رواية تجبر أحفاد الــ دليم الفصل الثاني والعشرون 22 - بقلم اسـاور حسين 🦢✨

تَــجــبـر أحفاد الــ دلــيـم🦅
بقلمي : أساور حسين          
المُلْتَقَى _28_

تبيعني الدُنيا وأجي بتعبي أشترِيك ،
والله لُو تدري بحِلم ما مَنطي بيك !

ملكات قلبي لطفًا لا تنسون التصويت ؏ بارتات بوساتي
<><><><><><><><><>
هَــيـلانـة ...

هَــيـلانـة : ســفاح هذني يعضني مثل الچلاب
ادحك شصار بيدي من وراهن ويريدني اطلع ؏ حفلتهم جلاد يريد يبيعني .

الــســفــاح: فكي ايدي حتى استوعب واحچي .

هَــيـلانـة: عجل خلي يبيعني ويكمل وعود
قرر اگعد براحتك أستوعب.

الــســفــاح: غير تحل ايدها من أيدي يولو وريتيني ور .

هَــيـلانـة: عنفص ؏ أيده بعد عبالك اليد الذهبية .

رفعت أيدي منو وابتعدت دار وجهو مني ونزع الشماغ
وهو يعدل بشعرو المتبعثر: هيل غطي راسچ .

هَــيـلانـة: عادي أنـه مو محجبة .

ردت وحدة منهن وهي تضرب ؏ وجهه : يا ويلكِ من عذاب الله
هل تريدين إظهار شعركِ ومفاتنكِ امام الأجانب .

هَــيـلانـة: وينهم الأجانب ؟

اشرت ؏ الــســفــاح بكل ثقة ومحروگ گلبها وتنتر
_ الأمير يعتبر من الرجال الأجانب عليكِ .

هَــيـلانـة: هذا الأجلح الأملح من الأجانب هل داعشي من الأجانب ؟

الــســفــاح: عجل دام أنـه اجلح املح فوتي عليهم
يا كليوباترا زمانچ وخليهم يبيعون ويشترون بيچ .

هَــيـلانـة : بدينك جذبت بكلامي هساع انتَ مو
اجلح املح وينك وين الأجانب .

الــســفــاح : أسمراني أنـه علاج المعلول .

هَــيـلانـة: دحك هذا الداعشي همات مصدگ نفسوووووو .

_ متى تكملين هذا الحوار المحرم يا معارضة
يجب ان نجهزكِ قبل ان يطلبكِ مولانا الجلاد .

الــســفــاح: حوار محرم ؟ عجل من راح تدخل تنعرض للبيع
هذا مو عرض محرم ، شني الأجانب بالحفله الاسلامية عميان ؟

_ روئيه شرعية يا أمير .

بنظرات ضايعة دحكت ؏ الــســفــاح وكل شوية
ادحك ؏ باب اتمنى يفوت عزيز ويخلصني منهم
هَــيـلانـة: اذا انباع أروح من هذا البيت حالي حال البنات قبلي ؟

_ نعم تذهبين مكانًا أخر ورجلًا اخر .

عافنا الــســفــاح ودخل الصالة العرض والحفلة
وهذني رجعني للغرفة سحل ودفع وضرب وعض
موتني وجسمي يون عليَّ منهن ظليت أصرخ بعلو
حسي اريد احد يجي يخلصني ماكو ولا انسان رحم
بحالي لان بالمعنى الحرفي الدواعش عايشين بعقول
حيوانات مفترسة مايفكرون زين بس ماهرين بـ
أصطياد وتعذيب الضحية .

مرت الساعة  خلصني ؏ سريع بس محد طلبني
والوقت يمشي خفت من أشكالهن شردت بزاوية
الغرفة الى ان دخل جلاد عيونو براسو : لقد تمت البيعه تستطيعون
الرجوع الى المعسكر .

هَــيـلانـة: شلون ينطيك گلبك تبيع بنت عمك من لحمك ودمك
ماعندك شرف يول شنو من حيوان انتَ خاف الله زوجتني
الشبح وضحكت علية وشمرتني بنص داعش وهساع الله
اعلم وين توديني حرام عليك أنـه مو لعبة بيدك خاف الله بيَّ .

جلاد : الى جهنم وبئس المصير يا اخت ذهب القذرة الخائنة .

هَــيـلانـة: عزيز وينو ؟

جلاد : لا تتدخلي بأمور لا تعنيكِ والتزمي الصمت إمامي
حتى لا اقتلع عينيكِ الجريئة الوقحة .

طلع قبل لا ارد وبالأساس مجرد وقفتو امامي
تدفعني ابلع لساني وجسمي كلو يرعش
ذبيت الفستان من جسمي مزقتو تمزق
مرعوبة من الأيام الجاية ، بمنو افكر
بعزيز ، لو بذهب ، لو بنفسي
اكو خنگه بصدري هجست صاير شي
تخردلت من التفكير والخوف والقلق المستمر
غلقت عيوني بعد ماخلصت روحـي من البچي
نمت نومه عبارة عن كوابيس ، گعدت ثاني يوم
الصبح ؏ صوت أكرهه حد الموت .

الشبح: يا هَــيـلانـة افتحي عيونچ والبسي الزي الإسلامي وتعالي .

هَــيـلانـة: وين توديني شتريدون مني فهمني انتَ
مو وعدتني تحميني أنـه تزوجتك انتَ شلون ينطيك گلبك تبيع حرمتك .

الشبح : خلصت مهمتي وياچ ولازم اسلمچ الغيري هذا نظام
المعسكر الإسلامي تبديل النساء بين فترة وفترة للتغير .

هَــيـلانـة: من طاح حظ قوانين ونظام معسكركم الإسلامي
الله يعثركم ويرسل عليكم الـ أقوى منكم يهطروكم هطر .

رفعني من ملابسي هو رفعني ورجعني للگاع
؏ اثر بوكس بحيث عيوني صارت سودة
صرخت بعلو صوتي زاد بالضرب وشالني
ورگعني بالگاع بحيث وگعت ؏ وجهي وبطني
وبلا رحمة صعد هو والبسطال ؏ ظهري
هجست اضلوعي تتفلش بكل حركة منوو
وصوتي أختفى ما اگدر أتنفس بقيت بس اضرب
الارض بيدي اريد ينزل مني وهو مستمر يصيح: الله سبحانة وتعالى
حامي التنظيم الإسلامي احنا هين نوصل رسالة الله الى كل كافر
مرتد عن ألدين الإسلامي بعد ان كثر الفساد والحرام .

نزل مني بعد ما أنتهيت وشالني من راسي
وضغط ؏ رگبتي بيدو القذرة: طالع اربز (انتظر ) بالباب خمس
دقايق اريدچ مزروعة مقابيل عيووووووووني .

هزيت راسي ضربني راشدي اختل توازني وگعت
بكل قوتي ؏ ارضية ، لدقايق اني بمكاني اطحل من الوجع
اضلوعي موتتني من الآلم وبالتعذيب أسحب النفس يضربني
دمار بكل مرة اتحرك بيها .

بس الخوف يسطر ؏ انسان بحيث زحفت اخذت الزي
مالتهم ولبستو شلون ما كان وطلعت واني استند ؏
حياطين دمروني بالكامل لا بعد عندي جسم سليم
ولا صحه ولا عظم صاحي .

طلعت ألهث صعدني اخذني من ايدي ودفعني الداخل
السيارة حتى ماعندي قوة أسأل وين رايحين بقيت مستسلمه
الى أن وصلني الجامع خاص بيهم دخلني اكو چثير
من جماعتهم وكل وأحد جاي منهم بيدو بنت صغيرة
وكلهن تعبانات مثل حالي واكثر مني وبيهن من التعب
بالگاع يتألمن ومحد بحالهن .

وگفت قريب من بنية لأزمه بطنها وتبچي
وتريد توگع گضبتها بيَّ ما بيَّ وهمست : شبلاچ منو مشوه وجهچ هيچ .

دحكت ؏ شخص سمين وجهو اسود مغبر كالغراب
ينظر الها بنظرات مرعبة أشبه بالموت
نزلت راسها وبشهگه ردت وكلامها عربي مكسر
عرفت هل بنية من الديانة اليزيدية: اشتراني منذ اسبوع
وكل يوم يأتي هو ومجموعة من رجالهم يعتدون علي حتى الصباح
ينتهون مني فـ يرموني ويحرمني من الطعام والشراب أنـا متعبة وأريد الموت لقد هلكت .

هَــيـلانـة: وين اهلچ .

_ لقد قتلوهم ابي وإخواني ذبحوهم أمامنا
وتبقى فقط النساء منا اخذونا وفرقونا
لقد علمت ان امي ماتت ؏ ايديهم واختي
انتحرت امامي قبل ان يتم بيعها وزوجة
اخي أعتدى واحد منهم ؏ ابنتها التي تبلغ
4 سنوات أمامها وماتت هي وأبنتها قتلوهم
لآنها ضربتهم وبقيت أنـا فقط اريد ان اموت معهم .

سديت شفايفي بيدي وانهاريت ؏ انهيارها
ودموعها ، وهل شيطان مجرد ما دحك عليها تبچي اجه مقابيل
الكل ضربها ضرب بلا رحمة يشيل براسها
ويضرب بي بالحياطين ماتحملت
الضرب من المنظر المخيف وگعت ؏ ايد
الشبح ابوس بيدو بس يساعدها وفعلا
راح بعدو منها بس بعد ما انتهت وماتت بيدو
وهين تحققت امنيتها ولگت أهلها ...

شالوها وهذا الحقير دفعني ؏ حايط بعد ما ملخت نفسي
وحتى النقاب وگع مني والكل عيونهم اتجاهي قذرة
بعدني واگفه وبقمة الدمار يتقدمون يريدون يشتروني
منو وبدون خجل ولا حياء يتفاوضون بيناتهم
وعرضوا مبالغ كبيرة الى ان بقيت اذب من راسي
اتخيل واحد منهم ياخذني الموت ارحم والله الموت إرحم
استوقفني كلام الشبح وهو يبلغهم : لقد تمت بيعتها من البارحة
لذاك الأمير .

التفتت بسرعة صارت عيوني ؏ الــســفــاح يمشي
ويدحك عليَّ متفاجئ من منظري زدت بالبچي
بس دحكت طولو ما اعرف عليش بوقتها هجست بالأمان
يظل الــســفــاح اهون منهم كلهم واگدر احچي وياه .

تعامل برود مع الكل وتقدم ؏ شيخهم انصدمت من
الشبح يطلگ بس الــســفــاح ما يتزوج عدهم
توقيع اخذ السبايا اذا تعجب المشتري يجي بعد ايام
يصدق عقدهم وتكون حرمتو بالحلال .

سلم الفلوس للشبح وهذا القذر يضحك فرحان
بس الــســفــاح صار يدحك عليَّ يريد يعرف
شصاير ويايَّ اشرلي بيدو بمعنى امشي گدامي
ستندت ؏ حايط وبقيت امشي بصعوبة من الوجع
والصدمة رجلي تحولت خيوط ، الشبح راح وحده
والسفاح فتح سيارتو صعدت
غمضت عيوني وبس دموعي تنزل ؏ خدي
وجسمي يهتز لدقايق أنـه ؏ حل حال
وقبل لا نوصل بلحظات ألتفت عليَّ
وبكلمات سائغة تكلم
الــســفــاح: الضعيف يُفترس ، السبع يفترسهم .

كملها وأومأ براسو وتقدم فتح الباب من جهتي
ونزل يمشي امامي رجعني للبيت وطلع
دخلت للغرفة لگيت بنية نايمة من دخلت
تقدمت الناحيتي گضبت ايدي ودفعتني: أخرجي من هنا حالًا لقد
اصبحت هذهِ الغرفة غرفتي انا والشبح .

هَــيـلانـة: وانه وين أروح .

_ لغرفة الــســفــاح لايوجد لكِ مكانًا هنا بعد اليوم .

طبگت الباب بوجهي بقيت ادحك ومصدومة
بعد شيصير بيَّ وين تاليتها ، درت وجهي
انتبهت ؏ عقارب الساعة وامشي للمطبخ
هَــيـلانـة: عطاء تعبانة اريد بس اگعد شوية جسمي بعد ما يشيلني .

عطاء: اجلسي هنا يا فتاة من فعل بكِ هذا حالتكِ يرثى لها ؟

هَــيـلانـة: شبح الحقير من الله لايوفقووووو الله يلعنووو
موتني والله هدمني هدم بسوالفو التعبانة .

عطاء: سمعت البارحة تمت بيعتك لماذا رجعتي
ماذا حصل هناك ؟

هَــيـلانـة: باعوني ابن عمي والشبح باعوني للسفاح .

عطاء: من الــســفــاح الأمير ؟

هَــيـلانـة: اي هو الــســفــاح نفسو .

عطاء: ولكنهُ لايحب مخالطة الجواري والسبايا
ويبتعد عن النساء بصورة عامة .

هَــيـلانـة: تعبانة مابيَّ بعد احچي عفية ساعديني كلياتي
يابسات من الضرب والعطش .

شربتني ماء واخذتني من ايدي دخلتني ممر غرفة الــســفــاح
اول ما خليت رجلي ودخلت بنوات متوسطات بالعمر
موجودات بالغرفة : يا عطاء اين هو الــســفــاح ؟

عطاء: الآن هو ينجز اعمالهُ سوف يأتي عند المساء .

هَــيـلانـة: أنـه وين انام ؟

عطاء: هنا مع باقي جواري الأمير الــســفــاح .

هَــيـلانـة: عسى سفحو ضلوعكم وحطموا مجاديف أعماركم .

عطاء: لا تتجاوزين بكلامكِ يا هَــيـلانـة فـ والله
ابعث وراء العضاضات وانتِ تعلمين ماذا يفعلون بكِ .

هَــيـلانـة: ما اريد انام هين هاي عود مايحب يختلط مع النساء
واثنين بنوات بغرفتو اذا يحب يختلط شلون يشتري سبايا بالجملة .

عطاء: لا تتدخلين في ما لا يخصكِ
والتزمي الهدوء حتى يعود الــســفــاح
ويرتب نظامكم .

سوتلي مكان ؏ جرباية ما قاومت مشيت بتأني
نمت ؏  بس الوجع ماينوصف احتاريت اعرف
منين الوجع مكان يوجع اكثر من المكان الثاني.

طلعت عطاء والبنات وحده قابلت الثانية ودگ سوالف
غفيت لساعات وكل دقيقة أفز مرعوبة من اتذكر البنية
لليل گعدت من سمعت صوتو يحچي هو والبنات
عدلت نفسي ورفعت شعري بقراصتي هو من دحك
عليَّ صحيت دار وجهو ويحچي لان ما لابسه الشال
هَــيـلانـة: عادي احچي طبيعي الف مرة بلغتك أنـه مو محجبة .

استدار بس راسو بالأرض من جهه من وجودي وجود البنات
حتى الباب تاركو مفتوح وينطي الأوامر : هيري نفسچ انتِ
واختچ دقايق وتچي عطاء تاخذچن .

_ اين نذهب .

الــســفــاح : تم بيعكم لرجال اثنين والتسليم بعد ساعة
ونخلص ونرتاح .

عبالك متعودات بسرعة بدلت هي واختها واجت
عطاء اخذتهن وطلعت ، ظل هو يفتح بالملابس
يختار منهن اخذ بيدو ودخل للحمام بدل وطلع
الــســفــاح : هيل حدري ويايَّ .

هَــيـلانـة : وين توديني انه همات بعتوني .

الــســفــاح: راسي طبل تعرفين شنو راسي لأعب علية
ونفسي شنو هاي نفسي ما طايقتها تريدين تجين خير ؏ خير
ما تريدين انثبري وانچعمي بهل مهجوم .

غطيت نفسي بمعنى ما أروح رفع حاجبو ما عاجبو
ويفر بيدو ، عدل الشماغ وقبل لا يطلع استفزني
الــســفــاح: كل ظني افرحچ بس الظاهر ماتردين تفرحين .

ترددت منو بس نهضت امشي بتعب
من عرفني اجيت دار وجهو مني بس
عرفتو يبتسم أريد أضربوا ؏ راسو
انسي حروف اسمو ومحمد بس اخاف
مايصير بي شي ويموتني ، كمل الممر
وصل للنهاية فتح باب المخزن وهمس : أدخلي بسرعة .

فتت الغرفة ظلام ؏ حالها گلبي صار ينبض بكل قوتو
ابتعدت منو اريد احذروا مايقرب مني فتح الضوء
عيوني اخذت دورها بتفتيش الغرفة وبنهايتها وگعت
عيوني ؏ عزيز روحـي من فرحتي نسيت الوجع وبقيت
اگمز ركضت حضنتو وهو حضني وانفجر يبچي بعلو صوتو
اتعجبت الأول مرة عزيز يبچي بهل طريقة هز جسمي هز
ابتعدت حضنت وجهو وهمست برهبة: شبلاك عزيز عليش
تبچي هيچ شصاير عيونك شبيها ابوس ايدك احجي كافي
بس تبچي انتَ زلمة انتَ قوي لا تنزل ادموعك الغالية .

عزيز : ذَهــب قتلت ابوية وامي خلاص ماتوا .

هَــيـلانـة: ههههههههه هاي شبلاك الضرب اثر ؏ عگلك 
أهلي عايشين ذَهــب ما تقتل نملة شلون تموت ابوها وامها .

عزيز : امچ ماتت هَــيـلانـة وابوچ مات .

هَــيـلانـة: امي ماتموت أنـه متحملة الضرب بس
حتى نرجع ننجمع مثل قبل وتنومني بحضنها .

عزيز : بس اهلنا تغيروا مو مثل قبل من محاضرات داعش
نغسل عقلهم وحاولوا يموتون ذهب ، ودفعوها حتى تموت زوجها
واضطرت تموتهم .

هَــيـلانـة: اضطرت تموووووت امي وابوية ذهب
ما تموووتهممممم علمود شنوووو زوجها شوكت
تزوجت وشوكت عرفتوووو حتى تموت اهلي
وتحمي انتَ تعقل الموضوووع أنـه ما اصدگ .

دفعت ايدو مني واريد إطلع أعترض الــســفــاح طريقي
وصاح بغضب : ممنوع تطلعين وانتِ بهل حال .

هَــيـلانـة: تروح من وجهي لا اطلع عذابي وقهري بيك .

ضربتو ؏ صدرو وطفرت من جوة ايدو
صاح بعزيز : أنهض اگضبهااااااا يولوووووو
انه ما اگدر ألمسها .

عزيز : رجلي مورمه درباس اگضبها انتَ
هاي وين راحت لا تموت نفسها .

أعترض طريقي للمرة الثانية دحكت بعيونو بتحدي
وصرخت بعلو صوتي : تروح من وجهي لا اشهركم .

الــســفــاح: يالخوثه وين تولين .

هَــيـلانـة: لا تگول خوثه انتَ اخوث ابتعد من وجهي
لا افضحك ومحمد ابلغ عليك وعلى عمايلك .

مشيت منو هو مرجع ايدو وره ظهرو
رافض يلمسني: ارجعي العزيز انتِ مو تبچين علية .

هَــيـلانـة: اريد جلاد يفهمني اني ما اصدگ لا بيك ولا بعزيز
خبلتوني ما اعرف انتوا ويايَّ لو علية .

ضغط ؏ اسنانو وهو يشتاط من الغضب
الــســفــاح : ماتعرفين اخوچ المتعذب الخاطر يحميچ وياچ لو عليچ ؟
وتبحثين ؏ جلاد شنووووو جلاد يحبچ نسيتي التعذيب والتعنيف
نسيتي المستشفى والوجععععععععع منو سببها جلاد لو عزيز .

رفعت اصبعي وصرت اضغط ؏ صدرو بي
هَــيـلانـة: انتَ السبب تعذبت بسببك ، لاتخليني اكثر كلام وتنكشف
ويقلعون راسكككككك يا داعشششششششي .

دفعتوا وصعدت الدرج أصرخ بعلو حسي
ما مستوعبه موتتهم : جلاددددددد وينكككككككككككك
وهههههههههب احچي ويااااااااااايَّ .

طلع من الغرفة مقوس حاجبو متعجب : هاي انتِ طالع صوتچ
بعدچ قوية يا اخت ذهب .

صرت قريبة منو اريد احچي
ورفسني برجلو القذرة وگعني
بالارض ارافس من مثل الذبيحة
هجم علية يريد يكمل دفعو الــســفــاح
بكل قوتو بحيث انضرب جلاد بالباب
وعيونو صارت براسو ماتحمل شلون سفاح يدفعو طلع المسدس
وسحب أقسام وصاح بصوت غليظ : يولووووووو شلون تضربني .

رفع الــســفــاح ايدو يحذر بجلاد ويحاول
يخلي ينزل السلاح : يا مولانا رد فعلها طبيعية هساع كشفت
موت اهلها من أخوها وانهارت بعد ماتتكرر بس لا ترمي .

ضرب طلقتين بصف رجلي هجست روحـي
طلعت مني من صوتهن وصرت كل قنفذ
أحتمي بظهر الــســفــاح : لا ترفعين صوتچ العورة يمي
انتقمي من اختچ موتت ابوها وامها حتى تحمي واحد قذر
ضابط گبحي قذر خاين مرتد ماصار كم يوم تعرفت عليه
وسلمتو نفسها الرخيصة ، انتِ تعرفين اذا توگع اختچ
الـ ******* بيدي ابچي عيوووونهاااااا دممممممممم
دمممم گلبي تبچي .

هَــيـلانـة: وينها اريد اسمع منها وينها .

جلاد : بحضن القذر مستعد يضحي بـ اهلو وناسو وما يرضى يسلمها.

الــســفــاح: أرتاح أرجع أرتاح وسهلة هل ...

جلاد : لا تكمل بعد اذا ترفع أيدك بوجهي
اقلعها من مكانهااااااااا افتهمت .

الــســفــاح: لا ترفعععععععععع صوتككككككككك .

صعد عزيز سحبني من ايدي وشمرني ؏ درج
نزلت دموعي ماتخليني ادحگ طريقي
وبنص الدرج رفعت راسي من سمعت صوت
جلاد : هَــيـلانـة عندي خطة توصلچ الذهب حتى تنتقمين براحتچ .

><><><><><><><><><
ذَهــب ...

أريحني علىٰ صدرك لأني مُتعبه مِثلك
و جِئتُ إليكَ لا أدري لماذا جِئت فخلف الباب أمطارٌ تطاردني
شتادٌ قائِمُ الأنفاسِ يخنقني و أقدامٌ بلونِ الليل تسحقني
و ليس لدي احبابٌ و لابيتٌ ليأويني من الطوفان
و جِئتُ إليكَ تحملني رياحُ الشكِ للإيمان
فهل ارتاحُ بعض الوقتِ في عينيكَ
أم أمضي وحيدةً معَ الاحزان ؟

سبات الهروب ، حروب الصراعات
صراع القلب ،  والعقل ،  والروح
صيحات الندم ، الذنب المميت ...

طبگت رجلي ؏ صدري أخفف الخرعة
والقشعريرة بكل مرة أفتح عيوني ينعاد
مشهد كتلهم مثل شريط الأفلام جبانة
اي أنـه جبانة لان ابچي ؏ ناس مجرمين
يستحقون الموت بس ، اي بس اهلي وعيت
؏ حياة بوجودهم العطف والحنان محاوطين
عائلتنا أتذكر سهراتنا ضحكنا واكلنا سوية
نومتنا كلشي كان دافي شنو غيركم ؟

تشنجت أعصاب بسبب النوبة گضبتني الرجفة
كورتني ؏ سرير وأيدي لا إراديًا صار بيها
انعواج مثل الجلطة بقيت اضرب براسي
بتاج السرير الخشبية والنوبة تحب الآلم
بحيث بكل مرة اضرب نفسي تزيد ماتنقص
هجست راسي أنفتح بس گدرت اسيطر شوية
شمرت نفسي ؏ سرير وبقيت اكور بروحي
واضرب نفسي بيدي بدون سيطرة ؏ تحركاتي
اتمنى اسيطر اتمنى وياريت .

مر وكت طويل بعد ما أنتهيت دخلت قُــسَـم
تريد بس تسيطر عليه ما گدرت بسرعة نزلت
اسمع صوتها من الدرج تصيح بـ اسم كــانـــون
اصوات الدرج والركض والأنفاس الملهوفة
مسموعات دفر الباب بكل قوتو
وبس دخل رفعت ايدي وصحت بتعب : كــانـــون ساعدني  .

سحبني من الفراش فتح ايدي وهو يهمس: ماكو شي هوبا
عيوني كافي يواش ( بهدوء) عيوني انتِ يواش .

سحبني الصدرو وأيدي مسيطر عليها بين ايدو
ولان هو ضخم يگدر بكل سهولة يستحوذ ؏
كل تحركاتي ، مسح ؏ راسي بقيت اتنفس
بتعب واشهگ من البچي
ذَهــب : وين رحت وتركتني مو وعدتني ماتروح مني .

كــانـــون : سمبتيك يا بيت روُحـي حضني محتويچ
بحنايا الروح بكل زمان وكل وكت .

ضميت وجهي بصدرو جريت نفس
وهمست : لا تحرمني من حبك الأبوي .

طوق وجهي بكفوف ايدو وباس انفي
وصعد يبوس راسي ويرد بعطف
وصوت دافي: هوبا بنتي انتِ لاتعذبني وتعذبين نفسچ
وحق خالق السموات والأرض من ادحك حالتچ أتمنى
الموت أنـه اعرفچ قوية لاتخربين نظرتي عليچ رجعيلي
لاتخليني اخسرچ يولو أنـه مستعد اسقط لعيونچ بشر .

نزلت راسي وهو عدل نفسو صار وجهي برگبتو
وبعدها النوبة ما راحت مني كل شوية اطلع صوت
يشبه القطة وراها اصوفر لا إراديًا عيوني ترمش
وطلع اصوات أو استهزء بكلام المقابل واذا وأصلت
مرحلة متأزمة من النوبة اظل اسب .

ذَهــب: الموقف صعب كــانـــون بس اشتاقيت انام
وما أفز مرعوبة من المشهد ، أشتهي الموت صرت
چثير تعبوني عليش مايروحون مني اشكالهم
كلامهم مايروح من بالي .

كــانـــون : احجيلي شصار بذاك اليوم يمكن اگدر اخفف عنچ
خليني اشاركچ اهمومچ وحزنچ وكسرتچ اريد اكون بكلشي وياچ .

هزيت راسي وغلقت أذني ودموعي تتسابق
بالنزول ؏ خدي : لا تبچين شسويتي بگلبي مو ذبلتي مثل
ما ذبلتي عيونچ الفيروزية .

ذَهــب: تعبت والله .

كــانـــون : اذا عندي خاطر يمچ تحضنين ايدچ بيدي
وتروحين ويايَّ أنـه راح اساعدچ بس طبقي كلامي .

شلت ايدي وقبض عليها بيدو بكل هدوء
وگفت حضني من خصري بتملك وصار
يمشي وانه اتبع خطواتو ، وصلني للحمام
وهمس : لا تعترضين أريد تاخذين حمام دافي
تريحين جسمچ من التشنج حتى نبدأ بالخطوة الثانية .

ذَهــب: شنو هي الخطوة الثانية .

رفع دشداشتي وجردني منها
وهو يرد : انتِ المطلوب منچ بس تستمعين الكلامي والباقي علية .

صرت جوة الدوش سبحني كالطفلة بيد ابوها
عيونو كلها حنان وعطف تلالي بالحب
متجردة من الشهوات والغايات بالمعنى
الحرفي يعاملني مو معاملة زوج وزوجتو
لا كان اكبر واعظم من إن يقارن بـ ابوية
قبل لا اخلص طلع يجيب المنشفة نشفني بيدو
وكل ما تلتقي عيني بعيونو يبتسم ويحتضني
بحب الكون كلو .

طلعت مجهز الملابس بدلني بدون ملل او عجز
وراح ؏ ميز فتح وحدة من الجرارات طلع
سجادتين فرشهن وعدلهن وطلع شال من
الكنتور وگعد جوة رجلي : بغلاتي عندچ اريد تلفين هل
شال ؏ راسچ ونصلي سوية تقربي من رب العالمين
ان الله اذا أحب عبداً ابتلاه ليرجع آليه خاشعًا يرجو
رحمته ، الله يحبچ ويحبني اني وياچ بهذا الاختبار
بعد الضيق والتعب والكسرات فرج من عند الله .

أومأت براسي طلعني توضئت ورجعت
لفيت شعري وعدلت الشال ؏ راسي
وهو لفني بالعبايه صار امامي واني خلفو
قبل لا يصلي گضبت ايدو استدار يدحك بعيوني
ذهب : قبل لا تصلي أحلف ما يجي يوم وترخصني لو تبيعني
لو تعوفني للزمن أنـه بعت الكون كلو لجل عيونك .

كــانـــون : وعد زلمة أنتِ أمانتي للموت ...

نزلت دموعي من التفتت يصلي بعلو صوتو
يدري بيَّ صار فترة تركت الصلاة وخاف
لا اكون نسيت بقيت اصلي ؏ كلامو الى
آن كملت وگعدت ساجدة رفعت ايدي ؏ صدري
وانهاريت رفعت راسي اصرخ بس بدون كلام
الخراب بروحي صار عميق اعمق من قدرة تحملي
بالأخير ما گدرت أكتم اكثر وصحت وروحي
هلكانه : عليش بس اريد اعرف عليش تركتوا هل
ذكريات السيئة بيَّ لو واصلني خبركم وميتين بلا
هل مصيبة اوووفففف اااااخخخخخ يمهههههههه شسويتي
بحالي عذبتيني ورحتي رخصتيني وعفتيني
ابچي عليچ واتذكر كلامچ الرخيص
ابچي عليك بوية وأتذكر لمساتك وضرباتك
ربي انتَ تعلم بحالي ربي برد گلبي تخردلت
اريد بس ارتاح ربي گلبي تعبني
الخنگه هدتني ربي أني ضعيفة بس
انتَ قوي قادر ؏ كُل شي قل لقلبي كن فيكون .

وگعت بعدها ودمرت اخر ذرة قوة بيَّ
رجع سحبني نوم راسي ؏ رجلو
يمسح ؏ راسي ورافع ايدو يدعي
بدون صوت يناجي ربنا ، بقيت
؏ شهگتي هو فتح قرأن وصار يقرآ
بصوت مسموع سورة يس ؏ راسي
وبعد ما كمل همس : اهدي ثواب سورة يس .
ذكر أسم ابوية وامي 
ما مستوعبه رغم المصيبة الصارت
دخلو البيتو ، ونفضح امام جماعتو اهل
مرتو دواعش ، مرتو وعمتو وصلوهن
للموت وهو ما ينطق بحرف واحد يجرحني
بي لو يلومني ؏ انهياري بالعكس مقدر حزني وقهري وتعبي عليهم .

ظميت راسي بحضنو وبصوت مخنوگ
اعترفت : ابوية حاول يعتدي عليَّ ويغتصبني .

خفت ادحك رد فعلو لو نظرات عيونو
بقيت ؏ نفس وضعي بس هو من التشنج
بعد ما سمعت صوت انفاسو لدقايق
جامد ظليت ؏ نفس توتري
رجع يمسح ؏ راسي الى ان غفيت
ونمت ؏ سجادة وراسي ؏ رجلو .

مر وكت مو قليل بس گعدت شبه
شبعانة نوم عدلت نفسي بصعوبة
ورفعت راسي ادحك عليَّ مستند ؏
سرير ونايم هو گاعد نهضت بلا صوت
مشيت بخفة وطلعت  نزلت ؏ أطراف اصابيعي
بعد ما اتحمل اريد أشم الهوى ضنيت باب المطبخ
مقفول بس من حاولت افتحو انفتح طلعت بسرعة
جريت نفس طويل الهوى بارد ثلچ طير خصلات
شعري وتبعثرت كل همومي ، مشيت اكثر خلصت
ممر المطبخ اول ما طلعت الكراج صرخت مرعوبة ؏
طول وضخامة شخص وأكف يدحك ؏ فراغ
تَـــمــوز: أسم الله يول شبلاچ ؟

گضبت گلبي ورديت وجسمي مثل السعفه
ذَهــب: خوفتني والله شعندك هين وشصاير بيك ؟

تَـــمــوز : اكلت مدام نفيخة ونفخت نفسها بوجهي .

ذَهــب: يا مدام نفيخة ؟

تَـــمــوز : متشوفين كــانـــون يحبچ لان معقدة مثلو
لا تعرفين تضحكين يول لا تحششين وحتى مدام نفيخة
ما تعرفيها أفلام كارتون سبونج بوب هاي السمكة المنتفخة .

ذَهــب: دخيلك ربي بدقيقة وحده شكثر حچيت راسي افتر .

تَـــمــوز : سبحان الله هو همات يشكي من كلامي
بس أريد اعرف انتِ وكانون عدكم أختصار للكلمات من تسولفون.

ذَهــب: حير بنفسك لا تحشر نفسك وجهك المنفوخ الصاير فلم بيناتنا .

تَـــمــوز: ام شعفه انتِ دحكتي ؏ روحچ بالمرايا قبل لا تنزلين
صايرة مهبولة ومطلعينها من الشماعية ردت ابو*** على نفسي
من دحكت شكلچ .

ذَهــب: الصراحة تستاهل هل نفخ حتى تبطل تحقيق وتعنيف
مثل الوحشششش ايدك تخلي الواحد يعترف ؏ نفسو .

تَـــمــوز : هذا يا شلولو عامل بيچ هيچ .

ذَهــب: كــانـــون .

تَـــمــوز : هههههههههههههههه والله مابيَّ حيل أضحك
وضحكتيني يا مصگوعه .

التفتت ؏ صوت فتح ألباب والركض
طلع كــانـــون يتنفس سريع مبين راكض
من دحك أنـه موجودة جر نفس وتخضر
كــانـــون : انتِ هين .

تَـــمــوز : تعبان وتلوهث شبلاك ماكو نسوان .

كــانـــون : يولو انتَ همات بيك حيل تسولف وتحچي وتصنف
طلعتك من الموت المثل حالتك اقل شي ينام شهر بالفراش .

تَـــمــوز : ما انام مرتاح اذا ما انتقم مخيخي انتقامي .

كــانـــون : هو مخيخك طيح حظك .

تَـــمــوز : ويطيح حظكم ويايَّ .

قُــسَـم: لا يا خونه مجتمعين بدوني .

تَـــمــوز : صارت بدون تخطيط مرة الثانية ادزلج دعوة
؏ طاري الدعوة ذَهــب كلفتني اشتكي على كانون .

قُــسَـم: شنوووووووو ؟

كــانـــون قوس حاجبو مستغرب
وهذا تَـــمــوز يحچي بجدية: تگول باگ گلبي تحبك تموت عليك .

فر ايدو كــانـــون ودحك علية : تصعدين ترتاحين .

قُــسَـم: لا شعدها بالغرفة حدري ما دام مجتمعين نگعد بالمضيف
مثل ايام قبل ونسولف كلنا ونضحك ونغير جو ما دام الكل نايمين .

تَـــمــوز: الله اي نحتاج .

كــانـــون : اي المنفوخ يحتاج هم زين بيك حيل تسولف وتضحك .

تَـــمــوز : كافي دست بطني المطبور .

اخذتني قُــسَـم للمضيف وهذولي يمشون واحد يقصف الثاني
تَـــمــوز: شبيها ذَهــب ؟

كــانـــون : سد اثمك شوية بس دقيقة .

قُــسَـم : تريدون بتيته وجاي وخبز .

تَـــمــوز : هو غير أسناني ملعوب بيهن خلقه .

قُــسَـم : عادي اچل ؏ ما ملعوب بيهن .

أندفع باب المضيف هي ما تنشاف صارت
وره الباب دخل دوهــان مفزوع ويصيح : يول كــانـــون
تكاونت أنـه وقسم ونزلت من الغرفة وطولت نزلت هساع
نكتت البيت وهي ماكووووووو .

تَـــمــوز : بس لا انهزمت منك ومن سوالفك .

دوهــان: وييييييييييين ترووح بنص اليل كــانـــون
عليش تدحك علية ساعدني راسي تشنج بعد ما أكدر افكر
شلون بيَّ .

طلع يركض وتموز يضحك صعد بدل ونزل هو وتميم بالشورت
واحد يغلط ؏ ثاني يريد يطلع ، كــانـــون رفع ايدو وأشر
التموز : أمشي لا يطلع صدگ .

تَـــمــوز : ادحك هاي الخبيثة والله كيدكن عظيم صارت صنم
وره الباب تريد تشلع گلبووو هههههه .

كــانـــون : تريدين نستمر ؟

قُــسَـم : اي والله فد ساعة .

طلع كــانـــون صاح بي : حدر يول نتفاهم .

دوهــان: لا نتفاهم ولا بطيخ شنو ظليت مصمهر بوجهي والبنت
مادري وين راحت شلعت گلبي والله ورمتو الكلبي .

كــانـــون : ضربتها ؟

دوهــان: لا ومحمد بالعكس ردت اعتذر منها بس هي نزلت
عصبية من تدحك وجهي تحسسني تدحك على وحش تتخبل .

كــانـــون : كم مرة منبهك بطل عصبية اووف منك اوووف .

هو فقد اعصابو من سمع كانون هيج يحچي وياه ويلوم
شال المبردة مخليها ؏ شباك المضيف وشمرها بالگاع
وهو يصيح اعصابو بركان ونفجر : جنت بالواجب ومحمد
بالواجب قبل ساعة رجعت فتت سبحت وردت ارتاح
والله معلعل ومشلوع كلبي بس اريد انام
وبعدني ما مفتهم منها هي تكرررررهني ما تريد اتوجد بالغرفة .

حضنو كــانـــون وبس يسد بشفايفو وتموز خربان
ضحك وعيونو ؏ باب المطبخ لا يطلعون ؏ صوت
المبردة ، بالدفع دخل للمضيف وطلعت قُــسَـم من وره
الباب هو بس أنتبه عليها گعد بعد ومنزل راسو .

تَـــمــوز : أعصابك يولو أعصابك مخابيل على نسوان .

رفع راسو يدحك ؏ قُــسَـم وبصوت
تعبان همس : بالله هذولي يحبون يضحكون وما يستحون
انتِ مو تعرفين أنـه تعبان ما تنقهرين علية وتگولين
خطية تعبان .

قُــسَـم: نمزح وياك لا تصير نفسيه .

دوهــان: حدري أنـه همات امزح وياچ .

ركض وراها بالمضيف وهي تركض همزين
المضيف كلش چبير الكل يضحكون عليهم وهي صغيرة
هو ضخم بس يريد يلزمها ما يگدر تراوغ بالركض وتفوت
من جوة ايدو بكل مهارة الى ان طلعت روحو منها
ورجع گعد ويدحك عليها يضحك ؏ ضحكتها .

ضربت ؏ جبينها وطلعت تركض : احترگ الأكل بوياااايييييي .

تَـــمــوز : شعجب ما طلعوا ؏ صوت المبردة .

كــانـــون : دودكية يعرفون موجودين احنا بالمضيف .

رجعت قُــسَـم بيدها صينية طاوة بتيته وگلاصات چاي
؏ عدد مالتنا ، بقيت بمكاني همَ بدون عزيمة كلهم كل واحد
اخذ مكانو .

تَـــمــوز : تحتاجين عزيمة ؟

ذهب : أنـه ما اكدر اچل .

دوهــان : عليش مخيطين حلگچ .

تُــمــيم : بس لا تستحين يول احنا اخوانچ .

كــانـــون : أنـه هم بعد ما اريد اچل .

دوهــان: وانه اذا ما تاكلين ما اچل .

تَـــمــوز : بشنو أدعي عليچ اذا ما تاكلين راح يبرد الچاي وتخرب
اممممممممممم الگعدة اچلي بربچ لا تفرفحينيييييييي .

