رواية طغيان النجوم 🔞 الفصل الأربعون 40 - بقلم ⅃ᒍȊ 🖤مراد

غزل....رائد اجه يمي يمسح وجه من الفرحه ويحمد الله على عطاء ..كتبتلي مقويات وهم لازم ما اصعد الدرج ولأ اتحرك هوااي لن الاطفال ضعيفين ولازم ارتاح خذنا علاج ورجعنا للبيت لزم رائد نزل شغلات ضروريه من فوك وملابسنه هم نزلن بلغرفه المقابيل غرفه خالتي
مفروشه وبيه جربايه كلشي متوفر بيه...مشت شهور حملي واني حركتي قليله رائد كلش ايخاف عليه وايعاملني مثل بته ايحسسني اني بعدني طفله ابد ما عاملني بكد عمري ولاا ايعاملني مثل ما ايعامل الطفله وهوة ابوهه ومسؤل عنه
بشر اخوتي بحملي وطارو من الفرح على حملي....طول هاي الاسنين العشتهن ويه رائد ماخلاني اوصل لبيت اهلي منهد ما طلعت ويه رائد لعيد ميلاد عبدالله لحد الان اني مارايحتلهم ولا ادري شنووو شكله منعني منع نهائي واخوتي
همه يجون كل اسبوع يمي أسبوعين مرات يمرون من الباب ايسلمون عليه سجاد من غير الجيه ويه اخوتي هم يجي العصر من الباب مرات يكعد ويه رائد اشويه وايروح ....المهم لحد ما سمعت سجاد متعارك ويه عباس طالع ومحد يعرف بي وين ..سجاد صارت عنده عقده
كام ميسولف ولا يطلع من الدوام للبيت ولا ياكل بلبيت وهدومه هوه يغسلهن علمود ميضوجن منه نسوان اخوته لان بتسام مشوفته الوويل وخطيه سجاد يسكت لخاطر حسين بس حنين درة مال الله اداري بس هوه يرفض كلشي منهم بس من طب عباس للبيت وشافه يغسل هدومه بديه اتخبل اخبال كام يغلط على حنين ليش عايفته هوه يغسل هدومه
وهيه اتكله ...والله العضيم مايقبل احد ينضف غرفته او يغسل ملابسه مايقبل والقران....وعباس من سمع هيج راكض على سجاد سحبه من الحمام وتعارك ويا
عباس يحجي عليه وسجاد ميرد ساكت
وعباس ضاج حيل من سجاد تصرفاته بارد وميرد على احد عباس ضربه راشدي فر وجه فر سجاد محجه شي كله...مشكور
خويه وماقصرت ..ودار وجه وطلع ..وعباس ضاج على السوى ويه سجاد وضل ايعض ايده ندم سجاد رجال اشكبرة واشكده عمرة ٢٩سنه مو مال ينضرب وحيل حيل اتغير سجاد صار جسد بلا روح مجرد انسان يمشي على الارض بلهيئه انسان وانما داخله مكسور مهدم حطام سجاد كسرت كلبه جبيرة وما تتجبر لا يجبرهه وكت ولا النسيان اصلا ماكو نسيان الانسان يكدر يتعايش ويه جرحه بس مستحيل ينسى ابدد....راح سجاد لم هدومه بعلاكه وطلع محد يدري بي وين فصح ملح وذاب وعباس متندم على سوايته وضلو يدورن عليه ماخلو مكان ماخله احد ماساله عليه ...كلنا خفنه على سجاد واني شبعت بوااجي عليه مااعرف اخبارة وحته محسن وحسن ضل بالهم عليه ويخابرون ويسالون عنه لحد ما رائد سال عنه كالو منقول للعمارة بس هوه كايل الاصدقائه ميكولن وين مكانه بس رائد عرف عنه و بشرنه عنه ورة يوم رجع من وكت

غزل....خوماكو شي شوو راجع من وكت

رائد.....راح انروح اني و حسين وعباس للعمارة واتفقنه انرجعه ويانه

غزل....صددك رائد والله راح اترجعه لهنا،،تقريبا اني هسه بشهر السابع وصرت اشعرضني من ورة بطني بطني كلشي جبير حته رائد يضحك عليه جني مربع

رائد......انشالله وبحيل الله نرجعه بس كون يقنع يرجع راد من عنده عباس اعتذر منه وهوه قافل ورفض بس كال من اتجيب غزل اجي يووم واحد اشوفه وراجع
طبه لبيتكم بعد ما اطب نسوني امحوني من حياتكم لن حيل حيل مقهور من ابويه من عباس طالعه روحه من الدنيا كله

....مرت عليه تسعه شهور مدللني رائد حته اكل هوه ايوكلني بيدة كله ايصحلي باباتي مر عليه الليل احس بألم خفيف

خفيف بس ضليت ساكته وماحجيت ابد مااعرف اشلون تجيني هيج طاقه تحمل
ورائد خطيه تعبان ونايم ....ضل الالم خفيف لصبح ما اهتميت كلت اكيد تقلصات الي ٢٩ يوم بشهري وماجبت كمت كوة امشي بطني جبيرة حيل حركتي صعبه اصعد وانزل نضفت البيت طلعت للكراج اغسله الكراج كلش جبير ٢٠٠متر ونصه حديقه وبي ميز وكراسي وبي ثلاثه مرجوحات كلمن مرجوحته إلي وحده ولهدى وحده ولدعاء وحده اني اليه الجبيرة هههه يكولي تلاثجن اميرات عندي ويدللن على كليبي...،المهم كملت غسل الكراج اشو الوجع زاد عندي كمت ما اتحمل رحت لخالتي كتله شافت وجهي اصفر خاف عليه

ام رائد......يمه روحي شوفي نفسج اذا عندج ولادة

غزل.....اني رحت بدلت ملابسي وطلعت صدك عندي ولادة اخذت الجنطه ونزلت لخالتي وتصلت برائد...كمت الوج بعد مااكدر كمت اصيح صوت رج البيت وره ربع ساعه اجه رائد شافني بلصاله الوج لو هوه كام ايلوج مفرفح كلبه ههههه اني شفته اشون يركض ومخبوص لو اني الله ذب عليه الضحك من شكله نسيت الولادة
اشوفه يركض منا وايرد منا وايكلي اتنفسي مثلي واني هم اقلدة بس شنو اني من اشوفه هيج ابقه اضحك هوه خطيه مخليني على راحتي راح ركض جاب المستمسكات واجه يركض كوة يتنفس وصاح

رائد....يالله يالله يمممممه ووووين صرتي
البنت ماتت من الوجع لخاطر ربج يممماا خلصي

ام رائد....وجع حته وجع شمالك تدوهنت
اصبرر اشبيك كل متجيب مرتك هيج تتخبل شمالك يمه

رائد....يمه احس الوجع بيه مو بيه اني الوج ويه كل وجع بيه خلصيني رحمه لهلج

غزل.....يممممممه ااااااااخ يمممممه

رائد.....تنفسي يروحي اخذي نفس هانت هانت بويه هانت بويه والله انعل والدي اليخليج اتخلفين بعد

غزل.....رائد فدوووة بطننيي بعددد مااكدر ااااخخخ ،،احجي وابجي ورائد كام ايلوج واتخبل شالني اني وبطني وركض للسيارة
اتصل بام عبير

رائد.....قصصي هله هله خالو امك كوللة بسرعه تجي اي ولك امشي

غزل....بسرعه سد الجهاز واجه يمي لازم ايدي ويمسح على راسي ايهدي بيه الالم زاد عندي اشويه واجه قصي وام عبير ايركضون

قصي.....هااا خالوو خو ماكو شي

رائد......هال المفتاح واصعد انته سوق يله مرت خالك اتريد اتجيب ابني يله اصعد

قصي ...صاار خالي تدلل

غزل...اخذ السيارة شغله وعياط رائد على خالتي كوة اجت كعدت خالتي بلصدر ورائد اجه يمي سحبني لحضنه ويفرك بضهري حته يهده الوجع ومخبوص بيه وعصبي صاير ناار لان اتوجع واني اعصر بيده من الوجع واعض بزنده حييل ورائد متحمل ما يحجي لحد ماقرب اجيب صحت حيل ورائد فز صاح بقصي حتي يسرع

رائد.....ولك سوق ابن الكلب بسرعه بعد متتحمل

غزل....كام ايصيح ابعصبيه وقصي انشده
خطيه ..المهم وصلنه للمستشفى ودخلوني لصاله الولادة

الدكتورة.... مامه واحد من الاولاد مخنوك
لازم عمليه

غزل......وقع رائد على عمليتي وكال حتلو مو واحد ميت حتلو اثنينهم عادي اهم شي غزل تطلع كلشي مابيه وحته هدد الدكتورة اذا صار بيه شي على اعصابه وقع والدكتورة عذرته وماحجت ضحكت على حجيه امنته عليه واخذوني طببوني لصاله الولادة جانت باردة اتخلي الواحد من ايشوفه كأنما دخل بفلم رعب صعدت على السديه وغطني الممرضات وطلعن بطني اخذو ايدي البيه كانونه جانت عيني على ايدي من ضربتني الابرة مالت البنج وخلولي الاوكسجين كمت احس بأيدي خدرت والخدر سريع لحد ماكمت احلم بس اصوات ومدي شيحجون وبعدين اضويه بعيوني ويجرون بسديه وماافهم الصار وجنت احس اشون طببوني لغرفه وشالوني وخلوني على سديه لاخ وغطوني بس احس عيوني مكدر افرزن الناس بس اصوات لحد ماكمت اصحصح
صحيت على شخص حاضني بجسمه ويلعب بشرعي وعطرة بخشمي عرفته رائد بين الصاحيه ومخدرة ...حس بيه من صحيت رسان عدل كعدته وباسني من راسي

رائد......نفس ريتي الحمد الله على السلامه

غزل.....الله ايسلمك حبيبي رررائد ويين اولادي شو ماكو بيهم شي

رائد.....وعيونج الحلوة الماخذات عقلي مابيهم شي ايخبلون مثل امهم بس بلخذج نايمين كلشي مابيهم وامي وقصي وحسام كلهم يمهم واني هنا يمج مااريد اشوف احد غيرج انتي وبس وماطول ماشفتي الاطفال اني هم ما اشوفهم

غزل....من يحجي وياي يتلمس وجهي وشعري بحبه وحنانه عليه ومبين بوجه الخوف بتسمت وكتله حباب رائد اريد اشوفهم

رائد......من عيوني هسه ارتاحي وهمه اشويه وايجيبوهم الج حته ترضعيهم
بس ارتاحي انتي مسويه عمليه يابويه

غزل.....من يحاجيني رائد ايلمني بحضنه وايخلي راسه على راسي بس احس بنغزات خفيفه بطني وكل مايقوة الوجع اضغط على ايد رائد وهوه ايحس بيه وهم يضغط على ايدي وايكلي اتحملي
اشويه لمن يجيبون الجهال ترضعيهم وتنامين ......ورة اشويه دخلت ام عبير
وحسام وسام وام كرار اتحمدولي بسلامه

كل هذا والاخ كاعد يمي وحاضني مايتركني
مايهتم الاحد ابد وكأنما ايكول للناس هاي ملكي وحدي ورة اشوييه واني بحضن رائد انفتحت الباب طبت الممرضه وبديه الجهال
جانو بيضان كطن وخدود ورديات وينكرطون كرررط ونضيفين ولابسين الملابس الاني محضرتهن اخذت ام عبير واحد من الاولاد خلته بيدي بس من خلته بيدي جن ملكت كنوز الدنيا حساس مااكدر اوصفه احس معانات سنيني زاحه واجه بداله هطفلين احس انو عطايا الله عضيمه متتقدر بثمن وتترس العين من فرحتي بسته للطفل وشميته ورائد عدل كعدته واخذته للطفل مني وباسه وشمه وعيونه متروسه دموع ويتحمدالله على عطاء ويأذن باذنه للطفل وسما احمد وشال احمد انطا لم عبير اجه الممرضه انطتني الثاني من خل الطفل على ايدي بعد مااتحملت كمت ابجي وابوس ببني واشمه دموعي كامت اتصب صب رائد شال ابني شمه وباسه واذن بأذنه وسما محمد ..،بعدين الكل طلع بقيت اني وام عبير ورائد عدل كعدتي وانطي كل طفل رضعته اشويه اثنينهم يبجون ... المهم بقيت يوم كامل بلمستشفى وثاني يوم اتحضرنه انريد نطلع ورائد خطيه مااتحرك مني ولا راح حته بات وياي انام اكعد هوه يم راسي ماتركني ابد.....رائد كل تصرفات الديسويهن اكوم احبه اكثر اعشقه واموت عليه هواااااي اتعلقت بي رائد احسه روحي البجسمي ونفس الاشمه اتحدة بشر حبني مثل ماهوه حبني .....طلب من علي وعلاء ايحضرون ذبايج وام عبير شالت الاطفل ورائد شالني طلعني من المستشفى وهوه شايلني بيدة والناس كله تباوع السسترات الينضفن كلهم يباوعن الناس الكاعده ماهمه احد شايلني ويمشي بكل رزانه وهيبه عينه ليكدام ومايلتفت لاحد لو ماادري منو ايباوع ميلتفت.....وصلني للسيارة وصعدني وام عبير كعدت بلصدر وحسام ايسوق وحبيبي رجع شالني ولفني بحضنه
وعلى رجله مايهم اذا اخو موجود ابدا حط راسي على صدرة وخله راسه على راسي ويحجي على كيفه بهدوء ايكله سوق علمود ما اتأذه وخالتي طلعت هيه مويد ورانه وشايله احمد وام عبير عنده محمد ....وصلنه للبيت شفت الكل ملتم والذبايح مددة بلباب نزل رائد فتح باب السيارة ونزلني وشالني شاورته كتله رائد عفيه لحد يذبح كدامي ترة اخاف

رائد....هههههه لاااا اتخافين اني يمج وشايلج بس تنذبح واخلي نكطه دم على راسج وهاي هيه لن لازم فجران دم لسلامتج

غزل....لا لا لا رائد حباب فدوة مااريد اخاف والله

رائد......ههههههه صار صار خل ايذبحون
وانتي خلي راسج بصدري واني اكيف من تختلين بحضني

غزل......ضربته على صدرة ومشه بيه للباب واني مختله راسي بصدرة ذبحو واحد وطبينه كال رائد ذبحو البقيه
صعدني للغرفه وانومني على الجربايه وغطاني وباسني من راسي وطلع وام عبير وخالتي وام كرار نومن الجهال يمي وحضرن ملابس الي وللجهال ..اخذت الجهال خالتي سبحتهم ولبستهم ورضعتهم ناموو نضيفين ....ورة شويه دخل رائد شالني وداني للحمام ماقبل وحده من البنات اتجيسني خلاني على الكرسي ونزعني ملابسي كلهن وغسلي شعري ولفه بلخاولي وغسل جسمي بله ما ايوصل مي للعمليه ولبسني ملابسي وطلعني للحربايه لف شعري ونومني وغطاني وراح ورة اشويه رجع وبيدة طاسه بيه دم واني من شفته طفرت وضجت من وجع العمليه وهوه ضحك على شكلي

رائد......يمه اروح فدوة لليخاف

غزل.....رائد القران عليك وخر الدم من يمي

رائد.....شبي الحلو خايف واني يمه مو عيب تخافين مرة متزوجه وعندج جهال وتخافين من الدم

غزل.....من يحجي يتقدملي على كيفه يحجي يهمس اينسيني شنو بديه يهمس يم اذني وايعض بركبي حته انسجم ويا
وماافكر بشي لحد ما حسيت شي رطب
بكصتي بعدت عنه وشفته يضحك بصوت عالي على شكلي

رائد....هههههههههههاي بروح امج خلي الدم عشر دقايق ياله امسحه بيدي لا تخافين ماكو شي والله بس شويه دم مسحت راسج بي دفع بلاء عنكم بويه انتي ماكو شي

غزل.....راح للجهال هم خله دم على روسهم وراح نزل ورة اشويه صعد اجه يمي جابلي اكل كبده مشويه عصير طبيعي وتمر اشكالى منوع وجايني هوه وام عبير كعد ايوكلني بيدة كملت اكل مسح الدم من كصتي بكلنس رطب وام عبير اخذت الصينيه ونزلت ورائد طب سبح كمل واجه يمي مانزل يم اخوته خواله عمي ولانزال عمي مسوي عزيمه عزم الكل وهوه ضارب الدنيا جلاق
لفني بحضه ونام واني على دفو صدرة نمت نومه عميقه حته الجهال هادئين نامو مثلنه

....عدت ايام الاربعين.....

رائد.....حبيبي غزاله غزولتتي

غزل.....هاااا حبيبي ،،جنت ارضع حمودي ممه

رائد.....احم غزوله مو جنه السالفه طولت
وصارت سكته ومغلسه

غزل.....هااا شنووو مافهم على شنوو مغلسه

رائد......اااخ يمه هاي السالفه من احجيه اتصيرين فاهيه ومطفيه من الرئيسي
اوف اوف اله اشرح بلقلم العريض استغفر الله واتوب اليه ،،،ماكو شي بويه حيري بزازينج اذا وصلت عندي اشمرهم على ميعاد من الصطح واخليه اتحير بحفادهه
بهل الليل ،،ماكو شي سلامتج بويه سلامتج ،،ااااخ على فهاوة ااااااخ

غزل....من سمعته حجه طخت براسي عرفت معنه كلامه خربت من الضحك عليه هوه يحجي ويعض بأصبعه شكله يضحك وعلي من كلامه وتدردم مالته
وكعت بلكاع من الضحك هوه شافني هيج نمت بلكاع واضحك عليه

رائد.....كككككككللللللللووووشششش طخت براسج واخيران عرفتي معنه كلامي موو الف الحمد الله والشكر الك ربييي من فهمت

غزل.....كل حجيه الحجا واني خربانه من الضحك وهوه كام يضحك على ضحكتي
غير ضحكته اتخبل حته عيونه ايكومن ايلمعن هههههه يمه يمه ابن روحي

،،،حبيبي والله حاسه بيك وادري شنو قصدك هستوني عرفت الحو مالتي شيطلب اني انفذ ويدلل بس لا يحجي بحركه ويعض اصبعه مو اصبعك راح من العض حبي لا تعضه حبيبي وباباتي تره ما اقبل

رائد.... اي اي اي بعد احجي وغردي من هل كلمتين من هل كلمتين كلبي خدر وانوب تلزمين وجهي كلبي ساح ماع بلكاع اااخ بويه من اشتعلت العشيرة كله
غردي لج بعد بعد وين هلدلع جان هااا

غزل....ههههههه يروحي انت فديت كلب حبيبي باباتي روحي يلل اشوكت متريد اني يمك بس انوم البزازين ملاتنا اجي انام بحضنك

رائد.....خير انشالله انشوف الحجي صدك لو جذب بعد ساعه افر راسي الكاج تشوخرين تعزفين نوتات بشخيرج واكو واحد مصموط ابيه ايجثح جكاير للصبح

غزل......هههههههه لا الا يمك انام ومانام اله باباتي اينومني على ايده وبحضنه ياله انام

رائد.....يمه يمه دلوعه باباته اموووح اموت عليج وعلى دلعج وعلى كل لمسه منج بووويه من اشتعلت عشيرتك بووويه

غزل.....ههههههههه هسه عموو شعليه هوه وعشيرتك شعليك بيهم بس اتسب بيهم
خطيه عوفهم حير بنفسك وبتك ....جان يحجي ومخلي راسه بركبتي ويهمسلي بكلامه

رائد.....اخخ يمه ياعطرج جن ريحه الجنه يابويه تعاي تعاي بحضن باباتج عيفي الخلفني هوه وعشيرته من حتركو بنار ونفط وكون اشوفهم مصطرين همه وابو لهب

غزل....اني اني يمك حبيبي وبين اديك لازمتك اني اشو انته الملتهي بسبب العشيرة وعايف حبيبتك

رائد....شتعلو بنار ونفط تعاي تعاي لج ليكعدون

غزل.....هستوه ونمنه سويه كام يبوس بيه
جان يصرخ احمد...ههههههههه راسان طفر باوع عليه وكال

رائد....ابن الجلاب موقته وياي شنو الليل والنهار كاضي بحضنه واني من اول اله تصرخون والله اليوم انعل الخلفكم هسه

غزل......هوه يجحي واني جوى شبعانه ضحك وهوه يحجي بحركه ويغلط من حركه كلبه ،،،،شويه اجيك حبيبي بس اسكته

رائد......والحق الحق اذا كمتي الهم هسه اتخبل عليج بهل الليل زين يولا نامي واسكتي هسه اني اروح اخلي الممه بحلكه واجي ممنوع تتحركين وعلي اكسر ضهرج

غزل ....خليت ايدي على حلكي واضحك

واهز براسي بأي مااتحرك ولا اكوم ورائد راح ايخلي الممه بحلك احمد ويسب بي ورجع رجع يمي حضني كام ايبوسني من ركبتي ويهمس بغزل باذني ...كام يصرخ محمد ......هههههههه ورائد طفر كام يسب ويغلط وضرب الميز مال الجربايه بيده

رائد......الله واكبر عليكم انشالله اشووون بله ماانام ماارتاح شلووون وياكم ولد الجلاب اني اعلمكم اليوم

الكم رب والي رب يا اني يو انتو يله يله كبل لبيبيتكم هيه ميعاد تحير بيكم والله لنعل ابوكم اليوم يله ساعده السودة الخلفتكم امكم بيه موقتيه وياي تعاندون بيه اني الكم الليله

غزل.......رائد يحجي بحركه وعصبيه واني صرت طماطايه من الحجي واضحك اريد اجر النفس مااكدر اختنكت وعلي وهوه يحجي ويسب كل شويه كال ميعاد يقصد خالتي ...شال الجهال ،،،رائد حباب لايوكعون منك اني اجي اشيلهم حباب مو هيج شجاك اتخبلت عليهم هسه ليل

ازل مراد

اتمنه عجبكم ويكون تعويض عن البارحه مانشرت واعذروني لن تاخرت وراح يتم تغير اسمي اسمي المزيف لن اني البارحه
طلب مني يوسف ترك الكتابه واني ماقبلت هووواي تفاصيل راح تلكوهه بقصه حياتي الي راح اسردهه ويه صرخات الزمن اذا ها اذا اكدرت ويوسف لامني على نشر قصتي لن كال مامطرة تنشرين قصتج واكو حته كاتبات انجح منج ومانشرن قصصهن بس اني والله ماهمني الشهرة لا والله حبيت اكون صديقات وتاخذون عبرة من المريت بي بس وحلم عندي بس واحد اطبع كتاب باسمي بس مع الاسف اسم مزيف راح يتم تغير الاسم باسم حقيقي وهاااا مو اسمي
اني مااكدر اني رافضه ويوسف هم فراح اخلي اسم خالتي العزيزة احسن اخت امي واتحبني واني هم احبه عاد ماتنضلم لا قصتي ولا اي قصه وراح اشيل اسم ازل من البارتات من افرغ وصراحه نفسي تعبت البارحه وماكدرت اكمل كتابه

بااااي