رواية طغيان النجوم 🔞 الفصل الثامن وثلاثون 38 - بقلم ⅃ᒍȊ 🖤مراد

#ازل مراد #

#طغيان النجوم #

شجاني او من جديد انوب حبيّت

جنت عاقل ، واكيد اوياك جنيّت

تبت توبه نصوحه امن العشك دوم

او على فيض المشاعر حرس خليّت

إقفلت كلبي قفل مرعوب وبليل

عجيبه اشلون كلي الكلبي طبيّت

للعشرين جن ارجعت وياك

او جن كبلك ولا فد يوم حبيّت
*****
على رموشك كحل ، من حزن ودموع

او على وركة خريفي افراح نديّت

ياعين التشيلك يا شمس آب

اشيلنّك جمر لو الك صديّت

فداك الراح كله ، او انذر الجاي

او عمت عينه اليكلك يوم ضحيّت

يا آخر ملاذ ابشحة الطيب

او بيت انته او فداك ايروح كل بيت
*****

ضليت ابجي لن مامكتبولي غير بس الحزن والفراك بجيت من كل كلبي
واشهاهك واضرب بضهر رائد لحد ما اغمه عليه ماادري شصار بيه حسيت بلسبعه بليل شاديلي مغذي ورائد باقي حاضني ماتركني من اغمه عليه لحد ماصحيت هوه على نفس الحضنه باوع الكل رايحين بس ام عبير وعباس يمي
عباس كاعد مقهور على حالي ايشوف اخيته اشون ضالمه الوكت وكاسر خاطري

ااااخ تعبت كل طفل ايصير بطني مامكتوبله ايعيش ليشش ،،حركت راسي على رائد

غزل....ررائد

رائد...هااا

غزل....ليش مبقيني هنا تعبت من شوفه الغرفه هاي

رائد....ميخالف بويه علمود صحتج بس الليله

غزل....ياصحه البقت رائد اني احس صحه مابقت اليه من بعد بنتي

رائد....كله من ربج نتقبله

غزل.....جريت نفس طويل وكتله، ،،وينه

رائد....تبارك بتنه

غزل.....ااااخ يايمه اي وينه

رائد..... اخذوهه اخوتي واخوتج وامي وراحوو يدفونه وردو للبيت

غزل....رائد تعبت حييل واعصابي تلفت
جنت محضرة ملابس اشكال اله ومهد اشتريت وكل اختارينا راح

رائد......اذا الله اخذهه فأكيد كاتب الاحسن وكله هذا امتحان منه لاتتمردين على القدر والمكتوب بويه اني وانتي موجودين وربج كريم وايعوض

غزل....موبيدي بويه موبيدي احس نار وشابه بضلوعي ،،،كمت ابجي ورائد ايهدي بيه عباس كام متخبل

عباس....اش بويه اسكتي مو فطرتي كلبي
كافي كاافي

غزل....خويه كلبي يوجعني على بنتي

عباس....كافي بويه مامكتوبه وهيه من طيور الجنه لا تبجي واني هسه نفسه لا ايصير بيج شي

غزل.....عباس متخبل اخبال عليه ضل هدئني وباسني من راسي وماضل وكت دنيا ليل
كال اروح للبيت وام عبير هم تعبت راحت ويا ضلينه بس اني ورائد

رائد....تعاي نامي بحضني يروحي

غزل.....مو خاف تجي ممرضه

رائد.....تعاي بويه خل انه اليوم انيمج

غزل....نام يمي على الجربايه وخلاني بحضنه واني دفنت راسي بصدرة واحس روحي خصرانه خصارة اشكبرهه احس تعب تسعه شهور راح هيج احس روحي باجر اطلع من المستشفى بس نفسه بدون طفل ،،ضليت افكر واندب بحضي رائد حس بيه دفع راسي على صدره واني غمضت من الافكار التوجع ونمت ،،،حسيت الصبح رائد ديحضر بلجنطه شافني مفتحه عيوني اجه عليه

رائد....صباح الخير حبيبتي

غزل.....باسني من راسي وصبح عليه واني كتله صباح النور

رائد.....يله حبيبي كومي احضرج حتى نطلع للبيت

غزل....اي اي كمت حضرت روحي واجه حسام وسام واجت الدكتورة شافتني وسجلت دوة وخروجيه وراحت ورائد اله ايشيلني وفعلان وداني شيول للسيارة
كدام الناس وصعدني ليورة واجه نومني بحضنه وحسام وسام ليكدام والطريق كله اني بحضنه وراسي على صدرة ورائد شفايفه على كصتي بس يبوس بيه بهدوء
ورقه وصلنه للبيت وهوه شالني ماخلاني
اني انزل امشي طبينه للبيت وصعد بيه لغرفتنه ونومني على الجربايه وباسني وراح طبيت ام عبير سلمت عليه ورادت اتكومني للحمام دخل رائد بيدة كرسي دخله للحمام

