طغيان النجوم 🔞 الفصل الثالث وخمسون 53 - بقلم ⅃ᒍȊ مراد

#طغيان النجوم #

https://www.youtube.com/watch?v=FFo_WLvIt0g

غزل.....ضليت تلاثه ايام معاقبه اخوتي
حسين وعباس يتصلون بيه واني ماارد
تركتهم ومرات اتعمد اسد تلفون بوهوهم ورائد جان اله نصيب الاكبر من العقاب
وصار عصبي ويتعارك ويه ذبان وجه لان ما انام ويا بلغرفه جنت اخذ فراشي واروح يم جهالي اربعتهم انام بنصهم
من جهه بناتي ومن الجهه الثانيه اولادي
بس هم اني ماكدر انام بليا اضل كاعده بس مغمضه عيوني احس على رائد يدخل للغرفه لو ايعدل الغطه واشويه ايضيل ربع ساه ويطلع وهم ورة اشويه يرجع واني اغلس عنه وافضل فاتحه تك عين اشوف جكارة بيده مايتركه روحه لايبه مايكدر اينام اله واني يمه واذا يسألني اجاوب على كد السؤال لا اكثر ..او ما اجاوبه اصلان جان يتخبل لن مارد عليه ..ورة يوم جنت كاعده اراسل ازل طب عليه خله اوراق كدامي ينافخ لان مادايرتله بال
عفته راسلته

📤ههههه ولج ازل تعاي اسمعي شيحجي عليه وينافخ من العصبيه لن مادايرلته بال

ازل📩:ولج لسه متحاجي لا ولج خطيه كافي هههه

📤ولج ازل يستاهل حجه عليه داس بكلبي الي تلاث ايام انام يوم اولاد واخوتي هم ايخابرون مارد عليهم

ازل📩ولج خبله كافي خطيه سويله سهرة
دللي قبل العمليه واخوتج هههه لا تحاجي عادي ههههه يستاهلون

📤ولج ازوله كلت اسويله سهرة هناك بتركيا قبل العمليه

📩ولج هنا سوي وهناك هسه شكو قابل واخوانج حاجيهم من تريدن اتسافرين علمود ايتوبون هههههههاااي

📤ههههه خبال اي الخبلج اكلج كون اتسمعين الحجي اليحجي عليه مرات من ازعل واروح لغرفه الجهال ايشيلني يرجعني للغرفه ويقفله

📩هههههههه حلووو اتخيل منضرج اتكسرين بلباب وتردين اتطلعين

📤ازل هسه هوه يكتب ويدردم عليه

📩حييل وياج كافي ادري مكابلتني شنوو روحي لرجلج خطيه ادري طالعتي بلمركه شنو انتي

📤ولج ازوله والله اموت عليج انتي روحي من الدنيا انتي اختي وصرتي منه وبينه

📩مادام اني اختج روحي راضي وصيري خوش بنيه ...اكلج

📤كولي

📩خل اضحكج قبل من جنت ازغير
جنت اصلي وكت صلا يطلعن اغاني وعين
على تلفزيون وعين على التربه

📤ههههههههه هههههههههههه ههههههههه هههههههه

📩خبال شنو هلضحك اشكلت قابل

📤هههههههههه يمه بطني ولج تعاي شوفي رائد ورقه اشكبره كاتبه غلط بيه من وراج قرة اشكاتبه شكك الورقه

📩ولج غزل ارهم اني شيخ جامع وآلله اصلي بيكم جماعه

📤واني راح اقرالكم....ولج ازل رائد ايكول راح اني اذأن الكم ..ههههههههههههه

📩حححلوووو ههههههه كملت ويجي يوسف ايوزع ترب للمصلين

📤هههههههههههههه ولج رائد خربان من الضحك ايكول مخبلات

📩يله ولي لرجلج سامحي
كافي روووحي يعني عيب

📤يله ازوله راح اسامحه اصلان اني مااكدر انام بدونه يله حبي مع السلامه

غزل....هنا رائد نتر بيه واني جنت اضحك ويا ازل ودعته

رائد...اسمعي غزل ترة وصلت حدهه عندي اني عدني خفارة هنا الليل مانايمه
اني ماشفت نوم هنا وانتي حضرتج نايمه يم الجهال جنج مراهقه والعباس ابو فاضل اذا طلعتي من الغرفه اكسر رجلج
افتهمتي يو لااا وهذا اخر الكلام

غزل....جان يحجي وعيونه حمر وعصبي ومن يحجي يحجي بصوت عالي وحركه
واني اضحك عليه سديت الموبايبل وكمت لفيت روحي بلغطه ونمت ضل ينفخخ من الحركه مرت تلاثه ايام واني انام يمه بلغرفه مالي شغل بي عايفه ومن انام هوه يسحبني بحضنه واني اغلس مااحجي....بعد تلاثه ايام اليوم الرابع تراضينه مو كلش ضليت معصبه منه عقاب عليه وهوه بس يضحك وايكول على كلبي مثل العسل وايضل يمي وبعدين اجه عباس وحسين وسجاد يمي بعدين حسين اللتحق ورائد مقبل اسوي غدة كلي حجزت من المطعم أكل جاهر
بس اكعدي واسكتي جنت احس الم براسي قوي بس سكتت ودخلت سلمت عليهم بس كلت السلام عليكم وكضت رحت لسجاد حضنته وهوه يضحك وفاتح ايده اليه حضني وبوسني واني كعدت ونمت على رجليه واغور عباس ورائد اطك ايدي الهم واغورهم احرك كلوبهم مثل ماحركوو كلبي وهمه يتحلفون بيه

رائد....بصيطه اني اعلمج وين ترحين اول وتالي الكفج

غزل....ههههه كل هذا واني وبحضن سجاد
ومااهتميت لهم عباس مايحجي اله رائد
يحجي ومحروك كلبه واشون حاضني سجاد بقيت اسولف اني ويا ولكيت ازوله مراسلتني كتله اليوم يمي الاهل وطلبت منه نصحيه تكتبلي لسجاد بله ماايشوف كلام يأثر بي مثل ما حاجيتيني واثرتي بيه اريد اريد كلام يقتنع بلكي يتزوج مو
عمره صار جبير

ازل الكاتبه.....احم احم هم جابوني بلنص
😂😂😂 المهم اني كتبت بعد السلام
لهاي الخبله العفوا اقصد اخيتي كلتلووو
اخي العزيز....والله نسيت😂.... كتله خويه هم نسيت 😂😂 ولج غزل ذكريني
جذب جذب ....كتله خويه صح انجرحت واتأذيت بس محد ايموت ورة احد انته متعذب وتوكف بشارعه اله اتشوفه وتروح وهيه عايشه حياته مرتاحه وصار عدهه اربعه جهال...اترك البنت خطيه اتعيش مرتاحه ليش اتضل انته نافسه وايصير بحاله شي ....هسه قابل خلصن البنات
اكو احله واكو احسن منه التخليك تنسه حبه لحبيبتك ....تدري انته الدسوي حرام
اي حرام لن اتباوع عليه حرام انته صايم مصلي وهذا الشي حرام ...وهم حابه اكول
شغله بله من تروح اتزور امك واتشوفك متعذب تتوقع هيه مرتاحه ابد والله ...
وشغله لاخ بله من ترجع للبيت وتلكى فارغ وتسمع صدى صوتك بلبيت متحس اكو فراغ بيتك يعني لو تلكه مرة تريحك وتملي الفراغ البحياتك وتخلفلك مو راح تنسه الصار الوياك وهم مااكول تنسه لااا تتناسه ...وشغله لاخ مو الحب دئما ايجب السعادة لا الاهتمام يولد الحب والسعادة ...انته متعذب وهيه المرتاحه ..خله بالك ... خويه ترة احنه عايشين بلعراق مو بتركيا واتسوي هيج....غززززل جكمه وينج

📤هااا ولج

📩يله امشي ولي ابو المثل ايكول اخذ الحكمه من المخابيل هههه اشكال سجاد

📤ولج كام يتصفن...ورائد ايسلم عليج

📩ولج اني استحي عل العموم سلامي الكم كلكم

📤يله خل نروح انصلي كله متجددة وعاكدة ايحششون

📩يله باي

غزل....طبعا كلام ازل حلفته لسجاد عليه كتله اشونه كلامه كال عين العقل والله
يرضي الله ويرضي نفسه هوه حسيته مثل التأثر بس ايكابر وكلي الله كريم
مهم وصل الغدة وحضرنه كلشي واتغدينه
داسوي جاي كمت بعد مااشوف دربي
من راسي احس عيوني اشون شي اليغطي بيهن مااشوف بيهن غمض وارجع افتح اريد انتبه للجهال خاف ايصيرون كدامي ويوكع عليهم الجاي الله جاب هدى
تركض

هدى....ماما ماما بيج شي شبيج دايخه
جيبي الجاي اني اودي

غزل....مابيه شي بس دخت اشويه اخذي الجاي انتي ودي وديري بالج على كيفج امشي مشت كدامي واني افرك بعيوني وامشي وراهه وصلت واني بين اشوف وماشوفهم شويه مغوشات وبعدين يتوضح الشوف وباوعت على الجهال ضاجوو يردون اينامون بعد اللعب ويه خالهم سجاد لن يوميه الضهر ينامون اخذتهم وخسلتلهم وبدلتهم وكل واحد لجربايته وانطيتهم مميات بديهم وكعدت افرك راسي وعيوني احس جاي افقد توازني نامو غطيتهم وشغلت الصوبه الكهربائية عليهم وطلعت بس طبكت الباب
لزمتني الدوخه حسيت خلص مااكدر مشيت الغرفتي بعدني مافتحت الباب اخطي الخطوة ودنيا فترت بيه وضلمت عيوني بعد مااشوف

رائد....جنت كاعد ويه اخوتي ولد خالتي
نسولف ونضحك على سوالف غزل ولن تحرك بكلبي ونايمه بحضن سجاد اليوم من دون الايام اشوف وجه اصفر أنتبهت
عليها وبالي يم كلام الدكتور الي هيه وياي من راحت ماتدري شنو كلامه جان بيوم زعلته لان ماتقبل تروح لبوههومن كسر كلبه بكلامي بس والله كلبي كبل كلبه متكسر..كال الطبيب لازم عمليه فوريه اني جم مرة كتلهه استاذ رائد هيه تحتاج عمليه وهذا الورم اذا بقه راح يأثر على عيونه وراح تتعب الشبكه مالت عينه ويسبب اله عمه الطبيب يحجي وياي وهيه ولا منتبه بغير عالم وجه احمر وتريد تبجي ماتدري الطبيب شنو كال ولا حته انتبهت للعلاج ..عاد اني تشكرت من الطبيب بعد ماعلمني على دوة وكالي بتسريع وقت العمليه طلعت وهيه تبجي ومهمومه مثل التايهه تمشي ماتدري بنفسه وين وشاردة بفكرهه عذرته ..مهم صارت علاقته ويه اهله وابوهه احسن كلش قوت علاقته باوع عليه وتذكر الصار يم دكتور وشكالي واشوفه تذبل كدامي كوة تاكل وتغمض بعيويه وتفتح اني كلبي لجمني كلت بس لا بلش المرض يوصل لعيونه ماطول هيج ...واني نفسي نسدت عن الاكل سحبت باكيت الجكاير اشرب وعيني عليه وهيه هم كامت مثلي تباوع وتأشر عليه يعني عود ليش كمت من الاكل واني اسويله الاشارة ادزله بوسات بلهوة وهيه تبتسم ومااتبين الوجع البيه
واني احس بيه شي طول الوقت اسولف واضحك والنار بكلبي عين عليه وعين على الاهل لمن شفته اشويه راحت ويه الجهال كلبي انلجم ماادري ليش بقيت ادخن لم اخوته كالو يله نرفع الزحمه كتلهم خل اصيح غزل عود يعني تودعهم
اصيح غززل غززل ماكو باوعت البنات ماكو صحت هدى دعاء ماكو كتلهم هسه اجيكم رحت صعدت الدرج اريد واحد ايرد ماكو وصدعت بلصاله امشي اول غرفه غرفه الجهال باوعت على باب غرفتنا باب مفتوح ورجلين بس مدوده
اني من شفت هيج عقل ماضل براسي
ركضت شفت غزل ممدوده نفس ماكو نبض قليل وهيه عدها خفقان بلقلب اني فقدت عليه ركضت شلت راسهه اضرب على خدوده على كيفي متكعد اصيح اكعد ماكوو غزززل غزززل اصحي بويه اكعدي ماكو بويه فتحي عينج ولج لاا اتحركين كلبي افتحي عينج غزززاااله بويه ردي عليه احجي وياه ونسيت هيه هيه بلكاع
بقيت اضرب بيه اريد تصحه ماكو كأنما جثه بيدي صحت بكل حيلي صوت عالي
لكل ركض واني فاقد حته مكدرت اشيله واركض بيه اجوي سجاد وعباس ضربني عباس حسيت على روحي اني فاقد اشوفه جثه بيدي بس كمت اصيح اكعد غززل ولا اتعوفيني ولا اتعوفين الجهال
اصحي عزززل عززززل غير هذا الكلام ماعندي ضعفت دفعني عباس حسيت بضعف ردت اشيله مااكدرت من الحركه اختل توازني عاد عباس شاله ونزل بيه يركض واني مثل الجان بغير عالم وصحيت نزلت اكض وراهم واخذناهه للمستشفى فحصوهه كالو خطرة واجهزه ماعنده للدماغ اخذته بالاسعاف مستشفى طبيه اسمه التركي بلحله هناك دخلوهه عنايه مركزة اهتمو بيه احسن الاهتام خلو الاجهزة لراسه ولكلبه وزرفوو اديه بلأبر
والاكانونات واني روحي تلوب عليه
ودمعه واكفه بعيني وادعي من الله مااخسرهه مابيه حيل هوااي خسرت اعزاز على كلبي بعد مااكدر اتصنع القوه واني كلبي مجمر ضعيف كلبي ونارة تحرك بيه وعيني على غززل وصلت لهاي الحاله
.....نشف ريكي واني اقنع بيه اتسوي العمليه وهيه متقبل طبعا من بدت تكتب لقصه مالته وترسله للكاتبه ازل واشوفه تتجوع من راسه بس اتكابر على روحه
واله كملت اكتابه ياله ارتاحت .....المهم
عيني عليه الاجهزة محاوطته وانوب الناس كله انكلب عليه واني اشون التايه
عقلي وكلبي يمه واتمنه ادخل يمه مثل كل مرة الفه بحضني واسحب وجعه منه

ضليت متمرمر عليه مر يوم وكالو لازم العمليه كتلهم سفرتنه بعد خمس تيام دكتور رفض وكال لاا عجلو السفر لو احنه انسويله عمليه اني ماقبلت كتلهم بلخارج
طلب من اخوتي يستعجلون بلتفيز اخوتي ماقصرو جهزو كلشي وانوب الاجازة مالتي عليه اشكال بسبب وضع العراق بس القائد مالتنه تفهم الامر ومشالي اجازة مع قطع من الراتب عاد اني طلبت شهرين كلت خاف تأخر هناكه بتركيا او يصير اي اشكال عاد عندي اجازة لحين رجعتنه للعراق اضل يمه اداريهه لحد ما اتصير زينه هيه خطيه فاقدة بلعنايه واني ماطلعت من المستشفى عاد طلبت من اختي ام كرار تحضر الجنط السفر ودير باله على الجهال مهم كلشي جهزنه بس حجزز ماكو وانشلعت كلوبنه
وثاني يوم ياله لكينه حجز حجزلنه اخوي
جيبه منا ردهه منا والف ياعلي ومعارف ياله دبرت سفر مستعجل لن حاله مرضيه عدنه والله رهم وكمل الحجز وطلتت فيزة
الحمد الله... وحالته تحسنت وطلعناه غرفه خاصه واني ضليت يمه ماعفته هيه ادري بيه وجودي يمه اتحس بأمان اتحس روحه يم كل ناسه واني يمه واشوف ايدهه اشكبرهه من الورم من الكانونات
ومزركه وكوة تفتح عينه وتسدهه حالته الصحيه كلش بنزلان بس من اتشوفني تبتسم علمود اني امن عليه

(( طبعا كل هذا وازل متابعه حالته وماتركتنه ابد ومن طلعته حاجت غزل وغزل بحاله صعبه بس ماكدرت تترك صديقته وكل الحاله الصعبه والمرض جانن ايحششن خل اسولفلكم عن غزل قبل صداقته ويه ازل جانت ملتهيه بأولادهه ولو مريضه من كتبت قصته لأزل كالت صارت صديقتي واشكد من اتسولف وياهه تضحك والله احس ضحكته تفرح كليبي والله مرات اضحك على ضحكه ))

مهم تابعت اخبار غزل لحضه بلحضه جانت تسال عنه ومن سولف لغزل عنه اشون متخبله مجرد بس اجيب طاري ازل تضحك وجه احمر وهيه منا بيضه بوويه
غير تنكرط كرط من الاخدود طبعا اليشوف وجه ابيض احمر ميكول مريضه ابد اليشوفه ايكول كل العافيه بيه محد يدري بمرضه اشكد خطير طبعا ورة ماكلعته لغرفه خاصه ردت تخربطت وضغطه لعب لعب بيه وكامت اتصيح من راسه وعيونه تخبلت وركضو عليه دكاترة ثنين ورجعوهه عنايه مركزة مرة ثانيه واني اركض وياهم اريد اطمأن عن حاله
ليش هيج صار بيه شنو السبب خلاه تتخربط هيج اني حيل مابقه بيه واكف يم الجام واشوفه اشون اتصيح من راسه وعيونه واني مدري اشبيه هم لزمت راسي وكعدت بلكاع ركضو عليه سجاد واخويه هم ويا لزموني وبقو يحجون عليه اني لازم اشد حيلي ما تنهار اعصابي لازم ابقه بقوتي كدامه ...بله اشون ابقه قوي وهيه كدامي دتموت مااكدر اسويله شي روحي كامت تلوج ويه كل صيحه منه ضليت كاعد واهز برجلي من حركه كلبي اعصابي نار جسمي كله اشتعل والله لو بيدي اسحب الوجع منه جا سحبته وخليته بنص روحي ورة اشويه شفت ما حركت راسه لو اني كلبي وكف ركضت على الجام
ورة اشويه طله دكتور

دكتور...استاذ رائد ماكو شي كلشي تحت السيطرة سيطرت على الضغط وانطيته ابرة مهدء وعلمود ضغطه ينزل هيه هسه نامت لا اتخاف بس نصحيه استاذ استعجلو بلسفر لن حالته بلتناز وجعه ايزيد ويضر عيونه لاززم سفر بأقرب وقت

رائد....هنا اني كيلي انهد ودمعه طارف عيني وباوع عليه اشون تذبل كدامي واني بس اتفرج عليه وضليت متندم اشون ضليت ساكت عنه واسمع كلامه حته متسوي العمليه ليشش سكتت عنه وشنو الخلاني هيج عاجز وامشي بكيفه ضليت اكل بروحي والوم نفسي عيني ماشافت النوم وكتلني التعب واني كاهد واتفرج عليها وعيني على جهاز الكلب خاف يوكف
نبضه لو دماغ ايصفر لازم كلبي بيدي وكاعد لحد ثالث يوم بلمستشفى اجوي اخوتي جايبين الجوازات كالو كملنه ولازم من العشرة بغداد و١٢طياران اجت ام عبير ويانه والله عاد اسعاف اخذناهه كبل لبغداد اخوتي وام عبير لحكونه بلسيارة
جنت يمه بسيارة الاسعاف لازم ايدهه وهيه متدري بلدنيا وين لحد ما وصلنه لمطار بغداد ياله صحت بقت ساكته وتباوع عليه وعيونه متروسه دموع كلملنه الاجرائات بثنعش وربع طارت الطيارة وهيه اتخبلت علينه لان تخاف من الطيارة
لازمه بيدي وهيه مجلبه بقميصي مثل الطفل المجلب بأبوه اني حاضنه لم استقرت الطيارة بلجو وهيه مجلبه تخاف ومغمضه عيونه وره نص ساعه صاحت من عيونه وراسه

غزل....رائد راسي اااخ يمه رائد عيوني الم مو طبيعي سووي شي حباب ااااخ

رائد....هنا غطت وجه وكامت تبجي من الوجع اتصيح من راسه وعيونه واني كامشه ومضيفه طياره هم بنيه مقصرت

....اخي عدهه علاج مهدء حتى اضربه لحد ماتوصل

رائد....اي الابرة هسه اضربه بلكانونه بس ماجاي تنطي مجال

....انطيني خلاص اني انطيه الابرة وانته خليك يمه

رائد.....ام غبير انطت الابرة للمضيفه وضربته لحد ما اشويه اشويه هدئت جسمه رخه اديه هدلن من وجه حسيته بدت اتنام سحبته اكثر بحضني وخليت راسي فوك راسه لمن وصلنه لتركيا بقينا بمطار اسطنبول منتضرنه المترجم وساعه وطلعنه بطيارة ل انقرة ...تصلت بدكتور كال بأنتضارك بمطار انقرة وصلتنه سيارة اسعاف صعدنه بلأسعفاف من المطار كبل للمستشفى ميديكان أنقرة..وشفت هناك الدكتور رحب بينه واستلم غزززل مني وكبل عنايه مركزة واني يمه ضليت لتفتت شفت ام عبير تعبانه وجه اصفر كلت خلص نرجع للفندق نرتاح وانوب نرجع وصلنا للفندق ام عبير بغرفه واني بغرفه
اني رحت كبل للحمام ضليت نص ساعه جوة المي الحار اريد ارتاح كملت وطلعت
كعدت على الجربايه طلعت الخط العراقي
وخليت خط تركي شتركت نت لكيت(ست ازل )مراسله كوم واهلي كومه داكين عليه
اول شخص جاوبته ست ازل ..بعدين دكيت على اهلي وسالت على اولاد اولادي خابصين الكون نهار كله يبجون وحسام حاير بيهم يطلعهم بسيارة يفتر بيهم ومن اينامون يردهم للبيت وامي حايرة بيهم
وام كرار هم وبنات زعلانات وياي لن ما حاجن امهن عاد اني حاجيتهن وطمنتهن
كملت من تلفون مددت ردت انام مااكدر النوم طار من عيني مع العلم جنت تعبان
وتلاثه ايام مانايم ماكدرت بالي يمه صعبه اتشوف حب حياتك نايم بلمستشفى وانته تنام مرتاح ابد متكدر بلعشرة ونص طلعت من الفندق وياي مترجم اني كلش زين بلنكليزي بس المترجم وياي اذا اريد اجر تاكسي او رحت لمكان مااكدر احجي تركي
كلشي هناكه بحساب ..مهم رحت للمستشفى بعدهي نايمه رحت كعدت على كراسي بعد خمس ساعات اجه دكتور وسالته عن حالته بلنكليزي ::كيف حاله الان

دكتور....هيه بحاله جيدة الان لاتخف عليها

رائد....راح الدكتور رديت كعدت وعيني عليه لسه نايمه دنجت مسحت وجهي وطلعت من المستشفى رحت للحديقه اشم هوى باوعت اكو محل ازغير مفتح رحت تمشيت عليه دخلت اشتريت منه بسكت وبطل مي وببسي وحيل مشتهي الكهوة اني احبه من ايد غزل الصبح له طعم ثاني مهم اخذت جكاير وعلج وكعدت بلحديقه اكلت بسكت وطبيت للمستشفى رحت للغرفه الحاجزة لغزل دخلت للحمام توضيت وطلعت بصراحه ردت مصلايه فتحت الكنتور لكيت مصلايه بصراحه تفاجئت اخذته ورحت صليت وقريت قران جايبه وياي ام كرار حاطته النه بجنطه غزل من
قريت حسيت براحه كملت وطلعت شفت الساعه بسبعه الصبح مشيت لرويحتي باوعله الاجهزة متروسه رايح شكلهه بيهن
ماكو بنت مددة

...اروح فدوة لطولج اكعدي اوكفي على رجليج مو لخاطري لخاطر ولدج وبناتج
شبعانين بجي عليج ولج غزوله بناتج حته اكل مياكلن يردن ايشوفنج اكعدي قاومي المرض ولج انهد حيلي واني اشوفج نايمه
اكعدس وشوفيني ضحكتج وسمعيني صوتج غزل كافي تحركين كلبي وانتي نايمه جنت صافن واسولف ويه روحي وحسيت ايد مترجم خلاهه على كتفي
لتفتت عليه وضليت واكف اسولف ويا لثمانيه وبع اجه دكتور طبله واخذوهه ودوهه لغرفه ياخذوله رنين لجسمه وراسه

وحللوه دمه تفاجأنه طلع نسبه دمه اربعه
جان نسبه دمه بين الخمسه والسته هيه هاي نسبته ماترتفع لن عدهه نقص بخلايا كريات الدم البيضاء قبل شهر خلوله دم مني دائما لو مني لو من حسين متقبل دم من غريب روحه تكش متقبل النه منه احنه كلنه نتبرعله مهم فحصو كلشي وفحصو عيونه كالو صار بيهن اشويه مي
وعيونه منورى اتغوش ويسبب الم راح نسحبه اله من راسه بدون منجيس عيونه
والعمليه خطرة احتمال تدخل غيبوبه او اتصير جلطه لازم اكون جاهز الي احتمال
ونسبه نجاح العمليه ٦٠بلميه مهم كملو كلشي وجهزوهه للعمليه قبل كلشي دخلت عليه وبسته من راسه وكوة مصبر على روحي حيلي يرجف وعيةني غوشن من الادموع كوة لازم نفسي ضليت يمه حوالي عشر دقايق احضن بيه واشمه اريد اترس ريتي من عطرهه ونفسه همس يم اذنه وكتله لاتخافين اني يمج صيري قويه
مؤمنه بالله ورسوله واهل بيت الرحمه انخي ادعي انخي امم البنين اقري صورة الفاتحه لها علمود ترتاحين حبيبتي لا تفكرين بشي اني هنا انتضرج طلعين سالمه اشوفج من اتضحكين وعيونج السود ايلمعن من اتضحكين ماشي حبيبي
خليج مؤمنه بالله جنت احجي وابوس بيه من راسه وعيونه وايدهه وامسد على راسه نزعتله سلسله الذهب جانت بيه اسمي ونزعته حلقته وهيه ساكته ودموعه كامت تصب عشرة عشرة كالتلي وهيه كوة تحجي وكوة فاتحه عينه

غزل....رائد سامحني اذ...

رائد...قاطعته ماخليته اتكمل دنجت عىى شفايفه وبستهن ورفعت راسي وباوعت بعيونه وكتله على شنو اسامحج انتي شنو مسويه علمود اسامحج عليه عوفي هذا الحجي وديري بالج على روحج
ولا تخافين ماطول اني يمج لا تخافين بويه انتي روحي ونفس ريتي بدونج اني جسد لا روح فهمتيني غزل انتي روحي
بلاج اموت تقوي واصبري لخاطري ولخاطر جهالج منتضريج اتحملي مثل ماوصيتج اقري الفاتحمه لم البنين ولبو فاضل العباس ابو الحسن اهل البيت كلهم انخيهم صيري سباعيه مثل ماوصيتج
خوش بنتي جنت احاجيه والغصه بلعومي
واكفه جنت من احاجيه اغمض بعيوني وابوس بيه من راسه وعيونه اشويه دخلن الممرضات ساعدنه بتبديل واني عيني عليه هيه ماتقبل اله اني ابدلله كمت اني بدلتله وخليته على السديه وبسته من راسه راحت ويه الممرضات وهييه كبال عيني الغرفه ردت وكفت ورحت ركضت عليه شاوتني

غزل....حاللني واهبني جهالك اربعتهم امانه بركبتك اذا صار بيه شي لاتنسه الجهال دير بالك عليهم واذا متت ادفني يم امي بكربلا

رائد....من كالت هيج اتخبلت شلت ايدي وخليته ضربته على حلكه كلامه خلاني افقد اشششش اشش اششش اسكتي كافي ولج اشش انتي راح اتعيشين وترجعين لجهالج واليه وتربين جهالج واريدج اتخلفين بعد اسكتي ولا اتكولين هذا الحجي كتلج اذكري الله واهل بيت الرحمه اتكومين هيج تحجين تردين اتموتيني اشوون بيج من حجيت هيج شمرت روحه بحضني وكامت تبجي واني دموعي عليه دير بعدتني الممرضه عنه بسته من ايدهه وخدودهه وخلوهه لصاله العمليات واني كعدت بلكاع ركض عليه مترجم عصام كومني وكعدني على كرسي وهوه هم يبجي علينه كام يهدي بيه وحجه حجي خلاني ارتاح بي بعد ساعه اتصلت ام عبير اتريدني اروح اخذهه راح مترجم حعصام جابه واجه ..
استمرت العمليه التسعه الصبح لحد تلاثه الضهر جانت ست ازل وياي طول الوقت
تسال عليه وتواسي بيه من طلع دكتور اني روحي ردت ركضت عليه كلته بشر دكتور

دكتور موفق.....الحمدالله نجحت العمليه
بس لازم تدخل عنايه مركزة تحت المراقبه ٢٤ ساعه خاف اتصير عدهه مضاعفات واحتمال كلش جبير تدخل
غيبوبه هسه احنه سوينه العلينه والباقي على رب العالمين انتم ادعوله تصحه قبل متخلص المدة بدون متصير مضاعفات

هنا اني ركعت لرب العالمين بلكاع حمته وتشكرته شكد جنت خايف من كلام الدكتور بكد ماارتاحيت من طلعت من العمليه ونجحت ركعت لرب العالمين اربعه مرات وعيوني تصب ولاكأني جبير بلعمر
نسيت روحي ونسيت عمري وكبري كعدت ابجي مثل الطفل اليريد امه كومتني ام عيبر وحضنتني تبجي وياي تحمدالله وتشكرة واني من تعبي وقهري شكو بجي الله ذبه عليه بجيت لمن مليت جروني ام عبير وعصام كعدوني ورة اشويه طلعو غزل من العمليه وجه ازرك على اصفر
ماادري اشون اوصف شكله والاجهزة كله مشكله وياهه ركضو بيه لعنايه المركزة
لان داخل العمليه ضغطه مرتفع ساعه ياله مستقرر اخذوهه للعنايه المركزة والاجهزة مالت القلب والضغط واجهزة الدماغ كشلي مشكل بيه طبعا جان الكل يتصل عليه كل ربع ساعه دكو ها اشونه صارت طلعت بعدهه يتصلون من اهلي من اهله

ساعه عباس ساعه سجاد ساعه حسين
طبعا حسين ملتحق بلكوت ويتصل كل عشر دقايق ايدك خبلني وجان زعلان مني لن من دخلت للعمليات ماكلت جان زعلان مني بعدين رضه تعذرت منه من يتصل كوة يحجي مخنوك عليه لن هوه الرباهه
هوه ايشوفه بته مو اخته روحه من الدنيا غزل مهم كامت اتمر الساعات واني منتضر تصحه مر الليل وماكو طلبت ادخل اله
كالولي عشر دقايق دخلت يمه بسته وشميته واهمس بأذنه

..،غزل بويه انتي روحي من الدنيا عمري كله وحياتي يابعد هلي وكل ناسي الحمدالله على سلامتج ابوي انتي بسته من ايدهه وكتله لا اتطولين بلنومه اكعدي اروحلج فدوة اريد اكحل عيني بشوفتج
غزل. ادري بيج اتسمعيني واتحسين بيه
وبوجعي اكعدي وبردي كلبي اروحلج فدوة

الممرضه ...استاذ وقت خلص ولازم تطلع

رائد...بسته من راسه وطلعت كعدت على الكرسي واني منهار احس صبري خلص
كعدت وشربت مي وارتاحيت واتصلت على اهلي يذبحون عشر ذبايح هسه وايوزعوهن على الفقرة ويسون عشع لم البنين عاد صدك اخويه ذابح ذبايح وامي سوت عشه لم البنين وزعته على الجيران
عاد كتلهم هذا هوه عاشت اديكم والله مر وقت وغزل ماكعدت دكتور طالع طاب عليه ...ثاني يوم اتصلت بيه هدى بتي وفتحت الكامرة تبجي واتريد اتشوف امه
اني ماقبلت اتشوفه وهيه متروسه اجهزه
بس كسرت كلبي بجيته درت الكامرة على امه شوفتها بجت وكالت بابه اصبر اريد احاجيه

هدى.....مامه حبابه اكعد النه مامه مانكدر بلياج اني واخوتي مامه فدووة اكعدي
اني اوعدح بعد مااكطع الصلاة التزم اني ودعاء تلزتم بلحجاب علمته اتصلي وتدعي
الله ترجعين النه مامه فدوة لتعوفيني اني واختي واخواني وابويه احنه كلنه بحاجتج واريدج ترجعين النه مامه فدوة اكعدي خلي بابه ايفرحنه مامه اني احبج واموت عليج ودعاء هم اتحبج يا احلى ام
انتي اني راح ادعيلج يوميه علمود ترجعين النه

رائد....هدى تحجي واني دموعي اتصب على كلامه ورة اشويه هم حاجتني دعاء وعيونه حمر تبجي كتله تردين اتشوفين امج

دعاء.....لا بابه مااكدر اشوف امي هيج

رائد...نزلت التلفون على محمد يدردم عليه حجيه مكسر واحمد وشافوني وبده البجي وايصيحون بابه ومدري شيحجون
كلشي ماافتهم منهم انطيت الجهز لم عبير وطلعت برة مخنوك ورة اشويه رجعت طلبت من الدكتور ادخل اله شاف حالتي وقبل وكال ماضامن كعدته وشد حيلك اي احتمال ترة المدة راح تخلص وماكو اي ردة فعل منه رحت لبست ملابس فوك ملابسي ودخلت اله وضليت احجي وياهه وكتلهه حجي الجهال وكل هذا واني نايم يم ايدهه ماحسيت غير اصبعه اتحرك

واني روحي طارت كمت ركضت صحت الدكتور
دخلو يركضون وعليه فحصوهه وبقو اشويه يمه وكالولي ليل تصحه شنو السويته علمود هيج تحركت عاد كلتله لدكتور على كلشي عاد الدكتور كال دخل سولف وياهه اريد بعد رده فعل منه ثانيه لان بصراحه ايسنه منه كلنا كلنه دخلت بغيبوبه هاي معجزه بحد ذاته اني من سمعت هيج ارتاحيت من حست بينه عاد مرت ساعه هم رديت دخلت يمه وهم سولفت وياهه جاي احجي هم ردت حركت ايدهه وهمست

غزل...رر ر ر را ا ا ا ا ئ ئ ئ د د .ر ر ر ر ا ا ا ئ ئ ئ د د د

رائد.... غزل كالت اسمي مرتين واني من الفرحه ابجي واحجي روح رائد وكلب رائد اني يمج هنا لاتخافين يمج يروحي
دكيت جهاز عليهم اجوي يركضون عليه فحصوهه وفحصو عيونه وكالو عدت مرحله الخطر بس هم تبقه ليل ياله ايطلعوهه او باجر هيه رجعت نامت واني على بجاي ودكتور خفف العلاج مالته لن بي منوم لليل ياله طلعنا غرفه خاصه اني يمه لازم ايدهه ام عبير رجعت للفندق
ومترجم راح بعدين راسلت ست (ازل )طمنته عن حالته هنا ازل تبجي وتضحك وتتحمدالله وياي هلبنت عجيبه اشكد ضلت ويانه وهيه معرفته بينه من خلال القصه فقط)

ثاني يوم .. صحت الحمدالله تفتح وتسد بعيونه تعبانه واني لحضه ماتركته اتصلت على اهلي بلعراق كلهم فرحو حيل ضليت يمه لثالث يوم تصحه وتنام للضهر رتفع ضغطه وهم انخبصنه بيه لليل ياله استقر
شربته شوربه والله اليوم الرابع احسن بس ام عبير كامت اتلوج على اولاده وبيته هيه متعودة تسافر ويه زوجه واولاده
كلت خلص خل ترجع اني مامحتاجه اني ابقه هنا يم غزل واداريهه مامحتاجين احد والله وره يوم حجزتله ورديته للمطار خابرني حسام وكالي ابو غزل اتوفه الساعه بربعه الصح انطاك عمرة اني جمدت بمكاني وصارت غزل بين عيوني
كتلهم من ترجعون من الدفنه تستقبلون ام عيبر راح ترجع تستقبلوهه من مطار بغداد

والله رجعت للمستشفى بالي يمه رجعت يمه وهيه حست اكو شي اتلوب وتفرك بصدرهه واتكول اختنكت

غزل....رائد اختنكت ماادري شبيه احس اكو شي جهالي ييهم شي لو اهلي

رائد....من كالت هيج رأسان طفرت غلقت الاجهزة اثنينهن وكتله ماكو شي غير سلامتكم لتخافين بويه ورحت كعدت وره ضهرهه وخليت ضهرهه على صدري وانسولف جان اتكول كلمه خلتني افقد عقلي

غزل...رائد لو ميته جاشسويت

رائد....هنا اني فقدت عقلي وجنت ادفعه كمت مااشوف كدامي من العصبيه ماحسيت لن كامت تصرخ وملتنه بلدم
طفرت عليه خطيه العمليه مفتوحه ركضت صحت الدكتور وهيه تصرخ اجه شاف عمليته مفتوح اخياط كال مااكدر ابنجه موزين عليه البنج واذا نرد انسويله عمليه جلد ميحمل يتمزق وبهاي الحاله لازم ناخذ جلد من رجاله ونركعه براسه
فكال اخيطه بله بنج وهيه تصرخ اني لازمه من اديه والممرضات وياي ودكتور يخيط بيه وكامت تركع صايح هيه ابد صوته ماسامعي عالي ابد صاحت صاحت لمن اغمه عليه ودكتور كمل خياط وانطاهه ابرة وكال لو مرجعيه عمليه جا اخطر من العمليه الاول ومتصحه المهم ورة يوم ياله صحت ومتحاجيني احجي اريد متاحاجيني الزم ايدهه تنفذ ايدي متريدني واريد اوكله شلعت كلبي
...مهم صارت زينه وطلعت جبتله كبوس حلو كيوت على كوله البنات لبسته ومكان العمليه شعرهه حلقو لحد اذانه هيه اتخبلت من درت بي حالقي لن طويل حيل شعرهه وثهين لفيت شعرهه بلكبوس وطلعناهه للفندق وهيه مطنكرة عليه حقه شاطت روحه من وراي وصلنه للفندق ورحنه للغرفه نزعته ملابسه وغسلتله وغسلت راسه بس مالوحت العمليه وبلسته ملابسه وهيه تباوعلي صفح وكابله حلكه هههه والله زعلته على كلبي مثل العسل اخذته نومته على الجربايه وتضل عشرة ايام تحت المراقبه والعلاج اذا اتحسنت وصارت زينه اخذهه افرهه بتركيا ...عدت يومين وست ازل مازالت تسال عليه وفرحت لن غزل صارت زينه
ودرت اخته غزل زعلانه وهيه تحجي عليه وغزل اتكول حكه متدري انته اشسويت مهم ذني معركتهن ماادخل بيه لن مخبلات وحده تحجي على الاخ ربي يحفضهن وتدوم صداقتهن واني كلت لغزل تستمر صداقته ويه ازل لن بنت كلش حبابه وربي يسعدهه مع زوجه يوسف

ازل الكاتبه... 😂😂اجيتكم هله هله لحد ايصفك ✋✋ولجن شو محد مشتاقتلي اذا مااضربجن متطلعن هسه اسويه بلطماطه احم احم عوفو معركه هسه
اتمنه تفتهمون شغله وحده اوكم شغله الحب تضحيه بكلشي لخاطر الانسان اليحبك وحابه اكول كل اخت او اخ تدراي اخوه اوتدراي اختك عيشو بمحبه واذا جان ماعدكم هيج محنه بادرو ناس تدراي ناس ترة ماكو احله من الخوة والله الاخت لخوه خطيه تدراي والاخ هم داري اختك لن انته ضهرهه وكت الشده ترة بنت اشما تبين قويه يحتاجله ضهر يحميه يسنده يعني اذا مو الاخ سند اخته منو يسندهه الغريب ابد والله اتكوم العالم تنهش بيه
واذا هسه اكو زوجين هم مامتفاهين صفو كلوبكم ترة الدنيا ماشيه واذا شريك حياتج مو حلو او شريكه حياتك مو حلوه

ترة مو كلشي الشكل ترة الشكل هم يجي يوم ويروح وتبقه الطيبه والحنيه والاحترام وناس تدراي ناس واتمنه اتعلمون اطفالكم على الصلاة مثل ما غزل علمت بناته وتلتزمون بلحجاب لن بنت تجذب لو مهما كان كبرهه هسه اتمنه اخذتو عبره من هاي القصه 😂😂😂ارفعو الايادي بلدعاء يارب كل عانس تزوج واعزموني ترة اريد اركص وصدك منو مثلي ماكل بلجدر بيوم العقد مالتي زخته زخته معدله ومن قرب زواجي كامت تذب ثلج احتمال من اطب للبيت
مالتي اتصير عاصفه ثلجيه ههههه😂😂

وهاااا هنا عبادة علمتكم 👆👆

هههههه 😂😂تعالو هنا 👇👇👇

ذني غنوات اهديهن الابطال القصه غزل ورائد وحسين وسجاد وعباس وحسن ومحسن

https://www.youtube.com/watch?v=Yx2oArctEsM

https://www.youtube.com/watch?v=FKsXsvnIF1g

https://www.youtube.com/watch?v=MQ9ucEKjhng

وبااااي