السيارة
وراح إني اخذت ذَهــب وتوجهت البيت العائلة
؏ هل عذاب اليوم لو اني لو فراس .

تَـــمــوز : أنـه عرفت كــانـــون ما يعديها الابو بسهولة
ومثل ما فراس صدم كــانـــون كــانـــون يردها مربع
بس ماتخيلت بهل طريقة .

ذَهــب: هو شصار ومحمد كُلشي ما افتهمت .

تَـــمــوز : خسرتي المهمة وخسرتي كــانـــون .

ذَهــب : هساع أنـه وينو اروح فهمني .

تَـــمــوز : راجعين للبيت انتِ وشطارتچ تحلين المصيبة.

سيارة كانون برة البيت دخلتها بدون محد يحس
صعدت للغرفة بس دخلت سمعت صوت يرعد
يا ناس يا عالم بنت داعش بنص بيتنا ..

يتبع ..

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد