رواية تجبر أحفاد الــ دليم الفصل الحادي والعشرون 21 - بقلم اسـاور حسين 🦢✨

تَــجــبـر أحفاد الــ دلــيـم🦅
         بقلمي : أساور حسين
المُلْتَقَى _27_

تعَديت مَرحلة الگلب طَگ الوجع بـِ ضلوعِي .

ملكات قلبي لطفًا لا تنسون التصويت ؏ بارتات بوساتي
<><><><><><><><><>
تَـــمــوز ...
چفوفي تلامس الأرض ، أرضية باردة تغلغلت جسدي
رائحة كريهة ، انفاس ثقيلة ، تعب مهلك ، وجع هدام
ذكريات طاحنة ، خراب داخلي ، حقد شرس مدمر ..

تَـــمــوز : منوووو هين اريد مي ما تسمعون ومحمد بس اطلع
اهددددددددددمكم .

حركت ايدي مربوطة بسلاسل من حديد ثقيلة فتاكة
اغتاظت اعصابي وتلفت من الانتظار ، وجسمي
بعد ما يساعدني ؏ المقاومة : فرررراسسسس الجبان عبالك أنسى
سوالفك الخايسة ول يالله اذا اطلعععععع من هين ادمرررررررككككككككك
حدر صير زلمة واحچي ويايَّ .

حركت جسمي اريد اعدلو صرخت من جرح
بطني المفتوح ، هجست الدم جامد علية بس
بمجرد ما تحركت رجع ينزف من جديد
_ تريدني اعيششششششش وحدي وامووووت
وحدي فررررررراسسس ، ما ابريك الذمه والله .

صعب أميز شكثر مر وگت بهل مكان المهجور
بس وصلت المرحلة من الظلام والبرد عيوني
تنگلب وراسي يثگل وافقد ساعات او دقايق
وارجع ، ريگي يبس من العطش ، والدوخة
ملازمتني لان ماكو اچل .

سمعت حركة قريب مني وثواني وانفتح الضوء
سديت عيوني بقوة تأذت لان صار فترة بالظلمة
فراس: ها يول يالعار گاعد بعدك عايش ؟

تحركت وراسي وجسمي خاويات ماكو طاقة
ولا حيل نزلت رأسي اتفحص جرح السجين
بطني الدم قليل مني ينزل بلعت ريگي ورديت
بعجز: اذا ماطلعت من هل مكان ومتت هين ، انتظر العدل الإلهي
وتحقيق كلام الله من گال ( فأما اليتيم فلا تقهر ) انتَ مو بس
قهرتني ، عذبتني وما صنت وصيت اخوك لا اسامحك ولا اعفو عنك
ليوم الدين .

دفرني بحذائوعلى وجهي هي ضربة وگعت منها فاقد
بس عيوني مفتوحة تدحك عليَّ ، نهض جسمي ؏ اثر
مي بارد ثلچ ينشمر عليَّ ، دگات گلبي بعد ما اسيطر عليهن
رجع سحلني وگفني بالسلاسل يعاملني معاملة كيس ملاكمة
ضربني البوكس الأول وهو يگول : صاير شاطر وتتحداني .

ضربني الثاني وكمل : تتجرأ وتروح ؏ بيتها وتدخل وتسولف وياها .

ضربني الثالث وأسترسل: وما تاخذ غضبي بعين الاعتبار
وتخلي ابوووووووووووي يرفععععععع المسدس بوجهي .

ضربني الرابع وستكمل: وتشحن علية ابني كــانـــون
وترفع الطفل بحضنووووو .

ضربني الخامس واصل : وبعين صلفه تگعد مقابيلهم وتضحك
عليَّ وتتغززززززززززززل بحرررررررررمتي .

ضربني السادس وتابع : وتضررورربني يول يا سا*******
تهجم علية وتووووورمممممم وجهييييييي عااااار اشرب من دمك
يولووووووو أنـه فررررررررراسسسسس محد يلعب وياااااييي
امووووتووووو والله والله امووووتك يول حذرتك منييييي حذرتك
لو لااااااا تلعب وياااايَّ منوووووو انتَ بقوتي بجبروتي توصلي
هااااا انطق احچي أحسن صررررت جثة يول كائن من يكن
يلعب ويايَّ احوووولوووو جثة مثلك .

رغم قوة السلاسل بيدي بس وگعت ؏ اركبي
بعد حيلي ما يتحملني اريد استوعب الدم منين
ينزل من خشمي من اذني من وجهي الصار بركان .

رجع رفعني وضغط ؏ اسناني : تظن أنـه سويت بيك كل هذا
لان كشفتني وضربتني ؟
لاااااااا وآلف لااااااااا هذا الصار بيك درسسسسس
لان اخذت حرمتي وطلعت من البيت بلا اذن مني
انتَ وامك راح تاخذون استحقاقكم من العذاب لان
عصيتوووووو كلامي وانه اذا بيوم حيوان يعصي
كلامي اخلي ينسى هووو منووو وابن منوو .

فتح ايدي وگعت بالگاع وانتهيت جسديًا ونفسيًا وعقليًا ...

><><><><><><><><
في مكان أخر ...

كــانـــون : 24 ساعة بالضبط وانت تراقب وماكو اخبار جديدة
يا مأمون وصبري نفذ وياك وتالي ؟

مأمون: أبوكم بعدو بالمكتب شلون ادخل أطردو !!

كــانـــون : شسوي سوي اهم شي عندي تحدد موقع تَـــمــوز بأسرع وگت .

مأمون : احلف عليَّ هساع ابوك مسوي دليمية .

رن ورن مبايل دوهــان برقم غريب طلع خارج الغرفة
ورد بصوت واضح : نعم منو ويايَّ ؟

_502 وياك تسمعني .

دوهــان: 505 وياك اجب .

الــســفــاح: انتوا وين بس فهمونييييي من البارحة اتصل عليكم
كــانـــون ماكو وتموز ماكووووو مختفي وانت .

دوهــان : أنـه شنو غير رديت عليك ، وبعدين شبلاك تصيح ؟

الــســفــاح: دوهــان من البارحة جلاد كلف وراكم مجموعة
يراقبون بيكم ومقرر يچتل كــانـــون من سمع ذهب موتت أهلها .

دوهــان: عرف السگط المهرفل يلعن يوموو شنو من بشر .

الــســفــاح: دوهــان ركز ويايَّ ديروا بالكم ؏ نفسكم
لا يغتال واحد منكم لو يأذي البيت طلعوا حماية وين ما تروحون
وبلغ فراس وابو يطلعون من المهجوم قبل لا تصير كارثة .

دوهــان : عُلم .

الــســفــاح: كــانـــون عليش مايرد عليه ؟

دوهــان : انتَ أعلم ...

الــســفــاح : اترخص منك .

دوهــان : دير بالك ؏ نفسك .

الــســفــاح : وانتوا ديروا بالكم وانتبهوا زين .

دوهــان: أستودعك الله .

الــســفــاح: أستودعكم الله .

أصوات أقدام تتحرك طلع كــانـــون ومأمون
والضباط الجدد غيث وليث من المكتب
كــانـــون : دوهــان حدر يمكن حددت موقع تَـــمــوز .

دوهــان : الله حيووووو .

جهزنا الأسلحة وطلعنا كلنا بسيارة
كــانـــون : دوهــان سوق السيارة بس سريع .

دوهــان : تأمر ...

الكل اخذ مكانو وجهز العِتاد ومشيت ؏ موقع المحدد
النص الطريق وسيارة نوع بيكم تيوتا تكسر ؏ سيارتنا
مأمون : شني شبيهم مخابيل ؟

دوهــان : أتصل 502 بلغني جلاد طلع سيارة
يحاولون يغتالون واحد من عدنا بعد ماسمع بوفاة
عمو وحرمتو وحاليًا مشتاط غضب يريد ينتقم
واحتمال يوصل البيتنا .

كــانـــون : لااا هاي هِـيِّ سلمتو بيتنا ، خيولي هل ساقـ*****
ومحمد بس يقترب للبيت ادخل النص المعسكر انحرو .

دوهــان : بعدهم يكسرون علينة .

غيث : سيدي أنتبه احتمال مجهزين أسلحة ويرمون علينة .

كــانـــون : دوهــان وگف السيارة .

مأمون: ابووووو الغيرة وين يوگف كمل كمل
لا يطلعون اكثر من عدنا .

كــانـــون : ينلام بيك تَـــمــوز من ياخذك تصنيف
يولووووو اريد ادحك يستمرون يمشون لو فعلًا مراقبين
سيارتنا ، لا نستعجل ان بعض الظن إثم .

وگفت السيارة بكل هدوء ركناها ؏ صفحة عبرونا
دوهــان : اي راح همزين حتى نحتار بسالفة تَـــمــوز .

غيث : سيدي تحچي عشرة بالشهر هو غير رجعوا علينة .

كانون : أكلنا وحل ، حضر السلاح بساع
ارفع ، ركز ، قنص ، صوب .

دوهــان: انزلوا من السيارة حتى ما يطوقون المكان .

كــانـــون : من زاويتين اهجموا بساع لا تطلعون مقابيلهم
ديرررر بالكككككك غيث .

كل ظني يخافون بس صاروا فداء ونزلوا
يرمون بدون توقف ، غيث صار امامهم
سحب أقسام وصاح بصوت يهز الروح : يااااااااااااا علي يا ابو الشدايد
أحضرنا .

وگف كــانـــون قريب منو يرمي وياه وليث استدار عليهم
وتولاهم من الخلف ، كل هذا صار بـ اقل من ربع ساعة
بس سيارتنا صارت عبارة عن زروف من الرمي مالتهم
خبرنا الدوريات عليهم وتوكلنا .

دوهــان : وين اطلع هساع كــانـــون .

كــانـــون : اخذ يسار واركن السيارة .

سويت مثل ما گال ونزلنا منطقة صايرة شبه
مهجورة نص ناسها طالعين منها لان داعش
متقدم واصلين الهم ، البيوت ربع بيبانها مفتوحة
كلهن عبارة عن أحلام وذكريات موجعة
سحب كــانـــون اقسام وركض بتجاه سيارة ابو
صايرة بنهاية الفرع ، ركضنا خلفو واول ما وصل
دفر الباب ودخل طلع واحد من الحرس رافع اسلاحو
كــانـــون : نزل سلاحك .

_ سيدي ممنوع تتواجد هين .

كــانـــون : وين الواء فراس ؟

_ قبل كم ساعة راح سيدي .

دوهــان: النقيب تَـــمــوز موجود جوة مو ؟

_ موجود سيدي وممنوع تقتربون منو هاي اوامر السيد الواء
رجاءًا سيدي رائد كــانـــون بدون مشاكل انسحبوا لان اذا صار
شي أنـه اتحاسب .

كــانـــون : سيارة ابوية شسوي عندك ؟

_ سيدي أخاف أحتاج سيارة تركها عندي .

دوهــان : وسع نريد طريق .

_ سيدي اترجاك بلا مشاكل روحوا .

كــانـــون : ابني تسوي طريق لو اتصرف وياك غير تصرف .

_ سيدي هاي مسؤولية برگبتي واخاف اعصي الأوامر.

كــانـــون : وأنت بمسؤوليتي وتعرفني من انطي كلمة ما اخلوا
نفسي منها اذا ما انطيك الأمان .

_ اتفضل سيدي .

مأمون والشباب ينتظرون ؏ باب واحنا والحارس
دخلنا دخل البيت وفتح باب الغرفة الأخيرة
شغل الضوء بهتت وكانون رفع ايدو فوگ راسو
وطلع برة ماتحمل ظل يفتر بالبيت ويسب ويتوعد
رفعت تَـــمــوز من الگاع باقي بس بالبنطلون
القميص ماكو وجهو كلو منفوخ من الضرب صاير
ازرگ ، غسلت وجهو جسموا عكس برودة الجو
حار الى درجة
دوهــان: تَـــمــوز تسمعني خوية افتح عيونك .

دخل كــانـــون اخذو مني وطبطب ؏ وجهو
رجع يغسل بي ويسب ويضرب بالارض
كــانـــون : شمسووووووين بي فهمووووني .

_ سيدي ومحمد مو أنـه هذا السيد الوالد .

دوهــان : من الله لا يووووووفقووووووو
راح يمووووت كــانـــون بسرعة ننقلو ؏ مستشفى .

لبسنا ملابسو وعدلهن وصاح ؏ مأمون والشباب جسمو
ثگيل والشباب انهد حيلهم الى ان وصل للسيارة وصعدنا .

شغلت السيارة وافتر بكل الشوارع اريد مستشفى مفتوحة ماكو
اخر شي دحكت مستوصف نزل الدكاتره ظلوا متعجبين ؏ حالو
اتصل كــانـــون ؏ ابو ماكو كررها اكثر من مرة وبعدو مايجاوب
عقم الدكتور جروحو ، وبطنو خياطات الجروح كلها طفيفة بس
بطنو بالسچين مضروبة ، وجهو مثل الطوبة صاير منفوخ .

ثار غضب كــانـــون بس كملنا اخذ تَـــمــوز وطلع
وأنه حاسبتهم وطلعت وراهم ركبت السيارة ورجعت تَـــمــوز
للبيت ، دخلت قبلهم وصحت : وينكم يمعودين ، عمة رضية .

اجت تركض رابطة راسها وتون من الوجع
_ ها يمهههه بشرني .

دوهــان : رجع ابنچ للبيت بعد بحث مكثف .

طلعت للكراج هي دحگت حال تَـــمــوز فقدت گعدت بالگاع
تلطم ؏ وجهه ملخت ملابسها ركضت عليها ام قُــسَـم
وقسم تتوسل بيها بس تهدي : شمسووووووي بيكككك يول يمممممه
ميت بيدككككككك عايفوووو ميت بيدك .

تقدم كــانـــون حضنها وهو يبوس براسها
_ خلص عمرووووو يضرب بي ويهين ويسب ويحتقر ابني
واني وياه وياه اگول ما احچي حتى لا يحقد ؏ ابن اخوو بالزايد
واقنع ابني واسكت بي يولو يمممه تَـــمــوز انجعم ول يمهههه
هذا فراس ظالم متجبر اتركوا بحالوووووو لا تلعب وياه
هساع شستفاديت من رجعك حالك حال الجثة المتورمة
كسررررررر بيدووووووووو ان شاء الله .

طلعت جدتي تضرب بالأرض : كسرررر بيدچ يالبرعة
امهات الشوارع يلفي بيچن من البيوت ووتدعين ؏ ابني
تاج راسكم هذا الهيبة السبع .

دوهــان : تاج راسچ مو راسنا هل ظالم الله يعثرو ؏ هل عمله
اكو انسان صاحي يعذب ابن اخووو هيچ شنووو وحشششش
مو عيب علية الى متى يظل بهل وحشية وانتوا قابلين ؏ عمايلووو .

ام فراس : امشي الهتر لو بيك خير مو هاي البزر
تلعب عليك صاير زلمة براسي هي تنلام بيك من تگلك
حدك مداس مال أحذية المضيف .

قُــسَـم : لا تبقين تخبطين بالمواضيع واحترمي نفسچ
حچيتها بساعة عصبية لا تبقين تكثرين بيها انتوا مداس
المضيف افتهمتي لو لا .

ام فراس : خوووش يرجع جدج وابلغو بكلامچ واخلي يطحن اضلوعچ .

دوهــان: ديلة بالله زلمة ابن زلمة الـ يقترب ويمس خصلة من شعرها
ومحمد البيت كلوووو ينهجم ؏ راسكم واخليكم عبرة للناس .

ام فراس : أنـه عايشة وانتوا عايشين وندحگ
منو يهجم البيت ؏ منووو .

كــانـــون : شنو تريدين تسويها مزامط ، كبري الموضوع
واخليچ تعرفين من همَ احفاد الـدليم .

ضربت الشباك بالعوجيه ودخلت جوة تتوعد
كــانـــون : يمه رضية الخاطري اوكفي ؏ حيلچ واخذي
تَـــمــوز للغرفة لازم يرتاح وياكل صار كم يوم محروم
من ألمي والاكل .

هزت براسها وهي تدعي ؏ فراس وتعاونوا كــانـــون
ودوهان ؏ تَـــمــوز نزلوا من السيارة وبوجهم بيهم مابيهم
صعدوا فوگ .

ورضية قامت بواجب تَـــمــوز من كل النواحي
بس المصيبة الكبرى من كشف الموضوع فراس
وعرف كــانـــون ودوهان مطلعين تَـــمــوز من ذاك
البيت .

رن التلفون ؏ كــانـــون رد بسرعة : الو .

فراس : تعصي كلامي وطلع العار بدون علمي .

كــانـــون : عجل تريد تموتوا غير موات .

فراس : وانت شعليك موات مو موات يول عليش تدخل .

كــانـــون : هذا أخوية احزام ظهري تريد تحرمني
منو مثل ما حرمتني من دركْان .

فراس : علاجكم عندي بسيطة ...

غلق المكالمة ثارت اعصاب كــانـــون وضرب ؏
ميز وطلع يتوعد : ومحمد أنـه بعد ما اسكت ؏ سوالفوووو
اليوم اذا مايصير حل الأبوية أعمل عمايل بي .

><><><><><><><><><
الــســفــاح ...

گلبي يريد يحچي الصار تتصورني خليتة ؟
اذا السويته بية ماگدرت احچي انت شلون سويته ؟

ادحك ؏ جثث وگلبي ينزف ، اختنگت والله اختنگت بعد ما أتحمل
اريد اصرخ صرخة الميتين ، وصيح بعلو صوتي
( ربي اختبارك صعب كااااااافي )

جلاد: لا تدفنوهم خلوهم هل حيوانات للكلاب تاچلهم بليل .

الــســفــاح: اتوكل انتَ أنـه اشرف ؏ دفن .

جلاد : كفار مايستحقون الدفن .

الــســفــاح: اكرام الميت دفنو .

جلاد : الميت مو كافرة خونه للدين الإسلامي .

الــســفــاح : حسابهم همَ وربهم علينة نقتل وندفن الجثث
لاتبقي دليل عليك وتعرفهم ؏ اماكن تواجدنا .

جلاد : اني روحـي خلصانه وانت تحچي براسي يول شسوي سوي .

عافني وراح ويايَّ أربعة دفناهم كلهم اخر واحد بعدو صغير
بالعمر شاب بداية عمرو بحيث شلتو ونزلتو بالقبر بعد ماتحملت
طلعت مهدود هد وظهري محني ، بس مشيت منهم اشتغل هزاز
المبايل برجلي ابتعدت بعيد عنهم ورديت .

الــســفــاح :502 اجب .

_205 تسمعني .

الــســفــاح : عليش تعذبني وما ترد عليَّ ؟

كــانـــون : لان غلطت وحتى لو انتَ اخوية وغالي عليَّ
دوهــان ابن عمي وتدري بيَّ اعتبر ولد عمي اخوتي
انتَ قللت من احترام ابن عمك وتعديت وعدك ويايَّ
أنـه دائمًا اوگف مع الحق .

الــســفــاح: انتوا شايلين حزازيه من جهتي
يعني انتَ وتموز مارحتوا للمستشفى ؟ بس اني رحت
وبعدين حتى لو رحت بلغتك من يوم صارت ؏ ذمة
دوهــان اعتبرتها حالها من حال اختي .

كــانـــون : خلي نفسك بمكان دوهــان وتفهمني .

الــســفــاح: عجيب يا اخي ماغلطت ومحمد .

كــانـــون : المهم مو هذا موضوعي عدنا مصيبة.

الــســفــاح: هو انتوا بيت ابو مصيبة .

كــانـــون : أبوي طغى كلشششششششششششش
تَـــمــوز كشف سر من أسرارو وطلع متزوج بنية عمرها 16 سنة
وعندو ولد ، اخذ تَـــمــوز وصل للموت بيدو ، وهساع يتوعد ويهدد .

الــســفــاح: امي وين؟

كــانـــون : صار كم يوم بيت أخوها .

الــســفــاح: الساعة بـ 11 بليل اريد ابوية بيت التحقيق
بلغوووو اريد اقابلو اليوم .

كــانـــون : تمام .

غلق المكالمة ورجعت لگيتهم مكملين تركتهم وطلعت
بالسيارة هجست الدنيا دولاب وتفتر بيَّ ، خلصت كم شغله
بالديوان الخليفة مالتهم ورجعت للبيت بأمر من جلاد .

وصلت بوجهي ؏ حجرتي راسي يفتر نمت
بملابسي بعدني أريد اغفو والباب يندگ
عدلت نفسي وصحت بصوت خشن : أدخل ..

دخلت بنية قصيرة والثانية متوسطة الطول لابسات الزي الإسلامي
وعطاء مقابيلهم تمشي توسطت الغرفة وتأشر ؏ بنوات

عطاء: يا امير مولاي الجلاد أرسل لك هدية جميلًا لطيفًا
كـ مكافأة ؏ تعبك تلك الأيام .

عقچت وجهي ورديت وانه ما مستوعب : واين هي الهدية ؟

عطاء: هنا يا مولاي جاريتان بخدمتك ويقول
لك تمتع اليوم ولا تأتي الى العمل ليلًا .

الــســفــاح : بوية جنت بوحدة وصرت بثنين.

عطاء: ماذا قلت ؟

الــســفــاح : اقول ان الوضع مصخم وملطم .

عطاء: أتركك تأخذ راحتك مع الجواري يا امير تصبح ؏ خير .

الــســفــاح : ابچي حصوووووو ومحمد .

مصيبة جديدة ؏ ساحة جنت ناوي انام ساعة نهضت
ادحك عليهن حاير هذني ويانه علينة ، مسيطر عليهن
داعش لو مثل شام أختارت الحرية .

رفعن النقاب من جمالهن نزلت راسي وخليت خواتي بين عيوني
رغم كل هذا أنـه ما معصوم عن الخطيئة خفت اضعف بلحظتها
طردت كل الأفكار من راسي ومشيت للميز واني احجي وياهن سريع .

الــســفــاح: طالع ساعة وارجع ممنوع منعًا باتًا وحدة
طلع خارج هل حجره صار معلوووووووم .

_ معلوم مولانا .

الــســفــاح: نعالات عتگ احسن.

سديت الباب ورايَّ ومشيت بالممر غسلت وجهي
وطلعت من البيت كلو ، عبرت من الباب الخلفي حتى
الحرس مايحسون ويبلغون جلاد بقيت امشي بدون سيارة
الى ان وصلت طريق بي كم سيارة من زلم داعش
صعدني وياه ونزلني بمنطقة شبه قريبة من بيت التحقيق وراح
لفيت شماغي ؏ وجهي ومشيت سريع دحكت سيارات ابوي
وكانون موجودات دفعت الباب ودخلت وثورة غضب تطحن بداخلي
بقيت امشي بالبيت چبير صعدت للغرفة الفوك بيها كاميرات المراقبة
اعرفو يحب يگعد ويخطط بهل حجره دفرت الباب ورفعت الشماغ
من وجهي لفيتو ؏ ايدي وركزت بنظراتي اتجاهو .

دركْان : مبروك فراس بلغوني متزوج ، ومبروك ثانية طلع عندك
ولد ثالث ، الصراحة اهنيك ؏ كمية الغش وتلاعب من جميع الجهـات
فنان بالتجبر صاير استاذ بالحقارة .