رائد....ام عبير حضري ملابس اني اسبحه

ام عبير......لاااا خويه اني هنا يمه واسبحه بيدي انته ارتاح

رائد.....لااا اني اسبحه لبنيتي بيدي لنتي بس حضري هدوم

غزل......وده الكرسي بلحمام واجه عليه شالني للحمام وكعدني على الكرسي وشله رداناته ونزعني ملابسي كلهن وبلش يسبح بيه واني كلش اخجل منه من ديسبحني بس هوه عادي عنده كملني غسل ولفني بلبرنص وطلعني على القنفه اجت ام عبير بدلتلي وهوه راح للحمام اليوم خصارت طفلتي واني عمري ١٩ سنه في السنه المرة
٢٠١٠ خصرت ثالث طفل اشيله بطني،،كمل رائد طلع من الحمام اجه يمي اخذ المشط من ام عبير واجه ايمشطلي لزم شهري مشطه وضفرة اليه واني ساكته وصافنه
ولا احجي ذابته على الصامت ورائد اني بين اديه مثل اللعابه صافنه واتذكر بنتي الماشفته ولا شميته ولا خلوني اشوفه ...حركني رائد شالني وداني للجربايه وغطاني..وباسني من راسي وام عبير يمنه ماطلع خطيه تعتبرني مثل بناته

رائد....ام عبير خويه جيبي الريوك لغزل

ام عبير......اي خويه هسه من عيوني هوه اني عندي جم بنيه مثل غزوله

غزل.....طلعت ام عبير اشويه وردت جايبه بيدهه الريوك خطيه خلته كبالي جان ماعون بي لحم وكبدة كله مشاوي وخبز حار

رائد..مشكورة خويه تعبانج

ام عبير....لا والله تعبك راحه وهسه اني رايحه يم الوالدة اترخص

رائد....غاليه،،،يله حبيبي خل اريكج

غزل.....ما اكدر والله

رائد.....اي مو هيه بكيفج تعاي اني اريد اوكل كلبي مالي شغل بيج

غزل....كعد ايوكلني واني كوة ابلع اللكمه احسه مرة هوه اني ويني وين الاكل واني دافنه رابع طفل اليه ..ضليت تسعه شهور حمل وتنسا وتعب والله تعبت ولا دا احوي طفل والله نفسيتي تعبت وانوب طلعب الدكتورة بعد مااحبل اله بعد سنتين لازم ارتاح.زادت الخنكه بصدري انقهرت حيل
واني اشوف الكل عايش و مرتاح واني مدوملي الفرحه مرت عليه الايام واني نفسيتي زفت هلمت حته نفسي وماادري بال كمت بس رائد ماشك بأهمالي ولا حاسبني ولا اذاني بكلمه وحدة بلعكس رائد جان اليه الاب والاخ والزوج والحبيب
حتي ابن الي صار حته ايصبرني بعطفه وحنانه ايعاملني مثل بناته ويكولي

رائد.....ليش اتفكرين بأطفال منو كلج اريد طفل اني عندي تلث اميرات وملكات على كلبي شسوي بعد بلاطفال انتن كافي ماليات عليه دنيتي

غزل.....دائما كلام رائد جان دوة اليه هوه دكتوري وكلشي اليه الله عوضني بحبه وهوه كلشي اليه اتحده شخص حبني بكده اوداراني بكد ما هوه داراني بكد ما ايداريني بكد ماايزيد حبه اليه حبه حته اكثر من حب حامد الله يرحمه .....بعد وفات بنتي مرت ايام بين شقاوة رائد وحبه واليه وبين حزني على بنتي وصارت عندي خربطه بلدورة كامت تجي بلشهر مرتين ولما اتعدي واخلص منه الشهر الورى متجي اتضل شهرين ياله لدرجه اروح احلل يطلع ماكو حمل وتنزل نفس اليوم واشبع بجي من خيبه الامل واخلص منه لمن وصلت للشهر الخامس بعد وفات بنتي اجتني الدورة مرتين غسلت منه ورة عشرين يوم هم اجت كمت اموت من وجع بطني وجع قووي مو طبيبعي واني من نوع الهادئ وماكلت لرائد اضل اتلوة بلغرفه واغض بشفتي لحد ما كمت اموت
واجه رائد كاعد بلغرفه دنك بوراق ديقرة

غزل..... اريد اروح للدكتورة النسائيه
عندي وجع بطني وووو جنت من احاجي مستحيه ابلع ريكي واحجي خجلانه منه وكتله على الخربطه بلدورة بس شنو حته كمت المستحه احس حرورة بوجهي وكوه تطلع مني الحجايه من كتله هيج رفع راسه من الاوراق وباوعي وشمر الاوراق بلكاع

رائد.....هم نزلت عليج زين صارله ٢٠يوم من غسلتي منها وهم نزلت ليش هيج متكولين اصير بيج شي بويه شنوو القضيه هم مستحيه من ايصير بيج شي
ماتكولين وتتحملين الالم وتتوجعين سكته
بويه اني رجلج ستر وغطه عليج وانتي روحي من الدنيا اي شي ايصير بيج تعالي كولي باباتي بيه هذا الشي لااا اتسكتين وتبقين متوجعه لحد ما يوكع الفاس بلراس هسه راح اتصل بأم عبير تجي باجر تاخذ لن اني عندي دوام باجر عندي مااكدر اروح اذا رجعت من وكت امي اخذج

غزل.....اني استحي من كلامه هوه جان يحجي صدك اني استحي اطلب منه اي شي حتلو مريضه اضل مريضه وااحجي
لحد ماهوه ايحس عليه ضل يحجي عليه واني مدنكه خلص كلامه اتصل بام عبير
حته تحجز اليه يم الدكتورة حاجه ام عبير كمل شال اوراقه كال

رائد....يحلوو مالج نيه اتحنين عليه وتجين اريد انام بحضنج ترة وعلي اروح انام بحضن امي امي تحن عليه

غزل.....هههههههه كمل شغل وتعال نام ماعندي شي منتضرتك اتكمل

رائد......يمه يمه الحلو منتضرني واني الملتهي تعاي تعاي يمي بحضن ابوج شووو خل اشم بنيتي

غزل....رحت يمه واني مستحيه

رائد......اااافيش يمممه شنو هاي ريحه الجنه لووو شنو ولج فهميني

غزل.....رررائد حباب نعسانه وانت نعسان
خل انام وعيف سوالفك حببباب حبي خل انام

رائد.....وجع حته وجع هوه اني شمسوي
رجال فقير هيه بس بوسه وشمه على حضن وهذا هوة قابل شمصخم اني شمسوي ست غزل

غزل......ااااني شهكت وضربته على صدرة
وكتله عليمن الوجع هااا على بنتك هااي الوجعه ،،من كلت هيج حضني حيل

رائد...اي الوجع الج قابل عليمن على امي لو على ابوي النايمين وضاربين العالم جلاق طبعاااا عليج

غزل.....هاااا هيج خوش لعد اني اروح لبناتي وانام يمهن وانته ضل نايم هنا وحدك جنت احجي بحركه كلب واعصاب
وهوه يضحك عليه اشون زعلانه وجان ايجرني لحضنه

رائد.......بووووويه لا لا لا تعاي مو عليج تعاي والله على روحي وجعه اتصير بطلبي ولااا بيج ولج حجي لسان اني اكلج وجع بس بكلبي اكلج اسم الله عليج وجعه بكلبي ولاا بيج يروحي
،،تعاي تعاي نامي بحضن ابوج يممه فديت الزعلانه الينهضم من ابوه حبيبه اتشاقه وياج واللله انتي روحي

غزل.......اي اي قنعني بهذا الكلام  قنعني حته ابقه يمك

رائد.....ههههههههه ولج اني ما انام اذا ما اشم ريحتج واضمج بصدري يله كافي ولج خل انام لااا اسوي جريمه وانسه انتي مريضه نااامي يله

غزل.....يله نام اني نعسانه ،،،نمنه كعدنه بلسته رائد راح للدوام واني نزلت يم خالتي دتصلي وكعدت البنات بدلن وسوينه ريوك وتريكنه وكلمن راح لشغله

خالتي راحت تكمل صلاة واني هم غسلت وكملنه غدة وجان يجي رائد من وكت طب سبح وكعد يتغدة كال

رائد.....حبيبي حضري روحج اني وام عبير انوديج للدكتورة اني اضل وياج وما اعوفج ويضل بالي مشغول عليج

غزل.....خوش هذا هوه بكيفك اني كيفت
تروح وياي ارتاح نفسيا

رائد..... اروحلج فدوة روحي كملي بين ما اتغدة

غزل......كملنا كلشي صارت بتلاثه العصر
واجت ام عبير وطلعنه كلنه للدكتورة كعدنه ننتضر دوري ...مرت ساع وربع ياله صاحو اسمي وكمت دخلت للدكتور وشرحتله عن حالتي

الدكتورة ...  روحي سوي سونار وتحاليل وتعاي

غزل....رحنه طلعنه وسويت سونار وتحاليل ورة ساعه طلعن اخذتهن وردينه للدكتورة شافتهن وكالت

الدكتورة ... مامه اصعدي على السديه حته افحصج

غزل.... باوعت على ام عبير هيه فهمت عليه وكالت

ام عبير.......دكتورة البنيه عليه الدورة الشهريه شلون فحص

الدكتورة......ميخالف مامه ميخالف هم افحصه ماكو شي ايخوف

غزل......اني صعدت على السديه فحصتني وكملت

الدكتورة....،.مامه صارلج اشكد الدورة مخربطه والوجع البيج

غزل.......صارلي تقريبا سته شهور هيج حالتي

الدكتورة .....صدوك صالج سته شهور هيج وساكته عن نفسج ليش هيج مامه ليش
انتي زغيرة وضهرج رخي  وما يثبت الطفل بي وبيج داء القطط وصايرة عدة وتاكل برحمج ساكته ليش هيج

غزل......جانت الدكتورة تحجي واني جامده بمكاني انوب شنو هذا المرض داء القطط شنووو مرض خبيث يعني راح اموت يعني ما اعيش واخلف يعني بعد مااعيش ويه رائد ررراح انحرم منه ....كمت افكر بهل التفكير واني صافنه على الدكتورة اني مافهمت مثل الاطرش بلزفه بس ام عبير فهمت وعرفت شنو المرض

غزل......كمت ابجي وكتله دكتورة يعني راح اموت وبعد مااعيش

الدكتورة ،،،ام عبير،،،،ههههههههه

ام عبير....حقهه البنيه فقيرة وماتعرفبهاي الشغلات  هاااي اول مرة تسمع بي

الدكتورة ......ههههههههه واضح واضح من شكله وصفنته ،،،لاااا مامه ما راح اتموتين ولاشي بس هذا فايروس يصير بلرحم وكل ما اتحبلين مايثبت الطفل وايموت وانتي ضهرج رخي وماتكدرين تحبلين مامه هسه عرفتي

غزل.....هزيت راسي بأي وكتبتلي العلاج
وطلعنه رحنه لرائد خذ الوصفه وراح اشترة الدوة واخذته ام عبير للدكتورة فهمته على العلاج واني ضليت يم رائد وحس بيه ضايجه بس ما احجه منا العالم

بس هوه لازم ايدي المهم وصلنه للبيت
وصاح بيه وضاج مني لن ماكتله على البيه ماضاج علمود الطفل
وصعدت فوك و دخلت للحمام وقفلته
وكمت ابجي بجيت على حضي منين ما اجيبه عوجه منين ما اصفيه واكول ارتاحيت تطلع شغله عوجه ضليت ابجي واني بنص الحمام لحد ماحسيت الباب تندك

رائد......غزوله باباتي افتحي الباب وين اشو طولتي الج نص ساعه بلحمام بيج شي احجي

غزل.....حجيته بشهكه ،،،ممما ببيه ششي
ججاي اسبح هسه اطلع

رائد.....اتسبحين الج نص ساعه اشطلعت هااي فتحي الباب لاكسرة وعلي بسرعه يله

غزل...... جان يحجي على كفيفه وبعدين بعصبيه وصوته ارتفع اني خفت لن كلت
بيه خوفه من كلشي كمت من الحمام وفتحت الباب واني رجعت شعري ورة اذني واناغش وهوه شافني اتخبل وحضني

لهنا واختم البارت اتمنه عجبكم
اعذروني لن تاخرت بس والله كتبته
ورديت سالت غزل جم شغله يعني هواااي احداث معبرة وردت كتبتهن واني رديت سردت هوواااي ضارت خربطه عندي بلبارت وهسه ياله رتبت الاحداث

وترة باجر استراحه اليه وعندي جم شغله اكضيهن وحته باجر يوسف يجينه والتهي
وياا لن لازم اطلع اشوف البيت فأعذروني
اذا ما نشرت

مع تحياتي ازل مراد