رواية طغيان النجوم 🔞 الفصل الثاني والعشرون 22 - بقلم ⅃ᒍȊ 🖤مراد

#ازل مراد#

#طغيان النجوم #

غزل....كعدني سجاد وحط الاكل على جربايه وكعدنه ناكل اني ويا ورة اشويه دخل عباس تخوصر وكال

عباس......ايااا خونه تاكلون  وما اتكولون

سجاد.....تعال هستونه بدينه ناكل

غزل.....كعد عباس ويانه ايحط لكمه بحلكه ولكمه بحلكي ويحششون هوه وسجاد شويه واجت حنين شايله بيدهه الجاي

حنين.....شنو هاي والله ما تستحون
ومذكروني وانته عباس حته انته ناسيني

عباس.....بعد روح عباس محد نساج
تعاي يمي

غزل....كعدنه ناكل ونصبو على حنين حامل جنه بطه صايرة اكلنه وشربنه جاي
ومحد فتح الموضوع ابد

..صارت ١١ بليل كلمن راح لغرفته ينام
واني اصفن ويه روحي وعيوني ادير البارحه جنه سوة متكدر اتنام اله اني بحضنك تفتحلي ايدك علمود انام   واذا انام بعيد عنك اتضل اتلوب واذا ما اكل تتخبل
هيج هيج حامد هنت عليج واتشك بيه
اني ليش اشفت مني حاااامد واتشششك
حته انته ضلمتني حته انته الجنت اضنك بر اماني شفت يمك ايام حلوة ليش يحامد ضوكتني حلاتك وبلحضه اتصيرلي مر الماينبلع تذكر تذكر حجيك من كتلي

اله اخليهم يتحصرون عليج اله خليهم يتحصرون على شوفتج واخليج ملكه
ماطول خشمي ايشم الهوة

هسه وين هذا حجيك وينه حااامد
ليش هيج صار ليش  ماصدكت بيه
نست اني غزل ربيت على ايدك وبحضنك ٣سنين
وياك واتكول انتي بنتي اتكول انه محروم
من الخلفه بس الله عوضني بيج نسيت اني منو اني غزل المتنزل راس اخوته

يجي يوم يحامد ويطلع الممضموم
وتتندم يحامد على ضلمك اليه
احجي وابجي واندب بحضي وكول
ياررربيي بعد ششوف وشنو بعد الماشفته واشراح ايصير بيه
ياربي ليش اني اشسويت وهيج اني  انضلم هيج ارحمني يااالله برحمتك
يارب تعبت اخذ امانتك وخلصني لو ترحم بحالي واعيش مرتاحه بلا وجع تعبببت
والله اللهي ارحمني ارحمني برحمتك

صرت ابجي بحركه  واشهك من قهري
للوحده اعاتب حامد واندب بحضي واتوسل بربي لمن غديت جنازة خطيت راسي على مخده تبللت من دموعي لحد ما تعبت وغفيت ما حسيت اله الساعه
بلعشرة ونص الصبح على شخص يمي
حسيت بي صحيت على عطرة بخشمي
عطرة جان تارس الغرفه اااي هوه عرفته من شميت عطرة هوه هنا يعني ما اتخيل
ولااا احلم يعني عطرة الحقيقي هنا

صحيت افرك بعيوني وعدلت كعدتي لتفتت لجه الثانيه وشفته كبال كاعد بكل هيبه  وقار كاعد ومخلي ايدة على يدة القنفه الثانيه منتجي عليه ويباوعلي
من صفته انصدمت فرك بعيوني وعدلت روحي جريت نفس وكتله صباح الخير
من يمته انته هنا هااا ما ادري بيك هنا انس اسفه جان كعدت

رائد.....صباح العسل اني هنا صارلي ساعه ونص منتضرج اتكعدين مااكوو تنبل مال نوم متشبعين يله صحصحي حته انسولف نفتهم الموضوع يله بويه كومي غسلي وتعاي

غزل....اني بس صافنه مثل الاثول مااعرف شنو اكول باوع عليه واهز براسي
وبس هذا الاسوي توني اريد اكوم طب عباس

عباس....هلا هلا بهل الصباح الحلو
شلونج اليوم بويه

غزل....صباح النور اليوم زينه احسن بهواي

ردت اكوم دنك عباس

عباس....انتضري بويه اني اشيلج

غزل....شالني عباس رائد رفع حاجبه ما عاجبه الوضع كام ايهز برجله على السريع

خذني عباس للحمام غسلت وجهي وعدلت كفشتي طلعت شالني عباس
وداني عباس للغرفه باوع لرائد عيونه  تمشي وراي وداني عباس خلاني على جربايه هنا الاخ بس ايخوز ويعصر اديه بعصبيه من ايشوف عباس شايلني كعدت وانتجيت على جربايه ومخاد وره ضهري
كعدت ورائد كبالي مايحجي شي طبت حنين بيدهه الريوك حجه رائد وكال

رائد....بلا امر عليج جيبي كلاص شربت بدال الجاي  احسن هيه حامل مو زين عليه

حنين ....اي خويه هسه اجيب اله هم صدك حجيك بس غزل اتحب الجاي الصبح

رائد....ذاك وكت واتحبه هسه هيه حامل
ولازم تهتم بأبنه

غزل.....باوع اشون يحجي بجديه ويه حنين وعباس فاتح حلكه وصافن عليه
بس يضحك على صاحب عمري اشون يتصرف
اشويه واجت حنين جايت كلاص الشربت خله على الماصه وطلعت واني مدنكه
ما اعرف اكل استحي وارائد ابد مانزل عينه مني ايباوع عليه ميوخرهن لو يحجي الحمزة بسيفه ماينزلهن لا كأنما عادي عدهه واخوي عادي كاعد ايباوع
كوة اكلت اشويه بعد مااكدر اكمل اكل

رائد....اشربي العصير لا اتصفنين
بي

غزل....هاااااااا ااااي هسه اشرب

رائد.....اشوكت هسه اشربي يله ورانه شغل

غزل....كملت الشربت كوة اتغصبته يباوعلي رائد كملته

رائد.....يله بويه سولفي كلشي صار وياج
واني راح اسجل التحجي

غزل....،كعدت سولف كلشي رائد وهوه يسجل كلامي كملت كلامي سد التسجيل
رائد عدل كعدته كال

رائد....هسه يجي حسين ويجيب التحاليل ويا حتي ننطي خبر للشيخ ايلم الزلم ويسوي كعده بأقرب وقت

غزل....اني صافنه وساكته بعدين كلته ليش حسين وين

عباس....حسين راح لكربلاء راح للدكتورة الكشفت عليج بيوم الجنتي نايمه طلب منه حسين يسحب دم منج يحللج وكال لدكتورة ايصير هنا انحلل دكتورة كالت اي
راح اسحب دم واحلله مختبر هنا عدنه مضبوط وثقه فسحبت الدم واخذته للمختبر وكالت بعد اربعه ايام تعال اخذ النتيجه وحسين تفق وياهه واخذ رقم الدكتور ومن يطلع التحليل اتخابرة

غزل....كل هذا واني ماادري -اشويه اتصل عباس على حسين كله نص ساعه واني يمكم كملت كلشي مرت نص ساعه طب حسين شفت حسين صارت عيني بعينه
هوه بتسم وكال

حسين....هلا بويه اشونج شلونج بعد ابوج انتي .

غزل....حسين يسلم عليه ومدنج ويمسح بوجهي ويبوسني -زينه صرت من شفتك

حسين ليش عفتني ما تجي اتشوفني زعلان مني حجيته وكمت ابجي ما اكدر
ما ابجي لسه مهضومه والهضمه كاسرة كلبي نصين

حسين.....اشششش بويه اسكتي انتي ما اني مازعلان اكو واحد يزعل من بت روحه بس اني حلفت  اكمل كلشي ياله ادخل الغرفه واشوفج لا تزعلين ولا تبجين
والله ثم والله اله اخلي يحلم ايطول  ضفرج و  الطفل احرمه منه واعلمه النسوان شتجيب  بصيطه حسابه قرب

غزل....حسين يحجي واني ابجي مقهورة على اخوتي شكد جاي اعذبهم واقهرهم
والله اني بس اذيه عليهم لو اموت جان ارتاحو مني كعد حسين يمي وحضني
ويحجي ويا رائد وعباس واتفقو يتصلون بلشيخ وايسون الكعده باجرر اتصل رائد على شيخنه وحددو الكعده باجر باربعه العصر وتحضر عشيرة ثالثه طرف تحكم بيناتنه ،، كعدو ايسولفون وايضحكون واني بلنص بس اباوع لا احجي ولا اشيل عيني بس كثر مايلعب بشعري حسين وحاضني نعست حيل
هههههه كامن عيوني ينسدن وارجع افتحهن كوة ورة اشويه وكام رائد كال

رائد.....يالله اني اترخص باجر اجي ونطلع سويه على شيخ فلان عشيرة......

عباس...حسين....انشالله ننتضرك باجر تجي يمنه للغده لاا اتكول لاا نتغده ونطلع

رائد...اكو واحد ينعزم على الغدة وايكول لااا اله الجان مخبل اكيد اجي واتغدة هنا
اشلون لعد

الكل.......ههههههههه

حسين....عيوني الك ابو هداوي تدلل وكفتك ما انسالكياهه

عباس....اي وعلي وكفتك ما انساهه العمر كله وفضلك على راسي

رائد....شنو هلحجي مو عيب عليكم شنو اني غريب حتى اتكولون هلكمه عيب بابه عيب شحال ماهي مثل خواتي عيب تحجون هلحجي وعلي اذا تحجون هيج بعد ما اطب لبيتكم (جذب مو مثل خواتي)

غزل.....طلع رائد. واني بقيت بحضن حسين هوه شافني هيج ضحك حضني
طبعا بس يمهم احس بأمان وراحه نمت بحضنه كعد لدبلوحده ونص الضهر سجاد يكعد بيه

سجاد... لج غزوله لج خايبه كومي كطعني الجوع كومي

غزل...اني فاتحه تك عين ،هاااا ماجوعانه

والله انته اكل

سجاد....كوومي لاا اخبزج هسه ماجوعانه
يله كووومي اشو تاكلين لااا اسحلج للحمام كووومي يله اريد اكل اني وابن اختي انتي ياهو مالتج حامتنه من الاكل ليش ياضالمه

غزل.....اي اي اي كايمه هسه

سجاد.....هههههه تعاي يبعد عمري

غزل....جرني وحضني وداني على المغسله غسلي وجهي واديه ورجع شالني وداني للغرفه وحطني على الجربايه ونمت بس شنوو كمت احس بوجع بطني
موطبيعي بس ماحجيت شي كلت اكيد
يروح الوجع شي اكيد يروح عادي شويه واجه سجاد بيدة صينيه الاكل اكلنه وضحكنه وسولفنه بس هوه خطيه حيل متغير على حبيبته انخطبت لغيرة سودة عليه كملنه اكل راح سال الاماعين وداهن واجه سجاد وعباس وحسين والجهال وحنين كلهم اجووو بس بتسام ما تجي يمنه  سولفنه وضحكنه وبعدين كلمن راح لغرفته واني اخذتني حنين ودتني للحمام
بدلت ملابسي وكملت وطلعت  اجاني سجاد يركض خطيه شالني وداني للغرفه
وغطاني واجه نام بلغرفه ماعافني ابد

....ثاني يوم الصبح....

غزل...كعدت غسلت وبدلت ونزلني سجاد
جوة كعدني بلحديقه ضليت ١١ونص اجه رائد.وعباس سويه كعدنه سوالف وضحك
لحد ما صبوو غدة همه فرشوو بلكاع واني على المرجوحه وسجاد كعد يمي ايفلسلي
لحم وايخلي كدامي اكل وكل هذا والوجع الازمني وجع بطني ايزيد واني ساكته
كلت من يجون اروح اكل لحنين تاخذني للطبيب المهم كملنه اكل وشربنه جاي
صارت الثنتين الواد طلعوو بس شنو اني حسبه كامت اتجيبني وحسبه اتوديني
الخوف ملك كلبي والحقد على حامد
وتصرفه وياي والفضيحه الصارت عليه
مرت ساعين دك تلفون سجاد يحجي ويباوع عليه

سجاد...اااي اااي هسه اجيبه،،غزل يله كومي بدلي وتعاي وياي للمضيف يردونج

غزل..،،بخوف،،،ههااا ا ا يي يير د د وني

ل للل لليشش  يرر ر ر دوني  اااكييد ايككتلووني  م م موو وكمت ابجي

سجاد....لج اشبيج ليش ايكتلوج انتي شمسويه كوومي بدلي لااا نتأخرر
يردونج يله حبابه

غزل...دخلت للغرفه واني لازمه بطني واحس سجاجين اتكطع بطني  رحت طلعت عباتي وجبتي وشالي لبستهن
ونزلت واني الوج ما حجيت اخني سجاد وراح لمضيف الشيخ بعد شارعين عنه مو بعيد عشر دقايق وصلنه شفت سيارات كومه وشباب واكفين وشايلين اسلحه واني من شفت هيج روح بعد ماضلت بيه كمت كوه امشي احس رجفه جني بنص قالب ثلج متت خووف بيه مو طبيعي وانوب كله اتباوع عليه شفت ابن ام فهد سلم عليه بكل احترام وعينه بلكاع ماشاله ابد ،دخلت امشي اني وسجاد عيني طبيت للمضيف واشوفه كله زلم وناس معكله .....

ازل مراد