رواية تجبر أحفاد الــ دليم الفصل الثاني 2 - بقلم اسـاور حسين 🦢✨

تــجــبر أحـــفـــاد الــ دلـــيـــم 🦅
بقلمي اســـاور حـــســـيــن
المُلْتَقَى _1_

واقفة على اطراف حُفرة من النار
تخشى السقوط والانكسـار
و ترفض بكُل حواسها الوصول إلى مرحلة الاندثار
رغم كُل ما عانته من قسوة ودمار
لكنها ارادت أن تُغير المَسار

قابلهـا بالخوف والترهيب
ذاك الذي يُدعى الرَجلُ المُهيب
فـ دب الرعب فـي داخلها منهُ وآراها قسوة التعذيب
فألمها واذاها حتى اصبحت روحٌ على قيد الموت
كـان إنسانٌ ذا تصرفات غريبة على هيئة طاغوت
تارةً يُصيب وتارةً أُخرى يقع في خطأ مُميت

عدم آمان يُحيطهم من جميع الاركان
حبٌ غريب يتولد في قلبه يملئ المكان بالنيران
تجبرٌ و تجبرٌ لا مفر منه سوا النسيـان
وفي هذه الحياة لا يوجد شيء يُسمى النسيـان
أهذا بسبب جور الزمـان ؟
أم بسبب التعرض الشديد إلى الطُغيان ؟
....................
صوتي الوحيد يتردد بأذني آخر كلمات نطقتها
(وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ وَمَنْ قُتِلَ مَظْلُومًا فَقَدْ جَعَلْنَا لِوَلِيِّهِ سُلْطَانًا فَلَا يُسْرِفْ فِي الْقَتْلِ إِنَّهُ كَانَ مَنْصُورًا)
صدق الله العظيم

صوت ورايه صار يتردد:-شكو هين يرحم امچ غيري الجواب ولا جاوبيني مثل كل مرة؟

غلقت عيني استرجع الحدث
ضاق صدري رفعت يدي ناحية قلبي وبصوت خافت خائف
تكلمت :- لقلبي ذكرى لا تموت
أخر دقائق ، أخر آمل ، اخر آمر تنفيذ ، ملمس الشال
اقدامي وهيَّ تخطي اول خطواتها نحو الحرية المبهمة
دقات قلبي السريعة ، من الخوف قبضة ايدي ؏ صدري
خوفًا ينسمع ، رفعت راسي للسماء بعد غياب طويل
أتذكرت طفولتي بالسطح اني وعائلتي أحسب النجوم
الى أن تغفوا عيني ، كلشي مختلف بهل ثانية
بس غلفت او أغلقت عيني عن الحقيبة ، اليوم النجوم أختفت بسبب الدخان ، بس اصريت إرفع أيدي وأحسب واحد ، اثنين ، ثلاثه
أحسبها وغافلة عن عيون تتلاعب بدقائق حياتي
فكرت او هيئة نفسي خلص تحررت من قيودهم
هذا ألباب وأخيرًا مفتوح إمامي
دعيت ربي يطولون بالاجتماع المعتاد
من فرحتي شمرت شالي وركضت
شعري يطاير بالهواء
رجلي حافية لامست الأرض
وكأني ركضت بالجنة
سحبت نفس بعمق وإني مستمرة
أركض وأضحك حتى ألامس
حبل نجاتي وأوصل لبر الأمان

- معقولة بهل سهولة ..!!

- الأرعن يفكر بهل سهولة
ومايحسب حساب العواقب .

في مكان أخر تحديدًا في حجرتهم المغلقة ....

- سيدي ذات العيون السرمدية هُربت.

رد بكل برود وعلى محياه إبتسامة ماكرة شامتًا ، تمركز يدرس تحركاتهم .

- عُلم .

اصبحت الابتسامة ضحكة أستفزازية تعلوا ملامح وجهو
تقدم يضرب الطاولة بخفة ليتكلم بصوت خشن رجولي حاد .

- شبلاك تتراجف .

اصوات بلع ريق يابس
وقطرات عرق تتساقط
تشبه دقائق حياتها ..

تكلم الأخر لتصبح ملامحهُ الرجولية ضعيفة راضخة متوسلة
- اخر مرة إسمحلي اتصرف وياها .

خطوات بطيئة يتقرب بها من المتكلم آكثر فـ أكثر
قلص عيونو ينظرلو بنفس حدت نظراتو
المعتادة ربت ؏ الكتف ورد بخشونة..

- أطمئن انتَ الوحيد تتعامل وياها بس .

اخذ جكارة شغلها ركزت جميع العيون
؏ جمرة الجكارة عدل لحيتو وكمل .

- مو بغرفة مغلقة تقنعها تنچعم
كم يوم حتى تهربها بالوقت المناسب ، هههههه 
ادحك حالك تخربط تظنون اني غافل
او مغفل عن تخطيطكم .

سحب المسدس فتح الشاجور
سحب طلقة وحدة وقبل لا يضعها في مكانها المناسب
كمل ونظراتو تحولت لغل .

- تشوفون هل طلقة حتى امي اقتلها بيها
اذا تسبب خطر ؏ شغلي .

تمركزت الطلقة سحب اقسام
ونسحبت أيدو بكل حذر .

- طلقة وحدة تموتها وتموت گلبك وياها
لا مكان للضعفاء هنا .

دموع تهرب ، لحظة ادراك
أصوات استعجال ، صوت ضعيف

- انتَ هربتها ؟

- صح اني ومنتظرها توصل للهدف
وهيَّ مثل الشاطرة تركض للموت .

- عليش ؟

- خطر والخطر يموت قبل لا نموت .

ضحك بوجع ليتكلم يصحح الكلام
- تصحيح سبب القتل رفضتك واختارتني .

ليكمل بنفس الاسلوب ضاغط ؏ مخارج الحروف ، ضرب ؏ طاولة
بقوة وصاح بصوت عالي يعلو صوت الكل
- أنـه  أريدها .

ابتعد الاخر وهو يسحب نفس من الجگارة
وسرعان ما رفع حاجبو ورد ببرود فضيع .
- ادحك الصدفة كلنا نريدها بس ورقتها سقطت
والمتداول ومثل ما نعرف الآنسان
اذا سقطت ورقتو ينتهي عمرو.

- انتَ مو الله ، الله سبحانة مسؤول
؏ الموت والحياة .

- ادحك يول ادحك ولاحظوا منو يسولف عن حكم الله سبحانة
المهم أحيانًا لازم نتصرف ونستعجل
نسقط ورقة غير ورقتنا
وهسة تنفيذ لو أتصرف بطريقتي .

تلامس أيدي حاقدة
ملمس المسدس صار
بالأيادي الخاطئة
خطوات ثقيلة
وكلمات لا تستقر .

- تدري بعد الراح يصير
فعلا گلبي يتحول حجر مثل ما تريدني
بس صدگني انتوا اول المتضررين
بيدي تسقط ورقتك مثل ما سقطت ورقتها ورقة گلبي .

- أنصرف .

طقطقة خطواتهم
چثير امامي چثير 
واحد ، اثنين ، تلاثه
استمر يحسب بيهم
الى ان وضح عددهم
خمسة عشر شخص
والكل مسلح يعني !!

انفتح باب السيارة تحت انظارهم
دقات گلبهم مسموعة بأذنو بسبب خوفهم من غضبو
صعد بالسيارة متوجهة للهدف
بس اليوم الهدف مختلف
عن كل أهدافو السابقة
اليوم هدفك گلبك .

شخطة السيارة ، وهيَّ تحتك بالأرض
وتمحي الأوساخ الموجودة حتى تصبح
أشبه بالرماد هذا حال ضحكتها
اصبحت رماد يطاير بالهواء وكأنه لم يكن .

أطراف تجمدت ، ملامح وجهو تصلبت
دعاء يتردد بصوتها المذعور ( أتمنى موجود)
صوت فتح ابواب السيارة يصاحبها صوت رجولي حاد

- مكانج يا ذات العيون السرمدية .

غلقت عيونها بكل ثبات وهي تردد
- مو صوتو مو صوتو ماكو تعال
احميني منهم تعال تعال تعال ..

استدارت لحظة نزول اقدامو
من السيارة عيونها السرمدية
تتجول تدرس تحركاتو الضعيفة
تقابلت العيون بشعور مُهيب
نزلت نظراتها المرعوبة المستوى ايدو
وسعت عيونها وبعدم تصديق
خرج صوتها.

- مُسلح .

وهو يسير متوجهة الها صاح بصوت عالي يعاتبها
- يولي نبهت كثير لو حتى البوب
مفتوحة وهل شيطان بنفسو
يساعدچ لا طلعين ، وانتِ
شسويتي للمرة المليون
تكسرين كلمتي .

- تدري اليوم عندي أستعداد اموت وما ارجع للمعتقل
أبقوا انتوا كُلكم تحت رحمتو يستعطف عليكم
حياتكم اني أشتري حريتي حتى لو ؏ حساب
خسارة حياتي صير زلمة وقتلني.

رفع السلاح وصاح بصوتو المبحوح
وعيونو تحفظ تحركاتهم .

- اني احبچ يا غبية.

تتساقط الدموع تشبهه قطرات المطر
رفعت راسها للسماء تمنع دموعها
من النزول مثل كل مرة مستحيل
تنطيهم نقطة ضعف.

- (احبچ) كلمة من أربع حروف
عبارة عن فخ استدراج نحو الموت
بسبب كلمة احبچ اني هنا
انطيني شخص سمعها وصدقها
وما نزلت دموعو وبدل الدمع دم
يبجي ، وإنه دممممم ابجي دم ؏ حياتي .

تكلم بصوت يعلو صوتها
- لكل فعل رد فعل .

ردت بتعب ونفاذ صبر
- القانون لا يحمي المغفلين
ولا الحياة تحمي الضعفاء
ولا الدنيا تحمي قلب حب
لو من البداية دست ؏ گلبي
ما وصلت هين .

باوعت عليَّ واگف يدحگلهم
أدركت مستعد يتخلى عن حياتو
في سبيل ينقذها بس هل مرة صعب
حاولت تسهيل المهمة تكلمت وهي منهكه .
- انتَ ارفع سلاحك وأرمي
خلصني للصبر حدود اخوك
مستحيل يسويها مو .

صوت دوي طلقة نارية
استقرت بأقدامها ؏ اثرها
صارت مثل الحمامة البيضاء المذبوحة .

نزلت راسها وصوت صراخها رج المنطقة
- الثقة دمرتچ بعدچ ؏ نفس الثقة بيَّ
والمشكلة اني وصلتچ هين شوفي نفسچ وين
اليوم اني مكلف بقتلچ شنو ذنبي اموت گلبي بسببچ وبسبب تصرفات الرعونة .

رفعت عيونها كلها دموع
ابتسمت بستهزاء وهي ترد بضعف.

- نفس الموقف 
بنفس ذكر السنة بس مو نفس الأشخاص
قبل انتَ جبرتو يقتل حبيبتو
وموت گلبو واليوم يومو
نفس الشعور ونفس المكان
صير مثلو وخلصنا.

عصر وجهو متذكر الموقف
سرت رعشة بكل انحاء جسمو
وهل ذكرة زادت غضبو ألتفت صاح عليهم
- ساعدوني أريدها فتحولنا الطرق نطلع .

- لإلا أرجوك خلص بسرعة لا يوصل خبر ويبتدي يصفي بينا .

- انتو اعتبركم اخوتي واجب تساعدوني.

- أقتل گلبك .

- ادمركم .

- موافقين .

- تشاهدي .

غلقت عينها ونطقت الشهادة ، رجعت فتحتها تكلمت بمعاناة
- ركز بعيوني اخر مرة تشوفها .

إقترب وصار صدرو يلامس
جسمها المرعوب صارت شفايفو
تقبل راسها  أغلى انسان ؏ قلبها واقف إمامها
الضربة من عزيز توجع اكثر من غريب
ما هي نهاية قصة حب عاشتها القارورة ذات العيون السرمدية ؟؟

                  هل هذا نصيبها اما للقدر رأي آخر؟!...
>>>>>>>>>>>>>>>>
الماضي ينادي والذكريات تطرق الأبواب
تطالب بالعودة ، أعطيني يداكي الصغيرة
هيا نذهب معًا نتعرف ؏ رواية واقعية ونتشارك بـ فك الغازها .

سماء غائمة جزئيا برد قارص يثلج القلب افكار تتضارب بعقلي
سحبت نفس بقوة رفعت راسي ومازلت أجلس خلف مكتب
صغير،  إمامي سجل اسامي المرضى

بعد يوم متعب منهك نفسيًا اكثر مايكون جسديًا
طلعت من العيادة قبل الكل طاقتي شبهة تلفت
بقلبي نار ... بحيث ادحك السيارات تمشي
واني ولا اهتم بالكون كلو .

مشيت ومشيت وخلصت الطريق مشي
ما حسيت غير واني بمنطقتنا بس وجع
قوي برجلي المسافة مو قليلة
فزيت ؏ شخطة إطارات السيارة صارت
مقابيلي ، نزلت راسي اتجاهل العيون
وهيه تركز بيه وكملت الطريق
فتحت باب بيتنا ودخلت
اسمع صوت ابوية يصيح بعلو صوتو ..

-يولي بشري أشتغل لو بعدو ؟

كملت طريقي واني أسمع اختي
هيلانة تتكلم بصوت عالي :- ما يشتغل يابه شسويلو .

من شافتني عافت التلفزيون وتقدمت تركض
هيلانة :- فدوة ذهب حبابة تعالي دحكي التلفزيون مايشتغل .

رجع ابوية عاط وكفتلو ورديت
عقلي مخربط :- يابه راح اثبتوا ؏ قناة وانتَ العب بي عسى ولعل يشتغل .

ابو ذهب:- يولي هووو شنو العب بي وتلعبين بي
يا مصكوعات التلفزيون اشتغل لو لا .

التفتت واني مختنگه من الضحك
وفضة وامي بالگاع واكعات يتمضحكن علية
وعلى جفصاتي الما تخلص وتخلصني .

ثبتت التلفزيون ؏ قناة وحدة
ولحظات رجعت الصورة .
ذهب:- يأبه إجت لا تحركو بعد كافي انزل .

عفتهم وصعدت ؏ هوسة بعد الفوك
ذهب:- لج هيلانة عليش ما نظفتي الفوك
يولي مو كلت من ارجع كون مرتب
شنو امشي ؏ ملابس إلى متى.

ام ذهب:- هيلانة تعبت بدلي ورتبي الغرفة بيدچ .

ذهب:- منين اعرف يمه .

ام ذهب:- والله مرضتني كلشي ما تعرف هل مصكوعه امشي
يمه هيلانة ساعديها ترتبها لا تموتني .

شمرت شالي وگعدت ؏ ملابس
ايدي ؏ راسي .

هيلانة :- بطلي وخلصي نفسچ .

ذهب:- صعب .

هيلانة :- صعب تظلين بهل حال
تعذبي شهر وشهرين ولا يستمر عذابچ طول العمر
لا تبقين تمشين بطريق المجهول.

ذهب:- بس صدگينيهيلانة هو هم يحبني ومهتم بذهب مثل ما
ذهب تهتم بحضرتو.

هيلانة :- افتحي عيونچ ذهب هو يهتم للكل
يضحك للكل ولطيف مع الكل .

ضغطت ؏ راسي وصحت:- تعبت لج هيلانة هل اختبار صعب
لو من البداية رفضت طلبوا ما كان صار الصار ..

فضة:- واذا تستمرين تتعبين اكثر .

تركتها وغلقت إذني مثل كل يوم
دخلت للحمام بس اتعاجز أسبح بس بدلت ونزلت
اخذت ماعون صبيت أكلي بدون
ما أنتظرهم تا ناكل كلنا .

بس خلصت صعدت لفيت راسي بالبطانية
أتجاهل الهوسة بغرفتي وبدخول هيلانة تكلمتت بضجر.

ذهب:- بالله هاي حالة صار اسبوع من
انتقلنا ولليوم ما خلصنا.

هيلانة :- تقصدين خلصنا بدون
حضرتچ ما تعرفين ترفعين
تيشيرت من الگاع .

انطيتها ضهري وغلقت عيوني
ورجع أتذكر ايام حبي الو من طرف واحد
مرت عليَّ مثل الشريط ذكرى بعد ذكرى
شكلو مقابيلي طولو
ضحكتو وحركاتو ايامي قبل هل ايام شلون عشتها...

(استرجع ذاكرة ذهب قبل اشهر من اليوم )

مثل كل يوم الصبح تريكت وغسلت المواعين ؏ سريع
وصعدت ارتب نفسي قبل لا يصير الوقت
وامي ترزل بيه بسبب تهربي من الشغل
بس مو بيدي ما تعلمت ؏ تنظيف
انطوني شغل خارج البيت بس ماكو تنظيف

عدلت ملابسي ومكياجي ونزلت مثل
كل يوم امي الى ان اطلع مستمرة تحچي
وتسب بيَّ :- بلا تربية ولا أخلاق ولج ما تستحين انتِ الجبيرة
عود الخشب ما ترفعينو يولي إلى متى تبقين هيچ
ابخيرهم ما خيرونا وابشرهم عمو علية .

وصلت للباب واني ارد عليها بسرعة:- بعدين يمه بعدين .

طلعت ابوية بالباب أخذ تكسي صعدت
تحاسب  وراح ونحن طلعنا
ربع ساعة وصلت للعيادة دخلت بسرعة
فتحت باب نظفت حجرة الدكتور
وطلعت المكتبي رتبت كلشي وحضرت السجل
وصار وگت المراجعين يتوافدون علية
سجلت اسمائهم واحد تلو الاخر
سمعت صوتو واني اسجل اخر اسم :- السلام عليكم.

بعدني ما دحكت وجهو دخل للغرفة
وغلق الباب تركت كلشي من ايدي
ووگفت عدلت ملابسي ودكيت الباب
وصلني صوتو الهادئ:- أدخل.

اول ما دخلت ألتفت أبتسم بوجهي
كالمعتاد لازم وضروري يسلب عقلي بكل
سلاسة:- يابه هلا بـ ذهب .

بلعت ريگي واني ألاعب اصابيعي :- هلا بيك دكتور .

بعدني ما خلصت تعداني وطلع وگف
؏ محجر الدرج وصاح بصوت واضح :-ابواحمد
بلازحمة گهوة بسرعة.

رجع للغرفة اني مصدومة من شافني
ضحك وصفك بيدو وصعدها لزم راسو:- اوووو نسيت المفروض انتِ تطلبين.

ذهب:- عادي دائمًا تنساني.

تصرف ببرود وهمس:- عقمي الأدوات بسرعة ذهب
وبعدين دخلي المرضى استعجلي .

هزيت راسي وتحركت رتبت كلشي
وطلعت صاروا واحد بعد الثاني
يدخلون ويطولون والوقت يمشي
واني اكلت اظافري والقلم
وكلبي يغلي كل ما تدخل بنية حلوة للغرفة
وابقى الى ان يكملها .

بعد مرور وقت طويل سحبت القلم وخطفت
نظرة سريعة ؏ زلمة جدامي شايل
ابنة الصغير وزوجته تمسح بالكلنكس شفايف بنتهم
كأنها اميرة لابسة بفستان زهري يزين بالأزهار.

- السلام عليكم اختي بلازحمة اريد أحجز عند دكتور أنس .

ذهب :- تعذرني دكتور أنس خلص حجز
بس دكتور منير موجود .

- اختي متعودين ؏ دكتور أنس والحجز لهذا الطفل ما يأثر عليكم .

ابتسمت بخجل شكثر تزعجني
هل حالة يعني الدكتور منع
أدخل بعد مراجعين اجبرو ، وگفت وأني اشرلو :-اخي تفضلوا ارتاحو هسة ادخل للدكتور اذا يوافق ادخلكم تدللون .

مشيت بخطوات واثقة نحو الباب
فتحتو بهدوء ودخلت والتزمت
الصمت لعدة دقايق .

التفت الدكتور بنظرات خاطفة
شافني ورجع يشتغل أسنان المريضة.

الدكتور أنس:- ذهب عقمي هذا الجهاز.

هزيت راسي بـ اي وتحركت بسرعة انفذ كلامو
مندمج يتناقش ويتبادل الحديث
هو وأم المريضة كملت وثبتت بنفس المكان

الدكتورة أنس:-ذهب شصاير عليش جامدة هين .

ذهب:- دكتور هاي شسمو زلمة ابنو صغير
يريد حجز وبلغتو وقفنا حجز ، يجاوبني طفل ما يأثر .

الدكتورة انس:- يواش يواش عليش تتراجفين 
نخلص ويدخل .

طلعت بلغتهم ورجعت المكاني
جردت الاسماء الى ان كملت
اول ما طلعت دخل الزلمة وعائلتو
ساعة وكمل تشكرنا وراحوا
مشيت أصبعي اعدل خصلات شعري وتوجهت للغرفة .

اريد ادخل أنفتح الباب صار مقابيلي الدكتوريدحك بتركيز
قلص عيونو وتقرب صار مقابيلي: لونچ مخطوف وحسچ مختفي شبلاچ؟

بلعت ريگي ورديت وصدگ حسي
خشن : كلشي مابيَّ بالعكس زينة ، بس يمكن هبط ضغطي
بعدني ما متغدية.

- اذا تحبين نطلع نتغدا ؟؟
طبعًا اذا كنتِ تحبين أكيد.

بسرعة هزيت براسي لا اتهرب من
المقابلة : اسفة غير مرة ان شاء الله
لان خابروني اهلي عدنا خطار .

قفل الغرفة واني توجهت للمكتب اخذت
جنطتي ونزلنا سوه ، توقف نهاية الدرج
التفتلي وگال: رفضتي نتغدا سوه ؏ اقل اسمحيلي اوصلچ .

خجلت واني ابتسم رديت بتسرع 
ما حسبت حساب العيون المترقبة
رجوعي ، وتحركاتي .

وافقت اشرلي امشي صعدت سيارتو
هجست نفسي متشوشه عدلت جنطتي
بقيت اتهرب ادحگ ؏ شارع السيارة تمر بسرعة
كأنها دگات گلبي .

- هذهِ منطقتكم صح ؟

- بعد الفرع الثاني رابع بيت .

- إيجار لو ملك .

- إيجار .

-عندج اخوان ؟

- أثنين .

- ام عمران ذكرت بس اختچ .

- صح .

- شنو صح ؟

سحبت نفسي بصعوبة الهوه مات بصدري
والمواقف مثل الفلم تمشي مقابيل عيوني
تذكرت تهديد ابوية وصوته يتردد بأذني: ممنوع يتم الرد ؏
سؤال يخص حياتنا ، ممنوع اسمع شخص يعرف منو احنا
وعليش انتقلنا بهل منطقة .

- دكتور بلازحمة ممكن إنزل هين وصلت .

- ذهب أعتذر إذا سؤالي غلط او بي تدخل زائد مني
بس حبيت اتعرف اكثر عليچ .

- ادري دكتور لا تعتذر ماغلطت بس وصلت هيانو فرعنا .

نزلت من السيارة بس وگفت
ذهب: شكرًا الك دكتور عذبتك.

تكلم وعلامات الاستغراب والذهول
مرسومة ؏ ملامح وجهه : لا شكر ؏ واجب عزيزتي .

سارت أقدامي وغصب عني عاد الماضي يطرق
أبوابنا ، رفعت ايدي ؏ قلبي اتحسس نبضاتو
خضعت الحالتي رجعت أشعر بالعجز بكل مرة
ينذكر العزيز ينهشون حيلي راح حيلي راح وعافني
صوت بداخلي يصرخ ،
أرجع نكروك أرجع حتى اسمك صار يختفي
اختفى بسببو هو الفاز وانتَ خسرت
هو عاش حياتو وانتَ دفنتها بيدك
أرجع أريد ارفع راسي بيك من جديد.

نزلت دموعي بس صارت عادية تعودت
وبعد ما انصدم من برود روحـي
فزيت ؏ صوت مو غريب عليَّ
التفتت أنظر بعجب صاح بدون خجل : هو السبب ؟

ذهب: نعم ؟!

- ذهب سؤالي وأضح هو السبب ؟

- مايخصك أبتعد لا تتأذه بناري .

-اشتري نارچ لاتشيلين هم .

- عليش توصلني المرحلة أشتكي عليك
واخلي القانون يتصرف وياك .

- جاوبيني وطفي لهيب گلبي .

تجاهلت نظراتو ومشيت بعجلة وصلني
المرحلة أتلفت أخاف يشوفوني وتشوه
سمعتي بالمنطقة .

دخلت للبيت فتحت باب المطبخ
لفحتني رائحة مألوفة طبگت حاجبي
وعبرت الممر استوقفني منظر امي
گاعدة بالگاع راسها مشدود بشال

روحـي صارت تحوم ؏ باب الحجرة
ذهب:شصاير إذا البالي رجع يااااا يمهههه اذا الخايس
رجع اهج من البيت وبعمركم بعد تشوفون وجهي .

ردت عليَّ بقهر ،وهن ، ثقل ، وذل
- أي حتى تكملين عليَّ تريدون موتي حالفين اذا ماتموتوني
ما ترتاحووون لا انتِ ولا ابوج .

شمرت جنطتي فقدت لطمت ؏ وجهي
وصرخت بعلو صوتي : تعبت اني تعبت افتهمتي
عليش نباع بيتنا وتبهذلنا بالإيجارات جاوبيني ؟
عليش شلنا من منطقتنا يمه وصلنا الهل منطقة ؟
عليش اخذ العزيز وراح وبالچذب ما سأل عنا ؟
عليش ساكتة فهميني جاوبيني لا تبقين ساكتة ؟

هجمت علية دفعتني بكل قوتها
؏ الباب ضهري انضرب بقوة
عطت بألم : شتريدين أسوي ها شبيدي لو اگدر امنع الغلط
من زمان اخطي هل خطوة بس اني ضعيفة انتو نقطة ضعفي
شلون اذا يرجع بحاربني بيكم ويبعد وحدة منچن عني
بعد حيلي انهد ومو حمل افراگ خلي شيسوي يسوي ولو ننتقل
الإلف بيت بس انتو ويايَّ بحضني أعرف بيچن شوكت تاكلن
شوكت تنامن شوكت تطلعن وين ويَّ منو تحچن هاي هيَّ
كلشي سخيف بعيوني .

وگفت ؏ طولي وركضت للباب صرت اضرب بي
بحالة جنونية : وهب رجعت يولووو
الله يموتك لكككك الله يمووووتك رب العالمين معقولة
غافل عن ظلمكم ربي ردهم اسفل السالفين ، والله أشرب من دمك
بس هَــيـلانـة تتأذى ما ارحمك .

اندفر ألباب أهتز رجعت بخطواتي للخلف
مسحت دموعي : الله ياخذ عمرك مثل ما غربلتنا
وحرمتني من اعز انسان ؏ گلبي حرمتني من العزيز يا حيوان .

صعدت بسرعة بنهاية الدرج صارت هَــيـلانـة
مقابيلي ايدها ؏ آذانها تعديتها وكملت
طريقي للغرفة ، استخفيت گطعت ملابسي
وذبيتها بالگال بطريقة اهمال فضيع .

صعدت امي ركض بيدها صينية اكل
خلتها ؏ ميز نطقت برهبة: گعدي اكلي انتِ واختچ .

نمت واني كارهه صوتهم اتمنى اهج
مليت وتعبت اهلي مو نعمة اهلي نقمة .

ام ذهب : هَــيـلانـة رتبي ملابس اختچ لو تغسليها
وانتِ ذهب لاتنامين روحـي سبحي .

ذهب: الله ؏ برودة اعصابچ احسدچ
أتمنى اصير مثلچ كتلة برود ، تريد أسبح
شنو الفائدة وبيئتنا مليان قذارة ، عليش
تنظفون بجسمكم وكلنا وسخ اساسنا قذر يمه مايفيد السبح .

تركتني وطلعت أسمع شهكت هَــيـلانـة
بزاوية الغرفة مثل كل مرة تخنق
نفسها وتگعُد تخلص دموعها
في سبيل تكمل وتواجه حقارة اهلنا .

رجعت افتر بالغرفة توجهت للباب
قفلتو ورجعت ادحگ من شباچ حجرتي
اراقب بالمنطقة كالمعتاد تعودت
صارت مقابيلي بنية شابة من بيت الشيوخ
تغسل بالكراچ ألمي قوي وتغسل بالحياطين
وياها شباب اثنين يمسحون بالمي يطلعوا بره
ذَهــب: هَــيـلانـة تعرفين هذولي منو ؟

هَــيـلانـة: بيت الشيخ سلطان ابو فراس .

طبگت سيارة نزل شاب ثالث اخذوا
الشباب الصوندة من البنية وصاروا
يرشون ؏ سيارة عاط بيهم بامتعاض: لك ابن فراس كافيييي .

لفتت انتباهي بنية ثانية طلعت سحبت
البنية وركضت للبيت ، أنفتح شباكهم
طلعت نسوان كبار ونفس البنية الكانت
تركض أشرت عليَّ بسرعة طبگت شباكنا ودخلت.

فضة: شكو .

ذهب: أشرت عليَّ خطية اكيد خافوا مني .

هَــيـلانـة : انتِ وهذا شعرچ أكيد عبالهم زلمة.

دحگت بطرف عيوني عليها
هَــيـلانـة : شصار وياچ اليوم .

ذهب: نسيت كلشي عوفيني بهمي .

فضة: الله يخليچ من تحچين ويَّ امي يواش
تره البيها كافي عليها لا نزيدها عليها .

ذهب: امي السبب .

اكتفيت بهذا الجواب راقبت نزول الشمس
واختفت خيوط النهار وخوفي زاد أكثر واكثر
غلبني النعاس والتعب تمكن مني
دخلت هل بيت كلي امل أعيش حياتي
جديدة بعيدة عن الماضي بس وأضح
الماضي حب ضعفنا .

فزيت بسبب كابوس ركضت للحمام
سبحت وبدلت وطلعت أشتري الشغل
بعمري بس اريد اطلع واخلص من هل بيت
وصلت للباب ورجعت وآني أتذكر
اخذت قصاصة وكتبت: هَــيـلانـة خوفًا عليچ
قفلت الباب هذا اكلچ بين ما ارجع حبيبتي لا تطلعين ابد .

قفلت الباب واخذت المفاتيح ويايَّ
نظفت العيادة مثل كل يوم وصاروا
المراجعين يجوني واحد بعد الثاني

الى ان دخل الدكتور ، كان أنظف جانب بحياتي
طلتو ترد گلبي ، التمست الحياة
الطاهرة بهل شخص تجمع ، ثقافة ، كاريزما
جبرني أحلم بي كرجل ألي.

اخذت الگهوة ودخلت ببتسامة: آهلًا دكتور.

طال النظر بعيوني الخجل تلبسني
أدارك الموقف ؏ اخر لحظة رد:آهلًا ذهب شلونچ اليوم ؟

نزلت الگهوة تفوهت وتواصلت بالنظر: اليوم مراجعين ماشاء الله چثير وخجلت ارفض الحجز .

تكلم وهو يتفحص الفون : عندي طلعة أستلم عشرة واطلع .

ذهب: والبقية دكتور بيهم واحد وعشرين مراجع ؟

حاورني وتفكيرو واضح مشتت : بلغت يوم الخميس الحجز قليل
كسرتي كلامي بكلمتچ المعتادة خجلت ، حضرتچ تحبين الدكتور يتفشل مع المراجعين ، ذهب شنو شغلچ هين ؟

خفضت راسي ورديت بجديه : موجود بس عشر مراجعين دكتور .

رفع حاجبة وأيدو تشير للباب : شوفي شغلچ .

طلعت من العصبية الحرارة صعدت الراسي
دخلت للحمامات غسلت وجهي بمي بارد حتى
المكياج غسلتو بهل لحظة صعب اتحمل نفسي
مو مكياج وياها ، عدلت شعري وصبرت روحـي
وگفت بنص صالة الانتظار وبدون تفكير
عليت صوتي : اعتذر ؏ انتظاركم وضياع وقتكم
الدكتور يستلم عشر مراجعين بسبب ضرف خاص
مضطر يطلع من وگت اليوم أتمنى منكم تفهم الموقف .

بيهم القدر موقفي وطلع بلا صوت صح واضح الانزعاج
بس قدرو موقفي ، وبعضهم وبالخصوص النسوان بيها التغلط
وبيهم وكفت مقابيلي تسب بالعيادة وبينا.

التزمت الهدوء وثبتت بمكاني الى ان ظل عشر مراجعين فقط
شربت مي هجست ريگي يبس من الموقف
رن الجرس بعد هدوء المراجعين
واضح كان يشاهد بالكاميرات بالچذب ما طلع يفهمهم
بلشت ادخلهم واحد بعد الثاني وبيومها عشر مراجعين
لا طلبني ولا دخلت طلع بعد تفريغ الصالة من المراجعين
غلقت العيادة ورجعت أمشي الهواء بارد يلاعب خصلات شعري
تفكيري عند العزيز اخذ گلبي وروحي وراح . 

دخلت للبيت كنت أتأمل الخير بهل مكان
بس فشل احلامي تندثر يوم بعد يوم
انتظر الغايب يعود ويطلعني من المستنقع القذر .

فتحت الباب كفختني رائحة تلعب النفس
اكثر رائحة تسبب وترعد گلبي البيت عبارة عن كحول
سحبت سچين من المجر ركضت للغرفة بخطوات سريعة
رفعت راسي صار مقابيلي بـ ملامح حادة يتحداني

اريد اخليهه بنص كلبه
لكن استوقفني باستفزاز: تريد امرد راسها بالقندرة.

عصرت السچين بيدي ورفعتها
وخليت صوتي يدوي بالمكان : يمردون راسك گول امين
يا قذر ، ربي يشلك ويطول بعمرك شتريد من عدناااا هااا
عليش رجعتوا دمرتوا حياتنا شتريدون بعدددد فهمني .

- شلون تريدين اتركج واني ادورچ بملامح النساء.

ذهب: ما تلگاني لإني زلمة وأزين شواربك وشواربكم كلكم
عندي غيرة تسواك انتَ وعشيرتك .

قلص عيونو وأشر وهو ينطق بالسم
ماعرف شلون لزمني هجم مثل الثور
فرني بتك ايد ويصيح : الظاهر جلدها أشتاق للسوط .

واكيد بدون كلام الكلاب مالته تنفذ
شمرني بالأرض بقيت ارافس بيده اجت امي تركض من فوك
ونامت ؏ جسمي وتصرخ تحميني منو : عــوفوهــا ابوس ايدكم عــوفوهــا
هيَّ من عرفت رجعتوا تهسترت الله يخليك جلاد عوفها
والله بعد ما تسمعون صوتها والله .

رفع المسدس وتوجهه ؏ راس امي تخبلت دفعتها
بقوة اريد ارفع جسمها واوكف ؏ طولي شگد حاولت بس من الخوف
فشلت وطاحت امي ودمها دخل الملابسي ملابسي
وحرارتو حرقت گلبي اضعاف حريق نارهم ..

يتبع ..

عُشتارات بعد ما اوصيكم بالتفاعل القصة قصتكم 🙊
اريد تفاعلها نار وشرار الرواية كُلششششش قوية
ما أريدها تنظلم أريد تاخذ حگها بالكامل والسبب ؟
النية تندثر قصة تجبر هناك بتلك الأرض السوداء
اليوم انا أساور حسين سوف
أنقُل قصتهم بكل تفاصيلها وخداعها
من جميع عصاباتها
من جميع افرادها
إيجابيتهم وسلبياتهم
اصحاب القلوب الضعيفة ابتعدوا عن القصة
القصة حقيقية وجميع احداثها مع أدله اشاركها
وياكم بس ندخل بعمق الرواية ...

تصميم الغلاف المبدعة حبيبتي الجميلة zahraa_hussainx

حسابي انستا ضيفوني حتى ما تفوتكم صور
آو أدله من انشرها ، واكيد اكو غش بس بطريقة
أساور الخاصة 😉🤍

الباقياتُ الصالحاتُ خيرٌ و ابقىٰ :
‏- سُبحان الله.
‏- الحَمدُ لله.
‏- لا إله إلا الله.
‏- الله اكبر.
‏- سُبحان الله وَبِحمده.
‏- سُبحان الله العَظيم.
‏- أستغفِرُ الله العظيم وَأتوب إليه.
‏- لا حَول وَلا قُوةَ إلا بالله.
‏- اللهم صلِ وسَلّم و بَارك على نبينا محمد.
‏- لا إله إلا أنت سُبحانك إني كنتُ مِن الظالمين.