رواية ثأر مهري منهاا الفصل الخمسون 50 - بقلم اسماء ديمير

《《 البارت ال46》》

#ثأر_مهري_منها

بقلمي "أسماء ديمير"

هاي شجاج بيبي ترى عيب والله ..

ياهو العيب ولج تعلميني العيب فوكاها ..

خالتي حاجتها حجيه هيه ورجلها احنه شعلينه شلنه دخل بينهم ..

ياهو شامرلج عظمه انتي ، لاتدخلين بيني انا وياها ...

بيبي ماتردين خالتي تحجي وتدخل بس انتي تدخلين بيبي وبين رجلي عادي ..

ياول تردين تصخمين وجهنه وتعاندين ..

على شنو اصخم وجهكم جده سالفه بين مره ورجال والقران ميصير هالحجي ..

لا يمه غلطانه مو بين مره ورجال بياضج انتي بالذات لازم اخذه واشوفه ، حتى اسد حلوك العالم ..

خالتي حاجتها وكبت بينهن نوب ، كعدت على جربايه دايخه من هوسه ومن عركتهن ، بيبي تهدد وتكول غصب عنها انا اريد مصلحتها وخالتي تكللها عيب عمه لاتخوفين البنيه مو الا اليوم هذا شي خاص بيهم ..

اسمع صوت الهوسات بره جن زفوو ، بيبي ندارت علي نفس ماوصينج جده لا تفشلينه عيب من العالم ..

ماحجيت بس وجهي انطعن احمر ، وشبعت قهر .

باستني من راسي تكول والله لخاطرج داكف السان عالم عنج ..

خالتي جرت هند الي تتلوه من بطنها وتكللها ، من كثر الركص ودبج وياجن راح اجيب من وكت ..

طلعت هيه وخالتي وتلكاهن رشيد بالباب خالتي هيه وهند نزلن ، وبيبي وكفت تحجي وياه وتاشر بيدي معصبه ..

باوع عليه اني هم ضايجه ، عقد حاجبه ، مدري شنو كاللها وباوعتلي مزنبره دفعته ضايجه ونزلت مشعوطه ...

داره وجهه عليها يراقبها من نزلت ، اندار عليه رفع اديه يهز بيها ، اجه دخل وسد باب وراه كمت لحيلي ..

جديتج متحلفه بينه جنها ..

باوعت عليه ضايجه ..

كال ناويه تنام جوه هيه وعلا ترى ..

درت وجهي مقهوره منها ..

ابتسم بوجهي ، كال هسه انزل احجي وياهن ومااخليهن لاضوجين ..

درت وجهي عليه ، ساكته مااحجي ..

ضل واكف صافن بوجهي ، يباوع لتفاصيلي ، نزل نظره على بدله لجف ايدي ، خله اديه بجيوبه ابتسم بهدوء ، رفع عيونه بوجهي ،

جر نفس رمش بهدوء ينتظر احجي .. ماحجيت تالي نزل ، وعافني بالغرفه ..

مشيت وراه اريد اسمع شتكله ، اكيد راح تعصب لو ماتقبل لو ترزله ..

اسمع يحجي وياها ، يكللها تدرين شكثر اعزج بس لهنا حجيه مالج غرض خلي نمشي حياتنه انت وياها على كيفنه وعلى الي يريحنه ..

عجل غير اريد مصلحتكم اناا اسد حلوك العالم عنكم ..

الي يحجي اشك حلكه الي يريد يحجي يحجي كبالي مو وراي ..

هاهيه يمه سد سالفه وانطيني بياضها وبعد مالي غرض بيكم ولا اشوفكم وجهي ..

سالفه هاي سديها حجيه خلص يله الحجي دز عليج نسيت اكلج يالله وين عباتها علاا جيبي العباا وامشي ويه جديتج يله يااابه ..

افااا رويشد تطردني ..

حشه حجيه بس كعدتج هنا مالها لازم ..

هااا ..

اسمعه يحجي وياها وهيه ترد عليه تالي خفت الهوسه واسمع صوت طبه الباب ..

رجعت للغرفه ركض ..

وكف قريب الميز ، صوت طبه رجل مالته على درج وصلت ليمي ، دخل انصدم بعدني بالبدله ..

عجل ماغيرتي يابه شمنتظره ..

بهت وجهي ، بلعت ريك خايفه ..

يباوع للروب الي خلته خالتي على جربايه ، بلع ريك دار وجهه علي ..

فرك وجهه ، ضاج والوجهه انكلب ، راح ضلين هيج للصبح يعني ..

درت وجهي عنه مااحجيت ..

جديتج تحلفت من صبح تجي تريد الغرض ياابه ..

دمعت عيوني مابوعت عليه ضليت دايره وجهي ..

راح اضلين هيج ساكته جنج خرسه هناء ..

احجي يابه شبيج ترى ضوجتيني ، راح نضل هيج نتقدم خطوه ونرجع ليوره الف ..

دنجت راسي اريد ابجي ...

جر نفس مزعوج اسمعه يستغفر ربيه . مشه للكنتور معصب فتح الباب حيل ركعها جر منها ملابس ..

اني اباوعله بطرف عيني ، اخذ تراك وطلعت معصب ، كعدت على جربايه ، احس رجليه يرجفن ..

شفته طلع مغير ملابسه بالتراك ونزل جوه ، صوت باب المطبخ انفتحت وانركعت ..

ياااا عزاا العزاني راح يصيح بيبي علي يماا..

كمت لحيلي الحكه لو اصيحه عزاا ..

مشيت بسرعه للشباك فتحته كلت اصيح علي بالكت يرجع ، راح يفضحني والله ، وكفت بهت وجهي من شفته توجه للبستان ، شفته دخل بي وشغل الاضويه مال الكعده الي مسويها ..

جريت نفس وكف كلبي الا شوي ، ضليت اراقب بي ، يرتب بيها نوب راح جاب بطانيه ومدري شنوو ودخل بيها ، طلع مره ثانيه شايل بيده نركيله ..

صفنت عليه هذا بس لا ناوي ينام هناا ، والله صبح انفضح بينهم على هناء طردته بليله عرسهم ..

لو بيبي والله تمرعدني هو اني ممسويه شي وغسلتني غسل ...

لو نسوان عمي هسه باجر من ال٥ الفجر يجن علينه ..

سديت شباك ضايجه شلون بي هذاا ، اروح عليه هم خاف يجلب بيه ، اخلصي منها يااهناء هيه وراج وراج احسن مايفضحنج باجر ..

بلعت ريك نوب البدله هاي شلون تنزع ..

ضليت اتصارع وياها ، كوه لحت الشريط وجريته ونفلت ، متت كثر ماضاباتها ، فتحتها ونزعت كبل وكعت بالارض ، شعري تسريحه مالته خفيفه ، بس مرفوع من جدام ، والباقي كله محلول ..

مسحت المكياج ولبست روب الطويل   ، لفيت نفسي زين ، انزل لو انام ، قابل اني طاردته هو ضاج ، قابل كايلته نام بره ...

بس والله عيب ، اول يوم عرسنه اناا مغندبه ونوب يحجي وياي ماارد عليه ، خلي تفض هناء اخلصي منها ، وبعد محد اله لازم بيج ولا احد يحجي سدي حلوك العالم عنج ..

باوعت على نفسي مره ثانيه بالمرايه ، عدلت وجهي ومشطت شعري سرحته ، شفت خما طالع شي مني وباين روب خفيف .. ماكو شي زين ..

نزلت امشي ومتردد.. فتحت باب المطبخ ، همزين الممر الي يودي للكعده مضوي ، تمشيت بهدوء خايفه ، البستان هدوء يخوف بس صوت الحشرات ، تمشيت بسرعه خايفه لا يطلعي شي بهل ليل ..

وصلت ليم بيت الخشب اسمع صوت النفس مال نركيله .. بس دخان طالع منه ، خرب شراح يدخلني والله اختنك منها ..

مديت راسي ، هو كاعد وساند نفسه ليوره ، وبيده النركيله يجر نفس ، من شافني ماتحرك ضل على كعدته مترهي ، جنه ملك زمانه ، بس وجهه مكلوب وعيونه حمر ...

كتله شو كاعد هناا ..

- هاي كعده عريس مطرود ..

- تعاي جوه ..

ماحجه ضل ساكت .. يباوعلي عيونه على فتحت روب من فوك ، اعرفه ماشايل عيون شايل سونر  ..

بلعت ريك ، خما تنام هنا مثلا ، امشي جوه ..

ساكت مانطق .. لاتسوي هيج رشيد عفيه ..

جريت نفس ضايجه .. اسفه مااقصد بس خايفه والله ..

عدل كعدته وذب النركيله على صفحه اشرلي بيده تعااي ..

مااكدر صدري يتنك من نركيله ..

كلم لحيله لفلها وشالها طلعها بره ، تقرب وكف بصفي :- ادخلي ..

تمشيت متردده كعدت ، اجه كعد بصفي ، ليش بطيتي ياابه جنت انتظرج ..

تدري بيه راح الحكك موو ..

ابتسم ، ادري بيج عاقله وتفكرين بعقلج وماتخلين زلمتج ينام بره ،

دنجت راسي ، ليش هناا اجيت ..

مد ايده ، تعاي جاي بحظني ..

تقربت عليه متردده جرني وحظني بتك ايد .. عجل اناا ليش سويته وكسرت ظهري بي ايام  ..

شنوو ..

غير حتى نكضي احلا ايامنه بنص بستان ..

مافهمت عليه سكتت ، خليت راسي على جتفه حاولت اهدي نفسي ، واعودها عليه ..

همس تدرين بالي يصير باول يوم موو ..

سكتت مارديت ، بس احس بطني تقلصت ..

تعرفين اكيد مو صغيره انتي ..

رمشت عيوني بهدوء سايري ياهناء وخلي تفض هيه وراج وراج ..

دار وجهه عليه ولزم حنجي خلاه مقابيله يحاجيني ..

لازم تفض سالفه احسن الي والالج ..

ماحجيت بس تنفسي اضطرب ، خجلانه اكله اي ، وبنفس الوقت خايفه ..

ضليت خانسه بيده لحد.ماهو حسم من يمه سكوت علامه رضه ، هو الي بادر وتجرء .. اصلا لو باقي عليه مستحيل يصير شي ومستحيل نخطي خطوه وحده بحياتنه ..

بكد ماجنت قويه بكد ما صابني خوف وتردد بحياتي بكل قرار بسبب الي صار ، ثقه بالنفس شبهه انعدمت ،

حاول يهديني ويسيطر على خوفي ويعودني عليه ، مره جنت اتجاوب ومره ادفعه خايفه ، جرني لحظنه حيل ، خله راسه بركبتي يحجي بهدوء ..

مااذيج بالقرعان لاتخافين مني ياول ..

ضليت ساكنه جوه خانسه ..

رفع راسه وجسمه مني باوع بوجهي . عيوني مدمعه .. حجه ضايج شبيج ..

مابيه بس خايفه ..

من شنو ..

ماعرف شي جديد ..

رجع حظني سكن جسمه شوي ،

شوي وتحرك ، باس باذني بهدوء همس يمهاا ، غمضي عيونج بس ، وخلي بالج يمي ..

غمضت بهدوء وسويت نفس ماطلب ، ماجنت اريد اشوف شي خايفه .. حسيت بايده تحركت ، تتجول وتلزمني اديه دافيه حيل ، رخيت عيوني ، .من اتأذيت حاولت ادفعه .. صوتي اختفه ماكدر احجي ..

همست كوه وخرر عفيه وخر ..

مارد عليه زاد الالم دفعته من صدره همس لا لا ..

عطت من الالم ماحسيت غير دفرته زاد الالم حيل كبل بجيت

نتر خرب بيج اي والله يالثوله .. شسويتي ..

دفعته عني لزمت بطني ابجي ..

خرب بعشيرتج شوو اشوف لزمني يريد ايشوف شبيه دفعته اني حسيت جن تمزق والله ..

ولج خلي اشوف .. نوب اخترعت من شفت الروب كله دم ..

ياايمه علت شهكتي هو لتزمني يريد. يشوف شبيه ..

كوه سيطر عليه دفعني على ظهري نومني غصب بالي راح يكررها كمت اتوسل بي بداعت امك كاافي ..

ولج اكفي داشوف شبيج .. يالرعنه شلون تدفريني هيج احسن من تأذيتي خرب باهلج على هالسوايه ..

مارديت بس ابجي ، حظني حيل اششش ياكلبي اشش شلون ترفعين رجلج وتدفريني ولج جان تأذيتي هاي هم سوايه ..

كمت اشك مو كتلك وخرر ليش ماوخرت ..

ياابه ردت اخلصج منهاا لو ضال عليج بعد شهر منكمل ..

دفعته عني ، دشوف شبيج خلي اتأكد مابيج شي ..

لااا وخر عني ..

ااش كاافي لزمني كوه واني ابجي ماارضه خجلانه وبنفس الوقت متأذيه .. وخر من يمي ولج مابيج شي ضحك خرب بليسج على هالبجي كلت جاي تموت ..

ولج مابيج شي بالقرعان حتة جرح بسيط ماكوو..

درت وجهي عنه وكورت روحي ، بس بردت حيل ، كام من يمي جاب الغطا حطه فوكي ، تمدد بصفي وجرني ينومني بحظنه ، ضليت متقلصه ماتحرك .. بس عيوني مفتحتها ..

حاجاني هنوو ..

مارديت ..

ليش تغلسين ياابه مو احجي وياج ..

هاا ..

تأذيتي ..

اي ...

هسه متوجعه ..

سكتت ..

احجي وياج طمنيني لاتخلين بالي يمج ..

شوي ..

راح الالم يعني ..

يهمك مثلا خلص مووفضت ارتاح انته وبيبتك .

هسه صارت بيبيتك موو ..

سكتت ضايجه ...

بداعت ابوج احجي ..

شنو .

بعد عندج الالم ..

لاا ..

والله ؟؟ ..

والله اختفه ..

عليش هالبجي توه صركعتي راسي وهبطتيني..

جاي تعاتبني لو شنوو غير خفت مو دم هذا قابل مااي ومااخاف ..

حقج يابه بس لاتكرريها يرحم والديج جان تأذيتي ونجرحتي وين اوديج بهل ليل ..

سكتت ..

رفع نفسه وصار فوكي ابتسم ..

باوعت عليه بطرف عيني .. هسه بيبيتك تكيف ..

نسيت اكلج مبروك مرتي ..

هزيت راسي متصيرلك جاره لا انته ولا بيبتك والله .

حظني حيل وخله راسه بشعري اااافيش ياااراحه كلبي والله ..

غفيت بحظنه ، على كلماته المتكرره مرتي مرتي صارت مرتي !!

جنت تعبانه وبنفس الوقت جسمي خدران ، هو بس يحوص مانام احس بي كل شوي لو يبوسني لو يتلمس بيه ، لحد مانداريت عليه ونترت كاافي اريد انام ..

عجل مطيتني كفاج وترديني انام مرتاح ياابه ..

شتريد .

سلامتج تعاي جاي خلي انام ورانه كعده .. جرني لحظنه حيل وخلاني على زنده ، دفنت راسي بصدره ونمت ..

لثاني يوم حسيت بي رفع ملابسي ويتلمس برجلي ، ابتسمت والله هذا ناوي يسكطني ..

همست ترى لحد هسه متأذيه ..

فتحت عيوني بهدوء عليه .. مبتسم ، البارحه كلتي كلشي مابيه ..

جريت نفس خلي نكوم هسه بيبي على جيه من صبح ..

جيت اكوم جرني عليه ومااخلاني ، تعاي جاي بعد وكت ..

لاا وخر عفيه ..

اااش ياول لاتعاندين ومثل بارحه يبدي البجي ..

هسه العالم تجي قابل اضل نايمه مااطلع مايصير هيج ..

نص سااعه ..

لاااا وخرر ، جرني كوه ، عليك الله لااا عيب احد يشوفني بهل حاله ..

عاند وعاند ، مافكني الا وره ساعه ، والله حسبت نفسي مدعومه بسياره ، ضليت على نومتي ضايجه دنيا طافره من عيني ، مابيه حتى اكوم ، هو لبس وكام ، اندار عليه شافني مدمعه اريد بس ابكي ،،

تقرب عليه وخله اديه جوايه وشالني ضحك ، شهل دلال شتردين بعد ..

محد كايلك تعال تخبل عليه من صبح ..

ضحك عريس ياابه مااعلي عتب مشه بيه وطلعنه من كعده توجه بيه كبل للبيت ، صعدني للغرفه دفع باب برجله ، اني مجلبه بي لا اوكع خلاني على الفراش وغطاني ..

باوعلي عايل ويااج اناا ..

ماحجيت ضليت اباوعله ، باسني بوسه سريعه . كال ادخل اغسل انتي نامي مالج لازم بالي يجي عود اطردهم ..

صدك ..

نامي هسه اني اطلعلهم .. ماكلت لاا جنت متكسره وجسمي اصلا نحلان .. بس غمضت غفيت ، ماعرف وره شكد كعدت على صوته بالغرفه ، من شافني كلي صحح نوم ..

بيش'ساعه ..

بالوحده ظهر ..

يااا عزا العالم ..

ياعالم كلها راحت اجو صبح شوي وتطشرو ..

عزاا امي شكد عيب ...

امج يم هند يكولون صايره عدها ولاده وجايبه بنت صبح ..

كمت لحيلي والله .

اي والله ببيتج حجت ..

طفرت ادخل للحمام دروح عليها ..

وين وين ماكو طلعه ...

لاا اشوفها ..

لا ياابه جديتي حلفتني ماطلعين عبن مدري شنو تنجبسين مااعرف ايش هالسوالف ..

لا والله ..

اي بالقرعان خلي يمر جم يوم ونروح انا وياج نباركلهم ..

سكتت وكعدت ، كمت لحيلي اخذت ملابس ودخلت للحمام ، سوده عليه ، هيه بالعرس ولا كعدت بس تفتر وتشتغل نوب تركص ، همزين ماولدت بنص العرس مخازي ، فتحت الماي اكاسر بي ..

سمعت صوت طبه باب التفتت فزيت من شفته وراي ، غطيت جسمي شسوي هناا ..

ليش مايصير ..

باوعت عليه مو سبحت اطلع داسبح وحتى اسوي غده جوعانه ..

ابتسم تقرب علي جرني اله ،

رشيد لخاطر الله ..

اااش  باسني .. حاولت اتهرب منه ، بس ماكوو ، عرفت بي'شغله ، من شغله ايريدها يسويها يسويها لو طيرين .. خاصه بحقوقه ..

طلعت من حمام عظامي طكطك ، والله متت بيومها من تعب ونحول ، صح اكو الالم خفيف ، بس شلون واحد مريض بفلاونزه وجسمه منعنع هيج حسيت ، ميته جوع بس ما رحت اكلت ولا سويت اكل لفيت راسي ونمت ،

حسيت عليه جر الفراش ونام بصفي كبل بجيت هوو فزز وكام لحيله شبيج ياابه ..

نتر بي ابجي واشر بيدي :- متت رشيد كاافي بداعت امك كاافي تعبت ..

بهت هوو :- شمسوي ..

عطت بي :- مااريد خلص تعبت تاذيت ..

وبالقرعان ماريد شي جاي انخمد شبلاج ..

سكتت باوعت عليه بريبه ممصدكه ، تنام رشيد مو بعد شوي مو تكوم تحوص عليه ، والله ثم والله انزل انام بغرفه امك واقفل باب خلص حتى حيل ماضل بيه ..

ضل صافن بوجهي متفاجئ بعصبيتي :- استغفرالله لا ياابه جااي اندفس والله اريد انخمد اناا هم تعبان ..

سكتت وغمضت عيوني ، اجه تقرب عليه جمدت بمكاني ، حظني حيل ونام ..مانمت ولا غمضت عيني الا سمعت نفسه ثكل ، برغم ميته تعب ، بس الا تاكدت نام ويله امنت ..

ماكعدت الا المغرب ، بطني تقرر وخااويه احسها ، التفتت عليه مالكيته ، باوعت للغرفه فارغه وين راح هذا ، كمت لفيت روب عليه وطلعت احمي الاكل ..

اشكال جداري على الميز والثلاجه متروسه اكل جاهز ، كيك وكليجه من عدا الكبب والبورك وجداري تمن الملون والمرك ، منو طابخن مادري ،  طلعت اكل وحطيتهم على طباخ احمي  ، جاي اصب وسمعت صوت باب المطبخ انسد ،

انداريت عليه لكيته واكف وخال تك ايد بجيبه يباوعلي ..

ابتسمت ، وين جنت ..

بيت الحجي ..

جوعان موو اني جوعانه ..

هز راسه ماحجه ، بعيونه نظرات حلوه ، حسيتها والله حلوه ، خجلت ، شبيك ؟؟!

تدرين شكد حلمت بهاي الحظه من ادخل وانتي واكفه بمطبخنه وتسألين جوعان اصب اكل ..

ابتسم بهدوء ، سكتت مارديت عليه بس انتظرت يمكمل ..

لو من تعبان وتتلكيني مبتسمه محظرتلي ملابسي ، وتكولين اصبلك اكل ، لو من مهموم تشيلين عني وتسنديني ، تغريت محلامها وجهه ينتظر مني حجايه ..

سأل راح تسويهن لاا يتحققن لو لاا ..

تستاهل كل خير انته رشيد ، مااقصر وياك الله يشهد ماطول مماذيني ..

مالي نيه ازعلج بكد شعره ..

انداريت بسرعه على صوت وشهه الاكل شعوط البورك خرب ..

انداريت عليه احترك !! ..

ضحك وين اكوو مره تكلي بورك على عين جبيره نوب عاليه...

صوجك ليش واكف تحجي وياي بسببك سهيت ونسيته ..

هساع طلع صوجي ..

اي والله يم بيبي ابد مايحترك شي عدي ..

عجل ردي يمها باين حنيتي للحجيه ..

لا دخيلك ذلتني ذل هيه ومرت عمك ..

مااعاش يول اليذلج ..

ابتسمت ، تقرب اخذ الاكل من ايدي خلاه على ميز ، كمت صب وكعدت كباله .. سالته جوعان ...

الا ميت ...

خلص تقريبا كل الاكل ، حقه ماماكلين من بارحه الغده ، همزين ماخربنا من جوع ..

كلنه وشلت المواعين اخليهم على سنك داغسلهم ، هو كاعد يتفرج علي ، كل ماندار اشوفه صافن ، وكف بصفي غسل اديه .. كال تشوفين فلم لو ترجعين تنامين ...

كبل كتله لا لا اشوف فلم كاافي نوم ..

ضحك بكيفج ياابه ..

عافني وصعد ..

كملت شغل لبيت والمطبخ .. افتقدا علاا .. صدك علاا وين ..

خلصت وصعدت يمه ، لكيته مبدل ملابسه بتراك البيت ، شكله حلو يلفت بدون دشداشه والغتره ،  مشغل البلازما ويكلب يدور فلم ، الشعر مشط ليوره اسود ليل ، .. سالته على علاا ..

اندار علي ، تبات بيت الحجي جديتج مجلبه بيها ..

خطيه دز عليها خلي تجي ..

لاعوفيها هسه ..

بلعت ريك ، صاحلي تعااي هنا يمي ، تمشيت كعدت بصفه

شغل الفلم و تمدد على مندر بالكاع ماخذ راحته مد ايده جرني عليه ، خليت راسي على جتفه اباوع وياه ..

شو هذا نزل ايده على جتفي ومن جتفي نزلت على زندي ومن زندي على خصري تتلمس ..

عوجت حلكي موو اني ادري ، هو حظج نعل ياهناء وين مترحين ، يم مرت عمج دك شغل ويم هذا دك نوم ..

رفعت راسي عليه : رشيد 

ابتسم يباوع للتلفزيون مارد ..

احجي وياك ..

اندار عليه مبتسم شبيج ياابه ..

كاافي مو حاله هاي ..

شبيج ترى ممسوي شي لاتصيرين نكديه ..

درت وجهي للتلفزيون ضايجه ..

هو هم جر ايده خلاها على جتفي وسكت ماتحرك ..

ماعرف شلون غفيت بمكان ماحسيت الا صبح نايمين بالكاع ،

هو خطيه نص جسمه على كاشي مادري شلون مابرد واحنه مشغلين سبلت ..

اريد اتحرك ماكو مجتفني بيديه عبالك راح اطير .. حصت شوي ودفعته عني حس هو وكعد ، عيونه حمر وجهه مغندب ، ابتسمت على شكله ..

صحه وشافني مبتسمه تبشر بالخير عبالك منطيته الضوء الاخظر ..

كبل جلب بيه دفعت ماكوو ، متاذيه ترى كافي  ..

لاتجذبين وره كل مره اخمج مابيج شي ..

حتى بالجذب مافالحه ياهناء من امداج ..  ساعه وكمت للحمام سبحت وطلعت سويت ريوك ، علا المسكينه ماشفتها الا وره خمس ايام ..

قبل سبعه اجت بيوم ..

كعدت تسولفلي الظيم شافته يم مرت عمي، ضحكت هاي مرت عمج مخبله ياهو جاي تجلب بي تكرب عليها ، ماصدكت انتي موجوده تسدين مكاني ..

هلكت هلكت والله اديه ماتنن الله يعينج شلون جنتي متحملتها ...

خليها سكته ..

ثاني يوم السبعه ، علا الله يشهد والواحد يحجي مالات الله ، كشايه ماخلتني اشيل ..

كالت عود وره سبعه يله تشتغلين ، هاي امي جانت تكول هيج واني اريد اسوي مثلها تضلين ماتشتغلين روحي بدلي ومكيجي هسه الناس الي تبارك على جيه ..

والله صدك صعدت بين مابدلت وسويت مكياجي وشعري اسمع الهوسه بره ، رشيد قبلي لبس وتعطر ونزل ،

لبست بوقتها فستان بسيط لونه بصلي وبي حزام عريض ، وشحاطه فلات ام الاصبع ..

صعدتلي امي ، حظنتها بوستها ..

كتلها رشيد كال هند جابت بنت ..

اي خطيه ماكدرت تجيج دزتلج الهديه بيدي ..

شنو سميتوها . 

ابوها سماها ، غدير ..

ياافدوه للبنات . . شوي ونزلت اني وياها ..  بيبي كاعده رحت سلمت عليها ، استغربت ماسالتني ولا رزلتني ولا شي ، توقعت تسأل واني اصلا محظره الحجايه شكبرها بحلكي ، كلت الا اشكيلها من رشيد ،

بس مااسالت اتوقع باين عليه طيحان الحظ عليه من العلامات ، الي بوجهي وبركبتي ، ابتسمت بوجهي اي يمه صيري سباعيه بالكت تشيلين بساع ..

باوعت عليها بطرف عيني مانطقت ولا حرم بس احجي نتعارك ..

درت وجهي على امي وجان المح رقيه كاعده بصف امهاا ..

قل اعوذو برب الفلق .. هااي رقيه لو اني متوهمه شجابها ..

#يتبع

البارت اليوم يطك بالكاع ، القصه بعدلها بارتين ونودع ابطالنا ..

💜ورمضان كريم علينه وعليكم يمر انشالله بصحه وسلامه💜

#تفاعلكم_الجميل