طغيان النجوم 🔞 الفصل الثاني وخمسون 52 - بقلم ⅃ᒍȊ مراد

السلام عليكم ورحمة الله وبركاته

حبايبي كتبت الكم مشهد

لن صارت شغله مهمه لازم اتعرفوهه

غزل...،اليوم اتصل بيه رائد وطلب مني احضر غده لان عازم اخوتي بصراحه اني استغربت شويه لن حسين ادري بي بدوام
اله اربعه ايام من راح ليش ررجع ليش شكو لازم اكو شي مهم ايرجعه ضليت افكر واشتغل ضلت الشغله دور بالي واني
حضرت الغدة وخالتي وياي مخلينه شي ماسوينا من اكل وحلويات المهم امشي وافكر ليش رجع حسين شنو الرجعه صاير شي كملت طبخ للوحدة الضهر سمعت اخوتي ورائد اجووي اصواتهم بلكراج لحد ماطبوو لاستقبال اسمعهم ايسولفون ماافهم شنو لن الاستقبال بعيد عن المطبخ
اخذت جاي ورحتلهم سمعت عباس

عباس.....هسه تجي واكوللة لازم تنفض احسن اله ماكو بعد ماتشوف خيالي اذا رفضت

غزل.....اني سمعت الكلام لو كلبي رجف كلت ياستار شكوو ..بس دخلت يمهم همه سكتو محد حجه وخالتي دنجت راسه
ورائد دار وجه وحسين مدنك راسه وعباس اباوع عليه وعمي اشرلي اكعد عاد اني خليت الجاي والحلويات كدامهم وكعدت وباوع بلوجوه حجه حسين

حسين.....غززل اليوم اجيت اكلج شي اتمنه منج اسمعيني لاخير بويه ولا تقاطعيني انتي مو بس اختي الزغيرة لا انتي هم بنتي وربيتج على ايدي واعرفج طيبه وحنينه بس ويه واحد انتي لاطيبه ولا حنينه عليمن ماليه كلبج حقد عليه ابويه ترة ابوج منتهي واخر ايامه اله تلاثه اشهور ايطالب بشوفتج وانتي ما اتقبلين
اني ادري حقج ومالومج انتي عمرج كله ماسمعتي منه كلمه بويه حقج بس يا بنيتي هذا بوج ويبقه ابوج للموت كدام الله واعبادة مالج حق تردين طلبه وتمنعين ابوج من شوفتج مهما السوى بيج يبقه ابوج واني اليوم ماجاي احجي وياج بطيب لااا اريدج هسه اتكومين انتي وجهالج ترحين وياي اتشوفين ابوج لن خطيه يبجي على شوفتج وهسه هوه رجال مريض ومنتهي فه يابنيتي اذا الي خاطر عندج هسه اتكومين وياي واتكولين اي بويه اجي وياك واذا ماترضين وتردين طلبي لهنا تنسين عندج اخو او ابو اسمه حسين ما اتشوفيني بعد هاي اني كتلج وكدام رجلج وخالتج وعمج حجي بعد ماعندي هسه شتكولين ترحين وياي يو لااااااا

غزل.....طول ما جان حسن يحجي اني مدنكه راسي وما احجي ودموعي عشرة عشرة ابجي سكته كلام حسين اثر بيه انو يحرمني من شوفته اذا ماقبلت على طلبه
واني حرت عقلي يفكر بجهه وكلبي ايفكر بجهه ثانيه ونااارر وتحرك بكلبي ماكدرت احجي ميته قهر شنو الاسوي مااكدر اسامحه ولااا اكدر اشوفه بعد كل هاي الاسنين الفاتت ماكدر انسه ضربه واهاناته
اشون الحيوان ايعاملني ولاجن بته من لحمه ودمه تحس بوجع وتتأذة من الضرب
اشون انسه كل ضربه يشلع جلدي بيه اشووون جان يضربني بله رحمه اذاني هواااي هواااي بله شذكر منه شذكر حلاني حسين بين نارين ومااريد اختار ...جنت صافنه حجه عباس

عباس......غزل النه تلث شهور احنه نتوسل بيج وانتي ماخليتي كل اعتبار النه وكل مره تفشلينه وانعذرج وانكول هذا من حقج بس هاي اخر جيه واخر طلب اذا ماكتلي اي واجيتي ويانه من هسه اكلج لأ انعرفج ولااا اتعرفينه من هل اللحضه تنسين عندج اخوان وسند بهاي الدنيا ولو انومت من هسه اكلج اذا نموت ما توكفين على كبورنه واتكولين ذوله اخوتي وهااا هاي انتي كتلج وهذا اخر كلام عندي

توسلنه بيج وانريد انقنعج
واجينه بلطيب وياج وانتي رفضتي
هسه بتهديد ماكو بعيني واغاتي هسه تجين اخليج على راسي تاج وافتخر بتربيتنه الج واذا رفضتي لا والله لهنا الله وياج افتهمتي خويه

غزل.....جنت اسمع وابجي اخوتي كسروني بكلامهم وحطموني
احس بفشله كدام عيالي رجلي وخالتي عمي اولادي .....كتلهم ،،بعد السوى بيه وبسجاد وكسر كلوبنه وخاطرنه ومر حياتنه هسه تجون اتطلبوني مني اررروووح اشوفه واحاجي لا ابدد لا اروح اشوفه ولا اريده مادام خشمي ايشهم الهوة مااريد اني محيته من الوجود ومن حياتي كلها ولااا اريد شوفته واذا جان على خاطركم خاطركم جبير عندي بس ياخويه والله مااكدر موبيدي مااكدر
والله مااريدة مااريدة مااريدة اشوفه اترجاكم لاا اتزعلون مني والله مااتحمل
ياخويه اموت لا اتحمل شوفته مااكدر والله موبيدي

حسين....شنوه الموبيدج اكلج ابويه ميت بحصرته على شوفتج وتكولين موبيدي يعني اني من اجي بشيباتي واتوسل بيج اترديني والله شنووو ماكدر يعني مالي احترام خاطر يمج غزل خوش بويه هذا هوه مودعه بالله انسي الج ابو اسمه حسين كوووم يله عباس ورانه شغل

غزل.....اني من كال هيج متت وخالتي تهدي بيهم ورائد وعمي مجلبين بيهم
علمود يكعدون ونتفاهم واني عفتهم ورحت للغرفه طبيت وسديت الباب بجيت لمن مليت ورة اشويه اجه رائد

رائد.....صدك جذب غزل هاي انتي هيج لج
هاي انتي كلبج هيج كلبج اسود واني ماادري ولج كل هلسنين عايش وياج وانتي مليانه حقد وكراهيه واسود كلبج ليش هيج غزل ليش هااا ليش هلحقد بويه ليش اخوتج يتوسلون بيج وانتي ترفضين لن الحقد مالي كلبج وعامي عينج
هجي ترفضين وتفشليهم كدامنه وانوب اتفشيليني اليه كدام اخوتج واني اكللهم غزل كلبه طيب وبكلمه منكم تلعبس عبايته وتروح وياكم واني الاحجي بكل فخر ومكيف وكاعد ومتأكد منج ومن طيبتج وحنيتج لاا طلعتي حقودة ونحسه
وخبيثه ومااتسامحين ليش متسامحين بويه ليش متسامحين انتي منو حته متسامحي الله سبحانه وتعالي هم عبده من يذنب يغفرله ذنبه ويسامحه وانتي كلج على بعضج بشرر لا رحتي ولااا اجيتي منو انتي امام لو نبي منو كلوليلي
اشووو ساكته هاااا منو ومتسامحين رجال جبير بين الحياة والموت ربج ايسامح انتي لاااا تدرين لو ادري بيج هيج
كلبيج اسود جا ماخليتج ام بيتي ولااا سميتج ام جهالي واني بهل اللحضه متندم
والله العضيم لن خليتج ام جهالي

غزل.....بس سمعت هيج رائد كال لو اني كمت ابجي بحركه من القهرر كلامه كسرني مثل ما اخوتي كسروني عفته ودخلت للحمام كمت اضرخ بجيت بحركه
من كلامه كسر كلبي بيه هاي اول مرة هيج يحاجيني انهضمت حيل منه مادا ايفهموني مايدرون حجيهم اذاني وبقهري وبتعبي محد يحس ضليت نص ساعه بلحمام بجيت من كيفي وطلعت مالكيت رائد طالع ورة اشويه اجت هدى