هو گاعد مرتاح ومسيطر ؏ كرسي مقابيلو تلفزيون
بعرض الحايط عارض عليَّ كامرات بيت العايلة وهذا البيت
والمكتب بيدو جكارة ياخذ منها نفس ويحبسو بصدرو
كــانـــون مكتف ايدو واگف يراقب من بعيد .

التفت ؏ كــانـــون ويأشر عليَّ
فراس: هو هذا تهديدك هاي كل قوتك .

كــانـــون : أعرف اتجاوز واذا اضطر اضرب وأشتكي أعاقب
واصدمك بأفعال خارج عن المنطق ، بس مشكلتي اخاف الله
ما اريد اتجاوز عليك لان تظل ابوية مهما يصير .

دركان : وبرأيك فراس يفيد وياه هل اسلوب ؟

كــانـــون : لا والدليل هجم حياتنا هجم كل يوم مصيبة صايرة بسببو .

دركْان : عندي كم سالفة اجيت اسمعك وارجع منين ما اجيت
اسمعني عدل وركز ويايَّ واخذ كلامي بعين الاعتبار
بفضلك عشت ايام طويلة أنـه وداعش عاشرتهم
وكلبي هذا جان ينزف وجف ، وتلوع وخف
وهساع عندو ثار منك وجاهز آخذ بثاري بـ أي لحظة .

أقتربت صرت قريب منو واسترسلت بالكلام
دركْان : بايع ومخلص وعندي استعداد اذا يوگف واحد بوجهي
اذبحو مهما كانت مكانتو بگلبي بعد مايهمني ، گلبي مغسول وروحي
ثارت للحرب ، قسمًا عظمًا وحق خالق السموات والأرض
يومين اذا البنية ام الـ 16 ما رجعت البيت اهلها ورقة طلاگها
بيدها ، وعمتي ام تَـــمــوز تطلگ منك وترجع إلهم بيت عمي ابو تَـــمــوز
بـ أسمها ، وتعوف تَـــمــوز بحالوووووووو احسب الله ما خلقك
واخلص الناس من شرك واكسب اجر عظيم عند ربي .

ادحك عليَّ تراجع للخلف وموسع عيونو يدحك
؏ كــانـــون متعجب : لا انتَ ولا عشرة مثلك تفرضون
رأيكم علية ، لو أضطر اعاقبكم حالكم حال تَـــمــوز ماعندي مانع
بس تهديدك هذا مرجوع عليك .

دركْان : مرجوع علية شنوووووو شلون يخليني اخلي يدحك غضبي
وخبالي بعدددددددك تهدد بيَّ هااااا بعدك وين تريد توصل وين توصلني
هددتني واول ما كسرتني وخليت لوعة بكلبي وسلمت روحـي الغيري
وخليتني اطحل مقابيلك من القهر والعذاب وما رف جفن من جفونك
وهسسسسسسسسساع بعدك تهددني وين تريد توديني بعد .

حضني كــانـــون أنـه فقدت صار چثير ما متقابلين
طلعت تعبي ، وقهري ، وعذابي بي
دفعت كــانـــون وكمملت وانه ادگ ؏ صدري
_ عوفني كــانـــون اريد يرد عليَّ قصددددو يهددني
هو أنـه بنص المووووت وين تريد توديني بعد فهمني يول فهمني
عبالك عايش واشممممم الهوى طبيعي مثلك وعز جلاله الله أنـه ميت
كل يووووم اموت كل يووووم انتهي وهساع أنـه نذرت
عمري حتى احمي وطني واهلي وبقت بس هاي تضربني بيها
تسلمهم الداعش حتى يخلص عمري فرد مرة .

وگع جكارتو احوالو نگلبت وجهو صار اصفر
وجسمو ينفض مادري من العصبية لو القهر
صعب احزر هل زلمة العجيب
فراس : شتريد مني احجي وروح ولي اطلعععععع ؟

مسحت وجهي بيدي بكل قوتي واحس دگات گلبي
صارت براسي تضرب جريت نفس وهمست بتعب
وضياح وبصوت هلكان متخاذل: لا تعذب الناس العزيزة علية .

فراس : أنـه ما معذ ...

دركْان: خليني أكمل أسكت لاتسمعني صوتك
لا تعذب الناس العزيزة علية
بمعنى تحرر البنية منك وتنطي حگها وحق ابنها
وعمتي رضية يرجع تَـــمــوز عدها وطلگها
وترجع حگهم من ورث عمي كلووووو
وترجع امي للبيت معززة مكرمة
وكانون تبعدو عن مخططاتك .

فراس: هو أنـه ماعندي غير كــانـــون .

دركْان: چذاب انتَ اكبر چذاب عندي شك بمخطط قذر
گاعد تحيك بي انتِ وجلاد احتمال ، بعدني ما متأكدة
بسسسسس اذا طلع البالي صحيح وحق لوعة گلبي
يوم واحد ما تظل بهل حياة اموتك أبشع موته
ممكن الانسان يموتهااااااااا ؏ ايد ابنك من لحمك
ودمك من صلبك يموتك ، انتَ متخيل يعني شنووو
ابنك يموتك بيدووووووو ثاري بذاك الوكت اخذو
من بين عيونك افتهمت ياااااا فرررررراس .

دنج راسو وضغط عليَّ بيدو بكل قوة وصاح
بعلو صوتووو : اطلععععععععع برة فورًا لا اموتك والله .

دركْان: طالع لان ما ميت ؏ وجهككككك .

تركت المكان وطلعت وكانون ورايَّ
گضبني من ايدي وحضني : مشتاقلك يول.

بقيت أيدي نازله ما رفعتها وحبست العبرة
بصدري وبمجرد ما ابتعد يريد يدحك شكلي
تركتو وطلعت وانه اردد
(الله يقويني ؏ عبرتي الـ ذبحتني )

رجعت وانه ملثم مشيت چثير بس نار گلبي
ما بردت عبرت سياچ البيت ودخلت اضرب ؏
راسي والخنگه موتتني ، الأخر لحظة قبل لا ادخل
للغرفة تذكرت اكو بنوات داخلها ، تركتها وصعدت
فوگ فكيت باب السطح وطلعت الهوى بارد لاعب
ملامح وجهي الغاضبة رفعت رأسي السماء بيها
دخان مو صافية گعدت بالگاع مديت ايدي بجيب
بنطلوني طلعت قراصة صغيرة لون أسود وحلقة
ذهبية خليتهن بيدي وأخذتني الذكريات الأصعب
يوم مر بحياتي ...

دموع تتساقط ، قلب ينزف يطلب الرحمة
حروب داخلية مهلكة دمار من كل الجهات
حطام ، سچين وبنص گلبي نبتت وانه ادحك
لوعة گلبي بالبدلة البيضاء مثل ما جنت احلم
بيها بس مو حلالي استصعبت النفس الداخل
الصدري وگعت قريب من رجلها وضربت ؏
صدري وصحت بصوت مخنوگ
دركْان : لابسه البدلة الموتي ، انتصروا علينة .

قُــسَـم : عساني اموت قبل لا تصير الزفة
راح اموووت والله راح أموت ما أتحمل مجردالفكرة صعبة
الفعل شلون فهمني شلون .

دركْان: ايدچ بيدي وننهزم منهم ونروح الديرة ما موجودين بيها .

قُــسَـم : يعرفون مكانه ويموتوني ويموتوك واهلي يغضبون عليَّ
ما اريد نبني حياتنه ؏ اساس غلط ونظل العمر كلو خايفين
ونتهرب من مكان المكان .

دركْان: عجل يزفوچ الغيري وتريديني اتحمل .

تَـــمــوز : دركْان بسرعة اطلع راح يجون اذا تحبها
اطلع لا تتأذه .

دركْان: وعد بيوم من الأيام ترجعين حلالي .

قُــسَـم : وعد ما أخلي شخص يقترب مني غيرك
وكلبي ما راح يدگ الآنسان غيرك .

نزلت راسي ادحك ؏ ايدها نزعت الحلقة
بداية اعترافي الها لبستها وكل ما نتقابل
تخليها بيدها تزين اصابعها ، اخذت ايدي
وهمست : احتفظ بيها وتذكرني دائمًا من تلزمها حافظ عليها
وبيوم رجوعنا ترجع تلبسني هل حلقة بالذات .

وقبل لا اطلع ؏ ميز قراصة مال شعرها أعرفها
دائمًا تخليها بشعرها من ترفعو ذيل خليتها
بيدي وطلعت بقمة الانهيار حالي حال المجانين
ومن يومها هجيت من البيت بكبرو وما دخلت
ولا فتت بشارعهم .

فزيت ؏ صوت نواصه ادردم فوگ راسي
جنت منزل راسي بين رجلي وهي خربت
ام الموضوع .

هَــيـلانـة: ايييييييييي عفية عليك
گاعد ومرتاح واخوية يعذبون بي بسببك .

رفعت ايدي الفارغة واشرت ؏ نفسي : بسببي ؟

تخصرت وهي مخنزره بعيونها
هَــيـلانـة : أي طبعًا بسببك انتَ ابو الخطط العوجة .

رجعت راسي ؏ حاط وجريت نفس طويل
الــســفــاح : هيل ماتخافين ؏ نفسچ ؟

هَــيـلانـة: اسمي هَــيـلانـة ، ثانيًا عليش اخاف .

الــســفــاح : انتِ وداعشي وبمكان وحدكم اگدر كلشي اسوي بيچ .

گعدت بمستوى گعدتي ورفعت إصبعها الناعم بوجهي
هَــيـلانـة: يول إياك تحچي هيج ويايَّ وتفكر تفكير قدر بيَّ .

بعدت نظري عنها وانه ابلع ريگي والارتباك وأضح ؏ صوتي
الــســفــاح : تفكير قذر شنو ؟ ‏أقصد ما تخافين إلكحچ من فوگ السطح .

هَــيـلانـة: اخوية شوكت يرجعععععع .

الــســفــاح : ماعندي علم الموضوع خارج عن سيطرتي .

هَــيـلانـة: لا تستفزني حتى ما إنزل هساع افضحك مقابيلهم .

الــســفــاح : قبل ماتسويها من هين توگعين ؏ راسچ شطح
بس دماغچ ما يتأثر .

هَــيـلانـة: شمعنى .

الــســفــاح : لان باقي جوة صاير ديكور بغرفتچ .

وگفت اريد إنزل رجعت الغراض بجيبي ومشيت
وصلت للباب استوقفني صوتها الباكي : ساعد اخوية الله يخليك
آني احجي وياك والجئ آلك لان انتَ الوحيد من احچي
ما تضربني ، الشبح حچيت وياه اليوم وضربني وجلاد
قبل كم يوم انتَ خلصتني منو بالحظه الأخير وعيشني رعب
وقلع راس البنية مقابيلي يمثل براسها ويشرح شلون يذبحني
وهساع انتَ راح تنزل وگلبي نار ؏ اخوية .

عدلت ملابس ولفيت الشماغ ؏ راسي وآني اقترب منها
رفعت راسي للسماء وغمضت عيوني : البارحة رحت العزيز
صح معذبي بس هو گدها وصاني عليچ بين ما يطلع هل كم يوم
واني بيدي اطلعكم من هل مكان .

مسحت دمعة هربت من عيونها ورجعت
ايدها گضبت رگبتها : واني شلون اثق بشخص داعشي سفاح يقتل الناس .

طگيت رگبتي وبعدم مبالات رديت : هيل لا تصدگين كلها ايام
واثبت كلامي .

حكيت حاجبي ولا إراديًا ركزت بلون عيونها
وكملت بتردد : امشي انزلي لا يصعد أحد
وتصير مشكلة احنا بغنى عنها .

هَــيـلانـة: حباب رجع أخوية .

الــســفــاح: صار بس انزلي خلصيني .

عافتني ونزلت بسرعة بعدها متأذيه من جروحها
رجعت بمكاني ما اعرف شكثر مر وكت بس
من دحكت خيوط النهار طلعت نزلت لگيت
البيت هوسة : ‏عطاء ‏ماذا يحدث هنا.

عطاء: لقد رجع الرجال منتصرين ليلًا ستكون هناك حلفة إسلامية
هدية لكبار رجالنا ، وبدأت بتحضيرات الحفلة والبنات من الآن .

الــســفــاح: بنوات ؟

عطاء: نعم جلاد امرني ان اجهز
اجمل الفتيات الموجودات في هذا البيت .

عفتها وطلعت وانه ادردم بعلو صوتي : الله يخسفكم شكثر عارات .

الشبح : سفاح دورت عليك ماكو ؟

الــســفــاح: شكو ؟

الشبح : الــســفــاح بلغتي أبلغك بحفلة اليوم
يول النعيم الحقيقي اليوووم نعيشووو .

ابتسمت بمجاملة ورديت : ماشي بس يصير
الوقت اجي عندي شغل هساع.

طلعت كملت شغلهم الخايس من اوراق ومكاتبات
ومتوزيع اماكن وتسهيل اسلحة واماكن تدريب
موتوني الى ان خلصت ونسيت الموضوع ورجعت
لگيت البيت صاير خربطة .

عطاء: آهلًا وسهلا ادخل معهم .

الــســفــاح : شني ملاهي إسلامية اليوم ؟

عطاء: ماذا لم أفهمك .

الــســفــاح : اي خطية عيارتچ مو مبرمجة ؏ فصحى
اجيتي من فلم الرسالة وگبل نحذفتي بهل مهجوم .

خليتها مصمهره بوجهي عفتها وتوجهت للحمام غسلت
واسمع صوت صراخ وضرب عرفت صوت منو
ضربت ؏ گصتي وصحت : يا هل مصيبة ماتخلص مشاكلها.

ضربت ؏ باب أكثر من مرة فتحت وحدة منهن الباب
_ اهلا يا امير هل تحتاج مساعدة .

بعدني ما مجاوب ودفعتها هَــيـلانـة وگعتها بالگاع
ولزمت ايدي وصارت ورايَّ بقيت ادحك علية
متعجب ملبسينها فستان اسود محتشم بس
كل تضاريس جسمها مرسومة : ســفاح هذني يعضني مثل الچلاب
ادحك شصار بيدي من وراهن ويريدني اطلع ؏ حفلتهم جلاد يريد
يبيعني .

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد