رواية طغيان النجوم 🔞 الفصل الحادي والعشرون 21 - بقلم ⅃ᒍȊ 🖤مراد

#ازل مراد#

#طغيان النجوم#

السلام عليكم ورحمة الله وبركاته

طبعا هذا البارت مفاجاء وهم قصير
واخر بارت اسوي مفاجئ ليش لن راح اكتب بارتات اطوال  ونشر يوميه بل الليل
بارت بس

وزعلانه لن كلتو اكطم بلبارت
ترة والله الاكتبه انشرة علمودكم لن انتو متلهفين تعليق واحد ايشجعني انشر

واكوللكم اني ما اكطم بلبارت بس من اشوف البارت قصير اخلي تكمله للقبله
حبابات بنات على كيفكم وياي
ترة هم بيت وهم شغل وهم اكتب
محبتن بيكم والله  وهسه اتونسوو بلبارت

قراءة ممتعه----

هاا بعد عمري اشونج

            وليش الدمع خيتي مكحل عيونج

هااا ليش مهضومه وتبجين

             وليش بمرد كلبي انتي متحسين

هاااا مو كافي بجي ودموع وقهر

            ترة يبعد اخوج تكضي لو بعد دهر

-----------------------بقلم ازل مراد 👆

غزل...طلعوني اخوتي من البيت كبل لمستشفى الحسيني بكربلا واني ذابه روحي بحضن عباس ودافنه راسه بصدرة
ابجي واصيح دم دم احسه من ايسيل مني وحته بلسيارة صار وعباس ايهون عليه ويمسح على راسي لمن كمت احس راسي ما اكدر اشيله اباوع عيوني غوشن
ورخت اعصابي وذبيت راسي بصدر عباس وبعد ماحسيت غير وجه الصبح الساعه بأربعه فتحت عيوني صحت عباس وحسين من شافوني حسيت اجو ركضو عليه حسين يمسح على راسي

حسين...هااا بويه اشونج شلون صرتي

غزل....اني شفت حسين وكمت ابجي وبطني توجعني

حسين....اششش بويه ماكو شي هسه تجي دكتورة الخفر اتشوفج واتطلعج
ونروح للبيت اباوع على عباس وحسين وخايفه ميصدكون بكلامي ومصدكين حامد

غزل....،، احجي بجي وجع،،،،حسين والقران اني ممسويه شي عبا........

عباس....اششش بويه لا تحجين مو وكت هذا الحجي

غزل.....اجت الدكتورة كالت الطفل مهدد بل اصقاط وسجلتي خروج وكتبت دوة اخذ الراجيته حسين وراح وعباس لبسني عباتي وشالني خلاني على كرسي الدفع
بس اني شاكه بعباس ايشك بيه عباس بس.....

عباس....اسكتي مو وكت هلحجي هذا بويه انتي تعبانه نوصل للبيت والله كريم
بس الي بالج شيلي ولاا تفكرين بي امني بويه امني وثقي وارتاحي هسه

غزل.....مشينه وطلعنه وحسين يمشي كدامنه اعصابه تطافرر واني ساكته شالني عباس وكعدني بلسيارة وكعد يمي حضني حيل وباسني من راسي من اتصرف هيج عباس حيل ارتاحيت امنت ونمت الطريق كله لمن وصلت للبيت بلسبعه وثلث شالني عباس ونزلني من نزلني اني حسيت عليه
من شالني

عباس.....اسم الله عليج بنيتي وصلنا للبيت هسه نامي وارتاحي

غزل.....دخلنا للبيت وحسين سد الباب طبينه للبيت وعباس صعدني لغرفه حسن
ومحسن وخلاني على الجربايه وغطاني وباسني من راسي وطلع بس شنو اني النوم طار من عيني صفنت باوعت على السكف واباوع على روحي واكول وين بعد اروح وووين وشنو المضموم اليه وشنو بعد الاشوفه غير الشفته وغير الصار بيه صافنه وافكر وما احس غير من طبت حنين مرت عباس من شافت حالتي كامت ادموعه ادير صدك حنين وصفاته على اسمه فدوة لكلبه كامت تبجي وحضنتني
واني ابجي وياهه وبحضنه كوة سكتنه
اجه عباس وراهه وشافنه هيج صاح بينه

عباس .....هااااي شنوو كالباته مناحه شعدنا ،حنين دزيتج اتساعديه لو تبجين وياهه

غزل....من كال هيج عباس سكتنه اثنيناته

حنين ....عباااس تعال ساعدني خل ناخذهه اندخله للحمام

غزل....هز عباس راسه وابتسم لي وشالني ودخلني للحمام امخلين كرسي الي بلحمام كعدوني عليه طلع عباس وطبت بس حنين نزعتني وجان تشهك من الزراك البجسمي بكل مكان وجهي اديه رجليه ماكو مكان صاحي وحته عيوني متزوركات المهم كلمى اتصب مي على جسمي اني اصيح من الوجع مكان الضرب كله يحركني ،كملت سبح ولبسنتي وكالت خل اصيح عباس يجي ايشيلني ميقبلون
امشي بس فتحت الباب شفنا عباس واكف ومنتجي على الحايط وعيونه حمر
وعدل وكفته وطب للحمام واجه شالني
وداني للغرفه ويشبكني حيييل عبالك ايريد ايخليني بضلوعه عرفته سمع صياحي بلحمام وباجي عليه مبين عيونه حمرر خلاني بفراشي وحنين راحت هوه بقه يمي جر المنشفه نشف شعري ومشطه الي كام يوصل طوله للركبه مشط شعري
وضفرة وعيونه على وجهي باوع عيونه حمر ومخنوك من شفته هيج كتله عباس
وروح امي كلشي ما سويت ورأسان نزلن
دموعي وكمت ابجي واشاهك عباس
خويه والله منه واللله ابنه هوه سنادتين يتعالج عباله ما ادري بي
والله مسويت شي اينزل روسكم ،من احاجي عباس الرجفه لزمتني ما اعرف برد خوف ما ادري وعباس يمسح على راسي بكل حنان

عباس.....اشك بلعالم كله بس بيج ما اشك

بنتي انتي نقيه وصافيه بنوتي وربيته على اديه وادري بيج متنزلين راسي بيوم
لاا تهتمين ولااا تخافين بويه امني الكل
مصدك لااا تهتمين وحسين حلف اله ياخذ حقج مربع ويزين شاربه بين الزلم

غزل .....عباس لعد ليش حسبدين ميباوع عليه لحد الان ما اجه تركني وراح يعني مصدك حجي حامد

عباس....بويه حسين سبح وراح نام لن الليل كله مانايم جان كاعد ايلوج ويتحلف بحامد ومن حركته صعد عنده الضغط وحته هوه خايف عليج و واثق بيج لتخافين بس هوه حلف مايدخل ايشوفج
اله يثبت برائتج وهسه نامي وارتاحي
ومن اتكهدين اريد اتسولفين كلشي الي  ومتضمين شي حته اعرف اشون اتصرف
واندوس عليه كدام العشيرة

غزل.....هزيت براسي بمعنه اي  وانجطلت وعباس غطاني وراح واني رأسان غمضت عيوني نمت نومه اهل الكهف ماكعدت اله بثمانيه بليل فتحت عيوني باوعت لكيت سجاد يمي

سجاد....ها خويه كعدتي يابعد اخيج اشونج

غزل....كام سجاد ومن كال اشونج وحضني وباسني لو اني كمت ابجي بحركه وسجاد كام يمسح على راسي

سجاد......اشش لا تبجي عيوني انتي
والله اله اندمه  والله اله ازوركه مثل ما زوركج

غزل....سس سسسج ججادد والله ه مضلومه وروح امي مضلومه

سجاد....اشش سكتي بويه اسكتي بعد اخوج اشش
اعرف بوين والله اعرف يله اسكتي بعد اخوج يله ترة جوعان حيل ومنتضرج كومي اكعدي خل ناكل بنوتتنه الحلوة
جبتلج عشه يله حبيبه كوومي

غزل....كعدني سجاد وحط الاكل على جربايه وكعدنه ناكل اني ويا

ازل مراد