رواية طغيان النجوم 🔞 الفصل الرابع والعشرون 24 - بقلم ⅃ᒍȊ 🖤مراد

# ازل مراد #

#طغيان النجوم #

السلام عليكم ورحمة الله وبركاته

هذا البارت من غزل كالت انشري الكاتبته اني اريد اقرة متشوقه ههههه فنشرته
والتكول قصير اروح اكتل غزل بلصوندة
واخلص منه هههههع

هذا البارت تكملته بليل

قراءة ممتعه.........

غزل.....اخخخ يوجع كلبي خاله ابنه يوم حامد مات ابنه هم مات اخ يكلبي احس دكته راح توكف زاد عليه الحمممل حامدد ليشش هيج اخخخ ياخاله لو تدرين ابني مات ويه ابوو

ام فهد....لااااا هممم مااات

غزل ..... كامت تبجي وحضنتني وتنعي
على اخوهه وابنه بس شنوو متت وبعدين
كالت

ام فهد...بنيتي انا الله وانا اليه راجعون البقاء لله وهذا حكم الله ولازم انكون قويين  وسامحي ودعيله ترة ابو حازم خوش رجال وطيب بس الوكت مانصفه
تعب حيل بحياته ومات وماحصل وليده
وتركلج ٢٠٠ راس غنم وبيت وبستان
سيارات الحمل مال رمل وحصو لوريات

غزل... لا لا خاله كله ماريد كله الكم وانتم اهله انتم احق بي اني مااريد اخذ شي

ام فهد....لاا يمه لااا هاي وصيه ابوو حازم
ولازم اتنفذيه وتاخذين كلشي الج

غزل....بس...شفت اشرلي حسين براسه
معناه اخذهه خاله اني ماراح اخذ غير بس البيت المسجل بأسمي والذهب لخاطرج ولخاطر حامد
وباقي الملك الج خاله حلال عليج البستان والوريات وغنم كلو خاله

ام فهد....لاا يمه هذا ملكج وحكج وصيه حامد لازم تاخذي

غزل....خاله محللين وماهوبين واني راح ادعي لحامد واني مسامحته على السوى وربي يغفرله ويسكن فسيح جناته بحق محمد وال محمد اخذت الاوراق ومفتاح البيت والذهب ورجعنه للبيت واني تعبانه
والقهر ساكن كليبي وما احجي الطريق كله
ورديت للبيت طبيت للغرفه شمرت العبايه
واخذت اهدوم ورحت للحمام شبعت بواجي بلحمام وطلعت  امشي جان اشوف سجاد يركض ،هااا سجاد اشبيك ليش تركض

سجاد....غزل غزل مرت رائد اتريدج دايتنازع اتريدج انتي بلذات اتريد اتشوفج

غزل.... هااا اني وليش وشتريد مني

سجاد....ما ادري البسي خويه بسرعه
ترة منتضريج يله خويه جووة بوي انتي

غزل....اي اي هسه هسه اتحضررر وانزل جووة ،رحت ركضت بدلت ملابسي ولبست جبتي وعباتي وشالي ورأسان نزلت اركض شافني عباس

عباس.....على كيفج بويه لاا تروحين توكعين هوه هيج اتنزلين انتبهي يابويه

غزل......مووو خاف اتأخر عليكم

عباس....لااا ما تاخرتي على كيفج بعد لاا تركضين
هيج على الدرج يله خل نمشي

غزل......رحنه للسيارة ركبنه ومشت بينه للمستشفى وكل تفكيري اشونه زهراء
واشون صارت وشتريد مني كل الطريق افكر بيه ودعليه تشفه وترجع لبيته
امين ،وصلنه للمستشفى  ودخل حسين للستعلامات سال على الاسم وكالت يا غرفه ورحنه صعدنه الطابق الثالث نمشي سريع حته انلحك عليه من وصلت للغرفه شفت رائد خطيه كاعد باب الغرفه على الكرسي ومخلي ايد على راسه وايد بين رجليه ويهز برجله
شفت منضرة انقهرت عليه وتألمت عليه مشينه يمه وكفت كدامه وجان اشيل راسه شفته صارت عيونه بعيوني جان يطالب قوة صبر ودعاء مني واجا عباس
حضنه ويهدي بي ويصبرة اني عفتهم وطبيت للغرفه لكيت خالتي ام رائد
واخوة زهراء وخواته علي وعلاء وسام وام زهراء طبيت سلمت عليهم الكل رد السلام

زهراء.....وهله ببيبج غزوله تعاي يمي

غزل.....سمعت صوته فتحت عيوني
ردت السلام واشرتلي اجي يمه رحت يمه
بوسته وسلمت عليه جانت توهه ولدة ومبين عليه المرض
والولادة ماخذة حيله وبعدين  جرتني وكالت

زهراء......غزوله اريد امنج امانه والامانه هاي يس انتي تحافضين عليه

وراح اتكونين كد الامانه واني اثق بيج
لذلك دزيت عليج انتي بنيه وطيبه وفقيرة وحبابه وبريئه حيييل والله يحبج لذلك جاي يمتحنج وانتي عديتي امتحان الله بكل صبر وربي يصبرج وانشالله يعوضج بخيررر

غزل....كنت اسمعهه من تحجي وحجيه جان متقطع وصعب عليه تحجي الكلمه
وجانت تتنفس بصعوبه كوه النفس اتجرة ويه الكلمه

زهراء.....اسس سسم عيي

غزل.....هاااا اسسمع كولي ،حجيته بقهر من شفته،

زهراء....امانتي اوله رائد ثم رائد ثم رائد
رائد يحبج حييل ويخاف عليج عمرة
هوه ماحب بحياته وعمرة وحب مراهقته
غيرج واني حبني ورة الزواج بس ماحبني لحد الهلوسه والهيام وعشق لحد الجنون حبج الج انتي واني حبني بعد زواجنه وحبه الج ضمه بكلبه انتي اول وحده دخلت لكلبه وعششتي بي حبه الج ضمه علمود ميجرحني بس اني جرحته واذيته هوووايه وهسه قلبه انفتح للخير الج رائد امنتج بي حبي ولو تكلبين الدنيا كله ماتكين مثله ابدد

غزل...اني اسمع ومصدومه بحجيه وما اعرف شنو ارد شنو اكوول والكل وياي انصدم وصاف مثلي صارت عيني عليه هوه باب الغرفه طلع مدنك راسه واشوفه
الدموعه توكع بلكاع وترد تنزل دموعه ويمسحه بيدة جان منضرة من يبجي يبجي بله صوت بس الدموع تنزل من عيونه ومنضرة وضخامته وهيبه خلت جسمي قشعر جسمي مااعرف شنو شعوري بساعته اتجاهه رجعت باوعي على زهراء لزمت ايدي وكاالت

زهراء ....غغززل ووصيتي االثانيه هيه
بناتي غززل بناتي ووابني ديري بالج عليهم وداريهم وحبيهم كأنما جهالج
وحبيهم مثل محبت ابوهن غغززل اريج
اتخليهمم بعيونج اريد اتصيرين انتي امهن
ما اريد احد غيرج لاااا من قرريب ولااا من بعيد بس انتي وبس غزل هذا ابني وتوني خلفته بس ما راح اكدر اربي مامكتبولي عمر واعيشه امانتي ابني هذا تاخذي انتي واتسمي انتي اني ما خليت احد ايسمي لن هوه ابنج وانتي التختارين اسمه وايصير ابنج وبلجنسيه ينحط اسمج مو اسمي ااااني ما اريد احد ياخذة منج غزل عائلتي امانه بركبتج غزززل
اريد منج يوم النلتقي يوم الحساب يم واحد احد اريد عائلتي منج فحافضي عليهم غزززل انتي طيبه واريدج تندعيلي
من كل كلبج اريد ارتاح والله يغفرلي سيأتي ويرحمني برحمته

غزل.....اني بس اسمعه وابجي ما اعرف شكول كل كلمه جانت اتكوله اني اهز براسي بأي حته تأمن وترتاح  واني ابجي والكل البلغرفه يبجوني وياي باوعت لرائد
كاعد ودموع ادير حته صدرة يرتفع من الشهكه الشهكه جانت اتشك صدرة وتطلع
وعباس يمه ايهدي بي ويواسي صاحبه واخيه

ازل مراد