تجبر أحفاد الــ دليم الفصل الثالث وخمسون 53 - بقلم اساور حسين

تَــجــبـر أحفاد الــ دلــيـم🦅
بقلمي : أساور حسين
المُلْتَقَى _50 _

مِن انسئل عَن عشرتك شراح اسولَف عنها
خليتني بموقفِ صعب مثل ليدافعلهَ البشر
ويكَله اطلع منها ..

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
قُــسَـم ..

ناسي ، اهلي ، أحبابي
وصلوني المرحلة صحت الوحدي إحلالي
اعتزلت الحياة وقل كلامي وتعبت نفسيتي
اكثر بعد كل اتصال يدور بيني وبين دوهــان
محتواه عبارة عن كم جملة ..

قُــسَـم : دخلت أول يوم بالتاسع دوهــان ولليوم ولا مرة رجعت
دحكت بطني وضعي معقولة كارهني .

دوهــان: اكرهچ ياريت حبيبتي ياريت حلمي هذا وأسعى الوو .

قُــسَـم : ارجع بداعت الأيام الحلوة بيناتنا ترجع
خايفة ماريد أولد وحدي أنـه مستعدة أعتذر آلك
ايام وشهور بس ترجع وتقويني اني قلقانة وخايفة
ومرعوبة حتى الطفل ما جهزتو أريدك ويايَّ نختار ملابسو .

دوهــان: عوفيني بعيد قُــسَـم خايف أرجع والله
من ناحية لازم انفذ قراري الجديد
ومن جهه ثانية قلق عليچ اذا افقد اعصابي وصبري
ينفجر عليچ بذاك الوكت تتأذين بسببي وانه ما اقبل بهل شي .

قُــسَـم : اذا نگعد سوية نسولف ونتناقش بكل هدوء
مستحيل تصير بيناتنا مشاكل ما اخليك تفقد اعصابك
شايل بگلبك عليَّ وانه عندي كلام وياك ارجع وينحل كلشي وعد .

دوهــان : أكره الوعد رغم اعرف انتِ شاطرة بيهن وتحافظين عليهن .

قُــسَـم : انطقها دوهــان واضح بعد ما تريدني انطقها
عليش مخنوگ منهااااااااا گول يابه قُــسَـم بعد ما اريدچ .

ماسمعت غير غلق المكالمة كالعادة من نوصل النقطة
مهمة بكلامنا يتحجج احد صاحو لو شخص دخل عليَّ ويغلق المكالمة
إنزل أشكي الذهب هي تصبر عليَّ لو انام بحضن امي رضية
ماعندي غيرهن بعد .

رضية: مايقبل يرجع .

قُــسَـم : يعاند وخايفة حتى بولادتي مايكون موجود .

رضية: لاا يولو وين يقبل كــانـــون ما يخلي غصبًا ماعلية يجي
غير لازم يسجل الطفل بـ اسمو .

قُــسَـم : بس ماريد يجيني مجبور اريد هو من ذات نفسو يحضر ولادتي .

بعدني احجي وياهه واندگ الباب الخارجي
نزلت ذهب بطنها كلش نازلة تدحدح من الدرج
_ منوو بالباب ؟

طلعت رضية وما ندحگ غير نسوان البيت الثاني
كلهن دخلن علينة بحيث عمة رضية بهتت
من جدتي وام دوهــان وام كــانـــون وامي
ودجلة وبناتها كلهن مداهمة عدهن
بقيت أنـه وذهب بالمطبخ نجهز چاي
أخذنا ورحنا مانريد نعوف رضية وحدها وياهن
ام فراس : هل ايام مختفين ماعدكم صوت خفنا عليچن
شني عدكم توحد گاعدات ليل مع نهار وحده مجابله الثانية .

رضية: الأوضاع خطرة وين نروح وهل بنوات
خطية ؏ أبواب ولادة يحتاجن راحة عناية
والحمدلله ربي انطاني حيل اقوم بواجبهن .

ام فراس : يجي يوم وهنَّ يشيلن كبرتچ كلشي دين .

تعجبت جدتي يطلع منها كلام بي خير عجيب !!!
ام دوهــان اكلتني اچل من فوگ ليجوه تتفحص بيَّ
وانه حال الضيم حالي جنت سمرا صرت من الحمل سودة
ومن القهر وقلة النوم عيوني عبارة عن تقعر وسواد
ماصبرت تسكت بس لاحظتني دحگت عليهه
حجت بضحكة: ؏ هل شكل ماينلام ابني ماينزل من الدوام
يولو انتِ بـ ياشهر من الحمل .

رضية: يعني حامل وبالتاسع شتردين تصير من تعب الحمل .

ام دوهــان: هههههه رضية گاعدة ؏ كلمة هساع اريد اسولف
أنـه وجنتي عوفيني يمه منچ ، اي قُــسَـم اشتريتي ملابس جهزتي الطفل ؟

رديت وانه اشرب ماي امثل البرود
_بعدني مابيَّ حيل اشتري هل ايام اروح
بعدني اول يوم بالتاسع ..

دحگت ؏ شدن وضحكت بستهزاء
_ شو هو ابني شارد بس لا مايريد يسجل الطفل ؏ اسمو
كلششش طايبه نفسوو منچ وكل ما احجي وياه يگلي يمه
شغله براسي تأخرت بيها بس ارجع اصححها وأرتاح ..

عرفتها ذهب شنو غايتها ضحكت بصوت عالي مستفز للمقابل
وضربتني ؏ رجلي وهي تحچي من بين ضحكاتها
_ ديلة بالله عمه ام دوهــان تحچي خمسة بالشهر
هو غير اليل كلو يسولفون سوية بكثر مكالماتهم
قليل ادحگ هل حقيرة مخلصتها هي ودوهان
سوالفهم ماتخلص هساع أنـه وكانون شلونك
شخبارك ونسكت مانعرف نسولف بالتلفون .

بقيت صافنه بذهب بعدين استوعبت وكملت وياهه
_ اذا دوهــان يطلع سوالف اشكال الوان يضحكني ؏
مواقف تصير وياهم بالدوام وجماعتو وعلى تَـــمــوز
ومرات نسولف ؏ بيتنا .

رضية: والـ أحبك واحبچ هاي ماترگع منهم المخابيل
صدگ من گالت امچ تتعاركون وتتصالحون وحدكم
ما ندخل بيكم هو يموت عليها مايهتم يوم يومين وينسى
المشكلة وليش صارت المشكلة گلبو طيب فدوة اروحلو .

ام دوهــان: هل لعب مو عليَّ كاشفين الموضوع
من ساسو الراسو دوهــان ما يريدها والدليل
لا مهتم بيها ولا مهتم بالطفل والى الان جهاز الطفل مكامل وهي
؏ اي ساعة تولد بلكي ربي استجاب دعائي وابني
يصحى ؏ زمانو ويختار إلي تحبو وتصونو وتخاف الله بي
دوهــان ابني وانه اعرف ما مرتاح وياچ منبهذل ابني متبهذل .

بدون تفكير ولا تخطيط نهضت روحـي تريد تطلع
اخذت مبايل امي رضية وجدامهن كلهن رنيت رقمو
ودموعي تجري ؏ خدي ، ضغط الأشهر الفاتت
كلامهم المستمر كبد كلام كبد مشاعر كلهن طلعن
بهل لحظة اول ماسمعت صوتو يگول : الو يمه شلونچ ..

قُــسَـم : دوهــان صحيح انتَ متبهذل ويايَّ صحيح بعد ما تريدني
ولاااا تريد هل طفل ومفكر ما تخلي ؏ اسمكككك صحيح
تخردلت أنـه تعبت من كلامهمممممم ضغطهم امك تگول
انتَ تريد وحدة تحبك وتصونك وتدحگ ؏ شدن وشدن تضحك
اخذهاااااا اذا تشكي آلامك عليَّ اخذهااااا اني بعمري ما اوگف بطريقكم
خلصني من كلامهن هلكت والله بعد ما اتحمل راح امووووت .

هجمت علية امو گضبتني من شعرس وصرخت
_ شلوووون تخااابري ماتخافين يالـمشوهه تريدي
يموووووت بالله رجع من هل كلام الله لا يوفقچ
ويصير بي شي منو يفيدني انتِ لو ابنچ الخايسسسسس .

هي سحبتني جريت نفسي منها وانضربت بالحايط
وبكل قوتي وگعت ؏ ظهري صرخت صرخة
الأحبال الصوتية تمزقت منها تشنج كل جسمي
رفعت أيدي وصحت: يمه رضية بطني الطفل تملخ تملخ .

ذَهــب بلحظتها فقدت السيطرة ؏ أعصابها
صارت عدها قوة طلعتهن وهي ادفر بيهن
ودفع بس جدتي بقت تصرخ : يول رضية البنت راح تولد
ساعديها ول اخذيها اركضي بساعج لايصير بالطفل شي .

گضبت ايد امي رضية وشهگت بعلو صوتي
_ لا ابوس ايدچ خابري ؏ دوهــان هو يجي
ما أولد اذا دوهــان ما موجود شلون اذا مايسجل الطفل يمه شلون .

فاتت ذهب تزگح وتجر بدشداشتها
_ شكثر صلفاااات شكثر بلا خوف ولا مستحى
مايخافون الله اريد افتهم ماعدهم مخافة الله
البنية حامل واخر اشهر هيج يسون بيها
هو بس الخوف من الولادة كافي عليهه وهي وحدها .

رضية: ساعديها تعدل نفسها اريد ادور تلفوني وينوووو
وين صار اخابرهم يرجعون شني عايفين نسوانهم وحده
بالشهر الأخير والثاني بـ اخر شهر ؏ اي ساعة تصير عدهن
ولادة وين اروح بيهن وحيدي شعرفني أنـه شعرفني .

حضنتني ذهب انفجرت اصرخ بحضنها
_ خايفة ذهب خايفة أنعمت عيوني والله
من البچي عليش هيج يصير ويايَّ
دوهــان يعذبني يريد يصير مثلهممم
مو حلف مايعوفني ويتحملني من رجع من الموصل
عليش ما التزم بكلمتوووووووووو معقولة أنـه استاهل .

رضية: كافي يولوووو كافي لا يصير بيچ شي ويوگف كلبچ .

مسحت جدتي ؏ راسي وبقت تدحگ علينة
الى ان لگت رضية التلفون مشمور جوة البردة
لطمت ؏ وجهه وهمست بصوت ما مسموع
_ دوهــان بعدو ؏ خط ولچن يبوووووو .

رفعت الجهاز وردت : الوو .

هي گالت الو وهو غلق المكالمة رجعت تتصل
مايجاوب تهسترت بس لا يثبت كلامها ويطلع
لا يريدني ولا يريد الطفل ، اخذتني ذَهــب للحمام
غسلت وبدلت ملابسي طلعت لگيت جنطة الطفل
بالأرض وامي رضية مبدلة دخل عمي ابو دوهــان
جدتي صاحت عليَّ : هاا قُــسَـم عندچ ولادة .

رضية: حرمتك دفعتها خلتها ترافس البنت مانعرف
شني وضعها وضع الطفل وجهه صار اصفر
اخذنا للمستشفى بساع الله يخليك .

طلع شغل السيارة دحگت ؏ جنطه همست
وأنه أستفسر: هاي مو جنطة جهاز ابنكم ذَهــب ؟

ذَهــب: مجهزة بيها مال مستشفى گلت اذا
صار عندي لو عندچ ولادة ناخذها ويانه
وصارت من نصيبچ روحـي وطمنيني عليچ .

طلعتني رضية وجسمي ينفض نفض
وحدي بكلشي وحدي ، صعدت للسيارة
ما ادري من الوجع لو من الموقف المرعب
تبچي ما نشفت دموعي ثانية وحدة
وهي تمسح بيدي تصبر عليَّ ، وصلني
المستشفى حكومي اول ما وصلت
ممنوع احد يدخل ويايَّ زين اني وين
اگدر وحدي ، جبرت نفسي ودخلت
؏ فحص الى ان كملت طلعت روحـي
دفرتها من الوجع بكل برود تجاوبني
_ عندچ ولادة بس روحـي امشي وبعدين تعالي .

قُــسَـم : دكتورة حالتي وين تسمح امشي
الوجع ملخني ساعديني الله يخليچ .

ترد عليَّ بـ أسلوب وقح الابعد الحدود
_ يعني أولد بدل عنچ شسوي واساعدج اطلعي
امشي برة بين ما تصير عندچ وجع قوي .

طلعت أستند ؏ حياطين اشرت الرضية
من بعيد اخذتني ما اگدر امشي شرحت كلام
الدكتورة جبرتني امشي بس ظهري تملخ
گعدت أنادي بـ اسم امي وينهاااا اريدها
اصعب ايام حياتي أريدها ويايَّ : مو تدري عندي ولادة
اذا امي بهيچ موقف ما موجودة عجل شوكت تساعدني
وتوگف وتسندني .

رضية: الحياة مواقف بنتي من اليوم شكو واحد ما يوكف
ويسند ظهرچ وانتِ بينچ وبين الموت شعرايه طلعي من حياتچ
حتى دوهــان اذا ما يجي اني اوگف وياچ ضدو عوفي .

ابو دوهــان: صار أربع ساعات تمشين ماصار عندچ ولادة ؟

رضية: كلكم رتب وخيرورررر من الله تملكون فلوس تسد
عين الشمس تالي ما تالي بنت اخوج حرمت ابنك تريدها تولد
بمستشفى حكومي محد يدحگ عليهه تلوعت تلوع البنية .

تجاهل كلامها وابتعد عايفني اطحل طحل من الوجع
بكل سنة اتعجب من أهلي شايلين اعصاب باردة
قلوبهم خالية من المحنه ؏ اولادهم مايهتمون
من نتألم الأهم عدهم نساعد نفسنا ونطلع
من الوجع او المصايب بنفسنا بدون دعم منهم .

أختفى عمي بالربع ساعة ورجع عيونو صايرة
بگصتو گضب امي رضية وبكل حقد هددها
_ انتِ بلغتي دوهــان بالصار بسببچ راجع
ومتجاوز ؏ امو وطارد دجلة وبناتها ؟

سحبت أيدها وبكل احتقار ردت
_ اياك ترفع ايدك وتلزمني مرة الثانية
ومحمد أشتكي عليكم التموز وتعرف شيسوي بيكم
أنـه هذا مو طبعي اوصل حجي هذا طبعكم الردي .

بعدو يريد يكمل السم مالتو ما فكر حتى الوقت مو مناسب
صار كــانـــون صار جدامو : هاااااا هااااا سالمين انوب انتَ .

_ يعني انتَ قابل ؏ تصرف دوهــان ؟

كــانـــون : قابل وزلمة وعاشت ايدو هذا الموضوع
المفروض يصير من زمان تأخر الصراحة
اي مسموم واي بشر شراني ويحاول يهجم بيوت
نقلعووووو وبالأخص اذا عض ايد ساعدتوو بيوم .

لمحت من بعيد دوهــان يمشي سريع وجهو ذبلان
جسمو كلو متصلب رغم ضخامتو بس تعب الأيام
الفاتت واضح عليَّ : مستشفى حكومي يابه حكوووووومي ؟؟

ابو دوهــان: وشبي الحكومي مو بعينك امهاتكم كلهن ولادتهن حكومي .

دوهــان: وزمن هساع مثل قبل ؟ كافي صارت ماصخه وياكم
بعد ما اتحمل هل تصرفات الطايشة موووو هذا حفيدك
يعني تصرفك ما معقول وما صايرة بتاريخ البشرية .

گعدت بالارض انتظرهم شوكت يخلصون كلامهم
الوجع رهيب بس اگدر أتحمل تقدم سحبني بمجرد ما گعدت
وصاح ؏ رضية: بسرعة نطلع للمستشفى خابرت دكتورتها..

صعدني بالسيارة بدون ما يدحگ علية ولا حتى سلم
بس جنت فاقدة اصرخ من الوجع والطفل هجست نزل
رفعت راسي للسما بمجرد ما صعدت همست بصوت
ما مسموع : ربي احس راح اموت وهاي النهاية
وفعلًا جنت احس هاي نهايتي ؏ الوجع المر عليَّ
نقلوني للمستشفى اهلية دكتورتي بالباب استلمتني
منهم منتهية فحصتني تخبلت وبقت تسب بالدكتورة
بحيث طلعت ما اعرف شنو حجت وياهم ورجعت
بلحظتها حولتني صالة ولادة دخلت رضية تبجي
تمسكت بيدها الباب مفتوح همست : شبي ابني عمه الدكتورة
تريد تشوف دگات گلبو ما سمعت صوت احجي طمنيني .

اجتني الطلق اثناء كلامي بقيت ارافس بمكاني
دخل دوهــان من شاف وضعي رفعت ايدي
من راحت گضبها من بعد تفكير طلعت رضية
بقيت بس أنـه وياه تلمست وجهو وهمست بصوت
مبحوح تعبان : عفتني دوهــان عاقبتني بـ أصعب ايام حياتي .

حضن وجهي بكل تملك حط جبينو ؏ جبيني
وبكل عجز وضعف الكون اردف : جنت اظن عاقبت نفسي
بس طلعتي متعذبة اكثر مني تدرين قُــسَـم بالنسبة إلي انتِ
ماتستحقين تتعذبين لأن أنـه اكثر انسان بهل كون ممكن يحس
بيچ اعرف شنو معنى الحب ، عندي علم شنو يعني أنسان
مايگدر ينسى حب حياتو ، صعب المحبوب يطلع من الگلب
والدليل لو اگدر اعوفچ چان تركتچ من زمان بس فشلت .

نشغت متألمه تلمست ايدو وملت راسي
_ لا تحچي هيج صح أنـه ماعترف بحبي الك
بس غيابك صعب يتعبني ، وجودك مثل اليتيم
ويلگي ناس تحبو وتحافظ عليَّ من الدنيا
تدري من دحگت عليك اجيت وشفت شكلك گلبي
ما أعرف أوصف دگاتو جنت أريد احضنك من كل گلبي
واصرخ والله دوهــان والله أحبك ..

رجع عليَّ الوجع أضعاف مضاعفة ملخت روحـي
وگفت اضرب بالحايط الى ان راح يريد يطلع
رجعت تمسكت بي : اريد اكمل كل الكلام الصار اشهر بكلبي
قبل لا ادخل للصالة واحتمال لو اطلع منها لو لا
الصار قبل اشهر هو فضفضة ردت افضفض الأقرب إنسانة علينة كلنا
ارتاح من احجي وياها واعتقد كلامي واضح أنـه ادري انتَ الوحيد
حبيتني من كل كلبك ، وإنه متمسكه بيك انتَ او ابني ألي ما اعرف عايش
لو صار بي شي هساع ، ماريد تعوفني الموضوع يحتاج وقت
أتأقلم وأتعايش طبيعي صح تمر ايام ضعف بس اني اريدك .

ما صبرت أنتظر الجواب من دحگ حالتي دخلت
الدكتورة بدلت ملابس الولادة ونمت ؏ سرير المتنقل
سحبوني لگيتهم كلهم نازلين بصف باب الصالة
گضب ايدي باس راسي قبل لا ادخل وهمس
- ترجعيلي بالسلامة يا نظر عيني .

دخلت للصالة شبه منهارة من البجي والدكتورة
تضحك وتصيح : يااا يااا فوك ما يبوسچ ويگول نظر عيني .

بكلبي اكول الها ما تعرفين هل انسان شگد تعذب بسببي
بقت تسألني واني اطلگ : ؏ حب مو مبين يموت عليچ
خابرني يرجف يريد بس اجي للمستشفى خايف .

أنـه بيا حال وهي بعالم غير عالمي عطت
بيها : انتهيت دكتورة انتهيت ساعديني بعد ما اتحمل .

بقت تساعدني وتعلمني واثنين گاضبات ايدي الى
ان ولدت بعد ما اگدر حتى افتح عيوني من التعب
ما اعرف شصار ما صار بس ماسمعت صوت
طفل يبچي نمت لدقايق ما اعرف شكثر بالضبط
هجست شالوني ؏ سرير المتنقل وطلعوني
اسمع اصوات رضية وكانون يستفسر عن حالي
الى ان صعدوني بمصعد رجعوني للغرفة الخاصة
كملت نومتي بالساعتين گعدتني رضية تباوع من
شباك المستشفى : يمه وينو دوهــان ابني وينو ؟

رضية : الحمدلله ؏ سلامتچ يا بطلة شلونچ هساع امي .

قُــسَـم: بردانة يمه بردانة وينو الطفل مو لازم يرضع ؟

عافتني وطلعت بدون كلام بقت بالدقيقتين ماكو
رجع الباب أنفتح نزلت دموعي بمجرد ما دحگت
دخل دوهــان شايل الطفل ؏ گلبو ومبتسم گعد قريب مني
عدلت گعدتي تقرب باس راسي وهمس : هذا الحلو ابني
من حبيبتي وعمري ونظر عيني البرنو سميتو
(ميار) معنى الخير والآمل.

اخذتو بحضني بستو اول بوسه شهكت بفرح
ورفعت راسي : سجلتو ؏ اسمك ؟؟

دوهــان : هههههههه طبعًا يا خبله غير ابني .

قُــسَـم : موو ..

قاطعني وهو ياخذ شفايفي بلهفة ما گدرت حتى
انصدم بادلتو لأول مرة من بعد سنتين زواج
فصلها وهو يهمس : هيري نفسچ بعد اريد بنية تشبهچ لان ميار يشبهني .

تمسكت بقميصو العسكري وهمست بقلق : يعني ماراح تعوفني ؟

دوهــان : ادري بيچ حاولتي تحبيني اهتميتي بيَّ الفترة الفاتت
جنتي ماتحبين تگعدين ويايَّ نسولف ونضحك كسرتي الحاجز
وكل يوم نسهر ونضحك ونسولف وبالأخير نختمها مثل اي زوجين
وجنتي تكرهين تقومين بواجباتي من ملابس واكل بس نكسر الحاجر
وملابسي كلها من افضل ما يكون والأكلات ألي ؏ بالي تنطبخ
ما انكر كل هذا واني اكتفي بس بوجودچ ويايَّ وبمرور الوقت
كل احلامنا تتحقق بس نحتاج صبر نحاول الخاطر ميار ..

><><><><><><><><><
ذَهــب..

تجهيزات مستمرة ، متحمسة وبطني كل شوية تتشنج
اريد بس ادحگ قُــسَـم رجعت من منظهر وصوت
الوگعه أنـه من يمي تأذيت ، رتبت البيت كلو
وتموز راجع تعبان بقيت ادردم فوگ راسو
الى ان اقتنع وراح يشتري نفاخ وكيكة بقيت
أنـه وياه نرتب بيهن بغرفة عمتي رضية
وغيرت الفرشة جديدة بلون الأزرق والنفاخ
أزرق عدلت نفسي صار شهر كامل ما شايفة
كــانـــون لازم يشوفني بشكل مرتب رغم
تعب الحمل ، لبست تراك مرتب فضفاض
ونزلت حتى ما ينزعج من الحصر .

تأخر الوقت الى ان رجعوا سحب تَـــمــوز باقة
الورد قدمها القسم اول ما دخلت دحگت بطرف
عيني وانه اطلع اريد اسلم عليهه صحت : المنفوخ من أولد
اذا ما تشتريلي ورد اخلي كــانـــون ينفخك .

سحبني كــانـــون باسني من راسي وهمس
_ الله لا يعوزنا ؏ تَـــمــوز لغوه أنـه افرش الأرض كلها ورد كم هوبا عندي .

رفعت اصبعي وانه ارد بكل حماس : هي هوبا وحده .

تَـــمــوز : يصيبني مغص من تتغزلون بنسوانكم جدامي
بحظك وبختك يالكلب البالي .

عفت كــانـــون ورحت القسم بوستها
وهمست وانت تقصدت كل كلمة
انطق بيها اريد دوهــان يسمع : الف الحمدلله ؏ السلامة والله ؏
حالتچ والضربة بالأرض گلت قُــسَـم انتهت اسم الله عليچ .

ابتسمت بتعب وردت تعرف قصدي : مرت الحمدلله ؏ كل حال
ربي ياخذ حقي ان شاء الله ، المهم يوم ألج تولدين وتخلصين من الحمل .

دخلناها جوة بقت صافنه ؏ منظر الغرفة وعيونها ادمع
ألتفت دوهــان وهمس : أرجعها الكم بالأفراح انتِ وكانون
وگفاتكم ما أنساها كل عمري شكرًا خوية ذَهــب .

ذَهــب: ما بيناتنا انتوا مو بس ولد عم زوجي
انتوا عائلتي ماعندي غيركم بغياب اخواني
فرحتي من فرحتكم وحزني من حزنكم
ربي يديم الفرحة وما يمر علينة سوء .

حضني كــانـــون قربني منو طوقني بيدو
وهو يهمس : يلوموني لأن رافع راسي بيچ
ومتمسك بحبچ يولووو ملاك هل سمبتيك .

تَـــمــوز : وانه شنوووو خراع خضرة هين يولووووو
أنـه اشتريت كل هذا ونفخت النفاخ ورتبت وياهه
هي هل بطة تمشي خطوة وتگعد وين بيها حيل
لا حمدًا ولا شكورًا كوووون جيره .

دوهــان : يولوو اردها الك بيوم عرسك
بس لا تعايرني اذا تريد ارجع الفلوس حاضر ..

تَـــمــوز : لا فلوسهن اعتبروها الواجب بعد ما أدفع ربع .

رضية: يولووو عيب .

تَـــمــوز : يمه العيب بالجيب بعد روحـي ماكو عيب
حدري يمه فد مشتاقلج .

حضنها وهي تبجي وتعاتبو لان كل الفترة الفاتت
ما رجع وشافها ، كلهم شكلهم تعبان من الشمس
وضغط داعش عليهم ، بس مايحبون يبينون
صدماتهم وخساراتهم بساحة الحرب
شكثر يخفوها بس تبين بصفناتهم
بعيونهم السودة ، بحركاتهم الثقيلة
حماية الوطن وعلى كلبهم مثل العسل ..

مر اليوم الأول بيناتنا فرحانين بالطفل وكل شوية
واحد ياخذو يصفن بي ويضحك ؏ شكلو الثاني
يوم راح كــانـــون دخل كرم ابنو ؏ الطفل
يشوفو دحگ ؏ ابو وهو عيونو تلمع : بابا اريد مثلو جيبلي .

كــانـــون : ماما ذَهــب ببطنها نونو كم يوم ويجي
اخوك عضيدي تسندو ويسندك .

تَـــمــوز : شگد حلوو ابوهم حباب مو كلب سحار .

خلص كرم اليوم عدنا بليل رجع للبيت الثاني
ثالث يوم تعجبت من دخلت ام كرم وام دوهــان
دخلت أركض ؏ حجره فكيت الباب بس دوهــان
وقسم كاعدين يسولفون : امهاتكم اثنينهن ؏ باب ..

قُــسَـم : ما اريدهن دوهــان اذا يدخلن امووووت نفسي .

طبطب ؏ ايدها وطلع بقيت ادحگ من بعيد فتح
الباب وصاح : بسرعة ترجعون للبيت اني وقسم مو بحاجة وجودكم
رضية هي امي وام قُــسَـم .

ام دوهــان : تبيعني ؏ وحده ما تريدك يولوووو الى متى تتعذب وياها
ادحك حالك كافي أصحى هل حب ما وراه غير التعب .

دوهــان : أنـه راضي بيها لا تدخلين .

طلعت وهي تعد وتصف وتغلط ؏ قُــسَـم ورضية
وام قُــسَـم شكثر حاولت رفض يدخلها
رجعت گعدت بصف قُــسَـم وهمست
_ ما صارت فرصة نسولف لو تشوفين شصار بـ دجلة وبناتها
ذاك اليوم من رجع دوهــان يبوووو يا قُــسَـم يبووووو .

قُــسَـم : شصار كل ما اريد اسئل دوهــان يدخل علينة .

ذَهــب: طلع سامع كل كلامها ودخل ؏ امو يرعد يولو يرعد
صعدت بالسطح ادحگ عليهم والفراشات تطلع من عيوني
اول ما استلم امو يصيح بيها شلووون تگولين القسم دوهــان
ما يريدچ لا انتِ ولا الطفل أنـه ما اريدهممم امداني هاي حب حياتي
وهذا ابني شلووون ما يتسجل بـ اسمي انتِ الحجي لعب بعقلج لعب
أنـه اعرف شسوي وياهن هل مسمومات جوة .

قُــسَـم : يبوووووو ماي بارد كملي كملي .

ذَهــب: ودخل ما ادري شصار بس اسمع صريخ
وابوج يصيح بي عيب يولو حريم بنص بيتنا
وهو يصرخ الي ما يحترم نفسو ما احترمو
وما ادحگ غير دجلة طلعت هي وبناتها
والجنط اخذتهن وتركض بيهن ركبت تكسي وراحت وينو
ما ادري الصراحة بس ام دوهــان وابوج حاولوا وياها ما تروح
بس جانت خايفة من دوهــان ، وكل هذا الكلام كــانـــون بس
يراقب بالوضع اخر شي اخذ دوهــان وطلعوا ؏ مستشفى ..

قُــسَـم : يعني دجلة وبناتها مو بذاك البيت ؟

ذَهــب: غير كــانـــون يگول هددها يخليها بالسجن
هي وبناتها اذا تظل عدهم بتهمة محاولة قتل زوجته
وحسب ما سمعت من كــانـــون يكول انهارت دجلة
من صاح ؏ شدن انتِ ام الزلم امچ تعرض بيچ
تريدين اعوف حرمتي العفيفة الشريفة واختار
وحدة جانت بالخارج ما اعرف شمسويه وراجعه بهل صلافة .

قُــسَـم : هساع بس يرجع ابوس بي للصبح اليوم ومحمد
اورم شفايفووووو يماااااييييي ..

طلعت بس سمعت خطوات دوهــان يرجع
اريد أصعد ودخلت وجبة من جماعتهم
يباركون الدوهان واني وعمتي رضية
بالمطبخ قدمنا الضيافة وصاروا كل يوم
تجي وجبة جديدة من جماعتهم الى ان
خلصت قُــسَـم اول عشر ايام من ولادتها
وگدرت تستعيد قوتها ، باليوم 11 تركت
الطفل عند عمتي رضية وراحت تجهز بيتها
هي ودوهان بيومين نقلوا الغراض كلهن
رجعت قُــسَـم وعمتي وكانون ودوهان وتموز
همَّ يرتبون بالبيت كلو خلصوا صبغ وتعديل
بـ خمس ايام اخذوني أنـه وقسم البيت ماشاء الله
كامل متكامل من جميع الجهات الأثاث مرتب
والبيت واسع ويفتح النفس وعجبني ترتيب الحديقة
الخارجية تفتح النفس ، عفناهم ياخذون راحتهم بيتهم
وطلعت انتبهت أكو كاميرات بالكراج وبالسطح
رفعت حاجبي وهمست : شنو كاميرات ؟

كــانـــون : حتى ؏ بيتنا راح اشد أنـه وتموز الحذر واجب .

وصدك سهر هو وتموز يرتبون بالكامرات
استغليت الوضع وصعدت عدلت نفسي
لبست دشداشة قصيرة ؏ بطني هاي كلشي
ما اگدر ألبس ، وسرحت شعري ورتبتو
صار بمستوى نهاية رگبتي ، رسمت شفايفي
بلون احمر ولبست طوگ بي مثل اذن القط
رشيت عطري وفتحت فلم ، وجهزت حلويات
؏ ميز جدام التلفزيون دخل كــانـــون
اول ما دحگ علية ضحك : ؏ هل عيون الفيروزية وهل طوق رسميًا بزونتي ، يولووو هو أنـه عگلي مسلوب مني تريدين ادوخ أكثر وأغوص .

تگربت طوقت رگبتو ورفعت نفسي طبعت بوسه
؏ ملامحو وانه ارسم ملامحو اريد احفظهن بكثر
ما احبهن : ابو سمرة مشتاقتلك اريد نظل سوية
نسولف للصبح ، ايام وأنتَ راجع بس ما عدنا مجال
نگعد من الخطار حاليًا اطالب بزلمتي والله .

فقد وهو يطبع بوساتو ؏ كل ملامحي ورگبتي
سيطر ؏ نفسو وهو يرد : يولو ومحمد ؏ أعصابي بعيد عنج
كل ما تمرين مني روحـي تلوب عليچ اريد اسرقچ من الدنيا
ونعيش بس أنـه وياج أيام حلوة تنكفر بكلبي وبگلبچ
حتى اذا بيوم من الايام صار بيَّ شي ما تنسيني .

ضربتو ؏ صدرو وابتعدت سحبني من ايدي
برطمت شفايفي ودموعي تلالي صارت غصبًا عني
حضني بكل قوتو وهمس : يولوو اذا اذا عليش تزعلين
كلنا نموت كلما فانون بيوم بس الموت يبعدني عنچ
رغم التهديدات الصارت ويايَّ مستحيل اترك هوبا
ذات العيون الفيروزية مخيطة بروحي .

رفعني من الارض وهو يوسع بوساتو
بكل إنحاء وجهي ويتجرأ اكثر واكثر
من نزلني ؏ سرير وهمس : يولو انتِ تريديني وانه اريدچ
ماكو آحد يمنعني من حبچ ولا شخص يمنع هوبا من حبي .

ذهب : اعصابك نتفاهم نگعد ناكل نشرب كــانـــون لحظة ..

كــانـــون : اعوف الكيك واكل جبس معقولة يولووو معقولة .

حضني بكل تملك وهو يهمس
بـ إذني : غني بـ اسمي ليلچ كلو
ورددي كلمة يا ابو سمرة أحبك
وانه العب بحنايا جسمچ وترد عافيتي وحيلي .

سهرتنا صباحية بين غزل وحب واحتواء
وسوالف وفلم وگعدت عشق وهيام ما حبيت
تخلص بس ابني كان عندو رأي اخر بالموضوع .

الساعة بـ 3 الفجر بعدني بنص الفلم واكل طبعي
ما هجست غير الأوجاع لازمتني گضبت بطني
وجمدت وانه ادحگ بوجهه كــانـــون : حبيبي بس لا أولد اليوم .

كــانـــون : عندچ أوجاع ؟

أومأت براسي بسبب مرضي خطر كلش خطر أولد طبيعي
لان متلازمة توريت تجبرني ؏ حركات خارجة عن سيطرتي
واحتمال من كثر الوجع تزيد عندي واسوي شي بنفسي بدون
سيطرة ، بكل هدوء كــانـــون مجهز كلشي وحتى ما تجيني النوبة
يتصرف طبيعي بس ايدو تفضحو من ترعش وهو يلبسني عباتي
نزلني وهو حاضني وبيدو جنطة الطفل وجنطتي
گعدتي ؏ تخم وراح الغرفة عمتي رضية انطاها علم ورجع
اخذني للسيارة وهو يبوس بـ ايدي لان علامات نوبات المتلازمة
زادت عندي همس وهو يصعدني : لا تخافين والله ماكو شي
هساع تولدين بسلامة ونرجع ويانا ابنه .

ذَهــب: لان انتَ ويايَّ ما اخاف ، بس أتمنى أخواني ويايَّ .

كــانـــون : بس تطلعين بخير وسلامة اخابر عليهم تحجين وياهم متفقين ؟

هزيت راسي من اجت عمتي رضية صعدت بالخلف
فركت كتفي وصاحت وهي تريد تخليني اطمئن : وأخيرًا راح تولدين
وترجعين انتِ وابن حبيبچ كــانـــون ، صيري سباعية زين يمه .

گضبت ايد كــانـــون وملت راسي علية هو
يطلع بالسيارة ويعلمني : الدكتورة تگول اخذي شهيق وزفير حبيبتي
الى ان نوصل حتى تسيطرين ؏ الوجع .

صرخت من النوبة وصرت اضرب بنفسي
دحگ كــانـــون ؏ عمتي وصاح : مو گلت ابد مو مال طبيعي
ما اقبل ومحد نخلصها تضرب بنفسها شنووو مستغني عنهاا .

وصلني للمستشفى الدكتورة منتظرتني
دخلتني للغرفة وهو ويايَّ بعد الفحص
همست: والله سهلة ولادتها بساعة تولد طبيعي حتى لو نوبة عدها .

كــانـــون : دكتورة رجاءً عملية هي نفس الشي
گلبي ما ينطيني تظل تضرب بنفسها ومنا وجع الولادة لا صعبة
وصدگيني بعد شوية تزيد النوبة اكثر واكثر لااا لااا عملية أفضل .

الدكتورة: ذهب ماما انتِ تقبلين عملية .

ذَهــب: دكتورة كــانـــون يعرف بحالتي نمشي عملية احسن .

طلعت وره دقايق دخلت هي وممرضات اثنين
جهزوني للعملية ابر ؏ ادوية ما عرفت شنو
واخذوني للصالة تحت نظرات كــانـــون
شكثر يبين هو قوي بس من دخلت گعد
؏ كرسي ولمحت دوهــان يركض وگف
يطبطب ؏ اكتافو ، وام كــانـــون وصلت عدهم
آول دخولي بـ اول دقايق بقيت اركز بالمكان
ادوات العملية هزتني من الداخل بعدني افكر
ودخل ابو التخدير ابتسم وهو يسأل: اسمچ ذَهــب ؟

أومأت براسي كمل وهو يستفسر : شنو قررتوا اسم الطفل .

بعدني ما جاوبت رحت العالم ثاني ما هجست
لا بوجع ولا بتفكير ولا بخوف توكلت ؏ ربي
واستسلمت ، ماعرف شكر من وقت بس وعيت
على نفسي اصرخ بـ اسم عزيز وهَــيـلانـة واتوسل
بكانون سمعت عمتي رضية تسولف عن الموضوع
_ مشلوع گلبها ؏ اخوانها بس ابد ما تحچي وتشكي .

كــانـــون گاعد يمي گاضب ايدي
كل ظنو بعدني تحت تأثير البنج : هي ماتحب تشكي لو تبجي
جدام احد بس من نظل وحدنا تطلبهم وتريدهم .

رضية: يعني ماكو امل يطلعون منهم ؟

كــانـــون : بنص داعش العيون كلها عليهم
موضوعهم صعب لو يطلعون لو ..

فكيت عيوني وسعتها رغم التعب
_لو شنو انتَ وعدتني يطلعون عليش غيرت كلامك .

التفت مصدوم مسح ؏ راسي وتلمس ملامحي
_ يطلعون وتلتقون لو اعرف أنـه بنفسي اروح وأرجعهم الخاطرج .

رضية: الحمدلله ؏ سلامتچ أمي مبروك حبيبتي .

ذَهــب: الله يبارك بيچ عمه بس وينو ابني .

كــانـــون : أروح أجيب البطل الصغير واجي امو تريدو .

راح وكلها دقايق ورجع بيدو الطفل اخذتو منو
كــانـــون فرحان الى درجة بس يضحك
دخلت وراه ام كــانـــون باستني وگعدت
رفعت راسي وهمست : سبحان الله..

ضحك وهو يهز راسو مفتهم قصدي : يشبه خالو عزيز
نفس البياض ولون العيون سمائي تحبين عزيز اكثر مني يولووو .

ذَهــب: هههههههه مو هيچ بس هي بعد طلعت يشبه اخواني اكثر منكم .

بقيت احفظ ملامحو من هو صغير مربرب
عيونو كل ما يفتحها وكانها سماء صافية
وجهو كالبدر ابيض كل من يدحگ عليَّ يصفن
ويصلي ؏ النبي الدكتورة والممرضات تعجبو
بي وكل شوية تجي وحدة تاخذو مني ويطگون
صور وياه على الجمال ، گضبت ايد كــانـــون
وهمست : ؏ الإتفاق مو اسمو العزيز ؟

كــانـــون : اي عيوني انتِ سميتو العزيز .

رضية: حجيت أنـه وكانون وبلغتو ما يصلح يا بنتي
خالو عايش ميصير يتسجل نفس اسمو ما يصلح .

ام كــانـــون :أنـه ما احجي اخاف كــانـــون ياخذ موقف
بس يا ابني مو زين فال مو حلو لا ؏ خال ولا ؏ طفل .

كــانـــون : سألت بيها وطلعت عادي امي بعدين نخليها
؏ الله هو يحرسهم ويحميهم ماكو اية قرانية او حديث
يثبت هل موضوع حرام او فال مو زين ..

وجعت نمت من التعب بالساعة وهمَّ مجهزين الأغراض
وكلشي بس گعدت ساعدني كــانـــون حتى امشي
ملت جسمي عليَّ ومشيت الممر كلو بس عندي وجع
للنص والتفتت ؏ كــانـــون بتوسل : كافي فدوة بعد ما اتحمل رجعني .

اول ما دخلت الغرفة عمتي رضية لبستني عباتي
وطلعت أنـه وكانون نمشي جدامهم بس بطيء علمود العملية
والعزيز بـ ايد ام كــانـــون فرحانه بي ، صعدت بصعوبة
بالسيارة من وصلت ضحكت بس شنو العملية موتتني
قُــسَـم بالباب بيدها جيس جكليت وتموز بيدو باقة ورد
ودوهان يضحك عليهم قُــسَـم تهلهل وطش علينة
نزلني كــانـــون اخذت باقة الورد ودخلوني جوة
مجهزين نفس النفاخ وترتيب ولادة قُــسَـم
_ والله خجلانة منكم شكرًا .

تَـــمــوز : عليمن هل كلاوات غير انتِ طلبتي
تريدين ورد وكيك ونفاخ ، بس شني تستاهلين ولدتي اجنبي
عدلتي ام النسل نسل العائلة الأسمر يلطم ويشگگ بهدومو .

گرصتو من ايدو وانه اضحك همست بتعب : يول يوم الك تتزوج
ونفرح بيك وزوجتك تولد واحنا نوگف وياك ونرجعها.

رفع ايدو ونشغ من اعماق كلبو وبكل حيلو
_ اححححححححح امين ربي امين كون حلوة ربي أنـه اذا مو حلوة
لا تزوجني ربي اظل العب وانه اريد من اتروج اعقل اهم شي
لعيون وياع جتاله ، والوجع ابيض ربي وهاي هي الباقي سهل
ربي ربي ربي الوجه الحسن اهم من الأخلاق عندي .

رضية: موجودة هل مواصفات .

ما اقتنع وغير الموضوع قافل على گازو
الكل طلع بقيت بس اني وكانون نتعشى
مشاوي بس اكلت نمت نومه طويلة والعزيز
باقي عند عمتي رضية الثاني يوم بعدني
نايمة ومن الصبح اسمع صوت فراس
عدلت نفسي دخل كــانـــون وابو دفع الباب
ودخل : الحمدلله ؏ السلامة ..

رديت بتوتر لأول مرة يحجي ويايَّ
بحترام : الله يسلمك .

بكثر هدوء شال الطفل من الهزاز
صفن بوجهو ودار ؏ كــانـــون : ما يشبه الــ دلــيـم بس جميل ما شاء الله .

رجع الطفل وطلع علبة بيها اسوارات اثنين ذَهــب صغار لبسهن بيدو
والباقي من العلبة اسوارات إكبار دحگ علية ما راضي بس مستسلم للواقع
_ وهاي هدية امو لهنا أنـه ماعندي شي وياچ ولا ويه ابني كــانـــون
أكو شي يجهلو احفاد الدليم وهو بطبعي احب الشخص يتعب الى
ان يحصل ؏ حب حياتو ، دركان من منعتو من قُــسَـم وجنت اعرف
ابن عمها دوهان يحبها دخلتهم بـ اختبار وردت بس ابني يثبت
حبو بس مع الآسف أنسحب واضح هساع منو يستاهل قُــسَـم اكثر .

كــانـــون : لا تبرر افعالك .

فراس : ونفس الموضوع مع تَـــمــوز كان يظن يحب گازو
ودخلتهم بـ اختبارات اول مرة گلت اي يحبها احتواها بنص اهلو
بس من الموقف الثاني انهز وما حافظ ؏ ما يسمى حب حياتو .

كــانـــون : شنوو هل منطق ؟

فراس : اما ابني كــانـــون اثبت حبو بجدارة بحيث
هو مهدد يخسر رتبتو اذا ينكشف هو متزوج بنت
من نسل داعش وهل حقيقة لا تنكر لا استصغر
ولا اهدد بس اهلچ دواعش يا ذَهــب ، ورغم التهديدات
والصراعات والضغط مالتي هو متمسك بيچ وقرر
تكونين ام اطفالو وربح بـ الاختبار والف مبروك عليكم .

كــانـــون : متخيل نفسك محور الكون وبراحتك ادخل العالم
بـ اختبارات وتقرر ينجحون او تستمر بتعذيبهم وتستهدف
گلبهممممم اتعجب ؏ تفكيرك .

فراس : أنـه ابوك وعمهم اخاف عليهم مو من المعقول
عائلة مهمة مثل عائلتنا تدخل بيها وحدة من نسل داعش
والثانية رقاصة وقسم أنـه نقذت الموقف حتى ما يتحاربون
عليها اولاد العم وتصير عداوات بين عائلاتنا العائلة اهم ابني ..

تركنا وطلع بكل رزانة يمشي بحيث مشيتو والقيافة
بيها هيبة عظيمة يفرض وجودو بالمكان
بعد ما راح اجت ام كــانـــون بقت يمي
لبستني گلادة من الذهب كلش حلوة
ورجعت وجبة الخطار ناس رايحين وناس داخلين
كلهم جماعتهم بالدوام بحيث من كثرهم قليل ادحگ ؏ كــانـــون .

بس رجعت اگدر امشي وخيوط العملية انفتحت
رجعت الغرفتي كل الفترة الفاتت عمتي رضية
تعلمني شلون اهتم بالطفل كــانـــون حفظ اكثر مني
بس نكون وحدنا بالغرفة يجهز ملابس العزيز
وهو ينزع ملابسو يخلي يلعب بيدو ونضحك
؏ حركاتو فرحانين بي الى درجة ما تنوصف
شعور غريب اكون ام من شخص دفعوني
اسلم راسو ويموت ، بس صار العكس
وهو اليوم حب حياتي وابو ابني ربي عوضني
بكانون ونعم العوض ، بوقت ما يصير حمامو اشترينا
بانيو صغير للطفل يخلي منشفة وينومو
ويلزمو واني اسبح بي ونرجف من الخوف
بس اخلص اخذو منو انشف وكانون يبدل
ويظل گاعد جدامي الى ان اكمل رضاعة وينام
ينزل يحتار شنو يشتري من اكل وحلويات ملابس هداية
عشت احلى ايام عمري أنـه وكانون وابني العزيز ..

><><><><><><><><><><><
هَــيـلانـة..

مرت سنة من المعاناة كُل يوم يخلص بهل معسكر افقد
عقلي اكثر من قبل وإجباري افكر بـ اي طريقة اطلع
نفسي من هل مستنقع القذر ، المواقف تمر جدامي
تاخذ ثلثين حيلي وعمري ، بعد كل حالة ذبح
وصلخ تصير جدامي افقد الأمل اكثر واخر موقف
موت الدكتور وزوجتو جدام الكل وجثثهم
قطعوها وزعوها ؏ الكلاب من لحظتها
حتى الــســفــاح فقد الأمل نطلع بسلامة من هين
سمعتو يبلغ العزيز قبل شهر من هل يوم
من يومها قررت اخلص نفسي بنفسي
تكررت حالات الهروب من السبايا
والمعتقلات عند داعش كل فترة
مجموعة تهرب وينجحون بالهروب
اصريت وصرت اراقب الوضع
الى ان اجه اليوم المشؤوم استعجلت
وبدون تفكير قررت ..

غافلت الكل كل تفكيري محد مراقبني والعيون مو علية
حالي حال البنات الهاربات البقية بس طلعت غلطانة
أخر دقائق ، أخر آمل ، اخر آمر تنفيذ ، ملمس الشال
اقدامي وهيَّ تخطي اول خطواتها نحو الحرية المبهمة
دقات قلبي السريعة ، من الخوف قبضة ايدي ؏ صدري
خوفًا ينسمع ، رفعت راسي للسماء بعد غياب طويل
أتذكرت طفولتي بالسطح اني وعائلتي أحسب النجوم
الى أن تغفوا عيني ، كلشي مختلف بهل ثانية
بس غلفت او أغلقت عيني عن الحقيبة ، اليوم النجوم أختفت بسبب الدخان التفجير ، بس اصريت إرفع أيدي وأحسب واحد ، اثنين ، ثلاثه
أحسبها وغافلة عن عيون تتلاعب بدقائق حياتي
فكرت او هيئة نفسي خلص تحررت من قيودهم
هذا ألباب وأخيرًا مفتوح إمامي
دعيت ربي يطولون بالاجتماع المعتاد
من فرحتي شمرت شالي وركضت
شعري يطاير بالهواء
رجلي حافية لامست الأرض
وكأني ركضت بالجنة
سحبت نفس بعمق وإني مستمرة
أركض وأضحك حتى ألامس
حبل نجاتي وأوصل لبر الأمان

معقولة بهل سهولة ..!!

الأرعن يفكر بهل سهولة
ومايحسب حساب العواقب .

(في مكان أخر تحديدًا في حجرتهم المغلقة )
الكل جالسين حول ميز قذر يخططون لقتل الناس البريئة
الــســفــاح ، ابو لهب ، جلاد ، وباقي الأمراء
العزيز واگف بعيد عنهم هو ومجموعة من الحرس
دخل واحد منهم وصاح وكآن منتظرين هل كلام
- سيدي ذات العيون السرمدية هُربت.

رد جلاد بكل برود وعلى محياه إبتسامة ماكرة شامتًا
تمركز يدرس تحركاتهم .
- عُلم .

اصبحت الابتسامة ضحكة أستفزازية تعلوا ملامح وجهو
تقدم صار امام السفاح يضرب الطاولة بخفة ليتكلم
بصوت خشن رجولي حاد .
- شبلاك تتراجف .

اصوات بلع ريق يابس
وقطرات عرق تتساقط
تشبه دقائق حياتها ..

تكلم الأخر لتصبح ملامحهُ الرجولية ضعيفة راضخة متوسلة
السفاح : اخر مرة إسمحلي اتصرف وياها .

خطوات جلاد بطيئة يتقرب بها من الــســفــاح آكثر فـ أكثر
قلص عيونو ينظرلو بنفس حدت نظراتو
المعتادة ربت ؏ الكتف ورد بخشونة..
جلاد : أطمئن انتَ الوحيد تتعامل وياها بس .

اخذ جكارة شغلها ركزت جميع العيون
؏ جمرة الجكارة عدل لحيتو وكمل .
جلاد : مو بغرفة مغلقة تقنعها تنچعم
كم يوم حتى تهربها بالوقت المناسب ، هههههه
ادحك حالك تخربط تظنون اني غافل
او مغفل عن تخطيطكم .

سحب المسدس فتح الشاجور
اخذ طلقة وحدة وقبل لا يضعها في مكانها المناسب
كمل ونظراتو تحولت لغل .
جلاد : تشوفون هل طلقة حتى امي اقتلها بيها
اذا تسبب خطر ؏ شغلي .

تمركزت الطلقة سحب اقسام
ونسحبت أيدو بكل حذر .
جلاد : طلقة وحدة تموتها وتموت گلبك وياها
لا مكان للضعفاء هنا .

دموع تهرب من عيون العزيز ، لحظة ادراك
أصوات استعجال من الموجودين يضغطون بيها على الجلاد
، صوت ضعيف يصدر من الــســفــاح يعلن الهزيمة
_ انتَ هربتها ؟

جلاد : صح اني ومنتظرها توصل للهدف
وهيَّ مثل الشاطرة تركض للموت .

الــســفــاح : عليش ؟

جلاد : خطر والخطر يموت قبل لا نموت .

ضحك بوجع ليتكلم يصحح الكلام
السفاح : تصحيح سبب القتل رفضتك واختارتني .

ليكمل السفاح بنفس الأسلوب ضاغط ؏ مخارج الحروف ، ضرب ؏ طاولة
بقوة وصاح بصوت عالي يعلو صوت الكل
- أنـه أريدها .

ابتعد جلاد وهو يسحب نفس من الجگارة
وسرعان ما رفع حاجبو ورد ببرود فضيع .
- ادحك الصدفة كلنا نريدها بس ورقتها سقطت
والمتداول ومثل ما نعرف الآنسان
اذا سقطت ورقتو ينتهي عمرو.

- انتَ مو الله ، الله سبحانة مسؤول
؏ الموت والحياة .

- ادحك يول ادحك ولاحظوا منو يسولف عن حكم الله سبحانة
المهم أحيانًا لازم نتصرف ونستعجل
نسقط ورقة غير ورقتنا
وهسة تنفيذ لو أتصرف بطريقتي .

تلامس إيادي السفاح وجلاد حاقدة
ملمس المسدس صار بالأيادي الخاطئة
خطوات ثقيلة وكلمات لا تستقر من الــســفــاح .

الــســفــاح : تدري بعد الراح يصير
فعلا گلبي يتحول حجر مثل ما تريدني
بس صدگني انتوا اول المتضررين
بيدي تسقط ورقتك مثل ما سقطت ورقتها ورقة گلبي .

جلاد : أنصرف .

طقطقة خطواتهم
چثير امامي چثير
واحد ، اثنين ، تلاثه
استمر يحسب بيهم
الى ان وضح عددهم
خمسة عشر شخص
والكل مسلح يعني !!

انفتح باب السيارة تحت انظارهم
دقات گلبهم مسموعة بأذنو بسبب خوفهم من غضبو
صعد بالسيارة متوجهة للهدف
بس اليوم الهدف مختلف
عن كل أهدافو السابقة
اليوم هدفك گلبك .

شخطة السيارة ، وهيَّ تحتك بالأرض
وتمحي الأوساخ الموجودة حتى تصبح
أشبه بالرماد هذا حال ضحكتها
اصبحت رماد يطاير بالهواء وكأنه لم يكن .

أطرافها تجمدت ، ملامح وجهه تصلبت
دعاء يتردد بصوتها المذعور ( أتمنى موجود)
صوت فتح ابواب السيارة يصاحبها صوت رجولي حاد
- مكانج يا ذات العيون السرمدية .

غلقت عيونها بكل ثبات وهي تردد
هَــيـلانـة: مو صوتو مو صوتو ماكو تعال
احميني منهم تعال تعال تعال ..

استدارت لحظة نزول اقدام الــســفــاح
من السيارة عيونها السرمدية
تتجول تدرس تحركاتو الضعيفة
تقابلت العيون بشعور مُهيب
نزلت نظراتها المرعوبة المستوى ايدو
وسعت عيونها وبعدم تصديق
خرج صوتها.

- مُسلح اجه السفاح مُسلح .

وهو يسير متوجهة الها صاح بصوت عالي يعاتبها
- يولي نبهت كثير لو حتى البوب
مفتوحة وهل شيطان بنفسو
يساعدچ لا طلعين ، وانتِ
شسويتي للمرة المليون
تكسرين كلمتي .

هَــيـلانـة: تدري اليوم عندي أستعداد اموت وما ارجع للمعتقل
أبقوا انتوا كُلكم تحت رحمتو يستعطف عليكم
حياتكم اني أشتري حريتي حتى لو ؏ حساب
خسارة حياتي صير زلمة وقتلني.

رفع السلاح وصاح بصوتو المبحوح
وعيونو تحفظ تحركاتهم .

- اني احبچ يا غبية شلون اموتچ بيدي شلون
هَــيـلانـة تريدين تمووووتيني .

تتساقط الدموع تشبهه قطرات المطر
رفعت راسها للسماء تمنع دموعها
من النزول مثل كل مرة مستحيل
تنطيهم نقطة ضعف.
هَــيـلانـة: (احبچ) كلمة من أربع حروف
عبارة عن فخ استدراج نحو الموت
بسبب كلمة احبچ اني هنا
انطيني شخص سمعها وصدقها
وما نزلت دموعو وبدل الدمع دم
يبجي ، وإنه دممممم ابجي دم ؏ حياتي .

تكلم بصوت يعلو صوتها
الــســفــاح: لكل فعل رد فعل .

ردت بتعب ونفاذ صبر
- القانون لا يحمي المغفلين
ولا الحياة تحمي الضعفاء
ولا الدنيا تحمي قلب حب
لو من البداية دست ؏ گلبي
ما وصلت هين .

باوعت عليَّ واگف يدحگلهم
أدركت مستعد يتخلى عن حياتو
في سبيل ينقذها بس هل مرة صعب
حاولت تسهيل المهمة وحتى ما ينكشف ويموت هو الثاني
تكلمت وهي منهكه محبطة .
هَــيـلانـة: انتَ ارفع سلاحك وأرمي
خلصني للصبر حدود اخوك مستحيل يسويها مو .

صوت دوي طلقة نارية
استقرت بأقدامها ؏ اثرها
صارت مثل الحمامة البيضاء المذبوحة ترافس .

نزلت راسها وصوت صراخها رج المنطقة
سمعت صوت تعجبت هو ضربني ما صدگت عيوني
العزيز : الثقة دمرتچ بعدچ ؏ نفس الثقة بيَّ
والمشكلة اني وصلتچ هين شوفي نفسچ وين
اليوم اني والسفاح مكلفين بقتلچ شنو ذنبي اموت گلبي
بسببچ وبسبب تصرفات الرعنه .

رفعت عيونها كلها دموع ركزت ؏ الــســفــاح
ابتسمت بستهزاء وهي ترد بضعف
هَــيـلانـة : نفس الموقف
بنفس ذكر السنة بس مو نفس الأشخاص
قبل انتَ جبرتو يقتل حبيبتو
وموت گلبو واليوم يومو
نفس الشعور ونفس المكان
صير مثلو وخلصنا.

عصر وجهو متذكر الموقف
سرت رعشة بكل انحاء جسمو
وهل ذكرة زادت غضبو ألتفت صاح عليهم
السفاح : ساعدوني أريدها فتحولنا الطرق نطلع .

- لإلا أرجوك خلص بسرعة لا يوصل خبر ويبتدي يصفي بينا .

- انتو اعتبركم اخوتي واجب تساعدوني.

- أقتل گلبك .

- ادمركم .

- موافقين .

- تشاهدي .

غلقت عينها ونطقت الشهادة ، رجعت فتحتها تكلمت بمعاناة
هَــيـلانـة : ركز بعيوني اخر مرة تشوفها .

إقترب وصار صدرو يلامس
جسمها المرعوب صارت شفايفو
تقبل راسها أغلى انسان ؏ قلبها واقف إمامها
الضربة من عزيز توجع اكثر من غريب
ما هي نهاية قصة حب عاشتها القارورة ذات العيون السرمدية ؟؟

هل هذا نصيبها اما للقدر رأي آخر؟!...

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد