تَــجــبـر أحفاد الــ دلــيـم🦅
بقلمي : أساور حسين
المُلْتَقَى _45 _
زرعوني مثل وردة وبدون الماي خلوني
ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
دركْان ، الدرباس ، الــســفــاح ...
هَــيـلانـة : اكرهك .
الــســفــاح: متأكدة ؟
هَــيـلانـة: والعكس صحيح .
بكثر تعبي وجع جسمي وشعور الخيبة
والفشل ضحكت للحظات نسيت أفكر
بالماضي والمستقبل بكل حيلي ضحكت
حكيت عيوني بيدي ورجعت ادحگ بوجهه
وهي تنظر بلهفة تنتظر جوابي وگفت
؏ حيلي ومديت ايدي : هَــيـلانـة تقدمي ويايَّ حدري .
مشيت ومشيت الى ان وصلت الواجهة البيت
الــســفــاح: ادحگي هل باب وركزي بي كلش زين
هل مهجوم اذا هل معشر مال حرس كلهم ما موجودين
علية ، ومفتوع ؏ حيلو وتعرفين بنفسچ بس تعبرين هل
باب تخلصين من داعش متخطين خطوة وتطلعين
اذا مو أنـه لو عزيز وياچ وعدنا علم بهروبچ افتهمتي .
هَــيـلانـة: احنا وين نسولف وأنت وين ؟؟
الــســفــاح: اسولف بالمهم .
خزرتني بعيونها وعبرتني تمشي سريع ودردم
_ النواصه بيچ خير احجي بصوت عالي .
هَــيـلانـة: بعدك هساع راجع بعدين اشتغلك .
_ اروح بس تسوين غلط واحددددد .
وگفت رافعه حاجبها وتخصرت وهي تهز بجسمها
ضغطت ؏ اسناني وبعدت نظراتي منها : عجل عليش رجعت
اذا غايتك تذلني هاااا شكووو ترجعععع ؟
شمرت الجكارة وضغطت عليها وانه
ارد بصوت واضح : غلطت مرة وانسحبت بحالة ضعف
وغلطتي ماتتكرر مصمم افوووز ضروري أربح بهل معركة .
هَــيـلانـة: سالفتك طويلة كلها صراعات ومعارك
ان شاء الله يعني شوكت مقرر نطلع بعد سنة .
الــســفــاح: الصراحة ياريت طلعتكم سهلة هيچ
ونهرب حتى اخلص منچ ومن السانچ الفتاك .
رفعت ايدها بصدمة تأشر ؏ نفسها
وتتگرب تريد تركز بعيوني : تريد تخلص مني ؟
الــســفــاح: ذات العيون السرمدية انزلي نامي فورًا .
هَــيـلانـة: الستار ربي تحول فصحى جاوووب جاووب .
قاطعتها وانه ادحگ ؏ عطاء تتسمع علينة
_ احممم هَــيـلانـة ننزل انام تأخر الوقت .
هَــيـلانـة: جاوبني بالبداية .
نصيت صوتي وهمست بصوت بس هي
تسمع لو ما اخاف ربي انطيها ضربة
؏ راسها اصحيها ؏ زمانها: عطاء تتسمع غادي لا تلتفتين .
بقت جامدة عرفتها خافت تظن عطاء سمعت كلامنا
الــســفــاح : يلة تحركي للغرفة هرولة .
هَــيـلانـة: اي مو جدامككككك حصان .
الــســفــاح : مهرة وأنه خيالها ..
بقت بالدقيقة تدحگ صفح مليت منها
وبعد ماكو حل غير اگضبها من طرف
ملابسها وانزلها ، بس وصلنا للدرج
لمحت بس خيال عطاء تركض عفتها
بالنص ونزلت وحدي وانه اصفگ
بيدي بوجهي للغرفة فكيت الباب صارت
ياسمين جدامي اريد اسد ألباب وهيلانة
شوية بعد وتهجم تموتنا .
الــســفــاح: للمخزن ركض ركض ورانا شغل الصبح .
هَــيـلانـة: شگدددد مقرف ولعوب ايععععع ماتريد
تطلع من هين عاجبك الوضع وهداية النسوان بعد كل مهمة .
الــســفــاح: تعرفين اذا اشيلچ وادفرچ اذا ما اطيرچ
غادي من المعسكر أنـه كلشي ما افتهمممممم بس الخاطر عزيز ساكت .
هَــيـلانـة: الوووحششش العملاق همات يحجي عباد النساء .
ركضت من دحگت اريد اهجم بعد شيصير خلي يصير
بس انقهرت ؏ نفسها بـ اخر لحظة دخلت ياسمين وگفت استعداد
دحگت عليها وسرعان ما نزلت راسي وهمست : شگد عمرچ ؟
ياسمين: 14 مولاي .
الــســفــاح: اين هُم عائلتكِ ؟
ياسمين: اني ماتت منذو سنتين ، وابي في مهمة لصالح الدولة الإسلامية
وعندي أختان متزوجات من رجال يعملون في التنظيم .
الــســفــاح : العائلة متواصلين بداعش اكثر من الله سبحانه .
ياسمين: نعم ؟
الــســفــاح : ماكو شي بس صدگ الوضع
مصخم وملطم وملطخ تلطخ بجير اسود .
درت وجهي وضغطت ؏ اسناني وانه اكمل
: وكون الجير بحلگ ابووووج .
اخذت ملابس ورحت للحمام سبحت ؏ سريع وبدلت
بطريقي للغرفة والنواصه نوصت ؏ راسي : نعيمًا بالعافية .
ابتسمت بطرف شفايفي ورديت بـ استفزاز
_ الله ينعم عليچ يوم ألج .
رفعت هذا اصبعها دقني دق صار بوجهي
ركزت بي وهي تنوص كلمة تنفهم والثانية
نويصه : شنوووو قصدك ماتستحي مو عيب عليك
صدگ من گال ابو المثل آلي استحوا ماتوووووو ..
الــســفــاح: ذات العيون السرمدية هم نواصه
وهم خوثه وعقلچ فارغ شحن والمصيبة نيتج سريرية .
هَــيـلانـة: انتَ تگول يوووم ألج .
الــســفــاح: تسبحين وتغسلين عگلچ وياچ لأن وسخ .
عبرتها ورجعت للغرفة طلعت روحـي من عقلهن
_ وانتِ شعندچ بعددددچ هين اطلعي نامي اريد انام ساعة .
أندفع الباب ودخل جلاد بدون أستاذان
_ يا سفاح أحتاجك غدًا صباحًا بمهمة سريعة مهمة .
رفعت حاجبي وبكل برود ردبت : عند السادسة صباحًا
تجدني عند السيارة .
جلاد : أحسنت .
ياسمين: وانا سوف اخرج حتى ترتاح يا مولاي .
أومأت براسي طلعت ومن التعب غطيت بالنوم الثاني يوم
بـ 6 الصبح بس بدلت وطلعت لگيت هل حيوان منتظر
حيوان والله اذا يسمعني اگول حيوان كارثة تصيح
الــســفــاح: السلام عليكم جلاد .
جلاد : وعليكم السلام ورحمة الله وبركاته
من الجيد آنك تلتزم بالمواعيد اتمنى ان تكون مستعدًا.
الــســفــاح: جاهز هل نذهب .
صعدت بالسيارة اسوق وهو يسولف
ويانه اثنين من الحرس ..
جلاد : سوف انقل عائلتي الى المعسكر أريدهم
ان يكونوا قريبين مني .
الــســفــاح: عائلتك ؏ ما أعتقد لا تملك عائلة اهلك وقد ماتوا
والباقي منكم اولاد عمك فقط .
جلاد : منذ سنتين تعرفت ؏ فتاة وقد احببتها
والله رزقني منها ولد أريد احضارهم امام عيني .
دحگت علية وانه مبتسم بحقد والله وگعت بيدي
يا جلاد ومحد يخلصككككك مني يالعااار .
الــســفــاح: مُبارك سوف ننقلهم بكُل امان الى داخل المعسكر لا تقلق .
جلاد : اخترتك تكون ترافقني لإنني معجب بقوتك وصلابتك .
اكتفيت اهز براسي ورجعت أركز بالطريق الى ان وصلنا
نزلنا جدام سيارة نزل هو سلم ؏ الرجل وفتح الباب الخلفي
سحب بنية بآس راسها وبيدها طفل نزلها لابسه الزي الاسلامي
صعدها وهو صعد وياها بالخلف وترك الحرس مع الرجل
بعدنا ما متحركين وجمدت من دحگت ؏ حرس يرمون
وسقط الرجل سابح بدمو .
جلاد: تحرك ماذا تنتظر ؟
بلعت ريكي بعدم تصديق وكملت السير
خرج صوتهه يرجف : لماذا قتلت اخي لماذا ؟
جلاد: لا اريد ان يسبب مشاكل ويعرقل عملي
من اليوم انا كُل عائلتكِ هل فهمتي .
بقت بس ترعش الى ان وصلنا للمعسكر دخلت السيارة
داخل الگراج نزل هو يركض الواضح مهتم بيها
واحتمال عندو غايه براسو القذر ، دخلها مستعجل
انطيت السيارة للحارس ودخلت ادحگ عليهم مصدوم
صعدها الغرفتو هجست بضربات خفيفة ؏ كتفي
التفتت صارت جدامي هي واصبعها مثل إبره وتحفر
بضهري: منوو هاي البنية ؟
الــســفــاح : وتالي وياج شنوووو هاي الأظافر مال چلاب
ملختي ضهرررري تملخخخخخ قرضيهن اليوووووم .
رفعت ايدها ؏ شفايفها وعيونو موسعتهن
شكبرهن وأيدها الثانية جدام عيوني اصابعها اطوال
بيض وأظافرها ناعمات مرتبات تهمس : أظافر چلب ؟؟؟
الــســفــاح: اييي والله مربيتهن مثل الچلاب ضهري تزلغغغ .
بعدني احجي ومندمج ما هجست غير سحبت ايدي
ونبتت أظافرها بجلدي سحبتها وهي تنسحب تتزلغ
الــســفــاح: يولوووووو ايدي وثوووول وثووووول
هاي ليش هيججججج يا مهبولة .
هَــيـلانـة: تستاهل يا وحشششششش يا عملاق .
عزيز: شكوووو ؟؟
مديت ايدي وصحت بي : ادحگ أختك شسوت بيدي
بالله هذا وضعععععع هاي حالة موووو عيب .
عزيز : هَــيـلانـة حدري هين وين شردتي .
هَــيـلانـة: يگول عليه چلبة تقبلها ؟
عزيز : صحيح هذا الكلام سفاح ؟
الــســفــاح: مو هي چلبة أظافرها مثل الچلب هم مو مثل الچلبة
لااااا چلب ملختني احجي وياهه أختك العوبة .
هَــيـلانـة: عزيز يغلطططط علية وساكت .
الــســفــاح : بعدچ تحجين ملختي ايدي وتحچين .
هَــيـلانـة: عجل شنوووو تريد اخاففففففف .
العزيز: من كثر التعذيب صايرين مخابيل ؟
هَــيـلانـة: اجت بكل أحترام سألت منو هاي صعدت هي وجلاد
وياهه طفل واول مرة ادحگ ؏ جلاد مهتم ببنية صار عندي فضول .
عزيز: منو هاي وشوكت اجت ؟
رديت وانه گاضب ايدي متأذي عاقچ وجهي
وهي صارت بضهر اخوها تضحك
: ؏ اساس حرمتو وهذا ابنو هساع جبناها
اني والجلاد وماعرف عليش موت اخوها جدامها وهي عادي
عدها سكتت وكملت طريقها للمعسكر طبيعي .
هَــيـلانـة: موت اخوووهااا وعادي بكل هدوء صعدت معقولة ؟
الــســفــاح: لا اجذب عليچ أنـه اريد منچ حلاوة
النواصهههههه الخووووثه العووووبه .
هَــيـلانـة: هو منووو حاچي وياككك ؟؟
العزيز : هَــيـلانـة كااااافي كملي شغلچ
وسفاح عقم ايدك عندي كلام وياك .
الــســفــاح: يگول عقم ايدك يعرف اظافر چلب
احمممم لحظات واجي وراك اسبقني .
دخلت صارت عطاء جدامي وگفت بكل أحترام راسها بالأرض
الــســفــاح: كيف حالك يا عطاء ..
عطاء: ممنونه لسؤالك مولاي بغضون يومين وأفتح رأسي .
الــســفــاح: عطاء عدنا لقاح وقاية خربشتني چلبة
علاج التهاب لا تنتقل العدوى .
مشيت للمغاسل وعطاء تضرب ؏ خدها من
دحگت وضع ايدي أنـه اغسل ومركز وسمعت
صوت خافت وكأن تريد تبچي : مو عيب تگول چلبة تقبل اوصفك
هل وصف واجرح مشاعرك ؟
اشرت ؏ ايدي يوگع منها دم بالمغسلة
الــســفــاح: تقبلين أوصل ايدچ لهل حالة ؟
هَــيـلانـة: انتَ استفزيتني بالبداية رغم هذا اسفة
خربشتك بدون قصد بس عصبتني .
وگعت دمعه من عيونها مسحتها وبقت تدحگ ؏ ايدي
_ يولو لا ترخصين دمعتچ وتوگعيها بسرعة .
هَــيـلانـة: انتَ كسرت خاطري .
سديت الماي وگضبتها من طرف ملابسها
لكحتها جوة الدرج ملت راسي لمستواها
وهمست: هيل لا تنزل ادموعچ كافي .
هَــيـلانـة: صح جرحت أيدك بس انتَ تعبتني كُل ما اريد
اصير زينة وياك تنتر بوجهي وتغلط وتكسر خاطري بكلامك
وبعدين تصيح مليت منچ ومن تصرفاتچ وتعوفني وتروح .
الــســفــاح: صحيح آني تصرفاتي غلط وياچ
وانتِ ما غلطانة بس كافي امسحي ادموعچ
يولووو غربلتي حالي كافي .
للحظات فقدت تفكيري والحواجز بيناتنا أختفت
مديت أيدي بكل هدوء بطرف أصبعي مسحت
دمعتها : اسف ..
هَــيـلانـة: گول اسف هيل ..
بهل دقايق المعدودة أختفى ألعالم والاصوات
وصرت اركز بصوتها وعيونها رجعت
أيدي خلف ظهري امنع نفسي إذا تصرفت
تصرف اني احارب مايصير : آسف هَــيـلانـة .
وگعت عيوني ؏ شفايفها وهي تهمس : هيل دركْان هيل .
يبس ريگي ابتسمت بس كلشي بيَّ سكن ؏ صوتها
وصوت بداخل يصيح تصرفك غلط ابتعد عنها
توقف كافي لهنا بس گلبي وعقلي رافضات الابتعاد
إقتربت منها اكثر وما تبعدني غير خطوة همست : آسف هيل..
وهي الثانية رجعت أيدها خلف ضهرها
ادحگ بعيونها ذبلت وشفايفها ترجف
إقتربت اكثر وغلقت عيوني مستسلم
وأنه أقترب سمعت صوت خطوات قريبة
ابتعدت مشيت ؏ سريع ؏ مغسلة غسلت وجهي
اكثر من مرة : لقد أحضرت علاج التهابات مولاي تفضل .
اخذتهن منها وانه ادحگ بعيون هَــيـلانـة
_ احضري بعض الأواني يا عطاء فالبحر اسقط لؤلؤ .
ضحكت بعلو صوتها وعلى ضحكتها ضحكت
اجاني صوت جلاد من فوك الدرج : ماهو المضحك هنا اريد
آن أضحك أضحكني يا سفاح .
