رواية طغيان النجوم 🔞 الفصل التاسع وثلاثون 39 - بقلم ⅃ᒍȊ 🖤مراد

#ازل مراد #

#طغيان النجوم #

السلام عليكم ورحمة الله وبركاته

اتمنه يعجبكم البارت قراءة ممتعه

علامه بكل درب صرنالك شلون
تمر وتكــــــــــــــــــول ماشفت العلامه
يتامه وننتظر جيتك واذا جيت
يبين العيد بوجــــــــــــــــــــوه اليتامه

كبل جانت الدمعه بعيني بت بيت
حتى الرمش مايدري بيها
وهسه اعليك ضلت كاضه الباب
الرايح واليجي يعاين اعليها

ياباقه ورد اهديلك انت شلون
الورد منك خجل مايدخل السله
لان مثلك ورد متواجد بهل كون
اذا انت الورد في عالمك كله

********

رائد.....اااخ بويه عليمن هذا البجي هااا عليمن باجر اتصيرين زين وترجعين تحبلين وتجيبين بنيه حلوة مثلج ومثل حلات عيونج ذني الصايرات حمر حتي تكمل السبحه جنت بوحده صرت بثنين
حته احبسجن اربعجن بغرفه وقفله عليجن ومحد ايشوف خيالجن علمود ارتاح وحد اشوف خيالجن ههههه

غزل......ابجي على صدره مقهورة من حجه هيج ضربته على صدرة ،،بله اني بياحال وتضحك عليه على هذا الحجي ما اخللفلك

رائد.....هههههه علمود من تجي تشبهج وتبجي اضل اشر هدومي بله غسل هههه
دشوفي مو هدومي نكعن من دموعج
سويتيلي طكعه بلقميص

غزل......رائد اشبيك شنو هاي ليش اتحسسني اني ابجي هواااي

رائد....لا عمي اني الابجي هواااي حشاج انتي

غزل....ههههههه

رائد....فدوة للضحكه الحلوة اي هيج ضحكي وانسي شتسوين بلخلفه اني
عندي انتي كافي وادلل عليج اكثر من الجهال عليمن بويه امشي اني اسبح واطلعج علمود تاخذين العلاج وتنامين يبعد ابوج وحبيبج واهله

غزل....جان كل كلامه بشقه وحب ايواسيني علمود اضحك شالني للحمام وغسلي وطلع شايلني من الحمام خلاني على الكرسي ونشفلي شعري ومشطه وكملني وداني لفراشي وانطاني علاجي
وراح للحمام يسبح معاملته اليه مثل الطفل يداريني ،طلع من الحمام اجه يمي نومني ولحد ما غفيت بحضنه ...صار الصبح كعدت ماكوو رائد نزلت كملت شغلي وجان خالتي كلش تهتم بيه علاجي اكلي جان رائد موصيه عليه

...مرت سنتين واني اتعالج من مرض داء القطط مايتقرب مني يخاف عليه بس شنو كوة مصبر روحه هههه وجه يتلاطم
يدردم ويغلط على الدكتورة اشون اتكلج مايتقرب الج هيج كالت اربعه شهرو واني جريته سنين يجي يدردم واني اخرب من الضحك عليه لحد ما يوم طك كلبه وكال

رائد....مالج نيه تحنين عليه اتحنين على عبد الله صالح الفقير المسكين ماله غير الله الواحد القهار لا شريك له

غزل.....مو يدلل حبيبي اليوم اسويلك سهرة اشون اني كلت هيج اشو هوه كام ايصفك وايصوفر

رائد....واااااااوااااااو هلا هلأ هذا الحجي
الزين المعدل بوووويه اروح فدووة لليفهمني واتحس بيه يمه يمه اروحلج فدوة

غزل......جان يحجي ويكرص بخدودي وايصفك ههههه
واني اضحك على تصرفاته المهم حضرتله السهرة وعدلت الغرفه ولبست ملابس مغريه ومن اجه وشافني ما سد الباب بيده لاااا دفرهه برجله واجه هجم عليه بسرعه ما انطاني مجاال كضيناهه سهرة للخمسه الصبح ...

.مرت سنتين واني ما حبلت رائد ميقبل
منتضم بعلاجي بكل موعد دكتورة وهوه يذكرة ويحجز اليه اني ماادري هوه يجي ايكول

رائد.....باجر موعدج ويه الدكتورة

غزل......اني ما اقبل لن كلش تعبت من العلاجات

رائد.....اشش ترحين باجر حبيبي ميصير اتكطعين العلاج

غزل.....شسوي كال اروح  ولازم اروح المهم عده عليه اليوم وصارت روحتي للدكتورة حاجزين بس نطلع رحت سبحت وبدلت ولبست عباتي وشالي ورائد هم اتحضر وطلعنه رحنه للعيادة كعدنه بعد وقت صاحو اسمي رحت طبيت للدكتورة
وبعد ماشافتني كالت

الدكتورة.....هاي هيه انتي زينه واتركي العلاج واتكدرين اتحبلين بعد ماكو اي علاج تاخذينه

غزل....من كالت هيج اني حيل فرحت
وحته طلعت من يم الدكتورة فرحانه
طلعنه رحنه للسوك وافترينه وماخلينه شي ما اشترينا وجان كايدني من ايدي
كملنه مشترة ورحنه للمطعم اتعشينه اخذنه اكل سفري لخالتي  وردينه...مرت عليه هلسنتين بحب وسعادة بس جان المنغص عليه فرحتي بس الاطفال ..

.....مرت عليه سنتين واني كاطعه العلاج وسنتين هم ماصار عندي طفل يعني صار الي من ماتت بنتي اربعه سنين ولحد ما ايست بس ما تتأيس من رحمه الله لحد فديوم اجه موعد الدورة بس ما اجتي

فاتتني  شكيت بروحي حامل بس ماكلت لرائد تصلت بأم عبير بتلفوني الجديد كوة خلاه عندي رائد جنت مااحب التلفون كلش كال خلي عندي اطمأن عليج  على البنات جابليا وخلاء عندي وعلمني عليه ،قبل اخوتي هم جابولي بس اني رفضت ،،المهم
اتصلت بيه وكلته اريد اروح احلل بس الموضوع سر بينه خطيه هيه فرحت وكالت

ام عبير.... ماما ربع ساعه اني يمج اتحضري

غزل....خطيه هوااي فرحت الي سديت الخط  وتصلت برائد كتله اريد اروح للمستوطف خطيه هوه رأسان وافق جان خايف عليه وراد يجي  للبيت بس اني كتله ماكو شي راح اروح اني وام عبير فقبل  واتحضرت ورة اشويه اجت ام عبير
وطلعنه اني وياهه ،،،جانت ام عبير شاطرة من هيه ازغيرة جانت تطلع للسوك وتسوك للبيت  وكل خواته هم تسوكلهن بس ناي ماندل ولا طالعه ولا مختلطه بهواي ناس ،كله حابسه روحي بغرفتي جانت غرفتي عالمي الكأبه ما اسولف ويه اي بشر كلش بتعدت صارت بيه خوفه ورهبه من الناس ومن اي شي ومااحب الطلعه وحدي اتيه حتى رائد يعرف اشكد شاطرة بأمور البيت وبكلشي بس الطلعه

ماادبرهه اله هوه وياي لو خالتي حمواتي
......المهم وصلنه للمستوصف وطبيناله ورحنه لبو الباص كصينه باص ورحنه للدكتورة ضليت متانيه دوري ،صاحو اسمي وطبيت للدكتورة شرحتله حالتي

الدكتورة....مامه سوي تحليل وتعاي

غزل......اخذت الورقه مالت التحليل وطلعت رحنه لبو التحليل انطيته ورقه التحليل وكعدت كال طلعي ايدج طلعته سحب دم واخذه ايحلله وطلعنه كعدنه بلممر اباوع على الناس رايحه ورادة وصادفت ام جيرانه هم جايه اجت وكعدت يمنه هم متشوفني غير بس ويه رائد وحته المناسبات من اتصير مااطلع ةخالتي تتوسل بيه والبنات واني مااطلع حييل اتغيرت من بعد وفاتي بنتي ضليت مدنكه بلكاع جيرانه اتسولف ويه ام عبير لحد ماصاحو غزل محمد

،،،،نعم

،،،،،اتفضلي طلع التحليل

،،،اي اي جايه يله خاله خل انروح ،،كمنه رحنه اخذنه التحليل ورحنه للدكتورة انطيتها ضليت اباوع على الدكتورة ومركزة وياهه اريد اسمع شنو التنطقه شالت راسه الدكتورة مبتسمه وكالت

الدكتورة.....مامه انتي حامل

غزل......هيه كالت هيج لو اني دموعي كامن اينزلن عشرة عشرة حضنتي ام عبير
وتتحمد الله ودكتورة تباوع علينه مبتسمه
وخرت من حضن ام عبير ومسحت دموعي وكتله،،،اكدر اسوي بعد غير تحليل
اريد تأكد

دكتورة .....اي عادي بس ليش شسوين بي انتي حامل

غزل.....اريد اتاكد بعد مرة ..رحت سويت بعد تحليل وهم طلعت حامل وامي فرحانه
وميته بجي مامصدكه بعد كل هلسنين
الفاتت من عمري واني محرومه من الطفل

واني صارلي سبع سنين دفنت اربعه اطفال ابني من جاسم وابني من حامد وعبدالله وتبارك بنتي الكاشفته وشميته
ولا حطيته بحضني وفوكاهه تلاثه اطفال
الحمد الله والشكر ربي بجهاك تحفضلي البطني وايعيش وماتحرمني منه ياررب
طلعنه اني وام عبير اني على بجيه الوحده مامصدكه وام عبير تبجي على مبجاي صعدنه بلسيارة واني اشاهك وكلت لم عبير

،،،،عفيه خاله لا اتكولين لرائد اني اكوله
اريد افاجأة

ام عبير....من عيوني يا عيون امج مو تدللين اني جم غزوله عندي 

غزل.....كلامها كله ايفرحني اتعاملني مثل ما اتعامل بناته .رجعنه للبيت كلنه لخالتي
كامت اتهلهل وتهوس والدموع بعينه فرحتلنا صعدت ليفوك اتجددت وصليت ركعتين شكر الله  دعيت ربي يحفضه للطفل وما يحرمني منه كملت صلاة صارت الساعه ٢ الضهر اجه رائد سلم عليهم وصعد ليفوك واني كاعد على نار اريد اكله هوه حس عليه شبيه بسس الوج طب سبح وكمل وكف كبال المرايه

رائد.....اني الي صافن عليج شبيج اتلوجين ومبين بحلكج حجي احجي خل ارتاح وترتاحين اكو شي كولي

غزل....رحت كمت وكفت اكباله وشلت راسي اشكد طويل وجتافه عراض اني لا شي كدامه

رائد....اي حبيبي كولي شنو الشاغل بالج

غزل.....رحت للمستوصف

رائد.....اي يكلبي ادري بس ماكلتي شبيج

غزل.....مووو يعنيي احم  موو اني كالت
احم الدكتورة اني حامل ،،جنت كوة احجي وكلامي من احجي اقطع بكلامي

رائد....اي خير،،،بدون انتباه

غزل.....اشو اني صفنت شو ما اهتم

رائد.....شششششششنووووووو حامل صدك تحجين لو تشاقين حامل ولج غزالتي صدك شايله بطنه طفل

غزل....اني فرحت بس فرحتي بخوف تذكرت ردة فعل حامد من درة بيه حامل

بس هنا فرحتي اكبر من خوفي فرحت على ردة فعله من فرحته شالني بديه  وداني للجربايه ويبوس بيه ومشه بيه للجربايه بوساته الخفيفه ويهمس بكلام يذوب الحجر وخلاني على الجربايه وصار فوكاي حضني ويشم بيه وماكام اله رحنه لعالمنه الخاص ووووووووووو 🔞 رجع نومني بحضنه

رائد....اموتن عليج يانفس ريتي

غزل....واني هم اموت عليك واعشقك رائد
انته بلنسبه اليه العمر المايحله اله وياك

رائد.....تعاي خل اخليج بضلوعي وياكلبي

غزل....تتغده دكوم خل ننزل

رائد.....مااريد غدة ولا اريد انزل اريد اضل مخليج بحضني الخبر مال حملج شبعني
وشربني جاي هسه كلشي ما اشتهي

غزل....ههههههه

رائد....العصر انروح للدكتورة بس ما لهاي دكتورتج هاي اتشائم منه صرت كل ما انروحله يصير بيج شي لو طفل ميت

غزل....خلاص بكيفك التشوفه اني وياك بي ماعندي مشكله نغير الدكتورة

رائد....اي غيرهه هسه اتصل بأم عبير
وتحجزلج يم غيرهه

غزل....هذا الحجي اني بين اديه وشفايفه يم راسي يحجي ويبوس براسي ما مصدك ،،اتصل بام عبير وكاله تحجلي يم دكتورة تعرفه وصدك حجزت يم دكتورة تاخذ بناته وخواته اله ،،ورد اتصل بحسام يذبح ذبايح اثنين فجران دم ودفع البلاء

نمنا والعصر كعدنه سبحنه ونزلنه للمطبخ
وطب رائد للمطبخ وباس ايد خالتي طبعا هاي عاده رائد من  يدخل وايشوف خالتي ايبوسه من ايدهه ...رشا حمت الاكل وخلته كدامنه ....

خل اسولفلكم عن رشا اشويه ...رشا خت رائد الزغيرة بزر الكعده  من هيه عمرة ١٦ سنه اتزوجت ابن عمته هوه جان يعشقهه وهيه هم اتموت عليه اتزوجته وعاشت ويا بحب وبس المنغص عليه حياته ماحبلت منه ابد وجانت امه اتعيرهه واتصيحله العاكر وحضه خطيه جان يشتغل بغداد بلجيش واستشهد  بنفجار الكرادة اااخ يايمه من ورى انهارت ومن شدة الصدمه فقدت النطق سنه كامله وكورة ردلهه النطق وجانت اكو كلمات متكدر تلفضهن وبمرور الوقت استعدلت
واشكد اجو خطبوهه وهيه رفضت رفض قاطع من بعد حبيبه وزوجه ....

نرجع لعصافير الحب...

غزل...اتغدينه وكملنه وحجزتلنه ام عبير
يم الدكتورة ورحنه وجان رقم الحجزخمسه بقينه ننتضر اني ويا مثل عصافير انسولف ونضحك لحد ما صاحوو اسمي رائد اله ايريد يدخل وياي للدكتورة  السكرتيرة رفضت ورائد اله يدخل.  كالت اروح اساله الدكتورة  ورة اشويه وطلعت كالت اتفضلوو دخلنه اني ورائد للدكتورة
وشرحت حالتي اله قبل اشصار بيه وكالت

الدكتورة ...اصعدي على السديه خل اسوي سونار

غزل..... اني صعدت اجه رائد غطاني وراح كعد الدكتورة بدت تاخذ سونار تسالني

دكتورة...لاااا تخافين مامه حملج بنهايه الشهر الاول وكلشي طبيعي وبعد يومين دخلين بلشهر الثاني وجارة زينه

غزل......الف الحمد الله كلشي طبيعي ورائد من يمه اشوفه فرحان..كتبت مقويات ومن هلسوالف وطلعنه شفت ابو الموطه لو روحي صارت بيه ،،،،رائد حباب حباب اريد موطه اوووكف

رائد.....غااالي والطلب رخيص مووو يتدلل الحو مالتي

غزل....نزل رائد جابلي موطه عائليه واجه

وانطانياهه واني اكل وما اشبع وهوه يباوعلي ويضحك والجكارة بيدة كملت موطه  سد الجامه وحرك السيارة وهوه لازم ايدي كلسى وايبوسه ...فرحان حيييل واني من الفرحه احس روحي طايرة بلسمه بس هم جانت بيه خوفه
الخوفه ملت كلبي اخاااف هم اخسر الطفل او ايصير شي لا سامح الله يخررب فرحتي وصلنه للبيت لكينه حسام جايب طليان اثنين خلاهن كدامي والكصاب ايريد يذبح بيهن لو اني اريد اشرررد وين ماعند الله كاااع ورائد كوه مجلب بيه ويضحك واني ارجف اخاف من الدم كوة كوة ذبحوو واحد وانوب حسام خله نكطه مالت دم على رجلي واني طفرت من الخوف وهمه ايضحكون عليه طلب رائد اللحم يتوزع على الفقرة طبينه للبيت لكينه خالتي مسوي عشه لم البنين وعازمه الولد والبنات الكل متجمع ...احنه قبل لنطلع شفت خالتي تطبخ هوااي بس ماادري المن طلع ثواب لم البنين ...المهم اجه رائد بيده ماعون كبدة مشويه اكلت اشويه لعبت نفسي من ريحته وهوه ماجبرني اكل درة بيه اتنسه .....التنسا مالتي تموت من الضحك اتنسه على العطور وعلى ريحه الجكاير والاخ مكيف
ماهذة الواهس يشرب جكاير يمي واني اضل اجر نفس ههههه جني مخبله كال

رائد....هههه همزين مو على البانزين تنساتج ههههه جا الكاج حاطه خشمج بلجلكان هههه الحمد على جكاير اتهون ياعمي

غزل.....هههههه جنت مختلفه حيل بتنساتي وبطني يعني طبيت بلرابع لو بطني اشكبرة حته ملابسي ضاقت عليه
المهم اجه رائد وكال

رائد....عندج موعده ويه الدكتورة اليوم من رجعت من الدوام حجزتلج

غزل....صدك واللله نسيت موعد راح من بالي

رائد.....اني يمج واذكرج حبيبي شو تعاي اكلج اشو انتي كلما تكبر بطنج تحلوين شنو الموضوع

غزل....بتسمت لكلامه رائد بطل سوالفك
مو وكته حبي انته تعبان

رائد.....لاااا مو تعبان منو كلج تعبان كولي اريد اشرد منك اي لتكولين تعبان ترة هاي السوالف مو عليه

غزل.... هههههه لا والله مااريد اشرد منك اصلن اليوم انس اتنسه على ريحه الفانيله مالتك اليوم ماخليت خشمي عليه

رائد....اي هنا الحجي كولي مشتاقتلك وفضيه دتعاي تعاي اني احسن من الفانيله
رحيتي طبيعيه ميه بلميه شسوين بلفانيله
المتصنعه تعاي للأصل

غزل.....اسمع كلامه واني خربانه من الضحك وهوه يحجي ويهز براسه ويسحب بيه على صدرة واني ارجع ليورة واضحك يجر بيه للجربايه وبده مشاكسه
وووووووو❤🔞وكام سبحني وهوه هم سبح ونزلنه جوة وخطيه خالتي صبت الغدة ابد متقبل اني اشتغل وكعدنه اتغدينه وهدي ودعاء ميقبلن ياكلن اله وياي كملنه غدة صارت بلأربعه الساعه
طلعنه للدكتورة طبيت صعدت على السديه ودتاخذ سونار

الدكتورة....مامه كلشي طبيعي الجارة والصحه هم زينه والف مبروك بيج توم

غزل.....اني ورائد ضلينه صافنين ماندري بلدنيا وين من المفاجاء

دكتورة....شبيج مامه صفنتي انتي حامل بتوم ولد وبلشهر الرابع

غزل....اني انتبهت على الدكتورة اشدتكول
وبجيت من الفرحه شفت ربي اشون عوضني بصبر سنين كمت الحمد ربي واشكرة الف الحمد لله عطايا جبيرة

لهنا واختم البارت اتمنه عجبكم

مع تحياتي ازل مراد هسه اتكولون تاخر
من ورة يوسف ههههه ترة معليه

وراح اخلي هذا الفديو عجبني اتمنه اتلبسون سماعات وتسمعو كله
من تسمعو شتحسون اتكتبلولي بس مو هنا لااا روحو للتسلايه ويه ازل تلكوني هناك ناشرة الفديو نفسه 👇

يله تعالو ورراي وهااا اشكر النعليقات الحلوة من كل كلبي كل وحده كتبت كلام طيب وحلوو اشكرهه من كل كلبي لن تجسد اخلاقه المتربايه عليهن وحرامات راح تخلص القصه لن كلش اتونست وياكم
واعذروني اذا اكو سحكات ترة عادي انتو اتعلمتو عليه هههههه والبارت ترة ٢١٩٦كلمه خاف اتكولون قصير اكتله بلمكناسه هههههه التحجي

بااااي