رواية طغيان النجوم 🔞 الفصل الثلاثون 30 - بقلم ⅃ᒍȊ 🖤مراد

# ازل مراد #

#طغيان النجوم #

بديت اشتاقلك يومية واحتار
واذا مايووم اسمع صوتك احزن
جبت كلبي بيدي كربته للنار
وليش بنار حبك كلبي أمن
أخاف اعيوني من الشوك تنهار
وخايف لا يجيهن يوم يبجن
ويدمع اعيوني ينزل مو دمع نار
وكل دمعه شهر من توكع اصفن

ينشدوني عليك شلون وضعه وياك …
واكلهم مو طبيعي اهواي داراني.
وتطردني من ادك بابك وأكل للناس
طار من الفرح لمن تلكاني .

----------------------

غزل.....تبسمت بوجه وكتله تخسه الجوع
هسه اصبك واجي رحت ركض خليت الاكل على الطباخ وخليت نص الدجاجه بلفرن حميته ورحت ترست كلاص مي واخذته وطلعت من المطبخ طلعت شفته مدنج بتلفونه يلعب بي ،،كتله اشويه ويجهز الاكل

رائد....على كيفج غزل وانتبهي من الطباخ خابرت عباس هسه يجي

غزل.....اني هزيت راسي بأي ورحت اركض للمطبخ علمود الاكل احمي اله
باوعت اله ورة اشويه كاعد على الكرسي
وراسه رادة ليورة ومخلي رجيله على الكرسي الكدامه ونايم وصايرة الشمس بوجه تضرب واني كلبي بشوفته يضرب ميت دكه

..رحت حمت الاكل حضرت زلاطه وفواكه وخليت نص دجاجه وبرياني
وخبز وخاشوكه ودولكه لبن وكلهن حطيتهن بصينيه وحده وطلعت من المطبخ شايله الصينيه رحتله لكيته بغير
عالم كلت يمكن نايم خليت الصينيه على طاوله رأسن فتح عيونه وباوعلي نفس كعته ماتحرك ضل صافن عليه واني استحيت ودنجت بلكاع لن كل نضرة منه
تأكدلي انو يحبنيبس موبيدي يجرحني بكلامه يكلي متوهمه اني مااحبج والحب البكلبج هوه من طرف واحد
حاجيته واني مدنجه ،،،كتله الاكل ليبرد
هوه بعده صافن عليه

رائد.....انتي هيج صافيه لو كلبي ايشوفج هيج

غزل.....رفعت راسي وباوعت عليه ،،،كتله شنووو مفتهمت هوه راسن حس على كلامه وعدل كعدته وشال الخاشوكه

رائد......لاااااا هييج ماكو شي جنت احجي ويه روحي

غزل.....شال الخاشوكه وبدة ياكل وهوه مدنك مارفع راسه ياكل بكل هدوء حته صوت الخاشوكه ميطك بلماعون هادء كلش،،،كتله انته اكل اني رايحه اسويلك جاي ،

رائد....لا لا لا ابقي يمي مااعرف اكل وحيدي

غزل....اني متغدايه اكل انته الف عافيه

رائد....ميخالف ابقي لمن اكمل روحي

غزل......سكتت وكعدت يمه
مااعرف اكعد وحدي واكل
هوه ياكل وكلما ايخلي اللكمه بحلكه يباوعلي واني لو ادنج لو ادور وجهي لغير جهة لو اندك مااريد عيوني تباوع بعيونه لا اتعب حيل كلبي ايضل ايريدة
وروحي اتحنله وهذا الشي متعبني

كمل اكل وماعرل اشون ياكل كمل شلت الصينيه ،،كتله اجيبلك جاي ماحجه بس هز راسه بأي واني رحت دخلت للمطبخ
حطيت الجاي على النار ورحت ركضت لسجاد اكعده كوة اجر بي

غزل......سجاد سجاد كووم حباب

سجاد.....مممممم

غزل......اكلك كوووم رائد هنا كاعد وحيدة ولك كوم عيب منتضر عباس تأخر عليه كووم بس اني يمه كوووم استحي

سجاد....مممممممم هسه اكوم عشر دقايق وكعديني

غزل.....ياااااااا سجاد شنو عشر دقايق
داكولك كوووم عييب ولك يله باباتي  كووم فدوة ولك استحي وحيدي وهاي بتسام بس تخز بيه من بلمطبخ على اشلون كاعده يمه كوووم سجاد لتسويلي
سالفه جديده

سجاد....اهوووو انعل ابو بتسام لابو رائد
هسه وكته خرب خرب بروحهم خل اكوم اسبح وانزل

غزل......هههههههه شكل سجاد يضحك كام
ايدردم جنه عجوز رحت نزلت جوة صبيت جاري ورحت لرائد لكيت عباس يمه كاعد ايسولف على حال حنين متجيب اله عمليه شافني ضحك وفتح
معناهه تعالي يمي خليت الجاي لرائد ورحت ركضت لبعاس حضنته وبسته من خده وعباس يضحك من كل وكلبي متعمد
يسوي هيج يحرك كلب رائد يدري بي يضوج من هيج تصرفات وشيسوي عباس يحضني حيل ويبوسني كال

عباس.....افيش يابويه على هلبوسه فديت بنيتي الحلوة

غزل.....ههههههه واني اضحل على عباس من يحجي يغمزلي عرفت جاي يحرك كلبه
درت وجهي على رائد اشوفه بركان وكاعد يمنه بأي لحضه ينفجر بينا ههههههه
وبعدين حجه رائد كال

رائد.......باجر عيد ميلاد عبدالله اجي الضهر اخذج هناك لبيتي هناك تحضرين كلشي موصي على كيكتين بس شكو نقص انتي تكتبي اليه حته اجيبه وانسويله عيدي ميلاد لن انتي امه احم
اقصد انتصار وتحضرين ويه انتصار حفله زغيرة بس الاهل وبليل ترجعين ويه اخوتج لن انتصار اتريد تحتفل بي بيتنه

غزل....اني حيل ضجت جنت حابه انسوي عيد ميلاد هنا جنت متفقه ويه
سجاد نحتفل هنا بيتنه بس وين الاخ مقرر ولازم ارضه واسكت وانفذ بعدين كتله،،،،،اني حابه اسوي عيدميلاد هنا سوي يمكم واحتفلوو وبعدين تعالو هنا هم نحتفل

رائد....بعصبيه،،لاااااا هناااك بيتنه اكبر وصاله جبيرة وتاخذ العائله كله بيتكم زغير وميكفي ااااني فهمت عباس باجر اخذج الضهر ١٢ الكاج متحضرة اجي اخذج مااااشي

غزل....هاي بعد قرارة ابنه وهوه حر بي اني امه بس بلأسم مالي حق اتصرف بي
رضيت بأمر الواقع وهزيت راسي بأي
واني حيل مقهور بداخلي لن ماحاسبني امه حسب انتصار امه كلبي كسره نصين
من كلامه يعني يقصد اني مالي وجود
بحياته انتصار هيه زوجته واله حق بي
اما اني لاشي مالي عندة كلامه وياي يذبح ويكتل كلبي سكتت وماحجيت عباس حس بيه من بلعت ريكي وجهي انعقج ورائد هم حس بيه كام اخذ جهازة وراح بعد كل هذا من راح اخذ روحي وكلبي ويا مع جرحه اليه ولامبلاته وبعده عني ويسمعني حجي انو مو بحالي  وعايش حياته ولازم انسه واعيش ومع كل هذا حبي اله يزيد كل يوم يمر بحياتي وينحسب عليه يوم يكبر حبي وايزيد عن اليوم القبله وافكر بي لليل ونهار واتخيل تفاصيله شنو بس افكر اضل احسب اكل شرب لبس طلع نام كعد مريض  مرحتاح يو لا هم يحب انتصار هم عايش مرتاح وياهه كزوجين كلشي يخصه افكر بي وكل هذا واحرك بروحي واكول ليش ميحبني هيج مو حلوة بعينه لا سمرة ولا سمينه زينه رشيقه شنو رشيقه جني عود شخاط من الضعف جلم على عضم شنو الشي اللكيته بنتصار ومالكيته بيه شنووو بس هم حكه اني اشحالني صايرة من ورة قهرهه ...كطع صفنتي سجاد

سجاد....وووينه استاذ رائد الخبصتينه بي اشوو طالع وعباس جان يمه

غزل.....جنت اباوع عليه من يحجي ويسوي حركات مال عجاير يضحكني
وصدك ضحكني،،،كتله طالع رائد قبل اشويه وباجر ايريد ياخذني لبيته علمود عيد ميلاد عبد الله راح ايسوي بيته

سجاد......شنو شنو بيته لعد والتخطيط الخططنا اني وياج والتحضيرات راحت
شنوو لعب جهال عدنا اني موكتله اريد اسوي هنا اريد افرحج يختي

غزل....يحجي وايحشش واني كلبي نارر
بس سوالف سجاد وحركاته طفت النار البكلبي  وضحكت..اي يختي راحت المخططات خرررب هسه حته هديه مشتريت اله

سجاد....تخسه الهديه واني موجود ماطول اني موجود وكعدت كومي بدلي وتعاي خل انروح للسوك نفتر ونشتري ملابس اني ويا ونتعشه ونجي شكلتي

غزل.....اني فعلا فعلا فرحت لن حيل ضايجه كتله ،،،عشر دقايق وانزل مكمله

سجاد....كولي غيره بويه شنو عشر دقايق انتن البنات ساعه تختارن اللبس
ساعه الحمرة ساعه كحله ساعه تعدلين منامنا وساعه تجين تتمخطرين متخوصرة  طكين بلحذاء كعب بكل حنيه وتكلولين كملنه خل انروح لا نتأخر
اوووي هيه اربعه ساعه تتحضر ماكالت نتأخر

غزل...هههههههه لا اني ميحتاج لا حمرة ولا كحله هنه عشر دقايق تلكاني حاضرة
هسه اتشوف

سجاد....خوش مخصران شي واشوف الحلو حلو ميحتاج صبغ يمه اروح فدوة للحلو مالتي

غزل....كرصني من خدي ورحت لبست
ثوب مالت محجبات وشالي وعباتي
ورشيت عطر كلش طيبه ريحته بلورد
ايخبل جان حامد ايجيبلي كل شهر منه
ايكلي حلو مثلج عطرج ريحتج اني حبيته واني على محبه حامد احبه هلعطر
وكل اشتري منه نزلت قبل العشر دقايق
وسجاد واكف وايصوفرلي لن صدك ما تأخرت واني اضحكل عليه

سجاد....يالله يا حلو خل انروح للسوك

غزل....طلعنه للسوك رحنه لمحلات الشباب اشترة تشيرتات اثنين اربعه قمصان وبناطير اثنين وتلاثه اتراكات واني يسألني من يشتري والعالم تباوع عبالهم زوجته مو اخته عمل رحنه لمحلات العطور هوه اشترة واني هم اشتريت وبعدين رحت اشتريت فستان مستور مالت محجبات لن ما احب اللبس الخلاعي المامستر وبعدين رحنه لمحلات العاب حرت ششتري لن كلهن حلوات

سجاد....شنو رايج ناخذ هذا الدبدوب الجبير الحلو احلا هديه

غزل......ههههههه هذا الدبدوب جبير اشون راح انشيله نمسح السوك بي

سجاد.....اي معليج اني اشيله بس خل ناخذة

غزل.....صدك رحنه اشترينا سعرة ٣٥الف
واخذة سجاد وشاله وشكله ايخرب من الضحك شكله ايضحك من شايله جبير ويسحل بي وعدين رحنه اشترينه لفات كص ولفات كباب وبعدين رجعنه للبيت

منضر سجاد يضحك اخذ الدبدوب وراح للغرفه واني رحت بدلت وكملت اشويه واجه سجاد طلعنه اللفات وكعدنه اني ويا ناكل اشويه واجه عباس

عباس.....ايا خونه تاكلون ومااتكولون

غزل.....ههههه تعال خويه اكعد ،،انديت عنه سويتله مكان كعد يمي على الجربايه
عض من اللفه مالتي ،،كتله اخذ خويه كوم لفات

عباس.....هسه مااريد ضميلي لفه لبعد اشويه اكل

سجاد.....لعد اروح اسوي جاي اتشربون

عباس،،غزل.....اي نشرب

عباس......اي ست غزوله شلونه الحلو مرتاح متونس

غزل.....اي اي كلش اتونست سجاد اليوم شبعني ضحك وتحشيش حته واحنه بلسوك

عباس....انشالله دوم الضحكه لبنيتي عزيزه كليبي

غزل....تبسمتله وكلته اديمكم اليه ومايحرمني منكم

عباس.....امين يارب العالمين ،،اكول انتي بعدج متأثرة بكلام رائد مو صح

غزل.....دنكت مستحيه منه بس مااعرف اجذب عليهم وخصه عباس ،،كتله اااي حيل جرحني كلامه

عباس....تدرين رائد يحبج ومو بس ايحبج ايموت عليج بس ايكابر ومجروح كلبه
وتعذب هواااي ابعده عنج قبل لا بت خالته اتسوي دكته بي

غزل.....شنووو اشسوت

عباس....هسه اسولفلج يكول رائد اجتهم مسيرة بيوم نزوله من الدوام اتحججت اتساعد خالتي بس خالتي رفضت بس انتصار جلبت اله اتنضف ومن سمعت صوت سيارة مالت رائد ركضت اخذت مواد التنضيف و صعدت كدامه على انو دتنضفه المهم راحت للغرفه كدامه يكول اني صعدت والجنطه مخليه على جتفي
فتحت  باب مالت الغرفه ماادري منو بيه شمرت الجنطه  لكيت انتصار مشلهه الدشداشه

اشو هيه من شافني  فتحي صدر الدشداشه طلعت صدرهه فلت شعرهه رأسان ويا مادرت وجهي كامت اتصيح

،،، لا لا لا رائد حباب اتركني

،،،،لا لا عووووفني رائد لا اتسويه

تفاجأت بيه اشسويت شبيها ليش اتصيح
شماله...ايكول على الصايح الكامت اتركعه
امي كوه صعدت الدرج ابويه رشا واخو هم  كلها شافت الصار اني واكف بلباب
وهي تصيح وتلم بجسمه يم الكنتور بلزويه ....صار الحجي والمغالط امي تدري بيه جذابه وكلهم عرف مامدنيله اني يم الباب وهيه جوة توني طبيت وامي من الناس تعرف نفسي متدنه ابد ولا اسوي هيج
المهم كلهم عرفو جذبه

بس هيه سوت فضيه وكالت لخوته ولبوهه خوب ابوهه اتخبل ودز على عمامه وصارت هوسه ناس اتهد على ناس
وطلبو رائد يتزوجه حتي يستر عليه
بس شنو رائد رفض وكلب الدنيا عليهم

كال مالامسه وهيه داكه رجل اتكوله لامسني واتجذب ورائد لزم القران وحلف
انو مالامسه ولا مدنيله ولاحته شعرة لامس منه .....وتعاركو لن رائد ماقبل يتزوجه وثاني يوم الصبح راحو ولد عمه هو عليه بلمركز ولزمو ولد عمه حبسوهم
بس رائد راح عليهم العصر وطلعهم على مسوليته المهم ماهدئت الهوسه عليه خطيه ابو لرائد ...كاله اذا يارائد مااتزوجه
وسترت على البنيه وجفيتنه شر الطلايب
لا انته ابني ولا اني اعرفك والله اتبره منك ليوم الدين هسه انته اختار لو اتبرة منك وتطلع من البيت لو تزوجه وتخلصنا من الطلايب من الفضايح تالي عمرنه
اني كله العالم تحلف بأسمي تجي وحده مثل هاي تفضحني بين الكرايب والعشاير
وتنزل راسي افففه  والله يا رائد هسه تختار لو تزوج لو تطلع من بيتي وبعد مااشوف خلقتك

عباس...واطر رائد يتزوجه علمود ميزعل ابو وهوه مالمسه وحته للبيت ميلفي وحته ام رائد كالت متضل بيتي هاي الجذابه تاخذة وتروح لبيتك ومن اتزوجه لليوم هوه ايروح شهرين اتلاثه بلدوام
وحته جهاله ميدري بيهم ...تدرين يابويه اشون عرف بي ايحبج دوم كلامه جان عنج ومن اخابر دائما يسال عليج ومن نكعد انجيب طاريج والله يختي اشوف اللمعه بعينه ومن ذكرج اشوف الفرحه بوجه اتصير كلبه ايكوم يرجف عبالك مراهق مو زلمه اشكبر اشكده عمره ٣٥ سنه لاااا عبالك مراهق عمرة ٢٠ سنه ومن يحجي ويذكرج ينسه نفسه نهائي وهنا اني عرفت الاخ واكع من الصطح ومحد سمه عليه .....وانتي يابويه هم لااتزعلين منه هم هوه مجروح وكلبه خلصان هوه هم جاي يحرم نفسه منج ومن شوفتج لن من ايشوفج يتعذب وانتي مو بأسمه ....اعذري خويه ...وباجر اريدج تتحضرين واتطلعين احله البنات خوش بويه

غزل....جنت اسمع كل كلمه وامي ساكته
ويه كل كلمه اسمعه كلبي يرجف بحبه
اكثر مو بيدي والله حبيت من كل كلبي وما حبيت رجال بكدة وحته حامد بيته بس مو بكد حبي لرائد حبي لرائد يختلف
ما اعرف اشون اوصفه .....المهم هزيت راسي بأي وعباس باسني من راسي وسجاد طب شايل الجاي

سجاد....احم احم ،يله يخواتي تعالو اشربو الجاي بس فنه اليحجي ويعيب ترة حركت القوري

غزل....خربنه من الضحك عليه اني وعباس

سجاد....اتضفلوو يخواتييي

غزل....اخذنه الجاي منه وضكنا طلع صدك حارك الجاي هههههه عباس ضاكه الجاي وبزة بوجه سجاد ههههه الخ اني اختنكت من الضحك وسجاد وجه ايكطر جاي وايباوع صفح لعباس

سجاد.....هاي شنووو هاي عباس التراك جديد هيج اتبز عليه الجاي بله هدا حجي منك  هااا كلي بله هسه شسويلك هااا كلي

غزل....اني وعباس نضحك عليه وهوه معصب وضايج على تراكه

عباس....انطينيا وباجر احله اتراك يمك

سجاد...،مااريد الله لا ايعوزني عليكم
علمود اتعيرني مرتك مثل ما عيرتني مرت اخوك

غزل....سجاد نسه نفسه وفلت الحجي منه وعباس كلش ضاج منه

عباس.....شنووو اتعيرك والله التعيرك حلكه اشكه حته لو مرت حسين ضهرهه اكسرة

غزل....كلش خطيه ضاج عباس وسجاد استحه ونك راسه

سجاد..،.لااا تكسر ضهرهه ولاهم يحزنون
خويه حقه لو حجت اني حته كعدتي يمكم غلط اني واحد عاله على اهله لا شغله لاعمله لا مرة مثل الاوادم لا بيت

طبعا اليوم عطلتي هههه شسوي
اني حديقه مااكدر اعوفكم هههه
شوفو هذا البارب اشونه طولته

٢١٠٠كلمه خاف اتكولون قليل طبعا اكو
وحده كله تكول قليل فدوة لكلبه والله
ادري من محبته للقصه واني هم كلكم
احبكم والله كل متابعه تكتب كلمه طيبه
كله من حسن اخلاقه وعلي واكو تعليق
كلش عجبني طبعا اتكول محد يعرف الضروف المر بيه رائد فميصير نحجي عليه صدك الحاله النفسه تأدي دور بلبشر
ومع تحيات ازل مراد

وبااااااااأاي