الــســفــاح: امور خاصة بيني وبين زوجتي يا جلاد .
نزلت خلف الجلاد بنية متوسطة العمر
تلبس ملابس محتشمة: السلام عليكم .
ركضت عليها عطاء حضنتها وجلاد
ينطي أوامر: رجاء من الان أسمهان مسؤوله
عن هذا المعسكر وانتِ المساعدة هل فهمتي .
عطاء: فهمت يا مولاي .
اسمهان: اطلعينه ؏ المعسكر يا عطاء .
جلاد : دعيني اعرفكِ ؏ أبنت عمي هَــيـلانـة .
اسمهان: اخت ذَهــب ؟
جلاد : نعم اخت العاهرة ذَهــب ، هذهِ لا تقل عهر عن أختها .
هَــيـلانـة: طالعات ؏ أبن عمنا العاهر .
تقدم يريد يضرب صرت جدامو ورفعت ايدي
استوقفوا : أحترم وجودي حتى إحترام وجودك
لا إسمح لك بالسب والشتم ؏ زوجتي اذا تتكرر
الموقف سوف اتصرف تصرفات جديدة معكم .
جلاد : سفاااااااح نبهتك لا تقف بوجهي لأجل هذهِ العاهرة .
الــســفــاح: لا تتجاوز وجودي ، حتى لا اتجاوز حضوركم .
عبرتني هَــيـلانـة وراحت للمخزن كملت طريقي دخلت
الغرفتي اخذت كُل الأسلحة وطلعت صرت قريب
من العزيز وهمست : عرفتها اسمهان إلي تلعب براس البنات
وتخطفهم الجلاد .
العزيز : مو هربت منو كذا مرة .
الــســفــاح: عفية عليك هي نفسها الي سبق وبحثت عليها ورجعتها
الجلاد يعشقها من كل گلبو يحبها نضرب الجلاد
بيها حتى يلتهي عنه ونهرب .
العزيز: بس هي ماتريدو شلون نموتها ؟
الــســفــاح: بسببها چثير بنوات بريئات ماتوا
دمائها قذرة ملطخة بدماء أبرياء من يصير
الوقت مناسب تستلم إشارة مني وتنفذ الخطة وأضح ..
العزيز: وشنو هي الخطة .
الــســفــاح: بالوقت المناسب أفهمك كلشي بالمضبوط .
العزيز: معلوم صار معلوم .
تركتوا وطلعت بعدني بالسيارة واشتغل رجاج الجهاز بقدمي
بدون أنتظار رديت وصلني صوت تَـــمــوز ابتسمت
بس من من هجست نبرة صوتو تعبانه استمعت
الكلامو وصرت أغلي ناررررر نار أغلي
طمنتو وغلقت المكالمة وبدون تردد كتبت رقمو
فراس : الو منو المتصل ؟
دركْان: عندي سؤال مهم آخذ الجواب منك .
فراس : دركْان بابا جوابي ارجع لبيتك عائلتك اصدقائك
اخوك ولد عمك كلهم ينتظروك .
دركْان: والنار بكلبي منو يطفيها .
فراس : من ترجع وتدحگ لوعة گلبك قُــسَـم وحبها هي ودوهان تبرد .
دركْان: حُب ؟؟؟
فراس : حب وصار فترة يجهزون بيتهم الخاص بيهم
وأنت شنو وعودك شنووو باح ماكوووو دركْان معرض روحك
للموت وكلهممم عايشين حياتهم كلهممممم .
دركْان: انتَ جذاب مستحيل هذا الكلام صحيح .
فراس : لوعة گلبك ما تتذكرك بابا عاشت حياتها افتهم .
غلقت المكالمة ارجف طلعت خارج السيارة ضاق النفس
جذاب أنـه متأكدة جذاب رفعت ايدي ؏ گلبي انقبض
عضيت إصبعي وصحت بعلو صوتي جذب انتَ جذاب
گعدت ؏ الرصيف ادحگ ؏ سيارات رفعت راسي
وهمست : ارحمني ربي ارحمني .
مثل المهبول ساعة كاملة أفتر اعرف بي يريد يحرگ گلبي
يريدني أرجع بس ما بالحيف أرجع وأريح كلبك اخليك معلعل
؏ غيابي اعرف أنـه وكانون اذا يصير بينا شي تنتهي والله
اخليكككككك تنتهي مثل ما گلبي معلعل انتَ تتعلعل
رجعت للسيارة واتصلت : اسمعني .
فراس : شنو سؤالك ؟
دركْان : اكو شخص أذاني هل فترة ومستمر بس عندي فرصة
أقضي علية انتَ شنو رأيك اتصرف وياه لو اسمحلو ينهيني ؟
فراس : أتغدى بي قبل لا يتعشى بيك .
دركْان: عُلم ومحمد عُلم وانه همات هذا رأيي .
غلقت المكالمة وطلعت ؏ معسكر كلفت واحد
يراقب البيت الخاص مال تحقيقات السرية
التابعة الفراس ، من الصبح الى ان صار اليل
بلغني بدخولو : أبقى راقب الى ان يطلع صوب علية .
انطيتو امر بس حريص ؏ شروط
الى ان تأخر الوقت اتصل : مولاي صارت حركة راح يطلع
غلقت المكالمة منو واتصلت ؏ رقمو .
فراس : اليوم متذكرني .
دركْان: انطيك هدية صغيرة أعرف بيها قدرك عند ابنك الكبير
وكمية كرررهي وحقدي عليك وعلى تصرفاتك خجلان لان انتَ أبوية .
فراس: شنو قصدك .
هو نطقها وغلقت المكالمة ربع ساعة بس ربع ساعة
وسمعت : مولاي تم التنفيذ .
خويت گعدت بالأرض فاقد الإحساس بكلشي
إتصلت ؏ كــانـــون بصوت مكسور هزيل : كــانـــون قتلت فراس ..
كــانـــون : شنووووووووووو ؟؟
><><><><><><><><><
ذَهــب ...
رضية: انتوا عايشين وانه عايشة هذا العار مايموت ..
تَـــمــوز : اريد اگضب كــانـــون ودگ بوكسات ماقبل اروح
وياهممممم وادحگ ؏ فراس طريح الفراش يابويه اذا مو گدام
الدكاترة اردح اطلع ساقـ *** .
رضية: الخاطر كــانـــون انجعم وسد اثمك
زين وياك تتشمت بوگعت ابو مو عيب .
تَـــمــوز : ابووو هههههههه ابو ابو السحورة لو غيروووو .
ذَهــب: يبقى ابو وتعرف كلش زين كــانـــون ما يحقد ؏
احد وبالخصوص اهلو مهمها بلغت اذيتهم .
تَـــمــوز : مرات اشك انتِ مو حرمتو اختو التوأم
ماكو هيچ قابلية نفسسس الكلام .
رضية: هو يحبها وهي تحبو متفاهمين مو مثلك
همج ايدك والضرب اصبر وادحگ حوبة هل مسكينة شلون تطلع بيك .
تَـــمــوز : مسكينة ؟
رضية: عجل شنو هاي مو اختيارك وذبحت نفسك عليها
وعلى أساس تحبها من اول موقف بيناتكم وأول مشكله
تتحول طنطل ؏ بنت وتستغل هي يتيمة وگلت عادي
ماعدها اهل إضرب بيها ومجبوره تظل عندي .
ضرب تَـــمــوز ؏ صدرو وهو يصرخ
_ يممممممهههههه كافي لا تستفزيني اكثر
حبيتها اي واحترمتها ودخلتها بيتي وضربتني بنص
گلبي من البداية عرفتها ما تحبني بس خدعت نفسي
وگلت بمرور الوقت تحبني ونعيش اني وياهه بسلام
بس ضيعتني گازو ضيعتني .
رضية: ضيعتك هل طفلة حرام عليك ولك خاف الله .
تَـــمــوز : وليش مايخافون الله بيَّ موووو تخردلت
شوكت ابطل اني أضحي واسكت واتغافل مليت
اريد أرد أذيتهم .
رضية: تأذي حرمه ضعيفة يتيمة برگبتها بنوات اصغار .
تَـــمــوز : هي هين المشكلة حبيتها وعدتها أحافظ عليها
وعلى اخواتهااااااا وهي باعتني للمووووت .
رضية: شصااااار ؟
تَـــمــوز : مصار شي .
نزلت گازو وگفت ؏ درج تمسح بدموعها
وتجاوب بعمتي رضية : اني ساعدت فراس بموضوع السحر
شربت ابنچ وخليت بالأكل سحر فراس وتموز يعرف آني تهددت مو بيدي .
گضبها تَـــمــوز من ايدها عوجها ودفعها ؏ حايط
_ مووووو حذرتچ هذا حلگچ تسدي هينوووووب .
رضية: عوفهااااا موووو احجي وياككككك عوفهااااا ..
گازو : عوفي يكمل الضرب عوفي عمه هو ستلهس على ضرب .
تَـــمــوز : وأكسر راسچ حرامات حبي بيچ والله
ادوس گلبي بالنعال اذا بعد يحن لو يفكر بس يفكر يستمر بـ حبچ .
سحبتها عمتي رضية من ايدها گعدتها ؏ تخم وصارت جدامها
تمنع تَـــمــوز يتگرب منها ماتقبل يأذيها
رضية: تهددت من فراس ؟
ذَهــب: أي تهددت وتموز يعرف شنو ومنوو فراس .
رضية: أنـه اكثر وحده اعرف فراس شنو
وتهديداتو شكثر تضرب بالگلب ، أنـه من
تهديدات فرأس أيام طويلة انحرم من ابني
أنـه من تهديدات فراس من ادحگ ؏ ابني
أظل بعيده اخاف ينفد لان اعرف فراس شنووو
نعرررف فررراسسسس شنوووووو عشت
أنـه وياك سنين وعدنا علم بتجبر فراس وقوتو
تلومها شلون تلومها .
تَـــمــوز : جنتي وحدچ محد يدافع عنچ ومجبوره تسكتين عنووو
بس من كبرنا خلصتي منو وطلقتي بقوتنا صحيح لو غلطان ؟
بس هااااي تعرف أنـه ولد عمي بضهرها سمعت كلامووو
وخلت السم بالماي وآكلي .
سحبها من وره عمتي هز البنية هز وهو يصرخ
_ بعد جاوبيني ؏ سؤالي من جنت اتعذب
وفقدت عقلي شنو شعورچ ؟
من تدحگين ؏ امي تبچي وذبلت ؏ ابنها كلبچ ما نقهر ؟
رضية: هي أكثر وحدة تدمرت عليك وگفت ويايَّ وجانت تصبرني
وعيونها مانشفت لحظة ، بكل ساعة تفرش السجادة وتصلي وتدعي
تخلص وتگوم بالسلام .
گضبها من فكها ودفعها ؏ حايط : مشيتي ؏ مبدأ
أقتل القتيل وامشي بجنازتو ..
تسحب بي عمي وانه ازكح اريد بس يعوفها فقد
الى ان امو صارت جدامو تلطم ابتعد وهو يتنفس
سريع وگف بالباب قبل مايطلع صاح : إطلع گ*** يا گازو اذا
تظلين ؏ ذمتي بس تخلص هل مشكلة وتدحگين بعيونچ مصيرچ .
ركضت كازو صعدت وعمتي رضية صاحت
_ ذهب يمه اركضي أريد علاج الضغط من المطبخ .
فتت للمطبخ قُــسَـم بعالم ثاني
گاعدة ؏ ميز ايدها ؏ خدها محتارة
_ شبلاچ ؟
قُــسَـم : تتوقعين دركْان قتل ابو لآن عرف بحملي ؟
ذَهــب: ما أعتقد سمعت من كــانـــون ؏ اساس
تَـــمــوز متصل وسولف الصار وياه بالتفصيل .
قُــسَـم : مستحيل يوصل للقتل بس ؏ هل سبب .
ذَهــب: بعد العلم عند الله انتوا عائلة بيكم خيط بدون سحر وخرابيط .
قُــسَـم : الخيط ابلادي .
اخذت العلاج ورجعت العمتي رضية شربتها وگعدت وياهه
رضية: ما تخابرين ؏ كــانـــون .
ذَهــب: وين تلفونچ اتصلي علية .
رضية: شوكت يشتري مبايل يخلي بيدچ يصير شي
تحتاجين منو شغله مو حلوة هاي انوب ماكو مبايل
انتِ وهاي قُــسَـم العوبة .
ذَهــب: مليت وإنه احجي مبين هو مايريد يجيب
لو يريد بدون ما أطلب يشتري .
رضية: يخاف عليچ يمه .
ذَهــب: اووف منچ يا عمه تكسرين وتجبرين .
رضية: شسوي يا يمه اخاف يصير بينكم مشاكل
علمود هيچ سوالف تافهه هي بس مشاكل فراس كافي علينة .
ذَهــب: ماعندي اهل وأتصل عليهم لهل سبب ما اهتم بالمبايل
أصلًا أنـه أتخوف منو شوية أتأثر بالكلام واخاف بيوم يتصلون
علية واعرف الأول والتالي واغلط .
رضية: بس يجي ابلغو مايشتري مبايل .
ذَهــب: ههههههه وينو المبايل .
رضية: بغرفتي يمه وبعد لا تگولين عمه مثل ما علمتچ
گولي يمه رضية .
ذَهــب: كم يوم وياخذ لساني عاد انتِ تستحقين كلمة يمه .
خلصتها ليلي ونهار كامل اتصل ؏ كــانـــون ماكو رد دوهــان مغلق
عمامهم ولا بيهم شريف يجاوب مليت وطلعت روحـي نمت ثاني
يوم من وقت گعدت ؏ صوت قُــسَـم : گومي يولو جهزت أكل
من البارحة بلا اچل عليمن ؏ فراس ابو الملاهي .
ذَهــب: يمعودة اخاف ميت حرام نغلط .
قُــسَـم : اني اگلج حلال واحد يغلط ؏ فراس ملاهي والله حلال .
غسلت وجهي ونزلت وياها تَـــمــوز گاعد ؏ تخم
يلعب بالتلفون وامو تكابر وياه ولا تحچي وهو يعاند
مايقبل يگعد ويانه ؏ سفرة يريد امو تتوسل بي
ذَهــب : عندو كرامه عالية .
تَـــمــوز : وقميص يوزر سيف اضحك العالم عليچ .
ذَهــب: ماتگدر ومحمد اجلح أملح وين توصلني
تحتاج سنوات وهمات ماتوصل .
تَـــمــوز : عود انتِ حلوة ؟
ذَهــب: عندك أعتراض تگدر اطلع عيب واحد .
تَـــمــوز : وين اكو حنطاوية عيونها ملونة
ومحمد راح تضحكين العالم علينة روحـي
ضربي ابر تبيض ابر توريد أنـه إدفع بس روحـي .
ذَهــب: صار كريم براسي المنفوخ المسحور
عالج فرط الحركة بوجهككك عالجها لا تضحك العالم علينة .
قُــسَـم : ردها آن أستطعت عبرت مراحل البرنو .
رضية: شلون أنـه بذهب وتموز كل ما تگعدون سوية
يصير عندي دوخة وهاي البرنو تصفگ .
ذَهــب: يمه هو يتحارش..
تَـــمــوز : وقميص يوزر سيف كــانـــون محلفني
ما اقصفچ لو علية هساع اخليچ ما تندلين دربچ من الفشله
اوووففففف بسسس اوووف گلبـي لين .
ذَهــب: عفية اششش نريد ناكل براحة ولا تكثر سوالف ويايَّ
لا انوب يطلع أبني يشبهك لو يشبه سوالفك .
تَـــمــوز : بحق محمد بحق كل حرف بالقران يطلع
نسخة من عمو تَـــمــوز ونفس سوالفي ونفس السمار
ونفس العيون والضحكة يارب يارب أستجيب دعائي يارب.
ذَهــب: عبالك وحده حيه وتدعي عوذة
بس يطلع يشبهك ابشرك أتبرع بي الماما رضية.
تَـــمــوز : آول وتالي أمي تربيهم انتن العوبات
الفاهيات وينچن وين التربية توگع براس هل مسكينة .
ذَهــب: يمممممهههه رضية .
رضية: راح اگوم اذا ما اطردكم اثنينكم كلشي ما افتهم .
قُــسَـم : هذا دوهــان يتصل بالله اسكتوا اريد اسمع .
_ الوو هلو دهن حر مو اخابر عليك عليش ماتجاوب .
_ يولوو البرنو الصرصور غير ماكو شحن
اليوم شحنت الجهاز المهم ساعة ونوصل
اني وكانون وتميم جهزوا الآكل مانريد نروح بذاك البيت .
قُــسَـم : حاضر حاضر ، يمه رضية جايين بالطريق يريدون اچل .
لملمت السفرة وبعدني اتعارك انه وتموز
وقسم وعمتي بالمطبخ يجهزون بالأكل
رتبت البيت كلو وصعدت ؏ غرفتي عدلتها
سمعت أصوات السيارات نزلت أركض
راحت عمه رضية حضنت كــانـــون
بقيت صافنه عليهم وما ادحگ غير
اندفعوا وصار فراس بوسط الصالة
_ لا بالمستشفى گدرت احجي لان الدكاتره موجودين
وبالسيارة الحرس مالتي متواجدين بس انتظرت هل لحظة .
وگف كــانـــون جدامو يستفسر : نعممم سلامات
انتَ مو مريض المفروض ترتاح .
فراس : لا تقلق أرتاح بس بعد ما انطق بهل كلمتي .
كــانـــون : مووو وقت كلام اسمع مني وروح أرتاح .
عمتي رضية راحت بصف تَـــمــوز وگفت
ودوهان گعد ؏ تخم يدحك من بعيد وقسم تلاخص
بي من بعيد البعيد: سبب ضربتي دركْان
ضربني لان بعدوو يريد قُــسَـم .
كــانـــون : لااااا تخترق كلام منككككككك دركْان من يوم
زواجها ابتعد وبعد مايفكر بيها يخاف ربوو مو مثل ابووووو .
دفع كــانـــون بعزو بحياو ولا عبالك مضروب بكتفو
_ انصحك نصيحة لله يا كــانـــون لا توگف بوجهي ولا تجاوز .
كــانـــون : لااااااااااااا تشغل الفتنه مشاكل لااااااا تخلق
استحي ؏ شيبتك مووو والله خليتني اخجل انتَ ابووووي .
فراس : عجل دركْان عليش يضرب ابووووو هااا
تعبت بيكم اخاف عليك وعلى اخوك من الهوى الطاير
ربيت وكبرت و.....
رفع اصبعو وصاح بوجهو : موووو تربيتككككك خفت حتى
تربينا لان ما ردت نطلع نسخ منكككككككك نفسك انتَ نفسك
ما عاجبتك وردت تغيرررهاااا بس ابوووو طبع مايغيرر طبعووو .
تَـــمــوز : تالي ما تالي ولدك صاروا نسخة فارس
إلي حاربتو وموتو نسخة مستنسخة من اخووووك
ابن امك وابوك .
فراس : وأنت أنـه ربيتك .
تَـــمــوز : ربيتني ؏ خبث هههههههه ربيتني وعلمتني شلون
انتقم منك بكل مرة تضربني بيهاااا ومحمد لو مو ولدك بعيوني
من زمان امووووتك .
فراس : انتَ بسببك دركْان ضربني .
تَـــمــوز : ايي أنـه اتصلت بي وبلغتو بكل عمايل ابوو وضربك
وما قصر وكفووو منووووو زلمة بس ابن فاسد خلص عمرو
بالرذيلة والعهر والسفالة.
فراس : بعدك تسولف يا تموز هذا ابني الغبي هذا الغبي هو رجعك تحچي
وترادد هو رب المتزوج داعشية ما يرجع عقلكككككك بسسسسس
اربز جايتك ضربة قاضية .
الكل لاحظ خوف كــانـــون من تهديد ابو
يعرفو من يهدد ينفذ نهز وهو يزگح : شتسووووي بعددددد كافي
تهديد كاااافي خاف ربك شلووون باجر من تنزل بالحفرة وحدككك
مافكرت شلوووون تقابل ربككككككك اختاريت الدنيا انتَ حرررام
عليكككككك والله عمايلك ما يلبس عليهن ثوووب خزيتني نزلت راسي .
فراس : شبلاك كافي منوووو يمكككك .
تراجع فراس عن كلامو وركز بحالة كــانـــون
_ ما اتحمل تصرفاتككككك لهنا وكافي خرب هيججججج حياة
خليتني أوصل مرحلة اتمنى مووووتككككك تعبتني انتَ تعبتني
الى متى تستمر بالتجبر والطغيان وين اكووو زلمة يسوي سحر
والله استحي احد يسمعععع الرتبة ترس اكتافك وتسوي سوالف
نسوانه ما سوتها شنووو تحسسسسس فهمني شنوووو شتحس .
فراس : دوهااان تُــمــيم لا يصير بي شي گضبووو يولوووو .
دوهــان: خلي يصير بي شي يمكن بذاك الوقت تتعض وتصير أدمي .
كــانـــون : اريد حل انطيني حل وين تريد توصل
لا بقيت جبير ولا صغيرررر يسلمون منك ومن شرك
مأمون وينووو من اتفق هو وتموز طار الزلمة محد يندل دربووو
وينو السحرررر المدفووون محد يعرف خليتني افتر بالسادة
ومانعرف منووو الصح ومنو الكذب حيرتني والله تعبتني وكبرتني
الدواعش متفقين علينة لان مخططنا يوگع نص تنظيمهم والله
شنوو تهددت رحت اتفقت وتفاوضت وياهمممم حتى حضرتك
ماتموت بالله مووو المووووت حلال بيكككككككك .
فراس : منوو متفق هو وداعش وداعتك بابا ماعندي علاقة بيهم .
كــانـــون : ومكالماتك انتَ وجلاد بيت بيوت تلعبون بالمكالمة ؟
فراس : يريد بنت عمووو وانه لان اخاف عليك ردت اسلمها
وما صارت وبعد أنـه اشيل ايدي منك ومن زوجتك شعندي وياكم .
كــانـــون : وينو مأمون فهمني وينوووو برگبتوو عائلة
امو واخواتوو كلهم برگبتووو .
فراس : عاقبتو ونقلتو بالمقدمة مال قتال ..
كــانـــون : يرجععععع تتصل هساااععععع يررجععععع
لا احرگ الدنيا ؏ راسكممممم وعلى راسي اني مستعد
اروح واعترف بكل اخياسسسس هل عائلة للحكومة
ونتحاكم كلناااا ما نستحق الرتب كلنااااا .
رفع التلفون فراس وفتح الصوت عالي
_ معتمد مأمون خليل يرجع للمقر مالتنا خلصت العقوبة .
غلق المكالمة وكانون رگع الخايط بكل قوتو والتفت
؏ ابو اصابيعو كلها تجري دم : والسحررر والله عجيب زلمة
وتسوي سحرر راسي صار بالوحل والله بالوحل وينو مدفون .
فراس : معليك بالسحررر كــانـــون اطلعععع منهااا .
كــانـــون : نعرف منووو وياككككك منو ينقل اخبارنا
ومنو شرب تَـــمــوز السحر كلشي اعرف كلشي بس جنت اربز الوقت
المناسب حتى نتواجه صار چثير ما مواجهك تريد تموووتني
مثل دركْان لا تعذبني اخذ اسلاح وأرمي صير زلمة مثل دركْان
تعلم من شهامتوووووو وقوتووووووو تعلمممممممم .
دفر التخم فراس وراسو أفتر دخلوا اخوتو
يستفسرون من الأصوات وياهم جدهم
فراس : لاااااا تتجاوززززززززز كــانـــون .
كــانـــون : ربي وصاني بر الوالدين بس نبهني اذا جاهداك ان تشرك بي
وانه ابوية شرك برب العالمين وطلع عن الاسلام بنظري بيوم
ما تلطخت ايدوووو بسحر ضد يتيممممم ابن اخوووككككك
ما اطيعك من اليوم ما اطيعك ولا انتَ ابوي ولا اعررفككك
لهنا وانتهت .
ابو فراس : شنووو هذا الكلامممم جدو كــانـــون هاي عود انتَ العاقل
ما تدحگ وضع ابوك مو تمام .
كــانـــون : بي حيلي وحيلكمممم لا تخاف مايموت
ربنا ياخذ الطيبين حتى يخلصهم من هل دنيا وناسهاااا
الكافرة امثال فررراس ابنكككككك .
گضب كــانـــون راسو وكمل كلامو موجهو الأبو
_وين السحر المدفووون لا تبهذلني بالسادة وتخليني احقد
عليكككك اكثر من حقدي هساع لا تخليني اروح وره دركْان
ونهج منك وتفاس لا مني ولا من ابنك الكبير ..
فراس : ابو دوهــان ابو تُــمــيم تحركو احجوا شي وياه
بس يگعد ونتفاهمممممم راح يصيرررر بي شي منو يفيدني
الـ ****** تمووز لو ولدكم العاريه .
كــانـــون : السحرررر وين مدفون ؟
دگ صدرو وصاح وهو يرجف ؏ حالة كــانـــون
وگفت بالزاوية بكثر ما الموقف مرعب ابچي
الى ان عيوني بعد ورمت : ما اريد اذكر المكان بس والله
يطلع ويبطل لو اليوم لو باجر .
كــانـــون : أنـه هساع اروح انطيني المكان يا مقبرة ؟
فراس : كــانـــون بابا كافي گلت آني ابطل العمل مثل ما سويته
لا تعانددد كافي تصير مشاكل اكبر اذا ينعرف المكان .
ضرب كــانـــون جام الشباك صار طحين بيدو
_ وينووووووووووو احجي وينوووووووو .
فراس : بقبر فارس ابو تَـــمــوز ...
يتبع ...
- الرساله ؛ ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!