ذَهــب: الف عافية عليكم بس نفسيتي مسدودة .

شو هذولي كلهم اعتزلوا وراحوا ؏ ديوان گعدوا
ضايجين ، خجلت منهم ونزلت گعدت ؏ صينية
ذهب : يلة گعدت حدرو .

تَـــمــوز : بعد مانريد .

ذَهــب: ياااااا يمعودين مو گعدت .

نزل كــانـــون وياي وهذا دوهــان صاح : بالعافية عليكم .

تُــمــيم : انسدت نفسنه .

كــانـــون : انززززززززل يلة انتَ وياااااااه .

دوهــان: صار عصبي المطبور .

گعدنا ناكل ويسولفون أنـه عقلي شوية وياهم
وشوية اروح بعيد ، الى ان صار تَـــمــوز
_ ذهب اسمعي هاي مرة كــانـــون گضب تحقيق
الواحد مجرم زايعتو الگاع ، اني دخلت الغرفة التحقيق الثانية اخذت مجرم
وهو بالغرفة الثانية هم اخذ مجرم ، خلصت الأول وسألت
وأحد ويانه اسمو مأمون يول مأمون كــانـــون خلص ؟
گال لا بعدو سيدي ، اخذت الثاني ورجعت حققت وكملت
وطلعت ها مأمون طلع كــانـــون ؟ رد لا والله سيدي بعدو
طلعت روحـي دفرت الباب عليهم ودخلت لگيت كــانـــون
هو والمتهم يشربون جاي وناقصهم حب .

ضحكت ؏ طريقة كلامو وشلون يشرح الموقف
ومحروگ گلبو ويأشر بحيث حتى كــانـــون ضحك
وصاح: يول غير أستجواب .

تَـــمــوز : تستجوب مجرم وتنطي چاي شنيييييي يول
لو يدري بيك الوزير يشگ اهدووووموووووو .

كــانـــون : تريدني احقق مثلك حتى اذا بريىء يعترف ؏ نفسو .

ذَهــب: يبووو تحقيق تَـــمــوز كافررررر اني وصلت مرحلة
أعترفت ؏ نفسي ايدو اذا تضربك تعرض شريط حياتك .

تَـــمــوز : هو هذا التحقيق .

كــانـــون : ضباط التحقيق اكو مثل تَـــمــوز ايدو والضرب
بحيث لا سلام ولا كلام يصلخ المتهم براشدي
أنـه مو هيج اگعد افتهم منو وبكلامي اسحب منو الحقيقية
وهو يعرف اصعب المتهمين بالتفاهم اعترفوا بكلشي .

دوهــان: بهاي أنـه أشهد .

رن تلفون دوهــان هو الوحيد جهازو عندو
كــانـــون وتموز بغرفهم : منو هذا ؟

دوهــان : رقم غريب .

كــانـــون : رد بسرعة .

دوهــان : الو نعم .

سكت لدقايق ورد وهو يرفع راسو يركز
بملامح الكل : 505 وياك اجب .

رجع يستمع للمتصل أنـه كلشي ما افتهمت بس كــانـــون
عدل نفسو وصار يركز هو وتموز وتميم .

دوهــان: عُلم .

سد المكالمة كــانـــون مد ايدو التموز : اريد جكارة .

تعجب تَـــمــوز ورد علية مستغرب
_ انتَ بس من تنقهر تشرب جكاير شصاير .

كــانـــون : انطيني بدون كلام زايد .

اخذ الباكيت وطلع اني مشيت وراه
وگفت مقابيلو رفع راسو وشغل الجكارة
ذَهــب: ادري بيك ضايج تگدر تسألني بخصوص الموضوع
أنـه جاهزة أجاوبك .

دحك علية بحزن وبعيونو الف سؤال
بس كلامو يختلف : لا تعبين نفسچ ماكو سؤال براسي
انتِ تعبانة روحـي ارتاحي .

ذَهــب : بعمري ما لمس شخص جسمي غيرك، انتَ اول إنسان
يمتلكني كلي قلبًا وقالبًا وبحياتي ما ارضى انسان يلوثني
إني وهبت نفسي وروحي فداء الك والـ إخواني .

كــانـــون : بس فوك بلغتيني ابوچ .

ذهب : حاول يعتدي بس رفضت بخبال وهددتهم بيك .

دنج راسو وغمض عيونو وهو يضغط ؏ اسنانو
رفع ايدو رجع شعرو وهمس : روحـي اصعدي ذَهــب
واذا مستعده للتحقيق باجر يتم الاستجواب .

أومأت براسي ودخلت واول ما وصلت الدرج
أنسحبت من أيدي وصار فراس : لحظة اختچ تريدچ .

ذَهــب: منو ؟

فراس : اختچ هَــيـلانـة تريدچ .

تخربط وضعي وسعت عيوني خليت ايدي
؏ گلبي وريگي يبس فرد مرة
ذَهــب: انتَ منين تعرف هَــيـلانـة .

فتح التلفون وعيونو ؏ باب خايف اذا احد يدخل
اسمع رن التلفون صوت جلاد وأضح: ها وينها .

فراس : بيدي .

قدم التلفون ؏ اذني سمعت صوت ادفع عمري
واسمعو وصلني صوت شهگات هَــيـلانـة المتواصلة
هَــيـلانـة: ذَهــب .

لطمت ؏ وجهي وگعت ؏ درج سحبت التلفون
بعدم تصديق ما اصدگ هذا صوتها والله صوتها
ذَهــب: هاي انتِ يا روححح اختچ يا عيون ذَهــب .

هَــيـلانـة: ذَهــب اريد نلتقي ...

يتبع ...

رابط قناة التلي بالبايو مال واتباد وانستا
أشارك وياكم صور عن الأبطال وغش
من البارتات ونتناقش بخصوص البارتات نوروني

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد