رواية تجبر أحفاد الــ دليم الفصل الثالث 3 - بقلم اسـاور حسين 🦢✨

تــجــبر أحـــفـــاد الــ دلـــيـــم 🦅
بقلمي اســـاور حـــســـيــن
‎_2_المُلْتَقَى

غموضٌ شديد ، طريقٌ بعيد مليئٌ بالشقاء
واصلت السير فيهِ حتى عثرتُ على حبٌ مقتبس من العناء
اضطرابٌ سيطر على القلب إلى الفناء
ثُم ماذا ؟
كُل شيءٍ في حياتهُ مُريب عبارة عن ترهيب
قاسٍ على هيئة ليثٌ مُهيب
صوته يعج في جميع الاركـان
يدب في قلبي الرعب ويجعلنـي في حالة هَوان
رجلٌ متجبرٌ إلى حد الهلاك
كُل شخص دانٍ يفرض عليه قانون الامتلاك
أحبٌ هذا ام خَنجرٌ يطعن
ما هـوَّ ذنبي لأكون ضحية " التجبـر " المَلعون ؟

بنوات لا تنسون تفاعلكم تصويت + تعليقاتكم بين الفقرات
بتفاعلكم استمر 👍🏻
...........................................
(ذهب )

رفع المسدس وأستقر براس امي تخبلت دفعتها
بقوة اريد ادفع جسمها واوكف ؏ طولي
بس فشلت وطاحت امي ودمها اخترق ملابسي
وحرارتو حرقت گلبي اضعاف حريق نارهم ..

رعشة سرت بأنحاء جسمي صحت الغوث
بكثر ضغطي ؏ اسناني طك سني
خطوات سريعة ، رفعت امي مني
جمدت ملامحي وركزت بصوت هيلانة

جلاد: شيلوها بسرعة طفشت  ، هيلانة عوفي امج شوفي هل
سگط ذهب صارت عدها نوبة .

بصوت مرتعد تكلمت رغم وجع التشنجات
الرجعة الي بعد اختفائها فترة : بعدها تتنفس وين يشيلون امي ها

توقفت عن الكلام وصرت اتصرف تصرفات خارج عن
سيطرتي طگت رگبتي وحنچي تشنچ لحظات
ورجعت كملت بنفس الفزع وصوتي العالي
المرعوب : وين احجي انتَ راح تموووووتني ما تحچي .

جلاد: ماتت بسببچ تذكري هل كلمة
وانتَ هااي تاخذهن من وجهي لو اتصرف تصرف غير ميسور .

هيلانة: لا جلاد هاي امي اخذ روحـي ولا تاخذون امي ابوس ايدك أبوس رجلكم امي طيبة ماعندي غيرها الله يخليك خدامة جوة رجلك اصير .

وكفت ؏ حيلي صفكتها براشدي طبكتها بالحايط
وبعدها مستمرة تتوسل : شنو هل حيوان ونشتغل خدم تحت رجلو
القذرة لچ هذا الموت قليل بحقوووو روح ربي ياخذ عمرك
ويلوع گلبك مثل ما لوعت گلبي.

جلاد: اليوم ذهب ناوية ؏ الشر والشر إختصاصي .

كحز بتجاهي ثبتت ورفعت راسي بس جسمي فاضحني
يرعش خوفًا على امي

غصب عني صرت أضرب بالحايط بسرعة
وحركة مستمرة لثواني وأصوات همهمة
تصدر مني بصورة متكررة وأنه أتذكر منظر الدم وحرارتو حطمني اول ما توقفت النوبة تكلمت : كافي تعبتنا كونك تگول أنـه زلمة اثبت مرة بحياتك وبدل هل عذاب اقضي علينا مرة وحدة خلص وأحنا نخلص .

رجع جثم بمكانه يشرب بالجگاير
أشر الهم هجموا علينا سحلوا هيلانة
من شعرها ، رفضت يلمسوني وصرت
اصرخ وبنفسي ركضت  الى
ان صعدت ودخلت الغرفة شمروا هيلانة
بالگاع وطلعوا قفلوا الباب هاجمتني هيلانة
وصارت تضرب بوجهي وبجسمي بكل قوتها : كم مرة نبهتچ امي
يا خايسة تسكتين وحلگج تصمي من تشوفيهمممممم لج قضيتي ؏ امي المفروض انتِ بدالها.

تخبلت ضربت ألباب عدة ضربات قوية
ومستمرة بالتوسل: أفتحوا الباب الله يخليكم أنقذوا امي
الضربة بيدها والله بيدها بيها نفس ساعدها جلاد
تسمعني ساعدهااا الله يخليك جلاااااااااد .

استمرت وگت طويل تحاول وياهم
وماكو رد : الله لا يوفقچ ذهب الله لا يرضى عليچ دمرتيني .

ذهب: أساسًا كلنا مدمرين بسببهم .

هيلانة: لاتسمعيني حسج لا اخلي النع **** بحلگج .

خليت راسي بالگاع والنوبات متواصلة بدون أنقطاع
ولإن الموقف صعب زادها عليَّ وصرت إضرب براسي
بشدة ، بعد ما مر وگت مثل السم ويجري بجسمي وسنوني
توجعني من الضغط عاطت بيَّ هيلانة فاقدة السيطرة على اعصابها : عجبًا منچ لچ امچ بالچذب
دمعة ما وگعت منچ ما وگف بعينچ وگفاتها وتعبها .

رفعت راسي من الگاع وتكلمت بركاكة .
ذهب: كلشي صار بسببها دحكي، عذابنا غربلتنا دمار حياتنا
بسبب سكوتها ؏ غلط خلاهم يتمادون بالضغط النفسي
حرموني من اعز ما املك وتجاهلت أفعالهم وتريد تمشي الحياة برودها عادي ولا كأن صار شي .

هيلانة: انتِ مو إنسانة انتِ حقودة سماوية داخلج اسود
مغبر مثل وجهج القذر الخايسة تروحيلها فدوة .

ذهب: روحيلهم فدوة انتِ آني اكرهكم كلهم كلكم اكرهكم
اتمنى اخلص منكم وامحي الماضي .

قاطعة كلامي نوبة ثانية بعدها وأصلت كلامي : يمكن عندچ سهل
الصار بيَّ بسببكم بس مو سهل عندي ، لچ دمروني والله دمروني
هل كلب مصمم يتلاعب بأعصابي نفذ صبري هيلانة
عليش ما تحسون بيَّ والله صعب أعيش بلا ، انتظر خبر واحد بس واحد بي كلمة عايش ، لو مات وبعد ينتهي كلشي تخلصون مني .

صارت تضرب ؏ راسها وترد بطريقة
غريبة وكأنها فقدت عقلها : لا تذكري إنسي حتى لو عايش اعتبري مات ماااااااات ، مرت سنتين وهو ماكو الى متى نتأذى بسبب
هل موضوع ، تريدين نخسر امي مثل ما خسرنا جاوبيني تريدين ؟

اخذت جنطتي اريد اطلع تلفوني دحكت المفاتيح
رجعت اباوعلها بستغراب وعيوني تنغلق
وتنفتح بطريقة غريبة : منو فتح الباب مو قفلت باب غرفتچ ؟

هيلانة: اني وين احچي وانتِ وين
امشي منااااااااا عوفيني بحالي حسج تلعب نفسي منو .

شمرت عليها المفاتيح وعطت : الله يخلصني منكم يا زبايل .

هيلانة : ويخلصني منچ يا مجرمة .

دهب : انتِ نسخة منهاا شخصيتچ ضعيفة مثلها
تاليتچ تدمرين مثل دمارها واكثر .

هيلانة : ؏ اساس انتِ قوية كافييي تمثيل لج ذهب كافي
لو ما اعرف كل سوالفج وكاشفة الدكتور شلون ساحلج سحول .

هجمت عليها طبگتها بالحايط خليت ايدي ؏
حلگها وعطت : لج اششششش اششش لا ينقتل بسببي .

دفرالباب أقتحم الغرفة لف السوط ؏ ايدو وكل كلمة والثانية يفتحو يضربو بالحايط بمجرد ما نسمع صوتو نصرخ بفزع ورهبة

وهو يمشي ضربني بكل قوتو ؏ ضهري صرت
ارافس برجلي بالكاع واصرخ بعلو حسي
أستنجد واحاول اهرب من ايدو القذرة .

طبگني بزاوية الغرفة ايدو ؏ رگبتي يضغط
عليها بكل حقد ومقت مدفون من اشهر .

جلاد: هيلاااااااانة منو هذا لچ ساق*******
يا دكتور ؟ ذهب منو ساحلها ؟

هيلانة: مو مثل ما تظن فهمتنا غلط جلد بس افهمك
ابوس ايدك عوفها واني احچي العندي .

شمرني بالگاع توجهه رفع السوط ونزلو ؏ ايدها عاطت
وهي تكمز من الوجع شاغت روحها: جلاد بروح ابوك عوفني والله
احجي بس إلكح السوط .

لكح السوط بعيد وسحلها من شعرها: اسمع بسرعة
فرغي اسرارها لا افرغ نار گلبي بيچن .

ذهب : عود هو زلمة تفففففف ؏ تربيتك .

نطت هيلانة سدت حلگي بيدها وتكلمت بصوت
مرتعش ، مضطرب الأبعد الحدود
هيلانة: قبل شهر ذهب تمرضت ورحنا اني وياها
الدكتور وعجبتو وطلب عنوان وهي همات عجبها
ولو ما اني تنطي العنوان ، وصار مرتين نروح
ذاك اليوم كالت هي معجبة بالدكتور
بس اعتقدچذاب لو يريد چان خطب .

سحبت نفس براحة بس الجلاد عكسي تمامًا
تخبل اكثر دحك علية بس حالتي ما تسمح
يضرب اموت بيدو القذرة تركنا وطلع يفلش
بالغراض وصوت  زلم مسموع
يدوي بالبيت عجبًا معقولة الجوارين الجدد ما يسمعون
بالله القديمين معذورين كاشفين قذارتهم بس هذولي شبيهم .

هيلانة : ساعديني اخذج للحمام .

ذهب: صعديني ؏ الفراش جسمي تحطم الله يحطم ايدو
القذرة ويضرر روحو اكثر من ضررها ، يوم فضيحتو
وسحلتو ، والله لا تكول على ايدي بس انتظر ربي ينصرني
ويقويني عليهم .

اخذتني بصعوبة لفراشي ما طلعها سلامات هل حيوان
ذهب: اريد مسكن الآلم ، حتى لو منوم .

هيلانة : مخلصين وما يريد جلاد ادوية بالبيت
بسبب اخر موقف صار ، حاولي تنامين .

غلقت عيوني عن الواقع ذهبت الحلم حياتي
اتخيل ضحكتو وصوتو الشاغل تفكيري
افضل جزء بحياتي ، مجرد أتوهم اكو احتمال اخسرو مثل ما خسرت قطعة من قلبي ادمر وروحي تصرخ الغوث.

ونومتي عبارة عن فزع وخوف متواصل
بسبب التشنجات ومرضي (متلازمة توريت )فزيت الفجر اخر شي ؏ صوت انين دحكت هيلانة تسمع من الباب وصوتهم واضح
حدرت (نزلت) من السرير توجهت للكنتور
اخذت ملابس بدلت ودفعتها
فتحت الباب ونزلت بصعوبة
عطت بصوت مسموع : يمهههه وينچ رجعتي لو بعدچ .

طلع جلاد يدحك ويفر بيدو: فصل عقلچ صگط امج ماكو .

ذهب: اششش ماكو غيرك سسسسسسس سگ سگط هين صوتك الخايس يدفعني للتقيؤ .

جلاد: تولين من وجهي لا ادفعچ التقيؤ روحچ .

ذهب: غيرت اسمك امي صاحت جلاد .

جلاد: لقبي الجديد صگط .

ذهب: فعلًا لقب صگوطه ، شوكت ترجعون امي ؟

جلاد: حسب المزاج ولي نامي البيت فارغ لا توكفين مقابيلي
ترادديين اروح أدوس راسچ وتگعدين تبچين مثل الزعاطيط .

ذهب: همات تخفيها
مثلو قبلها امي سكتتني عنك وما گتلتك بيدي ، بس هساع منو يسكتني والله اجرم بحالك يا جلاد الخسيسسسس.
شوكت اشوفك ميت واركص ؏ جثتك ؟

جلاد: هيلاااااااانة وينچ هيلااااااانة وجعععععع .

إجت تركض تصيح: هاا اجت امي .

جلاد: انعل هيد هيداج انعل ابوچ لابو امچ
اذا الزمچ دربچ بعد ما تدحكي اخذيي هل صگط
من وجهي لا ابتلي بيهاااا طلعتتتتت روحييييي
بالسانها الساق..... .

ذهب: عساك تطلع روحك يوم عيد
والقران جلاد يوم موتك أعتبرو يوم مميز
عيد وبكل سنة احتفل بنفس اليوم
وعد ما انسى تا لو اتزوج وأولد استمر
يوم وفاتك احتفل بي .

صك ؏ أسنانو ودخل الغرفة سحلتني
هيلانة من ايدي هو طلع بيدو سوط سحبتني وهي تصرخ بخوف
دخلنا للغرفة وقفلتها صاح من جوة : ذهب اذا اسمع حسچ اعدمچ بيدي واخليچ معلگه بالسگف الى ان تطلع ريحتچ .

ذهب: يوم اعدامك يا قذر ، أنوب حلوة هاي
البيت بيتنا والحيوانات يتأمرون علينة.

هيلانة: كافي ذهب البيت فارغ لا يسوي بينا شي
ابووووووسسسسسس ايدچ كافييييييييييي .

ذهب: جبان مابيدو غير يستقوي بضرب النسوان .

هيلانة: ذهب امي تأخرت أخاف ماتت ؟

ذهب: ما اعتقد لو ماتت يبلغون لأن مايخافون ؏ مشاعرنا
أصلًا يتلذذون بدموعنا.

هيلانة: حسبي الله ونعم الوكيل عليهم مليت إلى متى
اعصابي تلفت يا عالم اني عاشت لو ماتت شلون اخلص منهم .

ذهب: إلى ان يموتون ، لو يرجع عزيز گلبي
وياخذنا ويخلصنا منهم .

هيلانة: الرجوع صعب لا تبقين بهل أمل .

غلقت أذني عن الحقيقة وعشت بوسط الآمل
وآني ادرك البالي صعب المنال .

الثاني يوم على نفس وضعنا نروح ونرجع بالغرفة
مثل المخابيل لا اكل لا شرب لا نوم
بس الحلو بالموضوع تأقلمت وتعايشت مع هل
حياة لآن موجديدة ، بكل مرة تكون أسوء من القبلها
وبكل موقف اخسر خسارة مضاعفه
صحة ، ضحكة ، نفسي ، عزيزي ، واحتمال
وصل الدور الأمي اخسرها .

عيوني تحتاج تنام بس رفضت واصريت
تظل مفتوحة ما اريد اشوف عيونك ياعزيز گلبي
الموقف يتكرر كل ما تغمض عيني وبالخصوص بعد ما دحكت السوط وضرباتو رجع حفرها بجسمي تذكرت ..

يــوم سقوطي ، رائحة الدم ، عيون عزيزي ودموعو ؏ حالي ،
الآلم ، وصوتي المبحوح وآني أحارب

ذهب: لا تاخذون عزيزي مني رجعوووووا .

رغم ملامح وجهو اختفت من الدم والضرب
والسبب وگف بوجهم ودافع عن اهلو تكلم وعيونو
تنگلب يريد يفقد الوعي
- ذهب كافي ذهب حسج لا يموتچ .
صوتو مثل الصائم يومين ويشرب مي
دموعي ؏ خدي هجست  حرارتها
نهز جسمي واصوات فوگ راسي : خلي كمادة .

هيلانة: يمكن تحلم بـ...

جلاد: ولا صوت لا تذكرين هل قذر
اهتمي بنفسچ وامچ وهاي الصگط يومين وتصير زينة
بعد متعودة تنسحل وترجع ولأ كآن صاير شي .

اول ما طلع سمعت صوت امي
تتكلم بصوت تعبان لكن هامس تخاف يسمعوها: شبلاها ذهب .

بصوت باكي مبحوح صرت اردد كلمات
طالعة من گلبي چان يغنيها عزيزي بصوتو: من غبـت عـني
الــهم كـتـلـنـي ويـنـــك تعـال
تعذب الفرگة و مشتاك للمـلكة و البعد طـال
ما نكـدر بدونـك وداعـت عيونـك
و الـبعد صـــااااااار غـصـبا علينا..

شهگت بچيت الى إن هلكت دعيت عليهم
واحد واحد ، رفعت جسم صار مقابيلي
خزرني وصاح: كم مرة نبهت ممنوع تغنين .

ذهب: مثل خطاف الأرواح تفتر فوك روسنا
بس اخذها مني لان نبهتني ضروري اكسر كلامك وأغني.

جلاد : الضرورة إلها احكام ، واني جلاد اذا احكم عليچ
هساع اگطع احبالچ الصوتية .

ذهب: ابوناااااااااا يابههههههههههههه وينككككككككك .

دفعني على حايط صدر مني صوت صرخة
عبارة عن ضعف وألم دخل أبوية دفعو مني
وعاط: كافي وهب عوفها .

جلاد: تصمممم حسها لا والله .

- هدها واطلع وأگف يمها تستفز بيها
وتعرفها ما تنچعم هل مصكوعة وصايرين محارب .

ذهب: يطلع برة لو اهج من البيت وابليكم والله حتى احرك روحـي كافي الى متى اتحمل هل زبايل بس يضرب مثل المهبول .

جلاد: تهددددد تسمعهااا لو لا تهدد الصگط
لچ ناوية اموتچ لچ حسج اسكتتتتتتييييييي .

ذهب: اطلع برة اطلع عليش رجعت هااا عليش رجعت
وگاعد بنص بيتنا ، اطلع من اشوفك ما أتحكم بأعصابي .

كحز سحب شعري وتكلم ضاغط على مخارج الحروف .
جلاد: البيت بيتي ذهب لو نسيتي ؟

ذهب: ها يا ابونا اشوفك ساكت حسك مبلوع بلع
مرتاح ؏ هل إهانة من هل نماذج التعبانة
اجتني نوبة اثناء كلامي قاطعتو ورجعت اكمل
فخور بنفسك من تدخك هل قذر يضربنا
ساكت عاجبك الوضع جاوبنيييي عاجبتك حالتنا ؟

رد علية بقمة البرود : واذا حاسبچ واذا ضربچن هذا ابن عمج مو غريب ابن عمچ وغصبًا ما عليچ تحترمي .

ذهب: لو اني لو هذا ما نرهم نفس المكان .

ترك شعري وتكلم بتحذير : طبعًا اني يا سگط يا مريضة
همات هبله وهم تتأمر لچ اني وهب
تجين انتِ الزمالة تلعبين عليَّ .

سحبو ابوية وطلعوا
أمي تباوع هي وهيلانة
من بعيد ساكتة تخاف منو
ذهب : الحمدلله على سلامتج عيوني .

هيلانة: ذهب تعوفين امي تعبانة لو شلووون .

بدون مقدمات تكلمت بطريقتها المعتادة ؏ اساس تنصحني
ام ذهب: رجع خطبچ من ابوچ .

ذهب: اني ؟

ام ذهب: اي انتِ رجع خطبچ؟

ذهب: منو؟

ام ذهب: الضابط .

ذهب: للمرة الثالثة ارفضو وبعد لا تفتحون هل موضوع
متأكدة بس يكشف مرضي يفلت .

ام ذهب: اگعدي وحچي مرضچ ألو ، لچ امي
تزوجين وخلصي من هل عذاب
هيانو حبل النجاة المفروض تتمسكين بي بيدچ وسنونچ .

ذهب: اذا ما يرجع الغايب ودخك طولو
وآمن ؏ هيلانة ما افكر بالزواج .

ام ذهب: الضابط يخلصچ ويخلصنا كلنا
لچ اسمعي كلامي مرة وحدة بس وماكو خسارة
اشتري نفسچ واشترينا.

ذهب: لا تحاولين ادمريني اكثر عليش تورطين
زلمة ويانا فوگ هل عذاب كافي مصائبنا چثير .

ام ذهب: اذا توافقين وتصير القسمة هو يعرف وين اخذوا
وتعرفين اذا عايش او ميت .

ذهب: هيلانة مي بارد ريگي يبس .

هيلانة: تريدين اكل همات
صار يومين ما ماكلين.

ذهب: لفة جبن وجاي حار وبطل مي .

اول ما راحت امي گعدت تحاول ويايَّ الى ان
عليت صوتي عافتني بحالي رجعت هيلانة
وياها مشاوي: گلت جبن .

هيلانة: اخاف ارفض هذا جلاد دزها.

ام ذهب: مهبول هل وهب .

اخذت بس المي شربت وگفت دحكت جرح امي
ورجعت المكاني اخذت التلفون سبع مكالمات من
دكتور اوس ، اخذت الجهاز ودخلت للحمام
خابرت وأيدي ترعش : الو السلام عليكم دكتور .

- ذهب صاير وياچ شي ؟ انتِ زعلانة من موقف الخميس ؟

- لا دكتور بس عندي ضروف بيتنا وحالة مرضية آني اعتذر
عن عدم الرد .

- ذهب حسج تعبان گلبي عندج اخاف بيج شئ وما تريدين اعرف ليكون تريدين تتركين الشغل ؟

- الصراحة احتمال كبير صعب اداوم بعد ضروفي اكبر مني
واذا صارت أتمنى تسامحني.

- اذا ؏ راتب اخلي ضعف ، واذا بسبب معاملتي يا عيوني اعتذر وبعد ما تتكرر اليوم داومت وانتِ ماكو هجست زلزال وضرب راسي ، لا اسيطر ؏ شغل ولا ؏ عملي بالاسنان ، مع العلم اثنين بنوات ينظمون العمل ويايَّ بس افتقـ .....

تحمحم بخجل وهو يصحى ؏ الكلامو
النطق بي بعدم قصد : افتقدت انضباط عملچ وهدوئچ اوقات العمل .

ابتسمت لا شنو ابتسمت ضحكت وضحكتي وصلت الأذني
نسيت الآلم والضروف والضرب بمجرد سمعت صوتو

ذهب: احاول دكتور باجر أداوم اذا الوضع يمي تحسن
واذا تحب وتشوف بنية تشتغل بدل عني لا تتردد واتمنالكم كل التوفيق .

- ذهب اني انتظر رجوعچ حتى لو تتأخرين اسبوع
أهم شي ترجعين بالأخير.

نضرب الباب والچلب هوهو ؏ باب : وينچ لچ سگط .

غلقت تلفوني ضميتو بصدري وفتحت الباب
بعدني اريد افتح حلگي عاط: شتعسوي ؟

ذهب: بالحمام من ندخل الحمام شيعسوي يعني برأيك ؟

جلاد : بابا ادخلي الغرفة وگعدي لا انعل هيد هيدچ
الزلم جوة لا يشوفوچ بنت السگط.

دفعتو من صدرو وركضت الغرفتي الهث
اتبعني وعاط : اكضبي بنتچ مو اكتلها وتنامين فوگاها .

ختلت بزاوية الغرفة عيونو حمر تخوف
انوب يضربني وين انطي وجهي .

ام ذهب: وين تروحين ذهب ؟

ذهب: خابر دكتور انس يطمئن ويسألني عن سبب الغياب.

هيلانة: مطورين بيها إتصالات.

ابتسمت بفرح ورديت بحماس واضح بصوتي : گال افتقدتچ
شنو معناها معقولة يحبني .

هيلانة: عليش ما يحبچ شنو ناقصچ .

ذهب: چثير ناقصني ، أخاف وهب يعرف بي ويأذي .

ام ذهب: اذا انصحچ ما تاخذين النصيحة انچعم أحسن.

ذهب: حرمتوني من ابسط احلامي لا شهادة ولا حياة نظيفة
لا امان ولا استقرار عشت بعيدة عن عزيز گلبي
؏ اقل هل حلم يتحقق ، ؏ اقل أتزوج أنسان أحبو .

ام ذهب: والله يا امي ما اريد اكسر بخاطرج بس زواجچ وزواج هيلانة يكون مصلحة عمل يستفيدون منها غيرها تحلمون تتزوجين.

ذهب: اقتل نفسي لو اهج منكم .

ام ذهب: ههههههه بكل مرة تهددين نفس التهديد
تگدرين تهربين اهربي بس بساعات
لا شنو ساعات چثير دقايق وتوگعين تحت رحمة جلاد
وهذا ما يرحم بحالچ .

ذهب: يمه اكرهكم كلكم من كل گلبي
حاقدة عليكم بكل ما تعني الكلمة يمه تعبتوني والله هدمتوني هدم
حرام عليج عليش خلفتيني شوكت نرتاح يمه شوكت .

شهكت هيلانة ودموعها تتسابق ؏ خدها
- صعب استوعب راح أنكون سلعة صعب .

ذهب: اذا ما اصير الحب قلبي ويتحقق هل حلم
الأخير بحياتي انعل ابو حياتي لابو ليعيشها .

مسحت وجهي ورجعت لفراشي
الثاني يوم دخل ابوية وگعد
يطمئن ؏ وضع امي بعد ما كمل
استفسرت: إلى متى تحبسوني هين .

- باجر يسافر وهب وارجعي للشغل .

ذهب: يروح ما يرجع بعد گول امين .

ابو ذهب: مو أطيح حظج يا طايحة الحظ .

ذهب: عليش مسيطر عليك منو هو وهب
عليش تخاف منو ومن اسمة لازم عليك مستمسك
تصوير مصيبة راح تخبلني حرمك من كلشي
خسرك چثير وين تريدون توصلون بعد مو كافي .

- ذهب روحـي غادي عن وهب لا ياخذ روحچ
لا تخلي يهدمچ ، لا تخلي يكسرج ، لا تجادلين
انتِ وهو لا تعاندي اذا تشوفي ابتعدي الف متر
اني حذرتچ .

ذهب: صح كلامك ابتعد وهو گاعد بنفس البيت
وكل شغلو هين قذارتو ولعبو وصاختو
مانخلص منو فهمني مانخلص .

عافني احجي وحدي وطلع من الغرفة
لطمت ؏ رجلي ؏ وجهي الى ان مليت
وگعدت بلا صوت ادندن .

ام ذهب: علي حسج .

عليت صوتي وكملت الأغنية وبعد ما كملت
هيلانة ابتسمت وتكلمت بحزن : اتذكر كل ما ينقهر
ينام بحضن ذهب ويگلها غنيلي بصوتچ الحلو
وهي تغني بلا ملل الى ان ينام بحضنها
يگعد ابتسامتو الحلوة ماتفارق وجهو .

ذهب: هساع منو يغنيلو منو ينومو ؏ رجلو
اشتاقلي افتقدني محتاجني ياكل يشرب يهتمولو 
وينو لو بس اعرف وينو اتعنالو واروح المكانو والله .

ام ذهب: أخاف يكرهنا ، اخاف هو يطلب ما يرجع البيتنا.

هيلانة: هههه يكرهنا اي يكرها الذهب مستحيل
ذهب روحو وانفاسو متأكدة مشتاق إلها بس
اكو شيء يمنعو يرجع .

ذهب: اكو غيرو الجلاد وهب الشيطان الحقير القذر .

ضربت امي ؏ شفايفها وعاطت : لچ اشششش لا يسمع حسج
ويضربچ اشششش .

ذهب: تركني بحسرتو الله لا يرضى عليَّ .

الثاني يوم العصر سبحت ونزلت ادحك وضع البيت
صاير مهزلة ، لمحت بنية تمسح بالمطبخ
تقربت منها وشوشت بصوت خافت : منو حضرتچ ؟

دخل من برة عاط بيَّ
جلاد: البنية ويايَّ عندچ أعتراض.

ذهب: وصلت بيك ادخل بنوات البيتنا.

جلاد: تعترضين ست ذهب ، لو تغارين ؟

ضحكت بعلو صوتي واني اشر بأصبعي بستهزاء
- اغار ؏ منو عليك اغار ؏ جلاد بوسط احلامك ماتصير
اخر همي .

أقترب اكثر وصرت مقابيلو وتكلمت
واني اضغط ؏ مخارج الحروف : اني ما اشوفك وهب
ولا راح أشوفك طول عمرنا .

عوج ايدي وطبگني ؏ حايط
وهو يضحك يحچي وية البنية
صاك ؏ اسنانو : هاي ذهب من يوم يومها تستفزني تا
انعنع ضلوعها بالسوط .

ذهب: وهب عوف ايدي عوفها لا اشهرك بالمنطقة .

فرني بتك ايد صك حلگي بـ ايدو الثانية
ونزل بكل جرئه وبكل بطئ ؏ رگبتي
يستنشق عطري ويهمس بخدر : اذا اني ما تشوفيني
ذهب تشوفين منو ، منو ماخذ عگلچ وگلبچ ؟

صرت ارافس بين أيدو وأصيح
بس ما انفهم : عووووووووفني وهب عوووووفني .

عضني برگبتي بكل قوتو صرت اناشغ من الوجع
واشر بيدي للبنية تساعدني ، اباوعلها تباوع وتضحك
شاطت روحـي بالزايد ، دفرتو اكثر من مرة وهو فقد ولا يموو
ثبتني من خصري ويركز ؏ كلامو
بأذني: أروح وارجع اريد أشوف تصرفاتچ متغيرة
لا اكسر خشمچ واخذچ غصب عنچ .

بس صار وجهو مقابيلي من حرگت گلبي
رجعت راسي للخلف وضربتو ؏ وجهو
خشمو ينزف ودوخة وگعتو بالكاع
طفرت من فوگو عاط بالبنية: اگضبيهااااااااااااااااااا .

دفعتها واني ارجف ركضت فوك افرك بگصتي
اريد افوت للغرفة بعد ما وصلت ورچلي
ثلچت واني اشوفو يركض ورايه صار المخزن مقابيلي
دفعت الباب ودخلت وقفلتو
من حرارة دمو وغضبو والإهانة الحصل عليها مقابيل
البنية مالتو صار يكسر بالباب
طلعت امي تصرخ وتتوسل وهيلانة
تحلف بي يحاولون يهدئوا بس هو مثل الثور
بعد مايشوف مقابيلو صرت ارعش ومن احچي
لا إراديًا حسي عالي ، لو يتغير الى عدت اصوات
سمعت حس ابوية يركض ويترجاه .

- عوفهااا الخاطري اني انعل أسلافها ونعنع اضلوعها اليوم
روح عمو وگف نزيف خشمك قبل لا طير طيارتك .

- اليوم اذا ما اموتها ما اطلع من البيت هل عرمة .

- وداعتك أني اكتلها بس روح لا ترتكب مصيبة عمو وانت
عصبي وحالتك حال هاي البنية جوة عيب منها .

- عمي روح منا الباب راح ينكسر واكيد
لا انت ولا امها ولا اختها تحبون تشوفون الراح يصير
روح اليوم اكسر راسها وخشمهااا وعيونها اليوم انعل هيد هيداج ساق******** .

ذهب: بابا لا تروح خيولي لا تسمع كلامو هل عار القذر .

جلاد: لچ بعدهااا ما مكسورة عينچ بعدچ تحچين لچ ذههههههههههههههههههب  .

ذهب: ها شبلاك تجوعر يا ثور

جلاد: ذهههههههههههب .

هو نطق اسمي والباب تفلش
صرت مثل الفارة ختلت بنهاية
الغرفة ومن الخوف تكورت
بالگاع عبالك طوبة : لا تضرب وهب لا تضرب .

رفعني من ملابسي وعاط بوجهي وريحة
الدم كفختني كفخ : شلوووون ويااااااج اموووتچ فهميني اقضييي
عليچ اليوم نهايتچ ؏ ايددددي تريديهااااا .

باوعت ؏ امي تتوسل بس تخاف تقترب وابوية
يدفع بيها وهيلانة تلطم من المنظر والرعب الصار
باوعت بعيونو وانفجرت ابچي برعشة الموقف مخيف
آلى أبعد الحدود ، بس هو يجبرني أتصرف

عاط ابوية بي: يول وهب عوفها هل سگط شبلاك .

رديت وآني اشهك رفعت رگبتي : ادحك ابن اخوك
تمادى ويايَّ ، وآني أمشي ؏ قانون اليدگ الباب يسمع الجواب .

رفع ايدو ناوي يضربني وإنه حولت وضع الجلي
تزحلگت بالگاع وصرت احبو طلع يصيح بعلو
صوتو: انعل يوم يومچ ، ول ومحمد الزمها اگضي بيها التوبة
بس اخخخخخخخ لو ما ابوچ واگف بعيوني
من انعل ابوچ ؏ هيچ تربية .

ذهب: من انعل ابوك ؏ هل تربية .

لطم ؏ صدرو وعاط: انجججججججججعممممممممميييييييي
سدي بووووووووووزج ولچ سدددددي بوووووووووزج .

ذهب: غير انتَ تغلط ؏ ابوية مقابيلو بدون ما تستحي .

ضربني ابوية براشدي وصاح : بنت الكلب خلي يغلط سدي بوزچ سحبو ابوية مني وطلعو برة وبعدو مستمر يسب بيَّ

ام ذهب : ول يمصكوعة ماتوبين ما تملين وتالي وياچ
تردين تموتيني ناقصة عمر أنـه.

عدلت ملابسي وعطت واني اطلع
من الغرفة قريبة ؏ درج هو
وصل النهايتو جوة : ادحكي هل چلب المستچلب
شلون عضني عادي عدكمممم .

كسر المرايا وصاح: عووووفني عمي عوووفني أموتها
عوفني اخليها تدحك الچلب شيعيسوي بيها .

ذهب: هو شعيسوي الچلب غير يهوهو لو يعض .

ركضت للغرفة مثل الجرو المبلل
ادري بس يهجم بعد ما يحموني منو
استقريت بغرفتي الى ان رجعت هيلانة
بلغتني الچلب سافر الله لا يردو .

الثاني يوم ما صدگت ابدل وارجع للدوام
من الصبح بدلت وتعطرت واخر شي سرحت
شعري نزل الوسط ضهري ، نزلت مستعجلة
بس اعطيت علم آلامي وطلعت اجرت تكسي
أحسب الثواني للوصول.

اول ما دخلت من كل عقلي اخذت نفس
طويل اشم رائحة العيادة ، دخلت للمكتب
مرتب ونظيف كلعاده ، تارك مناظرو ؏
ميز أخذتها وبهدوء جلست ؏ كرسي
أتخيل عيونو بيها .

فزيت ؏ صوتو واگف يدحك عليَّ من بعيد
مبتسم براحة : نورتي العيادة ذهب .

وگعت عويناتو بالگاع من الارتباك
وگفت ؏ طولي وتكلمت بخجل واضح
بصوتي الرجفة: منورة بيك دكتور ، أعتذر گعدت بمكانك
أدري ماتحب شخص يستخدم ممتلكاتك .

نزع سترتو ورد وهو مركز بتصرفاتي : مسموح الچ تستخدمين
جميع ممتلكاتي الخاصة وحركيها مثل ماتريدين.

تكلمت بلا وعي بس الحماس اخذني
وفضولي دفعني الهل سؤال : واذا غيري أستخدم ممتلكاتك
وجلس ؏ كرسيك الخاص شنو رد فعلك ؟

گحز (تقرب )بتجاهي صار مقابيلي وحافظ
؏ مسافة طويلة بيناتنا: رد فعلي مو حلوة
أني إنسان عندي ممتلكاتي الخاصة خط احمر
حتى ممتلكاتي التالفة احركها وما اسمح
الشخص غيري يستخدمها .

بلعت ريگي وهزيت راسي واني اتحرك من مكاني
ذهب: اروح ارتب سجل المراجعين
بعدهم ما واصلين شعجب اليوم اجيت من وگت ؟

نزل راسو يعدل بالأوراق: صار كم يوم اضطر
اداوم من وگت حتى اسيطر ؏ عمل وانظم اوقات شغلي.

ذهب: من اليوم ورايح رجعت ارجع للجدول القديم .

ابتسم وتكلم ببرود مجاهل كلامي : الگهوة بسرعة .

فريت الساني بداخل حلگي
بيني وبين نفسي لازم ادردم : رجعنا للتصرفات القديمة .

صحت ؏ ابو الگهوة حضرها وصعدها
دخلتها هو يخابر متنرفز اشرلي بغضب
وحواجبو معگودة خليت الگهوة وطلعت بسرعة
التهيت بالمراجعين اسجل وارجع ليورة
وهو يشوفهم صاروا چثير مايرن الجرس
تا يدخلون لا مغلس ما ادري شنو الوضع .

مليت من كلام وتذمر واستياء المراجعين
طرقت الباب اكثر من مرة ماكو رد
اضطريت ادخل واغلق الباب
گاعد مخلي ايدو ؏ راسو
رفع عينو صايرة حمرة دم عبالك واحد يبچي

بلعت ريگي بتوتر واشرت ؏ باب : المراجعين يتذمرون وكلهم
دخلوا بحالة عصبية بعد ما يسمعون مني أدخلهم

رد بصوت مبحوح خشن : صار شكثر تشتغلين ويايَّ
ذهب خمس اشهر ستة سبعة ؟

ذهب: تسع اشهر دكتور شصاير بدر مني تصرف مو حلو ؟

- دخلي المراجعين بسرعة.

قوست حواجبي بستغراب وطلعت
دخلتهم واحد بعد الثاني وبعد كل ثلاث
مراجعين ادخل اعقم الأدوات واطلع
ادخل الوجبة البعدها الى ان انتهينا
قفلت مجر السجل وغلقت الاضائة
ودخلت ابلغو راح اطلع .

اول ما دخلت جذب نظري الفون
مالتو متحطم تشوشت والغموض
حاوط خلايا عقلي والحيرة اخذت حيز
من تفكيري ترددت اسأل لكن صعب
اتجاهل : دكتور بيك شي ؟

تكلم بصوت منهك : ذهب اريد كلاص مي .

رحت بسرعة اخذت كلاص مي ورجعت
صرت قريبة عليَّ هو جالس خلف المكتب
اخذو من ايدي شرب ألمي بس خلص
اخذت الكلاص من ايدو
اريد ابتعد لزمني من الكلاص رافض يلمس ايدي
نهض مقابيلي وبدون مقدمات تكلم : تقبلين تزوجيني ؟

يتبع ...

الباقياتُ الصالحاتُ خيرٌ و ابقىٰ :
‏- سُبحان الله.
‏- الحَمدُ لله.
‏- لا إله إلا الله.
‏- الله اكبر.
‏- سُبحان الله وَبِحمده.
‏- سُبحان الله العَظيم.
‏- أستغفِرُ الله العظيم وَأتوب إليه.
‏- لا حَول وَلا قُوةَ إلا بالله.
‏- اللهم صلِ وسَلّم و بَارك على نبينا محمد.
‏- لا إله إلا أنت سُبحانك اني كنت من الظالمين .