رواية طغيان النجوم 🔞 الفصل السابع وثلاثون 37 - بقلم ⅃ᒍȊ 🖤مراد

#ازل مراد #

#طغيان النجوم #

غزل....الاشياء الاحس بيه رأسان طخت براسي يعني الدورة شهرين ماجتي ..كتله ماادري شفت الاكل ولعبت نفسي
ورحت عليه وشاورته ..كتله ،،،رائد الدورة صارله شهرين ماجتي ،اشو رائد كمز

رائد......صددك تحجين كوومي هسه انروح الاقرب مستوصف اوو مستشفى انحلل

غزل....لااا رائد من نرجع للبيت اجيب تحليل واحلل

رائد.....لااا اشو اله هسه اكومين يله

غزل.....رائد زين اشراح انكوللهم زين وخالتم هم دصب غدة

رائد.....ولا ايهمج اني ادبرة

غزل....كمنه انس ورائد خالتي كالت

ام رائد.....هاااا يمه ووين مو داصب

رائد.....يمه مو صارت عدنه شغله ساعه ونجي انتوو اتغدو والبنات ايضلن يمكم

ام رائد.....شكووو يمه موو وكعت كلبي

رائد.....يمه غزل تعبانه ومعدته توجعه
اشويه راح اخذهه لقرب مستوصف واجي ما اتأخر انشالله

غزل....رحنه لمستوصف بثورة بابل وصلنه اله طبينه للدكتورة شرحتله عن حالتي
كالت روحي لبو التحليل حللي وتعاي انطتني ورقه التحليل اخذته منه ورحنه لبو التحليل طلب تحليل ادرار فسويت اخذ التحليل وكال انتضرو برة طلعنه على كراسي الانتضار نص ساعه صاحوو اسمي
لو اني انهبط ماادري هسه ليش خايفه شنو هلخوف والله خايفه اتفشل ويطلع ماكوو حمل رحنه اخذ التحليل رائد ومشينه للدكتورة ،

رائد....هاج خويه التحايل

الدكتورة....ها زين كلش زين مبروك انتي حامل وهاي الاعراض الدتحسين بيه اعراض حمل وهسه انتي شهرين راح ادخلين بلثالث

غزل......من كالت حامل اني جمدت بمكاني ورائد صفن عليه

رائد.....دكتورة متاكدة حامل

دكتورة.....اي نعم متاكده حامل هيه مو اسمه غزل موو

رائد.....اي نعم

دكتورة.....اي البنيه حامل الف مبروك بس الاحسن تراجع دكتورة نسائيه خاصه

غزل.....مدا استوعب الدااسمعه درت وجهي لرائد وشبكته كدام الدكتورة وكمت ابجي ودكتورة تبتسم

رائد.....كافي كافي يروحي الف مبروك اشش اشش بعد روحي لا تبجين

غزل.....اني من المفاجأء بس ابجي مااعرف شكول ورائد يمسح بدموعي

رائد.....مشكورة خيتي يله غزل امشي خل نطلع

غزل.....صعدنه  بلسيارة وابجي ورائد من الفرحه ايبوس بديه ومسح دموعي

رائد......خلص بويه خلص الله عوض صبرنه بخيرر ورزقنا بطفل انسمي عبدالله
الصغير

غزل......اني سكتت واهز براسي بأي

رائد.....بعد حركه ماكو اتكعدين واتسكتين
وكلشي يجي يمج مثل الملكه يروح رائد انتي وكااافي بجي هلوجه هذا مو حلو عليه الزعل افرحي واضحكي ايام الفرح والضحك اجتي كافي يعمري اشش كافي

غزل.....رجعنه للزيارة لكيناهم مكملين غدة وديشربون جاي
سلمنه اني ورائد وكعدنه

رائد....عدنه خبر الكم اله بشدة

ام رائد.....خير يمه كول وكعت كلبي

رائد...يمه يوممم غززل حامل قبل اشويه حللنه وطلعت حامل شهرين وؤاح اطب بلثالث

ام رائد.....اللهم صلي على محمد وآل محمد يمه اهل البيت انطوني مرادي لخاطر هليتيمه هااي شريفه بيضت وجه
اللهم صلي على محمد وآل محمد يتربه بعزل يمه

غزل.....باكتلي خالتي والكل هم باركلي
ورائد خله بيدي فلوس وكال خليهن بلشباج مالت شريفه عليه السلام عفت رائد ورحت طبيت للشريفه اني وخالتي
وام عبير زرنا  وصلينه واندعينه واني من فرحتي بجيت وتشكرت شريفه بت الحسن عليه السلام وذبيت ٥٠ الف بلشباج
وطلعنه للبيت العصر كلش ....مرت عليه تسعه شهور وبطني وصلت لخشمي ورائد حيل مداريني ومللني ايخاف عليه من الهوة ااخخخ الدرج مابيه حيله كوة صعدت بيدي كلاص الجاي وفتت لغرفتنه
رائد هااك الجاي بعد مابيه

رائد....بطتي الحلوة اشصعدج

غزل.....اووه يا رائد شنو بطه غير من وراك اني صرت هيج

رائد....لج انتي غزاله كلبي وبطه روحي بس لا اتضوجين ،،اكوول اشو دشداشتج دلعه وعريضه منيلج

غزل....اوف يارئد اختنك من ذنيج الدشاديش هاي من خالتي

رائد.....بصراحه اتخبل عليج وخاصه الدلعه

غزل....هاااا اشبيه دلعه

رائد.....ريتني يافاهيه كليبي مكان هاي الكلادة البنص صدرج شحلاته رويحتي بعد كلبي تعاي اكعدي على رجلي

غزل...ههاا ههسه اجيت

رائد.....هههه شبيج خجلانه مني لخاطر الله تعاي

غزل،...بتسمت بوجه ورحت على رجله كعدت حاوط خصري وحط راسه بصدري ايشم بي ررائد كافي عيب

رائد.....اموتن على الخجلانه بطتي لا اتسوين هيج ترة اتعمين على روحج خليني اصبر روحي لخاطر ما اذيج ولج اشوت اتجيبين

غزل،.....مابقه اليوم ٢٣الي بشهري وخخاييفه رائد من الولاده

رائد.....لا اتخافين واني يمج وهسه خليني اشبع شم من عطرج الاعشكه ..اريد املي ريتي ...منه اااخ يمه ...عطرج ...جن عطر جاي من الجنه

غزل....يشم عطري ويبوسني واني احس يمكن وج ماادري تقلصات هسه ليل واخاف اروح ويردوني مابيه شي ،بس اعض بشفتي رائد انتبه عليه

رائد....شلت راسي من صدرهه اشوفه اتعض بشفته .اشبيج غزل خوما عندج الم

غزل،...لا لا مابيه ماكو ماكو وجع هيج حركه الطفل بس

رائد....يله كومي جيبي ايدج خل انام لن كلش تعبان واريد اغفه يم البطه مالتي

غزل....كادني ويا ورحنه للجربايه نام وفتحلي اديه رحت ركضت نمت بحضنه

رائد....افيش ياربي ياريحتج اتمنه اخليج بنص كلبي واضلوعي انتي عشكي غزالتي
احب الفهاوه البيج

غزل.....ررائد اانني فاهييه ،،حجيته بخجل،

رائد.....ههههه لج شنو هلمستحه البيج متبطليه

غزل.....رائد اكعد راحه ونام ،،،بعد مشاغبه
رائد الميكعد راحه نام بس اني ماكدرت انام احس بوجع بطني مرت ساعه ١٢ وال١ وبل٢ واني الوجع كتلني كمت اعض بصبعي من الوجع وماكدرت اكوم خاف ليكعد ضليت اتلوة من الوجع لحد الساعه اربعه بعد مااتحملت ااااااااخ ييمه

،،،،رائد رائد رائد اكعد حباب بعد ماتحمل اخ يمه اكعد فدوة

رائد.....اممممممم هسه

غزل....راح اجيب اااخ كعد ااااااااااخ يمممه ،،صحت بعلو حسي وجان يطفر حس بيه تلمس بطني كام ركض رد اجه خبص روحه عباله هوه الراح ايجيب مو اني بسبب الركض مالته نسيت الوجه....شوي رد الوجع عليه كمت اصيح اجه شالني ونزل يركض وداني بلصاله وركض لخالتي يدك الباب عليه

رائد.....يممه اصحي يوووم يمممه اكعدي عوفي ابويه ههه يومم

ام رائد.....اجيت ،،يمه شجاك اتخبلت اشبك كسرت الباب

رائد.....يمه الحكي غزززل راح اجيب يله يله يمممه شجاج تمشين على كيفج

ام رائد....شجاك يمه جنك انته الراح اتجيب مو هيه يمااااا اتسودن الولد

غزل....خالتي تحجي وهوه اجاني طاير ويمسح بوجهي

رائد.....اتنفسي اخذي نفس غززل

غزل....اني ابجي من الوجع ررائد ماتحملل بعددد رائد ارحمني راح اموت

رائد......خخلص ياروح رائد هسه اخذج بويه اتحملي ريت الوجع بيه ولااا بيج يروحي ووج يمه يمه وينج موو راح اتموت من الوجع لخاطر لله يله

