رواية ثارهم وبنت الفقير الفصل الحادي عشر 11 - بقلم الكاتبة ترانيم 🤎

الـــثـــأر الــ 9 ⚔️

#بِــقــلَمــي_تـَـرانــِيــم🕊️.

_سِيرِينَ ...

توَادعنَا
وَ نسيت بـِ وَجهك عيُوني
شثگل هَجرك !
سِمّا و طاحت على متُوني

_ضـَرار ...

ثم يخرِج شعَورك
من عينِيك،
لأن داخِلك لم يعُد يتسع

__شلونكم حلويني..تصويتاتكم..وتعاليقكم لاتنسوها..ومتابعه للحساب ♥️🕊️,

_وصلت لنهايه الفرع كعدت على طابوكه والهث مدري شبيه دكات كلبي احسها صارت طبول ورجفه بجسمي

سيرين... يمههه شبيه وشصاير بحالي؟

وماحس غير سياره طبكت نزل منها نفس الرجال الشفته وضرار وياه

هالمره صدك تشاهدت على روحي ... شلون حظ وهذا منين يعرف ضرار

حرت شسوي وجهي صار ينطي الوان ورجليه احسهن نشلن من الخوف

نزل من السياره وابتسم بوجهي واتبعه الوياه

ضرار... واخيرا لكيتج

مازن... يمعوده البت كلشي ماتندل وطالعه من الصبح وضايعه همزين عرفتها تصير حرمتك

ضرار... اخوي ماتقصر ،عاين عليه وحجى يله امشينا خل انروح

عاينتله بتوسل بلكي يعطف عليه ويرحمني وانه لساتني بمكاني حتى ماكمت

مازن... اصعدو خل اوصلكم بطريقي

ضرار... ماريد اسوي زحمه عليك من غير شي انته متأخر على شغلك

مازن بضحك... نجب يمعوده وامشي هههههه

ضرار... صار

اجى سحبني من ايدي وعصرها حيل

سيرين بكلبي... هوه هذا حظي طلع يعرفني لاونوب حرمته سواني اقري على روحج السلام سيرين

فتحلي الباب الورى وصعدني مشينى شوي واني اصلا ممبتعده هواي

هسه حسيت نفسي شكد ثوله يعني هالمنطقه كاعد بيها هوه شلون ميعرفونه واصلا همه وين يعرفوني بس حظي الجابه عليه

نزلنا كدام البنايه واني واكفه ولانطقت بحرف وهوه يباوعلي بوعيد وانتقام

سلم عليه وراح ... اجى جرني من ايدي ومشى سريع

سيرين بألم... اي ايدي بس عوفني اني امشي

ضرار... انه اعلمج شلون تمشين اليوم هينه

سيرين بتوسل ... ماعيدها عليك الله بس لاسويلي شي

ضرار... اي چا غير تدللين

مشى يجرجر بيه واني ماضلت دمعه مانزلتها بلكي ينقهر عليه

وصلنى للشقه دفعني عالقنفه ودار وجهي بكف حسيت اذني صوفرت واختل توازني موايد توثيه

ضرار بعياط... وججج ك*** طالعه بنص الليل وانه مثل الجلب ادور عليج اكول هسه خطفوها سوولها شي

اجى لزمني من فكي ويعصر بي ... شسووويلج هاا احجي شسويلجج لايفيد وياج ضرب ولاهاين ولارزاااايل لجج عايقه احجي لو انبلع لسانج

صدك انبلع لساني نظراته والغضب اليحركني بيه كافيه انو تخليني اعيد التفكير بالصار

سيرين بتحدي... ردت اخلص منك وارجع لاهلي عبالك اضل كل عمري تحت رحمتك لاغلطان بكل مره تصحلي فرصه حتى اهرب منك ماضيعها

ضرار... تخلصين مني وترحين لكـ*ج لججج وحك علي احطن جيله براسج وبراسه ولاخليج ترحيلههه

صدك استفزني بكلامه وكأن لكاها حجه حتى يعيرني لويغثني

سيرين... اي اروحله ياخي شكد لزكه ماريدك كوا

سكت ورجع حجى بهمس يم ءاذني ... صرتي بين ايديه ومحد يخلصج مني هسه اشوفج الزكه شيسوي

اندك الباب وكام مني ... كمت بسرعه رحت للغرفه سديتها من الخوف والتوتر حتى نسيت اقفلها

اسمعه يحجي بس الصوت مواضح ... نزعت العبايه والشال رحت غسلت وجهي احس نفسي صرت نار

شوي واسمع صوت عياطه والتكسير مال اغراض
يمكن ماخلى شي ماكسره واني اروح وارجع بالغرفه

ابجي والطم عيشني حاله رعب ابد موطبيعيه

وكلساع اكول راح يجي ويموتني ومحد بحالي

عدت بطرف الجرباين واظافير من التوتر اعظ بيهن صرت حتى دم طلع ومادري بنفسي

هدئ واسمعه يحجي بالمبايل ويفشر

شوي وسمعت صوت خطواته وهو يتقرب كافي انو يسر الرعب بجسمي

كمت بسـرععهه ردت اسده بس هوه جان اسرع مني

دفع الباب حيل وارتطم وجهي بالباب والدم ضل يتنافر من حلكي من قوة الضربه حسيت صار ارتجاج بمخي

ضرار بخبث... افا عليج غير احب الوكحات

سيرين... عوفني الله يخليك ورجعني لاهلي واللّٰـه ماسويتلك شي شرايد مني

ضرار... تؤ احلام اليقظه هاي لفيها وحطيها ب**
شكد ماتحاولين تهربين مني بس ترجعين لقبضتي

سيرين... اريدن ابوي وين اهلي رجعنننني

ماحسيت غغـيـر كف دار وجهي والدم ضل يجري من حلكي وخشمي مثل النافوره صرخت بصوت عاليه من قوة الضربه

ضرار... بربوك ماهيس حسجج ابوج الك**" اذا جبتي سيرته كدامي الا اشعلج

فتحت عيني علئ وسعهن من كلامه احس نفسي مربطه شلون ديفشر على ابوي فشار مينلبس عليه ثوب ويكفر

اخرها صار يكسر بالغراض خفت تجيني ضربه منه وتموتني بمكاني

زحفت علئ رجليه وحصرت نفسي بزاويه الغرفه وحطيت ايدي علئ اذني

ضرار بعياط... ولكممم ك***ـد كله بسبببكم واللّٰـه لامحيكم واحد واحد خوات ال***ـه

اجئ عليه وسحبني من شعري وصار يعت بيه حسيت فروه راسي تكطعت بيده من الجر

ضرار... وانتي حسابج بلش وياي بالعباس لااراويج نجوم الضهر بعزهم اذا ماخليتج تتوسلين وتبوسين الرجلين بس حتى يخلصوج مني وربي فلا اشفعلج

سيرين ... ليش انـتـهـه تعرف ربك حتى جاي تحلف بيه

ضرار ... حسججج لاتسمعينيا عرمه

دفعني ونزع قميصه وصار يضرب بيه وهوه ضخم كلش ...بحيث ماعرف الضربه منين تجيني كل ضربه منه تجي اقوى من القبله وكأن جاي يصب غظبه بيه

مكدرت احرك لايد ولارجل والألم موطبعيني وينهش بروحي

بلكوا طلعت صوتي وعطت عليه
سيرين بألم وتحدي... عووووفني تعبتت من ضربك ليش جااي سوي هيجج هيهه هاي رجولتك جاي تتقوى على مره

ضرار... اعوفج موو صار ، وبعدج ماشفتي شي من رجولتي

فرحت عبالي صدك حيعوفني راح طلع من الغرفه

كمت لميت شعري الي محاسه بيه تلمسته بيدي شفت الدم يجري من راسي ماعرف منين

كمت ازحف علئ ركبي اريـد شي اتكئ عليه حتئ اكوم ... شفته دخل ويتمشئ بطئ وبيده سلاسل وقفل

ضرار ببرود وابتسامه على ثغره ... تردين اعوفج موو؟

سيرين... شنـﯠ هذا شحسوي؟

ضرار ببرود... نلعب شوي

سيرين... حسيت روحي فقدت وصرت اعيط وججججج يمه وينججج بابا تـععاال ويـن عفتني

ضرار... هههههههههه منو يسمعج ها بححح مـاكـو احد بس انه وياج وحدنا

سيرين ببجي... الله يخليك لاسويلي شييي يممممه وينججج تعاليلي

اجئ تقدم عليه وضربني بيده علئ حلكي

ضرار... اششش كومي
لزمني من زندي وكومني من قوة قبضته حسيت ايدي نكسرت

عاف السلاسل بلكاع واجئ وكف كدامي ويحك بلحيته وعيونه يتطاير منهن شرار غضب الجكارة بحلكه والدخان يدخل بخشمي احسه يخنك بيه

ضرار... خليني شوي استمتع وياج بس شوفي ماريد اسمع نحيبج قسم بـربـچ اطكج بمكانج واموتج

_ من الخوف هزيت راسي وسكتت سحبني وراه واخذني للحمام
وكفني علصفحه وراح ترس البانيو مي واجئ عليه

ضرار... نزعي

هزيت راسي برفض وماحسيت غغـيـر ضربه منه فقدتني توازني

سيرين بألم... اخخخخخ يمه راسي

ضرار... وجعه بكلبج

سيرين بكلبي... بكلبك انشالله يالمختل ،اريـد اكومم ماكادرة اوكف حتى على رجليه ضرباته يركزهن بأماكن تخليني حتى ماحس بجسمي

ضرار بعياط... كوووومي كلللللت

_كمت بسـرععهه من الخوف صوته معقوله محد يسمعه حتى حسيت طبله اذني نزرفت من ورا

وكفت كدامه واطوطح مثل واحد سكران دوخه مسيطره عليه وماحسيت غير شك الثوب عليه من طوله

الغصه بلعومي ماكادرة ابلعها وخاصه بهيج منضر وكدامه ... رجعت ليورئ وغطيت نفسي

سيرين بتوسل... احلفك تعوفني لاسويلي شي

ضرار... اعوفج بس موهسه بس خلصفي احساباتي واطيرج ... باوعلي بنظره ماعرف افسر معناها وحجى

ضرار... كبرتي بس مثل ما انتي وجن البت الجانت ... وسكت ماكمل

شقصده هذا ؟

راح سد الحنفيه ورجع عليه سحب الثوب مني وضليت بالداخليات

_ ضرار نفخ بضيق وعصبيه... ياخي منشوفج اكرهج واقرف منج ماكول غغـيـر ربي يصبرني

اجئ سحبني و شمرني بالبانيو
من بروده المي عطت بصوت عالي

سيرين... اشااااه يمههه بااردة

ضرار... اششش لج عايقه صوتج جنه صوت ك***

راح ورجع بيده السلاسل ... اجئ سحبني من شعري وغطني بالمي

فقد عالاخر واني وروحي تنازع جوا المي دعيت ربي بس احد يجي ويخلصني من الا أني بيه خلاني اتندم لان خطيت هالخطوه وهربت منه

اخر شي
جاب السلاسل وربطهن بالحنفيه وربطني من ايديه ورجليه

ضرار... ضلي هناه من يصيرلي مجال اجئ افكج

سيرين... الله لاينطيك يالظالم

ضرار... وبعده لسانج بطول الن**
ماتوبين

ضميت رجلي لصدري اريد شي ادفئ بيه
والمي بدئ يجري وينزل عليه

ساااااااعات طويله واني علئ هالحاله
السلاسل بيدي ورجليه وماكادرة اتحرك
وصرت بنص المي من شدة بروده احسه ثلج

كلشي صار يتلاشه واحس روحي عتطلع شوي شوي

سيرين... ربي اخذ روحي وخلصني من هالحياه شتحمل بعد

يمهه وينجج تعالي ليهه وين عفتيني هيج هنت عليكم ونسيتوني شفتو منه ولحد هسه مبقيني عند هالظالم

غمضت عيني وماحسيت علئ شي بــعد صرت افقد واكعد واني على هالحاله

مر من وقت حسيت علئ صوت خطواته وعطره السابقه الي من اشمه احسه يخنك بريتي

وكف يم راسي وينفخ بغضب ماعرف شكد مر وقت وهوه على هالوكفه احس جسمي مبنج من الالم واني بنص المي وبروده المي تصك بعظامي ... اخر شي كسر الصمت وحجى

ضرار... ذنبج انو انتي بنته

اخر كلمه سمعتها قبل لا افقد كلشي

_كعدت بلكوا احس جسمي مكسر احس حروره تطلع من جسمي والالم موطبيعي مجاي اكدر اتحرك

فتحت عيني وعاينت بارجاء الغرفه عبالي حلم اريد استوعب الصارلي وشلون بعدني عايشه شوي وقطع تفكيري

دخول مره واتبعتها بنت بعمري يمكن او اصغر مني

عاينتلي وابتسمتلي،هلا بنيتي واخيرا كعدتي

سيرين... هلا خاله ليش شكد صالي نايمه

غيد... چا غير صالج ثلاث ايام فاقده وصخونه تدك بيه

سيرين... ولاحسيت

غيد... حقج يابه اذا وجهح من جسمج ميبين بسبب اثار الضرب

عاينتلها الحجيه خزرتها وسكتت اجت كعدت يمي وتتكئ على عوجيتها

انتبهت عليها نفس المره الشهدت على عقدما معقوله وشجابها يمي

الحجيه... يمه شلون صرتي

سيرين... خاله جسمي مكسر احس الحراره دتحرك بيه حرك والألم موطبيعي

الحجيه... يمه غيد امشي سوي شوربه للبت خلها تصحصح وتاخذ دواها

غيد... صار يوم

راحت البنت وبقينا بس احنى مسحت على راسي بحنيه ،وجن شميت بيها حنيه امي

تذكرتها ونزلت دموعي شصار بحالها هسه وشلونهم بدوني معقوله صدك نسوني

وهيه المره حارت شلون تسكتني

الحجيه... وجج يمه شمالج عليش هالبجي

سيرين... اشتاقيت لاهلي وموراضي يرجعني

الحجيه... سوده عليه اصبري بنيتي الله يهدي عليج هالمسودن

سيرين... شجابني هناه ومنشوكت اني بهالحاله

الحجيه... يمه جا صوت عياطج يدوي البنايه والناس قليله هناه المنطقه بعيده وماكو مستأجرين هواي يكعدون هناه

اجانى ضرار يلهث والخوف مبين عليه عرفنا هالمسودن ضاربج وجان متي بيده

وشكد حاولنه نحجي وياه وكلمره يحذرنه ندخل عبن شننو رجال وحرمته

يمه من عصبيته حتى اتعجب على روحه شلون مسوي برويحتج هيج

ضمدنا جروحج وانتي لا ايد ولارجل والصخونه دك بيج مافكتج وهالتشوفين صار ثلث ايام احنى يمج

... كل كلمه تكولها احسها سجاجين وتطعن بيه هالمره اجيت اموت بايده وهوه اليضمد جروحي

شتحمل بعد اكثر كارهه حتى سيرته

الحجيه... يمه ليش جابج هناه واهلج وينهم

سيرين... حجيتلها كلشي من البدايه ودموعي ماتوقفت ... يمكن اكثر شي جنت محتاجته هوه اشكي لاحد حالي

كومتني اسبح حتى الصخونه تخف شوي وهيه خطيه بلكوا رجليها تعينها اخذت الملابس وياي

دخلت للحمام كلشي مرتب،تذكرت شلون ربطني بالسلاسل وعذبني بهالمكان ، عاينت بالمرايه اثار اصابعه على خدوي وجروح بكل مكان

الزراق محاوط عيوني وطارف شفتي مجروح

نزعت ملابسي واتفحص بجسمي... اخترعت من الحاله الاني بيها صرت اعيط وادعي عليه

المره ادك الباب حتى صوتها راح واني مستمره ابجي وانحب على حالي استغفرت ربي وكمت

سيرين... حسبي الله ونعم الوكيل

سبحت وكملت لبست وطلعت لكيتها منتضرتني واني احسن بنفسي فاقده جسد بليه روح

ماحاجتني ولاسألتني رحت كعدت وهيه جابت المشط والمنشفه فكت شعري على طوله

الحجيه... اللهم صلي على محمد وال محمد چا يمه شماله شعرج يوكع

سيرين تنهدت بألم وحجيت... خاله ضلت على شعري

شوي واجت بنتها بيدها صينيه

واجى وراها ضرار... اني شفته لوجن شفت ملك الموت كمت ختلت ورى المره وهوه واكف بمكانه

عافت الصينيه وراحت

ضرار... هلا حجيه

الحجيه... هلا بيك وليدي

ضرار... شلون صارت

الحجيه... شوي احسن

ضرار... خلها تاكل وتشرب دواها تلكي بالصاله

عافنا وراح وهيه سحبتني من ايدي وكعدتني

الحجيه... يمه لاتخافين لوتشوفي شلون يلوب عليج وبلكوا صابر على روحه

سيرين... وبسبب منو اني لهالحاله ؟

الحجيه... الله يهديكم بنيتي يله تعالي اكلي

سيرين... مااشتهي كلشي ماريد

الحجيه... چا يمه غير شربين دواج

سيرين... ماريد ولا اشرب بلكني اموت واخلص منه هيج يرادلها حظ

وماحس غير هوه يقتحم الغرفه وعاكد حواجبه

ضرار... حجيه خلينى ابوحدنا

الحجيه... يمه البت مريضه شرايد منها هسه اخليها تاكل

ضرار ... ماسويلها شي بس احجي وياها

كامت الحجيه ولزمت ايدها عاينتلها بتوسل حتى لاتعوفني بحدي خايفه يأذيني حتى تعبت من كثر الضرب

الحجيه... يمه لاتخافين مايسويلج شي

خذت عوجيتها وراحت اجى تقرب يمي بخطوات بطيئه كل خطوه يخطيها باتجاهي كلبي ينقبض

ضرار:.....

_(توقعاتكم للبارت الجاي 🌚؟)

يـــتـــــــبــــــــع....