رواية طغيان النجوم 🔞 الفصل الخامس والعشرون 25 - بقلم ⅃ᒍȊ 🖤مراد

#ازل مراد#

#طغيان النجوم #

غزل....درت وجهي شفت خالتي تبتسم
دنكت واني لازمه ايد زهراء دخلا الممرضه ورائد واكف بلباب وعيونه حمر من البجي طبت الممرضه وبيدهه الطفل
بس مو طفل سبحان الله الخالقه على جماله وشكار شعرة يخبل وبعدين كالت زهراء

زهراء.....هاي امانتي غزززل حافضي عليه
هاي الامانه بس الج وهيه الامانه الوحيدة انتي تستحقيه وانتي وحدج تستاهلين اتشكي اتشيلي اتبوسي وانتي التسمي

غزل.....انطتني الطفل أخذته بين اديه باوعت عليه دنجت على ركبته شميته وخشمي يطخ بترافه ركبته الناعمه وبعدين بوسته من خدودة باوعت على زهراء وكلته راح اسمي عبد الله

ام رائد.....يمه فدوة احلا اسم عاشت ايدج يمه ونعم الاسامي ما احله من اسامي اهل البيت عليهم السلام

زهراء.....حلو اسم عبدالله ديري بالج عليه
غزل اني امنتج بجهالي ورجلي امانه ليوم الدين

غزل.....هزيت براسي بأي وكتله انشالله اكون عد حسن ضنج كتله هيج غلمود ترتاح وتأمن انو وحسن الاختيار لتفتت لرائد اشرتله يجي يمهة
هوه ماصدك نسه نفسه ونسه العالم كله
اجه يركض ونام فوكاهه وحضنه حيل ودفن راسه بركبته وكام يبجي بصوت عالي يكطع الكلب تكطع وصوت رائد وشهكاته ودموعه خلت عيوني دير صوت بجيه يخلي اليسمعه يبجي ويا صوته هز كياني وروحي ويا لفتت شفت الكل يبجي على بجيه وزهراء تبجي ويه رائد وحاضنه راسه وتكوله

زهراء....ررائد سسامحني سسامحني ادري بيك هووواي اذيتك وحييل تعبتك ررائد وادري بيك هواي اتحملت مني الاذيه والعمر الكضيته وياي ماشفت غير بس الهم والتفرفح والقهرر والضيم وانته جنت تكابل جفاي بمحنه وحب واهتمام وعمرك ما جرحتني بحجايه ولا فوك كل هذا انته حبيت وكتمت حبك بكلبك لخاطري لخاطر

بس تعيش وياي بسعادة ررائدد اطلب منك بس تسامحني وتحاللني وتوهبني
وتنفذ طلبي الاخير وسوي الكتلك عليه

علمود ترتاح بحياتك وتنسعد صدكني وهذا طلبي الاخير واريد منك توعدني
تنفذة حته ارتاح بكبري

غزل.....رائد جان يسمعه ويبجي بحركه على زوجته ام بناته مقهور عليه على هيج
موته وحضنه حيل وكال

رائد....مسامحج ومو من هسه لاا من زمان

على كلشي مسامحج بس لاا تموتين زهراء
لااااتموتين لخاطري ولخاطر بناتج وهذا اوليدنه الخلفتي اتربي زهراء بداعت العشرة لاتموتين والله احبج زهورة موتيني لا اتسوين هيج بيه زهررراء وعد مني التريدي انفضه بله تفكير بس لاا تموتين ززهرراءء ابقي ولااا ترحين

غزل....رائد يحجي ويبجي وياهه وصوته بي رجفه من الخوف عليه ميريد اتفاركه
وزهراء تتعذرمنه يماااااا منضر يصعب حته على الكافر احس روحي من البجي تعبت وزهراء تبجي ويا وتتعذر منه ومن الكل وجانت الكلمه كوة تطلع من حلكه
حجيه متقطع ولتفتت علينه وتبتسم سبحان الله الانسان من تقرب منيته يضحك ما ادري ضحكته بجي باوعتلي بتسمت بتسامه كلش حلوة نورت وجه
وبقت تباوع عليه ومركزة حيل عليه
اني خفت وجسمي رجف من شوفته ما ترمش بس صافنه هنا صاح رائد

رائد.....ززززززززززهههرررررررااااءءء لااااا
لااااااااااا لاااااااا تموتيييين لااااااااا

غزل.....صاح رائد وحضنه حيل بحيث طببه بضلوعه عرفه ماتت ومن ضامه بصدرة اديه هدلن وجسمه رخه وراسه حاطه بصدرة وعيونه مفتحات رائد كام ايصيح ويبجي ويحضن بيه ما يقبل ايهدهه كوة سحبو منه عباس اخوي كوة وخرة عاد عدل نومته ولزم وجه بثنين اديه وسد عيونه ودموعه دير عليه ودنج على راسه وباسه وانتقلت زهراء إلى رحمه الله الواسعه رحمه الباري الي هوه ارحم من الام على ولدهه ياااارب اخخخخ المنضر يكطع الكلب ايموت اه ه ه ه

من غمضت كامت امه وخواته واخوته وخالتي الكل ايصيح وحته المستشفي ارتجت بلصياح امه وخواته زهررراء ماتت وماتت احلامه وحبه للحيات وياهه من ماتت حسيت بروحي ايست من هلحيات

.......انعوف رائد واهله وغزل بلمستشفي.......ونتعرف عن الحب الممضموم بكلبه واشوكت حب  غززل.........،.،....،بس راح نختصر حياته ويه زهراء لن تعرفوهه.................

ازل مراد......هاك رائد اقصد سيدي اخذ القلم بس مو اتخلصه......

رائد...حياتي كله كاضيه شغلي ودوامي واهلي ملتهي بيهم واخوتي كل همي هذا لا يوم حبيت ولا ضحكت على بنيه هاي السوالف كله ما مجربه لحد ما يوم من الايام كالت امي راح ازوج اخوك الازغر منك كتله عادي زوجي واتزوج واني مابنفسي وحده ولا ابد ملتهي بمي وابوي كاضيه واجب كل اشكد ياله اجي للبيت فه فديوم اجيت من الدوام كاعد على الغده واتغده امي فتحت موضوع الزواج
فكالت

ام رائد....يمه متزوج مو كبرت يمه حته الازغر منك اتزوجو

رائد.....يمه بكيفج اليعجبج سوي

ام رائد...راح اخطبلك بت خالتك زهراء هيه خوش بنيه ونادرة واني حاطه عيني عليه من زمان واحله خواته وتريح مثل ما ريحتني بقرارك

رائد....يمه اختارتي التعجبج ياهي التعجبج اختاريه امي جانت خاله عينه على زهراء من كالتلي على زهراء صح ضجت لن من اقارب بس ما عارضت
كتله سوي التردي ومشت ايامي واتزوجت
من اتزوجته ما شفت يوم واحد مرتاح وياهه حييل الف ويا علي خلفت بناتي وصار بيه المرض المهم غزل بت خالتي ودوم لل علينه ومرة سمعت بيه من اتزوجت من جاسم واني ملتهي ب زهراء ويوم من الايام سمعت بيه ضاربه رجله وداخله بغيبوبه وكثر انشغالي ماكدرت اروح جنت ملتهي ويه مرتي وروحه ليران
المهم خمس شهور حسين وعباس وسجاد وزينب نايمي بلمستشفى واروح وياهم بعد ماشفته واخوته ميتين يتوسلون بيه وعباس صديق دربي واخوي جان دوم يبجي عليه من نلتحق سوة المهم هسه اتكولون اشون لعد حبيته اول مرة دك كلبي
اله وكمت اتمنه تفاصيله وهمت وعشقت
وكمت احب غزل شنو احبه اني اعشقهه اعشق كل حرف بأسمه كل حرف حاطه بمكان من كلبي غزل بلنسبه اليه الوتين واعشق التراب التمشي عليه ..غزل هيه او نبضه نبضهه كلبي بلحب هيه اول دكه بلكبي دكه بحب وعشق وغرام وهيام هام كليبي من شفته اول دكه دكهه كلبي بحب بس اله اول حبي بحياتي حب مراهقتي وشبابي واخر عمري غزل بلنسبه اليه النفس اليصعد وينزل بريتي احبه حب مجنون والمجنون ما عليه عتب
احبه بجنون لدرجه اغار عليه من هدومه الابستهن
حبيته وحبيت طيبته وبرائته بنت بريئه
مضلومه حنينه هدوئه وثكله احبه من تمشي احسه من تمشي مو على الكاع احسه تمشي على كليبي وينبض بحبه اله
تصرفاته ورزانته عقله احب طفولته البيه والبوجهه غزل اعشقه حد الجنون ...
اول دكه بكلبي اله ونضرت عيني اله احسه تتغلغلت بكلبي يوم الشفته داخله بغيبوبه بلمستشفى من طبيت امشي بلغرغه مالته وهيه بلمستشفى جانت خطواتي بطيئه اتجهت للسرير مالته النايمه عليه جانت الاجهزه متروس جسمه جاهز الضغط وجهاز القلب الجان صوت  دكته كلبه اكثر صوت مسموع بغرفته وصوت كلبه طاغي على الهدوء والمغدي معلك مشيت بخطوات بطيئه وصلت يم الجربايه مالته وكفت اكباله جانت ماعبالكه بغيبوبه جانت مثل النايمه عادي تفاجأت بيه معقوله هاي غزل الطفله من جنت اروح ويه عباس تتلكاني وتكمش بديه وتصيج اجه رائد اجه رأئد وتضحك معقوله هاي غزل الجانت تكمز وتدلل علينه ونطلع اني وعباس للواجب ،اول نضره اله هسه من شفته لزمت كلبي ما ادري ليش حسيت دكته قويه احسه دخلت لكلبي صايرة مرةكامله مكلمه ماكدرت ابعد عيوني عنه من كد ما ركزت بيه ضليت صافن غزل الطفله صايرة ناضجه وحلوة جنه ملاك ونايم شنو حلوة ايه من الجمال درت وكعدت باوعت على شعرهه الجان يوصل للركبه مااكوو عبارة عن جلد والدكاترة حلقوو اله ....ركزت زين بخلقته ما شفت غزل الطفله لاااا شفت غير وحده احس كلبي كام ايدك دكه مو طبيعيه حركه مني لا اراديه شلت ايدي وقربته على ايدهه ولزمته بكل حب والحب جان يطلع من صميم كلبي وحنان عليه لزمت ايدهه ايد جوه ايدهه وايدي الثانيه فوك ايدهه احسه كاينه وروحه تباوعلي حته حسيته تحاجيني كمت اتلمس ايدهه بكل نعومه احس كأنو اول مرة المسه ماعرف ليش حسيت بحلاته وطعمه جان شي كلش حلوو حسيت روحي رديت من عمر ٣٣الي ٢٠سنه ليورة
شلت ايدي كمت امسح على راسه الجان بله شعر جنه الأميرة ونايمه وكمت اسولف وياهه بس مو كلام عادي لااا كل كلمه نطقته مو من لساني لاا جان ينطقه كلبي
اسولف شكل وياهه وكلبي ينطق غير اليلفضخ لسانه حجيت بكل حب وياهه احس من اسولف وياهه واسكت جان كلبي ايضل ايسولف ويه كلبه وايدي الماوكفت من على راسه من احاجيه
جانت عيونه المغمضات احسهن يباوعلي
ومن سولفت وياهه حسيت ويه كل كلمه احجيه تسمعه وتجاوب ويايه

رائد....غزوووله مالج نيه تصحين مو خطيه اهلج مو خطيه اخوتج مو خطيه هاي اختج مشلوع كلبه رايحه وراده من الناصريه متبهذله مو خطيه هذا عباس المانشفت دمعته عليج مكابلج وكاعد
غزووله صحصحي لخاطر اليحبونج
غزوله وعد مني اله اخذ حكج مربع
السوة بيج هيج اله ازوعه حليب امه الرضعه كولي رائد كال بس اصحي لخاطري لخاطر اليحبوج
من حاجيته كل هذا الحجي واني لازم ايدهه حركت اصبعه بس شنو من كعدتي طفرت واديه رجفن جانت اكبر مفاجأء اليه من تحركت لدرجه ماصدكت اتحركت
،،غزززل حركي حركي اصبعج مرة لخ
اي بويه حركي ،،وما اشوف لن حركته
طلعت اركض لعباس بشرته وجان عباس اكثر مني مصدوم وشهك شهكه رجت المستشفى وراهله دكتور فحصه وكال عدت مرحله الخطر وراح تستعيد وعيه
المهم خلال اسبوع كامت تصحه زين
لحد يوم الطلعوهه اخوته وهيه على الكرشي ولابسه عبايه وضعيه لن جان على المغذي عايشه وصلوهه للسيارة جانت عيوني تمشي وراهه جانت تضحك جن كليبي يضحك وياهه ومن صلت للسيارة جنت مرتجي على السيارن مالتي
وحاط ايدي على حلكي من وصلوهه للسيارة رحت عليه اتحمدتله بسلامه ودنجت على راسه جريت شمه وبسته من راسه  بس شنو احس كلبي ايريد يطلع من  مكانه من كد ما ايدك قوي ولزمه عباس صعدهه وزينب وحسين وياهه واخذوهه
وراحوو واستقرت حالته وصارت زينه
بس التغير بيه حالته النفسيه ابد متضحك ولا اتسولف ولا كأنما عايشه بسبب الصار بيه واني كتمت حبي اله بكلبي وضهرت حبي لزهراء الجانت من مستشفى لمستشفى المهم مرت الاشهر لحد ما خابرت عباس جان روحه طافرة النار تطلع من كلبه كتله شبيك كال

عباس....هلو رائد اشونك

رائد...زين وانته اشونك عبوسي

عباس....رائد موزين رائد موووزين كلبي ناااااار  ورحي طالعه على غزل روحي طلعت على هل يتيمه الماشافت راحه ولك رائد

رائد..بخوف،ورتباك، ولك اشبيه اشصاير غزززل اشبيه احجي ولك شعلت كلبي

عباس....ولك رائد كول شنو الماصاير بيه
بغيابنه واني حسين ابويه امزوجه لغزل لرجال جبير حته اكبر من عمر ابويه ولك خلاني اروح منا ثاني يوم جابله رجال ومزوجه قبل رجعتي ورجعه حسين وهسه من رديت اله اسبوع من متزوجه

وللللك رررائددد محد يعرف عنوانه وين

الادري بكربله بكربله وين ما ادري ولكك راح اتخبل جاي اموت على بنيتي اني صوجي مو صوج احد لو دافع فلوس للولد وجايب كتاب نقلي وغراضي جا ماصار بيه هذا كله ولا تارك هاي اليتيمه وحده يم الذيابه ياكلون بلحمه اااااخ يا رائد كلبي واج ناااااررر عليه

رائد......كلام عباس السمعته احسه سجاجين اتكطع بكلبي احس روحي صرت نااار وافورر من حركه كلبي تمنيت  لو ابوهه يمي وعلي اذبحه واشرب من دمه
واشمرة للجلاب تاكل بلحمه ،حسيت بغيرة
وكلبي احترك شاهد الله اكثر من اخوهه عباس يحجي عباس وياي واني نار بعيوني كمت ما شوف بيها من الحركه والضيم كلبي كمت احجي بيني وبين نفسي يعنيي خلص رائد راحت منك غزل الجنت تصحه من النوم على امل تنام بحضنك وبكلبك خلاص اخذهه غيرك
اخذهه اله ولمسه وباسه ونامت يمه
وتغزل بعيونه جنهن عيون غزل من تصفن
خلاص راحت ام شعر ليل جنه ليالي عاشق كاعد جوة ضلام السمه ويتغزل بلقمرر ونجومه التضوي راحت منك واخذهه واحد مايستاهل اضفرهه هسه هيه يمه ونايمه على ايدهه وحاطه راسه يم كلبه مو كلبي اخخخخخ يا ناري احسه حركتني فكرة انو غزل يم غيري كتلتني وما احس على روحي لن كايم وكالب المكتب كلاب كمت اشيل الكتب واشمرهن
اوراق الكراس شمرتهن بلحايط وشكو حاجه يمي كزاز اني شامرهه بحركه بلكايط احس عيوني كلبن نااار وشكو شي يم رجلي دفرته ومن كثر الصوت السببته طبو ربعي ايركضون سامر وعلي ذوله صحباني حييل احبهم جنت بحاله هستريا
لزموني كوة اثنينهم كوة نحروني كوة صيطرو عليه هدؤني واشويه هديت وهمه لازمين اديه ماهدونهن اله لمن ارتاحيت

وهديت كعدت بلكاع وحطيت اديه على راسي ينعي شنو البيه وابقه اعاني طول عمري يعني ياهي الاريدهه اتروح مني ليش هاااااا ليش لوووو اتعذبني ليش اشسويت اني ما ارتاح سويت لدالبشررر ليش يربي ليششش ...  اني تركت زهراء بعد ما عرفت متحبني و متريدني اتهين رجولتي كل مرة تركته وكلت سويت العليه لجل صحته وماقصرت واني رجال ومن حقي اعيش اريد ندمرة ادير باله عليه مرة من ارجع تعبان تتلكاني بكل حب وحنان واتشوف طلباتي تبقه يمي ادللني تحبني مو مرة كلما اتشوفني بدلت اخذت جنطته وطلعت وكالت رايحه لهلي
جنت باني امال على غزل وجنتوحيل متمنيه من الله وكلت اثنينه نفس المعانات ونفس الوجع بس هيه جان وجعه بلعضم جان وجعه اكبر من وجعي

اني وجعي هيه زهراء جانت هاجرتني

صحيت على روحي من علي حاجاني وسامر جابلي كلاص مي كال هاك ريكك
يبس من الاصياح سربت اكلاص المي
وكعدوو بصفي وسولفتلهم كل شي لن همه ايعرفوني وايعرفون اني مشلوع الكلب من يوم التزوجت زهراء ولحد هذا يومي كامو يهدون بيه لمن ضليت صافن
وجكارة بحلكي لحد ساعه ونص اني فد صفنه وبعدين كمت وطلعت ورحت لبيت اهل غزل عيني طبيتلهم موجررر نارر بس اريد اسحل ابوهه سحل طبيت اتلكاني سجاد سلمت وكعدت سولفلي سجاد وعرفت السالفه بيه مرت حسين وتمنيت ادفنه بكاعه بس حسين ماقصر وياهه
كتله وطردهه اربعه شهور لحد عرس عباس ردوهه اهله المهم سحلت ابوهه سحل وعلاس وياي اريد بس اعرف عنوانه اشصار بيه ما صار عايشه لاا ماكو
ايسنه من ابوهه رحنه لبيت اهل مرت حسين حسين ماقصر ويه بتسام ياله
عرفنه مكانه من مرت اخوهه اخذنه العنوان ورحنه وطلعو اخوته ثاني يوم بس اني ما كدرت اروح جان اكو شي يمنعني من الروحه مع العلم اني جنت حاب اروح اشوفه شلونه واحواله بس من رجعو عرفت رجله ماقابل وانوب هم ردو مرة ثانيه عليه وشافوهه والتقوو بيه اني من يمي فرحت لن شافوهه وحزت بكلبي لن خسرته وماصارت الي من بعدهه عرفت مرتاحه واتحب زوجه من عرفت هيج سحبت روحي منه وبقه حبه نايم بكلبي سنين الفاتت كله ومحد عرف بحبي اله بس امي من جانت اتشوفني متشعوط عليه جانت اتهون عليه بكل مرة جنت اكعد وحدي واصفن تعرف بيه مشتاقله ومدوهن عليه تفرف بيه مشتاق اله بقيت بهل السنين احب غزل ويت على شوفته
بس مايوم كرهت زهراء من شفته اتحسن ورجعت زينه وياي كلتةخل اعيش ويه زهراء وابقي حب غزل بكلبي وابقه بحسرتهامنا لحد ما الله ياخذ امانته مني
من استعدلت زهراء عشت وياهه بسعادة وفرح وراحه متعجب بيه اشون اتداريني وتتمنه رضاي جانت اتشوفني اله الاب والاخ والزوج  حبيت كلشي سوته اليه واني طبي احب المرة واحترمه  واكره الضرب وحته النبي وصه بي المرة هم بشر مثلنه بس مثل ما ايكولن يافرحه الماتمت من صارت زينه من مرضه  لحد بيوم من الايام اتكح من اتكح متجي يمي تطلع لحد ما يوم من الايام كحت جان وكت عصر لجت عليه الكحه فردنوب رحت ترست اكلا مي وديتلهيا من شربت وخرت الاكلاص اثر دم على كلاص وعرفت بيه راد مرضه والماجأء الاكبر طلعت حامل من وديته للدكتور وكال لازم اتذب الطفل بس هيه ما قبلت اله اتضل محتفضه بي وترت علاجه ولا اخذت ابد في سبيل متأذي الطفل البطنه ضلت يوميه متخربطه لمن طبت بشهرهه واجاني اتصال  من عباس

رائد ..   والله انته بذات ومتسال عن اخوك

عباس.....هلا هلا ابو هدى حقك والله بس مشغول هليومين بغزل

رائد... فز كلبي من مكانه من جاب طاريه
،،،غغ غغزل اشبيه غزل صايرله شي

عباس....سولفت السالفه كله

رائد....لزمت اسلاحي وتلفوني واخذتهن وطلعت رحت لبيتهم وحجالي عباس كلشي من جانت نايمه حجالي شسواله رجله وابوهه ايهد عليه ،رحت لغرفته وجانت هيه نايمه مثل الملاك بويييه شوفته اترد الروح بيه بس شصاير بيه وجه اصفررر ومزورك عيونه مورمه اله اني اتخبلت عقل ماضل براسي بقيت ساعه ونص واني اتمعن بتفاصيله مو بيدي حيلا على ضمه رجال بس الحب مايعرف حرام ضليت كاعد على القنفه وهيه مقابيلي لحد ما كامت اتصحصح
يمممه اروحله فدوة جنه ملاك وكعدت تفرك بعيونه واشوفه كوة اتحرك جسمه
من الضرب الماكلته جسمه حيل متأذي

جنت صافن عليه وعلى كل حركه اتسويه
ومنتضر عيونه دورهن عليه اااخ يمه الحكي ابنج كلبه راح يوكف دارت عيونه عليه لو اني ذبت بيهن بويه اعشقهن لهل عيون واموت بيهن اسرتني بنضرته

ازل الكاتبه.... رائد دجيب القلم مو خلصته باجر انطيكيا ترة كله نامت 🌚✍واذا الكه القلم خلصان وعلي اجيكم هداده

رائد....من عزة بعينج تجين بوقت مو مناسب

ازل الكاتبه......والله انته كاعد بوقف كله مطفيه
ههههههه راح اغفه  باجر ايكمل رائد هسه اقرووو  وباااااااي

هااااا اوكفو اتكول قصير وعلي اموته