هدى....مامه بابه ايكول اجهز نفسه علمود انروح للدكتور الاتتأخر

غزل....ماحجيت شي هزيت راسي بأي طلعت ملابسي ولبست ونزلت جوة لكيت خالتي تبجي وتنعي على امي وعلى ابويه مقهورة زادت بلنواعي زادت نار كلبي وحسرتي اجيت اطلع الجهال كامو يتصارخون اله يرحون وياي رديت رجعت بدلتلهم واخذت البنات وياي وصعدت واني ميت فكر بالي وحسرة بكلبي ورائد مايحجي وياي زعلان مني مايحجي طول الطريق واني سرحانه ورائد ينافخ بلجكاير
والجهال ايلعبون واني بغير عالم بس اصفن ويه روحي كسرت كلبي ودمعه بعيني اريد بس مكان اكعد بي وحدي ابجي لمن اتعب وامل من نفسي وصلنا للدكتور اخذت العلاج اخذت الاوراق والتحاليل اشعات واني امشي جسد بلا روح ماادري وين اروح وين اجي لمن حس رائد عليه امشي بلا وعي ومخنوكه
وجهي احمر اريد ابجي لزمني من ايدي وسحبني يمه هوه حاير بلجهال من لزمني بنص السوك نزلت دمعتي وبجيت من ذكرت كلامه هديت ايده وبعدت عنه ما انسه كلمته من كال متندم خليتج ام جهالي وام بيتي وماادري كلبج اسود بعد عنه واشكد بجيت خليت ايدي على حلكي ومشيت واالبنات بيدي كوه مصبرة على روحي كسرني بكلامه ومااكدر حته اباوع بوجه وصلنا لبيت واني ساكته وحته ماادري الدكتور شنو كال شنو الاعلاج اشون استعمله ماادري دايخه ...لليل سمعت رائد ايكول لخالتي نروح اني وياج نشوف الحجي ونرجع تروح غزل هلا بيه متروح هذا هوة طبه مررض من سمعت كلامه شفت اول مرة قسوته عليه
حيل انجرحت وبجيت بحركه فه تنهدت وطلب مساعده من اثنين احبهم واثق بيهم حيل وهيه الست ازل شخص غزيزة عليه ما اكدر اكول اسمه طلبت منه المساعده والنصيحه وفي ثاني يوم الضهر
كلت اراسل ازل واشوف شنو اتكلي لن اني حايرة ودايخه ومااعرف شتصرف لزمت تلفوني وراسلته

....في بغداد ......

ازل.... دك تلفوني ..ها يوسف راح تجي عليه اوكف يوسف ماضل وكت دنيا الضهر
بله اكو محلات تبسط دنيا الضهر ..اتحضر يله لاااا تزعل...سديت التلفون من يوسف
ورحت بدلت لبست هدوم الطلعه ورة اشويه اجه يوسف

يوسف....ها ازوله اتحضرتي

ازل...اي متحضرة بله بربك اكو محلات مفتحه هسه راح اصير الوحده

يوسف....دمشي اكوو

ازل....والله جنك يا يوسف بايك هوه هليومين والوقت متيهه راح امشي وياك
متتغده

يوسف....دمشي انعل يومج لازكه بلبيت ماكو مطاعم وناكل امشي

ازل....واخويه

يوسف....عوفي هذا سجينه الخاصرة وامشي

ازل.....يوسف ترة هذا ابني لاتحجي عليه

يوسف....فدوة لطلوله بس امشي اروحلج فدوة انتي واخوج

ازل....اسم الله عليك يله يوسف خل انروح ،،،رحنه اني ويوسف لمطعم اتغدينه ومن طلعنه نفتر وصلنه لمحل بي مرة امفتحه بي شغلات نسائيه درت وجهي على يوسف،،كلته يوسف

يوسف....عيونه ليوسف اشتردين

ازل....تسلم عيونك اوكف هنا اروح لذاكه المحل اشتري جم شغله

يوسف....قصدج هذا ابوو ههههه خل اروح وياج عادي ترة هنه لمرتي

ازل.....يوووووسف اخجل اشويه ترة وعلي مااطلع وياك بعد

يوسف......ههههههه ولج ازل شسوين بيهن ذني ملابس فانيلتي كافيه عليج وعلي اتغطين بيه واحتمال الفانيله اكف من طوله

ازل.....تخوصرت ليوسف،،صدك اني هجي بنضرك اكصيرة

يوسف...لا لا هههه بس دشوفي الكعب ليش نص مترة

ازل.....امشي يوسف امشي منا روووح بعد مااتزوجك زعلت ولا اتحاجيني امشششي

يوسف.....لا لا لا كلشي ولا زعلج اتشاقه بس لا اتزعلين

ازل......امشي يوسف ماارضه ماطولنه على البر بطلت مااتزوج

يوسف....هسه لو مو بلبر لو بنص الصحراء اتزوجج اتزوجج

ازل....يوسف هسه رايحه اشتري جم شغله ضل هنا،،،من حجيت هيج جرني من ايدي ورحنه للمحل كتله،،يوسف دور وجهك

يوسف....امرلي الله درنه

ازل.....اختاريت كم قطعه مالت ملابس وجان تلفوني اجته اشعارات وكت الضهر كلت اكيد غزل، ،،يوسف اني رايحه بلفي
انته بس ضل هنا وحاسب البنيه

يوسف.....موتدللين وانتي هم ذوقج اوفر ههههه اني ابدلهن كلهن واشتر اليعجبني

ازل....يوسف رايحه ولا تلعب بلغراض ،،،،بعدني بلمحل وجان افتح الرسايل مالت غزل

📩:هلو ازوله اشونج

📤:هلو بيج غزل

📩ازوله اريد اكلج شي واخذ رايج بي انتي اكبر مني واختي واريد اخذ رايج

📤:تفضلي كولي ولاكدر عليه اسوي

📩:البارحه اجه حسين وعباس توسلو بيه
هوااي

📤: هااا وانتي هسه شنو الاخدمج بي

📩:ازل يردوني اروح اسامح ابويه قبل السفر لن كلش منتهي ورائد هم صار وياهم ايكلي روحي شوفي ابوج وهسه اني حايرة عفت ارائهم واجيت اسالج
لن احس نار وتسعر بكلبي وروحي طلعت وادري شسوي واني مااريده لبويه ولا اريد اسامحه مااكدر والله تركتهم لن مااريد اسامحه اززل السوى بيه والله يهودي ماايسوي اذاني هوااي وما اكدر اسامحه
والقران وداعت جهالي مااكدر ازل شسووي

📤:دقيقه اوكفي خل احاجي المره لا ترحين

ازل...خل اكعد بمكان خاله ذني الغراض اريدهن لا اتخلين يوسف يلعب بيهن
رحت كعدت بمكان وراسلته

📤غزل اسمعي:خل اكلج الصدك وافهميني ركزي وياي انتي تردين اكوله الج نصيحه لو اتسوي

📩:شنو النصيحه لعد اني ليش اجيتج

📤:راح اكوله مو نصيحه واريدج اتسويه نفهمين

📩:اي كملي

📤اريد اسالج هوه شيصير ممنج
..راح اتكولين ابوي
.. راح اكلج ابوج منحج الحياة
..راح اتكولين اي ابويه بس غذبني ضربني جوعني هاني جوياته واثار الضرب لسه بيه
...اي صح اني وياج بهذا الشي
..غزل بس جان اناني ومايفهم السوى
تدرين ليش لن حاقد عليج
اسمعيني غززززل هسه انتي اذا ماسامحتي راح اتصيرين مثله وكرهج اله راح يعميج ...هوه على موته امنحي الرحمه المامنحه اله.....ادري هسه اتكولين مااكدر ..بس الفرصه بيدج لا يجيج يوم وتتندمين ....وشغله لاخ حابه اوصللجياهه
انتي هم ام صاحبه جهال ...لا تتعابين بيهم ...ترة ابوج فم غلطه وحتلو متاخر ...احسن من ما ايموت وما طالب السماح منج وتحقدين عليه اكثر .....ولااا اتزعلين مني بس انتي اشكد طيبه ..بس فاجأتيني ....هسه اتكولين اشون....اي فاجأتيني انتي كلبج طيب ....بس ماادري بي قاسي لهاي الدرجه وميكدر ايسامح....وهم اكول حقج ومالومج ....بس خلي عينج بعين الله واتذكري كلش زين اشون عوضج برائد وعوضج بجهال فسامحي وترة المسامح كريم .....غزززل لااا اتصيرين مثل ابوج لن هسه انتي الراح اترحمي ....غزززل وياي لو احجي وحدي

📩:كملي

📤:وشغله لاخ حابه اكلجياهه وعلي اذا اتزعلين مني اقبل المفروض مااتزعلين اخوتج واترديهم خايبين ترة ذوله همه الربوج ولازم اتسمعين منهم ....وهسه هذا العندي ياغزل وانتي بكيفج تردين اتسامحي فأنتي سويتي عين العقل واذا ماقبلتي فهذا حكج ومالومج وانتي بكيفج
ولااتكولين فديوم ازل جبرتني اوقنعتني
..اني كلت العندي ومؤمنه بي ...الترة النبي هم ايسامح ....وعليج بروح امج كولي اذا كلامي زعلج بس من كد ماامون عليج وصداقتي وياج تفرض عليه هيج اسوي

📩:ازل خليني افكرر

📤:اخذي راحتج
باي

ازل....خل اكوم اشوف يوسف اشسوه وراي رحت فتحت الكلاليك وشفت لاعب طوبه يوسف شمسوي

.....نعوف ازل ونرجع لغزل في كربلا....

غزل....جانوكلام ازل كله صح واول مرة اعرف بروحي قاسيه كلام ازل مثل كلام رائد واهاي هم لخاطر كلام اخوتي راح ارجع بكلامي واروح لبيت اهلي من بعد ٨سنين واحاول انسه واضغط على روحي
وأرواحهم اني طيبه بس من جه ابوي مااعرف الطيبه وين اتروح راح اضل افكر لمن اتخذ قراريواكل ارائد ياخذني ضليت بلنهار افكر ساعه اكول اي وساعه اكول لاا
ساعه اكول خلاص راح اشوفه ورة اشويه ابطل ...من طلبت نصحيه ازل جان كلامه مثل البلسم على الجرح حيل ارتاحيت نفسيا ازل نصحتني بكلام حلو وطيب خلتني ارتاح وما الشخص الثاني العلمني
نفس كلام ازل هوه رائد وخالتي من حجيتلهم نصحوني حسيت اني غلطانه بعض الاشياء اني اسامح اله ابويه قررت ومن هلحضه اني اسامحه ردت انزل شفت رائد طلع من البيت واني يم خالتي

غزا...خاله احم اشوكت ترحون ال احم قصدي يعني هوه قصدي بيت حسين ...جنت من احجي مااكدر اكول بيت ابويه اكطع بكلامي ..من كلت لخالتي بتسمت

ام رائد...يبعد خالتج بعد خمس دقايق نطلع ليش يمه تردين ترحين ويانه

غزل.....احم هي اني مو كلت اروح وياج واشوف حسين زعلان مني

ام رائد....بضحكه:يمه اروح سبع فدوات للحنينه وتسمع الكلام يبعد خالتج اي روحي بدلي وتعاي لتلبسين عبايه البسي بس جبه وتعاي والجهال ملتهين ويه عمهم حسام يمهم لااا اتخافين عليهم يله يمه يله امشي فرحتي كلبي وكلب ؤائد واخوتج يمه الدنيا ماتسوة محد ايموت وياخذ شي ويا يابنتي ياما شفنه ضيم وقهر وتعب وسكم وجوع عطش اشكال والوان شفنه كعدنه وسكتنه وتحملنا وكلنا النه رب كريم يفرج همنه يايمه سامحنه كلمن اذانه وكسر كلوبنه سامحناهم حته نكدر نعيش وكلوبنه نضيفه كابيه لاا كره ولا حقد يايمه انتي انضلمتي الله عوضج برجال اخو خيته واولاد مثل الورد عين الله عليهم كولي الحمد الله على كل حال يبقه ابوج ميخالف سامحي حته انتي ترتاحين والله يمه ليموت وانتي ماشايفته
والله يايمه تندمين بكد شعر راسج وتعضين اصابع ندم كومي كومي يله بدلي وتعاي هسه رجلج راح يجي

غزل......جنت كاعده ودموعي اتصب من كلام خالتي واهز براسي بأي راح اروح عفت خالتي ودخلت للغرفه ورحت كعدت على جربايه وابجي مكسورة من اخوتي ورجلي وماادري الراح اسوي صح لو غلط راح ارتاح لو لااااا ..دافكر ويه روحي وما احس لن انفتحت الباب وخل رائديضحك
تقدم يمي ولزم وجهي بثنين اديه وباسني
من راسي

رائد......عفيه عفيه بنيتي هيه هاي بنيتي
وهاي تربيتي وتربيه حسين هيه هاي الطيبه الحنينه الي اعرفه ماتكسر كلمتي
وخاطري وخاطر اخوته اروحلج فدوة

غزل.....اني جنت اباوعله وبتسمت بس دفعت اديه لن مكسورة منه وكتله اني مو بتك ولا ام جهالك ولا ام بيتك حته اتحبني من راسي اني وحده كلبه اسود وحقودة وخبيثه ومااستاهلك.صح لو لااا
رائد فهم الحجيته ودنج راسه وضل يلعب
بشعرة وماحجه

رائد......احم يله البسي خل انروح عيب
من حسين لن منتضرنه لن كتله اني وامي جايكم احم يله ام حمودي
الحبيبه منتضرج

غزل.....جان يحجي ولااا اباوع عليه ابد يدري كسرني بكلامه وجرحني مادرتله بال
عفاه ومشيت ومعه بعيني والغصه بلعومي
تجرحني طلعت وهوه واكف باب الغرفه
مشيت كدامه ولااا حجه شي بس ساكت
واني ساكته بس ارجف ومخنوكه واريد ابجي

ام رائد.....يله يمه امشووو

غزل...اني مكدرت ارد بس هزيت راسي بأي ورحت صعدت بلسيارة ودرت وجهي عنه وعيني على الشارع وهوة يسمعني حجي واني بغير العالم المهم مشت بينه السيارة وصلنه لشارع اهلي وشفت بيت اهلي اشون متغير وصاير حلو من برة معدله حسين مسوي كلش حلو دك الجرص طلع حسين من شافني تفاجئ ضل مصدوم بيه اني واكفه باب البيت من شافني حضني والله العضيم كام يبجي واني ابجي ويا اخذني طببني للبيت اول مرة دخله كلشي متغير كلشي بيه حته الباب مبدليه اول ماخطيت حسيت برجفه
وخوف ملك كلبي وجمدت بمكاني واني عيني على الباب واتخيله باب تنفتح واشوف ابويه كدامي راح يكتلني راح يهجم عليه هيه مجرد فكرة خوفتني وهزتني والخوف ملك كلبي حسيت على حسين ورائد لزم ايدي ومشيت وياهم اباوع على البيت والحديقه كلش حلو حته باب المطبخ مغيرة كلشي متغير المهم سحبني رائد من ايدي ودخلنا للبيت وحسين فرحان بدخلتي عليه طبيت الإستقبال باوعت وشفت شخص نايم كدامي بس مو ذاكه الشخص الطول بعرض وبحيله الاولي لا لا شفت عبارة عن هيكل عضمي لا جسم ولا وجه منتهي كلش بس جلد على عضم باقي اول مادار وجه عليه وكوة نطقهه

ابو حسين.....غزل .اجيتي .بابه

غزل.....وحق هوه ابو الحسن علي من عمري تسعه سنين اني اتمنه من الله بس مرة بحياتي اسمع كلمه بابه منه ويندهني بيه يكلي بابه غزل عمري كله احلم بهاي الكلمه حته جنت اسمع جهالي ايصيحون بابه انقهر لن اني عمري كله ماحسيت بهاي الكلمه غير اليوم وبهاي اللحضه حسيت بيه دخلت بأعماق كلبي وجروحي الكلمه هاي ركضت لجروحي وفتح خيط الجرح ورجع ينزف من جديد

ابو حسين......بابه غزل اجيتي ولجج بويه من زمان دزيت عليج ليش مااجيتي عليه وكلتي اشوف ابويه مريض خطيه ليش عفتيني بويه ليش ماسألتي عني رحتي وتركتيني ليشش غززل ليش بويه ماتجين عليه

غزل.....جان من يحجي يحجي بعتب ولااا عبالك ذاكه الاب المتسلط وموت بنته بين اديه وباعه للعالم لااا جان يحجي انسان ثاني مو أبويه كمت ابجي على كلامه واصرخ ااااخ من كل كلبي تطلع اوول مرة اصيح بعلو حسي ،،اااااخ بويه كلامك شك كلبي نصين ولااا عبالك هوه الغلطان وياي
حسسني اني الغلطانه بحقه وهوه الصح واني الغلط هوه على فراش الموت ويلومني حسيت بندم لن اجيت عليه وردت اطلع وجلب بيه حسين

حسين.....اسمعي بويه انتضري بويه شوفي شيريد هوه جاي ايعاتب بيج مو ايلومج انتضري

غزل.... بقيت بمكاني اريد اروحله وبنفس الوقت هم مااريد اروحله ولااا اريد قربه

ابوحسين....وج بويه تعاي

غزل......صاحلي مشيت يمه وكفت كال

ابوحسين.....حالليني واهبيني سامحيني بويه حوبتج الله طلعه بيه سامحيني حته ارتاح من عذاب ينتظرني يم رب العالمين بويه اغفريلي الله غفار رحيم وسامحيني اني ابقه ابوج حتي لو قسيت عليج وضربتج وعذبتج بس هم ابقه ابوج اني اريد اموت واني مرتاح ريحي قلبي قبل موتي بويه ودعيلي عند الله حتي يغفر ذنوبي انتي فقيرة وطيبه بوويه ادعيلي
اني ابوج غزل سامحي ابوج باخر ايامه
...اني عذبتج وهنتج وماوكفت وياج بيوم
بس اني اكلج انتي احسن مني بويه لن اجيتي عليه اتشوفيني واني سبب ضلمتج
بعدج طيبه وحنينه واجيتي عليه بويه

غزل....ابويه جان كوة يحجي يعني يضغط على نفسه ياله يحجي وعنده مخزن كلام ايريد ايطلعه واني مكدرت اشوفه يتوسل بيه حتى اسامحه صح حلفت مااريد اشوفه بس هسه اتراجعت
واريد اشوفه واحضنه اول مرة بحياتي احس هلحساس اريد احضنه وحنانه اول مرة اريد احس بكلمه بابه اريد احس عشت ويه اب حنون مو ويه اب ضالم مااتحملت وركضت عليه وحضنته حيل وبجيت وكمت اصرخ حيل واكول ااااخ بوويه حضنته وكمت ابجي لمن الله كالي بس وضليت ابوس بي من راسه وحته اديه ورجله وكتله مسامحتك بويه من كل كلبي مسامحتك على كلشي لاااا تبجي واالله مسامحتك واني ابجي بحركه وصوت عالي احجي شلت راسي واباوع الكل يبجي وياي عباس وحنين وحسين ورائد وحته خالتي رديت باوعت على ابويه وكتله اني احبك ومسامحتك وجنت رايده منك بس كلمه بويه غزل اشونج زينه محتاجه شي جنت بس اريد تمسح على راسي واتكلي هونيه اتهون بويه اني سندج لتخافين جنت اريد عمر اتربي اولادي والله بويه اسامحك

...جنت ابجي بحركه ومشوار واني بحضنه ابجي وهوه يمسح على راسي كوة يحجي وكوة ايشيل ايده يضغط على نفسه ياله يكدر ايحركه اول مرة ايكلي بابه غزل اول مرة يحضني اول مرة احس بحنانه

....اليوم ياله حسيت عندي اب
...اليوم سامحته على كلشي وحسيت هم جبال وانزاح من على كلبي حسيت براحه عمري كله محاسته والله العظيم عمري كله ماحاسه بيه مااعرف اوصفلكم الصار بجي وعتاب واشكل من الاعتاب يمكن حته اكثر من الاعتاب حتى الصخر يبجي على حالي واني احضن ابويه اول مرة واخلي راسي بحضنه وعلى صدرة حسيته هذا ابويه الضيعته وضيعني من سنين وحسيت براحه حسيت كملو كل هلي
واحس بداخلي مااريد اطلع اريد ابقه يمه مااريد اعوفه اريد اعوض السنين الراحت مني ....أخذني رائد من ايدي وطلعنه ماحبيت افشله كدامهم كادني وصعدنه بلسيارة واني جريت ايدي حيل من عنده وهوه رأسان باوع عليه وافتهم ماحجه شي رأسان سد السالفه وساق السيارة وصلنه للبيت واحنه ساكتين وماحجينه شي من وصلنه للبيت اني نزلت كدامه قبل كلشي رحت شفت الجهال نايمين البنات والولد نايمين عدلت غطه وشغلت الصوبه الكهربائيه وطلعت لغرفتي دخلت شفته كدامي دينزع ملابسه ماحجيت شي
اخذت تلفوني وكعدت اراسل اخيتي ازل
جنت اراسله وحاجاني رائد تركت الجهز ولتفتت

رائد....اروح فدوة لأم بيت وجهالي الضايجه مني ومن اخوته بوة ترة هذا كل الحجي علمودج علمود ترتاحين واتشوفين ابوج هم ترتاحين وكلبج يرتاح وماتتندمين صدكي السويته لخاطرج وخاطر اولادج من يسالوج بلمستقبل مااريد ايكبرون وايشوفون امهم ابوهه مات وماسامحته خاف بعدين هم ايصير هيج وتنعاد السالفه وياج احسن شي الصار انج شفتي ابوج باخر ايامه وكحلتي عينه بشوفتج وتصافت الاكلوب ...بس شي واحد سوينا اني واخوتج انو جذبنه عليج حتى تتأثرين وتتنازلين

غزل.... اني اسمع وكلبي ينزف من تصرفاته ومن كال كلامه رفعت حاجبي
....بشنو كذبتوو عليه ..

رائد.....هههههههه والله كتلهم كولوله هذة الكلام عود انتم زعلتو منه وماتردوهه
وتين راك تنقهر وتتأثر وماتكدر تكسر خاطركم خل هلمرة اجرب هاي الطريقه وانشوف اتجيب نتيجه تقبل لاا
جنت أني مقترح عليهم نكسر كلبج اشويه حته تتنازلين وخشمج هذة الرافعته بلسمه
ينضم اشويه....ههههههه يمه فديت الضايج مني ويشمر اديه ماتريدني هههههه اموت عليج

غزل....يعني هاي سوايتكم كله تجذبون عليه حته اروح وبهذا تصرفكم جبرتوني
على شي مااريدهه من سمعت هيج هجمت عليه اضرب على صدرة وابجي
واجي
كلشي عندي و لا احد ايجذب عليه ويغشني لن اني ماكذبت على احد اوغشيته ولاا حته ضحكت على احد
ليشش هيج سواني مضحكه ضربته لمن الله كالي بس وهوه خربان من الضحك عليه ويلزم بيدي عفته ورحت خابرت حسين تعاركت ويا حجيت اشكال عليه

((ازل الكاتبه...هاي الحجي اني ويه قتال الصحابه اقاتل 😂😂موجودة بس خلف الكوليس ادري بيكم ماشفتوني يله عادي ترة اليضحك اكتله اششش روحو كملو هههه والله اليشوفني ايكول نفر من العائله اشصار شي وكالو ازل هههه ترة والله كلشي ارهم كناسه ،كاتبه،اغسل اماعين، واحل مشاكل ،،عود التجيني تبجي اكتله واخلص منه مااريد احد اينوح يم اذني ،روحو اقرو عوفوني بهمي 😂))

غزل...وايريد يرضيني واني سديت التلفون بوجه وشمرت التلفون انكسرت شاشته

((😠واني اكول وين غطت ثاري كاسرة الجهار واني كاعده بي ))

غزل....ازل عوفيني ترة كلسى طالعه شتتي افكارة انعل بليسج
ازل....هههههه اني اطلع اسوي جو رومانسي هههههه روحي كملي عركتج واني اروح اتعارك بلمطبخ........

غزل....حلفت بعد لاحجي ويه اخوتي مادام خلوني مضحكه ودرت على رائد حاجيته
....من اليوم انته بغرفه واني بغرفه مااحاجيك حتلو ادخل العمليه لا تحجي وياي امحيني من الوجود

رائد....اروح فدوة للعصبي لجج اوكفي وين رايحه ولحسين لصالحج والله العظيم
سويته لخاطرج جرحتج ادري كلامي وجرحج لن ماتوقعتي هيج كلام يطلع مني بس والله مو من كلبي ولج اني من شفت دموعج كلبي انعصر ونعلت بيه الساعه القبلت بيه حسين ياخذج لبوج
نعلت روحي لن سويت بيج هيج ولج انتي روحي وعمري واني احس المرة الله عوضني بيه تحجين صدك ولج بليوم احمد ربي واشكرة لان عوضني بيج ولج وين اكو بطيبتج وحنيتج وخلاقج وين اكو مثلج حساسه ودمعته بطارف علينه
وين كليلي والله انتي احسن زوجه واحسن ام بيت وسند الي ولهلي مرة ورفعت راس ولج والله اتشاقه يعني تصدكين هيج كلام يطلع مني الكلامه الكلته مثلته عليج ويه اخوتج جرحتج بكلام اسف يروحي تعاي لج تعاي

غزل....وخرر منااا وهدني لااا والقران هسه اكوم اصيح واخلي عمي وعمتي ايصعدون عليك وعمي ايكتلك والله تدري بي وخر وخر عني وجهك مااريد اشوفه
ودفعته بكل قوتي وركضت من الغرفه رحت يم الجهال ونمت يومين اني ضليت انام ويه الجهال وهوه متخبل لن مااحجي ويااا وحته اكل مااكل ويا وهوه يمشي ويدردم عليه واني اذن من طين واذن من عجين مطنشه واخوتي يتصلو عليه هم ماارد عليهم مطنشتهم عقاب عليهم حته ايتوبون وميخلوني مضحكه مرة ثانيه

...وهسه الحمد لله مرتاحه نفسيتي لن سامحت ابويه الحمد الله على كل حال
واشكر الست ازل اخيتي وصديقتي وروحي من الدنيا حبيبه كلبي على كلامه الطيب وحابه اشكر ذو الفقارواخذت كلامهم ونصيحتهم ومشيت عليه ...وحابه اكول اذا طريقه الاقناع بلكذب فيه فاشله واترك القلم لأزل

ازل الكاتبه.....اااي الحمد الله عافووو القلمم كلللوش ههههه شفتو اني موجوده وياهم ههههه واتمنه عجبكم المشهد وحابه اشكر كل بنت اندعت لغزل وسالت عليه واكلله هذا من اصلج الراقي والسألت غزل شبيه غزل عدهه ورم براسه بسبب العمليه القديمه من ضربه جاسم وماتدري بي يضرب براسه الوجع المهم انتضروني بمشهد حتلو قصير اوضحلكم حاله غزل من اخذوهه خطرة وسافرو بيه

وبباااااااي