رواية طغيان النجوم 🔞 الفصل الخامس وثلاثون 35 - بقلم ⅃ᒍȊ 🖤مراد

#ازل مراد #

#طغيان النجوم #

*****
تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم
*****
تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل
*****

حسام ....اي زين اتسوي احسن والله الك
هذا هوه على الخير انشالله

غزل....انحط الاكل كدامنه كلنه واني استحي اكل وهوه ولا جن ياكل ماداير بال واجيب وايخلي اكل كدامي والكل ياكل فرحان بينه بس هم مو كله هم اكو ناس منتغرة مدري ليش يباوعن صح بس اني مطنشه الوضع قابل شسويلهن اتعارك وياهن لو اسوي مثل ما ايسون والله راشدي اكوم واكوللهن انطي الثاني
كملنا كلنه العشه وكلمن راح لبيته واني رائد كادني وكال يله صعدي صعدت فوك هوه بغرفه واني بغرفه البنات طيب يم جانت عيونه فرحانه وهادئ كلش لزم راسي بثنين اديه ودنج باسني من راسي
وكال

رائد....تصبحين على خير بويه

غزل....وانته من اهل الخير دار وجه وطلع
رائد كلش تعامله وياي مثل تعامل عباس اخويه ونفس طريقته بلكلام طلع رائد وسد الباب ورى واني رحت نمت لن كلش حال عليه التعب غفيت ماكعدت غير الصبح الساعه بثمانيه لكيت ام عبير
وام احمد جايات يمنه كالنلي يله جهظي نفسج اليوم عرسج ورة اشويه وصاح رائد
رحتله وكال

رائد.....حبيبتي هذا الفستان مالتج وترة حجزت فندق بكربلاء نطلع انروح بي اريد اتبدلين واتكشخين علمود انروح وهسه اني رايح للحلاق ازين واجي حضريلي ملابس اروح بيهن

غزل.....هااا هدوم احضرلك زين ماكلت احضرلك من وكت

رائد...لا اتخافين ام عبير محضرة كلشي
جاهز بس انتي بدلي وهذا هوه

غزل....اني والبنات

رائد.....البنات هنا ايضلن يم امي هنه شعليهن

عرسان وبيوم عرسنه شنسوي بيهن

غزل....رائد والله اذا البنات ما طلعن كدامي فلا اروح لأي مكان  رائد مستحيل اطلع واعيفهن مستحيل والله ما اروح ترة

رائد....وولجج اليوم يومنا اليوم عرسنا
احنه غزل رجاء البنات يبقبن بس هاي الليله

غزل......خلص خلص رائد روح بس انته اني ما اروح

رائد.....ههههههههه خلص خلص يا حلو التردينه ايصير هذا هوه البنات ويانه ويانه بس اني اعلمج بعدين حسابج وياي

غزل.....جان يحجي ويغمزلي ويهز براسه

اني ضحكت عليه ومشيت رحت للحمام سبحت وطلعت رحت يم ام احمد وام عبير بلشت ام احمد بلتسريحه اني جنت اكبال المرايه واباع على روحي وصفت وافكر وادعي من ربي اتم فرحتي لن اني متعلمه الفرحه ماتدوم ادعي من ربي اليوم ايكون هوه اول ايامي من السعادة مع انسان اتمنيته واتمناني بحيل ربي كملت التسريحه جانت كلش بصيطه وناسكه ولبست الفسان وبلشت بلمكياج
وخلصت لحد ماصارت الساعه ١٢ الضهر

ام عبير.....يله يمه غزوله كومي رجلج منتضرج جوه 

غزل.....كمت على الكرسي وطلعت من الغرفه اني وام عبير وشا وخالتي ونزلنه الدرج خالتي اتهلهل وام عبير اطش جكليت  علينه ودننزل هوه جان واكف ومنطينه ضهره ومن سمع الهلاهل التفت عليه جانت الجكارة بحلكه  ضل صافن
عليه نسه نفسه طلع الجكارةمن حلكه وشمرهه واجه عليه وصل يمي ولزم ايدي
وباسه بحب وحنان احس رائد من اصير كدامه يتعامل وياي بكل مشاعرة وحبه وحنانه ودفو اديه لمسه ايدي احس بيه دفوو عاشق ومغرم مهم وراح باس ايد خالتي وسلم عليه وعلى خواته واني هم ويا سلمت وطلعنه للسيارة صعد البنات ليورة واجه فتحلي باب صعدت يمه وشغل السيارة ومشت بينه للفندق  شغل اغاني حسام الرسام يمه كرصتني العكربه
هاي الغنيه اتخلي النايم يركص هههه وكام يركص هوه وبناته هههههه اشون بنات ايركص ويه ابوهن واشون يتمايلن وهوه اشون ايسوي حركات واني صافنه عليهم واضحك وانوب العالم اتباوع علينه وهمه ولا جن ضارب العالم كله جلاق ولا عبالك رائد الضابط اليخوف لااا انسان ثاني عيني وانوب طلعت اغنيه حاتم العراقي على عنادك يلأسمرر
هله هله بناته ذبن لحم عليه هههههه
وجان رائد مندمج ويه الاغنيه اني اضحك
عليه جان صوته حلو ويه الاغنيه جنت اضحك من كل كلبي وادعي يربي تدوم الفرحه وماانحرم منهم يارب فصلت عن الاغاني وعنهم وضليت ادعي وانخي اهل البيت عليهم السلام ماانحرم منهم حسيت على ايد رائد خلاهه على ايدي وشاله وباسهه اني باوعت عليه وابتسمتله بعد طريق قصير وصلنه للفندق الحاجز بي طببنه السيارة للكراج طفه المسجل ونزلنه وراىد نزل الجنط وطبينه للفندق جانت باب الفندق جبيرة واول شي انطب للستعلامات ناحذ المفتاح لفتت انتباهي الثريه اشكبرهه ومضويه اجو اخذو الجنط منعدنه صعدوهن ورحنه احنه للمصعد طبن البنات كدامي واني ورائد واشتغل المصعد واني كمشت قوي بأيد رائد اخاف اصيح يمه ومغمضه عيوني وهوه خربان ضحك عليه وكف المصعد طلعنه للغرفه وجان حاجر جناح كامل النه

طبينه للغرفه بدلت للبنات و سبحتهن

ورائد هم رد سبح وبدلت  ورة اشويه دكو الباب راح رائد فتحه طلع الغدة جايبي
حطينه الغدة واتغدينه وكملنه صارت الثنتين نامن البنات وديناهن لفراشهن طلعت من يمهن رحت سبحت وطلعت شفت رائد على القنفه جرني يمه نومني بحضنه وشعري مامشط من نمت يمه صار شعري بلكاع لم شعري بيدة وسحبني عليه
وكام يبوس بيه من ركبتي وايدي وشالني وداني للغرفه خلاني على الجربايه وراد يتقرب مني وحاول جم مرة بس مااعرف شنو صار عافني وراح للحمام اني مفكرت بشي كلت اكيد تعبان كمت لميت ملابس
وجريت الغطه عليه ورائد طلع من الحمام
واجه يمي جرني بحضنه وحاول يعتذر مني

رائد.....اسف حبيبي بس مااعرف اشصار
بيه يمكن لئن تعبان مااكدرت اتقرب منج

غزل.....خليت ايدي على لحيته وكتله،،مو مشكله حبيبي كدامنه العمر كله اهم شي عندي راحتك باسني من راسي ونام واني هم نمت ماكعدنه لحد ماصارت الاغروب
كمت بدلت للبنات لبستهن هدوم الطلعه واني هم لبست ورائد هم بدل وطلعنه رحنه زرنه العباس والحسين سلام الله عليهم وكملنا رحنه للسوك ماخله شي ماشترى اليه لبناته ولخواته ولخالتي عمي
واخوته ماخله احد ماذكرة وبعدين ردينه للفندي كل علاكه اشكبرهه هههه صعدنه للغرفه وبنات غسلن وكعدن يم ابوهن اليلعبن واني احضر غراضنه والم بيهن
ورة اشويه نامن البنات من كد مامشن تعبن ونامن ورحنه لغرفتنه حضني من خصري وكام ايشم بركبتي وايبوس بيه
واخذني على الجربايه واندمجنه سويه
لحد ماهمسلي بأذني بكلام جرحني احسه كتلني بي همس باذني واني ضليت ساكته
كمت اسمع وابجي

رائد.....زهراءء حضنيني مشتاقلج ومشتاق لريحتج واني مامشتاقه الي

غزل......كان يهمسلي واني ابجي لحد ماكمت ابجي واشاهك بصوت عالي وهوه راسن طفر مني وكام يمسح بوجهي وعيوني وايريد يفهم شنو الصار واني بس ابجي

رائد.....اشبيج يروحي ليش تبجين فهميني

غزل......اني عدلت نفسي وسترت روحي
وحاجيته واني اشاهك كتله،،،انييي غزززل مووو زهراء اني غزززل هوه اشويه صفن عليه وركز دار وجه عني وكام يمسح بوجه وتذكر شجان ايكول راد يحجي واني رحت للحمام هوه جرني

رائد.....غزززل اسمعيني والله مو قصدي

غزل.....جريت ايدي منه ورحت للحمام طبيت وسدست الباب وكعدت ابجي لمن الله كالي بس ورائد ايدك بلباب

رائد....غزززل افتحيلي الباب غزززوله اتسمعيني

غزل......اي اي اسمع هسه دااسبح هياتني

رأئد.....غزززل اتفتحين الباب بسرعه لو اكسرهه

غزل.....كمت من مكاني وفتحت الدوش
وكتله ،،،عشر دقايق واطلع مارد عليه واني سبحت وطلعت شفته يم باي الحمام منتجي فتت من يمه وماحجيت شي
وهوه حاول وياي يحجي ايبررلي عن غلطه واني ساكته وعذرته لان المر بي مو شويه ويمكن مامتعود يلمس مرة غير زهراء هيه اول مرة بحياته واول مرة لمسهه واني هسه ثاني مؤة بحياته تعذر مني واني سامحته اخذ ايدي بيده
ورحنه نمشي للجربايه جنه نمشي سوة
ورحنه انجطلنه على الجربايه وهوه فتحلي ايده واني رحت نمت بحضنه وهوه حضني حيل وباسني من راسي
ومن عيوني ونمنه لحد ماصارت بلعشره الصبح .....

لهنا واختم البارت اتمنه عجبكم
لن تعبانه اليوم هواااي كتبت
اعذروني اذا جان قصير اعوضكم اذا سمع وحدة كالت قصير اشمرهه بلبتيته هههه 💃😂😂😂😂😂😂🤔🤔🤔لحد يضحك اذا شمرتكم بلبتيته بله شتريك اني هههههه اخر شي اكوم اكل من السوك من وراكم وهم اخلص من الاماعين وهم اكل شي طبيب هههههه
مع تحياتي ازل مراد

وبااااااي