رواية طغيان النجوم 🔞 الفصل الرابع وثلاثون 34 - بقلم ⅃ᒍȊ 🖤مراد

# ازل مراد #

#طغيان النجوم #

اهيم بشوك وصلك وانثر الروح
وعلة اشفافك ثلج من تنزل اشفافي
واعض اشفاف حسنك واشتعل نار
وكطعهه بصدك ياكلمة الكافي
لمستك **ت بيدي وذوبت الاشواك
الطريق اطويل اكعد تعبت اجتافي
واحس رجفة ابغرامك والكلب عطشان
اريد اشبع وحسن بيك متعافي
واريد بايدي اجتفك تنسجن بحساس
وعلة اوصافك اريد اطبعهه لاوصافي
وبادلني بغرامك خل اهيما بيك
بس اكعد حبيبي وانتة الك صافي

*********************

غزل....  طلعت ام عبير وهوه جرني لحضنه وعدل نومته نسمني يمه واني قطرة دم مابقت بيه وهوه عادي عده الاخ ماخذ راحته واني اتصنمت بمكاني حته
النفس كطعته

رائد.....اتنفسي لاااا اتموتين جري نفس
ترة مااسويلج شي

غزل.....اني خنست بمكاني جريت نفس وغمضت عيوني من الخوف نمت للصبح
بلعشرة ياله كعدنه ثاري ياهو اليطب ايشوفنه نايمين واحد بحضن الاخ يطلع.
خالتي ام عبير متخليهم ايطبون لمن صحيت وهوه نايم ورة اشويه اجت خالتي ام عبير طبعا هيه مو خالتي اتصير
هيه اخت رائد الجبيرة بس اني اصيحله خاله لن احترام لعمرهه المهم

طبت يمنه والابتسامه على وجه

ام عبير......هاااا يمه كعدتي صح النومه
،،،صباح الخير

غزل.... هلووو خاااله صباح النور واعذريني لن نمت بس والله تعبانه

ام عبير... لااا يمه نامي نوم العافيه اهم شي ترتاحون اثنينكم لن انتم هوااي تعبتو

غزل....حس رائد على حجينه كعد يفرك بعيونه

رائد....صباح الخير  هسه بيش الساعه

ام عبير....صباح العافيه وهسه الساعه بلعشرة يبعد اختك

رائد.....هاا ام عبير والله جوعان اريد ريوك
اني وغزل هم ماماكله شي

ام عبير...... من عيوني مو تدلل هسه احضرلك اكل انته وياهه بس انزل الكل ملتمين يردونك عمامك وخوالك جايين ايعزون كووم خويه

رائد....اشالله هسه  راح انزل

غزل....دارت وطلعت ام عبير هوه راسن دار عليه ولزم وجهي بثنين اديه وباسني من راسي بهدوء وخر

رائد.....اشلونج اليوم

غزل....ا ااني  ز زز ز ييينه  ا ااذاا ا انتته ززين

رائد....الحمد لله والشكر على كل حال الف الحمد

غزل....كام وكف على حليه وخله اديه على وجه مسح وجه شله رداناته وطلع غسل  واجه رحت اني غسلت وجهي وعدلت شالي مد ايده اليه ونزلنه سويه طبينه للمطبخ تريكنه سويه وهوه راح بدل ومن بعدهه سوينه العزاء داخل البيت والقران
لان هوه طفل المهم عده عليه سبوع يمهم اني مارحت لهلي رائد مجلب بيه وعباس اخويه متفهم الوضع مايكدر يكسر بي لن
هوه تعبان وطلب اسبوعين اجازة يرتاح بيهن واني يمه ماعافني مجلب بيدي بس يجون زلم ايعوفه المهم كل الوكت كضاء
يمي عرفت بي اتعلق بيه هواااي وميكدر
اعوفه بس من ايروح للحمام بحجه يسبح
ايضل ساعه بلحمام يبجي يطلع عيونه حمرر دم

.......اختصر الايام لن كله توجع.......

عدت ايام الاربعين واني بيت خالتي ولحد ماصارت على كعدتي يمهم ٣ اشهر اخوتي يرحون وايرجعون وخالتي اتكلهم خلوهه
يمي مرتاحه لوجودة
اخوتي ميحجون لن ثاقين بيه وبرائد امخليني يمهم

كاعدين اني وخالتي ام رائد بلمطبخ ورشا
تقريبا بلتسعه ونص الصبح اجه يمي يبتسم وكال

رائد....غزل البارحه رحت اني وابوي واخوتي لهلج وخطبتج من اخوتج وانطوج اليه واليوم يجي السيد العصر
كدام اهلي وامي اتقبلين بيه يو لاا غززل اني اريدج وشاريج بروحي وكلبي وللموت مااعوفج اتقبلين بيه اتقبلين تسجلين باسمي

غزل....اني استحيت ماعرف شحجي وخالتي وعمي ورشا هم كله واكفه اني غطيت بكاعي وهوه عادي يحجي برود ولا كأنما  واني احس الحرورة بوجهي واذاناتي خالتي تباوعلي وتضحك

ام رائد....ههههه معليك يمه ترة هيه موافقه اني اجاوبك بداله يعبد امك ترضه

رائد......اريد اسمع منه يمه

غزل....واكف مجتف اديه ويحجي وعيونه عليه واني هزين براسي بأي وكتله اليكولون عليه اخوتي اني اوافق عليه

ام رائد....ككلللللللللللووووش

رشا....مبروك غزوله يارب تتهني

غزل......اجه رائد حضني وباسني من راسي

رائد.....كل اخوتج الي واليوم يجي السيد
ونملج وراح تجي ام عبير وام الصالون ام احمد وصيتلج فستان ساعه ويوصل
هم الج مفاجاة انتي ناسيته بس اني لاا واخوتج هم ذاكريه
بس هم راح اتصير بخطوبتنه اليوم

غزل....اني صافنه عليه شنو المفاجأة

رائد.....بعد اشويه اكلج مو هسه من اتبدلين واتكملين يالله اكلج

غزل....ورة اشويه واجت ام عبير وياهه ام الصالون اسمها ام احمد وراحت دخلت لغرفه ام رائد وريه اشويه صاحلي رحت اني مستحيه رحت يمهن استلمني غسل وتشحين خلني زركه من تنضيف دخلت للحمام ام عبير ويا سبحت وطلعت ولاخ كاعد بلصاله يباوعي و يغمزلي ولااا يستحي ابد اني دنكت راسي ومشيت رحت للغرفه يم ام الصالون ورادت اتكص شعري ام عبير اتخبلت

ام عبير.....معودة استري علينه لو سمع رائد يتخبل علينه عوفي على طوله هيج وسويله تسريحه ومكياج خفيف علمود لا اتروح برائته لوجه لن رائد ايريد وجه طفولي ميريد مكياج زايد سوي خفيف

ام احمد......صاارر من عيوني اله اخلي مايندل دربه

غزل.،..ضحكنه عليه كلنه بلست من سعري ابد ماشسورت ولا كوت بلشت سوتله تسريحه صارت ١٢ الضهر ام عبير جابت غدة اتغديت قبل المكياج اتغديت وشبعت
اجت ام الصالون كملت المكياج  جان المكياج كلش خفيف ما ضيعت ملامح وجهي وكملت من المكياج فتحت الباب ام عبير وطبت جانت شايله بيدهه جيس جبير طلعت منه الفستان  جان شكله كلش
حلو الونه احمر وطويل حيل والضهر على شكل سبعه الصدر فاضح بس مو مثل الضهر الضهر كلش فضيحه ومخصر  من الخصر الثوب كلش خلاعي بس فصاله ولونه ايجنن اول مرة احب ثوب خلاعي
وبلنص فراشات وبي حزام على شكل سلسله اجت ام عبير ساعدتني بلبس الثوب  كملته ولبس ويا خذاء كعب بس حيل عالي هم احمر وخلتلي اشويه عطر
وراحت جابت من عطر رائد خلتلي لن هوه طلب اخلي من عطرة هنا هنه خواته
نصبن عليه
يضحكن واني جنت كاعده على الجربايه
على ما ايكملن ام عبير ورشا مكياج
ضلينه للثنتين وربع بعدهه رحنه للصاله واني على الدرج

شافني رائد لو ضل صافن  يباوع عليه
اجه عليه كاد ايدي نزلني باسني من ايدي
وانوب الكل التمن البنات ودني للصاله بدن البنات ركص واغاني والهوسات واجه السيد عقدلنه وكمل واستمون البنات بهوستهن وبعدين خلو على جتافي شال
بلون الفستان علمود اخوتي يردون ايسلمون عليه البنات لبسن شالات والابسه خلاعي طلعت جانت عيني على الباب وجان ضوة الشمس يضرب بلباب واشوف حزام ضهري طبو من الباب واحد ورة الاخ
مرسومه الابتسامه على وجوهم اجه حسين جان يضحك اجه عليه وخله بيدي فلوس وباسني من راسي وكال

حسين....بويه اريدج مرتاحه واريدج ادارين رائد لو هوه نفخ روسه بس ينغط عليج ايريد حافضي عليه وداري صدكي رائد اكثر واحد يستاهلج اليوم صدك من ارجع اكول امنت عليه

غزل....وصاني حسين كتله صااار بويه ورد اجه عباس لزمني من جتافي ودنك باسني من راسي ولبسني كلاده وكال

عباس....غزوله بويه اريدج متهنايه ومتعافيه وربي يكتبلج الراحه ويه رائد
صدكي رائد يحبج دومه جان يحلم بيج اني اكثر واحد يدري بي اشون جان متأذي
عليج فحافضي عليه

غزل....تدلل خويه وابويه انته  وخر عباس اجه اكلب الرهيف سجاد هنا دمعت عينه
اجه باسني من راسي ولبسني محبس وكال

سجاد....هااا ولج سحلتي لرائد عمي حكه لو دوخنه البارحه اليشوف هيج كمر مينام اله يبيته بحضه

غزل.....ضحكنه على سجاد ومن بعدهه كلهم راحت سوده عليه اني ضجت حسيت الفرحه مادايمتلي ابد خلصت الهوسه رحت بدلت ملابسي وطبيت للحمام سبحت وطلعت  من غرفه خالتي
ورائد هم نزل من على درج شافني مدلي ايده اليه وجان يبتسم وجان لابس تراك رصاصي بلون عيونه يخبل عليه لزم ايدي
ومشينه كعدنه كلنه  على السفرة كلمن يمه  زوجته اخوته وامه وابو واني ورائد الاخر السفر والجهال هم ويانه جانت لمتنه كلش حلوة  ناس طيبين حنونين كلش حته نسوان حمويني حبابات اله اثنين مدري اشبيهن ماعاجبتهن والله ماادري حياتي كله ماامأذيتهن ابد ولا اي بشر اشكد حملت الاذيه من المقربين بس ما اذيت احد ولااا ضلمت احد الحمد الله كعدنه ناكل ورائد جرني عليه حيل ولزم  ايدي
خلاهه بجيب التراك مالته ايدي وايده سوة بلجيب ماهدني ابدا حاجا حسام

حسام....رائد بيتك تكعد بي لو اتبيعه لو تأجرة

رائد....ابيعه مااريد عرضته بلمكاتب واكعد هنا يم امي وابوي وامي هم متكدر اتفارك البنات هنا احسن النه كلنه

حسام....اي زين اتسوي

لهنا واختم البارت اتمنه عجبكم

توقعاتكم لبارت الجاي غزل راح تتقبل حياته الجديده واشراح ايصير وياهه
فرحته ادوم يو لاااا ماادري كل هذا اتعرفو بلبارت الجاي ولااا اتكولون قصير اشمركم بلطماطه 😂😂😂☻😂 وبااااي

اوووكفوووو ترة كل سحكه بربع

هههههه

مع تحياتي ازل مراد