ام رائد.....ولك شممالك اتخبلت اجيت اجيت اخذهه للسيارة كدامي

غزل.....كوة متحمله الوجع ذب العبايه على راسي واخذني للسيارة يركض مخبوص بيه ماادري اضحك على شكله ماادري ابجي على حالي ركبني بلسيارة واجت خالتي ومشه بينه على السريع عبالك راكب سيارة سباق وصلنه للمستشفى ويردون ياخذوني لصاله الولادة واني امجلبه برائد ابجي ويمسح دموعي

غزل.....رائد مااربد اطب اني خايفه لا اتعوفي حباب اااااخخ يمه بطنني

رائد.....اهدي يروحي اهدي اني هنا ناطرج
روحي جيبي وتعاي اريد اتصيرين سباعيه
ولا اتخافين اريدج اتطلعين سالمه بويه انتي

غزل...رائد خخايفه اروح خخايفه فددوة اروحلك لا اتروح من يمي

رائد.....يمج وعلي يمج مااعوفج هيه ساعه زمان ولااا اتخافي انخي ابو الحسن علي يوكف على راسج

غزل.....ونعم منه ااني رايحه ،،رائد مسح دموعي وباسني من راسي وطبيت للصاله كامشه ايد السستر وايد الثانيه لازمه بطني طبيت للصاله وبديت اطلك واحس روحي تطلع ويه كل طلكه اااخ يمه ودكتورة على راسي

دكتورة....ادفعي خل يطلع الطفل ليختنك

غزل......ااااه يمه جانت اخر طلكه صحت بيه ياعلي واحس روحي طلعت ويه الطفل واتخردل جسمي كله احس روحي نحلت وعيوني مدمعات وكوة اشوف جانت السستر يم راسي تضرب على خدي واتكلي لا تغفين اصحي اجتج بنيه اتخبل
مثلج،،جنت اسمع صوت الطفله بس راسي
مااكدر اشيله المهم بدلنلي وكلمني وطلعني غرفه خاصه رائد طلب هذا الشي
ودوني للغرفه علي الجربايه واني اصلان بيدي كانونه شدولي مغذي بيه وغطتني زين ورائد اجه رائد كلبه ناط عليه اتحمدلي بسلامه وباسني من راسي  وخالتي هم بعدين كتلهم وين بنتي

رائد...بلخدج يم الجهال اشويه وايجيبوهه
اكوو هناك جم عراقي جاي للدنيا راحت يمه

غزل....رائد ههه مااكدر اضحك حته هنا
اكول رائد لااا صدك خاف ايبدوله

رائد...لا تخافين فالتو ايبدلوهه هسه اشويه وايجيبوهه الج يروحي انتي

غزل....جان رائد فوك راسي ويمسح على راسي بيدة ويلعب بشعري واني تعبانه مانايمه  وجسمي منتهي نمت ماادري بروحي ساعين وكعدت رائد حاضني  وايده بشعري يلعب بي وراسي يم صدرة
صاير حيت روحي بحضنه وهوه منتجي على الجربايه من فتحت عيوني باسني من راسي

رائد.....هااا حبيبي اشون صرتي

غزل......زينه الحمدالله بس وجع خفيف بطني

رائد....هسه لعد اروح اصيح الدكتورة اشوف اشوكت نطلع وتكتب العلاج الج

غزل....دنسولف وجان تدخل الدكتورة
بس من شفت وجه مايبشر بخير احس جلدي كله كزبر من مجرد انو اكوشي وكلبي لكفته الخوفه

الدكتوره....الحمدالله على سلامتج مامه

اشلونج هسه انشالله احسن

غزل.....مع وجع بطني اكو وجع ثاني ماادري شنو كوة جاوبت الدكتورة وكتله الحمدالله زينه شفته دارت لرائد اتريد اتحاجي

دكتورة....استاذ رائد ممكن تجي اشويه لمكتبي اذا تكدر

رائد.....صفت بوجه يالله ،،،،اي اي اكدر

غزل......اني بصراحه كلبي نغزني اكو شي

شفته رائد لحك الدكتورة ورة ربع ساعه تجه وجانت خالتي يمي وام عبير اجتي خطيه ،،،اجه رائد كعد يم الباب وحط ايده على راسه لو اني خفت راحت خالتي وام عبير يركضن عليه

ام رائد......يممه اشبيك ليش هيج كاعد

اشبيك يممه احجي

رائد......ااااخ يمه الله ليش كله يمتحني بجهالي ليش هااا ليششش

ام رائد.....استغفر ربك يمه اذكر الله

ولاااا تحجي هيج

رائد......والله يمه بنتي مريضه لو اتعيش ساعه لو متعيش بلزايد يووم

غزل......من سمعت هيج لطمت على صدري انتبه عليه واجه يركض لزم ايدي واني كمت ابجي على حضي ونصيبي
بعدهه توني ولدته ماكملت اليوم توهي تلث ساعات

غزل......كمت ابجي بكل الحيل البيه والله دموعي من كد ماحارات احسهن يجون خدي ليششش هيج ليش رائد مامقسوملي
اخلف ليش والله كل حباله جنت احبله جنت اخاف والله اخاف ومن صارت هلطفله هااي منك امنت وكلت واخيران
راح اصير ام من الرجال الاحبه الراح ايخليني اسعد انسانه هممم مااتهنه ليش
ليش رائد اااااااخ يييممه كلبي راح ايطك

رائد.....وج بويه اسكتي

غزل......رائد بتنه يعني هاي هيه متعيش كولي اني شمسويه بحياتي ايصير بيه هيه كووووووول ،،جنت ابجي واحرك اديه ورجليه اتخبلت على رائد خبال

رائد....كافي كافي مو زين عليج كااافي كله هذا الدنمر بي امتحان من رب العالمين
صيري قويه واتقبلي امررر الله

غزل.....كمت اصيح بعلو حسي،،،،مامكتوبه
مامكتوبه ليشششش مامكتوبه اتقيش رائد ليششش ياربي ترة هوه طفل واحد ماردت اكثر  ردت املي بي حضني ليشش اتريد تاخذهه منننني،،،فقدت من البواجي
لمن دخلت الدكتورة

دكتورة.....الطفله كلبه مفتوح ومتكدر تتنفس وجسمه مشوه ولازم نذربه ابرة علمود اتموت لو تنتضرون هيه وحدهه اتموت

رائد....بعصبيه...مستحيل اموته اذا الله كاتبله عمر اتعيش ماكاتبله هوه ياخذ امانته بدون اي ابرة ،،،وين السستر خل تجي تضرب غزل ابرة مهدء

غزل.......بقيت ابجي وهوه حاضني صعد على الجربايه ورة ضهري وحضني وصار صهري على صدرة ويمسح بشعري اجت ضربتني ابرة مهدءة وضل راسي على صدر رائد ويمسح بسعري واني جنت ابجي لحد ماغفيت ضليت نايمه الي اربعه ساعات وهوه على كعدته بحضنه يلعب بشعري ماعافني خطيه رجل بلكاع ورجل على الجربايه فتحت عيوني لكيت عباس وحسين وعلي وحسام ورائد كاعد وساكت حاير بيه ميسولف واني هم ساكه ونايمه بحضنه بس عدلت نومتي صار ضهري بصدرة حيل وحاوطني بثنين اديه مرررت ساعات وضع الطفله مانعرف شنو والكل يمنه نايم واني ورائد بغير عالم ساكتين ونتفرج عليهم لحد ما اجت سستر دكت الباب حاجاهه رائد كالته الدكتورة اتريدك

رائد....هسه خويه جاي جاي

غزل.....رائد خخايفه صار شي بطفله

رائد.....بس لا تنهارين هسه جاي بويه انتي

غزل....راح ورة اشويه اجه حضني ويبجي
حسيت بنتي راحت كلت هاي هيه ماتت بنتي بعدني حته ماشفته شنو شكله كضيت هالساعات العاشتهن مو يمي
واني شلته تسعه شهور على امل املي عيوني منه كلت مامكتوبتلي لازم اضل للأبد حزينه والخزن والفراك اذيه حضنت رائد من وكمت اصيح وابجي واضرب بضهرة لحد مااغمه عليه ......

هاي الاغنيه لرائد وغزل

لهنا واختم البارت اتمنه عجبكم

ااااخ يكلبي الله ايعينج ياغزل

باااااي