رواية طغيان النجوم 🔞 الفصل التاسع والعشرون 29 - بقلم ⅃ᒍȊ 🖤مراد

#ازل مراد#

#طغيان النجوم #

السلام عليكم ورحمة الله وبركاته

حبايب بلا زحمه عليكم تابعو الوردة هاي
user_209_10_37

غزل....سجاد طول بعرض ايخبل السمار الشايله وعيونه الشهل اتغير صار انسان ثاني بعد ما خطب حبيبته وابوهه رفضه
وطرده لن يشتغل عامل وماعنده لااا شغل ولاا بيت ولااا وضيفه هوه اتخرج وكعد
وعيره ابوهه لن ينطو اخوته المصرف مالته حزت بكلبه هاي الاحجايه وكام يشتغل ليل ونهار علمود مياخذ من حسين وعباس وخطيه همه ضاجوو اعرفون ليش بطل ياخذ منهم وصاار كلش حساس اشكد حاولو وياا بس هوه ساكت صار مثلي بس من نكعد سويه انسولف البداخلنه اني وياا هوه يعرف اني تعلق برائدهوه يعرف تعلقت برائد ماحجه شي
لان هوه ايريدني ارتاح واعيش ولو شي بصيط من حياتي لان هوه يدري حته طفولتي ماعشته سويت البنات ولا مراهقه عشت ولاا كملت دراسه ولاا ضحكت ضحكه طفوله كبرت كبل اواني

صرت مطلكه مرتين واني زغيرة بلعمر
لعد من اكبر اشراح ايصير بيه ،اخذني سجاد للغرفه وغطاني وباسني من راسي
وراح بجربايه محسن يمي وذب روحه من التعب غفه رأسن وكام يشخرر سودة عليه واني صفنت على السكف كمت اسولف ويه روحي لمن غفيت ...ثاني يوم الصبح راح سجاد لبيت رائد مالكى
هناك كالت للنتصار مرته تنطي عبد الله
انتصار ماقبلت ورزلته ذيج الرزاله وكلام ايأذي وهوه ماحجه وياهه لئن مرة مارد عليه عافه ورجع الي ورة ساعتين فتح باب الشارع وطب سجاد وجان ايفز كلبي  عبالي جاب البنات وعبدالله كلبي طك عليهم اريدهم يمي ،،هااا خويه وينهم

سجاد....غزل رحت ومالكيت رائد بلبيت
ماكوو بدوامه ومرته نزلت ذاك الغلط والحجي عليه وماقبلت لاا البنات ولا عبدالله تنطينياهم اني اخلي عباس يتصل برائد ايجيبهم الج

غزل....اني اسمع الحجي وكلبي يعصرني
وكمت اصيح ارررريددد اااابني سجاااد
اررررريددد البنات معليه تعبت سجاد اريد جهالي ذوله امانه بركبتي ذووله جهالي وحدي وانهاريت بلبجي وكمت اضرب على وجهي وعلى صدري واصيح اريد جهالي مو بيدي كلبي مشتعل نار اريدهم وجان يحضني سجاد واتخربطت
ومتهسترة عليه ماكدر ايسكتني وبعدين فقدت وشالني ركض بيه للمستشفى
لن وجهي اصفر ونفس كمت اجرة كوة
رحنه وحيدنه للمستشفى واخذوني شكللولي الاجهزة على كلبي شكل عندي خفقان ودكتور كل مرة ايكللهم لا اتخلوهه اتضوج ولا تنقهر

وشافني واشرف على حالتي وضل يحجي على سجاد

دكتور......اني جم مرة محذركم من كلبه
بعدهه ازغيرة ولازم تنتبهون على صحته
ميصير بابه ميصير اتخلوهه تنفعل اله ايصير عدهه عجز بلقلب ياله ترتاحون
خطيه بابه ديرو بالكم عليه

غزل....الدكتور جان يحجي وسجاد مدنج راسه ساكت وعيونه حمر ومخنوك
ويباوع عليه واني جنت اسمع كل كلمه يحجيه الدكتور لسجاد وضليت بلغرفه وحدي ودكتور نبه محد ايطبلي منع الزيارة  كال كلبه تعبان حيل خاف بهل اللحضه يصعد عدهه الضغط ويصير عدهه مضاعفات او عجز بعد صعب عليه الحركه خطيه مشي هواي بسرعه تتعب من تتنفس ولازم تنتبهون عليه لا اتخلوهه تنفعل بقه الدكتور ايوصي بيهم ساعتين
لحد ما اجه عباس شافني من الباب ماكدر ايطب الدكتور مانع احد ايطبلي حته ارتاح واني ضليت صافنه على السكف وممرضه تلع من يمي وثاني تجي بمكانه
وهيج ضليت لثاني يوم لمن هدئت وكلبي صار دكته منتضمه وضغط نزل واجه عبوسي طلعني وسجاد  من المستشفى وطريق كلن بحضن عباس

دافنه راسي وسجاد ايسوق عباس  وصلوني للبيت وداني عباس للغرفه وطلع
بس سجاد ضل يمي واكف يم الشباج وصافن حاير بروحه وحار بيه

....مرت شهرين واني عبدالله ماشفته
ومحد جابيا اتغريت كليا وياهو اليشوف شكلي يخترع ضعفت صرت هيكل عضمي

لا اكل ولا اشرب بس انام واتصفن وحته عباس اشسوة حجزلي يم دكتور نفسي
ومن وداني للدكتور حاول وياي اشكد ماحجيت
انطويت على نفسي كمت مااحجي بس اباوع حجم مرة حاوالت احجي بس صوتي اختفه وعباس زعل من رائد لن اخذ مني عبدالله وتصل مرتين عليه وكله

عباس.......صح هوه ابنك ومالنه الحق بي بس هوه مسجل بأسم اختي ويعني ابنه من حقه
بنتي راح اتموت وانته شهرين ماجيت من الناصريه وماجبت ابنه ليشش غزل دتموت

رائد.....شنووووو ماجابو شنووو محرومه
من ابنه اني موصي بي انتصار واخوتي ياخذون عبدالله كل خميس ايبيتو يم غزل والسبت واحد منهم  ياخذو

عباس.....محد جابه وغزل منتيه عليه

رائد.....صدك تحجي شهرين امه ماشافته
هسه اشوف شنوو الموضوع

عباس.....رحنه مرتين لبيتك  ومرتك تطردنا ماتنطي الطفل لمه وهسه اختي جاي اتموت ولك رائد لو صار بيه شي احسب الله ماخلقك ولك تركته ورحت
وخذلته جانت بانيه احلام عليك رحت وما اهتميت رحت وما اهتميت لوجع كلبه
وخنت وعدك لمرتك وخنت الوصيه هي هاي الاترجاهه منك اسمع رائد اذا غزل مانطقت بحرف وعلي اندمك وانسه الخوة والصحبه وانسه ابن خالتي واشوفك النبي عربي ،وطبك التلفون بوجه

غزل.....جنت كاعده بلتسعه الصبح على التلفزيون وجان سجاد معطل وكاعد يمي
ندكت الباب كام سجاد وراح للباب واني فاقده النطق تماما ولا حته اكل صرت مجرد جسم بله روح ..صافنه اجاني عطرة الاحبه العطر الي وقت الشده اشمه وقت اني بله هوه اشمه يمكن اتخيل غمضت عيوني واجر بس هلعطر واكول اني اكيد اتخيل صاحب هذا العطر نساني وسرحت
وبمخيلتي لمن صحيت على صوت هدى ودعاء اجن شبكني فتحت عيوني وبوستهن بس ما اكدر احاجيهن حتلو ردت وبعدين باوعت رائد شايل عبودي
هده بلكاع اجاني يركض صحت بس صوت واحد ورت اختفه صوتي فرحت بي مانساني وبقيت كاعده بمكاني  والعب ويه الجهال عبودي مانساني ضل ايشبك بيه ويحجي حجي مومفهوم مااعرف اشيحجي بس ايدردم واني اضحك عليه
والبنات يمي يلعبن فرحانات وابوي يطلع ويطب يخزر بيه يريد ياكلني بسنونه اني ما اهتميت اصلن محيته من حياتي بعد دكته بيه

يوم من الايام كاعدين ابويه اجه كال

ابو حسين ....مادام كلكم ملتمين
هنا اريد اكلكم شي حته لحد يجي بعدين وايصير رجال براسي وايعلمني الحلال والحرام اليوم جاين خطابه على غزل واني انطيته الهم يمشون عليه اليوم

غزل......اني جمدت بمكاني هذا الشي زاد خوفي وزاد مرضي النفسي عندي طفر عباس وسجاد بس سبقهم  حسين من مكانه نسه نفسه كام هد على ابوي

حسين.....قسم بالله يابويه اذا اجوي اليوم انسه انته ابوي واشمرك بلشارع كدام الناس وياهو اليطلع ويحجي اطلع كل سوالفك وعذابك لبتك كله احجي للعالم
هسه استهدي برحمانك واكعد واسكت لا والنبي محمد احطك اكسرك وانسه انته ابويه واخالف امر الله من وراك وكافي واستحي على شيباتك واخجل ترة هاي بنتك من لحمك ودمك ومرة وحدة خلي الله بين عيونك وارحمه خلي الله يرحمك بكبرك باجر من اتموت

غزل.....اني منسعت الحجي صار كدامي كمت ارجف رجف من الخوف لزم حسين وسمر ابويه بلكاع واني من الخوف لو اتذبحوني متلكون قطرة دم بيه وابويه خاف من حجي حسين وماحجه شي ابد
ولا حاجاني بكلمه ولا ادنه يمي وغصبه حسين يتصل بيهم كدامه وفعلا اتصل وكاللهم ماكو مرة للزواج ولغه الخطبه والراد يخطبني رجال هم مرته متخلف وايريد ايخلف مني ورجال جبير ومدرس

بس حسين طفرهم وماخلاهم يوصلون لعتبه باب البيت  والحمدالله عدت وخلصت من زواج فاشل

رجعت لحياتي ويه الجهال العب واضحك من كل كلبي عبالك طفله مو مرة وعمري ١٧ سنه اطلع اني والبنات واركض بلحديقه وايركضن وراي وعبودي يركض ويوكع بلحديقه ويضحك وجانت عيونه اتخبل عيونه زرك مثل لو السمه وخدودة متفحاح مال الكرط واني فرحتي الأحس بيه عمري كله ماحاسه بيه اله وياهم

مرت الايام والاشهور والجهال يمي يوميه
واني بديت استرجع النطق بس موكلشي احجي لا متقطع لن اني دومي ساكته واتعلمت على السكوت ما احجي موت اخوتي ومااحجي وحته محسن وحسن من ايخابرون مااحاجيهم ومن اخذوني دكتور النفسي كال كله هذا التمر بي بسبب حالته النفسيه والي مرت بي هيج صار بيه ،بقيت احجي كوه لخاطر اخوتي تعبو وياي وسنه واني اراجع دكتور نفساني
تعبوو حيل حيل وياي ....مرتسته اشهور واني ماشفت خيال رائد حرمني من شوفته بعد ماكلبي اول مرة يتعلق بواحد
واحبه واعرف شنو الحب بس شنو يمكن حبي من طرف واحد هوه جذاب ماحبني

مثل ماكالت زهراء الله يرحمه لو حبني صدك جا ما اذاني هيج وخلاني احترك بنارة ...لزم سجاد واخذ الجهال وراح وداهم لبيت اهلهم واجه نام بقيت وحدي وعباس اخذ مرته وداهه لهله على وشك الولادة خطيه اكلت شهرهه كالوله اتجيب عمليه

واني بقيت وحدي بلحديقه وصافنه وجان تندك الباب رحت شفت منو بلباب لكيته واكف هوة مقابيلي بلباب مدنك من شافني شال راسه خله عينه بعيني اني صافنه عليه وهوه هم صافن عليه نضرة رائد اليه ولكعه البعينه جانت اتسولف بس هوه ساكت ضلينه واحد صافن بوجه لاخ خمس دقايق حس كلبي بتعبه رغم هوه ماحاجيلي ضليت مستغربه شكله اشون متغير سواد جوة عيونه وجه ضعفان ولحيته طويله  بعدين حس على روحه وكال

رائد.....السلام عليكم

غزل....وووعليكم السلام

رائد....زين ادخل لو اضل برة

غزل......اني استحيت منه وكتله اتفضل

هلا بيك اتفضل بعدت عن الباب وكال

رائد.....لعد عباس وين اذا هنا صيحي

غزل....عباس موهنا هوه ومرته طلع يوديه لهله  هسه يجي اتفضل

رائد.....لااا لعد اروح وغير مرة امر عليه
من يجي

غزل....رائد ليش اتروح هسه عباس على جيه طب انتضرة جوه

رائد....لعد خل اطعد هنا بلحديقه هواهه ايرد الروح

غزل....اي لعد اني اروح اجيبلك مي واجي
درت ومشيت وصلت لباب المطبخ ودرت وجهي عليه وكتله متغدي اشو صفن عليه وكال

رائد......لا  والله ماماكل على عشه البارحه
وكاتلني الجوع

غزل......جان يحجي وياي ويبتسم اني ابتسمت بوجه وكتله اتخسه الجوع

اغزل مراد

عجبكم يو لااا

علقووووو

صوتوووو

اخخ يمه تعبت جنن بمعركه اتحمدولي
على السلامه على كوله الصعيد جت سليمه

احبكمممم رايحه انام واتكول اريد بارت
ههههههه اكتله بلصونده مالت السنك واخلص منه ترة اجتكم منتصرة

باااااي