تجبر أحفاد الــ دليم الفصل التاسع وأربعون 49 - بقلم اساور حسين

تَــجــبـر أحفاد الــ دلــيـم🦅
بقلمي : أساور حسين
المُلْتَقَى _46 _

وآنه ياهو؟
وآنه وين؟
وهالسنين منين أجتني؟
وياهو حط ثگل السما كُله اعلى متني ؟

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
ذَهــب ...

هين عمتي فقدت لطمت لطم بحيث أنـه وقسم
بس نريد نسيطر عليها ونوگفها ، تَـــمــوز بس
دحگت علية بچيت ودموعي من كثر القهر نزلت
حارة گعد بالأرض كلام فراس يوگف العقل

صاح كــانـــون وايدو ؏ راسو ما مستوعب
_ اطلعوا برة خلوني اني وفررراس وحدنا .

عاط اكثر من مرة اضطرينا ندخل للمطبخ ونسد الباب
وعمامو وجدو بالگراج اسمع صوتو بي نبحت بچي
_ فكيت قبر اخوووك شلون گدرت كلبككك هيچ جامد يطاوعك
تحفر تراب اخووك وتعذبوو وتخلي سحر دمار ابنو يم راسووو
مستوعب المصيبة مافكرت بالعقاب مافكرت بالله سبحانه معقولة ؟؟

فراس : غلطت وراح اصحح الغلط بس لا تسوي هيچ كــانـــون بابا
اگعد بس اگعد نتفاهم هساع بهاي حالتي راجع القبر عمك
وكلشي يرجع طبيعي ومثل ماتريد وتأمرني .

كــانـــون : لااااا تگول بابا أنـه مو ابنككككككك مووو ابنككككك
بريئ منكككككك ليوم الدين بريئ منكككككككك .

فراس : وينكمم يولوووووو الغبران
كــانـــون راح يصير بي شي حدروووو ساعدوني .

دحگت ؏ عمتي رضية مسحت وجهه وهي تهتز ودموعها
عشرة عشرة تغسل بوجهه جرت نفس عافت ابنها بصدمتو
وهمست : كــانـــون راح يتخبل لو يموت اروح الحگ علية .

دفعت الباب وفاتت سحبتو من ايدو وگعدتو ؏ تخم
وهو رفع راسو يدحگ عليها بصدمة وعيونو حمرة من القهر
ويكابر ماينزل دموعو أشر ؏ ابو وهو يشهگ بدون دموع
نزلت رضية ايدو وهزت راسها تگلو افتهمك
_ كــانـــون يمه ادحگ بوجهي يمه الخاطري بروح عمك
كافي مايستاهل يصير بيك شي بسببوو لا تضعف جدام انسان مريض
مثلووو الله يعثررو وياخذ حقكم منوو .

كــانـــون : يريد اليوم يبطل العمل عادي عندو يرجع
يحفر قبر اخووووووو ليشششششششش دركان مااااا موووتووووو
ليشششششششش ما خلصنا منوووووووووو احنا بمصيبة .

طلع فراس بس مكسور الى درجة من شفتو لليوم
ولا مرة دحگت علية بهل انهدام طلعت عمتي رضية
تركض وراه : تريد تموتهمممممم الله ينتقم منككك بهذلتهم خطية تعبتهم
شتريد منهممممممممم عوفهم يعيشون حياتهممم .

فراس : أنـه ما اموووتهم أنـه استهدف گلبهم .

كمل جملتو وطلع بقت هل جملة ترن بـ إذني
ما جنت أعرف هل كلمات اول دمارنا ..

التفتت أريد احجي وسعت عيوني من دحگت
؏ تَـــمــوز طلع يعدل بالسلاح عبرنا وراح
كــانـــون منزل راسو بالأرض ويعصر بيدو
من سمع قُــسَـم صاحت : تَـــمــوز الله يخليك لا تكبرها.

رفع راسو وگمز صار جدامو وحضنو بكل قوتو
وهو يهمس بصوت تعبان : الصار صعب نتخطى
ابوي الظالم وابوك المظلوم وابنو المخذول خجلان منك و ..

تَـــمــوز : لا تكمل انتَ عضيدي حزام ضهري
مظلوم حالك من حالنه ما اختاريت ابوك انتَ ما اختاريت
بس اخذها مني كلمة أنـه أخلص ؏ تجبرو والتسلط ينتهي على ايدي .

ابتعد من كــانـــون وعمتي رضية ترتعد ؏ ابنها
لا يغلط ويقضي ؏ حياتو قبل لا يطلع استدار يريدها
تطمئن: لا تخافين رايح الأبوية اريد اشكيلو ؏ طغيان اهلو
شكثر ابوي محظوظ خلص منهم قبل لا يتلوث بمصايبهم .

كــانـــون : أروح وياك انتظرني ..

تَـــمــوز : لاااا لاااا أنـه اروح وحيدي ماريد شخص ويايَّ .

دوهــان: ول كــانـــون خوية خلي يروح بس نبدل ونرجع
للأنبار اول وتالي لازم نروح ونطلع العمل من القبر .

طلع تَـــمــوز بسيارتو وامو إحتارت بزمانها تحير تلطم لو تصبر
بـ احفاد الدليم كلهم ثائرين ضد فراس وگلوبهم محملينها حقد وبغض
ترك كــانـــون كل الصار وصعد ؏ سريع ركضت وراه
رغم اخر موقف صار بيناتنا وزعلي منو بس مايهون عليَّ
اخلي وحدو : أساعدك ؟

جاوبني وهو يبعد نظراتو عني مستعجل يفتح بدگم القميص
_ هيري ملابسي بس أسبح أرجع للأنبار
جنت نايم بمستشفى الخاطر شخص مجرم ما يستاهل .

عبرني ودخل للحمام بس كمل دخل اخذ الملابس مني وهمس
_ يلة اطلعي بسااااعچ .

تركت الغرفة وركضت وگفت بالباب عديت بكلبي
1,2,3,4,5,
الى ان وصلت 25 رجعت دخلت أتبع تحركاتو
أتأمل يحچي ويايَّ بس ردت فعلو الباردة اتجاهي
جرحتني إلى درجة طلع من الغرفة بدون ما يلتفت
وگفت ؏ محجر ادحگ تحركاتهم واسمع كلامهم
رضية: توكم راجعين ابني بس اچلو ناموا ساعة
أخاف عليكم من الطريق قابل الأنبار عبور الشارع
طريقها يهد الحيل وماصار ساعتين من راجعين .

دوهــان: عجل نعوف تَـــمــوز لحالو ، والعمل الى متى
يظل بقبر عمي يطلععع بـ أقرب وكت يطلع ونخلص
وحساب فراس ماينتهي لهنا كل اذيتو ترجع ؏ مليم .

راحوا مستعجلين گعدت ؏ درج منهارة
ضغط نفسي من كل الاتجاهات من جهة أخواني
ومن جهة ثانية زواجي المهدد بالدمار
ومشاكل هل عائلتين ماتخلص ماتخلصصص دمروني
بقيت احوم بين غرفتي وبين أنزل اطمئن ؏ رضية
وبين ارجع اتفحص وضع گازو واحتياجات أخواتها
الى ان صار اليوم الثاني رن التلفون ؏ عمتي رضية واصلين ومطلعين العمل جدام تَـــمــوز ومنهار واگع وبس يريدون يرجعون بسلامة
حتى يدخل مستشفى ، بقت امو بوسط النار كل خمس غشر دقايق
تتصل وينكم وينو تَـــمــوز الثالث يوم داخلين مستشفى بوسط بغداد
تحاليل وعلاجات ومراقبة يوم كامل اجه دوهــان اخذ رضية
ورجع للمستشفى لان يباتون غادي ، بقيت اني والبنات مقفلين البوب
قُــسَـم ام دميعة خلصتها تبچي وادگ وتلطم وتدعي ؏ فراس
بقيت اركض بالبيت اعدل شلون مكان اذا شي اعرف انظفو
بس ؏ هامش لان ماعرف بسوالف التنظيف .

للفجر بين الگاعدة والنايمة سمعت صوتوا يقرأ القران
نهضت بكل هدوء وتأني گعدت وتربعت جدامو
ادحگ بوجهو أتأمل ملامحو تصدق ورفع راسو
بدون كلام يركز بعيوني : شسويت بيَّ بعمري ماتخيلت
أضعف جدام الرائد كــانـــون أنـه هين حتى اموتك شصار شنو تغير .

رفع ايدو تلمس وجهي بكُل سكون ورزانة
_ غربلتيني وتعبتيني أكثر منهم كلهم .

ذَهــب: راضي ؏ تصرفك الأخير ويايَّ ؟

عدل حاجبي بطرف اصبعو وهو يركز بعيوني
_ لا .

ذَهــب: اطلبك أعتذار او تعويض اثنينهن مقبول .

مرد شفايفي بـ اصابعو وسحبني من رجلي قربني
آكثر: تريدين أنفذ مطلبچ ، تريدين ننفصل ؟

بلعت ريگي ونزلت أيدي گضبت ايدو بسكينة
_ تگدر تعوفني ؟

جر نفس من رگبتي ورجع يركز بملامحي
_اگدر في سبيل ما انذل حبچ ماريد يذلني .

بحركات دائرية مشيت إصبعي براحة ايدو
_ تحبني ماتگدر صعبة عليك .

طبع بوسه بوسط عيوني ونزل أكثر
باس خدي وأبتعد وكآن عايش بحرب
بين عقلو الرافض وجودي وقلبو المجبور بيَّ
_ ادوس ؏ گلبي واعبر اذا يسمح بـ إهانتي .

ملت راسي وهمست : تريد ادوس عليَّ وتعبرني ؟

ذبلت عيونو بخدر تگرب اكثر
وهو يهمس بـ انفاس ثقيلة: شنو تريدين مني هوبا شنو تريدين فهميني ؟

رجعت خصلات شعري من عجبني ضعفو جدامي
مشيت أيدي ؏ أزرار قميصو وهو يتبع تحركاتي
_ طلب سهل أسمع اخبار وصوت أخواني وبسس
متخيل شكثر سهل طلبي .

رفع ايدي من قميصو وهو ينتر بتعب
_ لا تستفزيني لا تستغلين ضعفي لا تذليني بيچ كافي .

دفعت نفسي بعيد عنو ونهضت أشرت بيدي
_ ماكو داعي تسوي مشاكل انتَ تعبان أرتاح .

گضب ايدي بقوة قوس حواجبو
وهو يشتاط غضب : راحتي يمچ وانتِ تمنعيني منچ .

بدون كلام تركت الغرفة وطلعت منها
وبس صوت التكسير مسموع يرج بكلبي رج
نزلت للمطبخ اخذت گلاص ماي بارد شربتو
بكلبي هجست نار تلهب لهب ، بقيت بالنص
ساعة بنفس مكاني نعست وعيوني ثگلت
توجهت الغرفة عمتي رضية دگيت ألباب
وصلني صوتها : أدخل .

فكيت الباب بعدها فارشه سجادتها تكمل صلاة الفجر
_ عادي أدخل انام يمچ اليوم .

رضية: هلا بيچ امي البيت بيتچ .

مشيت نمت ؏ سريرها وهي رجعت تكمل صلاتها
افكار وافكار براسي اذتني أحب كــانـــون حب مستحيل
ينوصف ومن يتأذى يأذيني إضعاف ، ومن صفحة ثانية
ماريد اتركوا بس لازم يطمني عن اخواني حتى استقر بحياتي
؏ اقل بس يگول اخوانچ بخير وبـ أمانتي ..

اجت رضية بعد ماكملت نامت بصفي دحك علية
وهمست: كــانـــون تعبان لا تعبي أكثر وتصيرين انتِ وفراس علية .

ذَهــب : ماتتصورين قهري اموت والله اموت اذا ينقهر بسببي
بس هو يجبرني ابتعد عنو يا عمه يعني لا يقبل يطمني ؏ أخواني
ولا يقبل آني ادورهم يريدني اعيش حياة طبيعية ويايَّ وأنه تعرفت
وتزوجت منو الخاطر إخواني .

رضية: ومن تعوفين غرفة نومكم ينحل الموضوع ؟

ذَهــب: ماترك خيار ثاني جبرني ابتعد واصدو بكل مرة يقترب مني .

رضية: بودي انصح وتاخذون بنصيحتي انتِ لو قُــسَـم
وحتى ازواجكم كلكم راسكم يابس
ابني ضرب هل مسكينة الى ان طلعت روحها
وهو يعرف مجبورة وتهددت من شخص متجبر
ودوهان لليوم ما مستقر بحياتو بكثر مايهتم الكلام الكل
ساعة ياخذ كلام امو ويريد يخطب وساعة يحارب
قُــسَـم وساعة يريدها ويحارب الكل علمودها
وانتِ وهل كــانـــون عود عاقلين مخلصينها
يوم صلح وعشرة زعل تعبتوني وياكم تعبتوني .

دارت وجهه مني ونامت بقيت للصبح عيوني ماتاخذ النوم
منظر كــانـــون ما يفارگني حرت والله حرت
صارت بـ 6 الصبح سمعت حركة بالبيت لحظات وانفتح
ألباب خطفت النظر لمحت كــانـــون مثلت النوم بس عمتي
رضية ما سكتت: ها يمه كــانـــون ادور ؏ حرمتك .

كــانـــون : تأخر الوقت واخذتني نومه فزيت وهي بعدها ماكو
عبالي بيها شي نزلت ادحگ وينها ..

رضية: واضح من عيونك الحمرة والجكارة بيدك وشعرك
المخربط جنت نايم واضح الجذب واضح ، هاي گعدها وآخذها ..

كــانـــون : لا عوفيها ؏ راحتها هي من تريدني تجي للغرفة .

سد الباب واسمع صوت خطواتو ؏ درج
غفيت من التعب الثاني يوم گعدت ؏ اصواتهم بالمطبخ
صعدت بوجهي فوك رتبت الغرفة صايرة هوسة
وبدلت ونزلت لگيت الكل مجتمعين ؏ سفرة وحدة غسلت وجهي
ومشيت گعدت بصف قُــسَـم : ذَهــب جنتنا المعدلة والله
لو بعدنا بيت واحد وام كــانـــون ودوهان موجودات بنص احلامچ
تگعدين هل گعده اذا ما تكربين كرب الزمال مو عدل عدهن .

دوهــان: أكلي وانتِ ساكتة من الصبح ..

قُــسَـم : هاي عليمن ؟

دوهــان: ؏ تَـــمــوز بس كملي اچل ورانا شغل.

تَـــمــوز : انعل أبوك الأبو أبوهه عليش تنبصوني بالنص .

دوهــان : ردت اتعارك وياك لآن غلطت ؏ أهلنا بس تذكرت يستاهلون .

كــانـــون : شعندك شغل ؟

دوهــان: أخذت بيت جدام بيوتكم گلت نصبغ قبل الأثاث .

كــانـــون : بس تحتاج شي تعرف شتسوي مو ؟

دوهــان: ماتقصر ابو كرم .

قُــسَـم : ذهب ابو كرم شني هااا ابو كرم شني هاي طلقة صباحية
لا تعيدها لا اصب الچاي ؏ راسك .

كــانـــون : شنو هل كلام حقيقة لا تنكر أنـه ابو كرم .

ذَهــب:الله يرحم قبل جانت ابو كرم بالسر هساع صارت علنًا .

رضية: دوهــان اخذ البرنو بس ترمي من الصبح همَّ بلا شي
معارك للصبح وتزيدون النار حطب هساع هين يتبعثرون .

تَـــمــوز : الله تخيلت ذَهــب تكتل كــانـــون وتخلي راسو بطاوة البيض .

دوهــان : ونفاككهم لو لا هههههههه ؟

قُــسَـم : بالبداية ناخذ صفنات الصدمة بعدين نفاكك
بس احلف ؏ ذهب اذا تصير عصبية تگضبكم وتكتلكم كلكم .

ذَهــب: وانتِ وياهم اكيد .

تَـــمــوز : عجل بشارب امي تفاكك العركة .

كــانون : الحمدلله .. عمه كملي وطلعلي الغراض انتظرچ بره بين
ما تكملين هل زعاطيط دوخوني مايدرون من اتخبل اكسر راسهممم
گال انتِ وياهمممم گال شلون حوك .

تَـــمــوز : لااااا كــانـــون لااااا ابو كرم مامرجيه منك
تگول ؏ ذَهــب مو حوك لاااا شنووو هايييي خطية راح تبچي .

ذَهــب: تمووووووووز عووووفني بحالي لا اطلع ضيم گلبي بيك .

گام وهو يصيح ويضحك بس عيونو حزينة
_ يولووووووو كــانـــون عقده المطبووور حرمتك عدهااا
ضيم بگلبهااااا تبيع براسنا والنساء وانه ضعيف جدامهن
وحرمتك تريد تنفجر من الضيمممم افااااااا والله افاااااا .

دوهــان: كملي قُــسَـم وحدري أطلع اسولف وياهم
مشتاق لسوالف تَـــمــوز الطايح حظها ..

رضية: اخاف عليكم ما طولون دقيقتين وكانون
يرعد عليكم ويطشركم طشار .

طلع وهو يضحك اخذت جبن اچل بي هيچ
وأستمع القسم : شبلاكم انتِ وكانون البارحة حرب .

ذَهــب: بعدنا بالتهديدات مواصلين للحرب العالمية الثالثة .

رضية: عوفوني من هل سوالف خاصة بينها وبين كــانـــون
وانتِ مشاكلچ بينچ وبين زلمتچ گومي بساعچ اخذي اچل
للبنية هي وأخواتها قبل لا تروحين.

نهضت قُــسَـم رتبت صينية وصعدتها
دقايق ونزلت تلف بالشال : انطيتها الآكل ولا تقبل تحچي ويايَّ
بس سألتني ؏ تَـــمــوز مادري شعدها وياه .

رضية: اني حجيت وياها أريدها تگعد وياه وحدهم وتسولف بلكي يقتنع
ويسامحها خطية ماتريد ترجع تتبهذل هي وهل بنوات الصغار .

قُــسَـم : شلون يسامحها دخيل ربچ يمه رضية
الصار مو سهل تَـــمــوز يعشقها وحارب الكل
حتى يحصل عليها وانتِ تعرفين كلش زين
يصفن ؏ حلگها من تحچي هايم بيها هايم
تالي ما تالي خبلتو .

ذَهــب: مجبورة بنتي مجبورة شنو هل عقل عندچ
مثل ما جبرني جلاد اسلم كــانـــون وابو الخاطر اخواني
وبوقتها وافقت وعندي استعداد اسلمهم ، فراس نسخة
عن جلاد جبرها وهددها بـ اخواتها ، أنـه اكثر وحده
اتفهم تفكير گازو من يكون الهدف اخوانچ بعد لا إراديًا ما تفكرين بغيرهم .

قُــسَـم : انتِ تركتي اخوانچ واختاريتي كــانـــون .

ذَهــب: أنـه تركت اخواني مهبولة شنوووو كُل عگلچ .

قُــسَـم : من رفضتي خطط ابن عمچ وبلغتي كــانـــون بكلشي
واخوانچ بيد جلاد وهساع انتِ عايشة وين عند كــانـــون
وجلاد يعرف ذهب وكانون عايشين حياة طبيعية كـ زوجين
وانتِ حامل شنو تفسير الصار ؟؟؟

ذَهــب: ماتركت اخواني وبعمري ما اتركهم
بس مابيدي شي أنـه مجبورة يعني حتى انقذ اخواني
المفروض اقتل كــانـــون وينو المنطق ؟

قُــسَـم : عجل لا تقارنين ، گازو إختارت خواتها وشربت السم
التموز رغم هي بوسط مجموعة من الضباط يعني اذا تبلغهم
مستحيل تتاذى لا هي ولأ اخواتها بس هي إختارت نهاية تَـــمــوز .

رضية: كافي قُــسَـم فصلتي كل عگلچ والله اذا يسمع
كــانـــون هل كلام يعدم راسچ ؏ هل جرئه .

ذَهــب: بس ما حجت اله الصحيح وهو هذا سبب خرابي أنـه وكانون
هو طلعني عن مسار هدفي جبرني ؏ حياتو وخلاني أترك أخواني .

دوهــان: ول قُــسَـم وينچ تأخرنا بسااااعچ .

طلعت تركض صفنت بالباب عمتي رضية تسولف
وصلت الغير عالم كل حرف بدر من قُــسَـم حقيقي
گازو حبها لأخواتها اكبر من حبي لأخواني ؟!
بس أنـه أحبهم رغم هذا صعب أسبب موت شخص
بريئ حنون عطوف ، قوي وشجاع عظيم بعيون الكل
واخذ اخواني واعيش ، وهو بـ إي ذنب يموت ؟؟

فزيت ؏ صوت تَـــمــوز : يا أغراض كــانـــون طلع .

رضية: ياااا وين طلع منتظرني أطلع الغراض .

تَـــمــوز : اي عوفي شوية ويجي ما يتأخر .

گمت للمطبخ اغسل المواعين واسمع صوتها
ترد ؏ كلام تَـــمــوز بس بصوت خافت ماتريد اسمع: ياااا يااااا صدگ ؟

تَـــمــوز : ومحمد طلعت مبدلة مادري وين تريد تروح
هي وكرم واخذها .

رضية: وكرم وياهم .

تَـــمــوز : أي طبعًا وياهم صعد وقبل لا يحرك گال ما أتأخر .

رضية: والله اذا تسمع ذهب يبوووو يبووو هي منا طالعة روحها
واعصابها من الحمل نار ، هساع هو مايعرف علاقتو بحرمتو
متوترا ياخذ هل عرمة ويروح هاي وهو العاقل بينكم .

تَـــمــوز : كل ما تحجين وكررتي العاقل بينكم شني جدامچ مخابيل .

رضية: من تصير عصبي تروح فدوة الكل مهبول .

تَـــمــوز : اطلع أكمل شغلي اعرفچ تريدين تنطين السناريو المعروف
من الأخير اختصرها أنـه الظالم هاي الفوگ مظلومة خطيه أنـه ظلمتها
وشربتها وكلتها سحر وخليتها مريضة تسولف ويه روحها
وتتخيل وتشوف أشكال ألوان وما تنام وتضرب اعز ناسها
اني الغلطان يمه والله انه الغلطان بس غلطي الوحيد دخلتها
الحياتي وحبيتها .

طلع وعافها تستغفر ، دخلت علينة ام كــانـــون تتمختر
وتضحك سلمت وگعدت عرفتها رضية عدها غايه
اخذت الچاي قدمتو وسلمت وبسرعة طلعت ماريد انغث اكثر
جريت نفس وكملت المواعين وعلى طول ما أنـه اشتغل تسولف
اخر شي اجت هي وعمتي رضية للمطبخ .

ام كــانـــون : ما شاء الله يمه ذهب بطنچ كبرانا شكلها مال وليد .

ذَهــب: بعد ولد بنية نفس الشي عندي اهم شي تمام الخلقه .

ام كــانـــون : ذاك اليوم اسولف أنـه وعماتچ غادي ام دوهــان وتميم
وجدتنا وشگد دعيت بس كون مرض المتلازمة ماتصير وراثه ..

ركزت عليها للحظات وجبرت نفسي ارد
بكل برود ؏ كلامها : ان شاء الله ، وفرضًا اذا صارت أنـه أعرف
اتعامل مع المرض لا تخافون وتفكرون وتعبون نفسكم .

ام كــانـــون : انتِ تعرفين تتعاملين بس كــانـــون سودة علية
تعبان مابي حيل هو بس حالتچ كافي من تجي النوبة يدوخ بزمانو .

ذَهــب: شاكي ألكم كــانـــون شنو شو تحچين بثقة ؟

ام كــانـــون : ابني بعمرو ما يشكي لا من حياتو ولا من يتزوج
ويوگع بمشاكل مؤمن بقضاء الله وقدره ودائمًا يگول الحمدلله ؏
كُل حال عاقل واعي ..

ذَهــب: تحسسيني ابنچ مو متزوجني واگع بمصيبة .

ام كــانـــون : لازم نسيتي سبب زواجج منو ابني بخطر
الحد اول البارحة وصل تهديد ابو يگول للدوام بـ اسمو
هاي غير الأظرف عبارة عن طلقات حتى تهدد بـ ابنو كرم
واذا ماتعرفين ابن عمچ حرگ بيوتنا بالأنبار كلهن يريد نسلمچ .

رضية: اعتقد كــانـــون منع الكل ونبه عليكم مايريد ذهب
تعرف بهل اموووو عليش تعارضين كلام ابنچ وتجاهلي مو عيب
بطلوا هل تصرفات مو كبرتي المفروض تخافين ؏ حياة ابنچ .

ام كــانـــون : لان اخاف ؏ ابني احجي
يخاف عليهه وما يخاف على نفسووو واهلووو ؟؟
مايريد ينطيها علم بسوالف ابن عمها واحنا نخسررر .

رضية: ابنچ راحتو عند ذهب لا تدخلين بيناتهم وتبثين السم
هي طگه ونص تريدها تعوفو وتروح وهو يتخبل مثل المرة
القبلها عرض نفسو للخطر وراح يواجه الدواعش
وتصاوب ولد عمو كلهم بخطر ورجعها اذا تريدين
دماااااار ابنچ استمري بالكلام .

ذَهــب: عليش اكو بعد امور ماعرفها ؟

ام كــانـــون : أنـه ام ومن حقي اخاف ؏ ابني
واحد بنص الموت والثاني متزوج الموت
ومخلي بنص بيتو واهلووو والمصيبة حامل منو .

ذَهــب: ههههههه دائمًا يلوموني عليش من تردين ؏ عمتچ مو بـ احترام
بس أنـه عندي نظرة ؏ انسان وانتِ من بدايتچ عرفتچ صح تحبين
ابنچ والخاطرو تمثلين انتِ تحبيني بس أنـه كاشفتچ بس تجي الفرصة
تبثين هل كلام حتى نتخارب وننتهي .

ام كــانـــون : انتِ لعنة صعب تنتهين بسهولة
وابني هو الخاسر الوحيد بالأخير ، شگد أتمنى وادعي ربنا
يجبر بخاطرو لو باقي على ام ابنو ويأمن لحياتو ولا هل عشگ المدمر .

ذَهــب : حسستيني أنـه خربت بينهم همَّ من البداية تراب
ومطلگها بعد ولادتها يعني ما طايقها ولا تحملها الخاطر ابنو ؏ اقل .

ام كــانـــون : صحيح بس هساع ابنو كبر وكانون تگرب منو
ورجع يحجي وياها وهي المسكينة تغيرت چثير الخاطر كــانـــون
ماتريد ابنها يكبر بدون اب المسؤولية صعبه وحدها ماتگدر
لازم ابو ابنها موجود وياهه يشارك بالتربية .

ذَهــب: اختصررررررري المطلوب شنوووووووو
اريد اوصل الغايتچ من هل خرابيط .

ام كــانـــون : احجي وياچ بالحسنى بالبداية
لا تمنعين الاب من ابنو هساع أخذهم وراح يشتري
احتياجات ابنو وام ابنو لا تسوين مشاكل وتخربين هل قرب .

ذَهــب : واذا ما افتهمت بالحسنى شتسوين مثلًا ؟

ام كــانـــون : ارجع ام ابنو على ذمتو
غصبًا عنچ وعن كل شخص يوگف بطريقي
ماكو ضرر اذا رجعها هو يحبچ بس الخاطر ابنو لازم يجتمع بـ ام كرم .

ذَهــب: مسويات الخطط ومكملات وتريدون تنفذين انتِ
وعشتووووو ام كرم ، ادحگي عدل گدامچ منووووو ذَهــب
تعودت كل شخص يوگف بطريقي احولووووو رماد ، وانتِ
تريدين تمشين كلامچ ومخططاتچ ؏ حساب تعاستي ركزي
عفت اهلي الخاطر كــانـــون تريدين بهل سهولة اسلمووو
من تزوجت ابنچ جنت الأولى والأخيرة وراح أبقى الأولى والأخيرة.

ام كــانـــون : لا تخلين راسچ براسي تتعبين أنـه حرمت فراس
اگدر كلشي اسوي وتعرفين كلش زين فراس يموووت منچ
وبس ابلغو بمخططي ينفذ ويايَّ وغصبًا ؏ راسچ وخشمچ
العالي ابني يرجع ابنو وام ابنو الحضنووووو
صح يحبچ ويموووت عليچ ومايحب زعلچ بس لا تنسين اني امووو .

ذَهــب: أنـه سمعت قبل شوية طالع وياهم وگلت خطية ميخالف ابنو
ما احرمووو منووو بس بعد هذا كلامچ اريد أكبرها وادحگ
كلامچ وخططچ انتِ والمسمومة ام كرممممممم لو كلامي يمشي .

شمرت سيم المواعين بكل قوتي ومسحت ايدي بملابسي
وطلعت للگراج فكيت الباب ماكووو احد بعدو مارجع
بقيت افتر وهي طلعت متعجبه ؏ تحركاتي تريد تعرف
شنو اريد اسوي وليش وگفت هين ، بقيت ادگ واصفگ
ايد بـ ايد وهي تصيح ؏ عمتي رضية: ادحگي مو اگلچ هاي حقيرة
راح تخبلووو ؏ امو تريد تحرگ گلبي هساع أنـه شگلت قابل
احجي وياهه ام تَـــمــوز تفوت لا تسوي مشكلة لا يلعب بينا لعب كــانـــون
شيخلصني منوووووو .

ذَهــب: إلي من ايدو الله يزيدووو .

بعدني احجي دمي فاير بس اريد يصير جدامي اطلع
قهررري اليوووم كلو بيهممممم فكيت الباب من سمعت
صوت السيارة نزل هو وياهه من السيارة مديت جسمي
وصحت : حدر انتَ وهاي الصفرة المتلونة .

قوس حواجبو متعجب اجاني يركض گضبني من ايدي ودفعني
الداخل الكراج : يولوووو شلون تطلعين هيچ بالشاااارررععععع
كلشي ماكووووو ؏ راسچ بطرگ الدشداشة وين عايشين وين .

ذَهــب: وشنوووو يعني اطلععععع هيج نسيت حقككككك
نسيت أنـه موووو محجبة انتَ نسيتني كل حياتي وگاعد تلعب بكيفك .

دحگ ؏ امو ورضية وفر ايدو متعصب
الى درجة صار يرجف : شبلاها فصلت شمسووووين وياااهااااااااا .

گضبت دموعي مثلت القوة والثبات
وصحت : اريدهاااااا اريد احجي وياهه دخلها لا والله أنـه
اطلععععع وحتى أدخل للبيت الثاني اريد اوگع ؏ علتكم.

كــانـــون : علتكمممممممم شنوووووو اوگفي عدل من تسولفين
وأمشي اصعدي فوك نتفاهم كم مرة نبهت هل تصرفات أكرهه لا تعيدددديهاااااا .

عبرت من جوة ايدو وهي بعدها تنزل بالعلاليگ
وتدحگ ؏ باب تنتظر آحد يصيحها: حدري عندي حجي وياچ .

جرني بكل قوتو ودفعني وهي بعين صلفه دخلت
عاط بيهااا : اطلعي فورًا ..

ذَهــب: والله ماتطلع اذا ما اكمل كلامي .

ام كــانـــون : وانت طلگت هل مسكينة والله السان وتعاند
عجل هل برعة ماتدحك ؏ تصرفاتها لو عمتك عمي بعد
هينوب ما تفرزن بين كلبك وعقلك .

كــانـــون : ما تنفجر وتعصب وتصير برعة مثل ماتفضلتي
اذا ما ضاغطين عليهاااااااا شمسووووين شنوووووو نوع
السممممممممممم المبثوث .

عبرتو وصرت جدام طليقتو ابتسمت بتلاعب
ورفعت اصبعي بوجهه صار هو حاجز بيني وبينها
اريد احجي ودخل تَـــمــوز مصدوم من المنظر
ذَهــب: ادحگي يولوووو يالصفرة يالمتلونة هاي نظرات البرائة
خابزتها بيدي اعرفهن كلششششش زين ومحمد اذا ما تكفين هل سم
ادوسسسسس بطنچ واريد ادحگ منو يطلعععع وراچ .

ام كــانـــون : كافييييي عيب استحي ماعندچ تربية محد يگدر عليچ
وانتَ زلمتهه ابني العاقل اگضب حرمتك
مو عيب عليك تدحگ عليها تهين بـ ام ابنك ، مثل ما تسوي
قدر الحرمتك تسوي مثلو ألأم ابنككككككككك .

ذَهــب: بعدني ماكملت اليومممممم لو اني لو تكوين هل عائلة المخربط
امكككك تصيح مسؤولية وخطية ام كرم ماتگدر تربي ابنها وحدها .

كــانـــون :حسچ تنصي وتدخلين جوة نتفاهمممممم .

ذَهــب: يولووووووو وين مربية ابنچ الولد من ايد ام كــانـــون والباقيات
ما مقصرات وياچ والشباب اي واحد منهم ينزل من الواجب ياخذ ابنچ
بجولة يفر بي بغداد كلهه ، حماية بعد انتِ بيت عبارة عن
كاميرات وضباط ، فلوسسس سابحة بالفلوسسس كلها تصرف عليكم
وكانون ما مقصر وياچ تمشي ؏ فلوووسسسس .

ام كــانـــون : يبقى الطفل يحتاج اموووو وابوو اثنينهم سوية .

ضربت الحايط بيدي بكل قوتي وصحت
_ اخخخخخخخخخخ لا تگولين الطفل يحتاج گولي امووووو تريد زلمة .

سد شفايفي بيدو ودفعني ؏ حايط صرخ بوجهي : شنووووووو
هل كلاممممممم ذهب تخبلتي عيب يولووووو عيب .

بعدت ايدو والدمعة بطرف عيوني
عدلت نفسي لمحت تَـــمــوز صاير
ازرگ من الضحك وداير وجهو ؏ حايط
حتى ما يترزل من كــانـــون .

گضبني بقوة من خصري حتى ما أتقدم عليها
كملت وانه ارجف من العصبية هجست
بنار تطلع من بين عيوني والنوبة تفصل بكلامي
بس اقاوم وارجع اكمل : انتَ السبب انتَ من باب تجي تگعدني من النوم
تطلب اروح وياكككككك حتى مايصير بينك وبينها كلام ومن باب ثاني
تاخذهم وتطلعععع عادي طبيعي عندكككككك ، تنطيها آمل برجوعكم
هاي غايتكككككك تريد ترجعها احجي انطق عليش تصدمني بعدين .

كــانـــون : لا تخليني أعلي صوتي عليچ إلى الآن گاضب نفسي
عنچ اذا احجي وياچ بالمثل اجرحچ احترمي نفسچ وعدنا حجره
نروح نتفاهم بيها .

ذَهــب: نتفاهمممم هين تخلي النقط ؏ حروف جدام الكل اليوم
وبهل ساعة بغيرها ما أقبل لازم الكل يعرف حدودو .

كــانـــون : تبقين تعلين بصوتچ وانه اعلي صوتي
تجاوزين واتجاوز وتكبر المشكلة ماتنحل يا عيوني انتِ
ماكو آحد يسوى تتعبين وتدخلين بنوبة غضب علمودو
صحتچ وصحة الطفل اهم من الكون كلووو .

فزيت ؏ لطم ام كــانـــون وصراخ ام كرم الصفرة
_ يااااااا يمههههههه كــانـــون هي هاي گدرتك صار ساعة
هل منغولية تجاوز علينة أنـه وام ابنك وهذا ردك عليها وسفه
عليكككككككك ضاع التعب بيككككك .

كــانـــون : كم مرة نبهت عليچ ابتعدي كل البعد عن حرمتي كم مرة
بس فهميني تعبت وانه افهممممم بيكممممممم ذَهــب خط احمر .

ام كــانـــون : وامكككك خط اصفر .

كــانـــون : امي تخلق المشاكل حتى أتعب ابنهاااا
امي تدخل بيتي حتى تفعل وضع المشاكل بيني وبين حرمتي
هو هذا تصرف ام وتنتظرين أدافع عنچ .

رضية: أنـه اشهد شكثر يحذر بيكم انتِ حتى سوالف التهديد
حجيتيهن جدامها خليتيها تتخبل البنت وهو البارحة سمعتو
يحذر بيچ مايريد هل مهبولة تسمعععع .

ام كــانـــون : غايتي واضحة اريدو برجع ابنو وام ابنو بحضنو
شصار احسن يعني تاخذ ابنها وتروح تتزوج وتعيش حياتها
وابنك يتبهذل عند ناس غرباء .

كــانـــون : هذا مو كلامچ يمممههههههه مووو كلامچ كلامها
استدار ؏ طليقتو يتگرب وهو يضغط ؏ مخارج الحروف وبلغة التهديد تكلم
_ شكثر أحاول احترمچ واگول الخاطر ابني
بس تخربين الأول وتالي بالمخططات مالتچ
إلي أنـه اكثر بشر أعرفها ، لا تنسين حافظچ
وأعرف امي ما تتجرأ وتفتح هيچ مواضيع
لو ما تسمعععع منچ .

_ لاااااا بيش تريد احلف بداعت كرم أنـه كافيه خيري وشري.

كــانـــون : كافية خيرچ بس الشر مستمررررر
ادحگي عدل بيوم قررت تجين تعيشين ويانه
الخاطر هل طفل وحذرتچ بس تسوين مشكلة
ترجعين منين ما تجين وانتِ استمريتي
مثلتي دور الفقيرة وخليتي امي بالواجهة
المشكلة تعرفين كل ملاعيبچ وتحركاتچ اعرفهااا
حق المعرفة انتِ ماتستاهلين تنهجم حياتي علمودج
تريدين تولين تتزوجين روحي الله وياچ ومحمد خلصيني
من شرچ بس ابني يطل عندي .

ام كرم : بهذا كلامك تجبرني اختار ابني
وأنت تفضل بنت داعش ؏ ابنك مع الأسف عليككككككك .

گضبها من ملابسها هزها هز كلها تصرخ
وتموز يصيح بي : عوفهاااا يولوووو هي تتقصد تثير غضبك .

ام كرم : تنقهر لو تخجل من ينذكر اصل حرمتك بنت داعش
واضح عليهه بلا تربية صار ساعة تحچي وتتمرگص
جدام ابن عمك وانت دايخخخخخخ ولهان بتحركاتهااا
فارتكككك فررررر حرام الرتبة عليك وانت حرمة تقودكككككك .

رفع ايدو يريد يضربها وگفت جدامهم
ضربتها براشدي فريت وجهه فر
وصحت : ادحگي لچ خافي مني اي أنـه تربية ؏ ايد دواعششس
يعني هساع اذا اخليچ وادفنچ هين مو غريبة تحترمين نفسچ
وتطلعين من بيتنا وحسچ وبالچ تفكرين تـ..

كــانـــون : كافييييييي انتِ الثاني كافي لا تخليني اتجاوز عليچ .

اخذتني رضية منو بكثر ما صار عصبي ورجع گضبها
_ هساع تلمين ملابسچ بيدي ارجعچ مثل ما عطفت عليچ
وخليتچ ترجعين تدخلين حياتي وتعبين بيَّ كلهمممم ينسون
مصايبچ بس بعمري ما أنسى مشاكلچ ولسانچ الطويل
الجسارة والقال والقيل كلهن بكوم ومن ولدتي ابني وحرمتيني
منووووو هاي ما أنساها ، يولوووو لا تخليني اذكر سبب الطلاگ الحقيقي
خليهم كلهم مصدگين التستر مالتي الخاطر هل طفل والله .

وسعت عيونها وهي تتراجع رفعت ابنها من الأرض
وهي تهمس : بداعت كرم تسكت ، ورجعني الأهلي
حاولت اصلح عائلتنا بس الواضح فات الأوان وذهب
الغريبة فازت بـ ابو ابني .

ذَهــب: أنـه ما فزت أنـه خسرت الكون كلو الخاطروووو
واتخذتو ملاذي منهم كلهم اذا بيوممم من الأيام كسرني
أكمل سبب وجودي عندووووو .

تَـــمــوز : قصدها تموتك سبب وجودها موتك
اذا تكسرها تموتك بويااااايييييي تهديد بسبع شدات .

عفتهم وصعدت بقت امو تتوسل بي مايغلط ويرجعها
الخاطر الطفل ، سديت باب الغرفة علية بعد ماعندي طاقة
تعبت انهاريت منهم ، فوك قهر اخواني هل عطلات يفورون دمي
كلها ثواني ودخل دحگ علية حالتي حال دموعي تنزل بستمرار
بكثر ما ثبتت حوة انهاريت فوك ، والنوبات صارت عندي بدون توقف
گاعدة ؏ سرير گعد ؏ ركباتو جدامي عدل شعري وسحب ايدي
_ يستاهلون تشكل عندج نوبة علمودهم اذا اخسرچ منو يفيدني .

ذَهــب: اني ما اتعارك ؏ زلمة هاي مو أخلاقي ولا مبادئي
اني ما ادحگ عليك مجرد زوج انتَ عظيم بعيوني قوتي
اخذها منك تعرف شكثر أتباهى بيك من يحتاجوك كلهم
ومايعرفون يتصرفون اذا مو كــانـــون موجود افتخر واگول
نيالي ربي عوضني بيك انتَ قوتهم بس اني اعتبرك كل حياتي
ما أتخيل بيوم انكسر منكككك اخاف والله اخاف .

كــانـــون : أنـه شخص من حبي ألج اسقط لعيونچ بشر
يولوووو اكسر كل شخص يفكر يخطي خطوة اتجاهچ
ذَهــب أكسر روحـي قبل لا تكسرچ ، اسمعيني اخذي
شهيق وزفير وتأكدي اذا بيوم من الأيام خيروني بين
روحـي وذهب اگلهم اخذو روحـي وتعيش ذَهــب .

ذَهــب: واذا تنجبر تكسرني بحرمة اني تزوجتك جنت الأولى
واريد ابقى الأولى والأخيرة .

كــانـــون : الأولى بكلبي ، الأولى بدعائي ، الأولى بـ أولوياتي
گلبي متوازي ؏ حبچ الحد گطع النفس .

أخذني بحضنو قيد حركتي حتى ما إضرب نفسي
بقت بس الأصوات ورگبتي لا إراديًا اطگ هو يتخبل
من النوبة بس يگضب اعصابو الى ان اخلصها ينفجر بيَّ
ظل يمسح ؏ راسي ومن بين همساتو بلغني .
_ نامي وارتاحي هل يومين عندي مفاجأة حلوة تريديها من فترة ..

><><><><><><><><><
الــســفــاح ، دركْان ، الدرباس..

الساعة 4:00 فجرًا يوم الجمعة..

تسحبت من الغرفة الخاصة بيَّ طلعت للمخزن فكيت الباب وهمست
الــســفــاح: عزيز كملت كلشي ؟

العزيز: كلشي جاهز مثل ماتريد يالدرباس .

خرجت اكتشفت المكان الحرس واحد نايم والثاني ما موجود
ابتسمت بنصر وألتفتت : عزيز صار الوقت مناسب راقب من بعيد
وانه طالع الصلاة الفجر حتى من نرجع نكشف حرمتو للجلاد باحح
خطية قوية وهربت .

توجهت للخارج عدلت ملابسي وصعدت السيارة
لگيت جلاد بالمعسكر صليت أنـه وياه الفجر
بعدني ماكملت والتلفون رن ابتسمت من سمعتو يصرخ
_ شنووووووو من كيف ماهذا الهراء كيف هربت كيف ؟

تصدقت هو يلملم بالأغراض وگفت وانه مكتف أيدي
_ شصاير ؟

دنج راسو مايريد يخلي عينو بعيوني
_ زوجتي هربت من المعسكر.

طلع وانه طلعت وراه أستفسر: شلون تگدر تطلع وانت مو گلت
تحبك وتسمع كلامككك والله امر غريب .

ركب السيارة وهو يرد بصوت منهار
يرعش من الصدمة : من نوصل نعرف هل تفاصيل
هساع لا تسألني راسي راح ينفجرررر كفختني
بهذا تصرفها ؏ وجهيي .

الــســفــاح: لا تضعف يا أخوي اندور عليها ونعرف
الحقيقة احتمال ما هربت مخطوفة اكيد الكل أنتبه
شكثر هل أمرآة مقربة من الجلاد واخذوها نقطة ضعف .

ساق بكل سرعتو أول ما وصلنا عاف السيارة مشتغله
ونزل وگع ؏ حرس بوكسات ولا دخلت بالعكس يبرد گلبي
من يضربهم يستاهلون مل أنواع الاذية : وينهااااا وينها ؟

عطاء: لا نعرف يا مولاي عندما استيقظت وجدت الأبواب
مفتوحة بحثت عنها لم أجدها .

وگع ؏ عطاء بوكسات بعد ماگدرت ترفع لا ايد ولا رجل
وگف ينظر اتجاهي بضعف: ماذا أفعل اريدها أنـا احتاجها .

قبل جوابي واحد من الحرس تقدم وهو منزل راسو
والعرق يتصبب منو همس بصوت خافت : مولاي ابو لهب لقد علم
بهروب زوجتك وأمر يقتلها حال العثور عليها .

رفع السلاح وبلا تردد زرف جسمو تزرف شاجور كامل
خلصو ؏ هل شخص وگع والدم سبح المكان تراجعت وانه
اهمس : نطلع نبحث عنها ؟

جلاد: نعمممم فورًا اريدها.

طلعت ابحث ومن خلال مراقبة العزيز عرفت موقعها
تقدمت ؏ واحد من الحرس وهمست : واحد من الرجال اخبرني
ان هنآك حركة في ذاك المكان ابحث .

هو راح يبحث مكان تواجدها وانه ركبت السيارة وغيرت
موقع بحثي حتى مايشك حلاد بيَّ اكيد اذا أني أرجعها للمعسكر
يكشفني اني دبرت هل مخطط ، دقايق ورجعت مثلت التعب
گعدت بالأرض ورفعت ايدي : ماي بارد ماي بساااع تخردلت
وإنه أركض وماكووو فص ملح وذاب .

وانه اشرب الماي دخلوا وهي وياهم اخذها من ايدهم ترجف بيدها الطفل
واگع شالها صاحبة جمال فائق الوصف نزلت راسي وهو رفع
شال الغترة ولفها بيها : لماذا كسرتيني هكذا لماذا هربتي مني .

انهارت وهي تحضن بـ ابنها وتصرخ بضعف
_ حاولت وجبرت نفسي اعيش وياك وانسى انتَ قاتل اهلي
حرمتني من اهلي وردت احرمك من ابنككككك هذا أقل شي اقدمو .

گضبها من شعرها رفعها ورگعها بالحايط : لم أقصر معكِ
لقد اصبحتِ اميرة ؏ كُل النساء الموجودات في المعسكر
ووهبت لكِ طفل مني ، وهربتي بهذهِ السهولة .

_ لقد قتلت الكثير من الفتيات حتى ترضى عني لا احتمل
ان اقتل المزيد وان أعيش بهذا المستنقع القذر اقتلني .

هز راسو بضعف وانه مصدوم بضعف جلاد جدامها
رافع حاجبي وكأن ادحگ ؏ فلم فزيت على صوتو
وهو يترجاني : يا امير يا سفاح ارجوك ساعدني أريدها.

الــســفــاح: الخليفة ابو لهب آمر يقتلها اقتلها ألان .

جلاد : اترجاك ساعدني اريد حل ثاني من قوة الصدمة
بعد ما اگدر افكرررر زين هاي ام ابني أحبها .

رفعت السلاح وإنه أبتسم ضاغط ؏ اسناني
اتمنى هو بمكانها اذا ما افرغ براسو الشاجور
الــســفــاح: اقتلها انتَ ، اوانا اقتلها .

جلاد : ادمركككككككك ومحمد ادموك اذا هااي تموووت .

الــســفــاح : أقتل گلبك ..

جلاد : تندم .

الــســفــاح: أوامر ابو لهب لا يعلى عليها أقتل ألان أمامي وامام الجميع
لكِ تحون درس لكل الموجودين هذا ثمن الهروب من هذا المعسكر .

تگرب منها ضغط ؏ أيدها وهو يركز بعيونها
_ كسرتيني وحرگتي گلبي بطلعتچ راح احرگج مثل ما حرگتيني .

ابتعد وهو يصيح بعالي صوتو : عطاء نفط .

راحت عطاء متردده جابت بطل بقيت ادحگ مندهش
التفتت صارت هَــيـلانـة جدامي تهز براسها ودموعها
عشرة عشرة ، اكيد شافتني اجبرو ؏ موتها خفت بلحظتها
تتشوه صورتي بعيونها عبرتهم ودخلت صرت قريب منها
هَــيـلانـة: حراممممم عليكككككك صرت مثلهم .

الــســفــاح: ومحمد صدمني حالي من حالكم
فكرت يرمي عليها ما أدري يفكر يحرگها
هي تستاهل الموت بس مو بهل طريقة ..

هَــيـلانـة: اجبروا يوكف حرام عليكممممم عدها طفل
منو يربي راح يتبهذل ويصير يتيم من الصغر .

رجعت اركز ؏ شباك صارت جدامي تقدمت عطاء
اخذت الطفل ماقبلت بقت تبوس بي جلاد نهار يسحب بالنفس
بصعوبة بكثر ما فرحان بكسرة جلاد بكثر ما كلبي يخفق بقهر
تحسرت من سمعت صوتها الباكي : راحححح يحرگهااااا صدكككككك ساعدها ابوووس ايدك .

ذب عليهه النفط بدون تردد وهي تحاول تهرب منو
گضبها بكل قوتو وصاح : انتِ درس لكل الموجودين
روحـي موووتي وانه ما راضي عليچ دمرتيني وحرگتي گلبي .

شغل النار بيها وهي تركض بالگراج والكل يركض منها
هَــيـلانـة: ناااااررررر اشتعلت الناااااار بيهااااااااا الله اكبر عليكممممم
مجررررمين انتوا مجررمين ابنهااااااا ابنهاااااا يدحگ ؏ اموووو تحترگ
حسبي الله ونعم الوكيل عليكمممممممم .

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد